رواية غرام النمر الفصل 11-12-13-14-15بقلم جنه ياسر (جميع الفصول كامله)جديده وحصريه لمدونة قصر الروايات

 رواية غرام النمر الفصل 11-12-13-14-15بقلم جنه ياسر (جميع الفصول كامله)جديده وحصريه لمدونة قصر الروايات 

رواية غرام النمر الفصل 11-12-13-14-15بقلم جنه ياسر (جميع الفصول كامله)جديده وحصريه لمدونة قصر الروايات 

❤️البارت الحادى عشر❤️

❤️ رواية غرام النمر ❤️

(وقفنا فى البارت اللى فات ان جاسر وغرام سمعوه صوت يقول انتو رايحين فين )

قال الرجل : انتو مين 

صرخت غرام من الخوف ووقفت خلف جاسر بتعب ومسكت ذراعة ثم ابتدت الرؤية تتلاشى معها 

جاسر قال للرجل : حضرتك صاحب الكوخ ده .

الرجل : اه انا صاحبه انتو مين ...

قطع كلام الرجل وقوع غرام علي الارض مغمى عليها فالتفت جاسر اثر صوت ارتطم في الأرض فوجدها غرام فخفق قلبه من الخوف وقال : غرام غرام في ايه مالك فوقي متخافيش ثم حملها جاسر 

الرجل : مالها يابنى ايه اللى حصل 

جاسر قال : بص احنا فى ناس بيجروا ورانا فدخلنا هنا نستخبى و بما ان انت صاحبه ممكن  نقعد فيه لحد بكره الصبح لان مش عارفين نروح فين وعربيتى مفيهاش بنزين . 

الرجل : اه طبعا يا بنى اتفضل ومتقلقش على مراتك .... مراتى جوه وتشوفها .

جاسرنظر لغرام ثم ابتسم فشعر  بشعور جميل عندما سمع من الرجل أن غرام تعتبر زوجته .

دخل جاسر والرجل الغرفة وضع جاسر  غرام على السرير ثم اخذ ينظر لها بقلق  .

الرجل: ثانيه ياابنى هروح اجيب مراتى تشوفها .

الرجل ذهب ليستدعي  زوجته 

الزوجه قالت : مين دول يا حسن 

( ملحوظه الرجل صاحب الكوخ اسمه حسن وزوجته اسمها رحاب بعد كدا هكتب أسمائهم عشان محدش يتلخبط )

حسن : معرفش بس عرفت انهم تقريبا لسه عرسان جداد وفى ناس بتجرى وراهم .

رحاب بخوف : يلهوى يا حسن وانت تدخلهم ليه احنا ناس على قد حالنا مش ناقصين مشاكل .

حسن : اسكتى ليسمعوكى ومن امتى واحنا بنطرد حد محتاج مساعدتنا وتعالى معايا شوفى مراته ياعينى اغمى عليها تقريبا من الخوف 

رحاب : مش قصدى انى اطردهم بس انا خايفه لنروح في الرجلين .....طيب روح ليهم وانا هاجى وراك 

دخل الراجل فكانت غرام بدأت تستعيد وعيها ولكن تهلوس ببعض الكلام الغير مفهوم .

غرام : اممم النمر ...غبى ...المغرور... عديم الاحساس... انا مليش دعوه خده هو انا معرفهوش.... بكرهك..... بنى أدم بارد وسمج ....بابا ماما انا خايفه. 

حسن : هى بتقول ايه

جاسر ابتسم على كلامها وقال لحسن : معرفش بس شكلها لسه مش فى وعيها 

رحاب توجه كلامها لجاسر : هو انتو يابنى ايه اللى جابكم المكان ده شكلكم عرسان جداد.

حسن : مش وقته يا رحاب الكلام ده خلى بالك منها ووجه كلامه لجاسر: تعالى يا بنى نقعد بره عقبال ما مراتك تفوق .

خرجو للخارج وجاسر وقف امام الشباك ليراقب الجو بره .

مسك هاتفه ورن على عبدالله ورد عليه جاسر حكى لعبدالله اللى حصل عبدالله انفعل عليه وقال هيبعت له عربيه وحراس بكره .

جاسر : لا يا سياده اللواء متبعتش ليا عربيه بحراس انا عاوز قوه تتحرك وتيجى تساعدني لان لحد دلوقتى هما محاصرين المكان لو خرجت الصبح هيحصل زى ما حصل وانا مش عاوز أعرض حياة غرام مره تانيه للخطر.

عبدالله : ماشى ياجاسر المهم تخلى بالك من غرام هبعت الصبح قوه تتحرك ليك .

جاسر: متقلقش يا سياده اللواء 

وقفل جاسر مع عبدالله وحسن كان وقف جمبه وسمع المكالمه 

حسن : هو انت ظابط يابنى 

جاسر : احم اه ظابط في المخابرات المصرية برتبة مقدم .

حسن : ماشاءالله يابنى ربنا يحميك ويحفظك طب الناس اللى كانت بتجرى وراك دى عايزين منك ايه

نروح لغرام كانت بدأت تفوق 

غرام: اااه انا فين ايه اللى حصل 

رحاب : اخيرا فوقتى يابنتى 

غرام قامت بخضه وصوتت : انتى مين يا ست انتى احنا اتمسكنا ولا ايه منك لله يابعيد اشوفك فيك يوم والله ياطنط معرفهوش سبوني انا ووووخدوه هوانا مليش دعوه .

جاسر كان واقف وساند على باب الغرفه .

جاسر بضحك : طب ابلعى ريقك الاول كل ده فى نفس واحد وكمان بتدعى عليا وقرب عليها وقعد جمبها ولف ذراعه على ظهرها هى ارتطمت جسدها بصدره وقال وهو بيغمز لها : كدا ياحبيبتى تسلمينى تسليم اهالى ده انا حتي جوزك حبيبك ووجه كلامه لحسن وزوجته : هى لسه مصدومه من اللى حصل كانت غرام مصدومه ومش مستوعبه اللى هو بيقوله وانها فى حضنه فاقت على حالها وهى بتحاول تزقه وقالت : اوعى يا عم انت .....انت ايه اللى بتقوله ده....

قطع كلامها يد جاسر على شفايفها وبيوشوشها بودنها قال : هههه اهدى يا حبيبتى هتفضحينا احنا هنمثل اننا متجوزين .

حسن وزوجته انحرجو وانسحبوا الى الخارج .

غرام عضت يد جاسر وجاسر بعد يده وقام جاسر بصوت واطى : كنتى هتفضحينا يخربيتك اعمل فيكى ايه 

غرام قامت وقفت امامه وقالت بغيظ : انت زودتها اوى مره تشلنى ومره تقرب ومره تحضنى فى ايه ياعم انت لوفاكر انى سكت مره وعدتها يبقى خلاص تتماده فيها وبعدين ايه جوزك دى واحنا فين اصلا .

جاسر : مانتى لو هديتى وبطلتى كلام هقولك حكى جاسر لها انهم دخلوا الكوخ وحسن يكون صاحب الكوخ وحكى لها مكالمه عبدالله وانهم هيباته ليله هنا لحد الصبح وقال لها انهم لازم يمثلو انهم متجوزين امامهم 

غرام : نعم يا اخويا نمثل ايه لا طبعا انا مش موافقه ....كملت بغرور 

بقى انا متجوزه واحد زيك لا طبعا مش موافقه احنا عادى لو قولنا ليهم الحقيقه هيتعطفوا معانا ومش هيقولوا حاجه .

جاسرحط يده بجيبه : لا والله هيتعطفوا معانا هو انتى مش شايفه ان الموضوع كبير اكيد هما لو عرفو الحقيقه مش هيقعدونا هنا لحظه يعنى ايه شب وبنت مع بعض هيقولوا ان احنا ماشين مع بعض فى الحرام وغمز لها : غرام مشى اليله دى وهنمثل عليهم اننا متجوزين فاهمه وله لاء وبالنسبه ليا مش هيهمنى امال بالنسبه ليكى هيبقى حاجه تانيه واحده زيك ماشيه مع شاب ووسيم زى فى وقت زى كدا هيفهموا ايه يا قطه غير...

غرام قطعته وقالت : اخرس خالص انت السبب قعدت تقول هوصلك لحد البيت ياشيخ كان يوم اسود لما شوفتك هنتزفت هنمثل عليهم بس عارف لو قليت ادبك وشوفتك لمستنى وله قربت منى زى ماعملت من شويه هعمل فيك ايه !!!!

جاسر : هتعملى ايه انتى بق على الفاضى .

غرام اتغاظت منه ورفعت يدها لتضربه بوكس بس لاقت حد بيخبط ويخش عليهم غرام نزلت ايديها بسرعه .

رحاب : انا حضرت ليكو اكل عشان تاكلوا اكيد مكلتوش من الصبح 

جاسر : ماشى يا طنط تسلم ايدك احنا هنيجى وراكى 

خرجت رحاب وجاسر مسك دراع غرام وشدها له هى ارتطمت بصدره العريض قال: عارفه يابت انتى لوعملتى حركه كدا وله كدا صدقينى هتندمى انتى متعرفيش ممكن اعمل ايه .

غرام وهى بتحاول تفك دراعها وتبعد : اوعى ياعم انت هتعمل ايه مثلا انت متقدرش تعملى حاجه

جاسر وينظر لها من تحت لفوق وابتسم بخبث وقرب منها وقال : مقدرش اعمل حاجه ده انا النمر ياماما يعنى اي حاجه عاوزها بعملها وبلاش انتى يا طفله تقفى قصادى ويلا ورايا .

غرام بعدته عنها : قولتلك كذا مره انا مش طفله بنى أدم رخم وبارد اوف هستحملك  الليله دى اززززاي. 

جاسر باستفزاز : معلش اعصرى على نفسك لمونه وحاولى تستحملينى وغمز بطرف عينه😉 وقال : يلا يا زوجتى العزيزه امشى قدامى عشان الناس مستنين بره .

اتغاظت غرام بشده ومشيت ودبدبت فى الارض بقدميها مثل الاطفال وقالت : اوف يارب صبرني قال النمر قال ده انت محصلتش قطه ياخى اوف .

جاسر كان وراها وقال : علي فكره سامعك وضحك لكى تتغاظ اكتر 

خرجو وكانو حسن وزوجته جالسين مع مائدة صغيرة موضوع عليها الطعام 

جاسر : مساء الخير اسفين اتأخرنا عليكم  .

حسن : لا يا سيادة المقدم ولا يهمك وتعالو يلا اتفضلو كلوا دى حاجه بسيطه مش قد المقام معلش مش عاملين حسابنا 

جاسر : لا خالص ده انتو تعبتوا نفسكوا كفايه انكم فتحتو لينا بيتكم ورحبتوا بينا احنا بعتذر على اللى حصل .

رحاب : يلا يا بنتى واقفه ليه تعالى اقعدى مش هنقضيها اعتذرات يلا ناكل الاول وبعد كدا نبقى نتكلم 

❤️❤️❤️❤️❤️❤ ️❤️❤️❤️❤️❤️❤️❤️❤️

سيبنا منهم ونروح فى بيت هشام كان ادهم جالس معاه 

ادهم وهو بيشرب العصير وقال لهشام : هو ليه طعم العصير ده غريب كدا جميل اوى هو انت قولت بتجيبه منين .

هشام: يابنى ماهو مش من هنا عمى بيجيبوا مخصوص من ايطاليا .

ادهم : اه طيب ابقى وصى عمك يبقى يجبلى منه انا حاسس انى بقيت مدمن للعصير ده مش قادر يوم يعدى عليا من غير لما اشربه .

هشام ضحك بخبث : اه اوى اوى بس كدا حاضر ابقى اقوله يجبلك .

ادهم قام وقال طب انا همشى بقي مش كل مره اروح من عندك وش الصبح باى .

هشام : ماشى باى .

وخرج ادهم من عند هشام وتوجه الى قصرالحديدى .

كانو فى القصرافراد الحديدى جالسين فى الريسبشن

شهد بعصبية: شايف ياستاذ يونس ابنك اتأخر ازاى ....اااه بقى انا اروح انهارده الجامعه واكتشف ان البيه بقاله فتره مش بيروح غير مره ولا مرتين اما بينزل يروح فين لا وكمان مبيبقاش سهران مع موسى ....اااه اكيد اتلم على شله من الايام دى ..... 

يونس: اهدى يا شهد زمانه جاى وهنفهم منه كل حاجه وانتى اصلا روحتى الجامعه ليه هو مش صغير ياشهد 

شهد: متقوليش اهدى ... اه هو مش صغير وانا اكيد مش قصدى اروحله  بس كنت قريبة  من الجامعة  صدفة قولت اخده فى طريقى   وكويس انى روحت النهارده  واكتشف ان البيه مش بيروح الجامعه بقاله فتره وصاحبه موسى هو اللى بلغنى 

قطع حديثهم دخول ادهم 

شهد قامت وقفت قدامه وقالت له : كنت فين يا بيه .

ادهم : فى ايه ياماما كنت سهران عادى مع موسى زى كل مره هو فى حاجه حصلت .

شهد بتوجه كلامها ليونس: شايف لي كمان عين يكدب وقالت لادهم : بتكدب علينا يا ادهم ....من امتى وانت كدا ....ومن امتى اصلا بتكدب علينا ....انت كداب انت مكنتش مع موسى ...انت وموسى بقالكو فتره بعدين عن بعض قولى كنت فين يادهم ....والبيه بقاله فتره مش بيروح الكليه امال بتروح فين .

ادهم بضياع وعدم تركز قال : عادى ياماما يعنى كنت سهران مع واحد صاحبى .

شهد : واحد صاحبك مين ده  ان شاءالله ..ومش بتروح الكليه ليه .

ادهم خلاص جاب اخرو وقال بعصبيه: كفايه بقى حرام عليكى ايه فى ايه انا تعبت كذا مره اقول ليكى انى مبقتش صغير علي طول بتفضلى تزعقى فيا وانا بسكت وبعديها ولا مره حسستينى بحنانك ولا نص الحنيه اللى بتديها لجاسر والياس ديما بتقللى منى قدامهم نفسى فى مره تعامليني كا راجل وواحد كبر مش عيل صغير ماهما بيسهرو وبيرجعو وش الفجر مش بشوفك يعنى بتقفى الوقفه دى قدام جاسر اااه مانتى مش بتقدري عليه اما تقدرى عليا انا...... انا لحد هنا وكفايه من انهارده محدش لى دعوه بيا اسهر مع مين اروح فين ومرحش الكليه اصاحب مين ملكوش دعوه بيا دى حياتى وانا حر فيها قطع كلامه صفعة قويه من يونس 

يونس بغضب : لما تقف وتتكلم مع مامتك تقف بأدب وتوطى صوتك ما احنا لو لاقيناك بتتصرف كراجل ماكناش حسبناك وكنا اتصرفنا معاك زيهم  بس انت اللى ديما بتخلينا نتعامل معاك بالشكل اللي مش عجبك ده.....من امتى وانت بتبجح كدا فينا ايه يا ادهم خبت ولا ايه ......لا وكمان بقيت مهمل فى دراستك ايه اللى حصل ...لو احنا الفتره اللى فاتت كنا سايبينك  فده بمزاجنا.. بس لا  لحد كدا وكفايه شكلك كدا عايز تتربى من اول وجديد انا هوريك هعمل فيك ايه  ......يلا اتفضل على اوضتك واستنانى كلامنا لسه مخلصش

ادهم طلع على غرفته بعصبيه

شهد بصدمه : انا بجد مش مصدقه ابنى انا يقف قدامى ويزعق ليا بالطريقه دى .....انا مش حنينه معاه ...لا يا يونس ابنك فى حاجه استحاله يكون ده ادهم 

يونس : اهدى يا شهد هو اكيد هيفوق لنفسه ويعرف انه غلطان وهيجى يتأسف هدى نفسك .....وبعدين هيكون فى ايه يعنى .....يلا قومى اطلعى نامى وانا هشوفه 

شهد : لا يا يونس كفايه عليه كدا هو اكيد هيعرف انه غلطان وهيجى يتأسف .

ادهم كان قاعد وبيفكر هو فعلا عمل كدا ازاى ....ازاى يزعق لوالدته كدا لا وهو فعلا بقى مهمل فى دراسته هو مش عارف ايه اللى حصله بدءت دماغه تصدع جامد هو مش عارف ايه اللى بيحصل قعد يفكر لحد ماراح فى النوم 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نرجع لجاسر وغرام 

وكان جاسر والعم حسن جالسين أمام الكوخ ومشعلين نارا للتدفئة

وغرام كانت قاعده بالداخل مع رحاب 

رحاب قالت لغرام : خدى ياغرام الصنيه دي  طلعى ليهم الشاى 

غرام : حاضر ياطنط وخرجت مدت لهم الصنيه لكى ياخدو الشاى 

جاسر بابتسامه خبث وقال : شكرا يا حبيبتي  .

غرام اتغاظت وبصت له بغضب وقالت بغيظ : العفو يا حبيبي بعد اذنكم .

دخلت وهى متغاظه منه وهو كان مبسوط هو بيحب ينكشها ويغيظها كان عجبه اوى الموضوع انها تكون زوجته وفاق على نفسه وقال : ايه اللى بفكر فىه ده استحاله يحصل  ماتفوق يانمر من امتى وانت بتفكر فى الحاجات ده لا انا استحاله اتجوز انتى عملتى فيا ايه ياغرام فاق على صوت العم حسن 

حسن : شكلكوا لسه متجوزين قريب ربنا يخليكم لبعض .

رد جاسر عليه وهو سرحان قال له : يارب وبعدين انتبه وقال : احم اه لسه قريب متجوزين .

فى الداخل كانت غرام و رحاب كانو جالسين ويتحدثون مع بعض 

كانت رحاب بتسأل غرام اسئله كتير زى هما مين اللى كانو بيجروا وراكو واتجوزتو عن حب ولا غرام كانت مش عارفه ترد عليها .

غرام بتحاول تتوه الموضع وقالت : تعرفى ياطنط رحاب ان شاى طعمه حلو تسلم ايديك .

رحاب : تسلمى ياحبيبتى مقولتيش بردو هو مين اللى كانو بيجرو وراكوا  .

