روايه بعت نفسي الفصل 41-42-43-44-45بقلم نسرين بلعجيلي (جميع الفصول كامله وحصريه)

روايه بعت نفسي الفصل 41-42-43-44-45بقلم نسرين بلعجيلي (جميع الفصول كامله وحصريه) 

روايه بعت نفسي الفصل 41-42-43-44-45بقلم نسرين بلعجيلي (جميع الفصول كامله وحصريه) 

البارت 41

جا الدكتور مع مليكه بعد ماشرح ليها كل حاجه عن الادويه 

دخلو الغرفه وساعدوه يقعد علي الكرسي المتحرك

وابتدا الدكتور يشرح ليه اهميه الدوا وازاي يتصرف 

طلعو من المستشفى

روايات Nisrine Bellaajili 

ورحيم شايف مليكه مش علي بعضها 

قرب من اكرم 

**رحيم هي مالها ؟؟

**اكرم بص ليها وشاف وشها اصفر 

خايفه ما هي عارفه انها رايحه جهنم برجليها ولا انت رأيك ايه يا جدي ؟

رحيم ماردش 

ركبوه في العربيه ورا وجنبو مليكه 

وقدام رحيم مع السواق 

طول الطريق وهي قلبها بيضرب بسرعه جدا وحاسة بخوف كبير وايديها بتترعش كانت عايزه تقولهم انا مش حاكمل 

ادهم بص ناحيتها وعرف هي بتفكر في ايه 

**ادهم لو مش عايزه تكملي قولي هنا وانزلي 

هي فضلت تبص عليه من غير كلام 

**رحيم هو دخول الحمام زي خروجو خليها معاك اهي خدامه بي بلاش

السواق صعبت عليه اوي الغلابه بحسو بي بعض

من غير ما تحس نزلت دمعه من عينيها مسحتها بسرعه

وصلو القصر

اتفتحت بوابه كبيره جدا ودخلت العربيه 

مليكه بصت من الشباك لاقت مساحه كبيره مليانه ورد وفي وسط نافوره كبيره حاجه ولا في الخيال 

وقفت العربيه

نزلو منها شافت طقم كبير من الخدم كلهم لابسين يونيفورم في الازرق 

وعصمت و كامليا واقفين عند الباب 

اكرم بسرعه جاب الكرسي المتحرك وقعد ادهم عليه وراح من ناحيه الجنينه علشان ماينفعش يطلع السلم 

وصلو غرفه او جناح كبير دخلو من البلكونه الكبيره دخلو جوه 

مليكه بي انبهار بتشوف كميه الغني الفاحش 

صحيت من سرحنها علي صوت رحيم 

**رحيم ماتشوفي شغلك

**مليكه حاضر

وراحت عندو تعدل ليه المخدات علي ضهرو وهو بيتألم 

من كثر الالم اول ما قربت منو علشان تغطيه زقها بكل حر الوجع وقعت جنب السرير علي ذراعها المكسوره 

حس بي اللي عملو لما سمع

انين وجعها 

**مليكه اااااااااااه يا دراعي 

فضلت ثواني تتوجع وهي علي الارض

راح ليها اكرم بسرعه ساعدها تقوم 

رحيم كان مستنكر من عملت ادهم مش لدرجه دي 

اما ادهم كان بي بص ليها بعصبيه عايزها تمشي 

كل دا تحت عنين عصمت و كامليا اللي كانو مبسوطين اوي اوي 

**كامليا بدلع حمدالله على السلامه يا دومي نورت القصر 

**ادهم الله يسلمك

**عصمت كلنا معاك يا حبيبي لحد ماتقوم علي خير

**ادهم شكرا يا عمتو 

**كامليا هي الزفته دي حاتفضل هنا يا جدو وشاورت علي مليكه ؟؟!

مليكه كانت لسه ماسكه دراعها  اللي بيوجعها اكثر من وجع نفسها وقلبها وكرامتها اللي اتبعترت في الارض قدام الكل

**اكرم طيب يا جماعه نسيبو يرتاح شويه 

طلعو كلهم 

روايات نسرين بلعجيلي Nisrine  Bellaajili 

اكرم راح عند ادهم 

**اكرم براحه عليها وعيب وحرام اللي عملتو ومتنساش إن هي كمان دراعها مكسور ووقعت عليه  وكفايه انها بتحركو كثير علشان تساعدك 

وطلع

مليكه كانت واقفه في مكانها مش عارفه تعمل ايه 

كل اللي كانت بتفكر فيه انها نفسها تترمي في حضن امها اللي وحشتها اوي اوي 

فضلت تدور بعنيها علي الحمام لحد ماشافت الباب وراحت عليه اول ما دخلت قعدت علي الارض بتعيط

اما هو مش عارف ليه اهانها قدام الكل كده

عصمت دخلت القصر مع كامليا 

**عصمت شوفتي عمل فيها ايه دلوقتي مهمتك تدلعي عليه شويتين حب وسهوكه لحد ما يطلقها ويتجوزك 

**كامليا مبسوطه اوي اوي انا كنت مفكره انو بحبها 

**عصمت يحب مين واحده زي دي لا حلوه ولا حاجه بنت معفنه عاش معاها يومين هي دلوقتي خدامه بس عندو.

مليكه بعد 10 دقائق من العياط 

مسحت وشها بي مياه 

وطلعت كا انو مافيش حاجه وهو متاكد انها كانت بتعيط من عينيها الحمرا 

**مليكه بعد اذنك وقت الدوا 

طلعت القرص واداتهولو مع كبايه مياه

ادهم اخد الدواء 

**ادهم انا عايز انام شويه 

**مليكه حاضر 

ونزلت السرير الطبي كان سرير كبير

**ادهم عايز اغير هدومي 

**مليكه حاضر

فتحت الدولاب طلعت ليه بنطلون بيتي مع تيشورط في الاسود

وقربت منو

حطتهم علي السرير 

**ادهم اقفلي باب البلكونه وستاير واقفلي كمان الباب بي المفتاح 

عملت كل دا من غير ماتتكلم او تبص ليه 

راحت الحمام وجابت تشت عليه مياه سخنه وفوطه 

وابتدت تمسح ليه جسمو وغيرت ليه 

وهو متابع بتعمل ايه وعايز يشوف ادا هي حاتقرف منو  ولا لا 

و مستغرب من كميه الهدوء اللي فيها هي عامله جبس لي دراعها المكسور والمفروض متحركوش بس هي شالت الدرع اللي المفروض تلبسو 

