رواية عودةإبليس الفصل 11-12-13-14-15بقلم رشا منصور جديده وحصريه (جميع الفصول كامله)
رواية عودةإبليس الفصل 11-12-13-14-15بقلم رشا منصور جديده وحصريه (جميع الفصول كامله)
#الجزءالحادي_عشر
#عودةإبليس
نورين.... كدا أنا جاوبت ع أسألك
عزيز....
لأ لسه في حاجه مش قادر افهمها من البداية وأنا معملتش أى حاجة ل سهي ولا للقطط أهلها ليه طلعتي ليا تهد.ديني للدرجة دى أنتى شيفاني مؤذي 😔
نورين.....
لأني شكيت في احتمالين
الإحتمال الأول...
أنك تكون عارف حقيقتها وعاوز تقدم د'مها قربان ل إبليس اللعين.
الإحتمال التاني....
أنك تكون معجب بها وبتفكر تتجوزها وطبعاً أنت سابق لك الجواز بأنسية قبل كدا وأنا مكنتش هسمح بالجوازة دى سهي انقي من أنها تجوز واحد زيك
عزيز.....
وصلت لقمة غضبي وهى مستمرة في اهانتي بصيت لها وعليت صوتي وقولت
بس بقي هو في ايه نازلة اهانه فيا من غير ما يصدر مني شئ يستحق ده وأنا ساكت
انا مختارتش حياتي واكيد مكنتش أحب أكون هجين منبوذ بين العالمين ما أنتي ولا أى حد كان ممكن يكون زيي وفي مكاني ليه محدش فكر ولو لحظه أن عندى إحساس وشعور ليه دايما بتحكموا عليا من غير ما أعمل حاجه كل ده علشان هجين 😭😭
للاسف كنت فاكرك غيرهم طلعتي اسوء منهم
نورين.....
انا مقصدتش أى اهانه لكن معروف أن إبليس وأبنائه دايما مغرورين وواخدين أكبر من حجمهم
بس واضح أن طبعك البشري غلب طبع إبليس
ودى حاجه جميله أتمني تكون كدا فعلاً
عزيز.....
وياتري ده هغير وجهة نظرك فيا أنا مش طالب المستحيل مش طالب غير أنك تحترميني وتحترمي مشاعري
انا منكرش أنى استغربت أسلوبك لأنه مش لايق مع جمالك
تعرفي أن أول مرة شوفتك فيها اتمنيت أشوف وأعرف كل حاجه عن الجن المسلم ياريتني كنت واحد منكم ع الأقل كنت أقدر أشوفك كل لحظه
ويمكن كنت أطمع أن في يوم انال رضاكي
نورين.....
انا اتأخرت استأذنك وأختفيت من قدامه وأنا واثقه أنه عاوز يلعب ع مشاعري
ومالوا ألعب براحتك يابن إبليس الشاطر اللي يكسب في الآخر
عزيز.....
مجرد ما اختفت نورين حسيت بأنها اتأثرت بكلامي حتى لو مش مصدقه دلوقتي بس أكيد هتفكر تديني فرصه وأنا مش محتاج إكتر من كدا
وكنت عارف أنى مراقب من أبي الأمير صرماط لأنه عاوز يتأكد من كلامي وطبعاً بعد ما شاف وسمع إني بساعد أمير أنه يخطب سهي وكمان سمع كلامي مع نورين أكيد صدق إني مكذبتش عليه ولقيت بعدها ظهر ليا أحد حراس العشيرة وبعدها أختفي وده الاتفاق اللي بيني وبين أبي بما أني مراقب
ودخلت الحمام ع أساس اخد شاور وشغلت الدش وطرت ع المملكة ولقيت العشيرة مجتمعه كلها وأول ما ظهرت لهم فضلوا يمجدوا في أسمي
عايش عزازيل ولي العهد عاش إبن إبليس الأعظم
القيت التحية عليهم ونظرت إلى الأمير صرماط
الامير صرماط......
ابني العزيز أنا مبهور بك كلنا رأينا أفعالك وسمعنا كلامك من المأكد أن إبليس الأعظم فخور بك
عزازيل.....
كل ما أفعاله من أجل أن أنال رضاه وأكون ولي العهد ع جميع المخلوقات الكون
نهي.....
كنت قاعدة ع الكرسي المخصص لي بجانب صرماط ومثبته نظري ع عزيز وجوايا إحساس قو.ي أن في حاجه بيدبرها بس مقدرش اسأل ابني أصبح مراقب من جميع أنواع الجن حتى الجن المسلم
وكل كلمة بيقولها محسوبة عليه نفسي يا عزيز تبعد عن سكة إبليس وتفوق لنفسك
مكنتش متخيلة أن غلطه عملتها زمان بتدفع أنت تمنها دلوقتي بعد كل السنين دى
انا مش ندمانه ع أنك أبني أنا ندمانه ع حياتك اللي مش قادر تعيشها بشكل طبيعي وللأسف أنا السبب
عزازيل .....
شكرت الجميع وأكدت عليهم أن يثقوا فيا مهما عملت وانصرفت ورجعت الحمام وغرقت نفسي تحت الدش وطلعت كأنى لسه مخلص الشاور
وطلعت ملابسي و جهزت علشان أروح المستشفى ومجرد وصولي لقيت الطفله غدير عماله تلعب ومعاها واحدة شكلها مامتها أول ما شافونى مامتها خافت ووقفت ع جنب وغدير قربت مني وهى بتضحك
غدير..... ازيك يا عمو عزيز أنا بحبك أوى أنت طلعت طيب مش زي ما قالولى عليك 😘
عزيز....
حبيبة عمو أى حاجة عوزاها بلغيني وقولي ل ماما متخافش مني واعرفي منها عنوان أهلك وأنا هروح لهم بنفسي مع أنى اتعودت ع وجودك هنا
غدير.....
حاضر يا عمو
عزيز.....
دخلت المستشفى وروحت عند طنط مها وكان معاها سهي ومامتها سلمت عليهم واتكلمت مع الست اللي المفروض أنها مامت سهي لقيتها طيبه جدا وفضلت تدعيلي وقفتي معاهم
ولقيت طنط مها طلعت فجأة وقالت
طنط مها.....
انت عارف يا عزيز أنا بشكر الظروف اللي خلتني أتعرف ع الست أم عبدالله وع سهي وعلشان كده أنا نفسي المعرفه تزيد إيه رأيك يا أم عبدالله في أبني أمير
ام عبدالله.....
زينة الشباب ربنا يحفظه ويفرحك به هو وأخته
طنط مها.....
طب ما تيجي نفرح كلنا وناخد سهي ل أمير أبني
أم عبدالله.....
والله أنا بدعي ربنا أن أفرح ب سهي ويرزقها بأبن الحلال ولو في نصيب يبقي ربنا استجاب دعايا مع أن صعب عليا أنها تعيش بعيد عني
طنط مها....
