روايةخارج قانون الحب الفصل 21-22-23-24-25بقلم روزان مصطفى كامله (جميع الفصول كامله)

روايةخارج قانون الحب الفصل 21-22-23-24-25بقلم روزان مصطفى كامله (جميع الفصول كامله)

روايةخارج قانون الحب الفصل 21-22-23-24-25بقلم روزان مصطفى كامله (جميع الفصول كامله)

|21| 

دفا ، دفا وأمان غريب كانوا محاوطيني ، كإن في حد جاب أستيكة ومسح من دماغي كل الذكريات الوحشة في اللحظة دي 

بدر بيحضني ! الإنسان الوحيد اللي لما بيلمس إيدي بالغلط قلبي بيقوم ثورة وبيدق جامد ، محسيتش بنفسي غير وأنا بحاوط رقبته بإيدي وبحضنه وبغمض عيني ، ماهو لو في لحظة حلوة لازم أحسها وأعيشها بتفاصيلها زي ما عيشت كل الوحش بتفاصيله 

الغريب إنه مش حاضني مضطر ، هو كمان كان شادد عليا في حضنه 

كينان قربلهم وهو بيفصل إيديها عن بدر وبيقول : سيبي الزعيم يا بت ، سيبي الزعيم لأخنفك 

بعدت إيديها ورجعت لورا وهي بتاخد نفسها بالعافية ، بدر قال ل سيا : معلش هاخد كينان ونروح مشوار وهنرجع تاني ، متفتحيش لحد وخلي بالك من نفسك 

سيا بسعادة : حاضر 

كينان بتفاؤل : هطلع ألبس أنا ع السريع 

قرب بدر ل سيا ومسك رقبتها من ورا وقرب راسها ليه ، حست إن رجليها مش شيلاها راح حاطط شفايفه على جبينها وباس راسها وهو بيقول بهمس ونفسه الدافي محاوط وشها : حقك عليا

بعد عنها بالراحة وخصلات شعرها لازقة في دقنه 

بصلها لقاها عينيها بتلمع وواسعه ومبتسمة ع الاخر 

بدر بأستغراب : إنتي كويسة ؟ 

سيا بتتنفس بالعافية  : أنا زي الفل 

بدر بإبتسامة : هطلع أغير هدومي طيب 

طلع من المطبخ راحت سيا وقعت على الأرض وهي بتهوي على وشها عشان تتنفس ، وقعت من فرحتها بمعنى أصح

* برا البيت في عربية بدر 

كينان : طب فهمني في إيه في دماغك يا زعيم

بدر بملل : لما نوصل هقولك ، أنا متعكنن من الواد دا ومن كلامه 

كينان بحزن : شوفت البجاحة ؟ قالك عشان يتيمة محدش هياخد حقها 

بدر بيعض شفته اللي تحت بغيظ وقال : أنا في ضهرها ، أشوف بقى واحد إبن **** بيتكلم عنها عشان أقطع رقبة أمه 

وصلوا لمحل هدايا كبير ومشهور

بدر وهو بيبص على المدخل : عاوز أجيبلها هدية ك إعتذار لإني طردتها وكان ممكن تتعرض لخطر بسببي

كينان بيوطي وبيبص على بدر بتعجب ، بعدين بيحط إيده على جبين بدر يتأكد من سخونيته 

بدر بينطر إيده وبيقول : في إيه يالا !

كينان وهو بيرفع أكتافه : ولا حاجة يا زعيم بس مستغرب أصلك عمرك ما جيبت هدية لحد 

بدر بعصبية : يالا بقولك ضربتها وطردتها وطلعت مظلومة 

دخل ودخل وراه كينان وبدر بيبص على الحاجة من غير نفس 

حط إيده في جيبه وهو بيقول لكينان : هي البنات بتحب إيه ؟ 

كينان بيبص للحاجة وبيفكر بعدين قال : أنا رأيي نجيبلها إتنين كيلو كباب وكفته أقسم بالله هتفرح أوي

بدر بعصبية : إمشي يالا برا 

كينان بضحكة : يا زعيم أنا زيي زيك معرفش إيه أكتر حاجة بتحبها البنات ، بس هو الأكل بيفرحهم أوي 

بدر للبنت اللي بتظبط الحاجة : لو سمحتي 

البنت جت : تحت أمرك يافندم 

بدر بإحراج : عاوز هدية كويسة لبنت 

البنت : طب هي طفلة ولا أنسة ؟ 

بدر : أنسة 

البنت : أختك ولا خطيبتك ؟ 

كينان بإستغراب : هي الأسئلة ضمن المنهج ولا إيه ؟ 

البنت : لا يافندم بس على أساس الأسئلة دي هختار الهدية لحضراتكم ، يعني مثلاً عندي شيء لطيف هنا 

البنت قربت للكاونتر وجابت علبة زرقا فيها سلسلتين فضة أصليه وقالت : دول سلسلتين ، السلسلة الأولى فيها قلب والسلسلة التانية فيها مفتاح ، ممكن حضرتك تلبس المفتاح وخطيبتك تلبس القلب 

بدر قال ببرود : مفيش حاجة أفضل ؟ 

البنت بإبتسامة : في يافندم ، ثانية واحدة 

* في هايبر ون 

بعد ما بدر جاب الهدية ل سيا دخل هو وكينان هايبر ون عشان يجيبوا حجات 

بدر وهو بيبص لثلاجات الشوكولاتة وبيقرأ 

كينان جاب إتنين جالاكسي بندق وقال : دي جامدة دي 

بدر بتضييق عين : البت بتحب إيه ؟ 

كينان بغباء : بت مين يا زعيم ؟ 

بدر بضيق : سيا 

كينان : ااااه ، مش عارف الحقيقة بس ممكن تجبلها نوعين مختلفين 

بدر مسك شوكولاتين من كل نوع وهو بيحدفهم في العربانة 

وبيقول : تخيل واحد من الرجالة يشوف اللي بعمله يقول عليا إيه ؟ يخربيتك على بيتها 

كينان بضحك : ربنا يخليك لينا يا زعيم 

راح يحاسب مع كينان بعد ما خلصوا 

* في بيت بدر بعد ما رجعوله

سيا واقفة في المطبخ بتحضر أكل على ما ييجوا 

فتح كينان الباب وهو بيشم وبيقول : الله ، إيه الريحة الحلوة دي 

دخل بدر وهو شايل الحاجة وبيقول بالراحة : خد إديلها الهدايا 

كينان بصوت واطي : يا زعيم مينفعش إنت اللي زعلتها ف إديها إنت 

قفل بدر الباب برجليه ودخل المطبخ وهو ماسك الحاجة 

بدر : ممم ، خدي دي حجات جبتهالك وأنا بتسوق عادي جداً

كينان بيبصله بنظرة * يا ديني ع الكذب ! * 

سيا بسعادة وهي بتسيب اللي في إيديها : الله ! إيه دا

كينان بسعادة : إيه الريحة الحلوة دي 

سيا بسعادة : إنت بقيت تشم يا كينان خفيت خلاص ؟ 

كينان وهو بيدوق الأكل : يعني كلابي كدا 

سيا فتحت الصندوق الكبير لقت شوكولاته بالهبل 

رفعت راسها لبدر وهي مبتسمة بسعادة وبتقول : ياااااه أنا بقالي كتير مأكلتش شوكولاته ، مكانش عندي الرفاهية دي بجد 

بدر : إحم ، ما يعني قولت أجيبلك وأنا بشتري 

سيا بتفتح الهدية التانية لقت علبة كدا فتحتها 

لقت إسورة فضة أصلي وعليها حرف ال s 

سيا وهي بتخرجها من العلبة : وااااو ! دي تحفة أوي 

بدر : دي ك إعتذار عن أي شيء عملته فيكي ، وطلعتي بت جدعة في الأخر

سيا بلمعة عين وهي واقفة قدامه : عشان تعرف إن صوابعك مش زي بعضها يا زعييم * وضحكت * 

فضل بدر متنح فيها شوية وهي بتضحك بعدين غمض عينه وقال : ممم ، أنا هطلع أغير عشان ورايا مشوار شغل 

سيا بنظرة تعاطف : والأكل اللي وقفت أعمله ؟ 

بدر بهدوء : هخلص مشواري وهاجي أكل 

خرج بدر من البيت متجهه لتوفيق عشان يتمم معاه الشغل وساب كينان مع سيا 

سيا بترفع إيديها في وش كينان وبتقول بطفولية : بص جابلي إييه 

كينان : ننينيني أنا كنت معاه ياختي 

سيا بسعادة : قالك هجبلها حاجة بتحبها صح ؟ 

كينان وهو بياكل : لا هو مكانش يعرف إنتي بتحبي إيه ف جبنالك بقى شوكولاتات كتير عشان مش عارفين ذوقك 

سيا وهي بتبوس الإسوارة : مش هقلعها من إيدي أبدااا

* في فيلا توفيق 

وصل بدر ودخل وهو بيبص حواليه بتكبر ، أول ما دخل قعد وحط رجل على رجل قدام توفيق وقال بلهجة مُتقلبة : مكانش إتفاقنا 

