رواية العرافة العجوز الفصل 26-27-28-29-30 بقلم عادل عبدالله كامله
رواية العرافة العجوز الفصل 26-27-28-29-30 بقلم عادل عبدالله كامله
الحلقة السادسة و العشرون
وبعد فترة طويلة من الصمت قالت له هند فريد انا عايزة اسألك سؤال وعايزاك تجاوبني بصراحة .
فريد ما انتي عارفة اني عمري ما بكدب أبدا .
هند لو مامتك طلبت منك تتجوز سمية هتتجوزها
فريد أيوه .
هند أنت بتقول ايوه ومش همك
فريد أنا عايز أقولك معلومة مهمة أوي لما أمي طلبت مني أتجوزك كلمت اسامة أخويا وقولتله وكان رأيه أني لازم أتجوزك علشان احافظ عليكي وعلي الولاد ووصاني لو حصله حاجة أتجوز سمية وأخلي بالي منها ومن مصطفي .
هند يعني ايه
فريد يعني أنا مش هستني أمي تطلب مني أنا هنفذ وصية أسامة و هطلب أتجوزها .
هند ده أنت ما صدقت بقي وعايز تنفذ وصية المرحوم !!!
فريد أنتي فاهمة غلط انتي عارفة أن سمية كانت بالنسبالي زي أختي بالظبط .
هند ما أنا كمان كنت زي أختك بالظبط وأتجوزتني كلنا بنكون زي اخواتك يا فريد في الأول وبتتجوزنا في الأخر !!!
فريد بعصبية قصدك ايه
هند قصدي انك عايز تتجوز نسوان الببت كلهم علشان تبقي عايش شهريار وسطينا .
فريد بعصبية أكبر لولا أني مقدر موقفك كان هيبقي ليا معاكي كلام تاني .
هند قولي بقي يا عريس ناوي تبدأ بردو معاها بجواز صوري
فريد أظن أنتي أكتر واحدة عارفة ومتأكدة اني كنت محافظ أن
جوازنا يفضل جواز صوري لأخر لحظة وأن بداية التغيير كانت من طرفك أنتي مش أنا
هند بقي كده بقي كده يا فريد بتعايرني أن أنا حبيتك
فريد مش قصدي انا برد علي كلامك بس .
هند خلاص كفاية أوي كدة أنا بجد أسفة أوي أني سيبت نفسي لحد ما حبيتك لكن أوعدك خلاص كل حاجة لازم ترجع زي الأول .
فريد أنتي فهمتيني غلط أنا قصدي ..
هند تقاطعه أنا زي ما قولتلك هنرجع زي الأول كل اللي بينا أنك عم الاولاد وجوزي قدام الناس وبس و أنت عيش حياتك زي ما تحب عايز تتجوز سمية أتجوزها براحتك ولو عايز ترجع لتغريد بردو برحتك .
فريد لكن أنا حبيتك !!
هند بسخرية أنت بتحب مين ولا مين يا فريد بتحبني أنا ولا بتحب تغريد ولا بتحب سمية !!!!!
فريد يعني انا علشان بقولك هتجوز سمية يبقي لازم أكون بحبها ! دي ضرورة ووصية أخويا ولازم أنفذها أما بالنسبة لتغريد أنا كنت بحبها في الأول لكن كل اللي بينا انتهي بعد أفعالها معايا ومع أمي أنما أنتي اللي بأفعالك معايا قلبي أنفتحلك وحبيتك بجد .
هند خلاص يا فريد الكلام ده ملوش لزوم عيش حياتك زي ما أنت عايز و أنا زي ما قولتلك هكون مراتك قدام الناس وبس .
مرت عدة أيام أبتعدت فبها هند
عن فريد وأصبحت معاملتها له سطحية للغاية !!
أنتقل فريد للحياة مرة أخري في شقته .
أبتعد فريد كليا عن هند والأولاد وأنطوي مع ذاته في شقته يفكر في كل ما يحدث .
بعد الكثير من التفكير اراد أستعادة علاقته بهند ومحاولة تبرير موقفه .
جاء فريد الي هند وقالها ممكن نتكلم مع بعض شوية
هند اتفضل .
فريد تعالي نتكلم جوه أحسن .
دخل فريد غرفتها وجلس بجوارها علي الفراش وقال لها يا هند أنا عايز أقولك أن كل اللي بيحصل ده قالته واحدة عرافة زمان بالحرف .
هند يا سلااام و أنت بتصدق كلام الناس دي
فريد اللي حصل وبيحصل ده كله يخليني لازم أصدقها !!!
هند هات من الأخر يا فريد وقول أنت عايز توصل لأيه
فريد عايز اقولك ان العرافة هي اللي قالت أن شريف هيمرض وېموت وقالت أن أسامة هيسافر وېموت وقالت كمان أني عمري ما هخلف أبدا واني هتجوز ارملة شريف واربي ولاده وده حصل واتجوزتك ونفس الشئ مع أسامة وكل الظروف بتوصلنا ان ده يحصل !!
هند أنت عايز تبرر أنك عايز تتجوز سمية بأي طريقة مرة تقولي أنك عايز تتجوزها علشان تنفذ وصية المرحوم ومرة تقولي العرافة قالتلكم كده !!!
فريد لأ عايز اقول اذا كان ده كله مكتوب انه يحصل يبقي نقبله ونعمله بارادتنا احسن من أننا نعمله ڠصب عننا ونحس أننا مغصوبين عليه .
هند لو كلامك ده صح يا فريد يبقي أنت اللي عايز تحققه بسبب خۏفك !!!
فريد لأ .
هند مادام لأ يبقي قول من الأخر يا فريد أن سمية عجباك ونفسك فيها !!!
هند شيل ايدك من عليا من فضلك .
فريد لأ أنتي مراتي وحبيبتي ومش هشيل ايدي .
هند أرجوك .
فريد أرجوكي انتي متبعديش عني اكتر من كده أنا بحبك .
بعد مرور أسبوعين كانت جهات البحث أنهت عملها بعد العثور علي بقايا ٨٧ چثة من الضحايا بينما ظلت باقي الضحايا ومن بينهم أسامة مجهولة المصير و لم يتم العثور علي أي أجزاء منها !!!
وبعد مرور أكثر من شهر أصدرت المحكمة حكمها بصدور شهادة ۏفاة لأسامة بتاريخ وقوع الحاډث !!!
