رواية فضيحة في الدور الارضى الفصل 5-6الاخير بقلم حنان حسن (جميع الفصول كامله)

 رواية فضيحة في الدور الارضى الفصل 5-6الاخير بقلم حنان حسن (جميع الفصول كامله)

رواية فضيحة في الدور الارضى الفصل 5-6الاخير بقلم حنان حسن (جميع الفصول كامله)

كنت كل ما اشوف بنت الموكوسة وحلاوتها اقول ...ااااه

دلوقتي بقول ...

كنتي فين يا لا

 لما قولت ااااه

طبعا انتوا مش فاهمين حاجة من السطور الي فاتت

ماشي هفهمكم

بس هرجع بالحكاية من ساعة ما وقفنا بالرواية

الجزء الخامس

فضيحة بالدور الارضي

للكاتبة ..حنان حسن

بعد ما اتورطنا انا وشوق...

 في قتل صاحب العمارة..

اصبح عندنا فضلة خيركم...

 ثلاثة جثث 

والثلاثة كانوا في يوم واحد..

ولو تفتكروا اني لما دخلت هنا ..

كنت متخيل.. اني هفتح عكة وهسوي الهوايل..

لكن زي منتوا شايفين.. 

الحاجة الوحيدة الي فتحتها في اليوم الاسود ده ..

هي  .باب الشقة 

وانا بستقبل كل شوية قتيل جديد

للكاتبة.. حنان حسن

وشوق بسم الله ما شاء الله عليها.. ربنا يحميها .. 

معرفتها نحس...

 وتجيب الفقر لاي حد يعرفها

وعلي يدكم اهوه طليقها وسعد صاحبة ..وصاحب العمارة ..وكل الي بيدخل عندها بيترحل بدري بدري

للكاتبة.. حنان حسن

وطبعا انتوامش محتاجين احكيلكم علي الي حصلي معاها انا كمان ..

كفاية اني كنت داخل وكل طموحي اني اقعد معاها قعدة حلوه ..واشرب كوباية شاي

 لكن...

 للاسف لغاية دلوقتي شارب ثلاث جثث... وياريت عارف هدفنهم فين ؟

ولا ازاي؟ 

مش بقولكم ان شوق دي نحس ومعرفتها بتجيب الفقر؟

للكاتبة..حنان حسن

المهم اني خطرت في بالي فكره جبارة ..

عشان اتخلص من الجثث ..

وهي.. اني استغل العربية بتاعة القتيل جلال

 في نقل الجثث وارميهم في اي منطقة صحراوية او اي مكان بعيد وخلاص

وفعلا بداءنا نبحث عن مفاتيح العربية الي كانت مع سعد ..

ولقيناها اخيرا في جيبة..

للكاتبة حنان حسن

والمفروض بقي اننا نجهز الجثث... ونلفهم في ملايات.. او سجاجيد ونخرجهم للعربية 

بدون ما حد ياخد باله ..

لكن ده طبعا مش هينفع يحصل غير بليل خالص

 لما الناس كلهم يناموا..

 ودلوقتي

الساعة 9مساء

 يعني الناس  لسه صاحيين ..

فا لازم ننتظر كام ساعة كمان انا وشوق في الشقة لوحدنا

للكاتبة..حنان حسن

فا قولت لنفسي...

يا واد يا علاء

 طالما احنا لوحدنا والشيطان ثالثنا..

 يبقي لازم نعطي للشيطان فرصتة..

وبعدين انا راجل شقيان طول النهار... وقاتل ثلاثة في يوم واحد.. 

يعني لازم اخد بريك.. واروق علي  نفسي ..

حتي عشان...

 لو فرضا..اتقبض عليا و اتحاكمت .. 

وده وارد جدا طول ما شوق النحس بنت الفقرية معايا

ساعتها هبقي حاسس ان تعبي جه بفايدة وابقي فخور بنفسي

للكاتبة.. حنان حسن

  بدل ما اعيش طول العمر بتأنيب الضمير..اني ضيعت فرصة زي دي

دنا هتحسر كل ما افتكر اني...

 دخلت الشقة مع واحدة مطلقة ومزه..

وقلعت هدومي عشان...

 في الاخر

 امسح الارض واشيل ثلاث جثث..