توفيق بإستغراب : على إيه ؟ 

بدر بعصبية : إحنا هنستهبل ؟ زااهي ! خدته تعمل بيه وأنا كنت رايح أصفيه 

توفيق بإبتسامة : هتفرق معاك يا بدر ؟ الحصان الإسود خلاص وقعوا ولورا إتعمت كلياً بعد ما تم تصفية عينها السليمة كمان ، وزاهي مالوش أي لازمة حالياً في سوق المافيا بعد ما إنت علمت عليه لكني محتاجه ، محتاج أذل فيه شوية ، جهز نفسك إنت للتقيل 

بدر برفعة حاجب : اللي هو ؟ 

توفيق وهو بيشرب من كاسه : بما إن كدا كدا بضاعة الحصان الإسود بقت ليا وهنتفق على سعرها ، أنا يومين بالظبط ومستني جماعة السراج ينزلوا من واشنطن عشان هنتعامل معاهم في شغل ، دول طالبينك بالإسم يا بدر 

بدر إتعدل في قعدته وقال وهو بيضيق عينه : عرفوا عن اللي حصل لجماعة الحصان الإسود ؟ 

توفيق بإبتسامة : طبعاً ، إحنا دايرة الخبر بيلف فيها وبيوصل لكله ، لكن متقلقش هما مكانش في بينهم ود من الأساس ، الجماعة دول نازلين عشان شغل على تقيل ومعتقدش إنك هتندم من التعامل معاهم ، دي صفقة عمرك ، أكبر صفقة في تاريخ المافيا ، هي الأمورة اللي معاك هتتمم شغل معانا ؟ 

بدر بعصبية : لا هي ملهاش في شغلنا وياريت منجبش سيرتها وسط كلامنا تاني 

توفيق : تمام بس خلي بالك ، المشاعر بتضعف الشخص ، مهما كانت قوته هيفضل عنده نقطة ضعف 

سرح بدر شوية وهو بيفكر ..

* في نص الليل 

سيا كانت بتتفرج على التي في في المطبخ لقت باب البيت بيتفتح وبيتقفل ، جريت بسرعة على برا وهي بتبص لقت بدر جه وهو ماسك جايكته على كتفه وبيبصلها ف قال : مساء الخير 

سيا بإبتسامة : مساء النور 

بدر بإستغراب : منمتيش يعني ؟ 

سيا : أه كنت بتفرج على فيلم حلو أوي 

بدر : أها ، كويس سلي وقتك ، كينان فين ؟ 

خرج كينان من أوضة سيا وهو بيقول : أنا هنا يا زعيم ، نزلت سرير من فوق وحطيته في الأوضة اللي تحت عشان سيا تنام عليه كنت بركبه بس 

بدر وهو بيتاوب : كويس دا 

سيا بملاحظة : إنت كويس ؟ 

بدر إتنهد وبص لكينان وقال : جماعة السراج يومين بالظبط ونازلين من واشنطن لمصى عشان الصفقة الكبيرة اللي هنتممها 

كينان بفتحة بوق : ودا مضايقك في إيه يا زعيم ، دا إحنا مستنيين شغل على كبير بقالنا كتير 

بدر بتكشيرة : مضايقني إنهم أكيد عارفين إن قتلت الباشا اللي ريناد إتهببت معاه  ، وهما كانوا على علاقة كويسة بيه ف دا هيخلي بيننا حساسية 

كينان : أوبااا ، ربنا يستر على اللي جاي 

بدر : سيبها على الله ، هطلع أغير 

كينان بتعب : وأنا هطلع أنام هلكااان 

طلع كينان وبدر ، ووقفت سيا في المطبخ بتغسل المواعين بعد ما أكلت الشوكولاتة

نزل بدر المطبخ عشان يشرب مياه ف قالها بإستغراب : بتعملي إيه ؟ 

سيا بصتله وقالت : بغسل المواعين عشان متتراكمش عليا ، أعملك حاجة سريعة تاكلها ؟ 

بدر حرك راسه يمين وشمال بمعنى لا 

بص ل سيا ف قالها : إيه اللي على بوقك دا ؟ 

سيا وهي بتلمس شفايفها : إيه ؟ 

بدر بتركيز : شوكولاته ، مبهدلة نفسك ليه .. قربيلي هنا 

قربت منه ف سحب منديل وبل طرفه مياه وهو بيمسح بوقها وبيقول : ينفع كدا ؟ 

وسيا سرحانة في عيونه .. من غير وعي ميل عليها وقربلها و ...

يتبع ...

#خارج_قانون_الحب

#روزان_مصطفى

#بقلمييييي

عشان الأسئلة المتكررة ودي المرة الاخيرة اللي هجاوب عليها ركزوا معايا من فضلكم 

رقم واحد البارت مبيكونش قصير هو أنا بوقفه على حدث معين ف بيكون فيه تفاوت مرة تلاقوا بارت طويل ومرة بارت صغير 

رقم إتنين ناس بتسأل هي فاضلها كام بارت وتخلص .. الإجابة معرفش ! ولكنها طويلة وأحداثها كتييير لذلك لو إنتوا من الناس اللي بتزهقوا منصحكوش بيها ♡ وعلى حسب الأحداث هيكون عدد البارتات لكنها طويييلة 

رقم ثلاثة ناس بتسأل كل يوم البارت هينزل إمتى ، بنزله بعد الفطار كل يوم وساعات الساعة الواحدة بالليل وبيختلف توقيت مصر عن البلاد التانية ، لما مبنزلش البارت في اليوم بنزل بوست إعتذار عنه 

رقم ثلاثة الناس اللي بتسأل بدر هيحب سيا إمتى .. متستعجلوش الأحداث هتنبسطوا وخلوا عندكم ثقة فيا .. بس من البارت الجاي هغرقكم رومانسية وأحداث حلوة وطويلة 

رقم أربعة والأخير : أنا بحبكم جدا وبحب كلامكم وحرفيااا بقرأ تعليق تعليق بقرأ كل التعليقات وبحبها وبتشجعني أوي ، بس بتضايق لما ميكونش في تقدير لتعبي في البارت 

بارت بكرة مش هنزله عشان هقعد أذاكر بكرة بقى لإني سنة تخرج إدعولي وكمان في بنوتات عندهم إمتحانات 

بحبكم كلكم في الله ، خدوا قلوب كتير ❤❤❤❤❤

|22| 

قرب منها وهو بيميل عليها وباس رقبتها بهدوء ، أعصابها سابت وكانت زي الورقة بين إيديه ومغمضة عنيها 

إتعدل بدر وهو بيتنفس بصعوبة وبعد عنها بمسافة شوية وقال وهو متوتر : ت .. تصبحي على خير 

طلع أوضته وفضلت سيا واقفه في المطبخ حاطة إيديها على رقبتها وقلبها هيقف من كتر الدق 

* صباح تاني يوم 

نزل بدر من أوضته وهو بيدخن سيجار على الصبح ، أول ما نزل لقى سيا بتقفل باب أوضتها ولابسة فستان نوعاً ما ضيق 

بدر بصلها كدا وقال : إيه اللي إنتي لبساه دا ؟ 

سيا بتبص على جسمها : لابسة إيه ؟ فستان 

بدر بتريقة : بجد والله ؟ حسبتك لابسه بنطلون ، ما أنا شايف إنه فستان 

سيا بإستغراب : وحش يعني ولا إيه ؟ 

بدر بتدقيق : حلو .. بس متلبسيهوش وإنتي وسطينا ، روحي غيري هدومك هاخدك مشوار 

سيا بتساؤل : هو كينان فين ؟ 

بدر ببرود : عند الباشا توفيق بيقضي معاه اليوم من بدري جداً ، غيري هدومك يلا 

سيا بسعادة : حاضر 

دخلت سيا غيرت هدومها ولبست فستان أوسع شوية ولونه أزرق فاتح ، خرجت من الأوضة لقت بدر واقف مستنيها وساند على الحيطة

سيا بتساؤل : هنروح فين ؟ 

بدر بسرحان فيها : الإسطبل .. لسه بتخافي من الفرس ؟ 

حركت راسها يمين وشمال ف قال بهدوء : طب يلا 

طلعوا برا البيت وركبوا العربية ، صوت في العربية ف سيا قالت بإستغراب : صوت إيه دا ؟ 

بدر وهو بيسخن العربية : صوت الحزام بتاعك ، إربطيه 

مسكت سيا الحزام وبتحاول تقفله مش عارفه ، شرب بدر أخر نفس في السيجار وطفاها وبعدين قرب ل سيا وقفلها الحزام وهو قريب منها وقال : بيتقفل كدا 

بعد عنها بالتدريج وقعد في كرسيه ، بعدين ساق العربية للإسطبل 

* في فيلا توفيق 

كينان لسونيا : بس تصدقي الأحمر بيبقى جامد عليكي 

لفت له سونيا وقالت : إنت عاوز مني إيه مسيو كينان ؟ 

كينان بفرفشة : لا مسيو إيه إنتي شيفاني مدرس الفرنساوي بتاعك ، بقولك جاي من الصبح عشانك 

سونيا بجدية : أهلاً وسهلاً بيك في أي وقت ، بس اللي في دماغك من ناحيتي إنساه عشان مش هيحصل 

بصت لنصار وقالت : كان غيرك أشطر 

كينان بضيق : هو أيه اللي في دماغي من ناحيتك ؟ هو إنتي شيفاني عيل يعني عشان أرتبط بيكي يومين وأسيبك 

بيقربلها وبيقول بمعاكسة : أنا ناوي أعمق العلاقة 

سونيا ببرود : و ؟ 

كينان : وهيبقى نهارنا زي الفل إن شاء الله ، بقولك إيه ما تخليهم يجبولي عصير فراولة فريش زيك كدا 

سونيا : لا إحنا هنا بنشرب صبح وليل خمرا ، تشرب خمرا ؟ 

كينان بيقربلها بمعاكسة وهو بيقول : طب مش حرام الشفايف اللي زي العسل دي تشرب سموم ؟ الشفايف دي أتخلقت عشان ..

