رواية غرام النمر الفصل 26-27-28-29-30الاخيربقلم جنه ياسر (جميع الفصول كامله)جديده وحصريه لمدونة قصر الروايات

 رواية غرام النمر الفصل 26-27-28-29-30الاخيربقلم جنه ياسر (جميع الفصول كامله)جديده وحصريه لمدونة قصر الروايات 

رواية غرام النمر الفصل 26-27-28-29-30الاخيربقلم جنه ياسر (جميع الفصول كامله)جديده وحصريه لمدونة قصر الروايات 

♥️البارت السادس والعشرون ♥️

♥️روايه غرام النمر ♥️

♥️بعتذر عن تأخير  البارت طويل بعوضكم اهو😉♥️

( وقفنا فى البارت اللى فات ان غرام صرخت باسم جاسر عندما انطلقت الرصاصه على أحدهما ) 

غرام : جااااااسر 

انطلقت رصاصه على هيثم ووقع مات ....

غرام جريت عليه لتطمئن عليه وتنهدت لما لاقته بخير وضعت يدها علي وجنته بلطف....

وقالت بتعب : انت كويس حصلك حاجه ....

جاسر نظر لها : لا يلا عشان نمشى ...ونزل يدها ومسكها

ولسه هيتحركوا لاقه ان رجال هيثم دخلوا عليهم ...

جاسر شد غرام خلف ظهره ...وهي كانت خلاص تعبت وبتنزف .... والرجال تقدموا من جاسر ..

جاسر بغضب : لو عاوزين تعيشوا ابعدوا احسن ليكم وخلينا نمشى ...ده لو عاوزين تعيشوا ...

واحد من الرجال : انت ازاى تعمل كدا ..

وتقدموا منه وبدأ يضرب باحتراف وكان بيضرب بغل وبغضب وبشر ...وغرام جلست على الارض بتعب وسندت رأسها على الحائط ...

كان جاسر منشغلا بضرب فى الرجال وبعد حوالى مده كان الجميع فى الارض جري نحو غرام 

وكانت غرام شعرت بارهاق شديد شدها وقومها 

جاسر : يلا تعالى بسرعه ....عشان نخرج

خرجوا لمحوا  ان فى رجال اخرى يتوجه اليهم ...

غرام بخوف : دول كتير هنهرب منهم ازاى ....

شدها وجرى بيها للخارج وخرج من المكان وبدأو يصوبوا عليه ضرب نار اتخبوا خلف الشجره   ....كان معاه  سلاح  وصوب عليهم  ....كان رجال يضربوا النار بس فجاءه سلاحه فضى ...وجاسر لعن حظه انه لم يوجد معه هاتف ....نظر لاقهم بيقربوا عليهم   ...

جاسر : ااااه يولااااااد الكلب...اكيد كل دول مش رجاله الزفت هيثم ...اكيد دول رجاله سالم او القرش ..انا لازم اتصرف المشكله ان تليفونى خدوه .....

نظر لهم مره اخري لاقهم بيضربوا اكتر مسك يد غرام وجري مره اخري 

غرام  : هنعمل ايه دول بيجروا ورانا وانا خلاص تعبت ..

جاسر: اتحملى شويه يا غرام....

كان المكان فاضى هو مثل جزيره او غابه ليس فيه أيه بشر .....جاسر بعد بمسافه عن المكان اللى كانوا متواجدين فيه  ...لمح بيت  توجه اليه ودخلوا فيه وقفلوا الباب وبقوا بينهجوا بشده وغرام شعرت بدوران ...

جاسرذهب لشرفه الصغيره لينظر ان فى احد بيلحقوهم ..جاسر سمع صوت ارتطام فى الارض التفت ونظر لاقه غرام كان واقعه فى الارض تذكر انها كانت بتنزف توجه نحوها  ..

جاسر بلهفه وخوف  : غرام ...غرام فوقى ونظر لجرحها هو كان بسيط بس كان فى نزيف ..غمض عيونه بقوه لام حاله انه نسى امر جرحها وجهدتت حالها....  

حملها الى اريكه كانت موجوده فى البيت هو كان مليئ بالاتربه بس ما فى حل ان جاسر يقضى ليله هنا لحد ما يتصرف ويتواصل مع عبدالله....وضعها وكان يدور على اي شى ليضغط على الجرح ....بينظر كان فى سلم توجه اليه ..هو كان بيت عباره عن دورين ..

جاسر طلع فى الطابق العلوى وكان فى غرف ..دخل فى غرفه وفى دولاب صغير بها توجه اليه وفتحه ودور فيه لقى صندوق اسعافات أوليه...كان من الواضح أن فى ناس عايشه فى هذا البيت ...نزل الى غرام ...وبدأ يعالجها ويعقم الجرح لها وسرح فى ملامحها الجذابه والطبيعيه هي جميله اوى....💗  

جاسر جلس بجانبها وقرب منها وبعد خصلات شعرها عن عيونها ووجها بطرف أصبعه....بدأ قلبه ينبض بشده بالمشاعر والأحاسيس ...وعيونه كانت فضحاه فى لمعه حب واعجاب فى عينه وضع يده على قلبه ونظر لها ...

جاسر تنهد : تخيلي ان النمر انهارده كان هيتجنن عليكى اول مره اخاف و احس بشعور غريب  ...انا عارف انك مش هتكونى سمعانى ..... تعرفى يا غرام انى حبيت قبل كدا واتوجعت بسبب الحب  ..كنت بحبها لدرجه انى عشقتها وادمنتها واتخطبنا كنت سعاتها قطه مغمضه مش النمر ههه ....المهم  كنت اتعرفت عليها من الجامعه وبعد ماتخرجنا قررت اعترف ليها وخطبتها هى كانت محاميه  ...بقينا بنحضر لجوازنا بس اكتشفت على اخر لحظه كان قبل فرحنا بأسبوع ...انها بتخونى ههههه اه والله بتخونى مع مهندس الديكور اللى كان بيجهز  الفيلا بتاعتنا .... ما هي رخيصه بقى واكتشفت انها مش بتحبنى كانت بتحب الفلوس ....بعدها اتغيرت ١٨٠ درجه اشتغلت على نفسى وبقيت النمر اللى انتى شايفاه كرهت اي بنت وبقيت بحب اضحك عليهم وانتقم من اي بنت بقرف منهم .... كان تفكيرى كله ان كل البنات زى بعضها بتجرى ورا الفلوس ورخيصه وبتبيع نفسها .... لحد ما قبلتك يا غرام انتى الوحيده اللى غيرتى تفكيرى  ..... اول مره شوفتك فيها جذبتينى شدتينى ...اول ما دخلتى الحفله كنتى واقفه ساعتها جمب سياده اللواء كنتى زى الاميره خطفتينى ساعتها ولما خبطنا فى بعض جذبتينى اكتر عجبنى شجاعتك ومشاكستك وقوتك ...عمري ما قبلت بنت من النوع ده بدأت احطك فى دماغى وكل مقابله كنا بنتقابلها كان من تدبيرى انا ....عرفت كل حاجه عنك يوم الاسطبل كنت عارف متأكد ان اليوم ده هتيجى وكنت قاصد ان اخد الحصان بتاعك وكل مره بقبلك فيها بتشدينى اكتر من اللى قبلها ....قلبى كان بيدق وانا كنت بحاول ممشيش وراه عشان متوجعش تانى .....في الأيام اللى فاتت كنت بحاول ابعد عنك واتكلم وحش ومعاملتى تكون قاسيه ....بس معرفتش اتكشفت انى مش قادر ابعد عنك....كنت بقرب اكتر مقدرتش ....لما اتخطفتى قدام عيونى حسيت فى لحظه انى روحى بتتسحب. ..وانتى بتخطفى قدامى وانى مقدرتش اعمل حاجه حسيت مش قادر اتنفس حسيت فى لحظه انك ضعيتى ....ولما وصلت ليكى كنت هتجنن والمحك

غرام انا لاول مره اعترف واتكلم كدا مع حد ...انا عارف انك مش صاحيه وله سامعه بس اللى عاوز اقوله ...

انى بحبك يا غرام💗 ..وهسلم قلبى ليكى اوعى توجعيني فى يوم متخلينيش اندم في يوم انى استسلمت للحب مره تانيه.....غمض عيونه بقوه وأخذ نفس وقال وهمس ولاحظ ان غرام بترمش بعيونها ابتسم بخبث وقرب منها ....

وهمس : هتكونى قريب غرام النمر ♥️ وقام وخرج بره البيت واتأكد ان مفيش حد بيقربهم ...

اما غرام قامت وحاولت تستوعب الكلام اللى سمعته وبقت مبرقه ومصدومه 😲 

غرام: هو ...هو اللى انا سمعته ده حقيقه هو قال ان بيحبنى ....هااااا لا استحاله وقال انه اعجب بيا من اول يوم ....اومال ليه كأن بيتعامل معايا كدا 🤔 انا مش مصدقه .. وقلبها بيدق وكأن هيخرج من مكانه مش مصدقه ان هو اعترف ليها وقال كل الكلام ده ليها ....لا اكيد انا بحلم هو استحاله قال الكلام ده وقامت والتفت حوالينها لم تجدوا لامحتو واقف فى الخارج امام المنزل 

وبيفكر هل اللى هو عمله ده صح ...استسلم للحب مره اخرى ...هل غرام هتكون غير خطبته ...وهل بتحبه مثل ماهو بيحبها كل الاسئله دى بتدور فى دماغه 

خرجت ووقفت بجانبه وقالت بتمثيل....إن هي لم تسمع شئ 

غرام : يا استاذ النمر ممكن اعرف احنا فين ...وانت واقف هنا بتعمل ايه .. .

جاسر قال ولم ينظر لها : ادخلى استريحى عشان الجرح فى دماغك

غرام استغربت من طريقه كلامه كانت مستنيه انه يعترف ليها بقى وهي صاحيه ملامحها تغيرت وكشرت 😒

غرام مسكت ذراعه : هو انا هنا على فكره انت بتكلم مين هناك ...

جاسر نظر لمستها لذراعه شعر بقشعريه صابت جسمه بإكمال وضربات قلبه بيدق....التفت لها ونظر لها

وقال : نعم عاوزه ايه 

غرام : هو انت بتكلمنى كدا ليه  ....هو احنا يابنى كنا أعداء قبل كدا أو قتلتلك حد 

جاسر نظر لها وقال : ابنك طب ازاى ...

غرام : يعنى سبت كل الجمله ومسكت فى ابنك ..ده أنت بنى أدم بارد ورخم اوف هو احنا فين بقى ...

جاسر : هواحنا فى بيت فى الجزيره وله مزرعه لسه معرفتش اوصل لي حد يبعتلنا اي موصله عشان نرجع .... 

غرام: اوووف يعنى هفضل هنا معاك كتير ....اتصرف بقى خلينى ارجع مش انت ظابط ماتخترع اي حاجه شكلك مش بتعرف تعمل ايه حاج وبقيت ظابط بالكوسه ...ولوت شفتيها 😏 كل شويه تقول انا النمر . ..انا نمر ده انت محصلتش..

جاسر قاطعها : خلاص اسكتى ماسوره اتفتحت.....يا ساتر هتنيل اتصرف ..عارفه يابت انتى لولا دماغك لكنت ضربتك ...

غرام: يا خويا اسكت انت بق اصلا ..قولى صح وقربت منه هو انت اللى عالجت جرحى وكنت قاعد جمبى وبتتكلم صح ....

جاسر شعر بتوتر وتذكر الكلام الذى قاله وان اعترف لها بالحب نظر لعيونها وقال : اه يا غرام انا اللى عالجتك ... وكمل بخبث : يعنى انتى كنتى صاحيه وسمعتى كلامى كله ..;٠٠

غرام: هاااا لا انااا مسمعتيش حاجه هو انت كنت بتقول ايه ...

جاسر : لا يا غرام انتى سمعتى كويس كل كلمه قولتها .. 

غرام : اه سمعت انك بتقول 

جاسر قاطعها وقال بعده كلمات بالتركي  :

Seni seviyorum♥️

( الترجمه انا احبك ♥️)

جاسر كان قاصد ان يقال لها بلغه هي مش فاهماه ....هو بيعرف بعض لغات ويعرف بالتركى لان هو عاش هناك فتره كان بيقوم بمهمه هناك  .....هو مش عاوز يقولها ليها مباشره مش مستعد ...يواجهه 🙄

💗💗💗💗💗💗💗💗💗💗💗💗💗💗💗💗

جنه 🙋‍♀️: ياختااااااى هتفقع مرارتى ...ده انا لو بدال غرام كنت زمانى موتك ...ده أنت بنى أدم سمج...ماتنجز بقى يلا واعترف و اوعدك أن غرام مش هتوجعك البنيه محترمه وبنت ناس وبتحبك ...وقولها يا نمر وخلصنا الناس هتجرى ورايا😒🤣🤣

💗💗💗💗💗💗💗💗💗💗💗💗💗💗💗💗

نرجع تانى لغرام اول ما سمعت جملته هي مش فاهمه هو قال ايه هي بتابع مسلسلات تركية بس مفهمتش 

غرام : هو انت شتمتني ده مش فاهمه انت قولت ايه ...

جاسر اخذ نفس وضحك عليها وقال : اااه شتمتك ...وشتيمه عيب ههههه

غرام : اه يا حيوان انت ازاى تشتمنى وبعدين اي ده هو انا بعرف اتكلم انجليزى كويس ازاى مفهمتش..

جاسر: عشان ده تركى مش انجليزى ..

غرام : لا والله .. انا هدخل انا غلطانه انى واقفه مع واحد زيك

والتفت لتدخل كانت ظهرها لجاسر ...

جاسر : اصبرى يا غرام ..انا عاوز اقولك انى انا ..

غرام التفت له بلهفه : انت ايه عاوز تقول ايه ...

جاسر: انى انا حبيتك يا غرام ....انا بحبك♥️..

غرام مره واحده صوتت جامد: عععااااااااا 

جاسر : في ايه ....بتصوتى ليه 

غرام: عااااا  بص وراك😱

جاسر التفت ونظر لاقه نمر ظهر وجاء اليهم اتصدم فجاءه غرام نطت على ظهره  ...

غرام : عااااا نمر يا نمر ...يوووه اقصد نمر يا جاسر اتصرف انا خايفه اوى .. آآآآآآه هنموت مأكولين.....اتصرف

جاسر : بس اخرسى وانزلى ده هو خاف من صوتك ...

نزلت غرام ...ومسكه فيه وقالت : ياماما هنموت ...اتصرف بقى ده بيقرب مننا هو انت مش نمر زيه خوفه ...

جاسر : انتى عبيطه يا بت هو ايه اللى نمر زيه ...

غرام : بس وحيات امك ده مش وقته عشان نناقر بعض هنتاكل دلوقتى ..

جاسر نظر لنمر لاقاه بيقرب عليهم ..شد غرام ودخلوا البيت وقفلوا على نفسهم والنمر فضل رايح جاي امام البيت منتظر ان يخرجوا ...

فى الداخل غرام : يا مامى بس رايح جاي ازاى هياكولنا ...اتصرف بقى مش هنفضل هنا كتير ...

جاسر نظر لنمر وقال : ممكن تهدى على فكره اللى قدامك ده بيربى نمور واسود وانا عاوز اركز على نقطه ضعفه ...

غرام جلست على الارض وقالت : يلهووووى هو انت بتربى نمور ....وانا اقول شكلك زيهم ازاى واسمك ....الحقنى يا بابا تعالى خدنى ...بقى ملقتش غير نمر ينقذني عااااا

جاسر قعد يضحك عليها وقال : والله انا حبيت مجنونه ....نفسى اعرف فيكى ايه مميزه عشان قلبى يختارك انتى عن كل البنات ....ده انتى مفكيش انوثه 😏

غرام وقفت ووضعت يدها فى خصرها وقالت بخنق : نعم هو انت تطول تحبني ده كل الشباب بيجروا وريا ....ده هيثم اول ما شفني اتهبل على جمالى ..

جاسر قرب منها ومسك ذراعها بقوه وقال بغيره : لو سمعتك بتقولى اسم راجل هعلقك ما كان ما انتى واقفه ..

غرام : عااااا انت بتبرق ليه ....فينك يا بابا ده بيزعقلى ونفضت يده: متزعقش وبعدين انت مين انت عشان تزعق كدا ... 

جاسر : انا مين ....انا النمر وانتى قريب جدا هتكونى غرام النمر ياقطه😂😉 هههههه وذهب لينظر من الشرفه لاقه ان النمر لسه مكانه ....

غرام : هو  مين دى اللى هتبقى غرام النمر 🤔 انا اسمي غرام عبدالله الشاذلى....هههههه انا مش مصدقه ان ده النمر اللى اعرفه .....ياختااااااى اما اروح اشوف النمر واقف وله مشى ...

غرام: احنا هنروح ازاى انا عاوزه اروح لي بابا واحشنى وماما .....واخواتى اكيد زعلانين عشاني  ..

جاسر: هتصرف وهحاول نرجع بس ممكن تسكتى عشان افكر ....

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

اما عند عبدالله الشاذلى جهز نفسك ليقبض على سالم .....ووصل الى المكان نزلوا ...

عبدالله: جاهزين هنقتحم علي طول بلغ القوه يا نديم ...

نديم: حاضر يا فندم ..

عبدالله تقدم من المدخل الفيلا وبدأ المداهمه وبيطلقوا النار وعبدالله توجه اتجاه الباب الفيلا وبرجله فتح الباب ... 

سالم اتخض واول ما شاف عبدالله اتفزع وذهب ليهرب منه ....عبدالله وصل له ومسكه ووضع ذراعه حوالين رقبته وقال : على فين يا سالم الكلب ....والله ووقعت تحت اللى مش هيرحمك ...

سالم : اوعى ابعد عنى سيبنى ..

عبدالله: ههه اسيبك . انا هموتك بايدى دول وهتشوف ..

عبدالله وضع كلبش في يده وخرجوا للخارج ...

عبدالله ركبه السياره وكان فى عساكر جمبه ...وعبدالله هيركب السياره رن هاتف برقم ...فتح الخط وكان جاسر هو اللى متصل عليه ..

عبدالله: الووووو

جاسر --------------

عبدالله : جاسر انت فين وغرام عرفت توصل ليها بنتى بخير ...

جاسر ..................

عبدالله: تمام الحمد الله انا بشكرك يا بنى حقيقى انت عليت في نظرى خلى بالك على بنتى والصبح هبعت عربيه ليكم حاول تبعت ليا اللوكيشن 

جاسر : ..............

عبدالله: تمام انا قبضت على سالم وصلت ليه هو الوحيد اللي هيوصلنا للقرش ...ابقى كلم ابوك وطمنوا عليك 

جاسر: ...........

عبدالله: انا عاوز اطمن على بنتى سمعنى صوتها 

جاسر أدى الهاتف لغرام ...

غرام: _____________

عبدالله: الحمدالله انك كويسه ده انا كنت هتجنن عليكى وكلهم هيموتوا ويشوفكى...

غرام : __________

عبدالله : ماشى يا حبيبتي.....خلى بالك من نفسك بكره هترجعي فى حضنى سلام

وقفل واطمئن على ابنته حس بالراحه وتوعد لسالم بغضب وقال انه لم يرحمه ابدا هيدقوا عذاب عمره ما شافه ....

وبعد حوالى مده وصلوا الى مركز الشرطه وحبسوا سالم فى زنزانة انفرادي وعبدالله دخل له وبيشمر كم قميصه 

وبانت عروقه بشده ونظر لسالم بشر ....

عبدالله: كنت فاكر ايه ...مش هتقع ده انا هندمك على عمرك كله..بقى انت تعمل فيا كدا ...

سالم بخبث : هههه صحيح يا غول اللى سمعته انك يا يعينى ساعتها تعبت وخدوك على المستشفى....حمدالله ع سلامتك كان نفسى ازورك 

عبدالله قام ولكمه بقوه فى وجهه..👊

عبدالله: انت بتستفزنى اخرس خالص مش عاوز اسمع حسك ....انت تجاوب على الاسئله اللى انا هسألها غير كدا مسمعش صوتك .

سالم : ههههه اسئله ايه ....انا قدامك اهو وكمل : ده لو عرفت تاخد حاجه ....

عبدالله: لا هاخد يا سالومه وهتنطق غصب عنك .....انطق قول تعرف عن القرش ايه وفين مكانه وهو مين ...

سالم : ههه كل ده سؤال ....مش هجاوبك اللى المفروض يعرف هو النمر ههه

عبدالله: انت هتهزر ....انطق يازفت مين القرش وهو مين ...انا اللى همسك القضيه دى مش جاسر..

سالم بخبث: ماهو اللى المفروض يعرف كل حاجه عن القرش هو سيادة المقدم .....اااه ماهو يا عينى هتلاقى بينقذ السنيورة بنتك ومش فاضى ....انا مش هنطق وله حرف الا فى وجوده...

عبدالله صبره نفذ وقام وانقض عليه بالضرب ...ضربه بغل وشر وغضب وحرقه ...كان مش شايف قدامه كان متعصب جدا منه ...

🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

تفاعلوا لو سمحتم 🥹🥹🥹🥹🫶🫶🫶🫶🫶🫶🫶🫶

🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

نرجع تانى لجاسر وغرام ...جاسر كان بيجهز حاجه لينام عليها...

( ملحوظه هو ازاى جاسر كلم عبدالله وتواصل معه هو مكنش معاه موبيل ...كان واقف امام الشرفه بيراقب النمر ..النمر مشى وذهب بعيد عن البيت بس لمح رجل من رجاله هيثم بيدور عليهم....خرج جاسر اتسحب وجاء ورا الرجل ولوى رأسه فوقع مات ....جاسر اخذ هاتف الرجل والسلاح التى كان معه ...واتكلم مع عبدالله......)

نرجع ليهم تانى ...💕💕

غرام: هو انت هتنام ...

جاسر : لا هرقص ....يعنى شايفه واحد بيفرش حاجه ونام عليها يبقى هيعمل ايه ...

غرام: بطل رخامه اوف...وانا هنام بقى ان شاءالله فين

جاسر: عندك الكنبه نامى عليها وبطلى وش ..انا مطبق بقالى اكتر من يومين منمتش ..

غرام : انا خايفه النمر يجى تانى ...

جاسر نظر لها: اعمل ليكى ايه طيب عاوزه تيجى تنامى جمبى تعالى ...وبطلة دوشه

غرام: نعم انت مجنون انام جمب مين ...لا طبعا انا هنام على الكنبه وامرى لله ....

جاسر غض فى النوم بتعب وإرهاق...وغرام كانت صاحيه عماله تتقلب يمين وشمال خايفه اوى ..غرام غمضت عيونها لتنام بس فجاءه قامت بفزع اول ما سمعت صوت زئير اسد او نمر ...وفى ثانيه نزلت نامت جمب جاسر ....جاسر شعر بيها ونظر لها بطرف عينه وابتسم بخبث وقال : ايه اللى جابك هنا ...مش قولتى هتنامى على الكنبه .. 

غرام بخوف : انا سمعت صوت بره زى زئير نمر...انت مسمعتش انا خايفه اوى ...

جاسر: لا مسمعتش ....يعنى انتى قررتى تنامى جمبى مش كدا 

غرام : هااا ااه بس يعنى هحط حاجه فى الوسط مابينا انا مش هضمنك ....

جاسر ببرائه: هههه انا ده انا غلبان 

قامت غرام ووضعت مخده وسطهم ونامت وجاسر كان بينظر لها بهيام وحب كان ينظر سرح فيها وجمالها وبرءتها هو ليس يصدق ان قلبه يدق مره اخرى لاحد ...جاسر اتأذى جدا من الحب واتوجع وخائف قلبه يتوجع مره اخرى....بس خلاص هو استسلم للحب هيذهب ورا قلبه ...قرر اول ما يرجعوا يفاتح عبدالله ان يتقدم لغرام رسمي ♥️

🤗🤗🤗🤗🤗🤗🤗🤗🤗🤗🤗🤗🤗🤗🤗🤗🤗

فى الصباح الجميل نلاقي أبطالنا الجمال قريبين من بعض جدا ...غرام كانت فى حضن جاسر نايمه على صدره وجاسر محاوطها بذراعه وضمها بكل حب كان منظرهم حلو اوى كأن اثنين متجوزين وعايشين حياتهم بسعاده ....غرام بدأت تفوق وفتحت عيونها الخضر لاقت نفسها فى حضن جاسر ....اتصدمت اوى ونظرت لذراعه التى محاوطها عليه سرحت غرام فى جاسر وبقت فى عالم آخر....شكله حلو وهو نائم سرحت في وجهه الملائكى وشعره الأشقر وجسمه الرياضى وتذكرت لما قال لها انه بيحبها وتذكرت حديثه لما كانت نائمه ...تذكرت جمله قال لها : انا بحبك يا غرام ..وهسلم قلبى ليكى اوعى توجعيني فى يوم متخلينيش اندم في يوم انى استسلمت للحب مره تانيه.....

قالت : انا مش عارفه بجد ومش مصدقه ...انى قلبى انا كمان يختارك انت ...ده أنت اكتر وأحد كنت بقول عليه لا ....ههه يا ما سيلا قالت ليا ان انا وانت هنبقى لبعض وانا كنت بزعق ليها وبقولها لا استحاله ....معقول انت الوحيد اللى قلبى دق لي يا ما قربت من رجاله كتير واتعاملت معاهم بس عمره ما حسيت الاحساس اللى انا حساه ....إنت الوحيد اللى حسيت بمشاعر وقلبى تحرك من نحايتك مشاعر واحساسيس ....كنت لما بتقرب منى كنت بحس ان قلبى هيخرج من مكانى ....انا مش مصدقه انك انت نصيبى 🫣💕

جاسر فتح عينه ومازال محاوطها : لا صدقى هههه مكنتش اعرف انك واقعه ....وكمل بغرور 😎 انا عارف انى قمور وكل للبنات بتحبنى ...

غرام بعدت عند وقامت وقفت ونزلت نظرها فى الارض ورجعت خصلات شعرها لورا اذنها ...

وقالت بخجل : انااا مش قصدى اللى قصدى اقوله. ..

جاسر قام ووقف امامها وقال لها: انا مش قادر اصدق بقى انتى يا طفله تحركى مشاعرى وشاور على قلبه ...

وتخليى ده بيدق اول ما قرب منك ....انتى يا طفله 🙄

غرام نظرت له بغيظ : متقولش ليا طفله وبعدين انت ازاى تقرب منى وتبعد المخده 

جاسر: انا مالى انتى اللى بعدتيها ولقيتك بتقربى منى جامد ومسكه فى قميصى وتقولى: انا خايفه اوى 

وكنتى بتترعشى حاولت اطمنك واحضنك لتهدى ..

