رواية العرافة العجوز الفصل 31-32-33-34-35-36الاخيره بقلم عادل عبدالله كامله
رواية العرافة العجوز الفصل 31-32-33-34-35-36الاخيره بقلم عادل عبدالله كامله
الحلقة الحادية و الثلاثون
هند هتروح فين
فريد ملكيش دعوة .
خرج فريد سريعا وخرجت وراؤه هند وسألته تعالي هنا قولي أنت رايح فين
فريد نظر لها بتحدي ثم ذهب ودق باب زوجته الأخري سمية !!!!!
فتحت سمية الباب وفوجئت بفريد أمامها فسألته نعم يا فريد فيه حاجة
فريد هتسبيني واقف علي الباب كده
سمية معلش مش هينفع اقولك أتفضل .
فريد لكن ده بيتي مينفعش اقف أستني كده !!!
سمية وبردو مينفعش تدخل وأنا هنا لوحدي .
فريد أنا جوزك !!!
سمية ده علي الورق بس وأنت عارف كده كويس .
فريد طيب وسعي كده خليني ادخل .
سمية وأنا قولتلك مينفعش .
فريد وأنا مش هستني اخد الاذن منك .
وهم فريد بالدخول الي الشقة فخرجت سمية سريعا وقالت مش همنعك تدخل لكن انا هنزل عند ماما طول ما أنت هنا .
وقال لها لأ مش هتنزلي ادخلي جوه انا عايزك .
سمية أنت اټجننت ولا ايه !! سيب ايدي .
فربد لأ مش هسيبك يلا ادخلي ومتخليش حد يسمعنا .
سمية لأ أنت كده اكيد اټجننت الظاهر اني غلطت لما وافقت علي فكرة الجواز دي !!
خرجت الأم علي صوتهم وسألتهم فيه ايه يا ولاد
ردت هند تعالي يا ماما شوفي ابنك عايز ايه !!!!
نظر لها فريد بأستنكار وقال محدش له دخل بيني وبين مراتي !!!
سمية شايفة يا ماما !!! هو ده اللي احنا اتفقنا عليه !!!
الأم مش كده يا فريد ايه اللي انت بتعمله ده !!!
فريد فيه ايه يا أمي ! دي مراتي !!!
الأم مراتك علي الورق زي ما اتفقتوا ولو انت عايز حاجة تانية ميبقاش بالاسلوب ده !!! كده غلط !!!
فريد يعني انتوا كلوا صح وانا اللي غلط !!! طيب أنا هسيبلكم البيت كله وأمشي !!
الام أنت باين عليك اعصابك تعبانة يا فريد تعالي أقعد معايا شوية .
فريد لأ انا همشي خالص .
وتركهم فريد ونزل من المنزل واتصل بصديقه احمد المحامي وقاله انا عايزك يا احمد دلوقتي حالا .
المحامي مالك يا فريد فيه ايه
فريد عايز
أتكلم معاك شوية .
المحامي طيب تعالي المكتب نقعد ونتكلم علي راحتنا .
ذهب فريد يحمل همومه الي مكتب صديقه المحامي !!!
سأله المحامي مالك يا فريد حزين كده ليه
فريد أعصابي تعبانة أوي و حاسس اني متلخبط وافكاري كلها مشوشة !!!
المحامي ليه كده المفروض تفرح انك هتبقي أب !!! ولا أنت خاېف من المسئولية ولا خاېف علي الشقة
فريد مش موضوع الشقة !! لكن انا كنت متاكد اني عمري ما هخلف ابدا وفجأة عرفت أني هخلف !!! يا تري دي حقيقة ولا كدب واذا كان حقيقة أزاي يحصل كده والعرافة قالتلي اني عمري ما هخلف ابدا !!!!
المحامي عرافة !!! أنت بتصدق كلام الناس دي !!
فريد ايوه كل كلامها اتحقق !!!
المحامي كڈب المنجمون ولو صدفوا يا صديقي .
فريد ونعم بالله لكن دي قالت ان اخويا شريف ھيموت وهتجوز مراته وحصل وكمان أخويا اسامة ھيموت وهتجوز مراته وحصل بردو !!! وقالت ان عمري ما هخلف وفعلا كنت بتعالج علشان موضوع الخلفة ده !!!
المحامي يعني أنت دلوقتي متجوز تلاته
فريد أيوه .
المحامي يضحك ربنا معاك يا صحبي ده اللي متجوز واحدة مجنناه فما بالك باللي متجوز تلاته !!!!
فريد انا مش عارف افكر ولا أخد اي قرار !!!
المحامي خلي بالك ان تغريد مراتك لو المحكمة حكمت لها بالطلاق يبقي هتاخد الشقة بعد الولادة علشان هتبقي حاضنة للمولود !!!
فريد دي كمان مشكلة مكنتش عامل حسابها !!! هي هتعيش معانا في البيت ازاي واحنا متطلقين !! دي هتبقي حياة كلها مشاكل !!!
المحامي بلاش نسبق الأحداث دلوقتي وممكن قبل جلسة القضية الجاية نعمل محاولة تانية للصلح أو الحل الودي معاها .
فريد طيب يا أحمد شوف الصح وأعمله .
المحامي المهم دلوقتي عايزك تروق كده وافرح يا عم انك هتبقي اب وانسي كلام الخرافات والدجالين ده .
مشهد اخر
بعد خروج فريد من المنزل قالت سمية والدموع علي وجهها بعد اللي حصل ده أنا مليش مكان هنا في البيت وهرجع بيت أهلي .
الأم أوعي تعملي كده !! ده بيتك وبيت ابنك .
سمية
انتي مشوفتيش هو عمل معايا ايه !!!!
الأم معلش فريد حاسس أنه مرتبك ومش قادر يصدق أنه هيبقي اب مش قادر يصدق أن كلام العرافة اللي مسيطر علي تفكيره كله كدب في كدب !!!
سمية وأنا ذنبي ايه
الأم معلش يا حبيبتي أنا عارفه فريد كويس كل اللي عمله ده كان عايز مكان يقعد فيه بهدوء بعيد عن ضغط هند عليه .
سمية أنتي شوفتي مسكني من دراعي ازاي !!
الأم خلاص بقي حقك عليا انا .
سمية متقوليش كده يا ماما .
الأم يا بت يا سمية ده انتي بنتي اللي مخلفتهاش عارفة لو مشيتي من البيت همشي انا كمان وهروح معاكي مطرح ما تروحي .
سمية تبتسم ومازالت الدموع علي وجهها أنتي تشرفينا يا ماما .
الأم خلاص بقي أوعي تقولي كده تاني .
سمية حاضر يا ماما .
وبعد قليل دقت هند باب شقة حماتها ودخلت عندها تبكي .....
هند شوفتي يا ماما فريد عمل ايه
الأم اسكتي أنتي بالذات علشان ضغطك عليه هو سبب اللي عمله ده .
هند أنا
الأم ايوه فريد ابني لما بيتوتر مبيعرفش هو بيعمل ايه .
هند وانا مالي !! هو أنا اللي وترته !!!
الأم يا هند انتي ضغطي عليه وهو في قمة توتره !!!
خرج فريد من عند صديقه المحامي بعد ان هدأت اعصابه وفي طريق عودته شعر فريد بخطأه الفادح مع سمية وأسلوبه الھمجي معها !!!
عاد فريد الي المنزل وكانوا جميعا في شقة والدته فقال لهم كويس أوي انكم كلكوا موجودين هنا .
نظرت له سمية ثم أدارت وجهها غاضبة في الأتجاه الأخر !!!
فريد أنا أسف يا جماعة كنت متوتر ومش عارف انا بعمل ايه ولا بقول ايه .
الأم مش أنا قولتلك كده يا سوسو !!
سمية وأنا ذنبي ايه يا ماما
فريد أنا اسف يا سمية حقك عليا .
نظرت له سمية والدموع في عينيها وقالت خلاص محصلش حاجة .
هند خلاص بقي يا سمية بطلي تمثيل بقي .
سمية أنا بمثل !!
هند أيوه بلاش أفورة بقي فريد اعتذرلك وخلصنا .
سمية بعصبية أنتي مالك أنتي !!
هند
يعني ايه انتي مالك !!!
فريد خلاص بقي ارجوكوا مش عايز مشاكل بعد أذنكم أنا عندي مشكلة كبيرة ومحتاج جو هادي علشان أشوف هعمل فيها ايه .
الأم يا ابني انسي همومك وافرح بأنك هتبقي أب حتي لو كان فيه مشاكل حتي لو كانوا هيتربوا مع امهم ومش معاك لكن عيش فرحتك واتمني الخير وبأذن الله ربنا يصلح حالك وتتحل كل مشاكلك .
فريد يارب يا ماما ربنا يسمع منك .
الأم طيب خد مراتك يا فريد واطلع أرتاح .
فريد بسخرية مراتي مين فيهم
الأم قصدي هند خد هند وأطلع وأنتي يا هند بلاش كلام ومناقشات كتير علشان جوزك مشغول وربنا يعينه علي مشاكله .
هند حاضر يا ماما .
