رواية سلاسل ام غراب الفصل 10-11-12-13الاخيربقلم حنان حسن (جميع الفصول كامله)

رواية سلاسل ام غراب الفصل 10-11-12-13الاخيربقلم حنان حسن (جميع الفصول كامله)

رواية سلاسل ام غراب الفصل 10-11-12-13الاخيربقلم حنان حسن (جميع الفصول كامله)

سلاسل ام غراب

الجزء العاشر

للكاتبة..حنان حسن

بعدما عرفت من مراة البواب...

 ن الي وصل عمة كريم بية للساحرة...

هي...( دندوشة)

فا فهمت طبعا...

 ان الساحرة تبقي( ام غراب)

فا سالت مراة البواب 

وقلت...

طالما عمتة بالشر ده

وممكن تكمل في شرها وتاذي  الست ثريا 

 وكريم بية كمان؟

ليه محاولتيش ..

تقولي لكريم بيه ..

علي الي حصل وتحذرية منها؟

فا ضربت مراة البواب علي صدرها

وقالتلي..يا حومتي 

انتي عايزاني اعادي عمتة؟

عشان اضيع نفسي انا وجوزي الغلبان

قلت..

ليه بتقولي كده؟

قالت..يابنتي  احنا مهما روحنا ولا جينا 

خدامين عندهم

وهما اهل في بعض

ولو قولت الكلام ده لكريم بية

عمرة ما هيصدقني..

وخصوصا ان مفيش دليل علي كلامي

ومش هينوبني غير اني ابقي عاديت عمتة 

وهلاقي نفسي برة الفيلا انا... وجوزي

ده لو متاذتش منها ومن الاعمال الي بتعملها كمان

قلت...ايوه بس .......

وقبل ما اكمل كلامي ...

لقيت الباب بيتفتح

ودخل البواب

 عليا انا ...ومراتة.

فا اتوقفت عن الكلام

وعرفتة زوجتة 

اني جاية اعمل مكالمة من الموبيل بتاعة

فا اداني الموبيل

وخرجت الجنينة

واتصلت بامي فورا

ولما ردت عليا

سالتها..

قلت..بنتي فين يا امي؟

قالت..بنتك هنا يا عفاف

 مالك؟

قلت..انتي متاكدة انها بخير؟

قالت..

بقولك البت قاعدة جنبي وزي الفل اهية 

جرالك ايه؟

قلت..الحمد لله

طيب اسمعي يا امي

عايزاكي تاخدي بالك منها 

اوي والنبي

فا ردت امي 

وسالتني

وقالت..

ما تقولي في ايه يا عفاف

 مالك؟

وقلقانة علي البت كده ليه؟

قلت...عشان.....عشان.....

عشان.. حلمتلها  حلم وحش اوي وخايفة يتحقق

فا ردت امي

وقالتلي.. 

مهو طول منتي 

في بيت  الغراب

 الي بعتيني انا واخوكي عشانة

هتشوفي الكوابيس وانتي نايمة وانتي صاحية كمان

قلت..

المهم يا امي

ابوس ايدك تاخدي بالك من بنتي

قالت..اقفلي يا عفاف وبطلي هبل

وفعلا..قفلت الموبيل

وحمدت ربنا ان بنتي بخير

وبعدما رجعت الموبيل للبواب

رجعت علي الفيلا

واول ما دخلت من الباب

لقيت ادارة واقفة بتنظرني

وبمجرد ما شافتني

سمعتني كلمتين ملهمش لازمة

عشان... اختفيت شوية بدون 

ما اقولها انا فين

فا حاولت افهمها الي حصل

وقلت..

معلش... اصلي روحت للبواب عشان 

استلف موبيل 

اصل امي كانت تعبانة وقولت اطمن عليها و.....

وقبل ما اكمل كلامي لقيتها وقفتني 

وقالتلي..هشششش

انا مليش دعوة بظروفك

امك تتعب  ولا تولع شيئ ميخصناش

انا يخصني الشغل

وبسببك دلوقتي 

 ثريا هانم مخدتش الدواء في ميعادة 

وده طبعا ممكن يعرض حياتها للخطر

قلت..اسفة 

هدخل اعطيها الدواء خالا

فا منعتني من الدخول

وقالتلي..

انا قولتهالك قبل كده

 لو قصرتي في شغلك...

هتمشي من هنا

وانتي كده قصرتي فا اتفضلي بالسلامة

للكاتبة..حنان حسن

في اللحظة دي 

شوفت كريم بية جاي ناحيتنا هو... وعمتة

 وكان واضح

 انهم سمعوا الحوار الي حصل بيني وبين ادارة

وفجاءة

لقيت كريم بية بيشاور..لادارة بايدة

عشان تقف عن الكلام

وكأنة بيقولها..اسكتي انتي

وبعدما اتكتمت

..وجهلي سؤال

وقالي..

هو ينفع حد يمشي بدون موبيل يا عفاف؟

قلت..منا كنت هشتري موبيل اول ما اقبض و....

وقبل ما اكمل واقول مبرري

ردت عمتة

وقالت..

كل دي حجج فارغة...

الي حصل ده اسمة اهمال..

فا قاطعها كريم بيه

  في الكلام

ورجع يوحهلي سؤال جديد

وقالي..

اطمنتي علي والدتك؟

قلت...اه الحمد لله

فا رد عليا 

وهو بيخرج من جيبة 

 حاجة عاملة  زي الفيزا 

 وقالي...

خدي ...هاتي كل اللبس الي انتي محتاجاه

وهاتي كمان موبيل

فا بصتلة عمتة بغيظ

وسالتة

وقالت..ايه الي انت بتعملة ده

 يا كريم؟

انت بتكافئها علي اهمالها؟

فا بصلها 

وقالها...

مفيش اهمال ولا حاجة

انا الي اديت لعفاف اجازة

 النهاردة 

عشان تنزل تشتري لبس

وبصلي وقالي...

يلا يا عفاف روحي بسرعة

 عشان تلحقي تشتري حاجتك

وسابنا ومشي بعدما

 ساب معايا الفيزا بتاعتة

للكاتبة...حنان حسن

وفي اللخظة دي

لاحظت ان عمتة كانت هتنفجر من الغيظ

وادارة كمان 

كانت عايزة تولع فيا بجاز

عشان كده

سيبتهم... ومشيت بسرعة من ادامهم

وفعلا خرجت مع السواق

 الخاص بكريم بية 

عشان  اشتري الهدوم

وطول الطريق

 كنت ببص ع الفيزا

واقول لنفسي

ازاي يا حضن عايزني  اخون الراجل

 الي اكرمني..واقتل امة؟

ده استحالة يحصل ابدا

وفضلت سرحانة...

 ومش عارفة هعمل ايه؟

 بعد المهلة الي اعطهالي حضن ما تخلص؟

فا فوقني السواق بصوتة..

وقالي.. وصلنا عند المول 

فا نزلت من العربية

ودخلت اول محل قابلتة في المول

واشتريت فستان واحد

وبعدها ..

فضلت اتمشي شوية

لغاية ما شوفت محل فية فرش للشعر  

فا جيبت اتنين

واحده ليا..

وواحدة للست ثريا

وقابلني محلات كتير للموبيلات 

لكن...مجيبتش موبيل 

ورحعت مع السواق

 علي الفيلا

بفستان واحد ...

وفرشتين للشعر

اصلي بصراحة

 مزاجي كان زي الزفت

وكمان استحرمت الفلوس

 الي هاخدها من كريم بية

لاني كنت ناوية امشي..

 قبل ما الشيطان حضن

 يورطني...

 ويخليني اقتل فعلا

للكاتبة...حنان حسن

المهم..

بعدما رجعت ع الفيلا

دخلت علي اوضة المكتب

الخاصة بكريم بية

ومديت ايدي بالفيزا

وقلتلة...اتفضل

فسالني

وقالي..جيبتي كل الي انتي محتاجاه؟

قلت..ايوه

فسالني تاني

وقالي...اوعي تكوني نسيتي الموبيل ؟

قلت..لا انا مجيبتش موبيل

فا بص علي الكيس الصغير الي في ايدي

الي فية الفستان

وقالي..

فين الحاجة الي جيبتيها؟

قلت.. انا مجيبتش غير فستان واحد

قال...ليه؟

فا رديت وانا بضع الفيزا علي مكتبة

وقلت..

 عشان انا مش محتاجة غير فستان واحد ...

وهغير فيه 

مع الطقم الي انا لبساه

 ولما اقبض...

 انا هبقي اجيب من فلوسي طقم تاني

فا ابتسم..

وقالي..

يعني مجبتيش الموبيل؟

افهم من كده انك هتعملي زيارات تانية لمراة البواب ؟

قلت..لا...

لما احتاج موبيل

هبقي اروح اتكلم من الكشك

 الي في اول الشارع

فا ابتسم تاني 

وقالي

خلي بالك..لو ادارة جتلها جلطة هتبقي انتي السبب

فا ابتسمت بخجل

وقلتلة..

شكرا علي الفستان

فسالني

وقالي....هو لونة ايه؟

قلت..هو ايه؟

قال..الفستان

فا مديت ايدي بالكيس

واديتهولة

فا فتح الكيس

وخرج فرش الشعر ...

