رواية تربية حواري الفصل 56-57-58-59-60-61الاخيربقلم ولاء حامد (جميع الفصول كامله)

 رواية تربية حواري الفصل 56-57-58-59-60-61الاخيربقلم ولاء حامد (جميع الفصول كامله)

رواية تربية حواري الفصل 56-57-58-59-60-61الاخيربقلم ولاء حامد (جميع الفصول كامله)

البارت السادس والخمسون♥️♥️♥️

مر يومين والكل مترقب ووصلنا الوقت المنشود

وحور حسمت قرارها ولكن مش عارفه تبلغه ازاي 

قاعده على التربيزه شارده من غير حتى ما تبص للأكل اللي قدامها باصه في نقطه وهميه وعنيها مبترمش

هدي قاعده باصه عليها وهي مش فاهمه في ايه 

هدي بتهواشه ايد قدام عنين حور : هيييييييييي

حور لسه على نفس وضعها

هدي بتبرقه عنين وكشه وش: يا اختي البت مالها 

قربت ومره واحده خبطت حور على كتفها بعز ما عطاها ربنا من قوه

حور قامت منطوره وهي بتحاول تدلك كتفها من الوجع: ااااه في يا أما مرزبه رنت على كتفي 

هدي برفعه حاجب وتنزلت التاني: سلامتك يا نن عين أمك وعدلت وشها وكملت بشخطه: مالك يا بت اديلك كام يوم قاعده مسهمه لا حاسه ولا دريانه بالدنيا فيكي إيه بت 

حور بتعب: كل خير يا أما داه حوار في الشغل

هدي بتهكم: الشغل والنبي ايه يا بت انا ببلع وبعدي بكيفي وبمزاجي منيش هبله ولا برياله عشان البوقين الحمضانين بتوع كل مره الشغل الشغل مشكله في الشغل 

انا طول عمري مع ابوكي من اول ما فتح الورشه دي عمري ما شوفته جاب مشاكل الشغل عتبه البيت وانتي كمان يا بنت ابوكي طول عمرك معاه ومن سنين من وقت ما ابوكي ربنا افتكره وانتي مكانه عمري ما شوفت مشاكل الشغل اللي جدت كل يوم والتاني عليكي وآخرة المتمه قاعده مسهمه زي مجاذيب الست عيشه الملاحه

حور غمضت عنيها ومسحت وشها كذا مره بكفه ايدها وحاولت انها تتمالك اعصابها واخدت نفس طويل وطلعته بهدوء وهزؤت راسها: طيب اقعدي يا أما عشان فيه كلمتين عايزه اتكلم معاكي فيهم ومكنتش لسه عارفه اجيبلك الموضوع كيف اصلا

هدي قعدت بقلق وترقب والشك بداء يلعب بعقلها: خير كلمتين إيه أنا مطرطقه اوداني اهو قولي يا بنت بطني وريحي باللي وطمنيني عليكي اللا وكتاب الله مبخاف من حاجه قد من كتمتك اللي شبه كتمة العدس دي

حور كذه سنانها وابتسامه صفرا: طيب يا أما خلصتي موشح الشتيمه ولا لسه في جوفك حاجه تاني 

هدي بتعوجه بوق يمين وشمال: لا خلصت قولي بقى يا بت منا مش هاشد الكلام بالكماشه من على لسانك

حور اخدت نفس وطلعت: وكتاب الله لو سكتي 3 ثواني بس كان زمانك عرفتي انما هدي تسكت من غير ما تبعبع اللي جواها وتحبش الموقف داه لا يحصل ولا يكون 

هدي حطت ايديها على بوقها: اديني اتكمت اهو في رقعه س*و*ت*ي في ايه بقى 

حور اخدت نفس طويل وبصت لأمها: بصي انتي عارفه اللي حصل من طليقي في وادي الريان صح

هدي بصتلها : حصل إيه 

حور ببوادر عصبيه: اماااا بلاش الشغل داه معايا انا عارفه ان ياسر مرسيكي ع الدور فالله يسترك تعالي معايا دوغري 

هدي قلبت وشها وودته النحيه التانيه : ماعلينا يعني مالي اللي ينخفي اسمه ابن ثريا تاني

حور نفخت: ملهوش يا أما اللي حصل ان يومها رمي كلام زي السم الهاري في حقي قدام الجدع اللي كان متقدملي اخر نوبه

هدي بخبث: انهو داه دانتي اتقدملك ياما شعيط ونعيط ونطاط الحيط 

حور بنفاذ صبر: امااااااااا بلاش لؤم الحريم داه عليا انتي عارفه انا اقصد مين يا أما وكتاب الله هاسيبك تضربي اخماس في اسداس وابقى قابليني لو عرفتي كلمه من أساسه 

هدي كنت على أسنانها وسكتت وبصتلها بنص عين بغيظ

حور اخدت نفس وبصت لأمها بإبتسامه صفرا: المهم يومها انا كنت على اخري وانتي بنفسك شوفتي اللي جرا 

هدي هزت رأسها بمعني كملي سامعه 

حور غمضت عنيها ونفخت :بعدها بكام يوم جالي الجدع تاني وكان عايز الجاكيت بتاعه وبعديها بقيمه يومين كده وديتله الجاكيت بتاعه وفتح حوار جبل واللي قاله وعرف المستخبي

هدي شهقت بصوت عالي وخبطت على صدرها: يالهووووي انتي بتقولي ايه 

حور غمضه عنيها: أما الله يسترك سبيني اكمل الكلمتين اللي عندي عشان يعلم ربنا اللي بيا وانا بقولهم إيه 

المهم عرف الحوار كله وقال انه ميعيبنيش وعايزين ولسه على رائيه وسابني كام يوم افكر وارد عليه وانا بيني وبينك صليت استخاره وارتاحت يومها حلمت بأبويا

هدي اول ما سمعت اسم عامر اتعدلت في قعدتها ورفعت اذان الاستشعار والابتسامه اترسمت على وشها

حور كملت كلامها من غير ما تنتبه لوضع أمها اللي اتغير 360 درجه :يومها شوفته جاي بطلته اللي تشرح القلب وخدني من ايدي كنت تعبانه لاني كنت لسه طالعه من طريق صعب اوووي وخدني ومشي شويه في طريق كله أخضر وحلو اووووي ولما قربنا اوي لقيته حضني وابتسم زي عادته وحط أيدي في ايد يونس وقالي اللي فات كان ليا واللي جاي ليه وصله وقاله امانه حافظ عليها ولما نقف قدام ربنا هسألك عليها 

ورجع بصلي قالي انسي اللي فات خلص خلاص ومات خليكي في اللي جاي ربنا حطك في اختبار ونجحتي ودي النتيجه وبص ليونس وضحك واختفي

يومها قومت من النوم الفجر بيقول الله أكبر

قومت وانا الضحكه على وشي وحتسه بدفا حضنه كأنه فعلا كان في حضني حسيت إني شامه ريحته بالرغم من كده الا إني فصلت بردوا مقلقه وصليت تاني وتالت ورابع وكل يوم على داه الحال وكل يوم اشوف نفس الحلم لحد ما قررت 

وسكتت شويه وضمت شفايفها لجوه 

هدي بصتلها بعيون بتلمع وقرئت اللي على لسانه وخايفه يطلع : وايه قرارك إيه يا بنت بطني ابوكي وجالك وعرفك زي ما طول عمره سندك وضهر حتى وهو في قبره مسابكيش يبقى إيه 

حور غمضت عنيها وابتسامه اترسمت على وشها زادته جمال فوق الجمال: يبقى موافقه يا أما بس معرفش أبلغه رائيي إزاي ولا اجيبهاله كيف ومينفعش تيجي مني ليه انا غاليه يا أما وعمري ما ارخص روحي 

هدي بقلبه وش: طبعا يا ضنايا غاليه وطول عمرك عاليه 

يابت داه بيقولك من غَلىَ غِلي ومحدش قدر عليه ومن رَخص رِخص وما لقى من يشتريه 

حور :وعشان كده بقولك مينفعش تيجي مني ليه

هدي بإبتسامه: متقلقيش محلوله

حور بعدم فهم كشت حواجبها وهزت رأسها: ازاي بقى 

هدي بنص عين: بصي لو مرنش عليكي من هنا لآخر النهار عشان ياخد الرد نعمل ايه نتصل بالحو اللي جابه

حور بغباء: وهو احنا نعرف ابوه منين ان شاء الله

هدي بكزه سنان: يا شيخه بتيجي في وقت وبحس ان الغباء ركبك من ساسك لراسك اللي يعرفه مين

حور بنفس الغباء مقلش ملي: مين مفيش غر صاحبها وانا معرفهوش اصلا

هدي بصريخ: يالهووووووووي يارب هانجلط يابت ابوس ايدك فتحي مخك الزنخ داه انا اقصد احنا نعرف مين يعرفه

حور بنفس الغباء بردوا: انا لانه اشتغل معايا في الورشه 

هدي بصوات ولطمه على خدها من غباء بنتها: ياااااااااسر يااااااارب ابن عمك يا حور ياااااارب اقول كمان ولا فهمتي

حور بإستيعاب اخيرا : ياااسر تصدقي نسيت خالص انه يعرفه 

هدي برد فعل غير متوقع زغردت: لولولولولولولي الحمد لله ربنا نتعها بالسلامه وفهمت 

حور بنفخه خلاص بقي يا اما مهو راخر مجاش على بالي من أصله 

هدي: طيب يا آخره صبري بصي بقى عشان ميبقاش فيها تقليل منك احنا نكلمه وهو يجيبها بصنعة لطافه 

حور بتفكير للحظات بسيطه: ماشي بس من هنا لآخر النهار لو مسألش نبعت لياسر

هدي برفض: لاء يا ذكيه لازم نعرفه من دلوقتي عشان يبقى معانا في الصوره ويفكر ويتصرف عشان يبقى معاه وقته

حور بتردد: مش عارفه يا أما حاسه ان اللي هاعمله هايقلل مني انا بقول بناقص لو لازمه هايحصل ولو مش لازمه يبقى بالسلامه 

هدي بتسرع: بطلي عبط يا بت ولا تقليل ولا دياولوا لو مكانش لازمه مكانش فضل يلف ويدور ويدور عشان توافقي ياعبيطه داه شاري واوعي تفرطي في راجل شاري داه الراجل جاب الحبق والنبي وشوشه أمه وابوه في الطبق

حور بتنهيده: خلاص يا أما اعملي اللي تعمليه

هدي بهزه راس قامت منزسكات ودخلت تجيب تليفونها

**************************

يونس رجع القاهره واستقبله ابوه وأمه بحفاوه شديده 

احمد اللباد: حمد الله على السلامه يا بشمهندس 

يونس بإبتسامه وهو بيضم ابوه لحضنه جامد: الله يسلمك يا بابا وحشتني اوووي

شهيره وهي بتشد يونس من حضن ابوه: سيبهولي شويه يا احمد وضمت ابنها لحضنها : وحشتني اوووي يا نور عيني 

يونس وهو بضحك بينت اسنانه: وانتي كمان بس ايه الحلاوه دي هو انا كل ما اسافر وارجع الاقيكي بتصغري وبتحلوي لاء خدي بالك كده الموضوع بقى خطير 

شهيره بضحك: بكاااش كبير وطول عمرك كلامنجي طالع لابوك يا بشمهندس بجداره 

يونس بغمزه عين: من الشكل ولا الطبع اصل بيقولو اني طالعلك في الجمال يا قمر 

شهيره هزت رأسها بقله حيله: مفيش فايده فيك انا هاقوم اجهز الأكل على ما تاخد شاور وتغير من السفر 

يونس بهزه راس: ماشي 

قبل ما يطلع اوضته 

ابوه بنظره غموض وإستفسار: يونس في حاجه 

يونس بإستغراب من سؤال ابوه المفاجئ: ليه حضرتك بتقول كده

احمد هزه كتاف: علشان من وقت ما استقريت في البلد وعمرك ما جيت الا لما بتبلغنا ومجيك على غفله بيقول ان في حوار كبير خصوصا انك قولت انك مشغول جدا في الموقع اللي شغال فيه ومش هاتعرف تيجي قريب 

يونس بإبتسامه وعيون بتلمع لابوه اللي بيقدر يفهمه من غير ما يتكلم : بعد ما نأكل ونريح هاحكي لحضرتك وماما على كل حاجه لان الخطوه اللي جايه محتاجكم معايا فيها ومحتاج دعمكم

احمد كش حواجبه وبصله بإنتباه: للدرجه دي الموضوع خطير 

يونس بهزه راس بالنفي: لاء خالص بعد الغداء هاتعرف اسيبك اللحق اخد شاور قبل ما الحكومه تطب علينا

احمد ضحك على ابنه وشقاوته اللي مبتظهرش الا ليهم وبس

احمد هزله رأسه وفضل عينه عليه لحد ما اختفي من قدامه وفي نفسه :شكلك جاي ووراك حوار يا يونس دانا اكتر واحد عارفك وقريك من عنيك بس شكله موضوع كبير اللي يجيبك على ملا وشك بالشكل داه 

ونفخ بطريقه كوميديه كأنه بينفخ زماره بشفايفه لفوق

مر اكتر من ساعتين كان يونس اخد شاور وريح شويه بيهيئ نفسه علشان يعرف اهله بموضوعه مع حور فضل فتره يرتب أفكاره علشان يدخل معاهم المناقشه صح

اخد نفس طويل وحسم أمره وطلع لأهله 

اتجمع الكل على الغدا ويونس بياكل وبهدوء وأبوه بيبصله بغموض بيحاول يقراء اللي جواه مش عارف 

قطع الصمت الرهيب داه شهيره: بس غريبه يا يونس احنا لسه كنا بنكلمك قولت انك مش هاتعرف تيجي اليومين دول علشان الموقع اللي شغال فيه عندك ضغط شغل 

يونس هز رأسه بموافقة على كلام امه: فعلا انا جاي علشان فيه موضوع مهم عايزكم فيه لأنكم احتمال تنزلوا معايا البلد قريب

شهيره وأحمد بإستغراب: ننزل البلد ليه هو الموضوع كبير ومهم للدرجه دي

يونس: نخلص اكل الأول لاني وحشني اكلك جدا وميت من الجوع جدا وبعدها تعمليلنا فنجانين قهوه محترمين من ايديكي ونقعد نتكلم على رواقه مش على الأكل ولا إيه 

شهيره بصت لجوزها بإستغراب وهزت رأسها وسكتت 

الكل فضل في جو فضول مغلف بغموض ومحدش عارف حاجه والكل بيخمن بطريقته ودماغه شغاله في مليون اتجاه ومحدش عارف يستقر على رأي محدد في دماغه

مر الغدا اللي مغلف بالغموض اخيرا وشهيره شالت الأكل بسرعه رهيبه وفي دقايق كانت عملت القهوه واتجمع الكل في الصاله 

شهيره حطت صنيه القهوه وقعدت: ادي القهوه يا بشمهندس إيه بقى الموضوع المهم اللي جابك بالسرعه دي وسيبت اشغالك علشانه وعمال تشوقنا عليه

يونس اخد فنجان القهوه وشرب بق بهدوء واخد نفس طويل وطلعه دفعه واحده: انا بفكر اني اكمل نص ديني 

شهيره بفرحه: داه احلى خبر سمعته وكنت مستغربه انتا لحد دلوقتي مفكرتش تتجوز 

احمد بهدوء: وياترى بتفكر ولا مقرر وعينك على حد معين جاي تبلغنا وتاخد رئينا في الموضوع

يونس بإبتسامه: فعلا انا في واحده معجب بيها 

شهيره بإستغراب: مين دي وبنت مين وبتشتغل ومؤهلها إيه 

يونس بهدوء وصبر: هي من البلد ولسه في العشرينات من عمرها يعني مش كبيره وخريجه كليه تجاره 

شهيره: طيب كويس فين المشكله اللي موتراك كل داه

يونس: مفيش مشكله خالص

احمد بغموض: طيب هي دي كل المعلومات اللي عندك عليها اظن مش كافي للإرتباط لان دول عيلتين بيرتبطوا ببعض قولي اسمها واسم ابوها وعنوانهم وانا هاتصل بعمك في البلد يسأل عليهم ويجيب قرارهم

يونس اخد بق تاني من القهوه:انا لعرف عنهم كل حاجه هي اسمها حور عامر النصراوي ابوها كان مهندس ميكانيكا وعنده توكيل قطع غيار سيارات وموتسيكلات ملحق بيه ورشه وعمها تاجر كبير عنده مغلاء خشب وورش نجاره ومعارض موبيلا فخمه وخلانها تجار كبار بردوا عندهم معارض سجاد وعندهم مصنع كارتون وورش اليمونتال 

احمد: كل داه كويس بالنسبه لعيلتها طيب والبنت

يونس بتوضيح: والدها متوفي من كذا سنه وعايشه مع والدتها في حاره المغربي وماسكه شغل ابوها وكانت مخطوبه ومكتوب كتابها وانفصلوا قبل الفرح بكام شهر 

شهيره بصدمه: ميكانيكي بقى البشمهندس يونس اللباد ابن أحمد اللباد استاذ ورئيس قسم بكليه الهندسه وشهيره الجمال دكتوره في كليه الألسن يتجوز جوازه زي دي ليه من قله البنات وكمان ساكنه في حاره يعني لا تصلح بكل المقاييس لا اجتماعيا ولا علميا ولا عمليا ولا ماديا لا والأصعب مطلقه يا بشمهندس 

يونس بجمود وملامح لا تنم عن البركان المشتعل جواه: أولا يا أمي الشغل عمره ما كان عيب وهي مش شغاله ميكانيكي عند حد دي بتشوف مالها وداه مش مكان صغير داه مكان فخم وبتديره بكل حرفنه وجداره 

ثانيا هي ماديا زينا ان مكانش أعلى 

ثالثا هي مؤهل عالي خريجه جامعه زي زيها 

رابعا هي اتطلقت قبل ما تروح بيت جوزها يعني تعتبر خطوبه مش جواز وداه شيئ ميعيبهاش 

وبص لأبوه ثم حضرتك معودني دايما اني محكمش بظواهر الأمور ولا إيه ولو على الارياف والبلد فإحنا اصلنا من نفس البلد ولما استقرينا هنا علشان شغل حضرتك انتا وماما وانا شغلي في البلد وعملت اسم وفلوس وشركتي في البلد مش في القاهره شوفيها واتكلمي معاها واحكمي عمر حضرتك ما كانت نظرتك سطحيه للأمور ولا بتحكمي على الشخص من خلال بعض الظروف دايما حكم حضرتك نافذ من خلال معاملتك للشخص نفسه

احمد بهدوء وحكمه: وانتا عرفتها واتعاملت معاها علشان تدافع بإستماته عنها وبتبرر كل ظروفها بالطريقه دي ولمعه عينك اللي بتخفيها ببرود 

يونس بمراوغه: قصدك حضرتك إيه 

احمد بوضوح: قصدي ان مرايه الحب عميا لا بتشوف أخطاء الحبيب ولا بتسمع انتقداته ولا بتشوف مساوئه لكن مرايه الجواز لازم تشوف الاغلاط وتفكر فيها وتسمع وتقارن وتتكلم عن سلبياته وايجابياته وتعمل مقارنه في العقل بينهم وتشوف مين فيهم اكتر لان دي حياه مقترنه وميثاق غليظ بينكم

يونس بإنصات شديد وتوضيح وصدق : مش هانكر ان جوايا مشاعر ليها ودي حقيقه بس انا مش انسان سطحي علشان احكم بمشاعري بس انا بحكم بعقلي انا عرفت حور قلبا وقالبا 

شهيره بمحاوله لإختراق داخل ابنها: وانتا عرفتها منين علشان تقدر تحكم وتتكلم بثقه مطلقه اظن بتقول عايشه في حاره يعني الناس دي بتخاف اوي من كلام الناس وملهاش خلطه بحد الا في أضيق الحدود ولا دي بجحه وخدت وادت معاك في الكلام ومعاملتش اعتبار لأي أصول ودين وصفه سكتت ثواني ومطت شفايفها بسخريه امممم مهو طبيعي واحده واقفه وسط الرجاله وتعاملها كله معاهم طبيعي تبقى بجحه ووشها مكشوف كمان ولا عندها خشا ولا حيا طبيعي تروح وتيجي وتتكلم معاك مهي لقيتك صيده 

يونس بكزه سنان قربت تتكسر من كتر الضغط وطلع صوته بحده وصارم: ماما من فضلك بلاش كلام بالاسلوب داه لانه مرفوض شكلا وموضوعا وإجمالا 

ثانيا وداه الأهم لا دي اخلاق ولا اسلوب حور وانا بنفسي حاولت شهور وشهور اني حتى اتكلم معاها ورفضت رفض قطعي اني حتى أتجاوز حدود التعامل زي اي عميل 

قبل ما يكمل كلامه قاطعه ابوه 

احمد بتريث: اومال حكمت بناء على إيه لما انتا لا اتعاملت ولا اتكلمت معاها وكل تعاملك في إطار الشغل 

اخد يونس نفس طويل واتنهد بوجع العشق اللي جواه وشرد بخياله للأيام الخوالي اللي عاشها بطريقه جديده وحياه غريبه عليه: اول صدفه جمعتني بيها كانت عربيتي عطلانه في مكان مفيهوش صريخ ابن يومين زي ما بيقولو فضلت واقف اكتر من ساعه مش عارف اتصرف وربنا بعتها نجده في وقتها كانت معديه بعربيتها 

شهيره بإستغراب هي معاها عربيه

قبل ما تكمل بصلها زوجها بنظره اصبري للأخر وأسالي بعدين 

يونس مسمعش كلام أمه من الأساس لانه شارد في زكريات مرسومه بريشه فنان جواه: وقفت العربيه ونزلت بقلق وخطوات محسوبه ووقفت على بعد مسافه كافيه لأمانها وسألتني واقف ليه في الحته المقطوعه دي ببرود ومنتهي الغباء رديت تفتكري ليه عربيتي عطلانه ومش لاقي ميكانيكي ردت بهدوء قالتي طيب وسع وافتح الكبوت وحاول تتدور العربيه 

رديت وانا بنفس الغباء تفتكري لو كانت شغاله كنت وقفت الوقفه دي قالتلي اعمل اللي بقولك عليه 

قولتلها بتهكم ليه حضرتك ميكانيكي وانا مش واخد بالي بس لقيتني بقول لنفسي أمري لله خليك مع الكداب لحد الباب وحاولت اشغل العربيه ومشتغلتش بصيتلها زي اللي فاز في مسابقه اللي هو ايه رائيك من غير ولا كلمه اتحركت لعربيتها وطلعت شنطه عده كامله متكامله وفي دقايق طلبت ادور العربيه مره تانيه وفعلا اشتغلت اتصدمت وعرضت عليها فلوس رفضت وقالتلي ربنا ييسرلك طريقه بمنتهي الغباء سألتها انتي ميكانيكي مردتش واتحركت وقبل ما تركب عربيتها قالتي روح نضف الكاربيراتير واعمل تشيك على العربيه وركبت عربيتها واتحركت من سكات فضلت واقف مصدوم هي ميكانيكي بجد اصل مينفعش بنت بجمالها داه عيون زي لون الزرع تخض مشعبه بلون البحر وسط خطوط من الشمس بيلونها ميكس غريب وفعلا عدت أيام وشهور وانا نسيت وتناسيت مع زحمه الشغل والأيام لحد ما في يوم عملتها فيها العربيه تاني وسألت عن أحسن ميكانيكي في البلد ويكون نضيف في شغله مش مجرد صيت الكل بالإجماع قالي عليك وعلى ورشه الاسطي عامر النصراوي هو ومتسالش بعده استغربت بصراحه خدت العربيه بالزق لحد ما وصلت ومن صدمه عمري لقيتها هناك وفعلا اتعاملت بتهكم على ست بتشتغل في ورشه وأول ما جاه في بالي انها بنت الدنيا طحناها لحد ما فوجئت انها صاحبه الورشه بعد ابوها ما مات وهي االي ماسكه الورشه وفعلا صلحت العربيه لدرجه التحدي اللي خلاني اجيب العربيه وجيت التوكيل هنا اللي اكلي ان كل قطعه فيها اصليه شدتني مين دي وايه القوه الإصرار اللي عنيها غريب ميكس يشد لقيتني بنجذب ليها بس حسبات العقل بتحكم حبيت أقرب منها وقفت قدامي ند بند ورفضت واتعاملت برسميه شديده وحسم غير طبيعي لحد ما قررت فكره مجنونه وابتسم للذكري اللي رجعته لأيام بيتمني ترجع تاني روحت واشتغلت معاها في الورشه 

ابوه وأمه الاتنين بصوا لبعض بذهول وعنين مبرقه من الصدمه 

كمل بدون ما يحس بكل الجو المشحون حواليه وكأنه بيكلم روحه قدام المرايه:اشتغلت معاها وقربت منها بس في حدود الشغل لقيت بنت بميت راجل واقفه وسط رجاله ند بند لا بتخاف ولا بتهاب طول ما هي على حق شوفت في قلبها رحمه على كل اللي حواليها عمرها ما عملتهم على أنهم شغالين عندها وهي صاحبت مال بالعكس بيتعاملوا كأنهم فريق شغال مع بعض وبتشتغل معاهم يد بيد من غير كسوف او خوف سمعت بالصدفه مشكله لصاحبتها لقيت فيهاحكمه كأنها راجل شعر رأسه شاب منه ومكانه خد حكمة الأيام استفزتني اكتر فضلت ادور وراها لحد ما عرفت انها بنت ابوها بجد بدون خوف خدت من حكمت ابوها لانه كان كبير منطقته واستغرابي زاد لما عرفت ان ابوها اصلا كان مهندس وهي بكالوريوس يعني صدمتين والاكتر انها تعتبر مليونيره ودماغ اقتصاديه تخوف غصب عني لقيتني بتشد ليها كل يوم عن اللي قبله لحد ما عشقتها وعشقها ملك قلبي وأقنع عقلي والاتنين اتفقوا عليها شوفت فيها ضلعي الناقص شوفت فيها رفيقت الشباب والمشيب شوفت فيها ام عيالي 

خلص كلامه فاق لنفسه وبص على ابوه وأمه المصدومين من وضع ابنهم 

يونس بخجل طفيف من حاله لانه عرى مشاعره قدام اهله بالطريقه دي

احمد بهدوء اتنحنح:طيب وانتا ناوي على ايه بالظبط

يونس بتروي: عايز حضرتك وماما تيجوا معايا ونشوفها وحضرتك وماما ليكم حكمكم وتقدر تحكم بنفس وتعرف ان كان حكمي صح ولا غلط وزي ما اتعودنا نتكلم بالعقل والاقناع 

احمد بص لمراته وهز راسه: تمام بس مفيش قرار قبل ما نروح ونشوفهم بنفسنا وزي ما سبق وقولتلك انا هابعت لأعمامك في البلد يسالو عليهم قبل ما نروح

يونس: تمام انا هابعت لحضرتك اسمها وعنوانهم وكل حاجه تخصهم وحضرتك تسأل انهارده علشان ان شاء الله هانروح بكره

