رواية المبروكه الفصل 21-22-23-24-25بقلم رشا منصور جميع الفصول كامله وحصريه مدونة قصر الروايات
رواية المبروكه الفصل 21-22-23-24-25بقلم رشا منصور جميع الفصول كامله وحصريه مدونة قصر الروايات
#الجزءالحادي_والعشرون
#المبروكة
سمعت همسه في ودنى قالي محدش هيشوفني ولا هيحس بيا بس مقدرش اسيبك لوحدك
ومسك أيدي 😘 وقالي حاولى تنامى وترتاحي أنا جنبك مش هسيبك
ياااااه أد ايه كان نفسي أسمع الكلمه دى من سعيد لكن ببساطه سابني لوحدى مفرقش معاه تعبي ولا حملي
صحيح الحب جميل لكن الأجمل الإهتمام
ونمت وكل شويه اصحي وأسأل سعيد فين يقولولى محدش جالك يا فندم
خوفت يكون في حاجه تانيه حصلت طلبت من شرحام يوريني اللى بيحصل
شوفت عمي مع أبو سمر بيواسي فيه وسعيد واقف بعيد عنهم مع أمه ايه ده دول في القسم يبقي علشان كده سعيد مجاش ليا وابتديت اسمع الآتي
سعيد.....
أنا مخنوق أوى حاسس بالذنب يعني لو كنت اتجوزت سمر مكنش زمانها حصلها كدا وكان ممكن بعد كدا اتجوز نهي ان شاء الله حتى في السر
مرات عمي....
أنت اتهبلت ولا جري لعقلك حاجه الجواز ده نصيب وكمان كفايه أن بنت عمك وشها حلو عليك شوف كنت ايه وعايش فين وشوف نفسك دلوقتي راكب عربيه شكلها ايه وعايش في شقه مكنتش تحلم بها
هوصحيح أنا اللى كنت عاوزة اتجوزك سمر لكن عمري ما كنت اتخيل أن أختى بالحقد والغل ده كله
اذا كانت هي دمر'ت حياة بنتها يبقي الله واعلم كانت هتعمل معاك أنت إيه
واحد غيرك كان زمانه يحمد ربنا دلوقتي انه نجاك منها
استعذ من الشيطان يابني وسيبك من الأفكار دى
إلا صحيح هى نهي فين أنا آخر مرة شوفتها واقفه مع الضابط وأنا روحت عند أختي العنايه المركزه هى روحت
سعيد....
لا دى داخت وراحت الطوارئ وعلقوا لها محاليل اصلها طلعت حامل في الشهر الأول
مرات عمي....
ايه يا ألف نهار أبيض وازاى متقوليش حاجه زى دى وسيبتها لوحدها هناك ما كنت فضلت معاها ولا حتى وصلتها البيت واطمنت عليها أخص عليك يا سعيد
سعيد.....
يووووه بقي أنا كنت أعمل إيه ده أنا أول ما روحت بسأل ع إجراءات دفن سمر لقيت الضابط بيقولى تعالوا ع القسم علشان نكمل التحقيق
مرات عمي.....
دى جر'يمة قtل واستحاله تدفن كدا ع طول وأنت عارف كدا كويس أومال محامي إزاى
يبقي كان من الأولى كنت تقعد جنب مراتك أم إبنك دى ملهاش حد غيرنا يابني متخليش الشيطان يلعب في دماغك
نهي.....
شاورت ل شرحام أنا خلاص مش عاوزة اشوف ولا اسمع أى حاجة بقي أنت يا سعيد ندمان انك مجوزتش سمر لا وكمان كنت هتجوزنى أنا في السر 😏
اة ما أنا ماليش أم ولا أب سهل أوى تبيع وتشتري فيا اخص عليك يا سعيد
يا ريتني كنت عرفتك أنك معيوب ومبتخلفش يمكن كنت حسيت بنعمه وجودى معاك
لولا أنى مش عاوزة اخد قرار أندم عليه كنت زمانك محصل سمر دلوقتي ولا نايم جنب خالتك
ووصيت القرين يتابع كل حاجه ولما يقرب من المستشفى يقولى وفضلت أكتر من خمس ساعات وفي الآخر لقيت القرين بيقولى أنهم خرجوا ومروحين ع البيت
إيه ده يعني ايه نسيوني طب لو هو نسي مراته مفكرش حتى في أبني يااااه يا سعيد للدرجة دى ماشي
والله لأدفعك التمن غالي وأربيك من أول وجديد بس لما افوق لك أما ندمتك مبقاش أنا نهي
طلبت من صرماط يوصلني البيت لكن بعد ما يوصلوا هما بربع ساعة ويخلي حد من عشيرته يعمل دور ممرضه
وأول ما وصلت البيت دخلت وأنا مسنودة ع الممرضة
وأول ما شوفتهم قولت ل سعيد يعني أنت سايبني في المستشفى كل ده وقاعد هنا ده أنا صعبت ع الممرضة جت توصلني
الممرضه.....
