رواية لم تكن البدايه سعيده البارت 11-12-13-14-15بقلم رودي عبد الحميد في مدونة قصر الروايات جميع الفصول كامله وحصريه
رواية لم تكن البدايه سعيده البارت 11-12-13-14-15بقلم رودي عبد الحميد في مدونة قصر الروايات جميع الفصول كامله وحصريه
11
كان عيسي هيطلع وراها بس أمه مسكتو من إيده وقالت: بس بقا أنا زهقت منك ومن تصرفاتك البت من ساعة ما جات مبتشوفش منك غير ذ"ل وقر"ف وبس ومعملتش حاجة لدا كله وأنا اللي بجد هشوفلها شقة بعيدة عن هنا لإن تصرفاتك مبقتش تتطا"ق بجد
سابت إيده بعصبية وطلعت علي فوق وهو وقف حط إيده علي شعره وهو بيلـ"ـعن غبائه علي اللي عمله
طلع وراها وراح أوضتها لقاها بتلم هدومها في شنطة وهي بتعيط
قرب منها وقال ببرود: مش قلم اللي يخليكي تلمي هدومك وتمشي يا حرمي المصون
كانت متجاهلاه وبتكمل في لم هدومها
عيسي بتنهيدة: خلاص بلاش أڤورة
قفلت سوستة الشنطة وخدتها وكانت هتطلع من الأوضة مسك إيديها وقال: أسف
شدت إيديها من إيده ونزلت، نزل وراها ومسك إيديها وهي علي السلم وقال: أسف قولتلك أسف
مسك الشنطة منها وكان هيشدها لفوق
شدت الشنطة من إيده وقالت بعصبية: سيبني بقا عايزه أغو"ر في داهـ"ـية
نزلت علي السلالم بعصبية وهو مش عارف يعمل معاها إيه
قبل ما تطلع من باب الڤيلا هيدخل حد ويقول: متخافيش يا زينة هاخدك يا حبيبتي تعيشي معايا وللأبد كمان
زينة بصدمة:
زينة بصدمة: عمتو
ناهد بإبتسامة: أه عمتو يا قلب عمتو جيت أخدك يا حبيبتي من جحـ"ـيم إبن عمك
عيسي نزل ببرود وقال: أهلًا أهلًا ناهد هانم خير مشرفانا ليه ؟
ناهد بخبث: جيت أخد بنت أخويا يا عيسي ولا مش من حقي دي وصية أخويا
عيسي ببرود: عندك دليل ؟
ناهد بتوتر بس بثبات إنفعالي: أه معايا
طلعت ورقة وإدتها لعيسي
عيسي مسك الورقة وقرأ بصوت عالي مليان سخرية
" ناهد أختي حبيبتي، لما أمو"ت بنتي أمانة في رقبتك وبلاش توديها عند عيسي وأمه لإنهم هيأذوها جامد، مش هآمن علي بنتي زينة غير معاكي يا ناهد يا أختي، أخوكي رضوان "
نتشت زينة الورقة من عيسي وقرأتها وقالت: دا كدب دا مش خط بابا إنتي كدابة
ناهد بإبتسامة: لأ مش كدابة وهاخدك معايا قولت
جات تشد إيد زينة علشان تمشي، زينة إستخبت في عيسي وقالت بخو"ف: مش همشي معاكي لأ مش همشي
عيسي بجمود: ناهد إنتي لو ممشتيش من هنا أنا هطلعك علي نقالة
ناهد بصت لبرا وهزت راسها
دخل إتنين بودي جارد بيمسكو زينة
زينة بعياط: مش همشي معاكم أنا هقعد مع عيسي ومرات عمي سيبوني، إلحقني يا عيسي
عيسي كان واقف بجمود بس مستحملش دموعها وتوسلاتها ليه، طلع المسد"س وضرب طلـ"ـقة في دراع واحد منهم وشد زينة ورا ضهره وقال: لو ممشتيش من هنا الطـ"ـلقة التانيه هتكون في راسك
رجعت لورا بخوف وقالت: مش هسكت وهاخدها برضوا يا عيسي ولو مش دلوقتي هيكون بعدين