شهيره بصدمه: بكره بكره ازاي المفروض انتا عارف أصول البلد لازم نروح بحاجه معانا وزياره محترمه واحنا داخلين على الناس ونبلغهم بالميعاد ومجينا ليهم

يونس: من النحيه دي متشليش هم يا ست الكل انا هاخد علبه شوكولاته فخمه ونجيب ورد وهديه شيك والميعاد انا معايا رقم ابن عمها هاتصل أبلغه يكون بابا سأل واتطمن 

شهيره: حيلك حيلك الدنيا عدل مش عجل يا بشمهندس 

يونس: وانا بتكلم بالعدل يا ماما انا مش رايح اتجوزها بكره احنا رايحين رؤيه شرعيه بالاصول 

شهيره بصت لجوزها اللي هزلها رأسه بقبول: متقلقيش يا ام يونس كل حاجه هاتمشي زي ما انتي عايزه وبالاصول 

فعلا يونس بعت لابوه رساله فيها اسم حور وبيناتها ومنتظر الوقت 

في نفس الوقت يونس اتصل بياسر يسأله على رآي حور ويحدد ميعاد بكره يكون مناسب علشان جاي هو وأهله

ياسر بفرح: تمام اديني شويه وقت وانا هاتصل ان شاء الله ازفلك البشرى اللي تريح قلبك وتطمن بالك 

يونس : يارب انا فاتحت اهلي وبلغتهم والمره دي انا حاطط أيدي على قلبي 

ياسر: متقلقش حور المره دي غير حور قلبها وعقلها اتفقوا المره دي وصدقني هازفلك البشرى بنفسي

يونس بتمني: يارب يسمع منك ربنا يهديها لان المره دي غير

ياسر بتأكيد: عيب عليك يا زميلي بقولك مالي أيدي 

يونس: تمام شوف الميعاد المناسب وبلغني انهارده علشان انا هاجيب اهلي واجي من القاهره بيهم

ياسر :متقلقش انهارده هايكون عندك الرد والميعاد يلا اسيبك تجهز روحك 

يونس: تمام ياياسر يلا سلام

وقفل المكالمه بنفس حالمه وضمير بيتمنى القبول والقرب 

مر الوقت تقيل زي الجبل وكأن عقرب الثواني واقف وموقف جاره عقرب الدقايق والساعات ولأول مره يونس يكون مترقب الوقت بالطريقه دي اللي مترقبهاش في نتيجه الثانويه العامه وكل شويه يمسك التليفون عايز يرن على حور بس الخوف من رد فعلها بالرغم من ان الرقم معاها من زمان إلا أنه ولا مره فكر يتصل بيها

***********************

عند حور كل شويه تمسك التليفون تبص فيه وترجعه مكانه 

شويه بشويه والوقت بيعدي والقلق جواها بيكبر ويزيد

طلعت أمها من المطبخ شايله صنيه عليها كوبايتين شاي بالنعناع الأخضر وحطتهم على التربيزه قدامها وقعدت جمبها على الكنبه 

هدي بإستفسار: يوه مالك يادي البت قاعده حاطه ايدك على خدك زي اللي زرعها بطيخ طلعت لفت 

حور بنفخه طويله : اووووف مفيش يا أما 

هدي بدهشه: طيب بالراحه بالراحه بدل النسخه اللس طلعت هاتطيرني دي يا اختي قولتلك اصطبري على رزقك 

حور بنفخه: في ايه يا أما شيفاني بشد في شعري ولا باكل في هدومي

هدي بلويه وش: بقولك ايه بلاش جعورتك تقوم عليا وسكتت شويه تفكر وبعدين اتكلمت طيب مش يمكن ممعاهوش رقم المحمول بتاعك

حور بصتلها وخبطت على راسها: يالهوووي على غبائي دانا نسيت انه فعلا ممعهوش رقم تليفوني الجديد

هدي بعدم فهم :رقم ايه 

حور بتوضيح: ياأما مش انا غيرت رقمي من قريب بسبب المشاكل اللي جدت الفتره الاخيره 

هدي بتريقه: طيب يا معدوله يبقى هايحصل إزاي هايشم على ضهر ايده ولا هاينجم ويضرب الودع

حور بصتلها بغيظ وسكتت 

هدي بإبتسامه: طيب متتقمصيش بس كده احنا نتصل بياسر ونبلغه

حور بهزه رأس: خلاص اتصلي انتي بلغيه منك لنفسك كأني معرفش عن الحوار حاجه والكلام جاي منك ليه بصنعه لطافه

هدي بتفهم: فهمتك عشان متبانيش في الصوره 

وتبقى جايه منهم 

حور هزت رأسها بتأكيد لكلام أمها 

اتحركت هدي بهدوء ودخلت جابت التليفون من اوضتها هي وعامر وطلعت مسكاه وبحطها بطريقه مضحكه قدام عنيها بتطلع الرقم 

واخيرا طلعته وداست اتصال حور وهي بتشاور لأمها بصوت واطي: افتحي الاسبيكر عشان اسمع ومتقوليلهوش اني جمبك ولا اعرف بالمكالمة دي

هدي هزت رأسها وشاورت على بقها تسكت عشان المكالمه فتحت 

حور رفعت اذان الإنصات الشديد 

هدي بإبتسامه: الو ازيك ياواد يا ياسر 

ياسر بضحك: ازيك يا مرات عم مش كبرت على كلمه واد دي

هدي برفعه حاجب: كبرت على مين يا ابن نعيمه بقى يا واطي لو ما اتصلتش متسألش

ياسر بضحك عاليه: هي دي هدي مشاء الله عليكي لسان زي بنتك بالظبط اؤمري يا غاليه

هدي بضحكه مماثله: ميؤمرش عليك غالي يا اخويا عامل إيه 

ياسر بإبتسامه: الحمد لله على كل حال انتي عامله ايه وحور اخباره ايه 

هدي بتنهيده: نحمدوا على كل حال يا إبني وحور كويسه الحمد لله قاعده جوه ممققه عنيها في ورق ودفاتر قد كده 

ياسر بصدق: ربنا يعينها شغلها صعب ومحتاج اللي واقف بالسقر والنضاره

هدي بتنهيده: ووجع قلب وغلب وحرقه دم وخلى البت بقت دكر

حور بصت لأمها برفعه حاجب وكزه سنان

هدي بصتلها بلا مبالاه 

ياسر :طيب بقولك ايه بما انها مشغوله دلوقتي كنت هاتصل بيكي اخر النهار بس الحمد لله جات منك 

هدي بتركيز: خير يا ابني في إيه 

ياسر : كل خير متجسي كده ميتها وتشوف رآيها إيه في موضوع يونس الراجل لسه مكلمني وعايز ييجي بكره هو وأهله والله وكيلك حاطط أيدي على قلبي من بنتك دي خلت الراجل قفاه يقمر عيش مرتين 

هدي بفرحه ظهرت على وشها: والنبي انتا ابن حلال ياواد يا ياسر دانا كنت بتكلم معاها واحنا بنتغدا وفضلت وراها لحد ما وافقت بس انتا عارف بنت عمك روحها في مناخيرها وكرامتها على رأسها وحلفت ايمانات المسلمين محد يديه خبر إلا لما هو يتصل ويسوق طوب الأرض 

ياسر بتفهم: متخافيش يا مرات عم كرامه حور غاليه 

ومحدش يقدر يقول يميتها وانا بنفسي مش هابلغه إلا لما يتصل تاني يسأل اذا كنت عرفت ولا لاء

هدي بفرحه: ايوه كده عفارم عليك خليه يلف حوالين نفس واد يا ياسر متديهوش موافقتها الا أما يجيب الحباء والنبق وشوشه أمه وابوه في الطبق

ياسر بضحك عاليه مجلجله: يالهووووي عليك يا هدي عليكي شويه أمثال عنب بتجبيهم منين وازاي بصراحه معرفش بس للأمانه بييجوا في الجون 

هدي بلويه بوق وعوجه شفايف: من الدنيا يا اخويا اللي دقت على رأس الواحد لما قال جاي

ياسر بإبتسامه لسه مرسومه على شفايفه: يالهوووي عليكي خلاص كل كلمه بموال انا كده كده على ميعاد معاه اخر النهار وعلى ما أبلغه هاردلكم خبر 

هدي بفرحه: ماشي بس اول ما يقولك قولي اللا ورايا هم ما يتلم في البيت عشان الناس لما تيجي تلاقي البيت فله وشمعه منوره 

ياسر بهزه راس: مافيش فايده فيكي منتي كل أسبوع بتجيبي البيت عاليه واطيه يعني البيت اصلا فله لوحده 

هدي بعدم رضا: لاء طبعا دي حاجه ودي حاجه تانيه دول ناس اغراب ومصرويه وأول مره يخطوا بيتنا يبقى لازم يلاقوا البيت على سنجه عشره وواجب يرفع الراس ويشرف وكملت بفخر هما دخلين اي بيت دول داخلين بيت الحاج عامر النصراوي الف رحمه ونور تنزل عليه كبير حاره المغربي وواخدين ست البنات وزينه الصبايا نواره حاره المغربي حور على سن ورمح

ياسر بفرحه لفرحه بيت عمه: عندك حق انا هاعرف الميعاد وابلغك يلا مع السلامه

وفعلا قفل المكالمه وهو متردد يتصل بيونس ولا ينتظر زي ما هدي قالتله

فضل على حيرته ساعه كامله مش عارف ياخد قرار لحد ما يونس حسم القرار واتصل بيه 

ياسر اخد نفس زي غريق ومصدق وصل البر ورد بهدوء بعد ما تمالك اعصابه اللي اتحرقت:الو ازيك يا هندسه 

يونس بأعمال بتتحرق: تمام ها كلمتهم قالولك ايه موافقين طيب نيجي أمته

ياسر بضحكه مجلجله: حيلك حيلك كل دي اسئله ورا بعض على العموم يا عم كلمت مرات عمي وهي قالتلي انها موافقه يا سيدي وشوف الميعاد علشان أبلغهم واعمل حسابي انا وابويا علشان نكون في انتظاركم

يونس اخد نفس طويل واتنفس برااااحه : الحمد لله طيب أمته يناسبكم نيجي على العصر تمام 

ياسر بضحك: يا ابني اهدا بقالك كام شهر بتلف حوالين نفسك مجاتش من كام ساعه بص خليها المغرب تمام كده 

يونس بعبوس طفولي: صبر ايه يا عم دانا الصبر اشتكى مني 

ياسر بتوضيح: يا ابني علشان تكون مستعد وكمان الناس عندهم معايش واشغال الصبر حلو مفرقتش العصر من المغرب كلهم ساعتين تلاته

يونس بإحباط: ماشي يا عم انا هانزل أبلغ اهلي يلا سلام

قفل المكالمه ونزل السلالم جري حافي ومركزش الا وهو بيقول لابوه بفرحه وعنين بتلمع: ميعادنا بكره المغرب تمام 

احمد بص على ابنه بذهول: مالك يا بشمهندس منتاش على بعض عيب عليك اجمد كده يا واد مع اللي زي حور دي لازم تكون مالي مكانتك ومركزك

شهيره بقلق: مالها يا احمد انتا كنت بتكلم اخوك من شويه هو قالك حاجه مش تمام على البنت دي

احمد بهزه راس بالنفي: خالص البنت اصيله ومن بيت متأصل ابوها كان راجل ابن بلد وجدع والبنت بشهاده حق من الكل واخده طبع ابوها بس دمها حامي ودماغها سم يا شيخه داه عاصم اخويا بيقولي دي ممشيه ورشه وتوكيل فيهم اكتر من 50 عامل على العجين ميلغبطهوش بس كرامتها غاليه وابيه وعنيده ومتمرده وكمان دماغ سم في الشغل دي شريكه في تجاره بملايين تجاره أدوات منزليه وبتستورد من المنشأ نفسه ووقفت السوق على رجل وكلمتها بتمشي على الكبير والصغير

شهيره بحيره: طيب لما هي غنيه كده ليه ساكنه في حاره زي ما ابنك بيقول

احمد: الناس اللي زي دول أولاد بلد مبينكروش اصلهم ولا بيتكبروا عليه عاملين زي السمك لو طلع من الميه يموت عايشين بعادات وأصول زمان اللي اغلبها انتهي فيزمنا وبقى فيه الانحلال يعني يا شهيره اللي زي دي تصون ابنك وتكون الضهر والسند يعني نروح واحنا متطمنين وكمان ضامنين لابنك بنت لو غاب تصون مش تخون ولو وقع تسند مش تخلع ولو ضعف تقويه مش تكمل عليه بنت تعرف معني الزوج والعيله وقدسيه الحياه الزوجيه

شهيره بإقتناع: تمام يا احمد مادام اخوك قالك كده يبقى فعلا كده لان اخوك اصلا دبش ومبيجاملش حد

احمد بضحك: عندك حق طيب يلا بقى علشان نروح نشوف هانجيب ايه واحنا رايحين مش من الأصول نروح ايدينا فاضيه متنسيش إننا اصلنا من الفيوم مش القاهره وعارفين عادات وأصول البلد

شهيره: تمام يلا نلبس ونجهز على ما البيه يجهز واتحركت كام خطوه وبصت ليونس: اه متنساش تلبس شوز وتنزل حافي تاني كده يا حبيبي وكملت ودخلت اوضتها

يونس واقف في الصاله مذهول وبص على رجليه واكتشف انه نازل حافي فعلا ضحك على نفسه وهز رأسه اللي حور طيرت البرج اللي فاضل فيها

البارت السابع والخمسون

وطلع تاني ولبس وجهز واتحرك هو وأهله على المول وجاب علبة شيكولاته فخمه وغاليه واتفق على بوكيه ورد يستلمه بكره الضهر ودخلوا كافيه هو اهله يرتاحوا شويه ويشربوا حاجه يونس قالهم عنده مكالمه هايطمن على الشغل وفعلا اتصل بمازن واطمن ان الشغل تمام وهو بيكلمه اتحرك وبيتمشي لحد ما خلص ولفت تاني علشان يرجع لفت انتباهه محل فساتين سواريه تحفه اتحرك زي الإنسان الآلي ودخل المحل وبداء يتفرج على الموديلات ولفت انتباهه فستان ازرق تحفه مطعم بفوص سيلفر وبحزام كحلي تحفه فيه توكه على شكل طاووس مبهم التفاصيل وكمام طويله جدا اتلفت للبت اللي شغاله في المحل 

يونس بهدوء: لو سمحتي عايز الفستان داه

البنت وهي بتبص بإنبهار عليه وعلى اختياره: اهنيك على ذوق حضرتك الفستان داه من كولكشن السنه الجديده 

يونس: تمام عايزه 

البنت بعمليه: تمام يا فندم 

واتحرك يونس عند الكاشير ودفع تمن الفستان اللي بالرغم من غلو تمنه الا ان فرحته بيه كان مش سامعه الدنيا وهو بتخيل حور فيه واخد الفستان في جراب وطلع لفت شويه ودخل محل طرح واختار طرحه سيلفر تحفه ماشيه مع الفستان 

ودخل محل احذيه وهو محتار قدام مليون اختيار وكلهم أجمل من بعض وبعد وقت محسش بيه احتار ما بين اتنين واحد اسود بشريط ستان سيمبل وفيه فصوص سيلفر وواحد فضي وفيه شريط ستان ولكن ملفوف على معصم الرجل ونازل منه دلايات شبه الخلخال وفضل في حيرته كتير واخيرا قرر ياخد الاتنين وحاسب عليهم وطلع من غير ما حد ياخد باله وحطهم في شنطه العربيه ورجع لأهله 

شهيره بسخط: ايه يا يونس كل داه بتتكلم في التليفون بقالك ساعه ونص واحنا هنا ملطوعين 

يونس بإبتسامه: معلش يا ماما حقك عليا 

شهيره: كنت فين كل داه 

يونس بحرج: لا عادي كنت بتكلم في التليفون وبعدين اتمشيت شويه

احمد بص لابنه بنص عين: طيب وسكت ما اتكلمش

يونس بمراوغه: طيب يلا نمشي ولا إيه 

احمد: تمام يلا

واتحركوا وقبل ما يطلعوا 

شهيره بقولك ايه يا احمد انا هاروح اشوف المحل بتاع المجوهرات جاب الطقم بتاعي ولا لسه

احمد : تمام يلا هنروح معاكي ودخل المحل ويونس منتظر أمه ولما طال كلامهم طلع بره ووقف ولفت نظره دبل شيك جدا معروضه في الباترينه ووقع اختياره على دبله عريضه بفصوص شكلها يخطف العين ولف بنظره على التوينزات المعروضه اختار توينز تحفه 

وانتظر لما أمه خلصت 

يونس: خلاص خلصتي 

شهيره: اه تمام ودفعت الحساب يلا بقى لحسن انتا فرهدتنا

يونس طول مفاتيح العربيه من جيبه واداها لابوه: بابا حضرتك انتظرني مع ماما في العربيه وانا دقيقه وراجع شوفت بدله حلو هاروح اسأل عليها وجاي 

احمد بخبث: طيب ما نيجي معاك نشوفها يمكن تعجبنا ونقولك رآينا بالمره 

يوس بحرج: انا لسه هاشوفها وكمان البدله في الدور التالت وماما تعبانه معايا بقالها فتره يلا يا بابا بقى

احمد بإبتسامه: ماشي وسابه وطلع

يونس اتنهد ورجع المحل بخطوات سريعه اشبه بالجري

ووقف قدام المحل واخد نفسه واتمالك اعصابه ودخل:لو سمحت في دبله وتوينز في الباترينه كنت عايزهم 

صاحب المحل: تمام مفيش مشكله ممكن حضرتك تطلع وتحاولي عليهم

يونس بهزه راس بالموافقه وطلع وشاور عليهم 

صاحب المحل طلعهم :هما دول 

يونس: اه هما حسابهم كام من فضلك

صاحب المحل وزنهم وبلغه بالسعر :يونس اوكي عايزهم وطلع الفيزا ودفع تمنهم

صاحب المحل: اكتب الفاتوره بإسم مين يا فندم

يونس بإبتسامه: حور يونس اللباد 

صاحب المحل:يب حضرتك المقاس مظبوط ولا لاء علشان لو كده نقدر نجيب لحضرتك المقاس المظبوط: يونس بص على الدبله وبصلها بتمعن وهز رأسه: لا تمام 

صاحب المحل كتب الفاتوره وعطاهم ليونس بالفاتوره:الف مبروك يا فندم

يونس بإحراج: الله يبارك فيك شكرا وطلع بره المحل وقلبه طاير ووقف لحظات هايقول لأمه ايه لو شافت الكيس معاه لحظات وطلع العلبه حطها في جيب البليز ورمي الكيس في الباسكيت ورجع لأهله وكأن شيئ لم يكن

مر الوقت والكل مترقب ومنتظر على أحر من الجمر

هدي عملت حمله تنضيف شامله للبيت ومقعدتش دقيقه وحور بتساعدها وعقلها شارد وقلبها مشغول وهدي حاسه بيها وسيباها علشان تحسم الجدل اللي فيه 

*************************

جبل في المستشفي مع ابوه واخته ورامي اللي مفارقهومش لحظه الا لما بيروح البيت يغير ويرجع ويروح الشغل ويرجع 

همام بوجع:لو سمحت يا ابني نقدر ناخدها أمته 

الدكتور بتفهم: تقدر تخرج اخر الاسبوع بس يفضل تتابع مع دكتور نفسي لان حالتها النفسيه تحت الصفر وممكن تتدخل في مشاكل احنا في غنى عنها

همام :ماشي يا إبني 

رامي بجديه: طيب يا دكتور ممكن حضرتك ترشحلنا دكتوره كويسه لان اظن بعد الحادثه ممكن يكون عندها رهبه من التعامل مع الرجاله في الفتره اللي جايه 

الدكتور بتفهم: عندك حق في وجهة نظرك انا هتشزف مين أفضل دكتوره متخصصه في المجال داه وابلغكم بيها

رامي: مفيش مشكله منتظرين حضرتك

اتحرك الدكتور وسابهم كل واحد شارد في حال غير الحال

*******************

مر الليل وكان أطول ليل يمر على يونس اللي نايم على سريره بيتقلب وكأنه بيتقلب على الجمر واخر ما تعب طلع البلكونه وبص للسما شاف القمر بدر النجوم حواليه مكمله جماله شاف وشها في القمر ابتسم وغمض عنيه واتمني بكره ييجي بسرعه

وحور متختلفش عنه طول الليل عقلها مشغول وكل ما تتعب من التفكير تطلع البلكونه وبص للقمر والنجوم

وبرغم بعد المسافات الا إنها وفقت القلوب والعقول في نفس اللحظه

واخيراااااا وبعد طول انتظار طلعت شمس النهار وقفلت معاها سواد الليل ويونس نزل وكله لهفه على تحت لابوه وأمه اللي كانوا قاعدين يفطروا 

احمد: اقعد افطر لسه بدري ميعادنا المغرب هاااااا المغرب مش 7 الصبح 

يونس بعيون مبرقه: في ايه يا بابا انا اتكلمت 

احمد بسخريه: لا ابدا سلامتك بس عنيك فضحاك 

يونس قعد بقله حيله وبياكل بغيظ ولقي شطه في الأكل سرح بعقله وافتكر حور لما اكلته من الشارع اكل حراق والابتسامه فضل توسع وتوسع لحد ما بينت صفين اسنانه

شهيره بتبص لجوزها بإستغراب والاثنين بيبصوا لبعض ويرجعوا يبصوا ليونس اللي حس ان في حاجه غريبه فهز رأسه يطرد الأفكار اللي بتجيله في غير وقتها واتكلم بإحراج: في ايه يا جماعه ماكلم بتبصولي ليه كده وكأني جاي من كوكب تاني

احمد تمالك نفسه: لا ابدا اصل في واحد بياكل وهو سرحان لدرجه انه بقى بيضحك مع نفسه وكأنه عقله طار

يونس بحرج: لا ابدا يا بابا دانا افتكرت حاجه في الشغل

احمد بغمزه عين: في الشغل بردوا طيب وهو الشغل بيضحك كده ابقى خدني معاك علشان اضحك شويتين

يونس: آآآآآآه انتا هتتسلا عليا اقوم انا بقى الحمد لله شبعت يادوب اللحق احلق واجهز نفسي

شهيره: يونس مالك يا حبيبي الساعه سبعه ونص حلاق مين اللي فاتح دلوقتي بص اطلع نام ساعتين لان شكلك مرهق وانا على الضهر كده هاصحيك 

يونس بحرج: معلش مخدتش بالي من الوقت وهرب من قدامهم قبل ما ابوه يستلمه تاني

طلع يونس واحمد انفجر من الضحك

شهيره: في ايه يا احمد هي عدوى 

احمد وهو بيحاول يتمالك نفسه اصل ابنك بقى غرقان لشوشته وسرح وابتسم: يااااه فكرني بزمان وبص لمراته بعيون بتلمع بالعشق فاكره زمان كنت زيه كده ملهوف وعقلي متبرجل 

شهيره وهي بتسند على السفره بدراعها وبصتله بعيون بتحكي عن عشق ملك قلبها وعقلها وروحها: ابنك طالعلك يا احمد في العشق مجنون بس يارب يكون اختار صح لان احيانا القلب بيعمي العين 

احمد مسك ايديها:اطمني وطمني قلبك انا قولتهالك إمبارح البنت بنت أصول دي اللي تنفع إبنك ابنك دماغه زيي عايز اللي تفهمه وتدعمه مش واحده من جواها فاضي وباصه للكلام الفاضي واحده تفهم الحياه الزوجيه مش واحده واقفه ترقص على النت وتعرى جسمها واحده تخاف ربنا يا شهيره بالرغم من إننا بقالنا سنين متجوزين بس في كل ازمه مرت عليا كنتي سندي وضهري وعزوتي الزمن مبقاش هو الزمن الناس اتغيرت والمحترمين بقوا عمله نادره تلاقي اللي لابسه طرحه ومطلعه نص شعرها طيب محجبه الحمد لله طيب الشويه دول مقتنعوش وتلاقي اللي واقفه ترقص في الأفراح من غير خشا ولا حيا انا بشوف بنات عندي في الكليه استغفر الله جايين كباريه مش جامعه ابنك عايز واحده نضيفه ونقيه ومتخافيش انا سألت اكتر من خمسين واحد والكل اجمع انها فعلا بنت أصول متتخيرش عنك بصى لنفسك بالرغم من إننا عايشين في القاهره من سنين الا انك زي ما انتي متأثرتيش بالتلوث المحيط بيكي لسه لبسك محتشم وحجابك محترم جمعتي بين الرقي والشياكه والاحتشام لا في يوم شوفت لبسك مبتذل ولا في يوم شوفت عامله خريطه على وشك زي غيرك لانه اصل يقين نابع من جواكي مهما عدا الزمن مستحيل يتغير 

شهيره بعيون بتلمع ووش احمر من الكسوف زي البنت البكر تبتت في ايدين جوزها: عندك حق واهو يا عم كلها كام ساعه ونشوف الاميره اللي خطفت قلب ابنك ولو كان خير ربنا يجعلها من نصيبه ولو كانت شر ربنا يبعدها عنه 

احمد بتأكيد: ايوه كده ادعيله ابنك مبقاش الطفل الصغير ابنك بقى راجل ليه حق اتخاذ القرار وعلينا النصحيه قبلها وعمل بها تمام مقلبهاش وكمل في طريقه يبقى اختياره وقراره ويتحمل تبعيات القرار بنفسه

شهيره: عندك حق بس غصب عني انا ام وقلب الأم دايما بيخاف وبيعمل الف حساب وانا معنديش غيره ومعرفتش حتى اخلف غيره وغمضت عنيها ونزلت دمعه بألم

احمد وهو بيمسح دموعها بطراطيف صوابعه بحنان: هووووش داه أمر الله ملناش في اعتراض وربنا كرمنا ومعانا يونس وبكره يتجوز ويخلف ويملا البيت اللي حصل قضاء ربنا والحمد لله إننا طلعنا كويسين 

شهيره بدموع بتزيد هزت رأسها: لا يا احمد مش كويسين انا فقدت حملي قبل ما احس بيه وشيلت الرحم في الحادثه دي يعني جزء كبير من حياتي راح مني فيها 

احمد ضمها في حضنه: وربنا رزقنا بيونس ولا نسيتي انه اول فرحتنا اللي راح داه عند ربنا خلينا في اللي في ايدنا ابنك عريس وبكره يكبرك يا تيتا 

شهيره بضحك رغم دموعها: عندك حق انا بس صعبان عليا ان يونس عاش حياته لوحده من غير اخ او اخت وانا فشلت اني اجيبه 

احمد بإبتسامه حنونه: بس نجحتي وخلفنا يونس بصي لنص الكوبايه المليان بصي للي في ايدك مش اللي فقدتيه علشان تحمدي ربنا 

شهيره: عندك حق الحمد لله على كل حال 

********************

حور فاقت وهي متوتره وإحساس غريب متملك منها قلق وحيره وتوتر وطول الوقت قافله عليها اوضتها ومعتزله مع نفسها 

