رواية المبروكه الفصل 16-17-18-19-20بقلم رشا منصور جميع الفصول كامله وحصريه مدونة قصر الروايات
رواية المبروكه الفصل 16-17-18-19-20بقلم رشا منصور جميع الفصول كامله وحصريه مدونة قصر الروايات
#الجزءالسادس_عشر
#المبروكة
شرحام..... تحبي تسقطي سمر ونسبب لها عقم ولا تحبي نخلصك منها خالص
نهي..... لأ مش دلوقتي اتعلمت من خلال دراستي لعلم النفس أن مينفعش اخد قرار في لحظه انفعال
بس ده ميمنعش أني لازم اكيييد واغيظ خالة سعيد
قولت للجن ينصرف وغيرت هدومي وحطيت مكياج كنت قمر وشغلت أغاني شعبي وعليت الصوت وصحيت سعيد اللى اتفاجأ بالصوت العالي ولما حاول يقفل الأغاني مسكت أيده ولأول مره أرقص قدامه وفهمت من قرينه أنه فهم أنى عايزة اغيظ خالتوا ولقيته بيشجعني بقلم رشا منصورويسقف ليا وعرفت من قرين خالتوا أنها مش طايقه نفسها وعمي لما لاحظ كدا قالها شاكلك مستعجله والفترة دى خليكي جنب سمر بنتك لحد ما تولد تبقي بلغينا بالتليفون وأحنا هنجيلك نقوم بالواجب ومشيت وهى مش طايقه نفسها
يا حلاوتك ياعمي تستاهل 😘 وقفلت الأغاني ولقيت سعيد بيقولى
سعيد.....
مدام قفلتي الأغاني كدا يبقي اكيد خالتي مشيت
نهي...... ايوة مشيت بس أنا قفلت الأغاني علشان صدعت شويه تحب اشغلها تاني
سعيد.....
لأ أحب أنك تشيلي أى حاجه مضايقاكي من دماغك أنا بحبك يا نهي ومش عاوز غيرك
نهي..... كنت مبسوطه أوى بس من جوايا كنت خلاص خدت القرار وهنفذه
طبعا الكل افتكر أنى هسقط سمر
بس لو ده حصل كانت خالتوا هتشك فيا ومرات عمي وعمي هيخافوا منى وأنا عوزاهم ع طول يقولوا عليا مبروكة وماليش في أى اذيه حتى لو اتأذيت علشان كده كان لازم اجيبها من عندهم هما
هقولكم إزاى
استنيت تانى يوم وقولت ل سعيد أنا مش هروح الشغل انهاردة الشغاله جايه تنضف البيت ولازم أكون معاها وأول ما نزل استدعيت صرماط
صرماط...... أمرك ناويه ع ايه
نهي..... عوزاك ترش ليا عمل بالكراهية ل جوز سمر
صرماط...... لازم حاجه من ريحته لتنفيذ طلبك
نهي..... بسيطه خليت القرناء اللى معايا استدعوا قرينه وقولت له عاوزة فردة شراب تكون مستعملة ومش مغسوله وفي لحظه جابها قولت له انصرف في الحال
وابتديت في تحضير العمل وحطيته في ازازة صغيرة واديتها ل صرماط وقولت له أعتقد أنت عارف هتعمل ايه كويس
صرماط.....
في لحظه ينفذ ولكن يوجد مقابل لتحقيق طلبك ولا تحبي يكون ده الأمنية اللى نحققها لك
نهي.....
لأ طبعاً 🙄 اطلب بس بالمعقول مش عاوزة خيالك يسرح
صرماط.... عشر وحدات لبان دكر
نهي...... نفذ المطلوب وأنا هجيبلك طلبك
وفى لحظه اختفي ورجع تاني قالي تم ومحمود جوز سمر عدى عليه والمفعول هيبدأ بالتدريج ويتفاعل بالكامل بعد تلات أيام قولت له تمام وخليت قرين محمود جوز سمر يرجع فردة الشراب مكانها تانى
وبعد كدا جهزت ونزلت ل مرات عمي تحت قولت لها أنا إجازة انهاردة هروح أجيب شويه طلبات من العطار والسوبر ماركت علشان البيت
وروحت اشتريت حاجات كتير ومن ضمنها لبان دكر جبت بزيادة ولما روحت البيت لقيت مرات عمي بتقولى ايه ده لبان دكر ده علشان ايه انتى عندك كحه
قولت لها لأ يا مرات عمي ده واحده زميلتي قالت ليا أنه بيتعمل به ماسك للوجه بينضف ويفتح البشرة
جبته علشاني أنا وانتى
مرات عمي....
