روايةخارج قانون الحب الفصل 26-27-28-29-30-31-32الاخيربقلم روزان مصطفى كامله (جميع الفصول كامله)

 روايةخارج قانون الحب الفصل 26-27-28-29-30-31-32الاخيربقلم روزان مصطفى كامله (جميع الفصول كامله)

روايةخارج قانون الحب الفصل 26-27-28-29-30-31-32الاخيربقلم روزان مصطفى كامله (جميع الفصول كامله)

26|   البارت بعنوان ♤ جرعة سعادة ♤ 

سيا بخناق مع بدر : إنت عارف أنا مستنية اليوم دا من إمتى ؟ عارف مستنية أكون حلالك وفي حضنك بجد من أد إيه ؟ 

بدر وهو سايق : وعملتلك فرح وطالع بيكي بعيد أهو غايرين في داهية ، ممكن تسكتي دا بعد إذن روح العتاب اللي جواكي ؟ 

سيا بعياط : سيبنا الفرح ليه ؟ أنا بقى مش قادرة أستنى لما نوصل يا تفهمني حالاً يا تنزلني على جمب 

بدر بغيظ : هتنزلي في الشارع الضلمة ؟ 

سيا بعياط : والله مفرقتش ما إنت جبتني من الشارع ، ولا نسيت !

بدر بضيق : عيب الكلام دا بقى ، إسكتي شوية بدل ما نعمل حادثة 

بصت سيا للشباك بغضب وسكتت 

* في عربية كينان 

حكى ل سونيا هما هربوا ليه ف صرخت بفزع : يا نهاركم إسود !! يا نهاركم إسود بجد دا أنا مجاش في بالي كدا ؟ إزاي تعملوا حاجة زي دي وتوفيق ونصار وضعهم إيه !

كينان بغضب : نعم ياختي ؟؟ نصار ! متجبليش سيرة الواد إبن الباردة دا تاني 

سونيا بعصبية : هيمسكوا في بعض ، هيولعوا في بعض 

كينان بغضب : ما يولعوا ، إحنا معانا هدومنا وجوازات سفرنا وكله تمام 

سونيا بعياط : أنا مش معايا إلا اوراقي اللي في شنطة إيدي ، مكنتش أعرف إنك هتعمل كدا يا غبي 

كينان بغضب : يووووه أهو اللي حصل 

* في عربية بدر 

هو بغضب : إتمسي وعدي يومك ، أقولك حاجة أنا هاخد دوا الضغط عشان أعرف أكمل سواقة 

مد بدر إيده في تابلوه العربية ودور بين الشرايط ، أتلغبط بين دوا الضغط ودوا المخدر * التهييس * 

خد دوا التهييس بالغلط وشربه وكل دا وسيا باصه لشباك العربية بتعيط 

* after half hour ..

كينان بيبص بإستغراب لعربية بدر اللي قدامه : هو الزعيم بيتحرك بالعربية يمين وشمال ليه ؟ 

سونيا بإبتسامة : أكيد بيفرح سيا وبيهون عليها عشان فرحها 

* في عربية بدر 

سيا بصويت وهي مستخبية تحت الكرسي : ورحمة أمكك ، طب وحياة ابووك .. يالهوااااااي يا بدر هنموت هنموت 

بدر مكمل سواقة بسرعة وبيحرك العربية يمين وشمال وسيا مستخبية تحت بتصوت

سيا بصويت : يابن المجنونة هعملها على نفسي 

قامت بالعافية وهي بتخرج إيديها من شباك العربية بتشاور لكينان عشان ينقذها 

كينان في عربيته شاف سيا بتشاورله حسبهم بيحتفلوا راح مزمر بعربيته قال يعني بيحييهم 

سيا بتلطم : يابن الهبلااااه إنت كمااان ، إلحقوووني 

كينان بصدمة وهو سايق ورا بدر : الزعيم داخل طريق العربيات فيه هتمشي بالعكس 

سونيا بخضة : دا شكله مش فايق ، حاول توقفه 

كينان بصدمه : أوقفه إزاي انا هدخل وراه 

سونيا بصويت : يا نهار إسود دا طريق عكسي هتموتنا 

سيا في عربية بدر بتحاول تفوقه : العربياااات هتدخل فينناا إحنا ماشيين غلط ، ألحقووووني 

قرب كينان شباك عربيته من شباك عربية بدر 

بدر بصله وهو بيضحك : إحنا ماشيين عكس يابني ؟

كينان برعب : أيوة يا زعيم 

بدر بضحك : حلو دااا 

سيا بصويت : حلووو إيه يخربييتك إلحقني يا كينان 

عربيات شرطة ماشية في الأتجاه التاني جمبهم بيحاولوا يوقفوهم وبدر لا حياة لمن تنادي 

* after 2 hours - في قسم الشرطة 

الظابط بغضب : اروحكم أيه يابني إنت وهو ؟؟ إنتوا واخدين طريق عكسي وعرضتوا حياتكم وحياة غيركم للخطر 

سيا قاعده على الكرسي بفستانها وبتترعش 

كينان بهدوء : يا باشا دا عريس ، واحد إبن حرام حب يوجب معاه إداه حبوب هلوسة بدل الحبوب التانية 

الظابط بغضب : لولا إني شوفت عقد الجواز والبطايق أنا كنت سجنتكم ! ورخص العربية لو مش لزماك يا بدر قولنا نريحك منها 

بدر بتعب : أنا مشتكتش من الرخص 

الظابط : طب يا سيدي مبروك مقدما وبلاش الحبوب دي شكلك مش محتاجها أصلاً ، هسيبكم تقديراً إن دا يوم دخلتكم

سيا بعياط ورعشة : دخلتنا إيه بعد كل اللي حصلي

بدر بغضب : تؤ !

خدوا أوراقهم وخرجوا من القسم 

كينان لبدر بوشوشة : مخدش باله إن ورقنا مزور ؟ 

بدر بغضب : ما توطي صوتك !! لا مخدش باله 

كينان بهدوء : متعرضناش لمواقف زي دي تاني يا زعيم ، عدت مرة ممكن متعديش التانية 

بدر بعصبية : ما خلاص يالا ! متزيطش قولتلك خدت دوا غلط ، المهم نلحق نخرج ع الحدود قبل ما يلاقونا لأنهم زمانهم بيدوروا علينا 

* في القاعة 

سراج بغضب وهو موجه سلاحه ناحية توفيق : اللي أتعمل دا حركة غدر إحنا متفقناش إنه ياخد عربون الشحنة ويقول التسليم يكون في لبنان في شهر العسل بتاعه ويدينا التمام وبعدين يهرب بالفلوس ، الشحنة بتاعتي ترجع يا توفيق إنت أكيد متفق معاه 

نصار موجه سلاحه ناحية سراج ف توفيق قال : متفق مع مين أنا برضو مديله عربون شحنة الهيروين بتاعة الحصان الإسود ، وأخدها ومشي زيي زيك 

ليديا بغضب : أمال فين سونيا المساعدة بتاعتك !! انا مش مرتحالك هي أكيد راحت معاهم 

سراج بغضب : هقتلك يا توفيق ، هقتلك لو فلوسي او الشحنة مرجعوش 

توفيق بغضب : إتكلم على قدك يا سراج بدل ماخليك تحصل زاهي 

* في عربية بدر 

سيا بدموع : طب ليه عملت كدا ! ليه عرضت نفسك للخطر بعد ما عملت هدنة مع السراج 

بدر وهو سايق : عشان واثق هيغدروا بيا بعد العملية ، مش هيعدوا موت الباشا دا بالساهل ، الهدنة اللي عملوها دي عشان يمشوا شغلهم المهم مش من جمال عيوني 

سيا برعب : أنا خايفة عليك دول مافيا ، واللي عملته دا هيجهم عليك أكتر 

بدر ببرود : سيبيها على الله 

سندت سيا راسها على الكرسي وهي بتقول : قدامنا كتير ؟ 

بدر بذكاء : هنبعد قدر المستطاع ، كمان متقلقيش أنا متفق مع توفيق على كل حاجة 

إتعدلت سيا : يعني توفيق عارف إنك هتهرب !

بدر وهو بيهز راسه : أيوة .. هو اللي ساعدني ، وأكيد خناقته حالياً مع سراج تمثيل 

حطت سيا إيديها على راسها وهي بتقول : أنا مش فاهمة حاجة والصداع هيموتني ، حاسة إني عايزة أترمي ..

قاطعها بدر وقال : في حضني ، هتترمي في حضني بس إستني أما نوصل 

سيا بصدمة : إنت مش خايف من اللي عملته ؟ 

بدر بضحكة : مبخافش غير من اللي خلقني 

بعد رحلة طريق طويلة أخيراً وصلوا  ، مكان مليان أكواخ .. * جمع كوخ * 

سيا بتبص بأستغراب : هنبات في كوخ !

بدر بثقة : مؤقتاً ، أول يومين وبعد كدا هنهرب ونكمل طريقنا 

المكان دا أنا واثق إنهم مش هيلاقونا فيه وأمان جداً ، متخافيش من حاجة وإنتي معايا 

كينان وهو بينزل الشنط : مبروك يا زعيم 

بدر : الله يبارك فيك 

سيا طرحتها وفستانها بيطيروا من الهوا البارد وهي واقفة قدام بدر 

سونيا كتفت إيديها وقالت : وأنا المطلوب مني أنام معاك في كوخ واحد يا كينان ؟ 

كينان بعصبية : لا روحي نامي وسط الزعيم ومراته ، رخمي عليهم ليلة دخلتهم ، متخافيش ياختي أنا إبن بلد ومش هقربلك من غير جواز 

سونيا : وإنت تقدر أصلاً ! إنت ناسي توفيق إختارني أشتغل معاه ليه ! 

كينان بمغازلة : ماشي ياعم الجامد ، خشي قدامي 

بدر خلع جاكيت بدلته وحطه على كتف سيا وهو بيقول ببحة صوت حلوة : مبروك 

سيا بسعادة : الله يبارك فيك ، كان نفسي تقولهالي في بيتنا 

بدر : لولا الظروف كنت قولتهالك في بيتنا 

دخل بدر وسيا الكوخ 

بدر وهو بيفك طرحة فستانها : يمكن مخلتكيش تتمتعي بالفرح ، وجرينا 

بيفك شعرها وبيكمل : بس أنا مبسوط إنك معايا وإني أخيراً هلمسك ، من غير حواجز .. من غير أي حاجة تكون بيننا حتى لو كراهية 

سيا بتوهان وبصوت فيه عشق : أنا بحبك أوي 

قرب بدر لشفايفها وهمس قدامهم : ريحة جلدك بتخليني أفقد أعصابي 

ثم باسها .. 