وبعدين يا مدام نهي أى انفعال غلط ع صحتك أنتي و الجنين لو سمحتوا يا جماعه الدكتور منبه بلاش أى انفعالات نهائي هى لسه في أول الحمل وضعيفه جدا
مرات عمي.....
كتر خيرك يابنتي أنك جيتي معاها إحنا كنا في دوامة انهاردة ولسه واصلين
وقولنا أكيد لما اتأخرنا عليكي أنك روحتى البيت حقك عليا يابنتي حمدالله على سلامتك وألف مبروك يا حبيبتي تعالى لما اوصلك لاوضتك
نهي....
كنت واقفه وباصه ل سعيد ومنطقتش ب ولا كلمه بصيت ل مرات عمي قولت لها خليكي مرتاحه الممرضه هتوصلني وهتبات معايا
ومش عاوزة حد يدخل عندى الاوضه نهائي
مرات عمي....
اطلعي يابنتي ربنا يكملك ع خير أنا هجهز الأكل واطلعلك
نهي....
طلعت وخليت القرين يعرفني باللي بيحصل ولقيت عمي بيقول ل سعيد كدا يابني ع آخر الزمن تصغرني
أنت خليتني في نص هدومى لو كنت واحد غريب كان زمانى ماسك في خناقك دلوقتي علشان سيبت مراتك لوحدها في الحاله دى لكن أنت أبني ولا علشان نهي ملهاش اب يبقي أنا هسكتلك لأ فوق لنفسك
نهي بنت أخويا أمانه في رقبتي واتحاسب عليها ولو متعدلتش يا سعيد أنا اللى هوقفلك وإياك تدخل اوضة نهي شوفلك أى اوضة نام فيها فاهم
قولت في بالي كتر خيرك يا عمي وطلبت من شرحام أى حد يقرب من اوضتي يبلغني بسرعه
وفجأة لقيت الممرضه اتحولت ل صرماط قولت له ايه ده أنا فاكرة أنك جيبت حد من عشيرتك يمثل الدور
صرماط....
انتي متخيلة أني كنت هجيب حد ممكن يلمس ايدك
مافيش الكلام ده عندى أنتى مراتي أم أبني
نهي.... وده اسمه ايه بقي
صرماط.... أسمه حب غيره جنون
أسمه أنك زوجة الأمير صرماط يعني أنتي أصبحتي أميرة العشيرة وأم ل ولي العهد أول هجين فيها
اللى هيملك قوي الجن مع قوي الإنس
أبني الأمير عزازيل اللى هتكون قوته ع الأرض نفس قوته في عالم الجن
نهي.....
ع أد ما كنت فرحانه بكلامه ع أد ما خوفت منه حسيت أن أبني ممكن يكون جبروت أنا منكرش أنى عوزاه قوي وزكى وشجاع إيه ده هو قال اسمه عزازيل
صرماط أنت اخترت إسم مينفعشي يكون في عالمنا أنت عاوز الناس تشك فيه وكمان ايه الإسم ده
ما تختار إسم سهل وحلو كدا
صرماط.....
عزازيل هو إسم الأمير الخالد إبليس
#رشامنصور
#الجزءالثاني_والعشرون
#المبروكة
صرماط.....
عزازيل هو إسم الأمير الخالد إبليس وسوف أطلق ع ابننا هذا الإسم تمجيدآ لصاحبه حتى يمنحه رضاه وقوته
نهي....
خوفي زاد لكن فكرت في مستقبل أبني ولقيت أن ده أفضل حاجه كل أم بتتمني لابنها تشوفه أحسن واحد وأنا أبني هيكون أحسن من كل البشر
أومال ده إبن المبروكة هاهاهاهاها
شرحام..... مرات عمك جايه ومعاها صنيه أكل
نهي ....
تمام انصرف أنت ويلا يا صرماط أرجع ل شكل الممرضة
وقولت في عقلي عاوزة يبان عليا أثر البكاء
مرات عمي.....
خبطت ع الباب ودخلت بعد ما الممرضة فتحت ليا قولت لها أنا رشا منصورجيبت لكم الأكل اتعشوا مع بعض وخلي بالك منها دى بركة البيت وببص لقيت نهي عنيها مليانه دموع روحت وخدتها في حضني وفضلت تعيط جامد وتقولى شوفتي إبنك مهنش عليه يقولي مبروك وسابني في المستشفى أنا مش عاوزة أشوفه تاني قولي له زى ما هو مش فارق معاه الحمل يبقي مشوفش وشه لحد ما اولد
حقك عليا يابنتي بس أنتي شوفتي اللى حصل بنفسك ده كان صدمه للكل ولسه محدش فاق منها معلش يومين كدا تكون الأمور هديت وترجعوا أحسن من الأول
ده بيحبك وكان قلقان عليكي وأحنا في القسم
نهي....