كتر خيرك يانهي والله لو بنتي مكنتش تعمل معايا اللى بتعملي ليا ربنا يسعدك ويفرح قلبك ويحفظك يابنتي ويرزقك الخلفه الصالحه
انا عارفه أن أختى امبارح كانت قاصدة تضايقك والله يابنتي أنا اتفاجأت بها هنا وقولت خلاص بقي اللى فات مات مكنتش عارفه اللى فى دماغها حقك عليا يابنتي
الخلفه دى رزق صحيح أنا طول النهار لوحدى في البيت ونفسي في اليوم اللى أربي فيه عيال سعيد
بس يابنتي أنا عارفة أن ده رزق من عند ربنا لو رايد هيرزقنا ولو مش رايد إحنا مش معترضين الحمد لله على كل حال
نهي....
انا صحيح زعلت بس مش علشان الخلفه زعلت لأن هى بتعمل كل ده علشان تكييد فيا وأنا معملتش لها حاجه أصلا أنا مش عارفه هى مش بتحبني ليه
ع العموم ربنا يسامحها ويهديها لنفسها المهم يلا إحنا علشان نعمل الماسك أنا هطلع اوضتي اغير هدومى وانزل نجهز الغداء ونعمل الماسك
وطلعت وأمرت قريني يجيب ليا ربع كميه لبان الدكر
واديت ل صرماط عشر وحدات لبان الدكر
وقعدت أفكر في اللى جاى أنا لسه معايا قطعه الخيط اللى من شراب سمر وعرفت خلاص أنا هعمل ايه
بس دلوقتي في الأهم منها أنا لازم أطمن ع نفسي وفي عز ما أنا سرحانه اتفاجأت ب قرينه مها قدامى
القرين.... مها محتاجه لكي حالا جوزها وحماتها بيضر'بوها
نهي....
استدعيت صرماط في الحال قولت له طير بيا حالا وصلني عند مها وبالفعل فى لحظه كنت واقفه قدام جوزها ومها ورايا
مها.....
الحقيني يا نهي اخد مني الفلوس وبيضر'بني هو وأمه ومفكر أن معايا غيرهم وحلفت له مش مصدق أن الفلوس منك وأنى مش معايا غيرهم
جوز مها....
انتي مين وجيتي هنا ازاى ايه هو أنا خلصت من خالتها تطلعي ليا أنتي
نهي .....
استدعيت كل عشائر الجن وشاورت بأيدي في اتجاه جوزها اتحدف في الحيطه وفضل متعلق وأمه جت تصو'ت بصيت ل شرحام راح موقعها في الأرض وبدأت تتنفض قولت بصوت عالي الناس دى عوزاها تتربي
وخدت مها ودخلت اوضتها فضلت تبكي
يتبع.... #رشامنصور
#الجزءالسابع_عشر
#المبروكة
نهي .....