وأصبحت سيا مرات بدر رسمياً وشرعياً

نور الشمس بيدخل من فتحات الكوخ ، سيا بتتقلب في السرير بتعب وبتتاوب وهي مبتسمة 

بتحط الملاية على جسمها وبتقوم تفتح شنطتها وتخرج فستان تلبسه لحد ما تشوف بدر فين 

سيا بتنادي عليه في الكوخ : بدر ، حبيبي لو عاوزة أستحمى وأغسل جسمي أستحمى فين ؟ 

محدش رد عليها 

لفت في الكوخ شوية مفيش حد ف قالت أكيد خرج يقعد برا او يجيب حاجة لحد ما تصحى

خرجت من الكوخ والشمس نورها ضارب عليها رغم برودة الجو ، الهوا بيطير فستانها وسيا بتبص حواليها وبتقول : مممم مستخبي مني فين ؟ عاوز تفاجئني يعني ع الصبح وتلعب معايا 

بصت حواليها ملقتش العربيات ! 

إبتدت تخاف شوية وراحت تخبط على كوخ كينان ، لسه هتخبط لقت باب الكوخ مفتوح .. 

سيا بخضة : إيه الهزار البايخ دا !

ملقتش حد خرجت تنادي عليهم بصوت عالي

ظهرلها راجل لابس جلابية كدا وبيدخن سيجارة وسنانه لونها بني بيقول : بتدوري على الجماعة اللي كانوا راكنين عربياتهم هنا يا سنيورة ؟ 

سيا بلهفة ورعب : أيووة ! هما فين !

الراجل حط السيجارة في بوقه وخرج من ورا ظهره علبة وقال : واحد منهم سابلك الامانة دي قبل ما يمشوا وباين كانوا مستعجلين 

سيا بصت للعلبة في إيد الراجل ومدت إيديها وبصت جوا

كان فيه باكو فلوس وورقة صغيرة مكتوب فيها : إرجعي لأهلك بالفلوس دي ، كان لازم نمشي .. أنا أسف 

سيا بصدمة بصت للراجل وبتقول : لو قالولك تخضني عشان يهزروا معايا أنا مرعوبه ودا هزار بايخ 

الراجل نفخ دخان السيجار وقال : هزار إيه يا مدام دي أكواخ ناس طالعين رحلة وهيصحوا كمان ساعة الباص بتاعهم راكن هناك اهو ، لو حابة أكلملك السواق ياخدك معاهم في الباض ترجعوا المحافظة مفيش مانع ، بس هتدفعيله 

سيا بصراخ : أرجع فين ! فين بدر جوزي انا متجوزة وإمبارح كانت دخلتي هو فين أنا مش هتحرك من غيره وآيه الورقة السخيفة اللي في العلبة دي

فضلت تصوت وتعيط وهي بتقول : يا بدررررر

عيونها نشفت من كتر العياط ، مُخها وقف من كتر ما بتدور على سبب إنه يسيبها ويمشي بالمنظر دا مش لاقية سبب .. قلبها هيقف من كتر الرعب ومش عارفة هتتصرف إزاي ، معاها قسيمة الجواز لحُسن الحظ في شنطتها ف تقدر تثبت هي إزاي مدام .. لكن مش عارفة لما ترجع المحافظة هتروح فين وهتتصرف إزاي ، ومش عارفة هي هتلاقي بدر وكينان ولا الحظ هيقف في طريقها تاني 

قالت بعياط : أنا نحس ، يارب خدني طالما أنا نحس مافيش  مكان أروحه ، يارب ريحني 

ههههه أخدوا سونيا وسابوني أنا ! رغم إني مراته يااارب

بعد ساعة نواح وعياط لقت وجودها في المكان دا مالوش أي لازمة .. قربت للراجل وهي بتقول بعيون حمرا : السواق دا عشان يرجعني بالباص بياخد كام ؟ 

الراجل : ٢٠٠ جنيه ، ١٥٠ عشان وخمسين 

جنيه حلاوتي 

خرجت سيا من العلبة ٢٠٠ جنيه وقالت : كلمه خلين ياخدني معاه ، عقبال ما ربنا ياخدني 

الراجل بسعادة : عنيا يا أبلة 

باس الفلوس وحطها في جيبه 

سيا من كتر ما تعبانه وكانت محتاجة تستحمى عشان تفوق ومن كتر العياط محستش بنفسها غير وهي بتوقع على الأرض .. فاقدة الوعي

يا ترى فين بدر ؟؟ وليه عمل كدا ومشي ؟؟ وإيه حكاية قسيمة الجواز والعلبة ؟ ومصير سيا هيكون إيه بعد ما بقت مراته شرعياً 

يتبع ...

27| 

مؤسف ما حدث لي ، كان يجب على القدر أن يبتسم لي ولو لمرة واحدة بعد كل ما تعرضت له ، لماذا لا أستطيع الشعور بالسعادة على كل حال ؟ 

سواق الباص وهو بيفوقها : يا أنسة قومي الله يرضى عليكي عاوزين نتحرك 

الراجل أبو جلابية : ياعم مش أنسة دي متجوزة كانت بفستان أبيض إمبارح 

سيا بتفتح عينيها ببطيء وبتبص حواليها وهي بتفوق 

سواق الباص : حمدالله ع سلامتك يا مدام ، هنتحرك يلا قومي ريحي على الكرسي في الباص 

ساعدوها تقوم وهي بتبص حواليها ، طلعت الباص مع الركاب وقعدت على الكرسي اللي جمب الشباك وسندت راسها بتعب  ، قعدت جمبها بنت ماسكة حافظة أكل في إيديها وبتمدها ل سيا وبتقول : شكل الدوخة دي قلة أكل ، دي ساندوتشات كفتة هتعجبك إمبارح شوينا الصبح ف عملت الباقي ساندوتشات 

سيا بتشاور بإيديها إن لا شكراً

البنت قربت منها وقالت : أنا معايا حجات صحية للبنات لو حابة لإن رجليكي عليها دم من تحت 

سيا بعيون حمرا وتعب بصت على رجليها بعدين عيطت أكتر 

البنت حست بالشفقة عليها وطبطبت عليها وهي بتقول : طب عشان خاطري خلاص متعيطيش طيب ، طب قومي معايا طيب أديكي وتنضفي نفسك 

سندت سيا راسها على الكرسي وهي بتقول : أنا معنديش ظروف ، الدم دا عشان إمبارح كانت دُخلتي

البنت برقت وقالت : وفين جوزك ؟ 

بصت سيا للشباك وقالت بكذب : الله أعلم ، بس أكيد وصل قبلي 

البنت بصتلها بإستغراب وبعدين بصت قدامها لإنها مش فاهمة حاجة  

سيا في عقلها ( أنا أستاهل ، رميت نفسي عليه بطريقة خلته يعمل كدا ، حسبي الله ونعم الوكيل في الناس ، أنا معتقدش إني أذيت حد عشان أتأذي كدا ) 

الباص فضل متحرك وسيا زي ما هي ساندة على الشباك بتفكر هتروح فين وهتعمل ايه مش معاها غير ٣٠٠٠ جنيه يعني لو أجرت شقة هتاكل منين ؟ دا الإيجارات نار ولو قعدت في فندق هتفضل عايشة فيه ؟ أكيد مش هترجع لعمتها وهي مدام وتوريها ورقة الجواز ، عمتها أكيد هتطردها برا وتقولها روحي بيت جوزك 

وصل الباص أخيراً ، الرُكاب نزلوا وفضلت سيا واقفة وجمبها شنطتها بتبص حواليها مش عارفة تروح فين

شايفة دا بيوقف تاكسي وماشي ودي أهلها مستنيينها وبيحضنوها ، ودي جوزها بياخدها معاه وسيا ملهاش حد توقف معاه 

لقت نفسها بتشد شنطتها وبتوقف تاكسي ، الراجل نزل فتح شنطة العربية وحط شنطتها ، ركبت سيا وقالت ب وش بارد لسواق التاكسي : وديني عند *** 

السواق : حاضر يا أبلة 

* في فيلا توفيق 

وصلت سيا لقت الحراس بيرفعوا الاسلحة ناحيتها ف بصتلهم وقالت بوش ميت : أنا مرات بدر زفت الكابر ، ناديلي زعيمكم 

في الجهاز اللاسلكي بلغ الحرس توفيق بحضور سيا ، سمحولها تدخل راحت سابت شنطة هدومها في الجنينه وفوقيها العلبة اللي سابها بدر 

دخلت بوش بارد وهي بتبص بقرف للفيلا 

توفيق وهو ماسك كاس : أهلاً يا حلوة ، خير ؟ 

وطت سيا وهي بتقلع جزمتها وبتتهجم على توفيق : خير إيه يا ولاد الكلب يا أنجاس ، الزفت شريكك اللي إسمه بدر اللي ضحك عليا وسابني في الصباحية غار في أنهي داهية 

* بتضربه بجزمتها * 

نزل نصار وقال : إنتي ! متخلنيش أضربك بالرصاص !

سيا بغيظ وغل : إنت فاكر إني خايفة !! أنا بقيت مدام لشبح بيظهر ويختفي على مزاجه ومش مهم حياتي أناااا 

بعياط كملت : ياخي ما تموتني وتخلصني خليني اروح لابويا وأمي أحن عليا منكم يولاد الجزمة 

* بتكمل ضرب * 

كينان بصوت عالي من فوق : سيا !!