وفضل يتفرج عليها ..

وهو مستغرب

وسالني..

وقالي

لية جايبة فرشتين للشعر؟

هي الفرش هتغلي ولا ايه؟

فا ابتسمت

وقلتلة...

لا دي واحدة ليا..

وواحدة للست ثريا

 اصلها بتبقي متدايقة 

لما باجي اسرح لها بفرش الشعرالي هنا

فا دي هتبقي طرية على راسها

فا بصلي  بتعجب

وقبل ما يرد 

اتفاجئنا بالباب بيتفتح

وفي اللحظة دي

ودخلت علينا عمتة..

وفضلت تبصلي انا ...وكريم بية

وكأنها ظبطتنا في وضع مخل بالشرف

وفي الاخر 

سالتني

وقالتلي...

انتي بتعملي ايه هنا يا بنت....

روحي شوفي شغلك

قلت...حاضر

وفعلا ...روحت علي اوضة الست ثريا

وبعدما دخلت عندها

لقيتها قاعدة علي الكرسي

 المتحرك بتاعها

فا قربت منها ...وانا ببتسم

وقلتلها..

معلش اسفة لو كنت سيبتك شوية

اصلي كنت بجيب فستان

اه صحيح..

شوفي جيبتلك اية؟

وطلعت فرشة الشعر من الشنطة

وقولتلها..

دي عشان حضرتك

شوفي ناعمة ازاي؟

من النهاردة مش هتتالمي...

لما حد يسرحلك شعرك

انا عارفة انها مكنتش سمعاني

بس الغريبة..

 اني شوفت علي وشها ابتسامة ونظرة رضا

فا قولت ..

يمكن تكون شافت الفرشة وعجبتها

للكاتبة..حنان حسن

المهم...

 مراليوم

وجة وقت وجبة العشاء بتاعة الست ثريا

ومفروض بعدها

انها...

هتاخد الدواء بتاعها 

..وتنام

 واثناء ما كنت باكلها بايدي

لقيت ادارة دخلت عليا

وقالتلي..

 هي اخدت الدواء ولا لسة؟

قلت لسة ...بعد الاكل 

فا قالت..

طيب سيبي الي في ايدك

واسمعيني

قلت..نعم؟

قالت

  كريم  بية اتصل بيا

و بيقولك ..

هو دلوقتي مع الدكتور بتاع العلاج الطبيعي

الخاص بالست ثريا

وعايز يعرف

 مقاس رقبة والدتة 

عشان بيشتري لها جهاز لرقبتها

فا قولت...

وانا هعرف ازاي مقاس رقبتها؟

انا مش معايا مازورة ولا متر

فا رمتلي سلك الشاحن

وقالتلي..اتصرفي

لفي سلك الشاحن علي رقبتها

وعلمي علي المقاس.. وخلاص

قلت..ماشي

وفعلا..لفيت سلك الشاحن علي رقبة الست ثريا 

وحددتلها محيط الرقبة

 وبعدما اخدت مني المقاس

لقيتها اخدت زجاجة الدواء

 بتاعة الست ثريا 

وبتجهزلها الدواء

فسالتها

بتعملي ايه؟

فا قالت

اكليها انتي

 وانا هجهزلك الدواء علي ما تخلصي 

قلت...لا استني

لان الدكتور حذرني من الدواء

ده بالذات

وقالي..

ان نقطة زيادة منه 

خطر علي حياتها

فا ردت ادارة

وقالتلي..

طيب اية رايك؟

سبعة نقط ...

مقابل 

٧ نقط علي يمين رقم اتنين

قلت..مش فاهمة؟

قالت..

لو قبلتي تحطيلها سبع نقط زيادة من الدواء

هتاخدي ٢ مليون جنية

قلت..انتي بتقولي ايه؟

سبع نقط يعني ممكن الست ثريا تموت

فا ردت ادارة

وقالتلي..ما كلنا هنموت

قلت..يعني عايزاني اقتلها؟

قالت...بصراحة ايوه

قلت...

وده طبعا طلب عمة كريم بية

صح؟

قالت..ملكيش دعوة 

المهم موافقة ولا لا؟

قلت..

طيب ولية انتي معملتيش كده من ورايا؟

واخدتي انتي ال٢ مليون جنية

منا كنت بره طول النهار

فا ردت 

وقالت...

مهو مينفعش حد غيرك انتي.

.

لازم انتي الي تحطلها..

 جرعة الدواء الزيادة

ولازم...كمان...

 الكاميرة تلقطك وانتي بتحطيلها الدواء

وده مش هيتم..

 غير لما  كريم بيه

 يحطلنا الكاميرات الي قال عليها

اصلة اتصل بالفني

 وقال انه ...

هيركب كاميرات في اوضة والدتة 

من بكرة الصبح ...

عشان يتابع امة وهو في اوضتة

قلت..

يعني انتوا لما عرفتوا انه هيركب كاميرات

بكرة الصبح

قولتوا ..تقتلوا الست ثريا بايديا انا

 وانتوا متاكدين انه هيشوفني وانا بديها الدواء؟

قالت..ايوه

قلت...ايه الهبل الي انا بسمعة ده؟

والمفروض بقي اني اوافق..

 واقولك..

 يلا خلية يصورني..

 وانا بقتل امة؟

فا ردت ادارة  بمنتهي الثبات

وقالتلي..

اهدي ..عشان تفهمي

 احنا حسبناها ازاي

وبدات ادارة تشرحلي خطتهم

قالت

الدكتور قال..

ان الجرعة الزيادة

هتعملها هبوط حاد في القلب

والست ثريا مريضة 

يعني وارد جدا ..

ان واحدة زيها تموت 

في ظروفها الصحية دي 

وانتي...ملكيش مصلحة

يعني محدش هيشك فيكي

فا الوفاة هتبان طبيعية

وانتي هتستفادي 

لانك هتطلعي من العملية البسيطة دي

 ب٢ مليون جنية

ها..؟

اية رايك؟

بعدما سمعت كلامها وسؤالها

بصتلها

وقلتلها..انتوا ناس معندكوش ضمير

وانا هفضحكم

فا وقفتني عن تهديدي

وقالنلي...

لو اتكلمتي هقلب الدنيا عليكي

وهقول لكريم بية...

اني دخلت عليكي وانتي بتخنقي الست ثريا

فا اهدي كده  ووافقي علي الي قولتهولك

وافيد لك انك  تخديلك قرشين

تستفيدي بيهم 

بدل المرمطة في بيوت الناس

للكاتبة...حنان حسن

في اللحظة دي

بصيت علي الست ثريا

لقيت عنيها في عنيا

فا بصيت  لادارة..

وقلتلها..

يعني مش مكفيكوا كل الي حصل للست المريضة دي

عايزين كمان تاخدوا روحها؟

فا ردت ادارة 

وقالتلي

ايوه احنا ناس ظالمة

ومش بنراعي ظروف حد

ولا هنراعي ظروفك انتي كمان لو رفضتي تتعاوني معانا

للكاتبة ..حنان حسن

في اللحظة دي

حسيت ان الدم غلي في نفوخي

وقلعت الشبشب من رجلي

ونزلت بيه علي دماغها

وانا بنادي بعلو صوتي علي 

كريم بية

وقلتلها... 

اقسم بالله لا افضحكم يا عالم يلي مبتعرفوش ربنا 

فا حاولت ادارة

 تقاومني

  لغاية...ما اتغلبت عليا

 وقدرت تاخدت مني الكوتشي

واتعكس الوضع..

 وبدات تضربني بيه

في اللحظة دي

للكاتبة...حنان حسن

لقيت كل الي في البيت اتلموا في اوضة الست ثريا

بما فيهم عمته ...وبناتها

 الي مصدقوا يسمعوا الجلبة...

عشان يتصلوا بالبوليس 

وبعدما عملت اتصالتها

قالت للطباخ وباقي الخدم

..

خليكوا ماسكينها لغاية ما توصل الشرطة

فا جه كريم بية 

علي صوت الدربكة الي حاصلة

 وسال..

وقال..فيه ايه؟

فا ردت ادارة

وقالت..

 انا... وعبدة الطباخ دخلنا علي البت دي...

لقيناها بتحاول تخنق الست ثريا

 بسلك الشاحن

 ولما جينا نمنعها هبشت فينا

وكانت عايزة تقتلنا احنا كمان

واستشهدت بالطباخ

وسالتة

وقالتلة..

مش حصل يا عم عبدة؟

قالها..ايوه حصل

انا شوفتها بعيني وهي بتحاول تخنق الست ثريا

وبعدها...

 رد السواق كمان

وقال...

وانا كنت قاعد في الجنينة ..

وهي بتتكلم في الموبيل

 وسمعتها وهي بتتفق مع حد..

 علي انها هتقتل الست ثريا...

 وهتقبض في المقابل فلوس

فا صرخت فيهم

 وقلت

كدب... والله العظيم كدب

يا كريم بية

فا فضل كريم يسمع للجميع

وهو مزهول

فا ردت ادارة

وقالت...الحمد لله اني عملت حسابي ..

