رواية المبروكه الفصل 11-12-13-14-15بقلم رشا منصور جميع الفصول كامله وحصريه مدونة قصر الروايات
رواية المبروكه الفصل 11-12-13-14-15بقلم رشا منصور جميع الفصول كامله وحصريه مدونة قصر الروايات
#الجزءالحادي_عشر
#المبروكة
سعيد....
فضلت واقف ساكت مش عارف اقولها ايه وأنا السبب في كل اللى هى فيه ده وشايف في عيونها نظرات لوم وعتاب
نهي.... أنا فين عاوزة أروح وحاولت اقوم وطبعاً مقدرتش
سعيد....
بعد اذنكم عاوز اتكلم مع نهي لوحدنا
خرج ابويا وامى وقعدت على الكرسي اللى جنب السرير وبصيت ل نهي وقولتها ايه اللى عملتيه ف نفسك ده ليه وصلتي نفسك للحاله دى يا نهي ده أنا من قبل ما اخطبك قولتلك أنى عمري ما اتجوز غيرك
والله يا نهي أنا جيت مع خالتي وامى علشان اثبت كدب خالتي قدام امى لأنى لو كنت كدبتها من غير ما اجى معاها كانت هتكبر الموضوع في دماغ أمي وممكن تأثر عليها والله ده كل اللى حصل ولو مش مصدقاني يا نهي أنا مش هغصب عليكي أنك تكملي معايا بس ع الأقل توعديني تخلي بالك من نفسك
وأنا عن نفسي هسافر بره ومش راجع تاني مش هضايقك تاني يا نهي بس أهم حاجه عندي أنك تخلي بالك من نفسك
ع أذنك
نهي.... سعيد أنت رايح فين ببساطه هتبعد عني وتسيبني
سعيد....
اللى بيحب لازم يضحي وأنا مقدرش أشوفك قدام عيني بتروحي مني واقف اتفرج عليكي علشان كده أنا عندي اعيش طول عمري متعذ'ب ولا اشوفك لحظه واحدة تعبانه
نهي....
دموعي نزلت تفتكر لما تبعد عني هرتاح أنا بحبك يا سعيد مقدرش استغنى عنك والايام اللى فاتت كنت هتجنن كان نفسي اسمع صوتك بس كنت برجع أقول لنفسي لو كان بيحبني مكنش شك فيا
سعيد..... نهي تتجوزيني
نهي.... ايه نتجوز طب وخالتك وسمر
سعيد ..... تتجوزيني
نهي..... كنت مبسوطه أوى من جوايا وهزيت له رأسي
ايوة اتجوزك بس خلي بالك أنا غيورة جدا ومش هقبل أن حد يشاركني فيك ولو سمر فكرت بس أنها تبصلك مضمنش هعمل معاها إيه
سعيد....
انتى اعملي كل اللى انتى عوزاه أنا قلبي مفهوش غير نهي وبس وقومت فتحت الباب ونديت ع ابويا وامى
وبشرتهم أننا اتصالحنا ورجعنا لبعض وهنتجوز في اقرب وقت
نهي....
روحت بيت عمي بعد ما سعيد صمم أنى مينفعش اقعد لوحدى وأنا تعبانه كدا وساب ليا اوضته ابات فيها وهو هيبات في اوضه الانترية
وكدا أنا ضمنت أن سعيد عمره ما يصدق أى كلمه يسمعها عني تانى وعمي عمل باب بين اوضه سعيد واوضه الانتريه وفتح الحيطه بين اوضه سعيد والحمام
وقال كدا كأنها شقه صغيره خاصه بيكم علشان تكونوا براحتكم بعد الجواز واتحدد ميعاد الفرح واخدت إجازة أسبوعين من المدرسة اللى بشتغل فيها
وخالة سعيد وسمر حضروا الفرح بعد ما جوز خالتوا ادخل وصالح بينهم واتجوزنا وسفرنا نقضي اسبوع في الغردقه
وسعيد غيور جدا رفض حتى أنزل البحر وهنا لجأت للجن
طلبت منهم أنه ينام وأن اكون مخفيه عن كل الناس ونزلت البحر والجن الطيار خلي واحد من الجن المائي يكون معايا وعمل زى بلونه كبيره شفافه وقعدت جواها وغطس بيا ياااااه ع المناظر الخلابة ولا السمك الملون والشعب المرجانية أن لأول مرة في حياتي أنزل البحر علشان كده قررت أنى امتع نفسي واجرب كل حاجه كنت محرومه منها أنا عاوزة اعيش واتمتع مش عاوزة افضل طول حياتي عايشه جوه حارة
بس أعمل كدا ازاى أنا دلوقتي اتجوزت وبقت كل تحركاتى محسوبه عليا ووقتها لقيت الجن المائي بص ليا وقالي الست لواحظ عوزاكى حالا لأنها بتموت 😲
مكنتش عارفه اتصرف ازاي قولت له طلعني بسرعه للشاطىء واول ما طلعت طلبت من الجن الطيار "صرماط" ياخدنى لعندها في الحال وفي اقل من ثانيه كنت عندها
الست لواحظ.....