صعدت هند مع فريد لشقتهم بينما ظلت سمية مع الأم .
الأم وانتي يا سوسو عايزاكي تكلميني بصراحة .
سمية نعم يا ماما .
الأم أنتي ليه مش عايزة علاقتك بفريد جوزك تبقي علاقة طبيعية
سمية زي ما قولتلك قبل كده يا ماما أنا حبيت أسامة ومش هقدر انساه ولا اعيش مع زوج تاني أنا وافقت بس علشان أنتو قولتو أنها وصية اسامة وأن الجواز هيكون صوري بس قدام الناس .
الأم اعملي اللي انتي شايفاه صح دي حياتك وأنتي حره فيها .
مرت عدة أيام بينما فريد مازال مهموم بمشكلته مع تغريد ولا يستطيع تصديق أنه بالفعل سيصبح أب !!!
حتي اتصل به صديقه المحامي وقاله أنت عامل ايه دلوقتي يا فريد
فريد الحمد لله .
المحامي أنت كنت متوتر اوي اخر مرة كنت فيها عندي !!
فريد الحمد لله دلوقتي أحسن .
المحامي أنا حبيت افكرك بميعاد قضية الطلاق فاضلها أسبوعين !!
فريد أيوه انا فاكر الميعاد .
المحامي طيب تحب اكلم خالها علشان نحاول نصلح بينكم ولا ناوي تكمل في طريقنا القانوني
فريد كلمه انت يا أحمد أنما أنا الأفضل أني أكون بعيد دلوقتي .
المحامي ماشي يا فريد هعمل محاولة اخيرة قبل ميعاد جلسة المحكمة .
يتبع
الحلقة الثانية و الثلاثون
المحامي طيب تحب اكلم خالها علشان نحاول نصلح بينكم ولا ناوي تكمل في طريقنا القانوني
فريد كلمه انت يا أحمد أنما الأفضل أني أكون أنا بعيد دلوقتي .
المحامي ماشي يا فريد هعمل محاولة اخيرة قبل ميعاد جلسة المحكمة .
وبعد أيام أتصل المحامي بفريد وأخبره بأن تغريد علمت بزواجه ايضا من سمية مما جعلها ترفض أي محاولة للصلح !!!
وفي يوم جلسة المحكمة شاهد فريد تغريد وكانت مظاهر تعب الحمل واضحة عليها .
وأمام القاضي رفضت تغريد أي محاولات للصلح وبعد مرافعات محاميين لكلا من المدعيه والمدعي عليه أقتنعت المحكمة بأسباب طلبها للطلاق مما جعلها تحكم لها بالطلاق .
خرج فريد من المحكمة يكاد الشرر يتطاير من عينيه ڠضبا !!
حاول المحامي تهدئة فريد ولكن فريد كان يعلم أن طلاق تغريد منه سيشعل حلقة جديدة من حلقات الصراع الدائرة حوله !!!
المحامي بلاش يا فريد تروح وأنت بالشكل ده .
فريد أنا هتجنن يا احمد مكنتش أتخيل أني أصطر اطلقها ڠصب عني بالشكل ده ابدا .
المحامي معلش يا فريد دي مش أخر المطاف لكن ما دام هما اللي بدأوا يبقي يكملوا معانا للأخر !!!
فريد أنا مش عارف أعمل ايه دلوقتي لكن هي كده اكيد هتكسب قضية الشقة وبعد الولادة هترفع قضية نفقة كمان للمولود والاكبر من كل ده أنا مش عارف لما هي تيجي تقعد في الشقة هنعيش كلنا في بيت واحد أزاي !!! ده غير أبني أو بنتي اللي هيكون معايا في نفس البيت وممكن تمنعني أني أشوفه !!!
المحامي بص يا فريد هي لو كسبت قضية الشقة كمان وقعدت فيها يبقي هتفتح علي ننفسها طاقة من جهنم !!
فريد ليه مش فاهم !!!
وفجأة يرن جرس هاتف فريد
المتصل كانت هند !!!!
رد فريد عليها أيوه يا هند .
هند بصوت منخفض أنت فين تعالي دلوقتي حالا .
فريد حاضر يا هند أنا جاي .
هند تعالي بسرعة فيه مفاجأة مش هتصدق عينيك لما تشوفها .
فريد مفاجأة ايه يا هند اتكلمي
هند تضحك بصورة عالي مش هينفع اقولك الا لما تيجي بنفسك وتشوف .
فريد وأنتي بتوطي صوتك كده ليه
هند لما تيجي وتشوف المفاجأة هتعرف .
فريد تصدقي انتي معندكيش ډم بدل ما تسأليني عملت ايه في القضية النهاردة بتضحكي وتقوليلي مفاجأة وكلام فارغ !!!
هند بقي أنا معنديش ډم !!! ماشي يا فريد أنا مش هرد عليك دلوقتي لما تيجي وتشوف المفاجأة الأول وبعدين لنا كلام مع بعض .
فريد طيب أنا جاي في الطريق .
أغلق فريد المكالمة مع هند وسأله صديقه المحامي فيه ايه يا فريد
فريد دي مراتي بتتصل وتضحك وبتقولي عملالي مفاجأة !!
اندهش صديقه احمد المحامي وقال ومش سألتك عملت ايه في القضية
فريد لأ !!
المحامي يضحك تصدق فعلا الست
دي كائن غريب متقدرش تفهمهم أبدا يعني بدل ما تهتم بمصېبة القضية بتاعتك تقوم تعملك مفاجأة !!! تلاقيها عملالك صنية بطاطس باللحم في الفرن !!!
فريد أنت كمان بتهزر يا احمد !!!
أحمد المحامي أنا مبهزرش هما الستات كده دماغهم غريبة ومش هتعرف تتوقع دماغهم .
فريد أنت عندك حق .
احمد المحامي يضحك طيب يلا روح شوف صنية البطاطس اللي مستنياك في البيت علي ما نشوف هنعمل ايه مع تغريد مراتك قصدي طليقتك .
عاد فريد الي المنزل وبمجرد دخوله من باب المنزل من الأسفل لاحظ فريد وجود اصوات عالية وحركة غير طبيعية في المنزل !!!
بدأ فريد يصعد الي شقته ولكنه لاحظ أن باب شقة والدته مفتوح واصوات عالية تخرج منه فدخل من الباب ليفاجئ بأخيه أسامة !!!!
وقف فريد في ذهول !!! لا يستطيع عقله أن يصدق ما تراه عينيه !!!!!!
كان أسامة يجلس في منتصف الشقة وجميع العائلة حوله !!!!!!!
دخل فريد وقالت له أمه مش قولتلك يا فريد !!! مش قولتلك قلبي بيقولي أن أسامة أبني عايش !!!
جري فريد علي أخاه وقال له حمدلله ع السلامة يا أخويا .
وظل يحتضنه ويتحسسه وهو لا يكاد لا يصدق انه بالفعل مازال حي بين يديه !!!!
أسامة الله يسلمك يا اخويا ازيك يا فريد عامل ايه وحشني اوي !!
فريد أنت وحشني أكتر والله با اوس اوس أحكيلي ايه اللي حصل أحنا بعد الشړ افتكرنا انك بعد الشړ موتت .
أسامة يضحك عمر الشقي بقي أنا الوحيد اللي ربنا كتبلي النجاة من اللي كانوا علي الطيارة .
فريد الحمد لله الحمد لله انك بخير يا أسامة احكيلي ايه اللي حصل
الأم سيب أخوك دلوقتي يا فريد هو راجع تعبان .
أسامة لا أبدا يا ماما أنا الحمد لله كويس اللي حصل ان فجأة حسينا أن فيه حاجة علي الطيارة مش طبيعية بعدها حسيت أن الطيارة بتقع واللي عرفته بعد كده ان راسي اتخبطت في حاجة في الطيارة ففقدت الوعي !!! ولما الطيارة وقعت فضل جسمي عايم علي وش البحر والامواج بترميني يمين وشمال وأنا مش حاسس بأي حاجة من كل اللي بيحصل !!!
فريد وبعدين
أسامة سفينة من السفن شافوني ونزلوا أخدوني وأنقذوني وكنت لسه فاقد الوعي والفريق الطبي اللي علي السفينة قدروا بفضل الله ينقذوني وأعود لوعيي تاني لكن كنت فقدت الذاكرة بشكل جزئي والمشكلة أن جواز السفر في الشنطة وكل ده ضاع في البحر !!! أنا مكنتش عارف أي حاجة ولا عارف ايه سبب اني ڠرقت في البحر ولا أعرف حاجة عن السفينة ولا فاهم اي حاجة !!! كل اللي كنت فاكره ان أسمي اسامة لكن معرفش أي حاجة تانية عن السفر أو الحاډثة أو وصلت للسفينة ازاي !!!
