رواية فضيحة في الدور الارضى الفصل 3-4بقلم حنان حسن (جميع الفصول كامله)

رواية فضيحة في الدور الارضى الفصل 3-4بقلم حنان حسن (جميع الفصول كامله)

رواية فضيحة في الدور الارضى الفصل 3-4بقلم حنان حسن (جميع الفصول كامله)

كلنا بنعاني من الحرمان العاطفي...

بس انا بعاني اكتر من اي حد  ..

وشعور الرغبة الغريزي...

وفطور العلاقة الي بيني وبين زوجتي الب&اردة ...

كل العوامل دي...

 هي السبب في البلاوي الي بتحصلي  في بيت جارتي الجميلة دلوقتي

تعالوا اكمل لكم حكايتي

الجزء الثالث

من رواية..فضيحة بالدور الارضي

للكاتبة..حنان حسن

بعدما اتورطت في اول ج&ريمة...

وهي.. ق&تل طليق جارتي شوق

 بالخطأ...

 وقفت امام المشهد المرعب ده.. وانا مصدوم

ومش عارف اعمل اية

وياريت الوضع اتجمد علي كده

لا...دنا كمان سمعت

 جرس الباب بيرن

طبعا انا في اللحظة دي 

مكنتش هفتح مهما كان مين الي بره 

لكن برضو...

 كان لازم اعرف مين الي بيرن الجرس

 عشان كده ..

اتسللت بهدوء

 لغاية ما وصلت لباب الشقة.. 

وبصيت من العين السحرية..

وفي اللحظة دي

اتفاجئت...

 بان الي بره هو صاحب العمارة الي احنا ساكنين فيها

فا رجعت تاني لشوق بنفس الهدوء

 عشان ميصدرش مني اي صوت

 وسالتها..

قلت.. 

هو صاحب البيت جاي ينيل اية عندك  دلوقتي يا سبب سعدي؟

فا ردت الهانم

 وهي متعصبة

وقالتلي.. وانا ايه عرفني؟

هو انا كنت بنجم؟

 ولا بشم علي ضهر ايدي؟

فا فكرت شوية

وبعدها

قلتلها.. 

خلاص... سيبية يرن

 لغاية ما يزهق ويمشي..

وبعد شوية

الجرس بطل يرن فعلا

 وواضح ان صاحب البيت زهق.. ومشي

وبعدما صاحب البيت غار في داهية..

رجعت قعدت علي كنبة في الصالة

ولقيت نفسي امام ج&ثة ..ود&م.. وفضيحة بجلاجل منتظراني

وامام المشهد الي يفرح القلب ده

عقلي هنج

ومكنتش عارف افكر

لكن كان لازم اتصرف وبسرعة .. 

قبل ما نروح في داهية 

انا وبنت الفقرية

الي جمالها كان سبب نكستي

المهم...

فضلت اسأل نفسي

هعمل ايه في الموقف المنيل الي انا فيه ده؟..

والجثة دي هوديها فين؟.. 

وهخلص منها ازاي؟

للكاتبة...حنان حسن

وحاولت استحضر روح العبقري الي جواية

وبعد شوية..

اهتديت لفكرة عبقرية فعلا

ايوه منا كل افكاري عبقرية ..

بدليل اني هنا دلوقتي

المهم ...

الفكرة كانت...

 اني احاول انضف المكان فورا...

 بمساعدة شوق

 بحيث اننا نتخلص من الجثة

 في اسرع وقت..

لكن شوق هتساعدني ازاي ؟

دي  كانت لسة مصدومة

 وبتعيط يا قلب امها

مسكينة...

 واضح انها رقيقة وحساسة 

وعمرها ما اتعرضت لموقف بشع زي الي احنا فيه ده..

فا قلت لنفسي

 انا لازم اقويها واساعدها...

 عشان نخرج من الموقف العصيب ده..

 ومين عارف؟

 مش يمكن لما نتخلص من الجثة... وننضف المكان...

 يحصل بينا علاقة اكتر من الشاي الي لسة مشربتوش؟

يعني متخيلين

قتيل ..ودم وفضيحة

والولية واقفة ادامي مصابة بصدمة عصبية

وانا لسة بفكر في شرب الشاي مع شوق

للكاتبة حنان حسن

منا كنت هعمل اية يعني

اصل بصراحة..

