رواية تربية حواري الفصل 11-12-13-14-15بقلم ولاء حامد (جميع الفصول كامله)

رواية تربية حواري الفصل 11-12-13-14-15بقلم ولاء حامد (جميع الفصول كامله)

رواية تربية حواري الفصل 11-12-13-14-15بقلم ولاء حامد (جميع الفصول كامله)

الفصل الحادي عشر 🌹🌹🌹

وصل جبل الشغل وهو رايق ولسه الضحه مرسومه على وشه

رامي بإستغراب: اش اش ايه الضحه اللي مبينه أسنانك على الصبح دي

جبل بفرحه وعدل ياقه القميص: احم احم هاروح ب بكره انا وبابا وماما نتقدم لحور

رامي بذهول: ووالدتك وافقت بسهوله ويسر كده

جبل بهزه راس: لا بابا قالي اوعي تتراجع وانا في ضهرك ولما سخنت اوي بابا وقفلها فاضطرت توافق

رامي بتفكير في كلام جبل

طيب خد بالك لان والدتك مش من النوع اللي بيتجبر على حاجه وشكلها ناويه على نيه 

جبل بلا مبالاه: تؤتؤ خالص ماما بتخاف من بابا وهو الوحيد اللي بيعرف يخليها ترجع في كلامها 

رامي بعدك ارتياح: اتمنى والله يا صاحبي على العموم الف مبرووك وربنا يتمملك بخير بس متنساش تعزمنا علشان نشوف الحوريه اللي شغلتك أيام وليالي

جبل بقلبه وش: رامي حور خط أحمر ولا حتى بهزار 

رامي بضحك: تمام يا صحبي ربنا يسعدك يلا علشان مناخدش كلمتين في عضمنا 

أتوجه كل واحد فيهم لمكتبه وبداء اليوم

*********************************

في بيت حور قفلت هدى مع بنتها واتصلت بأخواتها 

قطب بضحك: هدى يااااااه عاش من سمع صوتك يا غاليه

هدى بمعاتبه: صوتي موجود يا ابن امي وابويا بس انتوا اللي نسيتوا ان ليكم اخت باين

قطب: والله ابدا انتي عارفه الدنيا تلاهي والواحد عمال يلف زي التور المربوط في ساقيه يلا الحمد لله على كل حال طمنيني عليكي وعلى حور عاملين إيه عارف والله ان السؤال جاي متأخر بس عصب عني ويعلم ربنا

هدي بتفهم: الله يعينك على شيلتك يا اخويا احنا الحمد لله زي الفل وحور تربيه عامر مش انا اللي هاعرفك عامر يا قطب 

قطب بضحك: لسه بتغيري عليه وتحاميله حتى وهو في قبره يا هدي 

هدي بحب ووجع : وانا ليا مين غيره بعد ربنا دانا فتحت عيني في الدنيا على حبه دانا شوفت الدنيا بعنيه ميأسش ومتعبش مني في يوم جري سنسن وسنين على الخلفه لحد ما ربنا كرمني اااه يلا الله يرحمه ويجمعني بيه في الاخره يارب 

قطب: والله يا هدى يستحق كان ونعم الرجال الله يرحمه المهم اؤمري اصل الاتصال داه مش لله وللوطن ولا انا غلطان

هدى: لا يا اخويا مش لله وللوطن عايزاك انتا وراشد يوم الجمعه بعد صلاه العشاء 

قطب بإستغراب: ليه خير يا هدى

هدى بتنهيده طويله: حور جايلها عريس ومينفعش ييجي البيت ومفيهوش راجل الناس تاكل وشي وعمها انتا عارف اللي فيها من يوم موت عامر الله يرحمه واللي عملته حور فيه هو وابنه ومراته وكمان بيني وبينك عشان ميستقصروش حيطه البت داه المثل بيقولك بنت الحي عزوها وبنت الميت هانوها يعرفوا ان ليها رجاله والله يا قطب وماليك عليا حلفان حور مافيهاش الا لسان والله 

قطب بتفهم: تؤمري يا أم حور بنتنا ست البنات واللي ييجي يبقى عارف انها تاج غالي وعالي فوق الراس متعتليش هم انا وراشد جايين والله عايزه ربنا خير

هدي بتنهيده ارتياح: الحمد لله ماشي يا غالي مستنياكم 

******************

عند حور بعتت سوزي الفلوس مع حد من طرفها 

حور: سبارس حاجه العربيه جهزت

سبارس بهزه راس: ايوه يا أسطى ها هانبداء على بركه الله 

حور بلويه وش : ايوه يا اخويا يلا استعنا على الشقاء بالله يلا شد حيلك علشان هانبداء نفك فيها واعمل حسابك ايدك بإيدي لحد ما تاجز آمين يا آبا

سبارس: آمين يا أسطا

وفعلا بدئت حور فعلا تفك في العربيه اللي محتاجه معجزه علشان ترجع تاني

وفعلا مر اليوم بطوله وحور لسه شغاله

ساعات طويله مرت وهي لسه شغاله وناسيه كل الدنيا من حواليها مفصلهاش غير التليفون 

سبارس: ايه يا اسطى تليفونك اتحرق رن 

حور وهي بتمسح ايديها: طيب ناولهوني 

اخدته منه وبصا فيه ومره واحده 

يالهوووووي الساعه 9 وعوجت بوقها يمين وشمال في حركه شعبيه مشهوره

حور: يلا يا ياعم قفل الورشه وسيبها على حالها وبكره يحلها الحلال دانا هاتنفخ في البيت يلا يلا يا حاج الله يسترك 

لم يسعف الوقت حور لتغيير ملابسها المتسخه وركبت عربيتها واتحركت بسرعه

روحت حور وهي بتركن على باب البيت شافت أمها قاعده على المصطبه قدام الباب مستنيهاها

حور نزلت جري: مالك يا هدي إيه اللي مقعدك على المصطبه عز الليل

هدي بتنهيده: مستنياكي يا ست الساعه كام دلوقتي

حور بصبر: طيب يلا ندخل وانا احكيلك 

هدي بعدم رضا: يلا يا ست لما نشوف اخرتها يا هانم 

دخلت حور وهدي وهي عارفه ان القيامه هاتقوم مع أمها

هدي قعدت على أول كنبه قابلتها: ها يا ست هانم الساعه في إيدك كام يا برنسيسه

نفخت حور بتعب: الساعه 11 يا أما بس كان عندي شغل كتير وفي ايدي عربيه زبونه وعايزه شغل من نار بدئت أحل فيها والوقت سرقني لو بصيتيلي كويس هاتلاقيني مغيرته وبعفريته الشغل

هدي بتعب: وآخرها يا بنت بطني هاتفضلي واجعه قلبي عليكي كده كتير متنسيش انك بقيتي عروسه على وش جواز

حور: فاهمه يا أما بس والله غصب عني داه مال ناس وأكل عيشنا وبيوت ناس مفتوحه من ورا الشغل داه دي أمانه ابويا اللهزيرحمه سلميها لله والله أخر مره اتأخر مش هاتتكرر يلا بقى سخني الأكل قلبي سقط عليا من الجوع هاستحمى واجيلك ريحتي كلها شحم 

هدي: طيب يا ضنايا متنسيش إننا في حاره والناس ما بتصدق تلاقي حاجه تمسكها في بوقها لبانه تتشدق بيها وتنقل من بوق لبوق

هزت حور رأسها بتفهم : حاضر يا أما يلا بقى يا هدهد الجناين

اتحركت هدي وهي مقتنعه ان بنتها على حق بس قلب الأم أم 

مر اليوم مرور الكرام 

تاني يوم يوم جديد بنهار جديد على الكل 

صحيت حور بروتينات المعتاد 

هدي : رايحه فين انهارده

حور برفعه حاجب: رايحه الورشه ليه

هدي بتعوجه بوق: لا يا شملوله انهارده مش هاتروحي خلى حد يحل مكانك

حور بإستغراب: ليييه يعني

هدي بنفخه طويله: انهارده يا عروسه هانضف البيت من فوق لتحت ونفرشه عشان الناس اللي جايه بكره وانا مش هاقدر لوحدي

حور: يأما نمسح الدور داه هما يعني هايقعدوا في البيت من فوق لتحت هي اوضه الجلوس ودمتم

هدي بعصبيه: بت انتي كلامي يتسمع داه المثل بيقولك أكنس بيتك ورشه ما تعرف مين يخشه يا عين أمك يلا يلا خلي حد من اللي في الورشه يحل محلك انهارده

حور : يأما 

هدي بحسم: هي كلمه ومش هاتنيها بلا أما بلا أبويا يلا يا بت

حور بنفاذ صبر: حاضر يا أما ماانا عارفه لما بتصممي على حاجه دماغك جزمه قديمه 

هدي: مااااشي يلا يا بت كلمي حد يكمل شغلك انهارده 

وسابتها ومشيت 

حور طلعت تليفونها

حور: ايوه يا سبارس بقولك إيه كمل شغل في العربيه اللي عندك انا انهارده مش جايه

سبارس: لييه يا اسطى خير اول مره تعمليها 

حور: ظروف انهارده انا اجازه كمل شغلك يا أسطي يلا سلام يا باشا

سبارس: اطمني يا أسطى كأنك موجوده وزياده يلا سلام 

مر اليوم بطوله في بيت حور ماخليش من تنضيف وكنس ومسح 

قعدت حور بتعب: بالله عليكي يا هدي كفايه انا وسطي اتحش من الشيل والحط نريح شويه ونقوم نكمل

هدي بشخطه: قومي يا بت اومال لما تشيلي بيت لوحده يا معدوله هاتقوليله إيه يا اختي همي همي يا بت بلاش لكاعه بنات

حور بتعب وهي بتدلك في رجليها: يالهووي عليا وعلى سنيني وعلى الجواز وسنينه هو الجواز كنيس ومسيح يا هدي دي تنضيفه العيد على اللي بتعمليه داه كله 

هدي بلا مبالاه: يلا يا عروسه لسه عندنا تلميع الخشب اللي اتبهدل من غبره التنضيف ولسه فرش البيت وبكره ورانا تجهيز واجب للناس اللي جايه 

حور وهي ناقصه العياط: لا خلي عنك واجب الناس هاجيب جاهز من بره

هدي بقلبه وش: من بره ليه يا اختي كتعه ولا كتعه داه لازم غدا معتبر ووصايه كمان غير الحلو والعصير لازم يعرفوا إننا بيت كرم وانك عروسه لقطه وست بيت بريمو ميلاقوش زيها لو لفوا الدنيا على كعوب رجليهم حافيين يلا يلا همي اومال

قامت حور بتعب : يلا يا أما منا مش هاخلص من الموال داه يلا الله يباركلك في صحتك اللي هدت حيلي طول اليوم

