رواية المبروكه الفصل 41-42الاخيربقلم رشا منصور
جميع الفصول كامله وحصريه مدونة قصر الروايات
رواية المبروكه الفصل 41-42الاخيربقلم رشا منصور
جميع الفصول كامله وحصريه مدونة قصر الروايات
#الجزءالواحد_والاربعون
#المبروكة
عزيز..... ناويه ع إيه يا أمي
نهي....
ناويه احر.ق المارد اللي معاه ويتقبض عليه وأثناء الفترة دى لازم تفضل عزيز وبس بلاش تتحول نهائي وأنا هخلي القرناء في كل مكان يمكن نوصل لأى معلومه
عزيز...
وأنا ماليش أى دور في الخطه للدرجة دى شيفاني ضعيف ....
ده أنا المفروض أحمي عشيرة الجن إزاى شايفه أنى مش قادر أحمي نفسي واحميكي كمان
نهي...
اول ما نوصل ل مكان الساحر دورك هيبتدي
ولحد ما يحصل مش عاوزة أى تهور. منك فاهم
عزيز.....
كنت حاسس أن أمي ناويه ع حاجه كبيرة أوى واللى أكد ده أنها موضحتش كل اللى بتفكر فيه قدام أمراء الجان وده معناه أنها ممكن تضحي بحد منهم أو بالعشائر كلها
وتاني يوم ابتديت أنزل شغلي عادي حتى لما رئيس الفريق سألني عن حالي قولت له بقيت أحسن لكن يفضل أى حاجة فيها تعاويذ ابعد عنها أنا مش أد بتوع السحر والجن دول خليني ماشي جنب الحيط 😂
رئيس الفريق.....
عندك حق ده لما مدام نهي اختفت فجأة وهى معانا اتر.عبنا كلنا بس كويس أنها بتعرف تتعامل معاهم
عزيز.....
امى عندها قدرة روحانية وبتسمع همسات بدلها ع اللي بيحصل بس هى متعرفش من مين بس كان في شيخ زمان أوى أمى راحت له قال لها أن الجن المسلم بيساعد العبد الصالح ومدام نوياكي خير هما بيساعدوكى
بس الكلام ده سر بينا أوعى يا فندم يوصل لحد
رئيس الفريق.....
لأ أطمن مدام بعيد عن شغل السحر يبقي أمان وكفايه أنها ساعدتنا في شغلنا لولاها مكناش اكتشفنا المكان
عزيز.....
امى دايما بتسعي في عمل الخير وهى اللى علمتني أساعد الضعيف وانصر المظلوم ع أذن حضرتك
خرجت من عنده وروحت بيتي ومع اولادي بس من جوايا عاوز اتحول واروح أشوف اولادى من الجن ولقيت الأمير صرماط أمامي وعملي مفاجأة وجايب الاولاد اطمنت عليهم وعرفتهم أن ممكن اغيب فترة ولازم طول الوقت ده يتعلموا كل ما يخص السحر علشان اكون مطمن عليهم
نهي....
مكنتش اقدر اقول لحد ع اللي بفكر فيه لحد في يوم وأنا في مكتبي لقيت الجان أمامي بيقولوا ليا الساحر ظهر وهو هنا جاء لمقابلتي كنت مرعوبه وقولت لهم كل الحراس يكونوا مع عزيز في اوضة الخلوة حالا ميخرجش منها وانتوا ابعدوا عن هنا حالا
ولقيت داخل ليا واحد افريقي لابس جلباب وعباءة وخواتم ومنهم واحد شكله فضة مخلوط ومنقوش عليه نجمه وحروف فضلت باصه له وساكته لقيته بيقول
الساحر الإفريقي..
مساء الخير أنا جيت في جوله سياحيه وسمعت عنك كتير قولت لازم اجي واقابلك
نهي.... أهلا وسهلا نورت تحب تشرب إيه
الساحر الإفريقي....
أحب أدخل في الموضوع ع طول أنتى لكي شعبيه كبيرة عند الناس وممكن نعمل شغل مع بعض أنا عندي مكتب متخصص فى الحفلات واكيد لو شجعتي الناس تجيلي هيكون لكي نسبة من الأرباح
نهي....