غرام كانت مش عارفه تقول : احم اصلى احنا .....

قطعها دخول جاسر وهو بيقول : انا هقولك يا مدام رحاب انا بكون ظابط مخابرات واللى كانو بيجرو ورانا هما عاوزنى لان ........

وحكى لها جاسر قصه بس مش حقيقيه .

رحاب : اااه عشان كدا ربنا يحميكم ويبعد عنكم اي شر وربنا يسعدكم يارب 

جاسر وغرام نظرو لبعض نظره طويله .

حسن : طب يلا يا ولاد تصبحو على خير رحاب : ظبطت ليكم الغرفه يلا روحوا نامو عشان بكره اكيد هيبقى يوم طويل عليكم  .

غرام اتصدمت وقال : هو ايه ده هما مين اللى هينامو مع بعض .

رحاب : هيكون مين انتى وجوزك يا حبيبتى .

غرام : جوز مين لا انا مش هينفع...

جاسر قطع كلامها وشدها له وقال : طيب يا جماعه تصبحو على خير وشكرا ليكم وقال لغرام : يلا يا حبيبتى وغمز لها ومسك يدها ودخلو الاوضه .

غرام : انت اتجننت ازاى هنام مع بعض شكلك اتقمصت الدور ممكن تقولى هنعمل ايه دلوقتى .

جاسر توجه الى السرير وقعد عليه ثم خلع تشيرته كان لابس من تحته فانله حماله وكانت عضلاته بارزه جدا وقال باستفزاز : السرير واسع تعالى نامى 

غرام بقرف : يخربيت استفزازك يا اخى ازاى هنام جمب بعض ... وبعدين انت ازاى يا جدع انت تقلع كدا قدامى 

جاسر : انا كدا مبحبش انام بهدومى وبراحتك مش عاوزه تنامى روحى نامى على الارض 

غرام : نعم يعنى هو المفروض انى انا اللى انام بالارض ..... طبعا استحاله انام على الارض اتفضل قوم من على السرير انا اللى هنام عليه 

جاسر قام من مكانه فجاءه وقرب عليها وهى كانت بترجع للخلف بتوتر كان فى كرسى فى الغرفه وقعت وقعدت عليه وهو قرب منها وحط يديه على يد الكرسى وقرب منها اوى 

غرام : انت مالك مقرب منى كدا ليه خلى بالك انت اتعديت حدودك اوى خلى بالك انا هبلغ بابا على كل حاجه 

جاسر بعد وقعد يضحك وقال : ههههه هتقولى ايه مثلا 

غرام بغيظ : انت بجد بنى ادم رخم وسمج اسكت مش عاوز اسمع صوتك ....عندا فيك انا اللى هنام على السرير وانت هتنام على الارض 

وتوجهت الى سرير 

جاسر : تعالى يا بت انتى رايحه فين 

وهوب 🫣 هما الاتنين اتكعبلو وقعو على السرير هى كانت تحتيه وهو فوقها وكانو ينظرو لبعض فضلو فتره على كدا ودقات قلبهم تتسارع 

غرام انتبهت وخجلت وزقته ثم قامت وقالت بتوتر : انت انت ازاى .....

جاسر ابتسم على خجلها فقرر يلعب باعصابها اكتر قال :  هو انا كنت عارف انى هتكعبل وبعدين متخافيش اوى كدا انتى مش نوعى المفضل انتى بالنسبه ليا طفله وقام من السرير وقال : اتفضلى نامى انتى على السريرخلينا نخلص من الليله دى 

غرام اتسطحت على السرير ونامت وهو نام على الارض وكان ينظر لها بنظرات شوق اول مره يكون عاوز يقرب من بنت هو ديما البنات هى اللى بتقع تحت اقدامه بس حس ان غرام مختلفه تماما عنيدا وشجاعه شخصيتها قويه طفله اعترف لنفسه انها عجبته قعد يفكر لحد ما راح فى نوم 

🥰🥰🥰🥰🥰🥰🥰🥰🥰🥰🥰🥰😇😇🥰🥰🥰

فى اليوم التالى فى فيلا عبدالله الشاذلى 

ورد : ماتتصل عليهم كدا وشوفهم وصلوا لايه عاوزه اطمن على غرام 

عبدالله : زمنهم جاين ياورد متقلقيش ووجه كلامه لديلان : انتى مروحتيش الشركه انهارده ليه يا ديلان

ديلان : لا يابابا انا خدت اجازه هنزل ازاى بس اهم حاجه عاوزه اطمن على غرام 

( ملحوظه الحفله مش هتبقى انهاره انا اجلتها فى البارت اللى الجاى ) 

ورد : طيب جرب بس ترن عليهم احنا قربنا على المغرب ولسه مجوش 

عبدالله : انا لسه متصل عليهم من شويه وكانو قربه اهدى شويه 

قطع كلامهم رن جرس البيت وكانت غرام ورد جريت لتفتح الباب 

ورد اول ما شافت غرام حضنتها وقعدت تعيط .

غرام : خلاص ياماما انا كويسه والله هو ايه الى حصل لكل ده

ديلان : حمدالله على سلمتك يا غرام قلقتينا عليكى .

دخلت غرام والكل سلم عليها 

غرام : طيب يا جماعه محتاجه اخش ارتاح شويه ودخلت غرام غرفتها 

عبدالله: طيب انا هنزل عندى مشوار مهم عاوزين حاجه .

ورد : مشوار ايه ياعبدالله مش تقعد مع غرام وتسألها ايه اللى حصل معاها هى ليه مرضيتش تقول ايه اللى حصل .

عبدالله : هدى نفسك محصلش حاجه بنتنا رجعت وبخير ليه نقلق نفسنا بقى وبعدين هى كانت مخطوفه .....انا مش فاضى دلوقتى عندى مهمه صعبه بعد اذنكم

وذهب عبدالله 

كانت غرام قعده وبتتذكر كل لاحظه مرت عليها هى وجاسر وكانت سعيدة بها وضحكت اكتر لما تذكرت ما حدث بينهم فى السياارة وهما راجعين للبيت

فلاش باااك

جاسر كان مع القوات التي تلحق  بالعصابه التي كانت تجرى خلف النمر ... هربوا جاسر خلاص أمن نفسه 

جاسر وغرام ودعوا العم حسن وزوجته رحاب وركبو السياره 

جاسر : يعنى ماقعدتيش ورا ليه  وغمز لها ختى عليا اوى يا انسه غرام .

غرام بغيظ : بطل تغمز ليا بتستفزنى يعنى ..... هنفضل واقفين كدا كتير انجز خلينا نتحرك ده انا اخر مره اجى معاك واركب معاك فى حته 

جاسر ضحك : ماشى هنبدء نتحرك وشغل الراديو

ومشيو وجاسر كان للاول مره سعيد  فشغل مزيكا هاديه

غرام قفلت المزيكا وقالت : هو انت ياخى جايب روقانك ده منين بتتصرف كأن محصلش حاجه امبارح  

جاسرببرود : هو ايه اللى حصل وشغل المزيكا تانى وبقى يردد مع الاغنيه وصوته حلوجدا

غرام اندمجت مع صوته وبعد كدا فاقت فكرت تغيظه وقالت : على فكره صوتك وحش جدا وبطل بقى عاوزه اسمع الاغنيه 

جاسر : ياسلام صوتى وحش امال انتى اندمجتى ليه وكنتى بتسمعينى ....عموما شكرا ياستى 

غرام اتغاظت انه مقدرتش تغيظه وجاسر وقف السياره وخرج منها وبعد دقائق رجع تانى وركب 

غرام : كل ده انت بتعمل ايه وبعدين انت نزلت ليه 

جاسر وهو بيمد لها شنطه كانت فيها اكل 

جاسر : خدى جبتلك الاكل ماحنا مشينا من غير ما نفطر الطريق لسه طويل 

غرام : مش عاوزه حاجه 

جاسر : براحتك طلعي ليا سندوتش واكلينى وكمل بمكر : اصل زى مانتى شايفه انا سايق ومش هعرف اكل 

غرام : لا والله ليكون الباشا لسه مافكر ان احنا بنمثل دور الزوج والزوجه ....فوق يابابا مش انا اللى اعمل كدا 

جاسر : هو انتى يابنتى مافيش مره اقولك حاجه وتعمليها لازم تعترضى 

غرام : اوف خلاص اسكت ومسكت السندوتش واكلته وكان جاسر مبسوط في اللحظة  دى وغرام كمان كانت حاسه باحساس حلو اوى وكان قلبها بيدق 

باااااك 

سيلا كانت دخلت فجاءه وقالت : مساء الخير 

غرام مع نفسها : ياختى مش هخلص منها 

سيلا : كنت بتعملى ايه 

غرام وهى بتمثل النوم وبتثواب : كنت هنام عاوزه حاجه يا سيلا 

سيلا : لا انتى مش هتنامى انتى هتحكيلى كل حاجه حصلت بينك بين النمر يا جميل مش هسيبك فى حالك 

غرام : سيلا محصلش حاجه واتفضلى اخرجى بره 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نروح لعبدالله وصل الى المكان الذي حدده سالم دخل فيه وجد سالم واقف ببرود 

سالم قال : اهلا يا غول نورت 

عبدالله توجه اليه واول حاجه عملها لكمه بقوه سالم وقع على الارض وبدأ ينزف 

سالم: هههه اضرب حته لو ضربت بردو مش هيكون حاجه من اللى انا عاملته فيك....ايه اخبار اختك ورقتها وصلت ليها اكيد هههه وله اقولك بلاش اختك اخبار الغول الصغير ايه بصراحه نسخه مصغره منك ده الواد معتز من ساعت ماقابلته وهو مش قادر ينسها ماتيجى نجوزهم لبعض اصل بصراحه هيا لايقه على معتز اوى ونبقى نسايب

عبدالله متحملش اكتر من كدا مسك سالم وقعد يضرب فيه كأن بيبرد ناره اللى حاسس بيه 

عبدالله: لو قربت على بنتى صدقنى هقتلك بناتى خط احمر 

وبعد عنه سالم مكنش قادر ياخد نفسه من كتر الضرب وعبدالله بيحاول يهدى 

عبدالله امسكه من قميصه وقومه يقف وقال : قوم قول انت عاوز ايه بلاش تقولى عشان موضوع ابنك انك تخرجه ...انا وانت عارفين كويس انك ممكن تقدر تخرجه من القضيه بكل سهوله أنجز اقول التهديدات دى عشان ايه 

سالم : ههههه ايه ده الغول استسلم بسهوله .....لسه زى مانت يا غول اكتر حاجه بيعجبنى فيك هو ذكائك ...اه بصراحه عاوزك فى حاجه تانيه وتهديداتى دى فعلا مش عشان تخرج معتز 

عبدالله جاب اخره وبيجز على اسنانه : اتزفت اقول عاوز ايه .....ماشى اضحك براحتك قريب جدا هتشرف جمب ابنك وهتشوف

سالم : ههههه ماشى لما نشوف بص بقى ___________

عبدالله جاب اخره وقال : مش الغول اللى يعمل زى ما انت عملت ويخون بلده 

سالم بخبث : ههه كلنا بيجى علينا وقت وبنضعف ... لما نشوف بنتك غاليه عليك وله لا

عبدالله ٍمستحملش اكتر من كدا طلع سلاحه من جيبه  وصوبه اتجاه سالم: مش عاوز تقول كلمه اخيره قبل ماتموت قولتلك نهايتك هتبقى على ايدى 

سالم : انا عارف انك تقدر تعملها هههه بس متنساش انى مش لوحدى وبعد موتى بنتك الحلوه مش هتقعد كتير .

عبدالله بنرفزه صوب سلاحه وانطلقت رصاصه على سالم وقع على الارض ....................يتبع 

❤️البارت الثانى عشر ❤️

❤️ رواية غرام النمر ❤️

يوم الجمعه فى الصباح المشرق والشمس ذات اللون الجميل فى قصر يونس الحديدى بالأخص غرفه بطلنا جاسر كانت شهد دخلت لتيقظه .

شهد توجهت ناحيه الشباك تبعد الستاره من عليه وتقوم بفتحه وبعد ذالك توجهت ناحيه سرير وكان جاسر متسطح عليه .

شهد : جاسر يلا فوق كل ده نوم يلا يا حبيبى عاوزين نفطر قبل صلاه الجمعه.

جاسر بنوم : خلاص يا غرام هقوم اهو .

شهد بصدمه : غرام وقالت مع نفسها : الواد شكله اتجنن ولا ايه. يلهوى معقول يكون النمر وقع فى الحب فعلا ههههه واخيرا والله منا سيباك ياجاسر .

شهد بمكر : غرام مين ياروح ماما ....انا شهد ياجاسر  

جاسر فتح عينه واتفاجئ بوالدته قام وقعد 

جاسر : صباح الخير يا ماما وقبل يدها .

شهد بمكر: صباح نور اخيرا فوقت شكلها كانت الليله بتاعت اول امبارح صعبه مش كدا ياحبيبى. 

جاسر اتوتر : هااا قصدك ايه مش فاهم حاجه .

شهد بمكر : مش قصدى حاجه يا حبيبى اصل وانا بصحيك  اتلغبطت وقولت اسم غرام وكملت بخبت 😉: اكيد يعنى مكانش قصدك صح .

جاسر وضع يده على خصلات شعره وشدها باحراج وقال : احم اكيد يعنى ياماما اانا هقوم بقى بعد اذنك.

شهد : ماشى يا حبيبى وخرجت شهد .

جاسر مع نفسه: غبى ازاى تقول حاجه زى كدا اوف عملتى فيا ايه ياغرام يارتنى ماكنت شوفتك ولا عرفتك وقام ودخل الحمام

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

فى فيلا عبدالله الشاذلى 

كان عبدالله بيجرى ورا بناته وبالاخص غرام وتاج 

عبدالله بغضب : تعالوا هنا ياولاد**اعمل فيكو ايه هو انا مش هخلص من مقالبكم دى هتكبروا امتى بقى .

غرام وهى بتضحك : ههههه شكلك مسخره يابابا .

تاج بضحك : بس ايه رأيك طلعت فنانه .

عبدالله اتغاظ ومره واحد مسكهم من قفاهم هما الاتنين .

عبدالله: بقى انا الغول اللى بيترعب منى الكبير قبل الصغير. يتعمل فيا انا كدا ....عارفين انا هعمل فيكم اي دلوقتى هعلقعكم على الباب زى الجزم ومحدش هينزلكو .

غرام : احنا اسفين ياباشا اخر مره والله .

ورد جاءت اليهم وقعدت تضحك على منظر عبدالله كان وشه فيه رسومات غرام وتاج عاملينها .

ورد وهى بتكتم ضحكتها : خلاص يا عبدالله سبهم عشان خاطرى ....يلا روح اغسل وشك عشان حضرنا الفطار .

عبدالله بغيظ: كتماها ليه اضحكى طلعيها هموت واعرف دخلو امتى دول وانا ازاى مصحتش كنت فى غيبوبه يعنى .

تاج ببرائه : لا يابابا ما احنا كنا متفقين مع ماما ودخلنا وهى خرجت وبعد كدا خدرناك عشان نعرف نشتغل بروقان من غير ازعاج .

عبدالله: اااه خدرتونى عشان تشتغلو بروقان ده انتو ليلتكم مش هتعدى ...بقى كدا ياورد بقى انتى تعملى فيا كدا .

ورد برائه: انا ابدا يا بيبى متفقتش مع حد .

عبدالله: ماشى انتو اللى جبته لنفسكم هوريكو .

ودخل الغرفه ليغسل وجهه .

بعد دقائق كانو قعدين على السفره بيتناولوا الفطار  .

ديلان : بابا احم انا بلغت البشمهندس الياس انه ميجيش ياخدني احنا هنروح مع السواق والحراس  .

عبدالله: احنا هو فى حد هيروح معاكى .

البنات نظرو لورد 

ورد بلعت ريقها وقالت: اصل ديلان عاوزه تاخد غرام وسيلا معاها .

عبدالله : ده ليه يا ديلان عاوزه تخديهم

ديلان: يا بابا يعنى بعد مانخلص الحفله ونستلم الجوائز انكل يونس حاجز مكان بعد الحفله نسهر فيه ونحتفل فأنا بصراحه عاوزه غرام وسيلا يبقوا معايا انا مش مصاحبه  حد هكون لوحدى .

عبدالله: ماشى يا ديلان انا موافق  .

تاج : طب بالنسبه ليا حفله عيد الميلاد اللى قولتلك عليها عاوزه اروح هيكون مرام معايا .

عبدالله: لا انتى بذات يا لمضه مش هوديكى فى حته .

تاج : ليه بس يا بابتى ده انت حبيبي ولو لسه زعلان باللى حصل انا بعتذر بس بليز يابابا وافق اروح عيد الميلاد .

ورد : خلاص يا عبدالله خليها تروح .

عبدالله: ماشى يا ست تاج روحى ..... اسمعوا بقى بالنسبه لديلان وغرام وسيلا هتروحو بالسواق والحراس هيبقوا معاكم خطوه بخطوه ومش عاوز اعتراض سامعين .....وبالنسبه للمضه انا اللى هوديها بنفسى .

البنات : ماشى يابابا موافقين .

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نرجع لقصر الحديدى وكانو جميع افراد الحديدى جالسين على السفره بيتناولو الفطار .

يونس : امال ادهم فين منزلش ليه يا شهد.

شهد بحزن : مش عاوز ينزل قال انه هيفطر فى اوضته .

يونس : براحته ووجهه كلامه لالياس: الياس انا حجزت مكان تسهرو فيه بعد الحفله زى ما قلت .

الياس : ماشى يابابا .

جاسر : حفله ايه دى .

الياس: حفله مدعوين فيها بسبب حصول المشروع اللي  قمنا بيه علي جايزة التميز الهندسي المقدمة من الدولة .....وبعد كدا هنسهر نحتفل ماتيجى معايا تغير جو بقالك كتير مروحتش معايا فى حته .

يونس : اه يا جاسر روح اهو غير جو شويه وقول لنديم يروح هو كمان هتتبسطوا انا حاجز مكان جامد تسهرو في .

جاسر: لا مليش مزاج مانتو عارفين انى مليش فى جو الحفلات.