شوق كانت صاروخ

المهم

خلوني اكمل لكم

وكستي

 الحماس اخدني

 ولقيت نفسي قمت وقربت من شوق

الي كانت مصابة بصدمة عصبية زي ما قولتلكم

 وهزتها بعنف

 عشان تفوق من الصدمة..

قلت..فوقي يا شوق

.. واسمعيني

احنا هنضف المكان... ونتخلص من الجثة..

وكان شيئا لم يكن..

 بس انتي اهدي

 واتماسكي كدة عشان تقدري تساعديني..

وفعلا.. استجابت شوق ..و بعدما فاقت

م الصدمة

قامت شوق تجيب بعض الماء

 ومساحيق التنظيف ..

وانا انتهزت الفرصة دي...

و عملت مكالمة لزوجتي 

الي تتشك في قلبها

 مهو كان لازم اوجدلها حجة للتأخير

و افهمها سبب غيابي..

فا اتصلت بمراتي

وقلت..الوو

ردت زوجتي..الووو

قلت.. انا بكلمك دلوقتي 

عشان اعرفك ان واحد زميلي في الشغل امة اتوفت..

وانا لازم اكون معاه عشان كده

 هخرج من الشغل عليه..

يعني لو اتاخرت متقلقيش

قالت.. هو انت مبتردش علي موبيلك ليه؟

قلت..ليه هو انتي اتصلتي بيا؟

للكاتبة حنان حسن

قالت.. لا ده صاحب البيت جه وسال عليك

 ولما قولتلة انك في الشغل

 فضل يتصل عليك

 بس انت مكنتش بترد

قلت.. معلش يظهر الموبيل كان صامت

 ومسمعتوش

 متعرفيش صاحب البيت كان عايز ايه؟

قالت..لا 

بس هو كان شكلة متعصب اوي..

ولما معرفش يقابلك

  قال انه هيبقي يحاول يتصل بيك تاني ...ومشي

قلت.. 

خلاص

 اقفلي وانا هبقي اتصل بيه

 واشوف كان عايزني ليه؟

للكاتبة..حنان حسن

وبعد ما نهيت المكالمة مع سحر زوجتي..

لقيت شوق كانت جهزت ادوات التنظيف.. 

وطبعا ساعتها انا هدومي كلها كانت غرقانة د&م..

فا طلبت منها اي حاجة البسها لغاية ما اغسل هدومي

 وانضفها من الدم الي عليها..

لكن طبعا عشان هي ست مطلقة ...وعايشة لوحدها

 فا اكيد مش هيكون عندها ملابس رجالي

طبعا يا جماعة 

دي ست محترمة

هتجيب ملابس رجالي منين؟

لكن هي بصراحة ربنا يكرمها 

اقترحت عليا

 اقتراح.. معقول

وهو اني اتجرد من هدومي تماما

 وافضل بالملابس

الداخليه فقط

 لغاية ما تغسلي هدومي في الغسالة..

فا انا قلت لنفسي عادي يا واد يا علاء

 منا هقلع هنا في الصالة

للكاتبة...حنان حسن

وشوق هتبقي في الحمام

 علي ما انا انظف الصالة الي مليانة د&م

..يعني كده كده شوق مش هتشوفني

وفعلا قلعت ..

ولفيت الج&ثة في سجادة

وركنتها في جنب

لغاية ما نشوف هنخلص منها ازاي

وبداءت في التنظيف

 وفضلت ادعك الارض قبل ما

  الد&م ينشف..

وفي اثناء ما كانت شوق بتغسلي هدومي في الحمام 

وانا منغمس في دعك الارض.. والحيطان من الد&م..

فجاءة

 رن الجرس تاني

 ...وبدء دمي ينشف تاني من صوت

 الجرس 

الي مكنش عايز يبطل رن..

للكاتبة..حنان حسن

واضطريت اتسلل بالراحة

 واختلس النظر من العين السحرية

 عشان اشوف مين بره..