خلصت 

**مليكه تؤمر بي حاجه تانيه يا ادهم بيه؟؟

رفعت عينيها ليه مستنيه ردو 

هو كان بي بص لعنيها وعرف انو كسرها من جواها 

**ادهم اطفي النور

راحت طفت النور وقعدت في الضلمه مش عارفه تعمل ايه 

راحت علي كنبه وفردت نفسها عليها دقائق ونامت

بعد ساعتين 

صحي ادهم 

**ادهم مليكه انت فين ؟؟

**مليكه نعم

راحت ولعت النور وفتحت الستائر 

**ادهم انا جيعان قوليلهم يحضرو الغدا

**مليكه بتوثر انا مش عارفه اروح فين واسأل مين !؟

ادهم اخد موبايل واتصل علي اكرم 

بعد شويه جات الشغاله خبطت علي الباب واداتهم صنيه كبيره عليها الاكل بس مليكه لاحضت إن الاكل يكفي لواحد بس 

ساعدتو يقعد شويه علي السرير 

وابتدت تاكلو 

وهو كان عاجبو الوضع رغم هي اللي محتاجه حد ياكلها دخل رحيم من غير ما يخبط وشافها بتاكلو 

**رحيم لما تخلصي روحي المطبخ عند الشغالين تتغدي معاهم 

مليكه سكتت ماردتش هو في اهانه اكثر من كده

**رحيم انا بكلمك ما بترديش ليه؟؟

**مليكه انا اسفه حضرتك

كملت مع ادهم لحد ما هو قال ليها انو مش عايز 

و اداتو الدوا  

**رحيم خودي الصنييه وروحي المطبخ عايز اتكلم مع حفيدي 

بقولك ماحدش يعرف انك مراتو الخدم عارفين انك الممرضه بتاعتو

هنا مليكه رفعت عينيها علي ادهم اللي ما علقش بي ولا كلمه 

خدت الصينيه وطلعت 

Nisrine Bellaajili 

**ادهم ليه يا جدي؟؟

**رحيم علشان تعرف مقامها كويس

**ادهم هي عارفاه كويس  مش كفايه عصبيتي عليها

**رحيم لو هي صعبانه عليك كده طلقها

**ادهم أنا قولتلك اني مش قادر اعمل كده  ومحتاج ليها جنبي و مش حطلقها 

**رحيم انا مسغربك انت اهانتها قدام الكل وزقتها علي دراعها المكسور من غير شفقه ولا رحمه ودلوقتي تقولي انا محتاج ليها 

**ادهم عمرك ما حاتفهمني يا جدي وبعدين ازاي الخدم يعرفو انها الممرضه ولما تنام معايا في النفس الاوضه حايقولو ايه؟؟

**رحيم هو انت عايزها تنام معاك هنا لا فوق لنفسك انا خليت الخدم يجهزو الاوضه اللي جنبك 

**ادهم انا ماقدرش ابعد عنها و مابعرفش  انام الا في حضنها افهم بقا ولما بتعصب غصب عني من الوجع اللي بحسو ومن الدوا اللي باخد وزي ما شوفت هي ولا قالت حاجه واحترمتني قدامكم لو وحده مكانها كانت بهدلتني 

انا مش حاسمح لي حد يهينها ومافيش اكل مع الخدم روح عندها جيبها لو سمحت

***************************

انا مش حسأل لكم حريه التعبير 

بقلم نسرين بلعجيلي

روايه بعت نفسي بقلم نسرين بلعجيلي 

البارت 42

مليكه دخلت المطبخ 

**مليكه سلام عليكم 

**الكل وعليكم السلام

عم مدبولي كبير الخدم وليه سنين شغال في القصر هو مراتو الدادا وداد 

اللي ربت ادهم

**عم مدبولي في حاجه يا بنتي؟

**مليكه وهي خجلانه من الموقف اصلي جيعانه وكنت عايزه اعرف حاتتغدو امتي؟

**وداد احنا اكلنا يا بنتي حاغرف ليكي حالا 

هنا دخل اكرم بعد ما ادهم اتصل بيه

حكالو علي اللي حصل من جدو 

**اكرم دادا وداد حطيلي الغدا في الجنينه مع مليكه 

**مليكه اصل ...

**اكرم تعالي يا مليكه عايزك في موضوع 

وطلعو الجنينه

**كوثر الشغاله 

اوبا الممرضه لفت علي اكرم بيه

**زينب الشغاله ممرضه ايه دا انا سمعت الست عصمت بتقول انها مراتو 

**كوثر مرات مين؟

**زينب مرات ادهم بيه

**عم مدبولي كل وحده تقفل بؤها وتشوف شغلها وانت يا وداد خلصي 

في الجنينه 

روايات نسرين بلعجيلي Nisrine  Bellaajili 

**مليكه ارجوك يا اكرم بيه مش عايزه مشاكل مع ادهم بيه و رحيم بيه

**اكرم اول حاجه قولي ليا اكرم بس بلاش بيه

**مليكه معلش ماقدرش 

**اكرم من فضلك اتعاملي معايا عادي وبعدين يا مليكه حاتفضلي ساكته علي حقك ؟؟

**مليكه اعمل ايه ؟

**اكرم عايزه تكملي مع ادهم ؟

**مليكه مش عايزه اتخلي عنو بس الي حصل انهارده خوفني ماقدرش استحمل 

**اكرم دراعك بتوجعك؟

**مليكه اه جدا حتي بص ايدي اتنفخت ازاي 

اكرم مسك ايد مليكه يشوفها 

هنا كانت  عصمت و كامليا بصورو كل حاجه 

**اكرم حاتصل بدكتور شريف يجي يشوف ايدك 

**مليكه عايزه اشوف امي وفي نفس الوقت خايفه وماقدرش اسيب ادهم 

**اكرم اللي بتعمليه مع ادهم ربنا يجزيكي كل خير بس مش علي حساب نفسك 

انا حاكون صريح معاكي مش حاتسلمي من عمتي وبنتها ولا جدي رحيم 

هنا جات 

الدادا وداد

**اكرم شكرا يا دادا 

بصي دي مرات ادهم خلي بالك منها انت فاهمه قصدي  ايه ؟

**الدادا وداد فاهمه يابني 

وراحت

**مليكه انت عملت ايه رحيم بيه قالهم اني الممرضه

**اكرم عارف ادهم اتصل بيا وحكالي وهو مش عاجبو واتخانق مع جدي 

مليكه وقفت لازم اروح اشوفو

اكرم مسك ايديها 

**اكرم اقعدي اتغدي الاول جدي لسه معاه 

مليكه كانت جيعانه جدا اكلت كويس 

**اكرم خليكي قويه وانا متاكد ان ادهم بحبك حاجات كثير عملها علشانك وهو ضحي بحياتو علشان ينقدك هو محتاج ليكي استحملي ولو مش قادره قوليلي واطلقك منو