 الياس: هى مش حفله مش زى مانت متخيل احنا هنستلم جوائز ونمشى وبعدين المفروض تبقى واقف معايا لان بابا مش هيروح  مش لازم ياسيدى تيجى تسهر مكان اللى بابا هجزه .

جاسر : خلاص ماشى هاجى هكلم نديم واقوله ....انا هقوم دلوقتى لان ورايا شويه شغل هخلصه .

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

نروح لادهم كان فى غرفته قاعد حزين وزعلان هو من ساعت اللى حصل وهو مش عاوز ينزل مش عارف يبص فى وجهه ابوه وأمه بعد اللى حصل كان بيلوم نفسه وكان تعبان ومصدع ومش قادر .

ادهم : اااه دماغى وجعانى كدا ليه اوف .

ورن هاتفه برقم موسى 

ادهم : نعم عاوز ايه.

موسى: فى ايه يا ادهم مالك مش عارف اوصلك ابعت ليك رسالة ومش بترد ولا بترد على اتصالاتى فى ايه اللى حصل  

ادهم بخنقه : انا مخنوق اوى يا موسى مش قادر .

موسى: مالك يا صاحبى فيك ايه.

ادهم : مش عارف انت اللى قولت لماما انى مش بحضر المحاضرات صح . 

موسى : اه انا بس ده بالصدفه لاقتها جايه الجامعه ومستنياك لما شافتني ندهت عليا وقولتلها بس كدا هو حصل حاجه. 

ادهم: تعرف ياموسى ان انا لاول مره فى حياتى أعلى صوتى على ماما و بابا وقولت كلام انا نفسى معرفش ازاى قولته انا مش قادر انزل ابص فى وشهم بعد اللى حصل .

موسى : طب اهدى انزل اعتذر ليهم وهما اكيد هيسامحوك ........بقلك انهارده فى عيد ميلاد اسر صاحبنا عامل حفله صغيره انا رايح ايه رايك تيجى معايا وتغير جو .

ادهم : لا مش ليه مزاج اخرج انهارده لو عاوز تيجى تقعد معايا تعالى .

موسى : يابنى اسمع الكلام هتتبسط وتغير جو ده هيبقى فى شويه مزز هناك انت نسيت ان اسر له اخت توأم يعنى اكيد هيبقى فى بنات هناك وانت بتموت فى جو ده .

ادهم : بص انا بتكلم فى ايه وانت بتقول ايه ماشى ياموسى هاجى عدى عليا باى . 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

فى المساء فى فيلا عبدالله الشاذلى كانو البنات جهزوا 

عبدالله بغيره : ايه ده ان شاء الله خشو يابنت انتى وهى غيروا القرف اللى انتو لابسينه .

ورد : ايه يا عبدالله ما الفساتين حلوه اهى وكلها طويله عاوز ايه تانى دى تالت مره تخليهم يغيروا ايه مايروحوا بالترنجات احسن .

تاج بزهق : قوليلوا يا ماما انا تعبت خلاص مبقاش عندى طاقه اغير تانى .

عبدالله: ماهو المشكله انو حلوين مفيش حاجه لبسوها مطلعتش حلوه ايه العيال دى انا خايف عليهم .

ورد بتخمس فى وجهه بطريقه مضحكه 😂 : ايه يا عبدالله انت هتحسد بناتى وله ايه ماهما ديما حلوين وكملت بغرور ورجعت شعرها لورا وقالت : ما يعنى هيطلعوا حلوين لمين اكيد ليا يعنى مش صح يا بودى😉

عبدالله بعصبيه : اوف قولتلك كذا مره بلاش الدلع ده مش بحبه 

ورد بتغمز للبنات انهم يمشوا وقربت من عبدالله بدلع ووضعت يدها حوالين رقبته وقالت : ليه بس يابودى عشان خاطرى خليهم يلا يروحوا ....عبدالله سكت و ورد و جهت كلامها لبنات وقالت : يلا يابنات وقفين ليه انزلوا انطلقوا بسرعه .

وكانوا فعلا ماشين وخارجين بس وقفوا فجاءه .

عبدالله: انتو رايحين فين هو انا قولت انكوا تنزلوا ماشى ياورد 

انا الللى هوصلكوا كلكوا

ورد : ليه ما يروحوا بالحراس والسواق 

عبدالله : لا انا اللى هوصلهم وهسيب الحراس معاهم ..انا اطمن على بناتى بنفسى ووجه كلامه لبنات : يلا يا ختى انتى وهى قدامى.

( البنات غرام وديلان وسيلا هيبقى الحراس معاهم بس مش هيبقوا معاهم هيكونوا بره امام المكان وبالنسبه لتاج مش هيبقى معاها حراس.....)

❤️❤️❤️❤️❤️❤️❤️❤️❤️❤️❤️❤️❤️❤️ ❤️❤️❤️

بعد ساعه عبدالله وصل البنات للفندق 

دخلوا البنات وخطفوا الانظار بطلتهم الجميله 

وكان جاسر والياس وصلوا 

الياس لامح ديلان كانت جميله اوى وبريئه سرح بفستانها الرائع الهادى وملامحها البريئة وشعرها البنى الجميل 

(كانت ديلان ترتدى فستان بنفسجى طويل واسع من بعد الخصر له شال من عند الكتفين كانت تضع قليل من المساحيق التجميل وترتدى صندل بكعب عالى هى مثل لاميره )

جاسر هو الاخر لامح غرام واتفاجاء بوجدها ابتسم باتلقائيه وسرح فى جملها الغير طبيعى كانت ترتدى فستان أخضر داكن اللون يصل الى بعد الركبه وله اكمام شفافه تضع ميك اب بسيط وترندى صندل كعب 

فاق جاسر بسرحانه على رنه هاتفه قال لالياس هيرد على هاتفه وهيجى 

و الياس ذهب الى مكان البنات وقف امام ديلان .

الياس : عامله ايه انسه ديلان 

ديلان : الحمدالله بخير ...احم وانت عامل ايه

إلياس: الحمدالله جاهزه لاستلام الجائزه

ديلان : اه 

الياس : طب يلا عشان شويه هيندهو على اسامينا نقعد فى مقعدنا 

ديلان: تمام يلا 

رانيا سكرتيره وصلت هى كمان رايحه لانها بتكون مساعده الياس الخاصه لامحت الياس وغضبت لما لاقت ديلان واقفه معه وتوجهت اليه

رانيا : مساء الخير اذيك يا بشمهندس الياس اتمنى مكنش اتاخرت على الحفله

الياس : اهلا يا رانيا لا متأخرتيش وتجاهلها ووجهه كلامه لديلان : يلا انسه ديلان نروح نقعد فى المقعد الخاص لينا عشان نبقى جاهزين فى ايه وقت 

رانيا اتغاظت من تجاهله مره واحده داست برجلها على طرف فستان ديلان لكى تقع 

كانت ديلان هتقع بالفعل بس لولا إمساك الياس لها مسكها من ظهرها باحكام ونظروفى عيون وسرحوه فى بعض فضلوا فتره 

كانت سيلا واقفه بجوار غرام وقالت لها: اوباا شوفتى اللحظه الرومانسيه دى ...هما هيفضلو كدا كتير ده غلبوا كوشى وارناف 🤣😉

ضحكت غرام على كلامها 😂

انتبهو على حالهم وديلان خجلت وشها بقى احمر ورانيا اتغاظت اوى فذهبت 

الياس بحرج : احم اتفضلو يلا عشان نقعد فى مقعدنا 

ذهبو وقعدوا على المقعد كانت ديلان جمب الياس 

وغرام كانت بجوارها وكان فى مقعد فاضى جمبها  مره واحده سمعت حد بيقول : ازيك يا انسه غرام

غرام بخضه والتفت جمبها لاقت جاسر فقالت  : هو انت اى اللى جابك هو مفيش مكان اروحه الا لما اشوف وشك .

جاسر : نصيبك بقى ولمى نفسك واوعى تنسى انا....

غرام قطعته وقالت وهى بتقلد طريقته 😏 : استنى انا اللى هقول 

انا النمر البنغالي....مش ده اللى انت كنت عاوز تقوله

جاسر ضحك وقال : هههه اه هو ده اللى انا عاوز اقوله وفرتى عليا ...... وبعدين احذرى منى انتى نسيتى انك بتدربى معايا فخافى منى بقى🤨 

غرام بغيظ : هتعمل ايه يعنى انت بق اصلا اسكت خالص 

جاسر بخبث : طيب هنشوف وبص بعيونها وسرح فيهما عيونها الخضر كانو نفس لون الفستان وشعرها الأشقر اللى يجنن وقال وهو سرحان : بس تعرفى انهارده مختلفه شكلك حلو 

غرام خجلت منه نزلت رأسها بالارض ورجعت خصلات شعرها لورا اذنها وقالت: احم شكرا 

جاسر : بس بردو هتفضلى بنسبه ليا طفله ... ياطفله

غرام بغيظ : اتصدق انك بنى أدم بارد ورخم اوف 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نروح لتاج التى كانت وصلت حفله العيد ميلاد صديقتها وكانت واقفه مع مرام 

مرام : ايه العيد ميلاد المقرف ده بصى لابسين يلهوى الحقى مين هناك مش دى البت صافى ايه اللى جابها هنا دى .

تاج : مش عارفه ايه اللى جابها ممكن تكون عارفه ساره انا زهقت ماتيجى نمشى .

مرام : ده احنا لسه جاين .

تاج : معرفش زهقت طب تعالى نروح لساره اهى هناك نسلم عليها ونديها الهديه .

فى نفس الحفله عيد ميلاد كان ادهم وموسى وصلوا 

موسى : اوباا شوفت قولتلك هيبقى فيها مزز جامده .

ادهم بضيق : انا مش فاهم احنا جاين ليه احنا مش بنطيق الواد اسر .

موسى : يعم مش مهم خلينا نغير جو الحق شوف مين هناك ....مش دة الانسه تاج .

ادهم نظر إلي ما كان ينظر إليه موسى ولمح تاج كانت جميله سرح فى جمالها كانت طلتها هادئ وفستانها جميل ورقيق 

تاج كانت ترتدى فستان لون موف غامق يصل الى بعد الركبه وتضع ميك اب رقيق وترتدى صندل بكعب عالى 

ادهم : هى بتعمل ايه هنا .

موسى : هو انت ناسى اسر لى اخت توأم اكيد جايه ليها تحضر عيد ميلادها .

ادهم : ماشى تعالى نسلم على اسر اينعم مش طيقه بس يلا هستحمل واسلم عليه .

ضحك موسى 

عند تاج ذهبو ليسلموا على ساره وهما ماشين تاج خبطت فى حد 

شاب : انا اسف مكنتش اقصد 

تاج : مش تحاسب اوف .

شاب : ما انا قولت اسف .

تاج : يعنى انت مش قاصد عشان تقف تتكلم معايا هنستعبط هو انا مش عارفاك يا عمرو ....اقولك انا امشى بدل ما تكلم واحد زيك .

(ملحوظه الشاب ده اسمه عمرو واحد زميلهم فى الجامعه وديما بيحاول يتقرب من تاج لان بيحبها وديما تاج بتصده ومش بطيقه انا كدا عرفتكم مين عمرو عشان هكتب اسمه بعد كدا ) 

عمرو واقف امامها وقال : اصبرى بس انا فعلا كنت قاصد ياتاج انا بحبك ليه مش عاوزه تصدقينى ادينى فرصه .

تاج بعصبيه : بقلك ايه انا كذا مره اقولك انا مش بتاعه حب وكلام ده وبعدين بتحب مين احنا هنستعبط ده انت ماشى مع جامعه كلها ابعد عنى يا عمرو انا بحذرك ووجهت كلامها لمرام : يلا يا مرام .

ومشيوا وعمروا بيتوعد لها وقال : ماشى يا تاج مسيرك هتقعى تحت ايدى بس ازاى .

لاقه صوت من وراه يقول : انا اقولك ازاى 

وكانت صافى .... ( ملحوظه قبل كدا عرفتكم على صافى هى بنت حقوده ومش بتحب تاج خالص وبتحب تأذيها وهى نفس البنت اللى وقعت تاج فى البسين )

عمرو : صافى عاش من شافك كنتى فين .

صافى : موجوده المهم كنت بتقول انك عاوزتاج توقع تحت ايدك مش كدا  ....انا عندى فكره حلوه وهقولك تعملها 

عمرو : ايه هيا نفسى اعرف هى تاج عملت ايه ليكى عشان بتحبى تأذيها كدا 

صافى بكره : ملكش دعوه هتسمع وله امشى واسيبك

عمرو : لا طبعا قولى 

صافى : بص يا سيدى ......

💫💫💫💫💫💫💫💫💫💫💫💫💫💫💫💫💫

نسيبهم ونروح لتاج كانت واقفه مع مرام وفجاءه لمحت ادهم وكان جاى عليهم كان قلبها دق اوى وحست بحاجه غريبه بتتوترلما بيبقى معاها 

ادهم وصل اليهم وقال : ازيك يا انسه تاج ايه اخبارك مش بنشوفك يعنى.

تاج : ايه يا عم انت خد نفسك طيب الاول كل ده فى جمله واحده .

ادهم : ههه خفه نفسى مره اكلمك تكلميني عادى .

تاج : انا كدا براحتى ودى طريقتى .

ادهم : اتصدقى انا غلطان انى كنت جاى اشوفك واطمن عليكى . وكمل بغيره : هو عمرو كان واقف معاكى ليه  

تاج بغيظ : وانت مالك حاجه متخصكش .

ادهم : يا ساتر على رخمتك على فكره انا مش بهزر الواد ده بذات ياتاج مش مظبوط وسمعته مش كويسه وانتى عارفه ده كويس . 

تاج : عارفه وانت شاغل نفسك بيا ليه اقف مع اي حد انت ملكش دعوه بيا .

ادهم : وانا اشغل نفسى بيكى ليا ان شاءالله براحتك انا غلطان انى واقف معاكى اصلا .

تاج : ياريت تمشى اصلا انت ايه اللى جابك .

ادهم : وانتى مالك ايه اللى جابنى ده انتى عيله رخمه  نفسى مره تتكلمى عدل وبعدين انا مش هموت يعنى واقف مع سعادتك كل مره بندم ان اجى اقف معاكى .

تاج : طب يلا يا بابا غور من هنا .

ادهم : يابت احترمى نفسك ايه غور دى انا مش فاهم ايه الغرور اللى فيكى ده فاكره نفسك هيفاء وهبى وله ايه .

تاج بغرور 🤨: ايه هيفاء وهبى ايه انا طبعا احلى منها بكتير .

ادهم : هههه احلى من مين شكلك مش بتبصى فى مرايات بيتكوا ولا ايه واخده فى نفسك مقلب على فكره 

تاج اتغاظت وموسى ومرام ضحكوا عليهم فتاج اتغاظت اكتر 

تاج بغيظ😠 : انت انت ازاى ....

قطع كلامها دخول جرسون هو بيمد لهم عصير و مد لتاج كاس عصيرقال لها : ده مبعوت ليكى من الانسه ساره 

تاج خدت كاس بغيظ وشربته على مره واحده 

عند عمرو وصافى 

صافى : شوفت اهى اول خطوه عدت 

عمرو : اه ده انتى عليكى دماغ مش على ابليس نفسه هههه . 

صافى : طبعا هو انا اي حد اول خطوه راحت يلا تانيه عليك 

عمرو: اه ماشى متقلقيش انا ظبطت كل حاجه بس الزفت اللى اسمه ادهم ده لازق ليها كدا ليه اوف .

( ملحوظه هما حطوا حاجه فى العصير اللى تاج شربته )

نرجع لتاج شربت الكاس على مره واحده من غيظها وبدأت تدوخ 

مرام سندتها وقالت : مالك ياتاج ايه بيحصل انتى تعبانه 

تاج : ههههه هيكون مالى يعني بقالكوا ايه فى مزيكا اشتغلت يلا تعالو نرقص .

وقربت على ادهم وشدته وقالت : تعالى ارقص معايا هههه انا بحب اوى الاغنيه دى .

تاج بقت ترقص بجنون ومره واحده اقربت على ادهم وباسته من خده هى كانت مش واعيه نهائى .

تاج : انت شكلك حلو اوى يا دومى ههه اول مره اعرف انك قمور .

ادهم : فى ايه ياتاج ايه اللى عملتيه ده ايه اللى حصل انتى كويسه .

تاج : هههه اه كويسه اوى ياعم ارقص هههه هو فين الجرسون انا عاوزه من العصير  ده تانى وكانت ذاهبه بس ادهم مسكها من دراعها وجذابها بقوه ارتطمت فى صدره وادهم قال : يابت اتهدى فضحتينا العصير ماله ما احنا شربنا معاكى مكنش فى حاجه 

عند عمرو وصافى 

عمرو : اوف هو ماله لازق لتاج كدا ليه انا هخدها ازاى دلوقتى 

صافى : مش عارفه هما صحيح مالهم قريبين من بعض كدا ليه .....استنى انا هروح واحاول ابعد ادهم عنها وانت خدها على طول اتفقنا 

عمرو : ماشى يلا روحى 

وبالفعل صافى راحت اليهم وعملت نفسها انها هتقع فمسكت فى ادهم .

ادهم انتبه اليها وامسكها وساب تاج

صافى بدلع : ااه رجلى مكنش قصدى معلش ممكن تمسكنى بس لحد ماعدل الصندل .

ادهم فعلا مسكها وهى غمزت لعمرو ذهب وشد تاج بسرعه 

من الزحمه ادهم مخدش باله وعمرو اخذ تاج للخارج .

تاج بدوخه : اوعى يا عم انت اااه عاوزه اروح فين بابا .

عمرو بخبث : تعالى معايا انا هروحك سياده اللواء قال انى انا اوصلك .

تاج مشيت معه وهى مكنتش فى وعيها وركبها السياره .

فى الداخل عند ادهم كان بيدور على تاج .

ادهم : هى راحت فين دى مش كانت هنا اوف .

وذهب ليدور عليها ومرام كانت للخارج بتكلم فى موبيل وشافت عمرو وهو بيركب تاج السياره

مرام : ايده هى تاج رايحه فين مع الزفت ده ينهار اسود مش كانت مع ادهم

وذهبت ناحيه السياره بسرعه وقالت بصوت عالى : تاج فعمرو لحظها ركب بسرعه وحرك السياره .