****************

عند جبل قاعد سرحان وهو بيعد الساعات اللي بتفصله عن اليوم اللي بيحلم بيه من يوم ما عينه جات على حور وهي خطفت قلبه قبل عينه

همام بخبث: ايه اللي واخد عقلك يتهنى بيه

جبل بضحك: انتا يا ابو جبل

همام بضحك: طيب يا عم هامشيها اللي واخد قلبك أصله اكيد مش انا

جبل بضحكه جامده: ايييه يا حاج مالك بتنكش معايا ليه هي أم جبل لسه قافله منك 

همام بنفخه غضب: عادي امك مجدتش عليا مراتي وانا عارف طبعها تقدر تقول كده قاريها وحافظها دي عشره عمر سيبك منها وافرح انتا يا عريس والباقي أمره سهل

جبل بتفهم: ربنا يحنن قلبها 

همام : آمين 

*******************

حل الليل وحور اترمت على الكنبه من التعب

هدي برفعه حاجب: مالك يا بت يلا عشان نفرش بقى

حور وهي ناقصه العياط: وكتاب الله يا أما مافيها عضمايه راكبه على اختها ابوس ايدك خلي الفرش لبكره جسمي بيدعي عليا بشالشيل عنيه 

هدي بهزه راس: مفيش فايده فيكي طول اليوم مناهده معاكي خليكي يا اختي وانا هافرش 

حور بوجع: أما هو انتي كنتي بتاخدي مقويات اصل اللي انتي فيه داه مش طبيعي وربنا 

هدى بشهقه وهي بتخمس في وشها وبترقي نفسها: في ايه يا بت كان معايا ورده وفتحت وقفلت ايه سمي وكبري يابت داه مايحسد المال اللي أصحابه 

حور بتعب: والله ما قصدي اصلك طول اليوم وخدانا فحت وردم لما اتهديت وانتي ولا الهوا

هدي بضحك: يا بت احنا متأسسين على السمنه البلدي والمرود انما انتوا اخيييه عليكم واخدين على أكل الشوارع والزيت والسمنه النباتين اللي لا ترم عضم ولا تقوت جته يلا يلا العافيه للدود وسابتها وقامت تفرش ولا كأن حاجه حصلت 

حور سابتها تكمل فرش ودخلت استحمت واترمت على السرير نامت زي القتيل محستش بحاجه من التعب

*****************

في صباح يوم الجمعه وعلى غير العاده حور لسه نايمه مش حاسه بالدنيا 

هدي : حوووور يا حووووور قومي يابت ايه نايمه نومه أهل الكهف من عشيه فزي بقى فرهدتيني يا بت

حور وهي بتحاول تفتح عنيها ومش قادره: ابوس ايدك سيبيني انام انا جسمي كله بينأح عليا من إمبارح 

هدي وهي بتنغزها في دراعها: يلا يابت الجمعه قربت تأذن يلا بقى انا نزلت السوق جبت الحاجات اللي ناقصه يلا يابت قومي طسي وشك بشويه ميه وصلي وتعالي كلي لقمه عشان نجهز الأكل 

حور وهي بتمثل العياط: والنبي يا هدي الهي يسترك جهزي انتي الأكل ومسكت حرف الطرحة انففففف وعملت نفسها بتنف فيها

هدي شدت الطرحه منها: الله يقرفك قومي يلا ولمي كدشك اللي عامل زي طبق المش داه والا وديني لو ما لقيتك ورايا لاجي اصحيكي باللي في رجلي 

حور بصت على رجل أمها: البانص لابسه بانص بلاستك يا هدي في الحر داه

هدي: ماله البانص يا اختي طول عمري بلبسه طيب والنبي داه مريح تحسي انك ماشيه حافيه ومصمصت بوقها ايش فهمكم انتوا يلا يا بت بلاش عطله ورانا يوم طويل

حور هزت رأسها بتعب وقامت تشوف اللي وراها مع أمها

طول اليوم حور مع هدي في المطبخ وكل ما تزوغ هدي تجيبها من قفاها ومسكاها قفشه الأعمى في الضلمه لحد ما المغرب أذن

هدي: يلا يا حور ادخلي استحمي وغيري وظبطي نفسك يلا شهلي اومال قبل الوقت ما يسرقنا 

حور بنفخه وخنقه: اوووووف اخيرا خلصنا الأشغال الشاقه دي كلها وسابتها ودخلت اوضتها

دقايق والجرس رن 

هدي وهي بتلف طرحتها: ايوه ياللي على الباب ثواني مش ساكنه وراه انا اصطبر 

على الباب بص قطب لراشد وضحك

قطب: اختك طول عمرها روحها على طرطوفه مناخيرها مش هاتتغير

راشد: بس والله غلبانه تطلع تطلع وتنزل على مفيش

قطب: عندك حق

فتحت هدي وبشهقه مره واحده: قطب وحشتني ادخل ادخل يا راشد داه احنا زارنا النبي يا خطوه عزيزه داه البيت نور والله

قطب : بنورك يا هدي

راشد: تسلمي يا غاليه والله عارفين إننا مقصرين معاكي بس والله ما ماليكي عليا يمين غصب عني الشيله تقيله وكل يوم الحمل بيزيد

هدي بتفهم: ولا يهمك يا غالي ربنا يعينك على شيلتك والله عارفه ومقدره وهو انا يعني يوم ما احتاجتكم منا دقيت وانتا جيت يبقى خلاص بقى 

قطب وعينه بتدور في البيت: أومال فين عروستنا

هدي: بتجهز وراها بقى عروسه ويحقلها تتدلع

راشد: طبعا بنتنا يحقلها الدلع كله 

هدي بإبتسامه رضا: الله يجبرك بخاطرك زي ما جبرت بخاطري

قطب: عيب يا هدي حور دي في مقام بنتي ربنا يسعدها 

راشد: عيب يا هدي داحنا أهل والخال والد بس سيبنا نتكلم واحنا هانسأل ونجيب قرار الواد وأهله مهو بيقولك حاسب قبل ما تناسب 

هزت هدي رأسها: عندك حق عشان كده كلمتكم 

مر الوقت بسرعه والعشاء اذن والكل قاعد ومستني 

وفجاءه

يا ترى إيه اللي حصل

الفصل الثاني عشر ❤️

وفجاءه وهما قاعدين منتظرين الباب خبط 

هدي لسه هاتقوم راشد شدها 

راشد بهدوء: خليكي يا هدي وانا هافتح مهو عيب لما يبقى 2 رجاله طوال عراض موجودين وانتي تقومي تفتحي 

هدي بهزه رأس: متأخذنيش بقى مربوكه يلا ربنا يعدي اليوم على خير

قطب بإطمئنان: متقلقيش حور بنت حلال وربنا ان شاء الله هايكتبلها الخير 

هدي بتنهيده وهي باصه على صوره عامر: يارب يسعدك يا بنتي ويكتبلك في كل خطوه سلامه

وفعلا قام راشد وفتح الباب 

همام بإستغراب: السلام عليكم ورحمة الله وبركاته مش داه بيت الاسطى عامر الله يرحمه 

راشد بهدوء: وعليكم السلام ورحمة الله وبركاته ايوه هو 

همام على نفس استغرابه: طيب الجماعه عندهم خبر بمجينا

راشد بتفهم: ايوه طبعا اتفضلوا يا الف اهلا وسهلا 

ووسع ليهم الطريق 

دخل همام وجبل وثريا وجميله 

شاورلهم همام على الصالون ودخل الكل واستقروا بس لسه علامات الدهشه على الوشوش مين دول

قطب بتفهم لحيرتهم وقطع الصمت مره واحده 

قطب: نورتنا يا حاج يا مراحب يا حاج انا الحاج قطب وداه اخويا الحاج راشد خلان حور 

همام بإبتسامه عريضه وهو بيبص لمراته: يا ألف مرحبا بيك يا حاج

دخلت هدي وسلمت على الكل بس ما استريحتش لثريا حست انها متكبره وجايه تستعرض نفسها وفلوسها ودهبها واللي لبساه بكميات مبالغ فيها اوي 

ثريا لابسه عبايه خليجي سودا ولابسه كرسي جابر شكله ضخم جدا ولابسه في ايدها اليمين معصم دهب وكفه بخمس خواتم كبار وايدها الشمال لابسه غوايش بومبيه حجمها كبير جدا 

هدي بترحيب: نورتونا والله نورتي يا أم جبل

ثريا من طرطيف مناخيره: ميرسي

هدي بصتلها بإستغراب وسكتت

همام بص على ابنه اللي قاعد مش على بعضه وعينه كل شويه تروح على الباب اللي مفتوح 

همام: أومال فين عروستنا يا حاج راشد

راشد بتفهم وتعقل: دقايق وجايه قومي يا أم حور استعجليها اُمال

هزت هدي راسها: من عنيا يا اخويا بالاذن يا جماعه

راحت بسرعه لاوضه بنتها ودخلت 

هدي بإستغراب: في إيه يا بت متشهلي شويه اومال الناس خللوا من القعده يلا مادام خلصتي 

حور بتردد: مش عارفه يا أما رجليا مش شيلاني وجسمي متلج 

هدي بحنان ضمتها لحضنها: اهدي يا ضنايا معلش كلنا كنا كده بتحسي إنك مخضوضه استعيذي بالله من الشيطان الرجيم وان شاء الله ربنا ييسرلك كل أمر عسير يلا عشان الناس 

اخدت حور نفس طويل وطلعته مره واحده: يلا يا أما 

مشيت ببطئ مع أمها 

دخلت هدي وهي مرفوعه الراس وبصت لبنتها: بنتي حور 

قطب وراشد بصولها بإبتسامه 

حور كانت لابسه دريس بيبي بلو فيه شغل فضي بسيط وليه حزام من الوسط وعليه طرحه اوف وايت ومش حاطه أي مكياج لأنها جميله طبيعي 

قطب بفخر: تعالي يا قلب خالك اقعدي جمبي

حور بهدوء: السلام عليكم ورحمة الله وبركاته 

الجميع في صوت واحد وعليكم السلام ورحمة الله وبركاته 

همام بإبتسامه رضى وبص بطرف عينه لابنه وغمزله

ثريا بتقييم وبصه قرف ولوية بوق

جميله بإبتسامه هبله 

جبل بعيون بتطلع قلوب 

قطعت هدي وصلت التأمل في حور يلا يا جماعه بسم الله لقمه كده على ما اوسم عشان يبقى عيش وملح 

همام بشكر: تسلمي ياست أم حور والله ما ليه لزوم

هدي ببساطه: ياندامه ليه كده يا حاج داه انتوا بيت الكرم عيب عليك يلا يلا وبصت لاخواتها يلا ياحاج ولا دي عزومه مركبيه