فريد وبعدين
أسامة طقم السفينة أخدوني معاهم السفينة كانت من السلفادور ورجعت معاهم بلدهم وانا معرفش اي حاجة !! ودخلت المستشفي هناك وفضلت تحت رعاية طبية لفترة وبدأت ترجع لي الذاكرة شوية شوية كل يوم وبدأت أفتكر كل حاجة واحدة واحدة كل يوم لكن معرفش أي حاجة عن أرقام تليفوناتكم ولا أتواصل معاكم ازاي !!! وبعد خروجي من المستشفي وكانت الذاكرة عادت ليا بنسبة ٧٠ و كنت عايز أرجع مصر تاني لكن للأسف كان مش معايا فلوس ومفيش حد يساعدني علشان ارجع .
فريد ومفيش حد ساعدك انه يدفعلك مصاريف السفر لحد ما ترجع
أسامة للأسف لأ وأتدينت بمبلغ كبير للمستشفي اللي أتعالجت فيها وأضطريت اني أقيم هناك فترة وأشتغل علشان أسدد الفلوس اللي مديون بيها واحوش فلوس للسفر علشان اقدر ارجع تاني هنا .
فريد اهم حاجة انك رجعت بالسلامة .
أسامة الحمد لله .
فريد المهم انت دلوقتي رجعت طبيعي ولا لسه فيه حاجة تعباك
أسامة الحمد لله الذاكرة رجعتلي ١٠٠ لكن للأسف فيه بعض التجلطات الدموية فضلت علي جزء من المخ أثرت علي حاسة الشم عندي فحاليا مش بشم ولا اعرف اي ريحة نهائي !!
فريد المهم أنك عايش وسليم واذا كان علي حاسة الشم نبقي نحاول نعالجها .
أسامة المشكلة الأكبر أن كل أوراق أثبات الشخصية وأوراق اثبات فلوسي اللي في البنك ضاعت ومش عارف هقدر أخد فلوسي من البنك ازاي !!
فريد كل ده سهل احمد المحامي صاحبي هيعملك كل الاوراق دي لحد ما ترجعلك فلوسك كلها .
هند كانت تقف بجوارهم وعلي وجهها سعادة بالغة وفرحة كبيرة بينما كانت الأم تحتضن أسامة ولا تريد أن تفارقه أبدا .
الأم يا فريد كفاية بقي كلام سيب أخوك يرتاح وبعدين أقعدوا أتكلموا مع بعض علي راحتكم .
فريد يضحك خلاص يا ماما طبعا مين قدك دلوقتي يا ست الكل ابنك حبيبك رجعلك .
الأم ربنا بخليكو ليا يا حباببي يلا يا اسامة خد ابنك ومراتك واطلع ارتاح في شقتك .
يتبع
الحلقة الثالثة و الثلاثون
الأم يا فريد كفاية بقي كلام سيب أخوك يرتاح وبعدين أقعدوا أتكلموا مع بعض علي راحتكم .
فريد يضحك خلاص يا ماما طبعا مين قدك دلوقتي يا ست الكل ابنك حبيبك رجعلك .
الأم ربنا بخليكو ليا يا حباببي يلا يا اسامة خد ابنك ومراتك واطلع ارتاح في شقتك !!!!!!!
فريد أستني يا ماما أنتي بتقولي ايه !!!!
كانت سمية تقف في صمت وذهول !!!
لا تدري ماذا ستفعل !! ولا تعلم هل هي زوجة أسامة ام زوجة فريد
فأسامة لم يطلقها وها هو قد عاد !!!
وفريد هو زوجها الحالي بالفعل !!! فماذا ستفعل !!
أسامة مالك يا فريد
فريد أستني يا أسامة اصل انت مش عارف حاجة .
أسامة مش عارف ايه اتكلم .
فريد أنا مش عارف أتكلم ازاي !!!!
أسامة بعصبية اتكلم فيه ايه
فريد اصل حصلت حاجات كتير بعد الحاډثة .
أسامة ايه اللي حصل
فريد أنا أتجوزت سمية .
قام أسامة منتفضا وامسك بفريد بتقول أييييه !!!
فريد أهدا بس واسمعني الأول .
أسامة بصوت عالي أهدا ايه واسمع ايه !! يخربيوتكم !!!!
فريد محصلش حاجة اقعد بس وأفهم .
أسامة أفهم ايه يخربيتك !!!
فريد يا أسامة محصلش حاجة والله أحنا أتجوزنا علي الورق بس .
أسامة يعني ايه
فريد يعني أتجوزنا جواز صوري علي الورق مش جواز حقيقي .
أسامة أتجوزتها أزاي وهي لسه مراتي
فريد انا هحكيلك كل حاجة بس أهدا وأقعد .
جلس أسامة ثم قال له قعدت اهو أحكي .
فريد بعد الحاډثة يا اسامة كنا لازم نطلعلك شهادة ۏفاة علشان مراتك وابنك ياخدوا ورثهم بأعتبار أنك موتت .
أسامة وبعدين
فريد أخدنا شهادة الۏفاة بعد ٣٠ يوم من الحاډث .
أسامة اللي أعرفة أن لازم يمر ٤ سنين علي الغياب علشان تطلع شهادة ۏفاة !!!
فريد ده في حالات تانية أنما حالتك كانت الۏفاة مؤكدة علشان كدة أخدنا شهادة الۏفاة بعد مرور ٣٠ يوم .
أسامة وبعدين
فريد أخدنا شهادة الۏفاة وسمية استلمت الورث وأنا أفتكرتك لما وصيتني وقولتلي لو حصلك حاجة أتجوزها واراعيها هي وابنك .
أسامة وطبعا أنت ما صدقت و نفذت الوصية وأتجوزتها !!!
فريد اتجوزتها علي الورق بس علشان انفذ وصيتك .
أسامة وأنا أضمن منين أن كلامك حقيقي وأن جوازكم صوري بس
سمية تقاطعهم أيوه يا أسامة والله الجواز كان صوري بس مش أكتر .
أسامة ما أنتوا لازم تقولوا كده طبعا .
سمية والله هي دي الحقيقة انا كمان كنت رافضة ومش وافقت الا لما عرفت أنها وصيتك ولازم أنفذها .
أسامة ينظر لفريد ولسمية في شك وريبة من كلامهم ولا يكاد يصدقهم !!
الأم صدقهم يا حبيبي أنا شاهدة وعارفة كل حاجة جوازهم فعلا كان صوري ومحصلش دخلة وأسأل هند كمان أكيد طبعا
هند مش هتكدب في حاجة زي دي .
نظر أسامة لأمه ثم لهند ومازالت نظرة الشك في عينيه !!
الأم لهند ما تتكلمي يا هند قوليله .
هند الصراحة اللي أنا أعرفه أن جوازهم كان جواز صوري علي الورق وبس وأنه تنفيذ لوصيتك علشان كده وافقت .
أسامة لكن ممكن .....
فريد مش ممكن يا أسامة هند كانت بتراقبني زي ضلي بالظبط ليل ونهار من شدة الغيرة يعني لو كان حصل حاجة كانت عرفت وبعدين يا أخويا أنا اتجوزتها علشان انفذ الوصية مش أكتر .
أسامة طيب ودلوقتي الحل ايه
فريد مش عارف أنا هكلم أحمد صاحبي المحامي وهو اللي هيدلنا نعمل ايه في الموقف ده .
أسامة قبل ما تكلم المحامي أنا عايز أسأل سمية سؤال واحد بس أنتي عايزة ترجعيلي يا سمية ولا خلاص
سمية ودي محتاحة سؤال !!!! طبعا عايزة ارجعلك .
فريد طيب معلش يا جماعة انا موقفي كده محرج اوي ياريت يا سمية تروحي أنتي عند اهلك لحد ما نشوف الموقف القانوني ونشوف هنتصرف أزاي .
أتصل بعدها فريد بصديقه المحامي وقاله شوفت يا صحبي المفاجأة اللي كانوا بيقولولي عليها طلعت ايه
المحامي طلعت ايه
فريد أخويا أسامة رجع .
المحامي أخوك اسامة اللي ماټ !!!
فريد الحمد لله طلع مماتش ورجع .
المحامي بتتكلم جد
فريد أيوه أنا كمان مكنتش مصدق عينيا لما شوفته .
المحامي ألف مبروك دي معجزة !!
فريد الحمد لله كنا عايزين نسألك عن شوية مشاكل قانونية بالنسبة لمراته اللي انا اتجوزتها وبالنسبة لميراثه اللي راح لمراته !!!
المحامي بالنسبة للميراث لازم يترد تاني لذمة اخوك أما بالنسبة لزوجته اللي أنت أتجوزتها بأعتبار أنه ټوفي هنرفع دعوي فسخ عقد لعقد جوازك منها وبعد الحكم وشهور العدة هترجعله تاني .
فريد لكن كده الأجراءات دي هتاخد وقت طويل !!!
المحامي ممكن منرفعش دعوي وتطلقها انت النهاردة وتتحسب عدة الطلاق من النهاردة ويبقي بكده أختصرنا الوقت والأجراءات .
فريد تمام أنا فعلا هعمل كده متشكر اوي يا أحمد .
المحامي لا شكر علي واجب يا فريد انت زي أخويا بس فيه خبر لسه عارفه من شوية هيضايقك شوية .
فريد خبر ايه
المحامي تغريد طليقتك أخدت النهاردة حكم تمكين من الشقة والمفروض الحكم ده هيتنفذ خلال أيام .