**مليكه ان شاء الله احاول  استحمل ولو مش قادره حاقولك

رحيم طلع من عند ادهم بعد مشاده كلاميه بينهم وطلع متنرفز

**مليكه يارب استر حاروح اشوف ادهم 

راحت دخلت من البلكونه

شافت ادهم رمي كل حاجه من فوق كومودينو اللي جنبو

**مليكه محتاج حاجه ؟؟

**ادهم بعصبية محتاج ادخل الحمام حا تساعديني ؟ ما انا خلاص بقيت عاجز ولا خلاص لازم اعمل كل حاجه زي الاطفال ؟

**مليكه اهدا انت بس وكل حاجه انت عاوزها انا حاعملها ليك مش عايز الحفاضات بلاها و اساعدك تخش الحمام 

**ادهم انت بتضحكي عليا ؟

**مليكه عيب اضحك عليك 

وراحت عندو بعد ما جابت ليه الكرسي المتحرك

بص انا حاول اساعدك تقعد واسندك تقعد علي كرسي

**ادهم حا تقدري؟؟

**مليكه بي إذن الله

وفعلا ساعدتو لحد ما قعد علي كرسي رغم انو كان تقيل عليها واخدتو الحمام 

ساعدتو قعد عليه وطلعت بره لحد ما يخلص 

ونده عليها 

دخلت عندو 

**ادهم مليكه عايز اعمل دوش 

الحمام كان فيه مكان الدوش وعليه كرسي 

رحيم جاب ناس متخصصه حضرو كل حاجه 

**مليكه حاضر

بعد معانات عرفت تساعدو يقعد 

**ادهم خلاص علشان دراعك والجبس 

**مليكه مش مشكله احرك ايدي الثانيه 

اكرم دخل وسمعهم في الحمام

وطلع اتصل بي شريف

نسرين بلعجيلي 

بعد ما خلص ادهم الدوش ولبستو هدومو ساعدتو ينام في السرير 

**ادهم شكرا يا مليكه 

**مليكه العفو دا واجبي

**ادهم لا مش واجب عليكي انا بقيت حمل تقيل  وصعب عليكي تعبتك علشان تقوميني وتسنديني 

**مليكه معلش دا في الاول وبعدين حانتعود علي الوضع 

**ادهم مليكه فكري في الموضوع مش عايز اضلمك كفايه اللي عملتو فيكي انا وحش اوي

**مليكه نتفق علي حاجه  لو مش حاقدر استحمل حاقولك بس خليني جنبك الفتره دي وعلي فكره انا عارفه انو غصب عنك وعارفه إن الدوا بعصبك

**ادهم تعالي يا مليكه قربي عندي 

قربت عندو وحضنها جامد

**ادهم انت نعمه من عند ربنا يا مليكه

هنا دخلت كامليا 

**كامليا ايه قله الادب دي انت يا معفنه نسيتي نفسك ؟؟

**ادهم انت ازاي تخشي علينا انا ومراتي؟؟؟

**كامليا انا جيت اطمن عليك

**ادهم اطلعي بره

**كامليا انا تطردني علشان خاطر الجربوعه دي ؟؟

**ادهم بصوت عالي اطلعي بره ؟!!!!!

**مليكه اهدا مش كدا 

لو سمحتي ممكن تطلعي انت شايفه حالتو

**كامليا مش انت اللي تقوليلي اعمل ايه وقربت من مليكه وضربتها بي القلم في وشها

الوقت دا دخل اكرم ورحيم علي صوتهم

**اكرم ازاي انت تمدي ايدك عليها؟؟

**كامليا الزباله دي طردتني بره

**مليكه انا مش زباله وطردتك لانك دخلت علينا من غير الاستأذان ودي قلت ادب وكمان غلطتي فيا ومديتي ايدك عليا لولا عامله حساب لجوزي كنت جبت شعرك تحت رجلي

**كامليا ايه البيئه دي انا تجبيني تحت رجلك يا معفنه!!!! 

**مليكه الله يسامحك واحترمي نفسك 

**رحيم بصوت عالي مليكه اسكتي

**مليكه احتراما ليك ولجوزي حاسكت 

**كامليا انت نسيتي نفسك جوزك دا ايه انت هنا خدامه وممرضه 

جات عصمت

**عصمت ايه يا بابا بنتي بتتهزء من وحده من الشارع وانت ساكت ؟

الزباله دي مش لازم تبات هنا 

**ادهم اوك يا عصمت هانم

اكرم حضر العربيه انا  ومليكه حانروح شقتي نعيش فيها 

**رحيم لا يابني ماتعملش فيا كده انا ماقدرش علي بعدك 

**ادهم لا يا جدي المكان اللي ماحدش يحترم فيه مراتي مش حاقعد فيه ولعلمك بقا يا عمتي مليكه ست القصر دا 

انتو اللي ضيوف عندها 

**رحيم خلاص يا ادهم 

وانت خودي بنتك واطلعي

**عصمت لا لا انت خلاص مابقتش ادهم اللي مربياه البتاعه دي عملت فيك ايه؟

**ادهم كل خير اللي انت وبنتك ما تعرفيهوش 

بنتك دخلت علينا الاوضه من غير ماتخبط علي الباب وكانت مليكه في حضني  واشكرها علشان ساعدتني اروح الحمام واخد دوش وبنتك غلطت فيها ومدت ايديها عليها علشان شافتني عاجز مش حاقدر اقوم ادافع عنها  بصو بقا اللي مش حايحترم مراتي يطلع بره القصر بتاعي 

نسرين بلعجيلي 

**عصمت حيلك حيلك ايه ورث القصر و جدك لسه عايش

**ادهم القصر دا بتاعي من سنين وانت وبنتك ضيوف فيه يا تقعدو بي احترامكم يا تطلعو بره وحالا تعتذري لمراتي او هي ترجع ليكي القلم علي وشك ؟ 

