رواية ما بعد الأغتصاب الفصل 11-12-13-14-15بقلم هناء عادل كاملة
رواية ما بعد الأغتصاب الفصل 11-12-13-14-15بقلم هناء عادل كاملة
ما بعد الأغتصاب
الفصل الحادى عشر
طبعا المعازيم والأهل والجيران بمجرد ما سمعوا صوت الصرخة
اعتقدوا ان الدخلة تمت
زادت مباركتهم
وزادت الزراغيط
والتصفيق
ومحدش عارف ايه اللى بيحصل فى اوضة رقية
بعد ما خلصوا كل الهيصة اللى كانوا عاملينها
كل واحد راح على بيته
ليلة كانت جميلة بالنسبالهم
لكن فى اوضة رقية
اللى كان بيحصل كان عكس توقعات كل اللى كانوا موجودين
او حتى اى حد يعرف ان الليلة دى ليلة فرح
علي.بقولك ايه يا ابو اشرف
انت تتفضل بقى عندنا الليلة دى
مش هينفع تمشى دلوقتى
ابو اشرف.لاء يا استاذ علي كتر الف خيرك
تن بيتك عامر بحسك
بس انا كده كده هبات فى بيت اشرف
علي بأبتسامة.اه صحيح ا نا نسيت ان اشرف قاعد هنا
طيب لو احتاجت حاجة بقى يا اشرف
احنا خلاص بقينا اهل
اوعى تتكسف
اعتبرنى هنا اخوك الكبير
اشرف بابتسامة.الله يباركلك يا عم علي
جوهرة.متخافوش على بنتكم
دى فى عنينا
ابو اشرف.واحنا كنا هنلاقى زيكم فين بس ياست الكل
ده انتم على روسنا
جوز جوهرة.متقولش كده يا ابو اشرف
انتم ناس ولاد اصول
وبنتكم اميرة
ربنا يسعدها وعقبال اخواتها
يلا نستأذن احنا بقى
مش عايزين حاجة
ابو اشرف.لالا كتر الف خيركم
على.مبروك يا ابو اشرف
الف مبروك يا اشرف عقبالك بقى
انا هخلى واحد من اصحاب فتحى يوصلكم بعربيته لحد ما انتم رايحين
ابو اشرف.كتر الف خيرك
فردوس.بقولك يا ابو العروسة
هى ام العروسة جيالها الصبح تجيبلها الصباحية ولا ايه
جوهرة بصيت لأختها لان السؤال ده ممكن يحرجهم
اشرف.انا هاجى يا عمتي اجيبلها صباحيتها
جوهرة.لالالا ايه اللى انت تيجي دى
عيب يا اشرف
دى حاجات حريم
احنا عارفين ان ام العروسة مشوارها بعيد مش هتقدر تيجي
انا وفردوس الصبح
هنيجى نجيبلهم صباحيتهم
احنا امهاتها برضه
احنا مش اهل فتحى بس
احنا اهلها هى كمان
اشرف.ده العشم يا ست الكل
كتر الف خيركم
على.يلا بقى تصبحوا على خير
والله كانت ليلتهم جميلة
الكل.وانت من اهل الخير
فردوس.ربنا يستر عرض كل الولايا ويفرحنا بعيالنا يارب
فعلا كلهم مشوا
وكل حد منهم راح على بيته
وصاحب فتحى وصل اشرف وابوه لحد البيت اللى ساكنين فيه
وكان اشرف خايف على اخته
برغم ان كل حاجة ماشية طبيعي
لدرجة انهم ممشوش غير لما سمعوا صوتها واتأكدوا ان الدخلة تمت
لكن من جواه كان فيه حاجة مخوفاه
او يمكن غيران على اخته
او يمكن زعلان انها خلاص اتجوزت وسابته قاعد فى الاوضة لواحده بقى من غيرها
وده كان مخليه سرحان
لحد ما طلع اوضته
وهو سرحان
ومش عارف اللى جواه تفسيره ايه بالظبط
اما ابوه
كان مش شاغل باله بأى حاجة.اما البت اختك ياض يا اشرف
وقعت واقفة
شايف اهله حلوين ازاى
هيحطوا البت فى عنيهم
يابختك الحلو يابت يارقية
فتحى قعد على الكنبة بمجرد ما دخل اوضته
وكانت رقية واقفة فى ورا الباب بعد ما اتقفل
قصاد فتحى
بس على بعد خطوات منه
عنيها فى الارض
وعلشان فتحى مكانش عايز يتكلم بصوت مسموع لاى حد من اللى واقفين برة
برغم ثقته ان محدش هيسمعه من الهيصة دى كلها
بس علشان يبقى مفيش اى احتمال ان حد يحس بحاجة غير اللى هما معتقدينه
فجأة ابتدا فتحى يطرقع صوابع ايديه ببعضها
اشارة منها للفت انتباه رقية اللى كانت حاطة وشها فى الارض
سمعت صوت طرقعة صوابعه
رفعت رأسها وبصيتله
من غير كلام شاور بأيديه لرقية انها تقرب منه
مشيت رقية ببطء وكسوف ناحية فتحى
بمجرد ما وقفت قصاده
سحبها من ايديها بعنف
وقعدها على الارض قدام رجليه
وشاورلها على الجزمة بتاعته
بصيت رقية للأرض مكان ما بيشاور فتحى
لكن مستوعبتش بسرعة
هو قصده ايه
وده خلاه اتصرف تصرف
كان اصعب بكتير انه يخطر فى بال حد
طلع فتحي علبة الكبريت من جيب بدلته
وولع عود كبريت ومسك ايد رقية بعنف وغباء للدرجة اللى حسيت فيها ان ايديها اتكتفت
وحطها من فوق الشعلة بتاعت عود الكبريت
والنار وبقى يبصلها وعنيها بتدمع من صدمتها
وبمجرد ما النار حرقت ايديها
ومقدرتش تتحمل حرارتها اكتر من كده
صرخت
وبمجرد ما صرخت
وسمع فتحى صوت الناس برة اوضته بقى اعلى من الاول
ساب ايد رقية من ايديه
وشاورلها مرة تانيه على جزمته وهو بيضحك
كانت رقية مصدومة
وحاسة بالرعب اللى لجم لسانها
بقيت مش عارفة هى المفروض تطلع تستنجد بالناس اللى برة
ولا عارفة تنفذ كلام امها فى ان اى حاجة تحصل جوة بيتها متطلعش برة
اه امها قالت بيتك زى القبر والميت
متخيلتش رقية للحظة ان اللى عمله فتحى ده مش طبيعي
وعلشان تقنع نفسها بأن ده العادى
فى سرها قالت يبقى امى قالتلى محكيش علشان مفيش واحدة تقول لاء انا مش هتجوز
وبدموع سيحت الكحل اللى فى عنيها
قلعت فتحى الجزمة بتاعته
وجت تقوم
راح ساحبها بقوة مرة تانية
قعدها تانى
زادت دموعها
وهى ماسكة ايديها
وهى بتبص للمياه اللى اتجمعت بسرعة مكان الحرق
ايديها اتنفخت فى لحظة
غير الألم اللى كانت حاسة بيه
كل ده بيحصل ومفيش حرف واحد اتنطق بين فتحى وبينها
كانوا بيتعاملوا كأنهم مش بيتكلموا
بس فتحى السواد اللى جواه كان اكبر من برأة رقية
اللى اول ما قعدت تانى تحت رجليه
بمنتهى الغباء
مسك رقبتها لواها
وبقيت رأسها على الارض
علشان يحط رجليه على رقبتها
وبيضحك
كانت رقية مش فاهمة هو بيضحك ليه
هو ده طيب هزار
هو الوجع ده اللى هى بتحس بيه
يستاهل انه يبقى بيضحك كده
رقية بصوت مبحوح واطى.م..م..مش قادرة ات..اخد نفسي
فتحى.ششششش
مسمعش صوتك
الناس برة
هقطع رقبتك لو حد سمع حسك
اترعبت رقية
فى اللحظة دى اقتنعت انها لازم تترعب بجد
فتحى باللى بيعمله ده اكيد هو بينفذ اللى بيقوله
اعتقدت انه فعلا ممكن يقطع رقبتها
فضلت رقية تحت رجليه وهو بيشرب سيجارته
مبتسم
وهى بتعيط للدرجة اللى نفسها بقى بيخرج بالعافية من الالم والعياط
ورميتها فى الارض بالشكل ده
كان فتحى بيشرب السجاير
وبيرمى طفيها على فستان رقية
اللى كانت فرحانة بيه
كسر فرحتها بكل حاجة
كسر طفولتها
كسر قلبها
حطمها من اول لحظة ليها فى بيته
مجرد ما خلصت سيجارة فتحى
كانت الناس مشيت من برة البيت
فتحى بصوت واطى وهو بيشيل رجليه.قومي يا بت الكلا...
رقية بوجع ودموع قامت من مكانها
مش قادرة تعدل رقبتها من الوجع
فتحى.انتى بتدبسينى يابت الكل...
يابت ده انا اشتريكي انتى وبلدك
وتقعدوا تحت رجلي تخدموني
بفلوسى
رقية بضعف.ا.ااا.انا عملت ايه طيب
هو انا قولت حاجة
فتحى.وانتى تقدرى تنطقى بحرف فى وجودى
اسمعينى يا بهيمة انتى
انتى هنا خدامة
تشوفى طلباتى
ويوم ما حد فى اخواتى يعوزك
تروحى تقعدى تحت رجليه تبقى اقربله من جزمته
واللى يحصل فى بيتى
ميخرجش للجن الازرق لو على رقبتك ورقبة اهلك
انتى فاهمة
رقية بعياط وصدمة.يا..ياعم فتحى انا..اا. انا عملت ايه طيب
فتحى بيضحك وهو بيضرب رقية برجليه فى بطنها بمنتهى القوة.عم ايه يابت الكل...