فريد وأحنا المفروض نعمل ايه دلوقتي
المحامي للأسف مفيش حاجة في ايدينا نعملها انت تاخد كل الحاجات اللي في الشقة ومش مكتوبة في القايمة ولما ييجوا ينفذوا الحكم تسلمها الشقة .
فريد وهتعيش معانا في بيت واحد ازاي بالوضع ده !!!
المحامي الوضع هيبقي غريب واكيد هتحصل مشاكل والمفروض أنها هي اللي تقلق من الوضع ده !! وأهم حاجة متحاولش تبدأ مشاكل من ناحيتك انت واسرتك علشان الوضع هيكون حساس شوية خصوصا في الاول .
فريد حاضر
يا صديقي .
أغلق فريد المكالمة مع المحامي ثم نظر لسمية وقالها أنتي طالق لو حابة ترجعي بيت اهلك لغاية العدة ما تخلص وبعدين ترجعي لاسامة براحتك ولو عايزة تفضلي في شقتك وأسامة يقعد مع ماما هنا في شقتها بردو براحتك .
سمية لأ أنا هفضل في شقتي احسن .
نظر فريد تجاه هند فوجد ملامح السعادة تكسو وجهها !!!
سألته والدته هي مين اللي هتعيش معانا هنا
فريد تغريد يا ماما .
الأم أزاي
فريد احمد المحامي قالي أنها خلاص أخدت حكم تمكين من الشقة وهتيجي تستلمها وتعيش فيها .
الأم و هتعيش معانا ازاي بعد القضايا والمشاكل اللي بينكم
فريد معرفش يا ماما لكن ده ڠصب ومش بمزاجنا ده حكم محكمة .
الأم طيب يا بني ربنا يعمل اللي فيه الخير .
فريد المحامي بيقولي اهم حاجة متحصلش مشاكل من ناحيتنا علشان الوضع هيكون حساس اوي .
صعد فريد مع هند الي شقتهم والابتسامة تملأ وجهها .
فريد أنا نفسي اعرف أتتي بتضحكي كده ليه
هند علشان اخوك اسامة رجع طبعا .
فريد أيوه يعني فرحانه لرجوعه علشان اطمنا عليه وطلع لسه عايش ولا علشان طلقت سمية وهترجعله
هند علشان كل حاجة يا فريد اولا اطمنا أنه لسه عايش فبدل ما هيكون لاولادي عم واحد هيكونوا اتنين ومن ناحية تانية بعد ما طلقت سمية هتبقي انت ليا لوحدي .
فريد أنتي نسيتي حاجة مهمة أوي .
هند ايه
فريد نسيتي أن تغريد هترجع وتعيش معانا هنا في البيت .
يتبع
الحلقة الرابعة و الثلاثون
هند علشان كل حاجة يا فريد اولا اطمنا أنه لسه عايش فبدل ما هيكون لاولادي عم واحد هيكونوا اتنين ومن ناحية تانية بعد ما طلقت سمية هتبقي انت ليا لوحدي .
فريد أنتي نسيتي حاجة مهمة أوي .
هند ايه
فريد نسيتي أن تغريد هترجع وتعيش معانا هنا في البيت .
هند بصراحة فرحتي برجوع اسامة وطلاقك لسمية غطت علي موضوع تغريد رغم أني مش مطمنة اوي .
فريد مش مطمنة ازاي
هند أخاف وجودها هنا يخليك تضعف وتحن لها تاني .
فريد لا اطمني حتي لو أنا حبيت أرجعلها هي رافضة .
في منزل أم تغريد
خال تغريد ألف مبروك يا تغريد يا بنتي .
تغريد الله يبارك فيك يا خالو .
خالها مالك شكلك مش فرحانة ليه
تغريد لأ أبدا مفيش .
أم تغريد أوعي تكوني شايلة هم أنك هتروحي تعيشي هناك وسطهم !! مټخافيش أنا وأخواتك هنروح نقعد معاكي هناك و مفيش حد هيقدر يتعرضلك البوليس موجود .
خال تغريد أيوه متشليش هم حاجة زي كده ولو حصل ان اي حد ضايقك قوليلي وشوفي أنا هعمل ايه .
تغريد ربنا يخليك لينا يا خالو أنا بفكر أفضل عايشة هنا ومروحش هناك .
خالها ليه ده انت معاكي حكم محكمة و هنفذه خلال أيام !!
تغريد مش عايزة أشوفه يا خالو .
الخال قصدك فريد
تغريد أيوه .
الخال وأنتي مالك وماله كل واحد في حاله !
أم تغريد أنا فاهمة هي قصدها ايه .
الخال طيب فهميني انا كمان .
أم تغريد اصلها الخايبة لسه بتحبه فبتفكر هتشوفه ازاي مع مرتاته الاتنين !!
الخال لسه بتحبيه
تغريد تنظر في الارض و لا تتكلم !!!!
الخال ده أنتي خايبة اوي !!! أزاي تحبيه بعد كل ده !!
تغريد مش بأيدي يا خالو .
الخال ولما أنتي بتحبيه كنتي خلتينا نعمل كل ده ليه وقضايا ومحاكم !!!
تغريد حسيت أني مقهورة لما عرفت أنه أتجوز عليا يا خالو اللي اسمها هند حسيت أن قلبي انكسر .
الخال ورغم كده لسه بتحبيه !! حتي بعد ما عرفتي أنه أتجوز واحدة تانية كمان !!
تغريد جوازه من هند كانت صدمة هزتني من جوايا وكسرت قلبي ورغم كده كان ممكن لو عرف غلطته واعتذر وطلقها كنت ممكن أفكر ارجعله لأني حقيقي حبيته .
أم تغريد ترجعيله !!!!! بعد ما يتجوز عليكي ويكسر قلبك بتقولي ترجعيله !!!
تغريد أنا كمان قولت لو كان حس بغلطته واعتذر وطلقها .
ام تغريد وليه ليه ترجعيله بعد ما عمل فيكي كده !!!
تغريد علشان حبيته يا ماما بجد فريد هو الحب الوحيد في حياتي لكن بعد ما أتجوز سمية كمان مستحيل أرجعله حتي لو كنت ھموت .
أم تغريد بعد الشړ عليكي يا حبيبتي .
تغريد علشان
كده بقول أني مش عايزة أروح اعيش هناك علشان ميفضلش قلبي مكسور كل ما اشوفه قدامي .
خال تغريد لا يا تغريد أنتي تروحي تقعدي في شقتك مع مامتك واخواتك عادي جدا علي الاقل الشهر الباقي في الحمل قبل الولادة وبكده نكون اثبتنا حيازتك للشقة ووجودك فيها ولما تولدي ممكن تيجي تقعدي هنا شوية وبعدين تفكري وتشوفي هتقدري تعيشي هناك ولا لأ وأنا متأكد أن الموضوع هيكون صعب في الأول بس أنما بعد كده هتقدري تعيشي هناك في شقتك عادي .
بعد يومين اتصلت هند بفريد في الشغل وقالتله أنت فين يا فريد
فريد هكون فين يعني !! في الشغل طبعا .
هند في مفاجأة لما تعرفها هتتجنن .
فريد يضحك مفاجئة ايه أسامة رجع تاني ويضحك بصوت عالي .
هند أنا بتكلم جد مفاجأة لما تعرفها هتجنن وهتطير من الفرح .
فريد حيرتيني معاكي يا هند مفاجاة ايه قولي .
هند لأ مش هينفع في التليفون .
فريد مادام مش عايزة تقولي برحتك انا هتصل بأمي وأسألها .
هند لأ لسه مفيش حد يعرف المفاجأة دي .
فريد طيب قولي بقي يا هند .
هند لأ خليها مفاجاة وفكر فيها لحد ما ترجع .
فريد ماشي يا هند .
وطوال الوقت ظل يفكر في ماهية المفاجاة التي كلمته عنها هند حتي عاد فريد من عمله وفي الطريق ظل يخمن .
وصل فريد المنزل ومظاهر الهدوء واضحة علي المنزل .
دخل عند والدته ووجد أسامة عندها وسلم عليهم وظل معهم لدقائق ولم يخبره احد بأي مفاجأة !!!
صعد فريد شقة هند وعندما دخل وجد هند في انتظاره تبتسم ومظاهرة الفرحة العامرة واضحة عليها .
سالها فريد خير بقي ايه هي المفاجأة
هند طيب انت مستعد للمفاجأة
فريد أيوه .
اقتربت منه هند وقالت فريد أنا حامل .
فريد بتتكلمي جد
هند ايوه انا كنت شاكة من كام يوم ولما روحت النهاردة الصبح وعملت تحاليل أتأكدت أن أنا حامل .
ضمھا فريد وقال الف مبروك يا هند .
هند فرحان بجد يا فريد
فريد أيوه طبعا .
هند فرحت اكتر لما عرفت ان انا حامل ولا لما عرفت أن تغريد حامل
فريد أنتوا الاتنين لكن الصراحة انا استقبلت خبر حمل تغريد پصدمة وكنت مش متوقع ولا مصدق أنما انا دلوقتي فرحت اكتر لأني كنت مؤهل أن ممكن يحصل .