حور بشرود: وبعدين يا حور في الحيره دي وبعدهالك يا بنت عامر جازفتي ووافقتي من غير ما تحسبيها طول عمرك ممشيه حياتك بالورقه والقلم والمره دي لغيتي عقلك وفكرتي بقلبك وسيبتي غيرك يقرر عنك 

غمضت عنيها بوجع مش يمكن لان قرار غيري جه على هوايا وقامت بصت على صوره ابوها اللي موجوده على الحيطه ياريتك كنت موجود الوحيد اللي كان ليك نظره في الناس قولي دلني وخد بإيدي زي ما طول عمرك كنت بتاخد بإيدي محستش إلا وهي بتسحب عبايه سوده وطرحه وطلعت من غير ما حد يحس بيها وراحت على الترب وكلت جيران ميه ودخلت لأبوها وقعدت قدام قبره وعنيها على الباب زي ما يكون شيفاه وبتكلمه 

حور بتنهيده: يا تريى انا كنت صح ولا غلط يا حاج جيت وسلمتني ليه في الحلم يا ترى انا كنت صح ولا عقلي الباطن اللي عايزه كده وصورلي كده قولي ياأبا أوافق عليه واكمل

وقبل ما تكمل كلامها سمعت الأذان بيقول الله أكبر

ابتسمت ووشها نور وهزت رأسها برضا: عرفت يا حاج يبقى خير طول عمرك تقول لو احترتي وجيتي تسألي والاذان اذن يبقى بشره خير يبقى خير صح هو خير يا حاج ادعيلي انتا في دار الحق بس روحك حواليا وحاسس بيا وباللي جوايا ادعيلي يا أبا يكون الجبره بعد الكسره اللي قطمتني

********************

ياسر قبل ما يرجع البيت عدى على بيت عمه يطمن لو عايزين حاجه 

ياسر حط صباعه على الجرس زي عادته 

وهدي من جوه بزعيق : يووووه اصطبر ياللي على الباب مش قاعده مقطوعه ورا الباب 

فتحت الباب ولقيته في وشها: مش هاتبطل العاده المأندله دي يا ابن عابد 

ياسر بترقصه حواجب: ربنا ما يقطعلي عاده المهم قولت اعدي اشوف لو لازمكم حاجه قبل الجماعه ما ييجوا

هدي: ربنا يخليك يا حبيبي حسك في الدنيا 

ياسر بصوت واطي: اومال حور فين

هدي: في اوضتها من عشيه وهي ساكه الباب على روحها قولت اسيبها تهري وتنكت مع روحها لجل ما ترتاح وتطيب خاطر روحها بروحها 

ياسر: طيب ناديلي عليها عايزها في كلمتين 

هدي هزت رأسها ووسعتله الطريق: ماشي خش وانا هاندملك عليها 

دخل ياسر وقعد على الكنبه في الصاله وهدي خبطت على الباب: يا حور بت يا حور اطلعي ابن عمك عايزك في كلمتين 

هدي خبطت تاني وتالت ومحدش رد فتحت الباب ودخلت مالقيتش حد في الأوضه طلعت جري

يالهووووووي الحقني يا ياسر حور مش في البيت 

ياسر بخضه: يعني ايه هاتكون راحت فين داه الضهر ادن والورشه انهارده اجازه يعني هاتكون راحت فين 

هدي بخوف: علمي علمك وطلعت أمته انا كنت كل شويه ادخل اشق عليها وكانت جوه 

ياسر:طيب اطمني تلاقيها هنا ولا هنا انا هارن عليها 

هدي بخوف: استرها معانا يارب

ياسر طلع تليفونه وطلع رقم حور بسرعه ورن عليها 

هدي بتركز سمعها طلعت تجري على اوضه حور جابت التليفون وطلعت جري وهي بتنهج من الخوف يالهوووي الحقني يا ياسر تليفون البت جوه

ياسر بقلق: يعني ايه الكلام داه

هدي اترمت على الكنبه: هي ليها معني تاني البت طفشت فضلنا نزن على دماغها عشان توافق لحد ما طلعت من خلق الله لارض الله ودموعها نزلت بحرقه استرها معانا يارب ردهالي سالمه غانمه يارب دانا ماليش في الدنيا غيرها يارب متوجع قلبي عليها ولا تحرقني وتكويني بنار فراقها يارب

ياسر بهذيان: والناس اللي جايه دي هانقولهم إيه 

هدي بحرقه ونحيب: قطعوا وقطعت سيرتهم انا في بنتي ضنايا اللي معرفش جرالها إيه ولا صابها أيه 

ياسر بمحاوله لتمالك اعصابه: طيب اهدي يا مرات عم وان شاء الله هنلاقيها هاتكون راحت فين بس 

وغمض عينه وهو كازز على اسنانه بعصبيه: روحتي فين بس يا حور ليه تحطينا في الموقف داه بس

هدي بنحيب : يابنتي يا ضنايا ياترى صابك ايه

ياسر باصص على مرات عمه بقله حيله وعقله مش ساعفه يفكر من عياط هدي وكلامها اللي يقطع القلب 

قطع وصلت العياط حور وهي بتدخل من الباب وبصت على أمها اللي عنيها مورمه من العياط وجريت عليها بلهفه وضمتها في حضنها: مالك يا أما في إيه بتعيطي ليه ايه اللي جرا هدي حست بحضن بنتها وتبتت فيها ودموعها ذادت اوووي 

حور كشت حواجبها وبصت لياسر اللي واقف في موقف لا يحسد عليه ومش عارف يتكلم كلمتين على بعض

هدي بشحتفه وشهقه من العياط: يقطع الجواز وسنينه تغور كل حاجه الا انتي يا ضي عيني اوعي توجعي قلبي عليكي تاني يا بت فاهمه

حور خمنت من كلام أمها ان يونس رجع في كلامه 

حست بوجع في قلبها بس اتمالكت نفسها بكبرياء وراس مرفوعه: وايه يعني يا هدي مايروح مطرح ما يروح انا مكنتش قاتله روحي هلى الجواز اصلا ولولا كلامك انتي وياسر مكنتش فكرت أوافق اصلا والحمد لله انها جت منهم واهو لا اتكب زيت ولا اتبعطر دقيق

ياسر بصلها بصدمه: قصدك إيه ياحور

حور ببرود جليدي مميت: ولا حاجه قصدي انهم اعتذروا يبقى الله يسلهلم وانا مش قاتله نفسي عليه ولا انيش مقطعه شراييني عليهم يعني

ياسر بعدم فهم: هو يونس قالك انه اعتذر

حور هزت رأسها بنفي: لاء

ياسر بحده: اومال الكلام الخايب اللي بتقوليه داه جايباه منين 

حور برفعه حاجب: من منظركم وكلام امي اومال اللي عامل فيها كده ايه غير حوار سخام البرك اللي بليت ني بيه ليل ونهار لما بقى عامل زي فروض الصلاه عليا

ياسر اخد نفس وطلعت بعصبيه: ياشيخه الله يقطع دي قرابه أمك مقطعه روحها عليكي يا اختي لما ملقيناكيش في البيت يا اختي وقالت انك طفشتي بسبب الذن على نفوخ اهلك 

حور حست بإحساس غريب وكأن في حاجه بتتحرك في بطنها مش فاهمه سببها ولكن كالعاده مبينتش حاجه خالص وكأن شيئ لم يكن من الأساس 

حور اكتفت برد بارد: اممم طيب يأنسوا وينورو

ياسر بعصبيه: ثم خدي هنا كنتي فين وسايبه المحروق على دماغ ابوه التليفون بتاعك هنا

حور اخدت نفس وبصتله بوء: كنت في الترب 

هدي بشهقه بالرغم من عياطها: يالهوووي في الترب الساعادي دي الترب مفيهاش صريخ ابن يومين 

حور بشرود: كانت مفتوحه شكلهم بيدفنوا حد حسيت اني محتاجه ابويا في اليوم داه محستش إلا وانا بسحب العبايه والطرحه ورجليا وخداني على هناك 

ياسر بتقدير للموقف: ها وارتاحي دلوقتي

حور بهزه راس: تقدر تقول كده 

ياسر: ماشي بس ابقى خدي تليفونك معاكي مهو مش بسلك مش هاتعرفي تشيليه في ناس وراكي قلبهم بياكلهم عليكي 

حور بهزه رأس: ماشي مخدتش بالي منه

ياسر اخد نفسه وهز رأسه: ماشي هاسيبكم دلوقتي عشان اخلص اللي ورايا واللحق الميعاد ولو عوزتوا حاجه رنولي مسافه السكه واكون هنا

سابها ومشي 

وهدي بصت لبنتها بدموع: روحتي الترب ليه يا حور ريحي قلبي يا بنتي انا مبقتش حمل الوجع داه كله يا ضنايا

حور بنظرة امل : صدقيني يا أما والله حسيت ان دماغي هاتشت مني طول الليل بتقلب على جمر من نار 

هدي شهقت: يالهوي الشر بره وبعيد

حور :من غير خوف يا أما اللي حصلي مهواش هين عشان اتعامل وكأنه محصلش عشان كده عقلي كان هيشت لقتني زي عادتي بجري على ابويا زي زمان 

هدي بوجع: بس ابوكي في قبره مبقاش على وش الدنيا يا بنت بطني

حور بإبتسامه: صدقيني يا أما حتى وهو عضمتين في قبره قدر يحسم الحيره دي وكأنه قاعد قدامي وكأنه بيطبطب على قلبي وهارف عقلي طريقه منين وخد بإيدي ليه

هدي بحيره: طيب ورسيتي على ايه يا بنت بطني 

حور بإبتسامه صافيه: هاسمع نصيحه ابويا واخد بيها يا أما واريح قلبك وعقلك بس بالله عليكي سيبيني احدد اللي جاي محدش يفرض عليا حاجه 

هدي بقلق: شكلك ناويه على حاجه

حور :متقلقيش كل خير علشان تكون النقط على الحروف من أولها والغلط ميتعادش تاني

هدي وهي بتقوم: طيب يلا ادخلي استحمي وانفضي تراب التُرب داه من على جتتك وافدي جسمك شويه عشان الدمويه ترد في وشك اللي بقى مخطوف زي قشره اللمونه

حور براحه نفسيه: عندك حق مع اني كنت عايزه أقف اساعدك 

هدي: ريحي جتتك شويه وانا لما اجاي لعمايل الأكل هاصحيكي عشان لما اقوم داه عمايل اديكي يبقى بحق وحقيقي ويعرفوا انك ست ليت شاطره لو لفوا البلد على كعوب رجليهم حافيين ميلاقوش ضوفرك يعرفوا انهم خدوا بت بنت ناس وست بين وبنت بلد وجدعه

حور :ايه يا أما حيلك حيلك حيلك ليه واخدين بنت الرباع

هدي بشهقه: لا يا عنيا واخدين بنت عامر النصراوي وكملت بفخر وراس مرفوع كبير حاره المغربي كان متعلم ومتنور وعقله يوزن بلد كان ونعم الرجال وزين الرجال كان راجل ليه شنه ورنه عمره ما استعر من أصله ولا من شغله كان راجل على حق

حور بتنهيده: يا أما ابويا الله يرحمه لا غبار عليه انا بتكلم على نفسي عماله تنفخي فيا زي البلكونه ولو صدقت كلامك هافرقع في وش خلق الله وانتي ادري الناس باللي بيا يعني المفروض احمد ربنا وابوس أيدي وش وضهر

هدي قامت بعصبيه وشدتها من هدومها: اسمعي يا بنت بطني البوقين دول عشان معدتش اعيدهم تاني اللي حصلك لا أهو كان بكيفك ولا بخوطرك وانتي كنتي مكتوبه على زمة راجل داه اولكشي يعني لا عملتي حاجه عيب ولا غلط ولا حتى حرام 

ورفعت وش بنتها بإيديها وبصت في عنيها بجبروت لأول مره تشوفه في عنين أمها: اوعي سامعه اوعي في يوم تقلي من روحك وتشوفي نفسك قليله اللي يقل من روحه الناس تعيش وتموت تقل منه ومها كبر يفضل في نظرهم قليل والغالي يفضل طول عمره الناس تبيع اللي وراها واللي قدامها عشان تشتريه وانتي كبيره وعاليه وغاليه اوشمي الكلمتين دول في دماغك وعلى راي المثل من غَلا غلي ومحد قدر عليه ومن رخص رِخص وما لقي مين يشتريه 

اوعي تتعاملي انك ناقصه او قليله اي بت وارد تتجوز وتتطلق وهي معاها اورطه عيال وانتي طلعتي من الجوازه دي خاليه وهو عارف يعني لا غشيناه ولا ضحكنا عليه عرف وقبل ووافق يبقى على بركه الله تتعاملي معاه ومع اتخن تخين بما يرضى الله اوعي في يوم تتكسري وتوطي راسك معاه او مع غيره وافتكري انك كنتي متجوزه واللي ييجي يتكلم نحط القسيمه في عينه نخزقها اوعي يابنت عامر تنخي اللي ينخ ويوطي الف من يركب على ضهره ويسوقه افتكري يا بت ان اللي خلف مماتش وانتي بعد ابوكي بقيتي حور القادره اللي لما يتنطق اسمها يتهزلها رجاله بشنبات اوعي تبقى وليه مكسوره الجناح فهمتي يا حور ولا نعيد تاني

حور بتفكير عميق من كلام أمها فوقها وطبطب على باقي جروحها وطيبها هزت رأسها بموافقه:فهمت يا أما فهمت متعتليش هم شكل انهارده يوم عوضي ابويا حطني على اول الطريق وانتي دلوقتي بتنفضي من على ضهري غبار الضعف يلا اسيبك بقى وادخل اريح جتتي شويه 

سابتها حور ودخلت نامت مرتاحه قريرت العين

مر الوقت وقامت حور وبدئت المعركه الطاحنه في تجهيز وليه تليق بعريس حور وبمقام بيت الحاج عامر النصراوي بيت الكرم اللي معروف للكبير قبل الصغير 

يونس بقى بيعد الوقت بالثانيه ومصدق الضهر اذن وطلع يجري على الحلاق وحلق وجهز نفسه بفرحه طفل مستني يوم العيد رجع البيت وكله لهفه وشوق وطلع جري على اوضته 

وابوه وأمه واقفين يضحكوا عليه وعلى برجلته وتسرعه

طلع واخد شاور بسرعه ولبس بنطلون جينز جراي فاتح وقميص ابيض وفاتح اول زرارين منه وعليه بليزر كحلي وشوز بني وحزام بني وكان عنوان للوسامه والرجولة سرح شعره وحط برفانه وحط الدبله والتوينز في جيبه ونزل وهو بيصفر ونادا بصوت عالي يا جماعه خلصوا الوقت مش معانا 

طلع ابوه واللي كان خلص لبس وكان لا يقل اناقه عن ابنه :خلاص يا عريس دقايق ونتحرك وكمل بخبث المهم يا برنس هانعدي نجيب الشيكولاته والورد من المول 

يونس بإبتسامه وغمزه عين : عيب عليك يا كبير عديت وجبتهم ومنتظرينا في العربيه المهم استعجل المدام لان بكده هانروح بعد يومين

طلعت شهيره وهي متشيكه ومثال للأناقه والشياكه والرقي كانت لابسه دريس اسود ساده وفيه حزام سلاسل دهبي من الوسط وعليه بليزر ابيض في وردات سوده كبيره وحجاب ابيض ملفوف بطريقه شيك : خلاص يا عريس جهزنا يلا علشان نتحرك ورجاء شخصي بلاش تهور في الطريق علشان نوصل بالسلامه 

يونس هز رأسه بسرعه: طيب يلا بقى الله يخليكم كفايه عطله

شهيره: يا حبيبي والله لسه بدري ميعادنا مع الناس بعد المغرب والعصر لسه مأذنش اصلا والطريق كله مسافه ساعه بالكتير ساعه ونص فأهدا كدا واركز 

يونس هز رأسه وطلع وسابهم وهما جم وراه ركبوا العربيه واتحركوا وطول الطريق اللي سايق قلب يونس مش ايديه 

يا تري اللي جاي ايه..؟

يا ترى أن الأوان للفرح ولا للقدر رآي تاني...؟يا تري ايه اللي جاي في حياه جميله وجبل....؟

وايه اللي مستخبي لسه لحور......؟

....يتبع

البارت الثامن والخمسون🥰🥰🥰

قلب يونس هو اللي كان بيسوق ومع كل ثانيه الف نبضه ونبضه وقلبه شغال دربكه زي مزيكة حسب الله

وعقله شارد في حوريته اللي سرقت عقله وقلبه وبقى ملكيه خاصه بيها وحصري ليها هي وبس

شهيره قاعده مذهوله من تصرفات ابنها اللي بتشهدها في حياتها لأول مره طول عمر يونس مشهود ليه بالعقل والتقل ليه المره دي متهور يمكن لان مشاعره متحكمه فيه كل الحوار داه داير جوه شهيره وأحمد في الوقت اللي يونس مش حاسس بحاجه غير انه على بعد خطوه من تحقيق حلمه وهو ارتباطه باللي قلبه اختاره وعقله بصم بالعشره

طول الطريق وكل واحد منهم في وداي

***********************

حور نامت ساعتين وأمها دخلت زي القضا المستعجل

هدي بهزه عنيفه: قومي يا بت فزي بقى ايه قتيله

حور قامت بفزعه وقعدت على السرير: خير يا أما في ايه البيت اتهد الحاره ولعت ايييه

هدي برفعه حاجب: قومي يا اختي عشان تجهزي الأكل 

حور بكزه سنان وتبرقة عنين: تصدقي بالله هتشل ايو والله هاتشل ماكنا جيبنا اكل من بره بدل وجع القلب داه والعكه بتاع كل مره ماكفايه هدت الحيل بتاع البيت الله يسترك

هدي بشهقه وخبطه على صدرها : هاااا يالهوووي بقى عايزانا نوكل الناس اكل من بتاع الأرصفة اخص عليكي وعلى تربيتك يا دي البت ثم يا اختي هدت ايه دانتي ممدتيش ايدك في حاجه يا شملوله وانا اللي اتقطم وسطي في البيت من فوقه لتحته 

حور بتنهيده: يا أما اكل ارصفه ايه بس داه اكل من مطاعم محترمه

هدي بهزه ايه: بلا قرف بلا مطاعم بلا بتنجان وانا ايش دراني الأكل معمول كيف ولا غاسلين ايديهم ولا لاء ولا المعون نضيف ولا لاء ولا الخضار حلو ولا بايظ دانا بسمع بلاوي عنهم طب داه الواد محمد ابن ام محمد اللي على يمة الحاره من النحيه القبليه شغال في مطعم وبيقول عليهم حاجت يالهوووي يالهووووي داه بيقول 

حور بمقاطعه ورفعه وشها للسما: خلاص يا أما هتفتحي موشح قايمه اهو هاطس وشي بشويه ميه واحصلك 

هدي وهي طالعه من الاوضه: طب يلا شهلي وبلاش لكاعه عندنا هم ما يتلم

حور قامت وهي بترزع في الارض بخطوات عايزه تولع في الارض واللي حواليها دخلت وغسلت وشها وطلعت ربطت شعرها بإيشارب من بتوع أمها ودخلت المطبخ 

حور ببوز: ها عايزاني اعمل ايه

هدي بإبتسامه: طيب افردي بوزك داه اللا يجيب الفقر ويلا انا سلقت الكرنب ووضبطه وقورت الكوسه والبتنجان والفلفل وسلقت ورق العنب عليكي بقى التقليه اكون انا غسلت الخضره وقطعتها ونلف 

حور بملل : ماشي بدئت تقشر البصل وضربت الطماطم وبدئت تقلي

هدي بصت عليها بطرف عنيها: زودي السمنه

حور : حطيت كتير 

هدي: زودي عشان المحشي بيحب السمنه الكتير

حور بعصبيه مسكت العلبه وحطت تاني من سكات 

حور : خلصت التقليه أهي واديها بتتسبك

هدي بإبتسامه: شاطره يلا بقى تبلي الفراخ على ما التقليه تتسبك انا غسلتها ونضفتها وخليتها فله 

حور بعصبيه: حااااضر وربع ساعه وكانت خلصت 

قعدت على الكرسي: خلصت 

هدي رفعت الغطا وقلبت التقليه:طيب يلا بقى تبلي الكفته على ما اخلص اديني بغسل الرز أهو 

حور بعصبيه: أما في ايه لداه كله محشي وفراخ وكفته

هدي بزغره: جرا ايه يا بت هاتطفحي للناس اللقمه اللي هاتكلها عندنا عماله تعدي وتعددي يا منيله

حور بتعب : يا اما مش القصد بس انا هلكت 

هدي بتعوجه بوق: تعبتي من ساعه زمن اتوكسي اومال بقى لو كنتي في بيت عيله وشيلاه من ساسه لراسه والأكل كان حلل حلل مش حله يا موكوسه

حور بزهق: يا أما دي ايام ولت وجرت خلاص مش قصه ابو زيد كل يوم نزيد ونعيد فيها

هدي بهزه راس: مفيش فايده يا بت دي ايام البركه اللقمه كانت بتتقسم على الكل والقليل فيها كان كتير ويشبع مش زمنكم المعقرب اللي الناس فيه عايشه زي المقاطيع كل واحد بيخطف اللقمه كأنها لقمة عرسه يخطف ويجري يلا يلا بلاش كلام خايب

مر الوقت لحد ما اخير خلصوا الأكل 

حور : اشهد ان لا إله إلا الله وأن محمد رسول الله اخيرا خلصنا 

حاولت تفرد ضهرها: اااه والله حاسه ان جالي اتب من كتر التنيه اللي تقطم الضهر دي كلها 

هدي: طيب يلا زودي المحشي وادخلي استحمي وجهزي روحك بقى 

حور قربت تزود

هدي وهي بتشد الكبشه من ايدها: ميت مره اقول المحشي يعني تحطي معلقتين صلصه ومعلقتين سمنه عشان يطلع مفحفح وبيلمع 

حور بزهق نفذت الأوامر ومصدقت فلتت من ايدين أمها دخلت جري على الحمام تستحمي

هدي :خلاص يا اختي ربنا ما يحوجني ليكي داه العافيه للدوود يا بت

ورجعت مكانها تاني المطبخ ولا كأنها عملت حاجه 

حور دخلت تجهز نفسها بعد معجنه امتدت لأكتر من 4 ساعات

**********************

يونس اخيرا وصل على مشارف البلد وكله شوق ولهفه

احمد بهدوء مستفز: يونس خلينا نروح عند عمك علشان جاي معانا

يونس داس فرامل مره واحده: نعم عمي مين 

احمد ببرود: عمك عاصم

يونس بتبريقه عنين: عمي عاصم عاصم بتاعنا احنا اللي هو اخوك 

احمد وهو بيتمالك نفسه علشان ميضحكش: ايوه وانا اعرف عاصم غيره

يونس بصدمه: احيه الجوازه باظت قبل ما نتقدم

شهيره بضخك: يونس عيب ايه الأسلوب داه يا بشمهندس

يونس وهو على وشك العياط: لا سيبك من اسلوبي

خالص انتوا بتقولوا عمي عاصم اللي هو دبش اصلا ولسانه زفر 

احمد هزله رأسه بأيوه

يونس بتمثيل البكاء :على بركة الله الله يطمنكم عمي لسانه زفر وحور لسانها ازفر منه عمي عصبي وحور خلقها في منخيرها الحمد لله يارب سيبكم بقى من الشيكولاته والورد ونعدي على اي بنزينه نجيب طفايتين حريق عشان هنحتاجهم داه في حاله اتلم عمي على حور في قاعده واحده وضيف عليهم ابن عمها يا صلاه النبي وأمها كسبنا يا أولاد دي مش جوازه دي حاجه كده ملهاش مسمى

شهيره وأحمد انفجروا في الضحك

يونس بغلب: انتوا قاصدين صح صح

احمد قدر يتمالك نفسه من الضحك واتكلم بجديه: بص يا يونس هو فعلا عمك جاي بس متقلقش هو ميقدرش يقل من حد وبيعرف يعمل كنترول على لسانه كويس خصوصا انه عارف البنت وأهلها ثانيا انا طلبت منه ييجي علشان أهل البنت حاضرين مينفعش نروح لوحدنا واحنا لينا أهل وعزوه علشان يعرفوا إننا من نفس البلد مش اغراب وعلشان عمك ليه بعد نظر ومعرفه بالناس فهمت

يونس اتنهد: تمام يا بابا بس ارجوك بلاش عمي يغلط في الناس حور مش من النوع اللي بيسكت وحرفيا هاتبقى مجزره 

احمد :متقلقش قولتلك عاصم لا يمكن يقل لا مني ولا منك وقبل داه كله من نفسه وهو نفسه اللي قالي البت دي جدعه وبنت بلد بس يا ويله يا سواد ليليه اللي يدوسلها على طرف 

يونس ببوادر اطمئنان يشوبها بعض القلق: ربنا يستر 

وكمل الطريق وهو بيحاول يطمن نفسه بعد القنبله اللي ابوه قالها ووصل البيت عند عمه اللي كان في استقبالهم كل اهل احمد

احمد بإبتسامه واشتياق: وحشتوني بجد والله زمان 

عاصم بترحاب حار: ايوه يا عم مجرد كلام على العموم نشكر يونس اللي خلانا نشوفك بعد الغيبه دي كلها 

احمد بتبرير: عارف اني مقصر بس والله الدنيا تلاهي حتى اسأل يونس انا نفسي مبشفهوش الا كل كام أسبوع وأحيانا كل كام شهر 

عاصم: يا عم ولا يهمك كان الله في العون يلا بينا ناكل لقمه وتريحوا شويه قبل الميعاد 

يونس قام منطور: لا

الكل عنيه اتحركت تلقائي عليه

عاصم بمحاوله للفهم: لا ليه

يونس بحرج: يعني الناس منتظرينا يعني شويه كده ونروح مش هنلحق

شهيره ضمت شفايفها تكتم بيها ضحكتها واحمد حرك عنيه في كل مكان عشان ميضحكش ويهرب من كل اللي حواليه

عاصم برفعه حواجب قربت توصل للسقف: اممم طيب ماتقول مستعجل ويلا بينا بدل اللف والدوران يا ابن أحمد 

يونس بص لابوه وسكت

عاصم: على العموم يا عم مش هانغصب عليك احنا كنا هانأكلك مش هناكلك ولا هندفعك على العموم ريحوا شويه وساعه زمن نصلي المغرب ونتحرك

يونس وهو بيبص في ساعته بنفاذ صبر: تمام مفيش مشكله وقام من مكانه 

احمد بإستفسار: رايح فين

يونس: هاعمل مكالمه واطمن على الشغل وارجع 

احمد هز رأسه بموافقه: تمام 

عاصم قبل ما يطلع: هو هنا مفيش شبكه ولا الشغل مبيتكشفش على اغراب

يونس كز اسنانه بغيظ وبص لابوه اللي كتم ضحكته بالعافيه وطلع وهو بينفخ وبيبرطم: ربنا يستر شكل اللي جاي ميطمنش