عم ده تقوليها للراجل اللى بتروحى تشحتى منه لقمة امك وابوكي واخواتك
لكن انا اسمي سيدك فتحى
اسمعى يا بهيمة
انتى هنا لمزاجى ولراحتى
ولمزاج اى حد يدخل البيت ده
رقية.حا..ااضر
خدامتك يا سي فتحى وخدامة اى حد تقولى عليه
فتحى.اى واحدة تدخل معايا هنا
تحضريلنا لقمة حلوة
وتقعدى زى الخروف جنب كيس الزبالة
انتى فاهمة
رقية.واحدة ازاى يعنى..عمتى جوهرة يعنى ولا عمتى فردوس
فتحى بغباء بعد ما قوم رقية من على الارض بيزغدها فى كتفها.لالالا اللى بيتقال ده حسك عينك حد فى عماتك يسمع بيه انتى فاهمة
اللى يدخل معايا هنا
اياكي شوفى اياكي
اعرف ان حد عرف عنه حاجة
رقية.حا..حاضر
فتحى.انا مش اخلص من اسئلة جوهرة تطلعيلى انتى
انتى هناك مكانك جنب كيس الزبالة
رقية ببرائة.بس امى مش بتقعد جنب كيس الزبالة يا سي فتحي
هو ده الجواز
اخص عليك يابا انت وامي
ضحك فتحى وهو واقف قصاد رقية.اه
قالولك هتشوفى العز كله
فكرونى مقطف
ابوكى فكرني شبهه
المقطف اللى خلفك
ميعرفش انى اشتريتك ببلاش
الفلوس اللى طمع فيها
تمن جزمتين وعزومة غدا لأى واحدة برافقها
بس اللى هيحصل فيكي هنا
ده تمن انك تسمعيني ومترديش عليا
لما اقف على باب بيتكم ولا شباكك
واتكلم ومترديش عليا
ولا ترفضي تفتحيلي
انا هندمك واخليكي تلومى نفسك بدل المرة الف
على انك مرضيتيش تعملى اللى عايزه
وتقولى ياريتنى مشيت فى الحرام ولا اتجوزته ساعة زمن واحدة
رقية بتعيط وساكتة
فتحى مصعبتش عليه رقية
بالعكس
كان مستمتع اوى بانهيارها
ووجعها اللى هى حاسة بيه
مش عارفة تمسك رقبتها اللى كان دايس عليها
ولا ايديها اللى نار الحرق لسه مولع فيها
ولا بطنها اللى رشق رجليها جواها
ولا ولا ولا
هو طول الليل كان بيأذيها
وهى بتعيط بصوت مكتوم
خايفة حد يسمع صوتها
فتحى.شوفى
انتى هنا هتاكلى و تشربي
اللى مكنتيش تحلمي انك تاكليه فى بيت المقطف ابوكي
هتلبسي زى اخواتى وبناتهم
فى وسط الحريم
هخليكي حرمة
لكن فى البيت هنا
انتى بهيمة
خدامة
عينك فى الارض
وكلمة حاضر ميتقالش غيرها
انتى فاهمة
رقية.حا..ااا..ضر
فتحى.يلا بقى تعالى قلعيني
رقية بعياط.ايدي..ايدي وجعانى
النار قايدة فيها
وبمجرد ما خلصت الجملة
كان الكف نزل على وشها
بصوابعه كلها
اللى علمت صوباع صوباع على وشها الابيض
الدم نزل من شفايفها
والدموع مغرقة وشها
لدرجة ان الكحل الاسود نزل على صدر الفستان
فتحى.ياخروف
انا مش قولتلك مسمعش غير كلمة حاضر
رقية بمنتهى الضعف والأستسلام
هزيت رأسها
وقربت منه قلعته جاكيت البدلة
وهى حاسة انها هتقع من طولها
ولان فتحى قرر يكمل عذابه فيها
استعجل هو وفك قميصه
وكمل قلع هدومه
كانت رقية واقفة مكسوفة من منظره
مش قادرة ترفع عنيها فيه
غير انها من جواها مرعوبة حتى تبص عليه مش مكسوفة بس
ومن غير رحمة
سحبها من شعرها
للسرير
ومن غير اى مقدمات
تمم الدخلة
الغريب ان فتحى تمم الدخلة وكان فى قمة هدوئه
عكس اللى كان بيعمله فيها من شوية
بس ده ميمنعش ان رقية مصدومة من كل اللى بيحصل
ودموعها موقفتش
لحد ما هو خلص وبعد ما خلص كمان
نام على ضهره على السرير.عارفة يا بت الجاموس انتى انا ليه مرضيتش اتغابى عليكي
لاء طبعا هتعرفي منين
ده انتى بهيمة
ابوكى وامك ما صدقوا جاتلك بيعة
بس انا لو هتغابى عليكي واطلع الغل اللى جوايا فيكي دلوقتى
ممكن تغورى فى مصيبة
ولا يجرالك حاجة
البس اسود انا فيكي
لاء خليكي انتى كده
طول اليوم امرمط فى اللى جابك
وبليل تبسطينى بقى
ايه رأيك
رقية ساكتة
فتحى.ما تردي يابنت البهايم
رقية ساكتة
قام فتحى بحقد علشان يكمل ضرب فى رقية
لكن اتفاجئ بأنها.......
يتبع
🥰🥰🥰🥰🥰🥰
ما بعد الأغتصاب
الفصل الثاني عشر
بص فتحى جنبه
شاف رقية نايمة قاطعه النفس
قرب منها يسمع صوت نفسها
ويحط ايديه يسمع صوت دقات قلبها
فتحى.الله يخربيتك وقعتي قلبى
وقام من على السرير جاب مياه
وبقى يحاول يفوقها ويغسلها وشها
وجاب بصل وبقى يحطه تحت مناخيرها علشان تفوق
وفعلا ابتديت تفوق
فتحى.فوقى ياختي فوقى
دافع فلوس واخد بيها جايبينلى واحدة معيوبة
كانت رقية مش قادرة حتى ترد عليه
فتحى.قومي استحمى هاتيلنا العشا
بصيتله رقية
وبرغم فقرهم وظروفهم البسيطة الا انها اول مرة فى حياتها تعرف يعني ايه ذل
ودى بقيت النظرة اللى فى عنيها من بعد اليوم ده
نظرة كسرة وذل
لا طفلة ولا حتى واحدة اتجوزت بعد ما كانت بتتمنى الجواز
تفهم معناهم
تحاملت رقية على نفسها وقامت استحميت
وغيرت هدومها
وهى حاسة ان كل ذرة فى جسمها وجعاها
وفعلا حضرتله ياكل
وجابتله الاكل لحد السرير
فتحى.ايه مش هتطفحي
رقية بخوف.لالا مش عايزة
فتحى بيضحك.لالا تعالى كلي
انتى عايزة اللى يجيلك من اهلك فى الصباحية يقول عليا مجوعك
رقية بفرحة.هما اخواتى جايين والنبي
فتحى.المفروض لو بيعرفوا فى الاصول هييجوا يجيبولك فطار العرايس
رقية.هروح معاهم يعنى
فتحى.تروحي معاهم فين يا عروسة
هو دخول الحمام زى خروجه
تعالى تعلى كلى لقمة
انتى تعبتى الليلة
غير فتحى نبرة صوته
واتكلم بهدوء
قربت رقية هى فعلا جعانة
وموجوعة اوى
وقفت جنب السرير ومديت ايديها فى الاكل
فتحى.ايه ده انتى هتاكلى وانتى واقفة
لالا الليلة انتى عروسة
تعالى اقعدى جنبى وكلى
رقية كانت مستغربة التحول اللى حصل فى طريقته
منين من شوية كان قاتلها تقريبا
ودلوقتى عايزها تقعد جنبه وتاكل
كانت بتبصله بخوف
قلقانة يكون هيضربها تانى
فتحى برقة.ماتزعليش يا رقية
انا كنت شايل منك
علشان الليلة اياها ع ندكم ع السطح لما مرضيتيش تفتحيلي
اصل انا يابت مش متعود واحدة تقولى لاء
وايه يابت يا رقية حريم حريم يعنى
انتى متجيش فيهم حاجة
يخلفوكى هما
ومنهم اللى عندهم عيال اكبر منك
فكبرت فى دماغى بقى
ازاى انتى اي عيلة
توقفيني على الباب احايل وابقى خايف اخوكى يسمعنى ولا حد يشوفنى
رقية.انا ايدى وجعانى اوى
عمالة تعبي
شوف شكل الحرق عمل ازاى
فتحى بيضحك.شوف البهيمة بكلمها فى ايه وهى بترد تقول ايه
ورينى يابت المقطف
مسك فتحى ايديها وبص شاف ايديها معبية مياه
ولونها احمر اوى
فتحى.شوفتى بقى اهو انتى فى كل مرة مش هتسمعى كلامى
هيبقى جسمك كله بالشكل ده
علشان بعد كده الكلمة اللى اقولها متتعادش
رقية عنيها دمعت.حاضر حاضر والله
انا مش هقول غير حاضر
بس ايديا مولعة نار
موقفالى دراعي كله
فتحى.طيب بقولك ايه
ناكل لقمة
وبعدين اطلع اشوف اى اجزاخانة فاتحة
اجيبلك منها اى دوا
رقية.كتر خيرك يا عم ..اقصد يا سى فتحى
فتحى.ايوة كده يابت اكبرى بقى خلاص انتى بقيتى واحدة ست متجوزة
شغل العيال الصغيرة اللى كانت تروح تجرى ورا اخوها ده انسيه
المراجيح والفسح واللعب دول انسيهم
انتى كبرتى
رقية.لاء والله انا كان نفسي فيهم بس
لكن انا مش هطلب حاجة خالص
فتحى بيأكلها بأيديه.طيب خدى خدى حتة البطة دى من ايدي
رقية ابتديت تهدا شوية
برغم ان الوجع مراحش من جسمها
بس هدوء فتحى طمنها شوية ان الليلة دى خلاص تعتبر هتخلص على هدوء شوية
وفعلا اكلها واكل هو كمان
وقام بنفسه شال الاكل من على السرير
خرج فتحى من البيت يدور على اى صيدلية فاتحة
وفعلا رجع لرقية وهو جايب علاج للحرق اللى في ايديها
رقية كانت مش عارفة تحدد هو فتحى ده عاقل وطبيعي ولا مجنون
بس هى مهتمتش انها تفهم
المهم عندها انه راق وهدا
وفعلا فاتت الليلة ومحصلش فيها اكتر من اللى حصل