حقك عليا يا نهي أنا عارفة انك لسه عروسه في شهر العسل بس حبيت اشوفك قبل ما اموت ووصيكي مها بنت اختى وبنتي أوعى في يوم تتأخري عنها احميها بالذات من جوزها واهله اكيد بعد ما اموت هيستفردوا بها أنا لولا العيال كنت طلقتها منه
وانتى يا مها أى حاجة محتاجه لها حمايه أو فلوس أو حتى دهب اطلبي من نهي هى مكانى
انتى بس قولى في سرك ع طلبك وهى حتى لو بعيد عنك هتنفذه لكي
افتكري العهد يا نهي لو كسرتي العهد كل حاجه هتضيع منك واوعى تثقي في الجن ثقي دايما في عقلك وبس
نهي.....
متخافيش يا ست لواحظ من غير العهد أنا كنت هقف مع مها اطمني أنا بصون العيش والملح
الست لواحظ ....
روحى دلوقتي ل جوزك وفي أى وقت محتاجه تعرفي حاجه الكتب اللي هنا اعتبريها ملكك يلا وصلها قوام
نهي....
الجن وصلني في لحظه كنت قاعده على الكرسي جنب سعيد اللى كان لسه نايم
قولت له سعيد اصحي فوق أنت نايم بقالك كتير وأنا زهقت من القاعدة تعالي نطلع اوضتنا
سعيد....
ايه ده أنا نمت إزاى وببص في الموبيل لقيت نفسي نمت تلات ساعات يااااه غريبه أوى وكمان أنا مصدع كدا ليه
نهي....
اكيد من الشمس وقلة الأكل يلا نقوم وكنت ماشيه معاه ودماغي مشغول في حاجه واحده بس ازاى أكون غنيه ومعايا فلوس قدام كل الجهات الرسمية
بس لقيتها تسلم دماغك يابت يا نهي
يتبع..... #رشامنصور
#الجزءالثاني_عشر
#المبروكة
نهي.....
هبدء انفذ الموضوع ده أول ما نرجع القاهره ياااا مافيش أحلي من أنك تكون ساحر ومعاك قوة من الجن
وأول ما رجعنا القاهره اختليت بالجن في اوضتي بعد ما سعيد نزل الشغل وقولت لهم ع الفكرة
قالولى سهله جدا وهنبدأ في التنفيذ أول يوم تنزلى فيه الشغل قولت تمام وبعد أسبوع نزلت شغلي وروحت المدرسة وعملت نفسي قدام المدير وكام مدرس معاه أنى حاسه بصداع ودوخه ووقعت وابتديت اقول الدهب هناك شويه وسكت وقومت بصيت لهم قولت هو في ايه
المدير...
خير يا نهي انتى وقعتي فجأة وقولتي كلام عن الدهب هو في حاجه ضايعه منك
نهي...
لأ أنا شوفت كأنى ماشيه تحت الأرض وفي زى تماثيل ودهب كتير بس كان في واحد شكله مخيف كان بيحاول يمنعني المس الدهب
المدرسين بصوا لبعض وواحد منهم قال الله أكبر شكلك من الناس اللى بتكشف عن الآثار ده انتى ربنا هيفتح عليكي من وسع
المدير....
ده أنتى بقي طلعتي مكشوف عنك الحجاب وأحنا منعرفش
نهي.... أنا مش فاهمه حاجه انتوا بتتكلموا عن إيه
ع اذنكم ده ميعاد الحصه بتاعتي
وخلصت الحصه واتصلت على سعيد وحكيت له كلام المدير والمدرسين
سعيد...
أنا اسمع عن الموضوع ده بس ده خطر عليكي يا نهي
نهي....
بعد ما خلصت المكالمه خرجت من المدرسة وكان الجن عمل المطلوب منه وظهر ليا وشاور لي ع الراجل
مشيت في اتجاهه وبصيت له وقرينه بلغه أنى بكشف عن الآثار ولقيته جاى يكلمني
الراجل.....
السلام عليكم ورحمه الله وبركاته أنا الشيخ عرفان عامله ايه يابنتي شكلك مجهد وتعبان حاسه بأي حاجه شايفه حاجه
نهي....
