رواية ما بعد الأغتصاب الفصل 16-17-18-19-20بقلم هناء عادل كاملة
رواية ما بعد الأغتصاب الفصل 16-17-18-19-20بقلم هناء عادل كاملة
ما بعد الأغتصاب
الفصل السادس عشر
اللى عملته رقية
كان سبب فى ان فتحى
يفضل مندهش
ايه اللى حصل يخليها تتعامل بالثقة والقوة دى
فى الوقت اللى كان هو بيفكر فى الكلام ده
كانت رقية راحت في سابع نومة
لكن فتحى مقدرش
قعد على الكنبة
يبص على رقية اللى نايمة شبه الاطفال
على عكس القوة اللى كانت واقفة بيها قصاده
وبيتكلم مع نفسه
طيب عرفت انها حبلة منين
ده احنا بقالنا اسبوع
وبعدين ده انا مسيبتهاش لواحدها مع حد من الجماعة
ااااااااااخ
تبقى البت اختها
تلاقيها حطوا راسهم فى راس بعض وهى اللى قالتلها تعمل معايا كده
بقى كده
طب وشرف امي ما هسيبك يابت بياع الجزر انتى
علشان تتعلمى ازاى تقفي قدامى كده
بقى اختك تحرضك عليا انا يا جعانين يا حافيين
ومجرد ما انهى فتحى تفكيره
محسش بنفسه غير لما قام من مكانه
وراح لسريره
وبيشد رقية من شعرها وابتدى يتهجم عليها
فتحت عنيها وهى مفزوعة
ولما لقيته مقرب وشه من وشها
صرخت
ومع صرختها
عنيها كلها اتحاوطت بالسواد
حتى الابيض اللى جوة عنيها اختفى
اتصدم فتحى من المنظر
ورجع بضهره لورا
كان الباب بتاع الاوضة ىبيخبط
وفى اقل من لحظة رجعت رقية لطبيعتها
وقامت تجرى من على السرير
على باب الاوضة
فتحت الباب
علشان تلاقى جيران من اللى ساكنين جنبها
واقفين قلقانين من صوت الصريخ
الحاجة سنية.خير فى ايه يابنتى
سمعنا صوت صويت من عندك
فى ايه
فتحى قاعد على السرير
مرعوب وحاسس انه مربوط
الحاجة ام العربي.فيكي حاجة يابنتى
قولى
فتحى فى حاجة
رقية بتلف وراها تبص على فتحى اللى قاعد مكانه زى ماهو
رقية بتمثل الخوف.مش عارفة
لقيته قاعد على السرير
وعمال يضرب نفسه
حاولت اهديه
واحوشه احسن يأذى نفسه
راح ضربنى
خوفت قولت اصرخ علشان حد ييجى يساعدنى فى اللى هو فيه
دخلت سنية وجوزها عم عثمان
وام العربي وكان معاها ابنها سعيد
علشان يلاقوا فتحى قاعد على السرير
وعنيه مركزة فى المكان اللى كانت رقية قاعدة فيه
عثمان.فتحي يابنى
مالك فى ايه
سنية.خده يا عثمان على اوضتنا ارقيه ولا اقراله على شوية مياه
شكله مكوبس ولا ايه
ام العربي.انا عارفة بس ايه اللى خلاه يتجوز فى الاوضة دى
هو مكفاهوش اللى حصل زمان
سنية بتبص لأم العربي بتحذير.ايه اللى بتقوليه ده انتى التانية
ام العربي.الولا ياختى شايفاه عامل ازاى
شوفي بقى شاف ايه
بسم الله
ربنا يجعل كلامنا خفيف
كل ده بيحصل ورقية واقفة على باب الاوضة
بتتفرج عليهم
فى الوقت اللى عم عثمان وسعيد
سندوا فتحى
واخدوه على اوضة عم عثمان اللى لازقة فى اوضتهم علطول
خرج سعيد وعثمان ومعاهم فتحى
وقفلت رقية الباب
وراحت تقعد على الكنبة
وهى بتحط ايديها على دماغها
ام العربي.استهدي بالله يابنتى
ولعي شوية بخور
وشغلى قرأن
سنية قعدت جنب رقية
وبتطبطب عليها
رقية.هو ماله ياخالتى
انا خوفت منه اوى
سنية.قوليلى ياحبيبتى هو فيه حاجة حصلت فى البيت
فى حاجة بينك وبين جوزك
رقية.لالا يا خالتى
ده احنا كان عندنا الجماعة
اهلى واهله
علشان السبوع
ومن بعد ما مشيوا
وهو حاله اتبدل كده
لكن كنا قاعدين معاهم زى الفل
ام العربي.طيب يابنتى حد غريب كان معاهم
يكون حد دخل بعكوسات عليكم ولا حاجة
كانت سنية بتبص لأم العربي
وهما فاهمين ان اللى بيحصل فى الاوضة دى مش سببه حاجة جديدة
اللى بيحصل فى الاوضة دى موجود من سنين السنين
لكن هما مش هيقدروا يتكلموا
علشان ميخوفوش البنت
اللى لاحظوا انها متعرفش حاجة
رقية.والله ابدا يا ستي
اللى كانوا موجودين امى واخواتى وابويا
واخوات سي فتحى ومرات اخوه
مفيش حد غريب دخل من باب بيتنا
سنية.خلاص يابتى اهدي
دلوقتى عمك عثمان يرقيه
ويشربه شوية مياه بقرأن
ويبقى زى الفل
وانتى زى ما قولتلك متقطعيش من عندك البخور والقرأن
رقية بأستسلام.حاضر يا خالتى
سنية.جميلة ياختى انتى وصغيرة لسه
ربنا يسترها معاكم يابنتى
ويحميكي من اللى مستخبي
خبط الباب
قامت سنية فتحت
كانت بنتها عواطف
سنية.فى ايه يا عواطف
عواطف.ابويا بيقولك
عم فتحى فاق وبقى كويس
سنية.طيب بركة ياختى الحمد لله
رقية بلهفة عكس اللى جواها.طيب ينفع ادخل اشوفه
سنية.ياختى تنورى
دى بتى عواطف
اختك رقية يا عواطف
مرات عمك فتحى
عواطف.ازيك يا رقية
رقية بأبتسامة.كويسة
معلش ادخل اشوفه
رقية.طيب تعالى معايا
خرجت رقية مع عواطف
وراحت تطمئن على فتحى
سنية وام العربي
واقفين مع بعض قصاد باب اوضة رقية
ام العربي.ايه ياسنية
تفتكرى اللى حصل مع الراجل الكبير ومراته زمان بيتعاد تانى ولا ايه
سنية.ربنا يسترها يا اختي
انا مش عارفة ازاى علي وجوهرة وافقوا ان اخوهم يتجوز هنا
ام العربي.يكونوا نسوا يا سنية
معقول يعني يكونوا نسوا
سنية.واللى حصل ده كان يتنسى
دى امهم وابوهم ياختي
ياخوفى لا يكون وجود البت الصغيرة دى هنا
مقصود يا ام العربي
يامصيبتى
يكونوا جايبينها هنا مخصوص
علشان اللى حصل زمان يتكرر تانى ولا ايه
ام العربي.خايفة اقولك ننصحها
نبقى بندخل نفسنا فى مشاكل
سنية.بقولك ايه
اهو احنا جنبها اهو ومعاها
الحيط فى الحيط
طول ما جوزها برة هتبقى ودني معاها
وهخلى البت عواطف تتصاحب عليها
علشان يبقى لها رجل عندها
ولما جوزها ييجى
هقولها لو فيه اى حاجة برضه تخبط عليا
ولا تنده
اصل اقولها ايه يعنى ياختى
اخاف نحشر نفسنا
نخرب على البت
ام العربي.ربنا يجيب العواقب سليمة بقى
رقية.خير ياسى فتحي مالك
ايه اللى جرالك ياخويا
فتحى باصص لرقية وساكت
عثمان.معلش يابنتى
هو هيبقى كويس
يظهر عليه كده شاف حاجة فى الحلم
فجعته
رقية بحنان.بعيد الشر عنك ياسي فتحي
سعيد.طيب الحمد لله اننا اطمنا عليك يافتحى
لو احتاجت حاجة انده عليا انا اخوك يا جدع
اعتبرني مكان علي وخليل
فتحى هز راسه بالموافقة على كلام سعيد وعنيه على رقية
اللى بصاله ببرائة اطفال
عثمان.وانتى يا بنتى هعملك حجاب تحطيه تحت مخدتك
علشان يبعد عنكم الكوابيس
محدش عارف الدنيا مخبية ايه
رقية بأستغراب.حجاب
سحر يعني
عثمان.لاء يابنتى سحر ايه
سنية وهى داخلة من الباب.بعيد عننا السحر والسحارين يا رقية
عمك عثمان ياحبيبتى
دى شغلته
الرقوة والقرأن
مبروك هو يا رقية
خدى من بركته يا حبيبتى
خلي ربنا يبعد عنكم الشر
متعرفيش مش يمكن حد باصصلكم فى حياتكم
رقية.ماشى ياخالتى
كتر الف خيركم
متأخذوناش بقى
بس انا معرفتش اعمل حاجة غير اللى عملته
سنية.بس يابت يا هبلة
انا هنا مكان امك
انتى متعرفيش فتحى ده مولود هنا على ايدينا
هو وكل اخواته
يعنى احنا اللى مربيينهم
اعتبرينا اهلك
الجار اقرب من الاهل يا حبيبتى
رقية.ربنا يخليكي يا خالتي
سنية.وعواطف اختك
اى حاجة عايزاها هى موجودة
قاعدة اهى لا شغلة ولا مشغلة
وعندى بنتي التانية
سعاد
بس متجوزة ومخلفة وعايشة فى بيت جوزها
لما تيجي هبقى اخليها تيجي تسلم عليكي
رقية.كتر الف خيركم
نمشى بقى ياسى فتحي ولا ايه
لو لسة تعبان ياخويا خليك لحد ما تروق
فتحى وكأنه فى دنيا تانية.لاء انا كويس
وقام خرج من الاوضة
ووراه رقية بعد ما شكرتهم تانى
دخلوا اوضتهم
وقفلت رقية الباب
وهى بتسحب ايد فتحى للسرير
وبيطلع وكأنه مغيب
فرد جسمه
وغمض عنيه وراح فى النوم فى لحظات
وبعدها علطول
طلعت رقية جنبه ونامت وهى مبتسمة
عواطف.دى البت رقية طلعت حلوة اوى ياما
سنية.اه يابنتى
الله اكبر عليها
ربنا يحرسها البت جميلة وحلوة
عواطف.طب ليه تتجوز واحد كبير كده زى عم فتحى
سنية.الراجل مش بالسن يا عواطف
وبعدين فتحى راجل مقتدر وكسيب
واهله زى الفل
يعنى ميتعيبش
عواطف.ايوة ياما
بس ده هيبقى عجوز وهى لسه صغيرة
سنية.بقولك ايه يابت انتى
اوعي تقوليلها الكلام ده
تكرهى البت فى جوزها
ويلا ياختى روحى نامى
انا عارفة امتى تتجوزى انتى التانية وارتاح انا من همك زى ما ارتاحت من اختك
عواطف بتضحك.لما يجيلى عريس حليوة كده وصغير بقى ياما ابقى اتجوز
سنية.شوف البت قليلة الادب
والله اقلع الشبشب وانسله على راسك
روحى يابت اتخمدي