**كامليا انا اعتذر من البتاعه دي 

**ادهم جدي انا تعبت منكم وعايز ارتاح حاروح شقتي لحد ما هما يطلعو بره القصر 

**رحيم اعتذري حالا لي  مليكه ؟

**عصمت انت بتقول ايه يا بابا وازاي  القصر بتاع ادهم ؟

**رحيم ايوه بعد ما انت وجوزك خربتوها وغرقتوني ديون وصفقات فاشله 

ادهم اشترا القصر اللي كان حايتعرض في المزاد العلني واحنا كلنا ضيوف عندو 

يلا يا كامليا اعتذري 

كامليا بصت لي امها

اللي طلعت بعد ما وقع عليها الخبر زي الصاعقه واتصدمت من رحيم فوق ما تتصورو 

**رحيم خلصينا يا كامليا 

**كامليا انا اسفه يا مليكه 

**ادهم ماشوفش وشك هنا عندي في الاوضه واياكي تقربي منها تاني يلا اطلعي بره

****************************

برافو يا ادهم 

شكرا ليكم علي كلامكم الحلو اللي بحفزني

بعت نفسي بقلم نسرين بلعجيلي 

البارت 43

**رحيم ليه يا ادهم تعمل كده دا كان سر بينا ليه تفضحه؟؟

**ادهم استنينك تجيب حق مراتي بس طالما سكت يبقا كل واحد يعرف مقامو في القصر دا 

جدي انا تعبان عايز ارتاح وبجد هنا مش واخد راحتي 

**رحيم حاضر يابني حاكلمهم يبعدو عنكم بس مراتك كمان غلطت فيها اكيد مش حاتيجي وتضربها من الباب لي الطاق

**ادهم لا مراتي ماغلطتش وكل حاجه كانت قدامي مش عايزهم  يقربو الجناح بتاعي خالص بنتك خلاص اتجننت 

بص يا جدي لو حصل لمليكه حاجه عمري ما محسامحك 

**رحيم ماشي يا ادهم 

وطلع من الغرفه 

كل الكلام دا ومليكه مصدومه وكان ادهم ماسك ايديها

**اكرم علي فكره اللي عملتو عين العقل

**ادهم شوفتك مش مصدوم إن القصر بتاعي ؟

**اكرم انت عارف انا بعزك قد ايه وانت اللي شايل الشغل بعد ما عمتك طلعت من الشركه بخسائر

مليكه حاولي تتجنبي تتعاملي معاهم علي قد ما تقدري 

**مليكه انا والله مش عايزه مشاكل 

**اكرم ادهم لو محتاج  اي حاجه  قولي انا موجود 

**ادهم الحمدالله مليكه قايمه بي الواجب 

**اكرم حاطلع اريح لحد ما شريف يجي عايز يطمن عليك وكمان يشوف ايد مليكه ورمت كده ليه

**ادهم وريني كده ومسك ايديها 

ليه ما قولتليش انها بتوجعك ؟؟

**اكرم ربنا يستر ومايكونش كسر تاني انت زقتها جامد فيها

هنا ادهم غمض عينيه وهو حزين

**اكرم انا قولت لي دادا وداد إن مليكه تبقا مراتك 

**ادهم شكرا يا اكرم 

راح اكرم 

وفضلت مليكه واقفه جنب ادهم

**مليكه لازم تاخد الدوا 

**ادهم حط ايدو علي خدها اللي ضربتها فيه كامليا 

حقك عليا 

**مليكه مافيش حاجه انت جبت ليا حقي وزياده شكرا 

اخد العلاج بتاعو 

وجات جنبو نامت علي صدرو 

لحد ما جا الدكتور شريف وحكالو اكرم كل حاجه حصلت وحتي اغتصاب  ادهم لي مليكه و ازاي وقعها علي الارض 

كان وقتها ادهم ومليكه صحيو من النوم وطلب منها فنجان قهوه

راحت المطبخ

**زينب في حاجه ؟؟

**مليكه عايزه اعمل قهوه لي ادهم

**زينب نعم ادهم كده حاف ؟!؟!

**مليكه فهمت من نضراتها انها متوصيه عليها 

اه كده حاف واوعي من وشي

**زينب لا بقولك ايه ماحدش يحط ايدو في المطبخ 

**مليكه ادهم عايز قهوه من ايدي لو طلبها منكم ساعتها اعمليها

ابتدت تعمل القهوه 

**عم مدبولي ازيك يا بنتي ؟؟

**مليكه بي ابتسامه الحمدالله نشكر ربنا 

**عم مدبولي يستاهل الحمد والشكر 

لو محتاجه اي حاجه اطلبيها مني ولا من مراتي وداد 

و سيبك من دول

**مليكه حاضر

اخدت القهوه وراحت عندو 

**ادهم انت اللي عملتي القهوه ؟؟

**مليكه ايوه انا اللي عملتها 

**ادهم تسلم ايدك

**مليكه كنت عايزه اشوف امي وكمان معنديش هدوم هنا 

قلب ادهم اتقبض 

**ادهم لو روحت لي امك حاتسبيني ؟؟

**مليكه اكيد لا 

**ادهم يعني مش حاتقعدي عندها ؟

**مليكه ماينفعش اسيبك انا خايفه حاقول لي امي ايه؟

**ادهم الحقيقه يا مليكه ماهي لازم تعرف وبعدين خلاص انا اعلنت جوازي منك ولما ابقا كويس واقف علي رجلي حاعملك فرح 

**مليكه فرح ؟!؟!

**ادهم ايوه يا مليكه انت تستاهلي كل خير 

**مليكه والله انا مش عايزه لا فرح ولا اي حاجه بس انت تبقا كويس بالله عليك متفرطش في الصلاه بتاعتك واحمد ربنا كل لحضه علي اللي انت فيه وبشكرك انك انقدتني 

**ادهم بصي دا شعور طبيعي اني احميكي انت مراتي و بعدين   انا السبب في كل اللي حصل 

**مليكه كلو خير وعسى ان تكرهوا شيئا وهو خير لكم وعسى ان تحبو شيئا وهو شر لكم

نسرين بلعجيلي 

**ادهم ونعم بالله و الحمدالله طيب اطمن علي ايدك واخلي اكرم يوصلك الشقه تيجيبي كل حاجتك من هناك واي حاجه انت محتاجاها جيبيها وفي مفتاح الخزنه خوديه خليه معاكي 