أنتقلت الان إموال ومطعم أسامة الي الورثة وأصبحت لهم حرية التصرف فيها .
فوجئت سمية بفريد يقول لها كنت عايز أكلمك في موضوع .
سمية اتكلم يا فريد فيه ايه
فريد أسامة الله يرحمه كان موصيني وصية وقالي لو حصله حاجة أنفذها .
سمية وصية !!! وصية ايه
فريد أسامة وصاني لو حصله حاجة أتجوزك .
سمية ايييييه !!!! قول كده تاني قالك ايه !!
فريد أسامة بنفسه قالي كده قالي لو حصله حاجة أتجوزك .
سمية تصمت وتتصارع داخلها مشاعر
الصدمةوالتوتر الممزوج بالخجل حتي أنها نظرت في الارض ولم تستطيع النطق بكلمة واحدة !!!
فريد أنا كمان لما أسامة قالي الكلام ده كان عندي نفس احساس الصدمة اللي عندك ده .
نظرت له سمية نظرة حيرة ومازالت لا تستطيع النطق بكلمة واحدة
فريد أسامة قالي أنه مش هيكون مطمن عليكي أو علي مصطفي الا معايا !!
سمية لكن أنت عارف أنك بالنسبالي زي أخويا بالظبط .
فريد وأنا كمان ده نفس أحساسي .
سمية قولي الحقيقة أسامة هو اللي قالك كده ولا مامتك اللي قالتلك تقولي كده
فريد لا والله أمي مش لها علاقة بالموضوع أسامة الله يرحمه هو اللي قالي كده بنفسه .
سمية الصراحة أنا مش مصدقة أن أسامة يقولك كده ده كان بيحبني پجنون !! أزاي يفكر اني أتجوز واحد تاني بعده !!!
فريد قصدك أني كداب
سمية مش قصدي لكن أنا مستغربة ومش قادرة أصدق !!!
فريد أنا مش عايز منك رد دلوقتي لسه معاكي وقت كتير تفكري برحتك .
سمية افكر في ايه يا فريد !!!
فريد ننفذ وصية أسامة .
سمية مامتك وهند عارفين بالوصية دي
فريد أمي لسه متعرفش لأني عارف ومتأكد انها هتوافق وتبارك جوازنا أنما هند كنت لازم أقولها قبل ما أكلمك .
سمية وهند وافقت
فريد أنتي تفتكري أنها هتوافق بسهولة كده
سمية معرفش أنتوا العلاقة بينكم شكلها ايه علشان أعرف هتوافق ولا لأ .
فريد يبتسم مادام سألتيني عن موافقتهم يبقي انتي هتوافقي .
سمية أوافق علي ايه با بني !! بقولك انت اخويا .
فريد سمية معاكي وقت فكري برحتك فكري أن الموضوع مش أكتر من أننا ننفذ وصية المرحوم .
بعدها ذهبب فريد وصارح والدته بوصية أسامة
فريد ماما أسامة الله يرحمه كان موصيني وصية .
الأم وصية !!! وصية أيه
فريد قالي لو حصله حاجة أتجوز سمية .
يتبع
الحلقة السابعة و العشرون
صارح فريد والدته بوصية أسامة
فريد ماما أسامة الله يرحمه كان موصيني وصية عايز أقولك عليها .
الأم وصية !!! وصية أيه
فريد وصاني لو حصله حاجة أتجوز سمية .
الأم بتعجب أسامة بنفسه اللي قالك كده
فريد أيوه .
الأم وانت يا فريد عايز تتجوز سمية
فريد أنا عايز أنفذ وصية اخويا .
الأم وهند مراتك لما تعرف !!! هتعمل معاها ايه
فريد أنا خلاص قولت لهند وعرفتها .
الأم وعملت ايه
فريد زعلت طبعا .
الأم طبعا أكيد لازم تزعل وترفض .
فريد لما عرفتها أن دي وصية أسامة هند زعلت لكن في الاخر قالتلي اعمل اللي انت عايزه لكنها من جواها رافضة .
الأم يابني هند بتحبك وحرام تكسر قلبها .
فريد وأشمعني تغريد يا ماما مش تغريد بردو اتكسر قلبها لما أتجوزت عليها !!
الأم يابني أفهم تغريد دي مكنتش بتحبك دي بتحب نفسها وأمها وبس ومن الاخر متنفعش تبقي زوجة تعيش معها طول حياتك أنما هند حاجة تانية خالص .
فريد يعني ايه يعني هند عندها أحساس وتغريد لأ
الأم يعني هند ممكن تبقي مطمن أنها زوجة هتقف جنبك وتعيش معاك علي الحلوة والمرة طول العمر وتربي عيالك وعيال أخوك .
فريد أنا مش هخلف يا ماما فاهمة أنا مش هخلف أبدا .
الأم يا بني خلي أملك في ربنا كبير .
فريد ونعم بالله لكن بردو أنا مش هخلف التحاليل بتقول أني مش هخلف والعرافة قالت أني مش هخلف !!!
الأم أنت لسه كلام الست الكدابة دي في دماغك
فريد أيوه لازم يبقي في دماغي كل حاجة بتحصل حواليا بتأكد أن كلامها صح !!!
الأم أستغفر الله العظيم واضح أن اللي حصل أثر عليك وعلي تفكيرك يا ابني .
فريد المهم دلوقتي يا ماما عايزك توافقي وتباركي جوازي من سمية .
الأم لكن أنا قلبي مش مرتاح .
فريد يعني ايه
الأم يعني قلبي حاسس أن أخوك أسامة لسه عايش !!!!!!!!!
فريد لسه عايش لسه عايش ازاي يا ماما !!! دي الطيارة وقعت في البحر في مكان مستحيل أن حد ينجا منه !!! والمحكمة قالت انه ماټ ومفيش أي أحتمال أنه يكون لسه عايش أبدا ببقي هيكون لسه عايش أزاي !!
الأم أنا عارفة كل اللي بتقوله ده لكن أنا بقولك أحساسي احساس ان اسامة لسه عايش بيطاردني كل شوية لكن خايفة أقول كده تقولوا عليا أتجننت !!!
فريد ما عاش اللي يقول عليكي كده يا امي لكن احساسك مش صح ده بسبب حبك لابنك علشان كده عندك امل انه يكون لسه عايش .
