رواية عالجتها ثم أحببتها الفصل 31-32-33-34-35بقلم ندا الشرقاوي (جميع الفصول كامله)

 رواية عالجتها ثم أحببتها  الفصل 31-32-33-34-35بقلم ندا الشرقاوي (جميع الفصول كامله)

رواية عالجتها ثم أحببتها  الفصل 31-32-33-34-35بقلم ندا الشرقاوي (جميع الفصول كامله)

#عالجتها_واحببتها

#احببت_الروز

#ندا_الشرقاوي

#البارت_الاول_من_الجزء_التاني

لياتيه الرد..... زين أنا حااامل 

زين........ مين

لياتيه الرد.... انا ليالي يا زين وحامل منك

زين بعصبيه.... حامل من مين يابت أنتِ حد زقك عليا ولا اي

ليالي.... لا انا اجي القصر لسنيوره اللي كنت بتقول اسمها كل شويه وانت في حضني اسمها روز صح ست الحسن اي رايك

زين.... اوعي تقربي نحيه روز وانا واقسم بالله اخفيكي ما يعرف طريقك الجن الأزرق

ليالي.... مستنياك في الشقه

(حابه أوضح حاجة بسيطه لان الحاجة دي هيترتب عليها باقي الأحداث سن دانا وزين وروز هو 20 سنه مش 18، هعدلها في الفصل السابق برده) 

واغلقت الخط، جلس زين على أقرب مقعد بجانبه ونظر إلى الأرض ووضع يده على راسه من التوتر والقلق الشديد، يتذكر ذلك اليوم المشئوم المخيف الذي كان في الشتاء والمطر الغزير في كل مكان والبرق والرعد والجميع في منزله يغلق على نفسه يجلس على فراشه، محتسا كوب المشروب الساخن، وفي ذلك الوقت كان زين لأول مره يسهر مع أصدقاء الذي حظره منهم قاسم قبل سابق، بينما هو يجلس معهم وأصروا عليه بتناول بعضا من الكحوليات فقابله رافضا حتى الحوا عليه فجعله فضوله الزائد أن يقوم بتجربتها لو لمرة واحدة على الاقل 

فبادر بكأس صغير متذوقا إياه للمرة الأولى شاعرا شعورا مقززا منه، لكن مع المرة الثانية شعر بشعور غريب كأن الأمر أصبح عاديا حين استشعر بعدها شعورا بالدوار الشديد الذى جعله يسقط مغشيا عليه حينها راجعا بذكرياته إلى الماضي قبل ثلاث شهور مضت، حين استيقظ زين شاعرا بآلام شديدة في رأسه حين وجد نفسه عاريا للصدر مغطى بالفراش وبجانبه فتاة يبدو عليها أنه ليست على حياء تماما حين نهض صارخا بشدة .... ......أنتِ..... قووووومي

استيقظت الفتاه، وهي تتثاءب من النعاس، كانها معتاده على ذلك هتفت بنعاس.... اي مالك ما أنت كنت كويس

دفعها بقدمه عن الفراش ليقول باشمئزاز.... قومي يا زبا*لة

ليالي..... اي يا زين مالك في اي

وقف مالك سريعًا وهو يلف غطاء الفراش على خصره ويأخذ ثيابه ليدلف إلى المرحاض، يرتدي ثيابه على عجلة ثم يخرج يجدها جالسه على الفراش بكل راحه وهدوء

زين باشمئزاز..... مش عاوز اشوف خلقتك

ليالي بدلال....ليه هو أنت فاكر أني هسيبك

خرج زين سريعًا ليهبط على الدرج لم ينتظر المصعد ليركب سيارته ويتجه إلى المنزل سريعًا

عودت الحاضر

كانت صعدت شقيقته سلسبيل إلى جناحه لتخبره أن يهبط ليتوجهُ إلى الحفل المقام في فيلا قاسم

في فيلا تيام

كانت  جانا تشاهد الكثير من الفيديوهات لضرغام بعد وفاته حزنت بشده عليه ومن بعدها لك تربي اي حيوان مفترس لان ضرغام كان اقرب صديق إليها حاول تيام بكل الطرق ان يجلب لها أسد اخر لكن رفضت ان تربي أسد بعد ضرغام

اغلقت الفيديو ونظرت إلى هيئتها في المرأه وهي ترتدي فستانًا من الحرير بحملات عريضة رغم تقدمها في العمر لكن تهتم بجمالها هي و رزان و مريم

خرج تيام وهو يعقد رابطه العنق ويرتدي قميص ابيض وبنطال اسود وستره بنفس اللون

تيام..... حبيبي الجو برد

جانا..... اكيد هلبس بالطو فوق الفستان يا تيام

تيام.... طيب تمام

دق الباب وأذن تيام بالدخول

دانا..... انا جاهزه

تيام..... ايوه اي القمر دا

قاسم..... طب وانا

تيام.....اجوزك بقا

قاسم.... يالا بينا بشهاده الإعداديه

بعد مرور ساعتين

كان الجميع في فيلا قاسم، الكثير من رجال الأعمال واصدقاء روز، واصدقاء العائلة

حفلة كبيرة تليق بروز الشرقاوي، دلف مالك هو وعائلته، وتيام وعائلته

هبط قاسم الشرقاوي ومعه أميرة الليله روز قاسم الشرقاوي

وقف الجميع وتعال التصفيق الحار منهم جميعًا

قاسم.... في الأول أحب أرحب بيكون لحضور حفل عيد ميلاد بنتي الكبيرة روز الشرقاوي، ممكن كتير منكوا ميعرفش روز اوي عن حياه ويوسف لأنها بعيد عن الاضواء شويه لكن الفتره الجاية هتكون موجوده في كل مكان، كل سنة وأنتِ طيبة يا حبيبه قلب بابي وعقبال مليون سنة

صفق الجميع لكلمه قاسم

كانت عيون روز على زين الذي يقف في اخر الحديقة بعيد عن الجميع

رزان.... روز سلمي على طنط

روز بانشغال.... اهلا بحضرتك

مي.... ما شاء الله كده يا رزان متعرفناش على العروسة الحلوه دي

رزان.... مجتش فرصه والله

مي.... ودا عادل ابني دكتور في كليه الآثار

روز ابتسمت بمجامله.... اهلا بحضرتك.. عن اذنكوا

واتجهت الى زين

روز.... زين.