بس رقية من تعبها
مجرد ما جسمها اتفرد على السرير محسيتش بالدنيا
راحت فى النوم وكأنها بقالها سنة منامتش
طلع النهار
فتحى.بت يا رقية اصحى يا بت
الضهر وجب
قومى كفاياكى نوم
فتحت رقية عنيها وبتبص حواليها
وبتستغرب دى فى بيت غير بيت ابوها
بقيت تبص حواليها وعنيها اول ما وقعت على فتحى
اتنفضت
رقية.عم فتحى
ايه ده احنا فين
فتحى.فين ايه يا بت الحمير انتى
احنا فى بيتنا
انتى نسيتى انك اتجوزتى ولا ايه
رقية بتمسح وشها بأيدها.بسم الله
معلش انا لما لقيت شكل البيت غير بيت ابويا اتخضيت
صباح الخير
فتحى.صباح الخير ياختى
قومى يلا فوقى كده واعمليلى كوباية قهوة اعدل بيها دماغى
رقية.حاضر
وقبل ما تنزل من السرير
كان باب البيت بيخبط
رقية خافت ورجعت لورا
فتحى.فى ايه يابت
انتى علطول خايفة كده
دى تلاقيها امك واخواتك
رقية اتحمست وبتقرب من الباب وهى بتضحك
سحبها فتحى من شعرها.انتى اتخبلتى
خشى البسى حاجة على شعرك
انا هفتح
فعلا دخلت تشوف ايشارب
وراح هو فتح
شاف قدامه جوهرة ومعاها فاطمة مرات اخوها
وجايبين معاهم الخير كله
اكل وفاكهة
وعصاير
دخلت جوهرة وهى عمالة تزرغط
حطيت الحاجة اللى فى ايديها على الارض وحضنت فتحى
فاطمة.صباحية مباركة يا عرسان
قربت عليهم رقية وبعنيها بتدور على امها
جوهرة.مبروك ياعين اختك
صباحية مباركة
سلمت فاطمة على رقية وحضنتها بحب
وجوهرة كمان
رقية.هى امى مجاتش معاكم
جوهرة بتضحك.ياعينى يابتى
البنية مستنية امها
لاء يا رقية يا حبيبتى
امك ياختى مشوارها طويل
احنا هنا اقربلك
وبدالها
متخافيش
انتى بنتنا احنا كمان مش بنتهم لواحدهم
رقية ضحكت وسكتت
فتحى.البت لسه عايزة امها واخواتها
مخدتش على الجو
فاطمة.معلش بقى يا فتحى
عروسة جديدة وصغيرة
بكرة تاخد على الوضع
وتلاقى مفيش احسن منها دي
جوهرة.طيب يلا نقوم احنا نمشى بقى
احنا قولنا نجيبلكم فطار العرسان
فتحى.جيابين للخير كله يا ست الكل
تعيشوا وتجيبوا
رقية.خليكم قاعدين معانا
بلاش تمشوا
كانت رقية بتقولها وهى مبتسمة
علشان كده فكروها بتعزم عليهم من باب الاصول
فاطمة.مرة تانية بقى
خليكم براحتكم
جوهرة بسعادة.بالراحة عليها يافتحى
خلى بالك منها يا حبيبى دى امانة
ربنا يسعدك يا رقية يابنتى
ويسعد بناتنا ويستر عرضهم
يلا بقى نفوتكم بعافية
فتحى طلع وصلهم
ورقية من جواها كانت نفسها امها واخواتها ييجوا
جوهرة.واد يا فتحى
البت دى غلبانة
اوعى تيجي عليها
علشان خاطرى ياحبيبى
اللى مترضاهوش لأخواتك اوعى ترضاه على مراتك يا فتحى
فتحى بأبتسامة.جرى ايه يا جوهرة
انتى مزهقتيش ياختى من النصايح بتاعتك دى
خلاص بقى ما هى البت زى الفل لا نقص منها صباع ولا عين يعنى
فاطمة.ربنا يهدي سركم يا فتحى
جوهرة بس عايزاك تاخدها بالمسايسة
علشان البت لسه خام ومتفهمش حاجة
عودها انت ياخويا على كل حاجة بالعقل
وهى هتلاقيها اتعلمت كل حاجة
وبقيت ست بيت زى الفل
فتحى.متخافوش
انا مسيطر برضه
جوهرة.طيب هنمشي احنا بقى
ارجع لمراتك يا عريس
سلم فتحى عليهم
ومشيت جوهرة وفاطمة
ورجع هو لرقية
واول ما دخل
وقفل الباب وراه
سحبها من شعرها ولفه على ايديه اكتر من لفة
رقية بألم.اى اى شعرى يا سي فتحى
راسي هتتخلع
فتحى.بقى يابت الكل...
اهلى على الباب تقوليلهم فين امى واخواتى
انتى فاكرة نفسك فى المدرسة ياروح امك
يابت خلاص هما اخدوا تمنك
رموكى
سلموكى ليا
وخدوا حقك يجيبوا بيه جاموسة غيرك
تنفعهم عنك
رقية بعياط.حقك عليا
والله ما هكررها
انت اللى قولتلى اهلك جايين
فتحى قاعد على الكنبة وساحبها من شعرها اللى على ايديه.اه قولت يمكن هيعملوا اى حاجة من الاصول
لكن هما ميعرفوش عنها حاجة
يابت انسيهم
دول لو دوروا عليكي
مش هيدوروا الا لو عايزين فلوس مني
ولا عايزين ياكلوا اكلة حلوة
مش هيقدروا على تمنها
ساعتها بس هتلاقيهم بيسألوا عنك
غير كده
هما ما صدقوا خلصوا منك
رقية من وجع رأسها.خلاص خلاص
مش هسأل تانى
حقك عليا
ساب شعرها من ايديه.روحى بقى شوفى اختى ومرات اخويا جايبين ايه
وفطرينا
ولا اقولك استنى قبل الاكل
تعالى
نكمل كلام بليل
رقية بعدم فهم.كلام ايه
سحبها من ايديها على السرير
وهو بيقولها تعالى دلوقتى هتفهمي
قضى فتحى وقته مع رقية
اللى كانت بالنسباله زى العروسة اللعبة
هو اللى بيتحكم فيها وفى كل حركة بتتحركها
خلص اعتداء على طفولتها وبرائتها
بمنتهى الغل
مشغلش باله بدموعها
ولا اهتم بألمها
فتحى.قومى بقى حضريلى اكل
انا جوعت
بقلة حيلة قامت رقية
تلبس هدومها
وماشية بخطوات بطيئة
وحاسة ان نفسها مقطوع
حضرت الاكل
وجابت الصنية على السرير
وهو اكل
وعلى الحال ده اكتر من 3 او اربع مرات فى اليوم
شوية يضربها
وشوية يتعامل معاها بهدوء
شوية يبقى حنين
وشوية يشتمها ويهينها هى واهلها
عمل معاها كل المعقول واللى مش معقول
لمدة 5 ايام
لما بقيت رقية حاسة انها مقسومة لأتنين
مش عارفة هى امتى هتتضرب
مش عارفة امتى هيبقى كويس
وهو كل اللى بيعمله
يضربها
وياخد حقوقه الشرعية
وياكل
وينام
وهى بقيت تستنى الوقت اللى هو ينام فيه
علشان بس تلاقى وقت
تحس انها بتاخد نفسها فيه او حتى تتألم من غير خوف
سادس يوم
فتحى.بت يا رقية
رقية.نعم ياسى فتحى
فتحى.بكرة السبوع
يعنى اكيد اهلى واهلك هييجوا
عايز بقى شوية اكل
مأكلوش زيهم قبل كده
رقية بضعف.حاضر
فتحى.عندك هنا الخزين كله
وانا هطلع لحد السوق
اجيب شوية لحمة علشان الطبيخ
واوصى الجزار بكرة على ميعاد الغدا يبقى مجهزلنا شوية كباب وكفتة حلوين
ما انتى خايبة اصلك مش هتعرفى تعملى الكلام ده هنا
رقية.حاضر
فتحى.بصى بقى تصحى من النجمة تجهزى اللى وراكي
الطبيخ تعمليه بالسمنة الفلاحى
اوعى تحطى زيت
رقية بتهز رأسها بالموافقة
فتحى.واستحمى كده بقى وحطي فى خلقتك حاجة تغير لون وشك الاصفر ده
يخربيتك بقيتى شبه العفاريت فى ست ايام
رقية بأستسلام.حاضر
كان فتحى حاسس انه اخد حق رفضها له ورفضها للحرام
بالكسرة والذل اللى بقوا فى عنيها
حاسس انها مش هى اللى كسبت
بعد ما رفضها له اجبره انه يتجوز علشان بس يطولها
حس انه اخد حقه
اخد حق هى مالهاش علاقة بيه
اخد منها اللى مكانش له من البداية
اخد منها روحها اللى كانت لسة بتبداء تبص على الدنيا
حتى الحاجة اللى كانت بتحلم بيها
ونفسها تلاقيها
كلها كانت حاجات بسيطة وابسط من البساطة
حتى دى بقى مش من حقها انها تتمناها
حتى لو مش علشان هو اجبرها انها تنسى كل ده
فهى كمان من جواها حسيت انها كبرت بدل السنة عشرين سنة
مش فى شهر ولا اتنين
لاء كبرت سنين فى ست ايام
طلع فتحى من البيت للسوق
وقعدت رقية على السرير
وماسكة فى ايديها مرايا صغيرة
بتبص لوشها
وعنيها اللى تحتها اسود
خدودها اللى بقى لونها اصفر بعد اللون الاحمر ما كان مخليهم شبه الورد البلدى
رقية.ليه بس كده يابا
هو انا رخيصة اوى كده
طيب ما كنتم شغلتونى بدل ما تبيعونى
يرضيكم اللى بيحصل فيا
شايفين بقيت عاملة ازاى
بس اه انتم راضيكم
علشان كده محدش منكم سأل فيا
اخص عليكم
بس هقول ايه بقى الله يسامحكم
سابت المرايا من ايديها
وقامت من مكانها
وقفت على الارض
وحسيت ان فيه حاجة مش طبيعية
رقية.ايه ده انا تعبانة ولا ايه
الله يسامحك ياسى فتحى
خلتنى مش عارفة حتى امتى انا سليمة وامتى تعبانة
لكن فجأة حسيت رقية ان فيه ايد مسكاها من كتفها....