الأم يمكن يمكن الله أعلم لكن أنا بقولك احساسي .
فريد يا ماما أسامة الله يرحمه ماټ وأنا عايز أنفذ وصيته علشان ينام مرتاح في قپره
و هنا تتساقط دموع الأم وتقول قپره !!!! ده يا قلب أمه حتي مفيش قبر اتدفن فيه ولم چتته علشان ينام مرتاح فيه !!!
فريد مش هو لوحده يا ماما مش هو لوحده اللي جثته أتحللت ومتدفنش ناس كتير غيره في نفس الحاډثة وغيرهم كمان بيموتوا في ظروف زي دي وبيكون مصيرهم نفس المصير .
يزيد بكاء الأم بشدة
فريد أرجوكي يا أمي كفاية أنتي صحتك متستحملش كده أبدا .
الأم خلاص يا ابني مش فارقة !! الحياة بقي ملهاش طعم ومش فارق فيها حاجة بعد مۏت كل الحبايب !!
فريد الله يرحمهم لكن انا لسه موجود وولاد ولادك لسه موجودين وربنا يخليكي لينا وتفرحي باولاد ولادك وتجوزيهم .
الأم حسك في الدنيا يا حبيبي .
فريد أرجوكي بقي وافقي علي جوازي من سمية علشان نفضل محوطين علي احفادك لغاية ما نربيهم ونكبرهم قدام عينيا مش ده كلامك ولا ايه
الأم أيوه كلامي .
فريد طيب وافقي وحاولي تقنعي سمية وهند أنهم يوافقوا .
الأم حاضر يا ابني أنا هعمل اللي أنت عايزه وربنا يعمل اللي فيه الخير .
بعدها بدأت الأم في اقناع هند بالموافقة
الأم بت يا هند أنتي عارفة اني بعتبرك زي بنتي ولا لأ
هند أيوه طبعا يا ماما وربنا اللي يعلم انا كمان بعتبرك زي ماما بالظبط .
الأم الحمد لله أنا عرفت ان فريد كلمك في موضوع انه يتجوز سمية .
تغيرت ملامح هند وبدت عليها الحزن
هند أيوه كلمني .
الام وعارفة انك اكيد زعلانة وواخدة علي خاطرك علشان الموضوع ده .
هند انا قولتله يعمل اللي هو عايزه .
الام ايوه عارفة انك قولتيله كده لكن عارفة انك من جواكي زعلانة !!
هند زعلانة ولا مش زعلانة مش فارقة !!
الأم يا هند انا عارفة أنك دايما بتداري مشاعرك وبتبقي زعلانة من جواكي ومبتتكلميش .
بدأت دموع هند في التساقط علي وجهها
الأم طيب خلاص متعيطيش ياااه للدرجادي بتحبي فريد !!
هند يا ماما انا بعد شريف كنت قررت اقفل باب قلبي ومفكرش في حب وجواز تاني لكن انتوا اللي قولتولي أتجوز فريد علشان الولاد ولما اتجوزته ولقيته راجل وشهم وحنين قولت يبقي ربنا عوضني به عن شريف ومشاعري اتحركت ناحيته وحبيته ييجي بعد كده وعايز يتجوز عليا !!
الأم وفريد كمان بيحبك ومش عايز يعمل حاجة تزعلك .
هند ولو هو مش عايز يزعلني يقوم يتجوز عليا !!!!
الام دي ظروف وڠصب عننا كلنا
وهو عايزك توافقي وهيفضل معاكي زي ماهو ومفيش اي حاجة في حياتك هتتغير غير انه بدل ما يبات عندك كل يوم هيبات عندك نص الأيام بس يا بت أعتبري انه لسه مع اللي اسمها تغريد علشان بس الظروف اللي أحنا فيها ولا عايزة مصطفي ابن أسامة
يتبهدل !
هند لا طبعا ميخلصنيش أنه يحصله حاجة وحشة ربنا اللي يعلم اني بحبه زي حمزة ورودينا ولادي .
الام يبقي توافقي يا حبيبتي .
هند لكن يا ماما سمية غير تغريد .
الام ازاي
هند معرفش بس انا هغير عليه ومش هتحمل أشوفه متجوزها .
الأم ليه بقي ده المفروض تغيري عليه اكتر من تغريد علشان كان بيحبها .
هند معرفش اللي اعرفه اني هغير عليه من سمية اكتر .
الام تضحك هتغيري عليه اكتر من سمية علشان هي احلي من تغريد ولا علشان هيتجوزها بعدك مش قبلك زي تغريد
هند معرفش .
الأم لو علي الجمال والحلاوة أنتي احلي من الاتنين وبعدين مش مهم مين اجمل ولا مين احلي المهم هو بيحب مين وببرتاح مع مين وأنا عارفة انه بيحبك ومرتاح معاكي انتي دلوقتي اكتر من اي حد تانية في الدنيا .
هند أنتي بتقولي كده علشان بتصبريني بس .
الأم لا يا حبيبتي اللي يخليه يهتم انك توافقي قبل ما يمشي في اي خطوة يبقي بيحبك وانا عارفة ابني كويس وعارفة انه بيحبك وافقي يا هند علشان خاطر مصطفي اللي لسه طفل صغير .
تصمت هند قليلا ثم تقول حاضر يا ماما اللي انتي تشوفيه صح أنا موافقة عليه لكن لو هيتجوزها انا ليا شرط .
الأم شرط ايه
هند لو انا حسيت انه قصر من ناحيتي ومن ناحية ولادي وطلبت منه الطلاق يطلقني فورا .
الأم ماشي يا هند موافقة علي شرطك وهخليه هو كمان يوافق علشان أنا عارفة ابني انه مش هيقصر من ناحيتكم أبدا .
هند اتمني .
الأم كده بقي مش فاضل الا سمية كمان توتفق .
هند هي سمية لسه متعرفش
الأم هي عرفت لكن لسه مش وافقت .
هند أتمني متوافقش .
يتبع
الحلقة الثامنة و العشرون
الأم كده بقي مش فاضل الا سمية كمان توافق .
هند هي سمية لسه متعرفش
الأم هي عرفت لكن لسه مش وافقت .
هند أتمني متوافقش .
تجلس الام مع سمية وتسألها عاملة ايه يا حبيبتي وابنك عامل ايه
سمية الحمد لله علي كل حال .