لا...لا... لا انا لازم اغتنم الفرصة واعيش انشلة خمس دقايق قبل ما اموت

للكاتبة.. حنان حسن

و عشان كده بقي ..

 انا فكرت

 اننا نستغل الوقت ده

..

 ونعمل حاجة مفيدة.. وممتعة.. ومجنونة

 انا ولهطة القشطة الي جنبي دي..

ايووووه ...

بالظبط كده

انتوا بتفكروا صح

 هي الافكار القذرة الي جت في دماغكم دي

المهم ..

جلست جنبها علي كنبة الصالون

 وبداءت اقرب من شوق 

عشان اهدي الجو... واغير من مود مشرحة زينهم

 الي احنا قاعدين فيه ده

وافرفش الجو شوية..

للكاتبة.. حنان حسن

فا بصتلها بحنية

وقلتلها..

عارفة يا شوق  انا من ساعة ما شوفتك اول مره 

وانا هموت ...واقعد معاكي شوية 

فردت شوق بعصبية وهي تبتعد عني

كأني مصاب بالجرب

وقالت.. 

ابعد عني يا فقر

بصراحة بقي

انا من ساعة ما اصطبحت بوشك يا علاء...

 وانا شايفة  انك نحس

 وادمك اسود عليا

للكاتبة حنان حسن

 بعد ما اتفاجئت برائيها فيا

وبعدما شوفت اسلوبها... وواصلة الردح الي خارجة من بوقها

 الي كان عامل زي بلاعة المجاري الي اتفتحت مره واحده ..

لقيت نفسي انا كمان بتفتح فيها

 واطلع الي في قلبي منها

فا كنسلت علي النحنحة 

وبصتلها بغيظ

وقلتلها....

 لا حوش الخير الي شوفتة علي ايدك

 من ساعة ما دخلت شقتك.. 

يابرميل الفرفشة...

يا رمز البهجة...  وعنوان  السعادة

ياشيخة اتنيلي بقي وخليني ساكت احسن

للكاتبة.. حنان حسن

المهم مطولش عليكم

اخيرا لقينا حاجة نعملها 

في الكام ساعة انتظار

 لغاية ما الناس تنام

وهي... 

 اننا نردح لبعض ونتخانق الكام ساعة دول

يعني تخيلوا كده انا قضيت يومي ازاي من ساعة ما دخلت شقتها؟

بدات بقتل ثلاثة اشخاص ....

واتعرضت للرعب... والهلع

 وفي ساعات الاستراحة (البريك)

 كنت انا والمدام بنفرش لبعض الملاية

الترجمة..(بنطلع اسؤ ما لدينا من الفاظ واحنا بنعاير بعض)

المهم انا تعبت من الخناق ونمت شوية

واخدت استراحة محارب

وصحيت لقيتها لسة بتسب وتشتم

فا كملت معاها الخناقة

يخلص اليوم علي كده؟

لا ازاي ؟

دا  يوم حظي النهاردة

للكاتبة.. حنان حسن

 فجاءة 

حصلت حاجة غريبة وقفت خناقنا انا وشوق..

وهي ...

اننا سمعنا حركة غريبة

 ادام باب الشقة بره

فا قمنا بسرعة نجري احنا الاتنين

 ناحية باب الشقة..

عشان نركز مع الصوت الي شكينا اننا سمعناه احنا الاتنين..

وبهدوء..قربنا من الباب 

وبصيت من العين السحرية..

عشان اشوف ان كان في حد في الخارج...

لكن ...مشوفتش اي حد بره

ولزيادة في التاكيد والاطمئنان.. 

فكرت شوق

 في انها تفتح باب الشقة

 للتاكد...

 بان مفيش حد  بره

للكاتبة.. حنان حسن

وفعلا..بدات شوق تفتح الباب بهدوء

 عشان متعملش   جلبة 

وتلفت الانتباه لوجودنا بالداخل..

لكن ..بعد لحظات

فتحت الباب فجاءة

فا اتفاجاءت بهجوم جسم ضخم

علي الباب

 ولقينا حد بيقتحم الباب عنوة

 عشان يدخل الشقة

وكان هذا الجسم الضخم لمراة..

 ولما بصيت في وجه الست

 التي اقتحمت باب الشقة...