هند هتبقي ابو ابني يا فريد .
فربد ألف مبروك يا هند أنا كده كده ابو ولادك حمزة ورودينا واللي هييجي كمان هيزيد ارتباطنا ببعض أكتر .
هند ربنا يخليك لينا يا فريد .
فريد أنتي قولتي لماما
هند لأ لسه مفيش حد يعرف الا انا وانت بس .
فريد طيب أنا هنزل أقولها وافرحها وأنتي من النهاردة خلي بالك من نفسك واوعي تجهدي نفسك او تشيلي حاجة تقيلة
ابتسمت هند حاضر يا حبيبي .
نزل فريد عند والدته ووجد عندها اسامة فقال لهم انا عندي مفاجاة حلوة اوي .
الأم خير يا حبيبي
فريد هند حامل .
الأم ألف ألف مبروك يا حبيبي يتربي في عزك ان شاء الله .
فريد ربنا يخليكي ليا يا ماما .
أسامة ألف مبروك يا فريد شوفت يا عم مش كنت خاېف انك متخلفش أهو هتخلف وهتبقي اب .
فريد ده انت متعرفش كمان تغريد حامل .
أسامة ايوه ما انا عرفت من ماما ألف مبروك يا ابو العيال .
فريد الله يبارك فيك يا أسامة انتو عارفين يا جماعة اللي محيرني ايه
أسامة ايه
فريد أن كلام العرافة كان بيتحقق قدام عينيا حاجة ورا التانية لدرجة أني كنت مصدق ومتأكد أن كل كلامها حقيقي وهيحصل لكن بعد كده أكتشفت أن حاجات كتير قالتها ومحصلتش !!!!!
أسامة يا أخويا اللي حصل في الأول دي كانت صدف مش أكتر أنما مفيش حد بيعلم الغيب الا ربنا سبحانه وتعالي .
فريد ونعم بالله طيب ولما كانت العرافة بتظهر لي وتقولي علي اللي بيحصل !! بردو صدف
أسامة يا حبيبي ده عقلك الباطن اللي كان مشغول بكلامها ومصدقه هو اللي كان بيخليك تشوفها في الأحلام .
فريد بجد
أسامة أيوه طبعا واهو انت بنفسك شوفت ربنا نجاني من الحاډث ومموتش غريب ولا حاجة زي ما قالت وكمان قالتلك انك مش هتخلف واهو تغريد هتخلف منك وكمان هند .
فريد وبالنسبة لمۏت شريف بمرض زي ما العرافة قالت
أسامة هي دي الصدفة الوحيدة اللي حصلت فعلا وكانت سبب أنك تصدق باقي كلامها وكدبها .
الأم شوفت يا فريد انا قولتلك كڈب المنجمون ولو صدفوا وأهو اتأكدت بنفسك أن كلامها كله كدب أنا زمان كنت بصدق زيك كده لحد ما ابوك الله يرحمه فهمني وعرفني ان كل كلام الناس دي كدب .
في اليوم التالي اتصل المحامي بفريد وقاله .....
المحامي اخبارك ايه يا فريد
فريد الحمد لله تمام .
المحامي كنت عايز أقولك اعمل حسابك بكره الصبح تغريد طليقتك هتروح البيت عندكم علشان تستلم الشقة .
فريد بكره
المحامي أيوه أنا قولت أعرف علشان تعمل حسابك وتقول لاهلك يتقبلوا الوضع وحاول انت كمان تسيطر علي أعصابك ومش عايزين مشاكل من أولها علشان مش هتبقي في صالحك خصوصا في الوقت ده .
يتبع وووووو
رواية العرافة العجوز الحلقة الخامسة والثلاثون
المحامي أيوه أنا قولت أعرفك علشان تعمل حسابك وتقول لاهلك يتقبلوا الوضع وحاول انت كمان تسيطر علي أعصابك ومش عايزين مشاكل من أولها علشان مش هتبقي في صالحك خصوصا في الوقت ده .
فريد متقلقش من الناحية دي انا هسيبلك مفتاح الشقة و مش هكون موجود و اهلي كمان هنبه عليهم محدش يتدخل منهم .
المحامي تمام كده .
في اليوم التالي ذهبت تغريد برفقة والدتها واخواتها ريماس وشادي وخالها واستلموا الشقة في غياب فريد في عمله .
كانت تغريد تترقب رؤية فريد وايضا تريد رؤية هند وسمية !!
ولكنها اصابها الذهول عندما رأت أخيه أسامة !!!
تغريد تصدقي يا ماما انا لسه حالا شايفة أسامة اخو فريد !!!
امها ازاي !! مش ده اللي وقعت به الطيارة في البحر !!!
تغريد أيوه يا ماما !! معقول لسه عايش ولا أنا بيتهيألي
أمها الله اعلم كل شئ جايز .
تغريد طبعا مشكلة كبيرة أنتي ناسية أن فريد اتجوز سمية زي ما سمعنا لما عرفوا انه ماټ !
أم تغريد اه يا بت دي فعلا مشكلة !! وهي هتفضل مع مين فيهم
تغريد ايوه دي مشكلة فعلا لكن احساسي بيقولي انها هترجع لاسامة المشكلة الأكبر أسامة هيرجعلها ازاي بعد ما اتجوزت اخوه بيتهيألي أحساسه هيبقي صعب أوي !!!
أم تغريد فعلا عندك حق طيب أحنا عايزين نعرف الأخبار دي هنعرفها من مين
تغريد مش عارفة يا ماما أنا ھموت وأعرف ايه اللي حصل !!
أم تغريد أنا عارفة نفسك تشوفيه طبعا أدخلي واقفلي الشباك .
تغريد أعمل ايه طيب ڠصب عني .
عاد فريد الي المنزل بعدما علم بوجود تغريد واهلها في الشقة !!
ولكن هند بمجرد ان رأته قالت له بتهكم الهانم جت فوق مش عايز تطلع تسلم عليها
فريد انتي بتهزري يا هند !!
هند بحسب أنك مشتاق تشوفها !!!
هند عايز تقول ايه يا فريد
فريد عايز اقول ان مفيش داعي لشغل الغيرة دي وخصوصا أنك عارفة حجم المشاكل اللي بيني وبينها .
هند ماشي يا فريد بس ياريت تكون
عامل حساب ان انا برضو مراتك وبحبك .
كانت أم فريد وأسامة يوميا تأخذ حفيدها مصطفي وتنزل به الي شقتها كي يلعب مع والده أسامة ولكنها لاحظت عدم خروج سمية من شقتها نهائيا !!!
فسألتها أنتي هتفضلي حپسه نفسك كده في شقتك كتير
سمية واعمل ايه يا ماما موقفي محرج اوي ومينفعش أنزل أقعد معاكي دلوقتي واسامة موجود لأني لسه في عدة طلاقي من فريد و كمان مينفعش ادخل عند هند لأنها مش طايقه تشوفني وكمان علشان ممكن يكون فريد موجود وطبعا مش هينفع أطلع فوق عند تغريد !!! .
سمية لما تخلص العدة وارجع لأسامة كل حاجة هترجع زي ما كانت بأذن الله .
الأم أنا عايزة أقولك فكرة حلوة اوي .
سمية قولي يا ماما .
سمية أرجع اكلم تغريد !! ليه
الأم من ناحية علشان تفكي عن نفسك بدل قعدتك لوحدك علطول ومن ناحية تانية تحاولي تعرفي منها ناوية
الأم معاكي رقم تليفونها
سمية أيوه .
الأم كلميها الاول في التليفون وشوفي هتعمل معاكي ايه .
سمية ماشي يا ماما انا بس اهم حاجة عندي أني مش اتسبب في اي مشكلة تحصل في البيت بسببي .
الأم لأ ده انا عارفاكي عاقلة وهتقدري تمشي حالك بدون مشاكل .
فوجئت تغريد باتصال سمية بها !!!!
سمية تصدقي يا ماما سمية بتتصل بيا !!
ام تغريد ودي عايزة ايه !
تغريد مش عارفة يا ماما ده من ساعت ما سيبت البيت واحنا مش بنتكلم !!
أم تغريد مش دي اللي فريد اتجوزها هي كمان
تغريد أيوه .
أم تغريد خلاص كنسلي عليها واعمليلها حظر .
تغريد لا انا عايزة ارد عليها علشان اعرف منها كل اللي حصل من يوم ما سيبت البيت واعرف منها هيعملوا ايه بعد كده هي وأسامة وفريد .
أم تغريد وأحنا مالنا يا تغريد خالك قال نخلينا في حالنا أهو الحمد لله الاتصال خلص كويس أنك مش رديتي عليها .
تغريد استني أنا هتصل بيها .
أم تغريد لا متتصليش .
تغريد علشان خاطري يا ماما مټخافيش .
أم تغريد يا بت اسمعي الكلام .
تغريد استني بس يا ماما .
اتصلت تغريد بسمية التي ردت عليها سريعا
سمية أزيك يا تغريد عاملة ايه
تغريد كويسة أنا كنت بعيد عن التليفون ومش لحقت ارد عليكي .