استدعيت كل عشائر الجن وشاورت بأيدي في اتجاه جوزها اتحدف في الحيطه وفضل متعلق وأمه جت تصو'ت بصيت ل شرحام راح موقعها في الأرض وبدأت تتنفض قولت بصوت عالي الناس دى عوزاها تتربي
وخدت مها ودخلت اوضتها فضلت تبكي على حالها وتقولى لولا اولادى كنت سيبته من زمان بس مش عاوزة ولادى يتكبروا من غير اب
ساعديني يا نهي صعبت عليا خدتها في حضني وقولت لها كل حاجه هتتصلح تعالى معايا
خرجنا من الاوضه لقيت جوزها مافيش حته في جسمه مش بتجيب د-م وامه نايمه ع الأرض وشعرها منكوش وجزء منه متقطع اظاهر كانت بتتجرجر من شعرها
بصيت للجن وقولت لهم عاش💪 يا رجاله
ووجهت كلامى ل جوز مها شاورت له اتشال واترمي تحت رجلي قولت له من اللحظه دى أنت خدام عند مها
لولا مها مكنتش زمانك عايش ولو في يوم حسيت أن مها زهقانه حتى لو أنت معملتش لها حاجه
هظهرلك فجأة وافضل انفض فيك فاهم أنت دورلك تخلي مها مبسوطه وأمك تغور من هنا ولا تحب اخلصك منها
جوز مها.....
ابوس رجلك خلاص حرمت وامى أنا هخليها تروح شقتها متجيش هنا تانى السماح والرضا
نهي...
اطلب الرضا من مها لو رضيت عنك هسيبك في حالك
جوز مها....
ابوس ايدك يا مها ده أنا بردو أبو عيالك هعيش خدامك طول عمري حقك عليا سامحيني
مها.....
هسامحك المره دي بس علشان خاطر الاولاد لكن أنا مبقتش طيقاك ولو عملت أى حاجة يبقي أنت اللى حكمت على نفسك
كنت من جوايا فرحانه وأنا حاسه أن بقي ليا ضهر وسند من بعد موت خالتي لواحظ وحضنت نهي وشكرتها
نهي....
بعد ما اطمنت عليها خليت كل الجن يختفي وخليت صرماط رجعني اوضتي تانى
ولقيت الجن ظهروا تانى وقالولى كدا بقينا مديونين لكي بطلبين بدون مقابل
قولت لهم أنا في حاجه لازم اعملها الأول قبل ما اطلب
لكن دلوقتي لازم اعمل عمل بالهلوسه ل سمر والبركه في قطعه الخيط اللى عندي
وابتديت بالفعل في عمل سحر بالهلوسة السمعية والبصرية ل سمر وفي خلال أيام هتبدأ تكلم نفسها ويتهيئ لها حاجات مش موجوده
وده هيزود المشاكل مع جوزها بجانب العمل بالكراهية ومش بعيد هى تسقط نفسها
ويبقي كدا خلصت من الحمل وقدام الكل جوزها هو السبب
وتانى يوم الصبح جهزت ع أساس أنى راحه المدرسة لكن الحقيقة أنا روحت لمستشفى متخصصة في النساء والتوليد وعملت فحص شامل والحمد لله اطمنت ع نفسي
بس الدكتورة قالتلي أن جوزى هو كمان المفروض يكشف
بس إزاى أنا رشا منصور لو طلبت من سعيد يكشف هيعرف أنى كدبت عليه ومروحتش الشغل
أنا مش عاوزه ولو للحظه يشك في أى كلمه بقولها
وبعدين يا نهي شغلي دماغك 🤔🤔 بس لقيتها
وروحت البيت وجهزت الغداء وكلنا وضحكنا وطلعنا اوضتنا أنا وسعيد وركزت في عقلي وطلبت من الجن أن سعيد ينام وبعدين يظهروا
صرماط ، شرحام ، هولام ....أوامرك طلبتي حضورنا
نهي....
أنتوا قولتوا أن ليا طلبين بدون مقابل أنا عاوزة أول طلب يتعمل فحص طبي شامل ل سعيد وهو نايم عاوزة اعرف في مشكله عنده تمنع حدوث الحمل ولا لأ
صرماط. شرحام. هولام......
أمرك واجب النفاذ سيقوم فريق طبي لعمل الفحوصات اللازمة لذلك وابلاغك بالنتيجة في اسرع وقت
نهي.....
ظهر في الحال أشكال وأحجام مختلفه من الجن فضلت قاعدة واتابع وبعد تلت ساعة قالولى
صرماط. شرحام. هولام
للأسف جوزك عنده مشكله ولازم يمشي على كورس علاج لمدة تلات شهور ولو النتيجة تحسنت يعمل عمليه وبعدها ممكن حدوث الحمل لكن مش أكيد
نهي....