طبعاً الجن كان بعيد عني ومش معايا غير قريني وبس وطبعاً كان عنده الأوامر بالكلام اللى يقوله عني
سبحان الله أنت جيت ليا نجده ياعم الشيخ أنا خايفه أنا من الصبح حاسه بصداع وبشوف حاجات غريبه كأنى روحت للعصر الفرعونى ولما قولت ل جوزى قالي أن ده في خطو'رة عليا رغم أن المدير قالي أن ده في خير كتير ليا طمني يا شيخ أنا خايفه
الشيخ عرفان....
عال عال بصي يا بنتي انتى ربنا بيحبك علشان وقعك مع واحد زيي أنا اقدر احميكي واخليكي كمان تستفادى وتاخدى فلوس ايه رأيك بقي
نهي..... ازاى ياعم الشيخ
الشيخ عرفان .....
انك تدليني ع المكان اللي شوفتي فيه الآثا'ر ونبلغ صاحب المكان وتاخدى مكافاتك قولتي ايه
نهي.... هبلغ جوزى ويكون معايا أنا مش بروح أى مكان لوحدى لو موافق هات رقمك وهبقي ابلغك برد جوزى قولت ايه
الشيخ عرفان.....
خدى رقمي وسواء جوزك موافق أو لأ خليني اكلم معاه
نهي .....
مشيت وأول ما بعدت عنه عرفت أن الدجال ده مخلي جن يتتبعني ضحكت وقولت ل قريني بلغهم يخفونى من قدامه أو يخلصونى منه وتم في الحال
جميل أنك تمتلك قوة وتحس انك تقدر تسيطر على كل حاجه حواليك بقلم رشامنصوروتحدد حياتك بنفسك من غير ما تسيبها للنصيب والظروف
أول ما روحت البيت استنيت لما كلهم كانوا موجودين وبنتعشي قولت لهم ع الشيخ عرفان
سعيد....
شيلي من دماغك الموضوع ده أنا مش مستغني عنك ده شكله راجل دجال وهينصب عليكي
مرات عمي....
اة لو الموضوع ده كان بجد يبقي طاقة القدر واتفتحت لكي يا نهي ربنا يوسع رزقك يارب يا بنتي
عمي...
أنا من رأيي يا سعيد أنك تكلم الراجل وتبقي مع نهي ولو طلع نصا'ب بلغ عنه ولو كلامه حقيقي أهو نهي تستفاد
نهي....
علشان خاطري يا سعيد وافق ده منظر التماثيل كان يجنن أنا نفسي اشوفهم في الحقيقة
وفعلاً سعيد كلم الشيخ عرفان واتفق معاه أن في يوم الإجازة يكون معايا ونمشي حوالين شوارع المدرسة علشان أعرف المكان فين وصيت الجن أنه يبلغ قريني من غير ما يقرب علشان الشيخ عرفان ميحسش بوجودهم معايا وينكشف الملعوب وفعلاً لما وصلت عند بيت كبير حوالي خمس أدوار قولت لهم هنا في البيت ده مدفو'ن تحت الأرض
الشيخ عرفان....
اقعدوا في الكافية اللى هناك ده لما أدخل اشوف أهل البيت واتكلم معاهم
دخلت البيت وعرفت انه ملك ل راجل وعياله الاربعه وأنهم متجوزين وقاعدين كلهم في البيت
وعرفت صاحب البيت أن في كنز تحت بيته لكن محدش هيقدر يطلعه إلا لو الخادم اللى معايا اتفاهم مع حارس المقبرة وأنه معايا ناس وهاخد نسبة 50%
وطبعاً رفضوا وكنت متوقع ده سيبت لهم رقم تليفوني وأول ما خرجت من البيت سلطت خدامي عليهم يطفوا النور ويقيدوا فيه ويطلعوا نار من الحيطان وفي أقل من نص ساعه صاحب البيت اتصل عليا وبيتخانق معايا
وقولت له
لأ ده حارس المقبره هو السبب لأنه هو كان سامع كل كلمه اتقالت واكيد معجبوش كلامكم عليه والله أعلم هيعمل ايه تانى الافضل تسيبوا له البيت أو انك تراضيه
وتطلع كسبان قولت ايه
وطبعاً وافق لانه خاف ع ولاده واحفاده قولت له نص ساعه واكون عندك وقعدت اخدت شاى مع البنت وجوزها وقولت لهم محدش يتكلم جوه خالص إلا لما اقول لكم
نهي....