مرام : تاج لا يلهوى هى راحت معاه ليه انا مش فاهمه حاجه اعمل ايه دلوقتى لازم الحقها ....ذهبت لسيارتها لاقت ان كوتش السياره نايم خبطته برجلها بقوه : اوف اعمل ايه ياربى مفيش تاكس حته ....ادهم صح هو اكيد اللى هيساعدنى دخلت بسرعه لتشوف ادهم 

ادهم كان بيدور على تاج هو وموسى 

موسى : هى مش كانت معاك هتكون راحت فين يعنى اكيد هتلاقيها مع صحابتها فكك منها بقى 

ادهم : مش عارف حاسس بحاجه قلقان عليها .....ايده مرام اهى ومالها بتجرى علينا كدا ليه 

مرام : ادهم الحق تاج شوفت الزفت عمرو خدها معرفش هيروح بيها فين 

ادهم : ايه ازاى 

قطعته مرام وقالت : مش وقته معاك عربيه وله لا 

ادهم : ااه طبعا معايا تعالوا يلا وكمل بغضب : نهايته هتبقى على ايدى لو عملها حاجه وبعدين فين الحراس 

مرام : انهارده مش معاها عمو عبدالله هو اللى جابها وانا قولتله انا هرجعها مرضتيتش تاخد الحراس معاها 

ركبوا السياره وتحركوا 

ادهم : طب ممكن يوديها فين انا مش عارف اتصرف 

موسى : هو اصلا خدها ليه 

مرام : هو احنا لسه هنفكر خدها ليه انجزو انا خايفه ليعمل حاجه 

موسى : مفيش حل غير اننا نطلع على بيته انا عارفه اطلع وانا هقولك الطريق .

نروج لتاج كانت تاج اغمى عليها لان خدرها 

وصل عمرو العماره ونزل وشال تاج وطلع على شقته 

ودخل وحطها على اريكه كانت موجوده فى الريسبشن 

عمرو وهو بينظر لها بخبث وشهوه وقال : واخيرا يا تاج وقعتى تحت ايدى وقرب منها وقال : انتى انهارده بتاعتى وضحك بخبث وبدأ يفك ازار قميصه وقرب منها ............يتبع 

❤️البارت الثالث عشر ❤️

💗رواية غرام النمر 💗

فى مكان جميل وراقي متخصص للحفلات كان الياس وجاسر ونديم وصلوا المكان بعد الفندق ليسهروا فيه وكانوا واقفين وفجاة اتصدموا ان الحفله يوجد بها رجال أعمال كثير كان يونس قد دعاهم لها  

الياس بصدمه : ايده كلوا هى مش المفروض ان بابا قال انها حفله صغيره نسهر فيها ونحتفل بنجاح المشروع بس مقالش ليه انه  عازم كل ده .

نديم وهو بيغمز لبنت وقال : ده عمو يونس ده بيفهم والله ايه  كميه المزز اللى هنا دى .

جاسر : هو ده كلوا اللى همك يابنى ارحم نفسك .

الياس : بس غريبه يا جاسر جيت معانا مش انت قولت هتروح وبعد الفندق .

جاسر بتوتر : عادى يعنى ... احم وبعدين كويس انى جيت وابقى معاك انت مش شايف ان فى ناس كتير ابوك عازمهم .

نديم: بقولكوا ايه انتو عاوزين منى حاجه ....اوه 🫨 دى بتغمز ليا طيب يا شباب اشوفكوا فى اخر الحفله.

 وذهب للبنت التى كانت تغمز له 

جاسر : مش بيضيع وقت فى ثانيه بيظبط مع دى ودى 

الياس : ااه فظيع بجد عامل زى رحيم مبيلحقوش وبعدين يانمر ده انت نسخه منهم انت ناسى . 

قطع حديثهم صوت شاب يقول : مين بيجيب فى سيرتى سيبنا الادب والاحترام ليك يا ملك الاقتصاد انت اللى ديما عامل تقيل البت بقالها خمس ساعات بتحاول تلفت نظرك وانت مش معبرها حرام عليك ياخى عبرها طيب 🤣

الياس : يخربيت عقلك انت جيت امتى مش لسه امبارح مكلمنى من فرنسا .

( نعرفكم رحيم السيوفى بيكون صاحب الياس جدا ابن خالتهم هو واهله عايشين فى مصر بس قريب سافروا فرنسا وعاشوا هناك مفتول العضلات يمتلك بشره قمحاويه وعيون بنى غامق مثل القهوه وشعر بنى عمره ٢٥ هو قريب من الياس  اوى صحاب منذ الصغر وهو مصمم ازياء لقبه الصياد هو فعلا صياد😂   )

نرجع نكمل رحيم : هههه لسه جاى انهارده من كام ساعه رحت سلمت على خالتو وعرفت انكوا فى سهره يرضيك مجيش🤣

الياس حاضنه جامد وقال : وحشتنى اوى اكيد هتقعد شويه مش كدا 

رحيم: وانت كمان  اه هقعد طبعا 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نروح للبنات هما وصلوا ونزلوا من السياره 

غرام وجهت كلامها للحراس : خليكوا هنا هتفضلوا واقفين هنا محدش هيخش معانا 

حارس من الحراس : مينفعش يا انسه غرام دى تعليمات من سياده اللواء ان احنا نبقى مع حضراتكم خطوه بخطوه

غرام : وانا قولت خليكوا هنا وانا هبلغ بابا ...يلا يابنات

وذهبو ودخلوا الحفله 

سيلا : يا سلام يابت يا غرام احبك وانت مسيطر 

غرام بغرور : يابنتى هو انا اي حد ده انا غرام

سيلا : يا ختى ماتنفشيش ريشك اوى كدا لو كلم عمو عبدالله و بلغوه اننا اعترضنا هنروح كلنا فى داهيه ده منبه علينا قبل ماننزل ان الحراس ميسبوناش لحظه 

غرام : لا مش هيقولوا لأنهم عارفين انهم لو اتصلوا هيتهزقوا هما قبلينا وفكك بقى .....يلهوى على الجمال شايفين ديكور جامد اوى انا عاوزه اتصور 

ديلان : اه حلو اوى فعلا 

سيلا : بقلكوا ايه انا جعانه لو ماكلتونيش هفضحكوا فى الحفله دى كلها

غرام : يخربيتك انتى على طول كدا همك على بطنك

سيلا : يا ختى مانتوا ماكلتونيش قبل ما ننزل اعملكوا ايه

ديلان : خلاص يا سيلا عندك البوفيه هناك اهو يلا روحى بسرعة قبل ما الاكل  يخلص

سيلا : اه انا هروح ماحدش عاوز حاجه 

غرام : روحى يا ختى فضحتينا يا شيخه 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نروح لشباب كانو واقفين يضحكوا مع بعض 

رحيم : اوبااا مين الصواريخ اللى دخلوا الحفله دول يلهوى ايه جمال ده 

جاسر والياس نظروا الى مكان ينظر إليه فهموا ان قصده على البنات 

جاسر حس بالغيرة وكشر : ماتحترم نفسك يلا انت ده من ساعت ماجيت وانت مش راحم نفسك دول بذات بلاش عينك تيجى عليهم  

رحيم بخبث : وليه بقى ياجاسر انت تعرفهم اااه ياشقى طلعت خلبوص عرفنى عليهم ده انا زي ابن خالتك

جاسر : لا أعرف ابوهم وانت كمان تعرفه كويس جدا

رحيم: ياعم وانا مالى باأبوهم انا عاوز اتعرف عليهم هما 

جاسر بمكر : هو انت متعرفش دول بيكونوا بنات الغول ....عارفه طبعا الغول غنى عن التعريف

رحيم بخوف وصدمه : ينهار اسود بنات الغول طب هما بيعملوا ايه هنا 

جاسر : مالك خوفت حرس بقى ..بيعملوا ايه هنا واحده فيهم شغاله فى الشركه عندنا .

رحيم : امممم طب قولى هى انهى واحده وله اقولك انا هروح اعرف بنفسى .

جاسر والياس مسكوا من قفاه وقال جاسر : تعالى هنا رايح فين هو انت يابنى مابتفهمش .

رحيم بعد عنهم وقال : ايه ده فى ايه مسكتو حرامى يعنى هروح اقف معاهم ممكن حد يضايقوهم كدا وله كدا انتو فهمتوا غلط انا غرضى شريف ....وبعدين بنات الغول ومش معاهم حراس ازاى 

جاسر : هو المفروض معاهم بس هما مدخلوش معاهم ليه 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نروح عند غرام وديلان

ديلان بتعب : يابنتى تعبتينى كل دى صور خلصينى يا غرام بقى

غرام : اخر مره يا دودو بصى تعالى نروح المكان اللى هناك ده قطع كلامها رنه هاتفها برقم والدها لطمت على وجهها بطريقه مضحكه: كبسه كبسه يلهوى بابا احنا اتاخرنا اكيد هيهزقنا هنعمل ايه 

ديلان بضحك : انتى عبيطه يابت ماهو عارف ان احنا هنا فى ايه يا غرام .

غرام : اه صح نسيت اما هو عاوز ايه ليكون الحراس قالوا لهم .

ديلان : ممكن روحى اخرجى فى مكان هادى وشوفى هو بيرن ليه 

بالفعل غرام خرجت لتكلم ولادها

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

 نروح لتاج نايمه على الاريكه وعمرو فك ازرار قميصه ويقرب منها تاج فجأه فتحت عيونها واتخضت لما لاقت عمرو مقرب منها اوى زقته جامد وقامت 

تاج بخضه : ايه ده هو انت بتعمل ايه هنا انا فين 

عمرو بخبث : انتى فى شقتى يا حلوه 

تاج بصدمه  : شقتك انا بعمل ايه هنا يا حيوان انت انا كنت فى العيد ميلاد ايه اللى جابنى هنا انطق 

عمرو :  هقولك دلوقتى انتى بتعملى ايه هنا وبدء يقرب منها ومسكها من ذراعها ويحاول يبوسها وهى بتحاول تبعده وبتصوت وقعت تاج وعمرو فوقها 

فجاءه الباب اتفتح بقوه وكان ادهم وموسى ومرام 

ادهم جرى على عمرو وانقض عليه بالضرب ومرام جريت على تاج بخوف 

مرام : انتى كويسه عملك حاجه 

تاج حضنتها بخوف وبتبكى وادهم قعد يضرب فى عمرو بالقوه وبغضب ....موسى بيحاول يشده .

موسى : خلاص كفايه يا ادهم هيموت فى ايدك 

ادهم قام ومسك عمرو وقومه ومسكه من ياقه القميص وقال بغضب : انت كنت عاوز ايه من تاج حيوان ازاى تاخدها وتجيبها هنا انطق .

عمرو ابتسم بخبث وقال : هههه يعنى مثلا هكون عاوزها فى ايه اكيد انت فاهم .

ادهم اتعصب جامد موسى بعده وقال : اهدى يا ادهم يلا نمشى وبعدين اكيد هنحكى لسياده اللواء وهو يبقى يتصرف اكيد مش هيسيب حق بنته .

تاج : اقسم بالله مش هيسيك يا عمرو هتشوف انا هعمل فيك ايه عاوزه امشى من هنا .

ادهم مسكها ونزلوا العربيه وركبوا .

تاج بتعب : بجد شكرا انا مش عارفه كان ممكن يحصل ايه .

ادهم بعصبيه : ممكن اعرف انتى روحتي معاه ليه  ومسك ذراعها بقوه وقربها منه وقال : انتى متخلفه هو انا مش قولت ان الزفت ده  سمعته مش كويسه وبردو مسمعتيش كلام  عانتينى و روحتى معاه ليه افهم دلوقتى ....... انتى عارفه كان ممكن يحصل فيكى ايه لو ملحقناكيش وساب دراعها وكمل بعصبيه : ماتنطقى ساكته ليه .

تاج بتعب وبكاء : انا معرفش لاقيت نفسى فجاءه فى بيته وبيقرب منى وسكتت ادهم اتعصب جامد 

ادهم بغضب : كملى ساكته ليه عملك حاجه قرب منك 

تاج : لا معملش حاجه وبطل تزعقلى انا اصلا معرفش روحت معاه ازاى انا مش فاكره حاجه خالص 

موسى : على فكره استحاله عمرو يعمل كدا لوحده اكيد حد ساعده وبعدين صح يا ادهم مش كانت تاج واقفه معاك  راحت معاه ازاى . 

ادهم وهو بتذكر وقال : اه كانت معايا بس ساعتها اااه افتكرت صافى اتخبطت فيا وكانت هتقع وانا ساعدتها وبعد كدا ملقتش تاج .

مرام : يبقى الحربايه دى هى اللى ساعدت عمرو ايوه اكيد هيا هى بتكره تاج وبتحب تأذيها اكيد هيا اللى ساعدته وعملت الحركه دى معاك يا ادهم عشان تغطى على عمرو ان ياخد تاج 

تاج بعدم فهم : ايوه يعنى انا بردو رحت معاه ازاى هو انا كنت نايمه على دماغى انا راسى وجعانى اوى عاوزه اروح .

موسى: بس لاقيتها تاج مكنتش فى وعيها لما راحت معاه على فكره 

ادهم : ازاى يعنى مش فى وعيها 

مرام : العصير يادهم تاج من ساعت ماشربت العصير وهى مش طبيعيه انتو ملحظتوش اكيد حطو حاجه فى العصير اصل استحاله تاج تروح معاه كدا يعنى .

موسى: ايوه صح فعلا اه جرسون قال انه مبعوت ليها يبقى كانو متفقين معاه 

ادهم بغضب : ياولاد 🦴🤬طب وبعدين عمرو يعرف تاج منين

مرام : هو بقاله فتره بيحاول مع تاج وهى بتصده كل مره .....المهم سيبكو دلوقتى من موضوع ده نبقى نشوفه بعدين هنتصرف ازاى دلوقتى احنا هنروح ازاى انا عربيتى عطلانه وانا كنت قايله لعمو عبدالله ان انا اللى هوصل تاج ....وبعدين هو احنا هنقول لعمو عبدالله اللى حصل يا تاج 

تاج بخوف : لا مش هقول ده لو عرف هيبهدلنى بلاش نقوله 

مرام : طب هتروحي ازاى 

موسى : خلاص ادهم يوصلكوا وانتى تقولى لسياده اللواء انك عربيتك عطلانه وادهم وصلكوا بس 

تاج حست بدوخه وقالت : انا حاسه بدوخه  روحونى 

قطع كلامها رنه هاتفها برقم والدها ليطمئمن عليها 

تاج بخوف: يلهوى ده بابا انا هقول ايه 

ادهم : ردى عليه شوفيه عاوز ايه بس متقوليش اللى حصل 

تاج بتعب : انا تعبانه مش هقدر ارد خدى انتى مرام شوفيه عاوز ايه 

مرام  ردت على الموبيل 

مرام : ألوو ياعمو 

عبدالله: ____ 

مرام بخوف : احم اصل تاج تعبت فجأه عشان كدا انا اللى رديت 

عبدالله: __________ 

مرام بخضه : انت قربت على مكان عيد الميلاد وحضرتك مقولتش ليه انك هتيجى مش انا قولت لحضرتك انى انا هوصلها 

عبدالله: ______________ 

مرام : طيب ياعمو هنطلع نستناك قدام بوابه مع سلامه 

مرام وهى بتلطم وقالت : بسرعه يا ادهم سرع لو وصل قبلينا هنروح فى ستين داهيه وتاج اغمى عليها 

موسى : اهدى يا انسه مرام احنا قربنا مش معاكى اي برفيوم نفوقها 

مرام لاقت انها برفيوم فى شنطتها وبيحاولوا يفوقوها 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

سيبنا منهم ونروح لبنات كانت غرام قفلت مع والدها واقفه فى مكان هادى بستنشق هواء وتنظر لزرع الاخضر الجميل 

قطع لحظه تأملها صوت يقول : هو الجميل واقف لوحده ليه وسايب الحفله 

غرام نظرت بجوارها لاقت شاب قالت بحده : نعم حضرتك بتكلمنى انا 

الشاب : احمد الوزير مهندس وشقتى هنا قريبه وعمرى ٢٧ تعالى معايا نقضى ليله زى القمر 

غرام بغضب : انت عبيط يلا مين دى اللى تقضى ليله معاك لو مستغنى عن عمرك روح من هنا احسن ليك انت متعرفش انا مين

و كانت ذاهبه بس مسك ايديها الشاب قال : استنى بس انتى عجبانى اوى هتخسرى لو مجتيش تقضى معايا ليله

غرام بتحاول تبعد ايده بس مش عارفه 

الشاب : متحاوليش يا جميل انتى انهارده بتاعتى دخلتى دماغى 

قطع كلام الشاب صوت جاء من ورا يقول : سيبها احسن ليك لو مش مستغني عن عمرك 

غرام والشاب لفوا لينظروا الى  صوت وكان ...