كانت صدمه بالنسبة ليا ده معناه أن ممكن أعيش من غير اولاد ده غير أن لو سعيد عرف أنا واثقة أنه مش هيرضي يكمل معايا ويظلمني واكيد هيطلقني ويسافر
لأ لأ لأ أنا بحب سعيد انهرت في البكاء
وبعدين قولت لكل مشكله حل مينفعش يبقي معايا كل القوة دى وابقي عاجزة عن تحقيق حلمي
وفي اللحظه دى حددت طلبي التاني أنا عارفة أن الكل هيقول عليا مجنونه لكن مش مهم
يتبع... #رشامنصور
#الجزءالثامن_عشر
#المبروكة
وفي اللحظه دى حددت طلبي التاني أنا عارفة أن الكل هيقول عليا مجنونه لكن مش مهم
أنا مقدرش أعيش من غير اولاد ولا اقدر استغني عن سعيد 😔😔
هولام أحضر في الحال
هولام......
أمرك !!!! واضح أنك حددتى طلبك التاني قررتي إيه
نهي..... أنا عارفة انك من الجن الناري يعني أنت وعشيرتك في منكم اللى ممكن يصيب أى بنت بالمس العاشق ويظهر لها في أحسن صورة كدا ولا أنا غلطانه
هولام.....
حددى مطلبك عاوزة تصيبي مين بالمس العاشق
نهي.....
لأ لأ لأ أنا طلبي غير كدا خالص أنا عاوزة واحد من عشيرتك ياخد شكل سعيد جوزى ويكون معايا لحد ما يحصل حمل
هولام....... 🙄🙄 بسيطه
نهي.....
لأ مش بسيطه أنا عاوزة الحمل يكون طبيعي 9 شهور ويكون المولود ولد وياخد شكل البشر وياريت يكون شكل سعيد هتقدر تنفذ ولا صعب عليك
هولام.....
طلب غريب أول مرة انسيه تطلب تحمل من الجن وكمان عاوزة طفل تفصيل انتي عارفه أن الطفل بيكون مننا واخد شكلنا وصفاتنا والحمل بيكمل في خلال شهرين يبقي إزاى
اطلبي أى حاجة تانية
نهي.....
يبقي إيه فايدة قوتك مدام مش قادر تحقق طلبي
أومال شاطرين بس تقولوا أتمني ونحقق طلباتك
وهنا ظهر صرماط
صرماط..... اسمحيلي بالكلام يمكن أقدر اساعدك
نهي.... اتفضل اتكلم 😏
صرماط....
سهل يحصل حمل من أى جن مش شرط يكون نارى يعني الطلب نفسه سهل حدوثه
لكن أنتي عاوزه حمل طبيعي ويظهر في السونار نمو الجنين بشكل يخلي سعيد أو أى حد مش يشك فيكي
مش هو ده المطلوب ولا أنا فهمت غلط
نهي....
أيوة أكيد سعيد أو مرات عمي هيكونوا معايا في كل مرة اروح للدكتور ومينفعشي حد يشك في حاجه وفي نفس الوقت أنا عاوزة الطفل يكون شكلنا ويكبر بالتدريج ويدخل مدرسة يعني طفل طبيعي من لحم ود-م
صرماط.....
هو في طريقه نخدع بها البشر وتحققلك طلبك
هيتم المراد ولما الدكتور يعمل فحوصات هيظهر صورة الجنين والنمو الطبيعي لكن ده هيكون وهم مش حقيقي لأن جنين الجن مش بيظهر في السونار أصلا
وبالإضافة أن الجنين هياخد صفاتنا وسهل عليه لما يكبر يخدع أى أنسي ويتصرف كأنه بني آدم زيه
لكن انتي الوحيده اللي هتشوفيه بشكله الحقيقي بجانب شكله البشري لكن هو هيكون جن إبن جن
والميزة أنك رشا منصور مش محتاجه تعلميه السحر أو تنقلي له خدامك لأنه بالطبع هيملك قوة الجن بجانب قوة البشر
هيملك ذكائك ودهائك قولتي ايه
نهي..... مدام كل حاجه هتظهر طبيعية قدام الكل وهو نفسه هياخد شكل البشر قدامهم أنا موافقه ع الأقل مش هقلق في يوم عليه هو هيكون قادر يحمي نفسه بنفسه
صرماط .....