مشيت من الفيلا وهو حط المسد"س في البنطلون ولف لزينة اللي كانت ماسكه في القميص من ورا وبتترعش من العياط، حط إيده علي كتفها وقال: ممكن تهدي وتبطلي عياط! محدش هيقربلك طول ما إنتي موجودة هنا في وسطينا
بصتله وقالت: حتي إنت كمان مش بتطيقني، إنت ك عيسي مش بتطيقني أساسًا
عيسي بص لأمه اللي نزلت علي صوت المسد"س وقالها: روحي إرتاحي إنتي يا حبيبتي ومتشغليش بالك
بصت نيهال علي زينة بقلق وطلعت وتهاني راحت أوضتها
عيسي إتنهد وشد إيديها ودخل المكتب وقعدها علي الكنبة
أخد نفس عميق وقال: إنتي مش عدو"تي العدا"وة كانت بسبب أبوكي وأهو ما"ت
زينة بتكملة: واللي كان السبب ناهد يبقا متقولش أبويا
عيسي بعصبية: متنكريش إن أبوكي شارك
زينة بدموع: هو إنت مينفعش تتكلم بهدوء أبدًا كفاية عصبية بقا أنا مش هسكتلك علي الإقلام اللي إنت عمال تديهالي دي وشعري اللي طلعتو في إيدك
عيسي بتهدئة: بصي علشان منبقاش زي القط والفار كدة لإن إنتي عندية وأنا مش بحب العِند
1213
زينة بإبتسامة واسعة: عليك نور يبقا أمشي من البيت
عيسي بإبتسامة: نبقا متفاهمين قولتلك قبل كدة هكسر"لك رجلك لو فكرتي تطلعي
زينة بإرهاق: والمفروض دلوقتي ؟
عيسي ببساطة: نبقا متفاهمين
زينة بجمود: بس أنا مش عايزة أتعامل معاك تاني أنا قر"فت وزهقت
عيسي ببرود: براحتك أنا مش همو"ت عليكي يعني التفاهم دا علشان منفضلش دايمًا في خناق لكن أنا بكر"هك أصلًا
بصتلو بسخرية وطلعت من المكتب أخدت شنطتها اللي موجودة قُرب الباب وطلعت الأوضة التاني
قعدت علي السرير وقالت بدموع: بكر"هك يا عيسي بكر"هك
" بعد إسبوع "
نيهال وزينة وعيسي قاعدين علي سُفرة الأكل
نيهال بتساؤل: إنتي موركيش كلية يا زينة ؟
زينة بإبتسامة: مخلصة يا مرات عمي قبل مو"ت بابا بإسبوع
نيهال: كنتي كلية إيه ؟
زينة بإبتسامة: حقوق
نيهال بزعل: ومشتغلتيش ليه ؟
زينة: ملحقتش جه موضوع مو"ت بابا وملحقتش أعمل حاجة
نيهال قبل ما ترد باب الفيلا هيخبط
هتفتح تهاني الباب هتلاقي البوليس واقف
الظابط بجدية: دا منزل عيسي علام الشامي ؟
تهاني بخوف: أيوا يا بيه فيه حاجة
الظابط وسعها من طريقو ودخل ومعاه إتنين عساكر
دخل لعيسي اللي وقف هو وزينة ونيهال
الظابط ببرود: إنت عيسي علام الشامي ؟
عيسي ببرود: أيوا
الظابط:
الظابط ببرود: مطلوب القبض عليك وتفتيش البيت
عيسي ببرود: ما هو يا تفتشو البيت يا تاخدوني إنما الإتنين صعبة شوية
الظابط بصرامة: إنت هتهزر ولا إيه ؟
نيهال بقلق: طب أفهم بس إنتم عايزين تاخدوه ليه ؟
الظابط ببرود: مُتهم بقضية خطـ"ـف بنت إسمها زينة
زينة ضحكت بصوت عالي وقالت: طب معاك صورة لزينة دي ؟
الظابط ببرود: لأ بس معايا أوامر القبض علي عيسي وناخد زينة علشان أهلها ييجو ياخدوها
عيسي ببرود: القضية با"طلة لإن زينة شخصيًا واقفة قصادك أهي
الظابط بص للبيت وقال: هنفتش البيت
عيسي بضحك: يا باشا إنت مش مصدق ليه إن اللي واقفة قُصادك دي زينة! وبعدين هو فيه حد يخـ"ـطف بنت عمو ومراتو ؟
نيهال بصدمة وبصوت همس: مراتو!!
