رواية النهارده اسوء يوم عدى عليا طول عمرى الفصل الثالث 3بقلم نورسين محمود
رواية النهارده اسوء يوم عدى عليا طول عمرى الفصل الثالث 3بقلم نورسين محمود
عدا اربع شهور لسه ميأستش أننا نتقابل تانى مش فاهمه ايه مشاعرى من نحيته ولا هقوله ايه لما اقابله لكن رغم كل ده عايزه اشوفه
النهارده وأخيرا بعد معاناه لقيت شغل مش زى ما كنت عايزه بس لقيت سكرتيره زهقت من قعده البيت صحيت
وبدأت اجهز نفسى لبست بنطلون قماش اسود واسع وعليه هيليز سودا مش عاليه اوى ومن فوق بلوزه سوده وفردت شعرى وحطيت ميكب بسيط شكلى مكنش ملفت بالعكس بسيط وهادى ولكن شيك رحت الشركه
واول ما دخلت ثقتى فى نفسى راحت البنات كانه كلهم لابسين فساتين كأنهم رايحين مناسبه وميكب كامل مجرد ما دخلت استقبلتنى نظرات السخريه منهم حاولت اتمالك نفسى وقعدت مستنيه دورى كل ما باب المكتب يتفتح تطلع منه واحده معيطه او متعصبه وعماله تشتم مقدرتش امسك نفسى وقفت عشان أمشى ما انا مش جايه اتهزق هنا لقيت السكرتيره بتقول أسمى
استجمعت نفسى واخذت نفس خبط على الباب لحد ما سمعت صوت بيأذنلى انى ادخل دخلت وقعدت على الكرسى قدام المكتب
_احم اتفضل ده الcvبتاعى
حاولت الفت نظره لانه مرفعش وشه من الورق من اول ما اتكلمت رفع وشه ليا وهنا كانت الصدمه كان عو أخيرًا
ابتسمت كنت لسه هتكلم لكن وقفنى ببروده
=عرفينى عن نفسك يا أنسه
رد البارد هدم احلامى شكله مش فاكرنى مبنش عليه الاستغراب
تمالمت نفسى وكملت بثبات
-اسمى ليان الصياد عندى ٢٢سنه لسه متخرجه من فنون جميله ومشتغلتش قبل كده
خلصت المقابله على خير اعتقد كده انى مش هتقبل
بس عرفت حاجه مهمه ان أسمه أدم
بعد يومين جالى انى اتقبلت فى الشغل
صحيت بدرى جهزت حاسه بتوتر النهارده اول يوم وحشوفه تانى اول ما وصلت فى سكرتيره هناك عرفتنى شغلى
كنت قاعده فى مكتبى لحد ما لقيت مريم السكرتيرة دخلت
-استاذ ادم عايزك
_تمام انا جايه
استغربت انه طالبنى
خبطت على الباب ودخلت
_حضرتك طلبتنى
=اه كنت عايزه تراج على كام مشروع
كنت مستنياه يلتفت ليا لكنه ولا هنا
=خدى ملفات المشاريع اهيه طلعيلى منهم اخطاء التصميم و صلحيه
قربت من مكتبه واخدت الملفات كانه كتير جدًا
_وحضرتك عايزهم امتى
=كمان اسبوع عشان عايز شغل دقيق مش اى كلام
_ماشى عن اذنك
طلعت من المكتب مش عارفه كنت مستانيه ايه يعنى انه يخدنى بالحضن
عدى أسبوع محصلش اى أحداث فيه لسه بارد
كنت بتلكك ب أى حاجه عشان اروح مكتبه اشوفه بدأت اعرف مشاعرى من نحيته وشكله حب من طرف واحد
رحت الشغل متأخر لاول مره كنت بجرى فى الشارع لحد ما وصلت دخلت جرى خبط فى شخص جامد لدرجه انى حسيت ان كتفى اتخلع
=أنا أسف جدًا يا أنسه انتِ كويسه
مسكت كتفى بألم من أثر الخبطه
_كويسه وانا الى اسفه ليك انا الغلطانه
=لا ولا يهمك حصل خير انتِ شغاله هنا من امتى اول مره اشوفك
_تقريبا بقالى أسبوع
مدلى ايده بكل رقى
=أنا جاسر مدير العلاقات العامه وانتِ
بدلته السلام ومديت ايدى
_وانا ليان من تيم المصممين الجداد
افتكرت حاجه انا متأخره
_يا لوهى انا اتأخرت اوى
اتكلمت وانا بشهق بخضه بعد ما بصيت على الساعه
كنت لسه هستأذن منه وامشى لكن فاجئنى صوت ادم
=والله ما لسه بدرى حضرتك متأخره ليه وكمان وقفه تحكى وتوزعى ابتسامات
طريقه كلامه جرحتنى وصوته العالى كنت هرد لكن جاسر ادخل
*فى ايه يا ادم بتزعقلها ليه كده وكمان انا الى عطلتها
=متدخلش بينى وبين الموظفين يا جاسر انا عارف بتصرف مع المهمل ازاى
حسيت انه بيظلمنى لانى شايفه شغلى كويس ودى اول مره اتأخر