غرام بخجل : يعنى انا اللى حضنتك مش معقول .  

جاسر : لا انتى اللى حضنتى ...كنتى عامله زى الطفله فى حضنى ...هههه ما انتى طفله بالنسبه ليا 

 غرام: اووف قولت ليك بطل كلمه طفله و بعدين هو انت ليه محسسنى انك كبير اوى ...احنا قريبين من بعض على فكره ..

جاسر : لا هتفضلى بالنسبه ليا طفله ....بس قوليلى وغمز لها ما تكملى الكلام اللى كنتى بتقولي كان حلو ...

غرام : كلام ايه بطل رخامه بقى ...هو احنا مش المفروض نمشى بقى ..

جاسر: اه المفروض ارن على سيادة اللواء اشوف العربيه اتحركت وله لا

غرام طيب كلمه يلا

جاسر ذهب ليتحدث مع عبدالله وغرام جلست على الاريكه وكانت متوتره ان جاسر سمع حديثها ..

قامت و توجهت الى المطبخ لتشوف اي شئ تعمله فتحت الثلاجه لقيتها فارغه.  ...

غرام: يووووه هو مفيش ايه حاجه هنا انا جعانه اوى ...

قال جاسر من خلفها: بتعملى ايه ..

غرام بخضه : ياخى خضيتنى مش تقول حاجه قبل ماتدخل كدا ..و التفت ونظرت له اول مانظرت له صوتت ووضعت يدها على عيونها ...

غرام : ايه اللى انت عامله ده ازاى قالع كدا روح البس القميص بتاعك انت نسيت انك مش لوحدك وان فى واحده معاك ...

جاسر غمز لها: لا انا عاوزك تتعودي عشان انا مش بقعد غير كده .

غرام نظرت له : نعم لا طبعا انت استحاله تقعد كدا قدامى واتفضل روح البس ..

جاسر قرب منها وهى تبعد التصقت على الثلاجه واحاط ذراعه على الثلاجه ونظر له ...وغرام قلبها كان بينبض وكان هيخرج من مكانه ...

غرام بتوتر : جاسر ممكن تبعد مينفعش كدا ...

جاسر: تعرفى انى اول مره بحب اسمى من بنت ....هههه انا مش عارف انتى عملتى فيا ايه.....ونظر لشفتيها الكريز التى تجنن...

غرام لاحظت نظراته اتوترت بعدته وقالت : اوعى بقى انت مالك بقيت ملزق كدا ليه انا مش متعوده عليك كدا ...

جاسر بقرف : ده انتي فصلتينى ...انتي كنتى بتعملى ايه هنا.....

غرام : كنت بحاول ادور على ايه حاجه اعملها جعانة اوى ...

جاسر: حاولى تستحملى شويه فى عربيه هتيجى تأخدنا...نبقى نجيب اي اكل فى الطريق 

غرام : خلاص ماشى ابعد كدا ...

جاسر : اتفضلى ياختى انتى دايما كده ....

غرام : مش فاهمه

جاسر بغمزه : هتفهمى بعد الجواز يا قطه ..

غرام بصدمه: ايه ده انت قليل الادب وبعدين ومين قالك انى هوافق على واحد زيك ان اتجوزه ...

جاسر قرب منها وقال : هو انتى تطولى   ....ده البنات مستنيه اشاره منى وبذات ساندى بنت عمى هههه دي اكتر واحده عاوزانى.....

غرام بغيره : ساندى ....دي بذات متجبش سيرتها سامع وكمان متقولش اسمها اوف هنتنيل هنمشى ...امتى 

جاسر : يعنى بتغيري ...واشمعنى بقى ساندى ...

غرام : مش هقولك ... هو امتى العربيه هتيجي اللى قولت عليها هي هتتأخر ...

جاسر ذهب ليرتدى قميصه وقال : لا زمانها جايه ...

وبعد حوالى مده أتت السياره وركبوا وتوجهه الى مكان الاداره كان عبدالله منتظر هناك ...

فى السياره كان جاسر جالس بجانب غرام.....وغرام من تعب نامت علي كتفه وهو نظر لها واحاط ذراعه على كتفها ...

جاسر قال بهمس وبحب : عاوزك كدا على طول يا غرام النمر ...تفضلى فى حضنى ديما ♥️💕انا عارف انى هتعب عقبال ماوصل ليكى هو سياده اللواء هيسيبنى ...بس مش هتبقى لغيرى 😉💗

وصلوا اخيرا وجاسر بيفوق غرام ... 

جاسر: غرام اصحى وصلنا ....

غرام بنوم : امممم سيبنى شويه يا ماما ...

جاسر بضحك : ماما مين انا جاسر ...

غرام قامت لاقت نفسها فى أحضان النمر ..بعدت عنه 

جاسر: في ايه ...

غرام : انت ازاى تقربنى منك كدا ...

جاسر بغمزه : مش انا ...انتى اللى قربتى...

غرام: ياسلام هو انا بردو اللى قربت ...

جاسر: اه حتي اسألى عمو اللى بيسوق

غرام: هو احنا فين ....

جاسر : وصلنا يلا انزلى ...

غرام: بجد وصلنا ونظرت لقت والدها ينتظرها ...غرام فتحت الباب وجريت اتجه والدها ....عبدالله حملها وحضنها بقوه ...وعينه دمعت نزلها ووضع على وجنتها ويداعبها : وحشتينى يا غرامى اوى ...كنت هتجنن عليكى يا روح بابا ..

جاسر كان واقف ومره واحده شعر بالغيرة من عبدالله انه حضن غرام ...

عبدالله نظر لجاسر: حمدالله على السلامه يا جاسر ...بشكرك بجد انك رجعتلى روحى ....

جاسر بغيره : حمدالله على سلامتها يا سيادة اللواء  ..

عبدالله ساب غرام وقرب من جاسر ...

وقال بصوت واطى : الكلب سالم مش عاوز يعترف على القرش الا بوجودك ...

جاسر : ده ليه ...

عبدالله: مش عارف بصراحه...انا ضربته كتير وحاولت اخلى يعترف مرضاش قالى اللى المفروض يعرف مين هو القرش هو النمر ...

جاسر باستغراب: طيب ماشى انا هدخل لي

عبدالله: اصبر انا هاجى معاك .....وذهب لغرام ..

عبدالله قرب منها واحاط ذراعه على كتفها ...

وقال : غرام يا حبيبتي ....السواق هيوصلك للفيلا ...انا هخلص شغل وهاجى على طول ..ورد واخواتك هيتجننوا عليكى ..

جاسر كان واقف بيطق مش قادر يستحمل غيران على غرام ومن لمس عبدالله لها ...

جاسر : هو فى ايه ...يعنى مش لدرجه كدا ده ابوها انا هدخل احسن ...

ذهبت غرام مع السواق  ....وعبدالله دخل وتوجهه الى الغرفه التى فيها سالم. . 

اول ما دخلوا سالم اول ما نظر لجاسر ضحك بخبث : هههه النمر بنفسه ...ازيك يا نمر

عبدالله توجهه الى سالم ولكمه وقال : انجز قول مين القرش و فين مكانه....

سالم 👿: ههه هقول جاهز يا نمر تعرف مين القرش 

جاسر: ماتنطق وتقول مين وليه مصر انى انا اللى اعرف مين القرش 

سالم: عشان انت اكتر واحد عرفه كويس هههه

جاسر بعصبيه : ماتخلص. تقول مين ....هو ايه اللى اعرفه كويس ..

سالم نظر لجاسر بخبث: القرش بيكون عمك يا نمر ....

زين الحديدى ....... يتبع 

♥️ البارت السابع والعشرون ♥️

🦋♥️روايه غرام النمر ♥️🦋

(وقفنا فى البارت اللى فات ان سالم اعترف على القرش  )

سالم نظر لجاسر بخبث: القرش بيكون عمك يا نمر 

زين الحديدى ههههه مفجاءه يانمر مش كدا ....

جاسر بغضب توجه الى سالم ولكمه بقوه ..

وقال : انت بتقول يا ابن الكلب ...انطق قول مين القرش

عبدالله شد جاسر بالعافيه عن سالم جاسر كان انهار لم يصدق ان عمه يكون القرش هل معقول عمه ...عمه اللى عاوز يأذى والده واذى ادهم اخيه ...هل معقول يكون عمه هو ذالك الشخص اللذى بيدورو عليه ويكون الراس الكبيره....لم يقدر جاسر يستوعب ...... كان عبدالله مسك جاسر ويحاول يهدى .....

جاسر بصراخ وانهيار : اوعى يا سياده اللواء ده بيقول عمى هو القرش ...سيبنى انا هخلى يعترف ويقول الحقيقه ...

عبدالله شد جاسر للخارج ودخلوا المكتب الخاص لعبدالله ...

عبدالله: ممكن تهدى يا جاسر ..

جاسر بغضب : اهدى ايه ده بيقول ان عمى هو القرش ....انت مستوعب هو ازاى يعنى عمى هو اللى اذى اخويا ..عمى هو اللى عاوز يأذى بابا طب ازاى ...

عبدالله: اهدى يا جاسر احنا لسه مش متأكدين .

جاسر عينه اتحولت حمرا قال : ده لو حقيقه ان هو القرش هخلى يدفع التمن غالى...

دق الباب ودخل نديم وقدم التحيه لعبدالله...

عبدالله: فى ايه يا نديم ..عاوز حاجه 

نديم وهو بينظر لجاسر قال : احم اه يا سياده اللواء ...شوفنا حاجه كدا فى الفيلا اللى كان فيها سالم ...في تسجيلات وفيديوهات لسالم ..ووو

جاسر قام وتوجه آلى نديم قال : سالم ومين انطق ...وفين التسجيلات دى ..

عبدالله : اهدى يا جاسر ...فين يا نديم التسجيلات دى ..

نديم : على لاب توب ده ...

وضع نديم لاب توب على المكتب ووضع الفلاشه في لاب توب واشتغل تسجيلات لسالم وزين الحديدى 

وفيديوهات لهم جاسر لم يصدق ابدا لم يستوعب ...

نديم بحزن على صديقه قال : جاسر انت كويس ..

جاسر قام وشعر فجاءه بدوران كان هيقع بس نديم سانده بسرعه قال : جاسر حاسب انت كويس رد عليا ..

جاسر بعد يد نديم وقال : يعنى ايه ...يعنى ايه هو اللى انا سمعته ده صح ...عمى ..عمي هو القرش هو اللى اذي اخويا هو اللى زق هشام ليأذى ادهم ...انا مش قادر اصدق ...طب ليه ...ليه يعمل كدا هو فى اخ يأذى اخوه...لا ده استحاله انا فى حلم اكيد كل ده مش حقيقه ..

عبدالله حزن على جاسر وقال : اهدى يا جاسر لازم تكون أقوى من كدا ..

جاسر نظر له وقال بصراخ : اهدى ...اهدى ازاى عمى هو سبب المصايب اللى حصلت ...عمى اللى اذى ادهم.  ..ههه لا وعاوز يأذى بابا كل ده ليه ...عشان الفلوس مثلا ..ينعل ابو الفلوس اللى يخلى اخ عاوز يأذى اخوه بابا لو عرف ممكن يروح فيها ...وجدو ...ااااه وانا اقول رمة بنتو عليا ليه ...اقسم بالله مش هرحمه ..

عبدالله: انا عارف ان صعب عليك بس ممكن تهدى ونفكر هنعمل ايه ..

جاسر بشر : هقبض عليه طبعا ..

عبدالله: طبعا هنقبض عليه بس احنا دلوقتى مش عاوزينه يعرف ان انت عرفت حاجه ...بص ياجاسر اعمل اللى هقولك عليه ونفذو بالحرف الواحد ..

بص  .............

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

في فيلا عبدالله الشاذلى كانت غرام وصلت وأخواتها وورد استقبلوها ...

غرام فى الغرفه الخاصه بيها كانت خارجه من الحمام اخدت شاور ...

غرام:يا سلام اخيرا الواحد خد شاور ....*سلام قولا من رب رحيم* انتى بتعملى ايه يا سيلا وايه الوقفه دى ...

سيلا كانت وضعه يدها علي خصرها وقالت: حمدالله على السلامه يا غرام...

غرام: الله يسلمك ...في ايه بقى واقفه كدا ليه ...

سيلا توجهت الى سرير وجلست عليه ..

وقالت بغمزه 😉: هاااا احكى

غرام جلست امام التسريحه وتمشت شعرها ....

وقال : هاااا ايه انتى عاوزه ايه يا بت انتى .. 

سيلا : انتى فاهمه كويس احكيلى على مغامرات اللى عشتيها ....هااا يلا ده انا قاعده على نار علشان اعرف 

غرام : انتى عبيطه يا بت اللى انتى بتقولى ده ....مغامرات ايه اطلعى يا سيلا انا عاوزه ارتاح..

سيلا قربت منها ووضعت يدها على كتفها ....

وقالت : بقى مش عاوزه تحكى ....انتى فاهمه انا قصدى ايه مغامراتك انتى والنمر يا قطه 😉

قامت غرام وتوجهت الى السرير واتسطحت ووضعت الغطاء عليها....سيلا توجهت اليها وزالت الغطاء عن غرام ..

سيلا : مش هتنامى الا لما تحكى ليا....

غرام: احكى ايه يا بنتى سيبنى انام روحى وابعدى عندى ..

سيلا: يعنى عاوزه تقنعيني ان في اليوم اللى قضتوه مع بعض ماتقربتوش ...محصلش حاجه كدا وله كدا ...وله حتى اعترافات لبعض ....

غرام سرحت فجاءه وتذكرت لاحظتهم واعترف جاسر لها بحبه .....سيلا نظرت لها لاقتها سرحانه....زقتها 

وقالت : غرام ...انتى روحتى فين 

غرام بتوتر : هاااا انا ...انا عاوزه انام ...تصبحي على خير وتسطحت ووضعت الغطاء عليها ...عاوزه تهرب من اسألتها ....سيلا بتنظر بمكر : ماشى يا غرام مصيرك هتقعى وتعترفى ...

♥️♥️♥️♥️♥️♥️♥️♥️🦋🦋🦋🦋🦋🦋🦋🦋

فى فيلا زين الحديدي كان جالس فى الريسبشن مع فيروز وساندى ...

يونس : صح نسيت اقولكم يونس ومراته و جاسر وبابا جاين ...لقيت يونس بيقولى ان عازم نفسه عندي انهارده ...

فيروز نظرت لساندى بفرحه ثم نظرت لزين وقالت : بجد وليه هيجوا طب مقالوش جاين ليه ... هههه ممكن اللى فى بالى يحصل ...

ساندى : اه يا بابا هما مقالوش جاين ليه ....وانت متأكد ان جاسر جاي...

زين بقرف : اه جاي وانتى فرحانه كدا ليه محسسانى جاين ليطلبوا أيديكى....هو انتى هبله ده بيقرف لما بيبص عليكى ..

ساندى بغيظ: ليه بيقرف هو انا وحشه ....انا مش فاهم انت دايما كدا ...اوف انا هروح اجهز ..

فيروز وهي بتنظر لزين بغيظ : استنى يا ساندى انا جايه معاكى ....وقامت مع ساندى وتوجهه الى غرفة ساندى..

زين قال بقرف : جتكم القرف ...نفسى اعرف اخلص منكم يا ساتر .....وكمل بضيق: بس بردو عاوز اعرف يونس ليه عاوز يجى ده اول مره يطلب ان يجى عمره ماجه عندى أبدا ...

عند ساندى وفيروز ....كانت ساندى تقف امام خزانه الملابس لإخراج ملابس ...

فيروز : ماتنجزى بقى ده انتى طلعتى البس كله ....مفيش حاجه عجباكى ..

فيروز بدلع : يا مامى انا عاوزه حاجه البسها تلفت نظر جاسر ...اول مره يجى والتفت لها وقالت : تفتكرى ايه سبب الزياره ...ممكن فعلا وقع فى حبى وجاي يطلب ايدى ..

فيروز شعلت سيجاره ووضعتها داخل فمها....

وقالت بمكر : وليه لا يا قلب مامى ...هو انتى وحشه ده انتى بيجروا وراكى اول ما بيشفوكى بيتهبلوا عليكى  ... 

ساندى بغرور : اه يامامى بس جاسر مش بيجرى ورايا .

بجد انا تعبت حاولت معاه كتير....كل محاولاتنا بتفشل. 

فيروز تنهدت وقالت : عامل زي ابوه بالظبط ....فكرتينى بالذى مضى اممممم تعرفي يابت يا ساندى ان انا كنت زيك وكنت هتجنن واخد يونس الحديدى ....وفى الاخر خد شهد عملت محاولات كتير لاقرب منه ...بس منفعش وادبست فى زين .... انا مش عاوزكي تبقى زى ...جاسر مش هيكون لغيرك ...

ساندى : ايه ده يا مامى انتى عمرك ما حكيتي انك كنت عارفه انكل يونس طب لما انتى كنتى بتحبى انكل يونس ليه اتجوزتى بابا ..

فيروز بحب : كنت ايه ..ههه انا لحد دلوقتى بحب يونس ...هحكيلك يا بت بعدين المهم اخلصى وجهزى نفسك 

وخرجت لتجهز حالها هي الاخرى توجهت الى الغرفه ودخلت لقت زين في الغرفه وجالس امام الخزنه الخاصه له ...

فيروز: انت بتعمل ايه يا زين ...

زين بقرف: انتى مالك بعمل ايه ..اخلصى البسى عشان خلاص اتحركوه وعلى وصول ...

فيروز: طيب انا عاوزه العقد الالماظ اللى انت شايله فى الخزنه ...عاوزه البسه ..

زين اخذ العقد وقفل الخزنه وقام وقف امامه ورمى العقد فى جهه ...

زين : اتفضلى يا اختى ....هو ده اللى انتى فالحه فيه هات ....هات انا نازل جتك القرف فى شكلك ...وعلى فكره مهما حاولتى تعملى مش هتبقى حلوه ...

ونزل ...وفيروز اتغاظت بشده من طريقه كلامه  

فيروز: يا ساتر انا مش عارفه ايه اللى مخليني مستحملاك....يارب اخلص منك بقى قريب 

وبعد حوالى ساعه كانو وصلوا ودخلوا الفيلا وكان زين فى استقبله وفيروز بجانبه ....وتوجه الى ريسبشن 

زين : يا أهلا وسهلا نورتو والله ..

جاسر كان بينظر له بغيظ و غضب : ده بنورك يا عمى ......

قطع كلامه دخول ساندى وهي حامله صنيه بها عصير ووضعتها على ترابيزه ....

ساندى بفرحه قدمت كوب لجاسر وقال : اتفضل يا جاسر...

جاسر: شكرا مش عاوز ...

فيروز : ما تكسفش بنت عمك يا جاسر خد منها ...دى هيا اللى عاملت العصير بإيديها...

وساندى مازالت مسكه العصير وكان جاسر هيأخذ منها العصير ...ساندى دلقته عليه كله ... قام بغضب ..

جاسر : انتى متخلفه مش تحاسبى ..

ساندى : اسفه مكنش قصدى خالص .

فيروز بمكر  : كدا يا ساندى مش تاخدى بالك ...معلش يا جاسر اطلع فوق الحمام وساندى تجبلك قميص من عند زين ...

جاسر قام ونظر لفيروز بغيظ وقال : شكرا مش عاوز مساعده وذهب لحمام لينظف قميصه ...

ساندى وقفت وفيروز غمزت لها انها تذهب وراه ...وشهد لاحظت وقالت بغيظ : مالك يا فيروز الف سلامه عليكى عينك بترعش كدا ليه ...معلش بقى السن كبر مش كدا ..

فيروز وضعت رجل على الآخرى وقالت بغرور : انا عمرى ما هكبر ...شكلك انتى اللى كبرتى وتخنتى اووه مش مهتمه بنفسك خالص ..

شهد بغيظ : مين دى اللى تخنت وكبرت ...لا يا حبيبتي انا مهتميه بنفسي وطبيعه مش زى ناس كلها فيك وعمليات تجميل ههههه

فيروز نظرت لها بغيظ وسكتت وقالت : ماشى يا شهد اما وريتك مبقاش انا فيروز ...

يونس : في ايه يا جماعه ما تهدو شويه ...مفيش حد كبر وله تخن اهدو شويه ..

فيروز بدلع: كلك زوق يا استاذ يونس ديما عاقل وكيوت ..

زين نظر لفيروز بقرف ...اما شهد كانت هطق وتموت من الغيظ وغيرانه.....  

شهد بغيظ : استغفر الله العظيم واتوب إليه يارب نخلص من الليله دى ...اصل القعده كتمت مره واحده 

اما عند جاسر كان نظف القميص وخرج من الحمام وكان ذاهب بس لاقه ساندى وقفت امامه .. 

جاسر: ابعدى احسن ليكى ...

ساندى : نفسى اعرف فيا ايه مش عجباك ...ده انا كل الرجاله بتجرى ورايا..

جاسر قال : انتى كلك على بعضك مش عجبانى...وبقرف منك وكمل وقال بخث : نسيت اقولك حاجه انى قررت اخطب ...هههه عقبالك يا بنت عمى ...وذهب 

ساندى بغيظ: يعنى ايه هو قال ان هيخطب ...لا استحاله انت مش هتكون لغيرى ...

وبعد حوالى مده جاسر قام وقال: حابب افرجكم على حاجه .... هتعجبكوا جدا ونظر لزين بخبث ..

وزين قلق من نظراته وبلع ريقه .

زين : حاجه ايه يا جاسر ....

جاسر : هتشوف دلوقتى يا عمى ...

وفتح فديو لزين وهو كان بيشتغل فى حاجات غير قانونيه ...وفيديوهات وهو مره بيقتل ....وتسجيلات المكالمات اللى بينه وبين هشام لما كان بيتواصل معه وكان بيخلى ادهم مدمن .. ....

جاسر: هاااا يا عمى ايه رأيك فى المفاجأه دى عجبتك مش كدا....

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

نروح لشقه رحيم السيوفى كانت برائه تطبخ لأجل زوجها وفجاءه رحيم التفت لها خضها وحضنها من الخلف...

براءه بخضه : حرام عليك خضتنى ...انت جيت امتى..

رحيم: دلوقتى تعالى معايا محضر ليكى مفاجأة حلوه ليكى ..

براءه بفضول : ايه ...قولى مش بحب المفاجأت

رحيم شد يدها وخرج للريسبشن ... وتوجه الى الحقيبه الخاصه له وفتحها وأخرج ورق وتوجه الى براءه ...ونظر لها بحب : جاهزه 

براءه : اه جدا

رحيم مد لها الورق : اتفضلى يا ستى ....احب اقول لسعاتك انك بقيتى رسمى طالبه جامعيه في كليه فنون جميله .....

براءه بفرحه اخذت منه الورق ونظرت فيه ولم تصدق ...دمعت بفرحه هل هتكمل تعليم ...هل حلمها هيتحقق ..

براءه بفرحه نطت عليه وهو شالها وحضنها ...

براءه: بجد شكرا اوى ...انت بجد يا رحيم الحاجه الحلوه اللى ربنا عوضنى بيها ...

رحيم نزلها ووضع يده على وجنيتها ويداعبها بحب 

قال : وانتى احلى واجمل نعمه ربنا بعتهالى ...

براءه بفرحه : انا بجد مش مصدقه يعنى انا حلمى هيتحقق و هكون مصممه ازياء ...عارف يا رحيم ده حلمى من وانا صغيره ....

رحيم : عارف يا حبيبتي عشان كدا قصدت اقدملك فى كليه فنون جميله ...وانا هكون معاكى خطوه بخطوه لحد ماتحققى حلمك ..

براءه : انا بحبك اوى ...

رحيم: وانا بعشقك 💗 هو احنا مش هناكل وله ايه..

براءه : لا طبعآ محضره ليك اكله هبهرك ...

دخلت وتوجهت الى المطبخ لتجهز الاكل ورن جرس الباب قام وتوجه رحيم ليفتحه واتصدم لما فتح ...

رحيم : جورجينا..

جورجينا: 💗Cher Rahim 

(الترجمه : عزيزى رحيم 💗)

رحيم: ينهار اسود انتى ايه اللى جابك هنا .. هو انا كان ناقصك..

جورجينا: Je ne t'ai pas compris… Je parle français pour pouvoir te comprendre

( الترجمه : لم أفهمك... أتحدث الفرنسية حتى أستطيع أن أفهمك)

رحيم قال بالفرنسى وخائف لبراءه تشوفه وتفهمه غلط قال  :  ?Qu'est ce qui t'amènes Ici

( الترجمه: ما الذي أتى بك إلى هنا؟

براءه خرجت من المطبخ وقالت مين يا رحيم اللى على باب ...نظرت لاقت بنت طويله ولبسه فستان قصير للغايه .....

براءه :  مين دى يا رحيم 

رحيم: دى دى بتكون ...

جورجينا قالت بالفرنسى  :

Qui est cette fille, Rahim ?

( الترجمه :من هذه الفتاة يا رحيم؟)

رحيم قرب على براءه ومسك يدها وقال بفرنسى : 

J'offre à ma femme mon innocence

(الترجمه: أقدم لكى زوجتي براءتي ..*)

جورجينا بصدمه :

Ta femme, je n'arrive pas à y croire. Tu t'es marié?

(الترجمه: زوجتك، لا أستطيع أن أصدق ذلك. هل تزوجت؟)

رحيم : 

Oh, je me suis marié… Qu'est-ce qui t'amène Ici ?

(الترجمه:اه لقد تزوجت... ما الذي أتى بك إلى هنا؟ )

براءه قالت : رحيم انا مش فاهمه حاجه مين دى ...ومالها ملامح وشها عملت كدا ليه ..

رحيم : هفهمك كل حاجه بعدين ...

جورجينا بغضب :

Comment peux-tu te marier… si tu ne m'aimes pas ?

( الترجمه:كيف يمكنك أن تتزوج... إذا كنت لا تحبني؟

رحيم: 

Oh, je ne t'ai jamais aimé, Georgina… Je n'ai passé que deux jours avec toi….Sortir de chez moi, je veux profiter de quelques instants avec ma femme

( الترجمه:أوه، لم أحبك أبدًا يا جورجينا... لقد أمضيت معك يومين فقط....... غادرى المنزل، أريد أن أستمتع ببضع لحظات مع زوجتي) 

جورجينا: Je vais me venger de toi pour ce que tu as fait

( الترجمه: سأنتقم منك على ما فعلته) 

ثم ذهبت بغضب ....رحيم قال : يا ساتر واحده ملزقه ...ونظر لبراءه: هااا يا حبيبتي خلصتى الاكل ...

براءه: مين دى يا رحيم..