الشاب : يعنى لو مسبتهاش ايه اللى هيحصل هتضربنى مثلا 

قطع كلام الشاب بارتطتامه بالارض بقوه 

هذا الشخص قال لشاب : انا قولت ليك لو مستغنى عن عمرك سيبها انت اللى مسمعتش كلامى 

الشاب قام من مكانه وجرى بخوف منه 

غرام باعجاب : شكرا لحضرتك جدا 

قال الشخص :  انا معملتش حاجه اعرفك ومد يده رحيم السيوفى 

غرام مدت يدها لتصافحه وقال : غرام الشاذلى 

رحيم : بنت سياده اللواء عبدالله الشاذلى مش كدا

غرام : اه بس انت عرفت منين

رحيم : ههه ده انا اعرف والدك معرفه شخصيه كان قائدى لما كنت فى الجيش

غرام : اممم يعنى انت ظابط 

رحيم : لا انا مصمم ازياء وعندى شركه بديرها ...يلا تعالى ندخل بلاش تقفى هنا لحد يضايقك تانى 

غرام بابتسامه :  ماشى يلا ندخل 

رحيم: مقولتيش انتى بتدرسى وله بتشتغلى شكلك صغير اوى اوعى تقولى انك مخلصه كليه 

غرام بضحك : ههه اه مخلصه انا بكون صحفيه

رحيم : اااه صحفيه مش بحبهم خالص بقلق منهم

غرام بضيق: ليه بقى ان شاءالله 

رحيم بضحك : لا مش قصدى متزعليش انا بهزر مش اكتر

ابتسمت غرام له وانتبهت على حالها ورحيم سرح فيها وجمالها 

رحيم: هو ممكن أسألك سؤال هو دول عيونك وله لينسز 

غرام : لا عيونى 

دخلوا الى مكان الحفله وكان فى اغنيه رومانسيه شغاله وكان كل كابلز بترقص مع بعض 

واقف رحيم ومد له يده وقال : تقبلى ترقص معايا واوعى تكسفينى 

غرام بخجل : هاااا لا سورى مش عاوزه ارقص 

رحيم : يا شيخه اجبرى بخاطرى شكل أمى داعيه عليا انهارده وله ايه 🙄🤦‍♀️ 

كان جاسر واقف مشغول بالحديث مع رجل أعمال ولفت انتباه وقوف غرام مع رحيم ابن خالته وكان واقفين بيضحكوا 

جاسر حس بنار بتغلى جوه وغضب جدا استأذن من رجل الأعمال وذهب اليهم 

رحيم : يعنى بردو هتكسفينى كدا ده انا رحيم حبيب الملاين 

غرام بضحك : وانا مالى هههه مش عاوزه ارقص وبعدين روح لأى بنت الحفله مليانه 

رحيم : يعنى يرضيكى اسيب القمر واروح لحد غيرك لا استحاله تحصل 

غرام ضحكت وخجلت من كلامه 

جاسر وصل اليهم وقال بغيره وغضب باين على وجهه : انتو واقفين مع بعض بتعملو ايه 

رحيم وغرام اتخضوا والتفتو اليه لينظروا له 

رحيم: ايه يا نمر خضتنا ايه دخله دى

جاسربغضب : ردو عليا انتو واقفين مع بعض ليه

غرام : وانت مالك يا اخى ووجهت كلامها لرحيم هو انت تعرف البنى أدم البارد ده يا استاذ رحيم 

رحيم بصدمه : ههه بارد اه اعرفه هو انا نسيت اقولك انا بكون ابن خالته 

غرام : ايده بجد

رحيم: هههه اه صدمه مش كدا... المهم بقى عمالين يشغلو كذا اغنيه يلا بقى هما عاوزين ان احنا نرقص وقال لجاسر: أقنعها يا جاسر انت طيب خليها ترقص معايا 

جاسر بغض وبغيره : ترقص مع مين 

رحيم بخبث : ترقص معايا انا هيكون مين

جاسر : نعم وقال لغرام وانتى موافقه 

رحيم غمز لغرام انها توافق 

غرام : اه موافقه يلا رحيم 

كانت لسه هتمد ايديها لرحيم جاسر مسكها وشدها 

جاسر : سورى يا رحيم روح لأى واحده تانيه الانسه غرام هترقص معايا انا 

غرام وهى بتحاول تزق يده وقالت : اوعى انا مش عاوزه 

جاسر شدها وذهبو

💗💗💗💗💗💗💗💗💗💗💗💗💗💗💗💗💗

نروح لديلان والياس كانو واقفين مع رجال أعمال وصاحب الكمبوند

صاحب الكمبوند يقال: مبروك يا الياس على نجاح المشروع بجد يستاهل الكمبوند جميل جدا ونظر لديلان وقال : طبعا انتى كمان تستهالى عرفت انك ضفتى على المشروع 

الياس: شكرا لحضرتك جدا المهم انه عجبك وابتسم له 

ديلان : احم انا معملتش حاجه كلوا مجهود الاستاذ إلياس وشكرا لحضرتك

واحد اخر من رجال اعمال قال وهو ينظر اليها من تحت لفوق ونظره إعجاب: بصراحه يالياس ديلان وجه جميل لشركه مد يده لديلان وقال : فراس زيدان رجل أعمال ديلان اتكسفت مش عارفه تعمل ايه مدت يده لتصافحه مسك ايديها وقبلها

ديلان اتصدمت وبعدت ايدها بسرعه واتكسفت اما الياس اتعصب جدا ونظر لفراس بغضب جدا 

فراس : احم مد يده مره اخرى وقال : تقبلى ترقص معايا يا انسه ديلان 

خجلت ديلان ومش عارفه  تعمل ايه ونظرت لالياس اللى بيشيط ونظر اليها هو الاخر 

الياس قال لفراس :  هى هترقص معايا انا يا فراس وتصنع الابتسامه له 

ديلان اتصدمت وبرقت والياس مد يده وقال بابتسامه : ديلان تقبلى ترقص معايا 

فراس نظر اليه بغيظ ومستنى يشوف ديلان هتوافق وله لا 

ديلان اتكسفت ونظرت له والياس بعينه شاور على يده 

ديلان وضعت يديها على يده وابتسمت 

الياس : بعد اذنكم الحفلة حفلتكم ونظر لفراس بانتصار 

وذهب ليرقص مع ديلان 

الياس مسك بخصرها وهى وضعت يدها بيده ويرقصون  وسرحانين فى بعض ديلان كان قلبها بيدق جامد وخجلانه من قربه والياس سرحان فى جمالها كانو بيرقصو زى العشاق مش حاسين بنظرات اللى عليهما هما كانو فى عالم تانى خالص 

💗💗💗💗💗💗💗💗💗💗💗💗💗💗💗💗💗

جاسر اخذها وذهبو لمكان المتخصص لرقص ومسكها من خصرها جامد وقربها منه لدرجه انه كان سامع  أنفاسها وهى بتحاول تبعده وبتزقه

غرام : اوعى سيبنى انا مش طايقه اكون قريبه منك كدا وبعدين ابعد شويه انت مقرب كدا ليه 

جاسر ضغط على خصرها اكتر وقال بغيره : انتى كنتى مع رحيم بتعملى ايه واتعرفتوا ازاى على بعض.

غرام بابتسامه مكر : وانت مالك اصلا انت زعلان ليه بصراحه انا مش مصدقة ان هو ابن خالتك 

جاسر بغضب : ليه ان شاءالله ماله مش مصدقه ليه هو قال ليكى ايه اكيد ضحك ورسم عليكى 

غرام : ايه رسم عليا دى لا طبعا هو إنسان كويس ومحترم مش زى واحد كدا

جاسر بسخريه : ههههه محترم مين ده اللى محترم رحيم والله ضحكتيني ياماما ده هتلاقى دلوقتى راح يعلق بنت ده زير نساء وكمل بضيق : وبعدين مقولتيش هو كان واقف معاكى ليه وازاى اتعرفتو على بعض

غرام : اوعى بقى ابعد على اساس انك انت اللى محترم اوى ومش زيه عاوز تقنعني انك مش بتاع بنات 

جاسر ابتسم  : لا خالص انا محترم هو انتى سمعتى عنى حاجه 

غرام : ههههه محترم بجد ضحكتنى يعم قول كلام غير ده  

جاسر : متوهيش الموضوع اتعرفتى ازاى على زفت 

غرام : مش هقولك انت مالك يا اخى اتعرفنا ازاى بصراحه انا مبسوطه انى اتعرفت عليه 

جاسر: ده انتى قاصده تنرفزيني ماشى يا غرام هعرف كدا كدا انا هسكت دلوقتى لان الانظار علينا  وهو بيبتسم وقال : ورينى قدراتك فى الرقص  وقعدوا يرقصوا مع بعض باحتراف واندمجو مع بعض 

كان جاسر وهو بينظر بعيونها الجميلة سرح فيهم وهى كمان سرحت هى اه كانت حابه تغيظه وتنكشه زى ماهو بيعمل معاها هى فرحانه باللحظة دى فى شعور غريب حساه معاه 

وجميع نظروا اليهم وخلصت الموسيقى والجميع سقفوا لهم وغرام اتكسفت اوى ونزلت رأسها بالارض 

جاسر مال عليه وهمس لها بخبث وقال: مكنتش اعرف انك محترفه كدا فى الرقص 

نظرت له غرام بخجل وقال : انا همشى وجريت من امامه

 وجاسر ابتسم على خجلها وارتباكها وذهب 

💗💗💗💗💗💗💗💗💗💗💗💗💗💗💗💗💗

فى نفس لحظه اللى كان غرام وجاسر بيرقصوا كان رحيم واقف وبيكلم حاله 

رحيم: لا ده الموضوع فى إنا ده مش النمر اللى اعرفه ده كدا فى حاجه وكمان كان تكه ويضربني  ونبرته كانت فيها غيره معقول ليكون اللى فى بالى صح وضحك بالخبث : نيهههااا 😈جيت عند اللى مش بيرحم مش هسيبك يا نمر ده شكل اللى جاى هيبقى دمار انا خلاص هطول القعده فى مصر ومشى ليذهب الى الياس ووهو ماشى خبط فى حد 

كانت ساندى  بغضب : مش تحاسب ايه ده انت

رحيم بقرف : اه انا عندك مانع انتى متغيرتيش خالص وبعدين انتى اللى مش مركزه بدوري على حد

ساندى : اصلا انت جيت امتى وايه اللى جابك

رحيم: جيت انهارده عندك مانع قولى لو عندك 

كانت ساندى بتدور بعينها على جاسر ومش مركزه معاه 

رحيم: انتى بتدور على حد اكيد عاوزه تزبطى مع حد

لمحت ساندى جاسر كان بيرقص مع غرام 

ساندى بغيره : ايده مين اللى مع جاسر دى ازاى ترقص معاه

رحيم بخبث: دى حبيبته انتى متعرفيش اخص عليه ازاى ميقولش ليكى بس اي مش قادره اقولك جمال اي وعيون ايه بصى من الاخر اه ما النمر استحاله يختار اى حد 

ساندى بصدمه : حبيبته ازاى ده امتى 

رحيم: عادي يعنى يا ساندى الحب ملهوش معاد 

ساندى: لا استحاله جاسر يكون لغيري 

رحيم: ههه ماهو بقى لغيرك فعلا بصى بيرقص معاها ازاى عشاق يابنتى 

ساندى اتغاظت وذهبت وهى بتتوعد لجاسر 

رحيم : نيهههااا 🤣👿 ياساتر ده انتى لازقه عاوزه تاخد الواد وخلاص اووف انا خلاص جوزته لغرام 🤣  بس ياترى سياده اللواء هيوافق نبقى نشوف الموضوع ده بعدين ...اما اروح اظبط مع اى بنت بقى🤣🤤

💗💗💗💗💗💗💗💗💗💗💗💗💗💗💗💗💗

عند سيلا اللى من ساعت ما جت الحفله وهى عند البوفيه بتاكل 

سيلا كانت بتتحدث مع الشيف التى واقف يضع الاكل 

سيلا : يا عم انت بخيل ماتكتر شويه كميات ده انت لو بتحط لابن اختك كنت حطيت اكتر من كدا اي البخل ده 

نديم جاء من وراها وقال : عندك حق بصراحه كميات الاكل هنا قليله اوى اي يا ختى ده دول بخله اوى 

سيلا التفت لتنظر مين اللي يتحدث لاقت نديم 

سيلا قالت بمرح : اه يا اخويا ده انا عماله اقوله كتر وله هو هنا مش فاهم هو بيعاندنى رخم اوى 

نديم مال عليها و وشوش بودنها وقال : ماهو الشيف تركى يا سيلا طبيعى انه مش هيفهمك 

سيلا بعدت عنه وقالت : بجد تركي وانا اقول العيون الزرق دى منين كويس جت فرصتى ده انا بتفرج على مسلسلات تركية كتير انا عارفه لغتهم شوف وانا بتكلم معاه 

نديم : بجد بتعرفي تركى كويس 

سيلا: اه اصبر انا هبهرك ووجهت كلامها لشيف اللى زهق منها قالت :كيفك اش اخبارك واش لونك انا بعرف اتكلم تركي منيح انا بتفرج على مسلسلات تركية كتير قولى يا زلمه انت ايش جابك هون فى مصر يعنى سبت تركيا وجيت هون عشتن تشغل ....طب اقولك انت شوفت مهند حلو فى الحقيقه وله وحش 

نديم ضحك عليها ومش قادر يبطل ضحك والشيف طبعا مش فاهم ساب الطبق ومشى ونده لشيف اخر 

سيلا: انت يا زلمه وين رايح انا لسه مخلصتش يامهند تعالى اوف هو مشى ليه 

نديم : ههههه اكيد يعنى لازم يمشى هو ده لغه تركيه اللى تعرفيها 

سيلا بغيظ : اه هما بيتكلموا كدا وانت بتضحك كدا ليه 

نديم: هههه لازم اضحك ده تركي الغلابه ههه بجد مش قادر ضحكتيني 

سيلا بغيظ : اه تركى الغلابه  لا علي فكره هما بيتكلموا كدا و بطل ضحك انا همشى احسن اشوف البنات راحوا فين 

وذهبت ونديم قال وهى بتحاول يكتم ضحكته : ههه اصبرى بس رايحه فين 

سيلا لمحت غرام وديلان واقفين مع بعض فذهبت اليهم 

سيلا : انتو كنتو فين ليكوا وحشه 

غرام: انتى اللى كنتى فين عاملين ندور عليكى 

سيلا : ها ابدا كنت باكل عادى

ديلان: انتى من ساعت ما جيتى وانتى عند البوفيه 

غرام قالت بصدمه : يلهوى بابا 

سيلا بمرح : ههه بابا ايه هو هيجى يعمل ايه 

ديلان بخوف : غرام مش بتهزر بابا جه اكيد الحراس اتصلوا عليه وبلغوا اكيد هنتهزق 

عند عبدالله كان بيدور على بناته جاسر لامحه وذهب اليه

جاسر: ازيك يا سياده اللواء 

عبدالله: كويس يا جاسر مشوفتيش البنات فين 

جاسر بتوتر : هااا لا معرفش 

عبدالله لمحهم وقال : خلاص يا جاسر لمحتهم 

وذهب اليهم سيلا: يلهوى جاى علينا 

عبدالله وصل اليهم نظر اليهم نظره لاتبشر بالخير ابدا وقال : وله حرف يلا قدامى 

غرام بخوف واتلجلجت : اااه ب بابا افه افهمني 

عبدالله بغضب : وله حرف قولت يلا قدامى شدهم جامد وذهبوا للخارج وركبوا السياره 

غرام بخوف : يلهوى تاج ايه اللى حصلها يا مرام 

عبدالله بعصبيه: مش عاوز اسمع صوتك سامعه وله لا 

غرام: ليه انا عملت ايه 

بعد ساعه عبدالله وصل البيت وشال تاج والتفتوا الى داخل 

ورد اول ما شافت تاج كدا صوتت : يلهوى بنتى مالها ياعبدالله 

عبدالله دخل الى الغرفه ووضع تاج على سريرها 

وخرج ووجه كلامه لمرام : هو ايه اللى حصل يا مرام تاج ايه اللى حصلها ايه سبب الاغماء 

مرام: هااا معرفش يا عمو هى مره واحده واحنا مستنين حضرتك وقعت مننا و ادهم كان هناك ساعتها فشافها كدا خدها وقعدناها فى العربيه لحد ما حضرتك تيجى 

ورد : اتصل بدكتور يا عبدالله 

مرام : ااه انا بقول مفيش داعى هى الصبح هتبقى كويسه انا همشى انا بعد اذنكم 

عبدالله: ماشى يامرام تعبناكى هتلاقى السواق مستنيكى يوصلك لحد البيت وبالنسبه لعربيتك خليت حارس ياخدها لمكان تصليح ويرجعها ليكى 

مرام : ماشى يا عمو شكرا لحضرتك تعبتك 

وذهبت مرام 

غرام وهى بتهمس : بقولكوا ايه تعالوا نتسحب هو مش هايخد بالوا 

وفعلا بدأو يمشوا لغرفتهم بس وقفوا لما عبدالله قال 

عبدالله: رايحين فين يا هوانم 

غرام وهى بتمثل انها تعبانه: اه اسندوني يا بنات شكلى دوخت وله اي 

سيلا : يا حبيبتي يا ختى تعالى خشى فى اوضتك

غرام: اه يلا لان تعبانه اوى 

عبدالله: اوقفى انتى وهيا ممكن افهم ليه خليتوا الحراس بره ومدخلوش معاكم هو انا مش منبه عليكم انهم يكونو معاكم خطوه بخطوه ليه مسمعتوش الكلام 

غرام ببرائه : لا احنا سمعنا كلامك بس قولنا نريحهم شويه خلاص اخر مره بس احنا اتخنقنا منهم بجد كنا عاوزين نستمتع مش اكتر 

عبدالله: انا خايف عليكم انا أعداءي كتير. وانتو نقطه ضعفي حاولوا تفهموا ده 

ديلان: خلاص يا بابا احنا اسفين بعد كدا هنسمع كلامك

عبدالله: ماشى اما نشوف خشوا ناموا تصبحو علي خير 

ودخلوا البنات ليناموا بعد يوم طويل بالنسبه لهم غرام افتكرت جاسر واللى حصل معاها وانو كان غيران عليها 

ابتسمت وقلبها دق جامد وقالت مع نفسها : يووو هو فى ايه هو انا بفكر فى ليه دلوقتى اوف وغمضت عيونها ونامت 

اما ديلان كانت بردو بتفكر لاحظتها مع الياس ورقصتهم كانت مبسوطه وهيا معاه وافتكرت وابتسمت وصارت دقات قلبها تتسارع جدا 

💗💗💗💗💗💗💗💗💗💗💗💗💗💗💗💗💗

عند الشباب كانوا روحوا جاسر طول الطريق بينظر لرحيم نظره خبث وشر هو مش طيقه عاوز يعرف هو عرف غرام ازاى دخلوا القصر كانو الجميع ناموا وكل واحد راح غرفته لينام

رحيم: ايده هما ناموا ولا ايه 

إلياس: شكلهم كدا يلا تصبحوا على خير

رحيم نظر لجاسر لاقه بينظر له بتوعد وخبث 

قال رحيم بخوف : استنى ياواد يا الياس خدنى معاك انا خايف 

ذهبو الياس ورحيم وجاسر كان تحت وذهب ليعمل مكالمه 

الياس وصل رحيم غرفه لضيوف ودخل رحيم الغرفه ولسه بيفتح النور لاقه جاسر بوجهه 

رحيم بخضه وبعد : سلاما قولا من رب الرحيم ياماما انت اي اللى جابك هنا ياجاسر مش كنت لسه تحت من شويه 

ابتسم جاسر ونظر له نظره لاتبشر بالخير ابدا وقال: فى ايه شوفت عفريت مثلا عاوز اتكلم معاك شويه ياراجل 

رحيم : هااا لا شوفت نمر بلاش وحياة امك النظره دي انا تعبان مش قادر 

جاسر : كنت واقف مع غرام ليه وازاى اتعرفتوا على بعض 

رحيم : هاااا مين غرام دى معرفش حد بالاسم ده 

جاسر بيقرب منه ورحيم بيبعد

 ومره واحده جاسر مسك رحيم من قميصه......يتبع

♥️البارت الرابع عشر ♥️

♥️روايه غرام النمر ♥️

( وقفنا فى البارت اللى فات ان جاسر مره واحده مسك رحيم من قميصه ) 

جاسر ضربه بوكس بقوه فى وجهه لدرجه ان رحيم وقع فى الارض من قوه الضربه 

رحيم مسك وشه : اه يا يعينى اي يا عم الغباء ده هو ايه اللى حصل لكل ده 

جاسر مسكه وقومه : هااا قولى افتكرت مين غرام 

رحيم: اه افتكرت هحكيلك على كل حاجه يعم خلاص هقولك استهدى بالله انت 

جاسر ضحك : طب اتفضل اقول 

رحيم حكه كل حاجه وازاى اتقابل مع غرام ان تم معاكستها وانه انقذها 

جاسر كور يديه بقوه : والحراس كانو فين يعنى ازاى مشوفوهاش 

رحيم قعد على سريرها بتعب وقال : اه يانى يا صغير يا رحيم على البهدلة اللى اتبهدلتها انا اضرب بالبوكس منك لله يا جاسر يا ابن خالتو شهد كدا تشوه وشى هعاكس البنات دلوقتى ازاى . 