وصورت الي انتي عملتية

 عشان متقدريش تنكري

وفعلا..

اكتشفت انها...

 مصوراني وانا بلف سلك الشاحن 

علي رقبة الست ثريا

 ساعة ما اخترعتلي موضوع المقاس

وراحت تقرب علي كريم بية

وفرجتة علي الفيديوا

وفي اللحظة دي

امرهم كريم بية

 انهم يهدوا ..لغاية ما يتحقق من رقبة امة

ويشوف فيها علامات للخنق فعلا ولا لا؟

لكن..

قبل ما كريم بية يتحقق

وصل رجال الشرطة بسرعة 

علي غير العادة

وفي ثواني 

لقوا بين ايديهم..

  الفيديوا... 

واكتر من دليل...

واكتر من شاهد زور

وانا كنت واقفة مش قادرة

ادافع عن نفسي

عشان معنديش دليل علي كلامي

 وطبعا عمتة.. وبناتها....وادارة...

كانوا فرحانين من جواهم..

لانهم  بكدة

 قدروا يخلصوا مني 

ويخرجوني من البيت زي الي قبلي

لكن انا كانت حالتي اصعب

من الي خرجوا قبلي

 لاني كنت هخرج وانا  متهمة بجريمة شروع في قتل

المهم..

بعدما  الظابط سمع شهادة الشهود الزور..

 وشاف الفيديوا

امر رجال المباحث انهم يحطوا في ايدي الكلبش

 ويسحبوني علي القسم

زي المجرمين

فا فضلت اعيط

وادعي ربنا

واقول..

يارررب انجدني

 انت عالم اني بريئة

وفي اللحظة دي

سمعت صوت

بيقول ...

قولهم يسيبوها يا كريم

البت دي بريئة ...

فا التفت الجميع  ناحية الصوت الي كنت اول مرة اسمعة

واتفاجئنا كلنا ...

بان الي اتكلم حالا

هو شخص لا كان يخطر علي البال ولا الخاطر

عارفين الشخص الي انقذني منهم طلع مين.......؟؟؟

سلاسل ام غراب 

الجزء الحادي عشر

للكاتبة...حنان حسن

بعدما كنت خلاص...

علي وشك اني اتحبس

بتهمة الشروع في القتل

و لبست الكلبشات في ايديا فعلا....

فجاءة ...

ظهر الي انقذني من الورطة

 الي انا فيها دي

وده حصل ..

لما سمعت صوت 

كنت اول مره اسمعة

وصاحب الصوت...

 كان بيخاطب كريم بيه

وبيقولة..

متخليهمش ياخدوها يا كريم

البنت دي بريئة

في اللحظة دي

اتجهت عيون الجميع باتجاه الصوت

واتفاجئنا بان صاحبةالصوت  

هي...(الست ثريا )

وفي اللحظة دي

كريم بية فضل متنح شوية

 و مكنش مصدق نفسة

وبسرعة جري علي الست ثريا

 وفضل يبوس ايديها ..وراسها ويقولها..

انتي بتتكلمي... وبتتحركي كمان

يعني خفيتي؟

حمد لله علي سلامتك يا امي

فا بصتلة امة

 وقالتلة...

الله يسلمك يا حبيبي

انا بيتهيالي ان ربنا شفاني بس

عشان انقذ البنت المظلومة دي

(ادارة مجرمة والبنت بريئة)

انا كنت سامعة وشايفة كل حاجة

لكن مش قادرة انطق 

وبمجرد ما شعرت برغبة في اني ابرئ عفاف

فجاءة..

  لقيت نفسي بتكلم وبتحرك معرفش ازاي

في اللحظة دي

اقترب ظابط المباحث

 من الست ثريا

وسالها..

وقال..

طالما قدرتي تتكلمي يا حاجة ثريا

 يبقي لازم ناخد اقوالك

فا ردت الست ثريا بحماس

وقالت..

ايوه انا عايزاك تاخد اقوالي...

 وانا هحكيلك علي الحقيقة كلها

للكاتبة...حنان حسن

وفعلا..

الست ثريا سردت الحقيقة كلها.. للضابط

وقالت علي كل الي شافتة وسمعتة

وشرحت للضابط

 الطريقة الي خدعتني بيها ادارة

 عشان تغصبني علي قتلها

فا بصلها الضابط

وقال..

يعني انتي بتشهدي

 ان المتهمة 

بريئة من محاولة قتلك؟

والي حاول يقتلك هي..مديرة مزلك

  زكية...الشهيرة ب ادارة ؟

قالت...ايوه اشهد بكدة طبعا

فا اخد الضابط اقوالها...

وبعدها ..

بدء يوجه ل.. ادارة 

 الاتهام المنسوب اليها؟

وبدل ما ادارة تعترف علي عمة كريم...وتفتش المستور

بصت في الارض

وقالت..ايوه حصل..

انا طلبت من الجليسة عفاف انها تقتل الست ثريا

مقابل ٢ مليون جنية

 وعفاف رفضت فعلا

فرجع الضاب  يسالها تاني

وقال..ومين الي طلب منك تعملي كده؟

وبرضوا بدل ما تراجع نفسها

 وتحاول تتبرء من التهمة

 وتقول ان عمة كريم هي السبب

اصرت علي الاعتراف...

 بانها هي الي...

 اقدمت علي ارتكاب الجريمة بمفردها

لانها انها كانت بتكره الست ثريا

واعترفت علي نفسها فقط

فا امر الضابط  يفك الكلبش عن ايدي 

ووضعة في يد ادارة.. والطباخ ..والسواق 

و كل الي اتورطوا مع ادارة وشهدوا زور ..

راحوا معاها

في اللحظة دي

انا بصراحة ...كنت عايزة اشهد علي عمتة

 واقول..ان كل الي حصل ده كان بتحريض منها

لكن...التزمت الصمت..

لما لاحظت ان الست ثريا اتسترت عليها

فا قلت..يمكن تكون خايفة علي سمعة العيلة

فا متكلمتش انا كمان

المهم...

بعدما انصرف رجال الشرطة

اتصل كريم بالطبيب الخاص بالست ثريا

وطلب منه يجي فورا

عشان في اخبار سعيدة

وبعدها...

بدء كريم يحتفل و يهنيئ امة علي شفائها 

وفي اللخظة دي

قربت العقربة عمتة

عملت نفسها فرحانة بشفاء الست ثريا

وقالتلها...الف حمد لله علي سلامتك يا غالية

يعلم ربنا اني كنت ديما بصلي وادعيلك ان ربنا يشفيكي

فا رمقتها الست ثريا بنظرة مليئة بالكره 

وقالت..صادقة طبعا

 اكيد شفائي

كان بسبب بركات  دعاكي

وانا اوعدك...

 اني هردلك الجميل قريب

وفضلت الست ثريا مثبتة عنيها في عين عمتة ..

وبصوا لبعض بصة مخيفة

بدون ما يقولوا  اي كلام

وفي الاخر

اتكلم كريم بية

عشان يقطع لحظات الصمت دي

ووجه كلامة لامة

وقال....

احنا لازم نحتفل بالمناسبة العظيمة دي يا امي

فا ردت الست ثريا

وقالت..

ايوه بس الاول..

احنا  لازم نكافئي  عفاف

 الي رفضت الرشوة ...

و اتعرضت للظلم ...والبهدلة عشان تنقذ حياتي 

فا بصلي كريم بية

وقال..

سيبي مكافئة عفاف عليا 

انا  اصلا محضرلها مفاجئة

وقبل ما يكمل جملتة

 ويقول ايه هي المفاجئة

لقينا الطبيب داخل

ولما عرف بشفاء الست ثريا

طلب انه ينفرد بيها عشان يكشف عليها

وفعلا..خرجنا كلنا من غرفة الست ثريا

عشان  الدكتور يشوف شغلة

وبعدما خرجنا للصالون

لاحظت ان عمة كريم بية كان وشها مخطوف..

 ومش علي بعضها

وفهمت ساعتها طبعا 

انها خايفة

لا ادارة تجيب سيرتها في التحقيقات

والي زود من سؤ حالتها النفسية

 اكتر ..

انها كانت ملاحظة اهتمام كريم بية بيا ...

وافتكرت انه معجب بيا

من خلال  كلامة الكتير عني

وانبهارة بموقفي...مع امة

 لما رفضت الملايين وانقذتها

وانا طبعا كنت فاهمة حقيقة اهتمامة

وكنت عارفة

 ان شعورة ناحيتي...

 مش اكتر من شعور بالامتنان

 عشان كده

 مكنتش متعشمة في اهتمامة اوي

ولا كنت بحلم انه يفكر فيا اصلا

المهم..

بعدما خرج الدكتور من عند الست ثريا

قال..

ان سبب شفائها

هو...

..الضغط العصبي الي اتعرضتلة

لما شافت شخص بيتعرض للخطر

ساعتها جسمها رفض  يستسلم للعجز

وخصوصا..

ان الشخص ده كان بيتعرض للخطر بسببها

وفعلا جسمها اتحرك...

 وعقدة لسانها اتفكت ....واتكلمت

يعني باختصار

رب ضرة نافعة

المهم

بعدما الدكتور

 بارك لكريم بية... 