يعني بدل ما اطلع في البرنامج وأقول الناس تصلي عاوزنى اقولهم روحوا اسمعوا أغاني وارقصوا
الساحر الإفريقي.....
ههههههه دمك خفيف هو أنتى فكراني زبون أنتي عارفه كويس أنا مين زى ما أنا عارفك وعارف الجن اللى معاكي
صرماط وشرحام وهولام وكمان عشيرة من الجن المائي
فبلاش نلعب ع بعض
نهي.....
مدام أنت شاطر كدا جى ليا ليه ايه المارد اللي معاك مش عارف يعملك دعايه وشهره كفايه
الساحر الإفريقي.....
جى علشان دماغك عجباني لو جيتي حضرتي حفله وأتصور جزء منها وقولتي أن دى طقوس روحانية بتساعد ع تطهير النفس اكيد في ناس كتير هتحضر لأنك اصبحتي مصدر ثقه لهم
نهي....
وبعد ما يحضروا ويتم التضحية. قدامهم يبقي أنا موقفي ايه ساعتها يتقبض عليا وأنت تختفي صح
الساحر الافريقي....
الفلوس اللى هتجيلك تخليكي تسافري أى بلد وتعيشي ملكه بجانب تضمني الأمان لعائلتك أنا عرفت أن لكي إبن دكتور وعندك أحفاد مش الافضل تفكري في مستقبلهم وتعيشوا بره في أمان ولا لكي رأيي تانى
نهي....
بعيد عن لغة التهديد. اللى هعتبر نفسي مسمعتهاش إلا أنى زهقت فعلاً من الحياة هنا وبفكر أسافر اليونان
أنا موافقه ع طلبك لكن ليا شرط
أنا هعملك دعايه قبل ميعاد الحفله وهصتضيفك وهقول أنك واحد روحاني جاى من افريقيا ولك فريق وبتعمل حفلات كنوع من اليوجا اللى بتساعد ع الصفاء الذهني وطلبت مني حضور الحفلة وتقديمك للناس وأنى هحضر كنوع من الترويج السياحي وتشجيعك
وفي أول الحفله هحضر قدام الناس كلها وبعد كدا اخد فلوسي واسافر أى حاجة تحصل بعد كدا أنا قدام الكل قولت أنى معرفكش ومجرد كنت معزومه وخلاص أنا مش هحضر أى طقوس اتفقنا
الساحر الإفريقي.....
عرفت من قرينها أن ده اللى بتفكر فيه فعلاً علشان كده وافقت أنا يهمني أن يحضر أكبر عدد من الناس كل ما كانت التضحيات. أكبر كل ما أقدر اوصل للي أنا عوزه
وخرجت من عندها علشان أكمل باقي الخطه
نهي....
كنت عارفه أن أول حاجة هيعملها انه يستجوب قريني معزور شكله ميعرفش أنى بسهوله ممكن اخدع الجن
المهم دلوقتي الخطوة الجايه
اول ما خرج طلبت قهوتى وكملت شغلي عادي جدا كنت واثقه أنه هيخلي حد من أعوانه يراقبني
وبعد كدا خرجت ورقه وابتديت أكتب كل اللي هحتاجه في السفر والخطوات اللي المفروض اتاخذها واتصلت على سمسار يشوف مشتري للشقه
ونزلت شقتي وجمعتهم كلهم وقولتلهم أنا قررت ابيع الشقه دى وناخد فيلا كبيرة بجنينه وحمام سباحة علشان الاولاد تلعب براحتها فالاول كان في اعتراضات وخصوصاً أن الشقه كبيرة وواسعه وفي منطقه راقيه
بس طبعاً قصاد مصلحه الاولاد الكل أقتنع
وكل ده وامراء الجن واقفين منتظرين أنى افسر لهم أى حاجة أو اديهم أوامر جديده لكن كل اللي كنت بطلبه منهم مشروبات أو حاجات تبع الشغل ومفتحتش موضوع الساحر نهائي لحد ما انتهي اليوم وجيت أنام تواصلت مع قريني وقولت لها عاوزة أنام في هدوء هو في حد من الجن هنا ممكن يزعجني
قالت ليا أول ما طفيتي النور علشان تنامى كلهم خرجوا
طب تمام وابتديت اغمض عيني وبعد إكتر من نص ساعه تواصلت ب عزيز وقولت له هتنزل شغلك بكرة يا دكتور بلاش كسل وطبعاً هو فهم كلامي واطمن
عزيز....