راشد وقطب: لا ازاي ياأم حور بيت الحاج عامر الله يرحمه طول عمره بيت الكرم وكل حاره المغربي تشهد بكده 

راشد وهو بيقوم: يلا يا حاج همام يلا يا جماعه بسم الله 

قام الكل وقعدوا على السفره اللي مرصوص عليها ما لذ وطاب 

قعد قطب على رأس السفره بحكم انه الأخ الكبير وجمبه اخوه راشد وقصاده الحاج همام وجمبه مراته وبعدها ابنه وفي الاخر بنته

وجمب راشد قعدت هدي وجمبها حور في وش جبل 

همام بمدح: تسلم ايدك يا ست أم حور الأكل ماشاء الله جميل بجد الواحد مايشبعش منه مهما كل

هدي بإبتسامه فخر وبصت على حور: لا يا حاج اشكر اللي عمل ورحمه المرحوم عامر ألف رحمه ونور تنزل عليه دي عمايل حور 

جبل ابتسامته وسعت وبقت من الودن للودن

ثريا لوت بوقها وسكتت

جميله : واااو بجد يا حور انتي فعلا أكلك تحفه بجد بليززززز لما تتجوزي انتي وأبيه جبل ابقى علميني

حور كانت بتاكل وشرقت لحد ما عنيها دمعت

أمها ناولتها كوبايه مايه 

هدي بفزعه: بسم الله الرحمن الرحيم مالك يا ضنايا اهدي وخدي نفس 

حور هديت وبدئت تتنفس وهي مغمضه عنيها

هدي : ايووووه خدي نفس خدي اشربي بق ميه يبل ريقك 

حور عضت على شفايفها علشان تكتم الضحكه من اللي بيحصل حواليها 

مر الأكل مرور الكرام 

والكل غسل ايده ورجعوا مكانهم في الصالون 

وحور قعدت جمب خالها وهدي اتولت مهمه لم السفره 

قعد الجميع يريحوا من الاكل اللي كبس على انفاسهم من كتر ما أكلوا 

وخلال دقايق كانت هدى داخله بصنيه عليها شاي بالنعناع 

قعد الكل واستقر واتكلم همام بهدوء ورزانه

همام: بص يا حاج قطب ويا حاج راشد انا طالب ايد الانسه حور لجبل ابني واللي تطلبوه عنينا ليكم حور هاتكون زيها زي جميله بنتي

قطب بهدوء ورزانه: يسعدني طبعا ياحاج همام وربك والحق ومتأخذنيش حور في مقام بنتي وانتا عارف الخال والد قبل ما تنورونا بخطوتكم الغاليه دي انا كلمت كذا حد من معارفي وسألت واتطقست عليكم ومسمعتش عنكم الا كل سمع طيب وخير 

همام: الله يكرمك يا حاج يبقى نقول على بركة الله ونتفق 

قطب: الشرع والأصول يا حاج إننا نسأل صاحبة الشأن 

واتلفت لاخته وبنتها اللي قاعدين جمب بعض 

هااا يا عروسه ايه رائيك ولا محتاجه وقت تصلي استخاره

حور بهدوء شديد غير معتاده عليه: لا صليت يا خالي 

جبل بلهفه مقدرش يداريها: طيب ايه رائيك موافقه

حور خدت نفس طويل وهي مش عارفه تحسم قرارها خصوصا انها فعلا صلت استخاره ومستريحتش داه قلبها اتقبض ولحد دلوقتي قبضه قلبها بتزيد بس بصت لكل الوشوش اللي حواليها والفرحه اللي مرسومه على وش أمها محبتش تكسر خاطرهم اكتفت انها بصت لخالها وهزت رأسها 

قطب بتفهم لوضع حور على أنه خجل: يبقى على بركة الله يا حاج نتفق

مر الوقت ما بين الاتفاقات المعتاده على المهر كام والشبكه قد إيه والجهاز لحد ما قال همام: يبقى على بركة الله نقراء الفاتحه مادام كلنا كده متفقين 

قطب: على بركة الله 

قاطعهم راشد: بس في حاجه يا جماعه معلش اختي مرا هجاله وهي وبنتها 2 ولايه مينفعش ابنك كل يوم والتاني داخل خارج لمجرد دبله حطها في ايدها واحنا هنا في حاره الكل باصص على كله لامؤاخذه يعني يا حاج دي الأصول ولا ايه 

جبل بصله بذهول وبص لابوه انه يتكلم

همام قطع حرب النظرات بعد ما فهم المغزى من كلام راشد: يبقى ان شاء الله الجمعه الجايه اللي من وراها يبقى خطوبه وكتب كتاب ونشوف الميعاد المناسب ننزل نجيب الشبكه ونقبض المهر ان شاء الله يوم الكتابه

راشد وقطب بتنهيده ارتياح 

قطب : على بركة الله نقراء الفاتحه

الكل رفع ايده يقراء الفاتحه بس حور شارده مع نفسها وقبضه قلبها بتزيد مش بتقل قطع شرودها 

صوت زغروده عاليه من هدي 

واتكررت مره واتنين وتلاته لحد ما الجيران خبطوا على الباب فتحت هدي والفرحه مش سيعاها والضحكه اللي فارقتها من يوم وفاه عامر رجعت تاني بفرحتها بجواز حور

أم عبده : خير يا أم حور الزغاريد طالعه من عندكم كسره كسره متفرحينا معاكي يا اختي

هدي بفرحه: قرينا فاتحه حور وكتب كتابها بمشيئة الموالى عز وجل الجمعه الجايه اللي من وراها 

رقعت أم عبده زغروده عاليه وفجاءه الحاره كلها بقت تزغرد والصوت سمع من كل بيت وكل شباك أو بلكونه والكل بقى يهني ويبارك 

في اوضه الجلوس الكل بيبارك معادا ثريا اللي قاعده على مراجل من نار مش طايقه حور ولا طايقه اللي بيحصل بس عارفه ان همام مبيهزرش وفعلا لو عملت حاجه هايرمي عليها اليمين 

ثريا لنفسها: مااااشي اصبري بكره اخلي ضحكتك دي دموع ندم وكسره مهو مش انا اللي حته عيله زيك تعلم عليا وبسخريه كملت أصل يا عين أمك متعرفيش جبل أنا اكتر واحده عارفاه وعارفه مداخله وعارفه ازاي اجيبك تحت رجلي 

قطع شرودها هموت جوزها وهو بيقوم 

همام بفرحه: طيب يلا احنا يا جماعه الوقت اتأخر وعلى اتفاقنا ان شاء الله يوم الجمعه اللي جايه هاننزل نشتري الشبكه ونخلص كل التجهيزات اتحرك همام وزوجته وبنته ومعاه راشد وقطب وجبل وقف مع حور

جبل بفرحه ظاهره: اظن اقدر اخد رقم تليفونك انا دلوقتي بقيت خطيبي

حور بهدوء: مينفعش انتا لسه يا دوب قاري فاتحتي بعد اسبوعين تقدر تاخد الرقم ونتكلم 

جبل بإحباط : وهي هاتفرق كام يوم 

حور بهزه راس: اه هاتفرق الحلال ليه طعم تاني وانا مبحبش اعمل حاجه مش مقتنعه بيها 

جبل بتنهيده : تمام تمام ماشي يلا مع السلامه

حور : الله يسلمك 

مشي الكل واترمت حور على الكنبه وراها ورجعت رأسها لورا وغمضت عنيها 

بس هدى قطعت خلوتها مع نفسها 

هدي بضحكه وفرحه هاتنط من وشها: الف مبروك يا ضنايا ياااااه داه اليوم اللي بتمناه من يوم ما شيلتك حتة لحمه حمرا يارب اديني العمر والبسك الفستان الأبيض والطرحه بإيديها وخلصت كلامها وشدت حور لحضنها

حور بتنهيده طويله: ربنا يديكي طوله العمر والصحه يا غاليه دانا عايشه في الدنيا بحسك وعشانك

هدي ببصة تأني على وش حور: مالك يا ضنايا من وقت ما طلعتي من اوضتك لحد دلوقتي وانتي متغيره مالك قلبي اتوغوش من سكوتك وسهمتك طول القعده مش شايفه الفرحه ولا حساها فيكي

حور بإرهاق: ولا حاجه بس مش عارفه من وقت ما صليت وانا قلبي مقبوض وكل مادا القبضه دي بتزيد مش عارفه سببها

هدي : عين ايوه والله عين وصابتك ما الكل باصصلنا في عيشتنا وفي جوازتك والنبي ومن نبى النبي نبي من النجمه لاجيب بخور وعين العفريت وابخر البيت خلي العين دي تروح استني استني 

وقامت منطوره ودخلت جوه بسرعه ورجعت 

حور بتبص على اللي في ايد أمها بإستغراب: إيه داه يا أما

هدي : اسكتي بس وانا هافهمك 

حور بذهول: ايه داه يا اما بجد 

هدي بملل: هاعملك عروسه تحوش العين عنك وانا ولعت على الفحم على ما اخلص 

حور قامت :عروسه ايه وسخام البرك ايه يا أما اخرها هانمشي بشغل حدارجه بدارجه استعيذي بالله يا أما 

هدي وهي بتشدها اترزعي بقى خلينا اخلص 

حور بتعب :يا هدي الله يباركلك عيب عليكي اللي بتعمليه داه 

هدي شدتها وقعدتها على الكرسي : اترزعي بقى زمان الفحم سخن ودخلت جابت طبق فبه الفحم وكيس مربوط

وعملت عروسه وجابت ابره رقيتك من كل عين شافتك ولا صلتش على النبي من عين ثريا وشكت الدبوس في العروسه لا من عين ثريا ثريا ثريا ومع كل مره تخرم العروسه ومن عين سهير سهير سهير سهير سهير سهير ومن أم خالد ومن عين نعمه لا نعمه بالذات عينها صفرا نعمه نعمه نعمه نعمه نعمه نعمه ومع كل مره بخرم في العروسه وفضلت لحد ما ذكرت الحاره كلها كان العروسه اتهرت من كتر الخروم ومسكت العروسه وولعتها وبخرت بيها حور ورمت شابه على البخور ورمت باقي العروسه فيها لحد ما اتحرقت خالص 

هدي بشهقه: عين والنبي عين انا قولت دي عين شوفي شوفي يابت العين في الفحم قد إيه 

حور بكزه سنان: عين إيه بس يا أما الله يباركلك سيبيني ادخل انام الله يخليكي 

وسابتها ودخلت اوضتها واترمت على السرير وبنحاول تفكر في اي حاجه تشغل دماغها عن التفكير

ومره واحده قامت منطوره على رنت تليفونها وبصت واتصدمت

يا ترى حور اتصدمت لييييه 

ها ليييييه

الفصل الثالث عشر

حور اتخضت وردت بسرعه: ايوه يابني في إيه 

سبارس: خير يا اسطى كنت عايز أبلغ تيجي بكره ضروري العربيه فيها حاجه مش معصلجه ومش عارف اعملها 