والست ثريا  علي الشفاء

حذر الجميع .. من تعرضها لاي انفعال

 مهما كان بسيط

عشان كدة

 منع  اختلاطها باي حد

لمدة شهر علي الاقل

 لان وارد انها تتعب تاني

و ممكن كمان يحصل لها انتكاسة

وقال كمان...

 ان من الافضل

ان محدش يدخل عندها 

غير ابنها ...

كريم بية... فقط

ومعني كده ..

اني انا كمان مش هدخل عندها

وممكن يستغنوا عني

وخصوصا ان الست ثريا اصبحت سليمة  وتقدر تخدم نفسها

ولما  عمة كريم بية

عرفت اني مبقاش ليا لازمة 

نادت عليا 

وقالنلي...

دلوقتي الست ثريا ربنا شفاها

يعني انتي خلاص مبقاش ليكي لازمة هنا

فا ا تفضلي بالسلامة

في التوقيت ده

انا فعلا كنت قررت اني امشي

لكن...

كنت عايزة انتظر

 لغاية...

 ما انفرد بكريم بية ...

وافهمة حقيقة عمتة

عشان ياخد بالة علي نفسة منها

ويخلي بالة من امة كمان

فا اضطريت اني اترجاها

تديني مهلة يومين

علي ما الاقي شغل تاني

فا وافقت بشرط

اني اشتغل بدل الطباخ...

لمدة يومين فقط

وفي اليومين دول..

 افضل في المطبخ طول النهار

ومخرجش منه غير علي النوم

فا وافقت علي طلبها طبعا..

و فعلا روحت علي المطبخ

وانا بدعي اني اقابل كريم بية

قبل اليومين ما يعدوا

المهم..

بعدما اخدت شغلانة الطباخ الجديدة

وا ثناء ما كنت واقفة في المطبخ

لقيت عمتة داخلة عندي 

وهي بتكلم شخص في الموبيل

وبتقولة..

مش هوصيك بقي

انا اخترت المكان عندكم

لان الحفلة الي كريم عايز  يعملها...

 لازم تكون علي مستوي عالي من الرقي

اصل كريم هيعلن فيها عن خطوبتة لميرهان بنتي

وانا مصدقت ان ايام الحزن غارت ...

وعايزين نفرح بقي 

وفي اللحظة دي

فهمت ان السبب الي كان مانع كريم بية من الارتباط

 هو مرض امة

ودلوقتي خلاص...

 هي خفت

و هو كده بدء يجهز لحفلة

 بمناسبة شفاء امة

وهيعلن فيها بالمرة..

عن خطوبتة ببنت عمتة

 ايوه ..امال انا كنت فاكرة اية؟

مهو لازم يتجوز واحده مناسبة له

ومش عارفة ليه

 حسيت اني اتخنقت

لمجرد اني تخيلت انه هيخطب 

وقلت..

يارتني ما كنت...

سمعت المكالمة بتاعة عمتة

وفي عز ما كنت مخنوقة

لقيت عمتة بتطلب مني

اني اسيب الي في ايدي

 واروح اكوي طقم  لمريهان بنتها عشان تخرح بيه

وطلبها ده زادني اصرار علي المغادرة.... وحالا

ولقيت نفسي غصب عني بعيط

فا قررت منتظرش يومين

وروحت ادور علي كريم بية

عشان احذرة وامشي

وبمجرد ما خرجت من المطبخ

لمحت كريم بية خارج

بالصدفة

 من غرفة والدتة

فا روحتلة بسرعة

وقلتلة..عايزة حضرتك في موضوع مهم

فا لقيتة ..بيقولي

انا كنت جاي ادور عليكي اصلا

عشان موضوع مهم بردوا

وسالني... 

وقالي

لية مردتيش علبا لما رنيت عليكي الجرس 

الي في اوضتك ؟

قلت..اصل عمة حضرتك نبهت عليا..

 اني اشتغل في المطبخ طول النهار ...

ومخرجش منة غير علي النوم

فا اتعصب كريم بيه

وقالي..

طيب اسمعي بقي الي هقولهولك ده

انا مش عايزك تقفي في المطبخ تاني

ولا تخدمي حد ابدا

ولا تاخدي اوامر من اي حد هنا

قلت.. ايوه بس عمة حضرتك هي الي...

وقبل ما اكمل

اخدني كريم بيه  من ايدي

وقالي..تعالي معايا

ولما خرجت معاه

راح بيا لعمتة وبناتها ووقفني ادامهم..

وقالهم..

بعد الي عملتة عفاف مع امي..

انا وامي بقينا بنعتبرها واحدة مننا

با اختصار...

عفاف اصبحت جزء من العيلة

يعني خلاص

 مبقتش هتقف في المطبخ...

 ولا هتخدم حد هنا

وبص لعمتة

ووجهلها الكلام

وقال..

مش عايز اعيد الكلام ده تاني

وياريت يا عمتي تخلي بناتك يخدموا نفسهم

 لغاية متجيبوا طباخ ومديرة منزل

 بدل المجرمة  (ادارة) 

الي غارت من هنا

وخلوا بالكم

لو كلامي متنفذش

هضطر اقولكم

 اتفضلوا ارجعوا بيتكم

فا رمقتة عمتة بنظرة غل

وردت علي كريم بية

وقالتلة.. ..

نخدم نفسنا و مالة

ولو تحب كمان...

 اننا نشتغل كلنا عند البرنسيسة  مفيش مانع

فا تجاهل كريم سخريتها

واخدني  ودخلنا علي البلكونة

وقعدني جنبة

وهو بيقولي..

متديقيش من عمتي

هي (طيبة) لكن...

بعدما سمعت وصفة لعمتة بالطيبة

بصراحة استفزني الوصف

فا قلتلة..لا 

عمتك مش طيبة

انت شايفها كده بس عشان هي عمتك...و انت بتحب بنتها

لكن.. الحقيقة ان عمتك مش طيبة

قال..بنتها مين الي بحبها؟

قلت..ميرهان

قال....لا

 انا مش بحب ميرهان

قلت...امال لية عايز تتجوزها؟ 

قال... وهتجوزها كمان؟

مين قال الكلام ده؟

قلت...عمتك

وعموما مش ده الموضوع الي كنت عايزاك فيه

قال..امال كنتي عايزاني في اية

قلت..كنت عايزة استاذن حضرتك

 و اقولك..

اني ..هسيب الفيلا وامشي

فسالني

قال..لية؟

قلت...

عشان ...

خلاص مبقاش ليا لازمة هنا ولازم امشي 

فسالني سؤال مفاجئ

وقالي..

انتي بتغيري عليا؟

فا اتوترت 

وقلتلة ..

ايه الي حضرتك بتقولة ده؟

 فا قرب مني 

ورفع وجهي ناحيتة

 عشان ابصلة

وسالني

وقالي..طب عيني في عينك كده؟

انتي زعلتي لما عرفتي اني هتجوز؟ صح؟

فا ارتبكت

وقلتلة..

لا طبعا ...وايه الي هيزعلني من جوازك؟

انا بس اتدايقت لما سمعتك بتوصف  عمتك... بالطيبة

وعمتك مش طيبة نهائي

ولازم تخلي بالك منها

فا اتعجب من كلامي

وسالني

وقالي..

ايه الي بيخليكي تقولي..

ان عمتي مش طيبة؟

قلت..اسمعني لو سمحت

انا خلاص همشي  من هنا

وقبل ما امشي

لازم اقولك الحقيقة 

الي انت متعرفهاش عن عمتك

لازم تعرف ان عمتك هي السبب في كل الي بيحصل لكم 

عمتك لجأت للسحر...

واتسببت في مرض الست ثريا...

وكل ده 

عشان تجوزك لواحدة من بناتها

فا بصلي كريم بية ...

بدهشة

وقالي..

ايه الكلام الي انتي بتقولية ده يا عفاف ؟

سحر ايه؟ واعمال ايه؟ وتخاريف اية؟

ازاي واحدة متعلمة زيك تؤمن بالكلام ده؟

قلت..صدقني ده مش كلام فارغ

 السحر مذكور في القران

 والاعمال ياما اذت ناس ..

وخربت بيوت عمرانة

وهنروح بعيد لية ؟

ما عمتك استعانت 

ب (ام غراب )

الساحرة

واذتكم كلكم فعلا

فارد كريم بية

وسالني

وقالي...

ايه الي اكدلك ان ام غراب ساحرة فعلا؟

ما يمكن دجالة ؟

وبتبيع شوية كلام مش اكتر

قلت..لا استني 

انا عندي دليل 

ان  ام غراب ساحرة فعلا واذت ناس كتير

قال..دليل ايه؟

قلت..من فترة 

دندوشة قالتلي...

 ان التربي او (حارس المقابر) فتح المقابر

 الخاصة ب ام غراب...

ولقي فيها اعمال... وسحر اسود

 لناس كتير

 وكلهم اتاذوا فعلا

والحمد لله 

التربي صور كل الكلام ده

 فيديوا 

ونشرة علي النت

يعني...