عواطف بتضحك.ماشى ياست الكل
تصبحي على خير
دخلت عواطف اللى كان عندها 18 سنة
اوضتها
كانت جميلة وعنيها واسعه وسودة
وبشرتها قمحية
كانت مليانة شوية
بس ملامحها كلها حلوة
وروحها كمان حلوة
نامت عواطف
وخرج عثمان من الحمام وراح على اوضته
عثمان.البت نامت ولا ايه
سنية.اه ياخويا
بت بمية لسان
مش عارفة انا جايبة اللماضة دى منين
عثمان بيضحك.ربنا يحفظها
بتدلع علينا يا سنية
هتدلع على مين يعني
سنية.بصحيح
قولى ماله فتحى
فى ايه
عثمان.تلاقيه مكوبس يا سنية
هيكون ماله يعنى
سنية.ياراجل
بقى مكوبس برضه
ولا انت مش عايز تقول انه شاف حاجة
عثمان.ياولية اتقى الله
هيشوف ايه يعني
وبعدين ماهى مراته بلسانها قالتلك
اللى حصل
تلاقي حد من اللى جه النهاردة
نظرهم من غير ما يقصد
سنية.ده اللى كانوا موجودين اهاليهم
ايه اخواته ولا اخواتها اللى هيحسدوهم يا عثمان
عثمان.بقولك ايه ياسنية
شيلي الكلام ده من نفوخك
البيت زى الفل
ومفيش حاجة
استهدي بالله بقى
احسن حد يسمعك
تلبشي البت وجوزها
وتكرهيهم فى البيت
احنا قاعدين اهو من سنين
والدنيا زى الفل
سنية.دنيا ايه اللى زى الفل يا راجل
هو البيت ده اللى حصل فيه شوية يا عثمان
ما احنا دافنينه سوا
عثمان بأنفعال.بقولك ايه يا سنية
الكلام ده ميتفتحش
د كله حصل زمان
البيت دلوقتى مفيش فيه حاجة
والكلام ده مبيحصلش
طول ما فيه حس
والبيت دوشة طول النهار والليل
واهو انتى بقالك قد ايه
لا سمعتى ولا شوفتى
استهدي بالله
لو مش علشان الناس
علشان بتك متسمعش كلامك ده وتتلبش هى التانية
بلاش توهمى العيال يا سنية
سنية.ياخويا انا خايفة على العيلة الصغيرة دى
شكلها متعرفش حاجة
وخايفة تشوف ولا تسمع
ومتبقاش فاهمة
حرام دى عيلة صغيرة
قلب اهلها يتقهر عليها
عثمان.مفيش حاجة من اللى فى دماغك يا سنية
الراجل كوبس
وانا رقيته
شوية بخور وقرأن
والعكوسات اللى فى اوضتهم تروح لحال سبيلها
خلاص منسمعش بقى انك قولتى ولا عيدتى
لا انتى ولا ام العربي
سنية.والله ياخويا كانت هتقع بلسانها قصاد البت
بس انا برقتلها علشان تسكت
نعمل اللى علينا ونحط عنينا عليها وخلاص
وربنا يكفينا شرهم بقى
عثمان.طيب قومي بقى نامي
سيبيني اقرأ شوية قرأن
سنية.ماشى ياخويا
تصبح على خير
عثمان.وانتى من اهله
عثمان راجل كبير فى السن
كل شغلته انه يقرأ قرأن
ويرقى اى حد حاله متلغبط
ويقرأ قرأن على المياه
ويعمل لأى حد محتاج تحويطة حجاب
طبعا زمان كان مفيش حد مبيقتنعش بالكلام ده
وعثمان كان مش دجال
لكن له قصة هنعرفها مع الاحداث
فاتت الليلة
وطلع النهار
والناس ابتديت تصحى
فتحى صحى من نومه
وبيمسك دماغه وهو حاسس انها وجعاه
بيلتفت جنبه يشوف رقية ملقهاش
بص الجنب التانى
شافها واقفة بتحضر صنية الفطار
فتحى.رقية بت يارقية
رقية جاية تجرى.نعم ياسي فتحي
فتحي.بتنيلي ايه
رقية.بحضر الفطار ياسى فتحي
فتحى.هو ايه اللى حصل امبارح يابت
رقية.والله ياسى فتحى ما فاكرة غير انى صحيت لقيتك قاعد بتضرب على وشك بالكف
خوفت فصرخت
الجيران الله يسترهم
جروا علينا
وعم عثمان رقاك وقرالك قرأن
وروقت وبقيت زى الفل
فتحى بيفتكر.بت يا رقية هو انتى عرفتي منين انك حبلة
رقية بأستغراب.ايه
حبلة
انا
مين اللى قال ياسي فتحي
فتحى بانفعال.جرى ايه يا روح امك انتى هتستهبلي
يابت انتى مش على باب الاوضة بليل قبل ما تتخمدى
قولتى انك حبلة
رقية.والله ياسي فتحي ما قولت كده
ولا اعرف حاجة عن اللى انت بتقوله ده
ربنا يسمع منك يارب
ييجى حتة عيل يعملنا حس
ويونسني
فتحى كان حاسس ان رقية بتكدب عليه
وفى نفس الوقت
رقية بتقول انها مقالتش
الغريب فى الموضوع
ان فتحى مش متأكد اذا كانت فعلا مش فاكرة انها قالت كده
ولا قالت وبتحاول تقنعه انه بيهلوس
وبيتهيأله
ورقية واقفة قدام فتحى ونظراتها له كلها استغراب
فتحى وهو بيراجع كل اللى حصل
فجأة وفى اقل من لحظة بيبص لرقية
شاف عنيها اتحولت زى ما اتحولت بليل
والسواد حاوطها كلها
فتحى بخضة.عفرررريت
يتبع #حكايات نونا
تسلملى ارائكم الحلوة دايمااااااااااااااااا
ما بعد الأغتصاب
الفصل السابع عشر
رقية بتضحك بصوت عالى.جرى ايه ياسى فتحى
انت اتجننت ولا ايه
ما عفريت الا بني ادم
قوم يلا علشان تفطر
فتحى بفزع بيشاور على عنيها.عف.عين..ع..
عنيكي لونها اسود
رقية بأبتسامة.اسود ايه ياسى فتحي عنيا لونها عسلي
هروح انزل الفول زمانه سخن على البابور
رجعت عين رقية لطبيعتها
لكن اللى مش على طبيعته هو فتحى
كان حاسس ان رقية بقى فيها حاجة مش طبيعية
قام بسرعة
غير هدومه
وخرج من غير ما يفطر
طلع بسرعة على القهوة
قعد شرب كوباية شاى
وهو عمال يفكر ايه اللى بيحصل فى رقية
فتحى.جرى ايه يافتحى
انت جيت تكحلها عميتها ولا ايه
البت شكلها بقيت معفرتة
ما داهية لا يكون ضربك ليها
خلاها اتلبست
وبعدين بقى
ايه المصيبة اللى جيبتها لنفسى دى
ما انا كنت مرتاح
قوم اتوكل على الله بقى شوف اكل عيشك
وكله بوقته
فعلا مشى فتحى من على القهوة
وراح استلم عربيته
بعد ما كل اصحابه اللى قابلوه
باركوله
وهزروا معاه
وهو كمان حاول يتناسى اللى بيحصل
اما فى البيت عند اهل رقية
نبوية.ياااه على قد المشوار بتاع اسكندرية ده ما بيبقى حلو وخفيف على قلبي
على قد ما جتتى بتتكسر من الطريق
ابو اشرف.عجزتى انتي يا نبوية
نبوية.فشر مين دى اللى تعجز ياراجل
ده انا اللى يشوفنى مع بناتك يقول اختهم
رشا.بقولك ايه يابا
ابو اشرف.خير
رشا.انا عايزة اشتغل
نبوية بتضرب بأيديها على صدرها.يا حومتي
تشتغلى ايه يا مايلة
داكتورة ولا استاذة
رشا.هو مفيش شغل ياما غير للداكتورة ولا الاستاذة
نبوية.اومال ايه
رقاصة ياحبيبة امك
رشا.لاء
بس عادى انا ممكن اشتغل فى بيت من بيوت الناس الاكابر
ناس كده تكون غنية
ومرتاحين
يربطولي مهية معتبرة
واعيش بقى
نبوية بصدمة.خدامة
عايزة تشتغلى خدامة يابت نبوية
بدل ما تقعدى فى بيتك معززة مكرمة تستني عدلك
عايزة تشتغلي فى البيوت
ابو اشرف قاعد بيسمع الحوار وساكت
رشا وفيها ايه ياما
هو يعنى الواحدة عدلها مش بييجى غير بالجواز
نبوية.اومال بأيه يااخرة صبري
ما انتي شايفة اختك اهى عايشة فى ضل راجلها
مهنيها ومشبعها
ومصيغها هو واهله
ايه بقى لازمة المرمطة والتنطيط فى البيوت
ودى جوزها عينه تزوغ عليكي
ولا اللى ابنها ايده تطول
لالالا مفيش اللى فى دماغك ده
رشا.ياما مش كل البيوت كده
ده فيه بنات بتشتغل فى بيوت بيكونوا شبه الهوانم بصحيح
مش بتتفرجى على التلفزيون انتى وتشوفيهم
نبوية.وانا مالى ياختى بالتلفزيون
وانتى عايزانى ابص للي بيمثلوا
لاء ياختى ماهو فيه برضه اللى بيضيع شرفها واللى بيطلعوها حرامية
واللى بتخطف الراجل من على مراته
انسي يا رشا الكلام ده
رشا.ييييه ياما بقى
انا مش عارفة امتى الواحدة مننا تفكر بدماغها
نبوية.جرى ايه ياخويا
انت عاجبك كلام المعدولة ده ولا ايه
شايفاك ساكت يعنى
ما داهية لا يكون عاجبك
ابو اشرف.جرى ايه يا نبوية
ما تتكلمي عدل اومال
وبعدين انتى يعنى شوفتي الشغلانة على الباب
ولا حتى العريس على الباب
نبوية بصدمة.يا مصيبتى
يعنى ايه يا راجل الشغلانة على الباب
هى يعنى لو فيه شغلانة
هتقول ماشى
هتنزل بتك تخدم فى البيوت
ابو اشرف.ياام العيال
متقاطعيش
مش يمكن بكرة تلاقى بابك بيخبط
وجايلها راجل ابن حلال
يشيل الجمل بما حمل
نبوية.ان شالله يا خويا
بس افرض مجاش
اسيبها انا بقى تمشى على كيفها
رشا.ياما كيف ايه بس
هو الشغل عيب
وبعدين لو مش هعرف احافظ على نفسى
هرجع اقعد فى بيتنا تانى
لكن خلينى اجرب حظى
يمكن افلح فى الشغل
ومفلحش فى الجواز
انا اصلا مش عايزة اتجوز
ابو اشرف.ليه يا رشا
مغيرتيش لما شوفتى بيت اختك وراجلها
مقولتيش نفسى انا كمان يبقالي بيت
وعيلة تروح وتيجي عليا
وراجل اتحامى فيه
رشا بأستهزاء.لاء يابا مغيرتش
وبعدين اقول نفسى فى راجل ليه
ما هو ربنا يخليك انت واخويا اشرف
لو مش انتم اللى هتبقوا حمايتنا يعنى
الغريب هو اللى هيكون
ابو اشرف اتفاجئ من رد رشا.يابت انتى لا دخلتى مدارس ولا بتفكى الخط
بس لسانك مبرد
يابت الكل...