بصتله سيا بقهر وهو واقف ع السلم ووراه سونيا راحت مقربه منها وهي ماسكة الجزمة في إيديها وبتاخد نفسها بالعافية 

قالتله بقهر : دا إنت وسخ وواطي ، أوسخ بكتيييير من الزعيم بتاعك اللي ساسبلي قرشين بعد ما عمل اللي عمله معايا كإني عاهرة 

كينان بوش بارد : خلصتي ؟. إنتي فهمتي أصلاً اللي حصل حصل ليه ؟ 

سيا بتضربه بالجزمة : ربنا ياخدك وياخده ، إنتوا ولاد حرام لازم البشرية ترتاح منكم ، أنا طول الطريق بفكر هاخد حقي إزاي 

كينان مسك دراع سيا ولفه ورا ضهرها وقال : الباسبورااات بتاعتنا مزووورة لكن الزفت عقد الجواززز سلييم لإنه متهبب معمول بورق سلييم ، وبدر وأنا وسونيا سيبناكي يوم الصباحية عشان جماعة الزفت السراج بيدوروا على بدر مش لاقيينه ف عشان نبعد عنك الخطر ، هربنا بدر ووهمنا جماعة السراج إن بدر عاملك ك عاهرة نام معاكي وسابك عشان نثبتلهم انك مش مهمة عنده ! فهمتييي !! عشان نثبتلهم إن بدر مالوش نقطة ضعف مع إنك نقطة ضعفه 

سيا بصراخ : وإنتوا بتدخلوني في لعبتكم ليه !! ليه أنا يتكسر فرحتي بسبب شغلكم الوسخ !!! بدر فين عاوزة حقي منه 

كينان بصوت عالي : بدر إنسيييه الفترة دي حتى ! مشيناااااه عشان هما عاوزينه عاوزين حق الباشا منه ، مشكلتهم مع بدر دلوقتي مش معايا ولا معاكي ، بدر طلب مني أخد بالي منك 

سيا بعصبية وغيظ : ملكش دعوة بيا لا إنت ولا هو ، أنا مش هكون لعبتكم تاني 

كينان بعصبية : أنا كنت عارف إنك هترجعي بالفلوس اللي سيبناها بس فضلت مستني من الصبح تحت بيت عمتك مرجعتيش ، ف طلعت أتكلم مع سونيا ممكن نلاقيكي فين عشان تيجي معايا 

سيا 

بغضب : هتاخدني ل بدر ؟؟ 

كينان بعصبية : يابنتيي هيقتللوووه ! إنتي هتيجي معايا أنا لحد ما نخلص من السراج مع إنه صعب ، وإخلصي قبل ما يلاقونا سوا ويكتشفوا إن لسه على علاقة بيكي 

سيا بعصبية : مبرر إنه يسيبني؟؟ كان خدني معاه 

كينان وهو بيغمض عينه : كان لازم نثبتلهم ان بدر حب جسمك محبكيش وسابك واتخلى عنك عشان ميلووش درااع بدر بيكي ، أفهمي !!  انا هعرف أحميكي لحد ما بدر يرجع .. دا لو رجع وبقى كويس 

سيا بعياااط : ماهو محبنيش !! عمره ما قالي بحبك ، عمره ما قالها ولا نطقها

كينان بغضب : عشان الزعيم الحب بالنسبالع أفعال مش كلام 

سيا بضحكة سخرية : أفعال ؟ الدليل سابني يوم الصباحية ومشي 

كينان بعصبية : أنا لو بفهم حمار كان فهم ، إتحركي معايا !

سيا بعصبية : مش عاااووزة اروح معاك في حتة ، إرحموني بقى 

شد كينان إيدها وقال  : هتيجي معايا أنا ماصدقت لقيت مكانك ..

مشيت سيا معاه وهي بتعيط ورجليها متبهدلة دم ، سحب شنطتها ومسكت هي العلبة ، حط الشنطة في العربية وركب سيا معاه وركب وساق العربية 

كينان بيبص في المرايا الخلفية : هنروح مكان أنا وإنتي وهحافظ عليكي يا مرات أخويا 

سيا بغيظ : تك خوت في دماغك إنت وأخوك 

كينان بغضب : بدر مش هتشوفيه نهائي ولا أنا ولا إنتي ولا حد وأنا مش موجود معاه دلوقتي بسببك ! عشان أخلي بالي منك يا جاموسة وعشان متقطعيش عقد الجواز اللي معاكي لإنه سليم ، الباسبورات بس هي اللي مزورة 

سيا بتعب : مش قادرة اسمع حاجة .. مش قادرة مصدعة 

كينان وهو بيبص للطريق : قدرك كدا وقدري وقدره ، محدش بيختار يتعذب في الدنيا دي 

سيا بعياط : مكنتش هتعذب لو مكنتش قابلتكم 

كينان بقسوة : بجد والله ؟ مكنتش متهددة بصورك عشان الواد يعمل معاكي حجات مش تمام ويرميكي من غير ما يتجوزك ؟ ع الاقل الزعيم بيحبك واتجوزك خلاكي ملكه 

سيا بعياط وصراخ : ومشششي ! خلاني ملكه ومشيي .. لا طايلة سما ولا أرض 

كينان وهو باصص للطريق : أنا معرفش اللي بتقوليه دا كل اللي اعرفه إن أنا وإنتي على الله حكايتنا على رأي الفنان أحمد العوضي 

سيا بدوخة : معاك أي حاجة أكلها ؟ هرجع من قلة الأكل 

كينان وهو بيبص في التابلوه وفي الحاجة : لا مش معايا ، إصبري طيب هنقف عند أي محطة بنزين في الطريق وأجبلك أي ساندوتش 

سيا بتعب : بدر فين ؟ بدر راح فين 

كينان : ..

يتبععع ....

#خارج_قانون_الحب

#روزان_مصطفى

#بقلميييي

|28| 

كينان : ...

سيا بغضب وعصبية : ما ترد يابني أدم ؟؟ 

كينان ببرود : معرفش ومتسأليش السؤال دا تاني عشان عمر ما هيوصلك رد ، تقبلي الأمر الواقع بقى !

وقف كينان بالقرب من محطة بنزينة جمبها سوبر ماركت وكافيه كالعادة 

نزل من العربية وقفل الماسوجر على سيا عشان متنزلش ، سابها تشتم وتلعن في العربية وتاكل نفسها وخلا الراجل يحطله بنزين على ما يجيب حجات من الكافيه 

جاب كينان الاكل وركب العربية تاني 

سيا بعصبية : إنت بتقفل عليا بالماسوجر ليه ما أنا لو مش عاوزة أجي معاك مكنتش ركبت !

كينان ماسك نفسه بالعافية ف قال بهدوء في الأخر : إسمعيني يا سيا عشان هنتعامل مع بعض كتير الفترة الجاية ، الأفضل ليكي ولبدر إنكم تبقوا بعيد كل البعد عن بعض ، يابنت الناس هو لو باعك مكانش زماني بدور عليكي عشان أخدك معايا ! عارفة لو مكنتيش جيتي فيلا توفيق قسماً بالله كنت هرجع للأكواخ تاني وأخدك بس حظي الحلو إنك جيتي ، أنا هفضل معاكي ك حماية لحد ما الزعيم يرجع ومترجعيش تسأليني هيرجع إمتى 

سيا بتبصله بتعب بعدين قالت : جبت الأكل ؟ 

مد كينان ليها علبة الأكل وقال : خدي يا سيا كُلي ، وإهدي لحد ما نوصل 

سيا بسخرية : وست سونيا مش هتيجي معانا ؟ 

كينان بضيق : مينفعش .. لازم تفضل مع توفيق الفترة دي 

بدأت سيا في الأكل وفضل كينان سايق مُدة طويلة 

وصلوا أخيراً .. منطقة صحراوية فيها عماير لسه بتتبني ، العمارة اللي داخلها سيا وكينان متشطبة نوعاً ما يعني من برا لسه مش مدهونة 

شال كينان الشنط وطلع ع السلم ورا سيا وهو بيقول : هنقعد أنا وإنتي في شقة أوضتين وصالة ، محدش هيعرف يوصلنا هنا متقلقيش ومتخافيش مني أنا زي أخوكي وإنتي أمانة معايا 

خرج كينان المُفتاح من جيبه وفتح الشقة 

دخل الشنط ودخلت سيا بتبص حواليها بعدين بصت لكينان وقال بتعب : هنقعد أد إيه هنا ؟ 

كينان بهدوء : لحد ما الزعيم يرجع ، ويارب يرجع 

وطى كينان راسه بحُزن 

غمضت سيا عينيها وهي ماسكة نفسها من العياط ، سحبت شنطتها والعلبة اللي سابها ليها بدر وراحت ناحية أوضتها 

دخلت ورمت الشنطة على السرير وهي بتخرج هدوم عشان تاخد شاور 

* في أوضة كينان 

حط شنطته على سريرة ومسك الفون وبعت ريكورد بحد وهو بيقول : لحقتها وخدتها خلاص ، هي كويسة بس حرفياً مش طيقانا ، متقلقش عليها هي في حمايتي ، خلي بالك من نفسك يا زعيم وإكسر الخط بتاعك وأنا هكسر الخط برضو 

قفل كينان الفون ورماه ع السرير وقعد جمب شنطته 

دخلت سيا وقفت تحت المياه وهي بتاخد الشاور بتاعها 

الدماء بتاعتها إندمجت مع المياه تحت رجليها 

قعدت سيا في البانيو وهي بتعيط والمياه بتنزل عليها 

صوت عياطها وشهقاتها علي ، خبط كينان على باب الحمام وهو بيقول بقلق : سيا ! إنتي كويسة ؟؟ محتاجة حاجة طيب ! 

بصت سيا لباب الحمام المقفول ومردتش ، كان الوجع جواها أكبر من أي كلام 

مذكرات سيا اللي بدأت تكتب فيها من ساعة ما قعدت في الشقة مع كينان وبعد كل اللي حصلها ، طلبت منه أجندة وقلم وبدأت تكتب كل يوم صفحة 

اليوم الخامس والثلاثون / أنا يئست إن في أي معجزة ممكن تحصل ليا ! الأيام دي حاسة بخمول شديد ، بقالي شهر كامل قاعدة أنا وكينان وكل ما أسأله عن بدر يتهرب وميجاوبش .. أنا مرعوبة يكون حصله حاجة وإتحكم عليا العيشة بالطريقة دي ، مفيش أي أمل إنه يرجع ويبرر اللي عمله ليا رغم إن أي مبررات هيقدمهالي هتكون سخيفة قصاد اللي حصل ، حاسة بوجع شديد في صدري وخايفة يكون عندي سرطان الثدي ومش عاوزة أشغل كينان معايا وبمشاكلي كفاية إنه مهتم بيا وبيعمل كل حاجة .. بيطبخ وبيغسل المواعين لأن ضهري الأيام دي بيوجعني أوي ، حتى الكوباية مش بغسلها 

فات علينا شهر أهو في الشقة ومفيش أي خبر عن أنه رجع والمواضيع هديت .. جماعة السراج مازالوا مش ساكتين وبيدوروا علينا .. بس أنا تعبت ، كان حقي أعيش مرتاحة البال مش طالبة قصر ولا فلوس .. كان كل ال ..

قاطع كتابتها صوت تخبيط كينان على باب الاوضة وهو بيقول : سيا يلا أنا حضرت الأكل 

سيا بتعب ودوخة : ماليش نفس يا كينان .. كُل إنت 

كينان بتصميم : يلا بقول عشان ناكل ، إنتي بقالك كام يوم مبتاكليش كويس ! 