سمية كنت بتصل اطمن عليكي
يا تغريد .
تغريد لسه فاكرة دلوقتي ! وكنتي فين كل ده ! محدش سمع صوتك !!!
سمية والله يا تغريد لو تعرفي اللي حصل معايا هتعذريني .
تغريد أنا سمعت أن انتي وفريد اتجوزتوا
سمية مش زي ما في دماغك لما نقعد مع بعض هحكي لك كل حاجة .
تغريد ابقي اطلعي اقعدي معايا أنا بكون قاعدة وحدي مفيش معايا حد الا ماما واخواتي .
سمية معلش يا تغربد مش هينفع اطلع عندك فوق انزلي أنتي هنا انا طول النهار والليل قاعدة لوحدي .
تغريد ماشي نص ساعة وأنزلك .
اغلقت تغريد المكالمة ووجدت أمها غاضبة فسألتها مالك يا ماما
أم تغريد برضو عملتي اللي في دماغك و كلمتيها
تغريد ما أنا قولتلك لازم اعرف كل حاجة حصلت وبتحصل حواليا .
أم تغريد سمعتك بتقوليلها انك نزلة عندها كمان نص ساعة !!
تغريد عادي يا ماما معقول يعني هفضل قاعدة محپوسة كده !
أم تغريد لما أشوف اخرتها معاكي يا تغريد خليكي فاكرة أنتي مبتسمعيش كلامي خالص !!!
وبعد نصف ساعة نزلت تغريد واستقبلتها سمية بالترحاب .
سمية وحشتيني يا تغريد .
تغريد بجد من قلبك
سمية أيوه طبعا وهقولها من ورا قلبي ليه
تغريد بسخرية حتي بعد ما أتجوزتي فريد بيه اللي اتجوز نسوان البيت كلهم !!
تغريد بدهشة يعني ايه كده وكده
سمية يعني جواز صوري بس مش جواز حقيقي .
تغريد بتتكلمي جد
سمية أيوه يا بنتي زي ما كان جواز هند وفريد في الأول .
تغريد لأ أستني بقي وفهمبني بالراحة واحدة واحدة عليا .
سمية لما حصلت حاډثة أسامة يوم ما كان راجع والطيارة وقعت وعرفنا أن كل اللي علي الطيارة ماتوا بعدها
تغريد والكلام ده حقيقي يعني فعلا أسامة كان موصيه بكده
سمية أيوه .
تغريد وبعدين
سمية أنا طبعا رفضت لأني مكنتش متخيلة أني ممكن أتجوز حد تاني غير أسامة .
تغريد اومال أتجوزتوا أزاي
سمية مش وافقت الا لما عرفت وأتأكدت أنها وصية أسامة فعلا لكن شرطت علي فريد قدام حماتي أن الجواز يكون صوري بس قدام الناس .
تغريد وبعد ما أتجوزتوا فضلتوا علي نفس الأتفاق ده ولا أتغير
سمية أيوه فضلنا علي نفس الأتفاق طبعا .
سمية وأنا هكدب عليكي ليه يا حبيبتي أنتي دلوقتي مش مراته علشان أكدب عليكي أو أخبي عليكي حاجة !!
تغريد وأسامة لما رجع وعرف حصل ايه
ناوية تكملي مع فريد ولا هترجعي لاسامة
سمية لا يا حبيبتي هرجع لأسامة طبعا ده جوزي وحبيبي وابو ابني .
تغريد وفريد وافق يطلقك !!
سمية أنتي مستغربة ليه أيوه ده طلقني في نفس يوم رجوع أسامة .
تغريد بجد يعني أنتي وأسامة رجعتوا لبعض
سمية أول ما العدة تخلص هنرجع لبعض ونتجوز في نفس اليوم .
سمية أيوه هي دي الحقيقة .
تغريد يعني ايه
تغريد بشغف وبعدين
سمية وبعدين أتجوزوا بجد .
تغريد شوفتي بقي !!! مفيش حاجة اسمها جواز صوري ولو أسامة مكنش رجع كان بردو جوازك انت وفريد بقي كده برضو .
سمية لا يا حبيبتي بالنسبالي أنا لأ .
تغريد ليه أشمعني أنتي لأ
سمية علشان أنا كنت متفقة ومأكدة عليه اوي ومستحيل كنت هغير رأيي وفريد كمان كان موافق ومقتنع .
تغريد أومال أشمعني مع هند جوازهم بقي حقيقي وبجد ومش صوري
سمية أيوه أنا بقول الحقيقة لولا أنك بعدتي وصممتي علي الطلاق بيتهيألي عمر ما هند كانت هتاخد مكانك .
تغريد پغضب شديد ده انسان خاېن وغدار ومش ممكن كنت هقبل أني أكمل معاه بعد اللي عمله .
سمية وكنتي عايزاه يعمل ايه بعد مۏت اخوه كان لازم حد يراعي اولاده .
تغريد وعلشان يراعيهم كان لازم يتجوزها
سمية علشان يقدر يشوفهم ويطمن عليهم وفي نفس الوقت محدش يقدر يتكلم عليهم أو يظن حاجة غلط .
تغريد قوليلي بصراحة يعني لو كان أسامة هو اللي أتجوز هند كنتي هتقبلي
سمية لأ طبعا أكيد الصدمة كانت هتبقي شديدة عليا لكن لما اعرف أنه جواز صوري كنت ممكن أفكر في الموضوع بشكل تاني .
تغريد ده كلام أنتي بتقوليه علشان أنتي مش كنتي في الموقف ده .
سمية صدقيني يا تغريد أنا يمكن مش أكبر منك كتير لكن عايشت حاجات كتير في الدنيا في ظروف كتير في حياتنا ممكن تجبرنا نعمل حاجات مش بأرادتنا وعمرنا ما فكرنا أنها ممكن تحصل .
تغريد أيوه .
سمية ليه
تغريد علشان هزارك وضحكك طول الوقت ولبسك المدندش ده .
تغريد أيوه .
سمية يا
حبيبتي انا بتعامل بطبيعتي ولبسي ده عادي لأني حاسة أن كل اللي في البيت أخواتي .
تغريد أنا فعلا تقريبا كنت فاهماكي غلط .
سمية المهم دلوقتي قوليلي أنتي ناوية تعملي ايه
تغريد بالنسبة لأيه
سمية بالنسبة لحياتك .
تغريد والله يا سمية أنا لسه مش عارفة انا حاسة اني زي اللي راكبة مركب في البحر والموج واخدني يمين وشمال ومش عارفة هيرسيني علي اني بر .
سمية طيب ما ترجعيله .
تغريد أنا أرجعله بعد اللي عمله فيا !!!
سمية أنتي كمان بهدلتيه في المحاكم يا تغريد أرجعيله وتبقي واحدة بواحدة وخالصين وتبدأوا حياتكم من جديد
تغريد أرجعله بعد ما الهانم مراته التانية بقيت حامل !!! لا لا مش ممكن وحتي لو انا اټجننت وفكرت أرجعله ماما مش هتوافق .
سمية أنا بقولك اللي انا شايفاه لمصلحتك وفي الاخر برضو أنتي حرة في حياتك .
تغريد أنا هطلع بقي لماما علشان زمانها هتتجنن عليا .
سمية طيب اي وقت تحسي انك فاضية أنزلي اقعدي معايا انا مليش علاقة بمشاكلك انتي وفريد .
تغريد حاضر يا حبيبتي .
يتبع…
رواية العرافة العجوز الحلقة السادسة والثلاثون
كانت داخل فريد رغبة قوية في رؤية تغريد والكلام معها فبالرغم من ما فعلته تغريد معه ولكن مازالت لها مكان في قلبه .
وظل يحاول رؤيتها وطوال وجوده في البيت يحاول جاهدا ان يسمع صوتها أو يراها .
لكن كانت هند تشعر بهذه الرغبة عند فريد وتحاول تضييق الخناق عليه حتي لا تتيح له هذه الفرصة .
بعد أيام ذهب فريد الي والدته وعندما رأته مهموم سألته مالك يا فريد انا حاسة يا فريد أنك لسه بتفكر في تغريد
فريد هكلمك بصراحة يا امي من ساعت ما تغريد رجعت هنا البيت وأنا نفسي أشوفها و أكلمها .
الأم رغم كل اللي عملته معاك
فريد متنسيش يا ماما أن أنا اللي كسرت قلبها في الأول لما أتجوزت عليها .
الأم لكن دي دخلتك المحاكم و الست اللي تعمل كده مع جوزها مينفعش تعيش معاه تاني .
فريد هي فعلا عملت كده لكن ممكن التمسلها العذر بسبب اللي عملته انا معها .
الأم يعني أنت عايز ترجعلها تاني !!
فريد يا ريت يا ماما لكن للأسف أنا عارف مش هينفع حتي بأفتراض أن تغريد وافقت أمها مستحيل توافق .
الأم يعني انت خلاص موافق والمشكلة دلوقتي اذا كانت الهانم وبنتها يوافقوا أو لأ !!!
فريد يا ماما أنا بقول نفسي ارجعلها مقولتش اكتر من كده .