بأمارة انه ندم علشان مجوزش سمر وكان هيتجوزنى في السر وفري الكلام يا مرات عمي أنا عرفت كل حاجه ولولا أنى عاوزة الطفل ده أنا كنت سقطته
انا مش عاوزة منك غير أنك تخليه بعيد عني طول فترة الحمل أنا مش عاوزة زعلي منه يأثر عليه
مرات عمي.....
حقك يابنتي ومقدرش الومك ربنا يهدي الحال بينكم ويكمل فرحتنا بالمولود يااااه مش مصدقه هيبقي ليا حفيد مع أنه كدا هيكبرني بس مش مهم
نهي....
يكبر مين بس ده اللى يشوفك بيقول أنك أختى الكبيرة محدش بيصدق أنك حماتي يا عسل أنتي
مرات عمي....
ربنا يجبر بخاطرك يلا بقي الأكل هيبرد اتعشي واكرمي الضيفة
وبصيت ل الممرضة قولت لها أى حاجة محتاجه لها اومري أنتي ضيفتنا وفى اوض كتير لو حابه تنامي لوحدك
الممرضة( صرماط)....
شكرا جدا يا فندم أنا هفضل معاها لحد الصبح وهمشي
نهي....
كنت ماسكه نفسي من الضحك ع صرماط وخرجت مرات عمي وفضلت أضحك واتحول صرماط ل شكل الشاب الوسيم اللى ظهرلي به قبل كدا ورفع ليا حاجبه وقالي اضحكي اضحكي 😂😂😂
يلا بينا ايه ده لقيته بيشيلني ولقيت نفسي في أرض واسعه وفيها ينبوع ميه وشجر وكرسي ضخم وعليه زى ريش نعام ومرصع بالجواهر شكله حلو اوي قولت له أنا فين
صرماط.....
اعتقد المكان هنا مريح لاعصابك إكتر اتفضلي اقعدي ع العر'ش يا أم ولي العهد عزازيل الأعظم
نهي.....
قعدت ع الكرسي مريح جدا والفاكهه حواليا وكل ما ابص ع حاجه احس طعمها في بوقي ياااه مافيش أحلي من عالم الجن ع أد ما كانت أفضل حاجه عملتها في حياتي أنى اتعلمت السحر بس اعتقد أن أفضل قرار اخدته أن يكون ليا إبن من الجن
وغمضت وبتخيل شكل ابني بيكبر قدامي ومرة واحدة حسيت بحركه في بطني ولقيت صرماط بيبتسم
قولت له ايه اللى حصل
صرماط....
إبنك بيحبك وده غير أنه بيقرأ أفكارك خلي بالك كل يوم قدراته بتزيد
نهي.....
كنت مبسوطه أوى وقولت وانا بلمس بطني ماما بتحبك وتخليك أقوي من أبوك نفسه 😂
وخليته رجعني اوضتي وبقي صرماط جنبي باستمرار ومرت الأيام وأسابيع وفات تلات شهور اتحكم ع محمود جوز سمر بالسجن عشر سنوات مع الشغل لأنه مكنش قtل عمد و خالة سعيد خرجت من المستشفى وقولت ل مرات عمي هاتيها البيت عندنا هى خلاص مبقاش لها حد غيرنا وهجيب لها جليسة تفضل معاها اصل الجلطه سابت أثر شلل وصعوبه في الكلام
وجه يوم الولادة كنت خايفه أوى مش من الولادة نفسها ع أد ما خايفه ع أبني حد يكشفه ويعمل له حاجه ومكنتش قادرة انطق ومرات عمي وعمي وسعيد معايا
بصيت ل صرماط وقولت في بالي خلي بالك من أبني خلي شكله طبيعي واوعى تبعد عني أنا خايفه بصلي وهز رأسه وحط ايده ع بطني وابتديت أحس بحركه وهمس ليا وقالي اصرخي بأعلي صوت وعملت كدا ولقيت الجنين نزل وأنا ع الكرسي ومرات عمي زغرطت وقالت الله أكبر مبروكة يا ناس
وبدل ما أدخل العمليات دخلت غرفه وشوفت أبني قمر ومغمض عيونه شيلته وقولت في بالي نورت دنيتي
سمعت صوت بيقول أنتي عالمي يا مولاتي
فضلت بصه له وبصيت ل صرماط اللى كان مبتسم
ومرات عمي قالت نسميه سيف ولا فارس
قولت لها لأ أنا حلمت أن أسمه عزيز وهدلعه ب زيزو
مرات عمي.....
حلو عزيز وهو فعلاً هيبقي عزيز وغالي علينا كلنا ولما حاول سعيد يشيله فضل يصرخ ويعيط
اول ما اخدته منه سكت ونام استغربت وبصيت ل نهي قالتلي
نهي....
