رواية قطتي الشقية البارت العاشر 10بقلم همس كاتبة(جميع الفصول كامله) جديده وحصريه
رواية قطتي الشقية البارت العاشر 10بقلم همس كاتبة(جميع الفصول كامله) جديده وحصريه
بارت 10
قطتي الشقية
نهال : احكيلي يا حببتي .. ازيك انتي و اسد
مليكة : الحمدلله يماما كويسين
نهال : منا عارفة انكو كويسين انا بسألك عن علاقتكم ببعض .. هو بيعاملك ازاي
مليكة : بيعاملني كويس يماما
نهال : طب هو قربلك .. لمسك ؟
مليكة بخجل : ايوة يماما
نهال بصدمة : يعني ... مش فاهمة .. انتي و هو هتكملو مع بعض ؟
مليكة : اه ... انا و اسد بنحب بعض و عايزين نفضل مع بعض
نهال بارتياح : طمنتيني .. المهم عايزاكي تفهمي انك دلوقتي بطلتي زي زمان
مليكة بعدم فهم : ازاي يعني
نهال : يعني يا حببتي بقا عندك جوزك و عليكي واجبات لازم تأديها .. لازم تهتمي بيه و بنفسك .. انا مكنتش بفهمك الحجات دي عشان كنت بشوفك صغيرة بس دلوقتي انتي متجوزة لازم تكوني عارفة ازاي هتديري حياتك .. و من النهاردة هبدأ افهمك كل حاجة عايزاكي تفتحي مخك معايا
مليكة بخجل : حاضر يماما
نهال : اهم حاجة دلوقتي عايزاكي تاخدي بالك كويس مش لازم يحصل حمل الفترة دي .. انتي لسا صغيرة .. بعد ما تخلصي الثانوية و تخشي الجامعة تقدري تقرري براحتك .. بس دلوقتي هيبقى صعب اوي عليكي دي مسؤولية كبيرة
مليكة بخجل : ماما اسد قالي اتكلم معاكي بالموضوع ده .. و منعني اخد حبوب
نهال : عنده حق يحببتي .. انا هفهمك كل حاجة ...
****************
في المكتب بعد خروح اسد
مهران : انا هروح اكلم مليكة
ابراهيم : ماشي يا مهران بس اوعا تضغط عليها
مهران بزفير : الي هيبسطها هو الي هيتعمل .. مش هسمح انها تكون زعلانة ابدا
ابراهيم: هو ده ... روح كلمها يا ابني
خرج مهران
هشام بخبث : تفتكر مليكة هتختار انها تفضل مع اسد
ابراهيم : طبعا .. دي بقت مراته شرعا .. و باين اوي ان ابنك عشقها و هي مبسوطة معاه
هشام : انا مش عايز اكتر من اني اشوفهم مبسوطين
ابراهيم بخبث : بقولك ايه يا هشام ... ايه رايك يعني بالي اسمه مروان ده
هشام : ماله .. الولد كويس و محترم و ابن صاحبي
ابراهيم : يعني لو اتقدم لبنتك هتوافق
هشام بصدمة : هو في ايه يابا ؟
ابراهيم بهدوء : الولد اتكلم معايا و قالي اشوف يعني لو في قبول هيجيب اهله و يتقدم رسمي
هشام : لا انا بنتي لسا صغيرة .. و مش عايز أجوزها دلوقتي
ابراهيم : ما تقطعش بنصيب البنت يا هشام .. البنت مصيرها تتجوز ... و واضع انها مايلة للواد بصراحة
هشام بغضب : ايه مايلة للواد يعني ؟؟ انا بنتي مربيها كويس
ابراهيم: يا ابني ما حدش قال غير كدة .. بس عادي يعني في قبول نوعا ما .. انت خلي مراتك تكلم البنت و تشوف رأيها
هشام بهدوء : انا عارف مروان و بحترمه جدا ... بس مش حابب اجوز البنت بالسن ده
ابراهيم : طب افرض هي موافقة ؟ حرام تقطع نصيبها .. خلي البنت تفرح و تتجوز و اطمن عليها بقا مع جوزها