**مليكه لا لو سمحت مش عايزه اخد مسؤلية انا مش قدها

جا شريف

**شريف الف حمدالله علي السلامه يا ادهم

**ادهم الله يسلمك

**مليكه حاروح اعمل ليكم قهوه 

وطلعت من الجناح راحت المطبخ

**وداد عايزه حاجه يا بنتي ؟

**مليكه عايزه بس اعمل قهوه لدكتور شريف 

**كوثر بيغل  كمان عارفه الدكتور شريف!!!

**دادا كوثر خلصي شغلك من سكات 

**دادا تحبي انت تعمليها ولا اعملها انا

**مليكه انا حاعملها 

خلصت واخدت الصينيه القهوه دخلت الجناح 

اول ما شافها اكرم قام اخد منها الصينيه وادهم بيبص بي نضرات الغيره  وشريف كان مراقبو 

**مليكه حاطلع اقعد في الجنينه شويه 

**شريف لا خليكي عايز اشوف ايدك

مليكه بصت لي ادهم 

**ادهم وريه ايدك

شريف مسك ايديها

**شريف لازم نروح المستشفي اعمل ليها اشاعه وافك الجبس لانو ماسك جدا علي ايديها ونشوف لو في كسر تاني

**ادهم اعمل الازم يا شريف روح معاهم يا اكرم وبعد كده خدها الشقه تجيب حاجتها 

**اكرم إن شاءالله 

وصلو المستشفى وفعلا فكو الجبس وعملو ليها الفحوصات وطلعت ايديها سليمه مافيهاش كسر تاني

وشريف سابها في غرفه علشان تتجبس مره تانيه

**شريف انا عايز اعمل ليها تحاليل ممكن تطلع حامل علي اللي حا كيتو ليا 

**اكرم عندك حق بس من غير ماتقولها وخايف تطلع حامل مش عارف رده فعل ادهم ولا اللي في القصر حايعملو ايه 

**شريف هو انت حاتقولي ما انا عارف شوفت نضرتي ماخيبتش ادهم بحبها وانهارده شوفت في عنيه نضرات الغيره لما قومت تاخد الصينيه القهوه

**اكرم يا اخي الراجل دا غريب شويه بحبها شويه بيكرها ويتعامل معاها معامله وحشه اوي ولغايه دلوقتي مش فاهم ليه هي صابره ومستحمله 

دا انا قولت بعد اللي حصل هي حاتنفذ بجلدها و تهرب 

**شريف مليكه بنت ناس وعارفه قيمه الزوج و الزواج  وهي بتعمل واجبها وهي لمست طيبه ادهم عارفه ان معدنو اصيل

**اكرم هي الصراحه خلتو يتغير الاحسن 

**شريف صعب عليا اوي اوي خاصه لما رحيم بعث ليا ملفو الطبي عارف انك تكون عاجز قدام مراتك مش حاجه سهله 

**اكرم حايبقا كويس؟

**شريف إن شاءالله لازم يلتزم بي الدوا علشان يساعد في العمليه اللي فهمتو ان مليكه هي اللي بتعمل كل حاجه ليه ؟

**اكرم اه وطلبت مننا ماحدش يقول ليه حاجه او يحسسو انو عاجز دا حتي رفضت ممرضه 

**شريف بس كده كثير  عليها البنت صحتها علي قدها واديها مكسوره ازاي بتشيلو وتقعدو علي الكرسي 

**اكرم مش عارف لا انهارده دخلتو الحمام  واستحمي من غير اي مساعده مننا 

**شريف ربنا يبارك فيها

شريف عمل ليها تحاليل 

وراحت الشقه مع اكرم 

بس كانت محرجه يتقفل عليهم باب 

اول ما وصلو 

**مليكه ممكن تستناني هنا مش حا تاخر 

**اكرم اه طبعا اتفضلي بس لو خلصتي اندهيلي اشيل الشنطه 

بعد مده 

ادهم اتصل علي اكرم 

ادهم حس انو في حاجه ناقصه من غير مليكه واتنرفز علي جدو لما جا يسألو لو محتاج حاجه

**اكرم الو 

**ادهم انتو فين ؟

**اكرم في الشقه معلش اتاخرنا علي ما عملنا الفحوصات الطبية واتجبست تاني 

**ادهم كان فيه كسر تاني؟؟

**اكرم لا بس ايديها وارمه علشان بتحركها كثير 

**ادهم ممكن تجيب ليا ورق في الخزنه في ملف عايزك تيجيبو مليكه عارفه مكان المفتاح

**اكرم طيب لما تطلع اصل المدام موقفاني عند الباب 

**ادهم ازاي مش فاهم ؟!؟!

**اكرم هي طلبت مني استناها عند الباب يعني مش عايزاني ادخل معاها الشقه 

ادهم كان فخور جدا جدا بتصرفها 

**ادهم هو انت كنت عايز تدخل معاها ؟؟

**اكرم انا كنت عايز اساعدها اشيل الشنطه

**ادهم اه ماشي ما تتاخروش 

**اكرم ايه وحشتك ؟!؟!

روايات نسرين بلعجيلي Nisrine  Bellaajili 

**ادهم اه ومش طايق نفسي وهي بعيده

****************************

ايه التطورات دي في ادهم ههههه 

ايه رأيكم ؟؟

بعت نفسي بقلم نسرين بلعجيلي 

البارت 44

رجعت مليكه القصر واكرم شايل الشنطه 

كان ادهم علي نار مستنيها 

شافها رحيم راح عندها 

**رحيم روحي يا مليكه ادهم معرفش مالو متنرفز  علي الاخر وكسر حاجات كثير في اوضه ومش عايز حد يدخل عندو 

مليكه اول ماسمعت كده راحت تجري عندو 

مليكه اتصدمت لما شافت الاوضه مقلوبه

**مليكه انا اسفه و الله  اتاخرت عليك 

وراحت عندو تحضنو 

وبصت علي هدومو عرفت انو عمل حمام علي نفسو 

**ادهم بكل عصبيه وبصوت عالي انت مش لازم تتحركي من جنبي فاهمه ولا ولا ؟؟؟!

**مليكه فاهمه اسفه مش حاتتكرر تاني بس انت اهدا 

**ادهم اهدا ازاي وانت سيبتيني هنا لوحدي 

اكرم و رحيم كانو واقفين قدام باب البلكونه 

**مليكه اخر مره والله 

مليكه لمحت اكرم ورحيم 

وراحت تقفل الباب وعملت بوشها معلش

**رحيم فهمت حاجه ؟

**اكرم تعالا يا جدي خليهم علي راحتهم

**رحيم خفت عليه اوي اوي دا طرد الدادا وداد اللي بموت فيها وعمرو مزعق ليها 

**اكرم جدي لازم نفهم ادهم وضعوا حرج اكيد كان عايز يروح الحمام وخاصه انو رفض يلبس  الحفاضات ومليكه بتساعدو يدخل الحمام رغم ايديها  المكسوره 