#رشامنصور
#المبروكة
عزيز....
اول ما امى تواصلت معايا وقالت أنى أنزل شغلي فهمت أن الساحر كان عاوزها هى وأنه ميعرفش حاجه عني
هو صحيح ده ميمنعش الخطر. بس ده معناه برده أن في فرصة أنفذ الخطه
نسيتوا ولا ايه مش أنا دوري هيبتدي أول ما يظهر الساحر
واللى محدش يعرفوا من أمراء الجان أن امى هى اللى السبب أن الساحر يوصل لها ما هى دى اللعبه
اول ما الجان وصل ل مكان الساحر أمي استدعت القرناء وقالت قدامهم معلومه أن هى اصلح واحدة في عمل حفلة عبدة الشيطااااان لأن الكل بيثق فيها
ولكن لازم تمثل قدام أمراء الجان أنها خايفه من الساحر وخايفه عليهم علشان كده امرتهم يبعدوا عن المكان وطبعاً هما صدقوا ده
مش سهله ابدااا يا مبروكة 😂
نهي...
تاني يوم الصبح قابلت السمسار وكان معايا سعيد طبعاً وشاف الشقه وتوضيبها وقال هتتباع بمبلغ هايل وقال انه هيجيب زبون في أقرب وقت ده بعد ما فهمته أننا هنبيع لدواعي السفر ولما سعيد سألني ليه قولتي كدا
قولت له علشان يدور ويجيب لنا مشتري بسرعه
وبعد كدا كل واحد فينا راح ل شغله وأول ما وصلت ل الاستوديو قابلت مدير الإنتاج والمخرج وقولت لهم أن هيكون معايا ضيف في حلقه الأسبوع الجاى سائح أفريقي بيمارس اليوجا ووروحاني وبيعمل حفلات تجمع للناس وفيها مأكولات ومشروبات واتفقت معاه أن البرنامج له الحق أنه يصور جزء من الحفله وطبعاً ده هيكون حصري لنا إحنا بس
مدير الانتاج....
هايل يا مدام نهي ونكون إحنا البرنامج الوحيد اللي قدم الحفله
نهي....
مش بس كدا أنا اتفقت معاه أن لنا نسبه في الأرباح لو عدد الحضور زاد عن ألف شخص علشان كدا عاوزين نعمل دعايه كويسه واهو البرنامج يستفيد
مدير الإنتاج....
برافو عليكي.. يا أستاذ خالد مطلوب منك تعمل دعايه محصلتش قبل كدا وتجهيز اللازم للحفله متنساش أنها هتكون مباشر فلازم تجهيز الاضاءه والصوت من قبلها
نهي....
لقيت صرماط ظهر قدامى وبيقولى الجميع مبسوط من شغلك واداءك هايل
فهمت أن خدام الساحر موجودين في المكان استأذنت من مدير الإنتاج والمخرج وروحت لمكان تصوير الحلقه بتاعتي وقولت ل صرماط قولهم كله بحسابه أنا مش بعمل حاجه ببلاش وياريت يساعدوا السمسار ويجيبوا مشتري للشقه بسرعه ورد صرماط وقالي وافقوا ع طلبك
جميل أنك تتحكم في الكل حتى أعدائك 🤫😂
الساحر الإفريقي.....
اختياري ل نهي كان موفق وخصوصاً بعد ما عرفت أن البوليس. استعان بها لكشف مكان القصر
ووجودها معايا المره دي هيبعد الشك عني ولما يتعرف اللي حصل يبقي البوليس. يقبض عليها هى بقي هههه
عزيز...