سونيا بصتله بصة ليها معنى ف قال : عشان تتقدر ، أو البني أدم يتأمل فيها بس ، أنا قررت هحطك في النيش بتاع بيتنا عشان متتوسخيش 

ضحكت هي ف كينان إبتسم وقال : الصلاة على النبي ، بقولك إيه نفضيلهم وتعالي معايا ، هخرجك خروجة مخرجتيهاش ولا هتخرجيها مع حد غيري ، هعرفك على كينان الحقيقي بقى 

سابت هي الكاس وقالت بابتسامة : إستنى طيب أغير هدومي 

سند كينان على البار وهو بيقول : ياريت لأحسن الفستان محليكي بزيادة وخايف حد يبصلي في الفراولة بتاعتي 

بص نصار لكينان بنظرة غيظ ف قال كينان بكيد : أزور ، اللقمة توقف في زوري 

* في الإسطبل

بدر وهو لابس تيشيرت إسود نص كُم بيقول لسيا وهو بيطبطب على الفرس : مش ناوية تركبي لوحدك برضو ؟ 

سيا وهي بتدفي دراعها : لا مش هعرف ، هو إنت مش بردان من الجو ؟

بدر : دلوقتي لما نركب ونتحرك بيها جسمنا هيسخن ، تعالي أطلعك 

قربتله سيا ف مسكها من وسطها بيحاول يرفعها ف بتوقع قدامه تاني 

ضحك وقال : متقوليش إنك الأيام اللي فاتت أكلتي محشي 

سيا بضحك : لا بس خلصت نص الشوكولاتة اللي إنت جيبهالي ، ف هتلاقيني دبدوبة شوية ، إيه دا هو إنت عينيك عسلي فاتح ؟ 

بدر بتركيز في عينها : ممم لا ، بني ، إنعكاس الشمس عليها بيخليكي تشوفيها كدا 

سيا بتوهان : دي حلوة أوي 

نزل بدر راسه وقال : تسلمي ، تعالي أطلعك 

رفعها بكل قوته لحد ما قعدت على الفرس وثبتت نفسها 

نط على الفرس وقعد وراها ، ومسك اللجام وهي بين إيديه وقال : إمسكي في الفرس نفسه جامد عشان متوقعيش ، هنمشي مسافة بعيدة شوية لحد البحيرة ، جاهزة ؟ 

سيا بسعادة : أه 

حرك بدر الفرس ف إتحركت بيهم لبعيد 

سيا بتعب في نص المشوار وبعد ما وصلوا للبحيرة : ب بدر دايخة مش قادرة 

وقف بدر الفرس وسند سيا بإيده وهما فوق الفرس عشان متوقعش 

نزل وفتح إيده عشان تنزل هي بين إيديه ، نزلت ف سندها وقعت في حضنه 

بدر بهمس : إنتي كويسة ؟ حاسة بإيه !

سيا بتعب : دايخة أوي يمكن عشان إتحركنا بسرعة 

بدر بضيق : لا هي غلطتي .. أنا أصل أكتر مكان بحبه الإسطبل ف توقعت هتكوني مبسوطة لو جينا 

سيا رفعت راسها وبصتله وقالت : أنا فعلاً مبسوطة ، بكون مبسوطة وأنا معاك يا بدر 

مسكها بدر من وسطها وقربها منه وهي بتبص لعيونه الحلوة في إنعكاس الشمس وقال : يعني مبتخافيش مني ؟ 

سيا : تؤ 

بدر بنبرة حلوة للمرة الأولى هي نفسها إستغربتها : أنا 

مستحيل أأذيكي يا سيا ، مستحيل حتى أحط بصمة بدر الكابر عليكي من غير ما تكوني ملكي 

سيا بتوهان : أنا ماليش غيرك وعارفة إنك مش من نوع الرجالة الشهوانيين المقرفين ، ودا اللي خلاني أحب..

مكملتش جملتها ، بدر ميل عليها وباسها ، بمعنى أصح كتم باقي الحروف اللي هتطلع منها ، وهي دابت بين إيديه 

لكنه متجاوزش عن شيء غير البوسة دي ..

* عند كينان 

سايق العربية التانية بتاعة بدر وجمبه سونيا ، وبيحاول يتصل على بدر عشان يقوله إنه هيتأخر إنهاردة وبدر مبيردش ، بيتصل بسيا مبتردش

في الأخر ساب الفون بعد ما بعت لبدر رسالة إنه هيتأخر ، بص لسونيا وقالها : إحنا ناكل الأول عشان اليوم كدا شكله طويل 

سونيا بتبص لساعتها وبتقول : بس بقولك إيه مش عاوزين نتأخر عشان البا ..

قاطعها كينان وهو بيقول : أنا الباشا دلوقتي ، ركزي معايا وهفرحك 

رجعت سونيا ظهرها لورا وهي بتقول : بس غريبة يعني إنت اللي هتختار الأكل ، خلي بالك أنا مبحبش السمك 

كينان بثقة : سمك إيه أنا هأكلك حاجة أحلى بجد 

سونيا بسعادة : أما نشوف

* after 20 minutes 

كينان قاعد بيشرب شوربة كوارع وبيبص لسونيا بيقولها : مبتاكليش ليه 

سونيا بغضب : كوارع يا كينان ! عاوز تأكلني كوارع !

كينان بيبص حواليه : المطعم دا نضيف أوي وغالي كمان 

سونيا  : وأيه فايدة كل دا وإحنا بناكل كوارع ، أدي أخرة اللي يثق فيك 

كينان بتعجب : أنا بستغرب ، إنتي بتقرفي منها والزعيم بيقرف منها ، دي أكلة ملوك دي .. إفتحي بوقك بس 

سونيا بتشاورله بصوباعها : مستحيل أحط البتاع دا في بوقي

* after 5 minutes 

سونيا : ممم ، تحفة ، هات ليمون كمان 

كينان بيعصرلها ليمون وبيقول : قولتلك هتعجبك قعدتي تعوجي شفايفك الحلوة دي وتقولي مش هدوق 

سونيا بصتله بطرف عينها : لم نفسك طيب 

كينان رجع ظهره لورا وقال : إنتي إيه دخلك العالم بتاعنا ، أقصد إيه الظروف اللي وصلتك لكدا ؟ 

سابت سونيا الأكل وقالت بملل : هقوم أغسل إيدي ، حاسب عشان نمشي

قامت وسابته وهو بيبص ليها مستغرب 

حاسب كينان وإستناها برا لحد ما خلصت وطلعت 

سونيا وهي موطية راسها : يلا رجعني فيلا الباشا ورايا شغل كتير 

كانت بتتحرك عشان تركب العربية شد كينان دراعها وقال : أوقفي هنا كلميني ! 

مسم وشها ورفعه ناحيته لقاها معيطة ، بعدت إيده عن وشها ف قال بصدمة : إنتي دخلتي الحمام تعيطي ! 

سونيا بضيق : يلا يا كينان من فضلك 

كينان بعناد : مش هنروح لا ، بتعيطي ليه 

سونيا بضيق : مش حابة أحكي 

كينان قالها : طب إركبي هاخدك مكان نتكلم فيه 

سونيا بتعب : مش هقدر بجد تعبانة 

كينان بعصبية : يابنتي إركبي متطلعيش عين أمي 

ركبت معاه وراحوا قعدوا على البحر ، بدأت هي تحكي وتقول : خطيبي كان شغال معاهم ، متربيين سوا من وإحنا صغيرين ، إختصار حكايتي يا كينان إنه إتقتل بسبب شغله معاهم قبل فرحي بإسبوع .. دخلت الشغل مكانه وخدت حقه ، لكن مقدرتش أطلع من الشغل دا بعد كدا 

وعيطت ومكملتش حكي ، حط كينان إيده على كتفها وهو بيقول : أنا أسف ، أنا حقيقي مكنتش أعرف ، بس أوعدك إني هعوضك 

رفعت راسها وبصتله وقالت : متعلقش أمل قصة معايا ، أنا ميته من جوايا يا كينان ، وهتتعب كتير

كينان بتنهيدة : يا ستي خلينا نتعب ، مش هخسر حاجة إديني فرصتي 

وحضنها وهي بتعيط وهوا البحر البارد بيحرك شعرهم 

* عند البحيرة .. بدر وسيا

بدر كان نايم على ظهره وسيا نايمه جمبه وسانده راسها على دراعه وباصه للسما بتقول : أول يوم شوفتك فيه هو اليوم الوحيد اللي كنت خايفة فيه منك ، كنت قاسي وبارد لدرجة إني إستغربت إن في بني أدمين كدا ، مكنتش أعرف إنكم هتكونوا كل حاجة ليا إنت وكينان 