سيبت الشيخ عرفان يعتقد أن بعفاريته قدر ينقع أهل البيت ميعرفش أنى خليت الجن بتوعي يلعبوا معاهم وظهر لهم خيالات وأن في طلاسم ع الحيطان وأنها بتنزل دم وفضلت ساكته والقرين كان بيبلغني بكل حاجه وطبعاً قرينه ميقدرش يقول كلمه عني إلا اللى ابلغه به وبس
وبعدها روحنا البيت وقريني عمال يوصف ليا وأنا أقول ونزلنا ع البدروم كان معمول مخزن ووروحت عند المكان وقعدت على الارض وطبعاً سعيد معايا وواقف جنبي والشيخ قالي قدامهم شايفه ايه
قولت تماثيل كتير ودهب في كل مكان بس الحارس واقف على الباب بيحاول يمنعني ادخل
الشيخ قال لهم احفروا هنا فضلوا يحفروا اكتر من تلاته متر وتعبوا قال لهم هنيجي بكره نكمل وأنه هيحط خادم من الجن هنا حراسة علشان الحارس ميعملش لهم حاجه
وتانى يوم روحنا البيت وعرفت من القرناء انهم مجهزين سلا'ح وناوين لنا ع الغد'ر مجرد ما الدهب يطلع سكت خالص علشان سعيد جوزى ميخفش
وطبعا الشيخ عرفان فضل يقولى متخافيش يابنتي محدش يقدر يأذ'يكي وبيتكلم بكل ثقه معذور اصله ميعرفش أن الخادم بتاعه بقي تحت طوعي 😕
وبعد ما ظهر سلم السرداب طلبت من الجن هولام يخلي الراصد يظهر لهم
وطلع تعبان أسود كبير وكلهم خافوا ووقف قدامى قربت منه
#رشامنصور
#الجزءالثالث_عشر
#المبروكة
وبعد ما ظهر سلم السرداب طلبت من الجن هولام يخلي الراصد يظهر لهم
وطلع تعبان أسود كبير وكلهم خافوا ووقف قدامى قربت منه وكنت بصه له بثقه وقولت له انزل بأمان ولما نزل السرداب نزلت وراه وكلهم كانوا مرعو'بين محدش قادر ينطق حتى سعيد والشيخ عرفان
بعدها بدقايق طلعت وأنا لبسه عقد فرعونى كلهم باصوا لبعض وسعيد قالي انتى كويسه
الشيخ عرفان ....
هو ايه اللى حصل وشوفتي ايه تحت
نهي....
بصيت ل أولاد صاحب البيت وقولت لهم انزلوا طلعوا الكنز كله من تحت ولو خليتوا قشايه واحدة تحت الراصد هيخفي الكنز كله فوق الأرض وتحته فاهمين
بصوا لبعض ونزلوا وطلعوا الكنز وطبعاً الجن متابع
وبيبلغني كل اللى بيحصل والكلام اللي بيتفقوا عليه تحت وأنا قعدت وخدت سعيد جنبي
الشيخ عرفان ....
طب يا رجاله نقسم بما يرضي الله خير ربنا كتير انتوا النص وأحنا النص
فجاة لقيت واحد منهم ماسك حد'يدة كبيرة واللى طلع مسد'س واللى كان مخبي سن🔪جه
ايه في ايه يا رجاله إحنا ضيفوكوا ولولانا مكنتوش طلعتوا الدهب
رد عليا صاحب البيت وقال وعلشان كده هتدفنوا هنا اهو بدل ما نردم الارض ع الفاضي
نهي.....
كنت ساكته خالص وبتفرج ع اللى بيحصل لحد ما لقيت سعيد بيقول لهم إحنا مش عاوزين حاجه أنا هاخد مراتي ونروح بصيت له قولتله اقعد يا سعيد محدش يقدر يقرب مننا أصلا 🤨😂
وفجأة لقوا التعبان طالع من السرداب وبيبخ نار عليهم وقولت بصوت عالى نص الكنز يتشال حالا ويختفي لحد ما أومركم بظهوره وفي لحظه الدهب اختفي وبقي النص بس اللى موجود قدامهم وقولت لهم
جدعنه منى مش همو'تكم وهسيب لكم نص الدهب لكن اقسم بالله لو شوفت خيال أى حد منكم هتمو.توا فاهمين
وخدت سعيد والشيخ عرفان وخرجنا من البيت وقولت للجن وصلونا البيت دلوقتي حالا وفى لحظه كنا في البيت قدام عمي ومرات عمي
وبقوا مستغربين كل اللى بيحصل وسعيد بقي مذهول ومش مستوعب بيقولى إحنا جينا هنا إزاى ايه اللى حصل
أمرت الخادم اللى مع الشيخ عرفان
انه يعرفه أن معايا ملوك الجان بيحمونى وانه لازم يكون طوع أمري بدل ما اد'مره
بصيت ل سعيد وقولت له تعالي اقعد تعالوا كلكم وأنا افهمكم اللى حصل
من أول ما وصلت البيت شوفت الغد'ر في عيونهم بس كدبت نفسي قولت يمكن علشان أنا قلقانه وبعد كدا شوفت طرف المسد'س وهو وراء ضهر واحد منهم وراح بسرعه عدل قميصه علشان يداري السلا'ح و بص ل اخوه اللى هز له رأسة فهمت ساعتها أن كلهم متفقين علينا واكيد منتظرين لحد ما الكنز يطلع
تواصلت مع حارس الكنز وطلبت منه أنه يطلع ويظهر لهم وقولت يمكن يخافوا ويرجعوا ع اللى ناوين عليه وبعدين نزلت معاه وعرفته بخوفي منهم
طمنى وقالي
أنا هخلي اعوانى يحموكى وينفذوا اومرك لحد ما تكونى في أمان بس ده كل اللى حصل
وطبعاً الشيخ عرفان ميقدرش ينطق وقسمنا الدهب
وعرفت منه أنه بيعرف تجار بيشتروا الحاجات دي وقولت له خلي بالك لو اتنصب عليا مضمنش ايه اللى ممكن يحصلك
الشيخ عرفان ....