وقبل ما تلف رقبتها تبص وراها سمعت..........................
يتبع
ما بعد الأغتصاب
الفصل الثالث عشر
التفتت رقية وراها
بس ملقيتش حد معاها
حسيت برعشة فى جسمها
خافت
بس راجعت نفسها فى خوفها
وهزرت مع نفسها علشان متدخلش الرعب جواها
ايه يا رقية هيكون عفريت يعنى
ياختى ياريته يكون عفريت اهو عفاريت الجن احسن من العفريت اللى انتى عايشة معاه
لما اروح اشوف بقى هجهز ايه علشان ميجيش يضربنى
الله يسامحك يابا
شغلت نفسها رقية فى البيت
وفتحى راح قعد على القهوة
فى بيت اشرف
كان صاحى من نومه ونازل شغله
سمع صوت خبط على الباب
وصوت اهله على الباب برة
اشرف بأبتسامة.حمد الله على السلامة
ايه الاصطباحة الحلوة دى
نبوية.ان شالله تسلم يا حبيبى
تعالى فى حضنى يا ولا وحشتنى
حضن اشرف امه وباسها
وحضن اخواته وسلموا على بعض
اشرف.فين ابويا اومال
نبوية.ابوك هيخلص الشغل وييجى هوا
قالنا نحصله
اشرف.ييجى بالسلامة
قعدت نبوية على الارض
وبتفك الحجاب بتاعها من على راسها
ورشا وبسمه قعدوا على الكنبة
رشا.يالهوى يا اشرف
السلم يقطع النفس
اشرف.نفس ايه يابت اللى اتقطع
اومال امك بقى تقول ايه
نبوية بمرح.لاء يا ولا ده انا اصبا منهم
بقولك ايه بقى يا اشرف
انا جايبة لأختك فطير وخبزالها عيش
افتح كده خدلك كام واحدة خليهم عندك تفطر منهم
وانت راجع بقى بليل عايزاك تجيبلى حاجات نروحلها بيها بكرة
اشرف.ايه ده هو بكرة السبوع
والله نسيت
نبوية.نسيييت
اخص عليك يا اشرف
سبوع اختك حاجة تتنسي
مش كفاية مروحناش فى الصباحية
اشرف.ياما انا مقولتش منروحش
انا بقول مكنتش حاسب ان بكرة السبوع
وبعدين الصباحية اخوات عم فتحى قالوا هيودوها
هما عارفين انك مشوارك بعيد
ومش هتسيبي هناك البنات لواحدهم
نبوية.يلا الغرض بقى
تجيب شوية فاكهة صابحين كده
وحتتين لحمة حلوين
ولو قدرت تجيب فرختين تلاتة
اشرف.ايه ياما انتم ورثتم ولا ايه
نبوية بتضحك.يسمع منك ربنا بس هنورث ايه يا حبيبى احنا غير الضغط والمرارة
وبعدين هو انت قرشك فين يا واد يا اشرف
اوعى تكون بتضيع شقاك يا ولا
اشرف بيضحك.ااااه قولى بقى
ال وانا اللى فكرتك هتدينى الفلوس
طلعت انا اللى هجيب
رشا بتضحك.ايوة اومال ايه
ما هو انت راجل الاعمال بقى دلوقتى
اصل عم فتحى من ساعة فلوس الجواز معطاش ابوك فلوس تانى
اشرف.حاضر ياما انا هنزل اجيبلكم اكل علشان البيت هنا
واروح اتوكل على الله اشوف شغلى
وبليل ابقى اشوف ايه اللى هقدر اجيبه فى الطلبات دى
نبوية.ماشى يابنى روح ربنا يفتحها فى وشك
اشرف.يلا السلام عليكم بقى
كلهم..عليكم السلام
نزل اشرف
نبوية.انا يا عيال هفرد جتتي شوية
احسن جسمى اتكسر من هبد العربية
هدخل انام على سرير البت رقية
بسمة.خشى نامى ياما
مش عارفة انا ايه اللى تيجي اسكندرية تنام دى
رشا.تعالى يابت نطلع نقعد احنا على السطوح
ده البحر باين من هنا
بسمة.ادخلى انتى نامى ياما
دخلت نبوية غيرت جلابيتها
ونامت
وطلعت بسمة ورشا قعدوا سوا على السطح
ومبسوطين اوى بالمنظر
ونفسهم لو قدروا ينزلا يتفسحوا فى اسكندرية كلها
كان ابو اشرف فى السوق فارش بضاعته
ومستنى فرج ربنا
اما فتحى بعد ما خلص قاعدته على القهوة
راح على السوق
جاب فاكهة وجاب طلبات للبيت
واتفق مع جزار ان بكرة الساعة 3 يبقى مجهزله اكلة مشويات
ودفعله فلوس الاكل
وراح على البيت وهو جايب خير كتير
دخل البيت كانت رقية
مش سايبة ركن فى البيت مش منضفاه
برغم ان البيت نضيف
ده بيت عروسة
لكن هى نضفته كله
ومسحته كله
وجهزت خضار وجهزت محشى
علشان تجهزه من بليل لان طبعا هى معندهاش بوتجاز
ف الاكل هيخلص حاجة حاجة علشان البابور بتاع الجاز بعين واحدة
وده اللى خلاهم يجهزوا كل حاجة من قبلها
علشان لما الناس تيجي
تبقى رقية مش بتعمل اى حاجة
غير انها بتضايف الناس اللى جاية
سواء اهل فتحى
او اهلها
ده لو كانوا فعلا هييجوا
لان فتحى كان مقتنع انهم مش هييجوا
فتحى.سلام عليكم
رقية جت تجرى علشان تشيل منه الاكياس.عليكم السلام
تعيش وتجيب
فتحى.الله ينور البيت ريحته نضيفة
ايه بتعملى ايه
رقية.وينور عليك يارب
انا خلصت تنضيف
وفصصت البسلة وقمعت البامية
وحضرت محشى
فتحى.طيب جدعة
انا جايب فاكهه
هغسلها وانضفها
واشوف اللى ينفع يتعمل منها عصير هعمله
وهشيل اللى ينفع يتاكل
يتحط على الترابيزة قدام الضيوف
رقية باستغراب.انت هتعمل الفاكهة ياسى فتحى
فتحى.اه هعملها
هو انا اكتع ولا ايه
رقية بذهول.لاء بعد الشر عنك
وماله
تعيش وتعمل
هكمل انا الكوسة بقى والبتنجان
فتحى.ماشى
دخل فتحى فعلا بالاكياس
وبداء يفضى الاكياس
وهى بتكمل الاكل اللى بتجهزه
ومش قادرة تقوله انها مستغرباه
هو ده فتحى اللى بيضربها
هو ده اللى بيهينها
ده اللى بيتعامل معاها كأنها بهيمة
كل ده هى مستغرباه وجواها
لكن خوفها منه مانعها انها حتى تبينله انها مستغربة
فات الوقت
وكان فتحى طول ما هو بيعمل الفاكهة
عمال يغني
ويهزر
ورقية مبسوطة اوى وفى قمة فرحتها
انه راجع من برة رايق
وكانت بتضحك من قلبها
وفرحانة
وحسيت انها لدقايق
ممكن حاله يتغير
ربنا قادر على كل شئ
خلص فتحى
اللى بيعمله
ورقية كمان خلصت
فتحى.بصى لمي بقى انتى الحاجة دى كده
وانا هروح استحمى
رقية.من عنيا حاضر
فعلا راح يستحمى
وهى خلصت كل حاجة
وجهزت لنفسها هدوم علشان تدخل هى كمان تستحمى بعد ما يخرج
فتحى دخل الاوضة
رقية.حمام الهنا
فتحى ضحك ومردش
رقية.طيب انا هروح استحمى واغير هدومي
فتحى.ماشى
روحى
بس لما تيجى طالعة من الحمام
متطلعيش بهدوم البيت
خدى معاكى عباية وايشارب اطلعي بيهم
رقية بفرحة.حاضر
خرجت رقية من الاوضة
وراحت تستحمى
وكانت فرحانة اوى
هى بقيت محتارة
مش عارفة فتحى ده طبيعته ايه
وهى على سجيتها للدرجة اللى متقدرش حتى تقول هل هو مريض ولا محتاج دكتور نفسى
او تفرق ما بين انه طبيعي او لاء
لكن كان المهم بالنسبالها
انه كويس معاها ومضربهاش ولا شتمها
وكويس وبيضحك
خلصت رقية حمامها
ورجعت تانى اوضتها
وفتحت الباب وداخلة بتضحك
فى بيت علي
فاطمة.ايه ياعلى ناوى تعمل ايه بكرة
علي.فى ايه بالظبط
فاطمة.يعنى هتنقطه ولا هتجيبله هدية
اصل الصراحة انا مش عارفة اعمل ايه بالظبط مع رقية
علي.هتعملى ايه يعنى ايه يا فاطمة
عادى يعنى
هتعملى الواجب
نقطيها بفلوس احسن
فاطمة.مكسوفة والله
البت دى مش عارفة ليه بتصعب عليا
بقول اجيبلها هدمتين هدية
يكونوا مدلعين كده بدل اللى عندها دول
اصل الصراحة اهلها جايبيلنها حاجات مش قد كده
وبرضه قلقانة اجيب حاجة متعجبهاش
علي.بصى انتى اديلها الفلوس
وهى تجيب اللى هى عايزاه
فاطمة.بس انا عايزة اسألك على حاجة يا علي
علي.خير تانى يافاطمة
فى ايه
مكانش سبوع ده
فاطمة بتضحك وبتمد ايدها بكوباية الشاى لعلي.لاء ده مالهوش دعوة بالسبوع
على بيضحك.اسألى يا فاطمة
فاطمة.ليه لما عرضت على اخوك خليل قبل ما يسافر انه يروح يقعد فى بيت ابوه
لما كان مش راضى يقعد مع حد فيكم
قالك لاء انت عايز تخلص مني ولا ايه
اعتدل علي فى قعدته.ايه الكلام اللى بتقوليه ده يا فاطمة