حور بتنهيده: ماشي يا سبارس بكره انا جايه ان شاء الله

سبارس: ماشي يا اسطي مستنيكي مع السلامه 

حور : ماشي يا سبارس مع السلامه 

وقفلت وقامت غيرت هدومها وصلت العشاء اللي اتأخرت ودعت ربنا انه ينور بصيرتها للصح

اللهم بحولك لا بحولي وبقوتك لا بقوتي اللهم ان كان خير فقربه وإن كان شراً فأبعده فإنك تعلم ولا أعلم فإنك تقدر ولا أقدر فإنك ارحم الراحمين ومجيب السائلين يااااارب 

وقامت بهدوء شغلن الموبايل على سوره البقره ونامت

*****************

تاني يوم حور قامت واتوضت وصلت وغيرت 

هدي بفرحه: ها يا ضنايا مش احسن انهارده 

حور بهزه رأس: ايوه الحمد لله

هدي بضحكه: والنبي يابت يا حور 

انتي مبخته دانا انهارده وانا بجيب الفطار الشارع كله بيحسدنا على النسب اللي يشرف شاب طول بعرض اللهم بارك لا وكمان ايه اهله ناس عليوي ومقتدرين 

حور :يا أما يعني احنا شحاتين محنا الحمد لله عندنا اللي يكفينا ويزيد مليون مره يعني الحمد لله ربنا فايض بخيره لو وافقت عشان هو دخل البيت من بابه وواضح انه جدع وابن أصول مع لني بحسه عيل طري وأمه مأثره عليه 

هدي بلويه وشه ومعجبهاش الكلام: يابت بطلي تطلعي القطط الفاطسه فيه مهو لو مكانش حنين على أمه عمره ما هايكون حنين عليك والراجل متعبوش غير جيبه يا خايبه 

حور بعدم اقتناع: لا يا هدي يعيبه رجولته واخلاقه يعيبه اسلوبه وحياتك يعيبه قبل داه كله دينه واخلاقه يا أما اللي يدور على الراجل اللي ميعبوش غير جيبه داه الجيعان اللي بيدور على القرش والأكل واللي زي داه عمره ما يشبع ولا يملى عينه حاجه اصل عينه من الأساس فارغه 

هدي بعوجه بوق: بلا كلام فاضي يلا يلا روحي شوفي اللي وراكي واعملي حسابك الخميس والجمعه ورانا هم ما يتلم 

حور بنفخه: اووو ف حاضر يلا فوتك بعافيه

هدي: الله يعافيك

طلعت حور وردت الباب الحديد وراها ولسه هاتركب عربيتها لقيت جبل في وشها بإبتسامه مبينه كل اسنانه

جبل بفرحه: صباح الفل يا حور 

حور وهي بتحاول ترسم ابتسامه: صباح الخير يا جبل ايه لسه مروحتش شغلك

جبل برومانسيه: لا منا مبقيتش اعرف ابداء يومي من غير ما أصبح عليكي وأشوفك شكلها هاتبقى إدمان 

حور بخجل: يلا ربنا معاك مع السلامه

مشيت حور وعين جبل متبعاها لحد ما اتحركت بالعربيه وركب عربيته واتحرك وهي بيضحك ومبسوط ان حوريته بقت خلاص قاب قوسين انها تكون ملكه

وصلت حور الشغل ونزلت 

الكل بيبارك الخبر سمع في كل مكان 

حور بإبتسامه : الله يبارك فيكم وطبعا كلكم معزومين على كتب الكتاب 

الكل في صوت واحد: طبعا يا اسطى داه يوم المني والفرحه الكبيره 

ودخلت الورشه وغيرت ولبست العفريته وطلعت 

حور : ها يا سبارس ايه اللي عصلج معاك 

سبارس: التروس معرفتش احلها 

حور بضحك: عمرك ماهاتعرف تفرق بينهم 

سبارس: والله يا اسطى دي حاجه تلبخ 

حور : طيب يلا بلاش لكاعه خلينا نبداء 

وفعلا بدائت حور شغل بمهاره مش غريبه عليها وساعات مرت وحور مسحوله في الشغل

خلصت فك وقامت من تحت العربيه 

حور وهي بتمسح ايدها بالفوطه: الله يخربيت كده دي العربيه بتدعي على اللي شارتها 

سبارس بضحكه: معلش يا اسطى بقى مهو لو مادعتش هانسترزق منين هااا منين 

حور وهي بتخبطه بالفوطه اللي في أيديها: نسترزق بس دي هانتبهدل مش هانسترزق دي عايزه شغل من نار 

المهم بعت المخرطه عشان الشغل بتاعها 

سبارس: حصل يا اسطى من يوم الخميس والقطع جات 

حور تمام يلا على بركه الله 

وبدئت حور تكمل شغل 

لحد ما وقت الشغل انتهى 

غيرت هدومها وركبت عربيتها وروحت بيتها 

**************

عند جبل وصل الشغل ولسه ابتسامته على وشه 

رامي برفعه حاجب: اييه الحوار الغزاله رايقه 

جبل بضحك: ما الناس الحلوه سايقه

رامي :يا ولا جبل همام بقى بيغني ويألش عجبت لك يا زمن ايه اللي جد قر واعترف بسرعه

جبل حط ايده على متف رامي واتحركوا : قرينا الفاتحه والجمعه اللي جايه هانجيب الشبكه ونحجز الفستان وطلبات الخطوبه والجمعه اللي من وراها الخطوبه وكتب الكتاب 

رامي بذهول: لا بجد ولا تهزر

جبل بضحك : عيب عليك وهو الكلام داه فيه هزار يلا ولا إيه وانتا أول المعزومين طبعا

رامي بضحك: طبعا يا ابني الف مبروك يا صاحبي

جبل بفرحه: الله يبارك فيك انتم السابقون 

رامي بضحكه عاليه: وانتم اللاحقون 

يلا نشوف شغلنا بدل ما نترفد ولا نحصل سابقون ولا لاحقون 

**************

مرت الأيام على روتينها حور مشغوله في الورشه وشغلها بس كل يوم لازم تشوف جبل الصبح وكل اللي بينهم صباح الخير 

وجبل بيعد الأيام علشان اللي خطفت قلبه اتكتب على أسمه 

وثريا الكره والغل جواها بيزيد وبقى نار مستعره هاتحرق الأخضر واليابس 

وهدي فرحانه ان بنتها كبرت وهاتطمن عليها أخيرا وتبقى في رقبه راجل 

****************

يوم الجمعه من الصبح حور اصلا مانمتش طول الليل 

هدي دخلت تصحيها واستغربت انها صاحيه 

هدي بمحايله اموميه: ايه يا ضنايا صحيتي بدري يعني مش عوايدك 

حور بتنهيده: ولا حاجه يا أما خلينا نقوم ناكل لقمه ونشوف اللي ورانا 

هدي :ايوه عندك حق الناس هاتيجي بعد الجمعه عشان اليوم طويل 

الا قوليلي يابت هاتجيبي ايه في شبكتك

حور بلا مبالاه: اي حاجه انتي عارفه اني مش من لبس الدهب فأي حاجه مش فارقه يعني 

هدي بشهقه: اي حاجه ايه يا بت الدهب داه الحاجه الغاليه اللي بتاخديها من العريس نقي اللي ييجي على كيفك خالك متفق معاهم على هديه فاتحه 30 جرام وشبكه 150 جرام يعني تنقي اللي يعجبك اومال ايه داه اتفاق رجاله يابت مشوفتيش أمه اللي لابسه ييجي 3 كيلو دهب

حور بإستغراب: وهو احنا ناقصنا دهب يا أما ما احنا عندنا دهب يفتح محلين صاغه بتاعي وبتاعك اللي كان جايبهم المرحوم ابويا والدها بتاع اللي ماتتسمى مرات عمي 

هدي بزهق: عارفه يا اختي بس داه حقك وبردوا اعملي اللي يريحك انا كده او كده هازودلك بزياده اوووي من دهبك

حور بتعب: خلاص يا أما الله يسترك خلينا نقوم بقى انا هاقوم استحمي عشان افوق وانتي شوفي اللي وراكي 

هدي طبطبت على كتفها : طيب يا ضنايا ربنا يفرحك ويكتبلك السعد منين ما كان ويجعلك في كل خطوه فرح وفي كل نفس فرح ويحبب فيكي القريب والغريب والحصى في الطريق 

حور بإبتسامه حضنت امها: ربنا ما يحرمني منك يا هدهد ولا من دعواتك اللي بتريح قلبي دايما 

هدي بفرحه: ربنا يحفظك يا ضنايا 

ومر الوقت بسرعه محدش حاسس بيها الا لما جبل خبط على الباب 

جبل بإبتسامه سمحه: خلاص يا طنط جاهزين

هدي: ايوه يا ابني دقيقه وهانطلع وراك

اتحرك جبل من قدام الباب وركب عربيته

طلعت حور وهدي 

هدي لابسه عبايه سوده بس فيها شغل فضي بسيط على الصدر والاكمام وحور لابسه ريس موف فاتح وعليه طرحه أوف وايت وكوتشي ابيض وشنطه كروس بيضا

ركبت حور وهدي ورا وجبل ركب وجمبه جميله اخته 

ووراهم عربيه ابوه فيها ثريا وهمام 

ووراهم عربيه فيها قطب وسعاد مراته وراشد ونوال مراته واتحركوا كلهم على الصاغه 

ربع ساعه وكان الكل وصل قدام المحل اللي اتفقوا عليه ونزل الكل ودخل الرجاله الأول وووراهم الحريم 

صاحب المحل قام ورحب بيهم ترحيب حار 

قعد الكل واستقروا واتكلم همام : عايزين شبكه وهديه خطوبه يعني في حوالي 180 او 200 جرام 

صاحب المحل بذهول: تمام يا حاج تحبوا حاجه معينه

همام: أسأل العروسه تحب تجيب إيه 

صاحب المحل بص في الوشوش ومش عارف يسأل مين

قطعه حور : أي حاجه 

صاحب المحل: خلاص نتفرج الأول على الدبل والمحابس والتوينزات والخواتم وبعدين نشوف الباقي 

وفعلا طلع تشكيله تحفه من أجمل الدبل والملابس والتوينزات والخواتم اختارت حور منهم دبله كارتير ساده ومحبس بسيط بفص وخاتم على شكل ورده سيمبل اوي 

صاحب المحل تمام: نشوف بقى الغوايش وفعلا لمده ساعه ونص حور بتتفرج وتنقى الحاجات الهاديه والبسيطه 