دورك تحددى دلوقتي من أى عشيرة تحبي إبنك يكون منها وياخد صفاتهم
نهي....
من أى عشيرة مممممممم
أنا اتحرمت وأنا صغيرة من حاجات كتير أوى ويمكن ده السبب الحقيقي لتعليمي السحر وأنا مش عاوزة أحرم ابني من أى حاجه علشان كدا عوزاه يقدر يطير ويلف العالم عوزاه قوى عوزاه زيك يا صرماط 🧟
تقبل تتجوزنى وتاخد شكل سعيد
صرماط.....
في الحال غيرت شكلي وظهرت بشكل شاب وسيم جدا نهي أول ما شافتني انبهرت بيا وقالت لولا أنى بحب سعيد كان زمانى حبيتك أنت
غيرت شكلي ل سعيد جوزها ومعايا خاتم من الماس قولت لها اقبل اتزوجك ودى هديتي لكي أنا من البداية معجب بذكائك وقد تم الزواج 👩❤️👨
نهي....
حسيت اني مبسوطه جدا كأني مع سعيد في شهر العسل بس صرماط كان غيور جدا وطلب طول الفترة دى سعيد يكون بعيد عني بس أنا فهمته انه مينفعش وإلا انه هيشك في الحمل بس هو قالي انه هيتصرف
وكان يوميآ سعيد بيصحي من النوم وهو مش فاكر أى حاجة وكنت اوهمه أننا قضينا سهره جميله مع بعض وقرينه كان بيساعدني بأنه يصدق كلامي
ده غير أن صرماط كان بيعمل له خداع بصري بيخليه يعتقد أننا مع بعض رهيب صرماط مكنتش متخيله أن الجن غيور بالشكل ده 😂😂😂
وبعد مرور عشر أيام
صرماط..... قد تم حدوث الحمل وهيكون كما اتفاقنا
نهي.... مكنتش مصدقه نفسي أنا هكون أم 🤰يااااه إحساس جميل وفضلت اتخيل ابني وهو بيكبر قدام عيني
واتصلت بالمدرسة وأخدت إجازة شهرين وقولت ل سعيد أنا تعبانه ومرهقه ومحتاجة ارتاح في البيت
فى الفترة دى كان القرين بيبلغني بخناقات سمر مع محمود جوزها ووصل الأمر لما مامتها حاولت تتدخل بينهم محمود طردها من شقته 😂😂😂 تستاهل
يتبع... #رشامنصور
#الجزءالتاسع_عشر
#المبروكة
فى الفترة دى كان القرين بيبلغني بخناقات سمر مع محمود جوزها ووصل الأمر لما مامتها حاولت تتدخل بينهم محمود طردها من شقته 😂😂😂 تستاهل
علشان تبقي تعرف تكييدنى كويس خليهم عقبال ما بنتها تتطلق ولا بلاش احسن ترجع تلف ع سعيد
وطبعاً مكنش ينفع أعلن عن الحمل كان لازم استني كمان أسبوعين ع الأقل بس ابتديت امهد للموضوع
بعد كام يوم وأحنا بناكل قولت لهم ده أنا شوفت حلم جميل أوى يارب يتحقق
مرات عمي.....
خير يا بنتي فرحي قلبي يارب يكون اللى فى بالي
نهي.....
بصيت لهم كلهم وبعدين بصيت ل مرات عمي قولت لها اة اللى فى بالك أنا حلمت اني حامل في طفل شبه سعيد
عمي.....
ده يوم المني يابنتي أشوف احفادكم ويكبروا قدام عيني
سعيد...
نهي أنا بحبك ونفسي في أولاد أكيد بس عمري ما حبي لكي هيتغير سواء في بينا اولاد ولا لأ
بالعكس أنا كل يوم بحبك اكتر من الأول ف لو انتى بتختبري حبي لكي بلاش
نهي.....