 لقيتها زوجة صاحب العمارة.. 

وعرفت فيما بعد

 انها كانت سامعه بالخناقة 

الي بين زوجها وبين سعد

 وعشان سعد كان بيجيب سيرة شوق في الخناقة

 فا عرفت  ان زوجها (صاحب العمارة )

دخل عند شوق بنية انه يتعارك مع سعد

 ويبدوا ان لما زوجها غاب بداخل شقة المطلقة..

 بداءات الغيرة تاكل قلب زوجة صاحب البيت

وكانت بتتصنت علي الباب 

عشان تتاكد لو كان زوجها ما زال بالداخل مع شوق لوحدهم ولا اية؟

ولحظنا السيئ

 انا وشوق ..

 اننا فتحنا الباب في الوقت ده

 لتدخل زوجة صاحب العمارة

 وتكتشف جثة زوجها ملقاه علي الارض

 وبمجرد ما شافت جوزها مقلوب علي الارض في شقة الغالية

 جريت عليه

 عشان تعرف اية الي حصلة  ؟

وطبعا شوق مكدبتش خبر 

وجابت نفس ايد الهون

 الي اشتغلنا بيها كتير النهارده بصراحة

و قامت بضربها علي راسها

 لتقع زوجة صاحب العمارة ...

بجوار زوجها.. 

وفي هذة اللحظة

 وقفت شوق علي جثة المراة

 لتقول جملتها الشهيرة

وهي...

(كان لازم نقتلها يا علاء.. لان حياتها كانت هتبقي مقابل حياتنا)

للكاتبة.. حنان حسن

طبعا...

 المفروض تكونوا حفظتوا جملتها يا جماعة

المهم...

 كده بقي عندنا 

فضلت خيركم 

اربع جثث..

 ثلاث رجال... وامراة 

وفي اللحظة دي 

  انا اتاكدت

 ان شوق مبروكة فعلا..

واني لو مخرجتش من الشقة دي بسرعة

 هبقي انا الجثة الخامسة..

 بس للاسف ...

حصلت...حاجة 

غيرت مجري الاحداث تماما 

ومش هتصدقوا حصل اية.....؟

(الاخير)

 فضيحة بالدور الأرضي

 الجزء السادس

 (الأخير) 

 للكاتبة... حنان حسن

طبعا حضراتكم تابعتم معايا المصايب السودة الي انا فيها ..

من ساعة ما دخلت شقة شوق

 بنت الفقرية..

وعرفتو اني اتورطت لغاية دلوقتي في قتل اربع جثث..

والجثث دي لثلاث رجال وامراة..

وعرفتوا كمان اننا لغاية دلوقتي محتفظين بالجثث الاربعة...

 ولسة متخلصناش منها 

عشان كده

اول ما الفجر دخل علينا بدائنا نفكر انا    وشوق 

  ازاي نتخلص من الجثث ؟

ولقينا اننا مينفعش نتخلص من الاربع جثث مرة واحدة

 وهما ملفوفين في السجاجيد كده 

لان العربية مش هتساع الاربع جثث

عشان كده..

 كان ادامنا خيار 

من اتنين..

الاول...

 هو..اننا ناخد جثة واحدة في شنطة العربية ...ونتخلص منها 

ونرجع ناخد الي بعدها.. وهاكذا..

لكن طبعا الاختيار ده كان صعب

 لاننا كان لازم ناخدهم ونتخلص منهم في مكان بعيد ..

 وكده علي ما نتخلص من الجثة الاولي ..

هيكون النهار طلع... والناس صحيوامن النوم

 ومش هنلحق نخرج باقي الجثث

عشان كدة..

استبعدنا الاختيار ده

 وبداءنا نفكر..في الاقتراح التاني

وهو...اننا ننزع السجاجيد عن الجثث.. 

وناخدهم للعربية جثة تلو  الجثة ..

للكاتبة..حنان حسن

بمعني .. 

اننا نقعد الج&ثة علي الكرسي ....

وكانه شخص مريض وبنساعدة 

علي انه يركب العربية 

لكن طبعا 

كان لازم نلبس كل جثة منهم  طرحة تداري وجوههم...