طلع بسرعه ووقف قدام البوابه واتصل بياسر

يونس بنفاذ صبر: ايوه يا ابني ايه وصلتوا والجماعه جهزوا ولا لسه 

ياسر بضحكه: يا ابني اهدا والله انا حاسس انك العروسه مش العريس عيب عليك ياض انشف

يونس بنفخه: يا ابني اخلص انا على اخري اصلا وورايا مصيبه مستنيه 

ياسر بقلق: ياساتر يارب مصيبه ايه كفا الله الشر

يونس بكزه سنان: عمي عاصم جاي معانا 

ياسر بنفخه: يا شيخ عبو شكلك وقفت قلبي وايه المشكله يأنس وينور يا ابني وعيب عليك وفي حقك وحقنا لما تعترض على وجود عمك 

يونس بتنهيده تحمل كل معاني القلق: انتا مش فاهم حاجه انتا شايف الموضوع عادي انما هو كارثه بكل ما تحمله الكلمه من معاني

ياسر بحيره: طيب فهمني اللي مش فاهمه

يونس بتنهيده طويله: عمي معروف عنه انه عصبي داه اولا دبش داه ثانيا ومبيعرفش يزوق الكلام او يجامل هو اللي في قلبه على لسانه وداه دايما بيسبب مشاكل وطبعا لو رمى كلمه كده ولا كده حور مش هاتسكت هو انا هاعرفك لسانها

ياسر وهو بيقطم في شفايفه بسنانه: اممم طيب والحل

يونس: مش عارف اومال انا بكلمك ليه

ياسر: بص انتا حاول تلم او تغلوش على عمك لو حسيت انه هايرمي دبشايه وانا هحاول بقدر الإمكان اتحكم في غضب حور والأصح حور مبتغلطش في حد في بيتها بس ممكن يكون نتيجته مش كويسه عليك وعلى ردها

يونس بقلق أتمكن من كل حواسه: الله يطمن قلبك يا شيخ يعني اتصل بيك تطمني ترعبني اقفل ياسر لما اشوف حل للي انا فيه داه 

قفل معاه وكل واحد منهم عقله شغال طواحين علشان يلاقي طريقه يلجم بيها طرفين لو اجتمعوا الدنيا هاتبقى خناقه لرب السما 

دخل يونس وهو عقله بيدور في كل اتجاه يحل المشكله دي ازاي رفع عينه لابوه اللي ملاحظ شروده وحيرته قرب احمد من مكان ابنه وهمسله بصوت واطي: بطل قلق على الفاضي عمك مش صغير علشان يقل مني او منك في بيوت الناس ارحم عقلك شويه قاعد مش معانا زي اللي جاي مغصوب اللي يشوفك دلوقتي ميشوفكش من كام ساعه

يونس بإندفاع: لاني من كام ساعه مكنتش اعرف ان عمي جاي يا بابا اقولك ربنا يستر بقى والجواز متبوظش بسبب عمي لأن وقتها بجد مش عارف هاعمل إيه 

احمد وهو بيطبط على كتفه :متخافش انا موجود ولو فرضاً حصل اللي خايف منه ولو اني استبعد داه انا هاتدخل انا ووالدتك 

يونس هز رأسه وسكت

مر الوقت والمغرب اذن الكل طلع المسجد يصلوا جماعه ورجعوا اتحركوا بسرعه على بيت حور والكل ماشي ورا عربيه يونس اللي حافظ الطريق زي اسمه 

وصل الكل ونزلوا ورا بعض 

شال يونس بوكيه الورد وشالت شهيره علبه الشيكولاته ورن احمد الجرس وجمبه عاصم 

ثواني وفتح راجل ليه هيبه 

عابد بترحاب: يال الف اهلا وسهلا 

اتفضلوا

دخل الكل 

عاصم بصوت مسموع: يارب ياساتر

عابد بإبتسامه: اتفضل بيتكم ومطرحكم

دخل الكل واستقروا في اوضه الجلوس والكل عينه بتتلفت بخلسه على البيت 

شارك التراب قطب وراشد 

والكل قعد بعد ما حط يونس الورد والشيكولاته على التربيزه اللي في نص الاوضه 

دقايق ودخلت هدي بترحاب: اهلا وسهلا شرفتونا ونورتونا داحنا زارنا النبي انهارده 

احمد وعاصم بصولها وتنحوا واللي اكتفى بالرد كان شهيره ويونس: اهلا بيكي البيت منور بأصحابه 

يونس بص لأبوه اللي متنح وميل عليه بهمس: بابا في ايه

احمد بتوهان: بابا مين 

يونس بعدم استيعاب:بابا في إيه مالك متنح انتا وعمي عاصم كده ليه

احمد حاول يوازن نفسه: هي دي مين 

يونس كش حواجبه: دي مامت حور ليه

احمد بتبرقه عنين: دي ماما دانا اللي جدو على كده هي دي بني ادمه انسيه يعني من لحم ودم 

يونس كتم ضحكته: في ايه يا بابا شايفهم عفاريت 

وبعدين شوف اخوك اللي متنح ومشالش عينه من على الست اخواتهم بدئوا يلاحظوا واخو جوزها كمان

احمد بتنحنحه:بصراحه يحقله 

يونس بصدمه: نعم

احمد بسرعه: مش القصد خلاص 

احمد ميل على عاصم: عينك يا ابني الناس قاعدين يقولو ايه متحرشين جايين البيت 

عاصم :يادين النبي هي الوليه دي من البلد انا ملمحتهاش قبل كده

احمد بإبتسامه: لما دي الأم اومال البت شكلها ازاي 

عاصم: انا عارف بقى يا جدع 

احمد :طيب اسكت بقى ولم عينك بدل ما نطلع مضروبين واحنا العضمه كبرت عيب

عاصم بفخر رفع رأسه وقام قامته وفرد ضهره: اتكلم عن نفسك حاسس كده ان الفرح جاي من البيت داه تحس ريحه كده خفيفه وطراوه ع القلب 

احمد بصله بعدم استيعاب وسكت

احمد ميل على ابنه وهمسله بصوت واطي جدا يكاد يكون مسموع: هي دي ارمله صح

يونس بهزه راس: اه ليه

احمد بمشاغبه: مبتفكرش تتجوز تاني اصل على قوله عمك عاصم البيت هنا طراوه وحلويات وسكريات 

يونس بص لابوه بصدمه وضحكه مكتومه: طيب اسكت بقى لحسن مدام شهيره تسمعك وبدل ما تبقى جوازه تبقى جنازه

احمد بضحكه: على قولك ناس ليها بخت وانتا يا بختك يا ابن المحظوظة لو البت شبه أمها 

يونس بغمزه :أشد اصبر وشوف

احمد ابتسم وسكت

ياسر بترحاب: منور يا بشمهندس منورين يا جماعه 

يونس بحب اخوي : منور بيك يا ياسر وبص للوجوه اللي حواليه وكأنه بيسأل مين دول بعنيه

ياسر فهم نظرته وشاور على اول واحد: داه الحاج عابد النصراوي ابويا وعم حور 

وداه الحاج قطب والحاج راشد خلان حور

راشد: نورتونا وشرفتونا

قطب: مراحب بيكم يا جماعه

احمد وعاصم : الشرف لينا

شهيره اكتفت بهزه راس من سكات 

هدي بكسوف ووش احمر زي البنت البكر قامت بضيق من نظرات الرجاله الاغراب اللي عنيه مسلطه عليها ومش محترمين حرمة البيت اللي دخلوه :طيب بالاذن انده للعروسه 

عابد: طيب يا ام حور اذنك معاكي

هدي طلعت: ايه يا اختي الناس دي رجاله يندب في عينها رصاصه مش عاملين اعتبار الرجاله اللي قاعده وعمالين يبحلقوا كتكو القرف والنبي ومن نبى النبي نبي لولا بس عايزه استر البت واطمن عليها لكنت كرشتهم من البيت بالبنص

اتمالكت اعصابها وكتمت غيظها في قلبها واتحكمت في روحها وخبطت على اوضه بنتها ودخلت حور كانت قاعده شارده 

هدي : ايه يا ضنايا يلا الناس جم من بدري 

حور فاقت: طيب يلا بينا يا أما 

هدي مسكت ايد بنتها علشان تطلع معاها: بسم الله مالك يا بت جسمك مخشب وايدك زي مية لربعنيه 

حور بتوهان: مش عارفه حاسه ان الجو تلج وجسمي واجعني

هدي بحنان امومي: داه من الفرحه طب داه حتى انهارده الجو كان حلو الشمس كان دااافيه يلا يلا 

طلعت حور ودخلت ورا أمها 

الكل بص وتنح وكان الغلبه للعاشق الولهان يونس اللي عنيه متشالتش من على حور اللي كانت طالعه حوريه من الجنه لابسه دريس سيموني في اوف وايت غامق عامل ميكس تحفه وعليه طرحه كابتشينو وبندانه سوده عاطياها هاله وجمال رباني وبدون أي تكلفه ولا مكياج

احمد بص على حور وأمها وميل على ابنه: اه يا ابن المحظوظة دانتا هاتجيب عيال اجانب

الكلمه جات على هوا يونس وابتسامته وسعت لحد ما بينت صفين اسنانه قعدت حور وهي بتفرك في ايديها من القلق والكسوف وكل العيون موجهه عليها 

عابد وكأنه صاحب بيت: يلا يا ام حور حطي الغدا عشان يبقى عيش وملح والجماعه كمان جايين من سفر 

هدي بهزه راس: من عنيا يا ابو ياسر 

وطلعت رصت سفره كبيره بما لذ وطاب ودخلت :يلا يا جماعه لقمه على ما قوسم

الكل طلع ورا بعضه تباعا 

واتلف حوالين السفره وكان ترتيبهم عابد على رأس التربيزه وجمبه راشد وجميه قطب وجمبه ياسر وجمبه هدي وفي الاخر حور 

ومن النحيه التانيه عاصم وجمبه أحمد وجمبه شهيره وفي الاخر قعد يونس في وش حور اللي وشها ضرب الون الطيف والكل بداء ياكل بإستمتاع رهيب

شهيره: واااو بجد اكلك جنان يا مدام وسكتت

هدي :أسمي هدي او ام حور والف هنا وصحه

شهيره : تشرفنا بس بجد الأكل جميل جدا جدا شكلك ست بيت من الدرجه الأولى 

هدى بفخر: ورحمه الغالي داه أكل حور 

يونس رفع عينه لحور وغمزلها بطرف عينه 

حور اتكسفت وحطت وشها في الطبق 

أحمد بذهول: بجد ولا مجرد كلام بقى

هدي بفخر ومدح: حور في البيت بنتي و ست بيت ع الفرازه وفي الشغل بنت ابوها بميت راجل 

أحمد: ربنا يحفظها 

ومر الأكل والكل قام غسل ايديه ورجعوا تاني على الصالون 

وهدي شالت الأكل بسرعه جدا وسابت الأطباق والباقي في المطبخ وجهزت شاي بنعناع أخضر وطلعت جلاش وبسبوسه وكيكه وشاورت لحور تشيل الصواني معاها ودخلوا حطوا باقي الضيافه وقعد الكل في مكانه تاني يشرب الشاي بإستمتاع 

عاصم بمدح: كوبايه شاي في وقتها تسلم ايدك يا ست أم حور

هدي بكزه سنان: هنا وشفا مطرح ما يسري يمري على بدنكم 

خلصت الضيافه والمجاملات ويونس شاور لابوه يفتح الكلام

وأبوه هزله رأسه وبص لعابد : بص يا حاج عابد احنا جايين انهارده ويشرفنا نطلب ايد بنتكم لابننا ولاتكون بمثابة بنت ليا مش مجرد زوجه لابني وبس انا دكتور احمد اللباد استاذ ورئيس قسم بكليه الهندسه جامعه القاهره وزوجتي دكتوره شهيره دكتوره في كلية الألسن وابني يونس مهندس معماري وعنده شركته في الفيوم وليه شقه هناك واللي تؤمروا بيه احنا رقبتنا سداد

عابد بصلهم وعارف القبول : احنا يشرفنا يا بشمهندس وحور بنتكم واحنا مش هانتكلم غير في الأصول وليها زي اي بت من بنات البلد وبسلو البلد نحب نعرف عايزين تدفعو مهر ولا نجهز مع بعض

عاصم : اللي تحبه يا حاج كده او كده معاك بس لو دفعنا مهر بخاطرك كام ولو ان عروستنا تتاقل بالدهب ميكفيهاش 

عابد سند ضهره على الكرسي: لو مهر بسلو البلد يبقى 200 الف ولو هنجهز مع بعض يبقى الخشب والدهب والتنجيد والسجاد ع العريس والرفايع والكهربئيات والمفروشات والمطبخ ع العروسه والنفقه بما يرضي الله ياخد عروسته ويكسيها باللي يقدر عليه والشبكه تحب تتفق على مبلغ معين ولا جرمات

يونس أتدخل في الكلام: طيب يا حاج انا بفضل نجهز مع بعض علشان يكون الفرش مشترك علشان حور تختار اللي يعجبها والشبكه مش فارقه جرامات ولا فلوس المهم نختار يوم وننزل مع بعض احنا والجماعه تختار اللي يعجبها ومتشلش هم الفلوس خالص حور زي ما عمي قال تتاقل بالدهب ميوفيش 

عابد بموافقة: يبقى على بركة الله نقراء الفاتحه 

رفع الكل ايديه لقراءة الفاتحه وخلص الكل وحور حست برعشه لذيذه في جسمها مش عارفه سببها 

هدي رفعت ايدها تزغرد بس قطعها وطلع من جيبه علبه قطيفه شيك : احم بعد اذنكم انا جبت الدبل معايا دي هديه مني للعروسه ملهاش دعوه بالشبكه خالص حابب تكون خطوبه لحد ما نعمل حفله ونشوف المواعيد المناسبه للفرح 

حور بعيون بتلمع بصت لأمها اللي الفرحه مسعتهاش وهزت رأسها 

قرب يونس من حور : طبعا دلوقتي انتي مش حلالي علشان كده اللي هتلبسك دبلتك امي 

شهيره بإبتسامه قربت من العروسين وطلعت الدبله والتوينز ولبستهم لحور 

وطلعت دبلة يونس الفضه وناولتها لابوه اللي بص لابنه بفرحه :انهارده تاني اسعد يوم في حياتي 

يونس بص لابوه بفرحه وسعاده تكفي وتفيض 

لبسه دبلته الفضه وضمه لحضنه بفرحه كبيره وتبت ايديه حوالين ابنه ضامه لقلبه مش لحضنه بس 

شهيره قربت منهم وشدت ابنها لحضنها: مبروك يا ابن عمري كنت بدعي كل يوم اشوفك عريس وربنا استجاب لدعوتي

يونس بإبتسامه وعيون لامعه من الفرحه قرب منها وحضنها وضمها بلهفه 

قرب عمه عاصم : مبروك يا بشمهندس

يونس : الله يبارك فيك يا عمو عقبال عادل وعلا 

عاصم ضمه لحضنه وهمسله في ودنه: مبروك ياض وقعت واقف لو زي دي انا موافق بالعشرين دي حاجه مصري تقفيل خوجاتي حظك حظ عوالم يا ابن أحمد 

يونس عنيه برقت وبص لعمه بذهول وسكت 

ياسر خد دوره وكل الموجودين ما بين مهني ومبارك في الفرحه اللي طالعه من القلب للقلب 

قعد الكل مره تانيه ويونس اللي اتولد دفه الكلام:طيب يا جماعه بعد اذنكم انا حابب نحط النقط على الحروف المفروض كده ان شاء الله الاسبوع اللي جاي ننزل نختار الشبكه ومحددناش اصلا لا ميعاد الفرح ولا حتى كتب الكتاب 

عابد اخد نفس وطلعه وهز رأسه بموافقة للكلام: عندك حق يا إبني طيب إيه الميعاد اللي بناسبكم عشان نبداء نجهز

يونس بص لابوه علشان يدعمه في كلامه او يتولى الكلام

احمد اتولا فعلا الكلام مع عابد: طيب بص يا حاج دلوقتي احنا ننزل نجيب الشبكه اليومين دول ونشوف توضيب الشقه هياخد وقت قد إيه 

يونس بتعقل: يعني لو هانغير الدهانات مش هحتاج اكتر من اسبوع والفرش على حسب ما نختار يعني أقصاها شهر وتكون الشقه جاهزه من فرش لستار لسجاد أما بالنسبه للي يخص الجماعه هما يقدروا يحددو الوقت اللي محتاجينه علشان نتفق على المواعيد

الكل وجه نظره لحور وهدي

هدي بصت لبنتها ومش عارفه ترد

حور رفعت رأسها واتكلمت بهدوء وحكمه: والله يا عمي الأول هانزل انا وأمي نشوف المعروض والمطلوب والأسعار طبعا مش بين يوم وليله ولا هاقدر اخلص كله في وقت واحد

عابد بتفكير: كلام موزون بس بردوا محتاجه وقت قد إيه 

حور بتفكير: الأول البشمهندس يشوف دهانات الشقه وطبعا مش بسهوله لان على ما يشوف نقاش كويس ويختار الألوان ويفضي الشقه من العفش مش اقل من اسبوع او وعلى ما يبداء العمال الشغل هياخد وقت قد إيه مش وقت قليل علشان ميطلعش شغل اي كلام ولا فلوس تترمي الأرض 

يونس بسرعه: من النحيه دي متشليش هم العفش انا هاتفق مع محل يشيله كله على بعضه وبفكر نضرب عصفورين بحجر واحد

ياسر يإستفسار: ازاي في دماغك إيه 

يونس بتوضيح: بدل اللف والهري الفاضي انا اعرف شركات ديكور بنتعامل معاها لتشطيب الفنادق والقرى السياحيه وكمان كومبوندات وفلل انا اعرفهم معرفه شخصيه بيني وبينهم شغل وبجيبلهم شغل وشغلهم على أعلى مستوي ممكن اسلمهم الشقه وهما يبعتوا حتي يعاين الشقه ويشوف اكتر من تصميم كامل

حور بتوضيح: بمعني قصدك الألوان ولا الديكورات

يونس بنفي: لاء كله يعني هايعمل زي تصميم كامل من الألوان للستاير للفرش لكل حاجه وطبعا بعد ما يقعد معانا ويعرف الألوان المطلوبه ونوعها مط او لامع في شغل ورث حائط او ثري دي أو شغل رخام حوائط واستايل العفش مودرن ولا كلاسيك والالوان والاستايلات المطلوبه والسجاد والستاير اللي تليق بيه 

حور سكتت وهي بتدور الموضوع في دماغها

هدي بعدم اقتناع: بس يعني لو عجبكم حاجه ومعرفوش يجيبهوها أو الألوان مش هي هي يعني هانعمل ايه فيها

يونس بإبتسامه لبساطة هدي: يا ست الكل دول ناس شغلهم بروفيشنال 

هدي بكشت حواجب بعدم فهم

يونس بسرعه: اقصد انهم شغلهم عالي يعني ليهم ورش موبيليا خاصه او بيتعاملوا مع معارض بتعملهم الشغل في الورش بتاعتها مخصوص والستاير والحاجات التانيه في فريق كامل بيتولاها ويبقى كده اللي هانقعد نلف عليه شهور يخلص في أقل وقت تاني هام هايكون في تنسيق تالت هام هايكون في تصميم كامل على الطبيعه قبل ما يبدوئوا 

ياسر بتأييد: هي فكره حلوه وخصوصا انها هاتوفر مشاوير بس اظن هاتكون مكلفه جدا

يونس بنفي: خالص لو حسبتها هتلاقيها هي هي أو زياده بسيطه تستحق بدل ما نقعد تحت رحمه عمال يشتغلوا يوم وعشره لاء ونقعد نلف هنا وهنا وممكن نكون راسمين في دماغنا حاجه ومنلقيهاش نضطر نقبل بالأمر الواقع والمعروض حتى لو مش على هوانا ولو في حاجه مش عجبانا نقدر نغيرها

ياسر بص لحور اللي بتسمع وعنيها وعقلها شغالين زي الإنسان الآلي 

ياسر: ها يا حور ايه رائيك في الكلام داه

حور بغموض: تمام الأول نشوف التصميم اللي هايعملوه وبعدها نشوف لو عجبنا تمام معجبناش مخسرناش حاجه ولا إيه 

يونس: تمام انا بكره هاتواصل معاهم واخليهم يبعتوا حد يشوف الشقه ويقعد معانا ويشوف الأوان المطلوب اللي تحبه حور

احمد ابتسم بخبث على سرعة ابنه ودماغه السم اللي عرف يلم بيها الليله بسهوله

عابد: كده تمام في موضوع العفش والشقه طيب اللي يخص حور بقى داه عليكي يا ام حور

يونس بتوضيح: بص يا حاج الشركات دي بتسلم الشقه بتسلمها على المفتاح من كل شيئ

هدي بشهقه: يادي العيبه ليه يا ابني شايفني قليلين ولا قليلين عشان منجبش عفش بنتي ويطلع زي باقي البنات قدام الناس ونفرح بيهم

يونس: خالص والله يا حاجه بس انا بدور على الأصلح ويا ستي محلوله

هدي بكشة وش: ازاي بقى وانتا بتقول ان كل حاجه هاتبقى مفروشه ع الجاهز 

يونس بتوضيح: ممكن نختار اللي عايزينه وقبل الفرش يا ستي نجيب الحاجات وتطلع من هنا قدام الناس بس نسيب الفرش والرص عليهم كده اظن محلوله وكل الأطراف مرضيه

شهيره: ازاي المفوض انهم بيسلموا المكان جاهز مجهز 

يونس بتوضيح: يا أمي أنا هاتفق يخلصوا الدهانات والديكورات الأول وفي الاخر بيكون الفرش والاجهزة حسب تناسق الألوان كل اللي هاغيره اني هاطلب ان كل الفرش المطلوب منهم يتجمع في مخزن عندهم كامل مكمل وقبل فرش الشقه ييجي هنا على بيت حور ويطلع قدام الناس حسب العادات هنا في البلد ولما يروح هناك الشركه تتولى فرشه ورصه حسب التصميم

وباقي الفرش بقى سواء مفروشات او حاجات خاصه بالعروسه تتفرش بمعرفه والدتها او اهلها بعد ما الشركه تفرش العفش والسجاد والمطبخ وكل حاجه وتكون اتىصت في مكانها الصح

هدي بإقتناع: اذا كان كده يبقى عداك العيب 

بصت لحور اللي اكتفت بهزه رأسها 

والكل اقتنع بالفكره 

يونس : طيب حيث كده نتكلم بقى في الفرح وكتب الكتاب 

راشد: قصدك إيه احنا لسه بنقول يا هادي وانتا داخل حامي يا ابني الأمور مبتتاخدش كده

يونس بتوضيح: مش القصد طبعا يا حاج القعده دي معموله علشان الاتفاقات مش كل يوم هانتجمع ونتكلم في حاجه يبقى مادام متجمعين نقطع عرق ونسيح دمه ولو حاجه جدت يبقى التليفونات موجوده نقدر نحل الأمور بس مينفعش نتفق في التليفونات

قطب بإبتسامه: واضح انك ابن سوق يا بشمهندس عشان تكون جاي ومستف ورقك كده وبتجيبهم واحده ورا التانيه 

يونس بضحك: والله ابدا بس انا من النوع اللي بيحب يمشي أموره بعقله شويتين

عابد: مش عيب يا ابني الدنيا عايزه كده بس بردوا بالهداوه الدنيا عدل مش عجل 

يونس بتفهم: انا مش متعجل انا متعقل وبحسب الأمور والدي ووالدتي حياتهم وشغلهم في القاهره ومش هانقدر نيجي كل يوم أو كل أسبوع علشان الاتفاقات علشان كده محتاج احسم كل حاجه علشان نبداء على طول وكمان اظبط شغلي علشان اكون متفرغ أكبر قدر ممكن للتجهيزات دي

عابد: عندك حق طيب دلوقتي اتكلمنا في الشبكه والعفش والشقه ايه اللي بخاطرك تاني

يونس براحه: نشوف كتب الكتاب والفرح والتجهيزات الباقيه

قطب بحيره: طيب لامؤاخذه يا ابني وضح اكتر او يعني هات الكلام مره واحده 

يونس بهزه راس: دلوقتي احنا هاننزل نجيب الشبكه انا بعد اذنكم عايز اكتب الكتاب مع الخطوبه 

حور بحده: لا طبعا

كل العيون في اللحظه دي اتركزت على حور وكأن اول المستفسرين عابد: لاء ليه يا بنتي 

حور وافتكرت ذكريات قديمه اتعادت وجروح قديمه اتفتحت من جديد وبدئت تنزف تاني بس قدر تتمالك اعصابها وكان داخلها بيغلي وخارجها برود متحكم فيه العقل: لان سبق ووقعت في الغلطه دي والنتيجه احتسبت عليا جوازه ولا يلدغ مؤمن من جحر مرتين ممكن نعمل خطوبه عائليه مش محتاجه خبط ورزع ونكتب الكتاب يوم الفرح في الجامع او القاعه

ياسر بتأييد: عندك حق واظن كده يبقى تمام والكل يبقى عارف ان حور خطيبتك

يونس بخنقه من الوضع اللي اتقلب في لحظه: انا كان هدفي إننا نكون براحتنا علشان التجهيزات وعلشان هانضطر نقابل المهندس اللس هايمسك الشقه كتير 

حور اخدت نفس طويل وحبسته ثواني وخرجته بهدوء: اظن ممكن ييجي الورشه مهياش عيب ولا حرام المكان بيدخله كل يوم أشكال وألوان من الناس ولو ازمن ممكن تيجوا البيت وييجي عمي او حد من خلاني والنت سهل الموضوع اللي يجد يبعته ونشوف التعديل ونبلغه 

يونس حس بحيرتها ووجعها: تمام زي ما تحبي

عاصم بإندفاع: طيب على سيره الشغل ناويه تعملي ايه فيه بعد الجواز مهو مش أصول تبقى على عصمه راجل وتنزلي ورشه ميكانيكا وتشتغل وسط رجاله

يونس كز على اسنانه وبص لابوه بحده 

احمد بص لاخوه وقبل ما يتكلم سبقت حور الرد بحده: والله يا حاج ابن اخوك حاي وعارف انا مين وبنت مين وعارف شغلي وحياتي يعني لا غشيته ولا ضحكت عليه أما شغلي داه حاجه خاصه بيا داه اكل عيش وبيوت ناس مفتوحه من وراه وصرفتي فيه تخصني انا وانا وبس قالتها وهي بتشاور على نفسها بإيدها أما اني انزل وسط رجاله فأظن حضرتك سألت طوب الأرض علينا قبل ما تيجوا وعارف أن شغلي فيه إنا بألف راجل مش بميه بس وانا لا بتكسف ولا بستعر مش شغلي 