رحيم توجه الي المطبخ وفتح الحله كانت فيها محشى اخذ واحده ..

رحيم : هقولك يا ستى دى واحده من البنات اللى قضيت معاهم ....بس دى كنت طولت معاها اوى ..ههه فكرت انى ممكن اتجوزها....بس انا قلبي دق لبنوته زى القمر وبعدين انا كان استحاله اتجوز من فرنسا ... و انا قولتلك قبل كدا انى كنت زير نساء....

براءه: ااه بس حرام كدا يعنى انت كنت بتلعب بمشاعرهم  

رحيم: يا حبيبي هما متعودين على كدا اوعى تفتكرى انهم زيك ....وهي كانت عارفه ومتأكده انها استحاله اتجوزها ..

براءه : طب اوعى انت خلصت الاكل كله 

رحيم: حضري الاكل بسرعه عقبال ماغير لبسى ..

براءه: حاضر .

وذهب رحيم ليبدل ملابسه ...

💗💗💗💗💗💗💗💗💗💗💗💗💗💗💗💗

نرجع تانى لفيلا زين الحديدى...يونس لم يصدق الذى شافه معقول أخيه هو الذى كان عاوز يأذيه طب ليه ..

يونس بصدمه: معقول انت يا زين ..القرش اللى كلمنى ..انت يا اخويا اللى عاوز تإذينى ..انت طب ازاى ...جالك قلب تأذي ابنى ...ابن اخوك 

زين نظر لجاسر بغضب  ان قدر يكشفه عرف انه وصلوا لسالم ....لان الفديوهات والتسجيلات كانت مع سالم فقط ... 

الجد : ما ترد على اخوك هو ده فعلا انت ...ساكت ليه ..بقى انت يا زين اللى تعمل كدا 

زين قال بغل ونظر ليونس : اه انا ...انا القرش هههههههه صدمه مش كدا ايوه انا اللى اذيت ادهم وانا اللى فضحتك وبعت ليك الصحافه ....وانا القرش .....اكبر زعيم مافيا انا الراس الكبيره ههههه مفجاءه مش كدا يانمر ....اوه معقول الراس الكبيره يكون عمك اتصدمت يا عينى ....

يونس : انا حقيقى مصدوم ليه يا زين ....عملتلك ايه عشان تعمل كدا ...حرام عليك ده انت اخويا ...ازاى قدرت تعمل كدا ليه تضيع نفسك ...

الجد :  ليه عملت كدا ....ليه تضيع نفسك وعاوز تأذى اخوك ...فى اخ يأذى اخوه ده انت اتجننت رسمى يازين

زين بجنون وضحك بهستريه: اه اتجننت .....ههههه اه اتجننت ...وانت السبب ....انت السبب يابابا زرعت فيا الكره .....ديما كنت بتفضل يونس عنى ..من واحنا صغيرين وانت بتحبه اكتر منى ....ديما يونس عمل ..يونس نجح ...يونس يونس يونس ...عمرك ما قلت زين ابدا ....ديما كنت بتشجعه وواقف جمبه ....ايوه انا بكرهك يا يونس ..وكمل بغل : انا بكرهك لدرجه ان اتمنى انك تموت ...بكرهك لدرجه ان لو رجع بيا الزمن هعمل اللى عملته ....انت اللى انت فيه ده مش من حقك ...من حقى انا ....انا اللى المفروض اعيش فى قصور وانا اللى يبقى عندى الشركات ...انا مش انت ...كل حاجه انت عملتها هدمرها ...هدمرك يا يونس ..ونظر لشهد وقال بغضب : ده حتى البنت اللى حبيتها روحت واتجوزتها هههه وبابا كان عارف انى بحبها بس ساعتها قالى اخوك بيحبها واوعى تكسر فرحته ....بس فرحتى انا تروح فى داهيه.....بس خلاص مفيش وقت لكلام ههه لان كلنا بعد حوالى خمس دقايق هنروح فى حتى تانيه ههههه على فكره يانمر كنت عارف ومتأكد انك جاي عشان كدا وعرفت انى سالم اتقبض عليه عشان كدا انا عملت حسابى ....

يونس: بجد مش مصدق انك انت زين اخويا ....انت مريض نفسى لازم تتعالج ...

زين بغل وشر : اسكت خالص مش عاوز اسمع صوتك ...بيزعجنى ....هااااا مش عاوزين تقولوا حاجه قبل ماتموتوا....توجه الى جاسر وهمس له بإذنه :  اصل يا نمر فى قنبله هنا هتنفجر ....شوفت انى طلعت أذكى منك ازاى ياترى هتنقذ عائلتك وتبقى بطل وله تستسلم ....انا هطلع جدع واقولك مكانها ورينى شطارتك هي في..... ...ثم توجه الى يونس همس له بأذنه : بكرهك يا يونس.....بكرهك وفرحان انك هتموت دلوقتى هههه

وكمل بصوت عالى هز الفيلا: كلكوا هتموتوا .....هتموتو يا عيله الحديدى ههههه ......مش هيبقى فى حد عايش ... حتة ولادك يا يونس هيموتوا بعت راجل من رجالتى هيفجر القصر ......ههههههههه هههههههههه 

ثم خرج زر القنبلة وقال : بضغطه واحده كلنا هنموت ....كلها دقائق توم تك ..... توم تك ...هتفجر القنبله .....ههه لما نشوف يا يونس ابنك هيقدر يوقفها وله لا هههههه

جاسر طلع بسرعه الى مكان القنبله ...زين قاله على مكانها ...ثم خرج هاتفه ورن على رقم إلياس...وفتح عليه ..

جاسر : إلياس اسمعنى لو انت وادهم فى القصر اخرجوا دلوقتى حالا..

إلياس : انا مش في القصر رايح لديلان ...وادهم مع صحابه هو فى حاجه يا جاسر ...

جاسر تنهد وأخذ نفس وقال: بعدين احكيلك المهم اطمن على ادهم ...سلام 

وقفل ونظر لقنبله كانت عملاقه شتم عمه فى سره ...وافتكر نديم ان متخصص فى فك القنابل قرر يستعين به واتصل عليه ....وفتح عليه

وقال نديم : ايه جاسر نتحرك لعندك ...انا جاهز انا والقوات ..

جاسر : لا يا نديم لسه متتحركش  ..  ركز معايا دلوقتى انا وعائلتى بخطر انت الوحيد اللى بايدك هتنقذنا ....

نديم: فى ايه يا جاسر ايه الكلام ده عمك عامل حاجه .

جاسر : اه للأسف زرع قنبله وفضل ٤ دقايق وهتنفجر ....انا هتصل عليك فديو وتحاول تساعدني...

مفيش وقت لازم اتصرف ...

وبالفعل جاسر اتصل على نديم بفديو كول ... وضع الكاميرا الهاتف على القنبله 

جاسر: ها يا نديم شايف كويس حاول تركز وتساعدني..

نديم : قرب علي الأسلاك كويس ....اول مره اشوف قنبله كدا فيها اسلاك  كتير ....بس هحاول اركز يا صاحبي متقلقش ....

جاسر: حاول يا نديم فاضل تلات دقايق ....ركز ابوس ايدك ...

نديم: اقطع السلك الأحمر.....هو ان شاءالله هتقف ...

جاسر: متأكد ...

نديم :  اه 

جاسر  ووضع يده على السلك وكانت يده بتترعش بخوف على وشك ان يقطع السلك غمض عيونه وقال :  اشهد ان لا اله الا الله وأشهد أن محمد رسول ...وقطع السلك بقوه والقنبله  .........يتبع

♥️البارت الثامن والعشرون ♥️

♥️ 🦋روايه غرام النمر 🦋♥️

( وقفنا فى البارت اللى فات ان جاسر قطع السلك)

تحت فى الريسبشن زين ربط يديهم .... 

فيروز : زين انت بتعمل ايه فكنا....انت اتجننت ..

زين: هههه اه اتجننت...ها يايونس جاهز تشوف ابنك ميت ..اصل انا مقولتلكش ان القنبله دى مش هتتنفجر فى الفيلا كلها ههههههه ضحكت عليه هي هتنفجر فى الدور بس اللى هو  فيه .....فاضل ثوانى وهتنفجر.....

قطع كلامه صوت جاسر وهو نازل على الدرج بخطوات واثقه...وقال : ومين قالك انها هتنفجر ههههه

زين اتصدم وقعد يدوس على زر القنبلة....بس لم يشتغل ...اتعصب ورمى فى الارض..

وتوجه الي جاسر وقال : طب ازاى ..

قطع كلامه بدخول نديم والقوات وعبدالله كان جاء لهم ...

عبدالله توجه اليه ووضع الكلبش بيده 

: والله ووقعت يا قرش 

زين : هندمكو ومش هسيبكم ...ده أنا القرش ...هههه 

الجميع خرجوا وزين والقوات مكلبشينه ويركب السياره فجأءه زين اخذ سلاح من على وسط احد من العساكر ..وسلط السلاح على حاله  ...

زين : ابعدوا عنى محدش يقرب منى ...اللى هيقرب منى هموت نفسى ..

جاسر أدى اشاره للعساكر ان يبعده عنه 

جاسر : ماتموت نفسك كدا كدا هتموت يا عمى ...انت هيتحكم عليك بالإعدام....

زين : لا ...لا انا مش هتحبس ...هقتلك يانمر وسلط المسدس فى اتجه ..

جاسر كان واقف بثقه ولم يتحرك خطوه ووضع يده فى جيبه وقال : اقتلني....ما انا قلتلك ان انت هيتحكم عليك بالاعدام ومش هتعرف تخرج منها ...

زين بصراخ: عااااااااااااا بكرهكو انا استحاله اتحبس ...لا انا معملتش كل ده عشان اتحبس .....انا . انا .و فى لحظه اطلق رصاصه على حاله كانت فى قلبه ووقع زين علي الارض والجميع اتصدموا من فعلته ....

ساندى جريت عليه وقالت بصراخ: لا باااااابا فوق لا متسبنيش بااااااابا ليه عملت كدا ...ليه ابوس ايدك فوق 

يونس اتصدم وعيونه كانت على زين فى دمعه نزلت عليه مهما كان هو فى الاخر أخيه...جاسر قرب منه ووضع يده على كتفه وبيطبطب عليه ....

الجد كان فى حاله صعبه هو لسه مصدوم من اللى ابنه عمله اتصدم اكتر من اللى عمله هل موت حاله ..ليه يعمل كدا ...ودموعه نزلت ....ثم ذهبو الي المستشفي واتاكده انه مات .

ثم أخذو  ليتمه إجراءات الدفنه 

وذهبوا الى المقابر الخاصه لهم وقرروا انه يدفنه فيها ...هو لم يستحق هذا بس صعب عليهم ومهما كان زين يكون منهم ومن لحمهم 

يونس قرأء له الفتحه وقال : الله يسامحك يا اخويا ...ليه عملت كدا ليه تمشى ورا الشيطان ....وتطلع فى حاجه هي مش ليك ....لسه محمدتش ربنا ....كنت تيجى واقولى عاوز ابقى زيك يا يونس كنت همسك ايدك و اخليك أنجح منى ...بس انت اخترت الطريق الاسهل ....غضبت ربنا وعصايته ليه يا زين انا مش عارف حتى انطق كلمه الله يرحمك يا خويا ....لان انت متستهلش الرحمه ....سلام يا زين ...وربنا معاك بقى استحمل العذاب اللى هتشوفه ...انت اللى اخترت كدا ..

كانت فيروز واقفه بجوار بنتها بتهديها ....هي مش فارق معاها اصلا ...بس اتصدمت اللى عمله زين ...مفيش دمعه نزلت منها عليه ....هي اصلا كل همها الفلوس فقط .  

ساندى: اهئ اهئ بابا راح يا ماما ...ليه يعمل كدا ليه يموت نفسه .... نظرت لجاسر وقالت : كله بسببك ...انت اللى خليت بابا يموت ..

جاسر وجهه كلامه لفيروز : بكره الصبح هحجز طياره ليكم على أمريكا......مش عاوز اشوفكم موجدين هنا ....ياريت تجهزوا ...

فيروز: ايوه بس ليه ...

ساندى : هو ايه ده ...احنا مش هنسافر ....وليه عاوزنا نسافر ...

جاسر بقرف : مش طايق اشوفكم ....ومشى  ....

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

نسارع الاحداث عدى اسبوعين ويونس مازال متأثر  من موت زين أخيه ....وشهد صامدة بجانبه وتحاول تخفف عنه اوجاعه ...فالخيانه عندما تأتي من القريب فتصبح قاتلة ...فما بالكم أن  يكون الاخ هو الخائن فتصبح  أصعب بكثير 

..اما جاسر قرر أن يفاتح عبدالله ليتقدم لغرام رسمي...اشتاق لها لحد الجنون فهو لم يراها منذ أن كانت معه..

اما إلياس وديلان فكانوا يجهزون فيلا الزواج .....اما ساندى وفيروز سافروا على ايطاليا ..

♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️

عند عبدالله فى مكتبه كان يتحدث مع ورد فى الهاتف ...

عبدالله : يعني ازاى متنزليش مع ديلان ....وتسيبيها تروح مع إلياس لوحدهم هو انا مش منبه عليكى تكونى معاهم ...

ورد : حرام عليك يا اخى ...خليهم يتنفسو شويه ده انت على طول لازق ليهم وبعدين خلاص كلها شهر ويتجوزوا...خف شويه غيرتك يا عبدالله...

عبدالله بغيره : اعمل ايه مش قادر بيبقى غصب عنى ...انا مش عارف ولاد الكلب دول كبروا امتى ..انا مش قادر اصدق بجد ....

قطع كلامه دخول جاسر وقال: سياده اللواء محتاج اتكلم مع سعادتك فى موضوع..

عبدالله: تمام يا جاسر اتفضل ..وقال لورد : طيب سلام يا ورد دلوقتى ....

ورد : طيب انا هنزل لشهد العياده...هقعد معاها شويه ....

عبدالله: ماشى ....سلام 

وقفل السكه ونظر لجاسر : خير يا جاسر في ايه ...طمنى على يونس ايه اخباره دلوقتى ..

جاسر : هااا احم كويس ...بيحاول ينسى بس مش عارف بنحاول نبقى جمبه الفتره دى بس ان شاءالله فتره وهتعدى ...

عبدالله: ان شاءالله....هااا ايه الموضوع اللى عاوزنى في

جاسر نظر له وقال: عمو عبدالله انا عاوز اتجوز غرام ....انا بحبها وعاوزها تكون زوجتي على سنه الله ورسوله...

عبدالله تنح لم يرد عليه هل اللى سمعه صحيح قال ان عاوز يتزوج غرام 

جاسر: عمو عبدالله روحت فين ...انا بكلم حضرتك..

عبدالله: هااا انا معاك ...وقام من مقعده و توجه الى جاسر...وجاسر قام هو الاخر من مقعده و مستغرب هو  عبدالله ليه قام من مقعده ..

عبدالله ببرود : قولتلى عاوز ايه .. قرب من جاسر جدا 

جاسر: عاوز اتجوز الانسه غرام يا سياده اللواء 

عبدالله ضربه بوكس فى وجهه بقوه لدرجه ان جاسر وقع على الكرسى ...ثم مسكه من قميصه

 وقال : بقى انت عاوز تتجوز بنتى غرام ....ده أنت لو اخر راجل فى الكون مش هوافق هو احنا هنلعب على بعض ده انت بتلعب بالبنات لعب ...اوعى تفكر انك تلعب ببنتى...ده انا ادفنك حى ومش هيهمنى ..

نديم دخل المكتب كان صوت عبدالله عالى جدا 

نديم: انت كويس يا سياده اللواء حضرتك بتضرب مين عنك انا هضربه متتعبش حالك ...

ونديم قرب لينظر هو بيلكم مين اتفاجأة ان النمر اتصدم ...

جاسر بعد عبدالله عنه وقال : هو فى ايه ...ومين قلك انى هلعب بيها انا بحبها واديني بعترف وانت عارف كويس ان عمر مالنمر يعترف بحبه لحد ...بس انا فعلا حبيت غرام 

عبدالله كان هيهجم تانى عليه بس نديم مسكه جامد وقفشه زى كأن قافش حرامى🤣

عبدالله : هههه بتحبها يبنى العب على حد غير ده انا حافظك كويس انت بتاع بنات وانا مش هوافق هو انت واخوك عليا ....فين يونس اقسم ما هسيبه اااه اكيد هو اللى خطط لكل ده ...وقال لنديم : اوعى يا نديم هو انت قفشت حرامى سيبنى عليه

جاسر ببرود: على فكره انا بسهوله جدا اروح اخطف بنتك واتجوزها ده انا النمر ...انا مش إلياس يا سياده اللواء غرام هتبقى على ذمتي الشهر ده سواء وافقت او لا ...

عبدالله: انت بتهددنى ماشى يا جاسر ....يا انا يا انت ورينى بقي هتتجوز غرام ازاى ....ابقى قول كلام على قدك الاول يا نمر ..

جاسر : ماشى يا سيادة اللواء انت اللى حكمت ....انت عارف كويس انى مش بهزر وانا قد كلامى النمر لما يحب ياخد حاجه بيخدها سلام يا غول ......وكان ذاهب وتقدم خطوتين ثم رجعهم تانى وقال بغمزه : ابقى بوسيلي مراتى لحد ماكتب عليها وانا اللى ابوسها ساعتها هههههه.  .....

عبدالله فجاءه حمل الكرسى وحدفه على الباب ...

عبدالله: عاااااا انا هوريك يا يونس الكلب ...

نديم: يابن الجنيه يا نمر ازاى قدر يعملها كدا بسهوله ...لا وهددو كمان يخربيت جبروته ...

نديم نظر لعبدالله: اهدى يا سياده اللواء صحتك ....وكان بيرجع للخلف وقال : انا عاوز اطلب ايد سيلا لجواز ....

عبدالله: غور من وشى يا نديم 

نديم: انا مش بهزر يا سياده اللواء انا عاوز أتقدم لسيلا واتجوزها ..

عبدالله : ماشى يا نديم غور دلوقتى وهبعت ليك أرقام اعمامها و اطلب ايدها مش انا اللى مفروض تطلبها مني سيلا عندها اهل وامشى من وشى بقى ...

نديم بفرحه: ماشى يا سياده اللواء ....متنساش بس تبعتلى رقم اعمامها...وخرج 

عبدالله كان بيغلى من جواه بسبب اللى جاسر قاله له ...هو فعلا ممكن يتجوز غرام بسهوله وممكن يخطفها.. عبدالله مسك هاتفه بعصبيه وقام بالاتصال بيونس.. وردد عليه 

يونس: ازيك يا عبدالله..

عبدالله بغضب : زفت طين ...اسمع يا يونس من هنا ورايح هنقطع الصحوبيه اللى ما بينا وقول لابنك إلياس ان هخلعه وهطلق بنتى اااه وابقى اقول لابنك جاسر مش انا اللى بتهدد ..

يونس: فى ايه يا عبدالله هو ايه اللى حصل لكل ده ..

عبدالله بغضب : اسأل ابنك جاسر جه من شويه قال ايه قال ان عاوز يتجوز غرام ....انا بنتى غرام الصحفيه البريئه تتجوز واحد زى النمر لا استحاله يحصل ..

يونس مات من الضحك : ههههه بجد والله يعنى جاسر اخير اعترف ...يلهوى قالك احكى بسرعه 

عبدالله: فرحان اوى يا خويا ...ارهنك انك انت اللى دبرت ده ...

يونس : والله ابدا ....بس انت بجد جاسر جالك واعترف بحبه لا مش مصدق ..

عبدالله: ده بيهددنى انه هيتجوزها غصب عنى ...قال هيخطفها ده مجنون 

يونس : ههههههه بجد لدرجه ...الزمن بيعيد نفسه يا غول انت مش فاكر عمك لما وقفت قدامه بردو عشان تجوز ورد ههههه كان بردو مش موافق عشان كنت بتاع بنات وله نسيت ههههههههه اهو دلوقتى جاسر هيطلعه عليك ...وافق يا عبدالله انت عارف جاسر كويس ده اعترف ده من سابع المستحيلات ان جاسر يعترف كدا عادى ..

عبدالله: اتصدق صح هههههههه فعلا نفس اللقطه دى حصلت معايا ....هو اللى عملته زمان هيطلع عليا .....بس هو انت تفتكر بجد جاسر يعمل زي ويتجوزها غصب عنى ...

يونس: بصراحه اه ابنى وانا اعرف مفيش حد هيقدر يقف قدامه ....خلاص يا عبدالله بقى وافق وتيجى بكره نطلبها صدقنى جاسر فعلا حبها ده اتغير خالص ...

عبدالله: بس بتاع بنات وكمان انا بنتى غرام استحاله توافق انا عارف...

يونس : هو انت سألتها : خلاص يا عبدالله هنيجى بكره....هروح اقوله ليروح يخطبها بجد ده مجنون ....

عبدالله : طب يعملها كدا ....بردو مش هوافق 

يونس : بلاش جاسر يا عبدالله ده مجنون والله ده ممكن ميخلاكش تشوف غرام تانى ....وانت عارف كويس جاسر ..

عبدالله: اتصدق انك صح هو في ايه بقى يعنى اللى عملته زمان بيتردلى دلوقتى اوووف 

يونس  : ههههه ده بالنسخه. انا وافتكر ...ديما اقول ان جاسر نسخه منك ...بجد خليتنى افك وانسى اللي حصل خلاص بكره هنيجى سلام  ...

عبدالله: ماشى يا نمر ...استحمل بقى اللى هيجراه ليك ....نيهههااا لو انت النمر ...انا الأسد 🤣🦁 اما وريتك وطلعت عينك مكونش انا عبدالله....

رن هاتفه برقم غرام رد عليه واتصدم لم سمع صوت ......

♥️♥️♥️♥️♥️♥️♥️♥️♥️♥️♥️♥️

غرام كانت فى الجريده بتمارس عملها هي رجعت تانى شغلها وكانت مشغوله بمقاله بتقوم بكتابتها.....

فجاءه اتفزعت لمت الباب اتفتح جامد كان جاسر ...دخل وجلس على مقعد وشعل سيجار وكان متغاظ اوى ..

غرام: نعم فى حاجه ...

جاسر: اسمعى لو موافقتيش بذوق ...هخليكى توفقى غصب عنك مش النمر اللى يتقاله لا ..

غرام بعدم فهم : نعم انت بتقول ايه انا مش فاهمه حاجه ...

جاسر: انا طلبت ايدك للجواز ....

غرام تنحت : نعم ده ازاى ...

جاسر بعصبيه: هو ايه اللى نعم نعم ..واضحه قولتلك طلبتك للجواز ...نتجوز ونكون عريس وعروسه عادى خالص..وغمز لها ..😉

غرام: انت قليل الادب....انا ..انا استحاله اتجوزك وله ارضى بيك وقامت اتفضل اطلع بره ...

جاسر لمح هاتف غرام جاءت فكره له فتح الهاتف ورن على رقم عبدالله..

غرام: انت بتعمل ايه..سيب تليفونى ...

فاجأه زق غرام على الحائط وكتم صوتها ومسكها بأحكام ..عبدالله فتح الخط ..

جاسر: هااا يا سياده اللواء فكرت ...قولتلك انا قد كلامى ده انا النمر ..

عبدالله بصدمه: تليفون بنتى بيعمل معاك ايه ...

جاسر نظر لغرام وكانت بتحاول تبعده...

جاسر: بنتك كلها معايا مش تليفونها بس ...ههههههه

عبدالله: هي حصلت.....انت ازاى تعمل كدا عارف لو عملت حاجه هقتلك يا جاسر ...

غرام: اممممم 

جاسر : قولتلك انت هتوافق غصب عنك ...المأذون على وصول ..هديك فرصه فكر فى الفضيحه بنت سياده اللواء عبدالله الشاذلى...الغول تهرب مع ظابط وتتجوزه فى السر لا مش معقول ههههههههه

عبدالله : ماشى يا جاسر موافق خلاص بطل جنان هتنيل استناكم بكره تيجوا ...سيب غرام خلاص وافقت ..

جاسر: غرام فى الحفظ والصون سلام يا غول ههههه..

جاسر قفل السكه وفجاءه اتألم غرام عضته ...

غرام: اوعى كدا انت ازاى تمسك تليفونى وايه اللى فضيحه وبنت سياده اللواء هربت مع ظابط ...وايه اللى في الحفظ والصون

جاسر: الغول يبقى يفهمك جهزة نفسك يا عروسه بكره هتكونى غرام النمر ياقطه ههههههه سلام ..

وخرج بس وقف لما سمع كلامها ..

غرام: على فكره انا مش موافقه ...وكمان مش لقيه غرام النمر  ايه القرف ده ..

جاسر: لا هتوافقى غصب عنك ...ولو مش عجباك غرام النمر...نخليها غرام الجاسر ههههههه سلام يا زوجتى

غرام: عاااااا بنى أدم بارد ورخم اوف بس هو قال ان هيتجوزنى لا استحاله ههههه يعنى هو فعلا بيحبنى عاااااا مش مصدقه ....بس يا غرام اتقلي شويه ....لازم تطلعى عينه 😂

❤️❤️❤️❤️❤️♥️♥️♥️♥️♥️♥️♥️♥️♥️♥️♥️

فى المساء فى فيلا عبدالله الشاذلى...

كان البنات قاعدين مع بعض .... وعبدالله وورد كانو فى الغرفه 

ورد بضحك : يعنى هو عمل كدا بجد ...هههههههه مش قادره ابطل ده جاسر طلع مصيبه ...

عبدالله: هو انتى فاكره انى هعديها لي ده انا هطلع عينه .... انا يستغفلني ويضحك عليا ماشى  ..

ورد : قربت منه وقال : كما تدين تدان ههههههه وانت عارف كويس قصدى ايه ..

عبدالله: ماشى. يا ورد ...حته انتى .

ورد : الله يرحمك يا بابا ....كان هيموت ساعتها لما انت خطفتنى فاكر وله نسيت ..هههههه

عبدالله: فاكر يا ختى اهو بيتعمل فيا دلوقتى..

ورد : خلاص استحمل بقى وبعدين ليه انت مش موافق علي بقى ...

عبدالله: جاسر...ده زير نساء بيلعب بالبنات لعب .

