رواية المبروكه الفصل 26-27-28-29-30بقلم رشا منصور جميع الفصول كامله وحصريه مدونة قصر الروايات
رواية المبروكه الفصل 26-27-28-29-30بقلم رشا منصور جميع الفصول كامله وحصريه مدونة قصر الروايات
#الجزءالسادس_والعشرون
#المبروكة
الضابط.... يا عسكري هات سعيد من الحجز بسرعه
سعيد.....
العسكري جه خدنى وحسيت زى ما يكون رايح الاعد'ام وأول ما دخلت اوضه الضابط لقيت نهي قدامي
سألتها عن أبويا قالت ليا في المستشفى ودلوقتي هتيجي معايا علشان تشوفه ويطمن عليك
بصيت للضابط واتفأجات به بيقولي
الضابط....
قررنا نحن الرائد محمد إسماعيل بالإفراج عن سعيد عثمان بعد ما تم تقديم الادلة اللازمة ل أثبات براءته
إحنا آسفين يا استاذ سعيد كل الأدلة كانت ضدك ولولا مدام نهي كان زمانك😏
أنت محامي واكيد فاهم كويس قضية زى دى كانت هتقضي ع مستقبلك لكن احب اقولك بعد ما يتحكم ع سارة بالشهادة الزور ممكن ترفع عليها قضية رد شرف لو حبيت
سعيد...
مكنتش فاهم أى حاجة وخايف انطق أحسن ابوظ الدنيا
بصيت للضابط وقولت له أقدر أخرج أنا ولدي في المستشفى
الضابط.... اتفضل وألف سلامة ع الحج
سعيد.... خرجت من عند الضابط وقولت ل نهي أنتي قولتي له ايه علشان يفرج عني
نهي...
خلينا نمشي من هنا دلوقتي ونروح ل عمي وهبقي افهمك كل حاجه هنالك وفضل يشكر فيا وباس أيدي 😘 وقالي أنا مش عارف أقولك إيه انقذتي حياتي ومستقبلي
فضلت ساكته طول الطريق لحد ما وصلنا المستشفي
عمي.....
سعيد أبني أنت خرجت إزاى ايه اللى حصل طمني
نهي .... أطمن يا عمي أنا اتصرفت مكنش ينفع اسيب سعيد يتحبس' علشان خاطركم وعلشان خاطر أبني بدل ما يتباهي أن ابوه محامي وأستاذ في الجامعه يطلع يلاقي ابوه رد سجون
عمي...... كتر خيرك يابنتي بس فهميني عملتي ايه
نهي.....
بعد ما سيبت حضرتك وشوفت الحاله اللى فيها مرات عمي فكرت أعمل إتفاق مع الجن الحارس بأنه يساعدنى مقابل انه ياخد نص الفلوس بتاعتي
وفعلاً قالي ع الخطه كلها وروحت القسم وقولت الضابط الآتي
أنا مرات سعيد وسارة تبقي السكرتيرة وكانت متعودة تيجي البيت تاخد ملفات القضايا من سعيد أو تجيب له مذكرة مثلاً ومن حوالى اسبوع لاحظت بالتعب ع وشها وشكيت فيها ولما اتكلمت معاها قالتلي أنها غلطت مع واحد كان واعدها بالجواز وأول ما حصل حمل بيتهرب منها ومش عارفه تقول ل أهلها إيه وطبعاً طلبت مني مقولش ل سعيد حاجه علشان متخسرش الشغل وكمان علشان سمعتها وأنا قولت لها تكلم الشخص ده وتهدده أنها هتخلي سعيد يقدم فيه بلاغ بالاعتد'اء عليها وأنه لازم يتجوزها غصب عنه
وقولت لها أكيد هيخاف وهيتجوزك
بعد كدا فكرت يا تري بتشوفه فين وهى بتروح المكتب من 10 الصبح لحد 10 بالليل وطول النهار سعيد إلا في الجامعه أو البيت أو المحكمه وقليل جدا لو راح المكتب الصبح لما يكون في قضية عاوز يراجعها
علشان كده شكيت أنها بتقابل صاحبها في مكتب سعيد وخوفت يعمل فيها حاجة وسعيد يدبس فيها
فضلت ادور على مكان بتاع كاميرات مراقبه لحد ما لقيت مكتب واتفقت معاه أنه يركبهم ليا الصبح بدري
وفعلاً لسه من يومين بس مركبه كاميرات من بره وجوه ومحدش يعرف ولا حتى سعيد
والضابط جه معايا وشاف أن سعيد كان في المكتب بيراجع قضيه وأول ما وصلت سارة قالها أنه نازل وهيرجع ع الظهر ومجرد نزوله
جه صاحبها وهد'دها أنها لو مبعدتش عنه هيفض'حها عند أهلها ضر'بته بالفازة راح مسكها فضل يض'رب فيها ورماها ع السلم وجري قبل ما حد يشوفه
وطبعاً بعد ما الضابط شاف بنفسه اللى حصل أمر بأخلاء سبيلك
سعيد.... نهي أنا مش عارف أشكرك إزاى
نهي .... اشكر عمي ومرات عمي واشكر إبنك لولاهم مكنتش ساعدتك
وتقدر من بكره ترجع مكتبك عادى والجامعه
الجن عمل اللازم ومحدش عرف أى حاجة
مرات عمي.....