سرح هشام شوية و بعدين قال : ماشي يابا هكلمها ان شاء الله
***************
خبط باب اوضة نهال
نهال : ادخل
دلف مهران .. وقفت مليكة احتراما لوالدها
قرب منها و حط ايده على خدها و قال : حبيبتي الصغننة .. ازيك يا حببتي
مليكة بابتسامة : انا كويسة يا بابا
مهران مسك ايدها و قال بحب : حببتي مش احنا طول عمرنا صحاب ؟ و ما بنخبيش على بعض حاجة
مليكة : ايوة يا بابا
مهران : طيب يا حببتي عايز اسألك سؤال و تجاوبيني بصراحة و من غير خوف
مليكة توترت بس قالت : حاضر يا بابا
مهران : انتي بتحبي اسد ؟
ابتسمت و اخفضت نظرها بخجل شديد
مهران : مفيش داعي للكسوف يا بنتي ده جوزك
مليكة بخجل : ايوة يا بابا بحبه
مهران : يعني مش عايزة تطلقي منه ؟
مليكة بصدمة : لا طبعا يا بابا انا ما اقدرش اعيش من غيره
اخذ نفس عميق و قال : ماشي يا حببتي اهم حاجة انك تكوني مبسوطة و الي هتختاريه انا معاكي بيه
مليكة : بابا انت زعلت ؟
مهران بحنية : لا طبعا يحببتي .. انا مش عايز غير اني اشوفك مبسوطة و مرتاحة .. انا غلطت بحقك و بحاول اصلح الغلط ده .. عشان كدة هعمل الي انتي عايزاه
ابتسمت مليكة بحب و حضنت والدها بينما نهال تنظر لهم بابتسامة
بعد شوية خرج مهران
نهال : حببتي روحي دلوقتي نامي .. و اقعدي مع ايمان شوية دي اكتر وحدة زعلت على غيابك
مليكة بخجل : طب و اسد هقوله ايه ؟
نهال بخبث : لا ما تروحيلوش الا لو طلبك و خليه يتحايل عليكي .. نامي عند البنات ... ما تتساهليش معاه كتير
مليكة بابتسامة : حاضر يماما
******************
فراس : سهرانة لوحدك ليه يا رزة
رزان : و انت مالك ؟ و بعدين ما بحبش حد يناديني كدة
فراس باستغراب : ليه بتتكلمي كدة ؟
رزان ببرود : لو سمحت روح من هنا
فراس : ليه التصرفات دي ؟ انا عملتلك ايه ؟
رزان : مفيش
فراس بهدوء : انتي حرة .. بس عايز اقولك حاجة مهمة .. ان الي عمله اخويا مليش ذنب بيه .. انا مش مسؤول عن تصرفاته الحقيرة .. و مع كدة براحتك .. عن اذنك
و كان سيذهب بس رزان قالت : انا اسفة
نظر لها و قال : ما قولتش كدة عشان تعتذري .. انا قولت كدة عشان تفهمي اني مليش بعمايل اخويا
رزان : هف خلاص بقا ما تتقمصش زي العيال .. انا بس مدايقة و قلقانة على مليكة
فراس ابتسم و قال : ما تخافيش عليها هي دلوقتي بقت مع اسد .. محدش يقدر يأذيها صدقيني
رزان بهدوء : انا خايفة اوي لشادي يتجنن و يغلط تاني
فراس : لا اسد واخد باله من الحكاية دي كويس و مش هيسمحله يعمل حاجة
رزان : طيب انا هروح انام .. تصبح على خير
ذهبت من امامه و اتى سليم
سليم و هو بياكل تفاحة : ايه حلقتلك ؟
فراس : سليم اتلم
سليم : يا ابني ايه الي حببك فيها مش عارف .. هي اه حلوة بس لسانها طويل اوي
فراس : سليم اتلم ... اوعا تكون فاكرني مش عارف انك كلمتها و عاكستها .. رزان مش زي الي انت بتعرفهم .. عيب عليك دي بنت عمك