جاسر: هو ده كل اللى همك 

رحيم : اه طبعا انا مقدرش اعدى يوم الا لما اكلم حوالى ١٠ او٢٠ بنت يابنى انا رحيم حبيب الملاين هكلم جورجينا كدا ازاى دى لو شافتني بالمنظر ده هتف فى وشى 

جاسر ضحك عليه : مين جورجينا دى كمان من ضمن ٢٠ 

رحيم: لا طبعا دى القلب كله بتكون مساعدتى الشخصيه 

جاسر : يعنى بتحبها وبعدين 

رحيم: احب مين يابابا انا مش بتاع كلام ده انت تعرف عنى كدا 

جاسر : ههه لا طبعا انا هقوم بدل مااتشل منك 

رحيم: روح يا اخويا مانت تعمل عمله وتهرب اشوف فيك يا بعيد 

جاسرنظر له : بتقول حاجه يا رحيم 

رحيم بخوف : هاااا لا انا بقول تصبح على خير 

جاسر ابتسم عليه وذهب على غرفته وبدل ملابسه ونام على السرير وافتكر غرام ولاحظتهم مع بعض ابتسم 

❤️❤️❤️❤️❤️❤️❤️❤️❤️❤️❤️❤️❤️ ❤️❤️❤️❤️

فى الصباح فى الكليه التجاره 

كانت تاج وصلت معاها مرام ودخلو المدرج 

شله بنات كانو قاعدين 

بنت ١: شوفته ايه اللى حصل امبارح فى حفله ساره مش تاج راحت شقته .....صاحب عمرو هو اللى قال لينا كدا 

بنت اخر : وعامله فيها الخضره الشريفه وصلت للشقق 

بنت اخر ٣ : اه شوفتى بنات اخر زمن 

تاج قامت خرجت بره المدرج وهى بتبكى بعد اللى سمعته ومرام جريت وراها 

مرام : تاج استنى رايحه فين 

تاج : اقسم بالله منا سايباه بقى انا يعمل معايا كدا ده انا هفضحه 

مرام : يا تاج اهدى مينفعش اللى انتى بتفكرى فيه ده وبعدين انتى مقولتيش لعمو عبدالله ليه 

تاج : اهدى انتى مسمعتيش باللى اتقال عليا بقى انا يعمل فيا كدا ماشى انا لازم اخد حقى بنفسى 

مرام: انا مقولتش متجيش حقك انا بقول ندخل عمو عبدالله هو اللى هيقدر عليه صدقينى 

تاج : يعنى انتى شايفه اقول لبابا 

مرام : طبعا لازم 

تاج : بس انا خايفه ميصدقنيش ويغلطنى 

مرام : لا صدقينى عمو عبدالله متفاهم واستحاله يجى عليكى 

تاج اقتنعت وقررت تقول لوالدها باللى حصل بص فجاءه لاقت حد بيقول : ليكى وحشه يا تاج عامله ايه من ليله امبارح وبيضحك ..

مرام اتصدمت وتاج التفت الى صوت لتنظر مين لاقت عمرو 

تاج بغضب : انت ومسكت ياقه قميصه : اه يا حيوان انا مش هسيبك بقى انت تعمل فيا انا كدا 

مرام: تاج سيبه بلاش فضايح وانت اي اللى جابك هنا 

عمرو باستفزاز : انا عملت ايه اصل مش فاكر حاجه 

تاج اتغاظت اكتر : انت هتستهبل اقسم بالله مش هسيبك 

عمرو قرب منها وهمس بودنها : طب تعالى يلا شقتى فاضي.. مانتى عارفه ودخلتيها قبل كدا ورينى ازاى مش هتسيبينى ههه... 

تاج متحملتش اكتر من كدا ضربته قلم على وجهه 

عمر وضع يده ككان ضربه ونظر لها بشر ومسكها من ذراعها جامد وقربها : بقى حته عيله زيك تضربنى بالقلم هدفعك تمن القلم ده قريب 

الحراس اسرعوا الى تاج ومسكوه عمرو بقوه 

حارس : انتى كويسه يا انسه تاج 

تاج : اه كويسه 

عمرو : وهو بيحاول يبعد عن الحراس : اوعو سبونى 

جاء اليهم دكتور وقال : اي ده فى ايه اللمه دى ايه اللى بيحصل هنا 

عمرو : الحقنى يا دكتور تاج بتتعرض ليا هى و حراسها عوزين يضربونى 

مرام : كذب يا دكتور هو اللى أتعرض لينا وعمال يضايقنا 

دكتور وجه كلامه لتاج : خليه الحراس يسبوه

... واتفضلى انتى وهو على المكتب العميد 

بالفعل الحراس سابوه وتاج وعمرو توجهو الى مكتب العميد 

مرام بخوف : اتصلوا على عمو عبدالله بسرعه وانا هروح مع تاج 

❤️❤️❤️❤️❤️❤️❤️❤️❤️❤️❤️❤️❤️ ❤️❤️❤️❤️

عند عبدالله كان بيمارس عمله رن هاتفه برقم الحارس 

رد عليه 

عبدالله : الو يا ابراهيم فى حاجه 

الحارس : باشا تاج هانم فى مشكله الحقها ومنهاره جدا ياريت تيجى فى اسرع وقت يا سياده اللواء 

عبدالله انتفض من مقعده بخوف وقال وهو خارج ليتجه آلة سيرته : انت بتقول ايه يا ابراهيم تاج فى مشكله انا فى مسافه السكه..... سلام 

وقفل وركب سيارته ليتجه الى الكليه 

💗💗💗💗💗💗💗💗💗💗💗💗💗 💗💗💗💗

فى المكتب العميد 

كان مرام وادهم وموسى مع تاج لان مرام راحت لادهم قولتله فراح معاها على المكتب العميد 

عمرو : البت دى بتتعرض ليا يا سياده العميد وانا معملتش حاجه حته اسأل صحابى هى اصلا بنت مش مظبوطه.... 

ادهم اول ماسمع الكلام ده مقدرش يمسك نفسه انقض عليه بضرب وموسى ودكتور بعده 

العميد : انت اتجننت يا ادهم ازاى تضربه قدامى اطلع بره يلا احسن ليك 

وبالفعل ادهم وموسى طلعوه 

دكتور : بص يادكتور كلام عمرو صح تاج هى اللى تعرضت له كذا طالب قال كدا ...

مرام بالدفاع: لا كذب والله هو اللى جه واتعرض لينا ضايقنا .

العميد: بس الحراس تبع الانسه تاج كان مسكوه واتعرضه له بالضرب عليه وطلاب كلها بتأكد الكلام ده وكمل بعصبيه..... انتو مفصلين احنا فى جامعه محترمه اتفضلوا تعالوا انتى وهيا تمضوا على فصلكوا من جامعه نهائيا ده عقاب ليكو لانكو تعرضتو لزميلكم يلا 

تاج ببكاء : بص احنا متعرضناش لي ...

عمرو: لا كدابه دى ضربتني حته اسألها كدا 

العميد: خلاص ده كلام نهائى انتو هتتفصلوا يلا تعالوا امضوا 

تاج : بس ده ظلم احنا معملناش حاجه .....

العميد: انتى اللى هتعلمينى احترمى نفسك يا بت انتى واعرف انك انتى بتتكلمى مع العميد شكلك متربتيش .....

كان وصل العبدالله الكليه واتجه الى مكتب العميد شاف ادهم بره قدام المكتب 

عبدالله: فى يا ادهم فين تاج وايه اللى حصل 

ادهم : احم بصراحه ياعمو انا هقولك عشان لازم تعرف 

عبدالله: قلقتنى فى ايه انا داخل اشوف تاج واعرف ايه اللى حصل 

ادهم : استنى قبل ماتخش لازم تعرف حاجه 

عبدالله: ايه قول قلقتنى 

ادهم حكى لعبدالله كل اللى حصل فى حفله العيد ميلاد وان عمرو اخذ تاج الشقه وان كان عاوز يتقرب منها 

ادهم : بص كدا يا عمو والنهارده أتعرض ليها تانى 

عبدالله كان عينه احمر وغضب جدا دخل غرفه العميد وفتح الباب بقوه وسمع جمله العميد التى قالها 

عبدالله بغضب جامد : لا متربيه ومش اى تربيه دى تربيه الغول انت مين عشان تزعق ليها بالمنظر..... لسه متخلقش اللى يخوف بنتى وتخليها تعيط كدا 

دكتور : انت مين يا استاذ انت ازاى تتدخل كدا 

تاج اول ماشافت ابوها حست بالامان جريت عليه وحضنته جامد وهو حاوطها بذراعه وينظر لعمرو بشر 

عمرو ساعتها اترعب 

عبدالله: عبدالله الشاذلى والد الانسه تاج 

العميد قام وتوجه اليه وقال : يا اهلا بسياده اللواء نورت احنا بنتأسف يابنتى مكناش نعرف انك بنت سياده اللواء 

عبدالله بغضب : طب لو هى مش بنتى كنت بردو هتسئ لتربيتها مش كدا 

العميد: اصل ااا 

عبدالله: اسمع بقى وشاور على عمرو : الواد ده يتفصل من الجامعه كلها الا اقسم بالله هقفلكوا جامعه دى كلها سامعين بنتى خط أحمر اللى يقرب عليها يبقى حكم على نفسه بالاعدام ونظر لعمرو بشر هو كان يقصده 

عمرو كان واقف مرعوب لدرجه انه بقى بيترعش من الخوف 

عبدالله بعد جملته دى خرج وكان ماسك ايد تاج 

عبدالله وقف امام تاج : كملى محاضراتك نبقى نتكلم فى البيت 

تاج حضنته بقوه وبدأت تبكى من تانى : تاج ارفعي وشك 

تاج نظرت له وهى منكسره : بنت الغول متتكسرش ابدا سامعه وبعدين فين تاج ام لسان طويل عاوزها تطلع دلوقتى 

تاج ضحكت : موجوده 

عبدالله: طب يلا روحى كملى محاضراتك وخدى بالك من نفسك 

تاج حضنتها وباسته ومشيت 

وعبدالله توجه آلى ادهم وحط ايده على كتفه وقال : مش عارف اشكرك ازاى يا ادهم لولاك كانت بنتى ضاعت منى 

ادهم : متقولش كدا ياعمو انا معملتش حاجه هو انت اكيد هتجيب حقها من زفت ده صح 

عبدالله بشر : هو انا هسيبه هوريه هعمل ايه الى يقرب على بنت من بناتى باكله باسناني ....انا همشى سلام وتشكر مره تانيه وابقى سلم على يونس 

ادهم: حاضر يا عمو يوصل 

خرج عبدالله وتوجه الى الفيلا 

❤️❤️❤️❤️❤️❤️❤️❤️❤️❤️❤️❤️❤️ ❤️❤️❤️❤️

نروح لجريده كانت غرام عندها اجتماع خلصته وذهبت على مكتبها واتصدمت من اللى شافته 

كان جاسر قاعد على كرسى مكتبها ومشعل سيجار وواضع رجله الاثنين على المكتب 

غرام بصدمه: ايده انت بتعمل ايه هنا واي المنظر ده اقوم من على كرسي بتاعى ونزل رجلك 

جاسر نظر اليها : طب خدى نفسك الاول ايه ماسوره اتفتحت 

غرام بغيظ : انت ايه اللى جابك 

جاسر قام وبدء يتوجه اليها ويقرب هو يقرب وهى تبعد لحد مالتصقت على الحائط حاوط ذراعه الاثنين ونظر لعيونها 

غرام وهى بتعد وشها : ابعد عنى قولت كذا مره متقربش كدا 

جاسر : مالك خايفه كدا ليه ...ليه ديما لما بقرب منك بتخافى كدا اجمدى شويه 

غرام وضعت يديه الاثنين على صدره لاتحاول تزقه بس مقدرتش لان حائط بشرى قدها مرتين 

غرام : ابعد بقى وبعدين انا مش خايفه انا بقرف منك 

جاسر: بتقرفى ليه ان شاءالله هو انتى حد قالك حاجه عنى 

غرام : اه وابعد عنى بقى لو انت هتفكر ان زى اي بنت يبقى متعرفنيش 

جاسر : لا عرفك على فكره من ساعت وانتى كنتى لسه فى بطن طنط ورد هههه 

غرام بغيظ : اوف اتفضل ابعد وقولى انت جاى ليه 

جاسر: لا مش هبعد ..وجاى ليه عشان اخد ساعتك لان هنروح التدريب سوا وله نسيتى 

غرام : اي ده انا نسيت موضوع تدريب ده خالص ...انا خلاص مش عاوزه ادرب 

جاسر: لا يا حبيبتى ماهو مش بمزاجك 

غرام سرحت اول ماسمعت كلمه حبيبتى منه قلبها دق بسرعه 

قطع لحظتها دخول سيلا ...وسيلا شافتهم بالمنظر ده اتصدمت 

جاسر بعد على طول وغرام خجلت جدا ونزلت رأسها بالارض 

جاسر: احم ازيك يا انسه سيلا 

سيلا بخبث : الحمدالله ازيك انت يا سياده المقدم خير حضرتك هنا ليه ونظرت لغرام بخبث 

جاسر : كويس احم اصل انا جاى عشان اخد الانسه غرام ونروح مع بعض التدريب وقال لغرام انا هستى فى السياره متتأخريش 

وذهب جاسر 

غرام بسرها : الله يخربيتك يا جاسر الكلب طبعا سيلا مش هتسيبنى فى حالى دلوقتى يعمل العمله ويجرى🙄 

سيلا : ايه يا غرام واقفه وسرحانه ليه روحى وراه عشات متتأخريش 

غرام : على فكره اللى فى دماغك مش حقيقه هو بس ااا 

سيلا بخبث: اهدى يا غرام هو انا قولت حاجه يلا عشان ميستناش الراجل كتير .....

غرام اتغاظت منها وأخذت حقيبتها وذهبت الى السياره وركبت 

💗💗💗💗💗💗💗💗💗💗💗💗💗💗💗💗

عبدالله ذهب الى الفيلا ودخل كانت ورد واقفه بتطبخ وبتمنى وتتمايل بخصرها فجاءه عبدالله حاوطها من الخلف 

ورد : حرام عليك يا عبدالله خضتني 

عبدالله: نفسى فى مره متتخضيش يعنى مثلا هيكون مين يجى يعمل الحركه دى غيرى 

ورد التفت له وقالت: معرفش بقى انا بتخض كل مره 

عبدالله غمز لها : وحشتيني ماتيجى البنات مش هنا ....

ورد ضربته على كتفه : يا راجل عيب احنا كبرنا خلاص ...يلا روح استريح عقبال ما البنات تيجى وناكل مع بعض

عبدالله: كبرنا ايه انا لسه فى عز شبابى 

ورد بضحك : ههه ماشى انا اللى كبرت روح بقى خلينى اكمل 

عبدالله: هو انتى ليه تكبري نفسك محسسانى انك عندك ٧٠ سنه ده انتى لسه تامه اللى ٤٢ سنه يماما احنا شباب 

ورد : هههه اعمل ايه ولادك هما اللى كبرونا خلاص على وش جواز 

عبدالله: مين دول على وش جواز 

ورد : غرام وديلان وتاج وسيلا ايه نسيتهم وله ايه 

عبدالله بغيره: لا يا ماما انا بناتى مش هجوزهم هيقعدو جمبى استحاله يبعدو عنى 

ورد بشهقه : يلهوى هتعنسهم جمبك وله ايه روح يا عبدالله نام شكلك تعبان وبدأت تخرف

عبدالله: لا مش بخرف انا بناتى مش هجوزهم هيفضلوا جمبى انا هروح انا تصبحي على خير 

ورد : يلهوى انا أول مره أشوف اب بيغير على بناته كدا اي ده ...

💗💗💗💗💗💗💗💗💗💗💗💗💗 💗💗💗

نروح لغرام وجاسر كانو وصلوا مكان التدريب وبدلو ملابسهم 

جاسر قال لغرام : ها جاهزه للماتش 

غرام: ها اااه بص براحه الله يخليك انا مش قدك 

جاسر قرب منها ومسك ايديها وقال : لما انتى عارفه انك مش قدى ليه ديما بتتحدينى يلا يا اختى هيبقى فى عقاب وله نسيتى 

غرام بلعت رايقه وصعدت للحلقه بتوتر وخوف منه 

جاسر بخبث : لو خايفه على وشك احميه !! 