الظابط ببرود: معاك دليل ؟
عيسي دخل أوضة المكتب وطلع وفي إيده قسيمة جوازو هو وزينة
مد إيده للظابط وقال: قسيمة الجواز أهيه
زينة طلعت أوضتها ونزلت تاني ومدت إيديها للظابط وقالت: وأدي بطاقتي أهيه نفس الخلقة والسحنة اللي في البطاقة واقفة قُصادك أهو
الظابط كان ماسك البطاقة وقسيمة الجواز وعمال يبصلهم كل شوية
مد إيدة لعيسي بالحاجة وقال: تمام إحنا أسفين علي الإزعاج
عيسي بإبتسامة: ولا إزعاج ولا حاجة دا إنتو جيتو في وقت فطار ما تتفضلو معانا
الظابط بإبتسامة: نستأذن إحنا بقا
الظابط مشي وعيسي قعد علي الكُرسي ببرود
نيهال قعدت جمبو وقالت: ممكن أفهم زينة مراتك إزاي والكلام دا من غير علمي إزاي برضوا13
نيهال بصدمة: إنت إزاي كدة أنا أمك ومصدومة فيك للدرجادي الإنتقام عماك
عيسي ببرود: ما أهي قدامك صاغ سليم مجيتش جمبها غير إنها كانت بتعملي القهوة وتخلص كام حاجة كدة
زينة بسرعة: مرات عمي عيسي مأذنيش متقلقيش وأنا أهو قدامك بخير
بصت نيهال لزينة بشك وقالت: متأكدة
زينة بتأكيد: جدًا كمان أنا بخير متقلقيش والله
نيهال أخدت نفس عميق وقالت: طلقها
عيسي ضحك بصوت عالي وقال: قولي تاني كدة
نيهال بغيظ: طلقها إيه مش سامع
عيسي ببرود: لأ
زينة بإبتسامة وصوت همس: أكيد بيحبني أكيد
نيهال بعصبية: هو إيه اللي لأ
عيسي بإبتسامة مستفزة: لما ألقي اللي أتجوزها ساعتها هطلقها
زينة كانت بتشرب شاي بالنعناع بس شرقت لما سمعتو بيقول كدة
قامت وقفت وقالت بعصبية: نعم يخويا! فاكرني بديل ولا إيه
عيسي بهدوء: صوتك ميعلاش علشان ملبسش وشك في السفرة
زينة بشهقة: حوش حوش وكمان بجـ"ـح لأ بقولك إيه طلقني أنا مش بديل لحد يدلعادي
عيسي قام من علي الكُرسي ومشي ناحيتها قامت زينة وجريت وإستخبت ورا نيهال
عيسي بسخرية: علي أساس مش هعرف أجيبك أنا كدة يعني ؟
زينة وهي ماسكه في نيهال ومستخبيه: لأ متقدرش لإنك لو قربت تبقي متر"بتش
با"ست نيهال وقالت: لامؤخذة يا مرات عمي
نيهال بتريقة: خدي راحتك أحبيبتي إنتي خليتي فيها مرات عمك أصلًا
نيهال بخبث: حبيبي إنت بتقول مش مش هتطلقها غير لما تتجوز ؟
عيسي هز راسه وهو ساند بإيده علي السُفرة ومستنيها تكمل
قالت ببرود: لو عريس جه بقا لزينة قبلها وهو ميترفضش بصراحة نعمل إيه؟
عيسي ببساطة: هنرفض ومش هتتجوز سهلة
شوحت زينة بإيديها وهي مازالت ورا نيهال: نعم يخوياا ليه هخلل جمبك إنت وأمك ولا إيه
با"ست نيهال وقالت: لامؤخذة يا مرات عمي
وطت نيهال وجابت الشبـ"ـشب وقالت: ولا يهمك أحبيبتي خدي راحتك
طلعت زينة من وراها وجريت وإستخبت ورا عيسي وقالت: عيب كدة إحنا اهل
رمت نيهال الشبـ"ـشب علي الأرض ولبستو وقالت: مش بتيجي غير بالعين الحمرا
عيسي بصلها وقال لزينة بهمس: مش خايفة أمسكك أرنك علـ"ـقة
با"ست كتفه وقالت: إبن عمي قُرة عيني وزوجي عيب كدة ولم الليلة بقا
نيهال بصوت عالي: طب أنا عندي حل حلو
زينة وعيسي بصولها بإهتمام
نيهال بخبث:
نيهال بخبث: إبن طنط مُنيرة شاف زينة في الحفلة وطالب القُرب مننا