بدر بتحذير : أنا بس ، أنا بس اللي كل حاجة ليكي 

سيا بتتعدل وبتبصله وهو نايم على ضهره وبتقول : طب إنت حبتني ؟ 

بدر بصلها بطرف عينه وقال : واثق فيكي ، دا شعور كافي 

قامت إتعدلت وهي بتبصله وبتقول : شعور كافي ؟ لا مش كافي بالنسبة ليا ! أنا عوزاك تحبني يابدر .. عوزاك تحبني زي ما بحبك 

إتعدل هو وقربلها وهو بيرفع وشها ناحيته وبيقول : أكذب وأزيف مشاعري عشان أسعدك ؟ ولا أقولك الحقيقة ؟ أنا بحب وقتي معاكي وبثق فيكي .. إنتي الست الوحيدة في حياتي اللي قربتها ليا للدرجة دي ، دا مش كفاية بالنسبة ليكي ؟ 

إتنهدت وهي بتبتسم وبتقول : هوووف دا إنت تقيل لدرطة طلعت عيني معاك ، أنا معرفش أنا حبيتك إمتى بس كل اللي أعرفه إنك الحاجة الوحيدة الصح اللي أخترتها .. إوعى تسيبني في يوم يا بدر 

قرب منها وباس طرف شفتها وحضنها ، ملس على شعرها وهو بيقول : الفرس محتاج يرتاح ، وإحنا إتأخرنا ، مش هنقوم عشان ورايا شغل ؟ 

قام وقف ومد إيده ليها ، حطت أيديها في إيديه راح سحبها وركبها فوق الفرس ، نط وركب وراها وهو بيميل راسه على رقبتها وبيتحرك بالفرس 

* عند بيت بدر 

وصلوا البيت لقوا كينان بيركن عربيته ، نزل بدر وقفل باب العربية وهو بيقول بصوت عالي : إنت يابني 

كينان بسعادة مبالغ فيها : يا زعيييييم ، وحشتني يا زعيم 

سيا نزلت من العربية بدر بإستغراب : اللهم إجعله خير ، مالك سعيد كدا ليه هي القعدة مع توفيق بتفرح ؟ 

كينان وهو حاطط إيده على رقبته من ورا وبيبتسم : مقعدتش مع توفيق أوي يعني 

بدر فهمه وقال : أهاا ، لا عاوزين نركز في الشغل يا حبيبي

كينان بإستغراب وهو بيبص على بوق بدر : أيه الأحمر اللي على شفايفك دا يا زعيم ؟ 

بدر بطرف صباعه ملس على شفايفه وبص لقى أحمر 

بص ل سيا وقالها : أنتي حاطة روج ؟ 

سيا حطت إيديها على بوقها بخوف وقالت : أه 

بدر بعصبية : أنا مبحبش المكياج مش عاوز احس إني ماشي مع أراجوز 

سيا بعصبية : أنا أراجوز يا بدر ؟ 

كينان بشك : ثواني ثواني ، إنتوا كنتوا فين وبتعملوا إيه ؟ 

ضربته سيا وهي بتقول بعصبية : إيه بتعملوا إيه دي ما تحترم نفسك يابني أدم 

كينان بوجع من إيديها : اااه يخربيتك ، يا غبية بسأل عامة هو في إيه يا زعييم 

بدر بعصبية : في إن ماليش كلمة عليكم في أم البيت دا ! أنا مجبتلكيش مكياج أشتريتلك لبس جبتيه منين ؟ 

سيا وهي موطية راسها : نزلت مع كينان في يوم 

بدر بص لكينان راح كينان قال بصدمة : كينان إيه إنتي هتلبسيني مصيبة !! 

سيا بزعل : أسفة

بدر بصلها بغضب بعدين قال لكينان : إدخل نام إنت كمان وأنا هدخل أنام عشان عندنا تاني يوم ميعاد مع جماعة السراج

كينان بطاعة : حصل يا زعيم 

دخل بدر ف غمز كينان ل سيا وقال : واضح إنكم إتطورتوا ماشاء الله 

سيا بصت لكينان بخنقة وقالت : والنبي تسكت عشان أصلاً منطقش وقال بحبك دا يادوب باسني 

كينان بهزار : بتخونيني يا سافلة 

سيا بضيق : أنا بتكلم جد يا كينان ، تفتكر مبيحبنيش فعلا ؟ 

كينان : اللي أعرفه إن الزعيم بدأ يثق فيكي ، ودا شيء مش أي حد بياخده من الزعيم .. الثقة 

سيا بعشق : بس عوزاه يحبني ربع ما بحبه حتى 

كينان بتكشيرة : ما إنتي بصراحة خفيفة أوي ، يابت إتقلي متقعديش تصدميه فيكي

* ميعاد مقابلة السراج - صباح تاني يوم 

على السادة المسافرين لدولة الإمارات التوجه للبوابة ٣ ، الطائرة على وشك الإقلاع ، مطار القاهرة الدولي يرحب بكم 

نزلاء طيارة واشنطن ، ثلاث رجالة وست بيحطوا جواز سفرهم قدام ظابط المطار 

بيبص في الجواز الأول بعدين بيرفع عينه يبص لصاحب الجواز وبيقول : السيد سراج البهتيني  ؟ 

سراج : أيوة يا فندم ! ...

يتبع ...

#خارج_قانون_الحب

#روزان_مصطفى

#بقلميييي

|23| 

ظابط المطار وهو بيختم الجوازات : نورتوا مصر 

سحب سراج الجواز بتاعه والإتنين الباقيين أخدوا جوازاتهم 

سراج بصوت واطي : لما نجتمع بتوفيق وبدر مش عاوز حد يتكلم في القعدة دي غيري إلا لما يتوجهلكم كلام 

ليديا : يعني إنت عاجبك اللي حصل في الفترة الأخيرة بسبب جوازة أستاذ بدر ؟ يقتل فينا واحد واحد وأخرهم اللي حصل للحصان الإسود ؟ أنا مُستاءة ومش عارفة لما أشوف البني أدم دا هيكون تصرفي إزاي 

سراج بحزم : السكوت ، تصرفك ورد فعلك هيكونوا السكوت .. غير كدا مش عاوز حرف ع الترابيزة طالما أنا موجود 

خرجوا من مطار القاهرة وركبوا العربية اللس كانت مستنياهم ، في طريقهم للفيلا الخاصة بيهم عشان يرتاحوا من السفر وبعد كدا يبدأ الشغل

* في بيت بدر 

كان ماسك السلاح اللي خرجه من أوضته في إيده وبيبص على النقوش اللي عليه ، منهم حرف إسمه 

هو من جواه عارف إن الجماعة دول مش مضمونين وغدارين ومواجهته ليهم فيها خطر على حياته بنسبة ٨٠%

دخل كينان أوضة بدر وقفل الباب وهو بيقول : توفيق بلغني بوصول جماعة السراج لمطار القاهرة ، يعني هما حالياً في مصر خلاص مش ناقص غير قعدتنا معاهم 

بدر حط السلاح في جمبه وهو بيقول : عظيم .. متتكلمش في القعدة يا كينان طالما أنا قاعد 

كينان بضيق : لو حد وجهلي كلام هتكلم 

بدر بذكاء : هما غالباً هيعرضوا علينا شغل زي توفيق كدا ويا إما يلبسونا في حيط يا إما بالفعل يحطوا إيديهم في إيدينا 

كينان بقلق : بس إحنا قتلنا الباشا اللي كان حاطط إيده في إيديهم ف معتقدش إن الأوبشن دا مُتاح ، سيبها على الله 

* في فيلا السراج 

خد سراج شاور وخرج وهو لابس رسمي وبينشف شعره ، ليديا كانت بتلبس البوت بتاعها بصتله وقالت : بالسرعة دي ؟ نازل على شغل على طول 

سراج بتوضيح : نازلين *

أنطوان كشر كدا وهو بيقول : ألى فين ! * على فين * 

سراج رجع ظهره لورا وهو بيقول : على فيلا توفيق ، لازم أفهمه شوية حجات قبل ما نجتمع ببدر .. 

ليديا بإرهاق : شغل شغل شغل هنا وفي واشنطن ، can we have a break ? * هل يمكننا الحصول على راحة ؟ * 

سراج وهو بيلمع الخاتم بتاعه : لو متحطتش أساسيات من لحظة وصولنا لمصر هنبقى مهزقين زي زاهي والباشا كدا والدم مش هينحسر ، إحنا نقتل أه .. لكن في بعض لا والأستاذ بدر لو مش مُقتنع بكدا يبقى نصفيه أو نخرجه من المافيا لإنه بقى تقيل عليها 

ليديا بإستنتاج : هيكون صعب ، متهيألي حالياً في بينه وبين توفيق شغل يعني مسنود ، وإنت عارف كلاشينكوف نصار دراع توفيق اليمين ف مش في صالحنا إحنا معانا رجالة ولكن مش بالخبرة دي !