إيه رأيك يا سهي أنا أمير أبني محترم جدا وبيشتغل مهندس معماري والحمد لله يقدر يفتح بيت
سهي.....
حسيت فجأة أنى نسيت الكلام ومتلخبطه والكل مركز معايا منتظر منى الرد
بقيت مش عارفه اقول ايه فضلت ابص ل ماما وأنا متوترة ومكسوفه
عزيز.....
خلاص يا جماعه العروسه مكسوفه بس نقدر نقول إن السكوت علامه القبول ولا ايه يا سهي
سهي.... بصيت له وضحكت وهزيت رأسي ب نعم
طنط مها....
نادى ع أمير يا عزيز وتعالوا كلنا نطلع ع البيت نفرح جدتك واتصل على أميرة خليها تحصلنا
قومى معايا يا ست أم عبدالله الكلام في المسائل دى تكون في البيت يلا بينا
أم عبدالله..
والله ما عارفه اقول ايه أنا نفسي افرح ب بنتي انهاردة قبل بكرة بس الواجب أخوها يكون موجود وهو لسه قدامه عشرين يوم وينزل إجازة
طنط مها.....
يا حبيبتي ينزل براحته إحنا نتفق والعيال يتعرفوا ع بعض ولما أخوها ينزل نعمل الخطوبه
احنا مسافرين كمان كام يوم أهو نرتب كل حاجه ونسافر وأول ما أخوها يرجع بالسلامه بلغي عزيز
نيجي نعمل الخطوبه قولتي ايه
ام عبدالله....
ع خيرة الله ربنا يتمم بخير يارب
عزيز.....
اتصلت ع أمير وقولت له ها يا عريس هتجيب بدلة الخطوبه امتى العروسة أخوها هيرجع بعد عشرين يوم
أمير....
بجد يعني سهي وافقت وماما كمان يعني أنا عريس هتجوز يا عزيز
بص بقي أنا هخلي أميرة تجيب ليا بدلة لما تسافر فرنسا
هى عندها رحلة الاسبوع الجاى
ولا خليها من إيطاليا أحسن رأيك إيه
عزيز......
انا رأيي تطلع تبوس ايد حماتك قبل ما ترجع في كلامها ويلا علشان نروح عند جدتى البيت أنجز
بعد ما قفلت معاه أتصلت ع أميرة تحصلنا ع البيت
وقابلت الدكتور المسؤول عن حالة أم عبدالله وكتب لها العلاج اللي تمشي عليه لمدة أسبوع وخليت التمرجى صرفه الروشتة من الصيدلية
كان أمير وصل ولقيت سهي وأمير كل واحد منهم موطى وشي ومكسوف
غمزت ل طنط مها وقولت لها تعالي يا طنط في عربيتي
وقولت اسيبهم هما يركبوا عربيه أمير
وكلمت جدتى وعرفتها أن الجماعه معانا
نورين.....
كنت بتابع اللي بيحصل وعندى إحساس قوى أن عزيز بيحاول يمثل دور الفتي الطيب
لكن مافيش طيب يوافق ع انتهاك. حر'مة المو'تى
وفجأة كدا قرر يمنع ده أول ما ظهرت سهي في حياته
شكلك بتلعب لعبه كبيرة يا عزيز لكن أنا معاك للأخر
يتبع. .....
الكاتبه رشا منصور
#الجزءالثاني_عشر
#عودةإبليس
سهي....
كنت قاعده في العربيه وشايفه أمير كل شويه يبص في المرآيا عليا كنت مكسوفه وفرحانه أوى بس في نفس الوقت مضايقه المفروض العريس بيروح هو وأهله بيت العروسة لكن في حالاتى أنا
الوضع مختلف إنا قاعدة في اوضة تحت السلم وحتى هدومى كنت لبسة عبايه بدل ما ألبس فستان ولا طقم حلو بس اجيبهم منين ده لولا أن صاحب البيت في المستشفى كان زمانا قاعدين في الشارع 😔
مش عارفه ليه بعد ما كنت فرحانه حسيت أن نفسي أبكي على حالي ده أنا منظري ده زى ما يكون خدامه عندهم
يارب أنت عالم بحالي ماليش غيرك دبر لي امري
عزيز.....
عرفت بكل اللي بيدور في دماغ سهي ومنكرش. أن عندها حق تقلق في فرق في المستوي المادي والتعليمي
بس اكيد زى ما عرفت اللى بيدور في دماغها أكيد نورين كمان عرفت يبقي لازم أستغل الموقف لصالحي
اتصلت ب أميرة وأنا في الطريق وقولت لها أنتى لو لسه في المحلات خليكي وأنا جايلك وركنت العربية ع جنب وقولت ل طنط مها هطير أجيب أميرة وأرجع بسرعه
واتصلت على أمير وقولت له لف شويه في الشوارع ولا عطل العربية لحد ما نشتري حاجات للعزومة وطبعاً هو ما صدق
أميرة.....
خرجت من أول اليوم الف ع المحلات لحد ما عزيز كلمني وعرفني أن سهي وافقت روحت اشتريت فستانين سواريه واحد ليا والتاني هديه مني ل سهي
ولقيت عزيز اتصل تاني وأنا في المحل وقالي جايلك وببص لقيته واقف قدامى قالي عاوزين نجيب كام فستان وتقديمهم أنتي ل سهي أنتوا بنات زى بعض أكيد مش هتتحرج منك لأن فهمت منها أنها محرجه وزعلانه من منظرها قدامنا عاوزك بقي تظبطيها
عزيز....
خدت أميرة ودخلنا كذا محل واشترينا حاجات كتير لها ول مامتها وطرت بها ووصلنا العربيه وورحنا البيت وأميرة خدت كل الملابس ع اوضتها واتصلت على أمير وعرفته أننا في البيت
وأول ما وصلت سهي خدتها ع اوضة أميرة ع طول وقعدنا إحنا بره وبعد حوالى ساعه ببص لقيت
أمير....
كنت قاعد وبهرج مع جدتى وهى بتقولى فرحك يتعمل هنا بدل ما أخلي عزيز يعلقك في الباب 😂😂
جدتى......
بقولك يا أم عبدالله إحنا خلاص بقينا أهل بعد ما مها تسافر بعيالها تعالى أنتي وسهي اقعدوا معايا عزيز بينام طول النهار وبالليل بيفضل في المستشفى يعني مش هتحسي به نهائي واهو ناخد بحس بعض بدل ما بقعد لوحدى وانتى سهي بتروح شغلها وبتقعدى لوحدك
عزيز....
عجبتني الفكرة جدا لأن كدا سهي قدامى كل يوم
علشان كده قولت بصوت عالي
والله فكرة حلوة يا جدتى واهو بالمرة تتابعي علاجك وانتى مرتاحه في البيت
وفجأة ببص لقيت بنت زى القمر معقوله دى سهي مكنتش متخيل لما تلبس الفستان وتحط مكياج تبقي بالجمال ده مقدرتش اشيل عيني من عليها لحد ما سمعت
طنط مها.....