الأم أنا عرفت أن فريد أبني قالك أنه عايز يتجوزك .
سمية ايوه قالي .
الأم وأنتي رأيك ايه
سمية فريد أخويا يا ماما ومش هينفع أغير نظرتي له .
الأم يعني عايزة مصطفي يتربي مع جوز أم
سمية ومين قالك أني هفكر أتجوز تاني أنا خلاص هعيش لابني وبس .
الأم أنتي بتقولي نفس الكلام اللي قالته هند قبلك .
سمية لكن أنا مش هند أنا كنت بحب أسامة وهفضل أحبه لحد لما أموت .
الأم وهند بردو كانت بتحب شريف الله يرحمهم هما الاتنين .
وهنا تتساقط دموع الأم وتملأ وجهها
تحاول سمية تهدئتها وتتساقط دموعها هي أيضا وحدي الله يا ماما .
الأم بتأثر لا اله الا الله الحمد لله علي كل حال .
سمية أنا عايزة اقولك يا ماما ان حبي لأسامة هيمنعني أفكر في موضوع الجواز ده من أساسه !!!
الأم عارفة يا حبيبتي أنك كنتي بتحبيه لكن الظروف والقدر بيخلونا نغير حاجات كتير في حياتنا .
سمية أنا عارفة لكن انا مش عايزه اغير حاجة في حياتي أنا هعيش لابني وهيكون كل حاجة في حياتي ابني وجوزي واخويا وابويا وكل حاجة ليا في الدنيا .
الأم ربنا يخلهولك يا سمية وتفرحي به لكن دي وصية أسامة ولازم ننفذها .
سمية الصراحة يا أمي مش قادرة اصدق أن الكلام ده وصية أسامة متزعليش مني انا حاسة أن فريد بيقول الكلام ده من عنده .
الأم وهيقول الكلام ده من عندعه ليه !!! هو كان بص لك قبل كده
سمية الشهادة لله عمره ما لاحظت منه حاجة وحشة قبل كده طول عمره بيعاملني بأحترام زي ما اكون أخته بالظبط حتي لو ضحكنا أو هزرنا كله في حدود الاحترام والأدب .
الأم يبقي ابني مبيكدبش .
سمية مش قصدي لكن انا مش هقدر يا ماما سامحيني .
الأم أنتي عايزة تخلي أسامة الله يرحمه تعبان وقلقان عليكي انتي وابنه من بعده هو ده حبك له !!
سمية وأنا في ايدي ايه اعمله !!
الأم تنفذي وصيته وتتجوزي فريد .
سمية ولو متجوزتش فريد
الأم هيفضل أسامة تعبان وقلقان عليكو ده غير طمع الناس فيكي ده غير كلام الناس !!!
سمية الناس كده كده بتتكلم .
الأم أيوه الناس بيتكلموا لكن فيه فرق لما يتكلموا وأنتي علي ذمة راجل ولما يتكلموا وأنتي عذبة !! كلام الناس وأنتي عذبة حاجة تانية خالص .
سكتت سمية لا تستطيع الكلام
الأم
وافقي يا سمية علشان خاطر ابنك وعلشان خاطر أسامة يرتاح .
سمية أنا هوافق لكن ليا ٣ شروط .
الام ايه هما
سمية أولا الجواز يبقي صوري بجد وده كلام نهائي علشان بعد الجواز ملقيش فريد بيغير رأيه من الناحية دي بالذات .
الأم والله دي حاجة تخصكو انتوا الاتنين أنا مليش دخل بيها .
سمية لازم هو يوافق علي الشرط ده .
الام وايه كمان
سمية ان هند توافق علي جوازي أنا وفريد جوزها .
الأم هي فعلا وافقت خلاص .
سمية والشرط التالت أن فريد ملوش أي علاقة بفلوسي وفلوس أبني .
الام ده سهل لأن فريد عمره ما هيتدخل في حاجة تخص فلوسك وفلوس ابنك الا لو انتي اللي طلبتي منه كده بنفسك .
سمية لو وافق علي الشروط دي أنا هوافق علشان اريح اسامة بس .
بعدها ذهبت سمية لهند وقالت لها أنا عايزاكي في موضوع مهم يا هند
هند أنا عارفة أنتي عايزاني في ايه .
سمية كويس انك عارفة لكن أنا عايزة اعرف انتي فعلا وافقتي أن فريد جوزك يتجوزني
هند وأنا في ايدي ايه اعمله !
سمية في ايدك ترفضي !!
هند في البداية انا فعلا رفضت لكن بعدها غيرت رأيي لما عرفت أنها وصية أسامة جوزك .
سمية لو كنتي رفضتي كنت هرفض .
هند بجد
سمية أيوه .
هند يعني انتي وافقتي
سمية أنا وافقت لكن بشرط أنك أنتي لازم توافقي و كمان أن الجواز يكون صوري .
هند ووافقتي ليه لما انتي مش عايزاه !
سمية أنا وافقت لنفس السبب علشان دي وصية أسامة .
هند مفيش حاجة اسمها جواز صوري !! و لو حصل هتبقي فترة مؤقته وبعدها الجواز هيتحول و يبقي حقيقي .
سمية أنتي بتحبيه يا هند
هند ايوه بحبه اوي .
سمية أوعدك انه هيفضل جواز صوري علطول .
هند بجد
سمية أيوه .
هند نفسي أصدقك لكن مش قادرة .
سمية صدقيني يا هند وبكره الايام تثبتلك .
ومرت الايام حتي فوجئت الأم بسمية تقول لها أنا هببع المطعم يا ماما .
الأم هتبيعيه !! ليه
سمية أنا مش هعرف اشغله وبدل ما يفضل مقفول وأحنا مش بنستفاد منه هبيعه ومن ريع فلوسه اعيش انا وابني .
الأم طيب ما تسيبي المطعم دلوقتي وأنتي وابنك ملزومين من فريد لما تتجوزوا بعد أيام .
سمية لا يا ماما أنا عايزة اصرف علي ابني من فلوس ابوه وفريد اكيد مش هيقدر يصرف علينا كلنا أنا وابني وهند وولادها .
الأم طيب خلاص أعملي اللي في مصلحتك أنتي وابنك وبالنسبة لنصيبي في الورث انا متنازله عنه لابنك مصطفي .