غرام بغباء : ايوه يعنى اعمل ايه 

جاسر مسك كفيها ووضعه امام وجهها بحماية 

جاسر: قصدى كدا يلا هنبدأ 

غرام بخوف وقالت مع نفسها : ربنا يستر واطلع عايشه بعد الماتش ده يعنى هو انتى لازم تتحدى اهو هينفخك اشبعى يا غرام ...   

كانت غرام بتتكلم بهمس بس جاسر قدر يقرء حركه شفايفها وعرف بتقول ايه ابتسم 

جاسر بخبث : متخافيش اوى كدا هتطلعى عايشه ان يلا هنبدأ 

غرام بصدمه : اي ده انت سمعتنى ازاى 

جاسر : زى ناس انا بقدر اقرء لغه الشفايف.....المهم هعلمك الاول وبعدين نبدء الماتش 

بعد حاولى نصف ساعه علمها وطبعا غرام طلعت عينه عقبال ماعرفت تطبق وتفهم 

غرام : انا تعبت خلاص مش لازم الماتش انهارده معنديش طاقه 

جاسر بتعب هو الاخر منها : لا انهارده هبدأ يلا احمى وشك زى ماعلمتك 

غرام وضعت كفيها امام وجهه بخوف 

جاسر : ابدأى 

غرام لكمت جاسر بقوه وضربته ضربه قويه لدرجه انه ترنح جاسر من أثر ضربتها كانت سريعه فى حركتها ولم يتوقع هذا هو كان قاصد انه تلكمه بس عجبه انه ذكيه وفهمت بسرعه 

غرام كانت تلكمه وهى يسدد لها الضربات 

وافقت فجاءه بتعب وبتنهج ومش قادره 

جاسر : لا ابهرتينى طلعتى شاطره مكنتش متوقع بصراحه 

غرام خدت نفسها ونظرت له وقال : طبعا انا مش اى حد وانت عارف كويس انا بكون مين 

جاسر مع نفسه: يا سبحان الله هى قلبت على الغول كدا ليه دى نفس طريقته ايه البت دى 

وقال لها : طيب يلا نكمل ورينى قدراتك يا ست غرام.... 

غرام جريت عليه لتضربه فى وشه بس تفاداها ..... جت تضربه من الناحيه الثانيه بكوعها لاقته مسكها من دراعها ولفها وايديه حوالين رقبتها وضاممها وظهرها له واحكم فى مسكته ليها جدا وهى بتحاول تبعد عنه بس مش قادره عليه 

جاسر بهمس بجانب ودنها : لا عجبتينى بس بردو اكيد مش هتقدرى على النمر 

غرام فى لحظه قدرت تفك نفسها واتغاظت منه 

غرام بغيظ : طيب هنشوف ومره واحده قربت منه ولتضربه بس مش بتيجى فيه مع كل ضربه بتيجى فى الهوا لان طبعا بيعرف يتفادى الضرب بمهاره 

غرام وقفت بتعب خلاص تعبت وجاسر ابتسم 

جاسر : ايه تعبتى ده احنا لسه بنقول يا هادى اجمدى شويه...

قال جمله دى ولف واداها ظهره وقال لها وهو ماسك منشفه صغير لينشف عرقه ومره واحد لاقه اللى بيلوى ذراعه 

غرام بهمس فى ودنه وقالت : هااا وكدا قد النمر وله لا 

جاسر قدر يتخلص منها بسهوله وهو مسكها وقعها على الارض هى كانت تحتيه وهو فوقها وكانو ينظرو لبعض 

جاسر: لا ده احنا اتطورنا خالص 

غرام وهى بتحاول تزق فيه : ابعد يعم انت ..مانا قولت ليك انى غير اي حد وبعدين اوعى بقى لو حد دخل واحنا كدا هيفهم غلط.

جاسر وهو سرحان في عيونها لاول مره يدقق فى لون عيونها ووجهها الملائكى الطفولى 

جاسر: هيفهم ايه مثلا... واقرب منها اكتر ونظرعلى شفتيها جاء شعور له انه عاوز يختبر ملمسهم كان على وشك ان يقبلها بس فاق على ضربه من غرام ضربته ضربه قويه مابين رجله فبعد عنها وتألم 

قامت غرام وظبط حالها وكانت مكسوفه لانها كان خلاص هيقبلها كانت مستسلمه له بس فاقت على اخر لحظه 

غرام بغضب قربت من جاسر اللى قام وقف بغرور وله كأن عمل حاجه قربت منه غرام بغضب ومسكت تشيرته 

قالت بعصبيه: انت ازاى تتجرأ وتقرب منى كدا انت اتجننت

جاسر : احترمى نفسك واتكلمى بأدب ومسك يدها نزلها وكمل : شكلك ختى عليا اوى متنسيش نفسك انتى بتتكلم مع النمر يعنى لما تتكلمى معاه صوتك يكون واطى سامعه !!!

غرام : انا اتكلم براحتى وله نمر وله اسد يخوفونى انا ممكن اوديك ورا شمس انت اللى متعرفش انا ممكن اعمل ايه ....

جاسر باستفزاز : ههه ورا الشمس بجد انتى قد كلامك ده يا طفله والله ضحكتيني قولى كلام قدك يا قطه بلاش كلام أكبر منك ....

غرام بغيظ : متقولش طفله ...بنى أدم سمج وبارد 

جاسر قرب منها وقال : قولت احترمى نفسك انا صبرى نفذ خلاص بلاش تلعبي معايه لان قلبتى مش هتعجبك وانا مش حابب أذيكى

غرام بتحدى : ههه لا عاوزه اشوف قلبتك ورينى هتأذينى آذاى انت بوق ومتقد .اممممم

قطع كلامها بقبله من جاسر بتكون قبله فيها غضب وشوق وعشق ومشاعر متلغبطه بس هو كان مش قادر يبعد عنها كأن بيعقبها 

غرام اتصدمت من جرأته زقته بكل قوتها وبعدت عنه

قالت بغضب وهى بتمسح شفايفها بضهر يدها ونظرت له بغضب : انت ازاى تتجرأ تعمل كدا انت فاكرنى من البنات مقرفين اللى تعرفهم انت يا اخى ازاى تعمل كدا انا هندمك على حركه دى وهتشوف 

جاسر واقف نظر لها وكأن معملش حاجه وضع يده فى جيبه 

قال بستفزاز : متضايقيش نفسك انا مستمتعتش وبعدين انتى بتشبهى نفسك يا طفله بالبنات اللى اعرفهم يابنتى انتى متجيش حاجه ليهم 

غرام بغيظ : اتصدق انك بنى أدم مش محترم ومتربيتش ايه قله الادب دى ...

جاسر قرب منها ومسك ذراعها بقوه وقال بغضب: احترمى نفسك قولت بلاش تلعبي معايا مش هتلومى الا نفسك وكمل بخبث : وله شكلك موضوع عجبك وعاوزه نعيده تانى ما هو ده العقاب بالنسبه ليا وقال كلامته وسابها 

غرام بغيظ وخجل : انت وو

جاسر قاطعها : بصى كفايه اوى انهارده كدا بكره تيجى فى معادك ولو اتاخرتى دقيقه واحده متلومش غير نفسك سامعه وكان هيذهب بس وقف تانى

وقال : اااه بالنسبه لي انهارده فى الماتش والتدريب مش بطال محتاجه تشتغلى على نفسك اكتر انا مقدر انى قدك مرتين بس بردو لازم تحاولي يلا روحى بدلى ملابسك عشان اوصلك 

غرام : لا مش هروح مع واحد زيك فى حته انا هبعت رساله لبابا يبعت ليا الحراس انا مش ضامنه يحصل ايه تانى ...

جاسر : ايه هيحصل ايه يعنى وقالها بضحك وخبث

غرام : اتصدق انك بنى أدم مستفز جايب الاستفزاز ده كله منين ....وعلى فكره انا خلاص مش هاجى ادرب تانى مع واحد زيك هقول لبابا يشوف حد غيرك تمام وكانت ماشيه بس جاسر وقف امامها ...

جاسر : انا مش بحب اعيد بكره تكونى هنا على ساعه ٢ لو اتأخرتى متزعليش من اللى هيحصل ليكى ....وانا اللى هوصلك فروحى يلا بدلى ملابسك وذهب وسابها بدون ان يسمع منها كلمه اخرى.

غرام : اوف بنى ادم رخم وبارد وكملت وهى بتقلده و بتحرك يديها بطريقه مضحكه🙄: مش بطال قال محتاجه تشتغلى على نفسك قال..و معادك هنا ساعه ٢ لو اتاخرتى دقيقه متزعليش من اللى هيحصل ...... يارب صبرني هو انا عملت اي فى حياتى عشان اقابل البنى ادم البارد ده اكيد ابتلاء من عند ربنا 🙄🤔 ماشى يا جاسر لو مندمتكش على اللى انت عملته ميبقاش انا اسمى غرام حاضر استنى عليا 🤨🤌

ودخلت غرفه الملابس وتبدل ملابسها وكان جاسر بلحظه كانت واقفه وبتكلم نفسها وبتقلده كان واقف وقعد يضحك عليها 

جاسر بضحك : دى مجنونه اول مره بجد اشوف واحده كده 😂🤣

💗💗💗💗💗💗💗💗💗💗💗💗💗💗💗💗

فى المساء عبدالله دخل مخزن فيه شخص مربوط بسلاسل حديد وشخص ده كان وشه مش باين ملامحه بسسب علامات الضرب وتعذيب 

عبدالله جاب كرسى امام الشخص وقعد عليه 

عبدالله نظر له بشر وأخرج من جيبه علبه فيها سيجار ليأخذ واحده ويضعها داخل فمه ...نفث دخان فى الهواء ....بينما اخذ يتأمل هذا الشخص بنظرات شر 😈

وقال : يارب المكان يكون عاجب ساعتك ....

الشخص رفع رأسه ونظر له بتعب 

وقال : مش هسيبك ياعبدالله وهقدر اطلع من هنا بسهوله وهتشوف .......يتبع 

#للكاتبه جنه ياسر ✍️

💗💗💗💗💗💗💗💗💗💗💗💗💗💗💗

♥️البارت الخامس عشر ♥️

♥️روايه غرام النمر ♥️

( وقفنا فى البارت اللى فات ان عبدالله حابس شخص فى مخزن وبيعذبه )

الشخص قال : مش هسيبك ياعبدالله هقدر اطلع من هنا بسهوله وهتشوف وهندمك بقولك اهو تانى خلى بالك من بنتك غرام عشان بجد مش هتشوفها فاشبع منها كويس 

عبدالله ضحك بهستريه وقال : انت عبيط يا سالم يعنى بتهددنى وانت تحت ايدى......و بطل ضحك 

ونظر له بشر ومسكه من شعره جامد وضربه بوكس بقوه فى وشه 👊

عبدالله قعد يضرب فيه بغيظ وبعد عده وقت سابه وكان سالم مش قادر كان جسمه بينزف وعلى وشك ان يفقد الوعى .

عبدالله قال بشر : اقسم بالله لو قربت على بنتى لموتك واظن كنت هعملها قبل كدا بس المره دى هتكون بجد انا بحذرك ...انت هتفضل هنا لحد ماتعفن وتموت 

سالم بتعب وضحك باستفزاز : هههه ماشى هنشوف يا غول .

عبدالله اتعصب جامد وخرج بره المخزن وكان فى حراس كتير واقفين امام المخزن .

عبدالله وجه كلامه للحراس : تحطو عينكم وسط راسكو على الكلب ده سامعين!!

حراس: تمام يافندم متقلقش .

ذهب الى سياره وحركها وافتكر المقابله بتاعته هو وسالم وانو رفع مسدس عليه وهو كان طالب منه ايه

"فلاش بااااااك "

وصل عبدالله الى المكان الذي حدده سالم دخل فيه وجد سالم واقف ببرود .

سالم قال : اهلا يا غول نورت .

عبدالله توجه اليه واول حاجه عملها لكمه بقوه سالم وقع على الارض وبدأ ينزف .

سالم: هههه اضرب حته لو ضربت بردو مش هيكون حاجه من اللى انا عاملته فيك....ايه اخبار اختك ورقتها وصلت ليها اكيد هههه وله اقولك بلاش اختك اخبار الغول الصغير ايه بصراحه نسخه مصغره منك ده الواد معتز من ساعت ماقابلته وهو مش قادر ينسها ماتيجى نجوزهم لبعض اصل بصراحه هيا لايقه على معتز اوى ونبقى نسايب .

عبدالله متحملش اكتر من كدا مسك سالم وقعد يضرب فيه كأن بيبرد ناره اللى حاسس بيه .

عبدالله: لو قربت على بنتى صدقنى هقتلك بناتى خط احمر .

وبعد عنه سالم مكنش قادر ياخد نفسه من كتر الضرب وعبدالله بيحاول يهدى .

عبدالله امسكه من قميصه وقومه يقف وقال : قوم قول انت عاوز ايه بلاش تقولى عشان موضوع ابنك انك تخرجه ...انا وانت عارفين كويس انك ممكن تقدر تخرجه من القضيه بكل سهوله أنجز اقول التهديدات دى عشان ايه  .

سالم : ههههه ايه ده الغول استسلم بسهوله .....لسه زى مانت يا غول اكتر حاجه بيعجبنى فيك هو ذكائك ...اه بصراحه عاوزك فى حاجه تانيه وتهديداتى دى فعلا مش عشان تخرج معتز .

عبدالله جاب اخره وبيجز على اسنانه : اتزفت اقول عاوز ايه .....ماشى اضحك براحتك قريب جدا هتشرف جمب ابنك وهتشوف .

سالم : ههههه ماشى لما نشوف بص بقى انا عوزك فى صفقه كبيره مخدرات واسلحه وتجارة اعضاء هتدخل البلد بس طبعا انا مش هعرف ادخلها بسهوله  فأنا قولت مفيش غيرك ياغول اللى تقدر بكل سهوله تدخلها  ولو منفذتيش بنتك مش هتشوفها قريب طبعا انت عارف قصدى على مين فخلينا زى الشاطرين تنفذ اللى بقول عليه .

عبدالله جاب اخره وقال : مش الغول اللى يعمل زى ما انت عملت ويخون بلده .

سالم بخبث : ههه كلنا بيجى علينا وقت وبنضعف ... لما نشوف بنتك غاليه عليك وله لا .

عبدالله ٍمستحملش اكتر من كدا طلع سلاحه من جيبه وصوبه اتجاه سالم: مش عاوز تقول كلمه اخيره قبل ماتموت قولتلك نهايتك هتبقى على ايدى .

سالم : انا عارف انك تقدر تعملها هههه بس متنساش انى مش لوحدى وبعد موتى بنتك الحلوه مش هتقعد كتير .

عبدالله بنرفزه صوب سلاحه وانطلقت رصاصه 

بس على اخر لحظه جاسر وصل المكان ولحق عبدالله ورفع ايده بالسلاح فوق فى الهوى .

جاسر : يعنى لو مجتش كنت عارف ان ممكن تعمل كدا 

عبدالله بغضب: انت ايه اللى جابك .

جاسر : جاى الحقك يلا ياسيادة اللواء نمشى .

عبدالله: لا مش همشى غير لما اقتل الكلب ده .

جاسر بهمس : يا سياده اللواء افهم مينفعش اللى حضرتك عاوز تعمله ده هيضرك افتكر بناتك كده انت هتتأذى والبنات كمان هيتأذو ...متخفش احنا مش هنسيبه 

عبدالله نظر له واقتنع بكلامه 

جاسر نده على حراس ودخلوا 

جاسر: خدوا على المخزن الخاص لينا ويبقى له حراسه مشدده سامعين .

حراس : تمام يا فندم وخدوا سالم اللى كان فاقد الوعى اغمى عليه من الرعب اللى عاشوه هو كان فى لحظه هيموت .

وجاسر اخذ عبدالله وذهبوا 

باااااااك

💗💗💗💗💗💗💗💗💗💗💗💗💗💗💗💗💗

نروح فى مكان لاول مره نزوره مكان فى حته شعبيه بالأخص شقه بسيطه الحال كانت بنت قاعده فى غرفتها على سجاده الصلاه وبتبكى بحرقه .

قالت البنت : يارب انا تعبت من العيشه دى خلاص مبقتش قادره استحمل اللى بيحصل ليا ....انا اي ذنبى اعيش حياه كدا يارب تساعدني واقف جمبى انا مليش حد يوقف جمبى غيرك ''اللهم لا اعتراض على قضائك ولكن نسألك اللطف فيه'" 

( براءه عبد الرحمن : بتكون بنت بسيطه صارخه الجمال والأنوثة وهى فعلا بريئه اسم على مسمى عمرها ١٩ سنه تمتلك عيون خضر وشعر بنى غامق وجهه طفولى  ....امها منفصله عن ابيها من زمان ....امها بعد مانفصلت عن والدها تزوجت وسابت براءه. .....وابيها تزوج هو الاخر امرأة قاسيه مش بتحب براءه ديما معذبها وممسكاها شغل البيت كله هى بتكرها ...وبراءه مش مكمله تعليم بسسب مرات ابوها هى اللى خلت ابوها يقعدها )

دخلت عليها مرات ابيها باين على ملامحها القسوه 

قالت بغضب : انتى لسه يا مقصوفه رقبه ملبستيش حاجه زمان العريس على وصول ...عملالي يا اختى فيها مؤمنه وبتصلى .

براءه ذهبت لها وهى تجثو على ركبتها مترجيه لمرات ابيها .

قالت ببكاء: ابوس ايدك بلاش سيد ده متجوز تلاته دول ممكن يقتلوني انا موفقه اكمل حياتى خدامه تحت رجلك بس متجوزش سيد ده 

سمحيه مرات ابيها قالت وهى بتزقها برجلها بقسوه

وقالت : لا يروح امك انتى كدا كدا هتعيشى خدامه تحت رجلى حته بعد ما تتجوزى سيد يلا يابت قومى وبلاش جو امك المسهوك ده فاهمه ٥ دقايق لو ملبستيش هنده لابوكي هو اللى يتصرف معاكى ....