أنطوان : i think we gonna lose our money if we made an agreement with badr  * أعتقد أننا سنخسر أموالنا إذا قُمنا بعقد إتفاق مع بدر * 

سراج بفهم : قصدك هيطلب مبلغ كبير ؟ ماهو هنعرض عليه يا تكون في صفنا يا تبقى عدونا .. there is no third option !  * لا يوجد خيار ثالث * 

ليديا بملل : أوك أوك تقدروا تروحوا مشوار توفيق وأنا حابة أزور لورا بعد تعرضها للعمى 

سراج بحزم : مينفعش ، لازم كلنا نروح إحنا الثلاثة عشان الكلام يكون واضح للجميع 

* في بيت بدر 

كينان وهو بيلبس جزمته : أكيد أي شغل بيكون فيه خطورة يا سيا ، بس دا نسبته كبيرة شوية 

سيا بقلق : طب متخليش بدر يعارضهم طالما في خطر ، أنا قلبي بيوجعني من دلوقتي والله

كينات لبس وقام وهو بيظبط نفسه وقال : كل اللي أعرفه إنك مش هتتحركي من هنا ولو حصل أي شيء أتصلي يا بيا يا ببدر ، إحتمال نتأخر عشان رايحين لتوفيق نفهمه حجات قبل ما جماعة السراج يروحوله

بدر نزل وهو بيقول لكينان : جاهز ؟ 

كينان بهندمة : حصل يا زعيم 

رمى بدر مفتاح عربيته لكينان وقاله : خد سخن العربية وأنا جايلك 

مسك كينان المفتاح وقال : حصل يا باشا 

خرج يسخن العربية ف قرب بدر ل سيا وهو بيقول : متفتحيش لحد ومتخافيش هنتأخر بس هنيجي تمام ؟ 

سيا بتقربله ف بعد راسه شوية وهو بيبصلها وقال : حاطة روج ؟ 

سيا : تؤ تؤ 

قربلها بدر شوية بعدين غمض عينه وقال : اللهم إغزيك يا شيطان 

خرج من البيت وسيا بتضحك بعدين دعيتله وقالت : ربنا يحفظك يا بدر 

* قدام فيلا توفيق 

العربيتين كانوا هيخبطوا في بعض

ليديا إتخبطت في كرسيها جامد لأن سراج فرمل وقالت : holy shit ! * هراء لعين * 

نزل سراج ووراه ليديا وأنطوان 

ليديا بغيظ وهي بتبص لبدر : هو إنت عرفت إننا نازلين ف قولت تعجل بموتنا ؟ 

بدر بسخرية : هي أمريكا بتخفف دم الواحد ولا إيه ؟ أنا معرفش إنكم جايين لتوفيق أساساً

بص سراج ل ليديا بصة ليها معنى بعدين بص لبدر ب وش من غير تعبيرات وقال : أهلاً بدر ، أعتقد إنك جاي لنفس السبب اللي إحنا جايين عشانه ، وبما إن كلنا هنا إنهاردة ف رأيي نعمل الإجتماع أفضل من بكرة 

أنطوان بضيق وهو بيبص لبدر : عشان نهوط كواعيد * عشان نحط قواعد * 

بدر حط إيده في جيبه وقال : معنديش مانع أشرح أسبابي ، بس لو شرحتها ومفهمتوهاش ف دي مشكلتكم 

توفيق خرج من الفيلا وهو بيقول : أهلاً وسهلاً حمدالله علىالسلامة يا سراج بيه ، نورتوا مصر ، إتفضلوا يا جماعة 

* after 1 hour 

سراج وهو بيتعدل في قعدته وبيبص في الساعة : طيب عشان وقتنا ووقتكم إحنا سبب نزولنا من واشنطن الأحداث اللي حصلت في الفترة الأخيرة ، واضح إن بدر باشا مش عارف حدود القتل مبتدخلش بيننا ف هيخلص على كيان المافيا بتاعنا لأسبابه الشخصية 

بدر وهو بيشرب من الكاس ببرود قال بمنتهى الوضوح الوقح : لو دخلت عليا لقيتني نايم مع ليديا ، رد فعلك هيكون إيه ؟ 

ليديا بضحكة مستفزة : you are not my type badr * أنت لست نوعي المفضل يا بدر * 

بدر بضحكة مستفزة أكتر : i dont like *** by the way * لا أحب العاهرات على كل حال * ولكني بدي مثال 

سراج بهدوء غاضب : إنت كدا بتغلط جامد يا بدر ، قتلت الباشا ليه ؟ 

بدر بذوق  : هقولك حاجة بعيداً الغضب والمشاكل ، إنت مال أمك 

سراج بيتأكد من اللي سمعه : إيه ؟ 

بدر ببرود : إنت  مال   أمكك 

سراج بضحكة : إنت صعبان عليا وأنا مُشفق عليك ، فاكرني زي زاهي والباشا هتخلص عليا ، المفروض تخاف على حياتك ومتخاطرش

بدر ساب الكاس وقال ببرود : تبقى لسه متعرفش بدر ، أنا مبخافش من أي حاجة غير من ربنا طبعاً

ليديا بكسفة : وإنت لو بتخاف من ربنا هتشتغل معانا ؟ 

بدر كسفها أكتر وقال : أفهم من كدا أنك ملحدة ؟ 

برقت هي وبصت لسراج بمعنى هاتلي حقي

سراج بحزم : طب يا بدر أنا بسألك عن سبب قتلك للباشا لإنك قولت هتوضح أسبابك 

بدر بقهر ولكنه تكلم ببرود : مراتي كانت حامل منه .. وهي على ذمتي 

سراج فتح بوقه وقال : دا بجد ؟ 

بدر ببرود : أه ف لو من قوانين المافيا إن محدش يقتل التاني أظن برضو مش من حق حد يتعدى على حُرمة التاني 

سراج قال : ف دا سبب قتلك للباشا ؟ 

بدر ببرود : أه قتلته وقتلتها 

ليديا بصتله بإعجاب 

سراج : طب الباشا وفهمنا السبب ، اللي عملته في الحصان الإسود دا حصل ليه !

بدر بعملية : عشان ببساطة لو إنت قاعد في بيتك ولقيت حد بيضرب عليك نار هتردله اللي عمله 

سراج : بس أنت غشيته وجبت واحدة مثلت إنها مراتك 

بدر بإبتسامة : دا لإن الدعوة اللي إتوجهت لينا ساعتها كانت من ضمنها ريناد .. ومظنش إن اللي عملته سبب كافي لمحاولة قتلي 

سراج سكت وهو شايف إجابات بدر منطقية وبعدين قال : إنت تعرف يا بدر الشغل في أميريكا بيكسب أكتر من مصر ، والحياة هناك رائعة ، أنا مستغرب وجودكم في مصر حتى الأن مع إن دا في خطورة عليكم من الشرطة 

بدر : الخطورة اللي هنا هي نفسها اللي في أمريكا ، إنت بس قعادك هناك الوقت الطويل دا نساك هنا

سراج بوضوح : هدخل في الموضوع مباشرة ، أنا محتاجك معايا في شغل ، تجارة أثار 

كينان بضيق : نهرب معاك أثار مصرية لامريكا ؟ 

سراج وهو بيشرب من الكاس بتاعه : مش لأمريكا ، لبلاد تانيه كمان .. الشغل دا بيكسب 

بدر بغضب : بتبيع حضارتنا عشان فلوس ؟ 

سراج بضحكة : هي الحضارة دي كانت بتأكلك وأنت مش لاقي لقمة ؟ ماهو شغلنا اللي عملنا ف طبيعي عشان معاك فلوس تتكلم كدا 

بدر : دا مالوش اي علاقة ب إني أخد أثار بلدي أبيعها لبلاد برا ، دا أعلى ليفل في الوطيان 

سراج بحزم : بدر ! أنا بحذرك من لهجتك ، متعادينيش أفضل 

بدر بتبريقة : لو حوار الأثار دا تم هبقى أول عدو ليك ومتسألنيش ليه 

سراج بسخرية : رجل مافيا عنده مباديء ! عشان وشوفنا 

بدر : دا مالوش علاقة بالمباديء ، إنت لو ملكش خير ع بلدك هتتهان براا 

* في بيت بدر 

سيا كانت بتاخد شاور في أوضة بدر عشان سخان الحمام اللي تحت خلصان والجو برد 

لفت الفوطة على نفسها وطلعت وقفت قدام المرايا وفردت شعرها المبلول عشان تنشفه 

فجأة بدر فتح باب الأوضة .. وشافها واقفة وبتنقط مياه على السجادة بتاعته

بدر متنح وسيا رجعت لورا وهي بتقول بلغبطة : و .. والله أنا كنت عاوزة أستحمى ومفيش مياه في السخان أنا أسفة 

بدر بتوهان : إنتي ...

يتبعع ....

#خارج_قانون_الحب

#روزان_مصطفى

#بقلميييي

|24| 

بدر : إنتي مالك خايفة كدا ليه ؟ 

قربلها بالراحة وهي كامت بتترعش من البرد والخوف ، قلع الجاكيت بتاعه وحطه على كتفها بعدين رفع راسها ناحيته وباسها بوسه رقيقه جداً وهو بيقول : قولتلك مستحيل أقربلك أو أأذيكي ، أو حتى أستغل ضعفك من الناحية دي بالذات ، أنا برا لحد ما تغيري هدومك وتخلصي 

خرج بدر من الأوضة وقفل الباب وراه ، سيا إتنفست بعمق وهي مش مصدقة نفسها !

* برا أوضة بدر 

كينان شاف بدر خارج من أوضته ف قال : مغيرتش هدومك ليه يا زعيم ؟ 

بدر وهو ساند على السلم : سيا بتغير هدومها جوا كانت بتستحمى في الحمام بتاعي عشان السخان 

كينان بغمزة : وطلعت من الأوضة ! أنا لو مكانك ك ..