بصيت في عيون سعيد وقولت له يعني لو بقيت مامي هتبطل تحبني ع العموم أنا عمري ما حبي لك هيقل وربنا يرزقني بولد شبهك يحبني مدام أنت ممكن تبطل تحبني
عمي.....
واد يا سعيد أنت يابني لسه مفهمتش نهي يابني ربنا بيحبها دى المبروكه بتاعتنا واكيد ربنا بشرها بالحلم ده علشان يفرحها ويجبر بخاطرها
بقلم رشا منصور ✍️
نهي.....
وأحنا قاعدين جالنا تليفون وعمي رد وبعدها فضل ساكت وع وشه علامات الصدمه 😲 كلنا جرينا عليه ومرات عمي مسكت التليفون وفضلت تقول الووووو محدش رد
فضلنا نسألوا في ايه حصل مكنش بيرد
قرينه بلغني اللى مكنش يخطر على بالي قولت بصوت عالى إزاى ده حصل 😔
سعيد .....
في ايه يا نهي عرفتي حاجه طمنيني أبويا ماله حصل ايه
مرات عمي.....
في ايه يابنتي أنا قلبي وقع في رجليا اتكلمي
نهي.....
بصيت لهم وعنيا مليانه دموع وشاروت ع التليفزيون وأمرت الجن يعرض لنا اللى حصل وظهر الآتي
شقه سمر وهى عماله تقول حد يحوش التعبان 🐍 ده ابعدوا عني وتصر'خ
جوز سمر كان فتح باب الشقه ونازل ولما سمعها بتقول كدا زعق وقال لها هو مين ده اللي تعبان مش كفايه رضيت اتجوزك ده أمك كان ناقص عليها تبوس أيدي
اوعي تنسي نفسك يابت وكل ده وباب الشقه مفتوح وابتدوا الجيران يسمعوا اللى بيحصل
فى وصول خالة سعيد ايه في ايه سايبين باب الشقه مفتوح كدا ليه رجعت سمر تصر'خ وتقول التعبان🐍
خالة سعيد....
أنت عملت فيها ايه ده أنا اوديك في داهيه إلا بنتي
محمود جوز سمر.....
بنتك أهي ياختى اشبعي بها كنت عماله تدوري لها ع عريس اتاريكي عارفه أنها مجنونه ومحدش هيرضي بها كانت جوازة هم بلوة وابتليت بها
خالة سعيد.....
اتلم يا روح امك هو أنت كنت تحلم تجوز بنتي يابن بياعه الفجل ده أنا بنتي زينة البنات يكش البخت الأسود اللى رمانا عليك منك لله يا أم فاروق فضلتي تقولى غلبان ومنكسر وخديه فقير هيفضل خدام تحت رجل بنتك
جاى دلوقتي تتفرعن علينا لا يا عنيا
اعمل الشوية بتوعك دول ع حد ميكنش عارف اصلك وفصلك يا شحات يا جعان
نهي.....
فالوقت اللى الخناقه شغاله ما بين محمود وخالة سعيد سمر خدت سك🔪ينه الفاكهة وراحه بها ناحية محمود بس باصه ع الأرض وبتقول هموتك
محمود جري ناحية سمر ومسك ايدها
أم سمر....