متستغربيش يا مرات عمي الطفل من وهو جنين بيحس وبيسمع صوت اللى حواليه وانتى عمي اللى كنتم مهتمين بيا علشان كده حس بالأمان معاكي
سعيد...
بعد كلام نهي خرجت من الغرفه ووقعدت في استراحه المستشفى بصراحه عندها حق أنا غلطت في حقها بدل ما افرح بالحمل واهتم بها اهملتها . مافيش مرة روحت معاها للدكتور ولا حتى سألت عنها سيبت نفسي للشغل
ورغم كل اللى عملته فيها خالتي إلا أنها اكرمتها
اد ايه هى انسانه جميله بس مش عارف اعوضها إزاى عن كل اللى حصل مني بس لقيتها
وخرجت من المستشفى وبعد ساعه كنت راجع ودخلت ع نهي ومعايا بوكيه ورد كبير وسلسلة دهب مكتوب عليها اسم" نهي"
وقولت لها حمدالله على السلامه يا أم عزيز
نهي....
كان لازم قدام عمى ومراته إبان إني مبسوطه وأنى خلاص سامحته لكن أنا عمري ما هنسي أنه ندم على عدم جوازه من سمر
وبصيت له قولتله الولد كله شبهك مكنتش اعرف إني بحبك أوى كدا 😍
مرات عمي....
ياختى الواد قمر طالع لكم انتوا الاتنين ربنا يبارك فيه
عمي.....
بصي يا نهي من أولها كدا إحنا هنسيبه لكي تفرحي به شويه لكن بعد كدا تسبيه ليا أنا ومرات عمك إحنا مش هنعمل حاجه غير أننا هنقعد به وندلعه ونلعب معاه
انما انتوا خلاص زهقنا منكم راحت عليكوا 😂😂😂
نهي....
كنت مبسوطه بكلامهم اللى خارج من القلب وبصيت ل عزيز وقولت في بالي
#رشامنصور
#الجزءالثالث_والعشرون
#المبروكة
كنت مبسوطه بكلامهم اللى خارج من القلب وبصيت ل عزيز وقولت في بالي جدك وجدتك دول احن الناس عليك بعد مني خليك كويس معاهم
عزيز..... أمرك يا مولاتي
نهي....
متستغربوش أنى مجبتش سيرة سعيد لانه ببساطه مش أبوه ده غير أنى لسه مقررتش أنا هعمل معاه إيه
وتاني يوم خرجت من المستشفى وبمجرد ما دخلت اوضتي ولسه بغير هدومى ببص ملقتش عزيز
يا مصيبتي الواد راح فين ياااا صرماط الحقني
صرماط.....
حضرت في الحال وقولت لها الولد بخير وشاورت لها تبص فوق لقت عزازيل نايم على ريشه المروحه وبيلف معاها 👀 معرفش استغربت ليه ده طفل وبيلعب
نهي.... فضلت متنحه للمروحه اللى شغاله وابني بيلف معاها وبيضحك هو أنا عارفة أنه خلفه شياطين لكن أول مرة اكتشف أنى هربي قرد 🤔🐒
ومرت الايام وكان عزيز بيتصرف زى أى طفل طبيعي بيعيط وبينام لكن مجرد ما اكون أنا وهو لوحدنا الجنان يشتغل كان شقي جدا ولحظت أنه زكى وبيفهم كل حاجه بسرعه ع الرغم أن عمره ميكملش شهر
وبردو كنت مانعه سعيد يدخل الاوضة خالص
وابتديت أعلم عزيز واعرفه كل حاجه سواء عن حياتي أو عن سعيد أو عن الحياة في عالم البشر عموماً والرياضة والتعليم حتى السحر عرفته حاجات عنه وكان بيستوعب كل ده بسهوله وبعد سنه بدء يروح مع صرماط يعرفه ع عشيرته واللى هتبقي مملكته ما هو ولي العهد
ورغم صغر سنه إلا أنه كان بيتصرف بحكمه ودهاء وده اللى خلي صرماط فخور به وسط الممالك الأخري
وطول الفترة دى حاولت أن خالة سعيد متشوفش أبني
بصراحه خوفت عليه منها ع الرغم من حالتها إلا أن قلبها مليان حقد وغل وفي يوم عزيز كان مع مرات عمي وبيلعب معاها بالكورة
وجريت الكورة ودخلت اوضة خالة سعيد
وفضل عزيز واقف باصص لها وقدر يقرأ أفكارها وخرج وراح كمل لعب مع جدته
وأول ما نزلت من اوضتي بصيت له كان كلامنا كله عن طريق العقل محدش كان يقدر يسمعنا
قالي الست اللى جوه دى جواها سواد كبير ممكن نستغله ونخلص منها من غير ما نلمسها
بصيت له وأنا مبسوطه وقولت له كبرت يا حبيبي وبقيت بتخطط لأ خليها في حالها خلاص مبقاش في منها اذي خليها تقضي أيامها وتموت لوحدها
عزيز......