استدار ليقول..... نعم يا روز

أمسكت يده لتقول.... مالك يا زيني واقف بعيد ليه حتى مش جيت قولتلي كل سنة وأنتِ طيبه في اي

اخذ نفس عميق ثم أخرجه بهدوء قائلًا .....مفيش يا روز

روز.... هتخبي على روز

زين..... لا مش هخبي على روز علشان حيايتنا متكونش شبه الروايات اللي بتقريها وتيجي زعلانه تقولي ليه البطل ميحكيش المشاكل للبطله ويحكوها سوا وانا اقولك اكيد خاف تسيبه تقولي لا لو بتحبه هتفضل جمبه مش هتبعد صح يا روز عاوزه تعرفي في اي احب اقول في اي اقولك اني من فتره لمست غيرك قربت من وحده غيريك ايد وحده غيرك كانت عليا ونايمه جنبي على سرير واحد اقولك ان البنت دي كلمتني انهارده وبتقولي انها حامل

سحبت يدها بقوه وابتعدت لتقول.... انت بتقول اي

زين بندم.... صدقيني كان غصب عني

روز...........

رايكوا في البدايه

#عالجتها_واحببتها

#ندا_الشرقاوي

#احببت_الروز

32#

#البارت_التاني_من_الجزء_التاني

سحبت يدها بقوه وابتعدت لتقول.... انت بتقول اي

زين بندم.... صدقيني كان غصب عني

روز بتوهان ........هو اي اللي غصب عنك، روحت لمست وحده وحامل وتقولي غصب عنك هو انت كسرت قلم لا دوست على الفستان

زين بعصبيه..... مش فاكر مش فاكر اي اللي حصل

روز.... لو أنا اللي غلط هتسامح

رفع نظره عن الأرض لينظر إليها بعيون كالصقر، واحمر وجهه ليمسك زراعها بقول ليقول.... خلي حد يقلب منك وأنا اكله باسناني أنتِ ملكي يا روز

رفعت ابهامها في وجهه لتقول ..... لا أنا مش ملك حد ولا هكون ملك حد لو فاكر نفسك مين ولا تنسى انا مين أنا روز قاسم الشرقاوي، عملك ميتغفرش يا زين

زين بعصبيه..... لا يتغفر علشان مكنتش في واعي

روز..... لا كنت واعي لما روحت.... كنت واعي شربت اي هتكون مش واعي كده وخلاص اكيد شربت حاجة ابعد عن طريقي يا بن الحلال علشان طريقي مش طريقك

وتركته وغادرت لم يلاحظ أحد وجودهم لان زين كان يقف في مكان بعيد عن أجواء الحفل

مسكت عبراتها بيدها ودخلت الحفل مبتسمه لكن بداخلها منكسر

لحظ قاسم تغير ابنته ليترك رجال الأعمال، ثم ذهب إليها ليقف بجانبها ويضع كفه على كتفها ويقول.... مالك يا روز

ابتسمت ابتسامه عريضه لتقول.... مفيش يا حبيبي مبسوطه اهو

قاسم.... متأكده

هزت راسها له ليقول.... طب تعالي اعرفك على الناس لأنك اختفيتي فجأه

بدا يعرفها على الجميع وانتهى الحفل في سلام

في اخر اليوم كانت روز متسطحه على فراشها، تحدث نفسها أن الحكايه انتهت قبل البداية

دق الباب ليدلف قاسم بعد أن سمحت له بالدخول

قاسم.... أنا مردتش اضغط عليكي في الحفلة بس دلوقتي جالك قاسم صحبك مش بابا تقدري تحكي ولا لا

روز.... مش قادره احكي يا صديقي لكن ممكن احضنك

قاسم.... ممكن اوي

تسطح قاسم بجانبها ووضعت راسها على صدره ثم اغرورقت عيناها بالدموع لتبدا في البكاء بغزاره مما تعجب منه هتف بقلق ...مالك يا روز

ظلت تبكي دوم أن تتحدث وقاسم يرتب على ظهرها بحنو وفي داخله شعور يؤكد أن يوجد شئ وشئ كبير 

بعد مرور 10دقايق توقفت عن البكاء 

رفعت وجهها لتنظر إلى ابيها وجدته يرفع ابهامه ويمسح عبراتها مبتسم بحب وحنو 

قاسم....مين الغبي اللي قدر أن يزعلك وتعيطي بالشكل دا بقا روز الشرقاوي حد قدر يعمل كده 

روز.... تعبانه يا بابي 

قاسم.... ممكن اعرف السبب 

روز.... مش حابة اتكلم 

قاسم.... طب ممكن نتكلم بكره 

روز.... ممكن 

قاسم.... هتنامي 

روز.... ايوه 

قبلها قاسم من وجنتها ثم غادر الغرفة ليتجه إلى غرفة حياه ليطمئن انها نامت ثم إلى غرفة يوسف ثم إلى جناحه 