قاطعه بدر وقال : إنت لو مكاني هتخرج من الأوضة برضو ، وتسيبها تاخد راحتها ، كينان متنساش إنها أمنتنا على نفسها .. وإعتبرتنا عيلتها ونامت بأمان وسطنا .. هيكون الفرق بيننا إيه وبين الواد اللي هددها بالصور هنبقى نفس الوساخة 

كينان بإعجاب عن رد بدر : عندك حق ، عليا الطلااق زعييم 

خلصت سيا لبس وخرجت من أوضة بدر وهي شعرها على كتفها وقالت : أسفة على اللي حصل دا مش هيتكرر 

بدر بتعب : خدي راحتك ومتقلقيش من حاجة 

دخل الأوضة عشان يغير هدومه ونزلت سيا بإحراج لأوضتها تحت

* في فيلا السراج 

ليديا بتتكلم فون : طب إنتي عاملة أيه دلوقتي ؟ 

لورا : عامية .. أنا دلوقتي عامية ومعايا خدامة هي اللي بتعملي كل حاجة حتى الأكل والمياه 

ليديا بشفقة : oh my dear  * أوه عزيزتي * 

لورا بغضب : مش عوزاكي تشفقي عليا ، عوزاكي تساعديني أنتقم من بدر والجماعة بتاعته 

ليديا ببرود : كان نفسي أساعدك بس إحنا بيننا هُدنة ، عملها توفيق بيننا وبين بدر واللي هيكسرها هيبقى برا المافيا خالص 

لورا بغضب : يعني إيه ؟

ليديا بنفس البرود : يعني يا حبيبتي زاهي محبوس في الفيلا بتاعت توفيق زي الكلب ، وإنتي عنيكي راحت خالص يعني مفيش فيكي أي مقاومة تأكلي وتشربي نفسك على حسب كلامك ولسه بتفكري في الإنتقام ؟ أنا رأيي تقضي حياتك وإنتي بتتوبي عن شغلنا ههههه 

لورا مسكت الفون وحدفته وهي مش شايفه وفضلت تصوت 

* تاني يوم الصبح ، في بيت بدر 

صحيت سيا وهي حاطة إيديها على بطنها بتعب ومكشرة 

كينان بص ل بدر ف بدر قال : بتبصلي كدا ليه يالا ؟ 

كينان بسؤال غبي : هو إنتوا عملتوا إيه يوم الإسطبل يا زعيم 

بدر بغضب : عملك إسود ، ملمستهاش 

سندت سيا بتعب على باب المطبخ وهي بتقول : صباح الخير 

بدر : صباح النور 

شاورت لبدر ييجي ناحيتها ، قربلها وقال : شكلك تعبانة ، مالك ؟ 

سيا بكسوف : أنا محتاجة أروح أي صيدلية وكنت يعني .. مم كنت محتاجة فلوس بسيطة 

بدر : ومالك مكسوفه كدا ليه وإنتي بتتكلمي ؟ قولتلك لو إحتاجتي أي حاجة قوليلي ، إلبسي طيب وهاخدك بنفسي للصيدلية 

إبتسمت وراحت باست خده ودخلت تغير هدومها 

بدر لكينان وهو بياخد مفاتيحه من الترابيزة : رايح مشوار سريع وراجع مش هتأخر 

كينان براحة : براحتك يا زعيم 

خرجت سيا بعد ما خلصت لبس وطلعوا للعربية 

بدر وهو سايق قال : أنا حابب أقولك حاجة ، أنا راجل بتاع أفعال مش بتاع ترجمة مشاعر ، وكمان أنا ستايل قديم يعني لو حصل بيني وبينك مشاعر مش هقربلك من غير شيء رسمي بيننا 

سيا بتعب : يعني أنا اللي سافلة يعني ؟ أكيد يا بدر بتمنى يكون في شيء رسمي 

بدر بحزن وتركيز في الطريق : بس مش عاوز أعلق حياتك بواحد ممكن يمو ..

قاطعته سيا وهي بتقول : بعد الشر ، بعد الشر عليك من أي حاجة 

وصلوا للصيدلية ف قال بدر : إنزلي وهاتي كل اللي عوزاه من جوا ، انا مش هنزل معاكي عشان مقدر خصوصيتك ومش عاوز أحرجك بس لو حد ضايقك ناديني بس 

سيا بحب : حاضر يا حبيبي 

نزلت من العربية ف بدر قال بإستغراب : حبيبي ! 

رجعت سيا العربية بعد ما إشترت اللي محتجاه ، إتحرك بدر بالعربية عشان يرجعوا البيت 

* في فيلا توفيق 

سونيا بإستفسار : طب وإيه مصلحتك من الهُدنة يا توفيق ؟ 

توفيق وهو بيشرب من الكاس بتاعه : بدر ميتأذيش ، أصل بدر هيكون دراعي اليمين في كل شيء وأنا عارف السراج كويس وعارف قلبتهم ، ف حميته بطريقتي

سونيا بتفكير : بس بدر زعيم نفسه ، يعني صعب يكون دراعك اليمين 

توفيق بسُكر : بدر ذكي ، مش هيخسر إتفاقي معاه عشان يشتغل مع غيري 

سونيا بتساؤل : يعني متفقوش ف عملت بينهم هُدنة إن اللي هيأذي التاني يبقى مش تبع المافيا ؟ 

توفيق : بالظبط 

سونيا سابت الكاس وقالت : أها فهمت 

إستأذنت هي من توفيق وقامت وهي بتمشي لقت حد بيسحب دراعها ، بصت بغضب وصرخت في وشه : سيب دراعي يا نصار إنت إتجننت ؟؟ 

نصار بغضب : في إيه بينك وبين كينان ؟ 

سونيا بغضب أكبر : وإنت مالك أنت ! هو أنا كنت وعدتك بحاجة عشان تستنى مني أحبك ، أنا حُرة يا أخي مش بالعافية ، وأقسم بالله يا نصار لو إتعرضتلي كدا تاني لأبلغ توفيق 

مشيت وسابت نصار عيونه مليانة شر 

* في بيت بدر 

وصل سيا وبدر البيت 

سيا ماسكة أكياس ودخلتها المطبخ وهي بتنادي : كينااان ، كينان تعالى 

كينان جه وهو بيلبس التيشيرت بتاعه : بغير هدومي يا بت عاوزة إيه !

سيا ببصة غريبة : تصدق أنا غلطانة ، معرفش مين كان نفسه في محشي 

كينان قربلها وهو بيبص على الاكياس ومبتسم بيقول : بتهزري ؟ 

سيا : والله رغم إني تعبانة خليت بدر يوديني أجيب طلباته ، بس بقولك إيه هتساعدني

كينان وهو بيرجع شعره لورا : موافق جداً أوي 

جه بدر وهو قالع التيشيرت ولابس واحد كت لونه إسود مبين عضلاته بيقول لكينان : جهزلي الشواية والفحم عشان نشوي فراخ طيب 

سيا : لا لا مينفعش ، الفراخ هتتسلق عشان عاوزة شوربتها 

بدر وهو بينفخ دخان السيجار : براحتك ، أنا بس كنت حابب أساعد 

كينان بحماس : أعمل إيه طيب 

سيا بتعب : إنت هتعمل أكتر حاجة أنا بكرهها ، إنت هتبشر البصل 

كينان بلوية بوق : بجد والله ؟ هاتي أربط الايشارب على راسي بالمرة 

* after 5 minutes 

كينان بيرجع لورا خبط في سيا اللي بتقول بغضب : اااه ما تحاسب إنت مش شايف ولا إيه 

كينان وعينه مدمعة ومقفلة من البصل : أاااه مش شايف تخيلي ، عينييي 

سيا بضحك : إهدى طيب إغسل إيدك ووشك وهتروق 

كينان وهو مغمض : الحنفية فين طيب 

سيا بضحك : مش قادرة والله من الضحك 

كينان : يارب بشتغل مافيا الصبح وبعد الظهر بشتغل دادة 

سيا مش مبطلة ضحك 

دخل بدر وهو بيقول : إنت عامل حوار ليه ؟ الحنفية أهي ياعم 

كينان بعمى : إفتحهااالي 

فتح بدر المياه وهو بيقول : متزعقش يالا

غسل كينان إيده ووشه وقال : والله ما همد إيدي في حاجة تاني

سيا بضحك وشفقة : خلاص أقعد على الكرسي إتفرج عليا 

بدر بهمس في ودنها : طب ما أقعد أنا وأتفرج عليكي ، مش أنا الأحق برضو 

سيا وهي بتشاور براسها على كينان : إحم إحمم 

بدر بيقول بإرهاق : أنا أهم حاجة عندي السلطة ، حد فيكم يتبرع ويعملها 

سيا بحب : هعملهالك أنا 

خلصت شيا حلة المحشي والفراخ والأكل إستوى ، جت تحط الأكل في الاطباق سمعوا صوت الجرس 

بدر وهو ماسك المعالق بيبص ل سيا وكينان وبيقول : حد فيكم طلب حاجة دليفري ؟ 

سيا حركت راسها يمين وشمال بمعنى لا 

كينان : محصلش يا زعيم 

ساب بدر المعالق وخرج السلاح من جيبه وهو بيقول متتحركوش من هنا طيب 

راح ناحية الباب وبص من العين السحرية شاف جماعة السراج واقفين برا !