روحت الكلية وبعدها طلعت ع المستشفى وفي نفس الوقت كنت ابتديت في تنفيذ الخطة المتفق عليها
نهي.....
كنت واخده حذري في كل كلمه بقولها وخصوصاً وأنا بتكلم مع خدامى من الجن
وطلبت من لميس أن أول ما يتم بيع البيت تاخد الأولاد وتعيش عند أهلها لحد ما نوضب الفيلا الجديدة علشان الأولاد متتبهدلش معانا أثناء نقل الأثاث
وكنت بتابع مع عزيز كان كل اللى بينا نظرات أو كلمة تتقال في وسط الكلام
ولما ابتدي يتذاع إعلان عن الحلقه بضيافه السائح الإفريقي بصيت له وقولت لازم كل الناس تشوف الحلقه ويحضروا الحفله ده أنا هكون موجودة فيها
ويوم الحلقه تم تقديم الساحر للناس ع أنه روحاني وبيعمل جلسات يوجا ونوع من الجلسات الروحانية اللي بتساعد ع وصول الروح إلي أعلي مرحلة من النقاء
وكل ده في وجود الموسيقي والمأكولات الشهيه
وخلصت الحلقه بعد ما أعلنت عن موعد الحفله
روحت البيت وعرفت أن السمسار لقي مشتري ومستعجل جدا وفعلاً تم البيع بس شرط ع المشتري يديني اسبوعين
وأخدت الفلوس ل اوضة الخلوة ومعايا عزيز وقولت له دى فلوسك اللي هتبتدي بهم حياتك اوعي حد يعرف مكانهم خدهم اخفيهم في أى حته بس مش في بنك فاهم
ودول أوراق الفيلا اللى فى القرية السياحيه هى بأسمك ودى اللى هتكون التمويه بتاعك
أنا دوري في الخطه قرب ينتهي واللى جى كله دورك أنت نفذ بحذر الثانية الواحدة ممكن يضيع فيها أرواح
عزيز.... السمع والطاعة يا مولاتى 😔
منكرش أنى كنت خايف ع أمي وخصوصاً أنى عارف أنها هتكون قر.بان في الحفله
أمي مش فارق معاها حياتها قصاد ما تحميني أنا وأولادى
اوعدك يا امى أنك هتكونى فخورة بيا
وجه يوم الحفله وأمي سلمت ع الجميع كأنها بتودعنا وقالت ليا بعد نزولى بنص ساعه نفذ
نهي....
نزلت من البيت قبل ميعاد الحفله بساعتين قصدت ده علشان أبعد الجن عن البيت وعزيز يقدر يتحرك من غير مراقبه وطلعت عند مها بنت أخت الست لواحظ وقولت ل صرماط وهولام وشرحام يخلوا بالهم منها ومن أولادها ووصيت مها وأولادها ع عزيز هما أقرب الناس له
وبعد نزولى من عندها اتصلت على المخرج وعرفت أن كلهم هناك من بدري قولت لهم أنا جايه في الطريق
منكرش أنى كنت قلقانه اللعب دلوقتي مع إبليس. نفسه
وسألت صرماط أنا لوحدى ولا كلهم موجودين
صرماط.... لست وحدك الجميع هنا
نهي....
بلغهم شكري ع مشتري الشقه وعاوزة منهم يشفولى بيت حلو وكبير في اليونان ويكون ع البحر ويبلغونى
صرماط..... علم وجاري التنفيذ
نهي...
عوزاك أنت وهولام وشرحام تنتظروا بره الحفله مش عاوزة انسي واكلمكم وأنا هكون في وسط الناس والتليفزيون بيصور مجرد وصولى انتظروا لحد خروجى
صرماط وشرحام وهولام.... أمرك مطاع
صرماط....
كنت حاسس أن نهي وعزازيل في بينهم اتفاق بس محاولتش اعرفه لأنها أكيد بتحمي أبني ولي العهد
نهي....