زينة بإبتسامة: حلو يا مرات عمي ؟
نيهال بضحك: قمر يا زينة
عيسي بسُخرية: وهيرضي يتجوز واحدة متجوزة
نيهال ببرود: ما إنت هتطلقها بقا قولت
عيسي بحدة: قولت مش هتطلقها
نيهال بعصبية: دي بنتي وأنا مش هعيشها مع واحد مش بيحبها ثانية واحدة
عيسي بتحدي: تمام أوي أنا بقا هروح أتجوز وهجبهالكم وأجي
سابهم وطلع من الڤيلا
نيهال بصت علي زينة اللي بتبص في شبح خياله بحزن ودموع
قربت نيهال وقالت: عيسي مستحيل يعملها متزعليش
زينة بدموع: أنا متمر"مطة من بدري أوي وبجد زهقت وحتي لو مش بيحبني أنا مقبلش علي نفسي يكون ليا ضُرة تانيه
طبطبت نيهال علي كِتفها وقالت: تعالي نعمل حلويات أصل بقالي كتير معملتش حلويات ونفسي فيها
مسحت زينة دموعها وقالت بحماس: نعمل كيك بالفرواولة
نيهال بضحك: هنعمل كُل حاجة تعالي
" صباح تاني يوم "
دخل عيسي من باب الڤيلا وهو بيغمض عيونه من قِلة النوم
كان طالع علي السلم قابلتُه نيهال وهي بتقول: إيه يا أستاذ كنت سهران مع مراتك التانيه ؟
عيسي بإرهاق: أمي أنا محتاج أنام
عيسي طلع علي فوق وهو قافل عيونُه ومش مركز خالص في الطريق لدرجة إنو دخل أوضة زينة مكان أوضتُه ونام علي السرير من غير ما يغير هدومه حتي!
كانت زينة بتاخد شاور، طلعت من الحمام وهي لابسه هدومها بس إتصدمت لما لقت عيسي نايم علي سريرها
قربت منو وفضلت تهز فيه: عيسي.. يا عيسي قوم إيه منيمك في أوضتي
عيسي بنوم: بس بقا عاوز أنام
بصتله بغيظ وطلعت من الأوضة نزلت لنيهال وقالت: هو إيه منيم عيسي في أوضتي يا مرات عمي
نيهال بصدمة: هو نام في أوضتك
زينة بضيق: كنت باخد شاور طلعت لاقيتو نايم علي السرير بهدومه بصحي فيه مش راضي يقوم
نيهال بضحك: عيسي كان طول الليل سهران برا ولسه اللي راجع ولما بيبقا عايز ينام وعلي أخره مش بيركز ف تلقيه إتلغبط ما بين أوضتك وأوضته
قعدت جمبها ونفخت بضيق: كانت غلطة لما أخدت الأوضة اللي قصاد أوضته والله
نيهال بضحك: معلش يا زينة شكلك هتفضلي قاعده معايا لحد ما هو يصحي من النوم
زينة بضيق: شكلها كدة
السادسة مساءً "
إتململ عيسي في نومُه وفتح عيونُه بتكاسل، بص علي ديكور الأوضة وهو بيفرد دراعاتو لفوق بإريحية
بس قام إتعدل بسرعة وإتصدم لما لقي إن دي مش أوضته، بص بتركيز علي الأوضة وقال بهمس: أوضة زينة
قام وطلع من الأوضة وراح أوضتُه أخد شاور وغير هدومه ونزل لقاهم قاعدين بيتفرجو علي التي ڤي وقدامهم طبق تسالي
قرب منهم وهو حاطت إيده علي شعره من ورا وقال: مساء الخير
نيهال بسُخرية: ناموسيتَك كُحلي ياخويا كل دا نوم
عيسي قعد جمب نيهال وقال: كنت مطبق من إمبارح فَ نمت
نيهال: وحلو النوم في أوضة زينة مش كدة ؟
عيسي بتوتر: ك..كنت عايز أنام ومأخدتش بالي دخلت أنهي أوضة مش حوار يعني
زينة كانت بتتصنع البرود ومتابعه التي ڤي
نيهال بإبتسامة: طب يا حبيبي جهز نفسك بقا كدة علشان بكرة أنا عازمة أختي بأولادها
عيسي بضيق: متقوليش إن ريهام جايه!