بدر بصدمة : دول إيه جابهم !

فتح الباب ف رفع سراج راسه وهو بيقول : بدر ، حبينا نيجي نزورك في بيتك مش كل مقابلاتنا في بيت توفيق 

بدر بتناحة : تزوروني ؟ 

ليديا بجراءة : هتسيبنا واقفين على الباب كتير ؟ 

بدر حط السلاح في جيبه وقال : إتفضلوا 

دخلوا وخلعت ليديا الجاكيت بتاعها وهي بتقول بإعجاب : ستايل بيتك روعة ، كلاسيكي حلو أوي

بدر : شكراً

سراج وهو بيمد إيده ل بدر : قولت منجيش بإيدينا فاضية ، دي شامبين أصلية من واشنطن ، ودي إزازة جاك دانييلز * أحد أنواع الخمور المشهورة * 

كينان من ورا بدر : حد يهادي حد بخمرة ، حد قالك إن ليلة دخلة بدر إنهاردة ؟ 

سراج ببرود : مافيا عاوزهم يهادوك بإيه ؟ فيريرو روشيه ؟

بدر بجدية : إتفضلوا طيب 

دخلوا وقعدوا جوا ، حطت ليديا رجل على رجل وهي بتقول : what is this smell ?  * إيه الريحة دي * 

كينان بعوجة بوق : ريحة محشي ، متعرفيهوش ؟ 

ليديا بإبتسامة : أسمع عنه لكن مش أكلته غير مرة زمان 

سراج بود : حبيت يكون في بيننا لقاءات متبادلة كويسة بعيداً عن الشغل بما إن تم بيننا هُدنة رغم إعتراضك على شغلنا وإعتراضك على إنك تحط إيدك في إيدي ولكني إحترمتك عشان أسبابك فعلاً مُقنعة 

بدر ببرود : هو شرفتني ، لكن شغلك دا أنا هفضل معارض عليه ومش هحط إيدي في إيدك ، ما تتفضلوا معانا ؟ 

سراج : لا لا مش بنتعشى بالليل 

ليديا بموافقة : رغم ريحته الحلوة لكن أنا عاملة دايت 

After 10 minutes 

ليديا ساندة على الكنبة وهي ماسكة طبق المحشي وبتاكله بالشوكة وهي مغمضة عنيها وبتقول : great .. * رائع * 

Can i have your recipe ? * هل يمكنني الحصول على وصفتك * 

سيا بإبتسامة : أكيد ، صحتين 

سراج وهو بيسيب الطبق : أنا حقيقي لو زودت في الاكل مش هعرف أسوق العربية ، رغم دسامتها لكنها وصفة لذيذة جداً ومُختلفة 

ليديا بسعادة : it's remind me about sushi  * بتفكرني عن السوشي * 

هو نفس الفكرة يمكن رز وسالمون وملفوف بأعشاب بحر ، يميي

كينان بوشوشة ل سيا : بتعرفي تطبخي وسيباني كل دا أطبخلك إنتي والزعيم ، إستني لما يمشوا يا سيا هعلقك في المروحة 

خلصوا أكل ومشيوا ، شالت سيا الأطباق وودتها للمطبخ وكينان بيقول لبدر : أنا مش متطمن لإنهم جم هنا يا زعيم ، حاسس وراهم حاجة 

بدر ببرود : لو وراهم الجن الأزرق اللي عندهم يعملوه ، أنا فضلت مستني سراج دا يتكلم منطقش ، بس سيبك انا حاطط كل الإحتمالات 

سيا بتعب : أنا هغسل الاطباق دي وهدخل أنام 

طلع كينان أوضته ف قال بدر : سيا إستني عاوز أقولك حاجة 

لفت سيا وبصتله ف قربلها وقال : تت .. 

يتبع ...

#خارج_قانون_الحب

#روزان_مصطفى

#بقلميييي

|25| 

بدر : تتجوزيني ؟ 

سيا كانت ماسكه طبق بتغسله وقع من إيديها إتكسر 

بدر بتوتر : أنا .. أنا بصي يا سيا يعني عشان جماعة السراج جم وشافوكي قاعدة معانا وكمان عشان الناس مم ..

قاطعته سيا وهي بتقول : نعم ؟ عشان الناس وعشان أيه ؟ يعني مش عاوز تتجوزني عشان بتحبني ؟

بدر : أكيد عاوز أتجوزك عشان حاسس ناحيتك بحجات ، المهم موافقة ؟ 

بصت سيا حواليها وقالت : إنت بتطلب إيدي في المطبخ ، طب هنتجوز إزاي هنعمل فرح !

بدر بإبتسامة : أكيد هعملك فرح يا سيا ، هنعزم ناس المافيا يعني متعزميش حد من عندك عشان مينفعش دول يجتمعوا مع دول

سيا بتهوي بإيديها على وشها وهي بتقول : أهدى بس كدا عشان إنت .. يخربيتك بجد 

بدر ضحك ضحكة خفيفة وهو شايفها متوترة ف قال : أنا عارف إن الصدفة اللي جمعتنا مش أحسن شيء بس لازم تعرفي يا سيا إنك معرضه ف أي وقت تكوني أرملة 

سيا بغضب : إوعى تقول كدا تاني فاهم ! ليه بتعكنن عليا فرحتي بجد 

بدر موطي راسه : أنا عارف إني ضغطت عليكي كتير بس لما وثقت فيكي وعرفت إنك جدعة ومحترمة أقدر دلوقتي أشيلك إسم بدر الكابر وأنا متطمن 

قربتله سيا وهي بتحضنه جامد وبتقول : أنا بحبك أوي ، بحبك بجد 

حضنها بدر جامد وهو مغمض عينه 

* صباح تاني يوم 

كينان بصدمة : تتجوز سياا ؟؟ إزاي يا زعيم !

بدر ببرود : مش فاهم مالك مستغرب ليه إنت عارف إن في الفترة الأخيرة أنا وهي قربنا جامد من بعض 

كينان بنفس الصدمة : أيوة فاهم بس متوقعتش جواز 

بدر بغضب : وأنا من إمتى كنت نسوانجي وبلعب بالبنات ؟؟

كينان بهدوء : مقصدش يا زعيم بس بجد أنا كل تفكيري هتتجوز إنت وسيا طب وأنا هروح فين !

بدر بضحكة : يابني ما إحنا الثلاثة عايشين سوا 

كينان بإعتراض : مينفعش الجواز دا لازم تقعد إنت ومراتك براحتكم 

بدر وهو بيدخن : أنا سألت سيا ومش شايف أي إعتراض من ناحيتها ، الجواز دا جه في دماغي إمبارح تحديداً لما جماعة السراج جم البيت 

كينان بتساؤل : طب وأهل سيا .. هتعزمهم ؟ 

بدر بغضب : اللي طردوها ورموها في الشارع وشككوا في شرفها ؟ لو لمحت حد فيهم هنهي حكايته

كينان : مبرووووك يا زعيم 

بدر : المهم عاوزك تتفق ليا مع حد كويس يصمم دعوات الفرح ، وأنا هشوف موضوع الفندق اللي هيتعمل فيه الفرح وكدا 

بدأت التجهيزات ، يوم ورا يوم بيعدي وسيا كل يوم عند مصمم شكل بتختار فستان فرح من عنده ،

تم تصميم دعوات الفرح ، وبدأ كينان يبعتها لأعضاء المافيا 

الفيلا الأولى / فيلا توفيق 

وصلت الدعوة في إيد سونيا وهي بتفتحها وتقرأ مبتسمة ، بعدين شاورت بدعوة الفرح لتوفيق وهي بتقول : مسيو بدر هيتجوز البنوتة اللي ضحك على جماعة الحصان الإسود بيها 

مد توفيق إيده وخد الدعوة من سونيا وهو بيقرأها 

الفيلا الثانية / فيلا السراج 

ليديا وهي بتقرأ الدعوة : الخميس المقبل ، الفرح بعد يومين ؟ 

سراج بإستغراب : مش عارف ليه حاسس إن بدر عمل الحركة دي بسبب زيارتنا ليه في أخر مرة 

ليديا وهي بتشرب كحول : مممم معتقدش ، البنت كانت واخدة راحتها في بيت بدر جامد ف واضح إنها غالية عنده ، any way she is so lucky  * على كل حال هي محظوظة جداً * 

سراج بضحكة : دا مكانش رأيك في بدر ، إنتي قولتي إنه مش نوعك المفضل 

ليديا  : بالفعل قولت كدا ، لكن لما قتل مراته وعشيقها كبر في نظري وكمان مالوش في النسوان وشاب وأمور وملياردير هي هتلاقي أحسن من كدا فين ؟ 

أنطوان : طب إهنا هنروه فره دا ؟  * طب إحنا هنروح الفرح دا ؟ * 

سراج بضحكة : أكيد ، جهزوا نفسكم عشان دا واجب وعيب يبقى كل أعضاء المافيا حاضرين وترابيزتنا إحنا اللي فارغة 