تقدر تجيب الفيديوا الي نشرة التربي 

وتتاكد من الكلام ده بنفسك

فا بصلي كريم بية

وقالي...

انا عايز اشوف الفيديوا ده

وفعلا فتح موبيلة 

وعمل بحث وبعدما  وصل

 للفيديوا

 مبفاش مصدق الي هو شايفة

وفجاءة..

اتسعت حدقة عيناة

ولقيتة اتاخد

 وقال بصوت عالي

دي صور امي هنا فعلا؟

ودي صورة المرحومة مراتي؟

 وامها ...واخواتها البنات كمان؟ ....

كل الصور مرسوم عليهم رموز

وكلام مش مفهوم

 صور اهل امي كلهم

 موجودة

  في الفيديوا بتاع التربي  لية؟

قلت...جالك كلامي؟

تفتكر مين  بقي الي كان لة مصلحة

انه يزيح مراتك من طريقة؟

فا فضل كريم 

بية يبصلي شوية وهو سرحان

وبعدها قالي...

 انا مش عايز حد يعرف

 اني عرفت حاجة 

عن  الكلام ده

وخصوصا..عمتي

قلت..متخفش

انا في كل الاحوال مكنتش هقولها حاجة

ده غير اني كنت ناوية امشي

واسيب الفيلا 

بس كان لازم احذرك الاول

عشان تاخد حذرك منها

وتخلي بالك علي نفسك....

 وعلي الست والدتك

في اللحظة دي

وبدون اي مقدمات

سالني كريم بيه 

سؤال مفاجئ

وقالي..تتجوزيني ؟

بعدما سمعت سؤالة

حسيت ان الدنيا وقفت من حواليا

فا رجعت لورا وبصيتلة كويس

عشان اتأكد

 هو فعلا اتكلم دلوقتي؟....

 وطلب مني... الطلب ده ؟

ولا انا كان بيتهيالي؟

فا لقيتة عاد عليا الطلب تاني

وقالي..

بقولك تتجوزيني يا عفاف؟

فا رديت 

وقلت..انا مش  هرد علي طلبك

غير لما اعرفك بنفسي الاول

وانا كنت متاكدة 

انه بعدما يعرفني..

 ويعرف قصتي ...

  هيسحب طلبة تاني

المهم..

فعلا..سردتلة حكايتي كلها 

من يوم ما اتقدملي غراب ... واتجوزتة

لغاية وقتنا هذا

وطبعا حكيتلة عن العفريت حضن

 الي بيساومني دلوقتي

 وبيحاول يجبرني اني اقتل الست ثريا...

 يا اما هيخفي بنتي

وبعدما كريم بية 

 سمع حكايتي

لقبتة سرح شوية

وبعدها 

قالي..

غريب اوي موضوع

 الشخص الي اسمة حضن ده؟

انتي متاكدة انه شبهي؟

قلت...اولا مسمهوش شخص 

اسمة (العفريت حضن)

وايوه فعلا يشبهك تماما

وتقدر تقول...

 صورة طبق الاصل منك

فا شرد كريم بذهنة شوية

ورجع سالني تاني 

وقالي ... 

 انتي متاكدة انك شوفتي حضن ده

 هنا في الفيلا؟

قلت..ايوه

وشوفتة في غرفة الست ثريا تحديدا

فسالني

وقالي..اخر مرة ظهرلك امتي؟

قلت..من ثلاثة ايام تقريبا

ويومها حضن زعل لما شافني بتكلم معاك.. 

و طلب مني اني اقتل

 الست ثريا 

والا هيخفي بنتي للابد

واعطاني مهلة سبع ايام

فات منهم ثلاثة

وهو طبعا يقدر يخفي بنتي

زي ما قدر يخفي ام غراب ...وابنها

وهنا وقفني كريم بية

وسالني

وقالي...هو محدش دور علي غراب وامة؟

يعني مثلا مسالتوش في اقسام الشرطة..

او المستشفيات؟

قلت..لا ...

لان سحر ماتت..

 وانا كنت عارفة...

 ان العفريت هو الي خفاهم

فا هسال عليهم لية؟...

 و ازاي؟

فا بصلي كريم بية

وقالي ...

طيب اديني اسم ام غراب

.. وابنها

  بس يكون الاسم  رباعي

وبعدما اخد الاسماء

عمل اكتر من مكالمة

واتصل بمعارفة الواصلين ...

 الي في ايديهم انهم

 يساعدوة 

علي العثور علي ام غراب... وابنها

وبعدما خلص اتصالاتة 

بصلي 

وقالي..اسمعي يا عفاف

انا متاكد ان حضن ده شخص نصاب

استغل الشبة الي بيني وبينة..

او حتي لبس ماسك يخلية شبهي

عشان يعمل مصلحة معينة في دماغة 

واكيد بعدما  خدعك ...

وخلاكي تقتلي ام غراب ..

وابنها

 سهاكي وغفلك 

 واخد الجثتين

وخرجهم من البيت 

بدون ما انتي تشعري

واكيد كمان 

هو له اعوان هنا في الفيلا 

ولما جابك هنا..

هما الي ساعدوه علي انه يدخل ويخرج براحتة

وانا هثبتلك الكلام ده حالا

واخدني كريم بية 

وقعدني جنبة علي الكمبيوتر بتاعة

وقالي..

انا هفرغ كاميرات الفيلا كلها

 وانا متاكد انه هيظهر فيها...

 وهيظهر معاه الناس الي كانت بتساعدة كمان

فا سالتة

وقلت..بس حضرتك ركبت كاميرات 

في غرفة الست ثريا النهاردة

 الصبح فقط

 وحضن كان هنا من ثلاث ايام

 يعني اكيد مش هتلاقية في الكاميرات 

فا رد كريم بية

وقالي..

الي انتي متعرفيهوش

ان الفيلا كلها فيها كاميرات من فترة كبيرة

ما عدا غرفة امي فقط

وده كان بناء علي رغبتها هي 

لكن بعدما امي تعبت..

 انا صممت اني اركب كاميرة 

في اوضتها 

عشان اطمن عليها في كل وقت

وانا بعيد عنها

فسالتة

وقلت..

تقصد تقول..

ان حضن هيظهر في الكاميرات الي بره؟

قال..ده لازم يظهر في الكاميرات الي بره..

لانه عشان يوصل لغرفة امي

 لازم هيعدي علي الكاميرات كلها

قلت..تمام

 فرغ الكاميرات

وفعلا..

فرغ كريم بية الكاميرات

 كلها

وفضلنا نتابع الكاميرات بدقة

لكن...للاسف

مشوفناش في الكاميرات اي حد غريب 

 داخل ...او ...

خارج من الفيلا  نهائي

فا عاد كريم بية تاني مشاهدة الكاميرات

وبرضوا ملقناش حاجة

فا استغرب كريم بية

وقالي...غريبة؟

فسالتة

وقلت..جالك كلامي؟

حضن مش موجود في الكاميرات خالص

تفتكر معناه ايه الكلام ده؟

وقبل ما يجاوب عليا..

سمعنا صوت الموبيل بتاعة

 بيرن

فا فتح الخط

ولقيتة بيقول..

ايه ده ؟ فعلا ؟

طيب كويس اوي

انتظرني عندك وانا هجيلك

وبعدما ما كريم بية خلص مكالمتة

لقيتة بيقولي..

في خبر مش هتصدقية

قلت...خير خبر اية؟

قال..عرفوا مكان ام غراب... وابنها

قلت...بجد؟

 يعني ام غراب وابنها لسة عايشين؟

وحضن  طلع نصاب ومقتلهمش؟

فا رد كريم بية

وقالي...

ايوه حضن نصاب

واكيد هو الي عطل الكاميرات

 او عمل حيلة معينة 

 عشان ميظهرش في الكاميرات

لكن في كل الاحوال

حضن هيطلع  بني ادم ونصاب وكداب كمان

 وفي اللحظة دي

سمعت صوت جاي من ركن 

في الاوضة

بيقولي...

اديني جيت يا عفاف

عشان تتاكدي اني مش

 كداب

 وطبعا انتوا دلوقتي عرفتوا ده صوت مين.....؟

الجزء الثاني عشر

من رواية/

سلاسل ام غراب

للكاتبة..حنان حسن

بعدما اتعصب عليا  كريم بية

وقالي..

مش عايز اسمعك بتقولي ان حضن عفريت ..

لان مفبش حاجة اسمها عفاريت

و حضن ده 

مجرد بني ادم نصاب.. 

(وكداب)

وفي اللحظة دي

سمعت صوت جاي من احد اركان الغرفة ...

 والصوت كان..ل...( حضن) 

وسمعتة بيقولي..

 انا جيت اهوة يا عفاف

 عشان اثبتلك اني مش كداب

فا بصيتلة بزهول

وقلت..حضن؟

انت هنا من امتي؟

فا بصلي كريم بية بزهول

وسالني

وقالي..انتي بتكلمي مين؟

فشاورتلة علي حضن

وقلت..بكلم حضن

مهو واقف ادامك اهوه

فا بصلي كريم بية بتعجب

وسالني

وقالي..واقف فين؟

قلت..اهوة 

واقف بيبصلنا احنا الاتنين

انت ازاي مش شايفة؟

فا رد كريم بية

و قالي..اهدي يا عفاف

يظهر ان اعصابك تعبانة بسبب الي عملتة عمتي معاكي

قلت..انا مش مريضة نفسيا ...