وداه آثار استغراب الكل بما فيهم ثريا 

اختارت حور 3 غوايش على شكل وردات مفرغه جميله وأسوره على شكل مربعات ومعاها أنسيال جرومات ومشربيه على شكل فراشه داخل فيها قلوب من فصوص عطيتها اناقه جميله 

صاحب المحل: تمام كده بس داه اقل من 150 جرام 

حور بلا مبالاه: مش مهم الوزن المهم الحاجه تكون كويسه

همام: طيب يا حاج فرجيني كده على الخواتم اللي وراك دي 

صاحب المحل: قصدك دول وشاور له على تشكيله وراه

همام: ايوه دي 

صاحب المحل بتوضيح: داه شغل خليجي 

همام : عارف ممكن اتفرج 

صاحب المحل بطمع: طبعا يا حاج 

وفعلا همام اتفرج واختار خاتم شكله شيك ووزنه كبير واختار كفه ب 3 خواتم ووزنهم عدى ال 100 جرام 

همام بهدوء كده: يا حاج احسبلي كلهم كام

صاحب المحل :كده يا حاج 265 جرام 

همام :تمام على بركه الله احسب حسبتك واكتب الفاتوره 

وفعلا دقايق وهمام دفع الحساب 

هدي طلعت علبه كبيره من شنطتها وحطتها قدامه: لو سمحت كنت عايزه اغير دول 

صاحب المحل فتح العلبه واتصدم من كميه الدهب اللي فيها : معاكي الفواتير يا حاجه 

هدي :ايوه طبعا وطلعت من البوك بتاعها فواتير كتير وحطتهم قدامه اهم الفواتير 

اخدهم وراجع الوزن والفواتير 

صاحب المحل: تمام يا حاجه دول حوالي كيلو و710 جرام 

هدي : ماشي عايزه معصم وعايزه كورسي جابر كبير بالكوليه بتاعه اللي على الرقبه داه 

صاحب المحل: قصدك خناجه يا حاجه

هدي : اي حاجه المهم عايزه طلبي 

صاحب المحل: طيب حضرتك هاتدفعي فرق المصنعيه ولا هاتخصميه من الوزن 

هدي بكشه وش: لا طبعا هادفع فرق المصنعيه متقللش من الوزن ملي 

صاحب المحل بفرحه: تؤمري يا حاجه 

وفعلا نقت هدي اللي عجبها وسط ذهول الكل 

صاحب المحل: اكتب الفاتوره بإسم مين 

هدي برفعه راس: حور عامر 

الكل بص لبعضه بذهول 

خلص ت واخدت الفواتير وزغردت مره واحده وشاركها زوجات خالها الاثنين سعاد ونوال 

صاحب المحل نزلهم حاجه سقعه مهو انهارده يوم سعده 

واتحرك الكل وسط دهشه الكل من اللي عملته هدي بس محدش اعترض ولا اتكلم 

وصل جبل حور وهدي وسط فرحه هدي واستغراب جبل وفرحته 

ودهشه حور بس اكتفت بالصمت 

وصلت وأصر همام انها تاخد الشبكه علشان العوايد انها بتتفرج لكل أهل الحاره

ونزلت حور وهدي مع صمت مطبق منها 

وصل جبل وأبوه وأمه واخته بيتهم 

جبل بذهول: شوفت يا بابا اللي عملته والدة حور 

همام بإستغراب: بصراحه انا مذهول دي جابت شبكه 2 كيلو لبنتها 

ثريا بنرفزه: خلاص بقى مبقاش ورانا غيره سيره حور واللي عملته حور خلاص دي ناس شبعه بعد جوعه يعني عايزه تلفت النظر ليها بالدهب ايه القرف داه بتفكر تتساوى بأسيادها وداه عمره ما هايكون تلاقيها كانت بتلمهم جرام جرام من الحرمان والفقر 

همام بقرف: مين دي البنت شيك واستايل وكمان راكبه عربيه وواضح انهم مش بيحبوا المظاهر الكدابه والدليل ان البنت نقت شبكه بسيطه وسيمبل اقل من اللي متفقين عليه 

ثريا عوجت بوقها وسكتت 

*********

في عربيه قطب وراشد 

نوال بإستغراب: يالهوي هي اختك غنيه اوي كده يا راشد دي طلعت لوكشه دهب تخض 

راشد برفعه كتاف: علمي علمي 

قطب: وايه المشكله كلنا عارفين ان عامر الف رحمه ونور تنزل عليه كان دماغه حلوه وهدي ست بيت شاطره ومدبره كمان 

سعاد: ماشي يا حاج بس مش تجيب لبنتها الدهب بالكيلو مش بالجرام بصراحه بنت اختك اتنصفت 

قطب بفرحه: حور طول عمرها جدعه وتستاهل كل خير ربنا يسعدها 

الكل أمين يارب

تاني يوم هدي رصت الشبكه في علبها بطريقه شيك وحطتها على صواني ونزلت تفرجها لكل الجيران وسط زغاريد من الكل بس الناس بمبداء في الوش مرايا والقفا سلايه من قدامها فرحانين وبيزغردوا وعلى ما تمشي 

يالهوي كل دي شبكه طبعا عريس متريش ، 

والله ووقعت واقفه

طبعا ناس يجيها 50 جرام وناس الشبكه بالكيلوات 

اتنصفت

فشخره كدابه

حور اللي عامله زي الدكر يجيلها كل داه 

وطول اليوم من هذا القبيل من بيت لبيت 

لحد ما اتفرجت كل الحاره 

وفي ناس فرحانه بجد وتدعي بالفرح وتكبر وتذكر الله

واحده كم الجيران: يا هدي حرام عليكي يا اختي داه العين فلقت الحجر انتي بتقولي تعالوا اسرقوني الناس قدامك بوش ومن وراكي بوش حرام عليكي كده والله انتي اللي بتنأفي بنتك بإيدك ليه كده بس 

هدي بفرحه: والله ما قصدي داه انا نفسي افرح الناس معايا حور يتيمه ونفسي الكل يفرحلها ويعرف ان ربنا نصفها 

الجاره بهدوء :روحي يا أم حور وشغلي الرقيه الشرعيه انتوا محتاحينها علشان ربنا يحميكم ويحفظكم ويتمملها بخير

وفعلا خلصت هدي وروحت البيت وشغلت القرآن الكريم 

**********

وصل الخبر عند عابد 

نعمه بصوات: دهبي خدت دهبي وحطته في شبكتها

ااااه يا شقى عمري يا نور عيني ااااه وفضلت تصرخ وتلطم على دهبها 

عابد بزعيق: ما خلاص بقى لينا في الموال داه سنين واظن جبتلك شويه اهو انكتمي بقى مهو انتي السبب فضلتي نزني على اوداني زي عمل الردي لحد ما خسرنا الجلد والسقط الله في سماه ما اسمعلك حس تاني ولا تجيب سيره بنت الكلب دي لاقطع خبرك نس ان تجيب الفقر كاتوا القرف وسابهم ومشي

تاني يوم صحيت حور ونزلت تروح شغلها بس فجاءه 

يتببع

الفصل الرابع عشر ❤️

وفجاءه حور شافت جبل 

جبل بإستغراب: رايحه فين يا حور 

حزر بإستغراب ميقلش عنه: رايحه الورشه اكيد ليه هو في حاجه 

جبل : لا بس المفروض انهارده هانروح نشوف الفستان والكوافير والحاجات اللي ورانا 

حور بتنهيده: تمام ساعتين زمن اتمم على الشغل اللي في الورشه وارجع لامؤاخذه يعني داه أكل عيش ومصالح ناس وبيوت ناس متعلقه في رقبتي 

جبل بضيق : تمام بس متتأخريش 

حور بهزه رأس: تمام على بعد الضهر بساعه هتلاقيني في البيت سلام 

وسابته ومشيت 

اتحرك جبل يتمشى شويه 

وصلت حور الشغل وهي متضايقه ومش عارفه سبب للي بيحصلها شافت العمال سايبين الشغل وقاعدين يهزروا 

حور بزعيق :الله الله داه احنا بالصلاه على النبي قاعدين ومفرشحين على المصطبه 

واحد من العمال بيحاول يبرر موقفهم: لا والله يا أسطى داحنا بس بنرفه عن نفسنا شويه قبل ضغطه الشغل

حور بزعيق: ترفه دي يا باشا في الجونينه مش هنا داه مكان أكل عيش مش طابونه عشان ترفه عن نفسك اللي لازمه يحافظ على أكل عيشه كان بها واللي مش لازم الباب يفوت فيل كل واحد منكم ملزوم منه بيت ومرا وعيال حافظوا عليهم عشان ورحمه ابويا اللي هايمشي ماهايعتبها تاني برجله فاهمين 

كلهم بصوا لبعض وهوا رأسهم 

حور بشخطه: يلا كل واحد على شغله ورانا مصالح ناس يا ترى يا بشوات عربيات الناس اللي هاتستلمها خلصت ولا إيه 

محدش رد: ساعه زمن والشغل اللي هايتسلم انهارده يخلص وانا بنفسي هانزل اتمم عليه يلا 

اتحركوا كلهم جري على شغلهم وطلعت حور المكتب وقعدت وغمضت عنيها بتعب 

حور لنفسها :اوووووف وبعدين مش داه جبل اللي كنتي بتحسي بحبه وقلبك بيدق ليه دلوقتي قلبي بقى مقبوض يارب انا تعبت ريحني يارب ودلني على الصح 

مر الوقت بسرعه وسابت حور الورشه في أمانه سبارس يتمم على الشغل ورا العمال 

والظهر اذن وفعلا بعد الصلاه جبل رن الجرس كانت حور وهدي جاهزين 

نزلت حور لقيت ثريا راكبه جمب جبل سلمت عليها حور بهدوء ردته ثريا ببرود وتكبر 

ركبت حور بهدوء ورا وجمبها امها ووصل بيهم جبل لمحل فساتين كبير 

ثريا بتكبر : داه أكبر محل هنا ولو معجبنيش حاجه هاننزل نجيب من القاهره 

حور بملل: أكيد فستان حضرتك حره فيه أما فستاني فسوري أنا فيا عنين بحب اختار بيها وليا ذوق مبعرفش البس غيره

كل داه وجبل سامع وساكت وكأن شيئ لم يكن 

اتحركوا الاربعه ودخلوا رحبت بيهم بنت من اللي شغالين في المحل 

البنت بعمليه : حضرتك هاتشتري ولا تأجري 

جبل بسرعه: لاء هانشتري شوفي العروسه تحب تختار ايه 

قامت حور مع البنت ومعاهم ثريا اللي طهقت حور في عيشتها بس حور لبست قناع البرود 

اختارت حور فستان لونه بيبي روز وفيه تطريز فضي رائع قصته تحفه 

حور بانبهار : هاخد داه 

البنت بطاعه: تمام اتفضلي جربيه في البروفا 

واخدت حور تجربه 

طلعت حور بعد ما لبست الفستان الكل انبهر بجمالها الفستان مع لون بشرتها الفاتح وعيونها الخضرا عطاها جمال رائع 

