رواية اللغز الفصل والثالث والرابع 3-4بقلم سالى محمد (جميع الفصول كامله)

 رواية اللغز الفصل والثالث والرابع 3-4بقلم سالى محمد (جميع الفصول كامله)

رواية اللغز الفصل والثالث والرابع 3-4بقلم سالى محمد (جميع الفصول كامله)

#اللغز

الجزء الثالث

صحيت من النوم ملقتش حد ف البيت خالص قولت فرصه افتش ف البيت واشوف ايه اللغز دا فضلت ادور ملقتش حاجه لحد ما وصلت لاوضه المكتب لقيتها مقفوله معرفتش افتحها قولت مش عايزة اعرف حاجه المهم اخرج من هنا اروح لاهلي وصلت باب البيت وخرجت لقيت البيت اللي كنت فيه هو نفسه البيت اللي وقعت قدامه يوم المطر ولكنه متجدد ولونه اتغير لكن هو نفسه المكان انا فكراه كويس قولت اكيد صاحب البيت دا عملي حاجه عشان انسي السنين دي كلها ياتري عمل اي المهم دلوقتي اروح لماما وبابا وحشوني مشيت ف الطريق وانا بسأل نفسي هل بابا وماما هيكونوا فاكريني وياتري عملوا ايه طول السنين دي ياتري لسا عايشين لقيت مواصله وركبت بس معيش فلوس والكمسري بيلف عايز تذاكر الاتوبيس انا كنت راكبه ورا ولما وقف لناس تنزل نزلت معاهم ماخدش باله مني وكملت الطريق مشي ومعظم الشوارع اتغيرت وتوهت عن البيت لكن فضلت اسأل وتعبت جدا وانا ماشيه وكنت جعانه ومعيش ولا جنيه ومش عارفه اعمل المهم الاخر وصلت خبطت ع الباب بابا فتح الباب قولتله بابا واترمييت ف حضنه وانا بعيط لقيته بيقول انتي مين يابنتي قولتله انا امنيه يابابا انت مش عارفني قال أمنيه مين بنتي متزوجه ف بيتها انتي اه فيكي شبه منها لكن يخلق من الشبه أربعين كنت هتجنن ازاي بنته موجوده امال انا مين قولتله فين ماما هي اللي هتعرفني دخلت ادور عليها ماما ياماما انتي فين ملقتهاش بابا قالي يابنتي مراتي مع امنيه بنتي بيجيبوا حاجات البيبي لأنها حامل فقدت صبري ورديت بعصبيه يابابا انا امنيه اهو قدامك انت بتقول اي هتجننوني وصرخختت بصوت عالي بابا فضل يهديني طب اهدي بس يابنتي تعالي اقعدي استني هعملك كوبايه ليمون انتي كل سنتين تلاته تيجي تقولي نفس الكلام هعملك الليمون وهتبقي كويسه قولتله ايه كل فتره باجي اقولك نفس الكلام هو ف اي انتي متفقين عليا حتي انت يابابا كمان لا كدا كتير كان هو دخل يعمل الليمون ورجع قالي اتفضلي يابنتي اشربي ربنا يشفيكي اخدت منه الليمون وانا بشربه الباب فتح لقيت ماما مع وحده نسخه مني بالظبط وداخلين بيضحكوا والبنت دي حامل وبطنها كبيره يعني قربت تخلف وقعت كوبايه الليمون من ايدي واغمي عليا محستش الا وهما بيفوقوني وامجد دا قاعد جمبي واللي شبهي دي كمان واقفه وبابا وماما وكان قصادي مرايه بصيت للي شبهي دي وقولتلها انتي مين انتي ازاي شبهي كدا واخدتي مكاني في بيتي كمان انطقي قولي ردت قالت انتي اللي مين دا بيتي ودول اهلي انا معرفكيش اساسا بالصدفه ببص ع المرايه لقيت شكلي متغير كأن دي وحده تانيه مش انا قولت ايه دا دي مش انا ف اي فكرت ف بالي طب ما كدا اهلي كمان اتخخدعوا ليهم حق مش يعرفوني رد أمجد قال انا اسف ياجماعه مراتي اعصابها تعبانه بعتذر مره تاني انا هاخدها ونمشي يلا ياسمر قومت معاه من غير ولا كلمه ودموعي نازله ع خدي بالصدفه ببص ف المرايه لقيت أمجد بيغمز للبنت اللي شبهي وبيضحك اي دا ف اي يبقي ظني ف محله أمجد والبنت دي ينهم حاجه متفقين عليا ليه لازم اعرف ...يتبع