بسم الله ما شاء الله ربنا يحفظك من العين يا مرات أبني
عزيز.....
كلمة مرات أبني فوقتني وبصيت ع أمير لقيته مبسوط أوى ومنزلش عينه من عليها معذور بصراحه
وفجأة سمعت همس بيقولى عينك
ابتسمت وسكت ده صوت ميسان مراتي معروف أن الجن بيكون غيور جدااا وبصراحه لها حق تغيير سهي طلعت حكايه
سهي....
اول ما شوفت نظرات الإعجاب بيا حسيت لأول مرة أنى حلوة وزى ما يكون ربنا بيراضيني بفستان عمري ما كنت احلم اني البسه احمدك واشكر فضلك يارب
وفجأة قولت لهم الساعه 4.30 أنا لازم أمشي حالا أروح الكشك يلا يا ماما بسرعه
أمير....
كشك ايه أنسي أنتي من اللحظه دى مسؤوله. منى وكل طلباتك هتجيلك حتى وأنا مسافر عزيز هيبعتلك كل حاجه محتاجاها ده أخويا أوعى تتكسفي منه وأنا هحاسبه
أم عبدالله...
كتر خيرك يابني بس كدا كتير لسه مافيش حاجه رسمي سيبها تشتغل ولما تقرب تتجوز تبقي تقعد في البيت
أمير....
انتى لسه قايله ايه يابني يعني أنا زى عبدالله إبنك يعني مافيش فرق وأنا من اللحظه دى اعتبرت سهي ملزمة منى
وانتى زى أمي بالظبط
طنط مها...
فى ايه يا أم عبدالله عامله ليه فرق بينا إحنا بقينا أهل خلاص متفكريش في الحاجات الصغيرة دى ادعيلهم بس ربنا يتمم لهم بخير ويسعدهم يارب
سهي.....
بس ع الأقل ابلغ خالتي أم هشام مينفعش فجأة كدا مروحش الست كويسه معايا
عزيز.....
بسيطه اتصلت على بتاع الأمن وقولت له روح دلوقتي ادى الفون ل الست صاحبة الكشك واديت الفون ل سهي
واعتذرت لها بحجه أنها مع مامتها في مشوار والصبح هتروح لها تفهمها كل حاجه
أمير....
تسمحي يا خالتي أقعد مع سهي في البلكونه اللى قدامك دى وخدت سهي وقعدنا وقولت لها أنا فاهم كويس أننا لسه امبارح بس متعرفين ع بعض بس والله أنا معجب بكى من أول نظرة وكلمت عزيز وامى علشان اخطبك
ومش طالب منك غير أنك تديني فرصه نعرف بعض وصدقيني حتى لو قولتي في يوم أنك مش عوزانى عمري ما هتخلي عنك أنتي ومامتك لحد ما ربنا يرزقك بأبن الحلال
انا نفسي أشوفك سعيده حتى لو لقدر الله كنتى من نصيب حد غيري 😔
سهي.....
بس أنا رشامنصورموافقه عليك هو أنا صحيح استغربت أن كل حاجه جت بسرعه بس بصراحه أنا امبارح كنت مرتاحه مع أميرة أوى وانهاردة لما شوفت مامتك لقيتها ست طيبه وأنت شكلك إنسان محترم وكمان دمك خفيف ☺️
أمير.....
اقسم بالله نفسي ازغرط طب ممكن بقي متتكسفيش منى وطلعت ألفين جنيه وقولت لها خلي دول معاكي مصاريفك لحد ما عبدالله أخوكى يرجع بالسلامه ونعمل الخطوبه وبعد كدا كل شهر هبعتلك مصاريفك لحد ما اوضب الشقه ونتجوز
بصراحه أنا بفكر نتجوز مع ماما الشقه خمس اوض واتنين ريسيبشن وأميرة هتتجوز وبدل ما ماما تعيش لوحدها نكون معاها بس لو انتى مش عاوزة أنا ممكن اجيب شقه قريب منها مافيش مشكله
سهي....
مامتك زى أمي بالظبط وحرام تعيش لوحدها
أمير....
تمام ولحد ما أخلص توضيب الشقه واجوز أميرة أى حاجة محتاجاها اتصلي على عزيز فوراً
انتى مش عارفه عزيز بالنسبة ليا ايه ده أخويا وصاحبي وبكره لما تعرفيه هتشوفي أنه ع خلق ومحترم جدا
عزيز.....
كنت سامع كل حاجه وقولت في بالي ياتري بعد ما أد.بح سهي هفضل بردو أخوك وصاحبك
ولقيت ميسان واقفه تبص ع الكل قومت دخلت اوضتي وناديت عليها ظهرت قدامى
ميسان.....
ولي العهد عزازيل تحت أمرك
عزيز..... بتعملي ايه هنا أنا مش منبه محدش يجيلي
ميسان...
كنت فاهمه ان يقصد علشان نورين
قولت له طنط نهي أم ولي العهد فرحت جدآ بخطوبه أمير وطلبت تشوف كل حاجه بتحصل حضرت لكي انقل لها الصورة أنت تعلم أنها تحب أبناء طنط مها
وحزينه لأنها لم تحضر اليوم ولم تكن بجوار صديقتها
عزيز......
قولت كويس لأن كلام ميسان بيوضح أن كلنا بنحب الخير ووجودنا مش مؤذي ابتسمت ل ميسان
وقولتها أول ما اليوم ما يخلص هروح ل أمي ابشرها بنفسي وأشوف الأولاد علشان وحشوني
يلا أنتي من هنا أنا عندى ضيوف وواجب اكرامهم
نورين.....
كنت عارفه وشايفه كل حاجه بتحصل زى ما شوفت نظرات عزيز ل سهي
نظرات جمعت ما بين شهوة الإنس وغد.ر إبليس
عزيز...
بعد ما قضينا وقت جميل نزلنا علشان نوصلهم وخصوصاً بعد ما عرفت أن صاحب البيت طلع من المستشفى وفي طريقه للبيت
اخدت جدتى وطنط مها معايا وأمير وأميرة وسهي ومامتها في العربيه التانيه
وروحنا عند البيت وعملت هيصه بكلاكسات والناس كانت واقفه تسلم ع صاحب البيت
نزلت وروحت له أنا وأمير وقولته أنا الدكتور عزيز صاحب مستشفي الأمل التخصصي وده أخويا المهندس أمير وخطيب الانسه سهي
واتفضل ده إيجار اربع شهور التلاته المتأخر وبالإضافة ل الشهر الجديد
سهي.....