ابعد عن بنتي الحقوا يا ناس عاوز يموتها دخلوا الجيران فى وسط زق أم سمر ل محمود وسمر مش عوزه تسيب 🔪 من ايدها ومحمود بيحاول ينزل ايد سمر وياخد ال🔪 منها في لحظه
دخلت في بطن سمر أم سمر صوتت ومسكت فيه راح حدفها وقعت رأسها اتخبطت في حرف التربيزة
والجيران مسكت محمود وبلغت البو'ليس والاسعاف
وواحد من الجيران راح بيت أبو سمر بلغوا اللى حصل
علشان يروح لهم المستشفى
ولما وصل المستشفى عرف أن بنته في العمليات وحالتها خطير'ة وأن أم سمر في الطوارئ رأسها مفتوحه
واتصل أبو سمر ب عمي علشان يبلغ مرات عمي تكون جنب اختها لحد ما هو يطمن ع بنته
واطفي التليفزيون وكلنا في حالة زهول ومرات عمي فضلت تصو'ت وتقول ودونى عند أختى دلوقتي حالا
يتبع..... #رشامنصور
#الجزءالعشرين
#المبروكة
واطفي التليفزيون وكلنا في حالة زهول ومرات عمي فضلت تصو'ت وتقول ودونى عند أختى دلوقتي حالا
عمى قال لها اجهزى بسرعه وأنت يا سعيد هات فلوس معاك علشان مصاريف المستشفى يابني
قولت لهم أنا جايه معاكم وغيرت هدومى وأنا ببكي أنا السبب في كل اللى حصل ده أنا اللى عملت هلوسة ل سمر خليتها تشوف 🐍 بجد وجوزها افتكر أنها بتغلط فيه أنا السبب انهرت من العياط وهنا ظهر ليا صرماط
صرماط.....
نهي محدش فينا له يد في كل اللى حصل اهدي واوعى تنسي أنك حامل
نهي....
هات خمس آلاف بسرعه وفجأة لقيت سعيد بيفتح الباب بصيت بسرعه ع صرماط لقيته اختفي والفلوس ع السرير
سعيد..... كنتي بتكلمي مين يا نهي وايه الفلوس دى
نهي....
كنت بكلم نفسي يا سعيد أنا مش متخيلة اللى حصل أنا مش قادره اصدق كل اللى حصل ده معقوله الموضوع يوصل للقtل 😭😭😭
سعيد....
مين كان يصدق أن كل اللى حصل ده كان السبب فيه خالتي هى اللى عملت كدا في بنتها الحقد اللى جواها خلاها تدور ع أى عريس تجوزها وخلاص وادى النتجه بنتها بتدفع التمن
نهي.... سعيد خد الفلوس دى خليها معاك محدش يعرف العمليه هتتكلف كام
سعيد....
طول عمرك قلبك طيب يا نهي حتي مع اللى كانت عاوزة تفرق بينا وتكييد فيكي
خلي فلوسك معاكي أنا معايا فلوس
نهي....
أرجوك يا سعيد أنا حاسه بالذنب لولا انك اتجوزتنى مكنش كل ده حصل أرجوك خد الفلوس ويلا بينا مينفعشي نتأخر عليهم أكتر من كدا وفعلاً نزلنا تحت كان عمي ومرات عمي منتظرنا وطلعنا ع المستشفى وسألنا ع الطوارئ علشان نخلي مرات عمي مع أختها بس لما وصلنا هناك عرفنا أنها طلعت تطمن ع بنتها في العمليات
طلعنا ولقينا أبو سمر بيضرب في مراته ويقولها أنتى السبب انتى اللى ضيعتي بنتي الوحيدة بنتي ماتت بسببك
كلنا وقفنا مصدومين👀 ايه سمر ماتت
أنا مش عاوز اشوف وشك تاني أنتي طالق طالق طالق منك لله حسبي الله ونعم الوكيل فيكي
ووقع على الأرض يبكي عمي راح له هو سعيد وسندوا وقعدوا ع الكرسي
وجريت مرات عمي ع أختها وتقولها سمر فين ايه
ايه اللى حصل لها كله بسببك خليتي الحقد ملي قلبك لحد ما ضيعتي بنتك حرام عليكي ومرة واحدة وقعت خالة سعيد ع الأرض
وخدوها للطوارئ تاني واتنقلت بعدها للعناية المركزة لأنها دخلت في جلطه
كنت واقفه وشايفه كل اللى بيحصل قدامى ومش قادرة انطق دموعي بتنزل وأنا مش مصدقه أن كل اللى بيحصل ده بسببي سمر ماتت ومرات عمي اطلقت ودخلت في جلطه وحالتها خطر' وأبو سمر بقي ساكت دخل في حالة صدمة عقلة رفض يصدق اللى حصل
كنت حاسه اني هقع من طولى ولقيت فجأة حد بيسندنى واقعدني ع الكرسي عرفت أنه صرماط
يا تري خايف عليا ولا ع إبنه اللى فى بطني
يا تري الأيام مخبيه ايه يا نهي ايه اللي هيحصل تاني
والبوليس' وصل جه يحقق في الموضوع بعد ما اتقبض ع محمود
وسأل سعيد وعمي عن اللى حصل بعد ما عجز أنهم ياخدوا كلمه من أبو سمر وهو بحالته دى
عمى وسعيد قالوا كل اللى شافوا قدامهم في التليفزيون ولما الضابط سألهم عرفتوا إزاى كل التفاصيل دى مدام مكنتوش موجودين
سعيد....