فاطمة.انا والله مش حشرية يعنى
بس انا اصلي استغربت
لما جت فى دماغى كلمة خليل
ايه اللى يخليه يقول كده
اصل احنا روحنا البيت يعنى ومفيهوش حاجة زى الفل
على.اهو ياستى انتى بتقولى بلسانك البيت زى الفل
انتى عرفة خليل بيتخنق بسرعة ومالهوش بقى فى الدوشة
وهناك الاوض كلها تعتبر مفتحة على بعضها
والبيت طول اليوم دوشة
وخليل الكلام ده مينفعش معاه
والكلام ده يافاطمة اقفليه ميتفتحش تانى
علشان البت الصغيرة اللى عايشة هناك دى متتوهمش وتخاف على الفاضى
ماشى
فاطمة.يوه يا على وانا ايه اللى يخلينى اقوله قصادها يعنى
انا قولت اسألك انت
لكن انا مالى لا اقول ولا اعيد
علي.شاطرة
فاطمة.خلاص بقى انا هعمل زى ما قولتلى واديلها فلوس وهى تجيب اللى يعجبها
علي.مش بقولك شاطرة
فى بيت جوهرة قاعدة هى وايمان
وفردوس
ايمان بسعادة.ياااه يا خالتى بقالك كتير مجيتيش تباتى معانا
فردوس.هنعمل ايه بقى يا ايمان
بكرة تتجوزى وتعرفى
البيت وجوزك وعيالك وطلباتهم اللى مبتخلصش
ده لو واخدهم عند عمتهم وبايتين عندها مكنتش عرفت اجى اقضى الليلة معاكم
جوهرة سرحانة
ايمان.الله يا خالتى
دى ليلة حلوة اوى
احنا نفضل قاعدين للصبح
فردوس .لاء مش للصبح يعنى
عايزين نروح لخالك بدرى
ايمان.والله وحشنى
اه كان بينام فى البيت ويصحى يمشى
لكن برضه كان عامل جو كده
فردوس.ياختى ربنا يهديه
ويجعل رقية سبب فى انه يعقل
التفتت ايمان ومعاها فردوس
لجوهرة اللى كانت قاعدة سرحانة
فردوس.يوم مالك يا جوهرة فى ايه
قاعدة سرحانة فى ايه
جوهرة.فى الله يا فردوس هسرح فى ايه يعنى
ايمان.مالك يا ماما انتى فى حاجة مزعلاكى ولا ايه
جوهرة.لاء يا حبيبتى
بس دماغى وجعانى
ما تقومى تعمليلى كوباية شاى بلمون
وشوفى خالتك اعمليلها معايا
ايمان.من عنيا حاضر
بس اوعوا بقى تتكلموا فى حاجة لحد ما ارجعلكم
ضحكت جوهرة وفردوس
وقامت ايمان تعمل الشاى
فردوس.مالك يا جوهرة
فى ايه ياختى
جوهرة.خايفة يا فردوس
خايفة على اخوكي
فردوس.اخويا مين فيهم
جوهرة.هو فيه غيره عقله مش فى راسه
اخوكى فتحى يا فردوس
فردوس.يوه
ليه تانى يا جوهرة
ما الراجل اتعدل اهو
وربنا هداه
واتجوز
بكرة ربنا يرزقه بالذرية
ويبقى وحد تانى خالص غير اللى كنتى بتشتكي منه
جوهرة.مش حاله اللى مخوفنى يا فردوس
هو انتى يعنى مش عارفة ايه اللى مخوفنى
فردوس.لاء ياختى مش عارفة
انتى كان كل همك انه يتجوز
علشان يعقل
ويشوف مصلحته
واهو عمل اللى طلبناه
فى ايه تانى
جوهرة.خايفة من سكنته هناك
فردوس.يووووه يا جوهرة
انتى لسه فاكرة ياختى
وبعدين انتى مقولتيش ليه قبل ما نقوله يتجوز هناك
وبعدين متقلقيش كل حاجة هتبقى زى الفل
شيلي بس انتى الكلام الفارغ ده من راسك
والله بكرة تشوفى فتحى ده مش هيبقى فيه احسن منه
جوهرة.والنبى ياختى كنت ناسية خالص
معرفش ليه فجأة كده حسيت بقضبة فى قلبي
خايفة اروح بكرة الاقى فيه مصيبة حاصلة
فردوس.الشر برة وبعيد يا ختى
بلاش بس تبشرى عليه
هنروح نلاقيه هو مراته سمن على عسل
دى البت زى القمر يا جوهرة وصغيرة وهادية
ربنا يهنيهم يارب
وعقبال ما نفرح بعيالنا
جوهرة.يارب هات العواقب سليمة
طبطبت فردوس على كتف جوهرة تطمنها من خوف لسة مش قادرين نعرف سببه
اما فى بيت فتحى
وبمجرد ما دخلت رقية وهى بتضحك لأوضتها
شافت اللى صدمها
وعقد لسانها
فتحى على سريره ومعاه واحدة
والاتنين من اندماجهم مع بعض مش حاسين حتى بوجودها
دخلت رقية وقفلت الباب وراها
وفضلت واقفة دقيقتين مصدومة
وفجأة محسيتش بأى حاجة حواليها غير انها وقعت من طولها
يتبعما بعد الأغتصاب
الفصل الرابع عشر
فات وقت مش عارفين قد ايه
لكن رقية فتحت عنيها وشافت نفسها نايمة على سريرها
وجنبها فتحى رايح فى النوم
بتمسك راسها وهى حاسة بدوخة
بتحاول تفتكر هى نامت امتى
بس هى مش فاكرة حاجة
قامت من على السرير
ربطت الايشارب بتاعها
ولبست جلابيتها
وراحت على الحمام
غسلت وشها وفاقت ورجعت اوضتها تانى
وكان فتحى لسه نايم
ابتديت رقية تطبخ الاكل اللى كانت مجهزاه من بليل
وهى عمالة تفكر هى نامت امتى امبارح
وحاسة ان فيه حاجة مهمة حصلت لكن هى ناسية
وفى نفس الوقت خايفة تصحي فتحي تسأله احسن يقوم متعصب عليها
هى لو عليها عايزاه يفضل نايم
لحد الناس ما تيجي
فى البيت عند اشرف
كلهم صاحيين من بدرى
ابو اشرف.ايه هننزل نروح امتى للبت
نبوية.لسة بدرى يا راجل
هنروحلهم من صباحية ربنا كده
ننزل على العصرية
ابو اشرف.ماشى يا نبوية بس افرضى البت عايزة حد من اخواتها يساعدها فى حاجة
خلى اشرف يوصل بسمة ولا رشا
علشان لو بتطبخ تساعدها
علشان متتلخمش قصاد اهل جوزها
نبوية.ماشى خلي البت رشا تروحلها
اشرف.مضحيين بيا انتم
اى حاجة اشرف يروح اشرف يعمل
وماله
ابو اشرف.هو مش انت اخوهم والراجل بتاعهم
اشرف.ايوة اومال
طيب وفلوس الحاجات اللى اتجابت امبارح
محدش هيدينى منها حاجة
ابو اشرف.انت دفعت كام
اشرف.دفعت كتير
ابو اشرف بيضحك.ماشى هبقى اديلك منهم اللى معايا
اشرف.ماشى
نفطر طيب واروح اوصل رشا
نبوية.قوموا يا بنات حضروا الفطار
رشا.لا بقى
انا هروح اساعد رقية
يبقى مش هحضر الفطار
نبوية.بتدلعوا انتم لما بتيجوا هنا
ابو اشرف.ماشى يا نبوية
هو المطبخ قد العلبة
مش مستاهل البتين يقفوا فيه
رشا.ان شالله يخليك يابا
بسمة.وماله انا يعنى اللى هحضر
ماشى
نبوية بتضحك.حضرى يابت وانا هاجى اخد منك الاكل
علشان البرنسيسة ترتاح
رشا كانت شبه الاتراك جميلة وبرغم عدم علامها كانت ذكية
ومش من طموحاتها الجواز
كان نفسها تشتغل
وتعمل فلوس كتير
بعيد عن الجواز
خاصة بعد جواز رقية من فتحى
اللى رشا كانت شايفه انه مينفعش اختها
لكن اهلها وافقوا علشان خاطر الفلوس
فعلا بسمة حضرت الفطار
ونبوية حضرت الطبلية
وقعدوا يفطروا سوا
فى بيت جوهرة
فردوس.صباح الخير يا جوهرة
ايه ياختى انتى منمتيش ولا ايه
جوهرة.لاء نمت وصحيت
فردوس.لحقتى
ده احنا نايمين والنهار مشقشق
جوهرة.قلقت ومعرفتش انام تانى
فردوس.انتى ياجوهرة ياختى
بتكبرى الحاجة فى نفوخك
لحد ما بتحصل
مش قولتلك طلعى اى حاجة من راسك
وكله هيعدي وهيبقى زى الفل
هى السنين منستكيش
ده فتحى ذات نفسه نسي ومشغلش باله
جوهرة.استغفر الله العظيم
ياختى انا كنت نسيت والنبى
بس معرفش ليه فجأة كده افتكرت اللى حصل زمان
وحسيت ان قلبى اتنفض
فردوس.لاء متخافيش
اهو النهاردة هتروحى وتشوفى بعنيكى ان كل حاجة زى الفل
بس قوليلى صحيح
على وفاطمة هييجوا معانا
ولا هيحصلونا
جوهرة.لاء نروح كلنا سوا
برضه دخلتنا عليه كلنا تشرفه كده قصاد اهل مراته والجيران
فردوس.ااااه الجيران هناك ممكن يتكلموا اكتر من اهل مراته
جوهرة.تفتكرى حد من الجيران ممكن يقول لرقية حاجة
فردوس.لا يا شيخة
مين اللى هيتكلم يعنى
وايه اللى يخليهم يحكوا حاجة زى دى
دى فاتت سنين
والناس شافونا طول ما كنا بنجهز البيت
محدش نطق بكلمة
هيقولوا للبت ايه يعنى
وايه اللى هيفتح كلام زى ده بينهم
جوهرة.ربنا يستر
انتى عارفة هناك ياختى الأوض مفتوحة على بعضها