الأم اسمع كلامي يا ابني انسي تغريد خالص خليك مع هند هي اللي بتحبك وهتحافظ عليك واذا كانت هند عملت اي حاجة تزعلك فعملت كده علشان بتحبك .
فريد انتي بتقولي كده يا ماما علشان بتحبي هند شايفة كل تصرفاتها صح وبتعذريها في كل تصرفاتها حتي لو غلط أنما تغريد علشان مش بتحبيها شايفة كل تصرفاتها غلط ومش شايفة لها اي عذر !!!
الأم بقي كده يا فريد يعني انا غلطانة اني بدور علي مصلحتك !!
ثم يدخل عليهم أسامة من الخارج ويلاحظ علي وجه اخيه فريد الحزن والڠضب فيسأله مالك يا فريد فيه حاجة مضايقاك
يحكي له فريد ويعيد عليه كل ما دار بينه وبين والدته .
أسامة بص يا اخويا أنت ادري بمصلحتك ومش المفروض أن حد يتدخل في حياتك أما بالنسبة لهند بعد أذنك يا أمي اتكلمي معاها تخف الضغط عن فريد شوية المهم دلوقتي عايز اقولكم علي موضوع مهم .
الام خير يا ابني
فريد فيه ايه يا أسامة
أسامة أنا اخدت شقة برة علشان اعيش فيها .
الأم شقة تانية !!!! ليه يا ابني كده
أسامة علشان لما ارجع لسمية نعيش فيها .
الأم وليه تعمل كده ما أنتوا عايشين معانا من زمان هتخرجوا تعيشوا بره البيت ليه
أسامة معلش يا ماما هكون مرتاح أكتر .
فريد أنا تقريبا فهمت
أسامة هيعمل كده ليه .
الأم ليه يا فريد
فريد علشان جوازي من سمية بعد الحاډثة صح يا أسامة
أسامة بصراحة ايوه لكن ده مش شك فيك يا أخويا ولا كمان فيها لكن الموقف هيكون حساس لو فضلنا عايشين هنا في البيت فالأفضل أننا نعيش بعيد وفي نفس الوقت هيكون فيه دايما زيارات مش هنقطع عنكم ولا حاجة .
فريد الموقف مش حساس ولا حاجة يا اوس اوس خد الأمور ببساطة أكتر من كده .
أسامة معلش خليني علي راحتي يا فريد .
فريد لو عايزني أخرج أنا اعيش بره مفيش مانع
أسامة لأ انا خلاص دبرت مكان خليك انت هنا جنبهم .
فجأة يعلو أصوات صړاخ وبكاء صادرة من أعلي المنزل !!!!
يصعد الجميع الي أعلي فيجدوا تغريد وأخواتها ېصرخون بشدة ويكتشفوا أن أم تغريد ملقاة علي الأرض فاقدة للوعي .
يحملها أسامة سريعا وينزل بها ويذهب معه اسامة الي المستشفي ومعهم تغريد !!
يستقبل الأطباء أم تغريد بينما تجلس تغريد وحيدة تبكي .
يقف فريد بعيدا مع اسامة يتكلمون بصوت هادئ .
وبعد اكثر من نصف ساعة يخرج الطبيب الحمد لله أنها وصلت هنا في الوقت المناسب لولا ستر ربنا كانت حياتها هتنتهي .
تغريد تبكي ماما مالها يا دكتور
الطبيب مش هنكر ان الحالة خطېرة لكنها هي دلوقتي تحت الرعاية الطبية المركزة وبأذن الله الخطړ يزول في اقرب وقت .
تغريد ماما عندها ايه
الطبيب للأسف عندها جلطة في المخ وأحنا دلوقتي بنحاول نسيطر علي الحالة بدون ما يحصلها مضاعفات .
ثم يلتفت الطبيب الي فريد ويسأله أنت أبنها
فريد بلا تردد أيوه يا دكتور .
الطبيب حضرتك هتنزل للخزنة تحت وتحط مبلغ تحت الحساب علشان الحالة محتاجة مصاريف كتير .
فريد حاضر يا دكتور مش مهم المصاريف و لو احتاجتوا نقل ډم أنا واخويا موجودين .
بعد انصراف الطبيب تنظر تغريد الي فريد بتردد ثم تقترب منه وتقول أنا متشكرة أوي مش عارفة أقولك ايه !!
فريد متقوليش حاجة المهم نطمن عليها لحد ما تقوم بالسلامة .
تغريد اوعي تدفع اي فلوس أنا هتصل بخالي وهو هيقوم باللازم .
فريد عيب اللي بتقوليه ده !! أسامة نزل خلاص يدفع الفلوس .
تغريد اللي انتوا بتعملوه معايا ده كتير اوي !!
فريد مش كتير ولا حاجة احنا بينا عيش وملح .
تغريد وبينا كمان ابنك اللي في بطني .
وهنا تصل هند …..
هند الله الله هي دي مستشفي ولا كازينو يا سي فريد !!
فريد أنتي ايه اللي بتقوليه ده وايه اللي جابك !!
فريد أنتي ازاي بتكلميني كده !!
هند عايزني اقولك ايه بعد اللي شوفته بعينيا ده
فريد شوفتي
ايه !! أحنا واقفين بنتكلم قدام الناس كلهم ومش عملنا حاجة غلط بعد أذنك ارجعي البيت وهناك لنا كلام تاني مع بعض .
هند وأنت مش هترجع البيت
فريد هرجع لكن مش دلوقتي .
هند انت عايز……
فريد متتكلميش خالص ولا كلمة بعد اذنك ده مش مكان نتكلم فيه زي ما جيتي ارجعي البيت وانا بعد نص ساعة هرجع وراكي .
انصرفت هند عائدة الي المنزل وبقي فريد وأسامة مع تغريد أستأذن أسامة وجلس بعيدا .
نظرت تغريد لفريد وقالت شكلها بتغير عليك اوي .
فريد هند دي مش طبيعية غيرتها بجنان .
تغريد تبقي بتحبك .
فريد وأنتي خلاص بقيتي مش بتحبيني
تغريد انت كسرت قلبي .
فريد الظروف اللي حكمت عليا اعمل كده لكن انا من جوايا بحبك ولسه بحبك لغاية دلوقتي .
تغريد تحبني فتتجوز عليا !!! هو ده الحب عندك !!!
فريد انا اتجوزت جواز صوري بس علشان الظروف .
تغريد جواز صوري ازاي !! و ازاي المدام حامل !
فريد في الأول كان الجواز صوري لكن بعد كده…
تغريد وايه اللي يجبرك تتجوزها من الاساس وأنت بتحبني
فريد مۏت شريف وكلام امي وخۏفها علي اولاد شريف وضغطها عليا وعلي هند فاضطرينا انا وهند نوافق
تغريد وأهون عليك !! أنا عمري ما زعلتك يا فريد تكسر قلبي بالشكل ده !
فريد لأ أنتي زعلتيني كتير يا تغريد بس انتي مش واخدة بالك .
تغريد أنا !! كداب محصلش .
فريد لأ حصل فاكرة عندك معايا في اول جوازنا ومعاملتك معايا ومع أهلي كان سبب اول شرخ في علاقتنا خصوصا لما اهملتي امي في مرضها وكلام امك وتدخلها في حياتنا كل ده كان بيدمر علاقتنا .
تغريد و كلام امك مكنش السبب انك تبعد عني وتتجوز عليا ووصلنا للوضع ده
فريد توتا عايزين نرجع لبعض و ننسي كلام امي وكلام أمك ومندخلش حد تاني في حياتنا ونربي ابننا مع بعض .
تغريد ياااه اخيرا سمعتك بتقول يا توتا !!!
فريد أنتي احلي توتا في الدنيا .
تغريد كنت بحب اسمعك اوي وانت بتناديني بالاسم ده .
فريد وهفضل اناديكي به طول عمري .
تغريد ومين قالك اني هرجعلك
فريد عينيكي اللي بتقول انك لسه بتحبيني .
تغريد متصدقش عينيا بتكدب عليك .
فريد وقلبي اللي بيقولي أنه حاسس ان قلبك لسه بيحبني .
تغريد بردو متصدقش قلبك ده كداب .
فريد وابننا اللي في بطنك اللي بيقولي عايز انزل الدنيا واعيش معاكم انتوا الاتنين .
تغريد برضو كداب طالع لابوه .
فريد توتا انا بحبك اوي ومقدرش اعيش من غيرك .
تغريد انت قدرت وعيشت فعلا مع غيري .
وفجاة اتصلت أم فريد وقالت له تعالي يا فريد بسرعة .
فريد فيه ايه
الام هند عاملة مشكلة
كبيرة اوي هنا .
فريد طيب انا جاي حالا .
فريد يترك تغريد ويعود الي المنزل فيجد هند ثائرة . فيواجهها بأفعالها انا نفسي اعرف انتي ازاي تروحي ورانا المستشفي وتقولي الكلام اللي قولتيه ده هناك
هند كنت عايزني اشوفك رايح معاها واسكت
تغريد خلي بالك يا هند انا قولتلك وحذرتك ان افعالك دي كلها هتكون سبب في دمار جوازنا .