سليم : و انا قولت حاجة غلط ؟ و بعدين مين الي بينقلك ؟ عرفت منين ؟ غدير مش كدة ؟
فراس : و انت مالك ؟ سليم احترم نفسك بلاش تلقى نفسك برة العيلة زي شادي كدة
و تركه و ذهب بينما سليم ياكل التفاحة و ينظر باستخفاف و سخرية
************************
في اوضة البنات
ايمان بسعادة : اليوم ده احلى يوم بعمري
رضوى بضحك : طبعا شبكتي حمودة
ايمان : اه و كمان اختي الصغننة عشقانة و لا ايه يا ملوكة
مليكة بخجل : عيب كدة يا ايمي
ايمان : بس بقولك ايه يا بت خودي بالك من مذاكرتك يا قطة ما تخليش الجواز يسرقك منها
رضوى : امم و كمان فترة نلاقي بطنها قدامها تبقى كملت يا عروسة
مليكة : انا الغلطانة الي قعدت مع بنات زيكم يا قليلين الادب
اتجهت للاوضة الثانية
كانت دنيا نائمة و رزان عاملة ماسك و غدير قاعدة متوترة
دلفت مليكة و قالت : انا هنام هنا .. ايمان و رضوى هيشلوني
رزان بخبث : روحي لحضن جوزك يا مزة
مليكة : رزاااان انتي هتعملي زيهم .. و الله اعيط و ابهدلكم
رزان : مخلاص يحبيبتي بنهزرو معاكي .. هروح اغسل وشي
ذهبت رزان و بقيت غدير تنظر الى مليكة التي لم تعيرها اي اهتمام
وصلتها مسج من اسد
- مراتي الحلوة ما جاتش لاوضة جوزها لغاية الان ليه ؟
كتبت له
- البنات عايزين انام عندهم
- ممنوع .. يلا تعالي لجوزك بلاش يزعل
ابتسمت و كتبت
- لااا كله الا زعله .. ثواني و هبقى عنده
قامت لبست بجامة نوم و رتبت شكلها و حطت بيرفيوم
غدير بابتسامة : ايه الحب مستنيكي ؟
ابتسمت مليكة و قالت : اه
وضعت غدير يدها على كتف مليكة و قالت بغصة : مليكة .. انا اسفة
مليكة : على ايه ؟
غدير بدموع : انا الي قولت لشادي انك بتتكلمي عن خطيبته و كنت دايما بكلمه عليكي .. هو قالي انه نفسه يتجوزك .. بس و الله ما كنت اعرف انه هيأذيكي كدة .. انا ما اقبلش لاي بنت يحصل معاها كدة و بسببي .. بجد انا اسفة
مليكة بحب : حببتي انا مش زعلانة و انتي ملكيش ذنب بالي عمله .. هو كدة من زمان .. بس ارجوكي بلاش تتكلمي عليا بحاجة انا معملتهاش انا بجد بزعل اوي عشان انتي في مقام اخواتي
غدير بابتسامة : ولا يمكن اعيد التصرفات دي .. اعتبريها طيش اولاد
مليكة بضحك : ماشي يا ستي .. هروح انا بقا اسد مستنيني
**********************
ابراهيم : رزان ايه الي مصحيكي يا بنتي
رزان بابتسامة : كنت طالعة انام يجدو
ابراهيم : تعالي عايز اقولك كلمتين
قعدت مقابل جدها
ابراهيم : رزان يا بنتي عايز اسالك سؤال
رزان : اتفضل يا جدو
ابراهيم : انتي زعلانة عشان اخواتك هيتجوزو و انتي لا ؟
رزان بضحك : ايه الكلام ده يا جدو .. الكلام ده بقا قديم جيلنا ده محدش بيفكر كدة .. و الجواز مش سباق يعني .. انا مش لاقية انسان مناسب ليا .. و بعدين مش حابة اسيب ماما و بابا لوحدهم