والله يابنتي أنتي ملاك من السماء ربنا يحفظك ويسعدك وتشوفي عزيز إبنك في أعلي المراكز وتتباهي به
نهي....
ربنا يخليكي يا حبيبتي ويلا بقي نخرج من هنا ولا عجبتك المستشفى يا عمي ايه مش وحشك البيت
يلا أنا هشوف الدكتور وإذا كان ممكن يكتب لك ع خروج
مجرد ما خرجت كنت عارفه أن عمي مش هيسكت
عمي....
ها يا سعيد اتعلمت الدرس ولا لسه شوفت يابني أنك معاك كنز لازم تحافظ عليه وجود مراتك وابنك بالدنيا كلها
مراتك دفعت نص فلوسها علشان تنقذ سمعتك واحدة غيرها كانت سابيتك تدفع تمن غلطتك
ياريت تكون تعلمت الدرس وتعرف تصون النعمه اللي ربنا ادهالك وتعوض إبنك وحيدك وسندك في الدنيا لما تكبر
نهي....
رجعت ومعايا الدكتور وقاس الضغط ل عمي وقالوا تمام تقدر تخرج دلوقتي أنا هكتبلك ع خروج لكن بلاش أى انفعالات ولا عصبيه
وروحنا البيت وقولت للشغاله تحضر الأكل اليوم طويل ومحدش فينا أكل حاجه وطلعت اخد شاور وأول ما نزلت من اوضتي عرفت أن سعيد في اوضته ورافض ينزل
عرفت من قرينه أنه واقف تحت الدش وبيبكي يستاهل دى أقل حاجه يعملها عارفه أن في رجاله هتقول عليا مفتر'يه لكن اكيد الستات حاسه بيا و هتكون في صفي
قولت ل عمي ومرات عمي أنا هطلع الأكل ل سعيد في اوضته وطبعاً فضلوا يدعولى
وطلعت ل سعيد ودخلت اوضته وحطيت صنيه الأكل وخبطت ع الحمام وقولت له اطلع عوزاك
سعيد.....
أول ما لقيت خبط ع الباب وسمعت صوت نهي توقعت أنها جايه تديني محاضره أو تطلب الطلاق حقها بصراحه
خرجت من الحمام وأنا بحاول أفكر في أى كلام اقوله لكن لقيتها بتقولي أنا جبت الأكل علشان نأكل سوي ولا مش عاوز تأكل معايا
أنا ممكن أنزل أكل مع عمي تحت لو وجودى هيضايقك
نهي أنتي بتقولي ايه لولا وجودك مكنش زماني هنا دلوقتي أنا مش لاقي أى كلام اقوله لكي غير أني أوعدك أنى هتغير وارجع سعيد بتاع زمان
نهي.....
أعمل إيه بس في قلبي الحنين ده سامحته طبعاً بس شرطت عليه انه يشغل سكرتير راجل وانه يحاول يقضي وقت مع عزيز
ولولا أن عزيز لسه طفل صغير كنت نقلتوا ينام في اوضة تانيه علشان كده مضطرة أن سعيد يفضل في اوضته لحد لما يبقي عزيز يكبر هههههههههههه
واكلنا مع بعض ونزلنا سوي تحت عند عمي ومرات عمي وسعيد باس أيدهم ووعدهم أنه خلاص اتعلم الدرس
وتاني يوم لقيت التليفون بيرن
يتبع.... #رشامنصور
#الجزءالسابع_والعشرون
#المبروكة
وتاني يوم لقيت التليفون بيرن
المخرج..... ايوة يا مدام نهي ايه رأيك تقبليني انهاردة الساعه 3 العصر في ماسبيرو هسيب خبر مع الأمن تحت هيوصلوكي لمكتبي
نهي.... تمام هكون عندك في الميعاد قفلت معاه
وقولت لهم ع كلام المخرج وأنى هتأخر بره يبقوا يتغدوا هما وطبعاً سعيد بعد اللى حصل منزلش الشغل كان مجهد جدااا ومقدرش يعترض على ميعادى مع المخرج
وروحت ولقيته عامل اجتماع مع مدير الانتاج ومعد البرنامج وأن فكرة البرنامج هتكون على الهواء وازاى ممكن اساعد الناس من خلال اتصالهم أو لو في حالات ممكن تحضر في الاستوديو طبعاً وافقت جدا وقالي التصوير بعد اسبوع وهيتم الاعلان عن البرنامج وخدولي كام صورة علشان تنزل مع الإعلان
وطبعاً كل حاجه ماشيه زى ما مخططه لها بالظبط
ودى أول خطوة في طريق الشهرة
ولسه اللي جاي احلى
نهي.... أول ما وصلت البيت حكيت لهم ع كل حاجه ما انتوا عارفين إني صريحة احم احم 😕