سندت على الكرسي عشان تقوم لإنها حاسة بوجع شديد في ظهرها 

فتحت الباب لقت كينان في وشها بيقول بقلق : شكلك تعبانة بقالك كام يوم ، إنتي كويسة ؟ 

سيا بدوخة : أنا بخير متقلقش ، هووف هو إيه الريحة دي !

كينان بإبتسامة : دا سمك مشوي وجمبري ، بقالنا كتير مأكلناش سي فود 

سيا وهي بتحط إيديها على بوقها : ريحته صعبة مش قادرة 

مد كينان إيده ليها وقال : تعالي بس هيعجبك والله أنا جايبة طازة 

قعدت معاه سيا على الترابيزة ، حط الطبق بتاعها قدامها وهو بيقول : دوقي ، أفصصلك ؟ 

إبتسمت هي وقالت : تعباك معايا يا كينان 

كينان قال بحُزن : سيبيها على الله * كلمة الزعيم * 

شالت قشرة السمكة وأخدت من لحمها عشان تاكل ، مضغت شوية بعدين وقفت مضغ وهي حاطة إيديها على بوقها 

جريت على الحمام وفضلت ترجع 

كينان ساب الاكل 

وهو بيطبطب على ظهرها ، فتحلها مياه الحنفية عشان تغسل بوقها ووشها وقال : إنتي شكلك ملكيش مزاج للسمك ، تحبي أجبلك إيه تاكليه ؟ 

سيا بتعب : مش قادرة أكل صدقني ، حاسة لو فردت ظهري على السرير هرتاح 

كينان بتصميم : كفاية نوم في الاوضة ، إفردي ظهرك على الكنبة وأنا هشغل فيلم كويس نتفرج 

أخدها الصالة وفردت ظهرها على الكنبة ، مسك كينان الريموت وهو بيدور على فيلم وبيبص ل سيا بقلق عليها 

* عند بدر / بدون ذكر المكان 

كان قالع التيشيرت بتاعه وماسك خشب بيقطع فيه بالفاس 

أخد الخشب المتقطع ودخل البيت الصغير وقفل الباب على نفسه ، حط الخشب في الدفاية وولع فيه النار بسبب جو الشتاء البارد اللي بقاله كتير مش راضي يخلص وييجي الصيف 

فتح صندوق خشب كبير كان في حاجته وإتنين رشاش ومسدس ، لسه هيمد إيده ياخدهم لقى باب بيته بيخبط 

راح فتح الباب وهو لابس جاكيته الجلد فوق التيشيرت الكت بتاعه ، لقى واحدة واقفة قدامه بتقول   :   i made some cookies and say to my self to bring it to you * عملت كوكيز وقولت لنفسي أجيبلك منه * 

بدر ببرود : am not into sugar , thanks by the way   * لست من محبي الحلوى ولكن شكراً على كل حال * 

جه يقفل الباب مسكت البنت الباب بتاعه وهي بتفتحه تاني بجرأة وبتقول : you are my favourite type .. i really like you .. maybe one day we take a glass of sha ..  * أنت نوعي المفضل ، عاجبني فعلاً ! يمكن في يوم من الأيام ناخد كاس شامبين * 

قاطعها بدر وقال بقسوة وبرود : dont you ever knock my door again * متخبطيش على بابي تاني أبداً * 

قفل الباب في وشها وهو بينفخ وبيقول : جاي هنا عشان المُحن أنا !

إفتكر سيا وإفتكر يوم فرحهم ، وأد إيه كانت بريئة ونضيفة ومكانتش وقحة زي كل اللي بيقابلهم 

قلع التيشيرت بتاعه ، كان عامل على ظهره من ورا حرف S حواليه نار .. 

عمل حرف سيا على ظهره قبل كل الحوارات دي وقبل ما يتجوزها 

* في بيت سيا وكينان 

سيا وهي ممدة على الكنبة كينان قال بشك : هو ممكن السؤال اللي هقوله يكون وقح شوية ، بس إنتي بقالك مدة طويلة مطلبتيش مني أوديكي صيدلية زيك زي أي بنت ليه ؟ 

سيا كانت بتتاوب بعدين برقت وبصت ل كينان بصدمة 

إتعدلت بالعافية وهي بتعض على شفتها بالعافية وقالت لكينان : وريني فونك كدا

خرج كينان الفون من جيبه ومد إيده ل سيا 

أخدت الفون وفتحت التقويم وبصت فيه ، ضربات قلبها زادت وهي بتقول بهمس لنفسها : ظروفي متأخرة إسبوعين .. !

* في فيلا السراج 

دخلت ليديا وهي لابسة فستان إسود جلد وكعب إسود طويل وماسكة في إيديها ورقة بتحركها قدام عين سراج اللي قاعد بيشرب وقال : إيه دي ؟ 

بتقول بسعادة : حاجة هستاهل بوسة عليها ، لقينا الأخت سيا والأستاذ كينان ودا عنوانهم 

سراج نزل الكاس من على وشه وهو بيبتسم وراح مدي ليديا بوسه في الهوا !

.

يتبعع...

#خارج_قانون_الحب

#روزان_مصطفى

#بقلميييي

29| 

" لو كنت ألفظ أنفاسي الأخيره ، مع النفس الأخير لي وأنا أعلم أن روحي بعدها ستصعد للسماء السابعة ، كنت سأخبرك أني احبك بكل جوارحي " 

#بقلمي 

* في عربية كينان 

بيبص ل سيا المتوترة وقال : متقلقيش يا بنتي إنتي معاكي قسيمة صحيحة وتمام يعني حتى لو حمل ف دا ميعبكيش دا حامل من جوزك 

سيا بتعب : هو فين جوزي تقدر تقولي ؟ فات شهر وأنا وإنت عايشين في الشقة دي .. مش مجبر توقف حياتك عشان تاخد بالك من مرات صاحبك 

كينان بضحكة خفيفة : أولاً إسمها مرات أخويا .. ثانياً أنا وإنتي في نفس الهم ، أنا مشتكيتش أبداً من إهتمامي بيكي 

إبتسمتله سيا وبصت للشباك مرة تانية 

وصلوا المستشفى وقعدوا في الإنتظار ، إفتكر كينان لما سيا رجليها إتلوت في الشارع وكينان قال هيدي رشوة للممرضة عشان تدخلهم 

ضحك بحزن وهو بيبص ل سيا اللي ساندة ع الحيطة سرحانة حزينة وتعبانة ! 

طبطب كينان عليها ف إبتسمتله وقالت : أنا كويسة متقلقش 

فضلوا مستنيين دورهم  لحد ما الممرضة نادت إسمهم ودخلوا للدكتور 

مددت سيا على الشيزلونج اللي جمبه شاشة ، حط الدكتور سائل على بطنها وفضل يمشي الجهاز يمين وشمال 

سيا بتبص للشاشة بقلق وحزن 

الدكتور بإبتسامة لكينان : إنت جوزها ؟ 

كينان ساند على الحيطة وباصص للشاشة : أنا أخو جوزها ، جوزها في الشغل 

الدكتور بثقة : مبروك المدام حامل في الشهور الأولى ، شايفة النقطة اللي تحت دي ؟ لو إهتميتي بصحتك هتكبر وتبقى كويسة وبين إيديكي مسافة كام شهر 

كينان بيبص على الشاشة وراح مخرج تليفونه وصور الشاشة فيديو ، سيا كانت حاطة إيديها على بوقها وعمالة تضحك بعدين جسمها إتهز عياط 

كسنان عيونه دمعت ف رفع نني عينه لفوق ومسح عينه بطرف صوابعه وهو بيقول : طب دكتور معلش فهمني هتعامل معاها إزاي ، أنا على فكرة دارس عن التشريح وعن كيفية إستخراج الرصاصمن جسم المصاب وعلاجه علاج مبدأي وعندي في أوضتي مكان مُجهز ب دا يعني هكون أدرى واحد يهتم بيها 

الدكتور بإعجاب : إنت خريج كلية طب ؟ 

كينان بإبتسامة مكسورة كان نفسه يقول دارس من حبه فيها وقاريء عنها كتب وحافظها بس مش خريج طب ف قال : تقدر تقول كدا 

قعد الدكتور ورا مكتبه وهو بيكتب وقال : هنهتم بالغذاء في أول الشهور وعدم الحركة بشكل مفرط كمان ممنوعة تماماً من المشروبات الغازية والقرفة ، هتجيلي في ميعادك الي هكتبهولك عشان تراجعي معايا صحة الجنين ، وطبعاً بيكون صعب نعرف جنس المولود في الشهور الأولى عشان لو هتسألو عن دا هنستنى شهور تانية .. وبحذر في ال ٣ شهور الأولى من العلاقة الزوجية يا مدام ياريت تفهمي جوزك دا لحد ما الحمل يثبت 

سيا ضحكت بمرارة وقالت : هفهمه متقلقش 

كينان وهو بياخد الورقة ، سند سيا عشان تقوم وشكر الدكتور وخرجوا من المستشفى 

وصلوا لباركن العربيات لقوا ليديا واقفة وماسكة مبرد اظافر وساندة على العربية بتاعتهم ، لابسه فستان جلد ضيق وكعب ومنظرها مقزز 

ليديا ببرود : إتأخرتوا ليه إستنينا كتير 

كينان بصدمة : إنتوا !

ليديا بسخرية : عرفتوا مكاننا إزاي ؟ لما تشرفوا معانا هنقولكم 

كينان بغضب : تمام أنا جاي معاكي ، بس سيبي سيا تروح هي مش نقصاكم 

ليديا بخبث : دي أهم واحدة ، إنتوا عند الدكتور بتعملوا إيه يا كينان ؟ 

كينان بقرف : وإنتي مال اللي جابوكي ، هنديكي تقرير بتحركاتنا !

ليديا ببرود : لا إحنا وفرنا عليك التقرير وجبناه بنفسنا ، بدل ما نستخدم معاكم عنف إركبوا العربية اللي هناك السودا دي

لف كينان لقى أربعة واقفين وراهم بالأسلحة ، محبش يشتبك معاهم عشان سيا معاه 

واحد منهم وجه مسدس لضهر كينان ف كينان قال من بين أسنانه : يلعن أبو كدا !! 

* في فيلا سراج 

كينان قاعد قدام سراج ، وسيا قاعدة قدام ليديا 

كينان بعصبية وصوت عالي : مبتفهمش ؟؟ قولناا بدر غدر بينا وخد الفلوس وسابنا ، حتى ساب الغلبانة دي يوم صباحيتها !