**رحيم يا الله علي وجعك يا ادهم  مش قادر استحمل اشوفو كده 

روايات نسرين بلعجيلي Nisrine  Bellaajili روايات Nisrine Bellaajili 

عند مليكه

ساعدت ادهم يعمل دوش وسابتو مع نفسو في الحمام وطلعت غيرت كل فرش السرير بسرعه وراحت رمتو في الزباله 

**اكرم شوفت يا جدي رمت الفرش علشان ما يحسش بي احراج 

**رحيم هي بتحبو كده ؟

**اكرم هي بتعمل واجبها كا زوجه 

**مليكه اتعشيت؟

**ادهم بعد ما هدي 

مستنيكي نتعشا مع بعض معلش اتعصبت عليكي 

**مليكه مافيش مشكله ممكن اروح احضر العشاء؟

**ادهم لا خليكي جنبي حاتصل بيهم في المطبخ 

**مليكه ماشي تعالا  نطلع البلكونه نشم شويه هوا 

**ادهم عايز ادخن سيجاره 

**مليكه ممممم كنت فكرت انك وقفت تدخين 

**ادهم مش قادر  محتاج ادخن دلوقتي 

طلعو بره واتعشو 

وجا وقت النوم 

لبست  بيجامه ستان ونامت جنبو

**مليكه عايزه اروح عند امي بعد اذنك 

**ادهم من حقك بكره اخلي حوده ياخدك عندها علشان  تطمني عليها بس اوعديني انك ترجعي

**مليكه اوعدك 

ثاني يوم 

صحيت وحضرت الفطار  وكل حاجه تخص ادهم

و غيرت ليه وخلتو في الجنينه 

وراحت مع حوده

**حوده مالك يا ست مليكه ؟؟

**مليكه مش عارفه قلبي مقبوض   

**حوده إن شاءالله خير

وصلت مليكه الشارع وشافتو هادي ومكان كويس 

طلعت فوق 

رنت الجرس مع حوده 

فتحت امها الباب 

**نعمات وحشتيني يا بنتي 

و حضنتها 

**حوده حستناكي تحت يا ست مليكه 

**مليكه ماشي يا حوده 

**نعمات هو انت مش جايه  تقعدي معانا

    **مليكه تعالي ياما نتكلم جوه

**نعمات ايديك مالها يا ضنايا ؟؟

**مليكه عملت حادثه 

**نعمات يا حبيبتي يا بنتي 

ايه اللي حصلك ؟؟

مليكه مش عارفه تتكلم 

**نعمات مالك يا بت وشك اصفر كده ليه ومش علي بعضك كنتي فين؟ وايه حكايه الشقه دي ؟

**مليكه عبد الرحمن فين؟؟

**نعمات في الشغل شويه ويجي

**مليكه وسها في المدرسه؟؟

**نعمات بشك من طريقه مليكه اه في المدرسه 

**مليكه وحشتيني ياما 

**نعمات بت يا مليكه انطقي في ايه حالك مش عاجبني وايه اللبس اوبها اللي انت لابساه ؟؟

**مليكه صلي على نبي ياما 

**نعمات عليه افضل الصلاه والسلام

**مليكه ابتدت تحكي ليها كل القصه من الاول لحد ما عملو الحادثه بس ما قالتش  علي اللي عملو ليها ادهم في ليله الدخله ولا اهانتو ليها ولا علي اغتصاب

**نعمات يامري يامري 

بتقولي اتجوزتي؟؟

**مليكه والله يا امي علي سنه الله ورسوله

**نعمات جواز ايه يا ام جواز قوليلي انا بعت نفسي ياما انا روحت مع راجل غريب يقضي  معايا يومين ويرميني 

**مليكه لا والله ادهم مش كده

**نعمات كانت في قمه عصبيتها طلعتي من طوعي يا بنت بطني وبعت نفسك لراجل اللي دخلك السجن وضحك عليكي بورقتين يا خساره تربيتي فيكي اقول لخالك ايه  ولا عمك ايه ؟؟

لو انا كنت عايزه اجوزك كنت جوزتك لي ابن عمك 

وابتدت تضرب فيها 

هنا حوده سمع الصويت كان علي الباب 

واتصل بي ادهم 

**ادهم الو 

**حوده ادهم بيه الست ام مليكه بتزعق وشكلها بتضربها 

**ادهم تضربها ازاي ؟؟

**حوده مش عارف بس صوتها جايب لي اخر الشارع 

اهو اخوها جا 

**ادهم طلع مليكه وجيبها علي القصر حوده اوعي تسيبها هناك 

عبد الرحمن فتح الباب

**عبد الرحمن مالك ياما ؟؟

**نعمات شرفت يا راجل يالي بعت اختك اتفو عليك 

عبد الرحمان وهو بحاول يفك مليكه من ايدين نعمات 

**نعمات يا خساره تربيتي فيكي يا مليكه 

بعت شرفك 

**مليكه والله ياما اتجوزني بي مأذون شرعي

وحايعترف بجوارنا ويعملي فرح 

**نعمات فرح ايه يا ام فرح يالي مشيتي رخيصه انت خدامه عندو يوقف علي رجلو ويرميكي 

وابتدت تمسكها من شعرها

وتدخل هنا حوده 

**حوده يا ست نعمات عيب اللي بتعمليه

**نعمات عيب واللي عملتو الفاجره دي مش عيب 

يا فضحتك السوده يا نعمات بنتك بقت خاطيه ليه يابنتي عملت  فيا كده حرمتيني من الفرحه حرمتيني اشوفك بي الفستان الابيض واسلمك لعريسك حرمتيني اني اجي عندك في الصباحيه