وتاني يوم روحت شغلي عادي جدا وخلصت وطلعت أقعد في كافيه أشرب قهوة واقعد أفكر في كل حاجه بالترتيب وافتكرت أنى بقالي فتره مروحتش ل مها بنت أخت الست لواحظ ع الرغم أنى مخصصه لها مبلغ شهري والجن بيبلغني الاخبار بس ده ميمنعش أني ازورها ما هى زي حالاتي لأ أم ولا أب ولا أخوات
خلصت قهوتى ومجرد ما خرجت من الكافيه في لحظه كنت عند مها والبركه في صرماط
واطمنت عليها وقولتلها إني هجيب لها شقه في منطقة كويسه بعيد عن الحارة بس قالت ليا بلاش علشان مدرسة الاولاد قولت لها بسيطه أنقل الاولاد وادخلهم مدارس لغات كمان وجوزها أول ما شافني اتخض كأنه شاف عفريت معرفش ليه 😏
قولت له متخافش أنا رشا منصور لو ناويه لك ع حاجه هعملها وأنا قاعدة في بيتي وبشرب قهوتى مش محتاجه اجيلك مخصوص اقعد واسمعني
وعرفتهم أنهم يجهزوا أهم حاجه بالنسبة لهم وأنا هجيب لهم شقه بأسمها طبعاً وافرشها كمان بس عند نهاية السنه الدراسيه بعد شهرين علشان مضيعيش ع أولادها سنه في المدرسه
وبمجرد خروجى قولت ل صرماط عاوزة اتفرج على محلات الملابس أنا هبقي نجمه في التليفزيون ولفيت واشتريت حاجات كتير أوى وطبعاً منسيتش اللى فى البيت وعزيز أولهم حبيب قلب ماما
ووصلت البيت وكلهم فرحوا بالحاجات الجديدة وخصوصاً عزازيل اللى أول ما اتقفل باب الاوضة فضل يطير بالهدوم واللعب بتاعته كأنه بيلعب ماتش تنس يحدف اللعبه ويطير يمسكها الناحية التانية 😂😂
اة يا قلب ماما أنا بعمل كل ده علشانك أنت لازم زى ما لك مكانه في عالم الجن لازم يبقي لك مكانه في عالم البشر والكل يعملك حساب ده أنت إبن المبروكة
وعدت الأيام وجه يوم البرنامج اللى كان الساعه 5 مساااء
بس كان المطلوب اروح قبلها بساعتين ع الأقل علشان مراجعه الأسئلة وتظبيط الصوت والاضاءة المناسبة ليا
منكرش أنى كنت متوترة جدا خصوصا إني لوحدى ومعرفش حد لكن لقيت صرماط قدامي قالي أنا معاكي اطمني.... الاهتمام حلو مافيش كلام
وابتدي البرنامج وفي الأول المذيع اتكلم عن اكتشافي للمقبرة وازاى حسيت بها ومرة واحدة لقيته بيقول
المذيع..... مدام نهي المخرج كان قال لنا أن أول مرة شافك فيها أنك اختفيتي فجأة من قدامه يا تري ده حقيقة ولا تهيؤات ولا لكي في شغل السحر 🤨
نهي....
بصيت له وأنا متغاظه وقولتله أنا من صغري كنت أوقات بلاقي نفسي في مكان غير مكاني لمجرد التفكير فيه بس مكنتش بقول لحد كنت بخاف زمايلي يخافوا مني بس لما كبرت فضلت ابحث عن الموضوع ده عرفت أن أسمه الاسقاط النجمي
المذيع....
نعم اللى هو إزاى يعني قصدك زى الافلام الاجنبيه بصيتي للنجمه وحققت لكي امنيه 😏
نهي...
طريقه كلامك فيها سخرية بس هقولك ع حاجه تانيه كمان أنا بقدر أعمل أى حاجة عوزاها وأنا قاعدة في مكانى
تحب تجرب حركت ايدي اتجاهه راحت كوبايه الميه بووووم غرقت وشه
قولت له يمكن الميه تفوقك وتخليك تكلم معايا بأسلوب محترم عن كدا وشاورت بأيدي راح اتحرك هو والكرسي واتخبط في الحيطه ووقع على الأرض
وطبعاً كل ده ع الهواء قدام كل الناس وسيبت الاستوديو وروحت ل مدير الانتاج قولت له لو سمحت عاوزة اقطع العقد اللى مضيته معاكم أنا جيت ع أساس أن البرنامج لمساعدة الناس مش علشان تجيبولى واحد يسخر مني
مدير الانتاج....
أنسي المذيع خالص ده أنتي لقطه ده أنا اغير اصطف البرنامج كله لكن أنتي تفضلي والعقد هنعمل واحد جديد بمبلغ أعلي أقعدي بس وروقي واتصل بالمساعد وقاله هاتلي المخرج والمذيع حالا هنا دلوقتي وهات كوبايه ليمون للأستاذة
نهي....