أنا طوع أمرك أنا هجيب الناس لحد عندك واتفقي معاهم أنا مقدرش أخالف أوامرك
سعيد.....
كنت قاعد وسامع كل اللى بيتقال ومش مستوعب اللى نهي عملته ولا قادر أفهم الشيخ عرفان خايف من نهي ليه ده المفروض إحنا اللى نخاف منه أنا مش فاهم أى حاجة
نهي....
كنت عارفه بكل اللي بيدور في دماغ كل واحد
الشيخ عرفان.... أنا اخد نصيبي وابيعه واسافر
عمي.... معقول اللى أنا شايفه ده ولا هيطلع حلم
مرات عمي.... يا تري يا نهي بعد ما بقيتي غنيه هتعيشي معانا ولا هتبعدي عننا وتسيبي ابني
سعيد.... يا تري بتفكري في إيه يا نهي أنا مش قادر اصدق أنك نهي مراتي وبنت عمي أنا لأول مرة أحس أني خايف منك ومش عارف حتى بعد كدا ناويه ع ايه
نهي.....
بصيت للشيخ عرفان قولت له لما تجيب المشتري أتصل ع سعيد وحدد ميعاد معاه وخد نصيبك ومع السلامه وأنا عن نفسي لو حسيت بأى كنز تانى هكلمك واكيد هيبقي في بينا شغل تاني مع بعض
بصيت ل عمي ومرات عمي وسعيد وقولت لهم بقينا اغنيه ايه رأيكم لما نبيع الدهب ده نشتري شقه دوبلكس ونفرشها ونغير العربيه يا سعيد ونعيش بقي
عمي.....
اهم حاجه يا نهي أوعى الفلوس تغييرك يابنتي
نهي.... الفلوس بتغير الناس الجعانه يا عمي لكن أنا عيني شبعانه متعودة بتشوف الدهب وبس 😂
وانتوا أهلي و الرزق ده لنا كلنا ربنا بعته لنا علشان نعيش
ونتمتع بحياتنا وقولت ل سعيد أوعى لما الفلوس تجري في ايدك تتجوز عليا والله اخلي العفاريت يمو'توها 😂😂😂
سعيد..... وأنا أقدر اعملها زمان لما اعملها دلوقتي وانتى معاكي الجن أنا مش مستغني عن عمري
نهي....
كنت مبسوطه أوى مش علشان الكنز الفرعونى ما أنا كان ممكن اطلب اللى أنا عوزاه من الجن ويحضر في الحال لكن كنت مبسوطه وفرحانه بنفسي وأنا قاعدة اتحكم في كل حاجه بتحصل حواليا مافيش احسن من أنك تحس بقو'تك وسيطر'تك ع كل اللى حواليك
وتتحكم فيهم كل يوم بقتنع أن احسن حاجه عملتها في حياتي إني تعلمت السحر
وخليت الجن خفي الدهب مضمنش مين ممكن يفكر يسر'قه وبعد أسبوع لقيت سعيد بيقولى ان الشيخ
يتبع #رشامنصور
#الجزءالرابع_عشر
#المبروكة
بس كدا بقي فاضل حاجه كمان لازم اخطط لها كويس
وخليت الجن خفي الدهب مضمنش مين ممكن يفكر يسر'قه وبعد أسبوع لقيت سعيد بيقولى أن الشيخ عرفان اتصل عليه وبلغه أن المشتري معاه وجايين ع بالليل
قولت له تمام وأول ما وصلوا عرفت من الجن أنه فعلاً تاجر وخليت الكنز يظهر قدامه وانبهر به واتفقت معاه ع مبلغ 3 مليون دولار في الوقت ده كان مبلغ كبير
والدولار وقتها كان ب خمسة جنيه وخليت التاجر دفع لنا الفلوس بالمصري لأننا لو غيرناها من البنك هيتقال لنا من أين لك هذا أنا مش عبيطه أدخل نفسي في مشاكل
وبعد ما خدت الفلوس خفيتها نهائي وطبعاً اللى بيسألني بقول لهم الجن الراصد مخلي حمايه معايا وهما اللى شايلين الفلوس معاهم
وقولت ل عمي وسعيد إحنا لازم نفكر لو جيبنا كل اللى نفسنا فيه ممكن يتقبض علينا كلنا علشان كده أنا عندي فكرة وأنت اللى هتساعدنى علي تنفيذها يا سعيد
سعيد.....