ادهم كان بيتصل

رد عليه حوده 

**مليكه سامحيني ياما والله غصب عني كنتي بتموتي وانا مش عارفه انقذك ازاي 

**نعمات ياريتني مت ولا بعت نفسك 

ادهم سمع صوت مليكه منهاره

وطلب من حوده يطلع مليكه 

وخايف لا ماترجعش 

نسرين بلعجيلي 

جا عندو اكرم 

**اكرم ايه اتاخرت عليك ؟؟

**ادهم امها بتضربها 

**اكرم نعم!!!

**ادهم قالت ليها اننا اتجوزنا مش عارف اللي حصل سمعتها بتعيط خايف ماترجعش 

**اكرم بس امها لازم تفرح 

**ادهم مش عارف 

**اكرم ربنا يستر

**مليكه والله حايعمل ليا  فرح بس يبقا كويس 

**نعمات خلاص تفضلي جنبي لحد مايعملك فرح 

**مليكه ياما هو محتاجني ماقدرش اتخلي عنو والله ياما هو كويس واعتذر علي كل حاجه عملها معايا 

**نعمات اشتراكي بفلوسو يا كلبه هي دي تربيتي ليكي وريني عقد الجواز ؟؟

**حوده يا ست نعمات والله اتجوزت بي مؤذون شرعي وانا اللي جبتو وابن عمو كان وكيلها وفي حضور اخوها وانا كنت شاهد علي العقد وهو اعترف بيها قدام الكل ودخلها القصر استهدي بالله

**نعمات كل دا مايهنيش قلبي مش مرتاح خليكي يا ضنايا معايا 

**مليكه ماقدرش اسيبو 

**نعمات يبقا اختارتي طريقك لو رجعت عندو انسي إن ليكي أم مش انا اسيب بلدي واهلي واصحابي واتغرب هنا علشانك وتيحي انت تتجوزي زي اللي عامله عمله عززي نفسك يا بت 

هنا مليكه كانت محتاره وادهم بيتصل كثير 

**حوده ست مليكه يلا بينا

**نعمات لو طلعت من هنا مش عايزه اشوف وشك والشقه دي حاطلع منها وحارجع اوضه فوق السطوح حدا الله بيني وبين فلوس الحرام مش حاصرف من فلوس شرفك 

ياريتني كنت موت ولا شوفت اليوم دا 

حسبي الله ونعم الوكيل

**مليكه سامحيني ياما ابوس ايديك

**حوده ست مليكه ادهم حايتتجنن لازم نمشي 

قامت مليكه وراحت عند الباب

**نعمات قلبي غضبان عليكي لي يوم الدين يا مليكه يابنت نعمات

بقلم نسرين بلعجيلي

روايه بعت نفسي بقلم نسرين بلعجيلي 

البارت 45

**مليكه بدموع ليه ياما  حرام عليكي انا وعدتو حارجع ليه هو محتاجني ابوس ايدك ياما سامحيني

**نعمات حبتيه يا بنت بطني ضحك عليكي ولا طمعتي في القصر والعز من امتي بقيتي بتفكري في الفلوس ؟؟

**مليكه انا عمري ما فكرت في الفلوس وانت عارفه 

انا كنت مجبوره علي الجواز هو مكانش حايسيبني في حالي وانت كنتي بتموتي والحمدلله اتجوزني هو كان عايزني في الحرام بس انا مارضيتش انا تربيه ايدك ياما متزويديهاش عليا ابوس رجلك

كل الكلام دا ادهم كان بيسمعو لانو  طلب من حوده كده 

**نعمات كنتي سيبتيني اموت وحافضتي علي نفسك 

**عبد الرحمن انا اللي اخذتها عندو ياما دا هو راجل مفتري و واصل كان حايخدها في الحرام احمدي ربنا انو اتجوزها

شوفي عيشيتها بقت ازاي ولا الشقه اللي احنا فيها ولسه عايز يعمل لينا مشروع نعيش منو 

**نعمات بصوت عالي  حدا الله بيني وبين الحرام 

روايات نسرين بلعجيلي Nisrine  Bellaajili 

**مليكه كفايه بقا وحسي بيا انا بموت كل شويه وعملت كل دا علشانكم ارحميني شويه  انا ماغلطتش قوليلي كنت حاعمل ايه ؟؟

نعمات ضربتها بي القلم في وشها

**نعمات اطلعي بره يا فاجره وماشوفش وشك وافتكري إن بكره يرميكي زي الكلبه بعت نفسك رخيص 

من انهارده مليكه ماتت 

غوري من وشي

حوده مسك ايد مليكه 

ونزل بيها 

**عبد الرحمن حرام ياما اللي عملتيه معاها 

**نعمات ولا كلمه خش لم هدومك خلينا نرجع مكانا 

**عبد الرحمان حانرجع فين الاوضه  اتحرقت 

**نعمات مالاكش فيه حنام علي الارض ولا اقعد هنا 

طول الطريق ومليكه بتعيط 

حوده كان ساكت ومش بيتكلم وخاصه ان قدر مشاعر الام وان ادهم مسجلش الجواز رسمي 

وصلو القصر 

مسحت دموعها

ونزلت من العربيه 

كان باين عليها انها معيطه وحزينه 

ادهم كان علي البلكونه مع اكرم عينيه كانت حاتطلع عليها 

**مليكه سلام عليكم

**ادهم واكرم وعليكم السلام

**اكرم طيب انا رايح الشركه اشوفك بليل 

دخلت مليكه الاوضه ودخل وراها ادهم

**ادهم شكرا انك رجعتي

**مليكه وهي عند الدولاب تطلع هدوم 

انا وعدتك وعمري ماخلفت وعد اديتو لحد اتمني انك تكون قد الوعد دا انا انهارده خسرت كل حاجه 

ودخلت الحمام وسابتو

راحت تعمل دوش وهي بتعيط

ادهم كان متعصب من كل حاجه بتحصل 

جا رحيم 

**رحيم مراتك مالها ؟؟

**ادهم ايه لحقت الاخبار توصلك ؟

**رحيم اخبار ايه؟ هي كانت داخله وباين عليها انو في حاجه وبعدين ازاي تكلمني كده 

**ادهم جدي ارجوك سيبني لوحدي

**رحيم علي راحتك 

الشغاله زينب طلعت تجري عند عصمت

**زينب عصمت هانم عندي ليكي اخبار بمليون جنيه 

**عصمت في ايه ؟؟

**زينب انا سمعت تراطيش كلام إن مليكه راحت تزور امها و شكل كده ماكنتش تعرف بجوازها وسمعت حوده بيتكلم مع اكرم بيه وبقولو ان امها ضربتها