وفعلا نفذنا الفكرة دي

 وساعدنا بعض انا وشوق

وفضلنا نوصل الج&ثث للعربية

 ج&ثة تلو الج&ثة. . لغاية ما...

 وضعنا ثلاثة ج&ثث ذكور  في الخلف..

بوضعية الجلوس

اما عن الج&ثة الرابعة ..الخاصة بالمراة..

فادي وضعناها بالكرسي الي بجانب السائق لسببين.

.اولا عشان حجمها كان كبير

ثانيا..عشان لو حد شافها جنبي وانا سايق 

 يعتقد...

 ان المراة ..

 ممكن تكون امي او زوجتي.. ونايمة او تعبانه 

والمنظر ده عادي وبيحصل كتير

للكاتبة..حنان حسن

لكن..

المشكلة ساعتها  

ان مكنش في مكان في العربية

 لغاية كده

يعني مكنش في مكان لشوق وكان لازم هروح انا لوحدي بالعربية

 الي فيها الجثث واتخلص منهم لوحدي..

للكاتبة..حنان حسن

في الوقت ده كان مفتاح الشقة معايا ..

عشان. 

 لما كنا بننقل الجثث للعربية ..

كنت بقفل الشقة علي ما نرجع

وفي اخر جثة..

شوق قالتلي

انا مش هاجي معاك عشان 

مفيش مكان في العربية..

فا قولتلها ..ماشي

 انا هحاول اتخلص من الجثث

 والعربية ..

واخفيهم  في ابعد مكان عن هنا ..

وارجعلك.. 

وياريت ترجعي انتي بسرعة للشقة ...عشان

تنضفي الدم وتتخلصي من اي حاجة خاصة بالضحايا

قالت..حاضر بس خلي بالك انت احسن حد يشوفك

قلت.. ماشي.. 

وفعلا...

اخدت العربية ومشيت مسافة صغيرة..

لكن ...

ساعتها اكتشفت ان شوق نسيت معايا مفتاح الشقة

فا اضطريت ارجع بالعربية تاني

 عشان اعطيها المفتاح 

عشان تقدر تفتح الشقة... وتدخل تنظفها من اثار الدم

ولما رجعت لقيت الشقة مفتوحة...

 وشوق جوة الشقة وكانت بتتكلم في الموبيل

ساعتها عرفت اننا ممكن نكون تركنا الباب مفتوح

 وقت ما خرجنا اخر جثة ...ونسينا نقفلة

وقلت كويس ان شوق دخلت الشقة..

للكاتبة ..حنان حسن

لكن...

 لفت نظري ان شوق بتتكلم في الموبيل وبتضحك باسلوب مياصة ...ودلع..

مما جعل فضولي يستوقفني  قليلا 

بدون ما يصدر مني اي صوت 

وفي اللحظة دي 

سمعت  مكالمة ..بين شوق واحد الاشخاص

وسمعتها بتضحك وبتقول...

 اخيرا

 خلصنا منة

يا سااااااتر

 دا كان هم يا حبيبي

وانزاح من علي قلبي

 ودلوقتي بقي ...

بما ان جوزي مات

يبقي هنقدر نتجوز انا وانت

وكملت المكالمة 

وهي بترد  علي الي بيكلمها علي الموبيل

وقالت..

شوفت بقي لو كنت سمعت كلامك وطلبت منه الطلاق ؟مكنتش هقدر اورثة لكن دلوقتي ..

انا ضربت ثلاث عصافير بحجر واحد

اولا..خلصت من جوزي الي كان  قارفني في عيشتي

ثانيا..

هورثة وابقي صاحبة املاك

ثالثا وده الاهم..

اننا اخيرا هنتجوز

  يا حياتي 

طبعا انا وقفت مذهول 

 بعد ما استمعت للمكالمة الي صدمتني دي 

لا دي مش صدمتني بس

 دي خلتني اعرف اني اغبي انسان في العالم

دلوقتي بس فهمت ان شوق لما خرجت تنده عليا 

وهي بتتحجج بموضوع الكهرباء..

انها كانت بتستدرجني عشان اساعدها

  تنفذ خطتها

ودا  لما لقتني هموت عليها..