البنت: واااو ماشاء الله كأن الفستان مصمم مخصوص علشانك فعلا الديزاين بتاع الفستان راسم جسمك بطريقه تحفه 

ثريا بقرف: مش للدرجه شيفاه عادي يعني مش محتاج كل المدح داه شوفينا حاجه تايه أحسن 

حور بلا مبالاه: المهم اني مقتنعه بيه حضرتك تقدري تختاري ليكي مش ليا اصلي مش عمياء ولا كتعه وبصت للبيت وكملت هاخد داه 

البنت بإبتسامه : تمام تحبي تشوفي الحجاب والاكسسورات بتاعته 

حور : تمام فرجيني اللي عندك 

اخدتها على مكان فيه تشكيله طرح سواريه رائعه 

أختارت حور طرحه روز أغمق من درجه الفستان ومعاها تاج صغير فيه فصوص ولولي واختارت بنظانه سيلفر وكان تشكيلتهم رائعه

حور بهدوء: تمام كده هاخد دول 

وطلعت لجبل اللي منتظرهم بره 

جبل بهدوء: خلاص كده 

حور: اه تمام خلصت الفستان والطرحه والإكسسوارات 

جبل: تمام هاحاسب ونشوف الباقي 

وفعلا دخل جبل ودفع مبلغ محترم 

وبعدها تواصلت المشاوير ما بين اختيار شوز و الكوافير وحجز أستوديو لسيشن التصوير واللي أصر جبل يكون خارج الاستوديو في مكان مفتوح 

وبعد لفه طويله وقف جبل قدام مطعم كبير

حور بتبص حواليها: احنا وقفنا هنا ليه 

جبل بحب: علشان ناكل لقمه بعد اللفه دي كلها طول اليوم ولا ةيه رائيك يا طنط 

هدي بتروي وهي حاسه حب جبل لبنتها : عندك حق يا حبيبي تعيش وتنبسط ويسعدها وتسعدك يارب 

ونزلوا ودخل الاربعه أصرت ثريا تقعد حمب جبل وحور معترضتش ولا حتى جبل 

ومر الأكل مرور الكرام ورجع الجميع بيته

ومرت الأيام مرور الكرام الكل مشغول في أعماله الا هدي اللي بتفكر في كل التفاصيل وخلاص باقي يومين على الخطوبه 

اتفقت مع طباخ وفراشه علشان الأكل والشرب 

وكمان اتفق جبل مع فرقه ودي جي علشان الخطوبه وبحكم العادات في الحاره هاتعمل مسرح بره البيت 

يوم الخميس قضته حور في الكوافير عمايل وش وماسكات 

حور بنفخه وملل وحواليها أصحابها هدير وشذا ونرمين وهويدا وهاجر 

حور بضيق : اوووف خلاص بقى وشي أتهري فيه ايه هو حد قلكم اني كلب جربان جايين تشيلو الجلخ من عليه وكتاب الله وشي بيستجير من عمايلك

البنت بتاعة الكوافير: يا عروسه علشان وشك يبقى منور 

حور بزهق: يا ستي هو حد قالك اني لمبه مكانش شويه بودره وأحمر وأخضر وخلاص أرحمي أمي 

البنت بصبر : يا آنسه كفايه حضرتك مرضتيش تعملي حواجبك وعملتي تشقير 

حور بكشة وش : منا مش أخرها هادخل جهنم عشان كام شعريه انجزززي بقى 

ساعات مرت وحور اخيرا خرجت 

هدير بضحك: مفيش فايده فيكي يابنتي انتي عروسه يعني المفروض انتي اللي تطلبي اوبشن زياده

حور بزهق: بقولكم ايه فككم مني بقى داه ايه داه الواحد عامل زي خروف العيد اللي نازلين سلخ فيه يخربيت كده 

الكل ضحك على حور اللي عمرها ماهتتغير مبتحبش المكياج ولا الدلع الماسخ

روحت وهي شبه خلصانه ودعت أصحابها ودخلت البيت اللي عامل زي خليه النحل من كتر الناس اللي فيه

اول مادخلت هدي زغردت زغرووووطه عاليه اوووي 

هدي بفرحه : يا مشاء الله الله أكبر يا عروسه قمر يا قلبي ربنا يتمملك على خير 

حور بإبتسامه: عنيكي حلوين يا أما علشان كده شيفاني حلوه

مر الليل طويل على الكل اللي مترقب الفرحه 

الصبح بدري قامت حور على صوت الزغاريد اللي ماليه البيت من كل مكان 

هدي شغلت القرآن الكريم بصوت عالي 

وبره البيت الطباخ شغال في الصيوان اللي منصوب علشان يوكل أهل الحاره

الكل شغال من قلبه انهارده فرح والكل مشارك حريم خلانها واولادهم والجيران 

قامت حور وخدت دش واتوضت وصلت فرضها وطلعت للناس اللي بره 

هدي بسعاده مرسومه على وشها : ايه يا ضنايا اللي مصحيكي بدري كده 

حور بهزه راس: تفتكري لسه يمكن عشان مزيكة حسب الله اللي شغاله دي والزغاريد اللي شايله حيطان البيت 

هدي بمشاكسه: مش فرح يابت خلينا نفرح داه الناس بتقول يارب فرحه 

حور بتنهيده طويله: ربنا يفرح قلبك يا أما

مر الوقت والجمعه اذنت ومعاهم الكل مترقب 

وفي الجامع الكبير خلصت الصلاه والشيخ بداء الخطبه عن الزواج وتمت مراسم كتب الكتاب همام وكيل جبل وقطب وكيل حور لان عمها رفض رفض قاطع انه يكون وكيلها أو يحضر اصلا 

وختم الشيخ كلامه بالجمله المشهوره بارك الله لكم وبارك عليكم وجمع بينكم في خير 

وفي الوقت داه كان في شباب بتوزع حاجه سقعه وشيكولاته على كل اللي موجود في الجامع 

مضي جبل وبصم على القسائم 

واتحرك المأذون وخالها وجبل علشان تبصم على القسيمه 

دخل قطب هو والماذون وجبل في اوضه الصالون 

وطلب قطب من هدي تبعت حور 

دخلت حور وهي لابسه عبايه استقبال زرقاء وعليها حجاب وسلمت على الكل 

قطب بإبتسامه وحضن وباسها من جبهتها: الف مبروك يا قلب خالك 

حور بإبتسامه: الله يبارك فيك يا خال 

قطب : يلا علشان تمضي وتبصمي على القسيمه 

وفعلا فتح المأذون الدفتر: ومضت حور على القسائم وبصمت فوق كل قسيمه 

خلص المأذون وانسحب 

وقطب استأذن يشوف اخته 

جبل بسرعه خطف حور في حضنه 

حور اتخشبت وحاولت انها تبعد بس ما عرفتش 

حور بخضه: جبل من فضلك ابعد بتعمل ايه يا بني 

جبل بحب: لا اعمل واعمل واعمل انتي دلوقتي حرمنا المصون ها دلوقتي مراتي مراتي ها نفهم بقى 

حور بهزه راس: مفيش فايده فيك يا ابني اهدي على نفسك شويه عيب كده 

جبل برفعه حاجب ومشاكسه: لا يا حبيبتي الهيب في الجيب ها 

حور بضحك: الله جبل بيعرف يقول امثله شعبيه 

جبل بضحكه: احلي جبل تصدقي ليها طعم تاني منك وانتي مراتي وختم كلامها بغمزه 

حور طيب يلا بقى علشان هالبس وتوديني الكوافير 

جبل بضحك : لوحدك انهارده اتكتبتي على أسمي رسمي بقيتي حرمنا المصون 

حور بإستغراب: جبل اتلم يا أبا الله يسترك هاا 

جبل بضحك أعلى لحد ما دمعت عنيه: والله ملموم يا بنتي المفروض حض بوسه مشبك كده يعني بس هاكتفي بهذا القدر مؤقتا بس مش كتير كلها كام شهر وتنوري بيتي وغمزلها بعينه

سابته حور وجريت على اوضتها 

وظقايق كانت جاهزه طلعت هي وجبل لقي اصحابها منتظرين 

البنات في صوت واحد يلا اليوم طويل والوقت بيجري 

جبل اتخض 

ركب جبل وجمبه حور وفي الكنبه اللي ورا هدير وشذا ونرمين 

واتحرك على الكوافير 

ساعات النهار مرت 

وجاه المساء محمل بالأفراح 

زفه كبيره من عربيات وموتسيكلات كتير قدام العريس وخمسات بجنون 

وصلت الزفه قدام الكوافير كانت حور خلصت لأنها من الأساس عملت مكياج بسيط جدا يكاد لا يذكر 

الكل واقف يتفرج 

نزل جبل من عربيه فخمه مزينه بالورود والدانتيل 

لابس بدله سوده شيك ولابس كارفات لونها فضي في وردي علشان تناسب فستان حوريته 

دخلت الكوافير وهو مصدوم من جمال حور برغم باطه المكياج اللي يكاد يكون مش موجود أصلا 

جبل بعيون بتطلع قلوب: طيب في كلام يكفي ويوفي الجمال لا والله كداب اللي قال ان بعد جمالك في جمال 

والله حرام ان فيه عيون تشوف جمالك ولا تتشد وتنسحر ملكتي القلب والروح يا ملكه متوجه على عرش القلوب أصبحت بين قاب قوسين او أدني من مشارف الجنون فرفقا بقلب انهكه العشق من الغرام يا غرامي 

خلص كلامه وباسها بوسه طويييييله في جبهتها 

كل أصحابها في صوت واحد هييييح يا بختك بيقولها شعر حلو اوووي 

اخد جبل حور وطلع من الكوافير على زفه جامده كل ما يمروا بشارع الكل يقف يتفرج على جمال الزفه 

وصلوا الاستوديو وخلصوا تصوير واتحركوا على الحاره 

دخول مهيب للزفه لفت كل الانظار ليها 

قعد حور وجبل في الكوشه المخصوصه ليهم على مسرح في وسط الحاره 

استقر الكل والكل بيهني ويبارك دقايق واشتغلت فقرات جميله من الدي جي ورقص الشباب وبدئت النقوط بمبالغ تخض 

جبل بصدمه :حور هو إيه اللي بيحصل بجد إيه الفلوس دي كلها 

حور بإبتسامه : دي نقوط وواجب كان لأبويا الله يرحمه موجب بيها مع الناس دي والتجار اللي قدامك 

استمر الفرح لحد ما أعلن الدي جي عن تلبيس الشبكه شالتها هدي ودخلت هدي شايله صنيه كبيره مزينه بالورد عليها الشبكه الكل واقف يتفرج على الشبكه 