أصبح الجو مشحون ما بين غضب حور وغضب عاصم 

وترقب الباقي 

والكل منتظر اللي جاي

يا ترى اللي جاي مخبي إيه...؟

يا ترى الجوازه دي هاتكمل ولا للقدر رآي اخر...؟

يا ترى جبل لما يعرف هايحصل ايه...؟

...... يتبع

البارت التاسع والخمسون 🌹♥️🥰

أصبح الجو مشحون ما بين غضب حور وغضب عاصم 

وترقب الباقي 

والكل منتظر اللي جاي 

سكوت رهيب والكل خايف يفتح بقه تتقلب الدنيا اللي اتقلبت في لحظه نظره يونس لابوه بغضب ونظره شهيره لعاصم بلوم 

ونظره حور بكبرياء وراس مرفوعه

ونظره عابد بفخر ببنت اخوه ممزوجه بالقلق

ونظره راشد وقطب بترقب

ونظره ياسر ليونس بمعنى هاتعمل ايه

واخيرا نظره هدي بوجع من نظره الناس لبنتها

كان أول من قطع الصمت احمد بعد جدال لنفسه دام للحظات: طبعا يا بنتي حقك ودي مصالح ناس هو اخويا بس بيسأل فيما بعد علشان ميحصلش خلاف واكيد طبعا داه قرار يرجع ليكي هو كان الغرض من السؤال فيما بعد علشان شقتك هاتكون في الفيوم نفسها وانك تنزلي البلد كل يوم هايكون أمر مجهد عليكي مش اكتر 

حور بهدوء مميت: الشغل مفيهوش إجهاد ولما اقصر في بيتي وقتها يحق لجوزي وجوزي بس انه يناقشني ويتكلم معايا وانا لو حسيت للحظه ان شغلي هايقصر على بيتي في الف طريقه وطريقه امشي الشغل بدون وجودي انا مش صغيره ثانيا انا كده كده هابقى انزل اشقر على امي والمسافة بين الفيوم والبلد كلها ربع ساعه وفي الأساس انا معايا عربيتي والطريق بين بيتي والورشه واتعمدت تقول الورشه وهي بتبص بفخر وعين قويه على عاصم تلت ساعه يعني في الطبيعي لو جيت من الفيوم نص ساعه من طريق الموقف المباشر

شهيره بتبرير: طبعا يا بنتي داه حقك ومحدش يقدر يعترض هو بس بيسأل فيما بعد مش في الوقت الحالي يعني لو جه الوقت اللي وصل للمواجهه وزي ما سبق يونس وقال إن الزياره دي هانتفق على كل حاجه ونحط كل النقط على الحروف والباقي يمشي بالتليفون

حور بنفس الهدوء: هاكرر ردي لو وحطوا تحت لو دي مليون خط لو شغلي قصر على بيتي فبيتي ليه الأولويه عندي وشغلي اعرف امشيه ازاي حتى في غيابي

ياسر بقلق: خلاص يا حور احنا اقتنعنا مش مستدعيه الحده دي كلها 

حور بصتله بنظره هو عارفها كويس اوي: انا مش حاده خالص وبتكلم بهدوء الفرق اني لا بعرف الون ولا اصطنع واظن انتا عارف من قبل وفاه ابويا من وانا عيله بضفاير وانا بروح معاه الورشه ومن لما مات من سنين وانا ماسكه الشغل كله ومفيش مخلوق خلقه ربنا يقدر يمس طرفي بكلمه لاني في الشغل عارفه بتعامل ازاي وكيف 

يونس كل داه بيبص بترقب وخايف لأول مره يتكلم 

عابد: طبعا يا بنتي بنت ابوكي والبشمهندس عامر الف رحمه ونور تنزل عليه رباكي وشربك من طبعه واللي خلف مماتش

حور بهدوء: داه كلام مفروغ منه ودلوقتي احب اسمع رآي البشمهندس يونس على الكلام اللي اتقال إيه ورده إيه 

يونس اخد نفس طويل وكتمه للحظات وخرجه في صوره تنهيده: سبق وقولتلكم اني متقبلك بكل ظروفك وحياتك وأما عارف وقابل وواثق تمام اليقين ان لو شغلك أثر على حياتك وبيتك هاتحطي الاولويه لبيتك يبقى يا جماعه بلاش نستبق الأحداث في الموضوع داه بالذات لانه بعد احترامي للجميع يخصني انا وحور بس 

الكل هز رأسه من سكات،،يونس كمل : طيب كده يا جماعه نكمل الاتفاقات دلوقتي باقي الفرح وكتب الكتاب والفرح بتفاصيله

عابد بتروي : احنا دلوقتي في شهر 2 الشقه هتاخد وقت قد إيه 

يونس: لو عملنها بهدوء تاخد شهر ونص شهرين 

راشد بص لاخته: وانتي يا ام حور الفرش واللي عليكم ياخد وقت قد إيه 

هدي بتفكير: والله منا عارفه بس على حسب يعني اصل الفرش والجهاز غلبه عايز اللف والروحه والجايه هنا وهناك عشان نشوف الأحسن فين 

راشد: لا يا ام حور لازم تحطي وقت حتى لو بالوايم كده

حور بحسم: متشغلوش بالكم الفرش هاييجي من المحلات بتاعتي

عابد وراشد وقطب وهدي الكل بص عليها بعدم فهم 

هدي بإستفسار: يا بنتي انتي محلك بتاع عربيات ماله ومال الفرش

حور سندي ضهرها وبست لأمها: مش داه شغلي بس يا ام حور انا شريكة الحاج راضي النص بالنص

عابد بذهول: راضي مين وهز رأسه وكأنه بينفضها قصد راضي الفايد بتاعنا اللي من قيمه كام شهر بلع السوق مره واحده 

حور بهزه رأس: اه هو

عابد: وانتي تفهمي في شغله ايه اصلا

حور بتهكم بس اتمالكت نفسها: شغل الحاج راضي انا اللي ممشياه وانا اللي جيباه وانا اللي متفقه على كل كبيره وصغيره فيه وانا اللي خليته بعد ربنا من مجرد تاجر أدوات كبريائيه ومنزليه لأكبر مورد للمحافظة كلها والمحافظات اللي حوالينا متنساش يا عمي اني بنت ابويا يعني عارفه السوق ودواخله زي كف أيدي والشغل لاهو عيب ولا هو حرام 

ياسر بتهرب: طيب يا جماعه كده الفرش كمان اتحل اهو يبقى كده باقي تحددوا ميعاد الفرح

يونس بص لابوه وأمه: ايه الميعاد المناسب معاكم علشان شغلكم وعلشان بناء عليه اظبط شغلي لاني هحتاج من الشغل اجازه طويله 

احمد بص لشهيره: ممكن يكون في اجازه اخر السنه يعني على شهر سبعه اظن يكون مناسب للكل 

هدي بصت لبنتها: ايه رائيك في الوقت داه يا ضنايا

جور : مفيش مشكله مناسب وكمان نقدر نجهز براحتنا واظبط الشغل الفتره دي عشان تجهيزات الشقه والفرح

يونس: يبقى على بركة الله انهارده نريح في بيتنا اللي هنا أو شقتي وبكره ننزل ننقي الشبكه ويوم الجمعه اللي جايه نعمل الخطوبه هنا في البيت 

عابد بموافقه: يبقى على بركة الله

هدي اخيرا قدر تاخد نفس ورقعت الزغروده اللي سمعت الحاره كلها مره ورا مره ورا مره لحد ما نفسها اتقطع 

ياسر بضحك: براحه على نفسك يا ام حور لسه عايزينك

هدي بفرحه: داه سوم المني يا ابني عقبالك لما ربنا يرزقك ببنت الحلال وبردوا انا اللي ازعردلك

خلصت الاتفاقات والكل استأذن وانسحب يروح بيته وحور وأمها قاعدين مكانهم نزل الناس والباب خبط وكان فضول الجيران اللي جايين يسألوا عن الزعاريد اللي ماليه المكان نازله ترف عليهم 

حور انسحبت على اوضتها وسابت أمها تحل المعضله دي

هدي بفرحه عقبال عندكم: حور اتقرت فاتحتها والخطوبه الجمعه الجايه عقابا عندكم يا حبايب

الكل هنى وبارك وسط مليون سؤال وسؤال ملقوش ليهم اجابه تريحهم عند حد وهدي اللي كانت بتجاوب بالقطارة 

*********************رجع يونس وأهله بيت عمه والكل دخل وقعد واستقر

ويونس لحظات واستأذن منهم يروح مشوار مهم يطمن على الشغل وسابهم ومشي

عاصم بشرود ساكت 

احمد لاحظ ان اخوه قاعد ساكت وسرحان 

احمد بإستغراب: مالك يا عاصم بقالك كتير قاعد ساكت مش عوايدك

عاصم بشرود: البت دي تخوف اوي يا أحمد البت شوكتها جامده

احمد بإستغراب: ليه بتقول كده مع انك اللي قايلي انها بميت راجل عاصم بتبرير: انا عارف وسأل بنفسي بس كلامها عن شغلها مش قصدي شغل ابوها انا قصدي شغلها اللي فرقعته في وشنا زي القنبله انتا عارف مين الحاج راضي الفايد داه في أقل من كام شهر بقى من وحوش السوق وليه بدل المحل عشره وبدل المخزن ميه بدل ما كان حته تاجر بقى أكبر مستورد هنا في البلد وبيورد لأكبر محلات سواء في البلد او المحافظه كلها وكمان كذا محافظه قريبه منا الراجل داه عنده فلوس لا تأكلها نار ولا حطب ومعنى ان عروسة إبنك شريكته ان البت دي كمان زيه ومتأخذنيش الست لما بتملك قرش قلبها بيقوي ودي قلبها قوي اوي أوي البت بتتكلم بجبروت يخوف بتتكلم بثقه زي أجدع راجل انا مستغرب البت جمال يحل من على حبل المشنقه بس اللي زي دي الواحد محتاج يعيد حسباته الف مره الجمال مع الذكاء والمال لما يجتمعو في ست يخوفو والبت دي من النوع اللي يخوف على قد ما هي بنت بلد على قد ماهي دماغ يتعملها الف حساب وحساب 

احمد بتنهيده: قصدك إيه الكلام مبقاش يفيد خصوصا بعد ما اتفقنا وقرينا الفاتحه وبردوا ابني مش قليل ولا دلدول عشان مراته تمشيه وراها او تمشي كلمتها عليه داه راجل وعصبه ناشف وبروا ليه وجهة نظر فيها وانا محستش منها او من أهلها بتقصير او جبروت يقلق او يخوف بالعكس كل كلامهم بالعرف والأصول وداه اكتر شيئ يطمني واللي خلاني متحمس اكتر ان ليها عزوه وأهل ورجاله وقت الملزمه نقدر نقعد ونتكلم معاهم 

عاصم بتوضيح: انا فاهم كل كلامك وكنت حاضره بس انتا مخدتش بالك ان البت باين عليها اوي ليها كلمه وكلمه مسموعه داه الكل كليله قبل ما ينطق بكلمه كان بيبص وبعد ما يخلص كان يرجعوا يبصو ليها اذا كان الكلام جه على هواها ولا لاء

احمد بحكمه: وداه ان اثبت حاجه يثبت ان عقلها كبير وان الكل عارف رجاحة عقلها 

عاصم بقلق : اتمني كلامك يكون صح ويكون نظرتي غلط لاني انا كراجل اتهزيت من البت 

احمد بإبتسامة تقدير : عارف ومقدر بس متقلقش يونس مش ضعيف ولا شخص سلبي لان زي ما انتا سألت انا كمان سألت عن خطيبها الاولاني والفرق بين الاثنين زي السما والأرض الواد كان ابن أمه وشخصيه ضعيفه ومهزوز واللي زي حور فرسه حرنانه واللي يروضها ويلجمها خيال ثابت على أرضه لا ضعيف ولا مهزوز عشان كده الاتنين منفعوش بعض لو كانت جوازتهم كملت كانت هي هاتكون راجل البيت وهو الست او بالمعنى الأصح مجرد تابع ليها واللي زي دي متربيه على الراجل الحر الراجل الصح ابوها كان كده كان راجل قلبا وقالبا

عاصم بتنهيده: يا احمد افهمني انا مش بعيب فيها حاشا لله انا معايا ولايا انا بتكلم عن قوتها جبروتها ثقتها بنفسها فلوسها كل دي حاجات خلت قلبي يتوغوش

احمد بتوضيح: يا عاصم دي واحده في السوق ومش محتاج اعرفك يعني ايه سوق يعني اللي بيغفل لحظه بيتاكل علشان كده هي قويه لان زي ما سبق وقولت انها صاحبه مال ومال كتير والمال عايز حسيب ورقيب عليه لان المال السيب يعلم السرقه فهمت قصدي بالعكس انا كراجل انبهرت بيها كمظهر وجوهر لان بالرغم من كل كلامك داه الا انك غفلت عن تفصيله صغيره لكن حاسمه

عاصم بصله وشاورله بعنيه بمعنى ايه هي

احمد بتكمله: انها بالرغم من شغلها جبروتها قوتها الا إنها محافظه على دينها على قيمها البنت بالرغم من كل المغريات اللي حواليها الا إنها متمسكه بالحجاب بطريقه محترمه بالعكس اللي زي دي الفلوس كتفها زي قلتها معاها لأنها اتربت على الحرام قبل العيب فهمت قصدي

عاصم بشرود هز راسه: ربنا يكتب اللي فيه الصالح 

وينور بصرنا وبصيرتنا

احمد بتامين: اللهم آمين

*********************** 

مر اليوم مرور الكرام وصبح نور يوم جديد حور راحت شغلها تطمن عليه وتشوف العمال اللي بقالهم كام يوم مشفوش وشها واطمنت وسابت مسؤليه الشغل على سبارس كالعاده في الأيام اللي فاتت ورجعت البيت تاني مر الوقت ودخلت حور تجهز نفسها وعلى اذان العصر الكل اتجمع وراحوا اختاروا الشبكه مع بعض 

حور اختارت شبكه سيمبل بسيطه بمشاركة يونس اللي كان عمال يشاكسها كل شويه وهدي ضافت هديتها والكل اتصدم من الكم

يونس بعدم رضى: ليه كل داه يا طنط،،هدي بتبرير: دي هديه ابوها الله يرحمه وأمها الدهب داه كان عاينه علشان يهاديها بيه يوم فرحها

يونس بقدير: تمام بس يوم الفرح عروستي هاتلبس اللي دفعت تمنه أما اللي حضرتك جيبه يتشال لو هي عايزه قد اللي حضرتك جيبتيه الطاق طاقين اجيبه بس من مالي مع احترامي لكل الموجودين طبعا انا احب الحاجه اللي تخص مراتي تكون من مالي وتعبي وشقايا داه بعد اذنكم طبعا

هدي بصت لبنتها وسكتت 

ودفع يونس تمن الشبكه واتحركوا في طريق البيت

أصرت هدي على دخوله هو وأهله وقدمت واجب الضيافه اللي كانت مجهزاها من الصبح

شهيره: مبروك يا حور 

حور بإبتسامه: الله يبارك في حضرتك 

شهيره بتذكر: كده احنا جبنا الشبكه والمفروض نرجع انهارده بالليل القاهره علشان الشغل وهانيجي يوم الخميس آخر النهار كده فاضل الفستان والشوز والحجاب والاكسيسوريز بتاعته وحجز الكوافير 

حور بحيره: مش عارفه ممكن انهارده او بكره كده اخر النهار انزل اتفرج في المحلات على المعروض 

هدي بتأييد: خدي اصحابك ولقوا شويه او اقولك روحي المحل اللي جبنه من النوبه اللي فاتت كان فيه حبة فساتين حلوووه وشكلهم يخطف العين 

حور كشت وشها برفض: لاء اشوف الأول بره وكمان المحل ده الفساتين اللي فيه اغلبها منفوش انا عايزه حاجه سيمبل هاديه لان الخطوبه هاتكون هنا في البيت

شهيره: فعلا مش محتاجه فستان ضخم محتاجه فستان صك سيمبل

حور: على العموم لسه معانا وقت 

كل داه بيتم ويونس قاعد مبتسم ومداش اي ردة فعل

شهيره وهي بتزغده في جمبه بدراعها: متشاركنا يا يونس بدل سكاتك علشان الوقت ميضعش على الفاضي 

يونس بإبتسامه: زي ما حور قالت لسه معانا وقت وهي تشوف بكره ولا بعده 

شهيره بهزه راس برفض: هو داه اللي ربنا قدرك عليه بدل ما تقول نشوف محلات في القاهره او نجيب موديلات من محلات كويسه لان حور ماشاء الله قمر محتاجه حاجه كده شيك تليق بيها

حور ابتسمت براحه لحماتها المستقبليه 

يونس بهدوء وبرود: متقلقيش يا ست الكل اكيد حور هاتلبس اللي يليق بيها ويزيد جمالها وبص لحور بحب مع ان جمالها مفيش حاجه تساويه ولا تزيده داه هي اللي بتزيد جمال اللبس مش العكس يا ست الكل 

حور بخجل فطري وشها احمر وزادها جمال وعنيها زاغت في كل مكان

مر الوقت والكل استأذن ينصرف 

قبل ما يخرج حور نادت عليه :يونس

يونس اتلفت ليها بعنين بتطلع قلوب : قلب يونس

حور بصتله بصدمه من جرئته اتمالكت نفسها شويه وحاولت تصبغ صوتها بجديه: احم هي الخطوبه يوم الجمعه ان شاء الله انا هاعين الدبله والمحبس وتبقى والدتك تلبسهوملي يوم الخطوبه 

يونس بصلها بزغره: لاء طبعا الدبله هاتفضل في ايدك ويوم الجمعه مجرد إشهار وتكمله للصوره الاجتماعيه اوعي دبلتي تتشال من ايدك لحد اخر نفس في عمري انا اختارتها بقلبي مش بعيني يلا اسيبك دلوقتي وبكره هاعدي عليكي في الورشه غمزلها بعينه وستبها ومشي

حور دخلت وهي حاسه انها بترتعش من كميه المشاعر اللي اترمت في وشها مره واحده 

قعدت على الكنبه شارده وساكته

******************

مر اليوم ورجع احمد وشهيره القاهره لشغلهم وصلهم يونس لان الكل جه معاه في عربيته ورجع تاني على الفيوم صد رد 

رجع بمزاج رايق لأول مره قلب مطمن ومرتاح البال

وبداء يتابع شغله براحه من خلال الفون باقي اليوم 

حور كانت طول الوقت بتفكر في المشاعر اللي هاجمتها مره واحده 

ومر اليوم بسلام على الكل نفوس راضيه ومرتاحه ومطمنه 

**********************

في نفس اليوم عند همام في المستشفي سمح الدكتور لجميله بالخروج مع التأكيد على المتابعه مع دكتور أمراض نفسيه وعصبيه 

خرج همام مكسور الخاطر وكأن هموم الجبال اتحكت فوق كتافه حنت ضهره طلع شايل بنته بين ايديه ودموعه بتلمع في عنيه ورامي جمبه بيزق جبل على الكرسي المتحرك حطهم في العربيه وساق رامي لحد ما وصلو البيت والكل دخل واستأذن رامي يروح بيته

همام بعد ما اطمن على بنته طلع الصاله وطلع رقم الدكتوره اللي رشحهاله الدكتور في المستشفي رن وانتظر لحظات: الو سلام عليكم دكتوره هيام معايا

دكتوره هيام: وعليكم السلام ورحمة الله وبركاته ايوه انا مين حضرتك 

همام :انا جاي لحضرتك من طرف دكتور.... اللي في مستشفى...... 

هيام :اهلا وسهلا اؤمر حضرتك 

همام: الله يعزك انا بنتي من فتره اتعرضت لحادثه أثرت عليها والدكتور نصحني انها تتابع مع دكتور نفسي ورشحك لينا

هيام بتركيز: تمام ممكن اخد فكره عن طبيعه الحداثه اللي حصلت 

همام بتأكيد: اه طبعا وحكالها كل حاجه حصلت وتفاصيل الحادثه

دكتوره هيام بتفهم: تمام حضرتك انا هاجيلها بكره ان شاء اللهولانها غالبا في الوقت الحالي عندها رهبه من الاختلاط بالناس وصدمه من الموقف هي محتاجه انها تطمن محتاجه ثقتها بنفسها ترجع من تاني محتاجه دعم محتاجه تتقبل الصدمه وتتعايش معاها وعلشان تخرج منها بدون تراكمات جواها 

همام بتوهان: انا مش فاهم اوي طيب حدديلي المفروض اعمل ايه 

دكتور هيام بتوضيح: هو المفروض دلوقتي عندها خوف من الناس ومن الخروج علشان كده انا هابداء معاها الجلسات من البيت اول فتره لحد ما تقدر تتقبل الواقع وتقدر تخرج طبعا في أول خروج ليها هايكون صعب انها تقدر تخرج لوحدها فحضرتك او حد يكون مقرب منها هايكون مرافق ليها وبعدها الباقي هاييجي تباعا

همام: ماشي طيب هو حضرتك هاتجيلها أمته البت عندها امتحانات وباقي عليها كام شهر

دكتور هيام بتفهم: انا هاجيلها بكره ان شاء الله بس لو مقدرتش تخرج من الحاله دي قبل الامتحانات بوقت كافي يبقى للأسف هاتضطر تأجل السنه وعلى العموم مش هانسبق الأحداث لما احي بكره واشوف نتيجه كلامي معاها هاتوصل لفين ونحدد خطه العلاج

همام: ماشي يا بنتي تشكري

قفل المكالمه وادي همومه زادت فوق كتافه هم جديد

من نحيه اللي جرا لبنته ومن نحيه ابنه اللي راقد مكسر ومن نحيه محله اللي خرب وحياته اللي بتتدمر واحده واحده وكله من ورا راس ثريا الكل بيدفع تمن اغلاطها وهو كمان كان شريك فيها من سكاته على كل عمايلها وعو بيعمل نفسه مشافش عشان المركب تمشي

تنهيده وجع طلعت من جوفها: ااااااااه يا ابن ابو جبل آآآآآآه يا مصعب كسرت الرجال اااااه

يارب هون اللي جاي يارب

**************مر اليوم بخيره وشره وتاني يوم حور راحت شغلها تباشره وتقف على ايد العمال 

وفي عز اندماجها قطعها صوت بقى بيخلي القلب ضرباتها تسمع في الجسم كله ومخلي القلب عايز يطلع من الفقص الصدري اللي محبوس فيه 

رفعت رأسها لقيت يونس واقف بإبتسامه تخطف القلب قبل العين 

حور بإبتسامه بسيط: ازيك يا بشمهندس

يونس بعبوس طفولي: في واحده تقول لزوجها المستقبلي وخطيبها الحالي بشمهندس لا أنا كده اعمل قعدت عرب بقى واجيب ناس تشهد 

حور بعنين مبرقه من جراءه يونس هزت رأسها طيب اتفضل نطلع المكتب 

طلعت حور ووراها يونس فتحت المكتب ودخلت وهو دخل وراها وحط اللي كان شايله جمله ومخدتش لالها منه وكان عباره عن كيس هدايه كبيييييير جدا جدا 

يونس قعد وملاحظ عين حور اللي هاتطلع على الكيس 

انتحنح: احم احم بصي هو انا طبعا عارف ان الوقت ضيق والفستان محتاج بال رايق وان ضيق الوقت ممكن يخليكي تختاري اي فستان والسلام وانا طبعا ميرضنيش انك تلبسي الا اللي يليق بيكي فأنا لما كنت في القاهره شوفت هناك فستان بصراحه عجبني جدا وجبته واتمني انه يعجبك وتلبسيه 

حور بذهول ساكته تماما على غير العاده 

يونس شال الشنطه وحطها على المكتب قدامها: بصي اتمني متفتحيهاش الا في البيت تمام

حور هزت رأسها من سكات

يونس بحرج من سكات حور: طيب استأذن انا عشان لسه هاعدي على الموقع اشوف الشغل فيه مشي كام خطوه لحد الباب واتلفت تاني افتحيه في البيت ها هاسيبك بقى عشان شكلك مصدوم 

سابها وهو ماشي بيضحك 

حور فضلت قاعده على المكتب وشها احمر زي الجمر تبص على الكيس مره والباب مره 

فضلت على وضعها وقت كبييير لحد ما اخيرا فاقت من الصدمه وشالت الكيس ونزلت حطته في كنبه العربيه من ورا ورجعت الورشه تكمل شغلها بس بقلب وعقل مش معاها 

يونس وصل الشغل والضحكه مرسومه على وشه من الودن للودن 

مازن بفرحه: ايوه يا عم الله يسهله مين قدك 

يونس بهزه راس: مفيش فايده فيك يا عم ادعي تكمل على خير 

مازن بفضول: اش اش داه في جديد وانا معرفش يلا ياض قر واعترف بسرعه ايه اللي حصل في الكام يوم اللي فاتوا من وقت ما سافرت لأهلك في القاهره

يونس بإبتسامه: يووووه دانتا فاتك كتييير 

مازن بفضول عارم شد يونس من ياقه التيشيرت من ورا : ياض اخلص بقى بطل غلاسه

يونس وهو بيشاور التيشيرت منه: ياض اتهد واقعد وانا هاحكيلك 

مازن بسرعه قعد: وادي قعده اخلص بقى متبقاش رخم

يونس بترقصه حواجب رفع الدبله قدام عينه

مازن بصدمه: يا واطي لا ادانتا اوطي خلق الله ياض بقى ابقى ماشي معاك الحوار من أوله ولما تخطب ترميني ولا كأنك تعرفني

يونس بضحك: يا غبي اسمع احنا روحنا اتفقنا وقرينا الفاتحه وانا حبيت اعمل بقى الواد الفتك فطلعت الدبله من جيبي واصريت

مازن بذهول: يخربيتك عملت كده بجد

يونس بهزه راس: اه

مازن بصدمه وفضول قاتل: وهي وأهلها عملوا ايه لما عملت كده 

يونس بإبتسامه: ولا حاجه اتصدموا شويه ومشي الموضوع ونزلنا جبنا إمبارح الشبكه ويوم الجمعه اللي جايه خطوبه وشعر سبعه هانعمل الفرح 

مازن: يخربيتك دانتا فاجر ياض

يونس بفخر: نحن أفعال لا كلام

مازن بتريقه: أفعال دانتا مسيبتش حاجه معملتهاش بلفت الناس ولفيتهم وحطيتهم في جيبك الصغير لا برنس يا ابني على العموم الف مليون مبروك يا معلم 

روحت حور وهي هاتموت وتشوف الكيس فيه إيه وكل شويه تطلع من الورشه تبص عليه في العربيه وترجع تدخل تاني مقدرتش تقاوم فضولها كتير لاهر اليوم سابت الشغل قبل ميعاده بساعتين وسابت المفاتيح لسبارس يقفل الورشه ورجعت البيت بسرعه دخلت وهي شايله الكيس في حضنها ومتبته عليه

هدي بخضه: بسم الله إيه اللي جابك بدري مش بعاده يعني 

حور : مفيش مكانش فيه شغل كتير انهارده فجيت بدري 

هدي خدت بالها من الكيس: وايه اللي شيلاه على قلبك زي العيل اللي أمه متبته عليه في المولد الا يضيع منها داه 

حور برفعه كتاف: علمي علمك

هدي بتغمضة نص عين: يا اختي داه ازاي داه يعني اومال شيلاه وجيباه ومش عارفه فيه ايه تيجي ازاي