شوق خدعتني

 فهمتني ان  جلال طليقها

  لكن في الحقيقة

 هو  مكنش طليقها ده كان جوزها 

وكانت عايزة تتخلص منه 

وفهمتني انه بيغير عليها 

عشان لسه بيحبها

 وعايز يردها بالعافية

وفي نفس الوقت ده

 هي كانت عارفة ان جلال جوزها بره...

 وهيشوفني وانا داخل..

فا بالتالي. ...

 هيتعصب ويحاول يهجم عليا 

وخصوصا انها  استفذت غيرتة دي في الاول 

ومرضيتش تفتح له الباب 

وكانت عارفة

 ان جوزها هيتهور لما يشوفني معاها في شقتها ...

والباب مقفول علينا لوحدنا 

 و طبعا..كانت عارفة ان دي هتكون النهاية..

للكاتبة..حنان حسن

لكن ...

 فات عليها ان جلال يكون جايب سعد صاحبة معاه في العربية

 ولا كانت عامله حسابها ...

ان صاحب البيت.. وزوجتة هيدخلوا في الموضوع

بس هي هتشيل هم ده كله ليه؟

 والحمار الي كان بيريل عليها هيخلصها من ده كله

 ويحاسب هو ع المشاريب؟

 عشان ترجع هي وتتجوز حبيب القلب

للكاتبة..حنان حسن

في اللحظة دي

 الدم غلي في عروقي

 وكان لازم اشرب من دمها

 زي ما خدعتني

وفاجئتها...

وفتحت باب الشقة  عليها

 بعد ما نويت اثبتلها باني مش الحمار الي الي استغفلتة....

 وضحكت عليه

 لغاية ما يخلصها من جوزها 

عشان تورث وتتجوز

واول ما دخلت عليها من باب الشقة ..

شوق اتفزعت لما شافتني

 لانها عرفت باني سمعت كلامها كله 

 مع عشيقها من خلال الموبيل

وقراءات  شوق  في عيني

 باني ناوي ع الشر ..

فا رجعت بسرعة لورا وهي بتمسك ايد الهون

 الي ااقتل بيها اكتر من واحد النهارده...

 وكنت عارف...

 انها لو اتمكنت مني... هتقتلني زي الي قتلتهم قبل كده..

لكن... انا المره دي عكست الموقف لصالحي

 وتمكنت اني امسك ايدها الي فيها ايد الهون.. 

وفضلت اضربها علي دماغها 

بدون وعي لغاية ما مبقتش شايف ادامي من الدم الي جه علي وشي

 وهدومي وغرق المكان كله

ودي كانت خامس قتيل اقتلة النهاردة

وطبعا شوق معدتش موجوده .. 

عشان تقولكم سبب القتل المرة دي

ان حياتها كانت مقابل حياتي..

لا خالص

 اسباب حالات القتل الي فاتت مكنش سببها كده

لكن...

 انا هقولكم

اية سبب القتل الحقيقي للخمس جث&ث 

الجرايم دي كلها

كان سببها احساسي بالحرمان....

  والعطش الشديد

 والمية في كل مكان

حواليا

فا ضعفت وحاولت ارتوي بالمتعة الحرام

 وزوجتي للاسف

 مقدرتش تحميني ولا ساعدتني علي اني اعف نفسي ....

 ومحاولتش توصلني للشعور بالارتواء..

وكان مفروض احل مشكلتي مع زوجتي بالحوار..

 اولا واطلب منها ان تتقي الله فيا

 وتعصمني من الوقوع في الحرام

وان زوجتي رفضت او اصرت علي العصيان..

فكان لدي الحل الذي انزلة الله 

ووضعة في قوانينة وشرعة علي الارض وهو التعدد

فقد كنت استطيع الزواج باخري

 لاعصم نفسي

 عن الوقوع في الحرام

ولكنني ضعفت

ومفكرتش

وبقيت عامل زي الحمار الي معلقين في رقبتة جزرة

طول الوقت ماشي  ماشي وراها وباصص عليها بدون ما يعرف  هي هتوصلة لفين

وفضلت الوم واعتب علي نفسي

للكاتبة..حنان حسن

واقول... 

كان مفروض اول ما اتورطت في جريمة القتل الاولي..

ابلغ البوليس ... واشرح لهم ملابسات الحادث 

وازاي انا كنت بدافع عن نفسي.. 