قعدت بكبرياء وخصوصاً لما دخل المذيع بصيت له من فوق لتحت بقرف راح قالي
المذيع ....
انتي إزاى تحركي الكرسي وتخليني اتخبط في الحيطه ع الهواء قدام الناس شكلي ايه دلوقتي
نهي....
حطيت رجل ع رجل وقولت له زى ما كلمتني بسخرية قدام الناس كان لازم افوقك لنفسك بردو قدام الناس
كونك متعرفش أنا مين أو قدراتي ايه ده ميديش لك الحق أنك تتكلم معايا بتريقه أنا في الأول والآخر ضيفه في البرنامج يعني أقل حاجه المفروض تكلمني بأحترام ولا محدش علمك تكلم الناس بأدب
المذيع....
انتي زودتيها أوى وأنا سكتلك بس علشان أنتي واحدة ست لولا كدا كان بقي ليا تصرف تاني معاكي
نهي .....
تصرف تاني 🤔🤨بصيت له وخليت صرماط يرفعه من الأرض وثبته في السقف حبيبي يا صرماط
وقولت له أقسم بالله لو ما اتكلمت بأدب أنا بقي اللى هعلمه لك أنت واللى يشددلك
المخرج....
اهدي بس يا مدام نهي هو معرفش حضرتك كويس نزليه بس واعتبريه مش موجود في البرنامج خالص ومتزعليش نفسك ابداااا
مدير الانتاج.....
بص للمذيع وهو في السقف وقاله أنا لما جبتكم هنا كان علشان تعتذر للأستاذة مش علشان تغلط فيها حلال اللى اتعمل فيك المفروض أنك مذيع يعني أسلوبك دبلوماسي
مدام نهي إحنا آسفين جدآ لحضرتك ونبدأ صفحه جديده مع بعض واختاري المذيع اللي يعجبك
نهي....
شاورت بأيدي وقع المذيع ع وشه وسنانه جابت د-م بصيت لهم وقولت يطلع على الهواء ويعتذر ليا الأول
مدير الانتاج.....
بصيت للمذيع وقولت له سمعت المدام قالت ايه اتفضل نفذ 🤨
يتبع
#رشامنصور
#الجزءالثامن_والعشرون
#المبروكة
نهي....
شاورت بأيدي وقع المذيع ع وشه وسنانه جابت د-م بصيت لهم وقولت يطلع على الهواء ويعتذر ليا الأول
مدير الانتاج.....
بصيت للمذيع وقولت له سمعت المدام قالت ايه اتفضل نفذ ولازم تفهم وجودك في البرنامج متوقف عليها هى
المخرج....
أنا طلعت فاصل اعلاني تسمحي نرجع نكمل البرنامج اتفضلي معايا يا مدام نهي وأحنا هنفذلك كل طلباتك
بصيت للمذيع وقولت له روح اغسل وشك بسرعه
نهي....
بصيت ل مدير الانتاج وللمخرج قولت لهم أنا بعتذر ع اللى حصل بس أنا متعودتش أنى اتهان ومكنش ينفع أسكت أنا هرجع أكمل الحلقه وخرجت مع المخرج
المخرج.....
يلا هنبدأ ع الهواء 3,2,1 هوااااااء
المذيع....
رجعنا تاني أعزائي المشاهدين ومعانا ضيفتنا الأستاذة نهي وأنا بعتذر لها قدام الجميع أنا طبعاً مقصدتش ابدأ أنى اشكك في قدراتها بس حبيت أن كل السادة المشاهدين يشوفوا بنفسهم اننا معانا ضيفه مميزة جدا
نهي.....
أنا سعيدة جدا بوجودى في البرنامج واتمني لو أقدر اساعد الناس بقدراتي دى أنا ولله الحمد عندى القدرة على حاجات كتير ودى يمكن حاجه ربنا اصطفاني بها عن باقي الناس وأن شاء الله قريب جدا هفتح مكتب لخدمة الناس
وحل مشاكلهم
المذيع.....
ده خبر كويس جدا وبكدا تقدري تساعدى أكبر عدد ممكن
نهي ....
بخصوص إني بتنقل من مكان ل مكان أنا بصراحة نفسي اكون مكان الاستاذ اللى واقف على الكاميرا فوق ده وفي لحظه كنت واقفه مكانه وهو قاعد على الكرسي بتاعي
وباقي الكاميرات والإضاءة كانت متسلطه عليا
ورجعت تاني ع الكرسي والاستاذ رجع مكانه ع الكاميرا
المذيع....
فضلت ابصلها 👀وابص للراجل وخايف انطق أحسن اتعلق في السقف تاني بس منكرش أن علامات الدهشة كانت واضحة على وشي
نهي....