ع الرغم من قدراتي العالية إلا أنى تعلمت أن اطيع أمي أميرة عشرتنا وانفذ رغباتها هكذا علمني أبي الأمير صرماط
سعيد.....
دخلت البيت ولقيت عزيز بيلعب مع أمي ونهي واقفه بتبص عليهم قولت له حبيب بابا شوف جايبلك إيه
جري عليا نتش الشيكولاته ورجع ل جدته علشان تفتحها له ما شاء الله زكى طالع ل أبوك يا واد
نهي....
ضحكت ع كلمه سعيد معزور وقولت للشغاله تحضر الغداء أنا بقيت مشغوله مع عزيز وحماتي مشغوله مع أختها ومع ابني بردو كان لازم اجيب حد يشوف طلباتنا وقررت ألغي الإجازة وارجع الشغل تاني
بيني وبينكم وحشني السحر والأعمال أوى واهو بالمره اعلم ابني عملي ويجرب يعمل بنفسه
أومال ما الأم مدرسه وده ولي العهد لازم يتعلم كل حاجه
مش بس كدا أنا قررت أعمل زى المثل الأعلى بتاعي أحمد زكى لما فتح مكتب وبقي مشهور
هو أنا صحيح بقي عندي المال بس الشهرة حاجه تانيه
بس أنفذ كل اللى فى دماغي إزاى
ممممممم بسيطه تسلم دماغك يا مبروكه
تاني يوم روحت المدرسة وطلبت من المدير أنه يلغي الإجازة وينزلي جدول الحصص بس ياريت تكون الحصص الأولى علشان مش عاوزة أتأخر ع أبني
وطبعاً وافق ما أنا جمايلي ياما عليه ده غير أنى خدت له هديه أنتيك حلاوة رجوعي للعمل
وروحت البيت وبلغتهم وحماتي قالت ليا ولا يهمك روحى شغلك وعزيز اشيله في عنيا
وتانى يوم بعد ما خلصت شغل روحت اتمشي عند الكورنيش جنب ماسبيرو والجن قالي ع مخرج كان واقف جنب عربيته ومعاه معد برنامج رياضي
روحت له وقولته اوعي تركب عربيتك الفرامل بايظه وهتعمل حادثه
المخرج....
بتقولى ايه ياست يا خرفانه أنتي امشي بعيد
نهي.....
مش أنت خالد بن صباح اللى ساكن في المهندسين ومتخانق مع خطيبتك ع العموم لو مش مصدقني خلي الميكانيكي يكشف ع العربية
وده رقم تليفوني علشان لما تتأكد تبقي تتصل وتشكرني
وبالمره لو حبيت تعرف أى حاجة أنا في الخدمه سلام وأمرت الجن يخلونى اختفي من قدامه 😂😂😂
المخرج.....
الست راحت فين يا أسامة الست اللى كانت بتكلمني دلوقتي راحت فين
أسامة معد البرنامج.... ست مين أنا مشوفتش ستات
المخرج....
أهو الورقة اللى فيها رقمها في ايدي أنا مش مجنون
أسامة..... عادى ضغط الشغل بيعمل أكتر من كدا
المخرج.... طب استني الووووو
عم محمد تعالي شوفلي العربية بسرعه عاوز أطمن ع الفرامل علشان مسافر بالليل
وبعد ساعه وصل عم محمد وبعد ما فحص العربية قالي
ده ربنا نجاك ده مجرد ما كنت هتركب العربية مكنتش هتكمل كيلو وتتقلب بك ولا تدخل في عمود لقدر الله...
ربنا بيحبك يابيه أدعى للي شار عليك تكشف ع العربية
ع العموم سبهالي وأنا هسحبها للورشه واظبطهالك
نهي.....
طبعاً قرين عم محمد اللي كان بيكلم 😂😂😂
المخرج....
أنا هتصل ع الرقم اللى فى الورقة وأول ما رن سمعت صوت واحدة بتقولى اتأكدت من كلامي يا خالد بيه
ع العموم عم محمد ميكانيكي شاطر وهيظبطها لك
أنتي مين وعرفتي إزاى عاوز افهم
#رشامنصور
#الجزءالرابع_والعشرون
#المبروكة
أنتي مين وعرفتي إزاى عاوز افهم
نهي....
أنا المبروكة ولو متعرفنيش أنا اللى اتكرمت من سنتين من وزارة السياحة بسبب اكتشافي لمقبرة فرعونيه واتصورت مع المحافظ ومعايا شهادة تقدير ده غير أنى اقدر أدخل أى مكان سياحي ببلاش
يعني أنا ولا دجاله ولا نصابه زى ما جه في دماغك ولولا أنى لقيت حياتك في خطر مكنتش كلمتك ولا اديتك رقمي
المخرج ....