ابراهيم : طول عمري بقول عليكي العاقلة .. ما شاء الله عليكي عندك عقل يوزن بلد بحالها
رزان بابتسامة : الفكرة يا جدو اني عايزة ابني مستقبلي عندي طموحات عايزة احققها .. نفسي اكمل تعليمي و اشتغل و اعمل دراسات عليا و اسند اهلي و اخليهم فخورين بيا بس موضوع الجواز مش هاممني اوي يعني و لو كنت بهز بيه ده كان من باب الضحك و الهزار يا جدو
ابراهيم بابتسامة : عارفة .. مهران دايما كان يقول رزان دي ابني ... دي الي شايلة مسؤولية اخواتها .. عايزك تفضلي كدة قوية و ساندة اخواتك .. و ان شاء الله ربنا يبعتلك ابن الحلال الي يحبه قلبك
رزان بخجل : ميرسي يا جدو ... هطلع انام .. عايز حاجة ؟
ابراهيم بحب : سلامتك ياحبيبتي .. تصبحي على خير
رزان : و انت من اهله
صعدت بينما هو ينظر امامه بفخر
وقال : والله و نعم التربية يا مهران .. تلات بنات يتحطو ع الجرح يطيب
******************
دلفت مليكة اوضة اسد وجدته يقرا ملف
ملكة بحب : اسد
اسد بزعل : امممم من لقى احبابه نسي صحابه مش كدة ؟
قربت عليه و عضت شفتها و حاوطت ايدها رقبته
مليكة بدلع : لا انت حبيب قلبي .. بس اعمل ايه كلهم عايزين يقعدو معايا
حاوطت يداه خصرها و قرب منها اكتر و قبلها على شفتيها
بعد شوية
اسد : هتنامي عندي
مليكة بخجل : بس يا اسد..
اسد بمقاطعة : بصي يا بت انتي .. انا ما صدقت اتجوزك .. اوعي يكون باباكي الي قالك ما تجيش
مليكك بضحك : نفسي افهم ايه مشكلتك مع بابا
اسد بغيرة : هو الي عايز ياخدك مني .. و بالخطوبة حضنك و انا جيت على نفسي و سكت .. و فوق كل ده بيقولي اطلقك قال
مليكة بصدمة : بس هو ما قاليش كدة
اسد باستغراب: ازاي ده جنن اهلي
مليكة بابتسامة: هو كان بيعمل كدة عشان يستفزك .. لما كلمني سالني انا عايزة ايه قولتله عايزة افضل مع اسد قام قالي براحتك و ما زعلش مني خالص
اسد : شوفي الراجل .. باباكي ده ثعبان
مليكة بتحذير : اسد احترم نفسك ده بابا
اسد : انا بمدحه على فكرة
مليكة بضحك : والله
اسد ببراءة : اه و الله يحببتي
ضحكت بصوت عالي
اسد : امو..ت انا ع الضحكة دي .. تعالي هقولك كلمتين في بوقك
مليكة بعدت و قالت بضحك: بطل قلك ادب
لحقها و قال : تعالي يا وليه انا لسا عريس
هربت منه و فضل يلحقها لغاية ما تعبت
مليكة و هي بتتنفس بسرعة و بتضحك : كفاية كفاية انا استسلم
**********************
كانت ماسكة الموبايل و بتكتب و ماشية باتجاه اوضتها
شدها من معصمها و زنقها بزاوية الي محدش يقرد يشوفهم
غدير بصدمة : هو في ايه فزعتني
سليم : هو انتي مش هتبطلي شغل المخابرات ده ؟
غدير بصدمة : شغل ايه
سليم برفعة حاجب و ايديه مثيته ايدها على الحائط : مش هتبطلي تنقلي تحركات كل الي بالبيت لفراس اخوكي
غدير : انا منقلتش حاجة .. و بعدين اخويا اقوله الي انا عايزاه
سليم بغضب : بس ما تدخليش بيا
تجمعت الدموع بعنيها و قالت برجفة : سيبني