بصيت للمذيع وأنا عارفه بكل اللى بيدور في دماغه وقولت له أنا حبيت قبل نهايه البرنامج اعرف المشاهدين قدرتي على التنقل وأنها حقيقة مش تهيؤات
وخلص البرنامج ولقيت كل اللى فى الاستوديو بيسقفولى واللى يقولى بركاتك يا ست الشيخه
والمخرج ومدير الإنتاج قالولى اتفضلي معانا لكتابه العقد الجديد بالمبلغ اللي يعجبك
قولت لهم مافيش مانع بس ياريت تكتبوا إسم الشهرة بتاعي "المبروكة" ده الإسم اللى معروفه به وسط الناس
وياريت يكون ده إسم البرنامج
ورجعت البيت بعد ما مضيت العقد واخدت صورة منه معايا وأول ما دخلت لقيتهم جايبين تورته كبيرة ومشغلين أغاني وبيحتفلوا بيا ومرات عمي زغرطت وقالتلي الله أكبر عليكي كنتى قمر خايفه عليكي تتحسدي
ولقيت سعيد جايب ليا سلسله مكتوب عليها المبروكة
كنت مبسوطه أوى وأخدت عزيز في حضني وفضلت الف به واقوله كله علشانك يا قلب ماما علشان تبقي فخور بيا
وسمعته بيقولى
افتخر بكوني أبنك وخادمك المطيع يا مولاتي
وقضينا كلنا سهرة جميله واخدت عزيز وطلعت اوضتي بصراحه كنت مجهدة جدا بس أول ما قفلت باب الاوضة لقيت 😲 عشائر الجن كلهم واقفين من غير أى استدعاء مني بصراحه خوفت ولقيت صرماط خارج من وسطهم وبيقولي حابين نحتفل بكي وبنجاحك في تحقيق الخطه
أنتي ببساطه هتخلي الناس تمشي في طريق السحر وهما فاكرين أن ده طريق الخير تحياتي ل زكائك الخارق
ولقيتهم كلهم بينحنوا رأسهم ولقيت عزازيل بيطير حواليا وجايب تاج 👑وبيحطه ع رأسي حبيب قلب أمه
صرماط.....
اتفضلي معانا اليوم هو إنتصار لنا قبل أن يكون انتصارك
نهي.....
كنت مبسوطه أوى وحاسه بالقوة وكل هذا الكم من الجن طوع ل أمري ومسكت ايد صرماط وفي لحظه انتقلت ل
قصر كبير فخم جدا وفي أشكال مختلفة من الجن أول مرة اشوفهم ومشيت في ممر والجن واقف منحني الرأس ع الجانبين وعزازيل يطير بجانبي وقال لي تفضلي مولاتي اجلسي ع العر'ش
وبمجرد جلوسي لقيت الجن الغريب تقرب بخطوات وأصبح في المقدمه ووقف صرماط بجانبي وقال
صرماط.....
مولاتي وأم ولي العهد اسمحي لي أن أقدم اليكي اصاحبنا من عشائر الجن المائي وبعض من الجن الناري جاؤ لتقديم التحية وسيكونوا سعداء لو تكرمتي ووافقتي علي أنهم يكونوا في خدمتك وطوع أمرك من هذه اللحظه
نهي.....
بصيت ل صرماط وأنا مش فاهمه المفروض أعمل إيه لقيته هز رأسه بمعنى نعم ف عملت زيه
ولقيت الجن بمجرد ما هزيت رأسي بالموافقة يقدموا ل الهدايا من اللؤلؤ والمرجان إيه الجمال ده 💎💍
ولقيت باقي العشائر التانيه جايبين هدايا ايه كل ده
وبعدها ابتدي الإحتفال بالموسيقي والرقص يااااه إحساس ممتع وأنت معاك القوة والمال وقريب جدا هملك السلطه' واتحكم في البشر
وبعد شويه قولت ل صرماط أنا عاوزة أنام عندى شغل الصبح بصلي بأستغراب 🙄
قولت له لازم أفضل في نظر الناس البنت اللي بتسعي إلي الخير ومش فارق معاها الشهرة والمال فهمت
ولقيت نفسي في لحظه نايمه ع السرير
حقيقي الواحدة مش بتحس بالراحه إلا في بيتها وع سريرها أخدت عزازيل في حضني ونمت
وتاني يوم صحيت بدري وجهزت ونزلت كانوا كلهم لسه نايمين خرجت روحت المدرسة وبمجرد وصولي
اوبا ايه ده بقي
المدير.....
تتشرف إدارة المدرسة بكونك من أسرة التدريس ومنحك شهادة تقدير وقدمت بوكيه ورد
نهي.....
أنا سعيدة جدا بكونى معاكم ومش متخيله نفسي غير وأنا مدرسة بساعد في نشئ جيل جديد
ولقيت الاذاعه المدرسيه بدؤا بأغنية وطني حبيبي الوطن الأكبر .....