أنا رشا منصور عاوز أشوفك ضر'وري انتي جيتيلي من السماء
نهي.... ممكن بكره بعد الشغل ع الساعه 12 الظهر بس مش هقدر أتأخر لأن عندى ابني لسه طفل رضيع
المخرج....
تمام مش هاخد من وقتك غير نص ساعه بس
نهي....
قفلت معاه وخليت قرينه يلعب في دماغه وتاني يوم كان استوي ع الآخر
المخرج....
اهلا وسهلا مدام نهي اتشرفت بمعرفتك وكنت بفكر نعمل برنامج مع بعض فكرته جديده خالص
نهي....
معنديش مانع مدام حاجه ممكن تفيد الناس أنا دايما بسعي في الخير
المخرج...
اتفقنا على بركة الله هتفق مع المنتج واظبط كل حاجه وابلغك بالتليفون
نهي....
مشيت وروحت ع البيت بعد ما أتأكدت أن أول خطوة تمت زى ما مخططه لها وأول ما وصلت بلغت مرات عمي وعمى وفرحوا أوى وقالولى يااااه هنشوفك في التليفزيون وتبقي مشهورة
سعيد....
انتى إزاى تاخدى قرار زى ده من غير ما تقولولى
ايه هو أنا خلاص مبقاش ليا لازمه في حياتك
نهي...
بالظبط كدا أنت ملكش أى لازمة أنت واحد ربنا كرمك وبدل ما تحمد ربنا روحت تخونى وبتصرف من فلوسي ع السكرتيرة بتاعتك وتركبها العربية اللى أنا جيبهالك
وحتى الغداء بقيت اوقات كتير تتغدى معاها بره وفاكر لما طلبت منى فلوس علشان هتغير كويش العربيه
عملت ايه بهم روحت جبت لها اسورة
سعيد.....
كدب م م مافيش أى حاجة من دى حصلت أنا بكون مشغول في الشغل
وحتى عندى قضيه وهسافر اسبوعين ع الأقل أنا مش فاضي لكلامك ده
عمي..... نهي متأكدة من كلامك ده
نهي..... شاورت لهم ع التليفزيون وظهرت سارة السكرتيرة وهى بتقوله حبيبي أنا مبسوطه أننا هنقضي شهر العسل في الاسكندريه
عارف يا سعيد نفسي ابني يطلع شبهك ناجح وزكى زيك كدا ساعتها مش هتنازل عن عربيه هديه المولود
رد عليها سعيد لولا اللى فى بطنك كان زمانا سافرنا أروبا بس اخاف عليكي من الطيران
قفلت التلفزيون وقولت له خايف ع اللى فى بطنها اللى هو أصلا مش إبنك أنت يا استاذ خلاص مش هينفع تخلف تانى ولو مش مصدقني روح اكشف أنا سكت وكتمت جوايا علشان متزعلش لكن كنت غلطانه
اتفضل شوف
واتفتح التليفزيون وظهرت سارة مع عاشقها وهى بتقوله مش عارفه اعمل ايه في الحمل
رد عليها وقالها سقطي نفسك ولا دبسي صاحب الشغل فيه مش بتقولى أنه بيحبك العبي عليه واطلعي منه بقرشين
روح يلا هات لها عربيه بفلوسي زى ما أنت مسافر بفلوسي
أنت من اللحظه دى ملكش دعوه بيا ولا بأبني
ابني اللى خلفته بدعائي وبركه ربنا ليا
وسيبته وأنا ببكي وطلعت اوضتي وخليت القرناء يبلغونى باللي بيحصل .....
شوفتوني وأنا مظلومة 😂😂😂🤫 هس أحسن حد يسمع 😂
عمي....
قام وقف وقاله عاوز تعمل راجل يبقي بفلوسك مش بفلوس مرات بقي خونتها وعاوز تجوز عليها
هو ده جزاء اللى عملته معاك هو لو كنت فضلت في الحاله والوظيفة بتاعتك كان في واحدة عبرتك ولا كنت أنت أصلا هتفكر تجوز وانت مرتبك مش مكفي مصاريف بيتك
سعيد....
بابا لو سمحت قبل ما تظلمني اسألها هى بعيد عني طول الوقت
عمي...
بأمارة ما سيبتها في المستشفى متعلق لها محاليل وحامل وروحت ولا بأمارة إبنك اللى متعرفش عنه حاجه ده أنا لما تعبت الاسبوع اللى فات جابت ليا الدكتور وخلت الممرض يجيلي كل يوم يديني الحقن في الميعاد في الوقت اللى انت مفكرتش تسأل فيه عن أبوك
قبل ما تدور ع حقوقك تبقي شوف واجباتك الأول
ومن دلوقتى اطلع بره
وتسيب مفاتيح العربيه وروح للسكرتيرة بتاعتك عيش معاها أنت مصونتش النعمة اللى ربنا ادهالك
آن الأوان تتحرم منها غور من وشي ومش هتاخد حتى هدومك لأن ببساطه مراتك اللى دفعه تمنها غور
سعيد.....
