روايه بعت نفسي الفصل 114-115-116-117-118-119-120-121بقلم نسرين بلعجيلي (جميع الفصول كامله وحصريه)

 روايه بعت نفسي الفصل 114-115-116-117-118-119-120-121بقلم نسرين بلعجيلي (جميع الفصول كامله وحصريه) 

روايه بعت نفسي الفصل 114-115-116-117-118-119-120-121بقلم نسرين بلعجيلي (جميع الفصول كامله وحصريه) 

رواية بعت نفسي ............... بقلم نسرين

================ـ

الحلقات ال 114 و ال 115  و ال 116

______________________________ـ

رواية بعت نفسي الحلقة المائة وأربعة عشر

---------------------------------ـ

أدهم رفض يتكلم مع فارس وأكرم علي اللي عملوا مع كامليا هو كان مرتب كل حاجة من ساعة ما الشغالة بلغتو بي اللي سمعته من كامليا لما كانت بتكلم أمها وعرف انها شالت الرحم

حاول يمسك نفسه عليها، ومايتهورش ويركز يرجع مليكه، وعمل خطة علشان توقع عصمت وخالها بعد ما عرف الصفقة المشبوهة اللي كانت بتحضر ليها اتفق مع سيف وحطو أيديهم في إيدين بعض بس ادهم ماقالش ليه علي عمايل بنتو سيف كان عايز يطلع من حبل المشنقة اللي لاف حوالين لقيتو من عصمت، ومن تهديداتها ليه كل شوية

هو معملش كده علشان كلام مليكه، رغم أن كلامها، وجعو أوي وعرف أنها صعب ترجع زي زمان مليكه دي هو ما بيعرفهاش مليكه بقت عامله زي القطة المسعورة عماله تخربش يمين وشمال علشان تداوي جروحها هو متابع مع الدكتورة النفسية اول بي اول فاهم حالتها ومقدر ضروفها و بيكرهه نفسه كل لحظة لما يفتكر عمل فيها أية حاول يكفر عن ذنوبه بينو وبين ربنا استغفر كثير وتاب توبة نصوحة واخد عهد إنو يساعد مليكه تتجاوز أزمتها النفسية وتتعالج ويحطها على طريق الأمان والصح يخليها تحقق أحلامها يحميها من نفسها، ومن اللي حواليها يكون جنبها في لحضه، وياخد اولادو في حضنو يربيهم صح

فاق من سرحانو وهو كان لسه واقف على شباك غرفة رحيم

لحد ما حس بي أيد فوق كثافة

**شريف حاسس بي ايه؟؟

**أدهم الحمد لله كل واحد بياخد جزاتو

دا رد حقي طول السنين

كامليا آذتني كثير فرضت نفسها عليا خلاتني أحس أني حيوان لما قربت منها، وضيعت شرفها حاولت أعاملها بما يرضي الله حاولت أضغط على نفسي وأقرب منها كنت بقتل روحي معاها ومكانتش بتفهم يعني إيه قلبي وعقلي مرتبطين بي وحده تانية وفرت ليها عيشة كريمة طلباتها مجابة بتلبس أحلى البراندات حرية مطلقة كتبت ليها شاليه كانت حاتتجنن عليه في الساحل في عيد ميلادها، في حين مراتي مش لابسه كويس ولا مرتاحه هي و اولادي وبتشتغل ليل نهار اخدت حق مش حقها آذتني في اسمي، وسمعتي لما كانت بتروح سهرات مشبوهة وألحقها من الفضيحة حاولت أعالجها نفسيا، ومن الإدمان بس هي مكانتش عايزة تساعد نفسها

طول، فترة جوازنا مرة وحده غلطة مع وحده علشان أعرف أنا فيا إيه ليه معنديش رغبة ليها جسمي رافضها مش طايق لمستها

بس يشهد عليا ربنا كنت حاسس بي ذنبها وذنب مليكه عمر ما كانت ليا علاقات نسائية ولا كنت بسهر، ولا أسكر حاولت اخليها تعمل مشروع بس للأسف مشروعها كان ازاي تدمرني

أنا مش ندمان دا حقي، ورجع ليا سرقتني وخانتني كفاية إني ماحطتش أيدي عليها اللي زيها تستاهل الموت بس بعيد عني اللي حاشني عليها مليكه فكرت لو عملت فيها حاجة حاسيب مليكه وولادي لمين؟

هو دا أحسن حل هي اعترفت بي الخيانة لي اخر لحظة كنت حاستر عليها علشان بنتها

**شريف خد حقك واستر عليها يا أدهم عندك بناتك حايتأثرو بي السمعة الوحشة

**أدهم ممكن دا اعملوا كفاية فضحيتها قدامنا حتنازل عن محضر الخيانة الزوجية وألم الموضوع بس حقي في سرقة سنين عمري لا

وحرماني من مليكه لا

ولا من أولادي لازم تدفع الثمن مش مهم عندي حاجة تانية بنتي في حضن عارف قيمتها ادعيلي يا شريف يحنن قلب مليكه عليا بتعذبني آوى حاموت عليها ومش عارف أطولها ولا أرضيها وخايف عليها أوي من نفسها اللي عايزة تنتقم

في مركز الطبي

**مليكه بص يا دكتور بعد اللي حاكيتو ليك أنا بقيت خايفه من أدهم هو عندو عقده من الخيانة

**أمجد كانت عندو يا مليكة حضرتك لحد دلوقتي مش عايزة تقتنعي إنو أتعالج أدهم مش مريض نفسي وإنما كانت حالة نفسية نتيجة صدمة

**مليكه كلو زي بعضو في اخر مريض

**أمجد يا مدام مليكه مين فينا مش مريض بس بجد خليني أشرح ليكي الفرق

ادهم لما اتولد كان طفل طبيعي جدا أبوه وامو وأخوه ماتو في حادثة عربية

حصلت ليه صدمة من غير كلام جدو علي أمو

جدتو تعبت ماتت

طفل يفقد أمو و جدتو ومعاه عصمت بكل شرها

كمل دراسته

ومسك شغل أبوه وهو لسه شاب صغير

أتعرف علي غادة اللي عرفت تستغلوا عارفة إنو يصرف عليها نص ورثوا ويحافظ عليها أدهم مكانش عندو علاقات، وهي دمرتو بي الخيانة

وحاجة كمان ممكن أنت ماتعرفيهاش قبل جوازو منك ادهم معملش علاقات مع ستات كثير هو دكر ليا 3 فقط

آه كان يسهر ويسكر ويجيب ستات بس مايقربش منهم لانو كان بيقرف منهم بس كان بيعمل كده علشان يثبت لنفسه إن الستات كلهم خاينين وللأسف كان بيوقع بس في ستات وحشة أو اللي كانو عينهم منو ياخدهم الشقة بس علشان يحسسهم بي نقص لحد ما وقعت في طريقه لو كنت وافقت مكانش حايقرب منك دا كان اعتراف قوي بس لما وقفتي ضدو هنا حطيتي إيدك على جرحو اللي بينزف حاول معاكي بالطرق كلها بس أنت كنت ثابتة في موقفك هنا حصل صراع داخلي لي أدهم خلاه مش عارف يصدق إحساس أنك فعلا شريفة ولا يصدق كلام عقلوا اللي بقولو الستات كلهم خاينين

أتجوزك واتصدم ليلة الدخلة لانو كان مراهن عليكي بين قلبه وعقلوا ادهم عجبتو شخصيتك جدا مش حاقول حب من اول مرة بس في حاجة شدتو ليكي زي المغناطيس وكاين عايز يكسرك بس كسر نفسه حبك من زمان من الأيام أولى لي جوازكم شاف، فيكي حنيه أمو و جدتو تعاملك معاه رجعتي ليه ثقته بنفسه وبقا في دوامه ازاي يطلقك وهو مش عايز أتعلق بيكي بعد السفر قرر إنو يعترف بيكي مليكه هو عرض نفسوا للخطر علشانك علشان يحميكي لما اتقلبت بيكم العربية جا واحد كان عايز يقتلك بس هو خباكي تحت جسمه ووقعوا عليه الصخرة على ضهرو والباقي أنت عارفاه لما شافك في اليله السودة دي أكد ليا مكانش حايقتلك بس لما لف وشافك مش موجودة ضرب أكرم لانو من جواه قال ممكن هو اللي أجبرك أو بحبك بس أنت ماشكش، فيكي

**مليكه معلش يا دكتور مش مقتنعة

**دكتور أمجد من حقك وأنا كمان ما كنتش مقتنع بس أقنعني هما 10 سنين وأنا معاه وارجع اسألوا ونفس الجواب عندو طول الوقت لما بعدتي أخدتي روحو وقلبوا وعقلوا دفن نفسو في الشغل بعد اليله دي تعب جدا رفض يعيش رفض يعمل العملية ادهم حاول ينتحر مرتين

**مليكه ازاي ماحدش قالي ولا هو جاب ليا سيره

**الدكتور أمجد ومش حايقولك علشان مايبانش ضعيف قدامك وأنت تكتمي السر بينا بعد شهر من هروبك شرب كمية أدوية كثيرة وجدو جاب ليه دكاترة كثير انقذوه

بعديها بشهرين لما عرف أنك سقطتي البيبي كسر كل أزاز وضرب إيدو ولحقوه استعان بيا رحيم علشان اساعدو ابتديت معاه جلسات كان بعيط ليه سيبتيه كان عامل زي الطفل اللي أمو هربت عليه

ممكن أنت عيشتي حياتك تأقلمتي مع الظروف هو لا حتى لما اتجوز كامليا ماقدرش يكون زوجها بجد

أدهم طول الوقت بدور عليكي

*مليكه حضرتك بتحاول تبرر ليه كل حاجة عملها من ضرب إهانة عارف إنو اغتصبني؟

*الدكتور أمجد مليكه هو اغتصب غادة مش مليكه مكانش شايفك خالص دي حالة نفسية كان جاتلو لحضتها، وندمان عليها لحد دلوقتي أنت من حقك تسامحي أو لا بس اللي بطلب منك بلاش ظلم كفاية اللي شافو الوقت اللي احنا بنتكلم فيه تم القبض على كامليا

*مليكه ليه؟؟

*الدكتور أمجد أدهم بلغ عنها من ساعة ما عرف بي خيانتها واللي عملتو وهو بخطط ليها من زمان لحد ما اعترفت بي الخيانة وسرقة وبلاوي كثير كان مطمنها إنو مش حايطلقها عارفة إنو يكلم وحده بتخونو إنو يمسك نفسه من غير ما يتهور دا في حد ذاته علاج نفسي إنو يعرف يتحكم في تصرفاتو لما قالي خفت الحالة ترجع ليه بس هو طمني قالي أنا مش وحدي في مليكه وولادي

اللي عندك أنت خوف رهبة يتعالج بكل سهولة

فضلو كثير يتكلموا معاها هي طلعت من عندهم، وأخدت قرار مع نفسها

رجعت القصر غيرت طلعت الجناح كان أدهم بيعمل شاور

راحت هي البلكونة تفكر في الكلام كله اللي حصل وعرفت أنها كانت قاسية عليه في الكلام، وعرفت أنه من زمان بخطط

انتبهت عليه وهو بكلمها بي لهفة لما شافها مغمضة عينيها وسرحانه

*أدهم أنت كويسه؟؟

*مليكه لفت عندو العلاج دا بيتعبني بخليني افتكر الحاجات الوحشة

**ادهم معلش افتكريهم مرة وحده، وانسيهم حاتنزلي معايا تستقبلي أهلي هما 5 دقائق، ويوصلوا

*مليكه هو أنت سجنت كامليا؟؟؟

*أدهم آه أصل لاقيت نفسي مش راجل قولت اسجنها ممكن صورتي تتصلح قدام عينيكي

*مليكه بلاش تريقه في الكلام ماتنساش إنها أم بنتك

*أدهم مش ناسي

*مليكة استر عليها علشان بنتها ملك عمرها ما حتسامحك أنك تشوه صورة أمها مهما كانت دي حملت وولدت

*أدهم بس لا رضعت ولا سهرت ولا ربت

*مليكه مهما كان أم شيل تهمة الخيانة ولو قادر تسامح سامح

*أدهم لا مش قادر أسامح

**مليكه وليه بتطلب مني اسامحك؟!؟!

*أدهم من غير ما تحطي نفسك في مقارنة مع الموضوع

أنت مش حتسامحي وأنا عارفت دا انهارده

*مليكه كويس حاغير هدومي وانزل

*أدهم حستناكي، وننزل مع بعض

دخلت دريسنج لبست فستان في الوردي الفاتح، وطلعت عندو

*ادهم ممكن امسك إيدك واحنا نازلين ولا ممنوع؟؟

مليكه مدت أيديها ليه باسها وطلعوا

في الوقت اللي عمامو دخلوا القصر،

وشافو ادهم نازل هو مليكه

ادهم حضنهم أوي من كثر اشتياقو ليهم

*عمار يا مشاء الله يا أدهم كبرت

*أحمد هي دي مراتك مليكه؟؟

*ادهم بص ليها بفخر أيوه يا عمي، وراح عندها مسك أيديها

**أدهم أعرفك دا عمي أحمد ومراتو صفية

سلمت عليهم

ودا عمار مراتو كوثر

*فارس دول أبويا وأمي يا مليكة

**مليكه أهلا وسهلا

*فارس دي أختي ليلى ودا اخر العنقود ريان

* صفيه يا زين ما اختارت يا أدهم كنت حالفه ميت يمين مدخل القصر، ولا أسلم عليك ولا علي المحروقة الثانية بس القمر دا يستاهل بوس وأحضان وحضنتها

*أمنية كفاية يا ماما بوس وأحضان خلينا نتعرف على الجميل اللي قلب الموازين وخلانا ننزل علي ملا وشنا مصر

*صفيه دي المجنونة بنتي كنت عايزة أجوزها لي أدهم بس طلع مايستاهلش

*أمنية ماما عيب لا البنت تصدق وتقلب علي ابن عمي أوعى تصدقي دا زي أخويا

يتبع….

الفصل التالي :

______________________ـ

رواية بعت نفسي الحلقة المائة وخمسة عشر

------------------------------ـ

أتعرفو على بعض في جو أسرى اللي كان ناقص القصر،

واتغدو كلهم مع بعض في سفره كبيرة في جنينة القصر

وطلعوا يرتاحوا من السفر وبعدين يروحو.المستشفى

أدهم اخد عيله عم محمد يتفرجوا على الفيلا ومليكه كانت اول مرة حاتدخل ليها

طلعوا من الجنينة على الفيلا ودخلوا جوه

**صباح اللهم صل على النبي إيه الحلاوة دي

** ادهم اتفضلو

و فضلو يشوفوا الغرف كلها كانت فيلا مودرن وحلوه

سها كانت منبهرة

وفضلت تفكر إن هي كمان عايزة تعيش عيشة ملوكي وأول واحد جا في بالها فارس،

رغم أنها لاحظت التجاهل بتاعو ناحيتها

**يوسف مش فاهم إيه الفرش اللي انت عايز تجيبوا الفيلا تمام ؟

**ادهم يمكن مليكه عندها رأي ثاني

نطلع نشوف غرف النوم ياسين كان حزين على مليكه أوي بعد اللي حكاه ادهم ليه وطريقة كلامها معاه فا ماحبش يتكلم وقرر إنو تاني يوم يرجعوا القاهرة وحتى أدهم ما حاولش يحتك كثير بمليكه سابها على راحتها أما هي، رغم كل اللي بيعملوا مش حاسة بسعادة بس على أقل قالت إنها تعيش في مكان بعيد عنوا

**صباح اللي واخد عقلك يا بنتي؟؟

** مليكه مافيش

**صباح أتمنى بجد قلبك يرجع زي زمان معلش أنا ست كبيرة بس نضرتي ما بتخيبش الدور اللي انت عايشاه حايخسرك كثير

راحت، وسابتها

أدهم قرب منها

**ادهم لو عندك أي اقتراح أو عايزة تغيري حاجة

**مليكه لا

كان في جناح كبير اللي هو الرئيسي

وغرف الأطفال كل واحد اختار غرفتو بنفسو

جات سها عند مليكه

**سها هو أنا ممكن أطلب منك طلب؟

**مليكه طلب آية ؟؟

**سها يعني مشاء الله الفيلا كبيرة وحاتعيشي فيها مع أولادك إيه رأيك تكلمي جوزك يشغلني في شركته وأعيش معاكي هنا أنت عارفة إني مرتبطة بيكي وانت أمي اللي ربتيني