ايه ده هو من جنود حر'ب أكتوبر ولا ايه 🤔
والحمد لله أنتهي اليوم الدراسي اللى كان عبارة عن تهاني واستفسارات كتير وما صدقت وصلت البيت أنا جعانه نوم مش قادره أول ما دخلت لقيت
يتبع... #رشامنصور
#الجزءالتاسع_والعشرون
#المبروكة
والحمد لله أنتهي اليوم الدراسي اللى كان عبارة عن تهاني واستفسارات كتير وما صدقت وصلت البيت أنا جعانه نوم مش قادره أول ما دخلت لقيت الحج إبراهيم صاحب العمارة وعمي وسعيد قاعدين معاه وجايب هدايا سلمت عليه وفهمت من قرينه أنه جي يسأل إذا كنت أعرف أعالج بنته ولا لأ
بصيت له وقولته أخبار أسماء بنتك ايه
الحج إبراهيم....
أنتي تعرفي بنتي أسماء
نهي....
ألف سلامة عليها إيه رأيك لما تتغدي معانا وتقولي كل اللي حصل مع بنتك وتأكد أن لو في أيدي أنى اساعدها عمري ما اتأخر ابداااا
طلبت من الشغاله تجهز الغداء وطلعت أخدت شاور سريع ونزلت بعبايه إستقبال واسعه
وبعد ما خلصنا الغداء ولسه صاحب العمارة هيبدأ يحكي قولت له استني أنارشامنصور نازله معاك أطمن ع أسماء بنفسي
الحج إبراهيم صاحب العمارة.....
فرحت أوى حسيت أن في أمل أن بنتي ترجع تعيش حياتها بشكل طبيعي بعد ما الكل أجمع أنها ملبوسه من الجن
نهي...
نزلت للدور التالت اللى قاعد فيه صاحب البيت وسعيد طبعاً كان معايا وأول ما دخلت الشقه وشوفت مراته عرفت من قرينها أن هى السبب في الحالة اللى فيها البنت وأنها مرات أبوها مش مامتها لكن محدش يعرف كدا ولا حتى البنت نفسها جت تسلم عليا وتقولي
مدام سهام.....
أنا شوفتك في التليفزيون بس أنتي في الحقيقة أحلي بكتير تحبي تشربي إيه
نهي....
فضلت باصه لها وبصيت ل جوزها الحج إبراهيم
وقولت له فين أم اسماء الحقيقية
الحج إبراهيم....
اتوترت جدا هى عرفت منين قولت لها مش فاهم قصدك ايه مدام سهام تبقي مراتي
نهي.... مافيش مشكله أنا بس بكون عاوزة الأم علشان تكون همزة الوصل بيني وبين البنت وسكت كدا وبعدين قولت له خلاص فهمت
الحج إبراهيم....
تسمحي بكلمة ع انفراد بعد أذن الاستاذ سعيد
خدت مدام نهي في الصالون وقولت لها اللي مافيش حد يعرفه ولا حتى مراتي نفسها
بصي يا مدام نهي أنا قبل ما ربنا يهديني كنت بعمل معاصي وللأسف كنت مصاحب رقاصه واتجوزتها عرفي وبعد كام شهر ولدي مات كانت صدمه بالنسبة ليا وفوقت لنفسي وتوبت وطلعت عملت عمره ليا ولولدى
ورجعت وأنا ناوى ابعد عن الرقاصه تماماً اتفاجأت أنها حامل وقالت ليا مدام مش هتكمل معايا يبقي اسقط نفسي رفضت أنى ابدء التوبه بفعل معصية طلقتها وقولت لها أنى ملزم بكل مصارفها وبمجرد ما تولد هاخد ابني وأبعد وافقت وربنا رزقني بأسماء خدتها وسيبت المحافظة بتاعتي وجيت هنا القاهرة وفتحت شركه وقررت اتجوز واقول أن مراتي أم بنتي ماتت
وربنا رزقني ب سهام مراتي وطلعت عاقر مزعلتش وقولت لها اعتبري اسماء بنتك وعملت شهادة ميلاد وكتبت البنت بأسم سهام بس أتمني أن السر ده يكون بيني وبينك
نهي.....
اطمن كأني مسمعتش حاجه ودلوقتي عاوزة أشوف اسماء طبعاً الجن كان بلغني بكل حاجه وعرفت اللى حصل مع أسماء وأن هى ع الحاله دى بقالها تلات سنين وكل فترة حالتها بتزيد وفى دكاترة ومشايخ كتير شافوها لكن كانت حالتها بتزيد أكتر ده غير أنهم كانوا بيتعرضوا للأذي
قولت في بالي صرماط. هولام. شرحام. احضروا في الحال مش عاوزة حد يشوفكم من الإنس غير أسماء بس
واول ما دخلت لقيت البنت بتمشي ع الحيط بصيت ل أبوها وقولت له ياريت تخرجوا كلكم بره عاوزة أكون مع اسماء لوحدنا ....
الحج إبراهيم....
انتي متأكدة خلينا معاكي بصراحه هى كانت بتهجم' ع الشيوخ وتضر'بهم وأنارشامنصورخايف على حضرتك
نهي....