مكنتش متخيلة اللى بيحصل أنا من أسبوع كنت مش عارفه هنعيش منين وازاى ودلوقتي معايا فلوس وأجرة البيت ادفعت وامى بتتعالج أحمدك واشكر فضلك يارب
وببص لقيت الجيران بيبروكلي والقطط واقفه نزلت شيلت القطه الصغيره وبوستها
وقولتهم أنا مش هروح الشغل تانى بس ممكن تعيشوا معانا في الاوضة انتوا وش السعد عليا ويمكن ربنا بيراضيني علشانكم
ربنا بيدبر للإنسان أمره لدرجة ممكن يسخر له الشيطان نفسه أنه يخدمك ويلبي طلباتك
عزيز....
يعني ايه بقي بعد كل ده يبقي ربنا السبب مش أنا
وبيقولوا علينا مغرورين أومال الإنس يبقوا إيه 😠
تبقي خلي ربنا بقي يحميكي من إبليس هاهاهاهاها
يتبع.
#رشامنصور
#الجزءالثالث_عشر
#عودةإبليس
كنت أتابع كل ما يدور صحيح أنا واثق في ولاء عزازيل ليا
وخصوصاً بعد ما منحت العفو ل نهي بنت الإنس وسمحت بوجودها وسط عشيرة الجن نسيت اعرفكم بنفسي
أنا الأمير لوسيفر الأمير المخلد إبليس العظيم
وعندما منع عزازيل شباب الإنس من عبادتى كان يحتم على أن أتابع ما يحدث لذلك جعلت أحد أبنائي يراقب ما يحدث بحذر
وعند علمي بما يدور في ذهن عزازيل أدركت ولائه لي
لأ انكر إعجابي بذكائه ومكره مثل التعلب يدور حول الفريسه ويشعرها بحبه وفي لحظه ينقد عليها
كنت أعلم ما ينوى عليه عزازيل ولي العهد بخصوص سهي
يقدم دما.ئها لي ويساعدنى ع دخول عالم الجن المسلم وازرع الفتنه بينهم
ولكني سأقوم ببعض التعديلات بخصوص سهي
فأنا انوى دخول أحدى بناتي في جسدها وتعيش في عالم الإنس وتساعد عزازيل في تد.مير عالم البشر
هذا العالم من حقي أنا لوسيفر المخلد
عزيز.... بعد ما وصلت جدتى وطنط مها البيت طرت ل عشيرتي ولقيت أمي بتقولي
نهي....
بصيت ل عزيز وقولت له حلوة سهي بس بلاش حلاوتها تنسيك صاحب عمرك وتعمل حاجه تخليك تخسره
فاهم يا عزيز كلامي
عزيز.... ابتسمت ل أمي وقولت لها فاهم اطمني يا مولاتي
سأكون عند حسن ظنك
طول عمري معجب ب ذكاء أمي هى عارفه أن عشيرتي أكيد سامعين كلامها اتكلمت كأنها بتنصحني الغي اعجابي ب سهي لكن في الحقيقة هى تقصد ألغي فكرة تقديمها قر'بان منكرش أنى محتاج مساعدتك يا أمي في اللي ناوي اعمله لكن صعب إني أنطق
أقل كلمة ممكن أن يكون تمنها حياتك يا أمي
نهي...
أنا عارفه ومتأكدة أن عزيز بيخطط ل حاجه كبيرة أكبر من فكرة القر'بان اللي الكل فرحان بها
عزيز أبني مش ببساطه يعلن عن اللى ناوى يعمله علشان كده واثقه أن كلامه ده مجرد طعم لحاجه أخطر' بكتير
عزيز....
شوفت أولادى واستأذنت من أمي بعد ما ثبت ميسان مراتي بكلمتين حلوين
ورجعت ع اوضتي ولقيت نورين قاعدة ع الكرسي منتظراني
نورين..... أخبار مامتك وأولادك إيه ع فكره مراتك عسوله
وواضح أنها بتحبك وبتغيير عليك أوى
عزيز....
هى عسوله بس اكيد مش في جمالك وبتحبني موووووت
مافيش بنت تعرفني ومتعجبش بيا سواء في عالم الجن أو الإنس
لأنى چينتل مان جدا مع الجنس 🦋 الناعم وبقدر الجمال
وواثق أنى لو روحت لمملكة الجن المسلم أن الرجالة عندكم هتضايق من وجودى لما يشوفوا البنات وهما بيجننوا عليا ده مش بعيد تقوم حر.ب بسببي
نورين.....
هههههههههههه مغرور ورثت الكبر والغرور من نسلك
عزيز....
وانتى ورثتي الجمال والدلال
بس واثق في كلامي خديني ع مملكتك واطلبي الأذن بمنحي الدخول وفي خلال أيام بسيطه هتشوفي المعجبين بنفسك ولا هتغيري عليا منهم
نورين.....
أنت عاوز تدخل عندنا علشان توقع البنات فيك 😂😂 واضح فعلاً أنك متعرفش حاجه عن عالمنا
عزيز.....
اعتبريني تلميذك المطيع وانحيت رأسي لها
وطلبي من البداية المعرفه والتعلم ياريت تمنحيني الشرف لأتعلم منك ومن حكماء مملكتك
---------بقلم رشا منصور ✍️----------
نورين.... سوف أعرض الأمر على حكماء المملكة.
اختفيت من أمامه بعد ما تسلل صوته في ذهني وقال لي ارجوكى وافقي ع دخولى المملكة أنا مراقب من عشيرتي وأريد أن أعلمكم بأمر خطير..
أمير...
روحت ل عزيز في اوضته وطلبت منه يكون معايا الصبح وأنا بلف ع المحلات محتاج اشتري حاجات وبعد كدا أروح ل سهي البيت
عزيز .....
ده ع أساس أنى الشغاله الفلبينية بتاعتك 😂😂
ياعم قول عاوز تجيب لها ايه وهتلاقيها قدامك وسيبني أنام بدل اللف في الشوارع في عز الشمس
أمير....
تصدق نسيت طب بص بقي أنا عاوز........
ابتديت أقول كل طلباتي ل عزيز ولقيته بصلي وقالي روح نام وهتلاقي طلباتك عندك
حبيبي يا صاحبي مش عارف من غيرك حياتي كانت هتبقي إزاى أنت أحسن أخ في الدنيا
سهي.....
ابتديت أنام وأنا مبسوطه أوى والقطط في الاوضه معايا ماما وافقت بوجودهم بعد ما قولتلها أنهم وش السعد عليا وكانوا دايما معايا طول ما أنا في الكشك وحلمت حلم جميل وغريب في نفس الوقت
شوفت نفسي وأنا قاعدة قدام مرآيا ولبسه عروسة وشكلي حلو اوي بس الغريب أن القطط اللي كانت بتزوقني وبعدين شوفتهم اتحولوا ل بني آدمين ولقيت القطه الصغيره بقت طفله جميله وماسكه ليا الطرحة ولقيت واحدة ست جميلة بتسلم ع ماما وبتقولها متشكرة أنك صونتى الأمانة وحافظتى ع بنتي
صحيت من النوم لقيت القطه الصغيره نايمه جنبي والقطط الكبيرة واقفين قدام السرير وسمعت صوت آذان الفجر قومت صليت وقرأت القرآن والقطط قاعدة جنبي
وبعدين عملت فطار وحطيت للقطط تأكل وصحيت ماما علشان تفطر
وقولتلها إني هنزل أروح السوق واشتري أكل كتير
أم عبدالله.....