هند عايزاك تعذرني انا بعمل كل ده علشان بحبك .
فريد انتي خلاص خلصتي كل اعذارك معايا و اوعي تنسي أن تغريد دي أم ابني اللي جاي .
بعد يومين خرجت أم تغريد من المستشفي وعادت الي المنزل .
صعد فريد ووقف أمام شقة تغريد وبداخله رغبة قوية أن يراها ويكلمها ولكنه متردد !!
خرجت هند بعد صعوده ووقفت علي السلم تراقبه وفجأة تنزلق قدمها من السلم وتقع عدة درجات ويسمع فريد صوت صړاخها !!!!
نزل فريد بسرعة ليري ماذا حدث ويكتشف أن قدم هند لا تستطيع الوقوف عليها !!!
لم يشعر احد بالمنزل بما حدث فحملها فريد في صمت ونزل بها سريعا للذهاب لأقرب مستشفي .
وفي الطريق سألها فريد عن سبب وجودها علي سلم المنزل …
فريد أنتي كنتي بتعملي ايه علي السلم لما وقعتي
هند بارتباك كنت هنزل اشتري حاجة .
فريد بتعجب هتنزلي تشتري حاجة بهدوم البيت
هند لا اصل انا …..
فريد متكدبيش يا هند وقولي الحقيقة كنتي بتعملي ايه علي السلم
هند تصمت ولا تنطق !!!!
فريد انا كده فهمت انتي كنتي بتراقبيني يا هانم !! صح
هند لا انا ….
فريد قولتلك مش عايز كدب .
هند أنا بحبك اوي يا فريد .
فريد واللي يحب حد يعمل معاه كده و ېخنقه بالشكل ده !!
هند معلش بقي علي قد تفكيري .
فريد للأسف تفكيرك ده اللي هيضيع كل حاجة .
وصلوا للمستشفي و دخل فريد مع هند عند الطبيب وبعد عمل الاشعة اللازمة طمأنهم الطبيب ان ما اصابها
فريد لأ لازم نطمن .
هند مفيش داعي انا كويسة .
الطبيب الاستاذ فريد عنده حق لازم نطمن .
وبعد دقائق فوجئ فريد بالطبيب يقول لهم ان زوجته هند ليست حامل من الاساس !!!
كاد عقل فريد أن يطير !!! وعلم أنها خدعته
عندما قالت انها حامل !!!
حاولت هند تبرير موقفها ولكن فريد ظل صامتا حتي عاد الي المنزل !!!
حينما عاد فريد الي المنزل …..
هند انت ساكت ليه طول الطريق
فريد عايزاني اتكلم اقول ايه
هند قول اي حاجة .
فريد اقول ايه بعد ما خدعتيني وفهمتيني أنك حامل وانا بغبائي صدقتك !!
هند مش خدعتك .
فريد واللي انتي عملتيه ده اسمه ايه
هند انا خۏفت تضيع مني .
فريد وده سبب يخليكي تكدبي عليا في حاجة زي كده !!!
هند انا اسفة حبي لك اللي خلاني اعمل كده .
فريد انا عايز افهم انتي كنتي مش موافقة علي جوازنا من البداية ايه اللي غيرك بالشكل ده ويخليكي تعملي كل ده انتي شخصية تانية خالص غير اللي كنت اعرفها الأول !!!!!
هند بعد مۏت اخوك انا كنت قفلت قلبي خلاص وقولت اني هعيش لاولادي وبس لكن لما شوفت منك مواقفك وشهامتك ورجولتك معايا لقيت نفسي حبيتك معرفش ازاي ده حصل !!
فريد لكن تصرفاتك دي تصرفات غبية تضيع اي حاجة حلوة !!
هند أسفة ڠصب عني .
فريد خلاص الأسف مفيش منه فايده .
هند يعني ايه
فريد يعني انتي طالق يا هند .
تركها فريد وخرج واڼهارت هند من البكاء ثم أخذت ابنائها وحقيبة ملابسها وعادت لمنزل أهلها !!
حاولت أم فريد واخيه اسامة اقناعه بالرجوع اليها ولكنه قال لهم هي ډمرت كل حاجه وحولت حياتي چحيم بسبب غيرتها وللعلم انا هرجع لتغريد لأنها ام ابني وبحبها .
أم فريد وتسيب اولاد اخوك يتربوا بعيد عننا !! ارجعلها علشان خاطر ولاد أخوك .
فريد أنا مش عايز ارجعلها ولو هتحصل معجزة وارجعلها علشان الاولاد هيكون بشروط انها تتغير بشكل كامل غير كده أنا اسف والولاد كده كده هيتربوا .
أم فريد يعني أنت هترجع تاني يا فريد لتغريد
فريد ايوه يا ماما هرجعلها .
أم فريد لأ مترجعلهاش انا مش موافقة .
فريد وانا بعد اذنكم محدش يتدخل في حياتي تاني وبالنسبالك انت يا اسامة خليك هنا في البيت ولما تخلص عدة طلاق سمية ارجع لمراتك وعيش جنب امك ومراتك وكمان هند تعيش مع اولادها في شقتها وانا اللي هشوف مكان تاني اعيش فيه مع تغريد ام ابني .
وبعد قليل عرف فريد ان تغريد ذهبت مع والدتها الي عيادة الطبيب للولادة فذهب اليهم سريعا !!
عندما رأته ام تغريد فوجئت به فذهبت اليه وقالت له …
أم تغريد أنا متشكرة اوي علي وقوفك معايا ومع ولادي يوم ما كنت تعبانة .
فريد مفيش داعي للشكر ده واجبي .
أم تغريد وأنت عرفت منين ان تغريد بتولد دلوقتي و جاي ليه دلوقتي
فريد يعني ايه جاي ليه دلوقتي !! انتي ناسية انها هتولد ابني !!
أم تغريد مش معني انك وقفت موقف انساني معانا
يوم تعبي اننا هننسي اللي انت عملته في تغريد !!
فريد حضرتك قصدك ايه
فريد يا حماتي انا….
أم تغريد أنا مش حماتك انا كنت حماتك ودلوقتي مليش اي علاقة بيك .
فريد أنا متشكر جدا بعد أذنك .
ابتعد فريد وجلس بعيدا في انتظار البشارة بالمولود !!
وبعد وقت قصير خرجت الطبيبة واخبرتهم بأن تغريد انجبت ولد .
سجد فريد شكرا لله ودخل لتغريد ليهنئها علي المولود الجديد وولادتها بالسلامة .
حاولت أم تغريد منعه الا انه لم يلتفت اليها .
فريد حمدلله علي السلامة يا توتا .
تغريد الله يسلمك .
فريد شريف طلع قمر زي مامته .
تغريد انت سميته شريف علي اسم اخوك الله يرحمه
فريد ايوه بس ما شاء الله عليه قمر شبهك بالظبط .
تغريد وانت جيت ليه دلوقتي
فريد علشان اطمن عليكي .
تغريد تطمن عليا ولا علي ابنك
فريد عليكم انتوا الاتنين .
تغريد وانت عايز تطمن عليا بمناسبة ايه
فريد بمناسبة انك حبيبتي ومراتي .
تغريد كنت مراتك .
فريد وهترجعي تاني تبقي مراتي وهعيش معاكي انتي وابننا .
تغريد لكن قبل ما ارجعلك لازم اخد حقي منك و ترد كرامتي و تطلقها علشان ارجعلك .
فريد وانتي لما دخلتيني المحكمة مش أخدتي حقك
تغريد انت السبب .
فريد لو فعلا بتحبيني ننسي كل اللي فات ونرجع لبعض ونبدأ من جديد .
تغريد حتي لو أنا وافقت ماما مستحيل توافق .
فريد كفاية اوي تدخل مامتك ومامتي في حياتنا لحد كده خلينا نكمل حياتنا يا توتا .
تغريد ومامتك كمان مش هتتدخل في حياتنا
فريد أبدا ابدا يا توتا .
تغريد بحبك اوي لما تقول يا توتا .
فريد مش هقولك الا يا توتا علطول انا خلاص هاخد شقة بره نعيش فيها انا وانتي بعيد عن امي وعن امك .
تغريد اسمها مامتك .
يضحكوا هما الاتنين بصوت عالي فتأتي ام تغريد وتقوله اطمنت وشوفت ابنك بعد اذنك بقي اتفضل مفيش معني لوجودك هنا !!
تغريد بعد اذنك يا ماما سيبي فريد انا عايزاه .
أم تغريد عايزاه في ايه مفيش حاجة تربطك بيه !!
تغريد لا يا ماما في حاجات كتير اوي تربطني به .
ام تغريد انتي حنيتي له تاني يا خايبة
تغريد ايوه يا ماما انا وفريد بنحب بعض وهنرجع لبعض و مامته مش هتدخل تاني في حياتنا وبعد اذنك انتي كمان متدخليش في حياتتا تاني علشان نعرف نربي ابننا .
أنتهت .
لقراءة الرواية كاملة اضغط على : (رواية العرافة العجوز)
تعليقات
إرسال تعليق
فضلا اترك تعليق من هنا