سراج بغضب : أنا كنت كل يوم طول الشهر اللي فات نفسي حد منكم يُقع تحت إيدي عشان أفعصه بعد الحركة الزبالة اللي صاحبك عملها معايا ، قولي فين مكانه وهرحمك وهرحمها 

كينان بعوجة بوق : إنت مش سامعني من الدي جي ولا إيه ؟ ما بروح أمك مراقبنا شوفت بدر دا معانا ! منعرفش مكانه 

ليديا ل سيا : شيء قاسي إن الراجل يتخلى عنك ليلة صباحيتك ، ويمشي كدا كإنك عاهرة قضى معاها ليلة ونبذها 

سيا بقرف : كلمة كمان وهقوم أجيب من شعرك 

ليديا وهي قاعدة على الكرسي اللي بيتحرك وبتشرب الكاس بطريقة مُقرفة : قومي 

حست سيا بوجع في ظهرها ف قعدت تاني 

ليديا بخبث : إيه ؟ مش قادرة تقومي ؟ يا ترى إيه السبب يا سيا !

شاورتلها سيا بإيديها إن * تعالي * 

قامت ليديا ووطت بطريقة مُستفزة وهي نقربة ودنها ل سيا 

سيا بهمس واثق : أنا معرفش بدر فين .. حقيقي ، بس كل اللي أعرفه أنه لو ظهر هيفصل راسك عن جسمك 

بعدين تفت سيا في وشها 

ليديا بإبتسامة غاضبة مسحت التفة بإيديها وكانت لسه بترفع إيديها في الهوا عشان تضرب سيا على وشها ، صوت سراج وقفها وهو بيقول : ليديا ! سيبيها 

لفت ليديا وقالت

بصوت عالي صدح في المكان : are you serious  ? * هل أنت جاد ؟*  أسيبها بعد كل دا 

سراج بحزم : ليديا !! 

ليديا بصريخ غاضب : fiiine !!! Am out * تمام أنا براا * 

طلعت فوق بغضب ، سراج بتحذير ل كينان : أنا صدقت إنك متعرفش مكانه ، بس لو طلعت عارف إنت أدرى واحد هنعمل إيه وهيكون تصرفنا إزاي 

كينان بقرف : راقبنا ياعم ومتقعدش تقرفنا !

راح كينان ل سيا وقالها بقلق : إنتي كويسة ؟ 

سيا بدوخة : أيوة ، قومني 

سندها كينان وهي بتبص بغضب ل سراج 

خرجوا من الفيلا ف قعد سراج بيشرب الكاس بتاعه بهدوء 

نزلت ليديا وهي متعصبة وبتشتم : fu*** why ! Just tell me why you do that !! * اللعنة ! لماذاا ! فقط أخبرني لما قُمت بذلك / قولي ليه عملت كدا * 

سراج ببرود : إنتي بتقولي جيباهم من عند المستشفى وهي تعبانة ، لو حصل حمل وبدر عرف هينزل عشانها .. عشان كدا سيبتهم يمشوا ، هيكونوا المصيدة اللي هيقع فيها بدر 

ليديا بتبصله وبتفكر 

سراج بيطبطب على رجله وبيقول : my lady , come and set * فتاتي ، تعالي إقعدي * 

* في بيت كينان وسيا بعد ما وصلوا 

سيا ماسكة ظهرها بتعب وهي بتقول : مش مرتحالهم ، يلا نعزل يا كينان 

كينان قفل باب الشقة وهو بيفرك وشه وقال بإرهاق : المُشكلة مش في السكن ، أنا فاهم دماغ سراج كويس أكيد مشانا عشان شك في حملك عاوز يوقع بدر ، لازم منعرفش بدر إنك حامل يا سيا 

سيا بدموع : سواء عرفته أو لا والله ما فارقة ، في الحالتين هو مش موجود وأنا اللي شايلة الهم 

دخلت سيا اوضتها قعد كينان على الكنبة وهو بينفخ من الضيق 

* عند بدر 

هو بزعيق لتوفيق في الفون : مكانش دا الأتفاق ، أنا سايب كينان عشان ياخد باله من سيا وإنت تاخد بالك منهم ! إنت كدا بتخلف وأنا مش هقعد زي الحريم في البيت وفي واحد خاطف مراتي وصاحبي !

توفيق بيحاول يهديه : بدر ! سراج مش من مصلحته يأذيهم عشان يعرف يوصلك ، أنا بنفسي هكون مسؤول عن رجوعهم البيت تاني 

بدر بعصبية : إنت شكلك كدا بتنيمني بكلمتين وأنا مش هنام تاني 

توفيق بوعد : أوعدك هرجعهم وهطمنك عليهم بنفسي 

بدر بغضب : قدامك ساعتين ، ساعتين ودقيقة هكون عندك لو مطمنتش عليهم وأكشف اللي كذبك عليهم يوم فرحي وعليا وعلى أعدائي !!!

* في أوضة سيا 

واقفة قدام المرايا وبتحسس على بطنها ، نزلت التيشيرت وبدأت تعيط وقالت : وقتك دا ! هو دا وقتك يعني ؟ إنت مش شايف أبوك رامينا إزاي

بصت للعلبة اللي بدر كان سايبها ليها ، مسكت العلبة بإيديها راحت رزعاها على الأرض وهي بتكسرها بإيديها وبتعيط 

لقت حاجة وقعت من تحت الأرضية بتاعة العلبة !

وقفت عياط وقربت بإستغراب للي وقع ، لقت سي دي 

قربت ومسكت السي دي بإيديها وهي بتبصله بعيون مدمعة ووش أحمر 

قلبها دق ومش عارفة هتشوف السي دي إزاي أفتكرت إن كينان عنده لابتوب صغير 

جريت على الصالة وقالت لكينان اللي قاعد بيدخن : ممكن اللابتوب بتاعك !! 

كينان بصلها بإستغراب وقال : أه بس بتعيطي ليه ؟ 

سيا بضيق : هاخد اللابتوب أقعد عليه شوية زهقانة 

كينان بإستغراب : أكيد إتفضلي بس فولدر دراستي في الطب متفتحهوش من فضلك 

أخدت اللابتوب وقعدت على السرير ، حطت السي دي في اللابتوب وإستنت شوية ظهرلها تسجيل صوتي !

بصوت بدر 

( عارف إن اللي هعمله ممكن طول عمرك متسامحنيش عليه  ، عملته عشانك وعشاني  .. مش أناني ولا كُنت .. صممت أدخل عليكي عشان أثبت ملكيتي ليكي 

أنا بحبك ) 

ميلت سيا على السرير وهي بتعيط 

أنا بحبك 

أنا بحبك 

* السي دي علق جوا اللابتوب وفضل يكرر الكلمة الأخيرة * 

أنا بحبك 

أنا بحبك

دفنت سيا وشها في الملاية وهي بتعيط وماسكة الملاية بإيديها وهي بتفركها جامد 

يتبعع .....

#خارج_قانون_الحب

#روزان_مصطفى

#بقلميييي

|30| 

" عمياء أنت ! تسيرين دون وعي وتصطدمين بالمارة ؟ 

_معذرة سيدي .. عيني قد ذابت في نظرها الملامح والأشياء ، أخذ البكاء جزء كبير من نظري " 

#بقلمي

سمع كينان صوت في أوضة سيا ف حس إنها مش كويسة ، خبط مرتين مردتش راح داخل مضطر ، لقاها عمالة تعيط وهي بتسمع السي دي ، قفل اللابتوب وقعد جمبها وهو بيقول بحزن : إنتي كل دا كنتي مسمعتيهوش ؟ 

سيا بعياط : حتى وهو بيقولها ليا مش واقف قدامي ، أنا نفسي أوي أسامحه يا كينان عشان بجد بحبه 

غطت وشها وفضلت تعيط ف طبطب عليها كينان بحزن وهو متضايق على حالهم اللي وصلوا ليه 

كينان بمواساة : أنا عايزك بس تفوقي عشان خاطر على الأقل إبنك أو بنتك يا سيا ، الزعل وحش جداً عليكي صدقيني ، لازم تاكلي وتهتمي بصحتك 

بعدين ضحك بالعافية وقال : طب قوليلي نفسك تاكلي إيه وهعملهولك 

سيا بتعب : نفسي مش رايحة لحاجة ، محتاجة أنام بس

كينان بهدوء : ماشي بس توعديني لما تصحي تاكلي حاجة

سيا بتعب : أكيد .. حاضر 

خرج كينان وأخد اللابتوب معاه وساب سيا ترتاح 

* عند بدر 

توفيق في الفون : أنا إتأكدت إنهم رجعوا من عند السراج كويسين ، إوعى تغلط يا بدر وتروحلهم عشان كدا تبقى عملت أغبى تصرف في حياتك ، سراج أكيد سابهم عشان يعرف مكانك عن طريقهم 

بدر بعصبية : أمال عاوز إيه ؟؟؟ عاوزني أفضل قاعد مستني الفرج وإن عذرائيل يسحب أرواحهم ، إتصرف وهاتلي كينان وسيا هنا 

توفيق بغضب : يابني إفهم مينفعش تجتمعوا تاني دلوقتي ! خاف على نفسك عشان خاطرهم مش عشانك 

بدر بتنهيدة : أنا هقفل .. وأكسر الخط دا كمان 

* صباح تاني يوم 

كينان صحي على صوت سيا بترجع في الحمام ، بص ف ساعة إيده لقاها ٩ الصبح 

قام من على الكنبة بكسل وهو ماسي لقى طبق مكسور على الأرض وواقع حواليه أجنحة دجاج 

وقفلها كينان على باب الحمام وهو بيقول : إيه حصل بس 

سيا قامت ونضفت مكانها وغسلت وشها وهي بتقول : مش طايقة ريحة أي حاجة حواليا ، صحيت من النوم حسيت بجوع شديد روحت قليت الأجنحة اللي في الفريزر ، أخدت الطبق عشان أقعد قدام التي في حسيت بقرف شديد من ريحته راح وقع من إيدي ورجعت

كينان بتنهيدة إرهاق : ولا يهمك هنضف أنا الإزاز المكسور ، أعملك كوباية لبن وتوست لبنة ؟ 

سيا بقرف : لا لا مش عاوزة أكل خالص 

كينان مبقاش عارف يعمل إيه راح مسك إيديها وقالها : تعالي طيب ، تعالي نطلع 

* after 5 minutes 

كينان في الفون : بقولك رجعت كل حاجة في بطنها ومبتاكلش ، أتصرف إزاي

سونيا بمواساة : خلاص يا حبيبي أنا جاية ههتم بيها متشغلش بالك ، عندكم كرفس وجزر ولا مفيش! 