بصيت ل أسماء وقولت في بالي كل خدامي من عشائر الجن يحضروا وفجأة الاوضة بدأت تسخن وزى ما يكون في هزة أرضية لقيت سعيد بيقول هو في ايه
قولت لهم اطلعوا بره وقفلت الباب ولقيت أسماء بدأت تنزل وقرفصت في الأرض وظهر حشرجه في صوتها وبتنهج جامد وبدء صوت غليظ يتكلم بلغه مش مفهومه
قولت اللى عليكي يظهر في الحال ويكون طوع أمري وإلا يهلك فى التو واللحظه
ظهر أمامي جن من النوع الناري وتقدم هولام ووقف أمامه وقال له
هولام.... هل تعلم مع من تتحدث
الجن الناري...
نعم أنت الامير هولام وتملك أكبر عشيرة من الجن الناري
هولام..... أذن تكلم بأدب وحذاري من غضبي
نهي....
أنارشامنصور فهمت مين السبب في وجودك بس ممكن تقولي الموضوع من بدايته كان ايه وازاى مطلعتش منها رغم محاولة الشيوخ معاك
الجن..... قد تم استدعائي لكي اتلبس أسماء واتسبب لها في الهلوسة والجنون بجانب تعطيل زواجها وهذا كان بطلب من سهام زوجة أبيها
ولكني عشقتها وقررت حمايتها وخصوصاً عندما عرفت أنهم يريدون مو'تها وكانت بتحضر لها مشعوذين لدخول مزيد من الجن عليها وكنت بدخل في حر'ب معهم وأذي ذلك المشعوذ أيضاً
اسماء بنت جميله وليس لها ذنب في طمع البشر وأنا لم اتركها وسأظل احميها بعمري
نهي.....
يعني بدل ما تأذي أسماء عشقتها جميل ودلوقتي بقيت حارس عليها بغرض الحمايه ...
طب لو قولتلك أخرج منها وأنا اضمن لك أن محدش يقدر يأذي أسماء واضمنلك حياتك أنت كمان
الجن....
زوجة أبيها مصممة على أذاءها لأن أبيها كتب لها الشركة والعمارة بأسمها ومكتبش لها حاجه وهى بلغت عشيقها بالكلام ده واتفاجأت به تاني يوم جي يتقدم ل أسماء ولما اتخانقت معاه قالها أنه بعد الجواز هيقtلها ويورثها وبعد كدا يرجعوا لبعض لكن سهام شكت في كلامه وفكرت تبوظ الجوازة وتخلي أسماء تجنن علشان أبوها يلغي الوصيه أو ع الأقل يكتب اسم سهام ك واصي عليها
نهي.....
ده سهام مطلعتش سهله بس ع مين ده أنا المبروكة والله واللعب هيحلو 😂😂😂
#رشامنصور
#الجزءالثلاثون
#المبروكة
نهي....
قولت للجن أنا هقولك تعمل ايه وتنفذ بالحرف وإياك تعمل حاجه غير اللى هقولك عليها وبعد كدا فتحت باب الاوضة وخرجت وكأني كنت بتخا'نق وروحت لهم أول ما الحج إبراهيم شافني قالي طمنيني يابنتي في أمل أن بنتي ترجع لحياتها الطبيعيه تاني شاورت له بأيدي
الحج إبراهيم...
اول ما مدام نهي شاورتلي ببص لقيت ايه ده أسماء بنتي دموعي نزلت من الفرحه وفضلت احضن فيها بس استغربتها لقيتها ساكته مش بتكلم
نهي....
استني بس يا حج اخد نفسي وأنا هفهمكم كل حاجه حصلت
الأول كان في سحر اتعمل ل بنتك وبقي معاها جن وبعد كدا كان كل واحد بتجيبوا ع أساس أنه يعالجها كان وأعوذ بالله معاه جن مؤذي وكان بيحصل خنا'قة بين الجن مين اللى هيسكن فيها لحد ما بقي في عشيرة كامله من الجن منهم المؤذي ومنهم الحارس في جسم بنتك
الحج إبراهيم.....
يا حبيبتي يابنتي كل ده بيحصل معاكي منه لله اللى كان السبب حسبي الله ونعم الوكيل فيهم
نهي...
بصيت ل سهام طول ما الحج إبراهيم بيدعي ع اللي أذي بنته وأنا رشا منصوررافعه لها حاجبي وبعدين قولت له متخافش يا حج الجن هيجيب حق أسماء وهينتقم من اللى كان السبب لقيت سهام بقت مش ع بعضها ووشها جاب الوان قولت لهم
انا كريم حرامي القصص وبسرقها من رشامنصورعملت تحالف مع الجن الحارس لها وقدرنا نخرج الجن المؤذي لكن هما في البيت لسه وعملت معاهدة معاهم لو قربوا من أسماء هقtلوهم وهما قالولى لو جري لنا أى حاجة عشيرتنا هتسلخ وتقطع اللي عمل السحر
الحج إبراهيم.....
بركة عفارم عليهم خليهم يعملوا كدا يستاهلوا
نهي.....