نظر الى شفتيها التي ترجف .. بدون وعي قرب منها و باسها
دفعته عنها بغضب و هي تبكي و تنظر له بصدمة
نظر لها برفعة حاجب
خبطته كف قوي لدرجة انه تراجع للخلف
غدير و هي تبكي : انت انسان زبالة
تركته و ذهبت بينما هو يضع يده على وجهه و ينظر بصدمة
*************************
في اليوم التالي
نهال : فين مليكة لغاية دلوقتي
رزان بخبث : عند قرة عينها
نهال بضحك : طب اتلمي .. ده و انا قايلالها تتقل شوية
مليكة من وراهم : بتتكلمو عليا ؟
رزان : اممم تعالي شوفي مامتك عايزة ايه
وخرجت رزان من المطبخ
مليكة : صباح الخير يماما
نهال : صباح الورد يحببتي .. بقولك ايه
مليكة و هي بتمدد يداها بكسل : ايوة يماما
نهال : قولي لاسد اني هاخدك النهاردة و ننزل السوق .. عايزك اشتريلك هدوم
مليكة باستغراب : ليه يماما عندي هدوم كتير
نهال بنفاذ صبر : يا بت هدوم شهر العسل .. عشان تلبسيها لجوزك .. اومال هتفضلي قدامه بالبجامة .. اسمعي يا حببتي مهما كان الراجل بيحب مراته بيفضل محتاج لدلع و حنية .. و انتي لازم تدلعيه و تهتمي بالحجات الي بيحبها .. عشان ما يزهقش و يفضل مبسوط معاكي
مليكة : بس يا ماما اسد بيحبني اوي و مش بتفرق معاه الحجات دي
نهال : مهو ده عشان اولها بكرة بس يتعود ع الحال ده هيزهق .. و عينه تزوغ عنك .. لازم تخليه ينسى أسمه معاكي و يتعلق بيكي
مليكة بضيق : يعني هو الجواز مفهوش غير الحاجة دي
نهال : لا يحببتي الجواز مودة و رحمة .. حب و حنية و اهتمام .. عشان كدة لازم تهتمي بجوزك و هو يهتم بيكي .. انتي يا بنتي لسا عروسة و معندكيش اي خبرة بالمواضيع دي و حتى انا مكنتش موعياكي ع الحجات دي .. عشان كدة لازم تنفذي الي بقوله وبالحرف الواحد
مليكة : حاضر يماما
دلفت زينب و قالت : عملتي الشاي يا نهال ؟
نهال : ايوة يحببتي .. هوديه حالا
و امسكت ابريق الشاي و خرجت
قربت زينب و قالت لمليكة بابتسامة : مليكة حببتي .. انتي مبسوطة مع اسد ؟
مليكة بابتسامة: اكيد يا طنط
زينب : طيب ما تفرحونا بقا و تورونا عيالكم
مليكة بضحك : يا زيزي بدري اوي ع الكلام ده احنا لسا ما عملناش فرح
زينب : ولا بدري ولا حاجة يا بت افهمي اربطي الراجل بالعيال عشان ما يشوفش غيرك
مليكة : بس انا لسا عندي ثانوية عامة و مذاكرة مش هعرف اشيل مسؤولية عيال و ماما رأيها كدة برضو
زينب : يا بت ما تسمعيش كلامها مش عارفة مصلحتك .. و بعدين انا روحت فين ها ؟ هاخد بالي منك و من عيالك يا حببتي
مليكة بخجل : سبيها على الله يا طنط .. لما ربنا يأذن نخلف هنخلف و نملالك البيت عيال
زينب : يا رب يا رب يا حببتي افرح بيكم و بعيالكم ...... يتبع
همس كاتبة
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 جديده وحصريه رواية قطتي الشقية البارت العاشر 10بقلم همس كاتبة(جميع ا…){kind=link}
تعليقات
إرسال تعليق
فضلا اترك تعليق من هنا