عندها رد على الكلمة عشرة
رشا.وافق يابا الله يخليك
وخلى اشرف اخويا يوافق
ويشوفلى شغلانة هناك
واقعد معاه
وابقى جنب رقية ومعاه اخدمه بعنيا
واهو انا وهو نساعد فى مصاريف البيت
يمكن ربنا يكرمنا ويوسع علينا
ونروح ننقل كلنا عيشتنا فى اسكندرية
ابو اشرف.طيب لما ابقى اروح لاخوكى
ابقى افاتحه فى القصة دى
نبوية.قصة ايه ياراجل
هى البت كلت عقلك بكلامها ولا ايه
ابو اشرف بيغمز لمراته علشان تقفل الكلام.خلاص بقى يا نبوية
هتساير مع اشرف فى القصة دى
واخد برأيه برضه
اخوها وراجلها من بعدى
ورأيه يمشى
نبوية فهمت ان جوزها بياخد بنته على قد عقلها.ماشى يا خويا
اللى تشوفوه صح بقى
انا قولت رأيي وانتم حرين
ابو اشرف.الله ينور عليكي
يلا بقى اطلع انا اتوكل على الله
اشوف اكل عيشي
نبوية.ربنا يوسع رزقك ياخويا
خرج ابو اشرف
ورجعت نبوية قعدت فى الاوضة
وبسة فاردة جسمها على الارض
ودخلت رشا الأوضة ورا امها
نبوية بأستهزاء.عايزة تشتغلى فى البيوت ياحلوة
طيب ياختى اخدمى فى بيت ابوكي اولى
يابت ده انا لحد دلوقتى بغسلك هدومك الداخلية
يا موكوسة
رشا.بقولك ايه ياما
بلاش الكلام اللى يسم البدن
ده انا والبت شايلين البيت كله
وبعدين على رأى ابويا
انتى شايفة الشغل على الباب يعني
نبوية.يابت بصى انك تلاقى عريس حلو كده
رشا.بقولك ايه ياما
هو انتى بجد مصدقة ان البت رقية مبسوطة
نبوية.انتى عميتى فى عنيكي ولا ايه
مشوفتيش ضحكتها اللى من الودن للودن
رشا بحزن.ضحكة ايه ياما
اش حال كانت بنتك وربايتك
يعنى مخدتيش بالك منها
ولا من وشها البهتان
ولا حتى ضحكتها الصفرا
بتك مش مبسوطة ياما
بس هى متقدرش تتكلم ولا تقول
انا مش عارفة ده علشان توصيتك ليها انها متطلعش سر بيتها
ولا علشان خايفة من جوزها
بس انا حاسة ان اختى مش مرتاحة
بسمة وهى نايمة على الارض.تصدقى يابت يا رشا صح
رقية مش زى عادتها
تحسيها شايلة الهم كده
رشا بتبص لامها.اهى العيلة الصغيرة خدت بالها
ياما الجواز مش هو الراحة
ولا هو عوض البت
نبوية ب حيرة.انتم هتخوفونى على البت ليه
انا ياختى مشفوتهاش غير مبسوطة وضحكتها منورة وشها
رشا.علشان ده اللى انتى عايزة تشوفيه بس ياما
يلا انا هقوم استحمى بقى
قامت رشا
وسابت نبوية
تسرح فى رقية
على باب رقية
صوت خبط
قامت رقية من جنب الراديو اللى كانت قاعدة بتسمع فيه اغنية للست وردة
وراحت فتحت الباب
عواطف.صباح الخير
رقية بأبتسامة.يسعد صباحك
اتفضلى ياعواطف
ادخلى
عواطف.امى بعتتنى اشقر عليكي
واشوفك لو محتاجة حاجة
رقية.ان شالله تسلم يارب
ربنا ميحوجكم لمخلوق ابدا
ادخلى طيب يا عواطف
تعالي محدش هنا
دخلت عواطف وهى بتقول بصوت عالي.اما انا عند رقية ماشى
ودخلت قعدت على الكنبة
رقية.البيت نور
عواطف.منور بيكي
عاملة ايه النهاردة
وعم فتحى عامل ايه
رقية.اهو فى نعمة
عواطف.لسه عيان
رقية.هو مش عيان ولا حاجة
بس والنبى يا عواطف انا ما عارفة ايه اللى جراله
عواطف.ابويا بيقول ممكن تكونوا اتنظرتوا
رقية.من مين بس
احنا مدخلش بيتنا حد غريب
واللى دخلوا كلهم يتمنوا الخير
عواطف.يابت انتى صغيرة لسه
بس عم فتحى حلو ويملى العين
ممكن تكون واحدة كانت عنيها عليه ولا حاجة ولما عرفت انه اتجوز
تكون ربطته
ولا عملتله عمل
رقية.عمل
عمل ايه يا عواطف
لالا ياشيخة
عواطف.اسمعي مني بس
اصل ان راجل يقعد يضرب فى نفسه من غير سبب كده
ده اكيد عمل
حد عمله حاجة علشان عقله يتلحس
ويتوه
ويتربط من ناحيتك
رقية بتفكير.انتى هتخوفينى ليه
بصى يا عواطف
بس امانة عليكي الكلام اللى اقوله ده يبقى سر بيني وبينك
والله ياختى ولا ليكي عليا يمين
انا حتى مقولتهوش لاخواتى ولا امي
عواطف.قولى يا حبيبتى
فى بير
رقية.هو سي فتحى من يوم الدخلة
بيعمل معايا حاجات غريبة
وانا كمان بحس بحاجات غريبة
عواطف بتركيز.ازاى يعنى يارقية
احكي ياختي
رقية.بصى
ساعات بتحصل حاجات
واحس انى ناسياها
وبعديها بشوية
الاقى نفسى افتكرتها
ولما اجى اتكلم معاه
يقولى لاء محصلش
وهو كمان ساعات يقول ان فيه حاجات حصلت مني
وانا ابقى مش فاكرة انى عملتها
ناهيكي بقى عن الضرب والبهدلة دول انا اتعودت عليهم اسبوع بحاله
لكن هى الحاجات دى بقى اللى من يومين بالظبط حصلت
انا اشوف حاجات وانساها
وافتكرها يكدبنى
وهو نفس الحكاية
ومش عارفة ايه السبب
عواطف بأستغراب.يامصيبتى يابت يا رقية
لاء ده كده اللى بيحصل ده
ميتسكتش عليه
انتى لازم تقولى لأبويا
رقية.لاء ابوكي ايه
ولا اقدر افتح بوئي بكلمة واحدة
ده يقطع رقبتي
عواطف.يابت ابويا بيفك ويربط متخافيش
لو فيه حاجة معمولة هيطلعهالك
ولو حتى جن ابن جن ابويا يخلصك منه ومن عشيرته كمان
رقية بخوف.جن ايه
انتى هتخوفيني ليه يا عواطف
لاء ياختى متقوليش الكلام ده
عواطف.طيب ماهو يابت انتى لازم تعرفى ايه اللى بيحصل
بدل ما تلاقى واحدة بتلف على جوزك وتخطفه منك
رقية.ياستى تخطفه
بقولك ده مبهدلني
خليه يحل عني
عواطف.طيب بصى سيبينى كده لبكرة
وانا هفكرلك فى حاجة
نعرف منها ايه اللى حاصلك انتى وجوزك
ايه رأيك
رقية.ان شالله يسترك يا عواطف
اوعي ياختى تتكلمي مع حد
انا مش ناقصة
عواطف.عيب عليكي يابت
اعتبرينى اختك
متخافيش والله ما هتكلم مع حد
رقية.حبيبتى ياختى
قعدت رقية وعواطف وقت طويل
واتصاحبوا على بعض
وعواطف قالت كل حاجة عن نفسها لرقية
وحكيتلها كمان عن جيران البيت كله تقريبا
وبقيت رقية عارفة الجيران كلهم
وهى قاعدة فى اوضتها
قافلة بابها عليها
سنية.بت يا عواطف
انتي يابت
عواطف.يالهوى
دى امى هتطلع عيني
هروح اشوفها عايزة ايه
واسيبك انتى بس تشوفى بيتك
رقية.ماشى تعالي لما تخلصي بقى
سى فتحى هييجى بليل
عواطف.ماشى
خرجت عواطف من الاوضة
ورقية قفلت الباب وراها
دخلت اوضتها
وفجأة النور قطع
ودى حاجة بقيت بتخوف رقية
من وقت ما جت البيت ده
اكتر ما كانت بتخاف فى بيت ابوها لما النور بيقطع
مجرد ما قطع حسيت برعشة فى جسمها
ومغص جامد فى بطنها
وصوت همس فى ودنها
بيقول
ابنك
ابنك يارقية
ده ابني
حافظى عليه
وانا اجيبلك حقك من اى حد ظلمك
وفى اقل من لحظة
كانت الدنيا بتلف برقية
ومحسيتش بنفسها
غير وهى بتقع على الارض
غابت رقية عن الوعي
ومحسيتش بالدنيا
وفات وقت طويل
كان فتحى خلص شغله
وراح قعد مع اصحابه
مش بس كده
ده كمان شاف واحدة من اللى كان مصاحبهم
ومتأخرش فى انه يروح يقضى ليلته معاها
وبعد ما خلص كل الحرام اللى عمله
من شرب وزنا
ونميمة
قرر انه يرجع البيت
ميعرفش ايه اللى حصل مع رقية طول اليوم
ولحد نص الليل
رقية فى عالم تانى
ومحدش حاسس بيها
حتى عواطف مخبطتش عليها مرة تانية فى اليوم ده
رجع بليل فتحى
وهو رايق
ومزاجه عالى اوى
رجع البيت دخل من باب الشارع
نزل اول درجتين
اصل البيت له بوابة من الشارع
يدخل مدخل مترين
ويلاقى درجتين سلالم
ولأن البيت كبير اوى
متقسم جزئين
وكل جزء له مدخل خاص بيه
نزل فتحى السلالم
ودخل من المدخل اللى يوصله لأوضته
كان عبارة عن ممر طويل
فى اخره
فيه اوضة مقفولة
لأن اصحابها مش عايشين فيها الفترة دى
وجنب الاوضة ممر صغير يطلعه على الحوش اللى فيه اوضته
ماشى فتحى فى الممر وبيدندن
وقبل ما يوصل لنهاية الممر
حس انه اتسمر مكانه
بيحرك رجليه
وبيحاول يتقدم بخطواته
لكن فيه حاجة منعاه
محدش ماسكه
ومفيش اى حاجة تمنعه من المشى ولا الحركة
لكن كأن حيطة اتبنت قدامه
شايف باب الاوضة
وقدام رجليه الارض فاضية
لكن الطريق مسدود
حاول فتحى اكتر من مرة
يقنع نفسه انه شرب كتير
واللى بيحصل ده نتيجة شربه
لكن النور قطع
وظهر قدامه
اللى خلى قلبه يقف
ويشل لسانه
ويمنعه حتى انه يطلع الصرخة اللى جواه
يتبع