ولما بصيت الي الشخص الي بيخبط

لقيتة شخص

 معرفوش..

بس كان واضح عليه الاصرار علي الرن

 لان ايده مكنتش بتترفع من علي الجرس

 وكأن الشخص ده كان متاكد

 ان في حد جوة الشقة..

ومرة واحده

 سمعت صوت موبيل بيرن... رن متواصل

في الاول افتكرت الموبيل الي بيرن خاص بشوق..

فا دخلتلها الحمام بسرعة 

وطلبت منها تيجي تقفل موبايلها 

الي بيرن

 احسن الي علي الباب ممكن يسمعة..

لكن شوق فاجاءتني

 وخرجت الموبيل بتاعها من جيبها

 والغريبة ...

ان موبايلها مكنش بيرن

للكاتبة..حنان حسن

فا قلتلها..

طب روحي بصي من العين السحرية...

 وشوفي يطلع مين الزائر الجديد

الي علي الباب؟

فا خرجت شوق لتري من العين السحرية

 مين الي علي الباب؟

 ولكنها لما رجعت قالتلي...

 انها متعرفش الشخص الي برة ده مين

قلت..امال صوت الموبيل ده جاي منين؟

ولما تتبعت مصدر صوت الرنين.. لقيتة جاي من تحت التربيزة..

وعرفت ساعتها ان الموبيل ده خاص بالقتيل 

طليق شوق..

وواضح انه وقع اثناء المشاجرة..

المهم 

جيبت الموبيل وكان لسة مازال بيرن

 وكان مكتوب اسم المتصل .. 

(سعد الشربيني)

فا مسكتة بسرعة وكتمت الصوت ..

 قبل ما الي علي الباب يسمع صوت الرنين

لكن... 

 الرن لم ينقطع من الاثنين

 سواء جرس الباب...

 او جرس الموبيل

واستمر الرن متواصل..

مما جعلني ان اذهب لالقي نظرة اخري علي من يطرق الباب..

ولما نظرت من العين السحرية..

 لقيتة نفس الشخص الغريب 

لكن كنت ملاحظ انه ماسك الموبيل بتاعة وبيتصل بحد..

وطبعا دا خلاني ربطت بسرعة

 بين رنات الموبيل المستمر

 والشخص المتطفل المزعج الي علي الباب.. 

وشكيت انه يكون الشخص ده له صلة بالقتيل

ولو شكي ده طلع صح

 تبقي كارثة.. 

لان معني كده...

 ان الشخص الي بره ده 

هيبقي عارف ان طليق شوق جوة الشقة..

للكاتبة..حنان حسن

وفضلت افكر شوية 

واقول...

هتصرف ازاي في الورطة الجديدة دي

كمان؟

واخيرا

 قررت ان ادي لشوق الموبيل عشان ترد علي الي بيتصل

 عشان اقطع الشك باليقين..

وطلبت منها انها تكلمة ...و في حالة انه لو طلع بيعرف القتيل فعلا

 تفهمه ان طليقها في الحمام..

وفعلا ردت شوق علي الموبيل

 بعد ما فتحت صوت الميك

عشان اسمع المكالمة

وطبعا انا كنت بتابع الي واقف بره 

عشان اتاكد

 ان كان هو الي بيتصل علي الموبيل ولا لا؟

والمصيبه اني اتاكدت

من الي كنت خايف منه

لان  لما شوق بدات تكلمة 

وهو كمان بدء يرد عليها

للكاتبة..حنان حسن

قالت..الوو

رد المتصل..الوو..ايوه لو سمحتي 

 خلي استاذ جلال يطلعلي

 انا واقف علي باب حضرتك

فا ردت شوق

وقالت.. معلش هو هيقدر يطلعلك دلوقتي

 لان جلال في الحمام

فا ضحك الراجل المتطفل

 وهو بيتزاكي وبيقول...

طالما جلال في الحمام

 يبقي انتوا اتصالحتوا

فا ردت شوق

وقالت...هو حضرتك تعرف جلال طليقي منين؟

قال..اناسعد الشربيني صديق جلال

 و صاحبة..من زمان

وجيت معاه في عربيتة

 لما لقيت اعصابة تعبانه..