نيهال بتأكيد: ريهام وأم ريهام وأخو ريهام جايين
عيسي مسح علي وشه بضيق وقال: يادي القر"ف خلاص أنا هروح في أي حته لحد ما يمشو مش ناقصة قر"ف
نيهال بتحذير: ولد إحترم نفسك كدة دي أختي وأولادها اللي بتتكلم عنهم دول
بصت علي زينة وقالت: وإنتي يا زينة هتحبيهم أوي أنا متأكدة وخصوصًا ريهام لإن قلبها طيب
عيسي بتريقة: هه واضح جدًا إن قلبها طيب أوي لأ وكبير كمان
زينة ضحكت وقالت: شكلنا هنبقا صحاب جامد
عدا اليوم بسرعه وجه اليوم التاني
" تاني يوم العصر "
الباب خبط راحت تهاني فتحت وقالت بترحيب: أهلًا أهلًا إزيك يا ست هانم إتفضلو
دخلت سِت من عُمر أم عيسي وبنت في عُمر زينة وولد أكبر من عيسي بِسنتين
14
قعدو في الصالون، دخلت نيهال وقالت: سُهير حبيبتي وحشتيني أوي
قامت سُهير أختها وحضـ"ـنتها وقالت: وإنتي أكتر والله
قامت ريهام وسلمت علي نيهال وقالت: حماتي وحشتيني أوي
نيهال بتوتر: و..وإنتي كمان يا..يا ريهام
قام الولد وسلم علي نيهال وقال: عاش من شافك يا جا"مد
نيهال بضحك: إنت لسه بكاش يا رامي
رامي مشاكسة: علشان لسه بقولك يا جا"مد ما إنتي مُميزة يا خالتو
دخل عيسي ببرود وقال: مساء الخير
قامت ريهام وقفت وبصتله بلمعة عين وقالت: أحلا مساء خير دا ولا إيه ؟
سلم علي سُهير ورامي وهز راسة لريهام وقعد
كانو بيتكلمو في أمور عادية وعيسي مشبك إيده فِـ بعض وباصص علي إيديه بملل وريهام مركزة معاه وإبتسامة مرسومة علي وشها
حبه ودخلت زينة وهي مُحرجة جدًا
دخلت وقالت بإحراج: إحم مساء الخير
قام رامي وقف وصفر بإعجاب وقال: أوبا مين دي يا خالتو
عيسي شد إيديها وقعدها جمبو وبص لِرامي بغضب
نيهال قبل ما ترد هتقول سُهير بإبتسامة: إنتي بنت كاميليا صح ؟
زينة بإبتسامة: أه أنا بنت كاميليا
رامي بإعجاب: تسلم طنط كاميليا علي المُنتج القمر دا
عيسي بعصبية قام وقف وقال: ما تحترم نفسك يا رامي علشان مقلبش عليك بجد
رامي قام وقف وقال بإستغراب: إيه يعم هي مين دي علشان تتحمق عليها أوي كدة
عيسي بعصبية: تبقي مـ
زينة قالت بسرعة: بنت عمو أنا بنت رضوان
ريهام بصتلهم بشك وقالت: وهو مالو متعصب كدة ليه لما رامي عا"كسك
زينة ببرود: معلش أصل لقي نفسو فاضي فَ قال يغير عليا شوية
نيهال بإبتسامة متوترة: أقعدو يا جم١عة مالكُم كلكم وقفتو كدة ليه
عيسي قعد وشد زينة من إيديها وقعدها جمبو وهو بيبص علي رامي بغضب اللي بيبص علي زينة بإعجاب وزينة باصة في الأرض من الإحراج
قام عيسي وقف وقال: عن إذنكُم هعمل حاجة وجاي
سابهم وطلع أوضته، قالت ريهام بتوتر: عن إذنكُم.. ه..هروح الحمام وأجي
قامت طلعت جري، زينة بصتلها بشك بس سكتت
عيسي كان طلع أخد شاور وكان هيقعد علي اللاب شوية وينزلهم
طلع من الحمام وهو لابس بنطلون بس وبينشف شعره
أول ما شال الفوطة من علي شعره لقي ريهام قاعده علي السرير بأريحية وبتهز في رجليها
عيسي بزعيق: إنتي بتعملي إيه هنا
ريهام قامت بلهفة وقالت: عيسي وحشتني أوي يا عيسي إنت عارف من إمتي مشوفتكش
عيسي بعد لورا وقال بزعيق: إطلعي برا يا ريهام
ريهام قربت منو وإتعلقت في رقبتو وقالت بدموع: بحبك يا عيسي ليه بتعمل فيا كدة أنا بحبك
قبل ما عيسي يبعدها عنو الباب هيتفتح وهيدخل شخص الأوضة
ريهام بعدت وقال عيسي بصدمة: ز..زينة
ريهام بعدت وقال عيسيي بصدمة: ز.. زينة!