وجد رزان تنتظره 

رزان.... اتاخرت يا قاسم 

قاسم ابتسم قائلا..... معلش يا قلب قاسم كنت بتكلم مع روز 

رزان.... مي مرات سياده اللواء طالبه ايد روز لأبنها عادل 

قاسم.... طلبها مرفوض 

رزان بغرابة.....ليه 

قاسم.... مرفوض يا حبيبتي، أنتِ مش شايفة نظرات بنتك لزين ولا نظرات زين ليها وبعدين زين لروز وروز لزين 

رزان.... بس دا كلام يا قاسم كانو صغيرين 

قاسم..... لا يا روز يا حبيبتي امال لو مش بنتك مشوفتيش لهفته لما اتخطفت مشوفتيش كلامها لما رجعتك مشوفتيش نظراتهم لبعض ارفضي عادل يا رزان

رزان.... أرفض أنت 

قاسم..... دا كلام ستات أنا مليش فيه هيا طلبت اديها مني ولا منك مع إن دا كلام رجاله لكن بدل ما منك يبقا أنتِ ترفضي بطريقه حلوه كده يا حبيبتي 

رزان بغيظ..... أنت بدبسني يا قاسم 

قاسم.... ايوه يا روح قاسم 

في صباح يوم جديد 

استيقظ الجميع وقاموا بعمل الروتين اليومي، وهبطوا إلى الاسفل وجدو قاسم يجلس مع رزان 

روز.... صباح الخير 

رزان وقاسم..... صباح الفل 

حياه ويوسف..... الاكل بسرعة اتاخرنا على الباص 

قاسم..... أنتوا كل يوم على كده في اي بقا ما تصحوا زي الناس وتفطروا براحتكوا بدل شغل الاستعجال دا آخر مره تحصل الفوضى دي تمام 

حياه ويوسف.... تمام يا بابا 

وغادر قاسم متجه إلى شركته 

رزان.... متزعلوش من بابا هو بس عاوز تفطروا كويس علشان تركزو في المدرسه 

حياه.... عارفين يا مامي 

روز.... أنا هطلع على الكليه هتعوزا حاجه 

رزان..... ماشي يا روز اخر سنتين في طب أسنان 

روز..... ادعيلي 

رزان.... بدعلكوا والله 

وغادرت روز 

في فيلا تيام 

كان تيام يهبط على الدرج وبجانبه جانا، وجد أبنائه في انتظاره 

تيام..... اول مره يعني الصحيان بدري 

دانا.... مفيش قولنا نفطر معاكوا بدري مره 

تيام.... لا كتر خيرك يا استاذه دانا 

قاسم.... عاوزين نفاتحكوا في موضوع 

جانا..... قولوا كده بقا أن الحوار فيه موضوع 

دانا..... بصراحة كده عاوزين نجيب أسد تاني 

جانا برفض تام... لا 

دانا..... يا مامي احنا عارفين تقلقك بضرغام واحنا اتعلقنا بيه بس احنا حابين نربي تاني 

جانا.....علشان اتعلق بيه تاني ويموت زي ضرغام 

قاسم.... الموت بأيد ربنا يا ماما وبعدين لو شوفتيه هتحبيه اوي 

جانا.... يعني كمان جبتوه 

تيام..... اي قله الادب دي 

دانا بصوت واطي..... اي يا بابي ما أنت اللي جايبه 

جانا بصدمه..... أنت يا تيام 

تيام..... ايوه بقا انا اللي جبته ضعفت يا جانا لو شوفتي شكله كيوت اوي 

الخادمه تحدث نفسها.... اي العيلة الهبله دي هما بيتكلموا كأنهم هيربوا قطه كده ليه 

جانا.... هو فين 

وقفت دانا سريعاً لتجلب قفص صغير وتخرج منه أسد صغير يبدو أنه اتولد من عده ايام 

جانا.... دا لسه مولود 

تيام.... فعلا بقاله اسبوع مولود بس امه ماااتت وهيا بتولده 

تقربت جاما وأخذت الأسد من دانا وهي مبتسمه.... الله شكلك جميل اوي يا صغنن أنت نفس سن ضرغام 

قاسم.... هتسميه ايه 

جانا..... ضرغام 

الجميع.... كنا عارفين 

في شقة في التجمع 

كانت تجلس ليالي أمام التلفاز تشاهد فيلم اجنبي، وبجانبها كوب من الشوكولاته الساخنه، وعبلة من الفشار 

دق جرس الباب لتقوم وتفتح الباب تجد زين أمامها 

ليالي.... نورت يا زينو 

زين بعصبيه... بت أنتِ ابعدي عن طريقي أحسن ليكي سامعة 

ليالي.... لا مش سامعة وبعدين أي هتبعد عن ابنك 

زين.... اللي في بطنك دا مش ابني سامعه مش ابني 

ليالي.... لا ابنك ومستعده اعمل تحاليل ويثبت انه ابنك 

زين..... ابعدي عن طريقي يا ليالي 

ليالي.... اتجوزني 

قهقة زين قائلا..... اتجوز مين اتجوز وحده نام معاها شباب مصر كلها 

ليالي..... ويجي نصيبك احمل منك 

زين..... نجوم السما اقربلك ومش هتجوزك 

..... هتتجوزها يا زين

زين بصدمه.... قاسم 

#عالجتها_واحببتها

#ندا_الشرقاوي

#احببت_الروز

33#

زين..... نجوم السما اقربلك ومش هتجوزك 

..... هتتجوزها يا زين

زين بصدمه.... قاسم

قاسم.... ايوه قاسم

زين بتوتر.... قاسم أنت فاهم غلط

قاسم بصرامة......لا مش فاهم غلط يا زين اللي غلط يتحمل نتيجه غلطه

زين.... بس انا بحب روز

قاسم.... محدش قالك خونها يا زين

زين بندم .... يا قاسم بلاش ظلم أنا مش فاكر يا قاسم حرام

قاسم..... انزل تحت يا زين

وجه كلامه لي ليالي.... اعملي حسابك كتب الكتاب بعد يومين سامعه

ليالي.... تمام

وغادر قاسم

في السياره

قاسم..... أنا مش بكسر بخاطرك لا اللي حصل كان لازم كده وبعدين أنت فاكر أني عبيط هكتب كتابك على البت دي وبعدين لازم اتأكد ابنك ولا لا