حور قعدت على الكنبه وحطت الكيس جمبها وسندته بإيديها: والله زي ما بقولك كده لسه معرفش فيه ايه يونس جابهولي الورشه وجه وقالي مفتحو،،ش الا لما اروح

هدي بسخريه: قولتيلي يعني مش مفيش شغل كنت قاعده على نار لا على حمري ولا جمري عشان تشوفي الكيس فيه ايه طيب يلا اختي افتحي الكيس نشوف فيه ايه 

حور بسرعه ولهفه فتحت الكيس طلعت منه كيس كبير مقفول وعلبتين وكيس تاني مقفول

فتحت الكيس وشهقت من الصدمه وبصت لأمها بعنين مبرقه اللي وضعها مختلفشي عنها 

هدي بعنين مبرقه: يا ماشاء الله يا ماشاء الله ايه الحلاوه والجمال داه يا بت داه زي اللي بيلبسوه الجماعه بتاع التلفزيون يا بت

حور حطت الفستان على الكنبه بحرص شديد وفتحت اول علبه لقيت شوز روعه يخطف العين وفتحت التانيه كان شور مقارب في الشكل مع اختلاف اللون وبعض تفاصيل التصميم سابت العلب وفتحت الكيس الصغير لقيت فيه طرح مناسبه للفستان 

حور قعدت مذهوله وباصه لأمها وعنيها مبترمش

هدي قاعده باصه على الحاجات وضحكه هبله مرسومه على وشها ومش مستوعبه

هدي قدرت تتمالك اعصابها: بقولك ايه يا بت ادخلي وريني كده الفستان الحلو داه عليكي 

حور فاقت شويه من صدمتها: ايه

هدي :كتك اوا فوقي يا بت مالك عامله زي اللي جاها دروال 

حور بتوهان: والله منا عارفه يا أما هو اللي بيحصل داه بحق وحقيقي ولا شغل سيما مهو مش معقول داه حقيقي

هدي بحنان امومي: يا بت يا عبيطه داع عوض ربنا مفيش احسن منه داه الجبر بعد الصبر ودعوه ليكي في كل رفعة اذان وكل ركعه وكل كسره صيام 

دي دعوه ابوكي وهو في السما يا بت 

حور بهدوء على غير العاده: خايفه يا أما افرح افوق على كابوس زي النوبه اللي فاتت 

هدي بشهقه: فشر وايش جاب لجاب با بت طب دكها كان ابن أمه وماشي من تخت مقاسها يمين يمين شمال شمال انما داه اسم النبي حارسه وصاينه حاجه تشرح القلب وتطلع من القلب الحزين شوكه راجل بحق تصدقي يا بت والله في حبه ليكي شوفت حب ابوكي الله يرحمه ليا نفس البصه ونفس القوه اللي كان بيدافع بيها عني طمني قلبك وبالك يابنتي 

حور هزت رأسها: انا هاسيبها على الله يا أما 

هدي بلهفه: طيب يلا قومي قومي خلينا نشوف الفستان الحو داه عليكي ونشوفه ليكون عايز يتظبط

حور قامت ودخلت اوضتها لبست الفستان ووقفت تبص على نفسها قدام المرايا وطلعت بيه

هدي بشهقه: بسم الله الله اكبر حصوه في عين اللي شافك ومصلاش ع النبي 

حور بإبتسامه صافيه: عليه الصلاه والسلام يعني حلو عليا يا أما 

هدي بعنين بتلمع بالدموع: مرسوم عليكي زي الكحكه يا بت كأنه معمول مخصوص ليكي تصدقي يابت والنبي الجدع داه طلع عنده نظر 

حور :طيب يلا نشيله بقى عشان ميتبهدلش

شالت الفستان وشالت كل حاجته معاه وطول اليوم الإبتسامه مرسومه على وشها

**********************

وصلت الدكتور هيام عند جميله حسب الميعاد ورحب بيها همام ودخلت اوضه جميله لجلسه امتدت لأكبر من ساعتين ونص كان همام بيغلي على مراجل من نار 

وجبل لا يقل عن ابوه ورامي اللي أصبح ملازمهم

طلعت الدكتوره بعد ماكان الصبر كل وشرب منهم على الآخر 

همام بلهفه: طمنيني يا بنتي الله يطمن قلبك

دكتوره هيام: متقلقش يا حاج بنتك مش هتحتاج وقت طويل بس كل اللي محتاجه الفتره دي دعك نفسي يزود ثقتها بنفسها ويخليها تتجاوز المحنه دي

جبل: طيب نعمل ايه يا دكتوره

الدكتوره هيام بعمليه: اول هام تتعاملوا معاها بهدوء وصبر ولما تنهار سيبوها تخرج اللي جواها لحد ما ترتاح تاني هام حاولو محدش يجيب سيره الحادثه قدامها علشان تقدر تنساها وتتجاوزها تالت هام ابوها مساحتها متكونوش طول الوقت مربطينها من الخوف علشان تقدر تتحرك بحريه وترجع تثق في نفسها وفي الناس 

جبل بتفهم: حاضر يا دكتوره

مشيت هيام والكل بيفكر ازاي يبداء معاها 

******************************

مرت الأيام والكل بيستعد بأقصى ما فيه علشان الفرحه الكبيره حور اللي أصبحت عاده كل يوم تطلع الفستان تبص عليه قبل ما تنام وتاخده في حضنها وترجعه مكانه تاني

وهدي االي شنت حملة تنضيف مكثفه على البيت كله 

ويونس اللي بيعد الساعات علشان تكون حور ملكه قلبا وقالبا

وجبل وهمام اللي أصبح شغلهم الشاغل هو جميله والمتابعه اللي بقى مستمره مع الدكتوره 

************************

واخيرا وصلنا لليوم الموعود 

حور منامتش وطول الليل بتفكر والنوم مجافيها 

هدي صحيت من النجمه وبدئت تجهز أكل وعزومه تليق بأهل العريس وجالها حريم أخواتها يساعدوها 

وباب البيت اللي أصبح مفتوح زي باب القسم متقفلش وكل شويه واحده من الجيران تيجي تهني وتزغرد وتبارك وتمشي 

وحور اللي اصحابها كلهم اتجمعوا عندها من بعد صلاه الجمعه 

وشغلوا اغاني على صب كبير أصبح مسمع الحاره كلها

شذا بتافافه: يا بنتي الله يهدك داه شكل عروسه 

حور بملل: شذا حلي عن سمايا 

شذا: يا آخرة صبري ابوس ايدك ورجلك خلينا نروح لأي كوافير اللي يشوفك يقول مغصوبه وليهم الحق

حور بنفخه: يا بنتي مش عايزه اغنيها

هدير بتعقل : ليه لاء يا حور دي خطوبتك يعني المفروض تكوني نجمه الليله 

حور :مش عارفه مش عايزه 

نرمين بهدوء: طيب بصي بلاش تروحي احنا نجيب البت نوفا تعملك حاجه سيمبل كده ها ايه رائيك 

حور :مش عارفه

شذا: سيبك منها وهاتي الرقم نكلمها

نرمين فعلا اتصلت بنوفا واتفقت معاها على بعد العصر تيجي تظبط العروسه 

ومر الوقت والكل بيتحهز ويجهز وبعد صلاه العصر جات نوفا حسب الإتفاق 

دلتها هدي على اوضه حور وسط زغاريد من كل الموجودين،،،،نوفا بإبتسامه: مين فيكم بقى العروسه

هدير ونرمين وشذا وياره وهويدا على حور

نوفا بضحك: كان ممكن واحده بس تشاور طيب يلا يا عروسه عشان نبدا

حور بحده: بصي حواجبي مبعملش شغل مونه محاره مش عايزه 

نوفا بضحك: متأكدين ان دي العروسه 

شذا بتريقه: كان على عيني اقولك لاء بس للأسف اه هي 

نوفا: طيب بصي مش هانعمل حواجبك بس هانعمل ديما شيبينج للبشره علشان الشعر الرايش ميبهدلش الدنيا تمام وهنعمل شويه ماسكات بسيطه وميك اب سيمبل وانتي ماشاء الله بشرتك صافيه ونضره

حور بهزه راس: تمام 

وبدئت نوفا رحلت تزيين حور لحد ما خلصت 

نوفا :طيب ممكن بقى تلبسي الفستان علشان بناء على لونه نقرر لون الميك اب 

شذا: يالهوووي الفستان داه محدش منا فكر فيه ولا انتي يا موكوسه نزلتي وجبتي حاجه 

حور بإحراج: لاء الفستان موجود

الكل بصلها بمعنى ازاي وأمته 

حور قضت على كل التساؤلات وقامت فتحت الدولاب وطلعت الفستان بكيسه 

نوفا:طيب إيه مش هاتدخلي تلبسيه

شذا: لاء اشوفه الأول 

نرمين وهي بتزغذها في جمبها: إلهي كلها دقيقتين وتشوفيه عليها خلي اليوم يعدي على خير حور اصلا شايطه اول مره اشوفها كده 

سكتت شذا وهي متضايقه زي العيال اللي مخاصمين بعض

دخلت حور ودقايق وطلعت وهي بتفرك ايديها في بعض

شذا بصفير عالي: اشطا عليكي يا زميلي ايه يابت الجمال داه 

نوفا: بسم الله ما شاء الله اول مره أشوف فستان بالجمال داه بجد طيب هاتلبسي حجاب ولا هاتعملي شعرك

حور بنفي سريع: لاء طبعا هالبس حجاب وبلاش شعري يبان وبلاش طرحه اسبانش 

نوفا بضحك: هانعمل لفه تركي شيك تمام كده خليكي ريلاكس واهدي 

قعدت على الكرسي ونوفا عملتلها مكياج سيمبل بسيط لعنيها اللي برز جمالها بالكحل الأسود مع لونها الأخضر المخلوط بالازرق ورموشها الطويله اللي زادتها جمال مع المسكرا وروج رسم شفايفها بدقه وشلون يكون يكون بلون الشفايف الوردي الفااااااااتح اوووي

ولفت لها الحجاب بالطريقه التركي الشيك واكتمل جمال القمر 

نوفا :كده بقيتي جاهزه يا عروسه ناقص بس الشوز

حور بكسوف وتردد: هو في اتنين وانا مش عارفه اختار بينهم بصراحه 

نوفا: طيب وريهوملي والانسب هاقولك

حور بسرعه طلعت العلبتين وفتحتهم

نوفا بإبتسامه:لاء واضح ان العريس عاشق ولهان

حور بخدود حمرا: اشمعني

نوفا بمكر: اصل زوقه عالي اوي الصراحه الشغل داه كولكشن جديد السنادي وغالبا في القاهره مش هنا 

حور بتهرب: مهو ممكن يكون زوقي

نوفا بخبث: لو زوقك كنتي استقريتي على واحد بس انما انك محتاره يبقى في طرف تاني اللي اختار وحط التحديد عليكي 

حور :طيب ممكن نشوف انهو واحد مناسب 

نوفا: الأسود هايدي اضائه حلوه لرجلك وكمان ممكن نحط مناكير ازرق غامق او لامع هايبقى تحفه الأبيض هايكون مناسب مع فستان الفرح شيليه للفرح وغمزتلها بعنيها 

حور بنفي: لاء مبحبوش 

نوفا:طيب هاحطلك منكير إسلامي بيتشال بسهوله 

حور بإستسلام :ماشي 

وفعلا بعد ربع ساعه كانت حور جاهزه واصحابها طمأن انسحبوا واحده ورا التانيه للحمام يغيروا بالتدريج واكتفوا بلمسة بسيطه تكاد لا تذكر من المكياج مع لفه حجاب انيقه زادتهم جمال فوق الجمال 

يونس اتصل على حور بعد ما خلصت

يونس بحب: انهارده هاعلنك ملكه متوجه على عرش قلبي

حور بخجل: طيب انا هاقفل علشان مشغوله

يونس بتذكر: حور احنا نسينا نحجز كوافير والوقت مش هايسعفنا داه خلاص المغرب قرب يأذن

حور بإبتسامه:لاء منا خلصت البنات جابوا كوافيره البيت

يونس بحرج: تمام طيب ممكن اكلمها

حور بعبوس: ليه

يونس بضحك: هاقولك لما اجي 

حور بحده مدت ايديها بالتليفون لنوفا: احم العريس عايز يكلمك

نوفا اخدت التليفون وبعدت كام خطوه : ايوه

يونس بجديه: لو سمحتي متاخديش منها فلوس وانا هابعت حد يحاسبك ولو عندك حساب كاش على الموبايل مليهوني وانا هابعتلك الفلوس عليه حالا

نوفا بتفهم: اه عندي حساب كاش اكتب عندك وملته الرقم والحساب 

يونس :تمام ثواني ضغط يونس على بعض الأرقام 

اتاكدي من تليفونك

نوفا طلعت التليفون من جيب البنطلون وبصت فيه : بس كده كتير واكتر من الحساب بمراحل

يونس بفرحه: مش كتير على العروسه ثم يا ستي اعتبري الباقي فرحة العريس بالعروسه 

رجعت نوفا ورجعت التليفون لحور تاني اللي اخظته وفصلت المكالمه وقعدت تنتظر 

خلصت نوفا ولكن كل المكياج الأدوات 

حور :كده حسابك كام

نوفا بضحك: الحساب وصل

حور بعدم فهم: أمته انا مفتكرش ان حد منا لسه دفع حاجه 

نوفا: العريس دفع يلا سلام يا عروسه وربنا يتمم بخير

مشيت نوفا وقعدت حور مذهوله من تصرفات يونس اللي كل يوم بتزيد عن اللي قبلها 

مر الوقت ووصل العريس وأهله وحور جوه اوضتها قاعده تفرك بخوف وقلق غير طبيعي 

شذا بخنقه: يابت اتهدي الله يقطعك خيليتيني قاعده تفركي شويه زي اللي قاعده على سِل وتلفي حوالين روحك شويه لما عنيا زغللت بالبربرق اللي لابساه داه

قبل ما ترد سمعت هيصه وزغاريد كتيره عليت اوووووي وترحاب جامد عرفت ان العريس وأهله وصلوا 

دقايق مرت دقايق على يونس وحور كانت أطول من سنين وبعدها قعد يونس واستقر هو وأهله 

دخلت هدي واللي كانت لابسه قفطان مغربي شيفون لونه اسود مطعم بشغل دهبي شيك جدا وحجاب زادها جمال فوق الجمال ورقي 

هدى بلهفه: بت يا حور يلا يا بت العريس وأهله وصلوا 

طلعت حور وهي حاسه انها بترتعش وحواليها أصحابها متجمعين زي الملكه وسط الوصيفات 

خطفت عنين الكل من جمالها وحجابها اللي منور وشها اتحركت بخطوات بطيئه جدا وكأنها لسه طفل بيتعلم المشي من اول وجديد حاسس انه هايقع في اي لحظه 

مازن بصدمه من جمالها اللي كان مستخبي ورا عفريته الشغل والشخط والنطر هز رأسه يفوق نفسه وميل على يونس: يا ابن المحظوظة بقى هي دي البت اللي كان ناقصها شنب وتبقى راجل رسمي لا شهدتلك حظك حظ عوالم اوعدنا يارب بص لقي يونس بيبصله بغضب خود عينه بسرعه وأول ما حركها جات على شذا ابتسم بهدوء وفضلت عينه متبعاها من بعيد لبعيد

يونس لاحظ خطوات حور البطيئه كل هو باقي المسافه في كام خطوه بسرعه ووقف جمبها وابتسامه اترسمت على وشه وحور مرفعتش عنيها من الأرض ووشها عباره عن كتله حمرا زادته جمال فوق الجمال

مشي جمب بعض لحد ما قعدو مشي جمب بعض لحد ما قعدوا على كرسيين جمب بعض في الصالون وبدئت الهيصه والفرح والزغاريد من حواليهم 

عادل وعلا بصو للعروسه بذهول 

ميلت علا على اخوها: يالهوووي هي دي بجد ولا بلاستيك بقى القمر دي عايشه في حاره داحنا على كده نعيش في بياره

عادل بحسره: ااااخ محظوظ ابن عمك طول عمره بيقع واقف مش ابوكيزاللي عايزني اجوز واحده الفرق بيني وبينها الشنب وعليا النعمه داه حتى شنبها أطول من شنبي 

علا بضحك: انتا جاي تبارك ولا تقر يخربيتك

عادل بدموع مزيفه: كنت جاي ابارك دلوقتي جاي اتحسر 

امتدت الخطوبه لساعات وانتهت بتلبيس ام العريس الشبكه لحور بناء على طلب يونس

واترفعت الزغاريد من كل مكان وسمعت الحاره من شرق

لغرب

*********************

جبل قاعد على كرسي في البلكونه وسامع صوت الاغاني ومش عارف جايه منين بس بيدندن معاها علشان ينسي همومه ولو للحظات

بس قطع اندماجه كلام الشباب اللي في الشارع

تحت بلكونته على طول وحس ان أنفاسه انسحبت من جسمه لما سمع الكلام 

احد شباب الحاره: والله مرزقه الاسطي حور وقعت واقفه اهو ربنا عوضها بعريس طول بعرض داه كل الحاره بتتكلم عنه حاجه كده زي بتوع التلفزيون 

شاب تاني: لا وربك والحق هي كمان في الجمال تحل من على حبل المشنقه 

فضل قاعد حاسس بالعجز ودموعه نزلت غصب عنه

دخل همام ومعاه رامي اللي أصبح شبه مقيم عندهم مايروح الا للشغل ويرجع عند همام ويفضل طول النهار 

ويمشي بالليل على النوم

همام بصوت عالي: يا جبل يا ابني 

جبل قاعد شارد ودموعه نازله ومش قادر حتى يرد

همام دخل: سا ابني عمال انادي عليك رامي عايز يمشي

جبل على نفس وضعه 

رامي قرب منه: يا إبني انا ماشي وبكره هاجيلك من النجمه

رفع جبل وشه وكان منظره يغني عن أي كلام

همام بخوف: مالك يا ابني في ايه دموعك دي ليه

جبل بصوت طلع مبحوح ومحمل بكل الوجع: كنت عارف ومقولتليش

همام بعدم فهم: عارف ايه في ايه يا ابني 

جبل بوجع: حور اتخطبت والهيصه دي بتاع خطوبتها 

همام بصدمه: إيه وكمل بتبرير والله يا ابني ما كنت اعرف ولو كنت اعرف كنت هاعمل ايه ربنا يسعدها 

رامي اتكلم بحسم: جبل انتا وحور موال وخلص سيبها تعيش حياتها ربنا رزقها باللي يعوض كسرتك فيها سيبها لحال سبيلها كفايه بقى انتا وأهلك واختك كمان اتعاقبتوا بذنبها سيبها وادعيلها ربنا يسعدها 

جبل بدموع: قلبي بيتحرق يا رامي محدش حاسس بيا مش هاتحمل والله ما هاتحمل قلبي هايقف

رامي قرب منه ومسكه من كتافه وهزه بعنف: اللي بيحب مبيأذيش وانتا مش بس اذيتها انتا دوست عليها لحد ما طلعت روحها هي امنتلك وانتا خنت هي وثقت وانتا غدرت احمد ربنا انها خلصت لحد كده فوق لنفسك واتجوز وعيش وابني اسره بس ياريت المره دي تختار صح وتقرر صح 

همام بتأييد: اسمع كلام صحبك عنده حق في كل كلمه كفايه اللي صابها من ورانا واللي صابنا من ذنبها كفايه شر لحد كده كفايه ندفع تمن شر ثريا يا ابني اللي فات مات وإبداء من جديد الحياه لا بتقف علىى عزيز ولا على غالي ولا حتى حد بيموت ورا حد ولا بيموت من الحب وابسط مثال قدامك انا اهو عشقت أمك عشق عباده بس في الاخر الحياه خلصت وكملت وعافرت وبعيش عشان اكمل رسالتي في حقك وحق اختك لحد ما اطمن عليك وعليها واوصلكم لبر الأمان بعيد عن شر أمك 

جبل هز رأسه بتعب: انا عايز انام

سنده همام ورامي ودخلوه سريره وسابوه لمحكمة ضميره كانت القاضي والجلاد 

مشي رامي وهمام دخل اطمن على بنته اللي يادوب بطلت صراخ كل ما حد يدخل عليها 

****************************

خلصت الخطوبه واغلب المدعوين مشي واللي اتبقى أهل العريس والعروسة وأصحاب حور وصاحب يونس هدي غرفت الأكل ليونس وحور في اوضه الصالون وسابت الباب مفتوح وحطت الأكل على السفره لأهل حور وأهل يونس وأصحابهم 

الكل بياكل بنفس مفتوحه واكترهم يونس خلص الوقت وروح كل واحد على بيته وغيرت حور هدومها ونامت قريرت العييييين وميقلش عنها فرحه يونس 

********************************

مرت الأيام ويونس بداء شغل في الشقه حسب الإتفاق وكل شويه يتصل بحور يسألها وشويه يروح ليها الورشه يشاكسها 

حور كانت فرحت الدنيا مش سيعاها وهي حاسه باهتمام يونس اللي أصبح محاوطها من كل جانب 

حور كالعاده كانت شغاله في الورشه لحد ما قطع فرحتها اللي حصل ورجعها الف خطوه لورا

ياترى ايه اللي حصل .....؟

يا ترى اللي جاي مخبي إيه....؟

ياترى فرحه حور ويونس هاتكمل على خير

ولا للقدر رآي تاني....؟

ياترى طبل هايسيب حور فعلا ولا في دماغه حاجه تاني....؟

يتبع....

البارت الستون الاخير 1👉

حور كالعاده كانت شغاله في الورشه لحد ما قطع فرحتها اللي حصل ورجعها الف خطوه لورا

سبارس اسطي حور ليا طلب عندك واتمني متخذلنيش فيه

حور قول يا سبارس خير ولو في أيدي اعتبرها مقضيه

سبارس بتردد هو في ايدك بس خاېف متوافقيش 

حور بتغمضة عنيها نص نص خير قول على كول وبلاها لف ودوران

سبارس بتلجلجه انتي عارف الولا اشرف ابن السني اللي على يمه الشارع 

حور بتذكر لا ماخدشي بالي منه 

سبارس بتوضيح اللي ساكن يمه مقام الست عيشه الملاحه ابن ام محمود بتاع الجبنه اللي بتقعد في السوق قدام المقام يوم السبت الوليه التخينه دي 

حور بتذكر ايوه ايوه افتكرته ماله داه

سبارس هو كان شغال عند الحاج همام ابو وسكت

حور بتشجيع ايوه ماله يعني 

سبارس الواد هو اللي شايل البيت مع أمه وفي رقبتهم كوم لحم ومن ساعت ما المحل خرب وهو متلطم اشتغل في قهوه عند المفارق واللي جاي يادوب ميكفيش عيش حاف فستقصدني لو اشوفله شغلانه في الورشه حتى لو هاينضف الورشه والله يا اسطى الواد جده وراجل شال البيت وأخواته وهو لسه ابن 14 سنه وعفي وحمول يعني يقدر على الشغل وزياده وانا اضمنه برقبتي 

حور پصدمه من اللي بتسمعه وۏجع جواها انها نسيت موضوع محل همام خالص الفتره اللي فاتت

سبارس لاحظ شرود حور يا اسطى يا اسطى روحتي فين

حور بلعت ريقها بصعوبه معاك معاك يا سبارس طيب بص انا هابعت معاك امانه اديهاله لحد ما ادبرله شغلانه حلوه

سبارس بهزه راس بنفي مهايراضاش الواد نفسه عزيزه هو صحيح بيجري على يتامه بس ربك والحق لو هايموت من الجوع ميطلبش جنيه من حد ولا يمد ايده يستلف هو كل اللي عايزه شغلانه يكسب منها من عرق جبينه 

حور هزت رأسها بشرود ماشي يا سبارس اديني يومين ادبرله شغل 

سبارس بفرحه ربنا يكرمك يارب ويوسع عليكي ويفرح قلبك زي ما بتفرحي قل ب كل اللي حواليكي 

مشي سبارس وساب حور في هم ما يتلم فضلت تهري مع روحها والذنب حړق روحها وبشرود ااااه يا بنت عامر كام بيت اتخرب وكام عيله جاعت وكام وكام وكام بسبب الرزق اللي اتقفل من تحت راسك وراس ابن عمك

حسمت أمرها ومسكت التليفون ورنت بسرعه

حور بعصبيه ايوه ياسر

ياسر بإستغراب من حده صوتها ايوه يا حور مالك صوتك عامل زي اللي فيه مصېبه

حور اخدت نفس وحاولت تهدي روحها ياسر في دين في رقبتك ورقبتي وجه أوانه 

ياسر بعدم فهمدين ايه انا مخدتش من حد حاجه ولو حد ليه عندي حاجه ييجي يعرفني 

حور پحده مأخدتوش بإيدك بس خربته

ياسر قصدك إيه تعالي دوغري وفهميني الفوله فيها إيه 

حور عارف ان محل الحاج همام اللي اتحرق كان شغال فيه اكتر من عشر عمال وكلهم اتشردوا بص يا ابن عمي تجديد المحل عليك والبضاعة اللي اتحرقت عليا

ياسر بصوت تللي ليه أن شاء الله كان من بقيت اهلي ولا بلاقي فلوسي في الشارع عشان اصلحله محله يحمد ربنا اني محرقتهومشي جواه

حور بصوت اعلى لا حړقت اكل عيش وبيوت كانت مفتوحه من وراه فكرت كام بيت فيه ولايا فكرت كام بيت في أيتام فكرت كام بيت فيه كوم لحم مستني المرتب عشان يعرف يعيش بيه 

ياسر بتأنيب ضمير مش القصد بس المحل عايز زكيبه فلوس 

حور بحسم زي ما خربته هاتصلحه وانا هاشيل البضاعه اللي اتحرقت جواه ولحد كده وخلص الكلام دلوقتي يا تعدي تجيب معاك فلوس تكفي تصليح المحل يا تبعتها مع حد من عندك على ما اشوف موضوع البضاعه 

ياسر بكزه سنان ماشي يا ست حور لما نشوف اخرتها معاكي 

قفلت حور واتصلت بشريكها 

حور بهدوء ازيك يا حاج راضي

الحاج راضي بترحاب يا الف اهلا وسهلا يا ست الكل عامله ايه بقالك فتره مبتساليش

حور والله ڠصب عني انتا عارف الورشه وكمان بجهز لفرحي مننا عندك خبر بكل جديد في السوق 

راضي عندي علم ربنا يتمم بخير بس عيب في حقي وحقك لما تبقى صاحبه محلات وتجيبي من بره

حور بنفي متقلقش اللي يخصني هاجي اجيبه من عندك 

راضي وانا عيني اليمين زاد وعيني الشمال ميه داه خيرك يا بن الأصول

حور الخير خير ربنا أمرنا مش اكتر من سبب انا بس ليا خدمه عندك واتمني متكسفنيش 

راضي بنفي دانا لا عشت ولا كنت انتي تؤمري أمر مش تطلبي 

حور بإبتسامه ميؤمرش عليك ظالم بص يا حاج انا عايزه بضاعه تفرش محل كبير من كافه شيئ من اجهزه لمفروشات لرفايع حتى الموبايلات واللاب توب وكأنه شيء 