على فكرة البيت اللى فى الحكاية موجود فى الحقيقة
ما بعد الأغتصاب
الفصل الثامن عشر #حكايات نونا
الصدمة اللى ربطت لسان فتحى
لما شاف قدامه
شخص بطول الحيطة
ايوة هو اللى كان سادد الطريق
شخص اسود ضخم لأقصى درجة ممكن حد يقدر يوصفها
ضخم للدرجة اللى تخليه سادد الممر بطوله وعرضه
ملامحه مش ملامح عفريت
لاء ملامح بني ادم
لكن سواد بشرته
كان مخليه مش باين فى الضلمة
الحاجة الوحيدة اللى خليت فتحى يلاحظ تفاصيل فيه
هو الصفار اللى حوالين عدسة عنيه
واسنانه البيضا
كان فتحى واقف
بيبص لمكان عنيه اللى كانت قربت من السقف
وهو حاسس ان اعصابه بقيت مش شايلاه
لكن هو اتكلم
وبصوت غليظ
هز فتحى من جوة ومن برة
وهو بيقول
رقية ملكنا
هتأذيها تانى هتتأذى
وده تحذير ليك
قبل ما تشوف الجحيم بعنيك
رجعت الكهربا
وفضل فتحى واقف مكانه
مرعوب للدرجة اللى خليته ميحسش بالمياه اللى نزلت منه
علشان يدخل اوضته وبنطلونه مبلول من الرعب
كان حاسس انه مش هيعيش لدقيقة تانية
بيتنفض
مشافش ملامح مرعبة
ولا انياب
ولا عيون حمرا
لكن الموقف كله
فى نص الليل
وعز الضلمة
الاقى حيطة بتسد الطريق
عبارة عن شخص
وطوله واصل لسقف البيت
وصوته يقشعر البدن
كان صعب اوى عليه
مجرد ما رجعت الكهربا
محسش فتحى بنفسه غير وهو بيجرى على اوضته
بيفتح بمفتاحه
وفى نفس الوقت بيهبد على الباب
اتفتح الباب بالمفتاح
دخل من خوفه قفل الباب وراه
وقعد على ركبه فى الارض
حط راسه بين ايديه
ودموعه نزلت
وكأن اللى قاعد على الارض ده
شخص تانى خالص غير اللى احنا بنتكلم عنه من اول الحكاية
كان صوت عياط
عالى
ومن غير ما يحس
كانت جنبه رقية
حاطة ايديها على ضهره
بتطبطب عليه
رقية.شوفتهم ياسى فتحى
سمعت صوتهم
كلمونى
قالولى ابنى هو ابنهم
قالولى مخافش
مين دول يا سى فتحي
فتحى بعياط.حرجوا عليا اضرك يا رقية
هما هنا علشان يحموكى
هما هنا علشانك انتى
علشان لو اذيتك يأذونى
رقية.هما مين يا سي فتحى
قولى هما مين
علشان لحد دلوقتى
انا سمعتهم ومعرفش
اللى بيتقال ده ايه الغرض منه
فتحى ركع للدرجة اللى لمست راسه فيها الارض
وبيعيط بصوت مسموع
وهو بيتكلم
انا غلطان انا ازاى نسيت
انا لازم اخدك وامشى من هنا يارقية
المكان ده مكانش لينا من الاول
بس انا نسيت
وقولت دى حكاية قديمة وخلصت
لازم نمشى من هنا
دلوقتى قبل كمان شوية
وفى اللحظة دى اللى بيحاول فتحى يقوم فيها من على الارض ويرفع رأسه
شافها
شاف رقية
مرمية قصاده رايحة فى سابع نومة
ومش حاسة بالدنيا
وشاف جنبها اللى كانت بتتكلم معاه
اللى كان فاكرها رقية
وهى واقفة قصاده
وملامحها نفس ملامح رقية
لكن كل ما يركز فيها اكتر
يلاقيها بتطول وبتبتسم ابتسامة ثقة اكتر
فتحى فى اللحظة دى مبقاش قادر يقوم يقف على رجليه
علشان تتكلم هى وتقول.انت اللى رجعت
ومن سنين ده مش مكانكم
وانتم عارفين
ودلوقتى انت مش هتخرج من هنا
غير لو احنا اللى عايزين ده
ولسه مش هنعوز دلوقتى
انت هتفضل هنا
ومراتك معاك هنا
لحد ما نحدد امتى متبقاش مراتك
وامتى تسيب المكان ده
فتحى باصص لها وبيعيط
هى بتضح.بتعيط دلوقتى
خايف
مخوفتش وانت بتأذيها
زى ابوك زمان ما كان بيعمل
مخوفتش من اللى حصل
جاى هنا وبتكرره تانى
هههههههههه
انت اللى حكمت على نفسك يا فتحى
انت اللى ربطت نفسك فى بوابة الجحيم
وحكمنا عليك
رقية اللى هتحدده
يا هيتقفل الباب وتخرج برة
يا هتترمي جوة الجحيم
ويتقفل الباب وانت طعام للنار
اختفيت بعد الكلمة الاخيرة
وهو خلاص مبقاش قادر يقوم من مكانه
فضل فتحى بنفس الوضع على الارض
وقت طويل هو نفسه مش حاسس قد ايه
لكن هدومه اللى كانت مبلولة عليه من الرعب
نشفت من طول قعدته بنفس الوضع
وسمعت رقية صوت اذان الفجر
بتتقلب فى مكانها يمين وشمال
علشان تقوم مفزوعة لما لقيت فتحى قاعد قصادها على الارض
وباين عليه التعب
رقية بخضة.سى فتحى
فى ايه
انت قاعد كده ليه
فتحى رفع عنيه وبص لرقية وساكت
رقية اعتدلت فى قعدتها وقامت من مكانها.مالك ياسى فتحى فى ايه
فتحى بأنفعال.خليكي مكانك اوعى تقربي مني
انتى عايزة مني ايه
رقية بأستغراب.بطمن عليك بس ياسي فتحى
مالك ياخويا فى ايه
انت عيان ولا ايه
فتحى استوعب ان اللى بتتكلم معاه هى رقية مش اى حد تانى غيرها
فتحي.ا.ان..انتى لسه فاكرة تصحي دلوقتى
رقية.والله ياسي فتحى ما عارفة ولا حاسة انا اتقلبت ازاى كده
عينى قفلت محسيتش بالدنيا
وكأن حد ضربني على نفوخي
فتحى.حد ضربك على نفوخك
قصدك حد بيحميكي مني
رقية بعدم استيعاب.بتقول ايه ياسى فتحي
وبرضه مقولتليش انت ليه قاعد كده
فتحى.مبقولش حاجة
مبقاش ينفع اقول حاجة اتأخر معاد القوالة يا رقية
قاعد كده علشان رجلى مش شيلاني
رقية بخوف.طيب اجى اسندك ياسي فتحي
فتحى.تعالى
قربت منه رقية
وبتحاول تسنده علشان يقوم
لكن هى اضعف من انها تقدر تسنده
وهو كانت اعصابه سايبة للدرجة اللى كانت مخلياه مش قادر يحمل جسمه عليها
رقية.انادى على حد من الجماعة يسندك معايا
فتحى.لالا اوعى حد يعرف حاجة عننا
رقية.طيب ياسي فتحى هتفضل مرمي على الارض كده
فتحى.لاء انا هتعكز واقوم
كانت رقية واقفة جنبه بتسنده
وهو بيزحف على رجليه
علشان يوصل لحرف السرير
كان حاسس ان اطرافه كلها خايناه
وكان مقتنع ان اللى حصل ده سببله شلل
اللى بيحصل ان رقية بقيت بتنسى المواقف اللى بتجمعها باللى بيظهرولها
وكأن الهدف من نسيانها ده
انها متحسش بالرعب اللى فتحى حس بيه
فعلا بعد معاناة
قدرت رقية تساعد فتحى انه يطلع السرير
لكن من خوفه وتعبه
مقدرش حتى يغير هدومه
رقية.طيب قولى ياسي فتحى
اتصرف ازاى
انت شكلك عيان
وانا متأخذنيش مبعرفش اتصرف
قولى اعمل ايه وانا اعمله علطول
فتحى.متعمليش حاجة يا رقية
سيبيني بس انام
رقية.كده من غير ما تاكل لقمة
ولا حتى اشوفلك اى دوا يخليك تطيب
فتحى.انا هنام وهبقى كويس
رقية.اللى تشوفه
فعلا فتحى غمض عنيه
لكن منامش بسهولة
هو مش عارف يطلع اللى حصل من دماغه
لكن رقية
كانت قايمة جعانة
ولما اطمنت ان فتحى غمض عنيه خلاص
قامت تشوف حاجة تاكلها فى البيت
وبرغم ان بيتها مفيش فيه تلاجة تحافظ على الاكل سليم
الا ان رقية
لقيت الاكل كأنه لسة معمول دلوقتى
بقيت واقفة تكلم نفسها.هو جهز لنفسه واكل ولا ايه
يلا ربنا يجعل كلامي خفيف عليه
عمل خير
سخنلى الاكل
واخدت الاكل وراحت قعدت على الكنبة واكلت لحد ما حسيت انها شبعت
كانت جعانة وكأنها مأكلتش من سنة
رقية.هو انا اللى بيجرالى
البيت ده فيه حاجة غريبة كده
هو انا بيتهيألى ولا كلام عواطف بصحيح
وحد عاملى حاجة
علطول مضروبة على دماغى كده
ومش حاسة باللى بيحصل حواليا
بصيت رقية على فتحى اللى نايم جنبها
اهو عمايلك ونجاستك جايبين لنا الكافية
ذنبى ايه انا فى بلاويك دى
مش كفاية عليا اللى بتعمله فيا
كمان يربطوني معاك ولا يستكتروك عليا
ما تيجي ياخويا اللى طمعانة فيك تاخدك
ده ايه الهم ده بس
فضلت رقية على الحال ده وبتتكلم مع نفسها
وبتتمنى ان اللى عملالهم العمل ده
تفكه
وتاخد فتحى تشبع بيه
فى بيت علي
علي.بقولك ايه يافاطمة
فاطمة.نعمين يا حبيبى
علي.عايزك معلش لو قدرتى
بكرة تاخدى شوية فاكهة وخضار
وتروحى لبيت فتحى
اقعدى مع مراته شوية كده
خدى وادى معاها فى الكلام
اطمني عليها وعلى احوالها مع فتحى
فاطمة.عنيا يا خويا
بس غريبة يعنى
ده احنا كنا لسه هناك امبارح
فى حاجة ولا ايه
علي.هو مفيش حاجة
بس انا لاحظت ان البنت متغيرة
مش زى اول ما خدناها
تحسيها مكسورة كده
فاطمة.لالا تلاقيها بس علشان لسه مخدتش على البيت والجواز
برضه البت لسه مش واعية
بس من عنيا يا حبيبى
اروحلها
على.بصي روحى على بعد صلاة الضهر كده