روحى الأول ل أم هشام وقولي لها اللي حصل علشان متزعلش منك وبعدين روحى السوق بس اصرفي من فلوس الشغل بتاعك مجيش جنب الفلوس اللي اديهالك أمير افرضي لقدر الله الموضوع مكملش وقتها هنرجع له فلوسه منين خلينا يابنتي ماشين ع الاد لحد ما نشوف مكتوب لنا إيه
سهي....
عندك حق يا ماما وانارشامنصور بردو هقول ل خالتي أم هشام لو الموضوع مكملش أنى هرجع الكشك تانى
ولبست العبايه ولسه بفتح الباب علشان اخرج لقيت أمير والدكتور عزيز قدامى كانت مفاجأة ليا
أمير....
أنا أسف أنى جيت فجأة كدا بس كان لازم اجيبلك الحاجات دي
أم عبدالله .....
اتفضل يابني أهلا وسهلا منورين روحى يا سهي اعملي شاى بسرعه
أمير....
لأ لأ تسلمي أنا بس جبت موبايل ل سهي علشان ابقي أقدر اكلمها وأعرف اخباركم وأنا مسافر
سهي....
كنت فرحانه اوي أول مرة في حياتي يكون معايا موبايل
بصيت له وقولتله أنا متشكرة أوى
عزيز....
يلا تعالوا معانا جدتى منتظرانا علشان نفطر سوي ونقضي اليوم مع بعض اجهزوا وأحنا منتظرين في العربيه بره
سهي...
فضلت اتنطط معايا موبايل يا ماما أنا فرحانه اوي وفتحت الشنط اللي جايبها أمير لقيت علبه مكياج وبرفانات وشنطه تانيه فيها شيكولاته وشنطه فيها هدوم خروج وعبايات وبيجامات ايه كل ده
وامبارح أميرة كانت جيبالي فساتين واكسسوارات وصندل وكوتشي وشنط خروج وعبايات ل ماما وطرح
طلعت فستان من اللي جيباهم ليا أميرة ولبست كوتشي وطلعت ل ماما عبايه جديده لبستها واخدت عبايه معايا البسها هناك علشان مفضلش قاعدة بالفستان أحسن يتبهدل مني وكان شكلنا حلو اوي وطلعنا من البيت ولقيت الجيران بتبص علينا وعزيز بيفتح ل أمي باب العربية
وأمير بيفتحلي الباب اللي وراء حسيت كأننا هوانم
أميرة....
ماما صحتني من بدري وقالت ليا قومى وضبي الاوضه اخواتك هيجيبوا سهي ومامتها يقضوا اليوم معانا ويمكن يباتوا يلا بسرعه ع ما أجهز الفطار أنا وجدتك
مها....
كنت فرحانه وأنا شايفه أبني مبسوط بقالي سنين كنت بتحايل عليه يتجوز بس كان يقولى لسه ملقتش البنت اللي تخطف. قلبي ربنا يسعدك يابني وافرح بأولادك
جدتى....
اللى يشوفك دلوقتي يا مها ميصدقش أنك كنتي عماله تقولي عاوزة عروسة حسب ونسب تليق بأبني ده أنا كنت خايفه تعملي حماة ع البنت الغلبانه امبارح
مها.....
كل أم بدور ل عيالها ع أحسن حاجه بس امبارح لما شوفت فرحة أبني والله عندى بالدنيا ومافيها أنا مش عاوزة حاجه تاني
جدتى....
تبقي اعملي صنيه مكرونه حلوة كدا ل عزيز ما هو السبب أنه أمير يتعرف عليها
مها....
بس كدا ده أنا ناويه اعمل وليمة وطلعت اللحمه والفراخ وباعت البواب يجيب ليا الخضار والفاكهة
أميرة.....سامعه سيرة أكل ايوة بقي دلعينا يا ماما
مها. ....ما انتي هتساعديني يا روح ماما
أميرة..... لأ لأ انسي أنا اطلبكم دليفري ع حسابي أحسن
جدتى... دليفري إيه لازم تتعلمي أومال هتتجوزى إزاى
أميرة ... مالوا الاندومي زى الفل
جدتى.... طب لما يجي عزيز وأنا هعرفه أنك مش عاوزة تعملي الأكل أما كان علقك في السقف 😂😂😂
أميرة....
ليه بس يا تيتا يا قمر أنتي أنا بهرج
أنا هعمل الأكل وعزيز عليه يجهز لنا عربيات الإسعاف 😛😛😂
يتبع...
الكاتبه ✍️
#رشامنصور
#الجزءالرابع_عشر
#عودةإبليس
عزيز .. .
اول ما وصلنا البيت دخلتهم الصالون ولقيت جدتى وطنط مها وأميرة متجمعين في المطبخ ونازلين ضحك
قولت لهم الناس قاعدة بره وانتوا قاعدين هنا يلا جهزوا الفطار أنا جوعت أوى
طنط مها…
طب روح أقعد معاهم وأحنا هنجيب الأكل
عزيز… لآ أنا هغير هدومي علشان هفطر وأنام أبنك مصحيني من بدري
جدتي. …
عقبالك يابني وأنا رشامنصور مش هخلي حد ينام ساعتها
أمير. …
كنت مبسوط ومتلخبط ومش لاقي كلام أقوله روحت مشغل التليفزيون وفضلنا نتفرج عليه
سهي…
حسيت أن أمير محرج وخصوصا علشان ماما قاعدة قولت له هي فين أميرة راح قالي أنا سايبها نايمه
أميرة …
مين جايب سيرتي . أزيك يا طنط عامله أيه أخبارك أيه يا سهي
وبصيت ل أمير وقولت له أمك مصحياني من بدري من الأخر كدا ناويه تضحي. بيكم
أمير …
ليه أيه اللي حصل لقيتها بتقولى عوزانى أعمل الغداء بس أنا علشان أصيلة قولت لهم يجهزوا الاسعاف والطوارئ أنا عن نفسي هأكل اندومى العمر مش بعزقه😅😅
سهي….
فيكي الخير والله هو أنتي مبتعرفيش تعملي أكل
أمير. ..
أميرة أحسن واحدة بتعرف تأكل بس ده الله يكون في عون خطيبها فلوسه هتروح ع الدليفري
طنط مها.
يلا يا جماعه الفطار جاهز أحسن عزيز جعان هو وأميرة ودول ممكن يخلصوا الأكل 😂😂
عزيز. ..