زين.... يا قاسم

قاطعه قاسم قائلا.... في لغز يا زين ورا الحكاية دي، ولازم نعرفه

زين.... وروز

قاسم.... أنا عارف انه صعب على بنتي لكن دي بنتي يا زين ولازم اخاف عليها

زين.... هتحرمني منها

قاسم.... أنا سايب لعيالي حرية الاختيار، لكن روز عقلها كبير واكيد في حاجة في دمغها

زين.... أنا تعبت يا قاسم 

قاسم.... ياما حظرتك وقولتك الصاحب ساحب يا زين بلاش واليوم الشئوم دا أنا قولتلك بلاش روز تعرف عنه حاجه 

زين.... مكونتش هحكي لكن لما قالت ليالي انها حامل مقدرتش افضل مخبي 

قاسم.... هيوصلك جمعتك وركز في دراستك لحد ما نشوف هنعمل اي 

زين... يا قاسم 

قاطعه قاسم قائلا.... الكلام خلص يا زين ومش علشان بكبرك قدام الكل من وأنت لسه في ابتدائي يبقا تكبر علينا لنا والدك يكلمك كلمه بكل احترام لكن غير كده هتزعل وتزعل اوي كمان يا زين المهم تكون عرفت غلطتك 

زين بندم.... عرفته بس متأخر يا عمي 

قهقة قاسم.... ياااه عمي اول مره اسمعها 

في كلية روز 

كانت في القسم تحضر المحاضره، لكن في عالم تاني لم تستمع الى كلمه ممل قالها الدكتور حتى لاحظ الدكتور عدم تركيزها 

الدكتور.... دكتوره روز... روززز 

انتبهت لحديث الدكتور لتقول.... نعم يا دكتور 

الدكتور.... تقدري تقوليلي كنت بقول اي 

روز باعتذار.... بعتذر يا دكتور كنت مش مركزه 

الدكتور.... اتفضلي يا انسه وياريت تركزي مش قد المحاضره اتفضلي استأذني وأخرجي من المحاضره 

روز.... اخر مره يا دكتور 

الدكتور.... اتفضلي 

جلست روز وهي تنفخ بغيظ لأول مره احد يحرجها فهي في كل مره تستمع إلى شرح الدكتور بطلاقه واهميه 

ومر اليوم دون أحداث تذكر، وكانت روز أمام الفيلا تهم بالدخول لكن اوقفها صوت زين 

زين.... روز 

وقفت روز لتستدير له وتقول.... نعم 

زين.... ممكن نتكلم 

روز.... لا تعبانه وعاوزه انام 

زين.... بس انا عاوز اتكلم 

روز بنرفزه.... وانا مش تحت امرك، وقت ما تكون عاوز تتكلم تكون روز تحت امرك لا يا زين اللعبه اتغيرت قوانينها اللعبه هتمشي بقوانيني انا 

اقترب زين لينحني ويهمس في اذنها.... موافق طول ما انا معاكي موافق تكون بقوانينك يا روزي 

دفعته روز لاترفع ابهامها في وجه لتقول.... اوعى تسمح لنفسك تقرب مني يا زين علشان هتندم 

وتركته وغادرت 

في اليوم الثاني كان قاسم اخبرهم ان اليوم سوف يتجمعوا لحديث هام استغرب الجميع لكن وافقوا فهم يعتبروا قاسم اكبرهم حتى لو صديقهم فهم يستشيروه في كل شئ 

كان الجميع تجمع الصغير قبل الكبير 

قاسم.... طبعا كله مستغرب الاجتماع دا لكن هتعرفوا دلوقتي، لكن كلمه قبل ما تعرفوا الموضوع الشخص اللي يغلط مره عادي نقول مره لكن التانيه لازم يتعاقب لما يكون شخص كويس ويتجه لطريق غلط لازم يتعاقب 

قاطعته الخادمه لتقول... قاسم بيه في انسه بتقول ان في معاد مع حضرتك اسمها ليالي 

قاسم... دخليها 

رزان.... في اي يا قاسم 

قاسم.... هتعرفوا دلوقتي 

دلفت ليالي من باب الفيلا وجدت الجميع يجلس شعرت بالخوف من التجمع لكن تقدمت لتقول.... اهلا قاسم بيه 

قاسم..... اقعدي 

جلست ليالي ليقول قاسم.... طبعا حابين تعرفوا مين ليالي، زين غلط وغلط غلطه كبيره ولازم نوقف الموضوع دا 

جانا.... غلط ازاي 

قاسم.... هقولك دلوقتي.... بكره كتب كتاب زين على ليالي 

شعرت روز عندما قال قاسم هذه الجمله شعرت بأن خنجر تلم غرز في صدرها بقوه. 