علشان يكون فتحى طلع
تعرفوا تبقوا على راحتكم
فاطمة.حاضر يا حبيبى من عنيا
كانت علاقة فاطمة بعلي كويسة جدا
وكلها حب
واحترام
فاتت الليلة
نامت رقية على الكنبة
وفتحى بعد معاناة راح فى النوم
صحيت رقية وهى حاسة ان رقبتها وجعاها من النوم على الكنبة وبتتألم.اااه يا رقبتى
شكلى اتلوحت ولا ايه
فتحى صحى على الصوت فتح عنيه بكسل
وبيبص جنبه
ملقاش رقية
بص ناحية الصوت
شافها قاعدة على الكنبة بتكلم نفسها
فتحى.انتى لسه بتكلمي نفسك
رقية.صباح الخير ياسي فتحي
عامل ايه النهاردة
فتحى بيحط ايديه على رأسه وبيفتكر اللى حصل
وشه اتغير.كويس
كويس يا رقية
رقية.طيب بركة
اقوم احضرلك لقمة بقى عقبال ما تستحمى كده
فتحى.ماشى
رقية.هتقدر تقوم ولا اسندك
جرب فتحى يحرك رجليه
لقاها بتتحرك عادى وجسمه ارتاح عن الليلة اللى فاتت
قام فتحى بكسل
اخد هدومه وراح على الحمام
كان عم عثمان قاعد على كنبة عربي صغيرة جنب الاوضة
بتاعته
فتحى.صباح الخير ياعم عثمان
عثمان.يسعد صباحك يا فتحى يابنى
ايه طمنى
عامل ايه دلوقتى
فتحى.كويس يا عم عثمان
كويس
هقول ايه غير كده
عثمان.طيب يابنى ادخل استحمى انت
ولما تفطر وتروق كده
تعالى اشرب معايا كوباية شاى
عايزك فى كلمتين
فتحى.ماشى ياعم عثمان
بس خلينى بعد العصر لما ارجع من الشغل
عندى كام طلب كده مش هينفع اتأخر عليهم
عثمان.ماشى يابني
هستناك
ربنا يوسع عليك
دخل فتحى اخد حمامه
وطلع كانت رقية جهزت الفطار
قعد فطر وشرب الشاى
وهو ساكت
و رقية طبعا مقعدتش تاكل معاه
خايفة منه
فتحى وهو باصص للأكل.شوفى يارقية
انا اتجوزتك
ومش فى بالي الجواز ولا الزفت
انا بحب ابقى عايش على راحتى
كل يوم اجرب واحدة
لكن لما كنت عايزك وانتى مرضيتيش
غيظتينى
انا محبش واحدة تقولى لاء
ولما لقيت اخواتى بيزنوا عليا اتجوز
ملقيتش فى بالى غيرك
منها اوصلك
ومنها اطلع عينك على انك قولتيلى لاء
وابوكى الصراحة
باعك بالرخيص
قولت يعنى اللى رباها سهل كده
هى هتمثل عليا الشرف
كسرت عين ابوكى بالقرش
وهو راجل ناقص ورخيص
كانت رقية واقفة بتسمع كل كلمة وساكتة
فتحى.بصى يابنت الحلال
انا لابتاع عيال
ولا بتاع بيت وواحدة تبقى قاعدة مرقبانى فى الرايحة والجاية
هو اه انتى معملتيش كده
بس انا مش عايز العيشة دى
رقية.يعنى ايه ياسي فتحى
فتحى.ِوفى يابت الحلال
انتى تروحي لحال سبيلك
وزى ما دخلنا بالمعروف
نخرج بالمعروف
رقية.وهو احنا باللى جرى فيا هنبقى بنخرج بالمعروف ياسي فتحي
فتحى.انا يابت الناس قولتلك اللى عندى
من هنا للجمعة الجاية
اروح اقعد ما اخوكى ونشوف نهاية الحكاية دى
ويادار ما دخلك شر
رقية بأستسلام.اللى تشوفه
فتحى.يلا انا همشى بقى
فعلا خرج فتحى
وراح يستلم العربية
وقعدت رقية فى اوضتها بعد ما نضفتها
وغسلت مواعينها برة
وعم عثمان قاعد عنيه عليها
لكن محصلش بينهم اى كلام غير سلام ربنا
صوت خبط على الباب
قامت رقية تفتح وهى متوقع ان اللى على الباب هى عواطف
بس فتحت شافت فاطمة قدامها
رقية بسعادة.خالتى فاطمة
ايه النور ده
وسلمت عليها وبتوطي تبوس ايديها
فاطمة سحبت ايديها من رقية
وحضنتها وباستها
دخلوا سوا وقفلوا الباب
رقية بفرحة.والله الدنيا نورت
فاطمة بود.قولت انتى عروسة مينفعش تطلعي السوق
اجى اجيبلك طلباتك
رقية بتضحك.عروسة
ما خلاص بقى ياخالتى
راحت عليا
فاطمة.راحت ايه ياهبلة انتى
ده انتى لسه عروسة اسبوع
انتى تفضلى عروسة كده لحد ما تجيبى اول عيل
رقية.شكلها مش باينلها عيال ياخالتي
فاطمة بخضة.ياساتر يارب
بعد الشر ليه يابنتى كده
ده السم فى اللسان
رقية.اصل سي فتحى شكله عايز يطلقنى بقى
اتصدمت فاطمة من الكلمة
وحسيت انها مش عارفة ترد
رقية.انا والله يا خالتى ما بعمله حاجة
معرفش ليه هو عايز يطلقنى
فاطمة.طلاق ايه الشر برة وبعيد
احنا معندناش حد يطلق
ده تلاقيه بس يا رقية قال كده فى وقت زعل ولا حاجة
بيخوفك يعني
رقية.وليه ياخالتى يخوفنى
هو انا بعمله ايه علشان يفضل يخوفنى
ده انا تحت رجليه
فاطمة.باين علي كان عنده حق
رقية.عم علي عارف كمان
فاطمة.لاء يا حبيبتى
بس هو شاف انك متغيرة
قاللى اجى اطمن عليكي
قلبه حاسس
رقية.فيه الخير والله
كتر خيره
مجاتش من امى ولا ابويا
فاطمة بحزن.طيب احكيلى يارقية فى ايه
رقية خافت تحكى اللى حصل منه من اول الجواز
فى الاول والاخر هما اهله
وممكن يعرف منهم انها اتكلمت
وفى نفس الوقت مرضيتش تقول على الكلام اللى قالته لعواطف
علشان محدش يقول عليها مجنونة
ولا بتعمل كده علشان شبطانة ترجع بين اهلها
وده اللى خلى رقية متقولش غير الكلام اللى فتحى قاله قبل ما يخرج بس
فاطمة.لاء يا حبيبتى
انتى تقعدى معززة مكرمة هنا
واخوه يعرفه يعنى ايه بيت وواحدة ست مسؤلة منه
هو فاكر نفسه لسه عازب وعلى كيفه ولا ايه
انتى بس يا رقية اوعى تزعلى نفسك
اصل فتحى ياحبيبتى اكتر واحد فى اخواته واخد راحته وعايش على كيفه
لما حس انه خلاص بقى لازم يروح البيت بمعاد
وعنده اللى بقيت مسؤلة منه
تلاقيه حس ان الوضع غريب عليه
لكن اخوه هيقعد معاه ويعقله
رقية قبل ما ترد
حسيت انها دايخة
والدنيا بتلف بيها
فاطمة بخوف وقلق.رقية بت يا رقية
يالهوووووى حد يلحقنا
كان فتحى سايق عربيته وفى طريقه محمل زباين جوة كابينة العربية
وفى الصندوق بتاعها
بس ماشى فى طريقه سرحان
فى اللى حصل فى حياته فجأة
وفى اللى حصل بليل
سايق وبيحاول يقنع نفسه ان اللى حصل بسبب الشرب اللى شربه
هو عارف انه بيكدب على نفسه
لكن عايز يطمن باله
بس هما رفضوا انه يطمن
علشان كده
صوتهم رن فى ودانه
البيت ده مش هتخرج منه بمزاجك يا فتحى
رقية ملكنا
واللى فى بطنها امانة
تحافظ عليها والا هتشوف الجحيم فى كل خطوة
مجرد ما رن صوتهم فى ودنه
وقف فتحى فجأة
ومن صدمته بصوتهم اللى بيرن فى ودنه
وتهديدهم
مسمعش صوت صرخة الزباين اللى راكبين معاه
يتبع
ما بعد الأغتصاب
الفصل التاسع عشر
اتجمع الجيران فى اوضة رقية
واتلموا حواليها
فاطمة بخوف.والله ما اعرف ده احنا قاعدين نتكلم لقيتها وقعت قصاد مني كده
خضرة.متخافيش يابتى
احنا شيعنا لباتعة فى الناحية التانية من البيت
تيجى تبص عليها
فاطمة.مين باتعة دى
سنية.دى ممرضة يا حبيبتى
شغالة فى المستشفى العمومي
شاطرة وبتفهم
فاطمة.هات العواقب سليمة يارب
ام العربي.هو جوزها فين اومال
فاطمة.فى شغله يا خالتي
سنية.ياختى احنا معاها اهو
كان هيعمل ايه الراجل اكتر من اللى بنعمله
كانت فاطمة ماسكة قماشة مبلولة
وبتمشيها على وش رقية
يمكن تقدر تفوقها
باتعة.السلام عليكم
خير يا جماعة فى ايه بعد الشر
سنية.تعالى يابت ياباتعة بصى على رقية
دى لسه عروسة اسبوع ووقعت من طولها مرة واحدة
باتعة قربت من رقية
وهى بتسألهم.طيب يعنى هى عندها سكر ولا عندها اى عيا
فاطمة.سكر ايه دى مجابتش ال14 سنة يا ست باتعة
باتعة بتضحك.ويعنى هو المرض بالسن
وركزت مع رقية
وبتطمن عليها بطرق بدائية
خضرة.مالها يابت فى ايه
عرفتى حاجة ولا عاملة فيها ضاكتورة على الفاضى وخلاص
باتعة.دى بطنها شايلة يا خالتى خضرة
ام العربي.يا صلاة النبى يا صلاة الزين
وعرفتى ازاى يا منيلة
دى البت مبقالهاش عشر تيام داخلة
سنية.يوه يا ولية
فى ايه قولى الله اكبر
فاطمة باستغراب.يعنى ايه ياست باتعة
قصدك انها حامل يعنى
باتعة.اه والنبى يا حبيبتى
البنية حامل
دى بطنها باينة
وحركته واضحة حتى
فاطمة بذهول.هو ايه ياست باتعة اللى حركته باينة
بقولك دى امبارح كان سبوعها
حتى لو حصل الحمل من اول يوم
هيلحق يبقى له حركة
خضرة بتعوج شفايفها.ما يمكن من قبل كده ياختى وانتم متعرفوش
ربنا يستر على ولايانا
فاطمة بأنفعال.ايه ياست اللى بتقوليه ده