لبس جبل حور الشبكه اللي كان شكلها ضخم

حور بتعب: جبل انا حاسه ان البتاع داه كاتم على نفسي 

جبل بضحك: ههههه عمايل أمك هي اللي أصرت قوليلها تبارك بقى 

حور بضحك: متقلقش دي قايمه بالواجب وزياده والله 

خلص الفرح بسعاده على ناس وشر وحقد في قلوب ناس

زقزوق دخل بعد ما الناس مشيت 

كان قاعد جبل وحور وهدي وهمام وثريا وقطب ونوال وسعاد وعيالهم 

زقزوق: بضحك : سا الخير عليكم يا جماعه 

الكل : مساء الخير عليك 

هدي : خير يا حاج زقزوق 

زقزوق: دي شنط النقطه ودي كراسه بالفلوس اللي جات بأسماء أصحابها 

حور بإستفهام: مش دي كانت نقطه سابقه 

زقزوق بتوضيح: ايوه يا بنت الغالي كل دي نقوط مردود بس بردوا في ناس زودت عن اللي عندها 

كله متأيد بالورقه والقلم 

حور بإطمئنان: تمام يا عم زقزوق تسلم يا غالي 

زقزوق: ربنا يسعدك ويجعلك أيام كلها فرح يابنت الغالي ابوكي بس انهارده ارتاح في تربته 

حزر بدموع بتلمع في عنيها: كان نفسي يكون وسطينا

جبل بمقاطعه: روحه حوالينا متخافيش هو حاسس بيكي وفرحان ليكي روحه حواليكي مفارقتكيش 

استأذن زقزوق ومشي وبعده الباقي علشان الوقت اتأخر 

************

تاني يوم اتقابل جبل وحور بس مع اختلاف اللول كان مجرد سلام 

حور بضحك: ايه انهارده السبت والبنوك إجازه إيه اللي مصحيك بدري

جبل بحب: حبيت اقضيه معاكي ينفع 

حور بضحك: طيب انا رايحه شغلي كنت قولتلي من إمبارح انا بقالي فتره مش منتبه للشغل علشان تجهيزات الخطوبه وكده 

جبل بتفكير :هاجي معاكي إيه رأيك 

حور بإستغراب : ماشي يلا بس يارب مترجعش في كلامك 

جبل بحب: لا متقلقيش يلا اركبي 

حور بطاعه: تمام يلا 

ركبت حور ووصغت الطريق لجبل و20 دقيقه وكان وصل 

ركن عربيته ودخل هو وحور وايديهم في ايدين بعض

حور : سلام عليكم يا رجاله 

الكل وعليكم السلام ورحمة الله وبركاته يا اسطى 

حور : يلا كل واحد على شغله بعد ما ياخد الساقع والحلو 

نزل جبل من عربيته حاجه سقعه والباقي حلويات مغلفه اتوزعت على كل اللي شغال في الورشه 

حزر: يلا بينا نطلع المكتب 

طلعوا سوا مع انبهار جبل من المكان 

حور بتأمل في ملامح جبل الل عمال يتفرج على المكان بتأمل : مالك يا جبل مستغرب ليييه 

جبل بإنبهار: مكنتش متخيل ان المكان بالشكل داه كنت متخيله مجرد ورشه صغيره 

حور بتوضيح: لاء طبعا اللي تحت الورشه وداه ملحق بيها لقطع الغيار وفي مخازن كمان ورانا فيها القطع من كل نوع من أول الصيني للكوري والياباني والروسي والألماني كمان 

جبل : واااو بجد فعلا المكان شكله متمكن

حور بتأكيد: فعلا الكل عارف ان هنا مفيش شغل طلسأ واجري الشغل ال بييجي هنا عارف انه هايطلع صح 

جبل بتفكير وشرود

حور : هوووون روحت فين 

جبل بصمت وهو مش عارف يبداء الكلام منين 

حور بتفهم: قول اللي جواك واحنا بنتناقش عادي يعني مش حسبه برما 

جبل : شغلك هاتعملي فيه إيه بعد الجواز هايكون صعب عليكي بيت وشغل ولو ربنا أكرمنا بأطفال 

حور : قصدك إيه أسيب الشغل 

جبل : مش عارف ومش عارف بردوا الوضع هايكون إيه 

حور بتوضيح: داه شغل ومصالح ناس وبيوت ناس هنا متعلقه في رقبتي لو قفلته أمي هاتصرف منين والناس دي هاتعمل إيه وأسم الحاج عامر يتنسي ولا إيه 

جبل بتفهم : طيب إيه رائيك تمسكي العصايه من النص 

حور بشك : إزاي 

جبل بتوضيح سريع: يعني تشوفي حد هنا تكوني بتثقي فيه يمسك الشغل وانتي كل أسبوع أو أسبوعين تيجي تطمني على الشغل منها تبقى المكان شغال زي ما هو وبيوت الناس مفتوحه ومنها ارتاحي ومنها بردوا تقدري تلاقي وقت لبيتك ولا انا غلطان

حور وهي بتدور الموضوع في دماغها: سيبها على الله لما ييجي وقتها يحلها الحلال 

************

مرت الأيام بسرعه وحور سلمت عربيه سوزي 

سوزي بصدمه: واااااو بجد فعلا مش خساره فيكي في الفلوس مع انها كتير اوي يعني 

حور بسخريه: والله يا مدام بصي على شكل عربيتك دلوقتي وعل شكلها يوم ما جبتيها متحمله على ونش لا مؤاخذه 

سوزي: اوكي اوكي على العموم ميرسي 

حور : شكرا 

************

مر شهر كامل على كتب كتاب حور وجبل مبيخلاش كل ومن مكالمات ومشاكسه جبل لحور 

وانهارده افتتاح محل همام 

حور وهي واقفه وقفه جدعه معاهم بنت بلد بجد 

حور بإبتسامه: ربنا يجعلها عتبه خضرا يا حاج الناس هنا فعلا كانوا عايزين محل زي كده بدل البهدلة في كل مكان شويه 

همام: الله يباركلك يا بنتي لولا وقفتك انهارده مكانش الافتتاح داه تم كده والزباين ماليه المكان 

حور : عيب عليك والله حضرتك في مقام ابويا وانا معملتش حاجه يعني 

همام بلؤم: يابت دانتي عملتي ورقت وطبعتيه وبقى يتوزع في كل مكان غير اللي وزعتيه على زبائن الورشه وأهل الحاره 

حور : كلنا بنكمل بعض يا حاج 

همام: قولي يا بابا 

حور بصمت ووجع: معلش اعفيني مش هاقدر انطقها لحد غيره وبالله عليك ما تزعل مني 

همام بتفهم: عارف وعذرك معاكي يا بنتي ربنا يرحمه في حاب رب كريم 

حور : الله يرحمه لو كنت عاشرته كنت عرفت يعني ايه الجدعنه بجد 

همام: باين من تربيته ليكي باين من كل كلمه بتتقال في حقه من الصغير قبل الكبير 

حور : الله يرحمه كان زين الرجال 

جبل: ايه خلاص بقى يا حاج سيبلي مراتي شويه انتا مستحوذ عليها من بدري 

همام: يحقلك والله يا أبني ربنا يسعدك ويفرح قلبكم يارب 

حور وجبل آمين 

سابها همام ودخل يشوف محله اللي مليان زبائن ومفيش مكان لرجل تتحط فيه والبركه كانت في حور 

جبل بحب: طيب أحبك أكتر من كده إيه 

حور بخجل لأول مره: جبل اتلم احنا وسط الناس وفي نص الحاره 

جبل : انتي فرحه حياتي يا كل حياتي عارفه يا حور بدعي ربنا الأيام تجرب وتبقى في بيتي انتي فرحه عمري اللي استنيتها كتير اوووي 

حزر بحب: قول يارب 

جبل بلهفه: يااااارب 

مر اليوم بخيره وشره ومرت أيام كتير 

والوقت بيجري زي ما كان بيدعي جبل وباقي 3 شهور على فرحه العصافير 

جبل شغال في شقته بإيديه وأسنانه 

وحور وهدي: كل يوم تنل تجيبلها حاجات من جهازها وتنفع حماها وبتروح في الوقت اللي همام بيكون فيه بره المحل لانه بيرفض ياخد فلوس وداه اكتر حاجه مش بتحبها حور ولا هدي 

يا ترى فرحتهم هاتكمل ولا لا 

والقدر شايله إيه

الفصل الخامس عشر 🌹

ثريا اتصلت بحور وهي في الشغل 

حور بإستغراب

ثريا: السلام عليكم 

حور بدهشه: وعليكم السلام ورحمة الله وبركاته ازيك يا حاجه 

ثريا بقرف: تمام يا حبيبتي كده يا حور من يوم ما اتكتبتي على أسم جبل ومسألتيش عليا هو انا مش بقيت في مقام ماما ولا إيه 

حور بدهشه أكبر: أكيد طبعا ويعلم الله معلش بقى اعذريني والله بس ليكي حق عندي والله وأن شاء الله هاجيب أمي ونيجي نزوركم 

ثريا بلهفه: طيب إيه رأيك تيجي تقعدي معايا انهارده عمك همام راح بره المحافظه يجيب بضاعه للمحل وجبل عنده تقفيل السنه الماليه وجميله عندها 3 دروس وانا قاعده وشي في وش الحيطان 

حور بصمت وتفكير : مش عارفه 

ثريا بسرعه وصعبنه : مش هأخرك اهو ناخد وندي مع بعض شويه دانا قربت اكلم الحيطان اعتبرتك زي جميله بس خلاص شكلي تقلت عليكي

حور بتسرع لأول مره: لاء خلاص مسافه الطريق واكون عندك ان شاء الله 

ثريا بمكر: مستنياكي يا قلبي 

قفلت حور وقلبها اتقبض 

حور : أعوذ بالله من الشيطان الرجيم أكيد بس علشان مش متعوده انها تكلمني ومسكت تليفونها 

حور : ايوه يا هدي بقولك إيه أنا رايحه عند حماتي 

هدي بشهقه: ليه يا حور مينفعش يا بنتي تدخلي بيت أهل جوزك قبل الجواز يا ضنايا 

حور بتوضيح: حماتي كلمتني وقالتلي ان حماية بره المحافظه كلها وجبل عنده تقفيل السنه الماليه وهيتاخر وطلبت اروحلها قربت تتجنن من الوحده 

ثريا بشك : طيب اديني دقيقه هارن على جبل على اني بطمن عليه من غير ما اجيبله سيره انك رايحه لأمه الا يستأذن ويروح وي تبقى عيبه في حقك يا بنت عامر 