سمية لكن ده حقك !!!
الام لا يا حبببتي دي فلوسكو وأنتوا أولي بيها .
سمية ربنا يخليكي لينا يا ماما .
الام ويخليكي ليا يا حبيبتي جهزتي نفسك واستعديتي
سمية أستعد لأيه
الأم بالنسبة لجوازك انتي وفريد !! دي كلها أيام وتخلص العدة وتتجوزوا .
سمية ما انا قولتلك ده جواز صوري يعني مش محتاج استعداد ولا حاجة .
الام اللي تشوفوه انتو الاتنين دي حياتكم وأنتوا احرار فيها .
وفي أخر ليلة قبل انتهاء العدة نام فريد ورأها في منامه !!!!!!
رأي العرافة واقفة أمامه تبتسم وتقوله شوفت يا ابني اللي قولتلك عليه كله هو اللي حصل !!!
فريد أنتي عرفتي ازاي كل ده
العرافة بكره أنت هتتجوز سمية وتكمل النبوءة وهترجع لتغريد وتعيش معاهم هما التلاته وتربي عيال أخواتك !!
فريد بقولك أنتي عرفتي كل ده ازاي
العرافة خلي بالك منهم كلهم مبقاش لهم راجل غيرك .
وفجأة تختفي العرافة ويستيقظ فريد من نومه !!!
فريد يخاطب نفسه لحد أمتي هتفضل الست دي تطاردني وانا نايم وانا صاحي !!!!
قام فريد بالاتصال بالمأذون واتفق معه للحضور لعقد القران !!!
حضر المأذون الي شقة والدته في وجود فريد وأمه وسمية وبعض من اهلها
وفجأة يدق جرس الباب !!!!
قام فريد وفتح الباب ليجد هند تدخل سربعا وتقول الف مبروك
نظر اليها الجميع بتعجب !!!
تبتسم هند مش المفروض احضر فرح جوزي ولا ايه !!
الأم تعالي يا هند عايزاكي جوه في حاجة .
دخلت هند مع الأم التي قالت أتفضل انت يا عم الشيخ اكتب الكتاب علي ما اتكلم كلمتين مع بنتي .
الأم مالك يا هند مش احنا اتكلمنا واتفقنا خلاص زعلانة ليه دلوقتي !
هند قلبي موجوع اوي يا ماما .
الأم يا بنتي احنا فهمناكي ان الموضوع كله ضرورة ووصية بنفذها وبعدين انتي فاهمة ان ده جواز صوري مش اكتر يعني جوزك هيفضل معاكي زي ما هو .
هند أومال انتي قولتي انه هيبات عندها نص الايام ليه
الأم انا بقول ان ده اللي المفروض يحصل لكن من الواضح كده انه مش هيبات في شقتها خالص .
هند مادام جواز صوري يبقي مش يبات عندها ابدا ويفضل اكله وشربه ولبسه ونومه كله عندي أنا بس .
دق باب الحجرة ودخل اليهم فريد وقال فيه ايه
الأم كنت بتكلم كلمتين مع هند .
فريد وخلصتوا الكلمتين
هند أيوه كتب كتابك يا عريس
فريد أيوه والمأذون مشي كمان .
هند قامت وقالت طيب بينا تعالي نطلع فوق عايزاك !!!
ثم أخذت فريد من يده وخرجت وقالت لسمية ألف مبروك يا عروسة بعد أذنك عايزة عريسك النهاردة .
يتبع
الحلقة التاسعة و العشرون
هند قامت وقالت : طيب بينا تعالي نطلع فوق عايزاك !!!
ثم أخذت فريد من يده وخرجت وقالت لسمية : ألف مبروك يا عروسة ، بعد أذنك عايزة عريسك النهاردة .
نظرت لها سمية " بتعجب " : يا حبيبتي خليه معاكي علطول مش النهاردة بس !!!
سمية تخاطب الأم ،،،،
سمية : هي بتعمل كده ليه ؟
الأم : أعذريها يا بنتي زعلانة .
سمية : طيب ماهيه عارفة انه جواز صوري !! وأنا شرطت انها توافق علي جوازنا وفعلا وافقت ، ايه اللي مزعلها دلوقتي ؟؟
الأم : أي واحدة مكانها لازم تزعل وتغير علي جوزها حتي لو الجواز كان صوري .
سمية : يبقي تغريد كان لها حق تزعل وتطلب الطلاق لما جوزها اتجوز هند عليها !!!
" الأم تنظر لها في صمت وتعجب !!! "
سمية : أيوه يا ماما ، هو ده الحق ، تغريد كان لها حق تزعل .
الأم : تغريد حاجة و هند حاجة تانية خالص .
سمية : لا يا ماما ، دي ست ولها مشاعر واحاسيس ودي كمان ست ولها نفس المشاعر والأحاسيس .
الأم : هند دي واحدة مننا بتحبنا وبنحبها ومن اول ما دخلت البيت ده وهي معاملتها كويسة مع الكل ومن النوع اللي أهم حاجة عندها بيتها وجوزها و أنا عارفة ان ابني هيعيش معاها سعيد ، لكن تغريد من أول يوم وهي متمردة ومش طايقة حد مننا ومش بتحبنا وأهم حاجة عندها ترضي نفسها وترضي امها مش بيتها وجوزها !!
سمية : مهما كان كل ده صحيح لكن بردو كان لازم علي الاقل نعرض عليها الموقف ونحاول نقنعها قبل ما جوزها يتجوز هند عليها .
الأم : كنا هنقولها ليه وأحنا عارفين أنها مش هتراعي الظروف لأن اهم حاجة عندها نفسها ولا يهمها جوزها ولا ظروفه !!!
سمية : بردو كان لازم نقولها ونقنعها قبل ما نعمل اي حاجة .
الأم : ممكن يكون كلامك صح ، لكن هو ده اللي حصل وخلاص .
مشهد أخر
هند مع فريد في شقتها ،،،،،،
فريد : أنتي سحباني من ايدي كده ليه ؟
هند : علشان مش هسيبك تحت عندها .
فريد : وانا هقعد عندها ليه ؟! ما أنتي عارفة أن ده جواز صوري ، لزمته ايه بقي اللي بتعمليه ده ؟!!!
هند : علشان بغير عليك ومش هسيبك لها ابدا .