فكرة ايه أنا بقيت أخاف' منك
نهي.....
إحنا لو سفرنا مثلاً الاقصر وأسوان أكيد هيصادف أحس بوجود أى مقبره ووقتها نتوجهه ل هيئة الآثار ونعرض عليهم الأمر بمقابل مادي ووقتها يبقي قدام كل الجهات الرسمية معروف مصدر الفلوس ايه رايك
سعيد....
فكرة كويسه بس تضمني منين أنك ممكن تلاقي كنز
نهي.....
البركه في الراصد اللى معايا هو وعدنى أنه هيساعدنى ويلا نجهز علشان من بكره الصبح نسافر كلنا وطبعاً معروف أننا لسه عرسان جداد يعني سفرنا مفهوش أى شك فينا
سعيد.....
ع خيرة الله أنا هتصل بهم في الشغل واخد إجازة اسبوعين
نهي.....
سافرنا بالفعل وطبعاً الجن معايا بس بعيد عن كل ده أنا كنت مستمتعه جدااا بالرحلة وفجأة وأحنا بنتفسح سمعت الجن بيقولى حته الأرض اللى قدامك دى عند البيت المهجور تحتها مقبرة ووبص لقيت فوج سياحي ومعاهم مرشد تبع وزارة السياحة عملت نفسي اغمي عليا وفضلت أقول المقبرة ..... الحارس ... الملكه
ولما الكل اجتمع سعيد طمنهم وقال للمرشد السياحي أنى بحس بوجود الآثار وواضح أن في كنز قريب من هنا
.... شاطر يا سعيد 😂🦋
المرشد مكدبش خبر واتصل بالمكتب ولقينا ناس خبراء جت وسألونى
*الجهات الرسمية.....
أستاذة نهي ممكن حضرتك تدلينا ع مكان المقبرة بالظبط
نهي....
مع احترامي ل حضرتك أنا هستفاد إيه
*الجهات الرسمية....
ع فكرة إحنا ممكن نحفر المنطقة كلها وهنوصل ف الأفضل انك تدلينا ع المكان وتاخدى شهادة تقدير وكمان هتتصورى مع المحافظ
نهي....
احتفظ بالشهادة لك واتفضل احفر براحتك بس تبقي وريني هتهرب إزاى من لعنه الفراعنه 😂😂😂😂
سيبته ومشيت وسلطت' عليه قرينه يخليه يخاف وخليته يشوف كوابيس مش هو لوحده كل اللى يقرب من المكان
وبعد أسبوع أتصل عليا علشان نتقابل
*الجهات الرسمية....
منعا لعدم توافر الوقت ياريت تدلينا ع المكان وهنعملك مكافأة
نهي....
طمني عليك اخبار الكوابيس ايه عرفت انك مش بتنام وبالنسبة للمكافاة هاتلك بها منوم 😕
*الجهات الرسمية....انتي عاوزة ايه بالظبط
نهي.....
نكتب عقد موثق بختم النسر أن ليا 15% من المقبرة قولت ايه وطبعاً وافق البركه في قرينه
وأخدت العقد واتصورنا مع المحافظ وتانى يوم دليتهم ع المكان وكنت كل شويه اقولهم معلومه صغيره زى يمين شويه أو الحفر 5 متر و........