وفضلنا واقفين ادام البيت عند حضرتك

 شوية 

لغاية ما جلال شاف واحد لابس بنطالون جينز 

وجاكت بدلة اسود داخل عندك

للكاتبة..حنان حسن

فا جلال قالي انتظرني ودخل عندك عشان يتكلم معاكي

 وانا من ساعتها وانا بنتظرة في عربيتة 

 بس بصراحة من ساعتها 

وانا قلقان لا تكونوا شديتوا مع بعض..

 لكن طالما غاب كده وبتقولي دخل الحمام يبقي اتصالحتوا

 الحمد لله

قوليله بقي اني مستنية بره في العربية بتاعتة..

اه صحيح دنا نسيت 

كنت جاي لية

 ياريت تقولي لجلال يخرج بسرعة

 او يجيب مفاتيح العربية.. 

عشان صاحب العمارة الي انتوا فيها 

كان بيتخانق معايا علي ركنة العربية

 ادام الباب

 لانة مش عارف يركن عربيتة بسببنا

للكاتبة..حنان حسن

فاردت شوق وهي بترتعش

وقالت..ماشي لما يخرج من الحمام هقولة

بعد المكالمة دي 

انا اتاكدت كده

 ان امرنا انا وشوق اتفضح

فا بصتلها

وقلتلها...احنا اتفضحنا يا وش السعد

 وكلها شويةو هنطلع علي المسرح بزفة

وهيسموها زفة علاء بتاع الشاي

فا ردت شوق

وسألتني

وقالتلي..

 لية بتقول كده؟

قلت ..

يعني انتي كل ده مفهمتيش اصلا

تمام...هقولك حاضر

دلوقتي في بره واحد  شاهد علينا

والشاهد ده

هيشهد ان القتيل كان داخل متعصب

ومخرجش بعدها

ولما جلال يختفي

وميظهرش

 الشاهد ده هيبلغ وهيقول كده للبوليس

فا ردت شوق

وقالت..

طيب وبعدين احنا كده روحنا في داهية... وممكن ناخد اع&دام

 لو الي اسمه سعد ده شهد علينا؟

طبعا كلامها ده حطم اعصابي..

وخصوصا انه كلام منطقي جدا..

وبصراحة مبقتش عارف اتصرف ازاي في المصيبة الجديدة دي

لكن لقيت شوق حسمت امرها

و بتقولي بصيغة امر

للكاتبة..حنان حسن

قالت..احنا لازم نخلص من سعد الشربيني

  عشان ميبقاش في شاهد علينا

بعد ماسمعت كلامها.. بصتلها وانا بقول 

في نفسي...

اللهي يجيلك ويحط عليكي يا بعيدة

هو انا كنت لسة خلصت من جثة القتيل  الي في الصالة 

لما هتبليني بجثة جديدة؟

لا البت دي جاحدة وربنا

المهم.. 

قربت من شوق 

وقلتلها ..

يا مدام ارحمي امي

انا عمري ما دب&حت فرخة

 الي انتي بتطلبية ده  

فوق طاقتي

 هارسوووود

قتيلان في يوم واحد ؟

وفي ساعة زمن واحدة؟

ده خط الصعيد معملهاش

ولقيت نفسي بحكم العقل والضمير

للكاتبة حنان حسن

وبقولها..

مينفعش نصلح الغلط بغلط اكبر يا مدام

لكن شوق مسمعتش كلام العقل 

وبدات تولول 

وتقولي...

يا بني ادم افهم...

 احنا هنا في شقتي

 ومعانا قتيل ..

والراجل الي برة ده

 هو الشاهد الوحيد علينا.. 

وبكلمة منه عش&ماوي هيلف الحبل علي رقبتنا 

يعني حياة الشاهد ادام حياتنا

بصراحة شوق كلامها كان منطقي جدا..

وفضلت ادورها في دماغي

واقول...

الراجل الي بره ده 

شاكك فينا 

ولو  اتأكد ان صاحبة اتق&تل

 هيبلغ البوليس

وطبعا رجال الشرطة

 هيعملوا كبسة ع الشقة

واكيد لما هيجوا هيسألوني

 انت اية الي جابك هنا؟...