مريم.... يعني اي كتب كتاب ابني بكره ومن مين من وحده لا نعرف أصلها ولا فصلها 

قاسم.... ابنك غلط ولا يصلح غلطه الانسه ولا انسه اي المدام حامل من ابنك يا مدام مريم 

الجميع بصدمه...... ايييه 

قاسم.... ايوه وخلاص خلص الكلام 

في اليوم الثاني وكان كتب كتاب زين على ليالي 

كان زين يرتدي بذلته بخنقه وعصبيه كأنه يرتدي كفن وليست بدله زفافه 

دق الباب ودلف مالك 

مالك.... احنا مظلمنكش انت اللي ظلمت نفسك 

زين وهو يغلط زراير القميص.... عارف وظلمت حبي وحياتي 

مالك.... كويس انك عارف بس ممكن تتجوز بعد ما ليالي تخلف 

زين.... تفتكر روز هترضي تبص في وشي بعد كل دا 

مالك.... اللي بيحب بيسامح 

زين..... مش في الخيانه يا بابا مش في الخيانه 

مالك.... يالا يا زين الماذون على وصول 

في غرفة روز كانت ترتدي فستان اسود اللون ضيق يصل إلى ركبتها وترفع شعرها على هيئه زيل حصان وترسم عيناها ببراعه  وترتدي صندل ذو كعب عالي 

دق الباب ودلف قاسم بعد أن اذنت له 

قاسم.... اول مره تحبي الأسود 

روز.... تصدق شكلي بيه حلو على طول بحس ان الأسود للحزن بس بس لقيت ان الأسود احسن من الألوان بكتير 

قاسم.... عاوزه تحضري ليه كتب الكتاب مع ان أنتِ اول وحده ترفضي 

روز.... ليه زين ابن عمي برده واخويا ومن حقي احضر 

قاسم.... تمام يالا بينا 

كتب الكتاب كان في فيلا قاسم 

هبط قاسم ويد روز في يده وكان الجميع في الأسفل، رفع وين راسه لينظر إليها وهي تنزل بشموخ رافعه راسها لأعلى تنظر اليه بعيون حاده 

كانت ليالي جالسه بجانب مالك انظر إلى روز ونظرات زين لها 

قاسم..... السلام عليكم 

الجميع..... وعليكم السلام ورحمة الله وبركاته 

قاسم.... بعتذر على التأخير ابدا يا شيخنا 

الماذون.... كده يا عروسه لابسه اسود 

روز..... مش انا العروسه يا عمو انا اخت العريس العروسه جمبك اهي ليالي وشويه هتكون حرم زين مالك 

بدا الماذون في مراسم الزفاف 

حتى قاطعهم صوت قائلا..... وقف المهزله دي هتتجوز ازاي وهيا متجوزه 

ليالي..... جااااك 

#عالجتها_واحببتها

#ندا_الشرقاوي

#احببت_الروز

34#

حتى قاطعهم صوت قائلا..... وقف المهزله دي هتتجوز ازاي وهيا متجوزه 

ليالي..... جااااك

وقف الجميع في ذهول ودهشة، يحدثوا بعضهم ويرددو كلمه متجوزه

زين.... في اي انا مش فاهم حاجة

جاك..... قاسم بيك بتمنى تكون خلصت هي اللعبه

قاسم..... خلصت... اتفضل يا سيدنا الشيخ

نظر إليهم الماذون بدهشة ثم غادر المكان

زين.... ممكن افهم في اي

الجميع.....في اي

قاسم.... أنا هفهمكوا بقا كل الحكايه ان دي لعبه

الجميع رد بدهشه.... لعبه

قاسم.... اكمل كلامي... لما عرفت انا ومالك ان زين رجع لشتلته تاني كان لازم نوقفه وزين عندي وبيعمل اللي في دماغه كان لازم يبعد عنهم لكن بطريقه تانيه وانه يكون راضي وهو بيبعد، كان بقا عندي ليالي وجاك، شغالين في الشركه اللي في إنجلترا ومسحيين ليالي حبت تساعد في الموضوع رفض جاك في الأول لكن وافق وعملنا كل اللعبه دي، علشان نعرف زين آخره الطريق وكان دا هيحصل في الحقيقه لكن حبيت اوريه عواقب الموضوع لو كنت كملت شويه يا زين كان زمانك اتحطيت في نفس الموقف لكن حقيقه وشوف بقا ابنك يكون ابن مين ولا اتجوزت وحده ازاي وحياتك ومستقبلك ازاي يابني انا وابوك عملنا كده علشان تعرف آخره طريقك يا ريت تكون اتعلمت حاجة يا زين وانا بعتذر لو الموضوع كان بايخ لكن مكنتش هتفوق غير كده يا زين، الصاحب ساحب يا زين 

وقف الجميع في دهشه متعجب من قاسم وكيف فكر في فكره هكذا

زين بدهشه وتوهان....يعني أنا ملمستش ليالي، يعني هي مش حامل، يعني مش هتجوزها، يعني مفيش بيبي مفيش صح

وقف أمام روز التي تقف كالتمثال تنظر إليهم فقط ثم هتف.... روز ليالي مش حامل، ملمستهاش يا روز

فجأه شعرت روز نفسها محلقه في الهواء حملها زين ويلف بها أمام الجميع، ويقفل يده عليها كأنها ثم تفر منه

قاسم.... الله يخربيتك نزل البت

انزلها زين ووقف أمامهم

جاك.... كده تمام استاذ قاسم

قاسم.... شكرا جزيلا ليك يا جاك أنت وليالي

ليالي.... شكرا ليك مع السلامه يا زين

زين..... مع السلامة مع السلامه يا رب ما اشوفكو تاني

ليالي..... نعم 

زين.... قصدي فرصه سعيده لا الصراحه فرصه زي الزفت 

ضحك كل من ليالي وجاك على توهان زين واستأذنو الجميع وغادرو 

زين.... بعيداً انه مقلب سخيف ورخم اسف يعني يا قاسم بس الحمد لله انه عدا 

روز.....طيب يا جماعه مع السلامه انا بقا عندي محاضره عاوزه اراجعها 

امسك يدها زين قبل أن تغادر 

نظرت اليه قائلة.... نعم. 