خرجت من البيت وأنا هتجنن في دماغي حاجه واحده بس أنا خسرت مراتي وابني وبيتي علشان واحدة قذ'رة حقير'ة لكن الغلط عليا أنا
بابا كان عنده حق كل حاجه بفلوس نهي حتى مرتبي كنت بدفعه في الكافيهات ولا بنزين العربيه
كنت بتباها بين الناس ب ماركات الساعات والبدل والنظارات وهى كلها من فلوس نهي
حتى ابني عمري ما جبت له لعبه ولا قعدت معاه
وفضلت ماشي في الشارع مش عارف اروح فين رجعت المكتب ابات فيه مع أنى ماليش حق أنى ادخله بعد اللى حصل وتانى يوم سارة جت تقولى ايه ده ايه اللى نيمك هنا للدرجة مراتك نكديه يا ساتر
مسكتها وفضلت اضر'ب فيها واقولها مراتي دى أشرف منك كفايه أنها مش عاوزة تلزق فيا عيل مش من صلبي روحى شوفي اللى ضحك عليكي
ومن اللحظه دى انتي مطرودة ومسكتها ورمتها ع السلم وقفلت الباب
بعد تلات ساعات لقيت البوليس جاي ومعاه أمر بالقبض
عليا توقعت أن نهي رفعت قضيه طرد ولا طلاق
روحت القسم وعرفت الكارثة
سارة من كتر الضر'ب ورمتها ع السلم وقعت خدت السلم كله ورأسها اتبخطت وجالها نزيف والجنين سقط ولما الناس ودوها المستشفى قالت إن أنا كنت عاوز اقtلها
لأنى عشمتها بالجواز وأول ما حصل الحمل ضر'بتها وزقتها ع السلم علشان تسقط وتموت
سعيد.....
التهمه لبساني وهي فعلاً حامل وباين عليها آثار الضر'ب
كل ده ذنبك يا نهي أنا روحت في داهيه خلاص وأقل حاجه فيها تلات سنين واكيد هترفد من الجامعه ونقابه المحامين
كل ده علشان ظلمت نهي ومقدرتش النعمه اللي كنت عايش فيها
نهي..... استوب 🤚 لحد هنا وتعالوا افهمكم
#رشامنصور
#الجزءالخامس_والعشرون
#المبروكة
نهي..... استوب 🤚 لحد هنا وتعالوا افهمكم
هو أنا مش قولتلكم أني هربي سعيد واعلمه الأدب من أول وجديد ولا افتكرتوا بعد ما فات سنتين ع ندمه واعترفوا بالذنب علشان متجوزش سمر يبقي أنا نسيت
لأ مافيش ست بتنسي كلمة جوزها قالها وبالذات لو جاب سيرة ست غيرها
أنا رشا منصوراللى عملت كل ده سلطت قرينه أن مفيهاش حاجه لما يعاكس السكرتيرة أو يخرج معاها مش بس كدا ده أنا خليتها حلوة في عينه لدرجه انه مكنش شايف غيرها اتهوس بها
ومكنتش محتاجه ألعب في دماغها هى ما صدقت لقت واحد معاه فلوس تلعب عليه واوهمته أنه عمل علاقه معاها لكن الحقيقة هو عمره ما لمسها وهى استغلت ده علشان تطلع منه بأي مصلحه تقلبه في قرشين
وأنا اللى طلعت في دماغه انه يتجوزها علشان يصلح غلطته وأنا اللى خليته ضر'بها اقولكم على الكبيرة بقي
أنا اللى خليت الجن خدوا سارة وراحت المستشفى وكتبوا كمان في التقرير أنه شروع في قت.ل
ودلوقتي بقي جه الوقت اللى لازم سعيد يندم فيه ويتمني أنه يرجع ليا
جرس التليفون رن والشغاله ردت وجريت ع عمي
الحق يا بيه سعيد بيه بيتصل من القسم ومقبوض عليه
عمي....
ايه قسم ايه واتقبض عليه ليه يا نهي الحقني يابنتي
مرات عمي....
في ايه بتزعق ليه نهي نزلت من بدري راحت شغلها
عمي...
سعيد مقبوض عليه في القسم ومش عارف ليه لازم اتصل ب نهي أكيد هى هتعرف في ايه وتفهمني
نهي....
قفلت موبايلي بصراحه كنت عاوزة عمي يروح القسم ويعرف الورطه اللى سعيد فيها ويسمعه كلمتين يحر'ق د-مه وفضلت لحد ما خلصت شغل وجبت طلبات للبيت وملابس ل عزيز بصراحه كنت بضيع وقت
وبعدين روحت لقيت مرات عمي منها'رة من العياط
جريت عليها مالك في ايه عزيز جرى له حاجه ابني فين
مرات عمي...