لآ يا طنط انا هأكل نص بطن بس علشان سمعت أن في صنية مكرونة ع الغداء ومش عاوز اوصيكي بقي عاوز بطاطس محمرة مقرمشه معاها
طنط مها…
هو أنت متعرفش أن أميرة اللي هتعمل الأكل
عزيز..
ليه بس كدا لأ بقي يبقي الدليفري أرحم حرام عليكي يا طنط انتى عارفه إنى بحب المكرونه
جدتي
متزعلش يا قلب جدتك أنا أعملها لك
سهي…
بصيت للكل ول ماما وقولتلهم تسمحولى أساعد معاكم في عمايل الأكل
طنط مها….
بتعرفي تطبخي يا سهي ما شاء عليكي اخيرا لقيت بنت بتعرف تطبخ ده الخيبه بتاعتي هي وأصحابها عايشين ع الدليفري والاندومى
أميرة.
ع فكرة بلاش ظلم أنا بعرف اسلق بيض
عزيز…
فضلنا نضحك ونهرج وأنا خلصت فطار ودخلت أوضتي كنت حاسس إني مخنوق من كتر المراقبة اللي عليا
وفجأة لقيت النور بيرعش ومرة واحدة لقيت نفسي اتنقلت ل عالم آخر وببص حواليا
كنت واقف فى جزيرة فى وسط البحر فضلت أتلفت حواليا مش فاهم إيه اللي بيحصل ولا مين اللي جابني هنا وظهر فجأة كرسي فخم جدااا وكبير
وسمعت صوت قوي بيقولي
لوسيفر…
أعتقد أنك بعد ما اثبت ولائك لي تستحق مقابلتي ومنحي جزء من قوتى هديه لك
عزازيل…
تحولت لشكل الجن وانحيت رأسي وقولت أميرنا المخلد لوسيفر. العظيم
لقد جعلت تفكيري في خدمتك حتى انال رضاك وتمنحني قوتك وأكون ولي عهدك ع الكون بجميع مخلوقاته
لوسيفر. .
تستحق ذلك ولكن أريد ان تدخل سهي عن اقتناع وبطوع أمرها فى المغسلة فأنا لآ أريد دما.ئها
ولكن أريد جسدها لتدخل فيه أحدى بناتي وتعيش بين البشر وتتزوج بشري وتنجب الكثير من الأولاد ويصبح لدينا الكثير من الهجناء ونستطيع ان ننتشر فى جميع إحنا العالم وأنا أعتمد عليك في ذلك وأمنحك القوة اللى تحميك وتجعلك تتحكم فى كل شئ
عزيز….
ثق إنى سابذل كل جهدي وانحيت رأسي تحية له وشعرت بيده تقترب مني ووجدت شعاع يخرج منها ولها ضوء يشبه النار ويدخل في جسدي
جعلني اهتز ووقعت ع الارض وظللت هكذا حتى وجدت الشعاع يخرج من عيني وشعرت بقوة بداخلي ووقفت ع قدمي ووجدت الأمير المخلد لوسيفر يقول لي لقد منحتك القوة والآن أذهب ونفذ مهمتك وفى لحظه وجدت نفسي في غرفتي مرة أخري
مافيش أحلي من الإحساس بالقوة وظهر لي أحد أفراد عشيرتي وأختفي
ذهبت إلي الحمام وشغلت الدش وطرت إلي العشيرة ووجدت الجميع في انتظاري وانحنوا لي ووجدت أبي الأمير صرماط يقول لي
الأمير صرماط…
من الآن أنت من يجلس ع العرش فبعد ما منحت قوة لوسيفرالمخلد أصبحت أقوي منا وانت من يستحق الجلوس مكاني وتدير شؤون العشيرة وتحميها
نهي. ..
كنت ببص ل عزيز والدموع في عيني كان نفسي أصرخ. وأبكي ع حال أبني خلاص مافيش أمل من النجاة دخل فى سكة اللي يروح وميرجعش إلا بموته سكة الهلاك يا خسارة ياريت كان فى أيدي حاجه أعملها
عزيز…
نظرت إلى أمي وشوف الدموع اللى بتحاول تمنعها من النزول روحت لها وبوست ايدها وقولت لها ستظلي مولاتي لولا تعليمك لي لم أكن أصل لهذه المكانه علشان كدا عاوزك تثقي في أبنك اطمني
نهي…
أخدت عزيز فى حضني وقولت له طول ما أنت بعيد عن عيني صعب اطمن لكن أنا واثقه في ذكائك
عزيز…
الآن اسمحولي عندي مهمه واجب تنفيذها وطرت وخرجت من حمامي ومعايا الفوطة وخرجت بره وقولت ل سهي هى الطفلة غدير قالتلك ع عنوان أهلها
سهي….
أنا رشامنصورنسيت خالص غدير ونسيت خالتي أم هشام كان المفروض أروح لها
عزيز…
طب أيه رأيك أنا هروح المستشفى أراجع شويه حسابات وأنتي تشوفي ام هشام وأمير يشوف شغله يخلص ليا التصميم قبل ما يسافر ويمكن تشوفي غدير إيه رأيكم
أمير..
تمام فكرة كويسه روح أجهز وأحنا جاهزين بعد إذنك طبعا يا خالتي وزي ما فهمتك وسلمي ع ام هشام وخليكي قاعدة عندها لحد ما الجماعه يخلصوا شغلهم بلاش تعطليهم
أمير…
فهمت طبعا تلميح ام عبدالله وابتسمت لها وقولتلها اطمني يا خالتي سهي زى أميرة أختي بالظبط وأخاف عليها
عزيز…
يلا أنا جاهز مش هوصيكي يا طنط مها اوعى تخلي أميرة تعمل الأكل تبقي دبسيها في غسيل الأطباق 😂
أميرة…
اة قلبي الطعنه. مبجيش غير من القريب 😑
عزيز… نزلنا إحنا التلاته وفى الطريق
أمير…
عزيز أنا بفكر فى حاجه إيه رأيك لما أفتح حيطه حجم الباب فى اخر اوضه فى العيادة واقفل الجزء الفاضي اللي جنب الجراج وأعمل فى نهايتها اسانسير صغير ويطلع للدور اللي فوق ونخلي الحالات المصابه بالعظام تحت وحالات السمنه او النحافه فوق
عزيز….
فكرة حلوة انت لما دماغك بتشتغل بطلع أفكار حلوة بركاتك يا ست سهي الواد بدء يبتكر أهو 😂
سهي…
كنت قاعدة فى الكنبه وراء وعزيز اللي سايق وأمير قاعد قدام وكل شويه يبصلي في المرآيا وكنت محرجه آوى من عزيز لأنه كان واخد باله
بس كنت مبسوطة أوى ورغم ان كل حاجه جت بسرعه بس منكرش ان إعجابي ب أمير بيزيد وشكلي كدا ابتديت أحبه 😍💑
وصلنا عند المستشفي وأمير نزل فتحلي الباب ووصلني عند خالتي ام هشام وسلم عليها وعرفها بنفسه وقالها خلي سهي عندك لحد ما أخلص شغل وقال ل خالتي إم هشام اى طلبات تاخدها سهي حسابها عندى
كنت مبسوطة أوى وبمجرد ما مشي لقيت خالتي قالتلي
أم هشام ….