كينان بتعب : معتقدش في كرفس ، ليه 

سونيا : خلاص هجيب حجات الشوربة وأجي ، هي يعتبر محتاجة تشرب وتاكل خضار متقلقش 

جت سونيا وفضلت تجهز في الشوربة ل سيا ، وكينان مخليها مريحة على الكنبة وبيحط مسند ورا ظهرها عشان تستريح 

سندت سونيا على باب المطبخ وهي بتقول : كدا مش هينفع ، العامل النفسي أهم شي ليها الفترة دي .. لازم بدر يرجع يا كينان 

كينان برفض قاطع : مستحيل أعمل كدا وأعرض حياته للخطر ، مستحيل 

سونيا بحزن : متبقوش أنانيين يا أخي ! راعوا إن البنت دي الدنيا جت عليها بما فيه الكفاية وبهدلتها ، فرحوها ولو مرة مش هيخسر 

كينان قال بموقف قاطع : هخليها تكلمه فيديو ودا أقصى شيء هقدر أعمله .. 

سيا بتعب من وراهم : أنا أسفة ، أنا فعلاً غلبتكم معايا ، أنا بس نفسياً مش قادرة أتوازن لكن هحاول أكل ، متتصلش على حد فيديو يا كينان أنا كويسة من غيره أهو 

* في فيلا سراج 

توفيق قاعد وبيقول : وإيش ضمننا إنه لو رجعلك فلوسك مش هتقتله ؟ 

سراج بضحكة سخرية : مين قال مش هقتله ؟  بعيداً عن إن كدا كدا فلوسي هترجعها الحركة اللي عملها يوم فرحه دي مش هعديهاله بالساهل !

توفيق بإستفزاز : تبقى عيل ، أصلي جيت كبرتك عشانك إنت متتأذيش بس طالما ناوي على الشر هسحب إيدي منك خالص وأخليك تحصل زاهي 

سراج بثقة : أنا مش بريالة عشان أحصل زاهي ، أنا اللي يرشني بمياه أرشه بالدم 

توفيق ببرود وراحة : براحتك بس صدقني حاولت أكون وسيط خير 

سراج بحزم : إنت لو فعلاً حابب تكون وسيط خير ، تعرفني مكانه ونتعامل طالما هو دكر أوي كدا 

توفيق : من ناحية دكر ف بدر دكر وراجل وليديا أكتر واحدة عارفة الحوار دا 

بص سراج لليديا ب شك ف نزلت هي رجليها وسابت الكاس وهي بتقول : نعم ! تقصد إيه يعني ؟ 

توفيق بضحكة : ما أنا قولتلك وسيط خير ، يلا أستأذنكم أنا 

قام توفيق ف بص سراج ل ليديا ، بصتله هي وقالت ببلاهة : what ! * إيه ؟ * 

سراج برفعة حاجب : حصل علاقة بينك وبين بدر يا ليديا وأنا معرفش ؟ 

ليديا بصدمة : إنت بتشك فيا بجد ؟ أنا مش مصدقاك !

سراج بيبصلها بنفس النظرة راحت قايمة متعصبة وقالت : don't look at me in that way ! * متبصليش بالطريقة دي ! * 

وراحت طلعت فوق ، توفيق بالفعل نجح يحرك الشك في قلب سراج ناحية شريكته وعشيقته 

* في بيت كينان وسيا 

بعد ما سونيا خلصت الشوربة ل سيا وإتأكدت إنها أكلت ، اخدت شنطتها ومشيت 

عشان توفيق بيحتاجها ، قعد كينان في أوضته مش قادر يمسك لسانه 

مسك الفون ورفعه وراح مكلم بدر على الخط قبل ما يكسره 

بدر لقى فونه بيرن قلق ! وفضل يسأل نفسه هو ليه مكسرش الخط في ساعتها ، فتح المكالمة ورفع الفون على ودانه ومتكلمش 

كينان بطمأنينة : يا زعيم 

بدر بتنهيدة : كينان ، حصل حاجة !

كينان بياخد نفس : حمل الواتس بس بسرعة على تليفونك هبعتلك حاجة 

بدر بقلق : يابني في إيه !! حصل حاجة ؟ 

كينان بهدوء : متقلقش يا زعيم والله بس هبعتلك حاجة مهمة 

بدر : تمام 

قفل مع كينان وراح محمل الواتس وعمله على الرقم اللي في فونه ، بعت لكينان كدا ( ؟؟ ) 

بعتله كينان فيديو ، فضل بدر مستني الفيديو يحمل 

أول ما فتحه لقى شاشة ، وفيها نقطة كدا تحت بتتحرك 

بدر بيبص في الفون بتركيز ومش فاهم ، خرج من الفيديو وكتب لكينان ( إيه ياالا اللي إنت باعته دا ! هو أنا ناقصك !) 

كينان ( دا الزعيم الصغير ) 

بدر قلبه دق وصوابعه بتروح وتيجي على الحروف في الكيبورد مش عارف يكتب إيه ، أخد نفس وقال ( !! ) 

كينان ( سيا حامل يا زعيم ، في الشهور الأولى ) ...

* صباح تاني يوم 

كينان وهو بيربط الجزمة بتاعته : أنا طلعتلك الأكل من الميكرويف أهو وجنبك المياه ، هنزل أجيب شوية حجات من السوبر ماركت وأجي بسرعة عشان الثلاجة قربت تفضى 

سيا وهي بتاكل : خلاص قولتلك متقلقش هو أنا عيلة ؟ وبعدين أنا في الشهور الأولى وبطني مش متفوخة يعني إنزل ومتقلقش 

كينان وهو بيعدل هدومه : تمام عاوزة حاجة من تحت ؟ 

سيا : تؤ تؤ ..

أخد كينان المفاتيح بتاعته ونزل وقفل الباب 

فضلت تقلب في التليفزيون على حاجة تتفرج عليها وهي بتاكل ، جرس الباب رن 

سيا بتأفف : ما تدخل يابني ما إنت معاك المفتاح ! 

جرس الباب رن تاني 

سيا بكسل وبتعب : يوووه بقى ، إصبر طيب أجيب النسخة الإحتياطي بتاعة المفتاح 

كانت لابسة جلابية عليها باجز باني ورابطة شعرها بتوكة لفوق 

جابت نسخة المُفتاح وفتحت ، لقت واحد بيدخل وهو منزل كاب الجاكيت على وشه 

سيا برعب : إنت إزاي !!!

شال الكاب من على وشه وهو بيقول بشوق وحب : سيا 

قلبها دق ونفسها إتحبس وهي بتبصله ، بعدين قالت بغضب : أنت إيه اللي جابك !!! عاوز تتقتل وتموت ! 

بدر بتنهيدة وهو بيبصلها بحب : أكيد مش عاوز إبني يكون يتيم أب 

سيا بهدوء غاضب : إنت عرفت ؟ .. طب الحمدلله 

بيقربلها عشان يحضنها راحت بعدت لورا وهي مكتفة إيديها وبتبص بعيد 

بدر ببحة صوت من البرد : سيا أنا . 

سيا بعصبية وصوت عالي : إنت إييييه !!! إنت هتموتني ناقصة عمر ، إنت مش هاين عليك تفرحني للأخر وتسعدني 

إنت .. إنت متخيل يعني إيه أصحى يوم صباحيتي ألاقي الراجل اللي بحبه سابني لوحدي من غير خوف عليا أو حتى ندم !! عارف إحساسي ولا هتعرفه إزاي إنت واحد عيشت حياتك كلها من غير قلببب * بتخبطه في صدره ف بيرجع لورا * 

هو بهدوء : أنا مبقاش عندي قلب .. غير لما حبيتك ، أول ما عرفت إنك حامل قطعت مسافة طويلة أوي وساعات وعرضت حياتي للخطر عشان أكون جمبك 

سيا بغضب : ضيعت كل تعبنا إننا نحميك ونحمي نفسنا عشان سبب زي دا ! 

* بيمد إيده عاوز يمسكها * 

هي بترطع لورا وبتقول بغضب : إوعي تلمسني ، إوعى !

بدر بندم : عارف إني أذيتك كتير بس أنا .. 

إزاز البيت بيتكسر من الرصاص اللي بيضرب على الشقه من العمارة اللي قدامهم 

سيا بتصوت وبدر خرج سلاحه وهو بيقولها : السراج عرفوا إني جيت !! مفيش مخرج او باب خلفي ؟

سيا بصويت : في المطبخ 

بدر ماسك سلاحه وماسكها بالإيد التانية : تعالي معايا بسرعة !

يتبع ...

#خارج_قانون_الحب

#روزان_مصطفى

#بقلمييييي

|31| 

" أنت في منتصف قصتك الأن ، سطور نهايتها ستُكتب حسب مدى قوتك ومواجهتك لمن حولك بلا خوف ..وقتها ستكون تلك القصة بنهاية سعيدة "

#بقلمي

جريت سيا معاه على السلم وهي بتتوجع من ظهرها ، شاف بدر كينان جاي من أخر الشارع راح قايل بصوت عالي من مدخل العمارة : حاااسب يا كينان في ضرب نار 

نزل كينان وفضل يداري نفسه في العربيات المركونة 

لحد ما وصل لمدخل العمارة مع سيا وبدر ، وبدر مازال بيضرب نار بيحاول يوقع حد فيهم 

بدر بعصبية : عربيتك فين ؟؟ 

كينان شاور بالقرب من المدخل : أهي يا زعيم 

بدر بحذر : هعد ل ٣ نتحرك سوا وإنتوا موطيين ، يلاا 

بدأ بدر العد وركبوا العربية بسرعة ، ضرب النار شرخ الإزاز اللي ورا لكنهم لحقوا يمشوا بالعربية 

كينان سند ظهره ع الكرسي اللي جمب بدر وهو بيقول : إنت إيه اللي جابك بس يا زعيم 

سيا وهي قاعدة ورا وحاطة إيديها على ظهرها بألم : قوله !!! قول للبيه اللي مبقاش همه حياته ولا حياتنا 

بدر بعصبية : المطلوب مني إيه يعني لما أعرف إن مراتي حامل ؟ وحياة ديني لأطفحك الدم يا سراج الكلب

كينان بقلق : هنروح فين دلوقتي يا زعيم ؟ في خطة في دماغك ؟ 

بدر بتركيز في السواقة : أكيد مفيش خطة إحنا إتاخدنا على خوانة ، بس هتصرف 

سيا بتعب : إستغفر الله بجد ! إتفضل يا أستاذ كينان معندوش خطة في دماغه 

كينان بتفكير : عاوز رأيي يا زعيم ؟ يا نخلص منهم يا يخلصوا مننا 

بدر ببرود : ماهو دا اللي هيحصل بس مش هخلص منهم بنفس الطريقة اللي خلصت فيها من الحصان الإسود ، هخلص منهم بطريقة أحسن وأسرع عشان نرتاح كلنا 

غمضت سيا عينيها بتعب وإرهاق من الحمل وبدر مكمل سواقة 

* الساعة ١٢ بالليل - في العربية 

فتحت سيا عينيها لقت العربية مركونة وهي نايمة ومتغطية بالجاكيت الجلد بتاع بدر ، نزلت ف الهوا البارد حرك خصلات شعرها ، بصت حواليها لقت بدر وكينان واقفين بيتكلموا مع واحد ، وهما راكنين في إستراحة مسافرين وفي كافيتيريا ومطعم وبنزينة 

بدر بص لقى سيا صحيت ف قرب منها 

سيا بإستغراب : إحنا فين ؟ 

بدر ببرود : إحنا كدا ع الطريق الصحراوي ، إنتي كويسة ؟ 

سيا بغضب : لا طبعاً مش كويسة ومرعوبة ! 