وبعدين بدأ يظهر باب المقبرة وبدأ الجن يعمل زى عاصفة قويه وفجأة هديت قربت من سرداب المقبرة
وبعدين قولت لهم مطلوب تضحيه' كبش
لازم يذ'بح كبش هنا وقد تم وطبعاً ده من اختراعي مافيش راصد وبالتالي مافيش طلبات
بعدها الباب اتفتح ودخلت أول واحدة وكلهم ورايا وبقيت اقولهم ع أماكن الافخاخ الموجودة وتم نقل المقبرة واتصورت مع التماثيل وظهرت صوري في التليفزيون واتشهرت
ولما جيت اخد حقي ادونى شيك ب عشر الألف جنيه
وقتها خليت الجن كسر المكتب فوقهم وخدوا حتة علقه وخدت شيك ب مليون جنيه وصرفته في الحال ده غير دعوة لزيارة جميع الاماكن السياحيه والإقامة اسبوع مجاناً في شرم الشيخ 😍🦋
وبكدا بقي في سبب رسمي لمصدر الفلوس اللي معايا ولسه واخيرا حققت أول حلم ليا وسيبت الحارة وأخدت شقه دوبلكس كبيرة مساحتها 250 متر كانت أربع اوض واتنين منهم مستر روم وريسيبشن كبير ومطبخ كبير وبلكونه زى اللى بشوفها في الافلام واسعه أوى والدور الثاني اوض نوم ومكتبه
ووصيت مهندس ديكور يوضبها ونقلنا نعيش فيها بعد اربع شهور وكانت تحفه وفخمه جدااا وطبعاً كانت بأسمي وعملت فيها اوضة تكون خلوة ليا وقولت لهم أنى هخليها ليا اصلي واقرء القرآن فيها واصحح كشاكيل الطلبه
واحضر الدروس بتاعتي وكنت عامله فيها خزنه سريه فيها كل كتب السحر وكنت ع طول بقفلها بالمفتاح وطول فترة الأربع شهور دول وأنا بعمل لقاءات تليفزيونية وبقيت مشهورة أوى وطبعاً في المدرسة المدير والمدرسين بقوا فخورين بيا جدا وبالذات المدير بعد ما عالجت بنته من المس العاشق وبقي ليا مكانتي في الشغل احضر واغيب وقت ما أحب ع الرغم أن سعيد كان مصمم أنى أقعد من الشغل بيقولى انتى بقيتي مشهورة جدا وده ممكن يعرضني للمضايقات أو لأى حد مؤذي
لكن أنا 🤔🙄
يتبع. #رشامنصور
#الجزءالخامس_عشر
#المبروكة
ع الرغم أن سعيد كان مصمم أنى أقعد من الشغل بيقولى انتى بقيتي مشهورة جدا وده ممكن يعرضني للمضايقات أو لأى حد مؤذي
بس أنا صممت أكمل في وظيفه التدريس بحجه أنى اساعد الطلبة وأن المدرسة دى وش السعد عليا لكن الحقيقة كانت غير كدا طبعاً
أنا لو قعدت في البيت يبقي لو احتاجت أخرج لازم ادور على حجج اعملها أو هفضل مقضياها سحر ع طول وأنا مكنتش عاوزة أدخل الجن في حياتي الشخصية كتير إلا في الضرورة بس وكمان اتحججت أن يمكن أحس بكنز تاني ما أنا مبروكة بقي واكيد الحارس اللى معايا هيساعدنى
وفي وسط كل ده افتكرت مها بنت أخت الست لواحظ روحت لها البيت وحسيتها زعلانه وفهمت أن جوزها مضايقها اخدتها ونزلنا اشتريت لها ول أولادها ملابس كتير وألعاب وطلبات للبيت واديتها خمس آلاف جنيه وقولت لها أى حاجة محتاجه لها بلغيني ع طول وأول ما وصلتها بيتها وروحت ظهر ليا الجن في اوضتي
صرماط ، شرحام ، هولام استغربت وجودهم
من غير استدعاء بس قالولى لكي عندنا طلب ينفذ في الحال بدون أى مقابل
لما سألتهم ليه قالولى إحنا بنفذ أوامر الست لواحظ طول ما بتهتمي ب مها إحنا هنحقق طلباتك
قولت لهم تمام بس حالياً أنا مش محتاجه حاجه هطلب بعدين
وتانى يوم نزلت الشغل وخلصت وجيبت طلبات للبيت
وأول ما روحت لقيت خالة سعيد موجودة وقاعدة مع مرات عمي سلمت عليها وقولت لها أومال فين سمر وجوزها من يوم ما حضرنا الفرح محدش شافها وهنا كانت الصدمه
خالة سعيد...
سمر ربنا يقومها بالسلامه اصلها تعبانه عقبال عندك بقي اصلها حامل
نهي.....
حسيت أنها بتقولها بشماته قولت لها ألف مبروك ع الله المولود يكون وشه حلو ويسدد الديون اللى ع جوزها ويكون وش السعد عليكم زى ما أنا وش السعد ع سعيد جوزى
مرات عمي....
الله أكبر عليكي يا مرات ابني أنتى وش السعد من أول يوم اتجوزتى سعيد فيه وبعد كام شهر بس سيبنا الحارة وعايشين في منطقه فخمه وبقي عندنا بدل العربيه اتنين
نهي.....