فريد : نفسي اعرف سبب الغيرة الشديدة دي من سمية بالذات ؟!! أشمعني سمية ؟؟ انتي مكنتيش بتغيري كده من تغريد ؟!!
هند : معرفش ، المهم دلوقتي أنا عايزة اعرف أنت فعلا هتبات عندها تحت ؟؟
فريد : لا .
هند : بجد ؟؟
فريد : أيوه .
هند : و كمان مش عايزاك تدخل شقتها ابدا .
فريد : أومال هطمن عليها وعلي الولد أزاي ؟؟
هند : لما تكون عايز تطمن عليهم أبقي قولي ونطمن عليهم احنا الاتنين مع بعض .
فريد : أومال أنا كنت بتجوزها ليه ؟؟
هند : يعني ايه ؟؟
فريد : يعني جوازي منها كان بسبب وصية المرحوم علشان لما ادخل وأخرج من عندها يبقي أمر طبيعي .
هند : كلامك ده له معني واحد !!
فريد : اللي هوا ؟؟؟
هند : أنك عايز تدخل وتخرج عندها لحد ما تيجي الفرصة اللي أنت بتستناها !!!
فريد : خلاص يا هند أنا مش هبص عليهم ولا أطمن عليهم خالص سواء لوحدي أو حتي وانتي معايا ولما أكون عايز اطمن عليهم أبقي اطمني أنتي عليهم بدل مني .
مرت عدة أيام وهند تفرض حصار شديد علي فريد !!!
وبعد مرور ثلاثة أيام بينما كانت تجلس سمية في شقتها وتتعجب مما تفعله هند سواء معها او الحصار الذي تفرضه هند حول فريد !!!
شعرت سمية بالأستفزاز من كل ذلك فقررت أن تستفزها بدورها !!!
أنتظرت سمية حتي بعد عودة فريد من عمله ، ثم قالت " في خاطرها " وربنا لأجننك يا هند ....
ثم صعدت الي شقة هند ورنت جرس الباب ،،،،
قامت هند وفتحت الباب وفوجئت بسمية أمامها !!!!
هند : سمية !!! أيوة يا سمية فيه ايه ؟؟
سمية : فريد رجع من شغله ولا لسه ؟؟
هند : ليه ؟؟
سمية : كنت عايزاه في موضوع .
هند : موضوع ايه ؟؟
سمية : لو هو عندك جوه قوليله ينزلي تحت في شقتي علشان عايزاه .
هند : بقولك موضوع ايه اللي عايزاه فيه ؟؟
سمية : موضوع خاص ، قولي لفريد مبتاخرش يا هند ، أنا مستنياه تحت .
نزلت سمية وتركت هند يكاد عقلها ان بطير من جنون الغيرة !!!
خرج فريد من الحمام وسألها : انا كنت سامع صوتك بتتكلمي مع حد !! كنتي بتكلمي مين ؟؟
هند " بعصبية " : دي العروسة كانت عايزاك !!!
فريد : سمية ؟؟
هند : أيوه يا عريس ، هو فيه عروسة غيرها ؟؟!!
فريد : كانت عايزة ايه ؟!
هند : كانت عايزاك تنزلها تحت يا عريس !!
فريد : أنزلها تحت !!! ليه ؟؟
هند : سألتها بس مردتش ترد وسابتني ونزلت !!
فريد : طيب انا هنزل اشوفها عايزة ايه ؟
هند : أنت بتستعبط ؟؟
فريد : ليه ؟؟
هند : أنت مش هتنزل ولا هتخرج من باب الشقة دي النهاردة .
فريد : ايه ده ؟!! أنتي حبستيني هنا ولا ايه ؟؟
هند : ايوه .
فريد : طيب انزل اشوف عايزة ايه واطلع علطول .
هند : بردو لأ .
فريد : لازم انزل اطمن ليكون الولد مصطفي تعبان ومحتاج دكتور ؟!
هند : لا يا حبيبي مش مصطفي اللي تعبان !!! وعموما انا هتصلك بسمية واخليك تكلمها قدامي علشان تطمن علي مصطفي ابن اخوك .
وهكذا ظل هذا الحصار الذي فرضته عليه هند لعدة لفترة !!!
وعند عودته يوما من عمله مر علي والدته في شقتها ليطمئن عليها ،،،،
فريد : عاملة ايه دلوقتي يا ماما ؟
الأم : الحمد لله بخير ، قولي أنت عامل ايه في شغلك ومع مرارتاتك ؟
فريد " يضحك " : الحمد لله واحدة رافعة عليا قضية طلاق والتانية فارضة عليا حصار كأني في سجن و التالتة مشوفتهاش من ساعة كتب الكتاب !!!
الأم : بتتكلم جد ؟؟
فريد : أيوه ، وأنا هشوفها ازاي وهند هانم عاملة عليا الحصار ده !!!
الأم : ربنا يهديها ، شوية كده لحد ما تطمن و بعد كده هتقلل الضغط ده عليك .
يرن جرس الباب رنات متتالية !!!!
يقوم فريد يفتح الباب فيجد سمية تدخل بعصبية شديدة !!!!
سمية : تعالي يا ماما شوفي المجنونة دي عايزة ايه ؟!!
تدخل خلفها هند من الباب وتقول : أنا مجنونة يا سمية ؟؟
سمية : اهو جوزك هنا عند امه هنا !!!
الام : فيه ايه أنتي وهيه ؟؟
سمية : مرات ابنك جاية بتقولي فريد فين ؟ خرجي جوزي من عندك !!!
الام : ايه الكلام ده يا هند ؟؟ ينفع كده ؟؟!!
هند : يا ماما لما شوفته اتأخر قولت في نفسي انه اكيد عندها !!!
الأم : مينفعش يا هند تعملي كده !! وحتي لو دخل عندها ماهيه مراته !! أومال احنا كنا جوزناهم ليه ؟!! ماهو علشان لما يحب يطمن عليهم يدخل ويطلع عادي من غير حساسية !!!
هند : أنا اتفقت معاه أنه ميدخلش عندها الا وانا معاه !!
سمية : انا مليش دعوة بالكلام ده كله ، أنا ست مش عايزة هم ووجع دماغ وشوشرة علي الفاضي في حياتي !!!
هند : واحنا متفقين علي حاجة ومش هغير أتفاقي وألا مش هسكت ابدا .