ورد : عبدالله...انت اللى بتكلم مش معقول ...نرجع بالزمن كدا انت كنت عامل ازاى ... كنت اكتر منه وله نسيت ...بس اختارتنى انا ما بينهم ساعتها سألتك سؤال هو انت ليه اختارتنى انا مابينهم يا عبدالله  رديت وقولت ساعتها مثل .... قلتلى ان انتى غيرهم  زى مصاصه اللى بتكون مش متغلفه والزباب بيمص فيها  وقفين عليها  ....وفى مصاصه متغلفه ومحدش لمسها  ....اهو جاسر عمل نفس الموضوع مابين البنات دى كلها اختار غرام واكيد بيحبها هو لو عاوز يلعب بيها وبمشاعرها كان لعب بس هو معملش كدا هو احترامك  وقالك ان عاوز يتجوزها وتبقى حلاله وافق يا عبدالله وهدى غيرتك شويه بقى       

عبدالله : منكرش ان جاسر فعلا بيحبها لدرجه انه خاطر بحياته عشان يروح ينقذها ....ماشى ياورد انا هوافق بس بردو هطلع عينه ...اااه لازم اتأكد هعمل اختبار لي ....وكمان نديم انتى عارفاه هيجى بكره هو كمان عشان يتقدم لسيلا .....هي مش حابه تتدخل اعمامها فى الموضوع ومش هيوقفوا ليها وخالها مسافر ....فى مفيش غير ان انا اللي هقف ليها ...

ورد : ايه ده بجد يعنى كدا عندنا عروستين ....مبروك يا ابو العرايس هههههه البيت هيفضى عليا ومش هيبقى غير تاج ....

عبدالله: اخرجى بره ياورد .....انتى قاصده تنرفزيني 

خرجت وتوجهت الى غرفه غرام وكانوا البنات قاعدين مع بعض دخلت وقالت : يا بنات انا عاوزه اتكلم مع غرام لوحدها ممكن ...

تاج : هو انتى عاوزه غرام فى ايه هاااا 

ورد : وانتى مالك يا لمضه ...

والبنات خرجوا وسيلا كانت خارجه بس وقفت لما ..

ورد : سيلا ثانيه 

سيلا ذهبت لها وقالت : نعم يا طنط ...

ورد :  حبيبتى عرفتى ان نديم هيجى بكره ليتقدم ليكى ....احم عبدالله قرر انه هو اللى يقف ليكى عشان اعمامك بعد اللى حصل يعنى اكيد مش هيوقفه وقال إن خالك مسافر ...

سيلا: بجد يا طنط شكرا انا حقيقى بعتبركم اهلى شكرا اوى يا طنط ...

ورد  : انتى بتقولى ايه هتضربى يا سيلا روحى يلا ....وروح نامت وله ايه 

سيلا : اه دة نامت وبتاكل رز مع الملايكه هههه 

خرجت سيلا توجهت الى السرير وجلست 

غرام : نعم يا ماما عاوزانى فى ايه ...

ورد : انتى طبعا عرفتى ان جاسر ابن شهد جاى يتقدم ليكى بكره عاوزه اسمع رأيك موافقه وله لا. 

غرام بخجل: اللى بابا هيقول عليه هيمشى يا ماما . 

ورد: غرام ....كدا كدا عبدالله هيوافق ...انا بقول انتى موافقه وبتحبى وله لا 

غرام: مش عارفه والله يا ماما ....انا فجاءه كل حياتى اتلغبط من ساعت ما ظهر فى حياتى ...حسيت باحساس اول مره يجى ليا شعور غرب ومشاعر متلغبطه  ....اول ما بيكون قريب منى اول اشوفه فى مكان قلبى بيدق وبيخرج من مكانه ...بس فى نفس الوقت خايفه يا ماما الكلام اللى سمعته عليه ..انه يعنى بتاع بنات وانه زير نساء .....خايفه ليكون بعد ما نجوز يخونى ...مش عارفه يا ماما ..

ورد : طيب بصى بقى لو هنمشى  ورا كلام الناس يبقى احنا مش هنخلص ....امشى ورا قلبك ...ابوكى كان اكتر من جاسر ميت مره بس فى الاخر اختارنى ...انا واتغير خالص وانا غيرته كتير.....جاسر بيحبك يا غرام واوعى تفكرى ان ممكن يخونك وله يبقى زى ما هو قبل الجواز لا طبعا هو بيتغير وانتى اللى بيدك تعملى ده وبعد ماتخلفى وتجيبي لي اول ولد او بنوته بيتغير اكتر ويحس بالمسؤولية..فاهمه يا غرام وصلى ركعتين كده وشوفى ...

غرام : حاضر يا ماما ...

ورد : حبيبت ماما بقيت عروسه ...انا هقوم بقى قومى صلى زى ماقلت ...

وخرجت وغرام قامت اتوضت و وضعت سجاده الصلاه وبدأت تصلى صلاه الاستخاره....

❤️❤️❤️❤️❤️♥️♥️♥️♥️♥️♥️♥️♥️♥️♥️♥️♥️

فى اليوم التالى في فيلا عبدالله الشاذلى كان يونس الحديدى هو وشهد والجد والدة نديم معاهم وصلوا وجاسر ونديم مش معاهم كان بيجيبوا ورد وقرروا يجيبوا هديه ليهم    ....

فى الداخل الفيلا استقبلهم عبدالله 

عبدالله: اهلا وسهلا نورتو 

شهد : ده بنورك يا استاذ امال فين ورد ...

عبدالله: مع البنات فى الاوضه ...جميله اندهى مدام ورد من جواه ..

جميله: حاضر ..

وبعد دقائق ورد أتت ومعاها البنات ...

ورد : يا أهلا وسهلا نورتوا عامله ايه يا شوشو ...

شهد : الحمدالله يا حبيبتي 

شهد قالت وشاورت لامرأة كانت بجانبها ...

قالت : اعرفك يا امنيه ورد تكون والدة غرام وسيلا عيلتها متوفين وعايشه معهم هنا... وبتكون زميلتي من ايام الجامعه ...واعرفك يا ورد امنيه والده نديم ..

ورد: اهلا وسهلا نورتى 

إلياس قام وقف بجاور ديلان وقال : وحشتينى اوى  

ديلان: لحقت ده لسه كنا مع بعض امبارح 

إلياس : انتى بتوحشينى كل دقيقه حتي بتوحشينى وانتى معايا ...

ديلان : ههههه مش خايف بابا يسمعك ....

إلياس: ههه لا ما هو هيركز مع جاسر ..

ديلان: ااه صح هما فين نديم وجاسر مبسوطه اوى بي غرام انها هتكون معايا ...

إلياس : اتصدقى لسه واخد بالى ان غرام هتكون سلفتك ههههه 

ديلان : يارب بقى بابا يوافق ونعمل فرحنا فى يوم واحد ..

إلياس : ما ده اللى حصل جاسر مرتب كل حاجه

قطع كلامه رن جرس الباب....الخادمه كانت ذاهبه لتفتح بس عبدالله وقفها : استنى يا جميله انا اللى هفتح ..

عبدالله توجه الى الباب وفتح وضحك بخبث...

قال : ياهلا وسهلا ...

نديم همس لجاسر : ينهار اسود هو ماله بيبص كدا ليه 

جاسر : اسد يلا في ايه اعمل زى ....شوف انا هعمل ايه ...

وقال لعبدالله: اهلا حمايا العزيز....ايه اخبارك 

عبدالله مسك ياقه قميصه: بقى انت تعمل معايا كدا.  ...بتستغفلنى ..

جاسر : مين انا ...انت اللى فكرت غلط يا حمايا وبعدين ايه هفضل واقف كدا عاوز اشوف عروستى ..

عبدالله: ماشى يا جاسر اتفضل ده انا هوريك ...

ودخل جاسر و نديم ودخلوا وجلسوا ...

عبدالله : هقوم اجيب البنات. ...

ورد بصدمه : مين انت هتروح تجيبهم..

عبدالله: اه عادى ممكن مجبهمش ...

يونس : روح يا عبدالله ربنا يهديك 

ذهب عبدالله وتوجه اللى غرف البنات وقال : جاهزين تنزلوا 

غرام : هاااا لا مش عاوزه انزل وكملت بتوتر هو جه تحت 

عبدالله: خلاص يا حبيبتي لو مش عاوزه تنزلى بلاش انا

عارف يا حبيبة بابا انك مش موافقه خلاص ننهى الموضوع ..

سيلا : هههههه غرام بتهزر يا عمو ...

عبدالله طلع كمامه ونظرات كعب كوبايه ...

سيلا باستغراب: ده ايه ده يا عمو ..

عبدالله: نظرات وكمامه هتلبسوهم ....

ثم توجه الى غرام لبسها  نظاره وكمامه 

عبدالله: زى القمر كدا احلى ....يلا يا سيلا البسى دول ..

سيلا : لا يا عمو شكرا مش عاوزه ...

عبدالله: بت البسى يابت خافى من الحسد

سيلا : ايوه بس يعنى ..

توجه اليها ولبسها هي الاخر ..كان وشهم مش باين خالص..

عبدالله: يلا بينا ننزل كدا انتو جاهزين بناتى زى القمر 

غرام مش شايفه وكانت هتقع وقال : بابا انا مش شايفه من نضاره دى انا هقلعها ..

عبدالله: اوعى تقلعيها  .....

نزلوا والجميع اتصدموا من أشكالهم ويونس ضحك والكل ضحك على مناظرهم...

سيلا: شوفت يا عمو بيضحكوا علينا .. 

عبدالله: يا عبيطه دول غيرانين عشان انتو حلوين .. 

 نديم بغباء : هي فين سيلا  يا عمو عبدالله 

عبدالله: العتب عل النظر اتعميت وله ايه يا عريس.....سيلا اهي 

والدة نديم همست لنديم : انت جايب واحده مش بتشوف دى بنت خالتك احلى منها بمليون مره ...

نديم: لا يا امى سيلا بتشوف بس انا معرفش هي ليه لبسه كدا ..

سيلا وغرام جلسوا وورد جلست بجانبهم وقالت لهم : انتو ايه اللى عاملينه فى نفسكم ده ههههه

سيلا بخنقه : انكل عبدالله أصر ان يلبسنا كدا ..

ورد : منورين والله يا جماعه وجزت على سنانها وقالت للبنات اخلعى انتى وهي اللى انتو لبسينه 

غرام: بس بابا هيزعق ...

ورد : اقلعى يا بت ...

غرام نزعت النظاره والكمامه هي وسيلا.....والدة نديم انبهرت بجمال سيلا ....

جاسر نظر لغرام وسرح فى ملامحها الجذابه والطبيعيه جميله جدا وعبدالله لاحظه وقال : احم احم منورين.  

يونس : ده نورك يا عبدالله بص بقى يا عبدالله احنا نخش فى الموضوع على طول انت عارف انا جاى ليه عشان نطلب ايد الانسه غرام لجاسر ابنى ....ونطلب ايد  سيلا لنديم وانت عارفهم كويس جدا وانا بقترح ان نعمل الفرحه فرحتين فى نفس يوم الفرح بتاع إلياس وديلان اللى بعد شهر نكتب كتابهم مع الفرح هااا ايه رأيك. 

عبدالله : انا مش موافق 

الجميع اتصدموا ازاى يقول كدا .. ورن جرس الباب وقام جاسر.: بعد اذنكم انا اللى هفتح

توجه الى الباب وفتحوا وكان المأذون ...دخل بيه الى الريسبشن وعبدالله اتصدم من فعله جاسر ...

جاسر ينظر لعبدالله بخبث وقال : انا اعترض زيك يا سياده اللواء احنا هنكتب الكتاب انهارده   .....يتبع

♥️البارت التاسع والعشرون ♥️

♥️🦋روايه غرام النمر 🦋♥️

(وقفنا فى البارت اللى فات ان جاسر دخل بالمأذون وقال لعبدالله إن احنا نكتب الكتاب  انهارده ) 

عبدالله كان هيهجم على جاسر يونس مسكه ....

يونس: صلى على نبى عيل وغلط هدى نفسك يا كبير اكيد جاسر ميقصدش وبيهزر ...

جاسر: ومين قال ان بهزر ....انا مقرر ان انهارده هنكتب الكتاب ونعمل الفرح مع إلياس وديلان ..

عبدالله بيزق يونس : اوعى يا يونس بص بيقول ايه ...

المأذون قال: ياجماعه اهدوا شيطان ودخل ما بينكم .....

يونس : خلاص يا عبدالله بقى فرهدتنى ثم تركه ...

وقال : انا مش قادر روح اضربه ... 

وعبدالله ذهب لجاسر ومسكه من ياقه قميصه لكى يلكمه بس إلياس تدخل واخذ اللكمه بدل جاسر ووقع من قوة الضربه ....

ديلان توجهت اليه لتطمئن عليه وقالت : انت كويس يا إلياس 

إلياس: آآآآآآه  هو ايه اللى حصل هو انا كنت جاي ليه جاسر ضحك عليه و سانده ليقوم ...

عبدالله: يونس اسمع بقى انا خلاص مش عاوز اعرفك تانى وخد عيالك وامشى من هنا الا هموتهم واخليك تزعل عليهم وانا مش بهزر ...

جاسر توجه اليه وهمس بجانب اذنه وقال بمكر : غرام هتبقى ليا سواء وافقت او لا وانت عارف كويس ....انى مش بهزر بكره الصبح ممكن اخطفها واتجوزها انسى انك تشوفها وله حته تلمحها ....

عبدالله نظر له بتحدى : مش الغول اللى يتهدد يا ابن يونس ده انا احطك تحت رجلى ....يونس خد ابنك قبل  هقتله دلوقتى.

شهد : يا ستاذ عبدالله حضرتك اهدى كدا واسمعنى ....

احنا نكتب كتاب بس هو مش هياخدها دلوقتى وبعدين دى بتكون سنة الحياة بناتك هيبقوا دايما معاك حتى بعد ما يتجوزا وانت عارف جاسر وإلياس ده انت اللى مربيهم معانا ....وله ايه يا ورد

ورد : ايوه كلامك كله صح ...عبدالله لو سمحت اهدى شويه وبطل غيرتك الاوفر وبرقت له ...واحنا نشوف رأى صاحبة الشأن...هاا يا غرام موافقه ان احنا نكتب الكتاب انهارده وله لا ....

عبدالله: انا عارف بنتى مش هتوافق مش كدا يا غرام

..

جاسر اتسحب ووقف بجانبها وقال بمكر لعبدالله: بلاش الثقه دى يا حمايا ...

عبدالله: بصو هو اللى بيبدأ ازاى اقسم بالله انا مجنون وممكن اموته دلوقتى ...

يونس توجه له وقال : هههههه وافق يا عبدالله كما تدين تدان اللى عملته فى عمك زمان اهو بيتعمل واكتر ....وكدا كدا هتلاقى نفسك موافق ده ممكن يخطفها واحنا واقفين ده مش هيهمه حاجه ...

عبدالله بغيظ ويهمس ليونس: ابن كلب ده مسبش حاجه ومعملاش ....كأن الزمن بيعيد نفسه ....انا دلوقتى عرفت ان عمى كان عنده حق ..

يونس : ههههههه انت بتشتمنى انا على فكره .....وافق يا عبدالله مفيش ايه حل هههه وبعدين ابقى طلع عينه وانا هساعدك ..

عبدالله : ده انا هخلى يندم ان فكر يتجوزها وهتشوف ...ونظر لجاسر بغيظ وقرف 

المأذون: يا جماعه انا ورايا شغل هنكتب وله امشى ..

يونس : لا هنكتب يلا يا عبدالله بقى ..

عبدالله : هسأل بنتى الاول ....ردى يا غرام موافقه وله لا ...

غرام كانت هترد بلا هي اتصدمت ان هتكتب كتابها انهارده جاسر لازق فيها ونغزها واتوجعت وقالت آآآآآآه 

جاسر بمكر : هاا يا حمايه سمعت ردها وله لا

يونس: خلاص يلا يا عبدالله..

يونس شد عبدالله وقعدوا وغرام واقفه مصدومه هي من النغزه اتوجعت وقالت ااه من الوجع ..

غرام: يا بابا ثانيه ..

جاسر لحقها واستغل ان الكل مشغول بعبدالله وبيحاولوا يقعدوا ...مسك ذراعها وبرق وقال : لو فتحتي بوقك وله قولتى حاجه هتندمى ..

غرام بخوف : يا بابا الحقنى هياكولنى. .

جاسر: يا مجنونه تعالى هنا ...هو انا هتلاقيها منك وله من ابوكى ....

عبدالله سمع نداء غرام له وقام وتوجه وقال : ايه ياروح بابا مش موافقه صح ...انا عارف بنتى الكيوته مترضاش تتجوز البغل ده ...

جاسر باستفزاز : شكرا يا حمايا العزيز كلك زوق 

عبدالله: يخربيت ام استفزازك يا خى 

المأذون : انا زهقت لما تكونوا مقررين تكتبوا ابقى اجى انتو معطلينى...

يونس : احنا اسفين وشد عبدالله وقال: يلا يا عبدالله بقى انت تعبتينى ...

عبدالله: الله بنتى مش موافقه مش كدا يا روح بابا ..

غرام: هاااا كان جاسر واقف خلف عبدالله و نظر لها نظره مرعبه فخافت منه وقالت : ااااه انا موافقه يا بابا 

ورد بزهق : يلا يا عبدالله بقى خلاص اهى قالت إنها موافقه

ورد شدت عبدالله وقعدته وجاسر جلس هو إلاخر ويونس ...

المأذون : أين وكيل العروسه ...

يونس شاور على عبدالله ان هو ....

المأذون : طيب يلا يا ابو العروسه حط ايدك فى ايد العريس ..

عبدالله بقرف : لا انا مش عاوز احط ايدى فى ايده استحاله..

ورد بعصبيه : عبدالله 

عبدالله: اوف بقى هتنيل اهو مد يده وجاسر مد يديه 

وبدأ يتم عقد القران جاسر وغرام😂♥️

واخير قال المأذون جملته الاخيره : بارك الله لكما وبارك عليكما وجمع بينكما في خير....

ورد زغرطت بفرحه وشهد معاها وفرحانين جدا وعبدالله شد يده وبغضب قال : خلاص ارتحاتوا ووجه كلامه لجاسر : انا هطلع عينك وهتشوف ...

جاسر : هههه لما نشوف يا حمايا العزيز كدا كدا بعد شهر هتكون فى بيتى ...

عبدالله: يونس خلى ابنك يسكت احسن بدل ما اقوم اضربه وانا ثانيه واعملها ...

نديم: عمى انا كمان عاوز اكتب كتابى على سيلا بالمره 

عبدالله نظر لسيلا : انتى موافقه على الكلام ده ..

سيلا بخجل : احم اه موافقه يا عمو ...

وبدأ عقد قران سيلا ونديم♥️

وغرام ذهبت كانت بتهرب من عيون جاسر ذهبت إلى المطبخ لتشرب ماء وجاسر استغل ان عبدالله منشغلا بعقد القرآن ذهب خلفها ...

غرام شربت وكانت قلبها كان بينبض بشده لم تصدق ولم تستوعب انها رسمى صارت زوجه النمر هل معقول هذا الشخص الذى كان دائما كان تقول عليه لا واستحاله تقع فى حبه ...هذا الشخص الذى كانت بتكرهوا كان تقول عليه مغرور ومتكبر هذا الشخص الوحيد اللى قلبها نبض بشده ومشاعر وأحاسيس اتحركت نحو اتجاه لم تصدق نهائى أين حبته امتى وفين كانت بتكرهوا ...اتحول الكره لحب لعشق♥️

جاسر دخل لاقه غرام سرحانه التفت اليها ونزل لمستواه اذنها وهمس : مبروك يا غرام النمر🐯♥️

غرام بخضه والتفت بخوف : اعاا ايه ده انت بتعمل ايه 

جاسر : جاي اشوف مراتى واخدها فى حضنى 

غرام بخوف وقلبها بقى بينبض بشده : لا ابعد عنى انا مش هحضن حد  ....

جاسر غمز لها : ومين قلك انى هحضنك ....

غرام نفخت براحه من بعد ما قال ...اتسعت عيونها اول ما سمعت باقى الجمله ....

قال جاسر بمكر وبينظر لها من تحت لفوق : احنا هنجيب عيال علطول..... ثم غمز لها 😉 ....

فى لحظه غرام كانت بتنادي على عبدالله برعب

وقالت : بابا يا بابا الحقنى ....

وجريت للخارج وجاسر ضحك عليها وقال : تعالى هنا يا بنت المجنونه كنت بهزر .....وذهب خلفها ..

وكان عقد قران سيلا ونديم خلص ولقوا غرام بتجرى ناحيه عبدالله....وتناد. عليه ..

يونس استغرب وتوجه آلى جاسر وكان جاسر يضحك عليها...قال يونس له : فى ايه انت قولت للبت ايه 

جاسر نظر له وغمز : اللى فى بالى بالك عادى قولتها اللى فى قلبى ههههه

يونس : الله يخربيتك اللى فى قلبك بردو وله اللى فى دماغك مش كده من اولها هترعب البت منك ..

جاسر: شوف مين االى بينصح انت يا يونس ده انا وارث منك كل قلة الأدب هنهزر وله ايه ..

يونس : اخرس يا حيوان انا محترم احم تعالى نشوف قالت لعبدالله ايه ....

عبدالله: فى ايه يا غرام مالك ...

غرام بخجل : هاااا اصل يعنى .

يونس قطع كلامها : ااه عبدالله كنت عاوز اقترح حاجه كدا عليك ...اي رأيكم نخرج ونتعشى بره ونحتفل بكتب الكتاب الولاد ...هااا ايه رأيك ...

شهد: والله فكره حلوه وله ايه ياورد ...

ورد : اه طبعا معنديش مانع ....

عبدالله: خلاص تمام انا موافق انا هاخد البنات فى عربيتى وانتوا فى عربيتهم. 

يونس : ليه يا عبدالله خلى الشاب يروحوا بالعربيتين وانا وشهد نيجى معاك خليهم يتنفسوا شويه ..

عبدالله : لا بناتى هيركبوا معايا غير كدا مش هتحرك ...

ورد : خلاص يا عبدالله موافقين ...اووووف ربنا يصبرنى  ....

وبالفعل خرجوا والبنات ركبوا مع عبدالله ويونس وأولاده فى عربيه ونديم والدته فى عربيه ....وذهبوا لمطعم ليتعشوا مع بعض ...

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

فى شقه رحيم السيوفى كانت براءه واقفه فى الحمام ولم تصدق وبتبكى من الفرحه كان فى يدها تيست الحمل ...

براءه : مش معقول هو بجد انا حامل وبالسرعه دى 

خرجت براءه ونزلت على الدرج وتوجهت الى الريسبشن وكان رحيم جالس على الاريكه وكان يشاهد مبارة القدم الاهلى والزمالك ......

رحيم بانفعال : يا غبى كان الجول فاضى عاااا ...ازاى الكوره زى دى تضيع ..

براءه جلست بجانبه وقالت : رحيم ...انا عاوزه اقولك على حاجه ...

رحيم : مش وقته يابراءه ......ايوه يلا اهى جايه اهى وقام وهو كان مندمج اوى مع المبارة .....

براءه : يارحيم محتاجه اقولك على حاجه بقى وبعدين ماتقعد وتهدى كدا اوف ...

رحيم: ايه ده شوفتى وقعه  ازاى يا براءه المفروض تتحسب ضربة جزاء ...ده قاصد يوقعه .....

براءه: اتصدق انى انا همشى ومش هقولك على حاجه وانا اللى كنت عاوزك تشارك فرحتى ..

رحيم: عااااا اتحسبت ضربة جزاء يلا بقى ايوه .....عاااا جووووول ان شاءالله.....وكان لسه اللعيب هيشوط براءه قفلت التليفزيون.....

رحيم: انتى بتهزرى يا براءه افتحى بسرعه عاوزه اعرف جت جول وله لا جايه تقفلى دلوقتى ....

براءه: لا مش هديك الريموت غير ما تسمعنى ...

رحيم نظر لها وقال: نعم يا ستى عاوزه ايه ....بلاها ماتش قولى عاوزه ايه ..  

براءه وضعت التيست الحمل امام وجهه ...

وقالت بفرحه : انا حامل هتبقى اب يا رحيم 🥹

رحيم لم يستوعب ولا يصدق وأخذ منها التيست الحمل. قال بفرحه : ده بجد وله مقلب عاملاه فيا اوى يا براءه تكونى بتهزرى ....

براءه هزت رأسها بلا وقالت : لا والله حامل يا رحيم عاملت كذا تيست حمل وكلهم كانوا ايجابى ..

رحيم بفرحه حملها ولف بيها وكان طاير من الفرحه وقال : عااااا هبقى بابا ....مش مصدق نفسى ...

براءه : يا مجنون نزلنى ...ههههههه

نزلها وقال بحب : انا مش عاوزك تعملى ايه حاجه انتى تقعدى على طول فى السرير وانا هعمل ليكى كل حاجه ...

براءه : ياسلام لا طبعا عادى انا هتحرك عادى بس مش هجهد نفسى وبعدين بردو عاوزه اروح اتأكد واعمل تحليل عشان اتأكد بردو ..

رحيم: طيب يلا اطلعى البسى ..بسرعه عشان نتأكد ...

براءه: حاضر هههه عقبال ما اخلص تكون شوفت الماتش جابوا جول وله لا ههههه...

رحيم: اااه صح الماتش فكرتينى ....ده انتى قفلتى على حته صعبه..

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

وصلوا المطعم والجميع دخلوا ويونس كان بيحاول يشغل عبدالله لكى الشباب يأخذوا البنات لمكان اخر يكون سهره ويونس هو اللى مظبط ليهم هذا المكان ...

يونس: يلا يا عبدالله تعالى نلحق نشوف الماتش عامل ايه ...

عبدالله : طيب ماشى ...يلا يا بنات تعالوا ورايا ...

ورد : اااه هما جاين وراك اهو ....

جاسر فجاءه مسك يد غرام وشدها للخارج وهكذا إلياس ونديم عملوا نفس الشئ ...

تاج قالت : ماما انا عاوزه اروح معاهم مليش دعوه انا هقعد معاكوا اعمل ايه ...

شهد : عندها حق خليها تروح مع أخواتها...يلا يا تاج روحى مع ادهم والحقوهم قبل ما يمشوا ...

تاج: اروح يا ماما ...

ورد : اه اتفضلى روحى ....ووجهت كلامها لشهد : انا خايفه من ردة فعل عبدالله لما يعرف ان البنات راحوا مع الشباب ده ممكن يقلب دنيا ...

شهد : متخافيش هو بصى مشغول بالماتش خليهم يتنفسوا شويه يلا تعالى....

ورد : يلا ربنا يستر بقى انا مليش دعوه انتى وجوزك اللى زبطوا كل حاجه ...

عند البنات لما خرجوا كان جاسر ماسك يد غرام وساحبها للخارج غرام نفضت يدها وقالت : ممكن اعرف احنا رايحين فين وازاى متقولش لبابا ان احنا خرجنا ..

إلياس: يا غرام  مكان فى سهره هنقعد شويه وهنيجى علطول متخافيش بابا هيعرف عمو عبدالله ...