لولا انك ست كبيرة كنت رديت عليكي بطريقة تانية
انتى فاكراها من الشارع ولا ايه
سنية.متقصدش يابنتى
هى خضرة كده لسانها علطول فالت منها
ام العربي.انتى ياخضرة لسانك ده موديكي فى داهية
بس بصحيح يا باتعة
ازاى يعنى بطنها باينة ياختى
دى مفاتش عليها شهر حتى
باتعة.دى بقى العلم فيها عند ربنا
وهما برضه ادرى يا خالتى اللى فى بطنها ده اتزرع من امتى
فى اللحظة دى
اتقطعت الكهربا
خضرة.يالهووووى
اهم حضروا احنا ايه اللى دخلنا الأوضة دى
بركة ياختى انها بخير
افوتكم بعافية
خرجت خضرة الست خمسينية العمر
المتطفلة
اللى بتحب تنقل الكلام بتاع كل اوضة تدخل فيها للاوضة التانية
فاطمة بقلق على رقية
وبأستغراب من الموقف كله
وبقلق من اللى قالته خضرة.هما مين اللى حضروا يا خالتى سنية
وليه متدخلوش الاوضة دى
ام العربي.جرى ايه يا فاطنة يابتى
ده وقته الكلام ده
مش قولتلك دى ولية عقلاها خرفان
روحى ياباتعة هاتى لنضة الجاز ولعيهالنا
فاطمة.طيب هى هتفوق امتى
باتعة.هى تلاقى ضغطها واطى شويتين
انتى بس هاتيلها حتة مخلل كده
وهتبقى زى الفل
ربنا يكملها على خير
معلش بقى ياخالتى ام العربي
انا هروح البيت احسن البت منى بتى قاعدة لواحدها
وتلاقيها على صرخة واحدة بسبب الضلمة
سنية دخلت تجيب لمبة الجاز
وتولعها
ام العربي.ماشى ياباتعة كتر خيرك
عقبال ما تفرحى ببناتك
باتعة.ربنا يستر عرض الولايا
افوتكم بعافية
خرجت باتعة
سنية.بت ياعواطف
يا عواطف
هاتى حتتين مخلل يابت من عندك
وحتة جبنة قديمة من البرطمان
عواطف من بعيد.حاااضر ياما
فاطمة بقلق.والله يا خالتى سنية البت زى الفل
ياريتنى ماكنت صرخت ولا استنجدت بحد
دلوقتى يلفوا البيت كله يتكلموا فى شرفها
سنية.ليه ياختى ان شاء الله
دى واحدة متجوزة وعلى ذمة جوزها
ام العربي.ايوة يا سنية
بس انتى عارفة خضرة
هتاخد كلام باتعة
وتلف بيه
البت بقالها اسبوع
والعيل بيتحرك فى بطنها
دى ياختى حتى لو حبلت من اول يوم
يبقى لسه العيل نقطة دم فى بطن امه
فاطمة بقيت جنب رقية وهى محتارة
وصوتها من جواها
بيقول طيب هو يكون فتحى قال يتجوزها علشان عمل فيها اللى عمله
واخدها علشان يستر عليها
استغفر الله العظيم يارب من كل ذنب
ايه اللى بتقوليه ده يافاطمة
انتى عندك ولايا
دخلت عواطف تجرى وهى ماسكة طبق فيه مخلل وجبنة قديمة
سنية.طفيتى على الاكل يابت
عواطف.اه ياما
خدى الصحن اهو
مالها رقية
ام العربي.حامل يابت
عقبال ما نفرح بيكي
عواطف بفرحة.بجد والنبى
ان شالله الف مبروك
فاطمة بشرود.الله يبارك فيكي يا حبيبتى عقبالك
سنية.بت يافاطمة
هو حد اتكلم معاها قبل الجواز عن اللى حصل هنا زمان
فاطمة وهى بتحاول تأكل رقية المخلل.هو ايه يا خالتى اللى حصل هنا زمان
سنية بصيت لأم العربي.ايه ده انتى معندكيش علم انتى التانية
فاطمة عنيها على رقية اللى ابتديت تهز رأسها.معنديش علم بأيه بالظبط يا خالتي
عواطف بفضول.هو ايه ياما اللى حصل هنا زمان
ام العربي.ما تسكتى يابت يا عواطف
هى البت بتفوق ولا ايه
شوفيها كده يافاطنة
انتبهت فاطمة لرقية
اللى فتحت عنيها
والنور رجع
سنية بأبتسامة.يا صلاة النبى
البت فاقت والنور رجع
فاطمة.ايه يارقية اخص عليكي
وقعتى قلبى يابنتى
ام العربي.مبروك يابت
جدعة
مضيعتيش وقت
عواطف.مبروك يا رقية
ربنا يكملك على خير
رقية بتفوق ومش مستوعبة اللى بيتقال حواليها
ام العربي.بركة ياختى انك بخير
هطلع انا بقى اوضتى
لو فيه حاجة اندهوا عليا يا ولاد
فاطمة.كتر خيرك يا خالتى
منجلكيش فى حاجة وحشة
خرجت ام العربي
رقية بتعب.هو فى ايه يا خالتي
فاطمة.ولا حاجة ياحبيبتى
سيبتي ركبي بس
مبروك يا حبيبتى
رقية.مبروك على ايه
مالكم ملمومين كده ليه
سنية.يابت انتى دوختى بس اكمنك حبلة
وفاطمة ستر ربنا انها كانت معاكى
جينا على صوتها
بعتنا جيبنالك حكيمة
وقالت انك شايلة
رقية بتفتكر الاصوات اللى بتسمعها
ودايما تقولها انتى حامل
ومتخافيش
جسمها ارتعش
فاطمة.مالك ياحبيبتى انتى سقعانة
اغطيكي
رقية بتهز رأسها ب لاء
فاطمة.اعمل ايه ياخالتى
جسمها بيتنفض
سنية.معلش يا فاطمة يابتى
هى باين عليها ضعيفة
محتاجة تتغذا كويس
بقولك ايه
انا هدخل اعملها شوية شوربة خضار واسلق لها حتتين لحمة
فاطمة.كتر خيرك يا خالتى
البيت مليان خير والله
انا هعملها قبل ما امشى
سنية.يابتى عيب
ده احنا اهل
فاطمة.والله ياخالتى لو انا مش قاعدة معاها دلوقتى كنت قولتلك اعملي
لكن انا قاعدة
بس هى هتبقى امانة فى رقبتكم لو محدش مننا معاها
سنية.اخص عليكي
دى زيها زي بناتى يا حبيبتى
يلا اسيبكم بقى تقعدوا مع بعض
واروح اكمل الاكل
عمك عثمان بيتغدى بدرى
وانا رميت اللى فى ايدي لما سمعت صوتك
فاطمة.كتر الف خيرك ياخالتى
نجيلك فى الفرح
سنية.محتاجة عواطف معاكي فى حاجة
فاطمة.عواطف فى بيتها يا خالتى تنور
بس شايلاكم لعوزة والله
سنية.خلاص ياختى اخدها تجهز معايا الاكل لعمك عثمان
ونجيلكم تانى تكون بسلامتها راقت شوية
فاطمة.كتر خيرك يا خالتى
قامت فاطمة من جنب رقية
وصلت سنية وعواطف للباب
ورجعت تانى لرقية
اللى لقيتها بتحاول تقوم من على الكنبة وتتعدل فى قعدتها
فاطمة ساعدتها انها تقوم تقعد
وواقفة قدامها بصالها بتركيز
رقية وهى ماسكة دماغها وحاسة بصداع.مالك يا خالتى بصالى كده ليه
فاطمة.بقولك ايه يا رقية
هسألك سؤال
وعليكي ذمة ودين
تردى بالحق
رقية بأستغراب.اسألى يا خالتى
فاطمة.انتى وفتحى حصل بينكم حاجة قبل الجواز
رقية.حاجة ايه ياخالتى يعنى
فاطمة.استغفر الله العظيم يارب
يعنى يابتى الدخلة تمت يوم الفرح
ولا حصل الموضوع ده من قبل الفرح
وعجلتوا بالجواز علشان الموضوع ميتعرفش
رقية ببلاهة.وكتاب الله ياخالتى
وايمانات المصطفى
ما لمسنى سي فتحى ولا غيره
طول حياتى
غير لما دخل عليا يوم فرحنا
وهاتى المصحف احلفلك
فاطمة.لاحول ولا قوة الا بالله
اومال ايه بس اللى حصل
رقية.هو انا مينفعش ابقى حبلة من اول اسبوع فى الجواز يا خالتى
فاطمة.لاء ياحبيبتى
ومن اول لليلة كمان
الغريب بس
ان الست اللى شافتك
بتقول العيل بيتحرك
هو لحق يتكون ياختى ويبقى فيه روح علشان يتحرك
ده لسه كام شهر علشان ده يحصل يا رقية
علشان كده يابنتى بسألك
تكونوا اتجوزتوا علشان تداروا على الفضيحة
وعلشان كده فتحى قال تطلقوا
رقية.يعني ايه يا خالتي
انا فيا حاجة غلط
فاطمة ب حيرة واستغراب.والله يا رقية
هو فيه حاجة غلط
بس خلينا ياختى منسبقش الاحداث
ولما ييجى فتحى
نشيلك للاسبتاليا
وهما يقولوا الكلام المظبوط
وكملت فاطمة بصوت واطى
وهى بتقول.ونعرف بالمرة ايه حكاية الاوضة دى كمان
رقية.بتقولى ايه يا خالتى
فاطمة.بقول ربنا يجيب العواقب سليمة
رقية كانت فى الوقت ده اقتنعت
ان الاوضة دى فيها حاجة مش طبيعية
لكن ايه بالظبط
هى مش عارفة
ولا قادرة تتوقع
لكن هى اقتنعت ان كلام عواطف اكيد صح
زبونة.جرى ايه ياسى فتحى
لالا انت باين عليك كده مجيتش على الجواز
ده انت ياراجل كنت بتاخد الطريق زى الزبدة السايحة كده من سهولته
فتحى سرحان
الزبونة.لالا ده انت مش هنا خالص
مالك ياراجل
هى الولية منكدة عليك ولا ايه
خلاص تعالى معايا انا هروقك وانسيك النكد والهم اللى على راسك ده
فتحى بانفعال وهو رجع يسوق العربية تانى.بس بقى اسكتى
ايه انتى مش بتبلعي ريقك ليه
الزبونة.اهيييي
يعنى الحق عليا
انا باخد بخاطرك
واخفف عنك
بدل ما كنت هتلبسنا فى الحيطة دلوقتى
خلاص ياخويا انا هسكت
بس انت صحصح لطريقك الله يباركلك
عايزين نرجع بيوتنا على خير
فتحى.يباركلى
وانا هشوف بركة بسبب بوز الاخص دى
الزبونة بتضحك ضحكة مايعة.مش بقولك منكدة عليك
ههههههههههههي