راضي بإستغراب طيب وانا هارفض الرزقه ليه 

حور بتوضيح اسمعني للأخر الله يرضى عليك حساب البضاعه من مجاميعه على حسابي مهتاخدشي من صاحبهم حاجه 

راضي بعدم فهم مش فاهم وضحي قصدك اصل لامؤاخذه اللي بتتكلمي فيه داه ميات الوف مش كام باكو 

حور بحسم حاج راضي انا بقول يخصني مالهوش دعوه بيك يعني من حسابي حسابك ومكسبك زي ماهو

راضي ياست البنات مش القصد انا عايز افهم 

حور انتا عارف ان محل الحاج همام ۏلع واللي دريت بيه ان كل اللي فيه بيوتهم خربت وكله الا اكل العيش واحنا أولاد بلد ولو كان الاسطى عامر عايش كان اتكفل بيه ولمله من التجار احنا في الأول والآخر بنجري على أكل العيش فالله يخليك متجادلش كتير عشان مفييش طاقه ولا طققان 

راضي بقله حيله اللي تعوزيه يكون شوفي عايزه البضاعه قد إيه و أمته وتجهز بين يوم وليله المخازن عمرانه 

حور براحه وداه العشم يا حاج يلا فوتك بعافيه

وقفلت معاه 

مر الوقت وياسر راح لحور الورشه 

حور اقعد يا ياسر

ياسر برفض حط الكيس اللي كان معاه على المكتب دي الفلوس انا سألت عن تكلفه الدهانات والشغل المطلوب كله في المحل وأجره الصنايعيه وزودت عليهم كمان تحت العجز والزياده وادي المبلغ كده مرضيه ولا لسه

حور بتنهيده اقعد يا ياسر الله لا يسيئك انا روحي في حلقي زي اللي بتغرغر وهاتطلع من جسمي

ياسر قعد من سكات خير

حور بتوضيح عارف انا عملت كده ليه

ياسر بصلها وهز رأسه برفض لا عرفيني اللي في رأسك يا بنت عامر اصل الحوار ميريحش منين عايزه ترجعيلهم محلهم بعد الاڈيه دي ومينن كريتي على الواد رجاله طحطحوه

حور اخدت نفس طويل وكتمته لحظات وطلعته مره واحده بص انا لما كريت ع الواد كنت عايزه اعلم عليه وادبه انما اكل العيش لا سبق وقولتلك قطع الرقاب ولا قطع الأرزاق 

ياسر وضحي يا حور ايه اللي فتح الحوار داه تاني وخلاكي مصره عليه

حور بۏجع عارف اشرف ابن محمود بتاع الجبنه

ياسر بتذكر ايوه مش دي اللي ساكنه في الاوضه اللي جمب مقام الست عيشه الملاحه 

حور بهزه راس ايوه هي 

ياسر مالها دي وايه ډخلها في الحوار 

حور بتوضيح اشرف ابنها كان شغال مع همام في المحل انتا عارف انه الكبير بعد مۏت اخوه وأبوه في رقبته كوم لحم ويتامه وفيهم ولايا غير باقي العمال اللي كل بيت منهم اتقفل واتلطم من الخړاب اللي حل على الكل بلاش يا ابن عمي نشيل ذنبهم لا انا ولا انتا حمل دعوه من واحد منهم ولا حد من اللي في رقبتهم على اللي خرب اكل عيشهم وشردهم قلبي وجعني لما دريت باللي جرا وكمان الحاج همام راجل محترم يشهد الله عليا اني مشوفت منه إلا كل خير واللي صدر من اهل بيته هو بريئ منه ومن ذنبه ولما عرف بيته خرب وطلق مراته وبنته وابنه ربنا يتولاهم بعد كل اللي جرالهم بصت للفلوس ورجعت بصت عليه تاني لو الفلوس دي مش طالعه بنفس راضيه وسماح نيه يبقى خدهم في ايدك وانا كفيله بالمحل من الألف لمياء بس افتكر عمك كشي من الدنيا مخدش معاك الا كفنه وفي ايده عمله المال مهم بس مش اهم من الاخره لو ابويا كان عايش كان هو اللي سعى لعمار المحل حتى لو من جيبه وانتا ادري الناس بعمك كان اللي في ايده مش ليه وكان دايما سباق بالخير ارضي ربك قبل نفسك وقبل اي حاجه 

ياسر بإقتناع غلبتيني يا بنت ابوكي صحيح اللي خلف مماتش كأني شايف ابوكي هو اللي بيتكلم على العموم يا ستي انا هاعتبرهم لوجه الله واللهم لا يجعله في رقبتي ذنب يلا اسيبك تشوفي اللي وراكي عشان انا كمان ورايا شغل

حور بتقدير مرضي يا ياسر ولا نفسك شايله

ياسر برضى والله راضي ومسامح وعندك حق انا غلط لما حطيت اكل العيش في الإنتقام يلا سلام

مشي وحور فضلت دقايق بعد خروج ياسر وأخيرا حسمت قرارها واتصلت على اخر رقم كان ممكن في يوم تفكر تستعين بيه من شهور وشهور بس للأسف شړ لابد منه 

حسمت أمرها ورنت عليه 

كانت المفاجاه من نصيب همام لأنه من وقت حاډثه بنته وهو ميعرفش حاجه عن حور وحتى مفكرتش تتصل بيه

واختفت مره تانيه 

حسم أمره ورد 

همام بهدوء الو ازيك يابنتي

حور بغموض الحمد لله لا مؤاخذه في الإتصال اللي جه على غفله بس الموضوع ضروري 

همام خير يا بنتي وغوشتيني في حاجه 

حور بتنهيده لاء كل خير بس عايزه اقابلك لو ينفع تعدي عليا دلوقت في الورشه 

همام بقلق ليه يا بنتي خير في حاجه ولا إيه 

حور بنفي لاء كل خير بس ياريت متتاخرش هستناك ماشي

همام بإستفسار طيب طمنيني في ايه مخليني عايزاني على ملا وشي

حور لما تيجي الكلام في التليفون مينفعش 

همام ماشي يا بنتي هاغير ومسافه السكه واكون عندك 

قفلت معاه وهي بتعيد حساباتها للمره الألف 

همام قفل معاها وبيفكر في مليون احتمال ياترى ياوجبل عملت ايه تاني استر يارب انا تعبت من كتر المشاكل اللي نازله ترخ على نفوخي زي المطر

غير هدومه وطلع على اوضه ابنه

همام پحده انا نازله ساعه زمن وراجع خلي بالك من اختك على ما اجي ورامي كلها شويه وجاي 

جبل بفضول رايح فين دلوقتي 

همام بحسم ميخصكش عندي مصلحه هاخلصها وارجع مش هاعيد كلامي خلي بالك من اختك لحد ما ارجع 

وسابه ومشي اقل من ربع ساعه وكان وصل الورشه ركن عربيته ودخل زي اللي بيسابق الزمن بسرعه رهيبه كان دخل المكان اللي اخى مره ډخله طلع بحته من روحه ودمه ډفنها في التراب غمض عنيه ونفض غبار الۏجع من دماغه 

همام عايز اقابل الاسطى حور 

دلوه على مكانها في المكتب اللي حافظ طريقه طلع السلالم وخبط ودخل

حور وهي قاعده مكانها شاورتله اتفضل يا حاج اقعد 

همام بقلق خير يا بنتي جيباني على ملا وشي حصل حاجه من جبل ولا إيه اللي حصل تاني طمني قلبي يا بنتي الله يطمن قلبك انا من ساعه ما كلمتني وانا جتتي متلبشه

حور بتروي متقلقش كده يا حاج بص من غير لف ودوران انا عارفه ان ابن عمي كان السبب في اللي حصل في الكحل بتاعك

همام بحزن الحمد لله على كل حال قدر الله وما شاء فعل نصيب وانا رضيت بيه 

حور وانا ميرضنيش خړاب البيوت يا حاج 

همام كش حواجبه بمعني لاني مش فاهم

حور طلعت الفلوس بكيسها وحطتها قدام همام على المكتب 

همام بص للكيس ورجع بنظره تاني لحور وهز رأسه بإستفسار ايه داه

حور دي تكلفه إصلاحات المحل والبضاعة منين ما المحل يجهز هاتوصل كامله مكمله

همام برفض ومين قالك يا بنتي اني بقبل العوض 

حور پحده داه مش عوض يا حاج همام انتا تاجر وفي السوق وعارف أن عرف السوق من أفسد شيئ فعليه إصلاحه وداه مش عوض داه تأديب للي غلط

همام وانتي مغلطتيش عشان تدفعي من جيبك حاجه معملتيهاش ذنبك ايه في غلط ابن عمك

حور بتوضيح اولا فلوس التصليح دي مش من جيبي دي من جيب ياسر ابن عمي عشان هو اتعدى ع الأصول ابنك غلط اه يبقى هو اللي يتأدب مش أكل العيش أما البضاعه فمني وقبل ما تتكلم لاني شريكه في الغلط 

همام بصلها پصدمه 

حور متتصدمش شريكه لاني عارفه ان ابن عمي دماغه مبتوعرش في غضبه ومع ذلك سيبته لا حسيب ولا رقيب بس مجاش في بالي انه يأذي حد في أكل عيشه اخدت نفس طويل وطلعته دفعه واحده بص يا حاج صاحب المال سبب للرزق يعني انا سبب مجرد سبب في أكل عيش الناس اللي شغاله معايا بيوت مفتوحه من ورايا وانتا سبب بيوت كانت مفتوحه من وراك بيوت فيها ولايا وعيال وأيتام بيوت فيها اللي بيعافر عشان يتجوز واللي بيعافر عشان يوكل كوم لحم في رقبته واللي بيعافر عشان يستر اخته واللي بيعافر عشان ميتحوجش عشان كده انا بردوا سبب عشان البيوت تفضل مفتوحه وأهلها ميتشردوش 

همام بحزن لخسارة ابنه ليها انتي ازاي كده انتي المفروض تكوني أول واحده تفرح 

حور پحده حاشا لله يا حاج اللهم لا شماته لا في مۏت ولا مرض ولا خړاب البيوت متستغربش انا فتحت عيني في السوق وكبرت واتربيت فيه كنت بحضر القعدات العرفيه وكبرت قبل أواني عشان كده الأصول بتقول ان ليك حقك وانا عليا اسده اخد الحق حرفه انا خدت حقي من ابنك وخدت حقي من سلبيتك لكا سكت عن الاذى مره واتنين وتلاته انا باخد حقي بالاصول مش بالاذى ودلوقتي يا حاج تقدر من انهارده تشتغل في تصليحات المحل ومعاك سيوله تكفي وتفيض ومنين ما المحل يجهز بلغني وفي نفس اليوم هايوصلك البضاعه لحد عندك تفرش المحل وتفيض وبلغ العمال انهم هايرجعو شغلهم من تاني 

همام بأمل رجع نور طريقه من تاني شكرا على كل اللي عملتيه انتي بنت أصول بجد معدنك بيبان وقت الشده واحده غيرك كانت قالت بركه يا جامع انما انتي اثبتي انك بنت بمېت راجل صدقيني بدعيلك من قلبي ربنا يسعدك ويعوضك خير ابني خسر وخسر كتيير اوووي

حور بإرتياح انا عملت الأصول والصح وربنا يعينك علىى شيلتك

همام هز رأسه بأسى بالاذن منك 

حور شاورتله بعنيها اذنك معاك

نزل همام وهو بيتحسر على ابنه غبائه اللس خبله ضيع جوهره من ايده 

رجع بيته وهو مشغول يبداء منين علشان يرجع محله تاني يقف على رجليه عمل كذا اتصال بمقاولين يبدأون شغل من بكره ويبدئوا في شيل اي اثر للحريق وفعلا بداء من تاني يوم على طول والعمال كلهم ابتدوا الشغل على قدم وساق

جبل اللي مستغرب في عز المحنه اللي هما فيها ابوه بيجدد المحل ازاي ومنين 

همام لاحظ شرود ابنه مالك يا جبل سرحان في ايه 

جبل بإنتباه بفكر ومستغرب 

همام قعد قدامه بتفكر في ايه ومستغرب من ايه من المحل مش كده 

جبل هزله رأسه بمعني ايوه فعلا ازاي حضرتك من كام يوم كنت بتكلم رامي انك عايز حد يدخل معاك شريك علشان تجدد المحل لان السيوله اللي معاك مش كافيه بعد ما سددت تمن البضاعه اللي اتحرقت وازاي دلوقتي حضرتك بدئت تجهيزات والمحل محتاج مبلغ مهول علشان يتجدد لان مساحته كبيره جدا 

همام بتفهم بص يا جبل اللي هاقوله داه المفروض انك معرفهوش ومع ذلك هاقولهولك عارف ليه علشان تعيد حسباتك وتعرف بعد كده تميز وتفرق بين معدن الناس 

جبل بقلق من ان ابوه يكون وفكر انه بيتخيل عمل حاجه غلط يا بابا مش قصدي ان حضرتك عملت حاجه غلط لا سمح الله انا بس بسأل وبفكر مع نفسي مش اكتر 

همام دايما متسرع وداه أكبر غلط بص يا ابني انتا عارف ان اللي عمل فيك وفي المحل كده هو ابن عم طليقتك 

جبل هز رأسه باسى عارف مهو بنفسه جه المستشفى وقال الكلام داه ايه علاقته بالموضوع 

همام بتوضيح حور رفضت رفض قطعي اللي حصل في المحل اه تقبلت اللي حصلك وداه لأنك تستحقه لان شيطانك كان عميك كنت بټنتقم من ضعفك ومشيك ورا كلام أمك بأذيه خلق الله أما المحل فداه مصدر رزق وأكل عيش وبيوت مفتوحه من وراه فهي اللي وقفت واتصدرت لابن عمها وحملته تكلفه تصليح المحل واتعهدت بالبضاعه اللي اتحرقت اول ما المحل يخلص تجديده فاكر يا جبل لما روحنا واتقدمنالها قولتلك ايه قولتك البت دي يوم ما رجلها يقع هاتكون السند والضهر ليه بنت بنت راجل بجد تربيه راجل بجد للأسف يا ابني انتا خسړت كتييير اوي بخسارتها مش خساره فلوس تؤتؤ خالص خساره الشخص اللي يكون سند وضهر ستر وغطا عليك بس نرجع ونقول النصيب والحمد لله على كل حال انا بقولك الكلام داه علشان تفكر مليون مره بعد كده قبل ما يخطر ببالك تأذيها تاني فاهمني لأنها متستحقش الا كل خير دور على بنت الحلال وربنا يعوض عليك خير ويرزقك باللي تصونك وتزينك 

جبل پخنقه هز رأسه ومنطقش كلمه 

همام سابه يعيد حسباته مع نفسه ونزل يشوف العمال اللي شغالين

مرت الأيام وشهور وحور ويونس بدئوا تجهيز في شقته وكل شويه يشاكسها في اتصالاته شويه ويروحلها الشغل شويه واصبح يومه مليان مش بيلحق ينام كام ساعه ما بين متابعه شغله ومابين وقوفه مع العمال والمهندس المسؤل على الشقه ومتابعه حور خطوه بخطوه ما بين تصوير او فيديو مباشر بينهم علشان لو ليها اي تعديل أو تغيير او افكار حابه تضيفها ونقل إقامته كليا في بيت اهله المقفول في البلد لان الشقه اشتغل كل اللي فيها وداه قرب المسافه بينه وبين حور اللي كانت زي البنت المراهقه اللي بتختبر مشاعرها لأول مره اصبح يونس محاوطها في كل لحظه وعمره ما فكر يتجاوز حدوده معاها اطلاقا لا قول ولا فعل وداه كان كفيل انه يزرع الاطمئنان في روح وقلب وعقل حور من نحيته

انتهى همام من تجديدات المحل وحور صدقت فعلا وفوجئ مع اخر يوم استلم فيه المحل ان أسطول عربيات نقل محمل بضاعه كامله وشامله للمحل 

اتفرش المحل ورجع العمال واخيرا الحمل والذنب انزاح من على كتاف حور وقفلت صفحه بيت ابو جبل للأبد من حياتها 

وبدئت تنتبه اكتر لشغلها وتجهيزات فرحها اللي أصبح قاب قوسين او ادني والوقت بيمر بسرعه رهيبه

هدي كل يوم تقعد تتفرج مع حور على اللي بيتم في الشقه والصور اللي بتتبعتلها اول بأول 

مرت الأيام وأصبح باقي اقل من اسبوع على الفرش والوقت اللي جري ومحدش حس بيه 

الفرش والجهاز اتنقل لبيت هدي وباقي أيام ويطلع بزفه قدام الحاره 

حور كعادتها متابعه الشغل اول بأول ومتابعه التجهيزات 

وفي عز اندماجها سمعت خبط على الباب مرفعتش وشها لأنها حرفيا مهلوكه في شغلها خش ياللي بتخبط 

دخل وهو بيقدم رجل وبيأخر رجل من القلق 

حور سمعت صوت فتح الباب ومفيش صوت رفعت وشها وحست للحظات بكل معاني الكره ومعاني الاشمئزاز في أقل من دقايق بسيطه كان شريط بيعرض صور سريعه لخناقتها مع أمه وملاحقته ليها بإستمرار في كل مكان وصوره تانيه لبنت مدبوحه بدم بارد وصوره لبنت مڼهاره لوحدها وپتبكي بحرقه في صحرا كسرتها حملها كلامه ليونس عنها باپشع الألفاظ محاولته الاخيره انه يكرر عملته الۏسخه صور عماله تيجي ورا بعضها حولت عنيها لنظره شړ مستعر ولأول مره تبان ملامح اجراميه عليها قامت بخطوات كفيله ټرعب اعتى الرجال ووقفت على بعد كام خطوه منه وبصوت اشبه بفحيح شاورت على الباب اللي وراه شايف الباب اللي دخلت منه تلف وتطلع على رجليك بدل ما اطلعك على نقاله لان سبق

وعملتها وابن عمي عملها متخلنيش احسن ابوك عليك المره دي

جبل پخوف رجع كام خطوه اول ما حور قربت وملامح الشړ مرسومه على وشها طلع كلامه مهزوز انا مش جاي في شړ صدقيني 

حور بسخريهشړ انتا اخرك كلام على الفاضي ياض انتا اللي زيك بوق زي ما بيقول كده بالبلدي هيش على مفيش 

جبل بكسره حقك تقولي اكتر من كده اديني فرصه واحده واسمعيني وانا وعد مش هاتشوفيني تاني 

حور بصوت جامد سمعت انا قولت ايه ولا وقعت على اودنك وانتا صغير فانطرشت وانتا كبير بره ياض لا اقل منك

جبل بترجي ارجوكي اسمعيني 

قبل ما يكمل دخل يونس بإبتسامته اللي شبه الميه اللي اتكبت على ڼار حور طفيتها

يونس بحب جيب بدري اهو عشان ميبقاش ليكي حجه 

يونس بيتكلم بعفويه مبتطلعش الا مع حور ومحدش بالك من اللي واقف اصلا واخيرا بعد ما خلص كلام بص على ملامح حور وبص على مرمي بصر حور وتنح ثواني ورجع بنظره لحور في ايه يا حور وايه اللي جاب الأخ داه هنا

حور رفعت كتفها الاتنين علمي علمك تماحيك ورمي جتت بعيد عنك 

يونس بص لجبل اتفضل امشي بأدبك اظن بعد اللي حصل ملكش دخول مكان هي موجوده فيه 

جبل بتماسك انا ماشي بس عايز اكلمها كلمتين على انفراد مش اكتر وعدتها اني هاختفي من حياتها للأبد 

حور كنت على أسنانها سبق وقولتلك امشي بكرامتك بدل ما انده العمال يعملوا معاك الغلط وترجع لنفس الكرسي اللي كنت قاعد عليه ولسه قايم ملكش كام شهر

يونس بحكمه اصبري يا حور لما نشوف الكلام واخده لحد فين 

حور بعصبيه اسمع ايه هو لسه فيه اسمع ورد انا اصلا عاصره على نفسي فدان لمون عشان استحمل خلقته قدامي

يونس بهدوء انتي بنت سوق ودايما بتقولي اسمع اكتر ما تقول واشتري اكتر ما تبيع

حور اخدت نفس وطلعته پحده ورجعت قعدت على كرسي مكتبهااتفضل اطرش الكلمتين اللي محشورين في زورك

جبل بص ليونس ممكن نتكلم لوحدنا

حور پحده خبطت على المكتب اخلص وجيب اللي في بطنك والا تطلع وتوريني عرض اكتافك انا مخبيش حاجه على يونس حياتي معاه على ميه بيضا 

جبل قعد وهو بيفكر في ايده ويونس قاعد مترقب وحور قاعده هاتولع فيه 

جبل انا اولا بعتذر عن كل اللي حصل مني 

حور بكزه سنان ولااااا لو جتي تقول البوقين الحمضانين دول يبقى تطرقنا من سكات 

يونس اهدي يا حور خلينا نسمع للأخر 

حور بصت ليونس پغضب وسكتت

جبل كمل وجاي اشكرك على وقفتك مع جميله لما جبتي حقها واللي عملتيه مع ابويا في المحل طلعتي أجدع مني وطلعت فعلا مستحقكيش صدقيني انا ندمان في وقت الندم فيه مهيرجعش حاجه بدعيلك من قلبي أنه يكون عوض ليكي 

حور سكتت ومردتش

يونس خلصت كلامك

جبل عايز اعرف بس حاجه ليه وقفتي محل ابويا على رجليه تاني وتتغرمي كل داه عشان تزيدي عڈاب ضميري ولا تخليني اتحسر اكتر منا متحسر

حور بحسم لا داه ولا داه انتا مش في حسباتي من زماااان اوي انا عملت كده علشان ميكونش في ذنب متعلق في رقبتي لما اروح قبري عشان انا مش حمل دعوه مظلوم اكل عيشه اتقطع بسببي علشان بيوت الناس اللي كانت مفتوحه من وراه عشان ابوك كان راجل محترم ملهوش ذنب كل ذنبه أنه سكت عن اغلاطك انتا وأمك ودلوقتي روح ربنا يسهلك حالك بعيد عني ورجلك متخطيش عتبة المكان داه تاني 

هز رأسه بأسي ومشي مكسور وموجوع

حور غمضت عنيها وهي بتحاول تتماسك

يونس قعد قدامها وبكل ذره تعقل جواه ممكن افهم الحكايه ايه بقى ومحل ايه داه 

حور هزت رأسها بشرود لما حصل اللي حصل في وظاي الريان ياسر اتغابى وحړق محل ابوه 

يونس طيب ياسر اللي عمل كده انتي دخلك ايه

حور بتوضيح ذنبي اني عرفت وسكتت المحل داه كان اكتر من عشر بيوت مفتوحين من وراه وأبوه دفع كل السيوله اللي معاه تمن البضاعه اللي راحت في المحل 

يونسبردوا انتي مالك

حور اصبر علشان تفهم انا اصلا مكنتش هاتدخل وكنت شبه نسيت الموضوع لحد من فتره واحد من العمال هنا طلب شغل لواحد يعرفه الراجل داه بيعرف على اخواته بعد مۏت ابوه وأخوه وفي رقبته كوم لحم والدنيا غلا عرفت منه انه كان شغال في محل الحاج همام ومشي هو وكل العمال وكل واحد اتلطم حسيت ان ذنبهم في رقبتي كلمت ياسر وهو اللي دفع تكلفه تصليح المحل وانا اتكفلت بالبضاعه اللي اتحرقت ورجع المحل زي ما كان والعمال كمان رجعوا بصت ليونس بۏجع متكسفتش انها تظهره انا مش حمل دعوه من حد منهم ان ربنا ېخرب بيت اللي عمل كده زي ما خرب بيوتهم كام واحد في رقبته بيت أو زوجه او زوجه وعيال كام واحد مسؤل عن كوم لحم انتا فاهمني 

يونس اتمالك اعصابه فاهمك كنت اتمنى تشاوريني بدل ما تعملي كده من ورايا واتفاجئ زيي زي الغريب

حور بتفهم مكانش قصدي الموضوع جه ورا بعضه ومصدقه خلصت منه وانا اصلا كنت من بعيد لبعيد

يونس خلاص حصل خير المهم يلا علشان نلحق نشوف اللي ورانا

مر الموقف مرور الكرام وخلص عش الزوجيه وواقف على الفرش 

يوم الفرش اشتغل الدي جي والكل واقف يتفرج على العفش الالاجه اللي جه لتربيه الحواري واللي واقف يتفرج واللي فرحان والي واقف متغاظ واللي بيتحسر وكل واحد في وادي غير الوادي 

خلص تحميل العفش على العربيات وطلعت في زفه من قلب الحاره شارك فيها أهل حور وأهل يونس وكل حبايببهم

وصل الفرش الشقه وطلع والكل انسحب وسابوا الشقه للمهندس والفريق اللي معاه علشان يفرشوها حسب ترتيبهم وفعلا خلال يومين كانت الشقه اتفرشت من مجاميعه وكعادة الريف والقرى الكل لازم يتفرج على شقه العروسه علشان يطلعوا فيها القطط الفاطسانه

راحت هدي مع واصحاب حور وحريم أخواتها يشوفو الشقه اخر مره ويطمنوا قبل ما الناس تيجي تتفرج في غياب حور اللي عيب وفال وحش انها تدخل الشقه قبل الفرح

هدي فتحت الشقه ونورت النور وسمت بالله بسم الله ماشاءالله تبارك الرحمن وشغلت بخور في الشقه ولفت اتفرجت على الشقه اللي كانت عباره عن تحفه فنيه 

والله واقف يتأمل جمالها ولما الكل خلص فرجه وفاق من انبهاره بترتيب الشقه وتناسق الألوان الخشب مع الدهانات والسجاد مع الستاير والديكورات والتحف اللي زادت جمال المنظر طلعت هدي كيس كانت جيباه في شنطتها وطلعت من أغرب حاجه خلت الكل مذهول طلعت فرد شباشب صغيره تبرق وفي اللي مليانه شراشيب وفي اللي فيها مليان ترتر وعامله في كل واحد عليقه وبدئت تعلقهم على حيطان الشقه والكل واقف فاتح بقه من المنظر خلصت وبصت على إنجازها العظيم وهي مبتسمه 

نوال پصدمه يخيبك يا هدي ايه عملتيه داه يا وليه

هدي بمصمصه اسكتي انتي ايش دراكي 

سعاد بإستغرابدرينا انتي يا ام العريف ايه لزمت الشباشب اللي علقتيها دي

هدي بفخر بإنجازها الشقه ټخطف العين خطڤ ونسوان الحاره عينهم يندب فيها ړصاصه عشان تشيل العين وټخطف عين الناس عن العفش والشقه هافرح لما الشقه تولع ولا لما يجرا للبت حاجه اسكتي يا وليه منك ليها انا عارفه بعمل ايه 