ديلان : ايوه يا إلياس كان المفروض نستأذن كدا هيضايق مننا ...

نديم : يا جدعان يلا بقى دى كلها ساعه وهنرجعكم ....انا حاسس ان ممكن يجى ورانا...

جاسر : يلا يا غرام اركبى قولنا هنروح نسهر مع بعض ونغير جو ...

غرام: لا مش عاوزه اروح فى حتى الا لما بابا يعرف ااااه 

قطع كلام غرام ....جاسر حمل غرام على كتفه وتوجه آلى السياره ..

غرام : نزلنى ازاى تشيلني كدا نزلنى يا جاسر انا مش عاوزه اروح ...

جاسر قال لشباب : يلا حصلونى ...

إلياس همس لديلان : تحبى اشيلك زى ما جاسر عمل وله هتيجى  بزوق. .

ديلان: جاسر ده فظيع مكنتيش اعرف ان كدا بجد ...

فى داخل المطعم كان عبدالله يسأل ورد عن البنات ...

عبدالله: ماتردى يا ورد فين البنات انا مش شايفهم ...

ورد: هااا بصراحه معرفش اسأل الاستاذ يونس هو اللى عارف ...

عبدالله نظر ليونس بغضب ويونس نظر على شاشه العرض لأنه بيتابع المباراة....

عبدالله : عارف انا ممكن اعمل فيك ايه لو مقولتيش مكان البنات فين ....انت عارف كويس انى ممكن اعمل ايه ...

يونس : يا خبر ده كان فى واحد رن عليا صح وكان عاوزنى فى مكلمه بعد اذنكم اروح اعمل المكالمه واجى ...وقام يونس ليتهرب منه.   

عبدالله: ماشى ياورد حسابنا فى البيت لما نروح بتستغفلينى ....وتخلى البنات يروحوا مع ولاد يونس ماشى يا يونس الكلب ....اما وريتك

شهد: بصراحه يا استاذ عبدالله ورد ملهاش ذنب انا ويونس اللى رتبنا كل حاجه ...وبعدين اطمن هما بيكونوا مع اجوازهم مش حد غريب ...

عبدالله: ما ده اللى مكنتيش موافق عليه أن نكتب الكتاب عشان كل شويه واحد فيهم يطلعلى ويقول عاوز مراتى ....قال يونس قال وافق يا عبدالله وانا هخليك تطلع عينهم ....ده انا اللى هطلع عينك يا يونس ..انا هقوم اشوفه فين راح ...

شهد بضحك : ماشى  . ..وقالت لورد : جوزك ده فظيع ياورد مش معقول الغيره دى ايه ده ...هههههه تفتكرى كان ممكن يونس لو عنده بنت كان عمل زي عبدالله...

ورد : لا مش عارفه بس مش هيبقى زى عبدالله ده فظيع بجد ...

___________________________________________

عند البنات وصلوا المكان السهره وكان زى كافيه مقفول ومشغلين اغانى زى الديسكو كدا بس ده بيكون كافيه 

.. يعنى لم يوجد فيه خمره وله مشروبات محرمه كان جاسر ونديم كان دائما يأتوا بهذا الكافيه وكان يسهروا فيه ...

جاسر : يلا انزلى وله حضرتك هتقعدى هنا ...

غرام: انت ازاى تشيلني بالطريقه دى وبعدين دلوقتى بابا هيزعق لينا عشان روحنا من غير اذنه ...

جاسر: وله عاش ولا كان اللى يزعق لمرات النمر ...متخافش يا زوجتى العزيزه انا ساعتها اللى هقف واقول خطفت بنتك يا سياده اللواء غصب عنها .  

غرام ضحكت على جملته وقال : هو انت ليك عين تهزر ...بجد انا مش ارد اقول ايه ليك ...

جاسر: متقوليش اتفضلى انزلى وخلصينى من ام الليله تعبتينى وفرهدتينى ...

نزلت غرام ودخلوا كلهم اللى كافيه وكان فى بنات كتير لابسين لبس فاضح وله لائق و جالسوا على طربيزه..

تاج : تحفه بجد المكان اوف انا هقوم ارقص مش قادره ...

غرام: ترقصى ايه اقعدى يا تاج بطلى هبل ...

تاج : لا مش قادره بجد خليكم انتوا هنا وانا خلينى انطلق ...

ادهم: اصبرى انا جاي معاكى ...

وذهبوا الى ساحه الرقص وكان الاغنيه مهرجان ...لعصام صاصا ...

تاج : انت ايه اللى خلاك تيجى ورايا ...

ادهم : والله عاوزه ترقص ياتاج حوالين الشباب دول عشان تتعاكسى  ..

تاج غمزت : قول انك غيران عليا ...

ادهم : ااه غيران وبطلى ترقصي بجنون كدا وبعدين تعالى هنا انهارده يعنى لما جينا وله سلمتى عليا وله كأن مابينا حاجه ....

تاج قربت منه ووضعت يدها على رقبته وقال بدلع: يعنى عاوزنى اعمل ايه انا خوفت من بابا. ...وبعدين اه هو فى حاجه مابينا بس احنا قولنا ان مش هنتمادى غير لما تطلبني من بابا بعد مانتخرج واتفقنا بكدا يعنى مش عاوزين حد يعرف بحاجه ونتعامل قدام الكل كأنا مفيش حاجه...

ادهم: بس انا مش هقدر يا تاج انا بحبك وانتى عارفه ...معرفش انتى معترضه أتقدم ليه ومصره أتقدم ليكى بعد مانتخرج لو عملنا خطوبه بس هيكون حلو احسن ماحنا بنخدع أهلنا وبنخدعهم من وراهم ..

تاج : وانا والله بحبك بس انت شوفت بابا عمل ازاى مع جاسر طلع عينه تيجى انت كمان وتروح تتقدم ههههه ده ساعتها ممكن يموت مننا انا مقولتيش ماتقدمش دلوقتى انا بقول شويه نخلص من غرام وديلان وساعتها ممكن بابا يهدى ويوافق امال لو قلتله دلوقتى استحاله يوافق ..

ادهم : عمو عبدالله ده فظيع انا اول مره فى حياتى اشوف اب كدا ...

تاج : هههه هو مش بالنسبه لينا اب وبس هو سيدنا واخونا هو كل حاجه فى حياتنا بجد ..

ادهم : طيب خلاص بقى بطلى تتكلمى لنلاقى فى وشنا دلوقتى ....خلى بالك انا مش هقدر استنى انا بعد الفرح يعدى انا هاجى أتقدم ليكى وده قرار اخير ...

تاج: ياخلاثى ياناس انت واقع بقى من بدرى يا دومى ...

ادهم : هههههه اكدب يعنى من اول يوم شوفتك فى الكليه في وانتى مروحتش من بالى ...

تاج : يلهووووى دى كانت خناقه ساعتها هههه

ادهم : فاكره هههه ساعتها بدل ماتشكرينى لا هزقتينى ساعتها اتشديت ليكى اوى وكنت عينى دايما على باب الكليه دايما كنت ببقى واقف استنى اشوفك ...

تاج : بجد يا ادهم يعنى بتحبنى بجد ومش بتضحك عليا و مش ممكن تسيبني...اصل انا خايفه بجد كل اللى بيبقى فى سننا ويرتبطوا من جامعه بيسيبوا بعض. 

ادهم: انا استحاله اسيبك ...انا بجد بحبك اوى 🥹♥️ 

نروح لشباب كان كل واحد جالس بجاور زوجته ....

نديم قال بهمس جاسر لان كان قاعد بجانبه من ناحيته اخرى وقال : جاسر مصيبه ....شوف مين اللى هناك ...لارا وميرا اللى كنا بنسهر معاهم هنعمل ايه ...

جاسر بخنقه :  هو انا كنت ناقصهم ....اوف 

وجاسر قرب وجهه من غرام بقوه وغرام بعد واتخضت كان جاسر بيحاول ان البنات لم يشوفه ....ورفع يده ولمس خصلات شعر غرام ويرجعها للخلف.. 

وقال : تعرفى يا غرام اول مره اعرف ان لون شعرك حلو اوى ...

غرام باستغراب: لا والله اول مره تاخد بالك ...

نديم همس لجاسر: جايين علينا هنعمل ايه ...

جاءوا البنات وقالوا اسامى جاسر ونديم وغرام بتنظر لهم بس جاسر  بيمسك ووجهها ويخليها تنظر له هو  ...

وقال : ااااه لا وكمان اول مره اعرف ان لون عيونك حلوين كدا ...

نديم مثله بيحاول يشغل سيلا وخايف.  ....

لارا : نديم مش معقول ....

وميرا : النمر بنفسه هنا لا ده كدا الليله هتحلو ..

غرام لما سمعت جملت تلك البنت بعدت يد جاسر ونظرت للبنت كانت ترتدى فستان قصير للغايه ....ونظرت لها من فوق لتحت ...وقالت لها : نعم فى حاجه ..  

البنت قالت : محدش وجهه كلام ليكى يا قطه انا وجهت كلامى لنمر شكلك انتى جديده اللي بيسهر معاها صح ههههه دايما شقى يا نمر ..

غرام نظرت له بغيظ وقال : مين دى.  ....

جاسر 🤷🏻: معرفش مين دى ...

غرام: لا بجد متعرفش ازاى وهي عارفه انك اسمك النمر 

..وقصدها ايه بكلام اللى انا جديده اللى بتسهر معايا. ..

اما البنت الاخرى لارا قال : ليك وحشه يا دود كدا تنسى لارا حبيبتك ...

سيلا نظرت لنديم بغضب : مين دودو ده 

نديم ضحك : ههههه انا ..

سيلا : والله .... انتى مين يا بت

لارا : انتى اللى مين ياروحي انا عشقته وبكون حبيبته مش كدا يا دودو ...

نديم ضرب بكف يده على جبينه وقال🤦🏼‍♂️ : روحت فى داهيه ...

سيلا : هو اللى انا سمعته ده صح 

جاسر قام ووجه كلامه للبنات : اسمعى انتى وهي ياريت تمشوا احنا منعرفش الأشكال دى غورى انتى وهيا ...

ميرا قربت منه ووضعت يدها على صدره  : بقى كدا يا نمر تنسى ميرا حبيبتك ....

قطع كلام البنت ...غرام وهي بتشد شعرها بشده 

ميرا : اه شعري انتى مجنونه ...

غرام كانت هتقرب على ميرا وتضربها بس جاسر مسكها ...

جاسر : اهدى يا مجنونه فضحتينا 

ميرا : انا عاوزه اعرف اشمعنى دى اللى مخليها مقربه منك عادى ومسكها كدا ...ده أنت مش بسهوله بتحب حد يقرب منك ...

جاسر أحاط ذراعه على وسط غرام..... 

وقال : لأنها بتكون حرم النمر وغورى يلا بدل ما اخلى ليلتك مهببه ..

نديم: هو انتو ليه واقفين ما قالك مراته ما يلا بقى امشوا وله نطلب ليكم الامن ...

لارا : وانت كمان اتجوزت يا نديم ...انا استحاله اصدق هونت عليك ده احنا كان مابينا ....

نديم : اخرسى خالص وقولت غيروا بقى اطلب يا جاسر الأمن..

ميرا بغيظ : احنا هنمشى بس العوافي تفتكروا ان ممكن نسيبكم ...وهتشوفوا هنعمل ايه ..

نديم : هي كانت ناقصه ..نظر لسيلا ولقاها شايطه ...

سيلا : مين دى يا نديم وجاوب بصراحه ...

جاسر نظر لغرام كانت بتنظر له نظره هو فاهمها كويس شتم ميرا فى سره انها ظهرت ...

جاسر : هو انتى بتبصيلى كدا ليه ...

غرام والدموع بعيونها : انا عاوزه اروح وقامت وجريت للخارج وجاسر جرى خلفها ...تاج وادهم أتوا لهم 

تاج : هو فى ايه غرام راحت فين ...

نديم: احم طلبت انها عاوزه تروح ...

ادهم : ليه ده احنا لسه جاين ...

سيلا : يلا يا تاج يلا يا ديلان عشان عمو عبدالله اكيد قلقان علينا ...

نديم مسك يد سيلا وقال : استنى بس يا سيلا. 

سيلا نفضت يدها: ابعد ومتلمسنيش .....انت مصارحتنيش انك كدا حتى مجتيش تقولى قبل ماتيجى تتقدم ....انت خدعتني...

تاج همست لديلان: هو فى ايه .....حصل ايه 

ديلان: لما نروح ابقى اقولك ..

نديم قال لسيلا : والله خوفت لتسيبينى لما تعرفى حقيقتى...انا اه كنت بتاع بنات وكل يوم اكلم بنت بس بعد ما ظهرتى وانا والله قطعتهم صدقينى يا سيلا انا بحبك ....

سيلا: كان بردو المفروض تقولى وسيبنى انا اشوف هقدر اتقبل وله لا .....انت مشوفتيش قالوا ايه لدرجه دة كنت كل مع بنت طب ليه يعنى ...

نديم كنت طايش والله يا سيلا مكنش فى دماغى غير السهر والبنات فقط بس لما انتى ظهرت كل ده اتغير....وانا نفسى اتغيرت ...

سيلا : طيب يلا نخرج نشوف غرام وجاسر.   .

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

غرام بتجرى وجاسر كان خلفها وكانت بتبكى جاسر مره وحده مسك ذراعها ووقفها ....

جاسر : ممكن اعرف بتعيطى ليه ...

غرام ببكاء : انا بكرهك ...

جاسر: ماشى شكرا فى حاجه عاوزه تقوليها ...

غرام بغيظ بدأت تضربه بكف يدها علة صدره وكل ضربه وضربه كانت تقول : ليه انت كنت كدا 

...انا يتقال عليا واحده جديده بتسهر معاها ....ماهى عندها حق ماهي لو كانت عارفه ان الشخص ده محترم ومتربى كانت قالت مراته بس لا من كتر مانت قليل الادب وبتاع بنات شبهتنى بالبنات المقرفين اللى تعرفهم ...انا مش عاوزاك خلاص انا مش هقدر اكمل مع انسان زيك ممكن بعد كام سنه من جواز تخونى وترجع زى الاول.....

جاسر مسك يدها مره واحده وحضنها بقوه دفن رأسها فى صدره ....

جاسر: اهدى انا استحاله يا غرام ابص لوحده غيرك وسبق وقلت ليكى انا كنت دايما فاكر ان البنات دى شئ لاطمتع فقط كنت شايفهم انهم حاجه سهله اقدر اخدهم بسهوله وكمان كنت فاكر ان كلهم زى بعض ....بس اكتشفت ان كنت غلط من اول ما قبلتك وانا اكتشفت ان فى لسه بنات محترمين وبتخاف على نفسها عارفه ساعتها  عرفت ان صوابعي العشره مش زى بعضها عارفه يعنى ايه يعنى عرفت ان مش كل البنات زى بعضها بس انا من ساعت ما قابلتك وانا حياتي اتشقلبت ١٨٠ درجه ...غرام نظرت له ..وكمل جاسر: اه دى حقيقه انا حياتى اتغيرت واتحولت من جاسر النمر اللى قلبه كان ميت وكان يكره جنس حواء بأكمله وبيحب ينتقم منه ومغروره كنت مش برحم حد ....لشخص بقى قلبه ينبض بشده لبنت ....وده كان من سابع المستحيلات ان احب تانى ...بس حبيت واعترفت بده انى حته اكتشفت انى محبتش رحمه ...كانت شويه إعجاب حاجه اتعودت عليها امال انتى حاجه مش اقدر اعيش من غيرها .....انا عارف انك اول مره تسمعى الكلام ده منى ....بس انا حقيقى حبيتك يا غرام وكنت بحارب مع قلبى كتير اوى ان ماقعش فى حبك بس انتى جذبتينى اوى ليكى لدرجه ان مفيش يوم يعدى مقدرش اشوفك .....انا عاوزك تشوفى ااجانب الايجابى مش السلبى ...وكفايه اوى كدا انا اول مره فى حياتى اقول كدا لبنت ....شوفتى يا غرام وصلتينى ان اعترف ليكى ويكون كل الناس شاهده على كلامى بصى حواليكى ههههههه ثم نزل لمستواه خدودها وقبلها وقال النمر وقع فى حب الغرام 💕 

غرام فجاءه لاقت اللى يسقف لهم واللى كان بيصور فديو وكان بيكون صحفى .....

نديم: يا بن اللى ايه يا نمر ده انت طلعت ملك الرومانسيه...ايه ده 

جاسر: اخرس يا حيوان ويلا نمشى ...

ومسك يد غرام وذهبوا الى السياره .....وركبوا .. 

وجاسر بدأ يتحرك للفيلا عبدالله الشاذلى 

جاسر: هتفضلى ساكته مش هتقولى حاجه خالص...

غرام: هو إحنا رايحين فين ...

جاسر نظر لها بمكر : هخطفك ثم غمز لها 😉

غرام: جاسر لو سمحت اقول احنا رايحين فين ...

جاسر: يخربيت كدا ياريت يا غرام متنطقيش اسمى ....وحشنى كلمه النمر منك ....واحنا رايحين على الفيلا لان سياده اللواء روح ومتخافيش بابا هو اللى بعت ليا رساله قالى ان احنا نوصلكوا على الفيلا ..

غرام : احم جاسر ... هو بجد كل الكلام اللى قولته ده حقيقه وله كلمتين كنت بتضحك عليا بيهم ...مانت اكيد متعود على الكلام ده وقولته لبنات كتير ....

جاسر نظر لها: انا مش هرد عليكي يعنى بذمتك فى واحده بعد ما سمعت كلام حلو كدا يكون ده ردها مفيش ايه حاجه لو حتى كلمه شكرا 

غرام سكتت ومردتش وبعد حوالىنصفساعةوصلوا امام الفيلا وكانت نازله بس نظرت لجاسر وقالت : انا ...بحب

قطع كلامها بحد بيفتح الباب ويشد غرام بقوه ...

كان عبدالله: انزلى يا هانم بقى بتستغفلونى. يا ولا يونس اتفقتوا عليا ...

جاسر: تصبح على خير يا سياده اللواء  هههههه. .....تصبحي على خير يا مراتى يا حبيبتي ثم غمز لها....

عبدالله اتغاظ : عاااااا ومسك البنات ودخلهم لداخل...

دخلوا الفيلا وكان عبدالله بيشيط ومتعصب ...

ازاى تروحوا معاهم من غير ما تقوله ليا ...

غرام: ماما سمحت لينا ان احنا نروح ..

ورد : بقى كدا يا غرام بتسلمينى تسليم اهالى...

سيلا : هي روح نامت ...

ورد : اه يا حبيبتي نامت دى غلبتنى مكنيتش عاوزه تنام غير فى حضنك ...

سيلا: يا روحى طيب انا هروح اشوفها ...تصبح على خير يا عمو ...

عبدالله: اهربى يا سيلا حاضر ...

ورد خلاص بقى يا عبدالله نأجل الكلام لصبح.  ...يلا يابنات ادخلوا ناموا ...

ودخلوا البنات غرفهم ورد قالت : عبدالله خف غيرتك بقى بقيت اوفر اوى بصراحه ....

عبدالله: مش عاوز اسمع صوتك ده انا هعقبك دلوقتى 

ورد : هههه ماشى يا سيدى عاقبنى بس سيب البنات فى حالهم ...

فجاءه رن هاتف عبدالله نظر لهاتفه ولاقه اتصال من الاداره استغرب فتح الخط 

ظابط،: ______

عبدالله: ايوه انا سياده اللواء عبدالله الشاذلى...

ظابط: _____^^^^^^

عبدالله بصدمه: ايه قولت ايه سالم ..........يتبع 

♥️البارت الثلاثون ♥️

♥️🦋روايه غرام النمر 🦋♥️

عدي شهر على أبطالنا وجاء اليوم المنتظر الفرح فهذا اليوم ينتظره الجميع وخاصة الشباب فكانوا  يعدوا  الايام والليالي لمجيئ هذا اليوم بالاخص إلياس فمتي يأتي هذا اليوم بسبب أفعال والد العروس عبدالله الذي كان يذقوقهم مر العذاب في بعدهم عن البنات.....

وبراءه اتأكدت انها حامل ورحيم يقوم بالاعتناء  بها...

اما ساندى تزوجت  فى المانيا وكان مصرى يعيش هناك ورجل اعمال لكنها لم تحبه  ولكن تزوجته رغما عنها فوالدتها قامت بالضغط عليها ..... اما سالم كان هيهرب على اخر لحظه فكان الجيش بيقوم بالحاقه  والقوا عليه رصاصه وتم التخلص منه 

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

كانوا البنات في غرفة الفندق يجهزون ويرتدون فساتين زفافهم وينتظرون عبدالله ليسلمهم للعرسانهم...دخل عبدالله واول ما نظر لهم عينه أدمعت من الفرح فاليوم  فرحته لا توصف فسوف يتزوجون اغلي ما في قلبه غرام وديلان سوف يفرقوه ويذهبان كل منهما الي بيتهم فكيف  يتحمل فراقهم هم كل شئ بحياته ....ولكنه  لن يقف امام سعادتهما فراي في أعينهم الفرحة والحب و تأكد أيضا أن إلياس وجاسر يعشقان كلاهما وسيحافظون  عليهن فهي سنة الحياة ...

ورد توجهت له ووقفت بجانبه وقالت: يلا يا عبدالله العرسان مستنين بره ...

عبدالله نظر لها وقال : هو انا ممكن اخد بناتى واهرب 

ورد : هههههه طب ازاى بالنسبه للمعازيم والناس اللى جم يلا يا عبدالله بقى ده انت تعبتهم هما مستنين اللحظه دى من بدرى .  يلا يا حبيبي ربنا يهديك ...

عبدالله نظر للبنات : فكروا تانى صدقونى لو رجعتوا فى كلامكم انا هقف قدام الكل...

ورد : عبدالله بطل تلعب فى دماغ العيال  يلا بقى ...

عبدالله قرب من البنات ...البنات وضعوا يدهم فى يد عبدالله وبدأ عبدالله يخرج وسيلا كان خالها رجع من السفر وهو الذى يقوم بتسليمها  لعريسها ....

خرجوا والشباب تنحوا اول ما شوفوهم ....

جاسر سرح فى جمال غرام ....هذا الفستان محليها جدا لايق عليها هي مثل السندريلا بهذا الفستان كان خطير عليها كان فستان زفاف منفوش وله ديل وكان مرصعه بلالماس جاسر هو الذى اختاره لغرام. هو الذى قام بشراءه لم يتخيل ان هيبقى روعه عليها كدا ..........

اما نديم سرح فى سيلا التى كان تاخد عقل كانت جميله اوى و كانت ترتدى فستان ضيق من عند الصدر ونازل بوسع من عند الخصر هو ليس منفوش و كانت ترتدى تاج وفرده شعرها كانت جميله اوى...

اما إلياس اللى لم يصدق ان أتت هذه اللحظه كان بيتمنى هذه اللحظه من بدرى عينه دمعت لما شاف ديلان كانت مثل الاميرات ترتدى فستان منفوش هو قريب من فستان اختها وجاسر وإلياس كانوا مع بعض لما قاموا بشراء الفساتين .....

إلياس قرب من ديلان وقال : انا اول مره اشوف عروسه حلوه كدا ....ايه الجمال ده ...

ديلان خجلت ونظرت بالارض.....

عبدالله نظر لجاسر وإلياس وقال : انا انهارده هسلم ليكم قطعه مني عارفين لو محفظتوش عليهم و ياويلكم القى واحده منهم دمعه نازله على خدها ساعتها هندمكوا على اليوم اللى اتولدته فيه...

إلياس: اطمن يا عمى صدقنى انا هحط ديلان فى عيونى مش فى قلبى انت بتسلمها لراجل وثق فيا انها دايما هخليها فرحانه ....

جاسر: اكيد يعنى انت عارف كويس انت بتسلمها لمين ....يعنى مش محتاج اتكلم ....ممكن بقى تدينى مراتى ...

عبدالله : ما المشكله انى انا مش خايف غير منك يا نمر ....

جاسر: ليه بس ده انا غلبااان ههههه 

عبدالله: غلبان انت ....عارف يلا لو زعلتها فى يوم انا ممكن اعمل ايه ..

جاسر قرب على غرام وشدها له وقال وهو بينظر لغرام : قولت ليك انت بتسلمها لنمر وانت عارف مين النمر هههه بعد اذنك يا حمايا العزيز المعازيم منتظرينا...

وذهبوا ليأخذوا كام صوره لذكرى قبل ما يدخلوا القاعه ..وعبدالله اول ما مشيوا ...

عبدالله: بناتى لا انا مش موافق على الجوازه دى 

يونس : خلاص يا عبدالله فات الأوان ههههه

عبدالله بغيظ : انا نفسى اعرف يعنى ولادك ملقوش غير بناتى ويتجوزوهم..... يا سبحان الله مين كان يعرف ان انا وانت نكون نسايب يا يونس هههه ...

يونس ضحك : النصيب يا صاحبى ...يلا ننزل نستقبل المعازيم و ده انا عازم شويه بنات ايه مقولكش ...

عبدالله بهمس: حلوين ياااه فين ايام الشقاوي ههه

فجاءه عبدالله ويونس لأقوا اللى بيمسكهم من قفاهم ...

شهد بغضب : رايح فين يا يوووونس ..

ورد: حلوين  يا عبدالله كمان بتسألوا حلوين وله لا. ..

عبدالله نظر ليونس وقال : هو إحنا اتقفشنا ..

يونس: اااه هما سمعوه ازاى ....بص انا هعمل ايه واعمل زى وغمز له ...

يونس نظر لشهد: لا مش معقول بجد هو فى ام عريس حلوه كدا ....يلهوى معايا ملكه جمال العالم..

شهد بغيظ : العب غيرها يا يونس ....يلا يا ورد نروح نشوف الناس اللى جت ....

عبدالله باستهزاء ويقوم بتقليد يونس : بص انا همل ايه وابقى اعمل زى هههههه 

يونس : اقفشتنى ههههه معرفتش اضحك عليها ...صحيح إن كيدهن عظيم ...

عبدالله: ههههههه يلا يا خويا امشى نروح نشوفهم راحوا فين ...