مليكه بصت ليها بصه غريبه لدرجة سها اتخضت وقالت بسرعة

**سها أكيد عبد الرحمن نفسه كمان يعيش معانا هنا قولتي إيه؟؟

**مليكه قولت بكره سافري أنت واخوكي وشوفي شغلك هناك،

وراحت و سابتها تحت صدمتها معقولة هي دي مليكه

خلصوا جولتهم، وراحوا المعرض مليكه كانت متحفظة جدا في كلامها مع الكل وسرحانه بس وقفت في مكان بعيد وهي شايفة ضحك أدهم مع أولاد وهما بيختارو السرير قربت منها سارة

**سارة في إيه يا مليكة ؟

**مليكه مخنوقة أوي

**سارة من أية؟؟

**مليكه من كل حاجة شايفة الكل مبسوطين بي اللي بيعملوا أدهم بس أنا لا الفرحة دي كنت عايزة أعيشها زمان مع أمي بس دلوقتي مالهاش لازمه

**سارة أنا مش حاقولك انسي الماضي لأن دا جزء من حياتك بس حاقولك عيشي حياتك بيه أو من غيرو استمتعي بي كل لحضه حلوه اختاري العالم بتاعك حققي ذاتك مش هو بحاول يعوضك اقبلي العرض بتاعو وعيشي كملي دراسة شوفي شغلك اشغلي وقتك مش هو كتب ليكي المطعم واشترا ليكي البوتيك

ابقي طوري نفسك و اقفي على شغلك وأنا أساعدك جيبي ناس يساعدوكي وادهم مش حايبخل عليكي بي معلومه الكل عارف إنو شاطر

هو حطك على الطريق أنت بقا كملي واثبثي لنفسك و لي الناس أنك مش فاشله ولا مستسلمة ولا غلبانة وإنما ست قوية

تعالي اختاري غرفة نومك اللي حتنامي فيها مرتاحة بيه أو من غيرو عيشي السعادة بلاش دور الضحية وأنك ضحيتي دا عدا، وفات واللي جاي كلو ليكي أنت وبس أسلوبي طولك وقولي أنا مليكه الرشيدي قادره أحقق حلمي بتاع زمان ريحي نفسك وريحي أمك في قبرها لما تشوفك كملت دراستك

كلام سارة أثر علي مليكه، واقتنعت بيه

أما سها راحت اشتكت لي صباح وياسين اللي استنكروا كلامها بس الوقت نفسه استغربوا من ردة فعل مليكه

سها اختارت عفش الشقة في القاهرة من فرع هناك

راحو المستشفى

كان رحيم فاق ومبسوط بي أولادو مكانش بيقدر يتكلم بس دموعو كفيله علي إنو ندمان و بيعتذر

سيف زعل علي بنتو، وبعث ابنو رامي مع محام كبير بس للأسف القضايا عليها أدلة أدهم أتنازل على قضية الخيانة بي مساعدة الضابط حسام لمو الموضوع

كامليا كانت مصدومة بس اعترفت بلي تعرفوا وأنها ماكنتش تعرف بي العمليات المشبوهة هي كانت تنفذ أوامر أمها وكانت تسحب فلوس من عند أدهم وتسرق ملفات من الخزنة وعصمت كانت بتبيعها المنافسين لي أدهم في السوق خلوها على ذمة التحقيق 4 أيام بس أخذوها زنزانة تانية بعيد عن أمها

أما عصمت فضلت تنكر التهم كلها

عمام ادهم أقنعوه إنو ما يأجلش افتتاح المصنع، ويسيب كل حاجة زي ما هي أكرم كان عايز يفهم آية الملفات اللي عصمت كانت ماسكاها علي جدو، وطلب من أدهم أنهم يفتحوا الخزنة اللي في جناح رحيم

ادهم بعد تردد وافق

بعد ما الكل نام

راحو جناح رحيم، وفضلوا يدوروا على المفاتيح كثير والرقم السري لحد ما حطو تاريخ وفاة جدتهم والخزنة فتحت

كانو فيه ملفات كثيرة

**أكرم أنت مش فاهم حاجة إيه كمية العقود دي؟ وفيها عقود بي اليوناني

**أدهم بص هنا دا تنازل من جد عصمت لي جد جدنا

**أكرم تنازل!!!!!

**أدهم أهدأ في العقد سنة 1952 الجد تنازل على القصر

**أكرم قصدك بعد ثورة يوليو 1952 لما تولى الحكم جمال عبد الناصر، ومغادرة اليونانيون بس جدك بقول إنو جدك اشتراه بعد مع خسر في القمار

**أدهم ممكن دا تعويض الخسارة

**أكرم في القمار ؟؟

**أدهم آه

**أكرم وأنا بقول لعنه القصر جايه منين علي كده عصمت عندها حق إنو دا قصر جدها وهما خدوه

**أدهم بص هنا كانت فيه شركة في الإسكندرية واتصفت سنة 1960 بي اسم أبو جدنا و الاسامي دي يمكن أهل أم عصمت

**أكرم وهنا اسم أبويا وأبوك

**ادهم هي الحاجات دي راحت فين؟؟

**أكرم يعني عصمت قتلت أهلنا علشان الورق دا

**أدهم وجدك عارف؟؟

**أكرم الله أعلم بس عايز أعرف إيه المستندات اللي عصمت بتهددو بيهم لانو جدك مستحيل بعد جبروتو دا كلو يخلي عصمت تتحكم فيه وخاصة لما جدتك اتوفت

**ادهم الوقت دا جدي تعب، وماكنش بقوم من على السرير، وعصمت مسكت الشركة احنا ناخد الورق كله دا ناخدو المحامي يمكن عارف حاجة

**أكرم آه وبكره نكلم عمامك نفهم منهم وليه لما عرفوا أن سيف حرق الورق وعصمت اتقبض عليها رجعوا

**أدهم إن شاء الله

**أكرم إخبارك أية مع مليكه ؟؟

** ادهم علاقتنا بقت وحشة أنا مطول بالي عليها

مليكه كانت على سجادتها

**مليكه

حي يا قيوم برحمتك أستغيث أصلح لي شأني كله، ولا تكلني لنفسي طرفة عين.

اللهم أخرجني من حول نفسي وقوتي إلى حولك وقوتك يا أكرم الأكرمين.

اللهم، اجعل لي من كل هم وغم فرجاً ومن كل ضيق مخرجًا، ومن كل ذنبً ِسترا، ومن كل عسر يسرا، وإلى كل خير سبيلا.

يا رب قوني في ديني، وأعني على قضاء ديني.

اللهم أعوذ بعزتك وجلالك من شتات الأمر ومس الضر وضيق الصدر وعذاب القبر وحلول الفقر وتقلب الدهر، ومن العسر بعد اليسر، ومن العقوق بعد البر وامنن علي بدوام العافية والستر

يا رب اعملي اللي فيه الخير ساعدني أتخطي الأزمة دي

هنا حست بي ادهم دخل الجناح مسحت دموعها، وقامت

ادهم شاف عينيها حمرا جدا يعني بقالها، فترة بتعيط

**ادهم أنت كويسه؟

**مليكه الحمدالله

وراحت قلعت الأسدال الصلاة ودخلت الحمام غسلت وجها، وطلعت

كان أدهم بدخن في البلكونة وبفكر في حالة مليكه اللي مش عاجباه

حالتها بس قرر يسيبها على راحتها

ثاني يوم

الأولاد كان اول يوم لهم في المدرسة راحت معاهم مليكه، وأدهم

أولاد كانو مبسوطين أوي بس مليكه قلقانه وهما راجعين

**أدهم ممكن نفطر مع بعض علشان نتكلم في مكان هادئ

**مليكه ماشي

**أدهم نروح المطعم بتاعك نطلب فطار ولازم تتعرفي على الناس هناك، وتفهمي الشغل عامل ازاي لازم تشغلي وقتك والأيام الجايه حاتستلمي المحل بتاعك،

وصلوا المطعم وقف قدام الباب لما شافت يافطة مكتوب مطعم الملكة

**ادهم إيه رأيك؟؟

**مليكه ليه غيرت الاسم

**ادهم لايق اسم عليه علشان انت مليكه الملكة دخلوا جوه طلبوا فطار

**أدهم حالتك مش عاجباني مش انت مليكه

**مليكه عندك حق حاسة نفسي مش كويسه خالص

**ادهم إيه اللي يريحك ؟؟

** مليكه اللي يريحني مش حايعجبك

**ادهم أتنهد وانا عايز أريحك مش مهم راحتي علشان بتعذب وأنا شايفك كده تايهة وبقيتي وحده تانية الضحكة راحت من عندك وأنا مايرضنيش أشوفك كده حاتعيشي في الفيلا لوحدك وأنا حافضل في القصر مش مهم هما حايقولو إيه أهم حاجة أنت

**مليكه أنت ليه بتعمل كل دا معايا ؟

**أدهم علشان بحبك عارف انك مش مصدقة حبي ليكي وكمان دا حقك كفاية العذاب اللي شوفتيه معايا وفوق كل دا حقك عليا أريحك زي ما أخذت بالك من أولادي

** مليكه لازم تعلمني الشغل أو أشوف مساعدة شخصية وعايزه أسجل في الجامعة

**أدهم حاضر حاعمل ليكي كل حاجه أنت عايزة وأكيد حساعدك

مليكه وهي بتتكلم معاه شافت شروق بتنضف الحمامات

**مليكه ادهم الزفته دي بتعمل إيه هنا كان صوتها عالي

**أدهم أهدي لو سمحتي البنت عندها طفل …

**مليكه أنا ماليش دعوة بيها ومش عايزة أشوفها

أدهم راح عندها بسرعة حضنها

**ادهم شووو اتنفسي بي الراحة وفضل يطبطب عليها شروق كانت واقفة والدموع في عينيها، وافتكرت كل حاجة حصلت زمان، وإن الدنيا دوارة

أدهم اخد مليكه المكتب، وطلع عند شروق

طلع فلوس أداها مبلغ كبير، وقالها حايكلم ليها واحد صاحبو تشتغل عندو

مليكه كانت واقفة على الشباك، وشافتها طالعها مكسورة وبتعيط

عدا أسبوع

مليكه كانت نقلت الفيلا وفعلا أدهم التزم بي كلمتو معاها، وفضل في القصر تحت استغراب الجميع بس ماحدش قدر يسأل مليكه اخدت جنب من أهلو أصلا هي مش على بعضها

أدهم جاب ليها مساعده سكرتيره اسمها نورهان بتروح معاها المطعم تفهمها الشغل وكمان شغل المحل وبتعلمها كل فن ايتيكيت ادهم حا يتجنن عليها لأنها مش مدياه وقت خالص

كوثر وصفيه راحو عندها

**صفيه إيه يا مليكة هو وجودنا مضايقك مش بتيجي تزوريننا خالص

**مليكه لا والله انتو بتشوفو لما بطلع الصبح برجع متأخر

**كوثر بصي يا بنتي احنا في مقام أم ادهم الله يرحمها ادهم هو اتربي مع ولادنا انتو متخانقين ولا إيه حكايتكم ايه هو على طول متعصب وعايش معانا هو مش المفروض يعيش هنا معاكي أنا آسفة بدخل بس يا بنتي لو في حاجة ممكن نصلحها

**مليكه أنا وادهم حالة خاصة

**صفية يعني إيه؟؟

**مليكه أنا رجعت علشان أولاد يتربو بس مش ليه

**كوثر لا حول ولا قوة إلا بالله

================================

يتبع….

الفصل التالي :   ........

_________________ـ

  رواية بعت نفسي الحلقة   المائة وستة عشر

--------------------------------ـ

ليه يا بنتي كده الراجل شاريكي أدهم تربينه أيدي كان زي النسمة

وبحبك والله يا بنتي

**مليكه عارفة ادعيلنا بس أنا كمان غصب عني

**صفيه احنا حنسافر كلنا القاهرة وهو حجر لينا في أوتيل اللي حاتكون فيه الحفلة بكره قربي من جوزك

دا انت مابقيتيش تيجي القصر قوليلي اخر مرة شافك أو اتكلمتو الولاد معانا بس أنت لا بتهربي منو ليه ؟؟

** مليكه هو اللي قال ليكم تكلموني ؟؟

**كوثر لا يا بنتي احنا اللي صعب علينا وعلى العموم احنا اسفين

بس عمار صعب عليه سمعو وهو بصلي، ويدعي إنو ربنا يهديكي ليه

فضلو كثير يتكلموا معاها وبعدين مشيو

**صفيه أوعى ادهم يزعل مننا ؟؟

**كوثر الحال مايعجبش حد، وكان لازم ندخل

**أمنية كنتو فين ؟؟

**صفيه كنا عند مليكه

**أمنية أدهم طلب مني نروح سوا نشوف فستان

**صفيه بقولك إيه قليلو أنك مشغولة وخليه هو يروح معاها

**أمنية ليه ؟

**كوثر من غير ليه اسمعي الكلام فعلا أمنية رجعت عندو المكتب، وقالت ليه انو جالها مشوار ضروري

أدهم اتصل بيها.

**مليكه إلو

**ادهم ألو إزيك

**مليكه الحمدالله

**أدهم أنا آسف بزعجك وأنت مش عايزة تكلمينني

**مليكه أسفه بس أنا كنت مشغولة مع نورهان

**أدهم جيبتو الفستان؟؟

**مليكه لسه نورهان مشغولة وسافرت القاهرة

**أدهم لو معندكيش مانع نجيبو مع بعض

**مليكه ماشي

**أدهم بفرحه هو أنت موافقة ؟؟

**مليكة آه

**أدهم طيب اجهزي علشان نطلع

حستناكي في العربية

مليكه طلعت لبست بنطلون جينز أزرق

وبلوزة قصيرة في أبيض مليكه غيرت كل ستايل لبسها بمساعدة نورهان حطت البرفان ولمسات بسيطة من ميكاب، ولبست جزمه لنها أسود بي كعب عالي وشنطة من نفس الماركة وبصت على نفسها في المرآة في امتنان،

وقالت جمل توكيده قدام مرايتها

أنا جميلة أنا أستحق الأفضل أنا مختلفة عن الباقي أنا جوهره نادرة أنا مليكه،

ونزلت وهي كلها طاقة إيجابية

هو كان واقف على باب العربية مستنيها

كان لابس كاجول بنطلون جينز مع تيشورط في الأسود

سمع كعبها اللي برن فوق الأرض وكل رنة قلبوا بضخ كمية دم في جسم مكانش مصدق اللي بشوفو كثلة جمال قدامو هي دي مليكه؟!!!!!