سمية : يعني هتعملي ايه يا حبيبتي !!
هند : هتشوفي يا سمية ، هتشوفي هعمل ايه .
فريد : بس أنتي وهي ، أنتوا مش محترمين وجودي ولا وجود أمي وسطكوا ولا ايه ؟؟
الأم : مينفعش اللي بتعملوا ده يا بنتي انتي وهيه .
فريد : مادام أنتوا الاتنين مش محترمين وجودي هقولكوا كلمتين وهما اللي هيمشوا من هنا وجاي ، أنا لما اتجوزتكوا انتي وهيه أتجوزتكوا علشان نربي عيال اخواتي ونعيش في هدوء من غير وجع دماغ ومشاكل
سمية : أنا مليش ذنب ، أنا ....
فريد : محدش يقاطعني ، أنا متجوزكوا انتوا الاتنين ، ومن هنا وجاي ادخل شقة اي واحدة منكوا من غير اعتراض او كلام ملوش لازمة ، اللي عندها اعتراض علي الكلام ده يبقي ملهاش مكان وسطنا !!!
وهنا يقطع صوت جرس الموبايل كلام فريد ،،،،،،،،
ينظر فريد الي هاتفهه فيجد صديقه المحامي !!!
فريد : ازيك يا احمد عامل ايه ؟ وأخبارك ايه ؟؟
أحمد المحامي : الحمد لله أنا تمام ، المهم أنت عامل ايه ؟؟
فريد : تمام .
المحامي : عندي لك خبر نصه هيفرحك أوي ونصه التاني هيزعلك أوي !!!
فريد : ايه ده ؟؟ فزورة دي ولا ايه ؟؟
المحامي : لا مش فزورة انا بتكلم جد .
فريد : طيب قول الحاجة اللي هتزعلني الأول وبعدها قول الحاجة اللي هتفرحني .
يتبع و
الحلقة الثلاثون
المحامي : عندي لك خبر نصه هيفرحك أوي ونصه التاني هيزعلك أوي !!!
فريد : ايه ده ؟؟ فزورة دي ولا ايه ؟؟
المحامي : لا مش فزورة انا بتكلم جد .
فريد " بسخرية " : طيب قول الحاجة اللي هتزعلني الأول وبعدها قول الحاجة اللي هتفرحني .
المحامي : تغريد مراتك رفعت قضية جديدة ضدك .
فريد : قضية ايه ؟؟
المحامي : قضية تمكين من الشقة .
فريد : الشقة !!!! غريبة اوووي !!!
المحامي : لما تعرف السبب هتعرف انها مش غريبة ولا حاجة .
فريد : ايه السبب ؟؟
المحامي : السبب هو نفسه الحاجة اللي هتفرحك .
فريد : خلص يا احمد وقول .
المحامي : السبب أن تغريد حامل .
فريد " بتعجب " : حااامل !!!!!!
المحامي : أيوه ، حامل .
فريد : لا لا ، ده أكيد لعبة تغريد بتلعبها علينا .
المحامي : لا ، أنا سألت وأتأكدت أنها فعلا حامل .
فريد : حامل ازاي ؟؟
المحامي : هو ايه اللي ازاي يا فريد ؟؟ عيب اللي بتقوله ده !!!
فريد : دي كدابة ، تغريد مش حامل .
المحامي : لا يا فريد ، تغريد مراتك فعلا حامل .
فريد : حامل ازاي ؟!! دي سايبة البيت من حوالي ٧ شهور !!!
المحامي : تغريد مراتك حامل في الشهر السابع فعلا ورفعت قضية تمكين من الشقة ضدك علشان حضانة الطفل او الطفلة اللي في بطنها .
فريد : طيب اقفل يا احمد دلوقتي ، سلام .
أغلق فريد المحادثة وجلس في صمت وكلهن من حوله ينظرن اليه في ذهول !!
الأم : هوه بيقولك أن تغريد حامل ؟؟؟
فريد : أيوه ، احمد المحامي بيقول انه سأل وأتأكد أنها فعلا حامل .
الأم : حامل ازاي وهي مشيت غضبانه من ٧ شهور ؟!
فريد : بيقول أنها حامل في الشهر السابع .
الأم : بجد ، أحمدك وأشكر فضلك يارب ، ألف مبروك يا حبيبي .
فريد : مبرووك ؟!!!! مبروك أزاي يا أمي ؟؟؟ أنا مبخلفش !!!
الأم : ملتخلفش !!! مين اللي قال كده يا ابني ؟؟
فريد : العرافة هي اللي قالت كده .
الأم : انت لسه مصمم تربط حياتك وتفكيرك بكلام الست دي ؟؟
فريد : أيوه يا ماما ، لأن كلامها هو اللي بيتحقق قدام عينينا .
الأم : الست دي كدابة .
فريد : والتحاليل كمان كدابة يا ماما ؟!!
الأم : تحاليل !! تحاليل ايه ؟؟
فريد : أنا عملت تحاليل وكانت النتيجة بتقول أني محتاج علاج طويل وأحتمالية الانجاب عندي ضعيفة جدا ومحتاج وقت طويل !!!
الأم : مش يمكن تكون اتعالجت وخفيت يا حبيبي ؟؟
فريد : لا يا ماما ، مش ممكن !!
الأم : قصدك ايه ؟؟
فريد : مش عارف يا ماما ، أنا حاسس اني متلخبط .
هند : لو تغريد فعلا حامل يبقي اللي في بطنها ده مش ابنك يا فريد .
الأم : لا لا ، أوعي تقولي كده يا هند !!! حرام عليكي .
هند : يا ماما فريد فعلا قالي انه عمل تحاليل وعارف انه مش هيخلف او بمعني أصح محتاج معجزة علشان يخلف .
الأم : كل حاجة بأيد ربنا ، ويمكن ربنا اراد أن يحصل الحمل ده في الوقت ده لحكمة محدش يعرفها غيره .
فريد : أنا علشان أقطع الشك باليقين لازم اعمل تحاليل جديدة ودي هتكون الفيصل .
سمية " بأستنكار " : أنت فعلا ممكن تشك أن اللي في بطنها مش ابنك ؟؟!!!
فريد : أنا لازم أتأكد دلوقتي حالا .
تركهم فريد ونزل سريعا وذهب سريعا الي معمل التحاليل وهناك قاموا بعمل تحليلات جديدة !!!