فتحى.متجيبيش سيرتها بقى
مش ناقص انا جتتى اتلبشت من غير حاجة
الزبونة.ايه هى ملبوسة ولا عملالك تحويطة ياراجل
فتحى سرح فى الكلمة
الزبونة.ايه جابتك على بوزك
سحرالك بصحيح ولا ايه
فتحى بصوت مش مسموع ليها.ايه ده هى بجد ممكن تكون جابتنى بالسحر
لاء
بس ده قاللى اللى حصل زمان
وهى متعرفش حاجة
ده انا نفسى نسيت
الزبونة.بتكلم نفسك ياراجل
فتحى.بقولك ايه بقى ياميرفت
اطلعى من نفوخي
انا اليومين دول متكعبل
ومش رايق
اروق بس كده واخلص من الحكايات اللى انا فيها
وبعدين اشوف حكايتك معايا ايه بقى
ميرفت.ما انا قولتلك اروقك
وانت اللى بتتقل
فتحى بيضحك باستهزاء.خايف عليكي انتى
غلطان انا يعني
ميرفت.لاء انا ميتخافش عليا
تلاقيك انت بس اللى خايف من ابو وردة
ههههه
فتحى.ابو وردة ايه ياولية
انتى هتخيبى فى الكلام ولا ايه
خلاص
ننزل الناس اللى ورا
واجى معاكى على البيت
ونشوف مين اللى بيخاف
ميرفت بخلاعة.ههههههي ايوة خلينا نشوف
ساق فتحى عربيته
وفضلت ميرفت تتكلم
وهو من جواه
بيقول ما خلاص بقى مدام بعيد عن المكان اللى هى فيه
يبقى مالهمش دعوة
هيحصل ايه يعنى
فعلا مر الوقت فى الطريق
وصل فتحى الناس اللى معاه للموقف اللى هما هينزلوا فيه
نفس البلد اللى ساكنة فيها رقية واهلها
مش بس كده
ده حتى بيت ميرفت على بعد مسافة قريبة من بيت اهل رقية
ميرفت.ايه هتيجي معايا ولا هتحصلني
فتحى.لاء هقعد شوية على القهوة اريح من التارة واشربلى كوباية شاى
لحد ما انتى تروقى الجو
واحصلك
ميرفت.خلاص ماشى
هروح انا بقى متتأخرش
فتحى.ماشى
فعلا راحت ميرفت على بيتها
اللى عايشة فيه لواحدها
هى اصلا منفصلة عن جوزها
ومعندهاش اولاد
قعد فتحى على القهوة
وبيحاول يقنع نفسه
انه مش هينفع يسيب البيت بسبب تهديداتهم له
ولا هينفع بالطريقة دى يطلق رقية
لأنها فى حمايتهم
وهو خايف منهم
وده خلاه يقرر
انه يرجع تانى للحياة اللى تخليه لو رجع البيت
يرجع بس على النوم
علشان يتجنب التعامل مع رقية
اللى بيندم انه اتجوزها
شرب كوباية الشاى
وحاسب عليها
وقام راح ناحية بيت ميرفت
بيخبط على بابها
وفى اللحظة دى
حس باللى بيخبط على كتفه
بص فتحى وراه بفزع
وفتحت فى اللحظة دى ميرفت الباب وهى بتقوله ادخل يا سيد الرجالة
بتعمل ايه هنا يا جوز اختى؟؟؟
فتحى.هااااااا
يتبع
🥰🥰🥰🥰
ما بعد الأغتصاب
الفصل العشرووووون
فتحى واقف فاتح عنيه بصدمة
هو مش خايف من ان حد يشوفه
هو عنده القدر الكافى من البجاحة اللى يخليه مش بيخاف من حد
لكن هو مش محضر رد يقوله لأى حد ممكن يحطه فى موقف زى ده
وعلشان كده كان واقف قصاد رشا ساكت
ميرفت ببجاحة.ازيك يابت يا رشا
عاملة ايه وازى امك
رشا بأستهزاء وهى باصة لفتحى اللى واقف بيفكر فى كلام.الحمد لله احنا زى الفل وكويسين
ايه يا جوز اختى اللى جايبك عند خالتي ميرفت
فتحى.معرفة يا رشا
جاى جايبلها خبر من ناس تبعها فى اسكندرية
رشا بعدم اقتناع.اااا علشان كده بتقولك ادخل يا سيد الرجالة
هو الخبر وصل قبل منك يا جوز اختى ولا ايه
فتحى ببجاحة.جرى ايه يا رشا فى ايه
هو انتى فاتحالى تحقيق ولا ايه
الست زبونتى
ومعرفة قديمة
ميرفت.مرافقنى يابت يا رشا
روحى قولى لأمك وختك
هيهيهيهيهيهيهي
فتحى بص لميرفت بصدمة
ميرفت.جرى ايه ياسي فتحى
هو من امتى الحريم بتحاسب الرجالة ياخويا
هو اكل وبحلقة ولا ايه
بت يارشا
يلا امشى روحى على بيتكم بقى
ومتنسيش ياختى تروحي تجيبيلي امك وتيجي
علشان اخلى اللى ما يشتري يتفرج عليكم
رشا.لاء يا خالتي
احنا عارفين ان انتى مالكيش كبير ولا حاكم
وبعدين امى تجيلك ليه
مش مستاهلة
انا اختى ست الستات قاعدة فى بيتها
جوزها بيرجعلها اخر الليل قدام الناس
لكن انتى اهو جايلك يتسحب
ومش لاقى حاجة يقول انه داخلك بيها
علشان كده واقف محروج
انتى بس اللى الخشا مكشوف عنك
علشان كده بقى مش هريحك ولا هخلى حد يشمت فى اختى
جوز اختى يخلص قاعدته معاكى
ويرجع لمراته
يلا افوتك بعافية ياجوز اختى
خلي بالك منها بقى
احسن دى فاتحة بيتها للى رايح واللى راجع
بالأذن
كان فتحى واقف مصدوم من كلام رشا
اللى مش مصدق انه يطلع منها
وميرفت واقفة مضايقة انها بدل ما تضايق هى رشا
لاء رشا اللى حرقت دمها
ميرفت.بقولك ايه انت هتفضل واقف على الباب
ادخل يا خويا وكمل تتنيح جوة
بدل ما نبقى فرجة للي رايح واللى جاي
دخل فتحى ولسه ردود رشا فى ودنه
ميرفت.عكننت علينا بت نبوية
يحرق دمها البعيدة
فتحى وهو بيقعد على حرف السرير.اه البت لسانها متبري منها
البت اختها مالهاش لسان
تتهد الدنيا من حواليها وهى ساكتة
ميرفت.اه رقية هبلة
لكن البت دى ارشانة
بقولك ايه
احنا هنضيع وقتنا فى زفتة وهبابة
خلينا فى اللى احنا فيه بقى
فتحى.نكدت عليا
ميرفت.ياراجل متعملش البت حجتك
لاء احنا هنروق شوية كده
ولا نكد ولا وجع دماغ
فتحى بيضحك.وماله
روقيني بقى
نسينى الكلمتين اللى عكنونى دول
فعلا ميرفت متوصتش
ولاغية من قاموسها هى كمان الحرام والحلال
وكان جسمها ارخص من الخضار اللى بتنزل تبيعه فى السوق
وبرغم ان فتحى مش مستمتع معاها
لكن هو عايز يعمل اى حاجة تفصله عن اللى بيحصل فى بيته
واللى بقى يسمعه ويشوفه
اما فى البيت عند رقية
طلعت فاطمة لمحل بقالة
استعملت منه التليفون
علشان تقدر توصل لجوزها عن طريق جاره ليهم
وتبلغه باللى حصل فى بيت رقية
اه هى مقالتش كل التفاصيل
لكن بلغته ان رقية تعبانة ومحتاجين يروحوا بيها المستوصف
وفعلا علي متأخرش
مجرد ما عرف
كان مسافة الطريق عندهم
علي.يلا بينا انا موقف عربية برة تاخدنا لحد هناك
رقية بتعب.لاء يا عمى علي
احسن سي فتحى يتشاكل معايا
اخاف اطلع من غير علمه
فاطمة.يابنتى متخافيش
هو لو يعرف انك عيانة كان زمانه هنا
لكن انتى مع اخوه الكبير ومعايا مش طالعة لواحدك
لازم نروح نشوف فيكي ايه
هما هيبقوا فاهمين اكتر مننا
على.هو مش انتى بتقولى الحكيمة قالت حامل
فاطمة بتبص لرقية و علي.ياسيدى دى ممرضة
تلاقيها برضه مش زى الدكتورة
خلينا نروح المستوصف احسن
هناك لو فيه حاجة محتاجة تتلحق هيلحقوها
علشان كلامها مدخلش عقلي
علي.طيب مش وقت انى استفهم ايه اللى مدخلش عقلك
جهزيها انتى بس
ويلا بينا
انا مستانيكم برة
فاطمة.ماشى
خرج علي
فاطمة.يلا يابنت الحلال
خلينا نطمن عليكي
احسن تكون فيه حاجة فى بطنك
والست دى فكرتها عيل
خلينا نطمن
رقية بخوف.ياست فاطمة ده عيل
بصحيح
فاطمة.انتى يعني عارفة ان اللى بيتحرك ده عيل
رقية.مش عارفة هو اللى بيتحرك ولا لاء
بس انا عارفة انى حامل
انا حسيت او حلمت او حد قاللى
والنبى ما انا عارفة بالظبط
انا منين عرفت انى حبلة
من قبل ما الست دى تقول
فاطمة.طيب معلش يا حبيبتى
برضه حتى لو حمل
خلينا نروح ونطمن
ولو على فتحى
مش هيقول حاجة لما يعرف انك معانا احنا
رقية بخوف.يعنى انتم هتيجوا معايا تانى
وتقولوا ان انتم اللى قولتوا نروح للمستوصف
فاطمة.اه يا حبيبتى متخافيش
يلا بقى عم على واقف بقاله شوية
فعلا قامت غيرت هدومها و لفيت الايشارب بتاعها
وخرجت مع فاطمة
لعلي اللى كان واقف جنب العربية مستنيهم
واول ما خرجوا
ركبوا معاه
واتحركوا مع بعض
على اقرب مستشفى
فى بيت ابو رقية
بسمة.طب وهتعملى ايه يابت يا رشا
هتقولى لابوكى
ولا لرقية
اخص عليك يا عم فتحى
رشا.عم فتحى ايه
الراجل الناقص
رايح يلعب بديله قبل ما يكمل حتى جمعتين
من جوازه
انا كنت حاسة اختى باين عليها مش فرحانة زى العرايس كده
بسمة.طيب ما تقولى لأمى تروح تفضح الست اللى اسمها ميرفت دى
رشا.تفضحها ايه
هى مفضوحة من غير حاجة
والبلد كلها عارفة مشيها البطال
وبعدين حتى لو فضحتها
ما هو اللى ديله نجس مبينضفش