زين.... على فين 

روز.....هو انت مش حاضر ولا اي بقول عندي محاضره 

زين.... بس انا عاوز اتكلم معاكي 

روز.... اسفه معنديش وقت، وقدام الكل يا زين بقولك أنت اخويا وبس 

زين بعصبيه.... اخو مين أنتِ بتستعبطي ولا اي انا بحبك 

انصدم الجميع من حديثه المباشر، والصريح 

زين.... اي انصدمتي ليه ايوه بحبك يا روز، ومش اخوات سامعه 

ازاحت روز يده ببرود ثم صعدت إلى الأعلى 

قاسم.... معلش يا زين سبها شويه 

زين.... هيا ليه بتعمل كده، انا ملمستهاش 

مالك..... بس غلط يا زين لو مكنتش لعبه كان زمان حقيقه يا زين سبها براحتها 

قاسم.... زين أنا واثق فيك، بلاش تزعل روز انت عارفها سبها براحتها 

زين.... تمام يا قاسم عن اذنكو 

واخذ هاتفه وغادر المكان 

تيام.... أنا ليه بقا مكنتش عارف 

قاسم..... علشان أنت مشغول ساعتها في الفرع التاني  اللي بتتفتح في انجلترا 

مالك.... حصل خير اهم حاجة أن كل واحد بيعمل غلط او يفكر يعمل غلط يعرف انه ليه عواقب كتير 

قاسم.... صح كده ويالا بقا من غير مطرود عاوز انام تعبتني أنت وابنك 

زين.... قاسم انا 

قاطعه قاسم قائلًا..... بلاش كلام دلوقتي يا زين بكره نتكلم ما بكره التجمع العائلي بتاعنا 

زين..... تمام 

وغادر الجميع وصعد كل من أبناء قاسم إلى غرفته، وصعد قاسم إلى غرفته ولم يدلف إلى غرفة روز، وهذا ما استغربته رزان لكن لم تعلق 

في جناح قاسم 

كان يجلس على الفراش يرتدي نظارته الطبيه المخصصه للقراءه وفي يده كتاب يقرأ فيه فهو من محبين القراءه ليلًا وكان يقر في كتاب علم النفس 

خرجت رزان من غرفة الثياب وهي تقفل زراير مامتها وتقول.... غريبة 

أوقف قرائه ونظر إليها من تحت النظاره ليقول.... اي الغريب يا مدام 

رزان.... أول مره متشاركش روز حزنها 

قفل الكتاب ووضعه على المنضده التي كانت بجانب الفراش ليقول..... مش علشان مروحتش ليها الاوضه يبقا مشركتش حزنها بس روز زي اي بنت ممكن تتحرج تتكلم على حبها حتى لو قدام ابوها، هو اه احنا صحاب وكل حاجه بس في نسبه خجل، هي هتيجي تتكلم لوحدها بس لما تاخد مساحتها وتفكر هتعمل اي 

نظرت إليه رزان بفخر واعتزاز كل يوم يكبُر في نظرها، أطلقت سراح خصلاتها 

واتجهت ناحيه الفراش لتبعد الغطاء عن الفراش، فتح لها قاسم زراعيه، لتدخل في حضنه 

قاسم..... كل يوم بحمد ربنا على النعمه اللي رزقني بيها، كفايه جبتيلي 3 كنوز 

رزان..... مين بيشكر مين، بقعد افكر حياتي من غيرك كانت هتكون ازاي، أنا بحبك اوي ياقاسم 

قاسم.... وانا كمان يا قلب قاسم، بكره هنروح المستشفى 

رزان بعبث.... تاني يا قاسم 

قاسم.... ايوه شغل العيال اشتغل اهو أنتِ عارفه ان اليوم اللي بنتجمع فيه في اخر الشهر بنروح نطمن على نفسنا ونحلل زياده تأكيد بس كده

رزان..... حاضر

في غرفة روز 

كانت تسير ذهابا وايابا، تفكر فيما حدث، هل تسامحه وتعفو عنه، ام تعذبه وتجعل قلبه يشعلل بالنيران 

في نفس الوقت الفرحه كبيرة بداخلها أنه لم يلمس اي امرأه، لكن كان من الممكن أن يكون المقلب حقيقه لا تعلم ماذا تفعل 

جلست على الفراش وهى مازلت تفكر، حتى سمعت صوت يخبط في البلكونة الخاصة بغرفتها 

وقفت بخضه لتفتح الباب، وتتفاجا بزين يقف أمامها 

روز بصدمه..... زين 

زين وهو يلتقط أنفاسه..... ايوه زين 

روز..... أنت اي اللي جابك هنا 

زين.... لازم نتكلم يا روز لازم 

روز.... مفيش كلام بنا يا زين اتفضل ارجع البيت 

اقترب زين ووضع يده على خصرها ويضغط قائلًا.... لا في كلام يا روز سامعه في، سامحي بقا 

روز.... هو سؤال واحد يا زين لو دخلت لقيت واحد نايم جمبي هتعمل اي 

زين... هقتلك سامعه محدش ليه حق غيري 

روز بعصبيه..... لا فوقي كده أنت مين اصلا احنا يادوب قرايب اللي بيحصل دا مينفعش دا مفيش حتى رسمي بنا يا زين ياريت  تحط حدود بنا لو سمحت وكل واحد ليه حدود 

زين..... يعني اي

روز.... يعني محتاجه وقت افكر، وفي الوقت دي متحاولش تتعرض ليا 

زين..... تمام يا روز براحتك سلام 

روز.... رايح فين

نظر إليها بغرابه قائلا..... ماشي 

روز.... اخرج من الباب ليه ترجع من البلكونه 

زين..... زي ما جيت هرجع سلام 

هبط زين كما جاء، ودلفت روز مره اخرى لكن ظلت تبكي انها قست عليه لكن هذا الصحيح انه تعدى حدوده بكثره 