حسيت أن خالة سعيد اتغاظت بدل ما تكيدنى أنا كيدتها وقولت لها ع اذنكم أجهز الغداء أصل الشغاله واخده اجازة تبقي فكريني يا مرات عمي أجيب واحدة كمان معاها تساعدها إحنا ربنا رزقنا علشان نكون هوانم والكل يخدمنا وسيبتهم ودخلت المطبخ ع الرغم أن معنديناش شغاله أصلا لأن مرات عمي رفضت الفكرة وقالت ليا البيت في اتنين رجاله مينفعش ندخل واحدة ست هنا إحنا نجيب واحدة تنضف كل أسبوع ونكون أنا وانتى بس اللى معاها واقتنعت بكلامها بصراحه
دخلت المطبخ وأنا في دماغي مكنتش مشغوله غير في حاجه واحده وبس ياتري أنا هكون زى الست لواحظ ماليش اولاد
يا تري الجن منع الحمل عني مقابل الدهب طب وبعدين كدا سعيد ممكن يتجوز عليا لأ مش ممكن ده أنا كنت 🔪🔪🔪🔪
ابتديت اجهز الأكل ووصل سعيد وعمي واتجمعنا ع السفرة ورجعت خالة سعيد تقوله مش هتبارك ل سمر يا سعيد اصلها حامل عقبال عندك أنا معرفش انتوا ساكتين ليه ما تروحى يا نهي تكشفي
سعيد....
الف مبروك ل سمر دى أختى وأنا أفرح لها أما بالنسبة لنا أنا مأجل الحمل علشان نتمتع أنا ونهي قبل دوشه الحمل والأولاد من حقنا ندلع ونتمتع ومسكت أيد نهي وبوستها 😘 كنت واثق أنها قاصدة تكييد نهي
بس أنا معنديش استعداد اخسر نهي بسبب خالتي تاني
كفايه اللى حصل قبل كدا....
نهي.....
خليت قريني عرف الحوار كله من قرينها وقولت لها والله يا خالتوا كل حاجه رزق الصحه رزق والمال رزق والجواز رزق يعني أنا مثلاً أعرف واحدة
كانت هتمو'ت وتجوز بنتها وطلبت من واحدة ست تشوف لها أى عريس بمقابل مبلغ المهم تتجوز بسرعه وبعد كتب كتاب بنتها دفعت غويشه دهب للست دى وخدت بنتها قبل الفرح لدكتورة نساء علشان تديها حاجات تساعدها ان يحصل حمل بسرعه
تخيلي عملت كل ده علشان خاطر تكييد فيا
دفعت كتير أوى في الوقت اللى أنا بقلم رشا منصور ربنا رزقني فيه من وسع أصل يا خالتوا ربنا بيحبني أوى كفايه أنه رزقني ب سعيد إبن عمي زينة الشباب
طبعاً كلهم فهموا أن الكلام عليها هي
وعمي قالي ربنا يحميكي من العين يابنتي ويجعلك مبروكه ومكشوف عنك الحجاب وتقدري تعرفي نوايا الناس وخبثهم
سعيد.....
مكنتش متخيل أن خالتي ممكن تعمل كل ده هى فعلاً مجرد ما رجعنا من الغردقه وبدأنا في حوار الكنز لقتيها فجأة بتعزمنا ع فرح بنتها وبقيت مستغرب العريس ده اتقدم امتى ولا اتخطبوا امتي دلوقتي بس فهمت الحكايه كلها بصيت ل أمي وقومت من السفرة وخدت نهي وقولت لها منورة يا خالتي عن اذنكم بقي علشان مراتي وحشاني
نهي.....
كنت عارفه أن سعيد اتصدم من الكلام اللى سمعه بس أنا كمان مكنش ينفع اسكت ع واحدة قاصدة تقهرني ع نفسي وركزت وأمرت الجن يخلوا سعيد ينام وحصل
وقولت لهم اظهروا
🧟🧟 سألت هولام وصرماط وشرحام
ايه السبب في تأخير الحمل انتوا لكم صلة بالموضوع ده
هولام..... السبب من عندكم وليس لنا أى تدخل بالأمر
نهي....
كلام هولام خوفني يعني أنا فيا عيب يمنع الحمل وهنا رد عليا
صرماط.... لو تحبي تسافري أى بلد وتعرضي نفسك ع طبيب اومري وطلبك واجب النفاذ فى الحال ولو تحبي طبيب من عندنا يحضر في الحال
نهي.....
خليها بكره لكن دلوقتي أنا محتاجه اركز في موضوع تاني
شرحام..... تحبي تسقطي سمر ونسبب لها عقم ولا تحبي نخلصك منها خالص
يتبع...
تعليقات
إرسال تعليق
فضلا اترك تعليق من هنا