وبعد حوالى نصف ساعة العرسان دخلوا القاعه ....كان جاسر وغرام بالأول وبعد ذالك إلياس وديلان وبعدهم نديم وسيلا ...دخلوا واشتغلت.. اغنيه على دربك للمغنيه إليسا

( على دربك على قدرك

خطوة وخطوة تمشي

والنجمة الليلة بعرسك

بإيدك تقلب كمشة

على دربك على قدرك

خطوة وخطوة تمشي

والنجمة الليلة بعرسك

بإيدك تقلب كمشة

يا رب انت السامع

صوتي لصوبك طالع

بدعي لأغلى انسانة

يا ربي انت العاطي

الليلة بتسمع دعواتي

فرحك تحضن إيماني

مندورة أيامك

للورد وللياسمين

يا عروسة أحلامي

يا أميرة هالحلوين

مندورة أيامك

للحب وأحلى سنين

يا عروسة أحلامي

يا أميرة هالحلوين

يا حنونة ونسم الريح

عالكل وجودك نعمة

دللتي بعطفك بيك

غيرتي حياتي يا امي

يا حنونة ونسم الريح

عالكل وجودك نعمة

دللتي بعطفك بيك

غيرتي حياتي يا امي

على دربك على قدرك

خطوة وخطوة تمشي

والنجمة يا بنتي بعرسك

بإيدك تقلب كمشة) 

دخلوا وخطفوا الأنظار والجميع انبهروا بجمال غرام وديلان وسيلا ....وصلوا الى الكوشه وجلسوا فيها ...

(عند جاسر وغرام ♥️....)

جاسر: لمى الفستان شويه مش عارف اقعد انا مكنتش اعرف ان هيبقى كدا ...

غرام: ههههه مش مهم تقعد المهم الفستان ....بس طلع زوقك حلو مكنتش اعرف كدا ...

جاسر بغرور : طبعا لازم يبقى حلو مفيش حاجه اجبها ومتطلعش حلوه ...هو انتى متجوزه ايه حد ده انا النمر

 غرام : يخربيت غرورك ....يا خى ارحمنى حتى بعد ماتجوزنا لسه هتقول انا النمر ارحمنى ابوس ايدك ...

جاسر : هههههه لا ولسه هكملها بعيالنا يكون اول واحد هسمي اسد والتانى فهد وتالت شبل يبقى سلاله النمور والأسود ههه

غرام: نعم لا طبعا انا مش هوافق اسمى عيالى كدا ايه القرف ده ....مش كفايه انت عليا  ... ياختااااااى يطلعلى واد يزعق ليا ويقولى انا الأسد يا ماما ...وانا الفهد ساعتها ممكن اموت بالحسره مش انت وعيالك ههه

جاسر: ههههههه نبقى نشوف ساعتها كلام مين اللى هيمشى يا أم اسد ....

غرام : هو فين بابا انا خلاص غيرت رأي انا مش موافقه على الجوازه ....

جاسر شدها وقال : بس يا مجنونه الناس بتبص علينا ....

غرام نظرت لاقت نظرات الناس عليهم  ابتسمت ونظرت لجاسر وقالت : ايه ده ....

جاسر : فى ايه ...

غرام : فين الدبوس اللى عليه اسمى اللى المفروض يكون على البدله انت اتعمدت متحطهوش عشان البنات اللى فى الفرح مش كدا ...

جاسر: بس بلاعه اتفتحت .... وخرج دبوس من جيبه مكتوب فيه غرام النمر 💞 اهي حبيت انتى اللى تحطي ليا ....

غرام: ايه ده بجد ...وأخذتها منه ووضعتها عند قلبه ...جاسر وضع يده على يدها 

وقال : بحبك يا غرامى ...بعشقك ياا غرام النمر 🥹

غرام عينها ادمعت وقالت : وانا كمان بحب....

قطع كلامها بجلوس عبدالله مابينهم وكان بيمثل انه تعبان ....

عبدالله: اااااه حاسس ان الدنيا بتدور وبيزق فى جاسر وقال : اقوم هات ماية بسكر اه ضغطى عالى 

جاسر: طب ازاى يعنى سكرك اللى عالى وله الضغط اللى عالى ...

عبدالله: شايفه يا غرام جوزك بيفول عليا وبيقول ان عندى السكر والضغط ازاى 

غرام: بعد الشر عنك يا بابا إنشالله اللى يكرهوك ههههه...

عبدالله: ياختااى امك جايه علينا خبينى بسرعه  🙆🏼

ورد أتت وشدت عبدالله وقالت : مش هنخلص بقى من الحركات دى يا عبدالله قوم معايا عشان مامتك جت ...

🥰🥰🥰🥰🥰🥰🥰🥰🥰🥰🥰🥰🥰🥰🥰🥰

عند إلياس وديلان 

إلياس بحب : انا بجد مش مصدق نفسي معقول اخيرا جيه اليوم والنهارده فرحنا ....

ديلان : هههه اه شوفت بابا كمان كان عاوز يأجل بس ماما وقفت فى وش بابا ...

إلياس: حماتى دى سكر مفيش زيها يلهوى ده لو فعلا كان الفرح اتأجل كنت ممكن اموت فيها هههههه 

ديلان: بعد الشر عليك متقولش كدا تانى ..

إلياس: يلهوى انا مشوفتش فى حياتى رقه كدا بسكوته بتتكلم يا ناس ...

ديلان: بس بقى بتكسف يا إلياس ....

إلياس : بتكسفى هو انا لسه قولت حاجه ده انا محضر كلام قد كدا ههههه .....انا بحبك اوى يا ديلان انتى اكتر واحده حبيتها وعمرى ما حبيت فى حياتى انتى اول واخر حب فى حياتى...

ديلان قالت بخجل : وانت كمان اول واخر حب يا إلياس انا دايما مكنتيش بأمن بالحب بس بعد ما ظهرت فى حياتى عرفت ان في حب ..  

إلياس : يلهوى على الكلام ده انا اول ما اسمع منك كلام حلو كده ...

ديلان قالت : انت صح مقولتش رأيك فى الفستان ....طلع زوقك حلو اوى ...

إلياس: ده هياكل منك حته ...

ديلان بخجل : ماهو انت اللى مختاره 

إلياس: لا طبعآ انتى اللى محلياه الفستان ...

ديلان بخجل وابتسمت له وقالت : وانت كمان البدله حلوه عليك ...

إلياس شاور على الدبوس الذى كان موضوع على البدله عند قلبه وقال : ده عشان اسمك موجود هو اللى محلي البدله كلها ...

ديلان: هو انت قاصد انك تكسفنى ...

كان إلياس هيتكلم بس لاقه اللى قاعد فى النص مابينهم ...واكيد وعارفته مين😅 

عبدالله: اه يا رجلى مش قادر اقف ويزق إلياس

وقال  : اوعى كدا عاوز اقعد شويه 

إلياس كان بيجز على اسنانه وقال : هو حضرتك ملقتش مكان تانى تقعد فيه غير هنا ...

عبدالله: مضايقك وله حاجه يا حبيبى لو مضايق قول ...شايفه يا ديلان جوزك مش طايقنى ازاى ..

إلياس: انا مقصدش ياعمى انا قايم وسايب لحضرتك المكان ....تعالى يا ديلان نرقص سلوا الكل بدأ يرقص ...

ومد يده لديلان ولسه هتمد يدها عبدالله شد ديلان 

وقال : بنتى هترقص معايا انا بعد اذنك يا بشمهندس...

وأخذ ديلان واتجه الى استيتج المخصص لرقص.  ...

إلياس: يارب صبرني هي حماتى فين تنجدنى من الراجل ده انا تعبت ...وذهب ليدور على ورد ...

اما عبدالله اتجه الى غرام وجاسر كانوا بيرقصوا شد غرام وقال لجاسر: سورى يا نمر بنتى هترقص معايا انا ....

وحضن عبدالله البنات وبدأوا يرقص معاهم وكان جاسر وإلياس واقفين متغاظين ....

ورد ذهبت لعبدالله بغضب : انت بتعمل ايه يا عبدالله...

عبدالله: شايفه ايه برقص ...

ورد بعدت البنات وجاسر وإلياس ذهبوا اول ما ورد تدخلت ...

ورد : انا هرقص معاك يا حبيبى خلى البنات يرقصوا مع عرسانهم ...

جاسر شد غرام...والياس شد ديلان وذهبوا ليرقصوا وكانت اغنية رومانسيه مكتوبه ليك للمغنيه إليسا 

(مكتوبة ليك إني أنا اللي تعيشلها

مكتوبة على إسمك حياتي كلها

أول ما قلت بحب كانت ليا أنا

مين تستاهلها غيري أو تتقال لها؟

مكتوبة ليك وأهي كل حاجة في وقتها

تكمل حياتك بيا لما دخلتها

وقت أما شافك قلبي شافت عيني فيك

صورة حبيبي اللي في خيالي رسمتها

لمين أنا لو مش ليك؟

قول بقى يا حبيبي، حبيبي

هحب في مين غير فيك؟

طب ده أنا أيامي، أحلامي

وحياتي واقفة عليك

نور عيني حبيبي، حبيبي

لمين أنا لو مش ليك؟

قول بقى يا حبيبي، حبيبي

هحب في مين غير فيك؟

طب ده أنا أيامي، أحلامي

وحياتي واقفة عليك)

🤩🤩🤩🤩🤩🤩🤩🤩🤩🤩🤩🤩🤩🤩🤩🤩

عند سيلا ونديم كانوا بيرقصوا ومندمجين مع بعض وسيلا كانت تردد مع الأغنيه 

سيلا : ههههه شوفت عمو بيعمل ايه مع إلياس وجاسر 

نديم: اه صعبوا عليا والله ده انا بحمد ربنا انو مش حمايا هههه 

سيلا: والله عمو عبدالله حنين اوى دى احلى حاجه فيه هو غيرته على بناته لو كان بابا الله يرحمه كان عايش كان عمل اكتر منه هههه

نديم : الله يرحمه ده بجد بس فى الصور اللى وريتيها ليا كان باين عليه أن طيب غير عمو عبدالله..

سيلا : هههههه لا كان فى الحقيقه كان بيغير عليا اوى انا وماما وكان بيخاف علينا بسبب لون عنينا لون وشعرنا كان ملفت للانظار ...

نديم: عندوا حق الصراحه ده انا حبيتك وانجذبت ليكى بسبب لون شعرك وعيونك بجد اول مره انجذب لبنت انا كنت بتاع بنات وكنت بشوف بنات الألوان وأشكال بس عمر ما عجبونى كنت بتسلى بيهم مش اكتر اما انتى شقلبتينى ووجرجرتينى هههه

سيلا : ده بجد يا نديم يعني معقول مابين الكل البنات معجبتيش بواحده فيهم وقلت ليهم الكلام زى ده لأي بنت ..

نديم: خالص عمرى ما قلت لواحده فيهم حاجه ابدا ....كانوا عادى بالنسبه ليا....يا سيلا انتى الوحيده اللى بجد حسيت بشعور غريب من اول مره شوفتك فيها ....صدقينى انا بحبك...

سيلا: وانا كمان بحبك اوى ربنا عوضنى بيك من ساعت ما اهلى ماتوا وانا الدنيا مضحكتش ليا بس الحمد الله رزقنى بيك وبعمو عبدالله اللى حسسني انى بابا عايش وبذات انهارده و يوم كتب الكتاب ...

نديم : ابوس ايدك بلاش سيرة عمو عبدالله لي خايف القى جاي وياخدك منى ويعمل معايا زى ما عمل مع جاسر وإلياس ...

🥰🥰🥰🥰🥰🥰🥰🥰🥰🥰🥰🥰🥰🥰🥰🥰

عند تاج وادهم كان واقفين جمب بعض ...

ادهم : يخربيت جمالك هو انتى علطول حلوه كدة..

تاج بغرور : امال ده انا تاج نص شباب مصر بتجرى ورايا ...

ادهم بغيره : مين دول اللى بيجرى وراكى قولتلك كذا مره متجبيش سيرة راجل قدامى ..

تاج: يا دومى مقصدش الله..

ادهم : يخربيت دومى يابت بلاش دومى دى بتطلع منك حاجه تانيه هههه

تاج : لا انا بحب اقولها ...بحس انها لايقه عليك اكتر من ادهم ...

ادهم : قصدك ايه يعنى انى فافى ومش راجل ...

تاج : بصراحه ههههه اه بحسك عيل ههههههه سورى يا ادهم انت غير اخواتك خالص يعنى جسمك مش رياضى اوى وملكش شخصيه انت بتحب المرح اكتر من الجد ....

ادهم بغضب : انا مش راجل ياتاج ....يعنى ماهو مش كل واحد بيحب يبقى مرح ويهزر ميبقاش مش راجل ده انا أخوف واهز اطول شنب فيكى يا مصر انتى متعرفنيش..... آآآآآآه 

ادهم لاقه اللى بيمسكه من قفاه وكان عبدالله...

عبدالله بغضب : واقف مع بنتى ليه يا ابن يونس هي كانت ناقصاك....

ادهم بخوف : هاااااا ااااه انا واقف لحسن حد يضيقها بحميها مش اكتر ...

عبدالله: ااااه طيب متشكرين روح شوف انت كنت رايح فين ...

ادهم: ااااه عمو عبدالله بابا بيشاور ليك هناك حته بص ...

عبدالله نظر الى مكان الذى كان ادهم يشاور عليه لاقه فعلا يونس بيشاور له ...

عبدالله: عاوز ايه هروح اشوفه روحى يا تاج قعدى مع امك ومتقفيش مع الزفت ده ...

ادهم : الله يخليك يا عمى شكرا...

ذهب عبدالله ليشوف يونس وتاج قعدت تضحك على ادهم ...

تاج بتريقه : ههههه هو ده اللى انا أخوف أطول شنب هههه ده انت اترعبت اول ما بابا مسكك اومال هتفاتحه بموضوع خطوبتنا ازاى ... 

ادهم: انتى عاوزانى اقول دلوقتى لعمو عبدالله ده يقتلنى انتى مشوفتيش مستنى ازاى كنت حاسس ان هيبلعنى ...

ضحكت تاج عليه بشده ..

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

عند رحيم وبراءه كانوا جالسين على تربيزه ..

براءه: بليز يا رحيم بقى خلينى اقوم ارقص شويه الأغانى دى حلوه اوى ...

رحيم: اقعدى يا براءه انتى مجنونه عاوزه تسقطى البيبي. ..

براءه : طب هقوم اقف بس اشوف العرسان والله ما هعمل حاجه انا اتخنقت من القعده ...

رحيم: لا بردو ...

براءه : يوووه بقى انت رخم اوى ...

رحيم يا حبيبتي انا خايف عليكى من اي حركه هتتعبى وغلط عليكى ...

براءه : لا انت مش خايف عليا انا انت خايف على اللى فى بطنى ...

رحيم: الهرمونات هتبدأ يعنى وله ايه ...

براءه : انت ما بقتش تحبني خلاص اهئ اهئ ...

براءه: يا حبيبى مين قال كدا انتى روحي وقلبى وعقلى كل حاجه انا خايف عليكى لتتعبى منى وانا خايف عليكى انتى قبل البيبي...

براءه : بجد يا رحيم يعنى انت هتفضل تحبني علطول ...

رحيم: انا هفضل اعشقك بجنون طول العمر هههه ....

قطع كلام رحيم بدخول بنت وقالت : رحيم السيوفى مش معقول  ..

رحيم بصدمه : مريم حسن يخربيتك عاش من شافك ...

مريم كانت هتحضنه بس هو بعد وحاوط براءه ...

وقال : براءه مراتى وأم ابنى اللى لسه جاي فى الطريق ...

مريم : واو معقول اتجوزت لا ده كدا فى لعنه صابتكم انت وجاسر وإلياس ههههه ده انتو دايما كنتوا بتقولوا عمركم ما هتقعوا فى الحب وتتجوزوا..

رحيم: ههههه النصيب والحب ملهوش ميعاد ...

مريم: ربنا يخليكم لبعض وانا كمان اتجوزت وجوزى هنا وكمان عندى روز بنوتى لسه ولداها ...

براءه بغيره : يعنى هو فى واحده متجوزه تيجى تحضن اي راجل سورى ده جوزك ده اي عادى كدا ..

مريم: هههه لا رحيم حاجه تانيه طبعا انا مش بحضن اي حد بس رورو غير ...

براءه : والله رورو غير ....نظرت لرحيم بغضب ..

رحيم: طيب يا مريم تقريبا جوزك بينده عليكى ...

مريم : ماشى بعد اذنك اتشرفت بمعرفتك يا براءه باي يا رورو...

براءه كانت شايطه وغيرانه ....

رحيم: دى بتكون صحبتنا من ايام الجامعه..

براءه : مش عاوزه اعرف حاجه يا رورو ...حلو اسم الدلع ده صح يا رورو...

رحيم: خالص بكرهوا مش بحبه خالص ...اجيب ليكى عصير اي حاجه ...

براءه : لا مش عاوزه ...انا هقوم ادخل التواليت...

وقامت براءه وتوجهت الى الحمام.....

😍😍😍😍😍😍😍😍😍😍😍😍😍😍😍😍

عند استيتج الرقص فى القاعه  تاج توجهت الى مكان الدي جى ووصيت باغنيه تشتغل اسمها حسك بالدنيا لتلاته اخوات ....

اشتغلت والبنات ووقفوا حوالين عبدالله وبقوا ويتنططوا حوالينه.    

(ايه يا بابا ده 

ايه الحب دا

شايل عنا كل حاجه وعامل لينا حس 

ايه يا بابا ده

هو في كده 

مهما هحكي كتير ف وصفك ايه الجمال ده 

ضحك ليل نهار

لعب كده وهزار 

من خروجه لسهره حلوه ايه الدلع ده ايه 

انتيمنا الكبير 

اللي كله خير 

العكاز اللي مساندنا وبنحمل عليه

……

حسك بالدنيا 

دايما قد الدنيا

ياللي وجودك ضل وبيت

……

شكرا يا حبيبنا 

يا اخونا وصاحبنا

علشانا كتير ضحيت)

😘😘😘😘😘😘😘😘😘😘😘😘😘😘😘😘

وبعد مرور ساعات انتهى الفرح و جاء اللحظه اللى البنات يذهبوا على بيوتهم ... عبدالله كان صعب عليه ان يرجع البيت ولم يوجد بناته فى  البيت صعبه عليه لما الصبح يدخل ويفوقهم لم يجدهم ...البنات حضنوه عبدالله وكان البنات بيبكوا بشده هم كمان صعبه عليهم ان يفرقوا عبدالله واخير بعد حوالى نص ساعه ركبوا  السيارات وتوجهوا الى بيوتهم ....

عند جاسر وغرام وصلوا الفيلا الخاصه لهم هي فخمه جدا غرام نزلت من السياره ... وتوجهوا الى داخل الفيلا ...

جاسر بمكر : نورتى بيتك يا عروسة اتفضلى ههههه

غرام بخوف : لا انا عاوزه بابا ودينى عند بابا مليش دعوه ...

جاسر: نعم بابا مين ....يتبع

♥️الخاتمه ♥️

♥️🦋روايه غرام النمر♥️🦋

عند جاسر وغرام وصلوا الفيلا الخاصه لهم هي فخمه جدا غرام نزلت من السياره ... وتوجهوا الى داخل الفيلا ...

جاسر بمكر : نورتى بيتك يا عروسة اتفضلى ههههه

غرام بخوف : لا انا عاوزه بابا ودينى عند بابا مليش دعوه ...

جاسر: نعم بابا مين ....انسى بابا خالص من هنا ورايح هيكون فيه جاسر وبس ده انا عافرت لتيجى اللحظه دى ...

غرام بصراخ : عااااااا ايه ده مرجيحه ...

وجريت على كرسى المرجيحه ..

جاسر: قال مجنونه هو انا متجوز طفله يعنى مكدبتش لما قلت عليكى طفله ...

غرام : ملكش دعوة ده انا بحبها اوى ....

جاسر قرب منها وساند يده على مرجيحه وهى كانت بترجع للخلف  ...

غرام : انت مقرب كدا ليه ....اوعى وزقته وجريت للطابق العلوى ....

جاسر: رايحه فين يا غرام متهزريش مش هيبقى انتى وابوكى..

غرام جريت على الغرفه وقفلت الباب بالمفتاح...

جاسر فى الخارج امام الباب : غرام افتحى الباب بدل ما اكسره انا مجنون واعملها ...

غرام : لا مش هفتح .... روح نام فى اوضه تانيه ...

جاسر: ده كان يوم مهبب  افتحى يا غرام ....

وخبط على الباب تانى وقال : يا غرام انا هعد من واحد لتلاته لو مفتحتيش هكسر الباب ....واحد اتنين تلاته بخبطه بكتفه كان الباب اتفتح وغرام اتخضيت وجريت على السرير وقفت عليه ...

غرام بخوف : متقربش منى عااااااا ابعد عنى ...

جاسر: ممكن تهدى بقى فرهدتنى يا بنت عبدالله آآآآآآه كتفى و مثل ان كتفه بيوجعه ...

غرام بخوف عليه : انت كويس ....

جاسر بلؤم : تؤتؤ كتفى وجعنى اوى آآآآآآه انتى السبب قولتلك افتحى ومرضتيتيش ...

غرام قربت منه بحذر : انا مكنش قصدى انت اللى طور حد يفتح الباب بكتفه..

فجاءه جاسر مسك غرام ووضعها تحته وهو كان فوقيها ..جاسر: انا هوريكى الطور هيعمل ايه...

غرام بخوف : انت بتعمل ايه مش كنت من شويه موجوع ...

جاسر بمكر : لا ضحكت عليكى ...

غرام : طب ابعد يا جاسر بقى ...

جاسر بعد وتسطح وقلع قميصه وقال : ياريت تنامى عشان محضر ليكى مفاجأة حلوه .   

غرام: ايه هيا.  

جاسر: بقولك مفاجأة ....لو قلتها ليكى هتبقى ازاى مفاجأة...

غرام: ده أنت رخم وذهبت تبدل الفستان وبعد ثوانى خرجت كانت لبسه بيجامه .. قربت من السرير ووضعت مخده فى الوسط ما بينهم ...

جاسر باستغراب: ايه ده بتعملى ايه ...

غرام: زى مانت شايف ....

غرام : تصبح على خير يا نمر ....ياريت متتعداش حدودك وتشيل المخده ...

وبعد ما غرام غمضت بالنوم جاسر زال المخدات وقرب منها وحاوطها وقربها منه وغرام اتقلبت وحضنته هي نائمه لم تشعر بشئ ...

جاسر بهمس: تصبحي علي خير يا غرامى ♥️

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

عند إلياس وديلان دخلوا الفيلا وديلان اتصدمت من اللى شافته ....كان الفيلا فى كل حته فيها صور لديلان ....

ديلان بانبهار : ايه ده مش معقول بجد ايه الكل الصور دى جيتها منين ...

إلياس : مش هقولك هههههه  

ديلان : لا بليززززز قولى منين جبتهم جمال اوى ... 

إلياس : خدتهم من طنط ورد ...

ديلان : انا بحبك اوى ...

إلياس : وانا بعشقك وادمنتك يا ديلان ثم توجه الى صب صغير وشغل اغنيه رومانسيه اسمها لقيت فيكِ اللى بتمناه ....لمغنى مينا ...

إلياس بيتوجه لها وقربها منه ووضع يده على خصرها وهى وضعت يدها عند رقبته ...

قال إلياس بحب : بما إن معرفناش نرقص مع بعض فى الفرح....نعوضها هنا .....اندمجو مع الاغنيه هي كانت جميله وكل كلمه فيها كان إلياس كان بيرددها ....

(لقيت فيكِ اللى بتمناه 

يا كل ما ليا فى الدنيا 

وقلبى حبيبي مشتاقلك

فى حضنك ببقى حاجه تانيه

ولمسه حنينه منك 

تغيرلى الحياه والكون 

فى عينى وقلبى انا هشيلك

واسيب الدنيا وايا اجيلك 

ولا يمكن فى يوم اسيبك 

ده روحى تسبنى اسهلي .

تعالى حبيبي قربلى

  ده من غيرك لا اعيش ولا اكون 

احضني خليني اعيشلكِ

عمرى وسنينى ....وبتمنى تخبيني

وجوه عينك تنسيني الدنيا والايام  

معاك ناسى كلامى وهواك

غيرلي ايامى

مليش بعدك  حبيب تانى

  وعن نفسى مش سايبكِ

سنين عايش و قلبى وحيد

  وجودك خلى فرحي يزيد

وانا جمبك بعيش فرحه

ميوصفهاش كلامي اكيد

وحبك ليا خلاني .... كأنى ملكت قلب جديد

حبيبى بقلبي اغنيلك)

وانتهت الاغنيه وهم مازلوا مندمجين وبيرقصوا وديلان كانت مبسوطه اوى مع إلياس وفرحانه.....

إلياس : انا جعان اوى اطلعى غيرى عقبال ماحضر واشوف في اكل ايه.. 

ديلان بخجل: ماشى وطلعت الى الغرفه واتفجائت ان في صور لهم هم الاثنين كانوا اتصورهم وفى صور لها  لم تصدق ديلان ان إلياس بيحبها لهذا الدرجه هي عرفت انها محظوظه بى إلياس ....اما إلياس كان فرحان ولم يصدق ان ديلان بقيت معه هو عافر كتير للحظه دى استحمل عبدالله وان يبعد ديلان عنه استحمل كتير ليأتى هذا اليوم ...

ديلان بدلت الفستان و نزلت  إلى الطابق السفلى ...

وكان إلياس جهز الاكل ووضعوا على الترابيزه  

إلياس : يلا تعالى ظبطت القعده وهنشغل فيلم نتفرج عليه ...

ديلان : اممم بس الاكل ريحته حلوه اوى ....

إلياس : اه يلا بقى الحقى اي حاجه ....عشان جعان وممكن اخلص الاكل كله ...حابه نشغل ايه نتفرج عليه ...

ديلان: ممكن افلام تركى بحبهم اوى ..

إلياس : خلاص ماشى ...وشغلوا الفيلم التركى وبدأو يندمجوه مع الفيلم وكانوا بيناولوا وهم يشاهدون الفيلم وإلياس لم يصدق ان أتت تلك اللحظه وان ديلان معه وكان ينظر لها بهيام وحب ♥️

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

عند سيلا ونديم كانت سيلا جالسه على السفره وكانت بتاكل بشراهه ولسه بالفستان ...

نديم: ماكفايه يا سيلا ده انتى بقالك ساعتين بتاكلى ...

سيلا بتتكلم والاكل كان فى بوقها قالت : جعانه يا نديم ...

نديم بقرف : الله يقرفك يا شيخه ابلعى الاول وابقى اتكلمى ...

سيلا ولسه مازالت تتكلم والاكل فى بوقها قالت : هههههه انا علطول كدا بقولك كنت شايفه عصير فى التلاجه قوم هاتها ...

نديم: هو انتى لسه فى مكان انك تشربى حاجه يابنتى ارحمى نفسك ده انتى خلصتى صنيه الاكل .. 