ألف مبروك يا بنتي ده شكله جدع ابن حلال ربنا يتمم لكي ع خير يا حبيبتى
سهي…
بلغتها بكلام أمي ان لو الموضوع مكملش ممكن أرجع تاني وقالت ليا المكان مكانك يابنتي بس اتفائلي خير وبلاش تفكري في الاسوء وفجأة
غدير…
أبلة سهي كنتي فين جاتلك إمبارح لقيت الكشك مقفول أنتي كويسة
سهي….
لو كنت نطقت كانت إم هشام هتسألني بتكلمي مين روحت قولت لها أنا هعمل شاى يا خالتي عندك ميه ولا اجبلك من المستشفى
إم هشام. …
تجيبي ميه ولا عاوزة تروحي ل خطيبك اسمعي مني خليكي تقيله وكمان هيقول عليكي انك من أولها مش بتحترمي كلامه خليكي أنا هروح أجيب الميه
سهي….
مجرد ما خالتي مشيت من الكشك قولت ل غدير أنا يمكن مجيش هنا تاني أنا اتخطبت وخطيبي مش عاوزنى اشتغل قوليلي عنوان أهلك فين وخطيبي من القاهرة هيروح لهم هو والدكتور عزيز
غدير. ..
ماما قالتلي أمبارح بس نسيت أسم الشارع هى منطقة قريبه من المطار وكان فى فندق بشوفه وأحنا في الطريق
وعمو اسمه ماجد العسيلي
سهي… مش كفايه يا غدير لازم أسم الشارع ورقم العمارة مينفعش ندور في المنطقه ونمشي نقول فين ماجد العسيلي
غدير… انا خايفه ماما تزعل مني لو عرفت إنى نسيت
تعالي يا أبلة المغسلة واسألي أنتي
سهي…. 😨
عزيز…. كدا سهي هتدخل بمزاجها المغسلة وأنا مش مسؤول قدام أمير 😂😂
يتبع. ..
الكاتبه
#رشامنصور
#الجزءالخامس_عشر
#عودةإبليس
سهي… قولت فى بالي بقي أنا لحد دلوقتي مش مستوعبه أنك ميته عوزانى أدخل واقف وسط الأموات واتكلم معاهم
بصي يا غدير أصل أنا قاعدة هنا منتظرة خطيبي ولو قومت ممكن تحصل مشكله بينا ويروح من غيري وإنا لحد دلوقتي معرفشي أروح عند حماتي لوحدي
حاولي اعرفي منها او شوفي حد غيري يسأل مامتك
غدير… سيبت أبلة سهي وأنا مش عارفه اعمل إيه كدا محدش عارف مكانا وشكلنا هنفضل هنا ع طول
عزيز….
اوعى تفتكري إني هسيبك يا سهي هجيبك يعني هجيبك ده أنا عزازيل ومش حتة انسية زيك تبقي اذكى منى
صحيح أنا كنت فاكرأني لما امحي جزء من ذاكرة غدير ده هيخليكي تدخلي المغسلة بس ومالوا اللعب لسه في أوله
أمير…
طلعت ل عزيز فى مكتبه وفضلت اكلمة لقيته سرحان روحت خبطت ع المكتب جامد لقيته اتفزع وبيقولي إيه يا أمير فزعتني
مش عارف ليه حاسس ان عزيز مخبي عليا حاجه
سألته مالك يا عزيز شكلك شايل الهم فى إيه يا صاحبي قولي ده أنا أخوك سندك وضهرك
عزيز….
كلام أمير وجعني أوى أنا فعلا ماليش صاحب غيره كنت بهرب من الكل واروح له 😓
مافيش حاجة يا أمير كل الحكايه إنى تعبت وعيالي بعيد عني ومش قادر اجيبهم يعيشوا معايا
أمير …
طب ما أنت تقدر تروح تشوفهم كل يوم بس أقولك اصبر عليا أول ما أتجوز وهات عيالك عندنا ويعيشوا معانا ويبعدوا بقي عن العشيرة بتاعتك أحسن يتعلموا قسوة القلب
نفسي يطلعوا زيك يا عزيز مافيش أجدع منك ولا اطيب من قلبك يا صاحبي
عزيز…
وأنا رشامنصورعمري ما هلاقي أحن منك ع عيالي لو جري ليا حاجه يا أمير وصيتك عيالي
المهم يلا بينا لو كنت خلصت شغلك بدل ما سهي تفضل قاعدة فى الشارع كدا مش كنت دخلتها تقعد في الكافتريا تحت أحسن
أمير…
ما أنت سمعت كلام مامتها وخوفت ادخل سهي المستشفى مامتها تفتكر إنى مش آمين عليها
عزيز ..
طب يلا بينا ونزلنا تحت وروحت عند الجراج وببص لقيت 😨
لوفيرا…..
عزازيل لقد حضرت بأمر الأمير المخلد لوسيفر الأعظم.
عند حضور البنت ما عليك غير ان تنطق أسمي
عزيز…
بصيت لها وهزيت رأسي ولقيت أمير بيقولى في حاجه ولا إيه
قولت له روح هات سهي انت هتخليها تعدى الطريق لوحدها
ومجرد ما مشي روحت ل لوفيرا وقولت لها عاوزك تخلي بالك لأن في جنية مسلمة بتحميها ولو حست بحاجه ممكن تأذيكي وكل اللي بنخطط له يبوظ أوعي تظهري إلا لما انادى عليكي لازم تختفي خالص
وسبتها وركبت العربيه وطلعت بها قدام البوابه أنتظر أمير وسهي
نورين….
كنت شايفه وسامعه كل حاجه وفهمت من كلام عزيز أن اللي بيكلموا عليها سهي كنت واثقه أنك ناوي لها ع حاجه
خليني معاك للنهايه والشاطر اللى يضحك في الآخر
جدتى. ..
كدا المكرونه جاهزة مش فاضل غير أنها تدخل الفرن
مها…. تعبتك معايا يا أم عبدالله وانتي تعبانه بس أعمل إيه إنتي اللي صممتي بس الله أكبرعليكي نفسك في الطبيخ عسل
أم عبدالله. …
والله وأنا معاكوا نسيت التعب عقبال ما أعمل لفرح بنتي وبنتك والدكتور عزيز يارب
جدتى…. يسمع منك ربنا ونجمع دايما في الفرح
عزيز….
خدت أمير وسهي وفضلت الف شويه بهم وبعدين قولت ل سهي هو أنتي شوفتي غدير انهاردة ولا لا..