والعشم ممكن ياخدهم
فردوس.لالالا اخوكى ياختى هتلاقيه قاطع البت ومش مخليها تتكلم مع جنس مخلوق
انتى يعنى مش عارفه طبع فتحى يا جوهرة
جوهرة بتضحك.على رأيك
واد يهودى
ياختى من كتر لفه ودورانه
بقى معندهوش ثقة لكف ايديه حتى
فردوس.طالع لأبوه مجرم
الله يرحمك يابا
جوهرة.قومى بقى انتى صلي الصبح
لحد ما احضر انا الفطار
ونعمل كوبايتين شاى
قبل التتار ما يصحوا
نشربهم فى روقان
فى البيت عند رقية
كانت سويت جزء من الاكل وبتكمل الباقى
فتحى بيفتح عنيه بكسل.ايه يا بهيمة انتى
على الصبح كده
صوت البابور صحانى
رقية قربت تجرى وقفت جنبه.صباح الخير يا سى فتحي
حقك عليا
بس علشان الحق اسوى الاكل قبل الجماعة ما يوصلوا
فتحى بيدعك عنيه.هى الساعة كام دلوقتى
رقية.الساعة داخلة على 10
فتحى.ربنا يقلق منامك ياشيخة
مش كفايا مصحيانى لحد وش الصبح
رقية.انا
ليه يا سى فتحى
انا مش فاكرة نمت امتى
فتحى.مش فاكرة ايه
يابت انتى طلعتى مجنونة
شكلك عايزة السرايا الصفرا
رقية بأستغراب.ليه بس ياسي فتحى
انا عملت ايه
فتحى.غورى حضريلى لقمة اكلها
انتى لسه هتسألى
بس اللى عملتيه الليلة اللى فاتت لو اتكرر تانى
هبعتك السرايا الصفرا
رقية بأستسلام.حاضر يا سى فتحى
حقك عليا
قام فتحى من سريره
راح على الحمام
ورقية راحت تعمله فطار
وهى بتحاول تفتكر ايه اللى حصل
مر الوقت
فطر فتحى
ورقية مشغولة باللى بتعمله
سمعوا صوت خبط على الباب
فتحى قام يفتح
وشاف قدامه اشرف ورشا
فتحى بترحيب.اهلا اهلا
معلم اشرف بنفسه
سمعت رقية اسم اخوها جت تجرى على الباب
اترميت فى حضن اخوها
وطلعت من حضنه لحضن اختها
اشرف بيضحك.استنى يابت سيبينا نسلم على عم فتحى طيب
ومد ايديه اشرف وسلم على فتحى
وفتحى سلم عليهم بحرارة وترحيب
اشرف ورشا
لاحظوا اختلاف رقية
الهالات اللى تحت عنيها
وشها اللى الدم اختفى منه
وجسمها اللى خس فى 6 او 7 ايام بالشكل ده
فتحى.ادخلوا اقعدوا بقى انتم
وانا هطلع اجيب شوية حاجات
اشرف.لالا ندخل ايه
انا رايح افتح النصبة
واجى مع الجماعة بقى بعد العصر
فتحى.لالا تعالى بس نشرب مع بعض كوبايتين شاى ع القهوة
وبعدين ابقى روح افتح
اشرف وعنيه على اخته اللى عنيها متعلقه عليه.خلاص ماشى
عايزين حاجة يابنات
رشا.ان شالله تسلم
اشرف.عايزة حاجة يا رقية
رقية عنيها متعلقة بأخوها
ولما بصيت ناحية فتحى لقيته باصصلها
اتوترت.لاء يا حبيبى عايزة سلامتك
اشرف حاسس ان اخته فيها حاجة
لكن لاحظ ان فتحى بيزغرلها
اشرف.طيب هنطلع بقى احنا
واجيلك مع امك وابوكى بعد العصر
رقية.تنوروا
خرج فتحى واشرف
واترميت رقية فى حضن اختها بعد ما اتقفل الباب
رشا بقلق.مالك يابت يا رقية
فى ايه
وشك دبلان ليه كده
رقية فى حضن اختها وحاسة ان من اسبوع فات
دى اول لحظة تحس فيها بانها مطمنة
بس قبل ما تقول اى كلمة
افتكرت تحذيرات فتحى ليها بانها تطلع كلمة من اللى بتحصل جوة اوضتهم لأى حد ايا كان مين هو
خافت رقية تتكلم ولا تقول حاجة
واختها تروح تقول لامها او ابوها ويتكلموا مع فتحى
وساعتها هى متعرفش ممكن يعمل فيها ايه
وعلشان كده خافت تقول اى حاجة
رشا.مالك يابت فى ايه
رقية بدموع.ماليش يا رشا
انتم وحشتونى
وبيت ابويا وحشني
رشا.بقى وشك دبلان وبهتانة كده
علشان بس بيت ابوكى وحشك
ياختى اتنيلى
ربنا يشيلنا منه على خير ونحصلك
بس مش لازم جواز يعنى
رقية بتبتسم.اومال هيشيلك من ازاى
هتهجي منه ولا ايه
رشا.لاء ياختى
اشوفلى شغلانة ولا حاجة
رقية.يالهوى يا رشا
تشتغلي
ومين هيرضالك
رشا.اللى رضالك بالجواز علشان القرشين هيرضالي بالشغل علشان نفس القرشين برضه
بس منين بقى الاقى الشغل اللى بقرشين ده
ههههههه
رقية.بصحيح يا رشا
احنا ياختى ولا حتى بنعرف نفك الخط
رشا وهى بتقعد على الكنبة.قوليلي يابت يا رقية
هو الجواز حلو
انتى مبسوطة يعنى
عم فتحى كويس معاكي
فسحك وجابلك اللى كان نفسك فيه
رقية بتضحك باستهزاء.كويس
ايه اللى كويس
ده زى الفل يا رشا
نصيبي
ربنا عوضنى عن العيشة بتاعت بيت ابويا
كنت محرومة من الاكل والشرب
وبشبع من ريحة اكل الجيران
لكن هنا هو جايب الخير كله
رشا.يابت مش الاكل بس
هو انتى اللى بسطك الاكل اللى كنتى محرومة منه
رقية.بقولك ايه سيبك بقى من كل الكلام ده
خلينا نخلص الجماعة زمانتهم جايين
وانا عايزة ابقى مش محتاسة قدامهم
بتكسف اوى منهم
ومش عايزاهم يقولوا عليا خايبة
رشا بتضحك.اهربي يابت من الكلام اهربي
انتى خايفة احسدك يا منيلة ولا ايه
ولا شكلك مكسوفة
ضحكت رقية تانى بأستهزاء.على رأيك
انا بتكسف اتكلم فى الحاجات دى
خلينا نخلص بقى
وتعالى احكيلى امى والبت بسمة عاملين ايه
وابويا
فعلا ابتديت رشا تساعد رقية فى باقى الحاجة اللى كانت بتخلصها
وهما بيتكلموا
ورشا بتحكى لاختها كل حاجة حصلت الفترة اللى فاتت فى بيتهم
فات شوية وقت
وكان اشرف قاعد مع فتحى على القهوة
اشرف.اختى عاملة ايه معاك يا عم فتحى
فتحى.اختك زى الفل يا اشرف
بت مؤدبة ومتربية
اشرف.الله يسترك
خلى بالك عليها يا عم فتحى
البت دى غلبانة وطيبة
فتحى.عيب يا اشرف
انت بتوصيني على مراتى ولا ايه
انت بقى قولى عامل ايه فى الشغل
حد مضايقك
قولى لو فيه اي حاجة معاكساك
اشرف.لالا حسك معايا
كله هناك عارف انى تبعك
وبعدين الموقف كله بقى اصحابي
وانا لسانى حلو مع الكل
الواحد خدام لقمة عيشه يا عم فتحى
فتحى.الله ينور عليك
من اول ما شوفتك وقولت عليك راجل جدع
يلا بقى شد حيلك خلينا نفرح بيك
اشرف.اخواتى بس يتستروا الأول
وبعدين ابقى اشوف نفسي
فتحى بيضحك.على رأيك انت لسه صغير
اوعى تحبس نفسك بدرى كده
عيش حياتك
وجرب كل انواع الفاكهة
لحد ما تقع فى البطيخة بتاعتك اللى يا تطلع حمرا يا قرعة
اشرف بيضحك.يعنى اختى بطيخة يا عم فتحى
فتحى.بس قرعي وقعت فى بطيخو حمرا وزى العسل
ست البنات
فرح اشرف اوى بكلام فتحى عن اخته
ومدحه ليها
برغم ان وشها مش باين عليه الفرحة
الا ان كلام فتحى عنها
حسسه ان فتحى اكيد مش مقصر معاها
مدام اخته مريحاه
فى بيت رقية
رقية.رشا انا خلصت
بصى امسحى الارض بس معلش
لحد ما اروح استحمى واغير هدومى من ريحة الاكل دى
رشا.ماشى روحى انتى
وانا هخلص الباقى
رقية.ميحرمنيش منك يا حبيبتى
اتعبلك يوم فرحك
ضحكت رشا
وخرجت رقية علشان تستحمى وتجهز نفسها لاستقبال الضيوف
دخلت الحمام
ومجرد ما دخلت
وشغلت بابور الجاز على المياه وقلعت هدومها
قطع النور
رقية بطبعها بتخاف
واى حد لو النور قطع عليه فى الحمام بيخاف
بس اللى زود خوفها
الرعشة اللى حسيت بيها فى جسمها
وفى اللحظة دى
والنور قاطع
افتكرت هى شافت ايه امبارح
وافتكرت انها وقعت من طولها لما شافت جوزها معاه واحدة على سريرها
وفى نفس اللحظة
سمعت صوت
رقية متخافيش
انا معاكى
وحاسة بيكي
يتبع
ما بعد الأغتصاب
الفصل الخامس عشر #حكايات نونا
رقية مجرد ما سمعت الصوت
والدنيا ضلمة مفيش غير شعلة بابور الجاز هى اللى عاملة شعاع بسيط
حسيت ان الدنيا بتلف بيها
لكن صوت الخبط اللى على الباب
وتكرار الصوت
خلاها تبداء تاخد نفسها بهدوء