دوري في الخطه قرب ينتهي ويمكن دوري في الحياة كمان أنا أهم حاجه عندي دلوقتي 🤫
وصلت المكان لقيته فيلا كبيرة وإضاءة وموسيقي وناس كتير بالزي الأسود وعليها صور جما'جم وحطين كحل اسود حوالين عنيهم أنا حاسه كأني في حفله الهالوين
بأشكالهم العجيبه دى
وقفت مع المخرج والمصور اتكلم معاهم وسمعت همس بيقول الساحر يريدك
استأذنت من المخرج وقولت هتفرج ع المكان قبل ما الحفله ما تبدأ وقولت بصوت يشبه الوشوشه هو فين دلني ع الطريق
ظهرت قطه فجأة امامى وسمعت همس اتبعي القطه
يتبع.... #رشامنصور
#الجزءالثاني_والاربعين
#المبروكة
نهي.... وسمعت همس بيقول الساحر يريدك
استأذنت من المخرج وقولت هتفرج ع المكان قبل ما الحفله ما تبدأ وقولت بصوت يشبه الوشوشه هو فين دلني ع الطريق
ظهرت قطه فجأة امامى وسمعت همس اتبعي القطه
مشيت وراها وطلعت السلم ولقيت اوضه كبيرة لونها أحمر غامق وفي تربيزة كبيرة وعليها مبخره
والساحر قاعد قدامها وأول ما شافني قالي
الساحر الإفريقي.....
نفذتي كلامك رغم أنى كنت متوقع أنك مش هتحضري
نهي.....
أنا في جميع الأحوال كنت هسافر يبقي مفيهاش حاجه لما يبقي معايا فلوس زياده أنت عارف السفر مكلف
الساحر الإفريقي.....
بلغني أنك طالبه فيلا في اليونان وهديه مني طلبت من المارد يجيب لكي قصر نظير خدماتك
نهي....
ابتسمت له وقولت في بالي قصر وفلوس واخلي الجن يرجعني صغيرة وحلوة واتمتع بحياتي بقي
ولقيت الساحر بصلي وقالي انتي زى القمر احرجني ☺️
ونزلنا تحت واخدنا صور مع بعض ومع فريق البرنامج
وعند الساعة 11 الموسيقى اتغيرت
وبقت أعلي وفيها كلام زى تعو.يذة بس بتتقال مع الموسيقى الراب كأنها أغنية و الكل بيرقص ومحدش من الموجودين فاهم حاجه
والساحر واقف على ساحه كبيرة ومبسوط وأنا واقفه ع شماله وع يمينه كان في زى دفايه كبيرة وعليها رسومات وأشكال ترعب وكنت كل شويه بحاول ابعد عنه خطوة لحد ما لقيت مشروبات بتتوزع ومن شكلها عرفت أنه د.م مخلوط بخمور والكل بيشرب ومبسوط
وعند منتصف الليل بالدقيقة اتغيرت الموسيقى وصوتها بقي منخفض وابتدى الساحر يتكلم وكأنه ب يحيي الناس
لكن في الحقيقة هو كان بيمجد في إبليس وقال في نهاية كلامه اقبل هديتي ف دما'ئهم ملكا لك نظير أن أكون نائبا لك وولي عهدك ع الأرض ولقيت فجأة
النار عاليه طالعه من الدفايه وكانت ع شكل رأس بقرون
والناس بتعلي صوتها ومبسوطه ع أساس أن ده فقرة في الحفله وابتدي ينزل حاجات ع الناس تحس في الأول أنها مطرة لكن دى دم. شكلهم بقي مخيف. والد'م مغطي وشهم وجسمهم دموعى نزلت وبأعلي صوتي قولت.....
ولي العهد عزاااااازيل احضر في الحال بأمر مولاتك ....
عزااااازيل ولقيت الساحر انتبهي ليا وبصلي وبدء يقرب
وعنيه بطلع شرا.ر جريت عليه وحدفته وسط النار بعد ما دخلت ال🔪كينه في قلبه قولت له أنا أم ولي العهد
لقيت النار زادت وسمعت صوت صر.يخ وفجأة لقيت رأس بتترمي عليا اتخضيت ومن غير ما احس رميتها في وسط النار وببص لقيت أعضاء ناس حواليا رجول وروس كتير ود.م في كل مكان كأني واقفه وسط بحر من الد.م
وأغمي عليا ووقعت أول ما شوفت....