* يوم الفرح 

الميك أب أرتيست : غمضي عينك عشان أحطلك الأيلاينر بليز 

غمضت سيا عينيها ف بدأت تحطلها 

سونيا وهي قاعدة بتفرد فستان سيا على السرير قالت بإنبهار : هيكون تحفة عليكي ، تعرفي لو كلمتيني أساعدك في الإختيار كنت روحت معاكي بس دا بالفعل جميل 

سيا وهي مغمضة عينيها : بصي أنا أصلاً مش قادرة أقف على رجلي ومش قادرة أخد نفسي ومش مصدقة أصلاً 

الميك أب ارتيست : بلاش كلام بليز عشان الميك أب هيخرب ومفيش وقت 

باب السويت خبط ف قالت سونيا : أنا هروح أفتح 

مسكت اطراف فستانها وإتحركت بالراحة لحد ما وصلت للباب وفتحته ، لقت كينان في وشها 

بصت وراها وراحت خرجت وقفلت الباب وهي بتقول : إيييه يابني بتعمل إيه هنا ، مينفعش حد يشوف العروسة غير لما تخلص 

كينان بيبتسم وبيقول : شوفتي الزعيم هيتجوز ويسيبني لوحدي ، وأنا بخاف * بيقولها بهزار * 

سونيا : ننيننيني يا كذاب قال هيعيشك معاهم ، وبعدين كينان يخاف ؟ غريبة دي ، يلا روح شوف العريس خلص ولا لا عشان خلاص العروسة هتلبس 

كينان بضيق : أنا مش متطمن ، ربنا يعدي الليلة دي على خير مع إن مكانش ليها أي لازمة 

سونيا بقلق : حرام عليك يابني الفال الوحش دا ، البنت جوا هتموت من الفرحة متخربش عليهم يومهم 

كينان : هروح أنا اشوف الزعيم  ، عقبالك يا قمر إنت 

سونيا بدلع : مبفكرش في الجواز 

كينان بعصبية : وحياة أمك ؟ 

بصتله سونيا

برفعة حاجب ف قال : وحياة مامتك ؟ لا فكري كويس عشان معملش شيء ضد القانون وأوديكي وأودي نفسي في داهية 

مشي كينان ووقفت سونيا في مكانها بتضحك 

دخلت سونيا ولقت الميك اب أرتيست خلصت وخرجت من السويت ، سيا كانت واقفة بتبص على نفسها في المرايا بعدين لفت بالفستان وقالت بسعادة مبالغ فيها : شكلي حلو ؟ هيعجب بدر 

سونيا بإعجاب : يا ولد يا زعيم على رأي كينان هههه ، قمر بجد الفستان تحفة عليكي 

* في سويت بدر 

كان واقف قدام المرايا وبيقفل قميصه 

كينان بتصفيرة : عليا الطلاق ..

قاطعه بدر وقال : زعييم ، عرفت والله 

كينان بإبتسامة : ليه يا باشا ملبستش بيبيون أو كرافات 

بدر وهو بيظبط شعره بإيده : مبحبش الحجات دي بتخنقني ، سيا خلصت ولا لسه ؟ 

كينان بسعادة : أه يا زعيم بس مشوفتهاش ، سونيا اللي قالت 

بدر بذكاء : العربية جاهزة ؟ مش عربية الزفة العربية التانية 

كينان بإبتسامة : جاهزة يا زعيم ، بيعجبني تفكيرك 

بدر خلص وبيلف لقى كينان مادد إيده بحاجة 

بدر بيبص لإيد كينان وبيقول : مش همسك البتاع دا أنا 

كينان وهو بيبص على بوكيه الورد : لازم يا زعيم عشان تديه للعروسة 

بدر بغضب : قولت مش همسكه يعني مش همسكه ، إنت شايفني عيل مسقط البنطلون عشان أمشي ببوكيه ورد !

 *after 5 minutes 

بدر ماشي وماسك بوكيه الورد في إيده وهو بيقول : هديهولها أول ما اشوفها ، مش هنزل بيه قدام الناس وهيبتي تروح 

كينان بضحكة : طبعاً يا زعيم 

وقف بدر قدام السويت بتاع سيا وخبط على الباب 

سونيا بصوت عالي : إدخلل

فتح بدر الباب وهو ماسك بوكيه الورد ودخل الاوضه 

شاف فستان ديله طويل أبيض وفيه ورود بيضا ، رفع نظره لحد ما وصل لظهر سيا 

قال بنبرة مرتجفة : سيا !

لفت هي وبصتله وهي بتضحك بسعادة ، تنح هو فيها ف عضت شفتها بخجل وهي بتبصله وبتقول : حلو شكلي يا بدر ؟ 

بدر وهو بيتفحصها قال من غير وعي : أوي

وطت هي راسها وكان الكسوف جايب أخره معاها 

رمى بدر بوكيه الورد لكينان ف لقطه كينان وهو مستغرب 

قربلها بدر ومسك راسها وباس راسها وبعدين تنى دراعه وقالها : يلا ننزل 

حطت سيا إيديها في إيد بدر وقالت : بس إمسكني جامد عشان موقعش منك في نص السكة 

نزلوا على السلم الطويل بتاع الفندق والمعازيم قاعدين تحت

قاموا وقفوا أول ما شافوهم 

على أغنية طلي بالأبيض 

سيا بتاخد نفسها بالعافية وعمالة تبص على بدر بصدمة من إن فعلاً إنهاردة فرحهم 

الكاميرات بدأت تصورهم لحد ما إشتغلت أغنية تيتانيك ل سيلين ديون 

إنطفت الأنوار وبدأوا يرقصوا عليها بالراحة 

سيا بهزار في نص الرقصة : بدر بدر المخدة بتتزحلق من بطني هنتفضح 

بدر بضحكة : بجد والله ؟ 

حضنته وهي بترقص معاه وبتفتكر لقائهم الأول 

( دا أنا هوديك في داهية على خبط دماغي في العربية دا 

بدر ببرود : هتفضلي مشرفانا هنا لحد ما نشوف مين زاقك علينا وإيه حكايتك ، مفيش بوق مياه يتحطلهم ولا حتى أكل

سيا بغضب : مشاكل عائلية إيه دا إنت رميتها من العربية يا مجنون يا أبن الجزمة ) 

إفتكرت سيا وهما بيرقصوا ف ضحكت  

بدر بإستغراب : بتضحكي على إيه ؟ 

سيا بضحكة : مش مصدقة والله إن دا فرحنا ، تعارفنا مكانش قد كدا 

بدر بيبص حواليه ف سيا لاحظت دا وقالت : بتبص على إيه ؟ هو في حاجة 

بدر بإبتسامة : متخافيش طول ما أنا معاكي

* على ترابيزة توفيق 

نصار بغضب : مش حابب شغل بدر وكينان دول معانا 

توفيق أحرجه وقال : مش مهم إنت تحب خالص ، المهم أنا شايف إيه الصالح وبعمله 

* على ترابيزة السراج 

ليديا بتعب : ممم ، الكافيار هيخلص عليا 

سراج : مش قادرة تستني البوفيه  ؟ مش فاهم دايت إيه دا اللي بتاكلي فيه أكتر من العادي 

ليديا بروقان : بيكون في يوم فري على فكرة ، بس أقولك حاجة يا سراج أنا مش متفائلة 

جه المأذون وكتب كتابهم اخيرا ، إشتغلت الأغاني من تاني والنور أتطفى على القاعة كلها 

المعازيم بدأوا يعملوا صوت ويتكلموا مستغربين 

الأنوار رجعت تاني فجأة العريس والعروسة إختفوا ! وكذلك كينان وسونيا 

* الجراج الخلفي للفندق 

بدر بيجري وهو ساحب إيد سيا اللي بتجري وفستانها الكبير طاير وراها 

سيا بتعب : في إييييه يا بدر بنجري ليه وسيبنا الفرح

بدر وهو لسه بيجري وبيشدها معاه : هفهمك بعدين 

سيا بتعب : تفهمني إيه طب أنا مش عارفة أجري من الكعب 

وقف بدر وراح موطي وشايلها هي وفستانها راحت مصوته ، جري بيها في الجراج ووراه كينان وهو ساحب سونيا معاه

سونيا بضيق : ما توقف وتفهمني بنجري ليه كلنا ؟؟ أنت عملت إيه إنت وبدر 

كينان بينهج : إجري بس معايا وهفهمك بعدين 

وصلوا للعربيتين ، ركب كينان وسونيا واحدة 

وبدر فتح باب العربية ل سيا وركبها وركب وساق بسرعة 

سيا طرحتها بتطير من الهوا ف قالت لبدر : إمشي بالراحة طيب ! ممكن افهم في إيه وإزاي أنا ك عروسة أجري بفستان فرحي بالمنظر دا ! 

بدر بيبص في المرايا الخلفية : بعدين يا سيااا هفهمك بعدين المهم معاكي قسيمة الجواز والفرح إتعمل 

سيا بصويت : يعنييي إيه هنروح فييييين دلوقتي طيب 

بدر 

بعصبية : ممكن تهدي !!!

سيا بعياط : هربانين من إيه !

* في عربية كينان 

سونيا بغضب : طب خدتني معاك ليه ؟ 

كينان سكت شوية بعدين قال : عشان بحبك 

* في عربية بدر

بدر : قدري بقى هو قدرك ، رسمياً متجوزين ، لما نوصل هفهمك اللي حصل دا حصل ليه 

يتبعع ...

تكملة الرواية من هناااااااااااا