ولا بيتهيالي

اقسملك ان حضن واقف ادامك دلوقتي

للكاتبة...حنان حسن

في اللخظة دي

بصلي حضن

وقالي..

قولتلك قبل كده

 ان مفيش حد هيشوفني غيرك

وسالني حضن بغضب

وقالي...

انتي لية مصممة تعصي اوامري؟

قلت..اوامر ايه الي انا عصيتها؟

قال

انا طلبت منك تبعدي عن كريم

واديكي دلوقتي قاعدة معاه وبتحذرية من عمتة 

عشان خايفة علية

ده غير اني طلبت منك تقتلي

  (ثريا امة)

وبدل ما تقتليها..انقذتيها 

من الموت

وزي ما انتي خالفتي اوامري

انا كمان هنسي امر المهلة 

الي اديتهالك

وهنفذ تهديدي

ومش هتشوفي بنتك تاني

فا صرخت فيه

وقلت...لا

.. ارجوك بنتي  لا يا حضن

فا رد حضن 

وقالي..

انا اصدرت اوامري للخادم

 بتاعي 

 وبنتك كده اختفت خلاص...

ومش تشوفيها تاني

فا فضلت اعيط  واترجاه

واقولة..لا

ارجوك يا حضن بنتي لا..

 ارجوك بنتي لا

اعمل اي حاجة فيا  انا بس 

بنتي لا

وبدل ما حضن 

 يترفق بحالي ..

بعد التوسلات دي كلها

لقيتة سابني و اختفي

وده معاناه..

 ان بنتي كده راحت

فا فضلت الطم واصوت

  وانا بقول..

بنتي راحت مني

للكاتبة..حنان حسن

وفي اللحظة دي

حاول كريم بية  يهديني

فسالني و

قالي..

اهدي يا عفاف وفهميني انتي منهارة كدة لية؟

فا رديت علية

وقلت..

حضن اخد بنتي مني...

وخلاص مش هشوفها تاني

وسيبتة وطلعت اجري وخرجت من الفيلا

وفضلت اجري في الشارع زي المجنونة

فا خرج كريم بية ورايا

وقرب مني بالعربية بتاعتة

وقالي اركبي يا عفاف

فا صرخت فية 

وقلت..

لا مش هركب 

انا هروح اشوف بنتي الي ضيعتها بايدي

فا نزل كريم بية من العربية

وجه جنبي

وقالي..

لا مش هسيبك ..انتي دلوقتي مش لوحدك

وانا هرجعلك بنتك

فا بصيتلة بكسرة

وقلتلة..

انا لازم اروح لامي

واشوف هرجع  بنتي ازاي؟

فا رد كريم بية

وقالي..

طيب تعالي وانا هوصلك لبيت والدتك

 وفعلا..

ركبت معاه العربية

 واول ما وصلت عند امي

سالتها بلهفة

وقلت

بنتي فين يا امي؟

فا ردت امي

وقالتلي..

عفاف؟

انتي كنتي مختفية فين الفترة دي كلها؟

قلت..سيبك مني دلوقتي

فين بنتي

فا بصتلي امي بتعجب

وقالتلي..

وايه الي فكرك بالمرحومة دلوقتي؟

فا صرخت وسالتها

وقلت..مرحومة...بنتي بقت مرحومة؟

للكاتبة..حنان حسن

وفي اللحظة دي

اتدخل كريم بية

واخد امي بعيد عني....

 واتكلم معاها شوية علي انفراد

وبعدها رجعلي كريم بية

ولقيتة  بيبصلي بحزن

وسابني ومشي

وفي اللخظة دي

بقيت مستغربة 

هو كريم مشي ليه بعدما اتكلم مع امي؟

وياتري امي قالتلة اية؟

وبدل ما اسال امي

واقولها..انتي قولتي ايه لكريم خلاه مشي؟

تجاهلت موقف كريم

وسالت امي

وقلت..بنتي فين يا امي؟

فا ردت امي وهي بتعيط

وقالتلي

لا حول ولا قوة الا بالله

قلت..

 قوليلي يا ماما انتي ليه بتقولي علي بنتي كدة؟ 

فا ردت امي بحزن

وقالتلي

بنتك ماتت من سنين يا عفاف

فا بصتلها بذهول

وقلت..

بنتي ماتت من سنتين ازاي

دنا سيباها عندك

من كام يوم؟

فا ردت امي

وقالتلي..

ربنا يعوض عليكي يا قلب امك

فوقي لنفسك يا بنتي..

 وحاولي تصدقي ان بنتك ماتت؟

فا صرخت بمجرد ما سمعت كلام امي

 وفضلت الطم

لغاية ما غيبت عن الدنيا

واثناء ما كنت في الغيبوبة

حلمت بحضن

وشوفتة وهو بيتعذب وبيسلخ جلدة  بايدة

وهو بيبصلي 

وبيقولي......كفاية

وفي اللحظة دي

للكاتبة..حنان حسن

لقيتني بفوق وبرجع للدنيا

لكن بفوق وانا حاسة...

ب الالام غير محتملة 

في جسمي كلة

وفي نفس الوقت

وداني كانت سامعة صوت قرأن

فا فتحت عنيا ببطء

وشوفت ادامي كريم

 بية..

واخويا ..وامي.... ودندوشة

ومعاهم راجل ملتحي...

 ولابس عباية بيضاء

وباين علي وجهة السماحة

للكاتبة..حنان حسن

المهم...

اني لاحظت ساعتها ...

انهم كلهم كانوا واقفين حوالين السرير

 الي انا نايمة عليه

والوحيد الي 

 قاعد جنبي  مباشرة علي السرير

هو الراجل الملتحي..

ودي كانت اول مرة كنت اشوف الراجل ده بصراحة

وعرفت بعدها

انة مش راجل  عادي

ده كان..

 شيخ  يعني .... (رجل دين)

و الشيخ ده

كان حاطط ايدة علي راسي...

وبيقراء ايات من القران الكريم

فا بدء جسمي ينتفض....

بعدما سمع القران

 وبدء الالم يزيد 

فا قعدت اصرخ... اصرخ 

وكل ما كنت بصرخ كان الشيخ يعلي صوتة

يعني كان بيتعمد...

 ان طبقة صوتة تكون  اعلي ..

من طبقة صوتي وانا بصرخ

بس صوتة كان بيعلي با ايات من القران الكريم

وبمجرد ما كنت بسمع القران

كنت ببقي عايزة اسد وداني

 وبحاول اهرب من صوت التلاوة

وكل ما كان الشيخ يزيد في تلاوة القران

كل ما كان

جسمي بيتقطع من الالم اكتر

وفضلت علي كدة

لغاية زاد الالم وبقي لا يحتمل

وفي اللحظة دي

غيبت عن الوعي تاني

وبعدما فترة من الزمن

سمعت صوت بينادي عليا

وبيقولي..

فوقي يا عفاف واذكري اسم الله

فا فنحت عنيا

وقلت...لا اله الا الله

للكاتبة..حنان حسن

وفي اللحظة دي

لقيت نفسي عرقانة

وجسمي مهدود... وكأني كنت واقعة من علي جبل

وفي اللخظة دي

لاحظت ان الشيخ انتهي من قراءة القران

وبيستعد عشان يقوم

لكن..قبل ما يمشي

بصلي الشيخ وابتسم

وقالي..

حمدا لله علي سلامتك يا بنتي

وحذرني

 وقالي...

من النهاردة حذاري

تبعدي عن ذكر الله ابدا

 ولازم تواظبي علي الصلاة 

لانك طول منتي قريبة من ربنا

هتبقي في حما الله وحفظة

وبعدما  الشيخ خلص مهمتة 

راح اخويا معاه عشان بوصلة

وخرجت امي ودندوشة 

 وفضل جنبي كريم بية 

فا بصيت  لكريم بية

وسالتة..

قلت..هو في ايه؟

والشيخ ده كان بيعمل ايه هنا؟

فا رد كريم

وقالي..

انتي كنتي تعبانة والشيخ ده كان بيعالجك

قلت..تعبانة من ايه؟

قال..

هشرحلك كل حاجة...

 بس حاولي تفهميني

قلت  ..اتفضل

لما  امك قالت ادامي...

 ان بنتك ماتت من سنين

سالتك امك 

عشان اعرف هي ليه بتقول كده؟

فا فهمتني ...ان هي دي الحقيقة..

 وانتي تعبانة نفسيا بسبب موت بنتك

فاشكيت انك تكوني بتعاني من حالة نفسية

وعشان كدة بتقولي علي عمتي كلام محصلش

لكن..عشان كنت عايز اتاكد برضوا

فا روحت لدندوشة وواجهتها

فااعترفتلي بكل حاجة

وعرفت ام غراب استعملت معاكي السحر

ودمرت حياتك..

.زي ما عمتي استعانت بالسحر...