لا يابنتي عزيز نايم لكن سعيد يا نهي جوزك مقبوض عليه وعمك فضل يتصل عليكي وتليفونك مقفول
نهي....
ايوة صح أنا قفلته وقت الحصه ونسيت خالص افتحه استني
فتحت الموبيل وأنا ملهوفه طبعاً أومال مش أبو ابني 😂
واتصلت على عمي
الوووو ايه يا عمي اللى حصل سعيد مالوا
عمي.... تعالي يا نهي بسرعه أنا مش قادر افكر ومش عارف اتصرف إزاى سعيد مقبوض عليه ومش فاهم أى حاجة يابنتي
نهي.... انا جايه حالا يا عمي أكيد في حاجه غلط متقلقش
مرات عمي.....خديني معاكي يا نهي أشوف أبني
نهي.....
اطمني يا مرات عمي مهما حصل بيني وبين سعيد هو بردو أبو أبني وعمرى ما اسيبه أنا بنت أصول
روحت القسم وشوفت عمي وسعيد واقف والكلبشات في ايده والعسكرى جنبه بصيت عليه وسكت
وقولت ل عمي أن عرفت كل اللى حصل الهانم اللى ماشي معاها هى اللى اتهمته أنه حاول يقت.لها أدى آخرة مشي إبنك
عمي..... مقدرتش اقف بعد الكلام اللى سمعته ده حسيت الأرض بتلف بيا وقعت من طولي
نهي.....
عمي 😭😭 منك لله يا سعيد ضيعت نفسك وهضيع عمي معاك منك لله حد يا ناس يساعدنى اشيل عمي لحد العربيه وخدت عمي وطلعت ع المستشفى
وأمرت الجن زى ما خلي عمي يفقد الوعي أنه يفوق بعد إكتر من اربع ساعات في المستشفى وأن تقرير يكون إرتفاع مفاجئ في ضغط الدم وكلمت مرات عمي جابت عزيز وجت المستشفى
وعرفت من القرين أن سعيد منهار وبيتحقق معاه وأنه مقالش حاجه غير أنه ميعرفش أى حاجة عن الكلام ده وغير كدا هو اتصاب من حوالى سنه وانه بقي عقيم ومعندوش غير عزيز ابنه وبس
وده أكبر دليل أن سارة كدابه لأن مافيش سبب يخليه يقtلها وأنه اتفاجأ بالقبض عليه
كدا حلو أوي الخطه ماشيه تمام 👌
حلاوتك يا نهي لما تشغلي دماغك استاهل 😘
وبعد ما اطمنت ع عمي قولت ل مرات عمي خليكي جنب عمي وخلي عزيز معاكي وأنا هروح ل سعيد القسم أشوف له حل
خرجت من المستشفى وأنا بضحك بصراحه كنت عاوزة اتاخر علشان ابوظ اعصاب سعيد زيادة علشان يحس بالذنب بجد أومال ولا إحنا مش نشبه الست سمر 😏
روحت القسم بعد ما سعيد اتأمر بحبسه لحين وصول تقرير نهائي ب حالة المجني عليها سارة
وعمل التحاليل اللازمة ل سعيد لتأكيد من صحة كلامة
وقفت عند مكتب الضابط المسؤول وقولت للعسكري إني عاوزة اقابل حضرة الضابط عندى معلومات مهمه بخصوص القضية
الضابط.... مين حضرتك وعن أى قضيه بتتكلمي عنها
نهي.... تسمحلي أقعد الأول
أنا نهي مرات المحامي سعيد المتهم في قضية سارة
ومعايا دليل براءة سعيد اللى هو نفسه ميعرفش عنه حاجه
الضابط ....
لو قصدك ع أن سعيد جوزك مصاب وبقي عقيم ف ده مش دليل كافي وخصوصاً أن المكتب متبهدل وواضح أن تم الاعتداء بالضر'ب ع المجني عليها زى ما قالت بالظبط
نهي.... لأ دليلي مش كلام تعالي معايا وحضرتك هتعرف بنفسك الحقيقة
الضابط .... أفهم الأول وبعدين اقرر
نهي.... حكيت للضابط وقرر يمشي معايا وبلغ العسكري أنه هيحضر بعد ساعه
وفعلاً بعد ساعه ونص حصل الآتي
الضابط.... يا عسكري هات سعيد من الحجز بسرعه
سعيد.....
العسكري جه خدنى وحسيت زى ما يكون رايح الاعد'ام وأول ما دخلت اوضه الضابط لقيت نهي قدامي
سألتها عن أبويا قالت ليا في المستشفى ودلوقتي هتيجي معايا علشان تشوفه ويطمن عليك
بصيت للضابط واتفأجات به بيقولي
تعليقات
إرسال تعليق
فضلا اترك تعليق من هنا