**مليكه أسفه اتاخرت عليك

**ادهم لا، ولا يهمك

فتح لها الباب،

ويدوب حاتدخل مسك أيديها

**أدهم مش حاتسلمي عليا أنا بقالي أسبوع ماشوفتيكيش

**مليكه آه آسفة ومدت أيديها سلم عليها وحضنها

**ادهم هو دا السلام اللي يرضيني وحشتيني يا مليكه غمضت عينيها، وفضلت تسمع دقات قلبه وحست إن تأثيرها عليه قوي

**مليكه ادهم احنا في الشارع

**أدهم اعمل إيه انت مش مدياني فرصة

وبعد عنها أداها بوسه بسرعة جنب شفايفها

وخلالها تركب

هي كانت مرتبكة جدا، وقالت في نفسها

اللعنة عليك أيها ادهم لم أعد أتحمل

وضحكت على نفسها من الجملة

**أدهم في حاجة ؟؟

**مليكه لا قولي حانروح فين؟؟

**أدهم حانروح اتاليه نختار ليكي فستان يليق بي الملكة وبعدين أنت كمان تختاري ليا بدله

**مليكه أدهم أنا خايفه من الحفلة دي؟

**ادهم ليه أنت حاتحضري على أساس مراتي واهي فرصة الكل يعرف حاولي ماتفكريش

**مليكه أكيد الناس مستواهم الاجتماعي ..

**أدهم بلاش تقللي من نفسك أنت أحسن من ألف ست تافهة كل اللييعمها فستانها منين وشنطتها تسوا كام أنت ست الستات وبعدين أنت مستواكي

مايقلش عليهم كفاية إنك إنسانة وقلبك طيب من جوه فاكره زمان قولتي ليا الحفلات دي كلها مظاهر

أنت بقا مش مظاهر أنت جوهر

وصلوا اتاليه

و الفساتين كلهم عريانه

مليكه علشان تشوف رده، فعلو لبست فستان ذهبي عريان من ناحية الصدر،

وطلعت عندو

**مليكه إيه رأيك ؟؟؟

أدهم بص ليها بي انبهار

الذهب يليق بك اللون دا مع سمارها يجنن بس انتبه على صدرها و كثافها العريانة

**ادهم هو حلو بس ماينفعش

**مليكه ليه ماينفعش!؟

**أدهم عريان وانا مش حاسمح ليكي بكده

**مليكه ليه؟ ما كامليا كانت بتلبس أكثر من كده، ولا جات عليا أنا تتحكم فيا

**أدهم قولتلك مليون مرة ماتقارنيش نفسك بيها أنت حاجة تانية أنت راضية على الفستان راضية صدرك عريان قدام الرجالة قدام اخوكي قدام عماني وياسين ويوسف

**مليكه ماحدش ليه دعوة بيا

**أدهم أوك بس أنا ليا دعوة بيكي ومستحيل عليكي تطلعي كده أنا مش مركب قرون على فكره

**مليكه اهدأ أنت أتعصبت كده ليه ؟؟

**أدهم مليكه أنا عارف إنك أنت مش حالتبسي دا قدام الناس عاجبك خوديه البسيه في فيلا بس ماحدش يشوفك غيري بيه بالله عليكي ماتلعبيش بي

أعصابي أكثر من كده أنا في مليون حاجة في دماغي الحفلة دي مش أي حفلة عادية من كثر المشاكل اللي فيها اختاري فستان يليق بمليكه بتاعت زمان مش بتاعت دلوقتي اللي عايزة تطلع من جلدها ماحدش حايوافقك علي كده فاهم تغييرك وتمردك على نفسك وعلينا كلنا

فاهم إنك عايزة تتلقى لنفسك إنك اتغيرتي للأحسن ودا غلط أنت مليكه الطيبة اللي روحها نضيفه بلاش تتغيري أنا شايفك قوية مش ضعيفة من زمان وانت كده انت اللي وقعتي أدهم

الشرقاوي أنت اللي عذبتيع طول السنين دي انت اللي بتربية دلوقتي أنت إهانتي رجولتو أنت اللي صغرتيه قدام اهلو وقدام الخدم أنت مش ضعيفة

**مليكة أهدأ أنا آسفة

وراحت تجري تغير

صعب عليها لما شافت رده فعلو مكانتش متصورة أن شايل كل دا في قلبو بس فهمت لما مرتات عمو جم يكلموها يبقى الموضوع حساس عندهم لبست هدومها، وطلعت بره كان في بلكونة بدخن،

وراحت كلمة البنت تساعدها، وفي الآخر راحت عندو بره في طراس كبير كان بيشرب القهوة وبدخن

**مليكه ادهم

**ادهم أيوه

مليكه قربت منو

حطت أيديها علي كثفوا

**مليكه أنا آسفة بجد مكانش قصدي أزعلك

**ادهم آمال قصدك إيه؟؟

**مليكه مش عارفة

**أدهم أنا فاهمك يا مليكة أنت تربية أيدي فتحتي عينيكي على أيديا أنت بنتي ومراتي وأمي وحبيبتي فاهم دماغك فيها أية عايزة تستفزينني وتزعليني أنا بغير عليكي مش محتاجة تختبريني أنت حصلك إيه؟؟ عايزة تبقى وحده تانية ليه؟؟ أنا مش بتكلم على الشكل الحمدالله أنت جميلة من الأول وبقيتي أحلى وانا مش مضايق من أنك تهتمي بنفسك بس ماتخسريش نفسك فاهمه كلامي

**مليكه فاهمه

**ادهم إيه مافيش حاجه عجبتك

**مليكه كلو عريان

**أدهم مش مشكلة اختاري وممكن تعمل عليه تعديل اختاروا الفستان، واختارت معاه بدله في كحلي

**مليكه أنا جيعانه مافطرتش الصبح

**ادهم حرام يا مليكة أنت أصلا جسمك ضعيف والدوا اللي بتاخديه قوي محتاج تاكلي تعالي، واخدها مطعم

**مليكه ادهم

** ادهم عيون ادهم وروحوا وعقلوا وقلبوا مليكه كانت بتبص ليه ومش، فاهمة حاجة توها بي كلامو

**ادهم مالك حبيبتي سكتي ليه؟

**مليكه كنت عايزة أتعلم سواقة

**أدهم بس كده من عيوني وأول عربية حاتكون هديه مني ليكي

**مليكه لا عايزة أنا أشتريها مش دلوقتي لما أتعلم

**ادهم الهدية ماتترفضش فاهمه قوليلي عملت إيه مع نورهان اتسجلتي في الجامعة؟

** مليكه آه اتسجلت بس مكسوفة

أروح

**أدهم ليه أنت لسه صغيرة وشكلك

مساعدك مش حايعرفو عندك كم سنه وبعدين أوعى تهتمي بكلام الناس علشان تنجحي في حياتك

عامله أية الدكتوره ؟؟

**مليكه الحمدالله بروح يوم آه ويوم لا

الحمدالله

**أدهم على فكره خالد سألني ادا احنا

متخانقين ولا لا قولتلو لا الناس بقت تاخد بالها أنا مش عايز أولادي يحسو بي حاجة طمنيني على ملك

*مليكه الحمدالله كويسه ومابقتش تعمل حمام علي نفسها بس مستغربة مسألتش خالص على أمها

**أدهم لأنها مرتاحة من غيرها

*مليكه بس مش طبيعي كده

*أدهم والله مش عارف متنسيش هدوم أولاد

**مليكه إن شاء الله قولي حنسافر أمتي

**أدهم بليل مليكه حجزت سويت عائلي لينا كلنا مش حاقدر اخد غرفه لوحدي لانو أوتيل فاهمه

**مليكه اتنهدت آه

**ادهم ياه على التنهيدة لدرجة دي مش طايقاني؟؟ مش زمان كنت بتحبيني، ولا كانت بس شفقة منك

*مليكه أنا عمري ما كذبت عليك ومشاعري ساعتها كانت صادقة وزمان مش هو دلوقتي وأنا معنديش مشكلة تبات في الجناح

*ادهم مممممم فين في الجناح؟

* مليكه يعني إيه فين؟؟

**أدهم ضحك لما شاف وشها قلب مليكه اطمني ومتخافيش مني عمري ما أقرب عليكي لحد ما تسامحينني وتكوني

راضية على علاقتنا وجوازنا ومش سهل عليا وخاصة أنك وحشتينني أوي فوق ما تتخيلي بس لازم أتحكم في نفسي علشانك

*مليكة كانت محرجة من كلامو شكرا

فضلو يتكلموا كثيراً واشتروا هدوم الولاد، ورجعوا القصر

هي راحت الفيلا تحضر نفسها وأولادها أما هو كان مبسوط جدا أنها ابتدت تلين شوية

بعد ساعتين انطلقوا بي سيارات للقاهرة

أدهم كان حاجزاً في أوتيل كبير

كانو مسافرين في جو عائلي الكل مبسوط

ادهم كان طاير من السعادة ولا دو نايمين ورا ومراتو وحبيبه قلبو جنبوا وحلم عمرو بيتحقق من هو صغير بيحلم يبني مصنع تصنيع المعدات وغيارات السيارات مع توكيل عالمي

وصلوا الأوتيل صحيو أولاد

ادهم شال ملك ومليكه مسكت أولاد

مع الدخول باب أوتيل كانت الصحافة

بحركة غير إرادية مليكه حضنت ادهم

خبت وشها في صدروا

انتبه أدهم لحركتها بحركة من أيديه راحو الحرس لصحافة يمنعونهم من التصوير *أدهم حبيبي خلاص

*مليكه أسفه

**ادهم ليه آسفة أنا أقرب واحد ليكي تترمي في حضنوا

وراحوا ريسيبشن

العائلة كانو متابعين كل حاجه

*صفيه الحمدالله كلامنا جاب نتيجة معاها

**كوثر البنت بتحبو بس معانده كرامتها وجعتها

طلعوا سويت كان كبير أوي أولاد مبسوطين

في غرفة أطفال 3 سراير، وفي ريسيبشن وغرفة نوم كبيرة

**خالد أنت تنام فين يا بابا؟؟

*، ادهم هنا

*خالد بس مافيش سرير ليك

*ادهم تنام في السرير الكبير

* خالد وماما؟؟

*أدهم بص ليها حتنام جنبي

خالد بص لي مليكه ومشي من غير كلام

*أدهم عيني يا رب ألاقيها منين يا رب من آلام ولا الولد وأنا غلبان مليكه

ضحكت من شكلوا وهو بيدعي

*ادهم تدوم الضحكة اللي منورة وشك

*مليكه بس سؤال مهم حتنام فين؟!؟

مشيت وسابتو

دخلت الحمام تاخد دوش، وأخدت هدومها معاها

هو راح ينيم أولاد ودخلهم الحمام

والحمد لله نامو،

وطلع من غرفتهم، وراح عندها كانت بتنشف شعرها،

ودخل هو كمان ياخد شاور هي كل اللي بتفكر فيه ازاي تنام جنبوا هو مش حايقرب منها بس هي حاتقدر تقاوم ريحتو حيت نفسها ضعيفة أوي قدامو راحت على السرير، ودخلت الفراش طلع هو بص عليها، وراح ريسبشن عرفت إنو مش حينام جنبها حاول ينام على الكنبة بس ما كنتش مريحة لأنها صغيرة وبعدين قرر يروح عندها كانت لسه صاحية

**أدهم آسف بس ماعرفتش أنام على الكنبة ضهري وجعني وبكره يومي طويل شالت هي الفراش دعوة منها ليه أنها موافقة

دخل هو الفراش

*مليكه ممكن أنام في حضنك بس من غير ما تقرب مني؟!

*أدهم طبعا حبيبتي

راحت عندو وحضنها حضن أب لبنتو

يتبع….

الفصل التالي :

____________________ـ

رواية بعت نفسي الحلقة المائة وسبعة عشر

-------------------------------ـ

رواية بعت نفسي ............... بقلم نسرين

================ـ

الحلقات ال 117 و ال 118  و ال 119

______________________________ـ

رواية بعت نفسي الحلقة المائة وسبعة عشر

-------------------------------ـ

اول ما حضنها حست بشعور مختلف إحساس بي الدفيء سمعت دقات قلبه اللي نبضها زاد كانت مرتاحة أوي لدرجة أنها نامت على طول

هو حس بي انتظام أنفاسها وعرف أنها نامت

أما هو بقاوم نفسوا ويصبرها انو مايتهورش ويعمل أي تصرف يضايقها ابتدأ يستغفر علشان يتحكم في نفسوا ويتحكم في رغبته فيها اللي زادت اول ما حطت رأسها على صدروا فضل وقت كثير لحد منام

الصبح هي صحيت

وفضلت تبص ليه و تتكلم مع نفسها إيه اللي حايحصل هي حست إن قربها منو هلاك ليه بس استغربت ازاي معملش حاجه وهو مكانش يقدر يستحمل هو بجد أتغير بجد خايف عليها

حست بيه بيصحي، وغمضت عينيها بسرعة

هو فتح عينيه ومش مصدق أنها في حضنو ياترا حاتحن عليه ؟

حتسامحو ؟؟

سمع صوت أولاد بعد مليكه منو

مليكه كانت حاتضحك ومسكت نفسها

طلعت خلود

**خلود صباح الخير

**أدهم صباح الورد علي أحلى ورده

خلود راحت تجري حضنتو

صحيت مليكه

** مليكه صباح الخير

**أدهم صباح الخير حبيبتي

**خلود مممم هو أنت ليه ماقولتيش حبيبتي ؟

**أدهم الحقيني يا مليكه ولادك حايجلطوني

**مليكه بعد الشر عليك

ادهم ضحك،

وكان مبسوط جدا

بعد ساعة الكل نزل يفطر أدهم كان نازل نشيط وفرحان لدرجة أن الكل فهم أنهم اتصالحو

**أدهم حبيبتي اليوم مشغول شوية لازم أعدى على المصنع والقاعة الحفلة

**مليكه أساعدك في حاجة؟؟

**أدهم لا ارتاحي أنت أكرم عازمنا على الغدا بره

**مليكه طيب ممكن أروح عند أخواتي؟

**أدهم أكيد حاوصلك وأخلي عربية تحت أمرك لو عايزة تروحي المحل مع نورهان

**مليكه إن شاء الله

**أدهم بس خلي بالك من نفسك حايبقا حرس معاكي أنا خايف عليكي وعلى أولاد يا ريت متخليش أولاد ينزلوا الشارع وكمان حاجة بلاش أحضان مع ياسين ويوسف

**مليكة بس أنت عارف علاقتي بيهم ؟

**ادهم عارف بس بغير ارجوكي يا مليكة

**مليكه حاضر

**أدهم شكرا على حضن امبارح وشكرا أنك طلبت دا أدنى طاقة كبيرة وأتمنى ماكنوش أزعجتك ولا عملت تصرف ضايقك

**مليكه لا خالص

خلصوا فطار

واخدها مع أولاد

وصلو حارة ونزلوا

أوسطا حسن اول ما شاف العربية ومليكه نزلت ادهم لمحو إنو بي بص بصدمة واحساس الحب في عنيه

الرجاله بتفهم بعض

مليكه كانت متغيرة في ستايل لبسها

كانت لابسة بنطلون أسود وبلوزة نص كم لون وردي

صباح المليون

صباح الورد

صباح الفل

صباح الخير علي احلي متابعين

صباح الخير علي الناس المحترمه

صباح التفاؤل والامل لي ناس اللي تخلي تعاليق حلوه

الحمدلله و الشكر الله

الروايه وصلت المليون في خلال شهرين و نص وهي لسه في قيد الكتابه و التنزيل

دا بالنسبه ليا حاجه كبيره جدا جدا

فاكرين لما نزلت ليكم وقولت ليكم اني هدفي اوصل المليون في الروايه دي و قولتلكم انا بحلم كثير بس كل حاجه عند ربنا قريبه

فعلا ربنا كبير فرحني وحقق ليا امنيه ان الروايه تتشهر وتوصل المليون

ودا بفضلكم عليا

الحمدلله اني قدرت اوفي بكلمتي معاكم اني انزلها كلها واخلصها قبل رمضان

الحمدلله اليوم تنزل نهايه قصتنا

اتمني تكونو استمتعو بي قرأتها

واعتذر لو في حد زعلتو مني او رديت عليه بطريقه فهمها غلط

بحاول علي قد الإمكان ماردش وحش رغم بتكون فيه تعاليق مستفزه جدا

الحمدلله عندي طوله بال وبعرف اتعامل مع الناس بس اكيد ليا هفوات يعني ههههه

مبسوطه اني التزمت معاكم في التوقيت و تنزيل وقفت لما طلب مني اوقف وربنا عالم اني اديتكم الروايه هديه علشان ماتزعلوش كان بي امكاني اوقفها وطبعها ورقي

بس انا قولت حرام المتابعين مالهمش ذنب

شكرا لكل حد تابعني وقرأ ليا وساب تعليق وفوت حلو

اليوم روايتنا تخلص

قولولي انتو متوقعين النهايه تكون ايه؟؟

===============

أدهم قرب منها حط إيدو علي كثافة

في ستات راحو عند مليكه يسلموا عليها

**جارتها والله واحلويتي يا بت

**مليكه شكرا

**أدهم يلا بينا حبيبتي

وطلعوا فوق كانت صباح على السلم بتزغرت

**صباح نورتو الحارة

**مليكه وحشتيني أوي

دخلوا الشقة

وطلع ياسين كان مبسوط بيهم جدا مليكه حست إنو حايحضنها، ومدت أيديها

ياسين، فهم وضحك وسلم عليها

**ياسين ماشي يا ست مليكه مافيش أحضان مرضي يا أدهم باشا

أدهم حس بي إحراج ونفس الوقت عجبوا تصرف مليكه

دخلوا الصالون، وجا يوسف

يادوب قرب

**ياسين سلم من بعيد ممنوع اللمس

الكل ضحك

**يوسف لو كدا يبقى القانون دا لازم يطبق على الجميع

**ياسين ازاي ؟

**يوسف يعني حتى أستاذ عبد الرحمن يسلم من بعيد

**أدهم لو عليا مش عايز حد يقرب ولا يسلم

**يوسف حيلك حيلك أنت حاتستفرض بي البت لوحدك

**عم محمد، وأنا يا بني

**أدهم لا أنت خد راحتك

شربوا شاي وأدهم استأذن

ياسين وصلوا على الباب

**ياسين بقولك الحركة اللي انت عملتها عيب دا بيتك مش لازم تكلف نفسك

**ادهم دا مش تكليف حاجة بسيطة أنت لسه قايل إن البيت بيتي

**مليكة هي مريم فين ؟؟

**صباح قافلة عليها أوضة زعلانه

**مليكه ليه ؟؟

**صباح والله يا بنتي هي عايزة ترجع شقتها بس ياسين رافض وكمان أبوكي محمد قال أية تطلق أحسن

**مليكه وهي مش عايزة تطلق؟

**صباح، ولا أنا خراب البيوت مش بساهل ربنا يصلح الحال

**مليكه أنا رايحة عندها

راحت عندها أوضة كانت نايمه

**مليكه إيه النوم دا كلو اصحي بقا

**مريم مليكه حبيبتي جيتي أمتي ؟!؟

**مليكه بقالي ساعة آيه الكسل اللي انت فيه ؟؟

**مريم معلش كنت مطبقة من امبارح حاقوم اتشطف واصحالك وحشتيني أوي

**مليكه خلصي وحصليني على السطوح

قبل ما تطلع مليكه السطح فتحت الشقة بتاعتها

شافت عفش جديد جدا صالون و انتريه، وتليفزيون شاشة كبيرة و سفره، وراحت المطبخ كلو اتغير، واستغربت كمية الصحون و كوبيات المتوسخه رغم إن فيه غسالة الأطباق اللي مكانتش عندهم