و لية؟ واقف عريان وبلبوص في شقة المزة دي ؟

و ساعتها لو اقسمتلهم باني قلعت عشان كنت بنظف محدش هيصدقني..

وفعلا هلبس حبل عش&ماوي

للكاتبة..حنان حسن

خلاصة الكلام

وافقت علي اقتراح

شوق جارتي

 ووش السعد عليا

  وقبلت للاسف 

اني اقتل الشاهد الوحيد..

وده كان 

( الق&تيل الثاني)

الي اضطريت اني اقت&لة 

وانا مضطر والله

 بردوا يا جماعة

وفعلا بدائنا بوضع خطة عبقرية كا العادة

وبدائنا الخطة باستدراج سعد للشقة

 عشان نتمكن منة.. 

وكانت الخطة ان شوق تتصل بسعد

 بحجة انه يجي

 عشان

 ياخد مفاتيح

العربية

 ويفضي مكان لسيارة صاحب البيت..

وبدات شوق تتصل بالشاهد الوحيد علينا..

لكن...

اثناء ما كانت شوق بتتصل علي  سعد

حصلت مفاجاءة لا يمكن تتخيلوها....

ادي اخرة الجري ورا النسوان ..

ومش اي نسوان

دا الجري ورا 

 الي تتشل في كبدها شوق جارتي ( المزة)

اديني اتورطت بسببها

 في اكتر من جريمة قتل..

واتحبست مع الجثث

و معاها في شقة واحدة

وانا قالع سلبوتة

 والي يسمع باني كنت  قالع 

في شقة امراة مطلقة

يقول اني كنت بسوي الهوايل

والحقيقة اني كنت قالع لسبب تاني خالص 

اكيد كلكم عارفينة

وكل دا عشان اشرب الشاي مع مخفية الاسم الي بيقولولها يا (شوق)

واديني لا شربت الشاي ولا طفحتة

ويارتها جت لحد كده

دا الي حصلي بعد كده محدش يصدقة

ثواني هسردلكم حكايتي كلها

بس الاول

تعالو نكمل الحكاية

من لحظة ما وقفنا 

......

الجزء الرابع 

فضيحة بالدور الارضي

للكاتبة..حنان حسن

بعد مااقنعتني شوق با اننا لازم نقتل الشاهد الوحيد الي اسمه سعد الشربيني

للكاتبة حنان حسن

وضعنا خطة عشان نستدرجة ..

و الخطة كانت....

 ان شوق تتصل بسعد

 وتطلب منه انه يجي عشان...

 ياخد المفتاح بتاع عربية القتيل ..

لكن... قبل ما شوق تتصل بسعد 

حصلت حاجة مكناش عاملين حسابها..

للكاتبة..حنان حسن

وهي ..اننا سمعنا صوت مشاجرة وصراخ  في الشارع.. ولما بصينا من ورا الشيش انا وشوق..

 لقينا سعد الشربيني ماسك في خناق صاحب العمارة.. 

الي كان عايز ياخد سعد ع القسم.. 

وابن المفضوحة ... "سعد "

عمال يهلل

للكاتبة.. حنان حسن

ويقول...  يا جماعة انا مستني جلال

(طليق مدام شوق)

 هو دخل في الدور الارضي..

 وفضل ينادي

 بصوت عالي

 ويقول..ماتيجي ياعم جلال

 تشوف العالم الز&بالة دي.. 

وفضل يزعق ويشتم صاحب البيت 

وكل ما صاحب البيت وجيرانة..

 يضربوا في سعد...

سعد يتعصب... ويشتم جلال...

 الي كان السبب في وجودة هنا

ويفضل ينادي

 يا جلال.. يا جلال

للكاتبة.. حنان حسن

وكانت فضيحة وامة لا اله الا الله كانت بتحجز بينهم

بصراحة انا قلقت من  غباء سعد ده...

 لانة كان ممكن  يجيب الناس الي في الشارع  لغاية الشقة عندنا

عشان يثبتلهم انه منتظر جلال

وساعتها هيفتكروا اني انا جلال 

و هيضربوني انا كمان ...