شوفت ضباط في كل مكان وفوقت ولقيت نفسي في المستشفى والكلبشات في ايديا
مكنتش فاهمه حاجه لحد ما دخلي رئيس. المباحث
رئيس المباحث.....
حمدالله على السلامه يا مدام نهي ولا نقول يا مبروكة
س....
ما قولك فيما هو منسوب إليكي بأنك أعلنتي عن حفلة عبدة.الشيطان علشان تقدمى قرابين. انتي وشريك الإفريقي اللى الكاميرا جابتك وانتى بتقtليه وترميه في النار بعد ما نطقتي إسم إبليس بصوت عالي
نهي....
شريكي إزاى أنا مش فاهمه حاجه أنا اللى قولت ل عزيز أبني يبلغ عنه لأني لما شكيت في الراجل ده رفضت اطلعه في البرنامج هددنى أنه يقtل أبني
عملت نفسي موافقه لحد ما يتم القبض عليه
رئيس.المباحث....
س....
لو كلامك صحيح ليه بعد ما قولتي إسم عزازيل وراميتي فيها الساحر. النار زادت وتم مو.ت إكتر من ألف شخص في لحظه كنتى انتظرتي لما بتقبض. عليه
ولا خوفتي أنه يعترف عليكي
نهي....
الساحر ده كان بيقول تعاويذ. كتير من ضمنهم كلمه عزازيل وأنا عارفه أن ده إسم الشيطان علشان كده قولت الإسم وقtلته ورميته للشيطان بتاعه
كان لازم يمو.ت علشان أنقذ حياة أبني
الدكتور.... لو سمحت يا فندم حالتها متسمحش بالاستجاوب دلوقتي ممكن تأجل التحقيق
رئيس. المباحث....
أنا كلامي خلص أشوفك في المحكمه بقي يا مبروكة 😏
نهي....
فهمت اللى فيها كل حاجه حصلت على الهواء ولازم يكون في كبش فداء علشان الرأي العام يسكت وطبعاً الكاميرات جابتني وأنا بق.تل يبقي سهل يقولوا إني شريكته طب عزيز فين و يا تري يا سعيد بتقول عليا إيه دلوقتي
لميس....
عزيز أحنا لازم ننفصل عن بعض أنت عارف مركز. بابا حساس جدا وبصراحه أنا مقبلش أن عيالي لما يكبروا يتعايروا بك أنت وطنط نهي
أنا بحبك بس بحب عيالي أكتر سامحني
عزيز....
طب ممكن اشوف عيالي بعد أذنك ولا هتحرميني منهم
لميس...
يا دادة هاتى الأولاد ولقيتها بعد لحظات بتقولي أنا مش عارفه هما فين مش موجودين إزاى الكلام ده
سلڤانا ، سليم أنتوا فين يا ولاد 😱
عزيز....
أولادى فين يا هانم فضلنا ندور على الأولاد لحد ما لقينا رساله جت في موبيل لميس مكتوب فيها مدوريش كتير عيالك اتقدموا قر.بان اترحمي عليهم بقي 😂
شوفتي يا هانم ارتحتي دلوقتي عيالي راحو منى عاوزة تتطلقي أنتي طالق طالق طالق
مشيت وأنا منهار مكنتش متوقع من لميس كدا وروحت البيت لقيت سعيد جوز ماما وجدتى وبيقولولي
جدتى....
عزيز يا حبيبي أنت الوحيد اللي لازم تعرف أن أمك بريئه يابني شوف لها محامي وخليك جنبها
عزيز.... بصيت ل سعيد وقولت محامي أومال حضرتك بتعمل ايه
#رشامنصور
#المبروكة
عزيز.... بصيت ل سعيد وقولت محامي أومال حضرتك بتعمل ايه
سعيد....