في صباح يوم جديد وكان هذا يوم الجمعه، في هذا اليوم يتجمع الجميع في ڤيلا قاسم، ويصلو الجمعه سويًا، وفطرو سويًا 

جاء الجميع من الصلاه وجد الفطار قد جهز والجميع في انتظارهم، كان زين وروز يتبادلو الانظار كأنها لغة معروفة وسهله

قاسم..... دايما متجمعين يارب 

الجميع..... يا رب 

جلس الجميع ليتناولو الفطار

قاسم.... والشباب اخبار النتيجه اي 

يوسف.... لسه يا بابا 

قاسم..... أما نشوف دراجات السنادي ولا اي يا سلسبيل أنتِ وحياه 

سلسبيل وحياه.... نعم يا بابا /يا اونكل 

قاسم..... نطلع بقا مش BTS ونركز علشان احنا في ثانوي بلاش تهريج 

سلسبيل.... حاضر 

حياه.... حاضر 

مالك.... وأنتِ يا دانا اخبارك اي 

دانا..... بخير الحمد الله يا اونكل 

روز...... بما اننا كلنا متجمعين ونتشاور في اي حاجة 

الجميع...... اتفضلي 

روز..... أنا حبه اسافر اكمل تعليم بره لو سمحت 

زين بصدمه وصوت عالٍ...... نعمم يا عنيااااا

#عالجتها_واحببتها

#ندا_الشرقاوي

#احببت_الروز

35#

روز..... أنا حبه اسافر اكمل تعليم بره لو سمحت 

زين بصدمه ووقف قائلًا بصوت عالٍ...... نعمم يا عنيااااا

قاسم وهو يضع قطعه الجُبن في الخبز بكل هدوء..... اقعد يا زين، كمل فطارك وهكذا الكلام ليكِ

روز.... يا بابي

قاسم.... روز كملي أكل، ونتكلم بعد الفطار

أكمل الجميع فطاره، وكانت روز تلهو بالشوكة في طبقها وهكذا زين الذي يحاول أن يُهدء نفسه ويترك فكره انها تغادر البلاد ويدعي أن القاسم يرفض لكن إذا قاسم وافق على سافرها للخارج فلا يوجد رأي بعد رأي قاسم

بعد مرور نصف ساعة كان الجميع خرج للخارج ليستمتعو بالهواء النقي والسماء الصافية فالجو ممتع للغايه

وجائت روز بطقم من الشاي، وكانت تحمل مريم العصير الفرش لحياه ويوسف وسلسبيل وقاسم

ولم تفتح روز حديث السفر نهائي

واتمُ يومهم بسرور وفرح دون اختلاط بالعالم الخارجي

في نهايه اليوم بعدما غادر الجميع، ارسل قاسم الخادمه لروز لتقول لها أن والدها منتظرها في المكتب

وهذا ما تعجبت له روز فهم يتحدثو دومًا في غرفتها، لكن هبطت للأسف ودقت الباب لياذن لها قاسم بالدخول

قاسم.... عاوزه تسافري ليه يا روز

روز بتوتر.... عادي يابابي أنت عارف ان الدراسه بره احسن من هنا بكتير وكمان دا هما سنتين

قاسم.... الهروب مش حل

روز بدا علامات التوتر تظهر عليها ثم هتفت..... هروب اي انا عاوزه اسافر علشان أكمل تعليم

قاسم.... قدامي نسخة رزان، عارفة أنتِ فيكِ كتير من أمك أصل امك لما حصل الحوار القديم طلبت تسافر وتهرب من المجتمع وتروح للمجتمع تاني اوحش بكتير، ليه انتو الاتنين ميتحبوش تواجه العالم ليه على طول مع أول مشكله تتجهُ للطريق السهل اللي هو البعد عن الناس، بلاش يا روز لأول مره في حياتي بعارضك وارفض طلبك، عاوزه توجعيه بسفرك صح، اوجعيه وأنتِ جمبه خلي يحس انه غلط مع انه حس، بلاش يا روز سفر لو سمحت

ظلت روز شارده تفكر في حديث والدها حتى أقنعها لتقول... حاضر يا بابا

قاسم..... جدعة يا قلب بابا يالا اطلعي نامي علشان عندك محاضره وبلاش تفكير في اي حاجه

روز.... حاضر

مرت الايام والاسابيع والسنين وكبر الفتيات والشباب، وضعت روز الكثير من الحدود بينها وبين زين، وهذا ما تعجب له الجميع كانو يفكرو أن هذه الحدود لأسبوعين او شهر لا أكثر من ذلك، لكن روز غيرت تفكيرهم، كان يوجد في عقل روز شئ واحد تثبت للجميع له وتثبت لنفسها أولاً قبل أي أحد انها تقدر على العيش بدون زين وتقدر تخطي كل الصُعوبات بدونه لأنها لم تعُد الفتاه الصغيره ذات الرابع عشر من عمرها التي كانت تاخذ الأذن من زين لأنها كانت تعيش في أحلام وهميه ان الحياه ستظل ورديه كما توضح بعض الروايات وقصص الكرتون

وبالفعل اثبتت للجميع انها تقدر على العيش لحالها، وكان اليوم هو حفل تخرج روز من كليه طب أسنان

في غرفة قاسم كان يقف أمام المرأه يرتدي رابطه العنق وهو يبتسم على هذه الحياه، كم تغير الزمن تزوج ورزق بكنوز من الدنيا وكنزه الأول ستتخرج اليوم من الكليه أصبحت فتاه رائعة جميلة رقيقة 

دلفت رزان وهي ترتدي فستانًا لونه كحلي من خامه القطيفه يصل إلى بعد ركبتها وترتدي حذاء مناسب. 