_لو سمحت يا استاذ أدم مسمحلكش انك تقول انى مقصره فى شغلى متهيألى حضرتك عارف انا شايفه شغلى ازاى فا ملهوش لارم الكلام ده
خلصت كلام وبصيت لجاسر
_عن اذنك يا استاذ جاسر
مشيت بكل عصبيه مش معنى انى حاسه بإعجاب من نحيته انى اسكتله بدأت الدموع تتجمع فى عينى
عده ساعه لقيته طلبنى عنده
_حضرتك طلبتنى يا فتدم
اتكلمت بجمود
=خدى الملفات دى انقليهم على الاب
_بس انا لسه براجع على التصميم الاب بتاعى بايظ
=مش مشكله استعملى بتاعى خلصيهم الاول وبعدها اعملى التصميم
سمعت كلامه رحت ناحيه مكتبه اخد الاب عشان اطلع منعنى صوته
=رايحه فين
_على مكتبى
=لا هتشتغلى هنا فى المكتب معايا
_معلش يا فندم عشان ابقا مستريحه
=مينفعش تطلعى ب الاب بتاعى برا انتِ عارفه ان عليه حاجات مهمه افرضى صورتى حاجه مهمه ولا نقلتى حاجه على فلاشه
اتعصبت من نبرته البارده ومن كلامه
_حضرتك شايفنى ايه لو حضرتك مش واثق فيا مكنتش تشغلنى من اصلو لو خايف اوى كده على شغلك خليهم يصلحولى الاي بتاعى واشتغل من عليه
حط ايده تحت دقنه
=خلصتى
بصتله بصدمه من وده البارد كل عصبيتى وكلامى ده راحو على الفاضى
=ياريت حضرتك تتفضلى تشتغلى
بصتله كام ثانيه كنت بفكر اكسر الاب على دماغه
اخدت نفس اهدى بيه اعصابى من بروده
واخدت الاب ورحت قعدت على الكنبه
عدى ساعتين
كنت حاسه بنظراته ليا طول القعده لكن مهتمتش بيه
بعد ما نقلت اخر ملف
رجعت بضهرى لورا ولفيت رقبتى شمال ويمين
جمعت الملفات والاب
_اتفضل انا كده خلصتهم
=تمام
لاحظ ارهاقى
=تقدرى تكملى التصاميم بكره
كنت لسه هتكلم لكن قاطعنا صوت خبط على الباب
كان حسن
*ايه يا ادم مش هتتغدا ولا ايه
*عامله ايه يا انسه ليان اتمنى يكون كتفك بخير
ابسمت ليه وغمزاتى بانت
_الحمد الله كتفى كويس الخبطه مكنتش قويه
*طب ايه مش هتتغدى ولا ايه انا رأى نتغدا مع بعض عشان كما اتعرف على الموظفه الحديده
_شك...
=ليان روحى خلصى التصاميم عايزهم قبل ما اليوم يخلص
اتكلم بغضب وصوت عالى
*انت كل شويه تزعقلها يا ادم وبعدين ده وقت بريك
=متتدخلش بينى وبين موظفيني يا حسن بعد اذنك
بصتله نظرت عتاب وغضب
_عن أذنك يا استاذ حسن
استأذنت من حسن بس وطلعت وانا حابسه دموعى دايما بتوتر لما حد يزعقلى
مطلعتش البريك عشان اخلص عايزه امشى بدأت احسن بتعب ودوخه لانى مأكلت حاجه طول اليوم بدايه من تأخيرى الصبح والبريك الى راح
عديت ساعات الشغل بساعتين واخيرا خلصت
دخلت مكتبه
بعد ما سمعت صوته بيأذنلى ادخل
اتفاجئت بواحده قاعده معاه كانت سانده على مكتبه مركزتش فى شكلها على قد ما شكلها وهى قريبه منه كده تعبنى
اتكلم بصدمه
=انتِ لسه هنا يا ليان
تجاهلت كلامه
_اتفضل المشاريع كلها ايه واخطاء التصاميم و الحل ليها
=انتِ ايه القعدك كل ده انتِ عارفه الساعه كام
اتكلم بحده وهو بيبص على الساعه
_كنت بخلص شغلى عشان ميتقلش عليا مهمله عن اذنك
=استنى
مدتلهوش اهتمام كنت عايزه امشى بسرعه بدأت احس ان هيغم عليا
كنت بسرعه لحد ما مامسك ايدى بقوه ولفنى ليه
=هو انا مش بقولك استنى
حاولت اشد ايدى منه
_ابعد لو سمحت عايزه امشى
كنت بتكلم وانت بحارب عشان اطلع صوتى ثابت
=لا مش هسيبك استنى انا هروحك
_لو سمحت سيبنى
كنت بتكلم وانت بحاول اقف وعينى بدأت تقفل
=ليان انتِ كويسه
التمست القلق من نبرته
لكنى محستش بحاجه غير ان الدنيا اسودت ومحتش بجسمى
=ليااان
يتبع...
تكملة الرواية من هنااااااااااااا
اكتب في بحث جوحل( مدونة قصر الروايات) تظهر القصص كامله
تابعونا علي قناة التليجرام من هنااااااااااا
ليصلكم اشعار بالنشر
الرواية كامله من البدايه هناااااااااااا
تعليقات
إرسال تعليق
فضلا اترك تعليق من هنا