أنا طلقتها بوظتلي سمعتي وشكلي في المجتمع أنت هات الفلوس اللى باعت بها الشقه ونروح ناخد شقه بعيدة عن هنا وخلي عفاريتها تنفعها
جدتى...
يابني دى قبل ما تكون مراتك دى بنت عمك عيب كدا
عزيز...
اتفضل ده ورق تنازل بأسمك عن مكتب المحاماة اللى ماما عملاه لك بفلوسها فلوس العفاريت😏
هى كانت عارفه أنها ممكن تموت وفضلت أنها تضحي. بنفسها علشان تحمينا وباعت الشقه علشان نقدر نعيش من بعدها وأنت متستاهلش ولا مليم
ومدام طلقتها أنا رشامنصور ماليش عيش معاك ومش عاوز أشوف وشك تانى تبقي خلي مكتبك يصرف عليك
إنما فلوس الشقه أنا هجيب محامين ل أمي بها حتى لو حصلت أنى هنام في الشارع
جدتى....
اصيل يابني وأنا هعيش معاك
من انهاردة أنا ماليش إبن وزى ما اتخليت عن مراتك في شدتها بكره ترميني في أى حته ولا مش بعيد توديني دار المسنين وتقول أنى بوظتلك حياتك
عزيز...
لميت هدومنا وخدت جدتى واجرنا شقه صغيره قريبه من السجن. وروحت لمحامي علشان يترافع عن أمي
لكن قالي القضية. خسرانه الحكو.مة لازم تهدى الناس ومهما قدمت من الأدلة النهايه محسومة دى قضية. رأي عام يابني ربنا يتولاها برحمته
وطبعاً طول فترة التحقيق أنا مش بروح الشغل ولا الجامعه وخصوصاً بعد ما أكتب في الجرائد أن إبن المبروكة هو اللى بلغ عنها واتواصلت مع الأمير صرماط علشان أطمن ع عيالي ما أنا مينفعش اسيب جدتى لوحدها واروح للعشيرة
ويوم المحكمه.... تم النطق بالحكم من أول جلسة بأحاله أوراقها إلي فضيلة المفتي 😔
أمي حاولت تحمي الناس لكن محدش منهم رحمها
نهي....
كنت في المحكمه وشايفه عزيز أبني ومرات عمي ومها وأولادها تواصلت مع عزيز علشان اعرف فين سعيد
لقيت عزيز بيقولي جوزك طلع وا.طى وطلقك
كانت صدمة😱 بالنسبة ليا يمكن أكبر من صدمة الحكم عليا
ولقيت صرماط قدامى قالي انتي عارفه أنى مبقتش في خدمتك دلوقتي لكن لكي عندى طلب واحد ممكن احققه لكي علشان خاطر أنك حررتينا
قولت له خلي بالك من أبني واولاده احميهم مش عاوزة حاجه تانيه خلاص من الدنيا
وخدونى ع الزنزانه أنتظر يوم تنفيذ الحكم طلبت ورق أكتب فيه حكايتي اللى محدش يعرفها
يمكن حد منكم يدعيلي بالرحمة 😭
عزيز....
عارف أن في اسئله كتير بدور في دماغكم بس إجابتها عندى أنارشامنصور تعالوا افهمكم الخطه من البداي
أمي اتفقت معايا أول ما الساحر يظهر ويقابلها زى ما هى خططت للمقابله أنزل شغلي عادي وابعت رساله ل رئيس الفريق يجيلي المستشفي كأنه مريض بحجه أنى متراقب
وطبعاً عرفت من حراس عشيرتي أن مافيش مراقبه عليا من عفاريت الساحر وأن كلهم متابعين أمي
رئيس الفريق....
خير يا عزيز قلقتني مين اللى مراقبك
عزيز.....