سيلا وهى بتخمس فى وجهه : الله واكبر فى عينك ايه يا نديم هتحسدنى ....

نديم : انا هقوم اتفرج على التليفزيون لحد ماتخلصى ....

سيلا قامت وقالت له : لا انا خلصت عقبال ما اغير الفستان ....جيب ملخصات محمد طاهر انهارده هينزل ملخص جديد أصله بحبه اوى ...

نديم توجه لها ومسكها من قفاها وقال : بتحبى مين يا بت ...

سيلا : اااه سيبنى بحب ملخصاته انت فهمت غلط ...

نديم : طيب اطلعى وخلى ليلتك تعدى قال بحبه قال ...ده انتى لحد دلوقتى مقولتليش كلمه بحبك ليا ...

سيلا : ههههههه اتصدق اااه انت بس اللى بتقولها ...

نديم: امشى يا سيلا بدل ما اضربك ...

نديم: ايه اللى انا عاملته فى نفسى ده ...ما انا كنت عايش حياتى مبسوط وكل يوم بنت ايه الى هيبته ده ...

سيلا طلعت الى الغرفه ودخلت غرفه الملابس لتبدل الفستان ..ولبست ترنج رياضى لونه احمر ونزلت لنديم مره اخرى ...كان واقف امام الشرفه توجهت اليه براحه وكانت بتتسحب وفجاءه خضته ...

سيلا : ندديييييم ..

نديم بخضه : ااااااي في ايه حرام عليكى ...

سيلا بمرح وقالت : عليا الطلاق بالتلاته انت اتخضيت قلدت محمد سعد فى فيلم كتكوت ....

نديم بضحك : ههههههه ايه بنتى ده فكرتينى بفيلم الكتكوت هههههه..

سيلا : قولى ونظرت جامد له وقالت : كنت واقف بتعمل ايه بتخونى من اول يوم جواز كدا ...

نديم باستهزاء : اااه بخونك مع الشغاله ههههه انتى عبيطه يا سيلا بخونك فين هو فى حد فى الفيلا غيرنا ... وصح هو ايه اللى انتى لبساه ده .... هتلعبى رياضه وله حاجه ..

سيلا : لا ليه ...

نديم: امال ايه اللى انتى لبساه ده فى عروسه تلبس كدا ..

سيلا : اااه انا عندك مانع ...

نديم : لا معنديش ....انا مش عارف والله ايه اللى عاملته فى نفسى ده ...

سيلا : عاملت ايه مش فاهمه ...

نديم: احسن متفهميش ....هو انتى مش هتنامى ...

سيلا : لا هتفرج على ملخص محمد طاهر قولتلك شغله ومشغلتهوش ...

نديم: مفيش محمد طاهر انا مش بحبه ده واحد

سئيل ...

سيلا : ياخى حرام عليك ده بجد شاطر وكل ملخصاته حلوه ...

نديم: نفسى اشوفك بتمدحي فيا كدا ....مسمعتش انا قبل كدا حاجه منك ...

سيلا بغباء: تسمع ايه انا صوتى وحش مبعرفش أغنى...

نديم بغيظ: يارب صبرني واديني القوه من عندك ...

سيلا : اسكت بقى الملخص ابتدى ...بقولك ايه يا نديم ...

نديم: يا نعم ....

سيلا : هو انت هيبقى عندك اعتراض لو روح جت من الأسبوع اللى جاي تقعد معانا  انت عارف احنا ملناش حد وبصراحه احنا اتقلنا على انكل عبدالله اوى ...

نديم: لا طبعآ معنديش مانع وبعدين روح هتكون فى عنيا وانتى عارفه كدا لو عاوزه تجيبيها من بكره معنديش مانع ...

سيلا قربت منه وحضنته وقال : بجد شكرا يا نديم انا حقيقى عرفت انهارده انى اختارت صح وان محظوظه بيك ...

نديم بفرحه : اخيرا قولتى حاجه حلوه ليا ...بدأت تندع اهي ههههه ...

سيلا : انا بحبك يا نديم انا عارفه انى مقولتهاش ليك خالص ...بس انا كنت حابه اقولها ليك لما اكون في بيتك ...

نديم: وانا بعشقك يا سيلا ربنا يخليكى ليا يا اجمل صدفه ربنا جمعنى بيها 😘

سيلا : بس بقى بتكسف ...

نديم : ده انتى فصلتينى ...

سيلا : هههههه انا مبحبش الرومانسيه الله ...

نديم : اول مره اشوف بنت متحبش الرومانسيه والكلام الرومانسي

سيلا : لا عادى مش بحبه بحسه محن اوى ....

نديم: هههه هي بقت الرومانسيه محن ...

سيلا : اااه 

نديم: انا هقوم اطلع احسن بدل ما يجرالى حاجه منك ...

وسابها وطلع الغرفه ....وسيلا قالت : يلا احسن اما اجيب  الملخص واتفرج ...قال كلام رومانسي قال ....

😍😍😍😍😍😍😍😍😍😍😍😍😍😍😍😍

فى صباح اليوم التالى عند جاسر وغرام كانت غرام

نائمه على صدر جاسر  فتحت عيونها ونظرت لجاسر وقامت بخضه وقالت : ايه ده المخده راحت فين ..

 جاسر بهمس : رمتها ههههه

غرام 😡 : بردوا ..

جاسر: قومى ومتضيعيش الوقت خمس دقايق تكونى جاهزه يا غرام عشان هنسافر ...

غرام: نسافر ...هنسافر فين ...

جاسر : مفجاءه قولتلك قومى يلا خلصى وهتعرفى لما نوصل احنا روحنا فين .  

وبعد مرور ساعه كانت غرام جهزت حالها  وخرجت لجاسر ...

جاسر: واخيرا الهانم خلصت ...

غرام : ايه متبلغش انا مخدتش نص ساعه ...

جاسر: طب يلا مفيش وقت لكلام ....جاهزه ..

غرام بخوف : اااه جاهزه ربنا يستر ...جاسر مسك يدها وخرج لخارج الفيلا وتوجهوا الى السياره وتوجهوا الى المطار ونزلوا الى الداخل وكان عائله الحديدى لديهم طائره خاصه ...

غرام:  هو احنا هنسافر نروح فين قولى بقى  ....

جاسر بغمزه : قولتلك مفاجأة يلا اركبى ...

غرام بخوف : بس انا بخاف من طياره ....

جاسر: طول مانا جنبك متخافيش...

مسك يد غرام وركبوا الطائره وبدأ ترتفع فى الهواء وغرام من الخوف ارتمت حالها فى حضن جاسر  ...

وبعد حوالى ثلاث ساعات  وجاسر يفوق غرام وقال : قومى يا غرام وصلنا ...

غرام بنوم : امممم سيبينى يا ماما انام شويه. .

جاسر :  انا جاسر يا غرام اصحى....

غرام بخضه: ايه ده انت مين ...

جاسر: انا جوزك يا غرام جالك زهايمر فجاءه..

غرام بخوف : احنا وصلنا وله لسه ..

جاسر : اه بصى من الشباك كدا 

غرام بخوف: لا مش هقدر ابص ..

جاسر مسك يدها لتطمئن وقال : متخافيش بصى بقى ...شايفه القلب اللى هناك ده...

غرام : الله ايه الجمال ده ...اه شايفاه يجنن 

جاسر وهو ينظر لها بحب : القلب ده ملكك انتى وبس ...انتى اللى ملكتى قلب النمر يا غرام ....

غرام وهى تنظر للقلب من الشباك الطائره بانبهار : حلو اوى بجد يجننن

جاسر فرح على فرحتها : حلو بوجودك يا غرام النمر ...بعشقك يا غرام 

غرام نظرت له بحب : وانا بحبك يا نمرى وربنا يخليك ليا ... بس على فكره انا حاسه ان شوفت الحته دى قبل كدا ....

جاسر : فصيله ديما بتفصلى اي لحظه رومانسيه 

غرام بضحك : مش بيبقى قصدى هي بتيجى كدا ....

جاسر: انا والله حبيت مجنونه ....

غرام : بردوا مش هتقول احنا فين ...

جاسر : هتعرفى دلوقتى غرام فجاءه صوتت ومسكت ذراع جاسر بخوف كانت الطائره بتهبط على جزيره ....

جاسر حاوط غرام بذراعه وقال : اهدى خلاص احنا وصلنا ...

وطائره هبطت على الارض وجاسر فك حزام الأمان ومسك يد غرام ونزلوا وكانت غرام انبهرت بشده من جمال المكان وجاسر حاوط ظهرها ويدير جسدها ناحيه مكان وتشهق غرام بانبهار من حلاوة المكان كان ترى تلك الشلالات والخضره المحيطه بها فى كل المكان 

غرام بفرحه : عااااا ايه ده اااااااي الحلاوة دى انا اول مره اشوف مكان كده ...

جاسر: ومش هتشوفى لان دى كانت جزيره النمر الخاصه لى وكنت بجي فيي لما اكون زعلان بس لما ظهرتى في حياتى وله مره جيت فيه ودلوقتي مش بقت جزيره  النمر .....بقت جزير غرام النمر يعنى المكان ده كله بقي ملكك يا غرام .... 

غرام بفرحه : ده بجد انا مش مصدقه نفسى معقول كل الجمال ده ليا .....

جاسر :  لا صدقى وتعالى عشان فى مفاجأة محضرها ليكى تانيه ...

ثم شهقت لان جاسر حملها وتوجه آلى الكوخ وغرام انبهرت بجمال الكوخ برغم ان كوخ صغير وفى ثوانى دلف بها إلى الغرفة النوم لتنبهر بشده وهي ترى لاول مره غرفه بهذا الجمال تطل بواجهه زجاجية على تلك الجزيره....توجهه جاسر إلى السرير ووضع غرام عليه بلطف ويتأملها بعشق ...

غرام بحب وفرحه باينه من عيونها قالت لجاسر : هو انا ممكن اقول حاجه ... 

جاسر : قولى يا حبيبتي 

غرام وقفت امامه : انا بحبك بجد بعشقك انا لاول مره اكون فرحانه كدا ....

جاسر : وانا هفضل افرحك طول العمر ...انتى الحاجه الحلوه اللى ظهرت فى حياتى يا غرام...غرام ابتسمت له .......

جاسر قال : عاوزك يلا تلبسي مايوه عشان هننزل البحر ...

غرام: لا انا بخاف من البحر مش هنزل ...

جاسر: هو انتى كل حاجه بتخافى منها سبق وقولتلك متخافيش طول ما انا معاكى انا هخرج بره عقبال ماتجهزى ....

وخرج جاسر وغرام نطيت بفرحه وقالت : عااااااااا بحبه اوى 

جاسر فتح الباب وقال : وانا بعشقك يا مجنونه ههههه

غرام : عااااا ايه اللى دخلك تانى ...

جاسر: بشوف مراتى المجنونه ..

غرام: اخرج ياجاسر بره ...

جاسر : انا قولت حبيت وعشقت مجنونه ....

وبعد حوالى ربع ساعه كانت غرام خرجت وكان جاسر لابس شورت وتيشرت وكان ينتظر غرام ..وكانت غرام ترتدى مايوه شرعى ..

 جاسر: يلا بينا ..

غرام: لا ثانيه انا عاوزه نتصور صورتين مع بعض للذكرى ممكن ...

جاسر: انا استحاله اعمل كدا وانتى عارفه ...

غرام : بليييز يا جسوره عشان خاطرى...

جاسر بصدمه : انتى قولتى ايه ...مين جسوره ده

غرام ببراءه : انت يا حبيبى....

جاسر: انا النمر يتقال لي جسوره ...

غرام بضحك: ههههههه يعنى بدل ما اقولك نموره 

جاسر: انا همشى احسن ما اموتك ....

وذهب وغرام تذهب خلفه وقالت بمرح : خلاص يا جسوره متزعلش يوووو قصدى يا جسورتى ...

جاسر وقف ونظر لها نظره مرعبه كفيله انها تسكت 

غرام قالت: هههههه اسفه و مش قصدى خلاص...

جاسر: امشى قدامى يا غرام ...ده انا هنفخك دلوقتى ..

غرام بخوف: يعم خلاص قولتلك اسفه مش قصدى ..

جاسر مسكها من ذراعها بقوه وذهب بها إلى البحر ....

غرام بخوف : لا انا مش هنزل ...انا خايفه 

جاسر بحب : قولتلك متخافيش تعالى معايا ...

غرام : لا ثم جريت وقالت : انا مش هنزل 

جاسر قال : والله مجنونه وثم جرى خلفها وبيحاول ان يمسكها وكان يجرى وكان فرحان وبيضحك عمروا ما ضحك هكذا ويبقى فرحان غرام غيرت وقلبت حياته ...

وجاسر وصل لغرام وحاضنها من الخلف وسند وجهه عند  عنقها ...

غرام وهي بتنهج : ابعد يا جاسر بجد انا بخاف من المايه ...

جاسر بعشق : متخافيش صدقينى انا معاكى وعاوزك تبقى واثقه فيا ...

ثم حمل غرام وتوجهه الى البحر وغرام صوتت ووضعت يدها حوالين رقبته ونزل بيها الى البحر وكانت خايفه اوى وكانت متكلبشه فيه بخوف ...

جاسر: سيبى نفسك للبحر ...اسمعى كلامي انا هعلمك ...

غرام بخوف : لا خايفه بردوا ...

جاسر : خليكى واثقه فيا وبدأ يعلمها العوم وغرام وثقت فيه وبدأت تستجيب له ووتعلم ...

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

في فيلا عبدالله الشاذلى 

كان عبدالله جالس فى غرفه غرام وورد كانت بتدور عليه ودخلت واتصدمت لما لاقت عبدالله بيبكى ...

ورد : عبدالله انت بتعيط ...في ايه 

عبدالله بيمسح دموعه : مفيش 

ورد قعدت جمبه وبطبطب على ذراعه وقالت : انا عارفه انو صعب عليك وبردوا صعب عليا انا كمان ...بس هي دى السنه الحياة يا حبيبي الحياة لازم تمشى انت تستلم وتسلم هي دى الدنيا وانت مسلمهم لرجاله وانت اللى عارفهم وانت شوفت قد ايه بيحبوا بناتك وهيحطوهم فى عيونهم ...

عبدالله: انا عارف وفاهم كل الكلام ده ....بس انتى عارفه بالنسبالى ايه هم كل حاجه هما الحياة هما احلى حاجه ربنا رزقنى بيهم اجمل هديه ربنا بعتهالى ...

ورد : عارفه يا حبيبى وبعدين علي فكره انا هبدأ اغير منهم انت كل شويه تقول هما كل حاجه فى حياتى وانا ايه بقى عندك ...

عبدالله بحب: ههههههه والله مهما كبرت هتفضلى مجنونه 

ورد : اه انا يا خويا انا ديما بحب اكون فرفوشه ومش زيك كئيب ...

عبدالله: انا كئيب ماشى طب يلا قومى جهزى نفسك عشان نروح لديلان .....انا متغاظ من جاسر ازاى ياخد بنتى كدا ويسافروا من غير مايقولى وله يستأذنى الاول ...

ورد : هو حر الله وبعدين هي خلاص مسؤله منه 

عبدالله: هو انتى قاصده تغيظينى ...

ورد : انا قايمه اجهز نفسى ...

وخرجت ودخلت بعدها تاج ...

تاج بمرح : يا سلام يا استاذ باباتي هو انت هنا وانا بدور عليك ...

ادهم : عاوزه ايه يا لمضه ...

تاج : بص يا باباتي يا جميل يا سكر انا عندى فى الكليه عاملين رحله للاقصر تلات ايام بلييييييز عاوزه اروح 

عبدالله: امشى ياتاج انا مش ناقصك مفيش حته هتروحيها ..

ورد : عشان خاطرى يا بابا كل صحابى هيروحوا عاوزه اروح معاهم وغلاوة ديلان وغرام عندك ..

عبدالله: امتى الرحله الزفته دى ...

تاج : بفرحه : يوم الجمعه الجايه..

عبدالله: ماشى ربنا يسهل هبقى افكر ساعتها اوديكى وله لا...

تاج : بليز وافق انا نفسر اروحها مع صحابى وكمان ادهم ابن عمو يونس هيروح ...

عبدالله: نعم ياختي. قولتى مين هيروح ادهم ابن يونس لا انا استحاله اخليكى تروحى....

تاج : ليه يا بابا بقى

عبدالله: هو كدا انا استحاله اوديكى فى مكان وابن يونس يكون فيه ...يلا روحى البسى عشان نروح لديلان..

تاج وهي تذهب وبدبدب فى الارض .....

وقالت : يوووووووه 

😍😍😍😍😍😍😍😍😍😍😍😍😍😍😍😍

وفى المساء عند جاسر وغرام كان جالس فى الخارج ينتظر غرام تجهز حالها لان عاملها مفاجأة حلوه ...

غرام خرجت وانبهر بجمالها  كانت غرام ترتدى فستان احمر ساق وله ذيل من الخلف وسايبه شعرها  وتضع روج احمر وقليل من المساحيق التجميل...

٠وجاسر كان لابس بليزر كافيه وبنطلون وتشيرت اسود ..وكان وسيم جدا ...

جاسر بهيام وحب : ايه الجمال ده 

غرام بخجل : شكرا وانت كمان شكلك جميل ...

جاسر: بس مش احلى منك يلا جاهزه ..

غرام: اه جدا ..

جاسر مسك شريطه اسود ووضعها على عيونها وقال : يلا امسكى في ايدى ...

وغرام مسكت يده وهو خرج بها وذهب آلى جسر كان مليان بالورد الأحمر ووقف وزال الشريطه السوداء وغرام انبهرت بالمكان ...

غرام :ايه الجمال ده الله هو اللى انا شايفاه ده حقيقه...

جاسر: ااه ايه رأيك فى المفاجأه..

غرام: تحففففففففففففه تجنننننننن بجد بعشقك ...

كان المكان التى على البحر كان فى ترابيظه مليانه الشموع والورد الأحمر وكان فى سرير فيه فروع انوار فيه الورد ....

جاسر شاور لاحد ان يشغل اغنيه كانت لتامر عاشور اغنيه خلينى فى حضنك 

خليني ف حضنك يا حبيبي.. ده في حضنك بهدى وبرتاح

أنا كل مشاعري معاك راحوا.. وكمان قلبي لقلبك راح

ولا بضحك وأفرح من قلبي.. غير لو جنبي أنا كانوا عينيك

لو تبعد عني ولو ثانية.. بتجنن يا حبيبي عليك

وبتحلى الدنيا في عيني

وأنا جمبك فا ماتبعدنيش

حُبك فعلاً بيخليني

أتمسك بالدنيا وأعيش

وفي حضنك بيروح خوفي

وده وعد ومُلزم أنا بيه

مهما تكون يا حبيبي ظروفي

قلبك عمري ما هاجي عليه

أنا مكسب عمري إني قابلتك.. غيرت ف عيني الأيام

طمنتني ع الباقي في عمري .. حققتلي كل الأحلام

أول ما عيونك دي بشوفها.. مش بعرف أشوف غيرها خلاص

إنت هدية ربنا ليا..  إنت حبيبي وأغلى الناس

كانوا مبسوطين اوى غرام فرحانه اوى لم تصدق ان جاسر يفاجأها بكل هذا وهو يحبها لهذا الدرجه هي لاول مره فى حياتها تعيش اللحظات دى مع احد ...وجاسر كان مبسوط وفرحان على فرح غرام ...هو حبها لا هو عشقها هو لاول مره يعشق ويشعر مع احد هذا الشعور اندمجوا مع بعض فى الرقص ومره واحده حمل غرام بين يديه ولف بها وصرخ بأعلى صوت 

قال : بحبكككككككك يا غرااااام النمر ♥️

♥️♥️♥️♥️♥️♥️♥️♥️♥️♥️🫶🫶🫶🫶🫶🫶

(وبعد مرور ثلاث سنوات)

 نذهب لضحكات عاليه للعائله وكانوا عائله الحديدى وعائله الشاذلى كانو فى شرم الشيخ متجمعين مع بعض وبيصيفوا  عبدالله كان احفاده الاثنين جالسين على رجله اسد ويامان اولاد غرام وديلان ...وكان جاسر حامل ابنته ماسه على يديه وكان واقف ...

عبدالله: مالك يا غرام انتى تعبانه ...

غرام بوجع : اااه بنات الكلب بيضربونى ..

جاسر: لو سمحتى متشتميش بناتى ..يعملوا اللى هما عاوزينه ...

عبدالله: نعم يا خويا يعملوا ايه يعنى يضربوا بنتى ...

(ملحوظه جاسر و غرام خلفوا : اسد وماسه عمرهم سنتين وغرام حامل مره اخرى وفى الشهر الاخير 

اما إلياس وديلان خلفوا يامان ولم ينجبوا مره اخرى 

وسيلا ونديم لحد دلوقتى لم يرزقهم الذرية )

نرجع نكمل....

جاسر: اه يعملوا  اللى هما عاوزينه ...

عبدالله: طب اسكت بدل ما قوم ليك واضربك ...

يونس : يا بنى حته بعد ما بقيت جدو لسه زي مانت ...

ورد : واكتر يا استاذ يونس ههههه

وضحكوا الجميع ... وفجأه ادهم 

قام وقال لعبدالله : ما بإن الكل متجمع نظر لتاج بحب عمو عبدالله انا بطلب ايد تاج منك انا عاوز اتجوزها ...

عبدالله نظر ليونس : هو اللى انا سمعته ده صح ...

يونس بضحك : ههههه اه ...

عبدالله بصراخ  : لا كدا كتير  انت مسلط عيالك عليا يا يونس وقام ونزل الولاد من على رجله وبدأ يتحرك على ادهم ...

عبدالله: انت قولت ايه .  

ادهم بيجرى وقال : عاوز اتجوز تاج بحبها 

 وعبدالله بيجرى خلفه وقال : حبك برص بتحب مين ده انا هنفخك ..كان ادهم بيجرى وعبدالله خلفه والعائله كلها بيجروا ورا عبدالله ....كانوا شكلهم يضحكوا اوى 

وغرام فجاءه صوتت : بولد الحقووووووونى يا ناس بولد مش قادره يا جااااااااااااسر 

الكل اول ما سمعوا صويت غرام توجهوا اليها ..

جاسر: فى ايه مالك غرام.  

عبدالله: هتكون بتصوت ليه عشان نموسه مثلا قرصتها ...شيل مراتك بسرعه بتولد ...

جاسر: بس ده مش معادها  ....

غرام: عااااااا يا غبى مش وقته بقى شيلنى مش قادره منك لله اشوف فيك يوم يا بعيد ...

وحمل جاسر  غرام وتوجهوا الى مستشفى قريبه وغرام دخلت غرفه العمليات وجاسر كان ينتظر فى الخارج وقلقان ومنتظر الاميرات يوصلوا بسلامه ....وبعد حوالى  ساعه خرجت الممرضه ومعاها ثلاث توأم ...

جاسر بصدمه : ايه ده مش كانوا اتنين بس ..

الممرضه : لا تلاته الف مبروك بنتين وولد ....الولد كان مستخبى ومش باين ..

جاسر: المهم مراتى كويسه وله لا...

الممرضه: كويسه وزى الفل وهتخرج دلوقتى ...

وبعد نصف ساعه  كانت غرام خرجت وانتقلت غرفه عاديه وبدأت تفوق ...

جاسر كان جالس على طرف السرير وماسك يد غرام ومنتظر تفتح عيونها ...

وغرام فتحت عيونها وقالت : اممممم انا فين ...

جاسر بلهفه : حمدالله على سلامتك يا حبيبتي...

عبدالله زق جاسر وقومه وقال : حمدالله على السلامه يا حبيبتي...

غرام بتعب : الله يسلمكم ...

ورد: مبروك يا غرام جبتي ماشاءالله تلاته توأم يجننو بنتين وولد ..

غرام بصدمه : قولتى ايه مش كانوا بنتين بس الولد جه منين ..

جاسر: كان مستخبى ههههه

إلياس : هااااا بقى هتسموهم ايه ..

جاسر : البنات همس وعشق والولد معرفش اسيب غرام تختار ...

غرام : حابه اسمى إسر عشان يبقى أسد وأسر ...

 عبدالله بزعل : بدل ما تقولى هسمى على اسم بابا ...

جاسر : مين ده عشان الواد يتعقد من قبل ما يكبر ...

عبدالله: ليه ان شاءالله هو عبدالله ماله يا استاذ جاسر ..

جاسر: مالهوش يا سياده اللواء ممكن بقى اقعد جمب مراتى شويه 

قطع كلامهم بدخول الاولاد وغرام نظرت لهم بحب وفرحانه ...

غرام: عاوزه اشيلهم ..

ورد مسك البنات وادتهم لغرام وقال : خدي يا حبيبتي زى القمر الله واكبر 

يونس: طيب يلا يا جماعه ناخد صوره جماعيه لذكري والبنات العسلات والولد السكر ...

كانت فى ممرضه واقفه وقالت : انا ممكن اصوركم..

يونس مد لها الموبيل وجاسر سند غرام لتقف والكل وقف كانت غرام حامله بناتها همس وعشق وجاسر حامل الولد اسر واخذوا كذا صوره حلوين ...... 

وجاسر همس لغرام : بعشقك يا غرام النمر🥹♥️

بقلم / جنه ياسر ✍️

تمت الحمد الله 🥹♥️

♥️♥️♥️♥️♥️♥️♥️😂😂😂😂😂😂😂😂😂😂😂

♥️ بارت خاص  ♥️

🦋♥️روايه غرام النمر ♥️🦋

فى الصباح المشرق الجميل يأتى يوم زفاف ادهم وتاج وطبعا اقتنع عبدالله بالعافيه كان معترض بس وافق بالاخير لان تاج واقفت وقالت لابيها ان هيا بتحبه فهو لم هيوقف امام سعادة ابنته واتخطبوا بالاخير .... 

وأتي الفرح اخير بعد سنه من خطبتهم كان ادهم فرحان وحاسس بسعاده كبيره هو بيحب تاج بل بيعشقها ... كان الزفاف هيتعمل فى قصر الحديدى....

نذهب لغرفه كانت العروسه فيها بتجهز وترتدى روب عرايسى وكانت الميكب ارتيست بتضع لها الميكب وكانت فرحانه وعيونها ماليانه سعاده وكانت غرام حامله على ايديها ابنها التى يبلغ  سنه من عمره كان أسر ...

غرام بفرحه: اختى بقيت عروسه يا ناس مبروك يا لمضه...

تاج بفرحه : الله يبارك فيكى يا روحى ....

ديلان : اختى  احلى واجمل عروسه ...

غرام بمرح : انتو مش ملاحظين ان احنا التلاته بقينا سلايف ههههه ده ايه النصيب ده سبحان الله...