 وتبقي الخناقة( ترند) ع الفيس بوك

للكاتبة.. حنان حسن

في اللحظة دي

 انا اتاكدت ان نهايتي انا وشوق 

هتبقي علي ايد ابن المفضوحة ده

لكن طبعا لما لقيت الموضوع كبر ..

 طلبت من شوق تتصل بالي ربنا يهده .. سعد

 وتطلب منه انه يدخل ويفض الخناقة دي

 بحجة ان جلال صاحبة تعبان ..

وعايزه حالا..

للكاتبة.. حنان حسن

وفعلا ...شوق كلمت سعد

 وطلبت منه يدخل

وشوية ....وسعد رن

 الجرس ..

 وساعتها انا كنت واقف ورا الباب..

واول ما فتحت شوق

 وسعد دخل

 خرجت بسرعةمن خلف الباب

 وفاجئتة بخبطة علي راسة 

فا وقع سعد علي الارض

 وفقد الوعي

للكاتبة.. حنان حسن

وبمجرد ما وقع..

جرجرتة من رجلة وسحبتة جنب صاحبة.. 

ودخلت ادور علي اي لزق او حاجة احطهالة علي بوقة(فمة)

عشان لما يفوق

 ميكملش وصلة الردح الي كان عاملها بره

للكاتبة.. حنان حسن

وفعلا لقيت اخيرا شريط لزق عريض في المطبخ 

بس لما رجعت لقيت شوق قاعدة علي صدر سعد

 وحاطة فوطة مبلولة علي نفسة

 وبتخنقة بيها..

 وساعتها انا وقفت متسمر في مكاني

 وانا بشاهد شوق المزة ...الرقيقة مرهفة الحس...

 وهي بتقتل سعد بالطريقة دي..

للكاتبة.. حنان حسن

الي قاهرني...

 اني كنت حاسس...

 ان شوق حابة الموضوع اوي..

فا بصتلها بغيظ

وسألتها

وقلت.. لية بتقتلية يلي تنشكي؟

 يعني انا بجد مش عارف

انتي مستعجلة علي القتل ليه؟..

هو احنا كنا عرفتا نخلص من جثة طليقك 

لما تجبيلي جثة تانية؟

فا ردت عليا رد غبي

لغي صورتها الي في دماغي

وقالتلي...

وهو انا طلبت منك تدفنهم ؟

اتفضل روح كمل الشاي بتاعك وانا هتصرف

فا فضلت ابصلها

وانا هفرقع من الغيظ

وقلت بيني وبين نفسي

هي البت دي عبيطة

ولا تكونش فاكرة ان في خدمة طلبات للمقابر

 و هنبعت نجيب دليفري ياخدهم يدفنهم ؟

المهم...حاولت اتمساك قبل ما افقد اعصابي كلها

وقلتلها..

بصي يا اخت شوق

الناس دول ممتوش علي سريرهم

دول اتقتلوا يعني لازم يتدفنوا في السر

وانتي لا هتعرفي تدفني ولا تنيلي

انتي بتعرفي تورطيني بس

فا سيبيني دلوقتي الله يكرمك

عشان اشوف هنهببهم فين؟

للكاتبة.. حنان حسن

المهم ...

دخلت وقفت جنب الجثتين

وانا بحسبن فيها وفي الي خلفوها

 وفضلت افكر ومحتار هدفنهم فين وازاي؟

لكن قبل ما اهتدي لطريقة لدفنهم

 اتفاجئنا..بالباب بيخبط جامد... والجرس بيرن ..

لدرجة اني حسيت ان الي بيخبط دقيقة كمان وهيكسر الباب

لكاتبة.. حنان حسن

طبعا انا اول تفكير جه في دماغي

 ان الي بيخبط ده هو البوليس ..

و كان طبيعي

 ان البوليس  يجي

 بسبب ابن الموكوسة.. سعد

 الي فضح امي..

وفي اللحظة دي

 لقيت شوق..جاية مرعوبة...وبتعيط  

 لان هي كمان كانت مرعوبة من الخبط الي علي الباب

 وافتكرت ان الي بيخبط كده

هما...  البوليس

ولقيت نفسي بسالها

وبقولها..