بس انا حاولت اصلح الغلط... بغلط اكبر

 لغاية ما اتورطت في قتل خمس ارواح بريئة

 ملهمش اي ذنب 

غير انهم

 جم في طريق انسان غبي

 في وقت كان خايف من الفضيحة

 وبيتصرف غلط

انا كده خلصت حكايتي

 وعارف انكم من حقكم تحكموا عليا وتقولوا اني جبان

 وخاين... وبتاع نسوان

 وق&اتل..

بصراحة عندكم حق في كل الي هتقولوه..

لكن  انا دلوقتي مش شاغلني راي الناس فيا

انا بس بسأل نفسي

 هقابل ربنا ازاي ؟

 وانا عملت كل المعاصي تقريبا

كدب... ونية الز&نا ...وق&تل وخ&يانة وس&رقة..

تقريبا مفيش ذنب معملتوش

انتوا زعلانين عشاني؟

طب ادعولي ربنا يسامحني

وانا كمان بدعي وبستغفر وانا ندمان 

 وبقول بعلو صوتي ...

سامحني يا رب

سامحني يارب

وفي عز انفعالي و صراخي

 لقيت حد بيهزني

وبيقولي...

اصحي يا استاذ علاء

وفي اللحظة دي

اكتشفت اني كنت بحلم

 وبعدما صحيت من النوم.. 

لقيت جنبي شوق جارتي...

وبضرب بعيني الناحية التانية من السرير 

اتفاجئت بزوجتي...  وحماتي قاعدةجنبها كمان

..وبصراحة انا اول ما شوفت الثلاثة دول ..

 قولت... كده بدء الحساب  

لكن لم بصيت علي باقي الناس الي حواليا

لقيتهم .. خايفين عليا ومرعوبين عشاني..

ولقيت زوجتي بتسألني

وبتقولي...اصحي بقي يا علاء وفوق

فا فهمت اني كنت بحلم 

وسالتهم

قلت..هو فيه ايه؟

فا ردت شوق بعد ما بلعت ريقها 

من الرعب...

 والقلق الي كانت فيه

وقالت..

في ايه بس يا شيخ؟

 دا انت وقعت قلبي..

ثم استطردت شوق قائلة..

انا لو اعرف انك مش بتعرف في الكهرباء مكنتش استعنت بيك ..

بس انا سالتك ان كنت بتفهم في الكهرباء ؟

وانت قولتلي ايوه بفهم فيها...

للكاتبة ..حنان حسن

 لكن للاسف ...

حضرتك بمجرد ما حطيت ايدك في الكهرباء 

الا والكهرباء شدتك ولقيتك 

وقعت علي راسك

 فا طلعت اجري انادي علي كل السكان عشان ينقذوك 

ومن ساعتها واحنا جنبك وبنفوقك 

قلت في نفسي ..

 فعلا؟

يعني انا كل ده

 كنت بحلم؟

 وكل الي حصلي ده كان حلم؟

للكاتبة ..حنان حسن

وفي اللحظة دي

 لقيت الكل اتلم عليا وبيقولولي... سلامتك الف سلامة عليك

 ومره واحده .. لاقيت زوجتي بتقرب مني... والدموع في عنيها 

وبتقولي حرام عليك

 انت هربت دمي 

 انا كنت هموت من القلق عليك يا علاء..

ولقيتها بتمسك ايدي وبتقولي..

قوم بقي نطلع شقتنا

فا ردت شوق

 قائلة..

لا يا جماعة مش هتطلعوا غير لما (نشرب الشاي)

فا ردت زوجتي

وقالت...

لا يا حبيبتي شكرا 

انا هاخدة ونشرب الشاي في شقتنا

فا قاطعتهم هما الاتنين بغضب 

عشان

 احسم الامر واريحهم هما الاتنين

قلت..ريحوا نفسكم انتوا الاتنين..

انا بعد صعقة الكهرباء والخضة الي شوفتها دي..

معدش هيبقي ليا في الشاي ولا في العرقسوس..

وربنا بس يقدرني واعرف اطلع

 السلم

وتوبة ان كنت ابص تاني علي الشقة الي في..

الدور الارضي .

كده القصة خلصت اتمني تكون

 عجبتكم..