زينة ببرود قربت وقالت لِــ ريهام: إيه يا ريهام يا حبيبتي أومال فين الحمام ؟
15
ريهام بتوتر: م..إحم هو..يعني..
قاطعتها زينة بإبتسامة مستفزة: طب طنط سُهير يَــ حبيبتي عايزاكي تحت في أوضة الصالون
ريهام بصتلها بتوتر وطلعت
زينة بصت لعيسي بقر"ف ودموع ونزلت وهو كان عمال ينادي عليها
أول ما طلعت من الأوضة ورز"عت الباب جامد
قعد علي السرير بضيق وقال: بدأت تتقفل من كُل حتة
قام لبس تيشيرت ونزلهم تحت بس قبل ما يدخل سمع سُهير بتقول: لا دا إحنا كدة نجوز زينة لِرامي بقا
دخل بسُرعة قبل ما يردو وقال: إحم ما تيجو نقعد في الجنينة شوية ؟
نيهال قامت وقفت وقالت: لأ إحنا نروح نتغدا
طلعو كلهم وراحو قعدو علي السُفرة
كان عيسي قاعد علي راس الترابيزة وجمبو من ناحية نيهال وكانت ريهام رايحة تقعد الناحية التانية بس سبقتها زينة وقعدت ببرود وسُهير جمب نيهال ورامي قعد جمب ريهام اللي قعدت جمب زينة بغضب
كانو بياكلو بهدوء وعيسي بيبص علي زينة بطرف عينُه
قامت زينة وقالت: شبعت عن إذنكم
نيهال بإستغراب: إنتي مأكلتيش يَحبيبتي علشان تشبعي!
زينة بإبتسامة: معلش يا مرات عمي مليش نفس
زينة طلعت من الأوضة وقعدت في المطبخ علي الترابيزة وحسِت إنها محتاجة تعيط
سندت راسها علي الترابيزة وفضلت تعيط
حسِت بإيد حد علي كتفها رفعت راسها لاقته رامي
رامي بإبتسامة: ممكن أقعد
مسحت دموعها وقالت: إتفضل
قعد وقال بإبتسامة: بتعيطي ليه بس
زينة بإبتسامة: مفيش حاجة كلو تمام
رامي بمشا"كسة: طب بزمتك لما إنتي تعيطي كدة مين هينورلنا الدنيا فيه زينة تعيط كدة ؟ دا إنتي زينة البيت والمكان والحتة كلها
زينة ضحكت وقالت: كلهم معني واحد علي فكرة
رامي بمرح: مش مهم يستي المهم إن إنتي زينة البنات كلهم وفعلًا مكدبتش
ضحكت بصوت عالي وقالت: بكاش أوي
كان عيسي قاعد متضايق من ريهام وتصرفاتها اللي بتحاول تقرب منو بكُل الطُرق، سمع صوت ضحك زينة
قام من مكانو ومشي بإتجاه الصوت لقي رامي قاعد وبيخبط كف إيده مع كف إيد زينة وبيضحكو
دخل المطبخ وقال ببرود: ما تضحكوني معاكُم أصل بقالي زمن مضحكتش
زينة بضحك: رامي دا فظيع دمو خفيف خالص وبيضحكني أوي
عيسي بتريقة: والله طب قوليلي كدة بيقول إيه
زينة بإبتسامة: مينفعش أصل دا سر ما بينا مش صح يا رامي
رامي بهيام ونسي إن عيسي واقف: صح يا قلب رامي
زينة وطت راسها وإبتسمت وعيسي قال: وحياة أمك!
دخلت سُهير وقالت: يلا يا رامي علشان هنروح
زينة بإبتسامة: ليه يا طنط أنا حبيتكم أوي ما تقعدو شوية
رامي بصلها وقال: الجيات كتير هتلقيني هنا دايمًا
عيسي نفخ بضيق وقال: نورتونا يا جم١عة
قربت منو ريهام وقالت: مش هتسلم عليا يا عيسي ؟
عيسي ببرود: نورتي يا ريهام
ريهام بهمس: عقبال ما أكون مراتك ومنورالك بيتك يا نور حياتي
بصلها ببرود وهي طلعت مع رامي وسُهير
عيسي بص لزينة اللي قاعدة بتشرب شاي بالنعناع ببرود وقال: مش كفاية طفـ"ـح شاي بالنعناع هتطلعي زرعة في دماغك
بصتلو ببرود وقالت: خليك في حالك إنت وريهام وميخصكش
تعليقات
إرسال تعليق
فضلا اترك تعليق من هنا