بص يا فندم في ساحر راح ل أمي مكتبها وهدد.ها انه هيقtلني أنا وأولادى لو منفذتش أوامره
وهو مخلي ناس تراقبنا وعفاريته كمان بص اللى قدرت أعرفه أن أمي هتقدمه في البرنامج علشان حضراتكم تعرفوا شكله وتتخفوا يوم الحفله ع أنكم من ضمن فريق البرنامج وتركبوا الكاميرات وتقبض عليه متلبس
بس أهم حاجه ده يحصل في سرية تامة أنا ممكن معرفش اتواصل معاك تاني أهم حاجه تابع البرنامج وهتعرف منه ميعاد ومكان الحفله
كمان أمي بتقول لحضرتك لازم تجيب شيوخ كتير متمكين علشان تتخلصوا من الجن اللي معاه
لازم حضرتك تمشي دلوقتي واوعي تتصل بيا لحد ما يتم القبض. عليه ولو في جديد هبعتلك رساله
رئيس الفريق....
تمام أنا هتصرف ونتقابل يوم الحفله خلي بالك من نفسك
عزيز.....
كان كل اللى بيني وبين أمي نظرات مع هز الرأس وفهمت أنى نفذت ويوم الحفله طلبت من الجن أنه يتخلي عنها وميدخلش الحفله علشان محدش فيهم يموت. وحررت الجن ع الأقل علشان تضمن أنهم معايا ويحموني وكانت كلمة السر بينا. عزازيل
أول ما أمي قالتها قولت تعويذة. تحضير إبليس وهى قtلت الساحر وقدمتة قربان. ووقتها أنا أخدت قوة إبليس ومع وجود الشيوخ والقرآن والماء المحصن هرب إبليس لكن انتقم من الإنس الموجودين في الحفلة
وبكدا يبقي خطة المبروكة نجحت تخلصت من الساحر والمارد والجن اللي معاه 👌👌👌
ودلوقتي فاضل الجزء الأخير من الخطة
يوم تنفيذ حكم الاعدام دخل الضابط ومعاه العساكر ولما فتحوا الزنزانه لقوا جثة. المبروكة متفحمه
والكل أعلن أن الجن أنتقم. منها واستلمت جثمانها ودفنتها أنا وجدتى وطنط مها وأولادها بس
محدش من الناس كان معانا محدش افتكر وقفتها جنبهم في يوم من الأيام بس حق أمي أنا هجيبه
هعيشهم الجحيم. علي الأرض
وأخدت جدتى وطلعت ع الفيلا اللى فى القرية السياحيه
فكرينها ما هى بأسمي وكنت مخبي الفلوس فيها وقررت أبيعها واسافر لمحافظه تانيه واعمل مستشفي وابدء حياتي من جديد
وطبعاً قدام الناس والحكو.مة فلوس المستشفى من بيع الفيلا ما هو ده التمويه اللي أمي قالت عليه
اة كنت هنسي أقولكم أمي كانت وصت أبي صرماط ع أولادى من أول لحظه عرفت فيه مكان الساحر وقالت له لو لميس قررت تحرم أبني من ولاده خد الأولاد يتربوا مع اخواتهم في مملكة الجن
وأنا كنت عارف ده لكن مكنتش متخيل لميس حب عمري تتخلي عني
وكدا يبقي مفضلش غير سؤال واحد إيه اللى حصل للمبروكة وإجابة السؤال ده هتعرفوا في قصتي أنا قصة عزازيل (عودة إبليس)
وهنا أقدر اقول قصتنا خلصت لكن لسه في قصص كتير
ياتري مستعدين ولا.....
منتظره رأيكم في التعليقات . دمتم سالمين ❤️
والهدف من القصة كان توعية الناس مش كل حد يتقال عنه مبروك أو مكشوف عنه الحجاب او روحاني
ربنا اصطفي بعض الناس واعطاهم قدرة روحانية لكن دول مميزين بكثرة عبادة الله عز وجل يعني مش هتلاقيهم فاضين يفضلوا يعلنوا عن نفسهم في الكومنتات
بلاش تصدقوا أى حد وتلغوا العقل وتبعدوا عن الدين
ربنا ميز الإنسان بالعقل ياريت تستغلوا في الخير
واللي يقولك فلان مبروك قولوا الله يبارك فيك
ع رأي المثل كان 🐒 نفع نفسه
تحياتي للجميع❤️
تعليقات
إرسال تعليق
فضلا اترك تعليق من هنا