سهي. ..
اة شوفتها بس مكنتش فاكرة العنوان كله قالتلي منطقه قريبه جنب المطار لكن مش فاكرة رقم البيت ولا إسم الشارع وكانت عوزانى أدخل المغسلة معاها واقف فى وسط الأموات واتكلم امها
عزيز. . طب مروحتيش معاها ليه وكنا خلصنا
سهي….
بصراحه أمير قالي خليكي قاعدة عند الكشك ومكنش ينفع اروح معاها من غير ما اقوله وكمان أنا بخاف من العفاريت أروح اقف فى وسطهم
أمير…
عارفه يا سهي لو كنتي عملتي غير كدا كنت زعلت منك
تبقي شوفها انت يا عزيز وأعرف منها العنوان
سهي … إيه ده هو انت بتشوف الأموات وبتكلم معاهم
عزيز…
بصيت ل أمير وبرقت له وبعدين قولت ل سهي هو أنا لو بتكلم معاهم كانت غدير كلمتك أنتي ليه ما الأسهل كانت كلمتني أنا ما انا كل يوم في المستشفى
سهي…. أيوة صح عندك حق
طب يلا بينا نروح انا اتأخرت ع ماما وكمان أساعد أميرة
أمير. ….
أميرة لها في اللبس والمكياج والدريكور لكن في الأكل ملهاش طويلة بال تقول ما الأسهل أطلبه جاهز بدل ما أفضل أعمل واستني يستوي وفى الآخر ممكن يطلع وحش ويترمي.
عزيز….
ياعم خليها تدلع بكره تجوز وتخلف وتنشغل بالعيال وساعتها الدليفري هو اللى ينفعها 😂
أمير….
والله قلقان عليها خطيبها بيحب أكل البيت إحنا بناكل الدليفري غصب عنا في الشغل لكن جوه البيت كمان صعب وخايف يزعلها فى يوم بسبب الموضوع ده وبصراحة مقدرش الوم عليه
عزيز….
يزعل مين روق كدا لو راجل يعملها خليها بس تنطق أسمي وأنا اخليه يعيش خدام تحت رجلها
مش اخت عزيز اللي يتنكد عليها أنا بس اللي اغلس عليها براحتي
سهي….
يا بختها بك يا دكتور عزيز عقبال ما ألاقي ليا حد يجيب ليا حقي أنا كمان
عزيز. ..
أنتي هتبقي مرات أخويا يا سهي اى حد يزعلك هجيب لك حقك لكن أمير مقدرش ازعله
وأمير عمره ما يزعلك هو بيفهم فى الأصول وبيخاف ع اللي منه يعني هيخاف عليكي أكتر من نفسك اطمني
أمير….
كنت سامع وساكت مقدرش ألوم عليها كل بنت بتبقي خايفه لحد ما تتجوز وتطمن وتحس ان جوزها هو سندها وضهرها
سهي….
وصلنا البيت وطول الوقت أمير بيبصلي فى المرآيا وساكت يكون زعل من كلامي مع عزيز
طب أعمل إيه من أولها كدا عكيت الدنيا وهو كويس معايا معملش حاجه تزعلني 😯
عزيز…. ع اذنكم هدخل اغير هدومى ع ما الغداء يجهز
أمير…. بصيت ل سهي وقولتلها لو تحبي تغيري هدومك أوضة أميرة هناك
سهي…. أمير أنت زعلان مني وآلله ما قصدي ازعلك أنا كنت بهرج حقك عليا
أمير… لآ يا سهي مزعلتش ولو فى يوم أنا زعلتك تعالي قوليلي أنا مش محتاجه تشتكي لحد
سهي… 😢😢😢
أمير… والله مش زعلان يلا روحى البسي العبايه علشان تقعدى براحتك وأنا كمان هاخد شاور في السريع كدا
أميرة….
يا ماما هى لازم السلطه تتقطع مينفعش احط الخضار في المفرمة أسهل وحتى تبقي سهله الهضم
مها…. الصبر من عندك يارب
ام عبدالله ….
مينفعشي يا أميرة لازم تتعلمي افرضي في يوم كنتي جعانه والوقت متأخر ومينفعش تطلبي أكل جاهز هتفضلي جعانه لتاني يوم ع الأقل اعرفي تعملي مكرونة او حمري شويه بطاطس
مها…. قوليلها ده أنا تعبت من كتر الكلام
عزيز. ..
أول ما دخلت أوضتي لقيت نورين قدامي قولت لها
معقوله القمر بنفسه منتظرني أنا لو أعرف كدا كنت طرت وجيت من بدري بس أعمل إيه معرفش مواعيدك
نورين…
بصيت له وقولتله حكماء المملكة وافقوا ع دخولك معايا أنا وبس لو فكرت تقرب من المملكة بدوني هتتعرض للمحاكمة
عزيز….
هو فى أحلي من إنى اكون معاكي حد يطول يبقي مع القمر ده أنا يمكن أفضل عندكم ومرجعش هنا تاني
نورين. ….
ياريت تعرف حدودك دخولك في المملكة مشروط لمقابله الحكماء فقط لا غير
وغير مسموح بالتجول فيها وإلا سيتم طردك أو سجنك.
عزيز..
أنا من أيدك دى ل إيدك دى اللي تؤمرى به هنفذه وأنا مغمض
نورين… ميعادنا في الصباح بدايه شروق الشمس واختفيت
عزيز… كدا الخطة ماشية بالمظبوط
دخلت أخدت شاور ولبست هدومى وخرجت أشوف المكرونه
سهي…
لبست العبايه وروحت المطبخ ولقيت جدتي وأمي وطنط مها مشغولين وأميرة عماله تكلم نفسها
في ايه يا أميرة مالك قالتلي مش عارفه أعمل السلطه قولت لها بسيطه نعملها سوي واعلمك وابتديت أقطع الخضار قدامها وهى تعمل زيي والكل كان مبسوط لانها بتحاول تتعلم وقولت لهم يلا اطلعوا وأحنا هنجهز الأكل في الأطباق وجايين
وحضرنا السفرة أنا وأميرة ووضبنا كل حاجه والحمد لله اليوم كان جميل وكنت حاسه اني في وسط أهلي وصمموا أننا نبات معاهم
وكنت فرحانه آوى امتي يا عبدالله تيجي ونعمل الخطوبه بقي
عزيز….
دخلت أوضتي أفكر ازاي أكسب ثقت الحكماء ويسمحولي بالدخول فى اى وقت مممم بس لقيتها تسلم دماغك يا زيزو
يتبع…
تفتكروا عزيز هيقدر يخدع الجن المسلم منتظرة ردكم في التعليقات
 رواية عودةإبليس الفصل 11-12-13-14-15بقلم رشا منصور جدي…){kind=link}
تعليقات
إرسال تعليق
فضلا اترك تعليق من هنا