 وواتسببت في وفاة مراتي... واهلها

وفي اللحظة دي

كان لازم الاقي طريقة

 عشان ..

اساعدك بيها

فا  لجأت للشيخ الي انتي شوفيتية من شوية

والشيخ قالي..

 ان في احتمال..

 ان تكون ام غراب

 استعملت معاكي اقوي انواع السحر

ووراد كمان يكون حصلك مس من الجن

وللاسف..

الشيخ اكتشف...

انك ...كان معمولك اكتر من عمل

عمل بالتكتيف والسلسلة...

وعمل تاني( اشد خطورة)

 فسالتة

وقلت ...

 العمل التاني كان باية

قال...

العمل التاني كان... (بالجنون)

قلت..هو في حاجة اسمها عمل بالجنون؟

قال..

ايوه...زي ما في عمل بالفرقة

 بين الزوجين..

وعمل بالدمار ...والخراب 

وعمل..

 بالربط و....و...

في برضوا عمل بالجنون

قلت..بس انا كنت بتصرف

 بمنتهي العقل 

يعني مثلا ..

مكنتش بنكش شعري واجري 

في الشوارع 

فا رد كريم

وقالي..

مش لازم تبان عليكي اعراض الجنان المتعارف عليها  

عشان يتقال انك مصابة بالجنون

الشيخ بيقول..

ان العمل الي من النوع ده

 بيذهب عقل صاحبة 

وبيخلية عايش في دنية خاصة بية

 وهو منفصل عن الواقع

عشان كده ...

انتي كنتي بتشوفي... وتسمعي حاجات مكنتش موجودة اصلا

للكاتبة..حنان حسن

في اللخظة دي

اتخنق صوتي بالبكاء 

لما افتكرت بنتي

وقلت...ايوه فعلا انا بنتي ماتت من سنين 

لكن...

كنت بتعامل

 ان بنتي مازالت عايشة وانا سيبتها عند امي...

يعني انا  كنت بتوهم ان امي كانت بترد عليا

 وبتقولي....

 بنتك موجودة جنبي وزي الفل

وانوقفت فجاءة

لما افتكرت حضن

وسالتة

وقلتلة..

يعني حضن كمان كان تهيؤات؟

وكان عرض

  لحالة الجنان الي كنت فيها؟

فا توقف كريم في الكلام شوية

وقالي..ممكن ....وممكن

قلت..مش فاهمة

يعني اية ممكن .....وممكن؟

قال...

انتي اتحبستي في الحمام في الضلمة ليلة كاملة واتعملك سحر من ساحرة متعرفش ربنا

يعني ممكن ...يكون حضن عفريت فعلا

وممكن ...يكون الي حصلك تهيؤات

 بسبب (العمل بالجنون)

وممكن.....يكون الاحتمالين السابقين

حصلوا مع بعض

يعني كان في عمل بالجنون ...

 وفي كمان

 جن بيظهرلك في صورتي انا

عموما...الشيخ 

قال..

انه قدر يفك السحر بالقران الحمد لله 

يعني انتي دلوقتي تعافيتي

و بقيتي زي الفل 

بدليل انك بداتي ترجعي للواقع تاني 

واقتنعتي بان بنتك اتوفت

 فعلا من سنين

قلت...انت بتقول ان السحر اتفك بالقران

يعني  انت بقيت تؤمن بالسحر؟

فا رد كريم

وقالي..

انا قبل كده...

قولتلك عن السحر...والمس .. والاعمال 

 كلام فارغ... وتخاريف

لكن دلوقتي..

انا بقولك مفيش حاجة مستبعدة

وكل الاحتمالات واردة

قلت.. ايه كمية الشر الي في قلوب البشر دي

يعني ام غراب مكتفتش بانها تعملي عمل بسلب الاردة وتسلسلني بية

لا دي كمان عملتلي عمل بالجنون

ده غير الي عملتة في غيري من الناس الي اتدمروا بسببها

هي وغيرها من السحرة والناس الي بتلجئ لهم

فا رد كريم 

وقالي

السحرة دول بني ادمين  بينافسوا الشياطين في شرهم

عشان كده الرسول صلي الله عليه وسلم قال

من اتي كاهنا او عرافا فقد كفر بالله

فابصتلة بتعجب

وقلت

بس انا مش فاهمة

هو انت مش كنت رافض تصدق

 في السحر ...و والمس... الاعمال... 

ايه الي خلاك فجاءة اقتنعت ؟

فا رد كريم بية

وقالي..

اصلي عرفت حقايق بشعة

عمري ما كنت اتوقعها

قلت ..حقايق ايه

قال...

 لما قولتيلي ان عمتي كانت  هي السبب

 في  الي حصل للمرحومة

 مراتي واهلها...

 وهي الي طلبت من ام غراب تعمل لاهل امي سحر

مقطنعتش بكلامك 

غير لما روحت لدندشة ...

وواجهتها

وفعلا...

اعترفتلي  دندوشة بالحقيقة 

وقالتلي...

 انها هي  الي عرفت عمتي علي ام غراب ...

ومش كده وبس..

لا...دي كانت وسيط بين عمتي وام غراب كمان

 لان هي الي كانت بتوصل الاطر والفلوس

 الي هيتعمل بيها العمل لام غراب

وبتوصل لعمتي الاعمال

 و التعليمات الي هتعملها عشان

العمل يتم بنجاح

لغاية ما العمل بان اثرة فعلا

وعيلة امي كلها اتدمرت

بما فيهم امي الي اصابها المرض

وطبعا الامور كانت ماشية زي ما عمتي مخططة لها

 لغاية ما حصل شيئ مكنش متوقع

وهو ...

لما اتوفي احد الاشخاص

وراحوا يدفنوه في المقابر الخاصة بام غراب

 وبالصدفة وهما بيفتحوا المقبرة

عثروا

علي كمية كبيرة من الاعمال... والسحر الاسود

 مدفونة في المقابر

ويومها التربي صور الحاجات دي 

ونزل الفيديوا علي النت

وفي نفس  التوقيت ده

شافت عمتي الفيديوا بتاع التربي

وعرفت ان المستور انكشف

وكانت متاكدة ان اصحاب الاعمال 

هيهجموا علي ام غراب 

وهيستجوبوها غصب عنها

وساعتها عمتي كانت متاكدة انهم لو ضغطوا علي ام غراب

 هتفضح السر...

للكاتبة..حنان حسن

في اللحظة دي

كان لازم عمتي..

 تخرج نفسها ....من الورطة الي دخلت نفسها فيها

بانها تخلص من ام غراب

لكن...

ازاي عمتي...

 هتخلص من كتلة الشر دي؟

للكاتبة..حنان حسن

في اللخظة دي

 اتبعت عمتي المثل 

الي بيقول

لا يفل الحديد الا الحديد

بمعني..

انها عشان تخلص من ام غراب وعفارتها...

فا لازم تلجئ لساحر تاني اقوي من ام غراب

 عشان يخلصها بسحرة منها

وفعلا

 عمتي طلبت من دندوشة

انها تشوفلها ساحر تاني اقوي

 من ام غراب واشرس

وعشان دندوشة مكنش بيفرق

 معاها غير الفلوس

قبضت من عمتي

اوخدتها ...

ل ساحر كافر 

 وميتخيرش عن ام غراب

وطلبت  عمتى منة انة يسخرلها الجن 

عشان...

يخلصها من ام غراب

وذريتها كلها...

وطلبت منه كمان...

 انه يقضي علي  اخت جوزها بالمرة

(الست ثريا)

وفعلا سخر الساحر جن

وبعدها بحاجة بسيطة...

اختفت ام غراب هي و وابنها

وهنا استوقفتة عن الكلام

وسالت كريم بية

اه صحيح..

 انت كنت قولتلي...

انك وصلت لام غراب وعرفت طريقها

فا رد كريم بية

وقالي..ده حقيقي

الناس الي كلفتهم بالبحث عنها هي وابنها

قالوا ...

انهم لقيوها هي وابنها 

في مستشفي

قلت...وبيعملوا ايه في المستشفي؟

تعبانين يعني؟

قال..

ادارة المستشفي بتقول...

ان عربية اااسعاف نقلت ام غراب  وابنها.. للمستشفي 

 بعدما اتعرض المبني الي هما كانوا متواجدين فيه

 لماس كهربائي

 والغريبة...

ان محدش قدر يحدد سبب تواجدهم في المبني ساعتها

ولا حد يعرف هما كانوا رايحين لمين هناك

المهم..انهم علي ما وصلوا للمستشفي

كان غراب فارق الحياة

لكن...

ام غراب ما زالت علي قيد الحياة

فسالته

وقلت..يعني ام غراب لسة عايشة؟

فا رد كريم بيه

وقالي..

ايوه...

مازالت عايشة... وفيها الروح

لكن...بتتمني الموت

قلت..لية؟

قال... من العذاب والالم

 الي هي بتعانية

اصل النار سيحت جلد جسمها بالكامل

لدرجة انهم مش لاقيين مكان في جسمها

عشان.. يحقنوها بحقنة مسكنة

وده مخليها مش بتعرف تنام 

لا  ليل...