فضلت تحكي ليها كل اللي سمعتو 

اما ادهم حس إن مليكه اتاخرت في الحمام 

اتحرك بي الكرسي المتحرك وخبط الباب

**ادهم مليكه انت كويسه ؟؟

**مليكه بصوت مخنوق 

ايوه 

لبست هدومها 

وفتحت الباب

**مليكه معلش اتاخرت عليك 

**ادهم مليكه مالك ؟!

**مليكه مافيش قولي تتغدا دلوقتي ؟

**ادهم مسك ايديها بصيلي يا مليكه ماتهربيش مني

قعدت عند رجليه وابتدت تعيط بصوت عالي 

ادهم مصدوم ومش عارف يعمل ايه ابتدا يطبطب عليها 

**ادهم قوليلي في ايه ؟؟

**مليكه شالت راسها من علي رجليه 

امي اتبرت مني امي قالتلي كلام جرحني انا مش خاطيه انا كان غصب عني بس هي مش عايزه تفهم طلبت مني افضل معاها لحد ما تعمل ليا فرح بس هي مش فاهمه الحاله انا ماقدرتش اقول ليها كل حاجه هي مفكره اني طمعت في الفلوس والله هي فاهمه غلط

**ادهم اهدي كده بلاش عياط انا حاتصرف حاروح اكلمها بس اوعي تسيبني 

**مليكه انت متجوزني بجد بي مؤذون يعني انا مراتك شرعا و قانونا؟؟

**ادهم فضل يبص عليها اه  طبعا ومعايا القسيمه 

بس افتكر انو ماسجلش الجواز 

**مليكه انت ماتعرفش امي صعبه اوي

**ادهم معلش هي زعلانه دلوقتي تهدا كده وحاتفهم الموضوع امسحي دموعك كده وانا ميت من الجوع 

**مليكه حاضر حاقوم اجيب الغدا 

**ادهم لا خليكي حاتصل بيهم يجيبوه

عدا اسبوع 

Nisrine Bellaajili 

مليكه بقت زي الورده ذبلانه علي طول سرحانه وادهم علي طول متنرفز   

مش عاجبو حاله مليكه

بعد ماعرفت من اخوها انهم رجعو اوضه فوق السطوح بس في عماره تانيه و اوحش من اللي كانو فيها ورجعت لي حودا مفاتيح الشقه ومش قابله تاخد اي فلوس 

اكرم راح عندها يتكلم معاها بس مش عايزه تتفاهم الا ما ترجع مليكه عندها ويجي رحيم وادهم يطلبوها 

وطبعا رحيم رفض 

مليكه ساكته وسرحانه بس واخدا بالها اوي من ادهم

ابتدا علاج طبيعي وهو ملاحظ ان مليكه تعبانه اوي

هي مابقتش تاكل زي الاول 

**ادهم وبعدين يا مليكه حاتفضلي لحد امتي كده؟

**مليكه في حاجه انا قصرت معاك في حاجه ؟

**ادهم بعد ما فقد اعصابو 

لا مش مقصره بس بتموتي قدامي خلاص لو عايزه تروحي عند امك روحي وبلاش ثمثلي عليا انا عارف انك ندمانه وانت معايا 

رحيم كان معدي من جنب الجنينه وسمع صوتو 

اكرم راح عند رحيم 

**اكرم بزعق ليها تاني؟؟

**رحيم انا مابقتش اقدر اتكلم معاه في حاجه 

**اكرم والله حرام عليه اللي بيعملوا فيها

**رحيم خايف تهرب وتسيبو دا يتجنن فيها ماحدش بيقدر يقرب منو دا بقا عصبي اوي 

**اكرم حانفضل ساكتين كده وهو ببهدل فيها كده 

**رحيم روح انت اتكلم معاه انا لا 

**مليكه انت ماتنرفز ليه ؟ 

**ادهم انت بارده كده ليه ايه مش بتحسي معندكيش كرامه ؟؟

**مليكه لا معنديش كرامه 

**ادهم ماهو باين امشي يا مليكه ارجعي لي امك 

**مليكه خلاص زهقت مني وعايز ترميني للاسف مابقاش ينفع ارجع عندها هي اعتبرتني مت 

حافضل معاك لحد ماتقوم بي السلامه وبعد كده اطلع من حياتك 

**ادهم اطلعي برا مش عايز اشوفك 

**مليكه هنا اتخضت اطلع اروح فين انا ماليش حد ؟؟

**ادهم برا يا مليكه

تدخل اكرم بسرعه 

**اكرم مليكه تعالي معايا 

مليكه بتبص ليه

**مليكه هو دا اللي كنت خايفه منو امي عندها حق انك حاترميني 

طلعت الجنينه منهاره 

**اكرم اللي بتعملو دا غلط 

**ادهم ارجوك عايز افضل لوحدي 

مليكه من كثر الخوف وكلام امها برن في وذانها 

مابقتش حاسه بي الدنيا اغمي عليها 

**عم مدبولي لا حول الله يا ست مليكه

اكرم طلع شافها علي ارض 

وادهم راح بي الكرسي لحد البلكونه و شاف مليكه مغمي عليها 

**رحيم اتصل بي الدكتور  بسرعه 

الدادا وداد بتحاول تفوقها 

اكرم ابتدا يشك انو في حاجه مش تمام 

**ادهم شيلها وجيبها  هنا 

اكرم شالها اخذها اوضه حطها علي السرير 

**ادهم قرب منها مليكه فوقي ارجوكي 

**اكرم شايف عمايلك هي فكرت انك طردتها من القصر وهي مش عارفه تروح فين بعد ما امها مش عايزه تعرفها 

**ادهم لا انا كنت عايز اهدا بس كلم شريف يلحقنا 

الدادا وداد دخلت عندها فوقتها لحد ما جا شريف 

كشف عليها 

**شريف ضغطها واطي شكلها ما مابتكلش 

**ادهم اه وبقالها يومين  بترجع كثير 

**شريف حاعمل ليها تحاليل

ولازم تاخد الفيتامينات دي 

طلع شريف مع اكرم 

**اكرم حامل؟؟

**شريف للاسف اه بس مش عارف ينفع نقول ولا لا 

**اكرم لا الوضع مش كويس وادهم ضاغط عليها جامد وعصمت و كامليا مش مقصرين انهم يعملو مشاكل معاها 

**شريف بس هي لازم تعرف وتقرر تحتفظ بيه ولا لا

****************************

انا مش عارفه اقول ايه اسيبكم انتو تعبرو براحتكم 

بس براحه عليا ههههه 

تكملة الرواية من هنااااااااااااااا