**مليكة آه منك يا سها، وابتدت تحط الحاجة في الغسالة الأطباق وشغلتها و روقت المطبخ

فتحت الثلاجة لاقت كلو علب بلاستيك أكل من بره

راحت علي أوضة سها كانت مفروشة زي ما كانت تحلم

أوضة كانت هدومها على الأرض كانت عايزة تنضفها ورجعت في كلامها، وقفلت الباب ودخلت غرفة عبد الرحمن بسم الله مشاء الله كانت متوضبه والسرير والفرش ماتقولش إنها أوضة عازب

راحت علي غرفتها كانت مقسمة على نصين مكان سرير كبير وناحية تانية سرير أطفال 3 طوابق

الشقة بقت حاجة تانية خالص العفش اللي فيها من أجود الخامات

قفلت الشقة وطلعت فوق السطوح وجات مريم

**مريم أكيد كنتي في شقتك

**مليكه آه اتغيرت سبحان الله

**مريم البركة في جوزك دا كان عايز بغير عفش شقتنا بس ياسين ما رضيش بقولك حصل ولا لسه ؟

**مليكه حصل إيه؟؟

**مريم اللي بيحصل بين المتجوزين مالك يا مليكة مش عايزة تقولي أختك دا جوزك مز مزز

**مليكه مريم أنت اتجننتي؟؟

**مريم معلش بعاكس جوزك بس بجد احكيلي

**مليكه مافيش حاجه حصلت واقفلي الموضوع دا لو سمحت

**مريم حرام يا مليكة دا شرع ربنا و ماتقوليش ليا إنك أنت مش عايزاه يقرب منك دا أنت بقالك 10 سنين محرومة بصي أنا بقالي أكثر من أسبوع هنا وحاتجنن علي توفيق دي حاجة بتاعت ربنا

**مليكه كل دا حب في توفيق؟

**مريم سميها زي ما أنت عايزة بس مش عارفة ليه اكتشفت حاجه فيا لما بعدت عنه بقيت عايزاه يمكن هي دي اللحظات السعادة اللي بعيشها معاه غير كده مافيش وهو ابن اللذينا بيعرف يخليني طايرا في السما كده هو دا اللي مصبرني عليه

**مليكه مستغربه كلامك جدا يعني علاقتك بيه بس سرير، وكل المشاكل الثانية غمضتي عنيكي عليها ؟؟

**مريم ما هو كده أعمل إيه لا حايتغير ولا حا يبعد عن أمو وياسين عايزني أطلق وبعدها أعمل إيه في نفسي

**مليكه أنت بتتكلمي بجد يعني تستحملي القرف دا كلو بس علشان ينام معاكي ؟؟

**مريم اسكتي في حد طالع

كان ياسين مع سناء إلى جات سلمت عليها بحفاوة

**ياسين بترغو في أية؟

**مليكه في مريم وماما صباح زعلانة علشان عايز تطلقها من جوزها

**ياسين هو دا الصح قبل ما تغرق وتخلف أنا بحافظ عليها وعلى كرامتها وهي مش فاهمه

**مليكه ليه يا آبيه هي عايز تطلقها وأنا رجعتني ولا دي أختك خايف عليها؟؟

**ياسين من أمتي أنا فرقت بينكم أنت كمان أختي وفي فرق بين الزفت توفيق وبين أدهم

**مليكة علشان أدهم غني وعندو فلوس، وتوفيق على باب الله ؟؟

**ياسين أسلوبك معايا مش عاجبني بس حاجوبك أنا عمري ما بصيت الفرق دا بس أدهم بيعترف بغلطه وبيعتذر عليه وعايز يصلح من نفسه ويحافظ على كرامتك لانو بحبك أما توفيق هو شايف نفسه مش غلطان، وأن أمو ليها الحق تتحكم في حياتو ولا عايز يتغير ولا يعتذر ولا يحافظ على كرامتها لما يشوف أمو واخواتو بغلطو فيها بيسكت غير أنو طمعان فيها وبي بيع ذهبها من وراها ولا إيه يا ست مريم ؟؟

مريم كانت ساكتة وبتفكر في كلامه

** ياسين تصبر على أية؟؟ على الذل والمهانة

لا أنا مارضهاش لي أختي تشتغل خدامه لي أمو

أما أدهم لو كان زي توفيق كنت حاقولك برضو أطلقي بس حرام أشوف الراجل بيعمل كل جهده علشان يسعدك

وكمان في فرق بين الطبع والتطبع

الطبع هو اللي عند توفيق دا طبيعة شخصيته ضعيفة من زمان، ومش حاتتغير أما التطبع لما أنا أبقى أغير من نفسي لظروف أو حالة معينة بس في الآخر حارجع لي طبيعتي الأصلية زي اللي بيحصل معاكي عايزة تطبعي على حاجات مش، فيكي

عن اذنكم

آه لو عايزة تطلقي قوليلي وانا أطلقك

ونزل وسابهم

*سناء ليه يا مليكة تعملي معاه كده؟؟

*مليكه أنا معملتش حاجة بس سألت

*مريم غيرو الموضوع هو احنا نجيب الفساتين منين؟؟

*سناء حاروح محل آخر الحارة أجر منه

*مليكه انتو بتقولو آية البسوا نروح محل عندي فيه فساتين سهرة

**مريم بجد يا مليكة

**مليكة بجد، وعيب احنا أخوات

لبسوا وخلصوا ومليكه بلغت ادهم أنها رايحة المحل

جات العربية بي السواق نزلت مليكه ومريم وصباح وسناء وراحو المحل اختاروا فستان وحصلتهم سها اللي اختارت أغلى فستان في المحل

بليل في سويت مليكه لبست فستان أزرق سماوي ضيق عليها كان عريان من أكتاف بس عملت فيه تعديلات بي قماش شيفون على شكل ديل بتحطو علي كثافها، وعملت تسريحه لشعرها و ميكاب ساعدتها نورهان

**نورهان واو بجد أنت قمر

*مليكه شكرا يا نورهان على كل حاجه *نورهان دا شغلي أروح أنا كمان اجهز دخل ادهم فضل يبص عليها بي انبهار،

وفتح علبة مخملية فيها عقد رقيق وشيك جدا

*أدهم العقد يليق بس بي الملكة بتاعتي ولبسها العقد، وطبع قبلة على خدها سكرتها من حلاوة اللحظة فتحت عينيها بسرعة شافت رغبة وحب في عنيه

حاولت تبعد منو وراحت عند أولاد تلبسهم

*أدهم صبرني يا رب مش قادر

نزلت مليكه بعد الوصايا العشر اللي أداهم ليها أدهم

كان ماسك أيديها بطريقة شيك أوي وهما داخلين القاعة تحت تصفيقات المدعوين

ابتدت الحفلة سها كانت لابسه فستان أزرق غامق اللي عبد الرحمان مكانش عاجبو

مريم وسناء لبسو فساتين حلوة مع طرحه وصباح عباية فخمة الكل كان منبهراً بجمال مليكه البسيط بس لافت النظر أدهم ألقى كلمة الافتتاح، وكانو الصحفيين بيسالو وأكيد فتحوا أسأله علي عصمت وكامليا اللي هو أنفي أنو بلغ عليهم وإنما عصمت اتمسكت علشان خالها من المافيا حاول يبين إنو متأثراً بس دا قانون، ولازم يمشي على الكل والصدمة إنو قال إنو كان مطلق كامليا بفترة كبيرة طلاق رسمي

وفعلا هو من ليلة ما راح هو ومليكه عند عم مدبولي اللي كان حاضر الحفلة هو ودادا، وداد

ادهم لما رجع طلق كامليا بس ماحدش كان يعرف وكان بينام في المكتب، وكان بسجل ليها المكالمات كلها علشان يوقعها ويعرف أمها بتخطط لي ليه علشان كده كان مصر أنها تفضل في القصر

==============================

يتبع….

الفصل التالي :

_________________ـ

رواية بعت نفسي الحلقة المائة وثمانية عشر

---------------------------ـ

خلص أدهم مع الصحافة وافتتحوا البوفيه

الحفل كان فيه شخصيات مهمة عرب وأجانب شركاء أدهم في المصنع

الكل كان مبسوط لأن اسم عيله الشرقاوي كبر في السوق

سها راحت عند فارس

**سها ازيك؟

**فارس الحمدالله أنت عامله ايه ؟

**سها تمام الحمد لله

أم فارس شافت سها وهي بتكلم فارس، وراحت عندهم

**كوثر إزيك يا سها

**سها الحمدالله ازاي حضرتك

**كوثر كويسه الحمدالله

فارس تعالى عايزاك

راح معاها

**كوثر ما تنفعكش يا بني

**فارس قصدك ايه؟؟

**كوثر بص يا حبيبي أنا عايزة مصلحتك وعارف إنك عايز تستقر بس من خبرتي البت سها ماتنفعكش البت بتبص الفوق مش زي أختها مليكه بص هناك البنت اللي لابسه فستان وردي ملامحها هادئة وباين عليها بنت ناس كفاية أهلها ناس طيبة

**فارس دي متجوزه يا ماما

**كوثر يا خسارة يا بني أنا عايزة وحده زي مليكه وسارة

بنت تعرف تقدر الحياة الزوجية وتعمل معاها أسرة سها بنت مدلعة ماتفرقش على اللي كنت متجوزها

**فارس شكرا يا أمي والله نفسي ألاقي بنت أحبها وتحبني العمر بيجري ونفسي افرح بي أولادي كفاية سنين عمري اللي ضاعت مع نرمين

**كوثر ربنا يعوضك خير

أدهم راح عند مليكه باس رأسها قدام الكل، وكاميرات الصحافة بتصور

وجات فقره الرقص

وحطو موسيقي سلو

**مليكه لا يا أدهم ما بعرفش ارقص

**ادهم ازاي مش أنا علمتك زمان

**مليكه دا كان زمان قول لزمان ارجع يا زمان

**أدهم كل حاجه حاترجع إن شاء الله

وراحوا على مكان مخصص لرقص وحضنها، وابتدو يرقصوا

**مليكه ليه ما قولتليش أنك طلقت كامليا زمان ولا بس كلام صحافة؟؟

** أدهم بعد اللي قالوا عم مدبولي مستحيل تفضل علي ذمتي تحمد ربنا إن معملتش ليها حاجة لو عليا كنت قتلتها ليه يا مليكة شايفاني مش راجل ؟؟

**مليكة أنا ماقولتش كده بس كنت مستغرباك ازاي كنت بتعاملها بحنيه بعد كل اللي عرفته عنها

**ادهم علشان أوقعها في شر اعملها طلقتها رسمي عند مؤذون وماقولتش لحد بعد ما شوفت كمان غيرتك وأنك مضايقة من وجودها في حياتي وأنا ماقدرش أتعامل معاكم انتو الاثنين قلبي وعقلي معاكي انت صعب أعدل بينكم

**مليكه لما طلقتها ليه كنت بتنام عندها ؟

أدهم ضحك

**ادهم غيره دي؟؟

**مليكه لا بس مستغربة طالما مابقتش حلالك

**ادهم أتنهد بقالي فترة ماقربتش منها أكثر من شهر لأن الفترة أخيرة كان مرتين وحده تحت تأثير منشط، وشكيت في نفسي، وعملت تحاليل وتاني مرة ممكن أقول كنت بعاقبها، ولما طلقتها كنت بنام في المكتب كنت مراقب تليفونها كان لازم اعرف بتخطط هي وأمها على ايه لو كانت راحت معاها الله أعلم اللي كان حايحصل شايفه ظلمتني ازاي ؟

**مليكه أسفه

**ادهم بحبك يا عشق الأدهم

**سناء يا رب يهديهم على بعض

**ياسين يا رب شايفه البت سها لابسه ايه وعينيها بلفو، ويدوروا راحت عند فارس بس امو راحت عندهم وإخدتو البت بضيع عبد الرحمن مش حايقدر عليها

عند أدهم

نسيو نفسوا ونسيو الناس وضاعوا في عنين بعض بي بص لبعض بشوق ولهفة

خلصت الموسيقي حضنها جامد وباس رأسها

الحفلة عدت علي خير

وطول الوقت ادهم ماسك مليكه

**مليكه الولاد تعبوا

**أدهم خلاص حبيبتي اطلعي بيهم فوق بقولك أنا حجزت لي عيله عم محمد يباتو في أوتيل أكيد تعبانين وكمان نقضي تاني يوم معاهم

**مليكه شكرا

طلعت مليكه بي أولاد علي الجناح بي مساعدة مريم وسناء

**مريم الله يا مليكة الحفلة كانت تحفه أنا اول مرة أحضر حفلة زي دي

**سناء ومين سمعك

**مليكه أنا رجليا مابقتش حاسة بيهم خالص

**سناء بقولك إيه ادخلي كده خوديلك دوش فوقي والبسي كده قميص نوم حلو ودلعي الراجل حرام عليكي

**مليكه أنت بتقولي إيه؟؟

**سناء الحقيقة اللي انت مش عايزة تسمعيها

على فكره أنت بتاخدي ذنوب كثيرة علشان الموضوع دا وماتقوليش ليا أنكم متفقين أنت حارمة جوزك من حقوقه الشرعية ممكن هو ما طلبش منك حاجة بس أنت متأكدة إنو هو عايز

**مريم اسمعي كلامها الحياة حلوة ليه نعيشها في نكد واحنا في أيدينا نعيش سعادة اكسبي جوزك طالما أتغير كلام ياسين فوقني جدا أنا بجد مش مبسوطة مع توفيق أنا أهانت نفسي في علاقة مش ناجحة كأني اتجوزت أمو مش هو، وفي آخر هو مش في العالم دا خالص بحبني، ويدلعني لما يكون ليه مزاج يعاشرني غير كده أموت اللي بتحكم في كل حاجة اول ما أرجع البيت أطلب الطلاق

**سناء أنا مش عايز أخرب عليكي بس بجد هو دا أحسن حل وفي حاجة كمان ياسين راح لي جوزك، وحاول يتفاهم معاه إنو يشوفلك شقة في مكان تاني أو تستقلو بي حياتكم في شقتكم وللأسف رفض قالوا أمي مش موافقة

**مريم دي هي اتصلت بيا الصبح بهدلتني جامد، واتهمتني إني مش مراعية تعابها ومش مدية قيمة لجوزي

**مليكه ربنا يعمل اللي فيه الخير

**سناء مليكه بلاش تغضبي ربنا الراجل اعتذر قدام الصحافة ليكي، واعترف بحبو ليكي عايزة إيه؟؟ من أمتي بقا قلبك جاحد وقاسي حاتقولي عذبني ووووو ايوه بس كان تعبان وربنا غفور رحيم عيشي حياتك

يلا يا مريم نخليها تفكر مع نفسها،

و طلعوا سابو مليكه في حيريتها

اخدت لبس مريح لي نوم، ودخلت الحمام

وماعرفتش تفتح سوسته الفستان، ونسيت تطلب من مريم ولا سناء

الوقت دا دخل أدهم الجناح

طلعت عندو مليكه

**ادهم تعبان جدا جدا

**مليكه وانا كمان بس الحمدالله كل حاجه عدة على خير

**أدهم الحمدالله في حاجة ؟؟

**مليكه مش عارفة افتح سوسته الفستان

**أدهم أساعدك؟؟

**مليكه لا حاروح عند مريم ولا نورهان

**أدهم نعم !!!

**مليكة أيوه اعمل إيه؟؟

**أدهم على فكرة أنا جوزك وموجود معاكي ليه تطلعي تطلبي مساعدة من بره لدرجة دي معندكيش ثقة فيا ؟!!

**مليكه لا مش كده

**أدهم يبقى خلاص قام عندها، ولف ناحية ضهرها، وابتدأ يفتح السوستة وأيديه لمست ضهرها حس برعشتها من لمستو

**أدهم آسف مكانش قصدي

هي دخلت الحمام على طول

وسمعت بقول

**أدهم الصبر من عندك يا رب

حست بكلام سناء انو هو عايزها، ومش قادر يطلب ابتدت تعمل دوش وعقلها مغيب ودموعها بتنزل مش، فاهمه الحالة اللي هي فيها دي