الراجل ده بتاع حريم
وانا من يوم ما دخل بيتنا
وانا مش مرتحاله
ومش هينفع نخرب على اختك
الناس تقول ايه
اترميت ورجعت بيت ابوها بعد اسبوع جوازها
يفكروها معيوبة ولا شاف عليها حاجة
بسمة.عينى عليكي يا رقية
نبوية وهى فى الفسحة.يا عيال
انتم قاعدين جوة وسايبينى اخبز لواحدى
قومى ياختى منك ليها تعالوا ساعدوني
بنات اخر زمان بصحيح
رشا.تعالي نطلع لامك
بدل ما تيجى تمسك في خناقنا
بسمة.مش هتقولى حاجة
رشا.لالا
وانتى اوعى تجيبي سيرة
خلينا نفكر ايه اللى المفروض يتعمل وبعدين يحلها الحلال
بسمة.ماشى
خرجت رشا وبسمة لأمهم
وقعدوا يخبزوا معاها
ومحدش منهم بيتكلم
ونبوية برغم انها مش متعودة ان بناتها يبقوا سرحانين كده
الا انها مهتمتش تسأل
حتى لو لاحظت سكوتهم
فى المستشفى
الدكتورة.ماشاء الله
الطفل حركته كويسة اوى
فاطمة بتبص لرقية
الدكتورة.بس انتى محتاجة تتغذي شوية بقى
علشان تتحملى الولادة والطفل يفضل بحالة كويسة
فاطمة.هو انتى يادكتورة تعرفى هى حامل فى الشهر الكام
الدكتورة.هو انتم مش حاسبين الحمل كان من امتى
رقية وفاطمة بيبصوا لبعض
فاطمة.لاء يا دكتورة
هى كانت عند اهلها ومراحتش لدكاترة هناك
واول ما رجعت جينا عليكي علطول
الدكتورة.حمد الله على السلامة ياستى
انتى صغير برضه على انك تبقى حامل
بس ان شاء الله كله هيكون كويس
حركة الطفل دى تقول انها فى الخامس تقريبا
فاطمة حسيت بدوخة
فى اللحظة دى
ورقية بتلقائية.ازاى يا ست الدكتورة
انا بقالى اسبوع بس متجوزة
الدكتورة اتصدمت
وبتبص لفاطمة
شافتها مش متوازنة
وكأنها هتقع
قامت بسرعة من جنب رقية اللى كانت بتكشف عليها
وقربت من فاطمة تسندها
وتقعدها مكانها على الكرسي
الدكتورة.انتى مفطرتيش ولا ايه
فاطمة.لا الحمد لله يا دكتورة
انا كويسة
طمنينى بس على رقية
بصيت الدكتورة لرقية بشك.دى بتقول انها متجوزة من اسبوع
والطفل اللى جواها
حجمه يقول انه بقاله شهور
فاطمه الدوخة زادت فيها
وده اضطر الدكتورة انها تكشف عليها
رقية كانت مستغربة كل اللى بيحصل
وخايفة
وفى نفس الوقت فرحانة انها هتبقى ام
مع انها مش فاهمة يعنى ايه بنت فى سنها تكون ام
كل اللى كان بيدور فى دماغها
حاجات مالهاش علاقة ببعضها
لكن الدكتورة قطعت تفكيرها وهى بتقول لفاطمة.انتم متفقين تعملوها سوا ولا ايه
فاطمة بتبص للدكتورة ومش فاهمة قصدها
الدكتورة.انتى كمان مروحتيش لدكاترة الفترة اللى فاتت ولا ايه ياست فاطمة
متعرفيش ان انتى حامل
فاطمة بفرحة وذهول وصدمة فى نفس الوقت.حامل
انا حامل
والنبي ما اعرف يا دكتورة
الدكتورة.هو فى ايه ياستات
انتم بتتكسفوا تروحوا تطمنوا على روحكم ولا ايه
6 شهور متعرفيش انك حامل
فاطمة بذهول.هو ايه ده يا دكتورة اللى 6 شهور
انا محصلش اى حاجة معايا تقول انى حامل
الدكتورة.متأكدة ان مفيش اى حاجة حصلت
حاجة اتمنعت
تدل على انك حامل يعنى
فاطمة.والله ابدا يادكتورة
كل حاجة طبيعية وكويسة
مفيش اى حاجة
الدكتورة.عادى ياست فاطمة
وارد يحصل
فى حالات ممكن تحمل من غير انقطاع للظروف الشهرية
وعموما مبروك
ورجعت تانى بصيت الدكتورة لرقية
اللى كانت سرحانة
فاطمة.الله يبارك فيكي يا دكتورة
الدكتورة.اما الست رقية بقى
لازم تتغذى كويس اوى
علشان هى ضعيفة
وعلشان الحمل يكمل على خير
فاطمة.متأكدة يا دكتورة ان اللى فى بطنها بقالها خمس شهور
الدكتورة.الطفل مبيتحركش قبل العمر ده يا ست فاطمة
مبيكونش لسه اتكون
ربنا يسترها على بناتنا
راحت الدكتورة لمكتبها
وكتبت روشتة ادوية لرقية
وروشتة لفاطمة
وخرجوا سوا من عند الدكتورة
علي.خير طمنينى
قالت ايه الدكتورة
فاطمة.قالت اللى قالته الست باتعة
رقية حامل يا علي
علي بأبتسامة.الف مبروك يا رقية
اخيرا الواد فتحى هيبقى اب
بقولك ايه بقى يا رقية
تعالى اقعدى معانا فى البيت
وفاطمة هتراعيكي
انا هنا مكان ابوكي متخافيش
كل طلباتك مجابة
ده انتى مرات ابني مش مرات اخويا
رقية بخجل.دايما عامر بحسك يا عمي وبحس خالتي فاطمة
ومبروك ما يجيلكم
على.مبروك على العيلة كلها
هيجيلنا نونو نلعب بيه يا فاطمة
رقية.خالتى فاطمة كمان هتجيب نونو
بص علي لمراته اللى كانت واقفة وزعلانة على ان فتحى استغل طفولة رقية وعمل اللى عمله معاها من قبل الجواز
علي.فاطمة
صحيح اللى بتقوله رقية ده
انتى حامل بجد
فاطمة رجعت لوعيها.اه يا علي
تصدق
الدكتورة بتقولى انى حامل فى السادس
وانا بقالى اسبوع بشيل واحط فى البيت
ولا حسيت بأى حاجة
6 شهور ومعرفتش انى حامل
علي بفرحة.يافرج الله
شوفتى ربنا باعتلنا الفرح ورا بعض ازاى
يلا بقى شدى حيلك انتى هاتيلنا واد
ورقية تجيب بنت
علشان يبقوا متسميين لبعض
فاطمة.ربنا يتمملها بخير
مش يلا بينا بقى نمشى
ولا هنقعد هنا
علشان فتحى يرجع يلاقى حد فى البيت
فعلا مشيت رقية وفاطمة وعلي
راحوا على البيت
كانت فاطمة مبسوطة انها حامل
هى عندها بنات ونفسها تجيب ولد
يبقى سند لأخواته
وكان علي فرحان جدا
انه هيجيله طفل
وراضى سواء بنت او ولد
وفرحان جدا لأخوه انه اخيرا هيبقى اب
وهيعرف يعنى ايه يبقى مسؤول بجد عن عيلة
اما رقية كانت فى عالم تانى
طيب الناس هتقول ايه لما تخلف بعد اربع شهور
وهى مكملتش شهر متجوزة
طيب اشرف اخوها وابوها لو عرفوا هيعملوا فيها ايه
فتحى هو الوحيد اللى عارف انها شريفة ومحدش لمسها غيره
وصلوا البيت
ودخلوا سوا
علشان يستنوا فتحى
ويكونوا موجودين فى الوقت اللى هيعرف فيه الخبر
ويشوفوا رد فعله
رقية.اهحضرلكم لقمة بقى
علي.لالا
متتعبيش نفسك
فاطمة.ارتاحى انتى يارقية انا هقوم احضر
علي.لاء ولا انتى
انا هطلع اجيب لقمة على ما قسم كده
نتصبر بيها لحد ما فتحى يرجع
قام علي وقبل ما يخرج
فاطمة.علي
ايه سر الاوضة دى
فيه حاجة انت لازم تقولها
ولو مش هتقولها ليا
قولها للبت الغلبانة دى
بدل ما تعرفها من الجيران اللى عارفين
ان فيه حاجة فى الاوضة دى
وقف علي وهو باصص لفاطمة ولرقية
ومش عارف المفروض يرد عليها يقول ايه فى اللحظة دى
رقية.ايوة ياعمي على
صحيح
انا حاسة ان فيه حاجة هنا
والناس كمان اللى حواليا كلامهم بيقول ان الاوضة دى حصل فيها حاجة
ومستغربين اوى ان سي فتحى اتجوز فيها
ما تقولي يا سي على يمكن الاوضة دى السبب فى اللى انا فيه
علي بيبص لفاطمة بلوم على سؤالها
فاطمة بحدة.علي
انا يمكن سألتك قبل كده
وانت رفضت ترد عليا
وغيرت الكلام
لكن الجيران هنا بيتكلموا عن ان الاوضة دى
فيها حاجة حصلت
للدرجة اللى خوفتهم انهم واقفين فيها
فى ايه ياعلي
لو مش عايزنى انا اعرف
اطلع اقعد عند الست سنية وانت احكى لرقية
علي بأرتباك.مفيش حاجة يا فاطمة
انتى ليه مكبرة الحكاية
وبعدين انتى عارفة الناس اللى هنا
مفيش وراهم غير الكلام الكتير
وبعدين يعني هيكون في ايه فى الاوضة
فيها ايه الاوضة يا رقية
انتى حصل معاكى حاجة يخوفك منها
رقية ب حيرة تتكلم ولا لاء
بس قررت ترد.ايوة ياعمي علي
الكهربا بتقطع علطول
وبعدها جسمي كله بيرتعش
غير سي فتحى
بيعمل حاجات غريبة
انا فكرت ان هو ده الجواز
لكن انا حبلة فى الشهر الخامس يا عمي علي
وانا محدش لمسني غير سي فتحى يوم دخلته عليا
واقلب المصحف على عيني وعلى اللى فى بطني
لو فيه حاجة ياعمي علي قولي
انا عقلي على قدي اه
ولا بعرف اخد وادي فى الكلام
لكن هفهم والله
فاطمة قاعدة على الكنبة وبتبص لعلي اللى شافت فى عنيه الحيرة والتوتر
فاطمة.اتكلم يا علي
حصل ايه فى الاوضة دى
علي.امي اتقتلت فيها يا فاطمة
امى اتقتلت هنا يا رقية
يتبع
وهااااااااااااااااااااااااااانت
وهتبان الحقيقة
تكملة الرواية من هنااااااااااااا
تعليقات
إرسال تعليق
فضلا اترك تعليق من هنا