عيني منزلتش من ع سهام وقولت له الجن الحارس لسه موجود مع بنتك وممنوع أى حد يخرج من البيت لمدة أسبوع ع الأقل وطلبات البيت هاتوها بالتليفون ولا البواب يجيبها أى حد منكم مجرد ما يخرج من باب العمارة هيتخسف' به الأرض الجن هياخده قربان أنا مش مسؤوله
الحج إبراهيم....
يا ستار يارب ع العموم مش مشكله اللى خلانا نستحمل تلات سنين مش هنستحمل اسبوع المهم بنتي تبقي كويسه
نهي....
طول الاسبوع محدش يعمل الأكل لبنتك غيرك علشان صلة الدم لو مدام سهام قدمت لها ولو كوبايه ميه الله واعلم ايه هيكون عقا'بها وطول الاسبوع اسماء هتفضل هاديه مافيش ولا صر'يخ ولا مشي ع الحيط
وان شاء الله كمان جلستين وبنتك هترجع أحسن مني ومنك وتفرح بها
الحج إبراهيم.....
والله يا مدام نهي أنا رشامنصورمش عارف أشكرك إزاى واسمحي لي أى طلب أنا تحت أمرك أنا طبعاً مقدر المجهود اللى عملتيه مع بنتي
نهي.....
مبدأيا كدا إحنا جيران ونبي وصي ع سابع جار
لكن ده ميمنعش أن ليا طلب هو حاجه خير هتساعد بها الناس اللى عندهم مشاكل زى أسماء
الحج إبراهيم....
أومري أى حاجة في الخير أنا معاكي فيها زكاة عن بنتي
نهي.....
بصراحه أنا كنت هدور ع شقه افتحها مكتب لمعالجة الناس وفكرت في إكتر من مكان لكن أنت عارف أن أبني لسه صغير وصعب اسيبه مدة طويلة وخصوصاً أنى بالنهار في شغلي في المدرسة علشان كده فكرت لو تديني الشقه اللي فوق شقتي أنا عارفة انك بتأجرها بس أنا عوزاها تمليك ومتخافش أنا هشتريها منك
الحج إبراهيم....
غالي والطلب رخيص ع الأقل احس اني رديت الجميل ومش هاخد منك غير نص حقها بس واعتبري النص التاني حلاوة شفاء بنتي بس ياريت تعرفيني مين اللى عمل فيها كدا ده أنا كنت أشرب من د-مه
نهي....
لا يا حج سيب الموضوع ده ع الجن هو هيقوم بالواجب وكفايه أن بنتك بعد كدا هيكون معاها حارس يعني لو حد بس فكر يبصلها الجن هيظبوا
بس أهم حاجه لما يجي عريس لبنتك خليني اقبله الأول أحسن يطلع زى اللى كان طمعان فيها وكان ناوى يورثها
الحج إبراهيم....
قصدك اللى كان متقدم لبنتي زمان هو اللى عمل لها سحر
نهي.....
لا مش هو بالعكس ده هو عمل سحر ع اللى عمل فى بنتك كدا ومجرد ما بنتك تسترد حياتها مفعول السحر هيشتغل عليهم
يعني لو عاشوا بعد ما الجن هيعملوا فيهم مش هيعيشوا بسبب سحر الأسود اللي معمول بالمرض حتى الموت
بصيت ل أسماء أو بمعنى أصح للجن اللى معاها وقولت بصوت مسموع زى ما اتفقنا يلا ادخلي اوضتك بأمان
يلا أنا هستأذن علشان ابني وهاجي لكم تاني كمان تلات ايام اوعي تنسوا إياك حد يخرج من البيت.
طبعا خرجت وأنا عارفه أن سهام مش هتقدر تنام الليل إلا لما تتأكد من كلامي علشان كده سيبت جن من عشيرة شرحام هما هيعرفوا يأدبوها كويس لو فكرت تعمل حاجه
وطلعت الشقه وأنا نفسي أنام بجد قولت لهم أنا هنام محدش يصحيني أنا هلكانه طبعاً كلهم افتكروا بسبب بنت الحج إبراهيم لكن الحقيقة بسبب سهري طول الليل في الحفله وطلعت اوضتي ولقيت عزازيل كالعادة بيتمرجح في المروحه شكلي كدا هفتح له ملاهي
بصيت له أنا عاوزة أنام في هدوء إلا تقعد ساكت وإلا تشوفلك أى اوضه فاضيه تتمرجح فيها
واخيراااااا نمت وفي أقل من ساعتين صحيت على همس حد بيصحيني وبمجرد ما فتحت عيني سمعت صوت صر'يخ وعياط عزازيل
قومت مخضوضه ومافيش ع لساني فى ايه ابني حصله ايه ونزلت وشوفت اللى مكنتش اتخيله
خالة سعيد وقعه ع الأرض وفى زى أثر حر'ق في ايدها والكرسي المتحرك متكسر جنبها وعزيز بيبكي بجد مش بيمثل حاولت اتواصل معاه لكن مكنش قادر ينطق
تعليقات
إرسال تعليق
فضلا اترك تعليق من هنا