 هنعمل ايه؟

للكاتبة.. حنان حسن

لقيتها زادت في العياط وهي بتقولي..

 مش عارفة

خدوا بالكم شوق بتعرف تقتل...وبتعرف تتغابي وبتعرف تلبسك في الحيط

 لكن... متعرفش تقترح اقتراح واحد مفيد ...

ولا تقولي علي حل للمصيبة السودة الي حطتنا فيها 

للكاتبة.. حنان حسن

المهم ..

فضلنا انا وشوق واقفين متسمرين في مكانا

 وكنا مرعوبين حرفيا

 وفضل الباب بيخبط لدرجة انه هيتكسر..

وفي الاخر

استجمعت شجاعتي

وقلت ..افتح وخلاص

يعني هي مو&تة ولا اكتر؟

لكن شوق استوقفتني

وقالتلي...

استني لما

نشوف مين الي بيخبط

من العين السحرية الاول

 وفعلا روحت بصيت من العين السحرية 

بس المشكلة اننا مكناش عارفين نشوف مين بره

 من العين السحرية

 لان الي كان بيخبط

كان سادد العين بايده من بره

للكاتبة.. حنان حسن

ساعتها سلمت بالامر الواقع 

وطلبت من البومة الي مشوفتش من وراها خير

  ..انها تفتح الباب..

وانا وقفت وقفة استعداد

 اني يتقبض عليا (بالمايوه)

 الي انا لابسه ده

للكاتبة.. حنان حسن

وفعلا راحت شوق تفتح..

واول ما اتفتح الباب

اتفاجئنا...

 ان الي كان علي الباب

 هو... صاحب العمارة

 وكان جاي عشان يكمل خناقتة مع (سعد )

عندنا في الشقة

 واول ما دخل صاحب العمارة ...

وشافني واقف مع شوق

 بالملابس الداخلية...

 ومعانا جثتين

فضل الراجل واقف مسهم 

وكانه جاتلة صدمة من المنظر..

في اللحظة دي

 شوق استغلت صدمتة ... وعدم تركيزة

 وراحت خبطاه علي دماغة

للكاتبة.. حنان حسن

وساعتها وقع الراجل علي الارض ..

تسكت شوق علي كدة؟

ابدا...

دي الجاحدة راحت جابت السكينة

 الي علي طبق الفاكهة

وغرزتهالة في قلبة

فا اتجننت لما شوفتها بتخلص علي صاحب العمارة

وسألتها

وقلتلها...هو انتي يا بنتي مش ضربتية علي دماغة

ووقع مغمي علية

لية غرزتي السكينة في قلبة؟ يا غبية دا كدا ممكن يم&وت

 فا ردت ..شوق بمنتهي البرود

وقالتلي.. 

انا اتحسست نبضة

  وهومات  فعلا 

قلت..اللهي يجيلك شلل يا بعيدة

وسالتها...

وقلت...ومين قالك تقتلية يا جاحدة؟

فا ردت شوق بمنتهي الجراءةوالجبروت

 وقالت..

مهو كان لازم يموت يا علاء

 انت ناسي انه شاهد علينا 

وحياتنا كانت هتبقي مقابل حياته؟

قلت.. يعني لو ربنا كان استجاب لدعايا وابتلاكي بالشلل يا بعيدة

مش كان زمانك عجزتي عن التفكير

وايدك اتصابت بالكساح..

وموقعتناش في المصايب دي كلها؟

للكاتبة.. حنان حسن

الخلاصة يا جماعة

ده كان ثالث قتيل اتورطت في قتلة النهاردة

 والسبب هو... طمعي

في كوباية شاي

في بيت جارتي المزة

ويارتني حتي شربتها

دنا شربت المر

ولسة بشرب

المهم...

 بدات افكر من جديد

 وتفكيري دلوقتي اني ازاي اتخلص من الثلاث جثث

وفي اللحظة دي

 جأئتني فكره بمليون جنيه..

عارفين عملت ايه..........؟؟؟؟

تكملة الرواية من هنااااااااا