تاج بفرح : وده اللى مفرحنى ان احنا هنكون مع بعض ...

فجاءه سمعوا صوت فى حديقه القصر وكان ادهم بينده على تاج وعامل دوشه جامده ...

ديلان: ههههه العريس هيتجنن ويشوفك ..

وبعد ثوانى خرجوا الى الشرفه ولاقت ادهم شاور لاحد ان يشغل اغنيه وكانت لمحمد سعد ( ياللى نسيت الغرام ) كان ادهم يشاور على تاج وكان ماسك اجازه بيده وكان يقلد محمد سعد فى الفيلم ....وبقى يرددد مع الاغنيه ....

(يالى نسيت الغرام ارجع هنا وقولى مين زقك على الخصام دانتا الى فاضلى

اول ماعرفت انك عايزنى جيت اوام مقدرش استغنى عنك يلمعلمنى الغرام

وهقلك بردو عينى يا وحشنى الف عينى وهاقلك بردو عينى يالى فى بعدك كاوينى

اؤمرنى هتلاقينى سجاده بين ايديك

كله كله كوم وزعلك انتا كوم انا عندى الدنيا تزعل وما تزعل منى يوم

انا لسه يا كته بحلم وبعد النجوم يالى فى بعدك باسى والاارتحشى يوم

وهقولك بردو عينى يالى فى بعدك كاوينى اؤمرنى هتلاقينى سجاده بين ايديك

كله كله كوم زعلك انت كوم انا عندى الدنيا تزعل وما تزعل منى يوم

اول ماعرفت انك عاوزنى جيت اوام مقدرش استغنى عنك يا معلمنى الغرامممممممممممم )

ادهم : بحبكككككككك يا تااااااج ....

وفجاءه ادهم لاقه اللى بيمسكه من قفاه. ...

وكان عبدالله : ياسلام يا خويا عاملى فيها محمد سعد 

تاج كانت واقفه فى الشرفه وكانت مبسوطه وبتضحك من قلبها ....

ادهم قال : حمايا ليك وحشه......فى كام الثانيه دى انا بردوا بقول رحت فين ....

عبدالله بغيظ : ااااه ما انت واخواتك استغفلتونى وابوك قال ليا ان عاوزنى في موضوع بتضحكوا عليا يا ولاد يونس ...ده انا هنفخك يا ادهم ..

ادهم : الله وانا مالى يا لمبى هو انا بس اللى جوز بنتك ما عندك اهو إلياس وجاسر وله انت بتيجى على الضعيف اهئ اهئ  .....

عبدالله: اخرس يلا ده انا هوريك هعمل ايه ونظر لتاج التى كانت واقفه فى الشرفه هي وأخواتها وقال بغضب وغيره : واقفين بتعملوا ايه ادخلى يا بت انتى وهيا ...

النمر باستفزاز : لو سمحت ملكش دعوه بمراتى تقف براحتها ...

عبدالله ترك ادهم وتوجه آلى جاسر وقرب ومسكه من قميصه : انت عارف انت لو اتكلمت وله قولت حاجه هخليك مسخره قدام عيالك ومش هيهمنى ....

جاسر بضحك : طيب ماشى ورينى ....هههههه والله بضحكنى يا غول ..

عبدالله: يونس سكت ابنك احسن ليك ....ده كان يوم اسود لما عرفتك يا اخى وبقينا صحاب ....يارتنى ماكنت عرفتك ..

يونس : حظنا يا صاحبى نكون صحاب ونسايب هههههه....يلا يا عبدالله ربنا يهديك تعالى معايا نشوف الديكور عشان الناس هتبدأ تيجى ...

عبدالله: لا مش جاي معاك رجل على رجل محمد سعد ده  وشاور على ادهم ...

ادهم قال باستفزاز : الله يخليك يا عمى انا هستحملك بس عشان تاج حبيبتي وعلى فكره بقى كلها كام ساعه وتكون مراتى ثم قال تلك الجمله جرى بخوف من العاصفه التى هتأتى 😂 .    

عبدالله 😡 : خد يلا هنا ده انا هعلقك ..وجرى خلفه 🏃

عند البنات دلفوا الى الداخل بيضحكوا على والدهم وعلى غيرته عليهم ....

غرام بضحك : ههههه بابا ده فظيع بجد ...

تاج : ده لولا جاسر وعمو يونس مكنش بابا وافق نهائى هههه

ديلان: طيب يلا جوجو عشان تلبسي الفستان .

تاج بفرحه : ماشى يلا 

♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️

فى الريسبشن قصر الحديدى كان ادهم يجرى وعبدالله مازال يجرى خلفه ...ثم وقف عبدالله بتعب وينهج بشده..

عبدالله بتعب : الله يخربيتك يا ادهم الكلب جرتنى وراك القصر كله ...

ادهم : ده أنت اللى تعبتنى ...ده انا لو كنت بجرى من نمر مش هجرى كدا ...اااه حرام عليك انا المفروض عريس ..

عبدالله: امشى من قدامى انا مش طايق اشوفكم قدامى ...

جاسر: خلاص اهدى يا عمو عبدالله انا هخدوه ومش هتشوفه غير فى الفرح خد حفيدتك واقعد واهدى انت بجد اول مره اشوف حد كدا بجد ايه الغيره دي مش كدا ..

يونس: ههههه بلاش انت اللى تتكلم يا ابو البنات نفسى اعيش لحد ماتجوز البنات وابقى اشوفك هتعمل ايه ...

جاسر: لا انا استحاله اعمل كدا وبعدين انا مش هجوزهم اصلا ...

عبدالله بغضب : يخويا اسكت ما انا كنت بقول كدا لحد ماجيت انت واخواتك خدتوا بناتى منى عااااااا غوروا من وشي ياولاد يونس ....

جاسر وهو بيمد له همس : طب خد همس انا مش عارف غرام سيبالى العيال كلهم ليه هو انا اشيل مين وله مين ...

عبدالله : بنتى تعمل اللى هيا عاوزاه ...ثم اخذ منه همس ...

وجاسر معه عشق ...هو دائما لم يترك عشق ...عشق اكتر واحده فى أخواتها هي اللى قريبه من جاسر تنام دائما فى حضنه ...ثم توجه الى غرفه الخاصه له  ليجهز حاله .. وكانت غرام فيها وبتجرى ورا اسد وكانت ماسكه بيدها بنطلون بدله وكانت عاوزه تلبسوا وهو مش عاوز يلبس البنطلون ...

غرام : يا أسد تعالى بقى البس البنطلون مش هينفع تنزل كدا ....

أسد : يا مامى مش هلبس حاجه مش بحب البس البنطلون ...

قاطعه جاسر كان دخل وقال : يا ابن الكلب هو انا مش قولت ميتين الف مره بلاش مامى دى هو انا مخلف أسد و له سوسن استرجل شويه يلا .. وبعدين اسمع كلام مامتك والبس بنطلون البدله ..

أسد خاف من النمر وجرى وقف امام غرام وينتظر ان تلبسه ....

غرام بصدمه: ده بجد بسهوله كدا ...ده انا صوتى راح من كتر تعالى يلا اسد ...ومن اول ما سمعت كلمه من ابوك جيت علطول...

جاسر بغرور : انا النمر يا ماما ومش اي حد ...

غرام : يارب تصبرني انا مبقتش قادرة استحمل ...يعنى انا يارب ملقتش غير ده واتجوزوا ..

جاسر: بقولك ايه مش كل مره هتفتحى الاسطوانه النكديه خدى البنت وانا سيبيلى اسد انا هلبسه هو فين أسر وماسه ...

غرام وهي بتاخد عشق منه وقالت : أسر مع ديلان بتلبسه وماسه مع يامان بيلعبوا...

جاسر: نعم سايبه بنتك مع مين يامان ابن إلياس ...

غرام : اااه فيها ايه بتلعب مع ابن خالتها ...

جاسر: روحى يا غرام شوفى هتعملى ايه ...

غرام بتتوجهه الى غرفه الملابس أسد جرى عليها مسك فيها بخوف : مامى انا عاوزك انتى اللى تلبسينى انا خايف من الراجل ده ...

غرام: ولد عيب ده باباك احترم نفسك ...

جاسر قرب من أسد وحمله من قفاه ....

غرام: جاسر نزل الولد هيخاف منك ...

جاسر بعصبيه: روحى شوفى انتى رايحه فين ...من كتر دلعك في هتبوظي ...

غرام لوت شفتيها بطريقه مضحكه 😏

وقالت بصوت واطى : كل حاجه يجيب اللوم عليا اوووف .... ودخلت غرفه الملابس ولبستها فستان صغير ... ونظرت لعشق لاقتها بتضحك لها وقالت : بتضحكى كدا يا عشق حتى انتى ...

عشق ضحكت بصوت وكأن فاهماه بتقول ايه ...

غرام: عاجبك يا ست عشق اللى ابوكى بيعملوه فيا ..ونبى انا مستحمله عشانكم هو انا ليا غيركم ياختى جميله يا ناس بنتى قمر .. قولى ماما بقى اسمعها اختك قالتها وانتى لسه..

عشق 👶🏻 : باااابا ااابا بابا ...

غرام 🤡: عااااااااا كدا يا عشق انتي عاوز تغيظينى اقولك تقوليلى ماما تقولى بابا ....ده انا يا بت اللى حملت فيكى ٩ شهور وتعبت مش هو.... يلا قولى مااااما قولى يا بت حسسينى انى امك ...

عشق : ببببابا بابا بابا ...

جاء جاسر من خلف غرام : متحاوليش مش هتقول ونظر لعشق ...حبيبت بابا....

عشق ضحكت له جاسر حملها لحضنه ونظر لغرام اللى كانت شايطه 🔥....

غرام: خد بنتك واطلع بره عشان البس ...

جاسر : اصلا انا خارج كنت جاي اخد عشقى وأخرج ....

غرام بعصبيه: عااااااا اطلع يا جاسر ...

جاسر ضحك ونزل وذهب فى الحديقه وكان يامان مع ماسه قاعدين مع بعض وبيحضنها ...

جاسر ذهب لهم ومسك يامان من قفاه وبعده عن ماسه ..

جاسر: بتعمل ايه يلا ...انت بتحضن بنتى ..

يامان يبلغ من العمر ٤ سنين قال لجاسر : اوعى ثيبنى ..ااه وفيها ايه لم احضنها ...

جاسر وبتقولها قدامى يا كلب ...ده انا هعلقك يا يامان ولا ملكش ببنتى وابعد عنها ..

يامان : لا مث هثيبها انا بحبها وهتدوزها لما اكبر ...

(لا مش هسيبها انا بحبها وهتجوزها لما اكبر )

جاسر: نعم ياعنيا تتجوز مين يا شبر ونص ابعد عن بنتى يلا ...

ماسه قالت : بابى انا احبه وعاوزاه ...

جاسر بصدمه : ينهار اسود بتحبى مين يابت ده انتى لسه تامه ٤ سنين الشهر اللى فات بت قدامى 

وقال ليامان : عارف يلا لو لمحتك بس قريب من بنتى تانى هعمل فيك ايه ...

يامان بثقه : مث تقدر تعمل حاجة انا و ثوثو بنحب بعد ومث هتقدر تبعدنا عن بعد ... 

جاسر بصدمه: هو انت متأكد انك طفل عنده ٤ سنين انا مش مصدق نفسى ....فينك يإلياس تشوف البلوه اللى خلفتها ..

إلياس من خلفه قال : يا نعم بتنده ليه 

جاسر: انت جيت يا خويا حوش ابنك عن بنتى ...بدل ماقتلهولك ..

إلياس : ليه بس حصل ايه وقال ليامان : عملت ايه يا مصيبه ...

يامان ببراءه 🤷🏻 : مث عملت حاجه انا بقول لى انكل جاثر ان بحب ماثه وهتدوزها لما اكبر بث ...

(مش عملت حاجه ان بقول لي انكل جاسر ان بحب ماسه وهتجوزها لما اكبر بس )

جاسر: سامع بيقول ايه هو انت متأكد ان ابنك ده طفل انا مش مصدق باللى بسمعه ...

إلياس بضحك :  هههههه الولد شاري البنت خلاص يانمر انا حجزت ماسه ليامان ههههه...

جاسر: عاااا هو انا كنت ناقصك وقال بشخط لابنته ماسه : امشى يا بت قدامى ومسكها من ذراعها وذهب ..

إلياس : وكنت مضايق من غيرة عبدالله...ده أنت هتطلع اسخن منه ههههه 

♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️

فى المساء كانت المعازيم بدأت تأتى وعبدالله ذهب ليسلم تاج لادهم دخل عبدالله نظر لي تاج وكانت جميله اوى عيونه دمعت وقال : انا انهارده البيت هيفضى علينا اهون عليكي يا تاج تسيبى باباتك حبيبك ...مين اللى هجبله الشوكلاته وانا راجع من الشغل...ومين اللى هيقعد يتفرج معايا على الماتشات ومين اللى هغنيله مين حبيب بابا ...مين روح بابا ...اااه يا بنات الكلب نفسى الزمن يرجع تانى ويوقف عشان متتجوزوش ...

تاج بدموع : يا بابا بقى انا خلاص،رجعت فى كلامى مش هتجوز وارجع معاك ..

ورد بصدمه : تاج مين ده اللى رجع فى كلامه ....عبدالله بطل تلعب فى دماغ البنت المعازيم بره وادهم مستنى على نار حرام عليك بقى ده انت بهدلته لتيجى اللحظه دى ....

عبدالله: خلاص بنتى رجعت فى كلامها وانا مش هغصب بنتى على الجواز ....

غرام: يا بابا تاج موافقه ويلا بقى عشان ادهم هيتجنن ويشوف تاج ...

عبدالله: لا تاج مش موافقه صح يا حبيبت بابا ...انا دايما بقول انا معنديش غير تاج ...

تاج : انااا ....

ورد: عبدالله يلا بقى . .العريس بره ....

عبدالله: لا بقى الجوازه دى مش هتم انا جوزت بناتى التانين خلى تاج بقى ..

ورد: عبدالله..

قطع كلام ورد دخول ادهم المفاجئ وفتح الباب ...

وقال بمرح : ساموووو عليكووو ...عروستى الله زى القمر .  

عبدالله بغضب : ايه اللى دخلك هنا يا حيوان ...

ادهم بينظر لتاج وقال : ششششش متقاطعش اللحظه وقرب من تاج وقال معايا ملكه جمال العالم..ايه يا بت الحلاوه دى ...

عبدالله مسكه من قفاه وبعده وقال : ما تحترم نفسك ده انا واقف ...

ادهم بخنقه 😠 : يا عم بقى ابوس ايدك سيبنى ده انت بقالك سنه حرمنى حته اشوفها .....ده انا كنت بحلم باليوم ده اووف 

عبدالله: لسه يا خويا مبقتش مراتك ....

ادهم : عااااا كلها دقايق وتكون مراتى ...

يونس: طيب يلا بقى يا جماعه الناس بدأت تيجى والمأذون جه ...

عبدالله: اووووف يا بنتى راجعى نفسك بدل ما تلبسي فى البلوه دي ...

ادهم : تسلم يا غالي بيموت فيا ...تاج موافقه والكل موافق يلا بقى ابوس ايدك ..

ورد : يلا ادهم خد عروستك وانزلوا ....

ادهم بفرحه 😇 : اخيرا 

وقرب ادهم من تاج ومسكها و ضعت يدها فى ذراعه وبدأو يمشو ونزلوا....

عبدالله كان ذاهب خلفهم بس جاسر ويونس مسكوه ...

جاسر: اثبت مكانك ده انت تعبت الواد خلي ياخد نفسوا شويه ...

عبدالله: اوعوا بنتى لا .....عاااا يا يونس الكلب ياريتك ماظهرت في حياتى وله كنت اعرفك زمان  ...

يونس: ههههه النصيب قولتلك ههههه يلا يا ابو العروسه .. 

نزلوا ادهم وتاج وكانوا فرحانين اوى وكانوا وصلوا الى حديقه القصر وكان الديكورات كانت حلوه جدا ...دخلوا وتاج خطفت الأنظار بفستانها الجميل كانت ترتدى فستان باهظ الثمن ومنفوش وتقيل جدا وكانت تضع ميكب اب كامل وترتدى تاج وطرحه طويله كانت جميله اوى دخلو على اغنيه ادخلى عمرى لحسين الجسمي 

(إدخلي عمري بخطوتك اليمين

إضوي أيامي وعتمات السنين

قرت عيوني بشوفك مقبلة

يا الملاك اللين العذب الرزين

إسمعي نبضي وراء صوت الدفوف

من لمحتك ضيع الشوق الحروف

إسمعي نبضي وراء صوت الدفوف

من لمحتك ضيع الشوق الحروف

نورتي نورة حياتي دنيتي

يا ضيا عيني وأغلى ما تشوف

إدخلي عمري

إدخلي عمري بخطوتك اليمين

بخطوتك اليمين

إضوي أيامي

إضوي أيامي وعتمات السنين

وعتمات السنين

إضحكي يا نور عيني وإسعدي

خلي الفرحة في عمري تبتدي

العمر قبلك وهن ما يحتسب

هذي الليلة تراها مولدي

في وسط قلبي حفرت اِسمك هنا

نورة بن تركي تراها لي أنا

في وسط قلبي حفرت اِسمك هنا

نورة بن تركي تراها لي أنا

نصفي الثاني وفرحة دنيتي

دامي، دامي لي حياتي في هناء

إدخلي عمري

إدخلي عمري بخطوتك اليمين

بخطوتك اليمين

إضوي أيامي

إضوي أيامي وعتمات السنين

وعتمات السنين

إدخلي عمري

إدخلي عمري بخطوتك اليمين

بخطوتك اليمين

وإضوي أيامي

إضوي أيامي وعتمات السنين

وعتمات السنين)

وانتهت الاغنيه وجلسوا يكتبوا الكتاب وقعدوا عبدالله بالعافيه طبعا ولم يطيق حاله وكانت ينظر لادهم بقرف وكره ...ويتوعد له ...

المأذون يقول : أمضى هنا يا عروسه ..وكان عقد الزواج امام تاج .. ومضت وثم قال المأذون لادهم نفس الشئ وادهم اخذ القلم ليمضى ومضى ...واخيرا تم عقد القران على خير وقال المأذون : بارك الله لكما وبارك عليكما وجمع بينكما في خير .....

والجميع زغرطوا وورد وشهد  و عبدالله قام وحضن تاج بشده وقال : مبروك يا اميرتي ...وفضل فتره يحضنها. ..

ادهم : انا عاوز احضن مراتى يا عمو ...

ورد تدخلت وشدت عبدالله...وادهم قرب من تاج ومسكها يدها وجرى بها إلى استيدج الرقص الذى كان عملوا فى القصر وفجاءه حملها ولف بها بفرحه وسعاده 

والجميع وقفوا حوالينهم ووقفوا بفرحه وهيصوا ثم اشتغلت اغنيه يا اصحاب يا اغراب 

(يا أصحاب، يا أغراب، خلاص كتبنا الكتاب

شوفوا حبيبة قلبي

لو ماشي بعكاز، طقم سنان أو محتاس

هي اللي هتفضل جنبي

يا أصحاب، يا أغراب، خلاص كتبنا الكتاب

شوفوا حبيبه قلبي

لو ماشي بعكاز، طقم سنان أو محتاس

هي اللي هتفضل جنبي

هاكل من إيديها كل يوم

وأصحى على حضنها من النوم

هاكل من إيديها كل يوم

وأصحى على حضنها من النوم

وأكيد هيكون في خناق

هتروح ضحكالي وتقوم

خارجين أو حتى مسافرين

أو للصبح البره سهرانين

خارجين أو حتى مسافرين

أو للصبح البره سهرانين

مفيش غلاسه وقلق

ولا تكشير ولا دم اتحرق

طبعا أنتو فاهمين

فرحه أخيرا تجمعنا، ولا حد هيقدر يمنعنا

ودي فرحه أخيرا تجمعنا، ولا حد هيقدر يمنعنا

ولا يهمنا مين (مين)، دي عيون حاسدين (حاسدين)

والحلم ده بتاعنا، ودي فرحه بتجمعنا

فرحه أخيرا تجمعنا، ولا حد هيقدر يمنعنا

ودي فرحه أخيرا تجمعنا، ولا حد هيقدر يمنعنا)

كانوا بيرقصوا بيندمجوا مع بعض وفرحانين واخيرا أتت اللحظه التى كانوا بيحلموا بها ♥️..

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

وانتهى الفرح وكان مليئ بسعاده ورقص وفرح كان مختلف تماما عن فرح أخواتها...كان تاج وادهم احلى بكتير وكان مختلف ....و طلعوا على غرفتهم فى قصر الحديدى لان ادهم وتاج هيعيشوا فى القصر ويونس اقترح ان ادهم يعيش معه الفتره الأولى من زواجهم وبعد ذالك لو حابين ينقلوا على بيت خاص لهم براحتهم وكمان جاسر وإلياس استقروا هما الاخر فى القصر حابوا تجمع العائلى وغرام وديلام وتاج طبعا مبسوطين لان هيكونوا مع بعض ...اما سيلا ونديم سافروا لسيلا تتعالج لان اتضح ان عندها مشاكل وتأخذ علاج لان تنجب ....وللاسف هما لم يقدروا يحضرون الفرح تاج وادهم ....

♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️

وبعد حوالى شهرين كان أول يوم فى الشهر المبارك الكل متجمع فى قصر الحديدى وكانوا جالسين على السفره منتظرين اذان المغرب وكان فاضل ربع ساعه ويأذن ..

يونس: كل سنه وانتم طيبين يا جماعه ودايما نتجمع مع بعض والفرح والسرور يارب....

عبدالله: وانت طيب يا يونس وديما مجمعنا ...

إلياس : نديم وسيلا بقالهم سنه بيقولوا جاين  ....اتأخروا اوى ...

وفجاءه سمعوا صوت من خلف يقال : ومين بقى اللى بيجيب فى سيرتنا ...

غرام بفرحه : عاااااااااا سيلا حبيبتى ....وحشتينى اوى وذهبت ونطت عليها وحضنتها بشده وكانت مشتاقه لها اوى ومفتقداها اوى ...

سيلا تبادلها الحضن : وانتى كمان يا روحي وحشتينى اكتر ...

والجميع قاموا يسلموا عليهم وثم سمعوا اذان المغرب ...

شهد: يلا يا جماعه نفطر.....كل سنه وانتم طيبين ويارب دايما مع بعض كدا ...وجلسوا على السفره ليفطروا ..

سيلا : مبروك يا تاج على الزواج يا حبيبتي والله غصب عنى انى معرفتش انزل و نحضر انا ونديم ...

تاج : ياروحي وله يهمك ...انا عارفه ان كان غصب عنك ...

شهد : بطلوا كلام وقولوا رأيكم فى الاكل ...ههههه برعاية ورد وشهد انهارده احنا اللى عملنا الاكل...

ورد : آآآآآآه  ياختى تعبنا اوى ...

غرام: يا سلام يعنى انتو بس اللى عملتوا واحنا كمان عملناه وله اي يا حماتشى 

شهد: هههه اه يا قلب حماتك هههههه ده انتى اللى عملتى كل حاجه ...

يونس: تسلم ايديك جميعا الاكل تحفه والأهم احلى حاجه هيا لمتنا مش كدا يا بودى ...

عبدالله: اه بص خلى بالكوا انا هاخد بناتى وانا مروح يقضوا معايا شهر رمضان كامل اااه وده كان اتقفنا ...

جاسر: ومين قال انى موافق انا مراتى مش هتروح في حتى حابب انت تقعد معاهم معنديش مانع ...

عبدالله : نعم يا خويا طب ايه رأيك بقى يانمر لاخد غرام واحفادى وانا مروح وهنشوف كلام مين هو اللى هيمشى ...

يونس : خلاص بقى اهدى جاسر مايقصدش وبعدين بقى احنا عاوزين نقعد مع بعض هاديين بقى ونعيش اللحظات الجميله دى ..

ورد: بس ماشاءالله يا سيلا ...روح كبرت وبقيت عرايس واتغيرنا.... 

روح بخجل : مرسي يا طنط...

سيلا : ههه شوفتى يا طنط اهى قربت تدخل ثانوي...هو عاجبها الدراسه هناك اوى وعاوزه تكمل هناك بس واحنا بنفكر نستقر هناك ...

غرام: كدا يا سيلا دول الكام سنه اللى بعدتيهم بجد افتقدتك جامد بلاش موضوع السفر ده ...

سيلا: يا روحى خلاص هفكر ارجع فى كلامى ...

يونس: طيب الحمد الله يلا بقى يا شباب نجهز عشان نروح نصلى التروايح فى المسجد .

وقاموا الجميع والخدم وأتو وزالوا الاكل والرجال بقى يجهزوا حالهم لصلاة العشاء والتراويح...وطبعا بعد الأكل كان الكل صلوا المغرب جماعه.....

وبعد حوالى ساعتين اتجمعوه فى الريسبشن ويتناولوا الحلويات و شغلوا التليفزيون...

نديم بفرحه وقال وهو ينظر لسيلا : حابين انا وسيلا نفرحكم ونقولكم ان سيلا حامل ...

غرام صوتت بفرحه: بجد ياروحى مبروووك فرحتلك يا سوسو كدا متقوليش من بدرى ...

سيلا : الله يبارك فيكى يا حبيبتي...

جاسر: مبروك يا نديم ...

نديم: الله يبارك فيك ..

غرام: ايوه بقى بعد كام شهر هنقول... ام كلالا ولدت يالا نروح لها ناخد لوز وبندق ونروح نبارك لها

ورد : ههههه ايوه تقومى بسلامه يا قلبى ...

سيلا: حبيبتى تسلميلي يا طنط ...

وفجاءه الجميع صوتوا بخضه لان كان فى صوت صواريخ وكان ادهم التى عمل مقالب فى العيله ..

ادهم بمرح :  نيهاااا 😈 أعزائي المشاهدين فى كل بيت  ..اعزائى المشاهدين فى كل مكان....السلام عليكم ورحمه الله وبركاته ورمضان كريم وكل سنه وانتم طيبين ..وربنا يارب مايقتلنا عادة وله يحرمنى منكم  وله يحرمكوا منى ويارب قدرنا ديما على فعل الخير  وابعدنا يارب من أذيه الغير ...ويارب كتر من اللايك وشير ومعاكم ادهم الحديدى....عاااااا

يونس : يلا يا ابن ...

استووووووووووب💥💥💥💥

بقلم /جنة ياسر ✍️

جاري كتابةالجزء الثانى2 للروايه حصريا لقصر الروايات اترك تعليق ليصلك كل جديد أو عاود زيارتنا الليله

الجزء الثاني من هناااااااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا