رواية سلاسل ام غراب الفصل 4-5-6بقلم حنان حسن (جميع الفصول كامله)

رواية سلاسل ام غراب الفصل 4-5-6بقلم حنان حسن (جميع الفصول كامله)

رواية سلاسل ام غراب الفصل 4-5-6بقلم حنان حسن (جميع الفصول كامله)

اخد حضن وانزل معاه تحت؟

ولا اخد  غراب وافضل معاه فوق؟

طبعا انتوا  مش فاهمين 

انا بقول ايه؟

لحظة هفهمكم كل حاجة

بس لازم الاول نرجع للاحداث من لحظة ما وقفنا

الجزء الرابع

سلاسل ام غراب

للكاتبة ..حنان حسن

........

بعدما سمعت كلام العفريت (حضن)

 وحطيت  لام غراب

 المية في العصير

  شربت ام غراب العصير

فعلا

بس الغريبة

ان  ساعتها...

 انا محصليش  اي حاجة

والي وقعت في الارض هي..

 ام غراب

ومش وقعت بس

لا دي قطعت النفس كمان

فا اترعبت  ..

لاني شكيت في لحظتها..

 ان حضن ..

يكون شخص مجرم

كان عايز يقتل ام غراب...

 واستخدمني انا كا وسيلة للهدف ده

وفضلت واقفة 

مش عارفة اعمل ايه؟

وافتكرت لما العفريت حضن

قالي...

 نادي عليا..

 لو وقعتي في مشكلة

فا وقفت انادي

واقول..

حضن...حضن..حضن

لكن..حضن مكنش له اي اثر

واتاكدت ساعتها ان حضن نصاب فعلا

وقعني في المحظور... وهرب

طيب هعمل اية دلوقتي؟

دي جثة ام غراب ...

مرمية  في الصالة

ولو اي حد من ولادها دخل هيشوفها؟

وساعتها انا هيتقبض عليا

 وهروح في ستين داهية

ده لو ولادها مقتلونيش قبل ما يتقبض عليا اصلا؟

كل الافكار  المرعبة دي

 خلتني مش عارفة افكر

فا قلت لنفسي

احسن حل 

هو اني اجرجر جثة ام غراب علي الارض

لغاية ما ادخلها لاوضتها

واروح بعدها اهرب عند امي

ولو جه حد من ولادها..

واكتشف موتها..

هيفهم انها ماتت وهي نايمة

وتبان موتة طبيعية

زي اي حد ما بيموت

وفعلا..

مسكت الجثة من هدومها..

وفضلت اجرجر فيها

 لغاية ما نيمتها علي سريرها

فضلت قاعدة ادام الجثة لاكتر من عشر دقايق

مش بعمل حاجة 

غير اني متنحة ومش مستوعبة الي بيحصل

وبعدما فوقت لنفسي

 فضلت الطم

واقول..

يلهوي...

انا ايه الي انا نيلتة ده؟

منك لله يا حضن

للكاتبة..حنان حسن

وفي اللحظة دي

افتكرت حضن

 وقلت اجرب انادي عليه تاني

قبل ما اروح لامي

يمكن ..

يطلع في عفربت اسمة

 حضن بجد... 

وينقذني

وفعلا خرجت من الاوضة

وطلعت علي الصالة

 وانا بنادي  عليه

 و اقول..

حضن..حضن...

وقبل ما اكرر النداء

اتفاجئت بغراب جوزي

قاعد في الصالة 

وفي ايدة علبة العصير التانبة

وكنت هصرخ 

واقولة ..لا

 بلاش العصير

 ومتشربش من العلبة دي

لكن ..

خوفت لا يسالني عن السبب

فا سكت

ولقيتة هو الي 

بيسالني

وبيقولي..

انتي كنتي بتقولي حضن؟

فا ارتبكت من سؤالة

وقلت

ايوه....اقصد لا....

وغيرت الكلام

وانا بحاول اخد منه علبة العصير

 قبل ما يشربها

وقلت..

هات علبة العصير دي

عشان انا جايباها لبنتك مش ليك

فا تجاهل كلامي

وسالني تاني

وقالي..

جاوبي الاول

انتي كنتي بتقولي حضن؟

وقبل ما الاقي اي كدبة  ابرر بيها..

  سبب الكلمة (حضن) الي قولتها

لقيت غراب بيشدني ناحيتة

وبيقولي..

اول مره تطلبي حضن؟

وانا مش هرفضلك طلب..

انا اصلا كنت جاي عشان اخدك  علي الاوضة 

فا بعدتة عني

ودي كانت اول مره

 من ساعة ما اتجوزت غراب

اعترض واقول (لا)

واول مره كمان..

احس نفسي مش خايفة منه...

وبرفض حاجة بكرهها

فا قلتلة..لا 

ومتقربش مني تاني

 لان انا بكرهك..

 وبكره ريحتك

فا بصلي غراب وهو مذهول

ومش قادر يصدق التغير 

الي حصلي

وسالني

وقالي..

انتي بتكلمي مين كده؟

قلت..بكلمك انت يا غراب

 يا ديوث ..

واعمل حسابك 

اني مش هعيش معاك لحظة واحده بعد كده

فا بصلي بغيظ ...وغل...

وبدء جنانة يظهر في عنية

ورفع ايدة عشان يضربني 

لكن..

قبل ما ينزل بايدة علي دماغي كا العادة

في حاجة وقفتة

ولقيتة بيبص حوالية

وفجائة..

 وقع علي الارض

واثناء ما كان بيقع

وقعت منه علبة العصير

فا نزلت..والتقطت علبة العصير

وانا مستغربة

و مش مستوعبة الي بيحصل

لكن..

لما مسكت علبة العصير

و لقيتها فاضية

فهمت الي حصل

وعرفت ..

ان غراب شرب العصير فعلا 

و كان ماسك العلبة وهي فاضية

ومعني كدة

 انه مات هو كمان

وانا دلوقتي...

 بقيت متهمة في جريمتين ق&تل..

 مش جري&مة واحدة

وفضلت الطم واقول

يلهوي...

يادي المصيبة

دا غراب عمل زي امة ...

ومات هو كمان 

طيب وبعدين؟

دي سحر اتطلقت من عادل اخويا

يعني هترجع بيت امها

و ممكن في اي وقت اللاقيها

داخلة عليا

وفضلت افكر في حل

وملقتش غير اني اسحب غراب من رجلة..

وادخلة الاوضة...

 وانيمة جنب امة 

لغاية ما اشوف حل

في المصايب الي انا فيها دي

للكاتبة..حنان حسن

وفعلا

سحبتة ونيمتة جنب امة

وخرجت وقفلت عليهم الاوضة

وطلعت ع الصالة 

وانا بحسبن في الي كان السبب

وبقول..

حسبي الله ونعم الوكيل

ربنا ينتقم منك 

يلي اسمك (حضن)

واول ما قولت اسم ( حضن)

اتفاجئت ..(بالعفريت حضن)

ولقيتة ظهر ادامي

وهو بيقولي

مبروك يا عفاف

انتي كده اتحررتي من السحر

عقبال ما تكملي ( الثلاثة)

وتنزلي معايا تحت الارض

قلت..ايه ده؟

انت طلعت عفربت بجد؟

فا ابتسم حضن 

وقالي..

هو انتي لسة مكنتيش مصدقة؟

قلت..لا 

لاني ندهت عليك اول مرة

وانت مردتش عليا

قال..

كان لازم غراب يشرب من المية ..ويموت

 عشان اقدر اظهرلك تاني

فا بصتلة بدهشة

وقلت..

بس انت مقولتليش ...

ان غراب وامة هيموتوا

 بمجرد ما ..

 السحر يتفك من عليا ..

 فا رد حضن باسف

وقال..

وكان ممكن تحصل حاجة احسن

 لو كانوا بقوا  ثلاثة جثث

للكاتبة..حنان حسن

لكن...

للاسف..

مفيش جوة غير جثتين

قلت..اشمعني ثلاثة؟

فا وضح قصدة

وقال..

لانك لو قتلتي ثلاثة اشخاص...

بزجاجة المية الي انا اديتهالك

 هترجعي لعصمتي تاني

وهقدر اخدك معايا تحت الارض

 قلت..نعم؟

انت عايزتي اتورط في قتيل ثالث  كمان؟

مش كفاية المصيبتين الي جوه دول ؟

دنا احساسي بالذنب هيقتلني

فا رد حضن

وسالني

وقالي..

طيب وموتهم مزعلك في ايه؟

ما كده انتي خلصتي منهم هما الاتنين؟

قلت..يزعلني طبعا يا حضن

لان لو حد شاف الجثث دي

 هيتقبض عليا

وخصوصا ان دي جريمة قتل 

يعني..  فيها اع&دام

فا بصلي حضن بتعجب

وقالي..

يعني عايزة ايه دلوقتي؟

قلت..

عايزة اشوف حل

 في  الجثتين ...

الي انت ورطتني فيهم دول

فا سالني

تاني..

وقالي ..

تقصدي يعني انك

 عايزة تخفي الجثث وتتخلصي منهم؟

فا رديت بغيظ

وقلتلة..امال يعني هحتفظ بيهم  ولا هخللهم؟

ايوه طبعا عايزة اخلص منهم

قال..

طلباتك اوامر

اعتبريهم اختفوا

قلت..اعتبرهم ايه......؟

وقبل ما حضن يوضح قصده

سمعت حركة وصوت دوران مفتاح

 في كالون الشقة

فا روحت اشوف مين عند الباب

وقبل ما اوصل للباب

لقيت ادامي سحر اخت غراب

فا اتوترت...اول ما شوفتها

وقلت ...

كده انا خلاص اتفضح امري

وبصيت باتجاه حضن 

عشان اسالة

و اقولة..

ايه العمل دلوقتي؟

للكاتبة..حنان حسن

لكن...

اكتشفت

ان حضن كان اختفي

فا بصيت علي سحر

لقيتها..

داخلة تصرخ

وتقولي... هما فين؟

فا اتلجلجت في الكلام

وسالتها

وقلت..هما مين؟

قالت..امي واخويا فين؟

قلت..نايمين.. 

انتي عايزاهم لية؟

فا ردت بعصبية

وقالت..

بقي انتي  مش عارفة انا عايزاهم لية؟

ماشي..

وحياة امي...

 لخراب بيتك هيكون علي ايدي

امال يعني انا الي بيتي يتخرب بس؟

للكاتبة..حنان حسن

في اللحظة دي

ضربات قلبي زادت 

 ودمي بدء ينشف من حالة

 القلق 

الي انا وصلتلها

والي زود من قلقي..

اني شوفت سحر..

وهي طالعة تجري ناحية

 الاوضة 

الي فيها امها..

وده معناه طبعا..

انها هتشوف الجثث

وهتكتشف ...

مقتل ام غراب ...وابنها

وامري هيتفضح ادامها

فا وقفت في الصالة  متسمرة  في مكاني

وانا منتظرة اسمع صرختها

 اول ما تشوف الجثتين

لكن...

عدي كام دقيقة..

 علي دخولها جوه

وده محصلش

والاغرب...

 ان سحر رجعت من اوضة امها

بدون ما تصرخ ...ولا تتعصب

ولقيتها بتسالني سؤال غريب

وقالت..امي فين؟

فا ابتلعت ريقي

وسالتها..

وقلت..هما مش جوه ع السرير؟

فسالتني

وقالت..هما مين؟

فا مردتش عليها

وبسرعة جريت علي اوضة

 ام غراب

واتفاجئت ان السرير فاضي

والجثث اختفت

فا قلت بيني وبين نفسي 

بركاتك يا (حضن)

للكاتبة..حنان حسن

وفي اللحظة دي

لقيت سحر بتنادي علي امها 

و غراب اخوها...

وهي بتدور عليهم في البيت 

ولما محدش رد عليها

سالتني

وقالتلي..

انتي مش قولتي انهم نايمين؟

قلت..ايوه

منا هفهمك الي حصل

انا اصلي لسة داخلة من بره ... 

ولما ناديت عليهم محدش رد عليا

فا اعتقدت انهم نايمين

فا بصتلي سحر بقرف

وقالتلي..

انا عارفة امي فين؟

اكيد عند  الست كريمة جارتنا

انا هروح اجيب امي

 من عند الجيران

وهنيجي نحاسبك  علي الي اخوكي عملة فيا

وبعدما هددتني بانها هتجيب

 امها ..وراجعة 

فضلت متبعاها بعيني

 لغاية...

 ما خرجت من الشقة

وبمجرد ما اتاكدت انها خرجت

ومشيت فعلا

 رجعت بسرعة علي اوضة

 ام غراب

وفضلت ادور تاني تحت  السرير 

وفي كل شبر في الاوضة

وبردوا ملقتش الجثث

وفي اللحظة دي

حاولت اهدي نفسي

عشان اقدر افهم الي بيحصل

وبعدما قلبتها في دماغي

قلت لنفسي..

انا  عندي اكتر من مصيبة

 لاني ا بدون ما اقصد

قتلت ام غراب.. وابنها

و(حضن ) طلع عفريت فعلا

وخفي الجثث

يعني غراب وامة اختفوا للابد

ودلوقتي...

سحر بتسال عن امها... واخوها..

وبمجرد ما هتتاكد من اختفائهم

هتتهمني باني ورا اختفائهم

وانا مش عارفة هقولها ايه؟

للكاتبة..حنان حسن

وفي اللحظة دي

حسيت اني في ازمة

 واضطريت..

انادي علي حضن

وفضلت اقول...

حضن... يا حضن

وفي ثواني

سمعت صوتة ورايا

وهو  بيقولي 

انا هنا يا قلب حضن

فا بصيت بسرعة علي مصدر الصوت

لقيت حضن قاعد علي كرسي 

وبيسالني

ايه يا حبيبي؟

قلت..محتجالك يا حضن

فا لقيتة فرح اوي

وفتحلي حضنة 

وقالي..

طيب يلا..

حضن اهوه

قلت..انت فهمت ايه؟

يا حضن انا كنت بنادي عليك

 عشان حاجة اهم ؟

فا رد حضن

وقالي..سبحان الله 

قبل ما اسمعك وانتي بتنادي عليا

 انا كنت جايلك لوحدي

فسالتة بسخرية

وقلت...

كنت جاي ليه ياتري؟

 اكتشفت ان لسة معاك...

 شوية سم زيادة 

ومش عارف توديهم فين؟

فا رد حضن بمنتهي البراءة

وقالي..

لا طبعا ...

انا عارف ان الزجاجة

 الي معاكي...

 لسة فيها شوية

فا عضيت علي صوابعي

وقلتلة..

امال كنت جاي ليه ؟

خير؟

قال... منا قولتلك

 وحشتيني...وعايز (حضن )

و لا انتي ناسية اني جوزك ؟

ومن حقي اخد حضن؟

قلت..لا اسمع بقي

حتي لو افترضنا ...

اننا كنا متجوزين فعلا

فاالسحر اتفك..

 يعني انا خلاص مبقتش مراتك؟

للكاتبة..حنان حسن

فا رد حضن

وقال..

بسيطة...

 يبقي نتجوز تاني

فا رديت بزهق

وقلت.... 

وحياة ابوك ما تجيبلي سيرة الجواز تاني

بص...

اعتبرني  واحدة معقدة

و بكره سيرة الجواز

والاحضان

فا رد حضن

وقالي..خلاص

طالما مفيش  جواز...

 ومفيش حضن 

 يبقي مليش سلطان عليكي

ومش هقدر اساعدك

قلت ...يعني اية؟

قال..يعني من دلوقتي انتي لوحدك

شوفي بقي هتتصرفي مع سحر ازاي؟

 واهي هترن الجرس دلوقتي 

وفعلا..

سمعت صوت الجرس

فا  بصلي حضن

وقالي...

روحي بقي  افتحيلها...

 واتصرفي معاها...

 وانا هختفي

فا اترجيتة

وقلت..استني بس  يا حضن ارجوك

متسبنيش لوحدي..

انا في مصيبة

وانت الي ورطتني 

ولازم تقولي اعمل ايه

وبعدما سمعني حضن

قالي...

انا قولت الي عندي

فا فضلت ابصلة بغيظ

وانا سامعة رنين الجرس

 الي...

 مش عايز يفصل

وبعدها

زادت سحر في الخبط علي الباب

فا روحت  ابص من العين السحرية..

لقيتها .. سحر فعلا

ولما رجعت ابص علي حضن

لقيتة اختفي كا العادة

فا فكرت بسرعة

اخرج ازاي من الورطة دي؟

وازاي اخلص من زن سحر؟

واول ما عيني جت علي

 زجاجة المية... 

الي اخدتها من حضن

افتكرت شوية المية

 الي فاضلين في الزجاجة

وللاسف ...

مكنش فيه ادامي غير حل واحد .....؟

اهدي يا حضن كفاية اتنين

احنا مش حمل جثة ثالثة

ياتري

حضن هيقتنع بكلامي...

وهيتهد ويسكت علي كده؟

ولا مش هيقتنع؟

هنعرف كل الي هيحصل مع حضن 

بس الاول هكمل الرواية من لحظة ما توقفت بالاحداث

الجزء الخامس

سلاسل ام غراب

للكاتبة..حنان حسن

......

بعدما طلب مني العفريت

 (حضن ) 

 اني اقتل قتيل ثالث 

بالمية

 الي اخدتها منه

 عشان يقدر يتجوزني..

 وانزل معاه تحت الارض

رفضت طبعا

وقلتلة..

كفاية الجثتين الي انت ورطتني فيهم

فا قالي..

خلاص مش هقدر اساعد

ولا اقرب منك بعد كده

قلت..لية؟

قال..

انا لو اتجوزتك هيبقي ليا سلطان عليكي

لكن...بدون منتجوز مش هقدر اساعدك

فا عاندت تاني 

 وقولت... برضوا لا

فا سابني حضن 

وقالي..

خلاص...

 انتي من دلوقتي لوحدك

في اللحظة دي

سمعت خبط متواصل علي الباب

ولقيت حضن

 بيقولي..

سحر علي الباب..

 روحي افتحيلها

وفعلا 

لما بصيت من العين السحرية

لقيتها سحر

وعرفت انها جاية تفضحني

فا رجعت ابص علي حضن

 لقيتة اختفي

فا فكرت اني اهرب من الورطة

الي فيها

با استخدام باقي المية

الي حضن اعطهالي

وقلت لنفسي...

مش هيفرق بقي 

اتجوز.. تحت الارض

ولا.. فوق الارض ..

الجواز في كل الاحوال سيئ

م الاخر ...

قررت اني اتجوز (حضن)

وسحر تبقي

  الجثة الثالثة

وبسرعة..فتحت الباب

وفعلا..لقيت سحر ادامي..

لكن...

اتفاجئت ...

 انها تعبانة ...و حاطة ايدها 

علي صدرها ...

وكأنها بتعاني من مشكلة في قلبها

وسمعتها بتسالني

و بتقولي..

امي فين؟

قلت..امك وغراب  اتصلوا بيا وقالوا انهم سافروا

فا ردت بدون تفكير...

وقالت...

طيب الحقيني يا عفاف

 انا تعبانة اوي

فا صعبت عليا بصراحة

وفي اللحظة دي

 نسيت المصايب الي انا فيها

ونسيت كمان...

 امر زجاجة المية اياها

وحاولت اساعدها 

وخصوصا..

لما لقيت حالتها بتسؤ

وبدات تصرخ 

وتقولي..

انا حاسة ان صدري بيحرقني..

 ومش قادرة اخد نفسي

فا طلبت منها انها تتسند عليا

عشان اخدها لاي مستشفي

وفعلا اتسندت عليا

واخدتها وخرجت من البيت

وفي اثناء ما كنت بوقف توكتوك

لقيت ادامي (دندوشة)

صاحبة الشغل

واول ما دندوشة شافت سحر بتتوجع

 قربت من سحر

وسالتها..

وقالت ...مالك يا سحر؟

فا ردت سحر

 وقالت..

انا بلبعت  علبةحبوب

 مهدئة

 عشان اهدي

وبدل ما الحبوب تهديني

طبقت علي صدري

فا بصتلها دندوشة بلوم

وقالت..

ولية تعملي في نفسك كده يا هبلة؟

فا ردت سحر بصعوبة

وقالت..

م النار الي كانت فيا

بعدما اتطلقت

فا رجعت دندوشة تسالها

تاني

وقالت

امال امك فين؟

فا ردت سحر

وقالت..

امي واخويا مسافرين

فا استغربت دندوشة

وسالتها تاني بفضول

سافروا راحوا فين؟

فا اتدخلت انا بسرعة وغيرت الموضوع

وقلت..مش وقت اسالة

 يا دندوشة؟

 نكشف علي سحر الاول

وبعدها نبقي نقعد ونحكي

وفعلا..

اخدنا سحر علي المستشفي

ودخلناها اوضة الكشف

وخرجنا انا ودندوشة

ننتظر بره

وبعد ما قعدنا بره شوية

جالنا الطبيب وهو بيبصلنا باسف 

وقال..البقاء لله

المريضة اتوفت

فا صرخت دندوشة

وسالتة..

ماتت ازاي؟ 

دي كانت لسة بتتكلم معانا من شوية؟

فا رد الدكتور

 وقال.. 

الوفاة حصلت بسبب هبوط حاد في الدورة الدموية

البقية في حياتكم

وفي اللحظة دي

حمدت ربنا 

ان سحر ...

هي الي نطقت و قالت لدندوشة...

علي خبر السفر

وعرفتها... ان امها اخدت غراب وسافرت

لان  دندوشة نشرت الخبر

وقالت...

انها عرفت موضوع السفر من سحر قبل ما تموت

وارتحت كمان

لان  سحر

ماتت موتة طبيبعية

ومشربتش من المية بتاعة حضن

لاني كنت هاخد ذنبها هي كمان

المهم اني دلوقتي

 خلصت من سحر اخت غراب..

 ومن  (حضن)

 الي كان عايز يجبرني  اني اتجوزة ...

و اعيش مع العفاريت  تحت الارض

المهم..

بعدما انتهينا  انا ودندوشة..

من اجراءات دفن سحر..  

لقيت دندوشة 

رجعت ...تسالني

 عن غراب... وامة تاني

وقالتلي..

هي ليه  حماتك خدت ابنها وسافروا ؟

وسافروا علي فين؟

فا رديت بسرعة

وقلت..

سافروا السعودية

قالت..لية؟

فا اتوترت من سؤالها

لكن جاوبت بسرعة

و قلت..

سافروا عشان .....؟

اه ....سافروا يعملوا (عمرة)

فا بصتلي دندوشة

 وهي باين علي وشها...

 انها مش مصدقاني

وقالتلي..عمرة؟

ده لو..

 الشيطان فكر  يروح يعمل عمرة؟

فا ام غراب مستحيل تعملها

من امتي ام غراب بتعمل عمرة؟

قلت..

اسكتي...يا دندوشة

مش ام غراب

جالها بعيد عنك المرض البطال

ولما حست انها قربت تودع

( فكرت في التوبة)

 وقالت...

 تطلع تعمل عمرة عشان تتوب؟

فا بصتلي دندوشة وهي متاثرة

وسالتني تاني

وقالتلي..

طيب وغراب سافر معاها ليه؟

قلت..ميحرم

قصدي... عشان يسندها في مرضها

في اللحظة دي

هزت دندوشة  راسها

وقالت..

اسفوخس ع الدنيا...

 وعلي الي يتعشم فيها

قلت..

شوفتي بقي يا دندوشة؟

 اهي دي مفروض...

 تكون علامة ليا انا ...وانتي

 عشان منرجعش نمشي في البطال تاني

ونتقي الله بقي

فا هزت دماغها 

وقالتلي...

ايوه والله عندك حق يا بت يا عفاف

هي فعلا علامة

وقبل ما تكمل كلامها معايا

رن الموبيل بتاعها

ولما ردت علي المتصل..

لقيتها ضربت علي صدرها

وقالت..يلهوي...

حصل امتي الكلام ده؟

طيب انا هروحله واشوف الحكاية ايه؟

وبعدما دندوشة قفلت الخط

سالتني

وقالتلي..

شوفتي الي حصل؟

قلت..خير؟

قالت..

لما فتحوا التربة عشان يدفنوا سحر اخت جوزك

التربي اتفاجئ بمصيبة سودة

قلت..مصيبة ايه؟

قالت..

حارس المقابر

 اكتشف ان حماتك بتدفن الاعمال الي بتعملها 

في المقابر الخاصة بيهم

و التربي عثر علي..

كمية احجبة.. واعمال سفلية 

وسحر اسود...

تخرب مية بيت وتدمر حياة اسعد زوجين

فسالتها

وقلت..

وام غراب كانت بتدفن العمل في المقابر ليه؟

قالت..ياريتها كانت بتدفن الاعمال في المقابر

دي كانت بتحط العمل جوه بق الميت

عشان محدش يقدر يوصلة

قلت..

معقولة ؟

ولية كل ده؟

ردت دندوشة

وقالت..

الله يسامحها بقي

 كانت قادرة

والشيطان نفسة يقولها يا عمتي

قلت..

للدرجة دي؟

يعني مش انا وعادل اخويا بس الي .......؟

فا ردت دندوشة

وقالت..

ام غراب ياما..

صابت شباب بالعجز ...والامراض 

ويا ما فلست ناس

وياما  خربت بيوت عمرانة 

وقفلت محلات كانت شغالة

 رجالة كتير طلقوا زوجاتهم

بسببها

وياما اطفال اتيتموا بسبب اعمالها

قلت...

وبنتك عرفت موضوع المقابر  ده ازاي؟

قالت...

 حارس المقابر قام بتصوير المقبرة..

ونشر الفيديوا علي النت

عشان الي معمول سحر باسمة

 يجي...

 ويشوف حل 

في العمل بتاعة

وبالصدفة...

 البت رغدة بنتي شافت الفيديوا 

ولمحت صورة... معمول عليها عمل لواحدة قريبتي

  فا بنتي اتصلت بيا 

وطلبت مني اني اروح للتربي

و اتاكد من الصورة

 قبل ما تقول لصاحبتها

وبعدما سمعت كلام دندوشة

قلتلها..

طيب روحي بسرعة شوفي

 الحكاية اية بالظبط؟

وارجعيلي تاني ضروري

قالت..حاضر

وبعدما خرجت دندوشة

فكرت اني ارجع عند امي...

واعيش معاها هي واخويا

لكن..

قلت..اقعد شوية في بيت 

 ام غراب

عشان انتظر دندوشة 

و اعرف حصل ايه؟

فا قعدت انا مع نفسي

اثناء فنرة الانتظار

وانا محتارة

وبسال نفسي

واقول..

نفسي اعرف

راحت فين ام غراب هي... وابنها ؟

وياتري هيظهروا تاني....

 ولا خلاص كدة؟

وياتري لغاية امتي الناس هيفضلوا مصدقين

انهم مسافرين؟

وهعمل ايه لو كدبة سفرهم اتكشفت؟

واثناء ما كنت سرحانة..

وشاردة ... ب افكاري

سمعت هبد علي باب الشقة بقوة

وكنت حاسة ان الباب هيتكسر من شدة الخبط

فا رنيت بسرعة علي دندوشة

وقلتلها..

الحقيني ..

في ناس بره ...

 عايزين يكسروا الباب عليا 

وانا مش عارفة هما مين

فا ردت دندوشة 

وقالتلي..

الي عندك علي الباب دلوقتي

هما اهل الضحايا...

 الي ام غراب شردتهم ...وضيعتهم

وجايين عشان ...

عايزين ينتقموا ..من ام غراب مش منك انتي

يعني افتحي متخافيش

فا جريت بسرعة افتح الباب..

واشوف في ايه؟

وفي اللخظة دي

شوفت ادامي خمس اشخاص

 اتنين ستات ...و٣رجالة

وبمجرد ما فتحت الباب ...

سالوني

فين ام غراب؟

قلت..

مش هنا..مسافرة

قالوا..امال انتي مين؟

قلتلهم ..انا زوجة ابنها

وبمجرد ما عرفوا اني مراة ابنها

هجموا عليا 

وقالوا...

احسنلك تقوليلنا علي مكانها ...

والا هنعذب فيكي... 

 لغاية ما تاخدينا علي مكانها 

قلت..

مهما عملتم فيا ...

برضوا مش هقدر اوصلكم لها

لاني فعلا معرفش مكانها

 وفي اللحظة دي

اعتبروني اني شريكة لام غراب وبحميها منهم

فا قرب مني شخص ضخم

من الرجالة الي واقفين

وقال..خلاص..

ابعدوا انتوا ...

وانا هجبرها ...واخليها تعترف وتقر بمكانها

 وبسرعة

خرج من جيبة زجاجة فيها..

 مادة سائلة

ورش نقطتين  من السائل ده علي الجلد

 الي في ايد الكرسي

فا ساح الجلد ...واتحرق في ثواني

 فا فهمت انها مية نار

ولقيتة بيقرب الزجاجة من عنيا وبدء يهددني

وقال..

النقطتين الجايين

هينزلوا  في عنيكي

فا صرخت

واقسمتلهم اني معرفش مكانهم

وللاسف طبعا الراجل الضخم..

 الي كان حاكم قبضتة عليا مصدقنيش

ولقيتة..فتح الزجاجة الي فيها مية النار

وبدء يستعد انه يرش المية

 علي وجهي

لكن..

قبل ما تنزل نقطة واحدة عليا 

سمعت صوت جاي من ناحية اوضة ام غراب

 بيقول..

انا معاك ا هوه..

خلي حسابك معايا انا

فا بصيت بسرعة باتجاه الصوت

عشان اتفاجئ بان الصوت دا صوت......؟

تفتكروا هيطلع مين

 صاحب الصوت .... ؟

امسح سلالم

ولا ...ارقص ع السلالم؟

ايه الي دخل السلالم في الرواية بتاعتنا يا حنون ؟

فكرة السلالم كانت السبب

 في .......

لا انتظروا...

قبل ما احكي عن  موضوع السلالم 

لازم ارجع بالاحداث من لحظة  ما وقفنا

.........      ..... .....    ........

الجزء السادس

سلاسل ام غراب

للكاتبة...حنان حسن

بعدما كان خلاص...

 الراجل الضخم ...بدء ينزل علي وجهي بمية النار

سمعت صوت بيوقفة

وبيقولة..

انا جيتلك اهوه

خلي حسابك معايا 

انا 

وسيبك منها خالص

في اللحظة دي

التفتوا الجميع 

با اتجاه الصوت...

الي كان تحديدا 

علي باب اوضة ام غراب

واتفاجئوا ب...(دندوشة)

واول ما شافها الراجل الضخم

شال ايده من عليا

وسالها..

وقال..انتي ام غراب؟

فا قربت منه دندوشة بكل جراءة

وقالتلة..

تؤتؤ ..انا قريبتها

فا ثار الراجل الضخم وثار الجميع من جديد

وهجم الراجل الضخم عليا من تاني

وقال..

يبقي انا هعذبكم انتوا الاتنين

 لغاية ..

ما تقولوا علي مكان ام غراب

وكان رايح عشان يحكم قبضتة علي دندوشة كمان

لكن..

قبل ما  يلمس دندوشة

في شيئ وقفة

بمجرد ما بص في عنيها 

برق عنية

و مسك دراعة...

 وكان واضح أنة بيتالم

وفجائة..

لقيتة بيرجع للخلف

وقال للناس الي معاه..

يلا ببنا يا جماعة

فا اعترضوا الجميع ورفضوا يمشوا

فا خرج الراجل الضخم لوحده بسرعة.. 

وترك الاربعة الباقيين

فا صرخت واحدة من اصحاب الثأر

وقالت..

انا مش همشي من هنا

 غير لما اكتف الاتنين دول 

واولع فيهم... وفي الشقة 

بالبنزين ده

وبعدها 

 هعرف ازاي اوصل لام غراب

فا وافق الجميع علي قرارها

وبدؤا الاربعة

بالالتفاف حواليا انا ودندوشة

 ولاحظت ان كان مع احدهم حبل  

وفي الايد التانية

 سك...&ينة

 مسنونة وسنها بيلمع

 ومع الاخر زجاجة فيها بنزين

ويبدوا انهم

كانوا جاديين فعلا في انهم يحرق...وني انا ودندوشة

والشقة كلها

وكانوا مش هيتركونا غير واحنا...

متفحمين جوه الشقة

للكاتبة..حنان حسن

وفي اللحظة دي 

اخدتني دندوشة خلف ظهرها

وقالت لهم...

الي مستغني عن عمرة يقرب مننا

فا قربوا الثلاثة عشان يهجموا علينا مره واحدة

وفضلت دندوشة واخداني خلف ظهرها

 بدون ما ترفع ايديها ..

ولا تتحرك 

حركة واحدة

وفجاءة..

لقيتهم بدؤا يعملوا حركات غريبة... هما الاربعة

ويقولوا.. لبعض...

 طفوا  النار

وفضلوا يصرخوا 

ويقولوا...

النار هتاكل جسمنا

وكانوا كلهم يتنططوا زي الفشار في الحلة

 الي علي النار

والغريبة...

 ان مكنش في نار في المكان خالص

والاغراب..

اني لقيتهم خرجوا يجروا 

علي بره

 وكأنهم بيهربوا من حاجة  

وبعدما خرجوا

لقيت دندوشة 

بتسالني

وبتقولي..

ها ؟...ايه رايك بقي؟

شوفتي خليتهم يخافوا ويجروا  ازاي؟

قلت...اية ده يا دندوشة؟

انتي خوفتيهم فعلا وانقذتي حياتي؟

فا سالتني دندوشة

وقالت..

انا استاهل ايه بقي دلوقتي؟

قلت..اطلبي اي حاجة 

وانا هعملهالك

فا لمست خدى بحنية

وقالت..

يعني اطلب اي حاجة نفسي فيها؟

قلت..طبعا اطلبي

فا ابتسمت

قالت..انا نفسي... في حضن؟

فا بصتلها بتعجب..

وبعدت عنها..

وقلت..

ايه يا ولية مالك؟

جرالك ايه؟

فا ضحكت دندوشة

وقالت..

بضحك معاكي يا قلبي

المهم دلوقتي ..

روحي بسرعة لمي هدومك

 عشان اوصلك لغاية امك

بدل ما تقابلي حد تاني

 من الي ليهم ثأر عند ام غراب

قلت..

هو لسة في حد تاني له ثأر عندها؟

قالت..ييييييياه

دي البلد كلها هتلاقيها هنا دلوقتي

قلت..ماشي

 استني هنا علي ما اروح الم هدومي

وفعلا ..

دخلت وجيبت شنطة

 وبدات الم في هدومي

واثناء ما كنت مشغولة بجمع ملابسي

سمعت صوت جرس الباب بره

فا ندهت علي دندوشة

وقلتلها ..

افتحي يا دندوشة

لكن..

الجرس فضل يرن ...ودندوشة مردتش عليا

ولا حتي فتحت الباب

فا رجعت انادي عليها تاني

وبردوا مردتش

والجرس مازال بيرن

فا خرجت اشوفها مش بترد عليا ليه؟

والغريبة اني لقيت دندوشة اختفت من الشقة

فا خرجت افتح الباب

ولما فتحت الباب

اتفاجئت..

 ان دندوشة هي الي بتخبط

وبترن الجرس

فسالتها وانا مستغربة

وقلت..

انتي ايه الي خرجك؟

واية الي قفل الباب وراكي؟

فا بصتلي دندوشة بتعجب

وقالتلي..

انتي الي قفلتي الباب ورايا

قلت..ازاي؟ 

دنا كنت جوه بجهز الهدوم

 زي ما قولتيلي

فا بصتلي دندوشة بتعجب تاني

وسالتني

وقالتلي..

هدوم ايه؟

قلت..

يا ولية مش انتي طلبتي مني من دقيقة 

اني اجهز شنطتي

 عشان توصليني لبيت امي؟

 وقلتي انك خايفة عليا

 من الناس الي كانوا جايين ل لام غراب؟

فا استغربت دندوشة برضو

وحطت ايديها علي راسي

وقالتلي..

سلامتك يا عفاف

 انتي تعبانة؟

قلت...ردي علي سؤالي

مش انتي كنتي هنا من دقيقة؟

فا ردت دندوشة

وقالت

انا من ساعة ما قولتلك 

اني ...

رايحة للبت بنتي

 عشان موضوع الفيديوا 

الي نشرة التربي علي النت... 

مرجعتش تاني ...

غير دلوقتي

 فا رديت وانا مش مصدقة كلامها...

وقلت...

يعني انتي من شوية...

 مخدتنيش ورا ظهرك

 وانقذتيني ...

من الناس الي كانوا هنا ؟

فا سالتني دندوشة بتعجب

وقالت..

هو انتي كان في ناس عندك هنا؟

للكاتبة..حنان حسن

في اللحظة دي

شكيت ان يكون الي انقذني

 من شوية

هو..( حضن)

 لكن...كان متجسد..

( في هيئة دندوشة)

وفضلت اسال نفسي

واقول..

ايوه صح..

انا ازاي انا مخدتش بالي

 ان دندوشة كانت خارجة من اوضة ام غراب 

بالرغم من ان دندوشة

مكنتش في البيت اصلا؟

وازاي مخدتش بالي لما طلبت مني حضن؟

وفي اثناء ما كنت بفتكر الي حصل تاني

لقيت دندوشة

بتقولي..

بقولك ايه يا بت يا عفاف

انا مش فاهمة انتي بتتكلمي علي ايه؟

لكن..

انتي لازم فعلا ..

تمشي من البيت هنا وبسرعة

لان كل اعداء ام غراب

 ممكن يهجموا علي البيت

 بين لحظة والتانية

فا هزيت راسي

وقلت..

طبعا همشي

انا مقدرش اقعد هنا ولا ثانية تاني

وبالفعل..

اخدت شنطتي وخرجت 

مع دندوشة

وبعدما سيبتها في الشارع

 ركبت التوكتوك

وروحت علي بيت امي

وخبطت علي الباب

فا فتحتلي امي 

وهي علي وجهها غضب ما بعدة غضب

فسالتها

وقلت..في ايه؟

فا ردت امي

وقالت..

بقي مش عارفة في ايه؟

قلت..لا

قالت..

سحر قبل ما تغور من هنا

 عرفتني الحقيقة

وقالتلي ....

علي انتي عملتية

 قلت..

قالتلك  ايه سحر؟

فا ردت امي

وقالت...

سحر قالتلي..

انك نفذتي اوامر حماتك..

وساعدتيها انها تعمل لاخوكي عمل

 عشان يتجوز سحر

وبالامارة انتي الي خيطتي  العمل في المخدة

 الي اخوكي بينام عليها

قلت..لا طبعا محصلش سحر كدابة

فا ردت امي 

وقالتلي..

انتي بتكدبيها ...

عشان عرفتي انها ماتت

ومش هتقدر تدافع عن نفسها

الله يسامحها بقي

 لو كانت لسة عايشة 

كان زماني واجهتك بيها

قلت..

طيب دخليني يا ماما عشان...

قالت..

لا ...

انتي خاينة..

وام غراب خلاص سيطرت عليكي

 هي ...وابنها غراب..

عشان كدة

ورحمة ابويا

 ما هتخطي بيتي تاني 

طول منا عايشة

واتفضلي خدي بنتك وامشي 

من هنا

قلت..ارجع اروح فين؟

قالت..ارجعي لحماتك ...وجوزك

قلت..ايوه بس.....

هما مش في البيت.قصدي يعني...

(مسافرين)

فاردت امي بحسم

وقالت.. 

مليش دعوة ارجعي بيتك...

 واستنيهم لما يرجعوا

فا فضلت افكر

واقول..

ازاي هرجع انا... وبنتي لبيت ام غراب تاني؟

وهنروح فين؟

اروح لدندوشة؟

لا..

استحالة اعرض بنتي

 للي شوفتة في بيت دندوشة

 ومش هينفع اخدها لبيت

ام غراب

 بعد الي حصل في البيت هناك

فا اتوسلت لامي

وقلتلها..

ارجوكي يا امي

انا بعترف اني غلطت ...

لما صممت... واتحديتكم 

لغاية ما اتجوزت غراب 

 بس بنتي ملهاش ذنب

انا مش هعرف اخد بالي منها وانا لوحدي

فا بصتلي وسالتني

وقالت..يعني عايزة ايه؟

قلت

خلي البنت عندك

لغاية ام غراب وابنها...

 يرجعوا من السفر

 وبعدها..

 هنيجي ناخدها منك

فا وافقت امي

وقالتلي..ماشي  

خليها لغاية ما يرجعوا

وفعلا

سيبت بنتي عند امي

وروحت عند دندوشة

وطبعا اول ما شافتني دندوشة فرحت اوي

وقالتلي..

يا اهلا وسهلا بيكي 

تعالي الشغل مستنيكي

فا رديت وانا بتوسل لها

وقلت

لا ارجوكي يا دندوشة

 بلاش من الشغل اياه

انا عايزة اي شغلانة  شريفة

انشلة امسح سلالم

 لاني.. مش عايزة ارجع 

للمشي البطال تاني

فا بصتلي بتعجب

وقالتلي..

بقي الجمال ده كلة

 يتبهدل في مسح السلالم؟

قلت..

ايوه يا ستي انتي مالك

همسح سلالم

و علي استعداد اشتغل في البيوت كمان

بس مرجعش للحرام تاني

فافكرت دندوشة شوية

وقالتلي..

هو في  شغلانة 

بس صعبة شوية

وممكن متقدريش عليها

قلت...

لية شغلانة متعبة يعني؟

قالت بالعكس 

مفيهاش تعب كتير

قلت..

امال ليه بتقولي انها صعبة؟

قالت

اصل انتي حلوه اوي

ومش هتستمري فيها بسبب حلاوتك دي

قلت..شغلانة ايه دي؟

قالت..في ناس طلبوا مني (جليسة  مسنين)

 لواحدة ست كبيرة

يعني هتهتمي  بواحدة ست كبيرة في السن

وهتبقي مسؤالة عن اكلها... وشربها...وحمومها 

وطبعا هتغيرلها البامبرز

لانها ست مريضة 

وبتتبرز علي نفسها

قلت..هي الست الكبيرة دي عايشة لوحدها ؟

فاردت دندوشة

وقالت..لا

الست ثريا مش عايشة لوحدها

دي عايشة في بيت كبير

 مع ابنها الوحيد ( كريم بية)

ودول ناس اغنية جدا 

وكريم ده امة غالية عنده اوي..

وتقدري تقولي كده ..

امة دي... نقطة ضعفة الوحيدة

وهو الي طالب لها جليسة غير الي مشيت من عندهم

اصل مفيش جليسة بتستمر عندهم 

قلت..

ولية كل جليسة بيجيبوها بتمشي من عندهم؟

هما ناس بخلة ولا ايه؟

فا ردت دندوشة

وقالت..بخل ايه ؟

دا ابن الست ثريا اسمه كريم

وهو ابو الكرم كلة 

فعلا

يعني اسم علي مسمي

وامه يا عيني ست مريضة

 وعبارة عن جثة قاعدة علي كرسي متحرك 

لا بتتكلم ولا بتسمع

قلت..

امال ليه كل جليسة بيجبوها بتمشي؟

هو راجل عينة زايغة؟

قالت بالعكس

ده كريم بية 

راجل محترم... ووقور ....

وابن ناس

 وطيب جدا كمان

للكاتبة..حنان حسن

قلت..غلبتيني..

امال ليه مفيش جليسة بتستمر عندهم؟

فا وضحتلي دندوشة

وقالت..

انا بعتلهم واحدة من طرفي

 قبل كده

وبرضوا مشيت من عندهم

ولما سالتها

وقلتلها..

انتي مشيتي ليه؟

فهمتني الي بيحصل

وطلع السبب ان..

 كريم بيه  بعد ما ابوه مات 

اخد  عمتة 

 تعيش معاهم في البيت

وعمتة مش عايشة عندهم لوحدها.. لا

دي معاها بناتها الاربعة

وبعيد عنك 

عمتة دي ..ست حقنة

ومحدش يطيقها

وبناتها ميتخيروش عنها

واي واحدة بتروح تخدم الست ثريا 

بيقرفوها لغاية ما تمشي

قلت..

ومراتة ليه مش بتسيطر علي الي بيحصل ده؟

قالت..كريم بيه  مراتة ماتت

 من فترة 

وبالرغم من انة غني وعنده فلوس بالكوم

لكن.. متجوزش بعدها

وعمتة هتموت وتجوزة واحدة من بناتها

عشان تسيطر علي البيت كلة

وعشان كده 

جايبة مديرة للبيت تابعها

ومديرة البيت بتقوم بدور الجليسة...

لكن ...بالرغم انها عارفة ان مديرة البيت 

مش بتهتم كويس 

بالست ثريا 

لكن ...

مصممة تسيبها في البيت 

وبتطفش  اي جليسة تيجي للست ثريا

وعشان..

كريم بيه ...

مش بيثق في الجليسة الي جايباها عمتة

صمم انة يجيب جليسة خاصة بامة

 ومن يوم ما البواب جه كلمني

 عشان اشوفلة واحدة..

وانا بدور علي جليسة ومش لاقية

في اللحظة دي

للكاتبة...حنان حسن

بصيت لدندوشة

وقلتلها..

طيب انا عايزة اروح للست ثريا

فا ردت دندوشة

وقالت..هتستحملي الذل والبهدلة؟

قلت..حاول استحمل

 لغاية ما تشوفيلي شغلانة تانية

فا هزت كتافها 

وقالتلي..

ماشي زي ما تحبي

تعالي دلوقتي نروح ع الفيلا بتاعة الست ثريا

وفعلا..

روحنا علي الفيلا

واول ما وصلنا لباب الفيلا

طلبت دندوشة من البواب انه يقابلنا بكريم بيه

فا دخل البواب جوه الفيلا

وبعدما غاب شوية

رجع يقولنا..

اتفضلوا..

فا دخلنا انا ...ودندوشة للجنينة..

وفضلنا ماشيين مع البواب

لغاية ما شوفنا بول

 (حمام ساحة)

وعلية تربيزة وكراسي 

و لمحت واحدة ست قاعدة علي كرسي

من الكراسي دي

وحواليها اربع بنات 

قاعدين معاها

وقدامهم فاكهة وعصير كتير

واول ما الست

شافتني

بصتلي من فوق لتحت

وكأنها قرفانة من شكلي

وقالت..نعم؟

فا ردت دندوشة

وقالت..

دي  الجليسة الي انتوا طلبتوها

فا ردت الست بعجرفة 

وسالتها

وقالت..

ومين الي طلب منك 

 تجيبيلنا جليسة؟

في اللحظة دي

للكاتبة حنان حسن

سمعت صوت رجالي بيرد عليها

وبيقول..

انا الي طلبتها يا عمتي

فا بصيت باتجاه الصوت

واتفاجئت بان صاحب الفيلا

حد اعرفة كويس اوي

فا جريت علية وانا مستغربة..

 وغصب عني نطقت اسمة

وقلت ...

 حضن.........؟

تكملة الرواية من هناااااااااا

.