أدهم حس بيها طولت خبط الباب

**أدهم مليكه أنت كويسه؟؟

**مليكه قفلت المياه آه طالعة حالا لبست وحطت فوطة علي شعرها، وطلعت ادهم حس بيها مش تمام بس ما حبش يزعجها دخل هو كمان الحمام، وهي نشفت شعرها شوية ودخلت السرير ونامت طلع هو صلى ركعتين، وسمعتو بيدعي بس صوت مكانش واضح حست انو طول في الصلاة خلص وجا جنبها وهي كانت مدياه ضهرها حاول ينام وماعرفش هي مش عارفة اللي هي حساه دا أية حالة حزن ودموعها بتنزل قرب منها

**أدهم مليكة هو أنا ضايقتك في حاجة ؟

**مليكه لا

**أدهم ليه حاسك مش تمام

لفي عندي و بصيلي

مليكة لفت عندو

وشاف الدموع في عينيها

**أدهم بتعيطي ليه؟؟ بالله عليكي اتكلمي عملت حاجة ضايقتك حد زعلك ؟؟

**مليكه لا

**أدهم يبقى ليه الدموع؟ مضايقة إني نايم جنبك تحبي أقوم أنام بره اخليكي على راحتك

**مليكه لا

** أدهم لا إيه أنت مش مضايقة من وجودي جنبك ؟

**مليكه أنا مش فاهمة مالي

**أدهم أنت في فترة يعني مزاجك مش تمام يعني فترة الدورة الشهرية

**مليكه اتكسفت من كلامو، وبصت تحت لا

**أدهم بصيلي حبيبتي

رفعت عينيها تبص ليه

كانو قريبين من بعض جدا

أدهم مسح دموعها بي أيديه

**أدهم خلاص أهدى كده وبطلي عياط

اليوم كان حلو جدا الحمدالله كنت أتمنى أني جدي يكون معايا بس إرادة ربنا أتمنى ربنا يشفيه ويفوق قلبي بيتقطع لما بشوفو على الأجهزة بفتح عنيه، ويقفلها لا حول ولا قوة ليه خايف يا مليكة يكون زعلان مني على اللي عملته في عصمت وبنتها بس كان لازم اخد حقي منها كام لازم توقف عند حدها، وإلا كانت موتت ابني، ورجعت حق عمامي اللي بقالهم سنين سايبين البلد كانت ناوية تدمرنا كلنا دي هي شغالة مع مافيا وكانو حايسرقو كل أسهم الشركة ويدخلوني في صفقات مشبوهة وهو بيتكلم نزلت دمعة

من عينيه مليكه حطت أيديها على خدو مسحتها وفضلت تمشي أيديها على خدو، وهو سكت عن الكلام، وتاه في حركتها وعندها ومش مصدق اللي، فهمه هو شايف انها مستسلمة ليه أو عندها رغبة ليه أو مش فاهم بس اللي عارفو أن قربها منو كده هلاك ليه، ومش قادر يقاوم أكثر من كده

إما مليكة كانت تايهة في عنيه وقلبها اللي بدق جدا وهي كا أنها مخدرة كل حواسه بطالب بي قربو كان بينهم بس لغة العيون اللي كافية تعبر عن كل حاجة جواهم كا أن لسانهم اتشل عن الكلام

أدهم قربها منو وحضنها و وشها قرب ليه أكثر

**أدهم أنت كويسه ؟؟

مليكه وهي مش، واعية لي أي حاجة

ردت عليه بصوت مش قادر يطلع خالص

** مليكه لا

**أدهم ولا أنا في حاجة بتجدبني ليكي زي المغناطيس

**مليكه وانا كمان

اول ما قالت كده حس أنها أداته الضوء الأخضر علشان يذوق شهد شفايفها اللي كان مركز فيهم حاول يقاوم ماقدرش في ثانية كان لقاء شفايهم في قبله شغوفة لقاء اتحرمو منو 10 سنين نسيو العالم أدهم كان متلهف عليها كان يتمنى اللحظة دي بفارغ الصبر

أما هي كانت في عالم تاني عالم نسيت احساسو من زمن بعيد نسيت أنها أنثى سابت نفسها ليه، ومغمضة عينيها الأمر تطور بينهم لما شال البيجامة الفوقانية وأيديه تحسس على كل جسمها اللي كان يستجيب لكل لمسة منه مطالبه بي المزيد

فاجئه دق ناقوس الخطر عندو صحي من حلم شاف نفسو فوقيها هي فتحت عينيها، واتصدمت من نضراتو ليها اللي مافهمتهاش كل حاسة بيه أنها عايزاه وهو وقف على اللي كان بيعملوا

بتحاول تسألوا من عينيها

هو كان ندمان على اللي حصل خايف على زعلها

تدراك نفسه وبعد منها بياخد انفاسو وبحاول يسيطر على رغبته فيها

**أدهم أنا آسف مش عارف حصل ازاي كده

**مليكه بصدمة أسف!!!!!

هي مافهمتش آسفو على أية

**أدهم غصب عني قربك مني هلاك بجد ماقدرتش أقاومك الحمدالله إني فوقت لنفسي قبل ما يحصل بينا علاقة

كلامو كان قاتل فيها ولي انوتثها ولي كبريائها وكرامتها

ياه على اللي هي بتحسو قاومت نفسها، واستسلمت ليه وخلاص كانت مرحبة بقربه منها كانت حاترجع زوجته قدام ربنا وتديلو فرصه ثانيه بس اللي عملوا خلاها تفتكر زمان لما كان بياخد اللي هو عاوز وتقوم من جنبو ابتدت تعيط

هو كان قاعد على طرف السرير، ومديها ضهرو وسامع بكائها اللي، فسرو أنها ندمانة وانو خلف وعدو ليها حس بنفسه خسر كل حاجة في لحظة ضعف منو

*أدهم ارجوكي سامحيني ضعفت زي أي راجل أنا بقالي سنين ماقربتش منك

لف عندها، وشافها متغطية وبتعيط قرب عندها

*أدهم مليكه أنا عارف إنك ست بتفهمي في الأصول وخايفه من ربنا وماكنتيش حا تقولي لا لو كملت لأنك عارفة إنو دا حقي الشرعي منك بس أنا غلطان، وماطلعتش راجل واحترمت كلمتي معاكي إني مش أقرب منك مليكه لو العلاقة كانت حصلت كنت خسرتك للأبد علشان سايرتيني في رغبتي ليكي ارجوكي كفاية عياط قطعتي قلبي والله أنا مصلى ركعتين علشان اعرف اصبر والله غصب عني وحياة ولادي قاومتك كثير

*مليكه أرجوك كفاية كلام

*أدهم اعمل إيه أنا يا ربي ليه بيحصل معايا كده استغفر الله العظيم يا رب حلها من عندك،

وقام دخل يعمل دوش يطفئ نيران حبو ليها اللي أتفهم غلط

هما الاثنان فهموا بعض غلط هي فهمت إنو ندم أو ماقدرش يكمل علشان مش عايزها، رغم قربهم من بعض كان مبين قد إيه هي وحشتو

وهو فهم أنها ندمانة علشان استسلمت ليه، ويمكن كمان غصبها على قربه منها

خلص شاور، وطلع بره السويت نزل هو شايل هموم الدنيا عدا من علي ريسيبشن، وكانو لسه الشباب قاعدين ياسين، ويوسف وعبد الرحمن وفارس، وأكرم

عدا من جنبهم

*يوسف اللهم اجعلوا خير باين إن في حاجة كبيرة

**أكرم لا يكون جدي حصل ليه حاجة قبل ما يكمل جملته راح بجري ورآه

ياسين فهم تقريبا إيه اللي ممكن يكون حصل لانو هو اللي زق سناء تفتح الموضوع مع مليكة

هي بقا قامت تلعن نفسها على غبائها أنها سمعت كلام سناء، وسابت مشاعرها تتحكم فيها دخلت اخدت شاور بمياه باردة كا أنها بتعاقب نفسها، وطلعت اخدت منوم ودخلت السرير

أكرم فضل يدور علي أدهم لحد ما لاقاه قاعد بعيد

*أكرم جدي حصل ليه حاجه؟؟

*أدهم لا

أرجوك يا أكرم عايز آبقا وحدي

**أكرم في إيه يا أدهم حصلت مشكلة في الحفلة

**أدهم بعصبية جدك كويس والحفلة عدت علي خير بس أنا اللي مش كويس من فضلك سيبني وحدي

أكرم بص ليه بحزن، ورجع أوتيل

**يوسف ما لو أدهم ؟؟

**أكرم مش عارف متعصب جدا، وطلب مني اسيبو لوحده

**ياسين خلاص سيبوه لوحده وبلاش حد يسألوا أكيد كلنا عارفين ما لو

**يوسف أنت عارف أنا مش عارف ما لو

**فارس ضحك تعالي يا خويا كل واحد فيهم حايطلع ينام في حضن مرات وانا وانت لينا ربنا

الكل طلع

في الصباح

دخل أدهم السويت بعد ما قضى اليل كلو بره رجع شاف مليكه لسه نايمه

راح على الكنبة ونام عليها

بعد ساعة الولاد طلعوا عند مليكه اللي كانت نايمه صحوها لبستهم، ولبست وطلعوا من السويت نزلوا يفطروا عادي وأدهم كان نايم في ريسيبشن

*خالد ماما ليه بابا نايم على الكنبة ؟

**مليكه كان عندو شغل، ونام هناك أوعى تقول لحد إنكم شوفتو بابا نايم على الكنبة

**خالد لا يا ماما سرك في بير اول ما نزلت الكل بص ليها وهي حست إن في حاجة مش تمام

يتبع….

الفصل التالي :  ...

رواية بعت نفسي ............... بقلم نسرين

================ـ

الحلقات ال 120 و ال 121 ( الأخيرة )

______________________________ـ

رواية بعت نفسي الحلقة المائة وعشرون

-------------------------------------ـ

وصلوا الجامعة

**أدهم مش حاوصيكي يا مليكة

**مليكه خلاص فهمت الدرس ماحدش حا يعرف أننا مطلقين

**أدهم شاطره،

واستنيني حاجي أخدك ونطلع تتغدا بره مع أولاد

**مليكه ضحكت آه أنت عايز تأكد لي الناس إني متجوزه ومخلفة كمان

**أدهم بي ضحك مخلفة 3 بكده نقفل علينا الابواب كلها مع السلامة

مشي ومليكه فضلت تحمد ربنا على النعمة التي هي فيها من ساعة ما طلقها أدهم وهي حاسة بي ارتياح، فضيع كا أن حبل المشنقة فك من عليها

في السجن بعد ما كامليا اعترفت بكل حاجة عصمت كانت حاتتجنن حرفيا من غباء بنتها

راحت الحمام اول ما طلعت لاقت ستات ووسطهم غاده

**غادة كارتك أتحرق والبوص استغني عن خدماتك بعد ما بنتك سلمتك بحبل المشنقة بس احنا مش حانستنا المحكمة حانفذ دلوقتي

يلا يا ستات

مسكوا عصمت قبل ما تنطق بي أي حرف ضربوها واخدو سلك حطوه على عنقها لحد ما روحها، فارقت جسدها والسلك ذبح رقبتها بقت كلها دم

كامليا كانت رايحة الحمام هو دا المكان اللي بتقابل أمها اول ما دخلت شافت الستات وأمها دم فضلت تصرخ غاده كان عندها مطوه طعنتها كذا طعنه في بطنها

**غادة دا انتقامي مني ليكي إنك اخدت حبيبي أدهم ودي علشان غباءك و اعترفتي علينا

في القصر كانت العيلة كلها متجمعة بيتغدو ومعاهم مليكه وأولاد

لحد ما تليفون أدهم رن

رد على التليفون ووجهوا كان شاحب لدرجة ماحدش قدر يكمل أكل

ادهم سكت وفضل يبص عليهم ومش عارف يقول أية

**مليكه في أية ؟؟

**أدهم يا دادا خودي أولاد الجنينة يكملوا أكل هناك

اول ما أولاد طلعوا

**ادهم عصمت الله يرحمها اتقتلت في السجن و كامليا بين الحياة والموت في المستشفى أكيد بعد اعترافها انتقموا منهم

**عمار إن الله وإن إليه راجعون

**أحمد طريق الشر هي دي نهايته

**أكرم يعني أهلها اللي فضلت طول عمرها تدافع عنهم قتلوها ؟؟

**فارس دول مافيا

مليكة كانت بتعيط

**صفيه أدهم يا بني إكرام الميت دفنه ومهما كان دي عمتك لازم تعمل عزا يليق بي عيله الشرقاوي

**كوثر عين العقل يا صفية

فعلا عملوا عزا كبير حضر فيه سيف و اولادو ومراتو

حتى لو هو زعلان من أكرم وأدهم علشان سجنوا بنتو بس ما فوتش الواجب

في وسط العزا تم القبض علي أدهم بتهمة تحريض ستات على قتل عصمت وكامليا ومصطفي اللي لاقوه ميت في شقتو

مليكه لما شافت أدهم اتقبض عليه أغمي عليها

العزا خلص بسرعة

والكل أتحرك على قسم الشرطة ومليكه كانت معاهم دخلوا مكتب لحد ما جابو أدهم اول ما شاف مليكه راح حضنها قدام الكل، وهما انسحبوا من المكتب

**أدهم ياه مليكه بينك وبين ربنا آية؟؟ إن حقك يرجع فاكره أنا دخلتك القسم، وبعد 10 سنين أنا دخلتو مقبوض عليا وأنا مظلوم، وبعد عنها والله مظلوم يا مليكة أوعي تصدقي إن عملت كده

**مليكه أنا عارفة إنك معملتش كده مش محتاج تقولي

**أدهم ولادي أمانة عندك خلي بالك من ملك

**مليكه بعد إذنك عايزة اخد ملك وازور كامليا البنت لازم تشوف أمها وتعرف أنها تعبانة وماتخلتش عنها هي تلعب وتضحك الله أعلم لما بتحط رأسها على المخدة بتفكر في إيه

**أدهم اعملي اللي شايفاه صح طلعت مليكه، ودخل فارس وأكرم وعمار وأحمد يشوفوا مع أدهم يتصرفوا ازاي اما غادة كانت قاعدة ومبسوطة أنها اخدت حقها منهم وكمان من أدهم اللي حرضت الستات أنهم يتهموه وهي اللي أدت أوامر الرجالة علشان يقتلوا مصطفى ويدخل أدهم بتهمة قتل علشان الشرف، وتبقي القضية لابساه هي جوه بس عندها ناس تساعدها مقابل أنها تسكت لأنها عندها ملفات وفيديوهات كثيرة وحتى لو قتلوها في حد معاه نسخة لو حصل ليها حاجة

ثاني يوم

مليكه اخدت ملك المستشفى

**مليكه حبيبتي أنا عارفة إنك خايفه تسألي علي ماما علشان أنا وبابي مانزعلش عايزة اقولك مامي بتحبك اوي اوي وهي تعبانة أوي وأنت هنا علشان تزوريها ولازم تقولي ليها ماما أنا بحبك ملك كانت ساكتة ومش فاهمة دخلتها مليكه العناية المركزة ملك اول ما شافت أمها ابتدت تعيط وراحت حضنتها.