بعد ما سمعت صوت رشا
رشا.انا وقفالك على الباب اهو
خلصى واطلعى
هفضل اتكلم معاكى لحد ما تطلعي علشان متخافيش
رقية بصوت متقطع.يالهوى عليكي يا رشا
ده انتى كنتى هتوقفى قلبى من الفجعة
خليكي بقى اعملى اى صوت لحد ما اخلص
رشا بتضحك.حاضر ياختى هيكون ايه يعنى عفريت
يلا خلصى انا وقفالك اهو
وفعلا اخدت رقية حمامها
ورشا واقفة برة الباب عمالة تتكلم معاها فى اى كلام علشان بس رقية متحسش بالخوف
لكن رقية كانت مشغولة اوى باللى هى شافته بليل
وكانت ناسياه لما صحيت
كان قلبها واجعها
بس مضطرة تفضل ساكتة لحد اليوم ما يخلص
علشان متحصلش مشكلة قصاد الناس اللى جاية
وفعلا خلصت حمامها
وطلعت
دخلت اوضتها هى ورشا
رشا.بصى كل حاجة بقيت تمام
الاكل مش ناقصه غير انه يتحط على الاطباق
رقية.يارب محدش ييجى غير لما النور يرجع
رشا.هو النور بيقطع هنا كتير
رقية.لاء والله
رشا.خلاص يبقى دلوقتى ييجى
وقبل كا ترجع الكهربا
اتفتح الباب
وشايل فتحى معاه مشويات
ريحتها كانت مالية البيت كله
رشا بتغمز رقية فى ايديها
شامة الريحة يابت المحظوظة
رقية ابتسمت بأنكسار.ياريتنى فضلت بشم الريحة بس
رشا.بتقولى ايه يابت
رقية قامت من مكانها.حمدالله على سلامتك يا سى فتحى
تعيش وتجيب
وبتمد ايديها تاخد منه الحاجة اللى شايلها
فتحى.لالا بلاش تشيلي حاجة
انتم قاعدين ليه فى الضلمة
رقية.ماهو النور راح
فتحى.خدى علبة الكبريت ولعي لمبة الجاز
رقية.فين دى
فتحى.هتلاقيها جنب السرير من ناحية ما بنام
فعلا اتحركت رقية ولقيت لمبة الجاز
ولعتها وبقيت اضاءة الاوضة خفيفة اوى
رشا.ايوة كده الله ينور
فتحى وقف يطلع الاكل اللى فى الاكياس
وبيجهز الاطباق
رشا بصوت واطي.شكله مريحك يابت يا رقية
اتاريكي مش عايزة تحكي
خايفة احسدك
رقية بتضحك بأستهزاء.مش امك قالت البيوت زى القبر والميت
محدش يعرف ايه اللى بيدور جواه
وانا سمعت كلامها
رشا بسعادة.ربنا يهدي سركم يابت يا رقية
شكل كلام امك وابوكي طلع مظبوط
وطلع الراجل يستاهلك بصحيح
رقية بتريقة.اااه
امى وابويا علطول عندهم حق
الكهربا رجعت اخيرا
بعد ما غابت وقت طويل
رشا بفرحة.ياااااااه
اخيرا
فتحي.ايه يا رقية الحلاوة دى
الجماعة هيفكروكى لسه النهاردة ليلة فرحك
رقية ضحكت ومن جواها نار قايدة
رشا.اختى علطول حلوة يا عم فتحى
دى كمان عدمانة عن قبل الجواز
فتحي.ايوة اومال ايه
هو انا جابنى على بوزى غير انها زى القمر
بس يا رشا برضه هى لسه مخدتش على جو البيت
ولسه برضه مخدتش عليا اوى
علشان كده تحسيها مخطوفة حبتين
صح يا حبة الفراولة انتى
ضحكت رقية بخوف.ان شالله تسلم ياسى فتحى
علطول كلامك زى العسل كده
صوت خبط على الباب
وصوت زغاريد
فتحى بيفتح الباب
والضحكة على وشه مالياه
رقية واقفة وراه على الباب
وصلوا اخوات فتحي
اللى اخدوه بالحضن وبيباركوله بفرحة
وخلصوا سلامهم مع فتحى
وسلموا على رقية اللى قابلتهم بكل احترام
للدرجة اللى خليتها تبوس ايد جوهرة وايد فردوس لما سلموا عليها
جوهرة خدتها فى حضنها وبتطبطب عليها.ياختى الف بركة
ربنا يسعدكم يا حبيبتى
وبصوت واطى
انتى كويسة يابت يا رقية
رقية.الحمد لله يا عمتي
جوهرة.وطي صوتك بس
في حاجة حصلت معاكي وخايفة تقوليها
قوليلى
اوعي تخبى عليا
مش دلوقتى
بس خلي فتحى يجيبك عندى
لو فيه حاجة
هستناكى تقوليلي
رقية بابتسامة وحب.ربنا يخليكي لينا ياعمتى
ربنا يجبر بخاطرك يارب
كانت فردوس وفاطمة حصلوها ودخلوا قعدوا جوة ورشا رحبت بيهم وسلموا عليها بكل ود
جوهرة.انت كويس يا فتحى
فتحى.انا فل الفل يا جوهرة الجواهر
ادخلى بقى اقعدى انتى هتفضلى على الباب كده
قعدت جوهرة وفردوس
وعلى كان قاعد على كرسى خشب قصادهم
ورقية راحت تحط عصير
ومعاها رشا بتساعدها
فردوس.مالها البت دبلانة كده ليه يا فتحى
دى كانت وردة مفتحة
فتحى بيضحك.جرى ايه يا فردوس
عيلة لسة
ومخدتش على الجو الجديد
لسه بكرة تتعود بقى
فاطمة.خلى بالك منها يا فتحى البنت شكلها على نياتها اوى
وغلبانة
فتحى بيضحك.هو فى ايه يا ناس
هو انا بعبع
ما هى زى ماهى فيها ايدين اتنين
ورجلين
وعنيها لسة فى وشها
هو انا اكلت منها حتة
كلهم ضحكوا
علي.ياجدع بنوصوك على البنية
فتحى.ده اهلها موصونيش زيكم كده
جوهرة بتضحك.يوه ما هو احنا كمان اهلها
رقية ورشا جايبين العصير
وبيضحكوا فى وش الضيوف
جوهرة.تعالى ياعروسة تعالى اقعدى جنبنا هنا
راحت رقية قعدت بين فردوس وجوهرة وجنبهم فاطمة
وفتحى واقف جنب على اخوه
ورشا واقفة قريب منهم مبتسمة
جوهرة وهى بتبص لاخوها.بقولك ايه يا مرات ابني
لو الواد فتحى ده عملك اى حاجة
تيجي تقوليلي
ده اكسرلك رقبته على صدره
حسيت رقية فى اللحظة دى انها عايزة تقول كل حاجة حصلت معاها من وقت ما دخلت الاوضة دى
لكن مجرد ما عنيها جت فى عين فتحى
حسيت انها بتتنفض من جواها
رقية بخوف.لاء يا عمتي
سى فتحى ده سيد الناس
فتحى بيضحك.اهو ياستى شوفتى بقى
انتى جاية باين عليكي عايزة توقعي بيني وبينها وخلاص
فردوس.لاء ياخويا بعد الشر
ان شالله يبعد عنكم اى وقيعة
خبط الباب مرة تانية
فتحى كان يعتبر واقف ورا الباب
بمجرد ما فتح
الزغاريد اشتغلت تانى
من اهل فتحى
ومن نبوية اللى كانت على الباب
هى وجوزها وابنها
وبسمة بنتها
بس الغريب ان رقية محسيتش انها عايزة تجرى تترمي فى حضن امها
ولا ابوها
لكن كان لازم ترحب بيهم
وفى نفس الوقت
لا نبوية ولا جوزها
اخدوا بالهم من اللى اشرف او فردوس اخدوا بالهم منه
ملاحظوش حتى ان رقية باين عليها الأختلاف
بالعكس ريحة الاكل والمشويات
خليتهم يقولوا ده مشبعها ومش منقصها حاجة
وكأن هم الدنيا كله اكل وشرب
قعدوا كلهم يتكلموا فى الدنيا
ورقية ورشا وبسمة حضروا الاكل
وقسموه على طبليتين
واحدة قعد عليها فتحى واخوه واشرف وابوه
والتانية قعدوا عليها الحريم
اكلوا لما شبعوا
الأكل كان جميل
اول مرة ياكلوا من ايد رقية
فضلوا اهل فتحى يشكروا فى اكلها
وتعبها علشان تجهز الاكل ده كله
وكل كلامهم معاها كان بيفرحها
اما نبوية وجوزها كان كل كلامهم مع رقية
انهم بيوصوها على فتحى
وعلى انها تسمع كلامه
وتعمله اللى يأمر بيه
ورقية مفيش على لسانها غير كلمة حاضر
كان اليوم طويل ومتعب
لكن رقية كانت بتتمنى انه ميخلصش
عايزة يفضل حواليها ناس
عايزة متبقاش لواحدها معاه
لكن للأسف ده الحال
خلص اليوم
ابو اشرف.طيب نتوكلوا احنا على الله بقى
فتحى.ما بدرى يا ابو اشرف
ابو اشرف.انت عارف يا سى فتحى احنا مشوارنا مشوار
لسه هنروح ناخد حاجتنا من عند اشرف
وبعدين ننزل نشوف عربية تودينا
فتحى.طيب كنت عايزك فى كلمتين
ابو اشرف بص لرقية ورجع بص لفتحى.خير البت رقية عملت حاجة ولا ايه
فتحى.لالا دى ست البنات
بس تعالى نتكلم مع بعض برة
خرج ابو اشرف ومعاه فتحى
وكلهم استغربوا
ابو اشرف.خير يامعلم فتحى
فى ايه
فتحى مد ايديه فى جيبه وطلع فلوس
ومده ايده بيها لحماه
طبعا ابو اشرف اول ما شاف الفلوس عنيه لمعت وبمنتهى الحرمان والطمع مد ايديه اخد الفلوس
فتحى.الا قولى يا حمايا
هى البت رقية ...