براءه مسحت دموعها وقفت امامها وقالت بشجاعه : انا أمى مفيش زيها انضف منك لما تيجى تتكلمى عليها ....تتكلمى عنها كويس مش زيك. ...فجاءه براءه صوتت كانت سميحه مسكت شعرها بقوه 

قالت بغضب: انضف من مين يا زباله ....ده احنا بقينا نتجرء ونرد لما تيجي تتكلمى مع ستك يازباله تتكلمى معاها بأدب مش سميحه اللى يتكلم معاها كدا وسابتها بقوه 

وبراءه مسكه شعرها بوجع ونظرت لها بوجع 

كملت سميحه وقالت : ولما انتى محموقه اوى كدا على امك وانها انضف منى وكويسه سابتك لينا ليه نشيل قرفك ونربيكى ....اخلصى يختى روحى البسى ولو مسمعتيش كلامى همسح بكرامتك الارض سامعه !!!!

وخرجت سميحه وهى خارجه قالت : بنات اخر زمن محتاجين يتولعوه فيهم .

براءه قفلت الباب وراها وجالست خلف الباب وضمت رجلها وقعدت تبكى على حظها عندها ام بس مش بتسأل عنها وأب عديم الرحمه بتبكى بحرقه على حالها وعلى العيشه اللى عايشاها 

براءه ببكاء : اعمل ايه بس انا تعبت مبقتش قادره اتحمل لا وكمان عاوزنى يرمونى لنار ويجوزونى لسيد اهئ اهئ انا لازم اهرب مفيش حل غير كدا ايوه لازم بس ههرب ازاى بس يارب ساعدني وخليك جمبى .

قامت براءه لتجهيز حالها خلاص هى استسلمت لقدرها اللى جاي عليها بزياده ديما عايشه حياه مش سنها بس هى ديما عندها امل وواثقه فى ربنا انو هيعوضها بس امتى الله اعلم 🤷‍♀️

💗💗💗💗💗💗💗💗💗💗💗💗💗💗💗💗💗

نروح لهشام فكرينه اللى بيدى المخدرات لادهم 

كان بيتحدث مع المجهول 

المجهول بغضب : يعنى ايه يازفت انت بقالك فتره مش بتدى ادهم المخدرات انت ازاى توقف من غير ماترجع ليا .

هشام: والله غصب عنى معرفش ايه اللى حصل ... بقى يتهرب منى مش بيرد على اتصالاتى و له حته المسج

المجهول: خلاص يبقى تروح له القصر او تاخده اى كافيه ....اتصرف كدا هو لسه المخدرات موصلتش لجسمه هبعت ليك جرعه أشد من اول مره هيكون مدمن تديه له الايام دى سامع !!

هشام : يا باشا بلاش جرعه أشد الواد لو راح فيها انا اللى هروح فى داهيه ..كمان اعفينى ده لو يونس بيه عرف باللى بيحصل مش هيسبنى فى حالى .

المجهول : بص يلا انا محدش بيقول لا انت نسيت نفسك وله ايه انت بتتكلم مع القرش يعنى فى قاموسى مفيش حاجه اسمها لا .

هشام: انا مش قصدى ياباشا  بس انا خايف من يونس الحديدى ومن النمر لو حد فيهم عرف انى انا السبب ان ابنهم يبقى مدمن مش هيرحمونى .

( المجهول لقبه هيبقى القرش بعد كدا لما يظهر تانى هكتب لقبه على طول )

القرش : بص يلا انا مليش دعوه بالعك ده انت تنفذ اللى انا بقوله  بكره الجرعه هتوصل ليك تتصرف تديله جرعه المخدرات الايام دى سامع الا لو منفذتش تقول على امك واخواتك البنات يا رحمان يا رحيم وانت عارف انى ممكن اعمل كدا بكل سهوله .

هشام بخوف : لا خلاص هنفذ كل إلا أنت عاوزه ياباشا بس بلاش أمى واخواتى ابوس ايدك .

القرش ضحك وقال : ههه شاطر يا هشام احبك وانت بتسمع كلام وقفل السكه فى وجهه .

هشام مع نفسه : الله يخربيت جبروتك ده اى ده اعمل ايه انا دلوقتى اجيب ادهم ازاى .

💗💗💗💗💗💗💗💗💗💗💗💗💗💗💗💗

نرجع لبراءه تانى كان سيد  وولدته متوجدين  وكان والد براءه قعد بيتحدث معهم ويتفقو ...

وكانت براءه فى المطبغ بتحضر حاجه تقدمها له وبتبكى 

براءه وهى بتضع العصير بالكوب : بالسم الهارى مش فاهمه نفسى اعرف واحد زيه متجوز تلاته يتجوز تانى ليه اهئ اهئ اعمل ايه لو رفضت بابا ممكن يقتلنى انا لازم اهرب قبل فرحى دول اتفقوا ان الفرح يكون الايام دى منك لله يا سمحيه انتى السبب فى كل حاجه 

قطع كلامها دخول سميحه لها 

قالت سمحيه لها : انتى واقفه بتتنيلى عندك بتعملى ايه كل ده بتعملى شويه عصير انجزى عشان تقدميه .

براءه مسكت الصنيه والتفت إليها 

وقالت لهل بقرف : طالعه اهو .

سمحيه بخبث : ماشى يا اختى يلا اااه صح هما خلاص اتفقوا بكره انا وانتى هننزل نجيب الشبكه والفستان عشان الفرح بعد بكره .

براءه بحزن  : بالسرعه دى ايه لدرجه عاوزين تخلصوا منى .

قالت الكلام ده وخرجت لخارج .

والد براءه : اهى العروسه جت اهى عشان ناخد رأيها .

سمحيه بتمثل: يلا يا حبيبتى قدمى العصير لخطيبك وحماتك واقفه كدا ليه .

براءه نظرت لها بكره واتجهت لهم لتقدم لهم العصير 

وبعد كدا جلست بجانب والدها .

عبدالرحمن والد براءه قال : ها يا براءه قولى رأيك موافقه مش كدا .

براءه نظرت على سيد بكره وهو كان ينظر لها بحب وشهوه .

براءه : موافقه يابابا بس عاوزه اسأل سؤال لسيد .

سيد : اوى اتفضلى يا ست البنات اؤمرى .

براء بقرف : هو يا ترى بقى زوجات حضرتك عارفين انك هتتجوز وله عامل ليهم مفاجأه .

سيد: هاا ههه طبعا عارفين معندهمش مانع يا ست البنات

براءه بقرف وقالت مع نفسها : بنى أدم سمج

وقالت له مره اخرى : وياترى بقى انا هعيش معاهم وله هيكون ليا شقه خاصه .

والده سيد : لا طبعا معاهم بس هيكون ليكى جناح خاص زيك زيهم عندك اعتراض .

براءه: اااه 

قطعتها سميحه وقالت بتنظر لها بغضب كأن يتقول لها اخرسى .

قالت سمحيه: هههه لا طبعا معندهاش اعتراض هى تطول دى هتاخد كبير الحاره منور يا سيد ههه

براءه اتخنقت سابتهم ودخلت غرفتها بغيظ 

قالت والده سيد : طيب نستأذن احنا بقى وبكره زى ماتفقنا هنروح بكره يا سميحه نختار الشبكه والفستان 

سمحيه: ماشى يا حبيبتي نورتو مبروك ياعريس 

سيد ضحك لها وقال : ههه الله يبارك فيكى يا خالتى 

ذهبو سيد ووالدته .

سميحه قالت لعبدالرحمن : عاجبك اللى بنتك بتعمله ده ينفع تسبهم وتدخل كدا الناس تقول عليها ايه .

براءه خرجت وكانت معاها شنطه سفر صغيره 

براءه : هيقولوا ان انا مش طايقه ووجهت كلامها لوالدها : بص انا استحملت كتير اوى ورضيت انا همشى واوعدك مش هتشوف وشى تانى انت عارف كويس انى مش موافقه على الجوازه استحاله اتجوز بالطريقه دى.

سمحيه: وهتروحى فين هو انتى عندك مكان تانى وله ليكون هتروحى لأمك اللى رمتك زى الكلبه لينا وراحت اتجوزت ....

براءه: اخرسى انا أمى ماسبتنيش انا أمى مفيش ذيها هتلاقى انتى السبب انها متسألش عليا كل المده دى 

قطع كلامها بصفعه قويه من والدها 

عبدالرحمن: اسمعى يابت انتى لما تتكلمى مع امك سميحه تتكلمى بأدب وغورى خشى على جوه مفيش مشيان.... انتى بكره هتنزلى مع سميحه تجيبو الشبكه والفستان والكلام خلص مش محتاجين رايك غورى يلا ....

براءه: نفسى اعرف انت اب استحاله تكون اب بجد نفسى احس فى مره انك ابويا نفس احس بحضنك نفسى احس بحنان الاب زى مالبنات بيحكوا عنوا عملت ليك ايه عشان تعمل معايا كدا ...يا اخى ده انت حرمتنى من كل حاجه دراسه وحرمتنى ...كل حاجه حرمتنى منها  ليه كدا حرام عليك ارحمنى بقى .

عبدالرحمن اتعصب وضربها بالقوه على وشها من كتر قوه القلم وقعت على الارض وقعد يضرب فيها برجله 

سمحيه كانت مبسوطه اوى بس مثلت وقالت وهى بتبعد عبدالرحمن عن براءه : خلاص يا عبدالرحمن كفايه هيا اكيد اتعلمت ومش هتعمل كدا تانى دة عروسه ومحتجانها بصحه كويسه ...تعالى يا خويا نخش اوضتنا روق كدا منك لله يابراءه عكرتى مزاج الراجل اهدى يا حبيبى....

 ودخلوا الغرفه....و براءه قامت بسرعه وفتحت الباب وخرجت منه لتهرب كانت بتنزف ومش قادره بس بقت تجرى بسرعه بطريقه مجنونه هى مش مصدقه انها خرجت من البيت . 

💗💗💗💗💗💗💗💗💗💗💗💗💗💗💗💗

نروح لفيلا عبدالله الشاذلى كانو الجميع قاعدين فى الريسبش ماعدا غرام كانت بغرفتها كانت وبتعمل فديو على التك توك وفجأه رن هاتفها برقم المدير 

غرام : يا ساتر هو بيتصل عليا ليه دلوقتى هو مش قادر يستنى لصبح اوف.... رددت عليه 

غرام: ازاى حضرتك يافندم 

المدير : كويس يا غرام المهم انتى مطلوبه بكره تعملى لقاء صحفى مع ظابط مهم جدا وقام بالمهمه صعبه ونجحت قبل ما تيجى الجريده تروحى تعملى لقاء الصحفي الاول .

غرام بخنقه ودبدبت فى الارض بقدميها مثل الاطفال وقالت: واشمعنى انا يافندم ماتخلى اى حد تانى انا مش بحب الظباط وبتخنق منهم .

المدير: ايه يا غرام انتى نسيتى نفسك وله ايه من امتى لما اطلب منك حاجه تعترضى عليها .

غرام : العفو يا فندم مش قصدى طيب اسمه اي الظابط ده .

المدير : بيكون سياده المقدم جاسر الحديدى ولقبه النمر اكيد عارفاه غنى عن التعريف .

غرام باتلقائيه 😳: نعم نعم قولت مين لا انا استحاله اعمل مع البنى أدم ده لقاء شوف حد غيرى 🙄

المدير بعصبيه: ايه يا غرام ماتحترمى نفسك ايه الطريقه اللى بتتكلمى معايا بيها دى متنسيش انى انا مديرك.  ...وانا مش باخد رائيك انك تروحى لا ده امر متكلفه بيه سامعه بكره تروحى اللقاء يا غرام سلام... دلوقتى وهيبقى لينا كلام تانى لما اشوفك وقفل السكة بوجهه.

غرام: استنى بس يافندم مش قصدى والله انت روحت فين الووو اى ده قفل فى وشى ....يعنى هو ملاقاش غيرى انا اللى اروح اعمل مع البنى أدم ده انا مش طايقه بعد اللى عامله ..

 .......وافتكرت ايه اللى حصل وانو قبلها 

فاقت بسرحانها على رنه هاتفها مره اخرى برقم مجهول 

غرام  : اي ده رقم مين ده لما اشوف يمكن المدير 

غرام رددت وقالت: الووو

المجهول قال 😉: يا اهلا يا قطه ازيك

غرام😒: مين معايا بقولك ايه لو متصل عشان تعاكس فى انا مش فاضيه خالص تمام........

وكانت هتقفل السكه 

المجهول: معقول مش عارفه صوتى ده حصل مابينا حجات كتير اوى 

غرام: انت مين يا جدع انت ..وبعدين هو ايه اللى حصل مابينا حاجات........ وركزت بصوت وعرفت هو مين 

غرام بغضب 😠: انت ...انت ازاى جبت رقمى 

جاسر: ههه ماشاء الله لا ذكيه عرفتينى  

غرام: رد عليا جبت رقمى منين 

جاسر باستفزاز : من سياده اللواء 

غرام : اى ده بابا يديك رقمى ليه 

جاسر: هههه اكيد مش هيدهولي كدا بسهوله انا خدته منه بحجه التدريب ....المهم عجبتك المفاجاءه ياقطه

غرام : مفاجأة ايه

جاسر : هو انتى متعرفيش 

غرام: ماتنجز هنفضل كدا كتير اقولك انا غلطانه انى لسه مكمله فى المكالمه .

جاسر: اه غلطانه .........يعنى انتى متعرفيش انك هتعملى لقاء صحفى معايا .

غرام: اه عارفه وانت عرفت منين .

جاسر: ههه مانا يا قطه اللى طلبت انك انتى بذات اللى تعمل معايا لقاء صحفى اى رايك مفاجأة حلوه مش كدا

غرام: اتصدق انك بنى أدم بارد ومستفز انت ازاى تعمل حاجه زى كدا ....طب عندا فيك انا مش هعمل لقاء 

جاسر: طب هنشوف ياقطه شكلك مستغنيه عن الوظيفه

غرام بغيظ: حد قالك قبل كده انك واحد مستفز وبارد 

جاسر: اه كتير بكره اشوفك يا قطه .

وقفل السكة فى وجها وقعد يضحك عليها بهستريه 🤣😂 جاسر: والله مجنونه انا شكلى هح..سكت فجأه وقال ايه اللى انا كنت هقوله ده فى ايه يا نمر فوق لنفسك ايه اللى بيحصل ليا ده .

جنه قالت اللى هيا انا 😂🧏‍♀️: ياخى كنت هتقولها خلاص ده انت مستفز وبارد على رأى غرام 🤣

اما عند غرام بعد ما جاسر قفل قامت بقت غرام تذهب وتعود فى الغرفه 🚶‍♀️ 

قالت غرام : اه خلاص مش قادره من الغيظ انا اول مره فى حياتى اقابل شخصيه كدا ده مجنون 🙄🤔

جنه 🙋 :- ده لو النمر سمعك انك بتشتميه هيعلقك بس انا هطلع جدعه ومش هقوله 🤣🤣🤣

اضحكو معايا وسيبكوا من المجانين دول 🤦‍♀️🤣

💗💗💗💗💗💗💗💗💗💗💗💗💗💗💗💗

نروح لبيت براءه كانت سميحه خارجه من الغرفه وهى بتتحدث مع عبد الرحمن .

سمحيه : خلاص هدى أعصابك انا هروح اعملك شويه شاى .

خرجت ونظرت لباب لاقته مفتوح .

سميحه مع نفسها: اي ده الباب مفتوح ليه ليكون البت هرب ذهبت إلى غرفتها لاقتها فاضيه .

قالت : هههه شكلها هربت ماشى يا براءه انا هوريكى انا هعمل فيكى ايه دلوقتى ......ذهبت إلى الصاله مره اخرى .

قالت: الحق يا عبدالرحمن .

عبدالرحمن طلع لبره قال : فى ايه يا وليه بتصوتى ليه

سميحه وهى بتلطم قالت : الحق بنتك يا خويا شكلها هربت .

عبدالرحمن: هربت ايه انتى اتجننتى هتلاقيها فى اوضيتها وله حاجه .

سميحه: لا يا خويا شوفت الاوضه فاضيه والباب مفتوح يبقى هربت هتجيب لينا العار الناس فى الحاره مش هتسبنا هنعمل ايه فى بكره المفروض كنا هنروح نجيب الشبكه والفستان .

عبدالرحمن: اه يا بنت كلب هى ازاى تعمل كدا انا مش هسيبها بس هى هتروح فين .

سمحيه بخبث وهى بتقرب عليه 

قالت : بص يا خويا انا لازم اقولك الحقيقه هى اكيد مهربتش لوحدها انا شوفتها بتكلم مع الواد مرسى يلهوى مش عاوزه اقولك كنت بشوفهم بيعملوا حاجات ...استغفر الله العظيم يا رب .....عشان كدا يا خويا هيا مش موافقه على جوازها من سيد لانها بتحب الواد مرسى واكيد هربت معاه ....

عبدالرحمن: انتى بتقولى يا وليه انتى ....ده لو الكلام ده صح هموتها فى ايدى .

ذهب الى المطبخ وجاب سكينه وخرج

سميحه: يلهوى رايح فين يا خويا استهدى بالله مش كدا 

عبدالرحمن: اوعى من وشى انا هقتلها واغسل عارى 

ونزل لتحت ليدور على براءه اما فوق عند سميحه 

قالت : يارب يلاقيها هههه ده انا ممثله بارعه ايده ألفت قصه فظيعه يلا خلينا نخلص منك يا براءه اما اروح اعمل كوبايه شاى .....

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

عند براءه كانت بتجرى بسرعه جامد خرجت خارج الحاره وصلت لطريق عام هى واقفه مش عارفه وخايفه قررت تعدى شارع لان تركب اى  ميكروباص 

وهى بتعدى فجاءه فى عربيه جايه بسرعه عليها وبراءه خافت ووقفت مكانها ثابته استسلمت لموتها 

براءه: وضعت يدها إماما وجهها : اااه .....يتبع 

تكملة الرواية من هناااااااااا