رزان بخبث..... امممم لابس كرافته نفس لون فستاني 

نظر إليها ضاحكًا فهي تسحب منهُ الكلمه منذ يومان تريد أن تعرف في ماذا يفكر؟ 

قاسم..... اه نفس لون فستانك 

اقتربت منه بدلال وهو ينظر إليها انها لن تتغير كلما تتقدم بالعمر لن تتغير ستظل رزان ذات العشرين عام، جمالها محافظة عليه، ضحكتها الجميلة التي تسحب عقله معاها 

قاسم..... ايوه افضلي ادلعي كده وبرده مش هقولك 

عبثت بطريقة طفولية كأنها ليست الانراه ذات الأربعين عامًا.... ليه يعني مش مراتك حبيبتك 

امسك يداها ورفعها امام فاه ليُقبلها بحنو قائلًا.... مراتي وحبيتي طبعا بس كل شئ بوقته يالا نشوف الباقي 

رزان.... حياه جهزت ويوسف وطبعًا روز سبقت 

قاسم.... طب اي مش يالا يا زوجتي الجميلة 

رزان..... يالا يا قلب زوجتك 

في ڤيلا مالك ومريم 

في غرفة زين مالك الشاب الذي تغير في العامين السابقين، فقد ظهرت لحيته البنيه التي ذادته وسامه، واهتم بجسمه كثيرا، ظهرت له عضلات سداسية، تخرج من كلية اداره اعمال وبدأ في العمل مع والده وقاسم 

وقف عن الفراش بعدما كان يمسك هاتفه يقلب في صور روز الاي تضعها إلى مواقع التواصل الاجتماعي لا يعرف متى سينظر في ملامحها على الطبيعة فهو لم يلتقي بها كثير 

لكن اليوم أثر قاسم أن يحضر زين حفل التخرج، دلف إلى المرحاض وخرج بعد خمسة عشر دقيقة، ومنشفه حول خصره 

وقف أمام غرفة الملابس ليقف بحيره ماذا يرتدي؟ 

حتى أخذ بنطال اسود اللون وقميص ابيض وستره سوداء وحزام أسود

ارتدى ثيابة وقام  بفتح اولى ازرار القميص الثلاثة الأوائل، وقام بتمشط شعره، ثم ارتدى سترتة، وقام بوضع عطره المفضل 

وهبط إلى الاسفل وجد عائلته منتظراه 

مالك..... اي يا زين لو فرحك مش هتاخر كده 

زين.... معلش بقا يا بابا 

مريم.... بس اي القمر دا اوعى تكون هتتقدم لروز في الحفله 

زين برفض للفكره....لا طبعا 

سلسبيل.... طب اي مش يالا اونكل قاسم رن وقال انهم اتحركو 

زين..... يالا 

وكذالك عائلة تيام وجانا تحركو إلى الحفل 

في كلية طب أسنان 

كان كل الطلاب متواجدين يقفو بجانب بعضهم، والاهالي يجلسوا وهم ينظرو إلى أبنائهم بكل فخر وحب 

بدأ الحفل وتقديم شهادات التخرج، وجاء ترتيب روز 

... والان مع تقديم الطالبة الدكتورة روز قاسم الشرقاوي وكانت الترتيب الثالث على الدفعة 

وقف الجميع صفق  لها فروز طالبة متفوقة تساعد الجميع، لا تتكبر على أحد ولا تنظر إليهم باستحقار في تقول ان مكانه ابيها له وليست لها لذلك يجب أن تتعامل انها روز وليست روز قاسم الشرقاوي 

كان زين يقف في اخر القاعة ينظر إلى صغيرة بفخر نعم هم نفس العمر لكن يعتبرها صغيرته وحبيبته وفي بعض الأحيان ابنته ومدللته 

هبطت روز واتجهت ناحيه قاسم الذي قابلها ووقف أمامها لتجد نفسها محلقه في الهواء يدور بها في القاعة 

والجميع يصفق لهم 

انتهى الحفل بسعاده على الجميع واقترح مالك ان يذهبو إلى المطعم ليسهرو سويًا 

مالك..... ياااه متجنعناش بره من زمان 

سلسبيل..... عند حضرتك حق يا اونكل 

تيام..... ها يا روز ناويه على اي 

روز.... والله يا اونكل أنا لسه مش عارفة بس أنا حابة اشتغل الأول في مستشفى وبعد كده افتح عياده خاصة بيا 

يوسف..... مش حابة تكوني معيدة في الكلية، مع ان ترتيبك كويس 

روز.... لا عمري ما شوفت نفسي اني ادرس أنا حابة اشتغل المهنة 

قاسم..... وجهت نظر تحترم 

زين..... روز ممكن كلمة على انفراد 

جائت روز لترفض لكن هتف قاسم.... روحي يا روز 

وقفت روز وغادرت مع زين، بعيد عن الجميع 

زين..... وبعدهالك 

روز..... في اي 

زين..... روز خلاص كفايه أنا تعبت متعبتيش بعد وفراق، انا كنت شاب طايش عشرين سنة ومازلت شاب لكن نضجت أكتر الفراق خلاني تعبت مش قادر خلاص سنتين شوفت المر وأنتِ بعيده وبعترف مش غلط الراجل يعترف بضعفة انا غلطت واتعلم من غلطي ومش  عاوز غير إنك تسامحي زين بسكده قولتي اي يا روزي 

روز.......... 

تمت 

السلام ورحمة الله وبركاته

ندا_الشرقاوي