ابو اشرف مقاطع لكلامه.عملتلك ايه وانا اكسرلك عضمها
فتحى بيضحك.ياجدع اصبر بالله
معملتش حاجة البت
انا بس كنت عايز اعرف
هى عقلها فيه حاجة
يعنى عندكم حد فى العيلة بتاعتكم
عقله كان بعافية مثلا
البت ساعات بتعمل حاجات كده
عجيبة
انا بفكرها مجنونة
ابو اشرف بأستغراب.مجنونة
رقية
لاء عمرها
ولا حتى عندنا حد مهبول ولا اتعبط
كله زى الفل
فتحى.اومال ايه اللى بتعمله ده
ابو اشرف بتبرير.لاء تلاقيها بس بتدلع عليك
ضحك فتحى على عدم اهتمام ابو مراته بأنه حتى يعرف هى بتعمل ايه
او يشغل باله بأنه يطمن
فتحى بيضحك.صح على رأيك
ممكن بتدلع
يلا خليها تدلع براحتها
انت بس لو احتاجت اى حاجة رقبتى سدادة
احنا خلاص بقينا اهل
ابو اشرف بفرحة.خيرك سابق
فتحى.يلا بقى خد الجماعة واتوكلوا انتم على الله
واوعى تجيب سيرة انا قولتلك ايه
احسن حد منهم يفكر ان البت مخها لسع ولا حاجة
ابو اشرف ضحك
ودخل اخد مراته وعياله وسلموا على رقية
ومشوا كلهم
كانت رقية واثقة
ان وقفة فتحى مع ابوها دي
مش ببلاش
واللمعة اللى باينة فى عين ابوها وهو داخل ياخد امها واخواتها
تقول ان فتحى عطاله فلوس
فاطمة من غير ما حد ياخد باله
مسكت ايد رقية وحطيت فيها فلوس
ومن احراج رقية
وشها بقى احمر
جوهرة لاحظت.فى ايه يا رقية
ايه الكسوف ده كله
البت وشها بقى شبه الطمطماية
رقية مبتسمة وساكتة
فردوس.خدى يابت من فاطمة
دى اختك الكبيرة
متتكسفيش
رقية بصيت لفتحى
اللى هز رأسه بمعنى انها تاخد منها
وفعلا اخدت رقية من فاطمة
وكمان جوهرة وفردوس عطولها هى وفتحى فلوس
وعلي عطى لأخوه فلوس
واخدوا يومهم مع بعض
ومشوا
ومجرد ما خرجوا
وطلع فتحى يوصل اخواته
اترميت رقية على الكنبة
حاسة ان كل حتة فى جسمها وجعاها
والرعشة اللى بتمسك جسمها
بتحسسها ان روحها بتتسحب منها
قامت تغير هدومها
وحسيت ان الدنيا بتلف بيها
علشان تسمع للمرة التانية الصوت اللى بيقول
متخافيش
انا معاكي
انا جنبك
رقية بدون وعي.بت يا رشا انتى لسه هنا ولا ايه
الصوت اختفى
رقية بتدور فى الاوضة.رشا
بت يا رشا
انتى مستخبية ولا ايه
مفيش اى صوت
بقيت تلف رقية حوالين نفسها
وتبص فى الاوضة
وهى بتكلم نفسها.هو انا اتجنيت ياولاد ولا ايه
يادى الخيبة
دخل فتحى فى اللحظة دى.انتى بتكلمى نفسك ولا ايه
رقية بسرعة.انا افتكرت ايه اللى حصل ليلة امبارح
فتحى بيرفع حاجب.وافتكرتى ايه بقى يا روح امك
رقية.من غير غلط ياسى فتحى
افتكرت انى دخلت من باب اوضتى
وشوفت واحدة معاك على السرير
فتحى فضل باصص لرقية ثوانى
وهى عنيها فى عنيه
وبتتكلم بمنتهى الثقة
فتحى بعد ثوانى بيضحك.انتى باين عليكي
اتجننتى بجد
بتكلمى نفسك
وتقعدى تصوتي لواحدك
وكمان بتشوفى خيالات
لاء ده انا بجد اخدك ونطلع على السرايا الصفرا بقى
يكشفوا على عقلك
رقية بتحاول تفضل واثقة.لاء انا مش مجنونة يا سى فتحى
انا عارفة انا شوفت ايه
وفاكرة كمان
انا طلعت من الحمام جيت على الاوشة شوفتكم قدامى
انا مش مجنونة يا سي فتحى
فتحى بيقرب منها
واول ما وقف قصادها
كانت بتحاول تبين انها مش خايفة
لكن هو نزل بكفه على وشها
بمنتهى الغل
رقية دموعها نزلت وهى بصاله فى عنيه
هى نفسها مستغربة انها واقفة قدامه كده
فتحى.ها لسه برضه فاكرة انتى شوفتى ايه
رقية.اه فاكرة شوفت ايه
واقولك على حاجة تانية
انا مش فارق ليا انك معاك واحدة
لاء ان شالله تروح تتجوز اتنين وتلاتة كمان
بس يبقى بعيد عن المكان اللى انا فيه
فتحى واقف مذهول من رد رقية عليه
معقول دى اللى بقاله اسبوع بيهينها
ويضربها ويغتصبها
معقول النهاردة بتتكلم
طيب ليه
ايه قواها النهاردة بالذات
مين فى اللى كانوا موجودين قواها انها ترد عليا
رقية.سمعت كلامي ياسى فتحى
فتحى.بقى انتى يابت المقطف
بتعدلي عليا
وتقوليلي اعمل ايه ومعملش ايه
ومجرد ما بيرفع ايديه علشان يضربها مرة تانية
ورقية واقفة قدامه فى مكانها
حس ان ايديه اتكتفت
مش قادر يحركها
وكأن حد خنق معصم ايديه
كان فتحى عنيه متعلقة بين ايديه اللى مرفوعة ومش قادر يحركها
وبين رقية اللى واقفة مش فاهمة ايه اللى بيحصل
فتحى.انتى يابت الكل....
انتى فيكي ايه يابت انتى
رقية مضهولة وساكتة
فتحى.فيكي ايه انطقى
ايدي اتربطت يابت الكل...
رقية مبتسمة والرعشة اللى بتمسك جسمها حسيت بيها للحظة
ومحسيتش نفسها غير وهى بتقول.انا حبلة يا فتحى
ابنك فى بطني
فى اللحظة دى ايد فتحى اتفكت
وبقى واقف مش عارف يتصدم من الخبر اللى سمعه ولا من اللى حصل فى ايديه من شوية
وسابته رقية واقف فى ذهوله
ومن جواها حاسة انها مش هى دى رقية
لكن سابته وراحت على السرير
فردت جسمها
وغمضت عنيها
من غير حتى ما ترجع تبص على فتحى بطرف عين
فى الوقت اللى فضل فتحى فيه واقف يبص على رقية
وعلى اللى حصل
وكأنه فيلم شغال قدام عنيه
يتبع
تكملة الرواية من هنااااااااااا
تعليقات
إرسال تعليق
فضلا اترك تعليق من هنا