حور بتفهم: تمام يا أما 

قفلت مع أمها وقعدت تستني

أما هدي قفلت مع بنتها واتصلت بجبل 

هدي ببساطه: ازيك يا ابني اخبارك ايه 

جبل بود: الحمد لله يا ست الكل إيه المكالمه الغاليه على قلبي دي 

هدي بمشاكسه: بلاش والله يا جبل لقيتك مبتسألش قولت أسأل انا 

جبل بتفهم: والله غصب عني يا ست الكل عندنا اليومين دول تقفيل سنه ماليه وداه ضغط شديد الغلطه هاتلبسك في الحيط والله ما بروح الا بعد المغرب 

هدي بإرتياح: ربنا يقويك ويعينك خلاص اسيبك بقى لشغلك عشان معطلكش 

جبل: ولا يهمك يا ست الكل عطيني براحتك 

هدي: لا والله خلاص ربنا يعينك يلا مع السلامه 

جبل : مع السلامه 

قفلت مع جبل بعد ما اطمنت واتصلت ببنتها 

هدي: روحي يا ضنايا فعلا جوزك مشغول ومش هايرجع الا بعد المغرب 

حور: طيب تمام 

هدي : حور متعوقيش هناك هاا

حور : متقلقيش مش هاعوق ساعه زمن ولا ساعتين واتكل على الله 

هدي: ربنا يسلمك من كل شر 

حور : يلا سلام 

قفلت واخدت مفاتيح العربيه والموبايل ونزلت ركبت عربيتها ووصلت بيت حماتها بعد وقت قصير 

رنت الجرس ودقايق وفتحت ثريا 

ثريا بترحاب مزيف: ازيك يا حور كده يعني لو مطلبتش تيجي تزوريني مش هاتيجي 

حور بتوضيح: والله مش القصد بس والله مشاغل

ثريا بلؤم: ايه هانتكلم من على الباب ينفع كده ادخلي يا بنتي كلها كام شهر ويبقى بيتك 

حور : من بعدك يا حاجه 

دخلت ثريا ووراها حور وقعدوا في الصاله 

ثريا: إيه رائيك في البيت يا حور 

حور: ماشاء الله ربنا يجعل مدخله خير يارب 

ثريا: بكره يبقى بيتك شقتك نفس الحجم كده بس جبل عامل فيها شغل عالي أوي داه سلمها لمهندس ديكور عميل عنده في البنك تحبي تتفرجي عليها 

حور بتهرب: لا ان شاء الله لما ربنا يريد ابقى ادخلها ان شاءالله 

ثريا: يووه نسيت معلش تشربي إيه 

حور : لا ربنا يخليكي والله 

ثريا : لا عيب كده والله ازعل منك يعني اول مره تيجي عندي ومتشربيش حاجه داه عيب في حقي احنا لما جينا عندكم الست الوالده عملت شيء وشويات شيفانا بخله ولا ولا إيه 

حور : لا والله مش القصد بس مش عايزه اتعبك معايا 

ثريا:تعبك راحه يا حبيبتي ثواني اعملك عصير معايا وعامله تارت بالشوكولاته هاتكلي صوابعك وراه

حور : تسلم ايدك مقدما

دخلت ثريا المطبخ ومعاها التليفون في جيبها 

عملت عصير وطلعت طبقين تارت بالمربى وعليه صوص شيكولاته 

وغابت دقايق وطلعت

ثريا: دوقي بقى عمايل ايديا وقوليلي رائيك 

حور: أكلت معلقيتن: تسلم ايدك بجد تحفه 

ثريا : طيب دوقي بقى العصير داه داه عصير كوكتيل تحفه جبل بيحبه جدا لما بعمله لازم يشرب الدورق كه

حور اخدت الكوبايه وشربت بوق فعلا طعمه كان جميل شربت الكوبايه كلها

حور: تسلم ايدك يا ست الكل فعلا طعمه حلو اوي 

ثريا بمكر: هنا وشفا يا مرات ابني 

دقايق وحور حست بزغلله وتشويش مقدرتش تقاوم الدوامه اللي حاسه بيها وسحبتها لسحابه سوداء

ثريا بصت عليها بخبث: يلا بالشفا علشان تبقى تتحديني تاني يا عره فاكره نفسك هتتساوي بأسيادك داه بعدك 

**************

عند هدي قلبها اتقبض فجاءه 

هدي : رعب أعوذ بالله من الشيطان الرجيم حور بنتي فيها حاجه طيب اعمل إيه يارب 

اتصل 

قلبها: أيوه ايوه اطمن على البت 

عقلها : عيب دي اول مره تروح لحماتها هاتقزل عليكي إيه مش مطمنه على بنتك عندهم 

قلبها: اتصلي بس اطمني عليها واقفلي 

عقلها: طيب إيه رأيك تتصلي بجبل لو في البيت هاتعرفي ولو لسه في الشغل يبقى اطمنتي

هدي : ايوه ايوه اتصل اطمن واعمل اني بعزمه على الغداء يوم الجمعه 

وفي لحظه مسكن التليفون واتصلت بجبل

هدي بقلق رهيب: احم ايوه يا ابني معلش بقى لو باصل بيك تاني

جبل بإستغراب: لا ولا يهمك يا ست الكل اؤمريني

هدي بتحاول نجمع الكلام: شكلك مشغول

جبل: ايوه بستلم ملفات من الحسابات علشان انزلهم على الكومبيوتر واضيفهم لحسابات السنه دي علشان التقفيل 

هدي بعدم فهم: طيب ربنا يعينك انا بس باكد عليك هاتتغدا معانا يوم الجمعه اللي جايه ماشي

جبل بإبتسامه: طبعا انا اقدر دانا بعد الأيام علشان ييجي يوم الجمعه 

هدي ببوادر اطمئنان: طيب ربنا معاك ويسعدكم يارب اسيبك بقى لمشاغلك مع السلامه 

جبل بإستغراب : مع السلامه 

قفل معاها وثواني وتليفونه رن بص للتليفون بإستغراب 

جبل : ايوه يا حاج ازيك ايه عملت إيه 

همام: انا تمام الحمد لله خلاص خلصت هنا مع المصنع بتاع الأدوات الكهربائيه ورايح لتاجر الجمله اللي بيورد للبلد عندنا علشان اتفق معاه بدل التاجر اللي في البلد داه مغلواني وعمال يرفع الأسعار 

جبل : طيب تمام يا حاج عايز مني حاجه 

همام: بصراحه هي من مراتك مش منك 

جبل بإستغراب: عايز إيه من حور 

همام: كنت عايزها تشوفلي سواقين نقل تقبل بعربياتهم علشان اتفق معاهم ينقلوا الحاجه اهو منها يبقى حد مضمون ومنها ميرفعش عليا الأسعار ويكون امان من كل نحيه 

جبل : تمام يا حاج هاكلمها كمان شويه 

وقبل ما يقفل كان في ويت بيرن عليه 

جبل بسرعه: طيب يا حاج يلا سلام وانا هاكلم حور ارجع اكلمك 

همام قفل وتوقع انه مشغول علشان عارف ان الوقت داه تقفيل السنه الماليه وأكيد ان جبل مشغول 

جبل رد بسرعه: ايوه يا ماما ازيك ياحبيبتي 

ثريا بدموع تماسيح: جبل الحقني انا وقعت على رجلي ومش قادره اتحرك لوحدي وابوك مسافر واختك عندها انهارده 3 دروس الحقني يا ابني 

جبل بقلق: حاضر يا ماما مسافه الطريق واكون عندك 

طلع جبل بسرعه رامي بالله عليك اعملي انهارده اكةرزه عارضه بسرعه 

رامي : ليه انتا عارف انه مش هاينفع احنا يومين ضغطه علشان تقفيل السنه الماليه 

جبل بسرعه: بالله عليك حاول ماما وقعت في البيت وهي لوحدها بابا مسافر القاهره بيخلص شغل تبع المحل وجميله في الدرس 

رامي بتفهم: طيب روح انتا وانا هاتصرف وأول ما تطمن عليها طمني وانا هاعدي عليك بالليل 

جبل بسرعه : ماشي وجري بسرعه بره البنك وركب عربيته وهو سايق بجنون ومش متخيل معاناه والدته ايه وهي لوحدها فكر يتصل بحور بس عارف ان أمه مش بتتقبل حور 

بيعد الدقايق والثواني لحد ما وصل 

وصل جبل ودخل بسرعه وحتى مخدش باله من عربيه حور اللي مركونه جمب البيت 

دخل بسرعه: ماما ماما انتي فين 

ثريا طلعت من اوضته وهي كويسه 

جبل بتنهيده واستغراب ولهفه: ماما انتي كويسه حرام عليكي اومال قولتيلي كده ليه جبتيني على ملا وشي 

ثريا قعدت بهدوء : اقعد عايزاك

جبل بشك: خير يا ماما 

ثريا بشر: انا وافقت انك تتجوز حور ومتكلمتش بس أقسم بالله يا جبل لو ما نفذت اللي هاقولك عليه تحرم عليا ليوم الدين ولو مت لا تدخل عليا ولا تحضر جنازتي ولا تاخد عزايا وهابلغ اخواتي بالكلام داه 

جبل بقلق وخوف: في إيه يا ماما ليه بتقولي كده انا عمري ما عصيتك 

ثريا بنظره مكر: حور 

جبل بقبضه قلب: مالها 

ثريا: تدخل عليها قبل الجواز تدخل البيت داه وهي مدام زي ما ضربتني وسط الحاره وكسرت عيني هايبقى الموضوع داه بيني وبينك وبينها وبس

جبل بذهول: انتي بتقولي ايه ولنفترض انا وافقت حور اللي بتخاف ربنا وحتي مبتسمحش بأي تجاوز بينا هتوافق

ثريا بسخريه: مالكش دعوه قولت ايه وبتمسكنه الحاره كلها بيعايروني كل ما اكلم حد يقولي اتشطري على اللي ضربتك وهزقتك امك بقت مسخه يا جبل بين الناس 

جبل بإطمئنان لانه عارف حور مستحيل توافق على كلام أمه : موافق بس ازاي

ثريا بلؤم: بجد يا جبل 

جبل بخوف من اللي جاي: والله العظيم موافق 

ثريا : طيب تعالي معايا 

جبل بخوف ورجليه مش شيلاه: فين 

ثريا : تعالي معايا وانتا تعرف 

اتحرك جبل وهو مسلوب الاراده مع أمه فتحت اوضته ولقى حور نايمه على السرير 

جبل بذهول :حول بتعمل هنا إيه 

ثريا : جبتها علشان ابني حبيبي سندي ياخدلي حقي 

جبل بص لأمه وعقله وقف وبقى بين نارين نار قلبه ونار أمه

ياترى جبل هايقدر ينفذ كلام أمه ولا للقدر رآي تاني 

؟

تكملة الرواية من هنا اااااااااااا