بدر : مرعوبة من إيه وأنا معاكي ؟ سيبيها على الله 

سيا بإستفزاز : ما أنا سيباها على الله أمال هسيبها عليك إنت ! 

بدر بغضب : أكيد كلنا على الله بس إنتي إفردي بوزك دا معايا عشان أنا خُلقي ضيق .. 

شدها ناحيته بقوة وباس راسها جامد ، راح سايبها وراح لكينان  

كينان بيبص في الساعة وبيقول : كدا مينفعش بيقول في فندق هنا بس أنا مش عاجبني وقذر ، بس لازم سيا ترتاح 

بدر بيولع سيجار وبيقول : إنت عاوزني أنا ومراتي ننام في حتة قذرة ؟ الصبر بس على سراج هخلي كل جزء من جسمه يتنطر في حتة 

كينان وهو بيحط إيده في جيب الجاكيت من البرد : في فندق نضيف على مسافة ٤ كيلو لو مفيش فيك حيل تسوق هسوق أنا 

بدر بتعب : لا أنا تمام ، خلاص يلا نتحرك عشان نستريح شوية 

ركبوا العربية ومشيوا ال ٤ كيلو لحد ما وصلوا ، نزلوا ودخلوا الفندق 

بدر للأستقبال اللي كان عبارة عن شاب  : عاوزين أوضتين يكونوا أفضل شيء عندكم 

سيا كتفت دراعها وقالت : ٣ أوض 

بصلها بدر وقال : مش عاوز صوت ! 

الشاب بذوق : مُتاح يافندم غرفتين من أنضف الغرف في الفندق ولكن بُعاد عن بعض 

بدر بضيق : لا أنا عاوزهم جمب بعض معلش تشوف تاني ...

الشاب بعدها بخمس دقايق : في يافندم تحب أجبلك المفاتيح ؟ 

بدر بإرهاق : ياريت 

الشاب : أستأذنكم البطايق بس وثمن الأوضة مُقدم 

بدر برفعة حاجب : التمن مُقدم ؟؟ دا إيه التعامل دا ! إفرض الأوض معجبتنيش يعني وحبيت أمشي

الشاب : بيتم إرجاع الفلوس لحضرتك يافندم 

بدر بغضب : لا مش عاجبني النظام دا 

كينان : بص يابني هنوريلك البطايق  ونسيبلك مبلغ رمزي لكن تقولي إدفع تمن الأوضة وإحنا لسة واصلين دا مش كلام ناس كويسة ، تمام ؟

الشاب بإستسلام وهو شايف الغضب مُتمكن منهم : تمام يافندم مفيش مُشكلة 

خرج بدر من جيبه البطايق والفلوس وإداهم للولد وأخد المفاتيح بعد ما شاف بطايقهم ..

طلعوا للأوض ودخل كينان أوضته بتعب ، دخل بدر وسيا وقفل بدر الباب وراهم 

سيا بتبص للأوضة وبتقول : ماشي حالها كويسة  

بدر وهو بيقلع التيشيرت بتاعه : إيه بقى اللي إتقال تحت دا ؟ عاوزة ٣ أوض ليه ؟ 

سيا بصتله وقالت : إنت بجد بتسأل ؟؟ أنا لسه مسامحتكش ! 

غمض بدر عينه وأخد نفس عميق وقال بهدوء : عارف ، بس أنا محتاجك معايا أكتر من أي حاجة 

سيا بعياط : وأنا كُنت محتجاك برضو !! كُنت محتجاك ووثقت فيك من بعد ما عيلتي ماتت روحت سايبني في الصحرا ومشيت ! محستش بكمية الرعب اللي جوايا وأنا لوحدي ولا حسيت بتعبي النفسي وصدمتي وخيبة أملي فيك ودلوقتي برضو نازل عشان إبنك مش عشاني !

بدر وهو بيقربلها : نازل عشانه لإنه منك إنتي 

بترجع سيا لورا وهي بتقول : إوعي تقربلي !

بيقربلها بدر أكتر وبيقول : أنا محدش يقولي أعمل إيه ومعملش إيه 

لزقت سيا في الحيطة وبدر بيقربلها وبيبوس رقبتها ف قالت : ال .. الدكتور قال 

ممنوع علاقة في أول ٣ شهور 

بعد بدر عنها وهو بيشم ريحة شعرها راح ضاغط ع أسنانه جامد وضرب الحيطة اللي وراها بإيده وقال : ولو حصل ؟ 

سيا بتوهان : هي .. هيتأذي البيبي عشان لسه مش ثابت ..

بص بدر الناحية التانية بعدين رجع بصلها فجأة وهو بيقول : طب وهو الدكتور مجابش سيرة الحضن والبوسة البريئة خالص ؟ 

سيا بتوتر : ل  لا أنا اللي منعاهم عشان ضهري بيوجعني 

بدر برفعة حاجب : ضهرك بيوجعك ؟

وطى وراح شايلها ورافعها بين إيديه راحت صوتت راح قال هو : طب مش كنتي تقولي 

سيا وهي متعلقة في رقبته : لا نزلني بخاف ، نزلني طيب 

بدر بهمس عند ودنها : النزول عندي ببوسة 

سيا بخوف : ما تتلم بوسة إيه 

بدر بغضب : هو إيه اللي إتلم هو أنا زميلك في المدرسة !! أنا جوزك

سيا وهو شايلها : طب بص هبوسك في خدك 

بدر : موافق ، بس تعدي لل ٣ قبلها 

سيا بلماضة : ليه يعني !

بدر ببرود : دا شرطي 

سيا بتأفف ومبتردش 

بدر بإستعجال : هااا قولتي إيه 

سيا : واحد إتنين تلاته 

قربت لخد بدر عشان تبوسه راح لافف وشه وبايسها في بوقها 

بعدت وقالت : نزلني ، إيه اللي بتعمله دا نزلني !!

نزلها بدر وهو بيعدل الجاكيت بتاعه اللي هي لبساه عليها وبيقول : الموضوع عامل زي نفسك تاكلي حاجة حلوة بس دكتور الأسنان مانعك عنها تماماً لمدة ٣ شهور ، مش هستحمل تكوني قدامي وملمسكيش

سيا أبتسمت بعدين رجعت كشرت تاني وقالت : لا هتستحمل عشان معنديش إستعداد أخسر البيبي  ، تصبح على خير 

راحت على السرير وطلعت راح بدر نايم جمبها 

* صباح تاني يوم 

صحي بدر قبلهم وغسل وشه ، لقى سيا لسه نايمه وشعرها على وشها ، راح زاح شعرها عن وشها بعدين حط راسه بهدوء على بطنها بيحاول يسمع حاجة ، بعد وراح موطي بايس بطنها وهي كانت صاحية وشايفة كل دا بس بتمث قدامه النوم 

خرج بدر من الأوضة وقفل الباب راحت معدولة على السرير وبصت قدامها بإبتسامة 

* في أوضة كينان 

خبط بدر الباب كذا مرة لحد ما كينان صحي وفتحله وهو بيدعك عينه وبيقزل بنعاس صباح الخير يا زعيم 

حط بدر إيده في جيبه وهو بيدخل الأوضة وقال : إيه يابني دا نايم بهدومك الداخلية ليه الجو مش حر للدرجادي 

كينان بتعب : مبعرفش أنام بهدوم الخروج 

قعد بدر على الكرسي وبص لكينان وقال : أنا فضلت في سريري الصبح ساعة كاملة بحضر سيناريو موت سراج من غير ما نتأذي 

كينان بدأ يفوق وقال بتركيز : إزاااي يا زعيم ؟ 

بدر بوضوح : أول حاجة لازم نكلم توفيق لأنه الخيط المهم بيننا وبين السراج 

كينان بنعاس : أنا عرفت من سونيا إن توفيق راح للسراج وكان عاوز يكون محضر صلح بينكم ويعمل هُدنة جديدة ف السراج رفض ، متهيألي توفيق هيرفض برضو يتدخل 

بدر بثقة  : مش هيرفض ، هو عارف إننا مستحيل نغدر بيه ف هيساعدنا ، كلمهولي إنت بس وملكش دعوة بالباقي وأنا هظبط الدنيا 

كينان بفضول : طب إشرحلي الحتة 

بدر ببرود : بص ...

* في أوضة بدر وسيا ، غسلت وشها وفضلت مستنية بدر 

لقت الباب بيخبط ف قالت : مين؟

بدر : لو مش جاهزة إلبسي حاجة عشان معايا كينان 

سيا بصت لنفسها وقالت : لابسة إدخلوا 

فتحتلهم الباب لقتهم جايبين أكل وعصير 

سيا بغممان نفس : لا لا مش عاوزة أكل 

بدر بغضب : هتاكلي عشان حامل أنا مش عاوز نقاش ! هناكل إحنا ال ٣ عشان هنرجع تاني 

سيا بصدمة : هنرجع إزاي وهنعمل إيه !!

* في فيلا سراج

دخل توفيق وقعد قدام سراج وقال : المرة دي مش جايلك عشان صُلح ، بس بدر مخليني واسطة بيني وبينك وقال هيرجع فلوسك ، مخليني أنا واسطة عشان إنت متغدرش بيه 

سراج بضحكة : خايف يعني ؟ طب ليه الهرب والحوارات دي كُلها من الأول 

ليديا بدلع : هيقابلنا بنفسه ؟ 

توفيق ببرود : في المصنع القديم ، اللي على طريق مصر إسكندرية الصحراوي ، هتاخد فلوسك كاملة 

سراج بشك : وإنت هتكون موجود ! 