 ولا نهار

من شدة الالم

قلت...منها لله بقي

الي بيحصلها ده بسبب اعمالها

فا رد كريم بية

وقال

 ده عقاب صغير في الدنيا ...

ولسة العقاب الاكبر...

 لما تروح عند ربنا ويبدء حسابها 

في اللحظة دي

للكاتبة..حنان حسن

حسيت اني شوفت خيال

مر من جنبي

فا ارتبكت

وسالت كريم

وقولتلة...

في سؤال محيرني

قال ...

اسالي

قلت...انا حاسة فعلا ان ربنا شفاني من العمل بالجنون

لكن....

وقبل ما اكمل سؤالي

 سمعت صوت  رنين الموبيل الخاص بكريم بية

ولقيتة بيسال المتصل

و بيقولة..

معقولة..........؟

...امتي حصل ده........؟

(الاخير)

سلاسل ام غراب

الجزء الثالث عشر

        والاخير

للكاتبة..حنان حسن

بعدما عرفت من  كريم بية...

 ان كان معمولي عمل (بالجنان)

فهمت ساعتها ان العمل ده كان هو السبب

 في التهيؤات الي كنت بشوفها...

وانا ساعتها كنت مقتنعة انها حقيقة

وكنت هوجة  لكريم بية 

سؤال جديد

لكن...

لمحت شيئ اتحرك بسرعة من جنبي..

بدون ما اعرف  الشيئ

ده اية؟

وكنت هقول لكريم بية

 علي الي شوفتة ده

لكن..كريم بيه جالة تليفون..

وسمعتة بيقول...

معقولة؟

حصل امتي الكلام ده؟

وبعدما خلص المكالمة

لقيتة واقف مندهش

 وبيقولي...

تعالي معايا

قلت..اجي معاك فين؟

قال..

لازم رجع الفيلا حالا

قلت ...لية؟

قال..البواب

 بيقول..

انهم دخلوا علي بنات عمتي الاربعة

لقوهم قاطعين النفس 

ومحدش عارف  السبب في

 الي حصلهم ده

عشان كدة

لازم نرجع علي الفيلا

و نشوف ايه الحكاية

فا ردت امي

وقالت...

معلش يبني

 اتفضل انت لوحدك

 بنتي مش هينفع تيجي معاك

فا بصلها كريم بية

وقالها..

طيب انا هروح اشوف في اية

وهرجع لحضرتك

عشان في موضوع عابز اكلمك فيه

فا ردت امي 

وقالت...

روح يبني اطمن علي عيلتك

 وانا هستناك

ربنا يطمنك يارب

وفعلا..

سابني كريم بية ومشي

وانا فضلت اتعجب

 واسال نفسي

  موضوع اية الي  كريم بية عايز امي فيه؟

يكونش هيطلب ايدي منها فعلا؟

ورجعت افكر تاني

واقول...

ياتري  ايه الي حصل لبنات عمتة؟

وفي اللحظة دي

لقيت امي جاية

 تقولي..

الحقي يا عفاف

قلت...في ايه؟

قالت..

في مهندس جاي من الحي

بيقول..انه عايزك 

قلت..مهندس من الحي؟

 وعاوزني انا؟.... لية؟

قالت معرفش..

تعالي شوفي هو عايزك في ايه؟

قلت..ماشي

وفعلا..خرجتلة

وسالتة

قلت..اي خدمة

قال..

صدر قرار من الحي بهدم

  بيت ام غراب

وعايزين حد من اصحاب البيت يفضي لنا البيت

 وللاسف ...ام غراب ماتت

قلت...هي ام غراب ماتت؟

قال..ايوه

وبما انك انتي الوحيدة الي موجودة من عيلتها

فا كنا عايزينك تيجي تفضي البيت

فا بصتلة بتعجب

وقلتلة... وانا مالي

انا مليش دعوة ببيت ام غراب ولا بعفشها

انا هاجي بس اخد حاجتي

 واتصرفوا انتوا في حاجتها

فا رد المهندس

وقالي..تمام

زي ما تحبي

اتفضلي معايا

وفعلا...

 روحت مع المهندس علي بيت ام غراب

وفتحت الباب...

 ودخلت

 عشان الم حاجتي من اوضتي

واثناء ما كنت مشغولة في اوضة نومي

سمعت صوت المهندس قريب من وداني

وهو بيقولي..

اول مرة شوفتك فيها 

كانت هنا

فا اتفزعت من جراءة المهندس

وسالتة وانا مرعوبة

قلت..

انت ايه الي دخلك هنا؟

فا قعد علي الكرسي

وهو بيبتسم

وقالي...

 دي كانت اوضتنا انا... وانتي

يعني مش  اول مرة نبقي لوحدنا

قلت..انت مين؟

قال..انا حضن

قلت..لا

 حضن شكلة  مكنش كدة

حضن كان صورة طبق الاصل من كريم بية

 فا اتعصب حضن عليا

وقالي..

متذكريش اسم كريم تاني ادامي

انا كرهت اسمة

.. وكرهت صورتة

وبسببة غيرت صورتي لشخص تاني غيرة

قلت...

يعني انت عملت الحيلة بتاعة المهندس دي

عشان تستدرجني لغابة هنا؟

قال..ايوه

قلت.. طيب ممكن اعرف انت عايز مني ايه دلوقتي؟

فا بصلي حضن

وقالي...

وعايزك ترجعيلي

وعلي استعداد اعيش معاكي في اي مكان يريحك

يعني لو مش عايزة تعيشي معايا تحت الارض

انا ممكن اعيش معاكي في البيت هنا 

بعدما البيت بقي مهجور

وخصوصا بعدما ام غراب ماتت

قلت...

ازاي عايزني اعيش لوحدي في بيت مهجور؟

قال..

لو عايزة تتونسي بستات البلد 

انا ممكن اخليهم

 يجوا عندك هنا بمشاكلهم 

عشان تحليها لهم..

زي ام غراب ما كانت بتعمل

وممكن كمان اسخرلك اتباعي من الجن 

ب اختصار..

  تقدري تاخدي مكان ام غراب

وساعتها هتبقي اغني واحدة 

في الدنيا كلها

ارجوكي وافقي

 وانا اوعدك

 اني ...هعمل المستحيل عشان اسعدك...

ارجوكي وافقي يا عفاف

للكاتبة..حنان حسن

وفي اللحظة دي

بصتلة وقلتلة

لا....

مش موافقة

قالي لية؟

قلت..عشان

انت قاتل ...

وورطتني معاك في جريمتين قتل

ام غراب... وابنها

يعني اجبرتني اني ارتكب اكتر من ذنب

 من الكبائر

وانا عمري ماهسامحك ولا هسامح نفسي

 علي الذنوب دي

فا اعترفلي حضن با اول اعتراف

وقالي..

انتي مقتلتيش حد ...

ولا انا اقدر اقتل حد

قلت..يعني ايه؟

قال..انا مليش سلطة اني اقتل انسان

قلت...ازاي الكلام ده؟

امال مين

 الي اداني المية الي فيها السم ؟

وخلاني قتلت ام غراب وابنها

فارد حضن

وقالي...

المية مكنش فيها سم ولا كان فيها اي حاجة

الي حصل اني وهمتك بانك قتلتي

عشان تسمعي كلامي

قلت..مش فاهمة حاجة

قال...استني هحكيلك من الاول عشان تفهمي

با اختصاار

 ان عمة كريم يأست من الساحر الي سخرني

لما لقيتة معملهاش الي هي عايزاه

ومخلصهاش منك ولا من الست ثريا

فا بلغت عن الساحر

 وقالت... انه دجال

 والبوليس قبض علي الساحر فعلا

 وقررت عمة كريم بية

انها تخلص من ام غراب وابنها بنفسها

فا دبرت لهم جريمة قتل 

وخطتها كانت .. 

انها ...

تخدر ام كريم وابنها  

وبعدها ...تخطفهم 

 وبعدما تخطفهم...

تاخدهم علي بيت قديم كانت ناوية تشعل فيه النار 

فا بدات بتنفيذ الخطة 

وبعتت لواحدة من معارف ام غراب

 الي بتروح تطبخلها ..

وطلبت منها تحط منوم في الطبيخ الي هي طبختة

 ومتمشيش من بيت ام غراب...

 غير لما تتاكد

 ان ام غراب اكلت  من

 الطبيخ 

هي ...وابنها... وبنتها

وكل الي في البيت

في اليوم ده

 انا قررت انقذك ...واتجوزك

لاني كنت حبيتك

وعشان ...

مكنش ينفع اني اصارحك بالحقيقة

 قررت اوهمك انك انتي الي قتلتي ام غراب وابنها

للكاتبة..حنان حسن

وفعلا..

قدرت اشتت تركيزك

 لغاية ...

ما عمة كريم كملت خطتها...  وبعتت ناس خطفوا ام غراب

 وابنها...

بدون ما حد يشوفهم

وبمجرد ما عمتة خطفتهم

واخدتهم 

وهما متخدرين 

 علي البيت ...

الي كانت مجهزاه للحريق

 ولعت في البيت

والجيران كلهم اعتقدوا ان الحريق تم بفعل الماس الكهربائي

وفعلا..الخطة نجحت