جوز خالتي أول ما اتصل بلغنا جرينا ع هنا ع طول وقبلنا ناس من الجيران كانوا حاضرين الخناقه من أولها وهما اللى حكولنا كل اللى حصل
كنت من جوايا مضايق إني بكدب بس مكنش ينفع أقول إن نهي معاها حراسه من الجن الراصد أكيد هعرض نهي للخطر' ده غير أن هيتقال عليا مجنون وأنا دكتور في الجامعه ومحامي مشهور مينفعش اهد كل ده بسبب موضوع ملناش أى ذنب فيه
نهي.....
كنت خايفه وقلقانه بس القرين بلغني بكل كلام سعيد
ولما الضابط جه ياخد اقوالي
قولت له الجيران قالوا إن محمود كان بيتخانق مع سمر ومامتها لما ادخلت اتخانق معاها هى كمان وفي وسط كل ده سمر مسكت 🔪 تقريباً كانت عاوزة تبعد محمود عند مامتها وهو مسك ايدها وبعدها حصل اللى حصل الله يرحمها لسه صغيره ملحقتش تفرح بحياتها منه لله
وفجأة وأنا بكلم مع الضابط وقعت من طولى الكل جري عليا كنت شايفه وحاسه بكل حاجه بس دايخه مش قادره اقف وحاسه بهبوط جامد
وودونى الطوارئ والدكتور كشف عليا وعمل إختبار د-م وبعد كدا قال فين جوز المدام
سعيد.... خير يا دكتور أنا جوزها
الدكتور.....
مبروك المدام حامل في الشهر الأول ولازم لها الراحه الكامله وتبعد عن أى انفعال بجانب أنا رشا منصورأنها ضعيفه محتاجه تغذيه واهتمام مبروك مرة تانيه
سعيد.....
بصيت ل نهي كان نفسي أقولها مبروك كان نفسي أنا منتظر اللحظه دى من أول يوم اتجوزتها فيه لكن كان الحزن والاحساس بالذنب مسيطر عليا
كل اللى عملته أنى بصيت لها وسكت
عمي.... ألف مبروك يابنتي ربنا يفرحك به
نهي....
كنت ببص لهم ومش قادرة انطق ومش مصدقه رد فعل سعيد معقوله بعد كل اللى عملته ده
أنا كنت متخيلة انه يطير من الفرحه ع أد ما كنت مبسوطه بالحمل ع أد ما كرهت لحظه معرفته به
وببص لقيت الممرضه بتركب ليا المحاليل وقالت لهم لازم تسبوها دلوقتي تستريح لحد ما المحلول ما يخلص
سعيد....
تمام خليكي هنا هروح أشوف خالتي وأعرف ايه الإجراءات اللى هتم علشان ندفن سمر ساعه واجيلك اوعي تتحركي من هنا
نهي....
منطقتش مكنتش في حاله تسمح أنى أرد وأعاتب وخرج سعيد ولقيت دموعي نزلت صعبت عليا نفسي أوى وحسيت بأيد بتمسح دموعي وظهرلي صرماط بشكله الطبيعي بصيت له وبصيت ع الممرضة خوفت تشوفه
سمعت همسه في ودنى قالي محدش هيشوفني ولا هيحس بيا بس مقدرش اسيبك لوحدك
تعليقات
إرسال تعليق
فضلا اترك تعليق من هنا