توفيق بإبتسامة مُريبة : طبعاً ، مش بقولك أنا خيط الصُلح بينكم !

يتبع ..

#خارج_قانون_الحب

#روزان_مصطفى

#بقلمييييي

( تفتكروا إيه هي خطة بدر عشان يخلص على السراج ؟ وإزاي توفيق هيحضر من غير ما يتأذي ! وسيا هتفضل زعلانة من بدر كتير ولا هتسامحه عشان بتحبه ؟ تابعوا البارت الجاي ) ❤

|32| 

" إحرق مدينتهم ثم قُد سيارتك وأنت تنظر من مرآتك الأمامية إلى الحطام ، إنتقم كما لو أن قلبك لم يعرف الرحمة قط "

#بقلمي

سراج ل ليديا : أنا مش متطمن للموضوع دا ، بلغي الرجالة يجهزوا عشان بالليل هنروح ناخد فلوسنا 

ليديا : we don't have to go there .. please serag tell tawfik .. * مش لازم نروح هناك ، من فضلك سراج بلغ توفيق * 

قاطعها سراج وقال : لازم نروح عشان البيه ميفكرنيش خايف منه ، جمدي قلبك إحنا هناخد رجالة هيحاوطوا المصنع كله 

ليديا : تمام هبلغ رجالتنا 

* في فيلا توفيق 

توفيق في الفون : وصلت القاهرة خلاص ؟ على كل حال أنا لسه راجع من فيلا سراج وفهمته اللي هيحصل ، خلي بالك يابدر اللي هتعمله يا يرفعك لحتة تانية وتبقى بالفعل صاحب بيزنس خاص بيك مبتشاركش حد بالعكس الناس هي اللي تسعى تشاركك ، خلاص على ميعاد بالليل بقى وجهز نفسك ، تمام سلام 

* في عربية بدر 

كان سايق وسيا قاعدة جمبه وكينان ورا 

بدر بحزم : سيا هتروح تقعد في شقة جدتي إنهاردة دا أأمن ليها ، وأنا وإنت يا كينان هنتحرك

سيا بخوف : لو حصلك حاجة مش هسامحك طول حياتي ، فاهم يا بدر !!!

بدر لأول مرة مبيخرجش غضبه عليها بل قال : متخافيش يا حبيبي ، سيبيها على الله 

سيا بصتله بإستغراب وإنه إزاي رد بحنية كدا وكمان واثق من نفسه ومن اللي هيعمله 

رجعت ظهرها لورا ، وفضل بدر سايق لحد ما وصلوا القاهرة 

فتح شقة جدته ودخل الشنط هو وكينان ، بصت سيا حواليها وهي بتبص لكينان وبدر برعب خايفة تخسرهم 

لوت بوقها لتحت وعينيها دمعت جامد وقالت : إرجعولي ، متسيبونيش لوحدي أفضل مستنياكم ومتجوش 

دموعها نزلت على هدومها ف خبت وشها وفضلت تعيط 

كينان كان هيطبطب عليها لكن بدر قرب منها وحضنها جامد وهو بيملس على شعرها وبيقول : هنرجعلك ، أنا أوعدك ، بس إنتي متفتحيش لمخلوق ومتعرفيش حد إنك هنا ، لو جوعتي الكيس دا في بقية الأكل بتاعنا لحد ما نرجع بس 

سيا بعياط : طب هتروحوا فين دلوقتي ؟ 

كينان بحزن : فيلا توفيق ، هنجهز كام حاجة عشان نعيش مرتاحين 

بدر وهو بيبوس راسها : متخافيش ، هحاول قدر الإمكان أرجعلك 

خرج هو وكينان وسابوها في الشقة بتعيط ، ركبوا العربية وإتجهوا لفيلا توفيق 

* في فيلا توفيق 

كينان بيبص على الشنطة وبدر قاعد مع توفيق بيكلمه 

توفيق : أنا واثق إن سراج هييجي ، أنا عارف ودارس تفكيره كويس ، هو حابب يواجهك ب ليديا البت بتاعته ، عشان انا خليته يشك فيكم ف هيستنى على نار ظهورك 

بدر بصدمة : نعم !!! شككته فينا ؟؟؟ 

توفيق بثقة : طبعاً ، دا شيء مهم على فكرة هيخليه من كُتر غيظه منك ييجي جري عشان بس ينتقم ، هو مش جاي في دماغه نهائي إنت هتعمل فيه إيه .. 

بدر ببرود : تمام المهم ييجي 

بعدين بص لكينان وقال : ها الحاجة كويسة ؟ 

كينان بإبتسامة : أيوة يا زعيم كله تمام بس ناقص الورقة .

بدر بثقة : لا الورقة أمرها سهل ..

سونيا وقفت ورا كينان وقالت بقلق : أجي معاكم ؟  

كينان وهو بيبصلها بحُب : تؤ .. هتطمن عليكي هنا ، متخافيش 

لقى عيونها مدمعة ف سحبها للجنينة برا 

وقف قدامها وهو بيرجع شعرها لورا بإيده وبيمسح دموعها وبيقول : شششش بتعيطي ليه ؟ صدقيني كل شيء هيكون بخير 

سونيا : إوعى يحصلك حاجة ! أنا حكيتلك عن خطيبي اللي إتقتل ، متكسرنيش تاني يا كينان عشان خاطري

كان محاوط رقبتها بإيديه ، قربها منه وباسها بعُمق وهو بيندمج فيها ، كان أول مرة يقربلها من الأساس 

نصار كات بيبصلهم من ورا الإزاز بحقد وهو بيكور إيده بغضب 

قام بدر وقف وقال : تمام هنتحرك للمصنع دلوقتي ، ونجهز كل حاجة ..

* في فيلا سراج 

واقف قدامه رجالته وماسكين الاسلحة 

سراج وهو بيدخن سيجار وبيلف قدامهم : هتحاوطوا المصنع  وتحموني في حالة أي حركة غدر ممكن تحصل ، حتى لو كان تمن خروجي أرواحكم ، مفهوم ؟ 

الرجالة بصوت عالي : مفهوم 

سراج : هنتحرك في شاحنه كبيرة هتنزلوا منها وتحاوطوا المصنع ، ولو شوفتوا بدر خلصوا عليه سواء هو ولا كينان 

ليديا وهي بتشرب الكاس : ومتنسوش أي غلطة هتضيعنا كلنا 

سراج بغضب ليها : بدل ما بتديهم اوامر روحي جهزي نفسك ، أنا مش ناقص وجع دماغ منك 

كسرت ليديا الكاس وقالت : damn you ok !! Don't you ever scream on my face * اللعنة عليك تمام ؟ متصرخش في وشي أبداً * 

طلعت ليديا ف لف سراج لرجالته وهو بيقول : دا اللي بناخده من الحريم وقرفهم ، نكد ودلع على الفاضي ، هطلع أجهز أنا كمان الليل مفاضلش فيه كتير 

 الساعة العاشر والنصف مساءً  / طريق مصر إسكندرية الصحراوي 

وصلت عربية سراج وليديا ، وراهم بالتحديد الشاحنة المُعبأة برجال سراج 

فتحوا باب الشحنة ونزلوا ماسكين الاسلحة وإنتشروا حوالين المصنع القديم ، نزل سراج وهو لابس قُبعة سوداء ، نزلت ليديا وهي لابسة فستان إسود جلد .. قفلوا ابواب العربية وهما واقفين قدام المصنع 

سراج بأمر ل ليديا : كلمي توفيق الزفت شوفيه مجاش ليه ، الصبح كان وسط إتفاقنا إنه هييجي ويكون حاضر كُل شيء 

ليديا خرجت الفون من شنطتها 

الصغيرة وإختارت إسم توفيق ، بعد خمس ثواني نزلت الفون من على ودنها وهي بتقول : line busy * الخط مشغول * 

سراج بغضب : أنا مبحبش كلام العيال ! طالما قال هييجي يعني ييجي 

ليديا بشوق : ياريت أنطوان هنا ، بس مين كان هيخلص شغلنا الباقي في أميريكا ويدعمنا هناك ، خسارة إنه سافر 

سراج بغضب : محدش حارق دمي غيرك إنتي وهو ، ملكوش لازمة من غيري وبعدين متتكلميش بأريحية كدا .. أنا مستني بدر ييجي بس 

ليديا بغضب : تقصد إيه يا سراج

بصلها بطرف عينه مردش ، تليفون ليديا رن ف بصت في الشاشة وقالت : دا توفيق ! 

سراج : ردي وإفتحي ال speaker * مكبر الصوت * 

توفيق ببرود : إزيك يا سراج ، إفتح باب المصنع وإدخل هتلاقي أمانتك 

سراج بصوت عالي وزعيق : نعم !!! إحنا هنهزر !

توفيق بيرود : مش هقدر أجي أنا الحكومة بتفتش في الفيلا بتاعتي حالياً ، خد أمانتك ومتخافش 

سراج بعصبية : والزفت التاني فين ؟؟؟ 

توفيق قفل في وش سراج ف سراج قال : يولاااااد الكلبب 

ليديا بتبص حواليها وبتقول : هنعمل إيه يا سراج ؟؟ هندخل ؟ 

سراج فضل واقف شوية بعدين قال : الظاهر مفيش حل غير كدا ، هاتلنا كام راجل من اللي محاوطين المصنع يحمونا جوا 

شاورت ليديا لكام واحد منهم وحاوطوها هي وسراج ، فتح سراج باب المصنع مكانش في أي حد جوا غير شنطة سودا على الترابيزة 

قرب منها ببطيء وفتحها بالراحة 

كان في ورقة محطوطة وفي صوت زي عد تنازلي ..

مسك سراج الورقة المتطبقة وفتحها 

كان مكتوب فيها بخط بدر 《 لا تُقابل الناس بأذرع مفتوحة .. ستُصلب 》 

رمى الورقة بعيد وهو بيبص جوا الشنطة لقى قنبلة 

1

2

3

المصنع إنفجر إنفجار هايل والنار والدخان وصلوا لنص السمااا 

على تل بعيد عن المصنع بمسافة أمنة ، كان قاعد بدر على كبوت عربيته وبيبص لكينان بإنتصار وكينان بيبصله بنلس النظرة 

* في بيت جدة بدر 

سيا كانت واقفة قدام المرايا بتجهز عشان تستحمى ، مسكت المقص وبدأت تقُص في شعرها ، والخصلات بتُقع تحت رجلها  وصوت المقص مُستمر ..

              See you all in ♤ خارج قانون الحب 2 ♤

 الجزء التاني من هناااااااااااا 

#خارج_قانون_الحب

#روزان_مصطفى

#بقلمييييي