جلس فريد ينتظر نتيجة التحاليل علي أحر من الجمر !!! وتذكر حين عمل التحاليل الاولي واتصل بأخيه اسامة قبل أن تظهر النتيجة !!!
دمعت عيون فريد والتي لا تري أمامها الا كستائر سوداء تفصله عن العالم !!!
مرت ثلاثة ساعات وكأنها ثلاثة سنوات !!! وأخذت التحاليل وذهب الي الطبيب !!!
نظر الطبيب في التحاليل وقال له :
تمام ، تمام ، واضح أنك ماشي علي العلاج كويس .
فريد : خير يا دكتور طمني ، أنا خلاص ممكن أخلف ؟؟؟
الطبيب : ايوه فرصتك في الأنجاب زادت كتير ، نسبة الخصوبة عندك زادت من ٢ مليون حيوان منوي ودي نسبة ضعيفة جدا لأكتر من ٣٥ مليون ودي نسبة مقبولة جدا لحدوث الحمل ، لكن بردو لازم تكمل علاج .
فريد : يعني ممكن يحصل حمل يا دكتور ولا لأ ؟؟
الطبيب : أيوه ممكن جدا .
خرج فريد من عند الطبيب وهو لا يكاد يصدق !!!
فريد " يخاطب نفسه " : معقول ؟؟ معقول أنا هبقي أب ؟؟ طيب أزاي ؟؟ دي العرافة قالتلي اني عمري ما هخلف ابدا !!!!! معقول أنا هخلف وأبقي أب !!!!! ده كلامها كله اتحقق !!! يبقي أنا هخلف أزاي ؟؟؟؟؟ أو يمكن الحمل ميكملش و ينزل قبل ما تولد ؟؟ مادام العرافة قالت اني مش هكون اب يبقي اكيد تغريد مش هتكمل حملها !!!!
ودلوقتي أنا هعمل ايه مع تغريد ؟؟؟
ده لو المحكمة حكمت لها بالطلاق يبقي أكيد هتاخد الشقة علشان حضانة الطفل !!!! وهي تغريد هتخلف اصلا ولا مش هتخلف ؟؟؟ أنا مش قادر أركز وحاسس ان تفكيري هيتشل !!!!
عاد فريد الي المنزل وكانت هند تنتظره علي احر من الجمر !!! وأيضا والدته ومعها سمية تنتظراه في شقة الأم ، خاصة أن هاتفهه فصل شحن ولم يستطيعوا الأطمئنان منه علي نتيجة التحاليل .
بمجرد شعورها بوصوله فتحت امه الباب وسألته : الدكتور قالك ايه ؟؟
فريد : قالي أني ممكن أخلف .
ردت سمية : شوفت !! كنت هتظلمها ازاي !!!
الأم : أومال مش باين عليك الفرحة ليه ؟؟
فريد : مش قادر أصدق يا ماما !! حاسس أني متلخبط !!!
الأم : أفرح يا ابني وعيش فرحتك ، مالك يا فريد ؟؟ فيه ايه ؟؟؟
فريد : مفيش يا أمي ، أنا تعبان اوي !! هطلع اريح شوية فوق .
صعد فريد الي شقة هند التي كانت تقف وتسمع كل الكلام الذي دار بينهم .
تسأله هند : الدكتور قالك أنك ممكن تخلف ؟؟
فريد : أيوه .
هند : يعني أنت صدقت أن تغريد حامل ؟؟ منك ؟؟
فريد : قصدك ايه ؟؟
هند : مش قصدي حاجة ، أومال أنا مش حامل منك ليه ؟؟
فريد : معرفش يا هند .
هند : أنت ناوي تعمل ايه ؟؟
فريد : معرفش .
هند : مالك يا فريد ؟؟ بتكلمني كده ليه ؟؟!!
فريد : سبيني دلوقتي يا هند من فضلك ، أنا دماغي متلخبطة ومش قادر افكر ولا قادر أتكلم !!!
هند : كلمني زي ما بكلمك يا فريد ومتهربش من الكلام .
فريد : عايزة ايه يا هند ؟؟
هند : عايزاك تقولي أنت ناوي تعمل ايه ؟؟ هترجع لتغريد تاني ؟؟
فريد : قولتلك دماغي متلخبطة ومش قادر أفكر ، سبيني من فضلك دلوقتي .
هند : لا مش هسيبك الا لما تجاوبني .
فريد : انتي اول مرة تكلميني كده !!! مالك يا هند فيه ايه ؟؟
هند : فيه اني شايفة حياتي اللي كنت خلاص أستقريت عليها بتضيع مني قدام عينيا !!
فريد : مين اللي قال كده ؟؟
تغريد : علشان انت كده اكيد هتفكر ترجعلها !!
فريد : أرجعلها أزاي وأحنا بينا قضايا ؟!!
هند : معرفش ، اللي أعرفه ان دلوقتي فيه اتنين غيري بيهددوا حياتي وهيقاسموني فيك !!!
فريد : أرجوكي بلاش تخاريف وسبيني لوحدي دلوقتي ونتكلم بعدين .
هند : وأنا مش هسيبك الا لما أعرف أنت ناوي تعمل ايه ؟؟؟
فريد : يعني مش هتسكتي دلوقتي يا هند ؟؟ انا بقولك ارجوكي سبيني دلوقتي !!!
هند : وأنا بقولك مش هسيبك الا لما اعرف مصير حياتي معاك دلوقتي ومش هفضل مستنية وأنا شايفة حياتي بتضيع مني !!
فريد : ماشي يا هند ، أنا هسيبلك الشقة كلها وأمشي .
هند : رايح فين ؟؟
فريد : هشوف مكان اقعد فيه بهدوء افكر .
هند : خليك هنا ، متطلعش شقة تغريد .
فريد : أولا أسمها شقتي مش شقة تغريد ثانيا انا مش هقعد هنا ولا هطلع فوق .
هند : هتروح فين ؟؟
فريد : ملكيش دعوة .
خرج فريد سريعا وخرجت وراؤه هند وسألته : تعالي هنا قولي ، أنت رايح فين ؟
فريد نظر لها بتحدي ثم ذهب ودق باب زوجته الأخري سمية !!!!!
يتبع
تعليقات
إرسال تعليق
فضلا اترك تعليق من هنا