بمساعدة مليكه علشان الأجهزة

فضلت مليكه كل يوم بتاخد ملك المستشفى

بعد أسبوعين

مليكه اخدت ملك المستشفى وطلبت منها تكلمها

**ملك وهي حاتسمعني ؟

**مليكه أيوه حاتسمعك قوليلها كل حاجة في قلبك قوليلها إنك بتحبيها أوي وأنك مش زعلانة منها فعلا ملك ابتدت تعبر عن اللي جواها بي براءة طفولية بعد وقت مليكه لاحظت أن كامليا بتتحرك راحت بسرعة ندهت الدكتور

طلعت هي ومليكه بره، ودخل الدكتور كشف عليها، وقال إنها أبدت تفوق

تاني يوم

راحة مليكه مع ملك

كامليا، فرحت لما شافت بنتها

**ملك مامي أنا فرحانة إنك بقيتي كويسه

**كامليا وهي بتحاول تطلع صوتها بحبك يا ملك أنا آسفة

**ملك مامي أنا كمان بحبك طنط مليكه كويسه أوي مش وحشة

**كامليا بصت علي مليكه

بنتي أمانة عندك أنا آسفة

**مليكه أن أشاء الله تقومي بي السلامة

**مليكه أدهم فين؟؟

**مليكة للأسف اتهموه إنو هو اللي عمل كده ومحجوز

**كامليا مش هو دي غادة ماما عاملة إيه؟

**مليكه ماحبتش تقول ليها حاجة أهدي علشان ماتتعبيش

**ملك مامي طنط مليكه كل يوم بتجيبني عندك أكلمك كنت بتسمعيني؟

مليكه طلعت تشوف الدكتور،

وكان الضابط بره الدكتور بلغو إنو ممكن ياخد أقوالها

طلعت ملك ومليكه،

ورجعوا القصر

الضابط آخد أقوالها وهي قالت اللي شافته وسمعت من غادة

بس للأسف ماقدرتش تستحمل موت أمها لما بلغها الضابط دخلت في حالة تصعب على أي حد فضلت تعيط

علي بليل جات صباح تشوفها،

ودخلت عندها لاقتها كا أنها مغيبة بس بتتكلم مع نفسها

**كامليا يا رب سامحني استغفر الله العظيم يا رب ارحمني يا رب اقبل توبتي يارب أنا خايفه منك استغفر الله

**صباح يا رب اقبل توبتها يارب ماتعدبهاش

صباحاً من حالتها عرفت أنها بتطلعها الروح

**كامليا أنا خايفه

سامحوني

**صباح شهدي يا بنتي قولي ورايا

كامليا بصت عليها وشها شاحب وجنب شفايها مياه بيضه

**صباح اشهد ان لا اله الا الله و اشهد ان محمد رسول الله

**كامليا بصوت مش قادر يطلع

شهدت وفضلت فاتحة عينيها و بؤها صباح خافت من المنظر لما شافت الدم طالع من بوها راحت ندهت الدكتور

**الدكتور البقاء الله

صباح اتصدمت وفضلت تعيط وصممت هي اللي تغسلها

أكرم وفارس وصلوا اللي قتل مصطفى وطلع البواب حد اتفق معاه

في ممرضة كانت عند رحيم في غرفة وهو لسه مش فايق؛ بسبب الدوا

بس سمعهم

**الممرضة يا حرام عيله الشرقاوي اخدو عين بنتو الكبيرة ماتت مقتولة وحفيدته لسه طالعه روحها وحفيده في السجن

نص ساعة وطلعت روحو

خبر موت كامليا ورحيم في اليوم نفسه زلزل القصر

حالة حزن كانت شديدة جدا على الكل الضابط حسام طلع أدهم على مسؤوليته قبل ما تخلص الإجراءات كلها علشان يحضر الدفن والعزاء

أدهم حالته كانت سيئة جدا على فراق جدو خاصة لما راح يزورو في المستشفى، ويشوفوا لي اخر مرة

كان في انهيار تام جدا

يتبع….

الفصل التالي :

___________________ـ

رواية بعت نفسي الحلقة المائة والحادية والعشرون

----------------------------ـ

بعد سنة

مليكة كانت عند الدكتورة وفاء

**الدكتورة وفاء مشاء الله عليكي شايفة ضحكتك في حاجة جديدة ؟؟

**مليكه الحمد لله نجحت بي امتياز، ودخلت مزاد المصنع اللي كنت شغالة فيه زمان ورسي عليا الحمدلله ومبسوطة جدا

وكمان المطعم بقا مشهور اوي

الحمدلله

**الدكتورة وفاء فعلا الفترة أخيرة مابقيتيش تيجي بس كنت مقدرة ضروف امتحاناتك

**مليكه الحمدلله

**الدكتورة أنت عارفة إنك بقيتي كويسه بقيتي متصالحة مع نفسك اتغيرتي بقيتي نشيطة أم لي 3 أطفال بتدرسي، ونجحتي بي امتياز المحل الملابس ليه اسم كبير

و المطعم ماشي كويس

ومشاء الله اخدت المصنع وكمان بطلتي الدوا

**مليكه فعلا عارفة مين ساعدني في كل دا أدهم

كان بذاكر ليا طول الوقت، ويساعدني في أي حاجة على طول جنبي ماحدش عارف بطلاقنا غير أهلنا بس الناس لا؛ لأننا ديما مع بعض حتى في المصيف روحنا مع بعض وأولاد عارفة يا دكتورة كمية الاحترام اللي بشوفها في عنيه وغيرتو عليا، ولا مرة قرب مني أو حاول يعمل حركة مش لطيفة كنت بستغرب ازاي هو كده لدرجة شكيت إنو عندو علاقة مع ست أو يعني بيروح يرفهه عن نفسه طلع العكس مافيش في حياتو غيري أنا بس و اولاد

**الدكتورة وفاء كويس كل دا مش عايزة ترجعي ليه؟؟

**مليكه أنا عايزة ارجع ليه وانا كويسه تماما خايفه ارجع، و ابوز العلاقة اللي بينا ممكن لما يتقفل علينا باب واحد مشاعرنا تتغير

**الدكتورة وفاء أنت عايزاه كده تشوفيه بلف حواليكي ومش طايلك يا مليكة دا عذاب، و انانيه منك

في الوقت أدهم كان عند الدكتور أمجد

**أدهم أنا مش عارف إيه اللي لازم اعملوا أكثر من كده علشان ترضي وتسامحني أنا مابقيتش قادر استحمل

**الدكتور أمجد انت شايف إنها بقت كويسه ؟؟

** أدهم ماقدرش أقول حاجة لازم الدكتورة وفاء اللي تقول بس هي قالت لي إنها فترة وقفت الدوا ومابقتش الحالة بتجيلها بقت ناجحة في حياتها أيوه أنا موجود على طول معاها بتاخد أذني في أي حاجة في أي مشوار لما كنا نجهز المصنع كنت بروح المقابلات معاها حتى لما بعرف على نفسي إن جوزها ماكنتش بتزعل كنت بشوف فرحه في عينيها بس أنا عايز اخودها في حضني تكون قريبة مني عايز اشبع منها حضرتك فاهم بقا

** الدكتور أمجد آه طبعا دا حقك طالما بتحبها بس هي وعدتك أنها ترجع ليك؟

أدهم اتصدم من السؤال

**أدهم هي ممكن ماترجعش ؟؟؟

**الدكتور أمجد أنت اللي لازم تسألها؟

**أدهم مش عايز علشان ماتفكرش إني بضغط عليها مش كفاية سنة طلاق بقالي شهرين مابقتش مستحمل الوضع هي قدامي ومش قادر أقرب منها

**الدكتور أمجد بجد برافو عليك أنت فعلا أثبت أن العلاج النفسي بجيب نتيجة أنت حالتك كانت غير كده ماكنتش تراعي مشاعرها ودلوقتي خايف عليها

**أدهم بحبها وحبيتها أكثر واخدا بالها من أولادي وكمان من بنتي ملك اللي بقت تقولها ماما بدل طنط مليكه

**الدكتور أمجد خليك شجاع، واطلب منها ترجعو لبعض

**أدهم إن شاء الله شكرا على كل حاجة يا دكتور

مليكه لسه مع الدكتورة وفاء

**الدكتورة وفاء مليكه أنا بعمل دكتوراه، وفي حالات عندي عايزين نستفيد منك ازاي وصلت المرحلة اللي أنت فيها

**مليكة بصي حضرتك أكيد الفضل يرجعلك

لما ضهر تاني أدهم في حياتي حسيت بي الخوف سيطر عليه من كل النواحي والماضي اللي كنت فاكره إني نسيته أو تناسيتو رجع بقوة كل يوم كنت بحلم بي كابوس حلم بشع بصحي منو وأنا مرعوبة

لاقيت اللي سبب عذابي هو اللي جابني عند حضرتك علشان أتعالج الفترة دي كانت صعبة عليا خاصة لما كنت أفتكر اللي حصل هنا اكتشفت أني بحرر نفسي من الماضي في الكلام، وقررت أغير الحاضر طلبت منه الطلاق والصراحة كان في منتهى الرجولة وطلقني في هدوء، رغم كنت شايفاه بيتعذب وقت الطلاق شوفت دمعة نزلت من عينيه وهو يرمي عليا يمين الطلاق

جات الخطوة الثالثة أحقق أحلامي واللي أنا عايزاه الحمد لله نجحت في شغلي

**الدكتورة وفاء كل دا مش قادره تسامحيه؟؟

**مليكه من قالك أنا بجد سامحت ونسيت كل اللي حصل سامحتو لما شوفت بجد قد ايه اتغير قد ايه بقا إنسان بجد بخاف ربنا وخاصة بعد موت جدو رحيم الله يرحموا تعب جدا الحمدالله وقفت جنبو بس نفس الوقت شفت إنو الموت ادالو درس تاني في حياتو

عارفة بستغرب كثير من الستات اللي جوزها يبهدلها وتسامحوا وهو ماعملش حاجة تبين انو أتغير بمجرد ما يقول ليها أنا آسف أنا حاتغير تقوم مسامحه على طول أنا كل اللي عملوا معايا، وشوفت تغييرو ماكنتش قادره اسامحو

**الدكتورة وفاء كل ست وليها ظروفها أنت اتعالجتي هو ساعدك في ستات تقولك خلاص هو دا طبعوا وعندي عيال أرضى بنصيبي أعمل إيه

**مليكة أكبر غلط لأنك بدمري نفسك مش كل الرجالة تستاهل فرصة تانية الستات دي بتخدع نفسها ومش قادره تواجهه المشكلة و مش عايزة تغير حياتها بتستسلم فا اللي معاها طول ما هو شايفها سلبية عمرو ما حايتغير

زمان الدكتور أمجد قالي جمله أني فيه فرق بي الطبع والتطبع

لو كل ست عرفت طبع جوزها وعيوبه حاتعرف تكمل لو بيضربها وبيضرب غيرها يبقى دا طبعوا وعمرو ما حايتغير لو ضربها في لحضه يبقا تطبع

الإنسان اللي قدامي عايز يتغير ولا لا معترف أن عندو مشكلة أو شايف نفسه على حق زي طليق مريم البنت اللي جبتها معايا هنا دا بقا شايف نفسه طبيعي، وكل اللي حصل عادي لو كانت كملت معاه يبقى كانت حاتفضل طول عمرها بتتعذب

لانو عمرو ماكان حايتغير هنا هي بضيع نفسها

**الدكتورة وفاء مبسوطة بيكي جدا جدا يا مليكة وفعلا أدهم عندو حق يحبك طول السنين دي ولسه مستنيكي لحد دلوقتي

**مليكه يوم ما أرجع مع أدهم عايزة أبتدي من اول معاه كا إني عمري ما عرفتو ابتدي صح جواز بجد

**الدكتورة وفاء بتحبيه ؟؟

**مليكه في مشاعر أكبر من الحب أدهم خلاني أحترمه جدا

خلصت الجلسة وطلعت مليكه بروح جديدة وقفلت باب الماضي بعد ما قفلت باب المكتب كان أدهم قاعد مستنيها

**أدهم كلو تمام اتاخرتي ؟

مليكة بي ضحكه مافهمش معناها

**مليكه الحمد لله كله تمام

ادهم عايزة أروح شقتنا اللي اتجوزنا فيها

**أدهم بصدمة ازاي بلاش يا مليكه احنا مش ناقصين وجع القلب

**مليكه مافيش وجع بس دي اخر خطوة معملنهاش ونفسي اعملها

**ادهم دلوقتي؟

**مليكه آه

**أدهم ربنا يستر طلعوا العربية بعد أدهم كتب رسالة لي دكتورة يبلغها بس هي طمنتو أن مافيش حاجه حاتحصل

مليكة كانت مغمضة عينيها في العربية لحد ما وصلوا

**أدهم مليكه احنا وصلنا

مليكة فتحت عينيها،

وفتحت الباب وطلعوا في الأسانسير

أدهم كان بقالو سنين مجاش الشقة والبواب كان مهتمي بيها

أدهم وقف عند الباب، وفضل يبص ليها

** أدهم بلاش يا مليكة

**مليكه مافيش حاجة أنا كويسه

دخلوا الشقة

هي وقفت عند الباب

فضلت تبص على كل ركن

راحت على غرفة النوم

وهو وراها

**مليكه غرفة نوم دي شهدت على اول جريمة ليك في حقي

فاكر ؟؟

**أدهم أنا آسف

**مليكه أنا سألتك بس ادا فاكر ولا لا ماطلبتش منك تتأسف علي حاجة خلاص حصلت وراحت

**أدهم أتمنى فعلا تكون راحت

مليكه طلعت البلكونة وغمضت عينيها،

وكل شريط حياتها عدا عليها من ساعة ما عرفت ادهم لحد دلوقتي

هو كان واقف مراقبها وخايف جدا فضلت أكثر من 40 دقيقة كدا

في جلسة تأمل مع ذاتها

وهي بتكلم نفسها

أنا ست قوية جدا أني اتحملت كل حاجة أنا ست ربنا اختارني أعيش العذاب وابتلاء نجحت فيه حافظت على شرفي، وكنت زوجة صالحة وأم لي أولادي ربنا كان عايزني أكون في مرتبة عالية ماكنتش حاوصلها من غير ابتلاء دا

يا عالم حياتي كانت ازاي اللي حصل زي ما بنقول وجع ساعة ولا وجع كل ساعة ربنا اختار ليا أدهم اتعذبت صغيرة علشان ارتاح وانا كبيرة ممكن كنت قابلت راجل تاني الله أعلم كان عمل فيا إيه

ربنا اختار ليا أدهم وليه حكمه في دا سبحان الله الحياة دي زي Puzzle كل حتة بتركب مع حتة شبها علشان يكملوا بعض أنا وأدهم بنكمل بعض الحمدلله

على رضاك عني الحمدلله والشكر الله على نعمك عليا سامحني يا رب لو في يوم زعلت من ابتلائك، وقولتلك ليه يحصل فيا كده ماكنتش عارفة حبك ليا وحكمتك ليا

سامحني يا رب، واغفر ليا كل أخطائي يا رب أنا غلبانة بين أيديك يا رب اغفر ليا لو في يوم ظلمت حد يا رب

أنا كنت أم لي ملك يا رب أنا عاملتها بما يرضي الله تعبت في تربيتها لما أمها اتوفت يارب أنت شاهد أنها كرهتني

فكرت أنا السبب في موت أمها بس ادتني حكمه، وصلت علشان احتويها والحمدلله بقت تقول ليا ماما، و باخدها زيارة لي أمها في المقابر يارب ساعدني أكبر ولادي تربيه حسنة

يارب قسيت شوية على سها بس علشان تعقل وقفت في جوازها من فارس بس دا لمصلحتها مكانتش مناسبة ليه عارفة إنها زعلانه انو حايتجوز مريم بس دا عوضك ليها هي اتعذبت بعد ما رجعت لتوفيق وحملت وحماتها سقطتها كان ليك حكمه في دا يا رب يسامحني على طلاقي من أدهم كنت حاظلمو وأظلم نفسي أنت عالم بي قلبي وإني ماحبتش غيرو ولا حا حب حد تاني يا رب لو عذبتو سامحني يا رب أنا محتاجة ليك ترجعو ليا، وتبعد عنه كل حاجه وحشة

هنا ابتدت تعيط

ادهم قرب منها حط إيدو علي كثافها لفت عندو اترمت في حضنو بتعيط

**ادهم قولتلك بلاش اعمل إيه أنا دلوقتي حانرجع انقطع الصفر أنا تعبت يا مليكة

**مليكه سامحني يا حبيبي على كل حاجة

أدهم وهو مش مصدق نفسوا اللي سمعو

** أدهم قولتي أية ؟؟

** مليكه سامحني

**أدهم بعد سامحني قولتي حاجة تانية مليكه انتبهت على نفسها، وسكتت

**أدهم هو أنا سمعت كويس قولتيلي حبيبي؟؟

**مليكه أيوه

**أدهم طلعها من حضنه

ايوه عارفة اول مرة تقوليلي حبيبي من ساعة ما عرفتك وباس جبينها في بوسه طويلة قربهم كان مهلك

**أدهم بعد منها

اللهم إغزيك يا شيطان احنا لوحدنا وقريبين من بعض وقولتليلي حبيبي مش عايز أغضب ربنا يلا بينا أنا مش قادر استحمل

بعد منها، وراح يجري عند الباب

مليكة فضلت تضحك عليه

وصلوا القصر

أدهم طلع بسرعة الجناح بتاعو مع مليكه دخل ياخد شاور يهدي من نفسه

صفية جهزت نفسك يا مليكة ؟

**مليكه من امبارح حانسافر أمتي ؟

**صفية ساعة كده بس أحمد وعمار يرجعوا شوفتي المجلات كاتبين إيه على عيله الشرقاوي انهم رجعوا السوق بقوة يارب يخلينا على طول متجمعين