#اللغز

الجزء الرابع

اتأكدت ان ف حاجه أمجد مخططها هو وشبيهتي لازم اعرفها وان الكلام والصرااااخخ مش هيجيب فايده واني لازم اسكت واعمل نفسي مصدقه كلامهم لحد ما اكشف الحقيقه ما انا مش هسيبهم يلعبوا بحياااتتي وأهلي كمان لازم افهم ال١٢ سنه من عمري راحوا ازاي ومين اللي خخددعت اهلي بأنها انا مشيت مع أمجد ومصممه اعرف ف اي بس مش بينت اخدني البيت ولقيت الولاد قاعدين قدام التلفزيون اول ما دخلت لقيتهم جم جري يحضنوا فيا وبيقولوا اني وحشتهم رد أمجد عليهم قالهم بالراحه يا ولاد ماما تعبانه اقعدي ياحبيبتي وانا هجهز العشا اكيد انتي جعانه صح هزيت دماغي بأه قعدت قدام التلفزيون مع الولاد وهما ف حضني حسيت اني اطمنت شويه وبحنين ليهم فعلا كأنهم ولادي قولت لنفسي حتي لو دي لعبه بس دول اطفال اكيد مش هيكدبوا ممكن يكونوا فعلا ولادي ومخدووعيين ف ابوهم زيي فضلت افكر ازاي اكشفهم ملقتش طريقه بس قولت اخددععه اني سلمت اني سمر وكدا واشوف هيحصل اي شويه قططع تفكيري وهو بيقول يلا العشا جاهز قومت مع الولاد وقعدنا ناكل وانا سرحانه لقيت أمجد بيقولي سمر بكلمك وهو حاطط ايده ع كتفي قولتله ها بتقول اي معلش مش مركزة قال اي رأيك نروح اسكندريه اسبوع نريح اعصابنا هناك الولاد قالوا ايوة وافقي ياماما عشان خاطرنا قولت ماشي بس بكرا لا خليها بعد يومين اكون حضرت نفسي والشنط وكدا قالوا ماشي خلصنا اكل قولتلهم اني تعبانه وداخله اوضتي بس الولاد رفضوا ادخل الاوضه قالوا لا ياماما اقعدي معانا مرضتش ازعلهم وقعدت باباهم شغل فيلم كوميدي حاولت اضحك زيهم عشان أبين اي بقيت سمر بجد بس لقيت أمجد بيبصلي نظرات كدا باين انها حب طب اما هو بيحبني كدا ليه غير اسمي وازاي شكلي كدا اتغير هو عملي عمليه تجميل ولا اي وبعدين الصور كانت بشكلي الاصلي ازاي لما روحت عند اهلي كنت وحده تانيه عقلي مش قادر يستوعب الفيلم خلص وقولت للولاد يلا بقي ع النوم ياحلوين اخدتهم اوضتهم قالولي احكي حدوته قولتلهم حدوته اي بس طب هحاول كان ياما كان ياسعد ياكرام ف بنت اسمها لسا هقول امنيه لقيت خيال ورا الباب قولت اسمها يارا عايشه مع بابا وماما وبتسمع كلامهم كل حاجه تقول حاضر ونعم ف يوم قابلت أمير حبها وهي حبته لكن اهله رفضوها لأنها فقيره والامير اتحدي اهله واتزوجها اهله قالوا ليه انت مابقتش ابننا مدام اتزوجتها بس هو عشان بيحبها اختار يكون معاها لسا كنت هكمل بس لقيتهم ناموا وتلقائي بوستهم وطفيت النور وخرجت دخلت اوضه النوم لقيت أمجد قاعد ع السرير قولتله اي دا انت هتنام هنا قالي ايوة الطبيعي دي اوضتنا اتوترت قولتله بس انا مش واخده ع الوضع دا قالي اهدي بس متوتره ليه انا عمري ما هعمل حاجه انتي مش عايزاها ولا هغغصببك ع حاجه انا هنام ع الارض كفايه انك نومتي الاولاد واقتنعتي انك سمر حبيبتي قولتله طب تمام نام انت هنا وانا هنام ف الصاله قال لا لا انا خلاص هنام هنا ع الارض واخد مخده وفرشه وفرش ع الارض وقالي نامي ع السرير يلا متخافيش بكرا تفتكري وتعرفي قد اي انا بحبك وضحيت علشانك قولتله أمجد هو احنا ازاي اتعرفنا ع بعض وفين اهلي هو انا ماليش اهلي انا معرفش اي حاجه عن نفسي وليه فكرت اني امنيه والناس دول اهلي فهمني لو سمحت قالي ياحبيبتي انتي كنتي مع والدك ووالدتك رايحين شارم والعربيه اتقللبت بيكم وانتي دخلتي المستشفي وللأسف اهلك ماتوا ف الحادث انا بقي شوفتك بعدها ف المستشفي كان بابا تعب ودخل المستشفي اول ما شوفتك حبيتك من اول ماعيني وقعت عليكي وانا بحبك وبحبك دي شويه كمان ع احاسيسي ليكي وهو بيقول انه بيحبني حسيت انه صادق فعلا لكن كل كلامه الباقي كان كدب قولتله ياه انت بتحبني للدرجه دي قالي واكتر ياحبيبتي قولتله طب ليه الكدب انت عارف كويس انا مين نفسي بس افهم ليه حتي لو بتحبني ليه تغير اسمي وشكلي انت مين يا أمجد انت فعلا اسمك أمجد لقيته اتوتر وعرق وقال انا ايوه انا أمجد زوجك ف اي ياسمر ع فكره انا اتحملت كتير كفايه أن اهلي قاططوعني بسببك ليه اهلك عملوا كدا ف اي ......

#اللغز

تكملة الرواية من هناااااااااااا