**مليكه يارب

**كوثر مش كفاية شحططه في الراجل مش شايفة دخلتو مع بعض، وطلع يجري فوق شكلك ولعتيها

**صفية اختشي يا كوثر البت بتتكسف

**كوثر لا، ونبي خلفت العيلين ازاي قال بتتكسف اسمعي زي ما بقولك يا إما ترجعيلو يا إما حا شوفلو عروسه يتجوزها وأنا فاتحته في الموضوع دا مليكه حايفضل عازب لحد أمتي ولا أنت مبسوطة وأنت شايفاه بيتعذب كده كل ليلة كل واحد حاضن مرات وهو عامل زي قرد قطع يغني ضلموه مهما كان هو راجل

عقلك في رأسك تعرفي خلاصك

عن إذنك يا يا صفية نشوف الخدم عملوا إيه في الأكل

مليكه راحت الفيلا وهي متعصبة

جدا، واتصلت على أدهم اللي كان لسه طالع من الحمام

شاف تليفونو بي رن

**أدهم الو

**مليكه بعصبية هو أنت ناوي تتجوز ؟**أدهم ضحك من عصبيتها والله ناوي

**مليكه يعني إيه الكلام دا حاتقول لمرات عمك كوثر تشوفلك عروسه ؟؟

**أدهم هي قالت لي حادور

**مليكه ماشي يا أدهم ألف مبروك مقدما، وقفلت الخط أدهم فضل يضحك عليها وعلى غيرتها

بليل وهما راكبين في العربية وهي زعلانة

**ملك مامي أنت زعلانة من أية؟؟**مليكه بابي مزعلني

**خالد ليه يا بابا تزعل مليكة

**أدهم بص ليها بتقومي الولاد عليا وزعلانه ومتعصبة أنت عارفة إن دا كلو كلام، وعارفة إني عمري ما حاعمل كده

**مليكه بفرحه بجد يا أدهم ؟

**أدهم بجد يا روح وعقل وقلب أدهم

مليكه بصت ليه بكل حب، وحمدت ربنا وغمضت عينيها أدهم مع نفسه حاتفضلي لحد أمتي بتعذبيني

ثاني يوم

الكل مشغول في السطح النهارده كتب كتاب يوسف علي أمنية بنت عم أدهم حبو بعض وشخصيتهم قريبة من بعض وفارس على مريم اللي كانت طايرا من الفرح بس سها بتنكد عليها كل شوية راحت مليكه عندها

**مليكه إيه يا سها مش حاتجهزي

**سها لا

**مليكه أنا عارفة إنك زعلانة بس هو أعجب بيكي مش حب وأنت كمان مابتحبهوش بس أنت بصيتي فوق على فلوسو والقصر

**سها عيب لو فكرت كده أنا مش عايزة أعيش في الفقر

**مليكه فين هو الفقر بتشتغلي في أحسن الشركات جبتي عربية وعندك شغالة تطبخ ليكي، وتنضف وراكي قولي الحمد لله وبكره ربنا يبعث ليكي نصيبك فارس مكانش نصيبك أنت خططتي علشان توقعيه في حبالك بس هو حب مريم

**سها ابتدت تعيط أنا تعبانة يا مليكة قربت منها، وحضنتها معلش يا حبيبتي أرضى بنصيبك إن شاء الله حايبعث ليكي راجل تحبيه ويحبك

راحت مليكه لبست فستان لون بيج حلو أوي وكلمة ميكاب أرتست عملت ليها مكياج حلو جدا

حست كا أنها عروسه

السطح كان متزين بي ورود وبالين اصرو حفله كتب الكتاب تكون فوق السطوح في بيت عم محمد كان في إمكانهم يروحوا قاعة كبيرة بس هما فضلو البساطة

وصل المؤذنون

أدهم طول الوقت عينيه على مليكه اللي شكل فستانها مدى على أنها عروسه وخاصة أنها سابتلو الولاد طول اليوم، وراحت تضبط نفسها في بيوتي سنتر

ياسين قرب من أدهم

**ياسين لسه ما فهمتش ؟؟

**ادهم افهم آية؟؟

**ياسين يا بني ركز شوية هي لابسه ليك فستان عرايس هو مش منكوش وفستان بسيط بس اقطع ذراعي هي عايزاك ترجعها

**أدهم أنت شايف كده ؟؟

**ياسين روح عندها

أدهم قرب من مليكه

**ادهم تعالي عايزك

بعدو شوية على السطوح

**مليكه في حاجه؟؟

**أدهم تتجوزيني يا مليكة ؟؟

**مليكه اطلبني من أبويا وأخواتي عن أذنك

مشيت وسابتو،

وكانت مبسوطة أوي

ياسين غمز أدهم

المؤذون خلص وكان عايز يمشي

** أدهم استني يا مولانا عم محمد أنا طالب إيد بنتك مليكه لي الجواز قولة أية ؟؟

**عم محمد قولتي إيه يا عبد الرحمن ؟

**عبد الرحمان سأل مليكه

إيه يا مليكة موافقة ؟؟؟

**مليكه بصت لي أدهم موافقة

الكل زغرت وكان مبسوط، وتكتب كتابهم في جو عائلي عكس لما أتكتب كتابها عليه اول مرة

أدهم قام حضنها جامد، وفضل يلف بيها قدام الكل

**أدهم بصوت عال بحبك بحبك بحبك

كلهم ابتدو يصفقوا ليهم الكل كان يتمنى اللحظة دي كلهم عارفين قد ايه هما اتعذبو في حياتهم

قد ايه أدهم أثبت انو فعلا أتغير وأنت فعلا بحب بجد

**أدهم همس ليها في وذانها الليلة حاتبقي ليا صح ؟؟

**مليكة إن شاء الله

**,أدهم مسك أيديهم عن إذنكم يا جماعة

الكل ضحك عليه

**ياسين دا انت استحملت سنين مش قادر تستحمل كم ساعة تعالوا نتصور كلنا

ادهم ومليكه عملوا صور كثيرة

أصلا مليكة كانت مجهزة شنطة صغيرة يادوب حايمشو

**خالد، واخد ماما ورايح بيها فين؟؟

**أدهم بص حبيبي أمك بقالها سنين معاك بس من انهارده بقت ليا

**خالد ازاي ؟

**أدهم بص ليهم حد يمسك الولد دا عني

**ياسين تعالى حبيبي سيب ماما وبابا عندهم شغل كثير لازم يعملوه

أدهم شالها، ونزل بيها السلم

وهو فرحان وطاير من الفرح، وصلو

أوتيل حجز سويت وطلعوا

مليكه شايفة أدهم قد ايه مبسوط

وفرحان وهي كمان فرحانة اتجوزتو بي إرادتها

فتح السويت وشالها

**ادهم مش مصدق بقيتي مراتي من تاني

**مليكه الحمدلله أدهم أنا بحبك أوي أنا عمري ما حبيت حد أنت اول رجل في حياتي

**أدهم وآخر راجل إن شاء

خلينا نتوضأ ونصلي

بعد الصلاة

**أدهم فضل ساجد لربنا بيشكرو علي دعوة كان يدعيها كل يوم

**مليكة شالت إسدال وكانت لابسة قميص نوم أبيض

**أدهم

قرب منها سامحتيني؟؟

**مليكه سامحتك من زمان سامحتك لأنك تستاهل اسامحك سامحتك لأن ربنا غفور رحيم سامحتك لأنك تستاهل فرصة تانية

سامحتك علشان بحبك

أدهم أخدها في عالم تاني كان مستنيه من 10 سنين

حب حقيقي ومشاعر صادقة حب تخطي كل العقبات، وكل المشاكل النفسية اللي مرو فيها حب الخير وحب الذات أنهم يصلحوا من بعض، ويحترموا بعض وقرارات بعض حتى لو كانت على حسابهم

مش كل الرجالة تستاهل فرصه ثانيه بس ادهم أثبت انو راجل عالج نفسه علاج حقيقي مش بي الكلام وعد انو يتغير وأتغير

لان هي دي الحياة لازم نسامح بس نسامح الناس اللي تستاهل إننا نديها فرصه ثانيه

المسامحة وعد، وليست مشاعر

فحينما تسامح فا أنت تعد الآخرين بأن لا تستخدم سيئات ماضيهم ضدهم في يوم من الأيام

قبل أن تسامح قف مع نفسك حاسبها وعالجها وطبطب عليها واعلم أنك قوي وأن إيمانك عالي مع الله سامحت مهما حدث لك سامحت الإنسان الصح بعد توبته واستغفاره

❤️❤️❤️❤️النهاية❤️❤️❤️❤️❤️

يتبع….حلقة خاصة

الفصل التالي :  الحلقة المائة والثانية والعشرون

___________________ـ

رواية بعت نفسي ............... بقلم نسرين

================ـ

رواية بعت نفسي الحلقة المائة والثانية والعشرون

------------------------ـ

حلقة خاصة

=========

صحي أدهم، وفضل يبص عليها وهو مش مصدق نفسه أنها خلاص بقت معاه، وسامحته وأنهم اتجوزو، وقضو ليله ولا ألف ليله وليله

**أدهم حبيبتي اصحي بقا

**مليكه سيبني أنام

**أدهم كملي نوم في طيارة احنا كده مش حانلحق

مليكة فتحت عينيها بسرعة

**مليكه طيارة؟؟؟

** أدهم أيوه حبيبتي احنا مسافرين شهر عسل

**مليكه وأولاد ؟؟

** أدهم مالهم ؟!!!

** مليكه حناخدهم معانا؟؟

** ادهم بقولك شهر العسل تقوليلي ناخدهم معانا ؟!

** مليكه حبيبي ماينفعش أسيبهم وعمري ما بعدت عليهم

**أدهم عارف بس الوضع اتغير عليكي وعليهم

** مليكه ازاي؟

**أدهم في الأول كنتي لوحدك معاهم ووقتك ليهم بس حاليا أنت بقيتي مراتي، وكنت محروم منك سنين، فا عايز وقت ليا نسافر نطلع من غيرهم وهما لازم يتعودوا إني جوزك وخاصة خالد بغير عليكي

وأنت غلطانه إنك بتخليهم ينامو في حضنك

الكلام كله دا لازم يتغير

**مليكه اللي بتقوله دا صعب

**ادهم عارف بس نحاول يلا قومي

قامت مليكة بي إحراج راحت الحمام تاخد شاور

كان أدهم عمل كم مكالمة يزبط الشغل،

واتصل بي مرات عمو صفيه يقولها تخلي أولاد معاها في القصر، وتخلي بالها منهم

بعد ساعة

نزلوا أوتيل يفطرو

**ادهم حبيبتي نخلص فطار ونروح المول نجيب كدا حاجة طبعا مش معانا لبس

**مليكه طيب أنا عايزة أشوف أولاد

**أدهم ماينفعش حبيبتي حايشبطو

فيكي أوعدك المرة الجايه يكونوا معانا بس المرة دي أنا وانت بس فاهمه

**مليكه ماشي ماقولتليش حانسافر فين؟

**أدهم مفاجأة

بعد ما فطروا راحو المول

**أدهم أوعي تنسي الحاجات اللي بحبها ؟

** مليكه بي استغراب حاجات إيه؟

**أدهم ضحك تعالي معايا انت شكلك حاتتعيبيني

**مليكة هو أنا لسه حاتعبك

اشتروا الحاجات اللي ناقصاهم وطلعوا المطار

في طائرة

**مليكه أدهم أنا خايفه اول مرة اركب طيارة

**أدهم عارف وعامل حسابي

خودي الحبايه دي حاتخليكي تنامي

**مليكه ربنا يخليك ليا

**أدهم هو دا بجد يا مليكة أنت معايا، وامبارح اتجوزنا ودلوقتي بتقولي ليا ربنا يخليك ليا

مليكه اخدت الدوا

** مليكه بجد يا حبيبي أنا آسفة إني تعبتك معايا بس صدقني دا كان كويس لينا علشان نبتدي من جديد على نظافة ونية صافية كا اننا اول مرة نتجوز

**أدهم قربها منو وحضنها

كا إن اول نتجوز دا مافيهاش شك كفاية كسوفك مني امبارح

** مليكه معلش حبيبي

** أدهم على فكرة كسوفك دا هو دا اللي أبهرني بيكي وخلاني أحبك أنت مميزة يا مليكة

بص ليها لاقاها نامت

في القصر

خالد متعصب

** خالد ازاي ماما تسافر من غيرنا ؟؟

**صفية يا بني يا حبيبي أنت زعلان ليه إن ماما وبابا رجعوا لبعض واتجوزو

**خالد ما هما كانو مع بعض وبنسافر كثير كلنا

**صفية أيوه حبيبي بس بابا ماكنش عايش معاكم، وكان بي بات هنا في القصر بس دلوقتي الوضع اتغير حايعيش معاكم في الفيلا أو ممكن أنتم تيجو هنا القصر

** خالد يعني بابا حايبقبي يبات مع ماما في الأوضة؟

**صفية أيوه يا بني

**خالد بس أنا مش عايز بابا ياخد مني ماما شوفتي أهو سافر بيها من غيرنا

**صفيه ما طبيعي دي مراتو بص حبيبي أنت لازم تبقى مبسوط أنهم مع بعض

**كوثر اطلع حبيبي غرفتك نام فيها

خالد راح متعصب

** كوثر الولد مش متقبل جواز أمو وأبوه

**صفيه ماهي ياختي اللي غلطانة مش بتسيبهم لا ليل ولا نهار وحتى في النوم

**كوثر ماتنسيش إنها كانت الأب والأم ليهم

**صفية حايتعبهم معاه دا طول الطريق وهو متنرفز ومتعصب علينا وعلى أخواته البنات

**كوثر ربنا يهديه

عرسنا وصلو اوتيل ماليزيا

**مليكه الله يا ادهم المكان يجنن

**ادهم كنت اتمني نيجي هنا نريح اعصابنا انا وانت

**مليكه شكرا حبيبي

**ادهم احلي حبيبي سمعتها في حياتي

واخد شفايفها في بوسه طويله

ابتعد عنها بصعوبه وسند راسو علي جبينها

**ادهم بحبك يا مليكه انت الحاجه الوحيده في حياتي اللي كويسه واللي فضلت ليا بالله عليكي ماتسبنيش لا انت ولا اولادي

مليكه وهي بتترعش من المشاعر اللي حركت قلبها وجسمها و وشها اللي كله احمر من الكسوف

**مليكه مش حاقدر اسيبك انت قدري و نصيبي وحبيبي و صديقي ابويا واخويا وابني انت كل حاجه ليا انا وانت اتضلمنا في ضروف مالناش ايد فيها

انا عايزه اعيش معاك في حب وسلام ونربي ولادنا

**ادهم وانا معاكي لي اخر يوم في عمري

ورجع يبوسها تاني

علي بليل

كانت نايمه في حضنه

**ادهم بحبك

**مليكه وانا كمان بحبك اوي

قام شالها ودخلها الحمام

**مليكه بتعمل ايه؟

**ادهم ناخد دش مع بعض وننزل نتعشا ونكلم اولاد خالد اتصل علينا كثير

**مليكه انت نسيتني ولادي يا ادهم

**ادهم لا حبيبتي احنا من حقنا نعيش لحضات لينا كفايه عذاب وبعد و ولادنا حانعوضهم

في شرم الشيخ

عند مريم و فارس كانو علي الشط البحر

**فارس حاتفضلي ساكته كثير

**مريم انا اسفه

**فارس انا سيبتك ترتاحي وما اتكلمتش بس اظن انو من حقي افهم منعتي نفسك عني ليه ؟؟

**مريم فارس انا ما منعتش نفسي عنك انا بس طلبت منك نأجل الدخله لحد ما نتعود علي بعض

**فارس ماكنتش عارف انك لسه بتحبيه

**مريم لا يا فارس انا اتجوزتك وانا بحبك انت ومقتنعه بيك

**فارس طيب فين المشكله

**مريم المشكله فيا انا

**فارس هاتي ايدك خلينا نتمشي ونتكلم

مدت ايديها ليه

**فارس خدي نفس وقولي كل اللي جواكي

انا عارف اننا اتجوزنا بسرعه ودا بفضل اخوكي ياسين

حتي فتره الخطوبه كانت قصيره ومنع اننا نطلع مع بعض وحتي البعد انا في الإسكندرية وانت في القاهره ومنع عليكي تيجي عند مليكه

** مريم معلش احنا في حاره شعبيه تربيتنا غير تربيتكم

**فارس قصدك ايه؟؟ علشان اختي كانت بتطلع مع اخوكي ؟

** مريم لا والله مش دا قصدي بص انا مطلقه وسمعه المطلقه علي كل لسان وكفايه حماتي ربنا ياخدها هي وابنها طلعو عليا كلام وحش ياسين كان بيحميني حتي لما اتخطبنا طلعو عليا كلام وحش اني اطلقت علشان لفيت عليك وكلام كثير

انا اختك فارهي شغاله مع يوسف و وضعها غير وضعي وكانت تحت عنيكم

**فارس فهمت بس انت خايفه مني ليه؟؟

**مريم معلش مش خوف بس مكسوفه منك وكمان لازم تفهم انو صعب عليا اتكشف علي راجل تاني

** فارس انا جوزك وبنحب بعض وبلاش كل شويه انا مطلقه انا مطلقه شيلي افكار الرجعية دي من دماغك انا كمان مطلق الطلاق مش نهايه العالم ومن حقنا نعيش

**مريم ليه اختارتني انا وانت كنت معجب بي سها؟

* فارس أتنهد أظن أنك سألتني السؤال دا زمان وجاوبتك عليه بصي حبيبتي الإعجاب حاجة والحب حاجة والزواج حاجة تانية وعلشان أكون صادق معاكي سها عجبتني من اول مرة شوفتها وبصراحة هي كانت بتلف عليا

*مريم فارس بلاش تقول الكلام دا سها مهما عملت معايا، ولا زعلت مني هي أختي اتربينا سوا

*فارس والله العظيم يا حبيبتي مش بكذب عليكي آه مش حانكر أنها صدتني اول مرة

وأكرم نصحني أبعد عنها يا مريم أنا كنت نازل مصر عايز استقر عايز أتجوز وأكون أسرة بعد طلاقي، وتجربة الوحشة اللي حصلت ليا مش بس الست اللي بتعاني من الطلاق من كثر كلام أدهم وأكرم علي مليكه وعلى أخلاقها عجبتني سها، وكلمة أكرم إني عايز أتقدم لها رسمي هي ابتدت تجر ناعم معايا، وحطيت أنها كمان معجبة بيا أو بتحبني

يوم حفله ادهم على المصنع جات أمي وقالت ليا ماتنفعاكش يابني مش هي دي اللي تبني معاها أسرة وهي مش زي مليكه وسبحان الله شاورت ليا عليك بس قولتها أنك متجوزه

رجعت اهتم بي سها، وقولتها أني حاطلبها من أهلها وكلمة مليكه بس صدمتني لما قالت ليا أختي ماتنفعكش أختي شايفاك فلوس ومستوى تاني ومش حاتعيش معاها كويس، وقالت ليا إنها مش بتحبني، وقالت ليا دا لي مصلحتك ومصلحتها تبعد عن بعض ساعتها أنت كانو عندك مشاكل مع جوزك، وحصاك إجهاض وروحنا ليكي المستشفى وكنت مع ياسين لما روحنا شقتك ناخد حاجتك، وكلمة توفيق كان زعلان عليك

وكان سؤال في دماغي ليه كل اللي حصلك، ومش عايزة تطلقين منه آية السبب في دا بس بعدين فهمت السبب

**مريم بتوثر فهمت أية؟

** فارس حاكون جريء معاكي، وأقولك إن في حاجة في توفيق خايفاها تضيع، رغم الكل شايف عيوبه بس في يوم كنا معزومين عندكم وهو قال إنو مرتاح معاكي في السرير وأنك مش بترفضي، وفهمت أنت من أي نوع من الستات

**مريم يا نهار أسود هي حصلت يتكلم عليا في الحاجات دي وبعدين أنا يا بفهم في الأصول ومش عايزة أغضب ربنا وأراضي جوزي لان دا حقو، وانت بتقولي فهمت أي نوع من الستات قصدك إيه؟؟

كانت بتتكلم وهي متعصبة

** فارس في إيه ليه اتعصبتي مش عيب ولا حرام إنك تكوني ست ترضي جوزها، وترضي نفسها دا حقك زي ما حق الراجل، وأنا عايز ست كده تكون عايزة الموضوع دا زي ما أنا عايز وأنت خوفتي مني امبارح حتى ماخلتنيش أبوسك ولا أحضنك خايفه ماطلعش زي توفيق في الموضوع دا

** مريم أنت ازاي تقول عليا الكلام دا ؟!!!

**فارس مريم عمري ما تجاوزت احترامي ليكي وانت خطيبتي، ولا فتحت الموضوع دا بس متأكد أننا حانرتاح أنا راجل جريء، وفاهم بقولك إيه خليكي طبيعية معايا وبلاش تحطي حدود بينا أنسى الماضي وأنسى انو كان راجل في حياتك

أنا عايز أكون أسرة واستقر عايز ست أحبها وست تكون معايا، وتساعدني على الحياة وتخلف ليا أطفال يكونوا عزوتي ست يكون فيها كل حاجه وكمان ست ارتاح معاها في علاقتي الحميمية معاها وأنا بحبك بجد حبيت احترامك وتربيتك وأنك ست بي ميه راجل وست صبورة وحلوه وعاجباني ومقتنع بيكي

**مريم بصراحة مصدومة من كلامك

** فارس عارف لأن علاقتك بي توفيق كانت صامتة هو مكانش فاهم إنك ست بتحبي الحميمية هو شايفها إنك ست مطيعة أكيد دا حقيقي هو كان راجل تقليدي في كل حاجة

**مريم أنا مش عايزة أنك تفكر فيا غلط والله …

** فارس من غير ما تكملي كلامك أنا مش، فاهمك غلط أنا بحبك زي ما أنت واتجوزتك علشان شوفت فيكي اللي بدور عليه أنا خلصت شقتنا في القصر وعايز يبقى لينا حياة خاصة ماحدش يدخل فيها أنا وأنت وبس وبعدين، ولادنا زي ما قولتلك في فترة الخطوبة بعد 6 شهور عايزك تحملي وانت وافقتي صح؟؟

**مريم أيوه

**فارس مالك وشك قلب كده اضن بعد كلامي لازم ترتاحي

**مريم هو أنا كنت مكشوفة أوي فارس أنا خايفه آوى

فارس حضنها

**فارس أنا فاهمك يا مريم وفاهم خوفك وأفكارك أقسم بالله أنا مش شايفك وحشة بي العكس دي ميزة فيكي مش عيب إن الست تكون بتحب العلاقة الزوجية دا حقها عارف أنك مكسوفة مني وأنا والله مش حافرض عليكي نفسي كل حاجة في وقتها حلوه لحد ما تتعودي عليا وفاهم انك شايفة نفسك وحشة أنك تتكشفي علي راجل تاني غير طليقك دي سنة الحياة أنك تتجوزي وكمان ربنا عمل العدة علشان الموضوع دا أنت حرة دلوقتي من المشاعر كلها اللي ربطتك بيه وحتى من لمساتو أنسى يا مريم أنا كمان راجل شرقي مش حارضي أنك تفتكري طليقك وقولتلك معنديش مشكلة اتحوز مطلقه بس ساعديني نعدي الموضوع دا أنا وأنت بنبتدي مع بعض حياة فيها أنا وأنت وننسى الماضي، وأوعدك حاتعيشي معايا كويس وحاعوضك كل الأيام الوحشة اللي عيشتيها وانتي كمان تعوضيني

احنا عوض بعض وربنا اختارنا لبعض

مريم كانت تايهة في مشاعرها اللي بتحسها لي اول مرة هي فعلا بتحب فارس، واكتشفت أنها عمرها ماحبت توفيق كان مجرد تعلق، وإعجاب

ابتدت تعيط

**فارس ليه العياط دلوقتي ليه معقدة الدنيا مافيش حاجه حصلت لكل دا عادي أني واجهتك بي الحقيقة اللي بتخبيها متخافيش يا مريم ارجوكي أهدى

بعد فترة هديت ورجعوا أوتيل

في الغردقة

عند يوسف وأميمة

كانت في البلكونة بتكلم مامتها

جا يوسف حضنها وهي قفلت بسرعة

**يوسف الجميل لسه مكسوف مني؟

**أمنية يوسف وبعدين معاك

**يوسف طمنتي والدتك عليكي؟؟

**أمنية أيوه

**يوسف بحبك أوي يا أمنية

ولفها عندو

باسها

لحد ما حس بيها مش قادره تقاوموا شالها دخل جوه حطها في السرير

وغابوا عن الدنيا في عالم بتاعهم

أما أبطالنا بعد مكالمة دامت أكثر من ساعة مع خالد والبنات

**أدهم مش قادر أصدق خالد وكلامو ليا كا أني خاطفك

**مليكه ما أنت خطفتني من نفسي كمان

**أدهم مممم، واخطفك من الدنيا كلها أنت ليا وبس حبيبتي خالد لازم يتقبل وجودي في حياتك أنا بفكر اعرضوا علي متخصص

**مليكه فكره كويسه .

**أدهم حبيبتي أنا نفسي تحملي تاني، وأعيش معاكي تفاصيل الحمل

**مليكه احنا عندنا 3 أطفال

**أدهم وفيها إيه يا حبيبتي أنا عايز عزوه هي مره وحده، ويارب يكونوا توأم

مليكه ابتدت تضحك

** مليكه ممكن نتكلم في الموضوع دا بعدين

**أدهم حبيبتي في حاجات لازم نتكلم فيها من ضمنهم الخلفة وكمان شغلك

** مليكه ما لو شغلي؟

** أدهم وأخد كل وقتك ودراستك وأولاد ودلوقتي فيه أنا كفاية أنا مشغول

**مليكه أنت عايز تتحكم فيا من دلوقتي ؟!؟!

**أدهم أتحكم فيكي ؟؟

** مليكه تسمي دا إيه؟؟

**أدهم اتنهد حبيبتي احنا في شهر عسل مش عايزين نتخانق

كل وقتك في الشغل المصنع والمطعم والبوتيك وكمان الدراسة

اللي بطلبه منك ترتاحي شوية تاخدي بالك مني، ومن أولاد في نورهان

**مليكه على فكرة أنا كنت واخده بالي من ولادي كويس

**ادهم هو أنا قولت ليكي إنك كنتي مقصرة معاهم

حبيبتي اهدي كده حانتفق متخافيش أنا عايز أريحك وأريح نفسي حياتنا حاتتغير حانعيش تحت سقف واحد زوج وزوجة وأولاد استوعبي الكلام دا

**مليكه إن شاء الله ماتنساش إني كنت على طول لوحدي

** أدهم آه بس لما عيشتي في الفيلا كنت معاكي في كل خطواتك ماكنتش بنام إلى لما اطمن عليكي

**مليكة ماشي وأنا مش عايزة غير أننا نعيش مرتاحين

**أدهم ربنا يحفظك ليا يا روحي وحياتي وحضنها

بعد شهر

الكل كان قاعد في الجنينه متجمعين

يوسف واميمه كانو في الجناح بتاعهم في القصر

**يوسف حبيبتي ممكن سؤال ؟

**اميمه اه طبعا في حاجه ؟

** يوسف مش ندمانه انك سيبتي القصر وعايشه معايا في شقه

**اميمه حبيبي من غير ماتكلم كلام احنا اتفقنا حياتنا نعيشها زي ما احنا عايزين وانا موافقه اعيش معاك في اي مكان وبعدين القصر دا مش بتاعنا احنا كمان ضيوف فيه و الحمدالله لسه عندي الجناح بتاعي نقعد فيه لما نيجي زياره وانا مبسوطه معاك في شقتنا وبحس براحه

** يوسف انت احلي هديه وعوض من ربنا

** اميمه مبسوط معايا ؟؟

** يوسف جدا حتي لو لسه بتتكسفي وشكلي مزودها عليكي حبيبتي انا كنت مطلق وصعب الراجل بعد الطلاق يعيش فتره من غير ست وانا والله مالمستش اي ست غيرك فا طبيعي مش قادر اقاومك بس خايف تكوني تعبانه مني ومش قادره تقولي

** اميمه بصراحه انت بتفهم وبتعرف تتعامل معايا ولما بتحس اني مش عايزه بتبعد عني بشياكه وانا بجد بحبك و بحترمك

** يوسف تعالي حبيبتي

قربت عندو

حط ايدو علي وشها

**يوسف حبيبتي مش عايزك تسكتي لو مش مرتاحه معايا وخاصه في الموضوع دا انا جوزك انا بحاول اشيل الكسوف منك واخليكي مرتاحه عارف اني اول راجل وعارف انك بتسمعي كلام امك ومرات عمك انك تبسيطيني وماتقوليش لا

ودا غلط عايزك تاخدي راحتك وتقولي اللي مش عاجبك واللي عاجبك عارف انك بتبذلي مجهود تتعلمي تطبخي واحب اقولك انك ست بيت شاطره كفايه الشقه نضيفه طول الوقت ريحي نفسك انت عاجباني زي ما انت انا مش عايز اغلط تاني عايز جوازنا ينجح علي طول بشوف في عنيكي اسأله عن طليقتي انسيها دي كانت غلطه حياتي والحمدلله ارتاحت منها وعارف انك زعلتي انها اتصلت بيا هي كانت فاكره اني لسه بحبها واتصلت تتأكد اني اتجوزت ولا لا

اميمه اوعي تسكتي علي حاجه بتوجعك مني اتكلمي في اي حاجه

**اميمه انت ازاي كده ؟؟

** يوسف علشان تعرفي انك اخدت عريس لقطه بقولك ايه ماتيجي نجرب السرير

جنب البيسين كانت سها قاعده بتراقب فارس ومريم

**مليكه لسه زعلانه مني ؟

** سها لا

** مليكه متاكده ؟

** سها اه

** مليكه في حاجه انا اختك وامك احكيلي

**سها لفت عندها انت عارفه ان اخوكي عايز يتجوز ؟

**مليكه لا بس عارفه انو مرتبط بي زميلتو

** سها قوليلي بقا لما يتجوز حايعيش فين؟

وانا حاروح فين ؟ لانو اكيد حايسكن في الشقه بتاعتك

وانا مستحيل اعيش معاهم

** مليكه اتنهدت سها اهدي كده هو لسه ما قررش وبعدين دي شقتكم انتو الاثنين

ولو حب يتجوز فيها تعالي عيشي معايا

**سها معاكي ازاي؟ و جوزك مش طايقاني

** مليكه مين قالك كده سها اهدي علي نفسك وبلاش تقربي كلام مش موجود

ادهم كان مركز معاهم

**ياسين مالك يا ادهم ؟؟

** ادهم شوف سها ومليكه

** ياسين شايف وعارف بيتكلمو في ايه

**ادهم هو في مشكله اصل مليكه متحفضه معايا في موضوع اخواتها

** ياسين بس ماتنكرش انك سعيد معاها

** ادهم ضحك فوق ما تتخيل ربنا يديمها نعمه علينا قولي في ايه؟

** ياسين عبد الرحمان عايز يتجوز وسها مش عايزاه يعيش معاها في الشقه وطبعا هو لسه بيبتدي حياتو حايجيب شقه منين

** ادهم يا خوفي مليكه تقول ليها تعيش معانا انا مش ناقص

**ياسين ضحك دا اكيد مليكه حاتقول كده

** ادهم ربنا يستر عليا

الكل اتجمع علي السفره في الجنينه

**عمار نورتونا وربنا يخلينا متجمعين علي خير

**أدهم اللهم آمين

الكل كان مبسوط كل واحد لقا نصفو الثاني بيبتدو حياتهم

سها محتارة مش عارفة عايزة إيه وخاصة لما شافت مريم مبسوطة مع فارس، وأتمنت تكون مكانها

فارس لقا اللي كان بدور عليه في مريم.

أما يوسف ربنا بعث ليه أميمة ماشية على مزاجه

أدهم ومليكه عايشين أحلى أيامهم مع أولاد اللي ابتدو يتأقلمو مع الحياة الجديدة

عبد الرحمن عايش قصة حب مع زميلته بس كلام سها وجعو وزعلو ومحتار ياخد خطوة جدية

أكرم وسارة كل حاجه كويسه معاهم

سناء ابتدت تتعالج علشان تعمل العمليه بعد ما الكل اقنع ياسين يوافق

الحياة مستقرة مع أبطالنا وأكيد الحياة فيها أمواج هادئة وهائجة زي البحر أهم حاجة النية الصافية

----------------------ـ

  نهاية  الحلقه الخاصه .....................

======================ـ

إلى اللقاء مع الرواية التالية ..................

رواية انتقام تمارا ................. بقلم رنا سعيد .......

 إنجــــــــــــــــــــــــــــــــــووووووووووويـــــــــــــــــــــــي !!!!!!!!!!!