مشي الكل وهو بيخبط كف بكف ومحدش اتجراء يحكي لحور اللي أمها عملته 

وفعلا من تاني يوم اغلب نسوان الحاره اخدوا عربيه مخصوص وكل شويه رايحين جايين على الشقه وفعلا لفت انتباه الكل الشباشب المتعلقه واللي أصبحت حديث الحاره وكان صډمه ليونس لما عرف

يونس قاعد في الشغل هاينفجر ومازن قاعد يتهز من كتر الضحك

يونس بعصبيه ماااازن الع من وشي بدل منتا عمال تخرج زي ازازه الدواء كده 

مازن بضحك هيستيريلا لالا حماتك دي نكته قنبله الموسم تصدق ممكن يطلع موضه الشباشب واترمى على الأرض وهو بيكح من كتر الضحك يالهووووووي لالالا انا من ساعه من شوفت المنظر وانا مش عارف ابطل ضحك يخربيت كده يا جدع وكل شبشب انقح من اللي قبله لا كله كوم والشبشب الليموني ابو ورده حمرا قد كده وشاور على ايده بحجم كبير داه كوم لونين مالهومش علاقه ببعض خالص يالهوووي يا يونس لو ابوك ولا امك شافوهم ايه الدماغ دي لالالا الصرف باين يا ابني 

يونس بعصبيه ماااازن أخفى من وشي لحسن انا عفاريت الأرض وتحت الأرض لسابع ارض بتتنطط في وشي

مازن بضحك عندك 23 شبشب في الشقه زقلهم بيهم

يونس طلع يجري وراه وحالف ليضربه ومازن سبقه في الحري وهو مش قادر يمسك نفسه من الضحك من ساعه ماشاف اللي عملته حماة يونس في الشقه

مازن وهو بيجري ياعم انا ماااالي مش قادر على الحمار بتتشطر على البردعه 

يونس بنهجان من كتر العصبيه مع الجري لاء ادنا هانفض البردعه واظبط الحمار يا حمار

مازن وقف على مسافه أمنه منه وهو بيحاول ياخد نفسه ياعم انا مال امي ريح نفسك وشيل المهزله دي من الشقه بدل ما تبقى ڤضيحه بجرس لو حد جالك وشافهم احمد ربنا انها جات عليا انا سترك وغطاك 

يونس بغلب انتا والله أنا مش خاېف من حد قدك 

مازن بتماسك بعد نوبه الضحك الهيستيري متقلقش والله بس فعلا المنظر فظيع بجد وانتا كمان أفظع مش عايز تشيلهم ليه 

يونس پبكاء مصطنع حماتي بتقولي هاتزعل اجيبها يمين تجيلي شمال تقولك الحسد والعين فلقت الحجر خلوا جوازتكم تتم على خير والنبي ومن نبى النبي نبي لو شيلتهم ما ادخلك بيت

قالها بطريقه كوميديه وهو بيقلد طريقه هدى مازن فطس من الضحك واترمى على الأرض وقعد جمبه يونس وربع رجليه دلني يا اخويا إلهي تنستر 

مازن وهو بيحاول يتكلم بجديه بص يا سيدي لما حد تبعك ييجي الشقه شيلهم واخفيهم ولما يمشي رجعهم بسيطه اهي يونس وهو بيقرب من مازن بياخده بالحضنحبيب قلبي وربنا اول مره يا جدع من يوم ما عرفتك تقول حاجه عليهة القيمه

مازن وهو بيعدل ياقه التيشيرت اي خدمه علشان تعرف قيمتي بس 

يونس قام من على الأرض ونفض هدومه 

عمل يونس بنصيحه مازن 

ومرت الأيام وجه يوم الحنه والكل متجمعين وفرحانين 

الرجاله بره في الصيوان والرقص شغال والستات والبنات جوه بيرقصوا وهدي قاعده عوجه بوقها

نوال مالك يا اختة قالبه بوزك زي بوز الأخص 

هدي يا اختى الملافظ سعد

سعاد طيب مالك ياست كده كويس

هدي بنفخه يا اختي الواحد ودانه اتطرشت من السكع والرقع داه والنبي يا اختي ما فاهمه منه حاجه 

ام عبدو ايو والنبي يا اختي داه كله سكع ورقع فين ايام الطبله وندق عليها للصبح اللا قوليلي هو اسم النبي حارسه وصاينه مضى على قايمه بكام ولا عمل زي الموكوس جوز بنت ام محمد ومرضيش 

هدي بضحك اااه يا مين يناولني طبله وانا اوريكم الشغل على أصوله 

نجاح عندي واحده يا اختي استني ابعت البت تجيبها وفعلا هدي مسكت الطبله والكل ركز معاها وكأنهم انفصلوا عن الواقع 

هدي وهي بتدق على الطبله وكانت عنيها موجهه على ام عبدو 

كتبنا القايمه والناس نايمه واللي معاه قرن شطه يفركه ويقعد عليه يفركه ويقعد عليه 

كل اللي حواليها ضحك بصوت عالي 

اتعدلت في قعدتها ومسكت الطبله عدل وركزت وبصوت عالي جميل

لوما على لوما على لوميا وان قولت انا حبيت يغمى عليا لوما على لوما على لوميا وان قولت انا حبيت يغمى عليا لطلعلك النخله جريده جريده وانزلك النخله جريده جريده وافوت ع الصايغ اقوله سعيده كبرلي الكردان شويه شويه 

لوما على لوما على لوميا وان قولت انا حبيت يغمى عليا لوما على لوما على لوميا وان قولت انا حبيت يغمى عليا لطلعلك النخله جريده جريده وانزلك النخله جريده جريده وافوت ع الخياط اقوله سعيده ضيقلي الفستان شويه شويه 

لوما على لوما على لوميا وان قولت انا حبيت يغمى عليا لوما على لوما على لوميا وان قولت انا حبيت يغمى عليا لطلعلك النخله جريده جريده وانزلك النخله جريده جريده وافوت ع الطباخ اقوله سعيده اعمل الاكل على كيفي يا عنيا 

لوما على لوما على لوميا وان قولت انا حبيت يغمى عليا لوما على لوما على لوميا وان قولت انا حبيت يغمى عليا

حمرا يا اوطه حمرا يا اوطه حمرا يا اوطه ومدوره حمرا يا اوطه ومسكره حمرا يا اوطه عربيه جايه من قبلي فيها حماتي بتندبلي يارب خدها وريحني عشان اعيش مبسوطه حمرا يا اوطه عربيه جايه من بحري فيها حماتي بتردحلي يارب خدها وريحني عشان اعيش مبسوطه حمرا يا اوطه 

اصفر يا صباع الموز اصفر يا صباع الموز ولا أطيق الحما ولا اخت الجوز اصفر يا صباع الموز

أخضر يا برتقان أخضر يابرتقان شوفت السلفه شبه التعبان

اصفر يا لمون اصفر يا لمون شوفتوا حمايا طلع مچنون

خدناها خدناها خدناها من بيت ابوها وأبوها مكانش راضي وعشنها بعنا الأراضي خدناها خدناها خدناها من البيت العالي وبوها مكانش راضي خدناها وكيدنا الاعادي خدناها خدناها 

خدناها خدناها 

قولو لأبوها لو جيعان اتعشى 

اقولو لأبوها لو جيعان اتعشى 

قولو لأبوها لو زهقان اتمشى 

قولو لأبوها لو زهقان اتمشى

وياحمام ياحمام يا حمامه بني بني وقفت على كمي 

ياحمام يا حمام يا حمامه رصاصي يا حمام وقفت على راسي يا حمام

يا حمامه بيضا بيضا رايتنا بيضا بيضا وعروستنا بيضا بيضا

والليله بيضا بيضا

ادو لابوها المهر ع الصنيه لأحسن يقولو داه لقاها رميه

ادو لابوها المهر ع الكوبايه لحسن يقولو داه لقاها ناقصه ربايه 

ادو لابوها المهر بالمعلقه لحسن يقولو داه سبها متعلقه 

ادو لابوها المهر بالشوال لحسن يقولو داه خدها بحال وسباها بحال

فضلت الاغاني مستمره لحد نص الليل والكل فرحان من قلبه وهدي بدعت بضمييييير

والكل نااااام قرير العييين

ومر أطول ليييل على الجميع الكل بيعد الساعات والدقايق والثواني 

واخيرا واخر الصبر جبر طلع النهار وحسم معاه كل حيره وقلق الكل بيسابق الزمن حور صحيت على دوشه وهي من الأساس والنوم طول الليل زي القط والفار 

لقيت البيت مقلوب من جيران لقرايب حتى أصحابها 

حور وهي بتاخد نفس يا فتاح يا عليم يا رزاق يا كريم 

في ايه على الصبح 

شذا بسخريه لا والله لا ابدا يا بنتي يكونشي مثلا مثلا يعني فرحك انهارده وانتي ناسيه

حور بتخلف عقلي ايوه الفرح بالليل الخبط داه من دلوقتي ليه

هدي بضحك بنجهز دقيه الغمزة يا اختي يلا ادخلي كده فوقي واستحمي لحد ما تروحي البتاع داه اللي ينضفوكم فيه

حور بشهقه بينضفونا لا كتر خيرك والله اصلي جربانه بعيد عنك

هدي يابت بطلي غلبه بقى خدي اصحابك وشقي ريقك كده بلقمه قبل ما تروحو

حور بتوتر حاضر♥️دخلت واخد دوش وفطرت ولبست وقبل ما يتحركوا

هديحور تعالي عايزاكي شويه 

دخلت مع أمها الاوضه وقفلت الباب بالمفتاح 

هدي بحنان امومي اقعدي يا ضنايا 

قعدت حور وهي مستغربه وقلقانه من قفله الباب بالمفتاح وليه دلوقتي الكلام حضر ليه مكانش قبل كده بس حسمت امرها وقعدت تسمع

هدي بإطمئنان مټخافيش ليكي عندي كلمتين حطيهم حلقه في ودنك ودقيهم وشم في عقلك انتي دلوقتي طالعه لبيت غريب الحياه مش ورديه ولا كلها حلو ولا كلها وحش والرجاله زي العيال اقل حاجه تراضيهم كوني لجوزك الحضن اللي ييجي اخر الليل يترمي فيه ويرمي همومه كوني السكن اللي يجري عليه عشان يتداري بين حيطانه كوني راحته اوعي تتكلمي اكتر ما تسمعي الودان اتنين واللسان واحد فهماني يا ضنايا 

حور هزت رأسها بتركيز 

هدي كلمت وانتي خارجه انتي مبتقفليش على شويه كراكيب وهلاهيل لاء انتي بتقفلي على سر بيتك السر أغلى من العفش خلي بيتك مستور مستور يعني سره جواه مش براه كل سر مقفول عليه اربع حيطان وباب محدش هايدخل الا إذا انتي فتحتي الباب داه حتى لو كانت مشاكل الله لو كان ڼار خليكي ميه تطفيه استني لما يهدأ وعاتبيه اوعي تعاتبي وقت زعل قبل الصفا يبقى وقتها هاتخسري وقت الڠضب اعمي واللسان معليهوش لجام هاتسمعي اللي يكسر خاطرك وهو مش قاصد تصبري والصبر مفتاح الڤرج لما يهدأ نتكلم ونتعاتب ونتصافي 

واوعي وحذااااري تبصي لغيرك بصي دايما للي اقل منك عارفه ليه علشان تحمدي ربنا على عيشتك لما تحسي وتعرفي ان في غيرك يتمناها اوعي تبصي للي أعلى ساعتها هاتكرهي عيشتك ولو کرهتي عيشتك يا ويلك هاتحرم عليكي لان مهما وصلتي هاتبصي للي أعلى واعلى واعلي وعمرك ما هترضي ولا ترتاحي 

خدي بالك يا ضنايا لقمه الراجل مره ما تكلها إلا كل مشمره الراجل شقيان وطفحان الكوته اوعي تبعزقي يمين وشمال لمي وحاجي على ماله كوني آمين عليه وعلى عرضه في غيابه قبل حضوره بلاش فشخره كدابه 

وابعدي عن البعد البعد يا بنتي بيولد الجفا مهما ان كانت مشاكلكم خليكي في الليل ونس ودفا لجوزك ولفرشتك 

اوعي والنصايح اللي تخرب البيوت واللي تقف تناطح الراجل ند بند وانا زيك والكلام الفارغ اللي ملهوش تلاتين الف لازمه الراجل يا بنتي ليه القوامه وليه الإحترام وليكي عنده الحمايه والتقدير يعني ربك عادل زي ما ليكي زي ما عليكي

وخدي بالك من أهل جوزك انتي طلعتي من كنف اهلك لكنفهم اوعي تحطي نفسك في كفه قصادهم لأنكم كفتين بعاد عن بعض بس متجمعين في رابط راجل واحد اوعي تقسي جوزك على أهله ازرعي الخير في أهله عشان تحصديه في عيالك ماهو يا بنتي داين تدان 

واللي يبيع اهله عشانك بكره يبيعك عشان غيرك 

عارفه ان شغلك قواكي بس اوعي تغرك قوتك قدام راجل ربنا خلقنا لبعض هو القوي اللي يحمي وانتي الضعيف اللي بتتحمي اوعي تقوي قلبك ولا عقلك عليه وتقفي ند بند وقتها هاتخسري لان الراجل راجل والا وقتها يبقى دلدول والدلدول يتخاف منه كلمه توديه وكلمه تجيبه لا ليه رآي ولا كلمه خليكي بالمهادوه لأن جوزك طبعه حامي خليكي في ضهره يوم ما ينحني تصلبي طوله ويوم ما يقعد عكاز يتسند عليه دي بنت الأصول اللي تعمر بيوت فهمتي يا ضنايا

حور بإبتسامه راحه فهمت يا أما وقامت باست امها من راسها وحضنتها واتوكلت على الله على الكوافير وكل كلمه اتوشمت وشم پالدم بين الجلد واللحم 

مر الوقت وحور حرفيا استهلكت فيه حرفيا من التعب ومن ايد لأيد لحد ما اخيرا خلصت وبتستعد للبس الحجاب

هدي خلصت الاكل وشالته ورصته في صواني وراحت الشقه مع نوال مرات أخوها في عربيه مخصوص وبعتت سعاد في عربيه تانيه بأكل مماثل ولكن بكميات اكبر شويتين تلاته اربعه على بيت أهل العريس

في شقه حور دخلت هدي ورصت الأكل على السفره وغطته بمفرش كبير

نوال بتعجل خلاص خلصتي خلينا بقى نلحق نروح نستحمى ونغير هدومنا يادوب زمان البت قربت تطلع من الكوافير 

هدي عندك حق يلا قفلت الشقه وقبل ما تطلع رفعت الدواسه وطلعت من شنطتها شويه برسيم اخصر وحطت عليه نوى بلح

نوال بضحك يوه بتعملي ايه ياوليه يخيبك حاطه البرسيم داه لإيه هما مربيين جديان هنا 

هدي وهي بتقفل الباب بالمفتاح لاء يا اختي عشان البت متتشاهرش

نوال بعنين مبرقه متت إيه 

يتبع

،،،،،،نوال بضحك يوه بتعملي ايه ياوليه يخيبك حاطه البرسيم داه لإيه هما مربيين جديان هنا 

هدي وهي بتقفل الباب بالمفتاح لاء يا اختي عشان البت متتشاهرش

نوال بعنين مبرقه متت إيه 

هدي يا اختي افرض واحده حايضه ولا قاصه شعرها وجات للبت وهي لسه عروسه تشهرها ومتضنيش لا يا أختي 

نوال بضحك وهو البرسيم هايعمل إيه في الموضوع داه

هدي بفخر بيشيل المشاهره للي يخطي عليه وهو عليه نوى بلح 

نوال بعدم فهم وغباء ايوه إيه علاقه البرسيم باللي بتقوليه 

هدي بشخطه يووووه خلاص بقى يا اختي بالعه راديو خلينا نروح يادوب الواحد يطس

جسمه بشويه اوميه ينفض غبار اليوم ويلحق يروح القاعه يا اختي بلا نيله مش عارفه إيه التقاليع اللي طالعه دي كان ماله الصيوان في الشارع ومسرح والكل يتفرج وعوجت بوقها يمين وشمال يا اختي عجايب اخر زمن لازما نتشحطط في  

آخر بلاد المسلمين يلا يلا اهو يوم ويعدي

عند يونس كان الكل متجمع في بيت عمه والكل بيستعد على قدم وساق يونس خلاص لبس بدلته احمد دخل عليه بفرحه ولمعه في عينه 

يونس بإبتسامه ايه يا حجوج مالك شايف إنك جهزت قبلي اهو

احمد سحب الكرافات من ايد مازن وقرب من إبنه 

وربطله الكرفات عارف انهارده تاني فرحه ليا اول فرحه يوم ما شيتلك وتاني فرحه يوم ما شوفتك عريس وتالت فرحه يوم ما اشوف عيالك وقتها بتوصل للمنتهى منتهي الفرحه منتهي السعاده منتهي الراحه حاجه كده بتوصلك للذه غريبه سعاده مش عارف ابعادها 

يونس قرب من ابوه وضمھ بحضن قوووي وتبت عليه وكذلك المثل ابوه ضمھ لحضنه بإيديه الإثنين 

ومازن واقف مبتسم على الراحه اللي صاحبه اخيرا عرف طريقها

البيت مليان والكل بيسابق الزمن يخلص قبل الميعاد 

وقطع انشغالهم خبط على باب البيت 

اتحرك عادل ابن عاصم وفتح الباب وتنح 

سعاد بنهجان افتح الضرفه اللي قبالي الله يسترك اللا نفسي اتقطع 

فتح الضرفه ووسعلها الطريق وبدئت تدخل الصواني اللي مرصوصه في العربيه والكل طلع من اوضه يتفرج وكان الذهول حليف شهيره واحمد ويونس اللي واقفين يبصو لبعض ويرجعوا يبصو للحاجات والصواني اللي بتترص بكميات مأهوله 

خلصت ودخلت بعدها اسبته متغطيه

سعاد دي دقيه الغمزة يلا فوتكم بعافيه بقى عشان اللحق اروح القاعه

مشيت وسابت حواليها عنين مبرقه وابوه مفتوحه كمصيده الدبان

اول من اتحرك مازن وكشف عن بعض الصواني

مازن بصوت عالي اللهم صلي ع النبي روحو انتوا الفرح وسيبوني هنا اتعرف ع الباقي

يونس بضحك طول عمرك همك على كرشك وبص لعمه هي ايه اللي قالت عليه داه

عاصم بتوضيح داه عشا بيكون رايح للعروسه وبيروح صنيه لأهل العريس 

شهيره بضحك صنيه دي باعته مطعم بالكم داه كله انا لحد دلوقتي مش مستوعبه اللي حصل يوم الفرش والحاجات اللي مرصوصه في كراتينها هنا دي كلها دي جايبه جهازين 

احمد بذهول بصراحه مش فاهم ايه العادات دي الحاجات دي مكانتش على زمانا وبص لاخوه طيب داه الاكل مع ان يكفى فرح بس ما عليا ايه الاسبته المتغطيه دي كلها

قرب عادل ويونس وبدائوا يشيلو الغطيان من عليها مازن واقف يضحك ويونس بيهرش في رأسه وعادل مبلم

شهيره بإستغراب في ايه مالكم

مازن بضحك هيستيري والله يا طنط ابنك داه حظه حظ عوالم بصوا احنا نقسم مش بيقولك من حضر القسمه فليقتسم

عاصم بهزه راس الموضوع بايخ اوي على فكره مش بالكم داه كله 

عادل بتأكيد فعلا مش محتاجه تبعت الأكل مرتين مره ني ومره مستوي هانعمل ايه في الحاجات دي كلها ومفيش مكان نرص فيه داه كله 

يونس بصوا رصوهم في اوضه الصالون واقفلو الباب ولما ترجعوا من الفرح يحلها ربنا

عاصم داه الأكل الجاهز يا بيه وبالنسبه لكميه اللحوم النيه والطيور دي هاتبوظ الجو حر جدا 

يونس خلاص يا عمو حطوهم في الفريزر بس ارجوكم شهلو شويه انا كده هتأخر

مازن طيب يا جماعه نسيب الستات تتصرف واحنا ندخل نكمل لبس 

وفعلا دخل يونس سرح شعره ورش برفانه ولبس شوز كلاسيك وكان ليه طله ټخطف العين خطڤ

ومازن اللي كان ليه طله ولا القمر بعينه الخضرا ولابس بدله كحلي تحفه

اخيرا خلصت شهيره وعلا رص الاكل ورتبوا المكان ودخلت شهيره تكمل لبس 

حور لبست الفستان وكانت ملكه متوجه بالحجاب ومكياج سيمبل مع كحل عربي اسود ضهر خصار عنيها المشعب بأزرق وتاج رقيق مع الحجاب

والبنات لابسين فساتين بيبي بلو لامع تحفه خاطف العين خطڤ 

وحور قاعده متوتره وخاېفه وعماله تفرك في ايديها ورجعت بالذاكره للأحداث الصبح

فلاش باك 

واقفه في البلكونه وسامعه الخطبه وصوت الشيخ في الجامع وهي بيقول

المأذون لعابد قول ورايا زوجتك موكلتي البكر الرشيد حور عامر النصراوي على كتاب الله وسنه رسوله وعلى مذهب الإمام ابي حنيفه النعمان وعلى الصداق المسمى بيننا عاجله وآجله

عابد كرر الكلام ورا المأذون

ورجع بص لأحمدقول ورايا قبلت زواج موكلتك حور عامر النصراوي لموكلي يونس احمد اللباد على كتاب الله وسنه رسوله وعلى مذهب الإمام ابي حنيفه النعمان وعلى الصداق المسمى بيننا عاجله وأجله 

احمد بإبتسامه وهو باصص لإبنه كرر الكلام خلص المأذون وانتهى بجمله بارك الله لكم وبارك عليكما وجمع بينكم في خير 

وكل اللي الحاضرين في المسجد قال بصوت عالي آمين

قرب يونس بسرعه ومتظرش حد ومضى وبصم على القسيمه 

مازن بضحك واقع واقع يعني مفيش كلام 

عاصم بمكر عقبالي قول آمين 

يونس بعدم فهم هو حضرتك بتفكر تتجوز بعد طنط الله يرحمها اللي اعرفه ان حضرتك رافض الموضوع داه

من زمان

عاصم بعنين بتطلع قلوب كنت فاكر اني متجوز ست الستات طلعت متجوز فردتين شربات ااااه ناس ليها بخت وانا لبخت

يونس عمو مالك

عاصم اقنع مراتك تقنع امها ينوبك فيها ثواب

يونس بشهقه ايه حضرتك عايز تتجوز طنط هدي لا ابوس ايدك اصبر داه الفرح انهارده متخربش بيتي قبل ما ادخله

احمد قرب من ابنه يلا بينا علشان عروستك تمضى على القسيمه 

يونس بفخر مراتي دلوقتي بقت مراتي

احمد برفعه حاجبلسه يا حلو لحد ما تمضي على القسيمه 

يونس بقلق مصطنع لاء ابوس ايدك متكركبش بطني يلا بسرعه هات ماما من مصلى الحريم وانا هاخد عمها واسبقكم 

وفعلا منتظرش حد واخد عم حور وياسر ومازن والماذون واتحرك في عربيته ودخلوا والزغاريد اشتغلت 

طلعت حور وهي لابسه دريس روز فاتح وحجاب اوف وايت ومضت وبصمت على القسيمه انسحب الكل 

يونس بسرعه قرب من حور وضمھا وهمس في ودنها حلفت ما أقرب منك إلا وانتي حلالي هسيبك دلوقتي على عيني بس كلها ساعات وتنورة بيتي وحياتي سلام يا حياتي 

نهايه الفلاش باك

نرمين وهي بتهوش قدام وش حور هوووو روحتي فين

حور ايه في ايه يا بنتي

نرمين بسخريه يا حلوه داحنا بقالنا ساعه بنتكلم معاكي 

حور بقلق نرمين بالله عليكي خفي عليا انا اصلا بطني مكركبه خلقه الله يستركم 

شذا بضحك وغمزه ايوه ياعم الله يسهلو هو العريس جاي أمته 

حور مش عارفه 

وقبل ما تكمل سمعت الهيصه بره والكل طلع 

شذا ابن الحلال على اسمه يبان العريس وصل

يلا يا عروسه

طلعت حور ويونس كان جايب بوكي ورد تحفه ابيض ومزين بالدانتيل وفصوص لولي ټخطف العين قرب من حور وعلى وشه ابتسامه ټخطف القلب 

قرب من حور بخطوات سريعه ومدلها ايده بالبوكيه 

وحط ايده في ايدها قمر قلبي وربنا

حور بصتله ووشها احمر وعنيها زاغت في كل مكان الا انها تبصله

اتحركوا ونزلوا بزفه من الكوافير فتح ليها الباب وساعدها اصحابها تركب من ضخامه الفستان استقرت ولف ركب جمبها ومازن اتولى السواقه 

حور بصت من الشباك يابنات حد منكم يركب معايا والباقي يروح في عربياته 

الكل بص لبعضه شذا رمت مفاتيح عربيتها لهويدا بتعرفي تسوقي اركبوا والباقي في عربيه هدير 

وركبت جمب مازن واتحرك اسطول طويل من العربيات والمتوسيكلات وحبايب الاسطى حور اللي جايين يجاملو وحرفيا كانوا قافلين الطريق واتحركوا وبداء سيشن التصوير ويونس بدع فيه وسط خجل حور واحراجها من الناس واصحابها واتجمع الكل واتصورو صوره جماعيه للذكرى

واتحركوا للقاعة اللي كانت عنوان للفخامه دخلت القاعه وبدئت فقرات الحفل ورقصت الاسلو واللي كانت على اغنيه غمض عنيك وخلصت وفوجئت بيونس شالها ولف بيها كتير لدرجه انها تبتت فيه وغمضت عنيها جامد نزلها وهو ساندها لحد ما قدرت تتمالك نفسها 

وقعدوا مكانهم على الاستيدج وفجاءة اتفتح باب القاعه ودخل كل اصحاب حور وكل واحده ماسكه مايك في ايديها 

شذا بصوت عالي ولااااا ولااااااا اييييه 

شفت العروسة بتقول للعريس إيه.

باقي البنات بصوت واحد إيييه 

إدلع يا عريس يا أبو لاسة نايلون

إتدلع يا عريس وعروستك نايلون.

عند بيت أم فاروق هاي هاي

والشجرة طرحت برقوق هاي هاي

عند بيت أم فاروق هاي هاي.

والشجرة طرحت برقوق هاي هاي

إحنا عريسنا برنس وذوق.

ولاسة لاسة نايلون

إدلع يا عريس يا أبو لاسة نايلون

إتدلع يا عريس وعروستك نايلون.

عند بيت أم صلاح هاي هاي

الشجرة طرحت تفاح هاي هاي.

عند بيت أم صلاح هاي هاي

الشجرة طرحت تفاح هاي هاي.

نيجي نجاملكم في الأفراح

يا عريس يا أبو لاسة نايلون.

إدلع يا عريس يا أبو لاسة نايلون

إتدلع يا عريس وعروستك نايلون.

إتدحرج وإجري يا رمان

وتعالى على حجري يا رمان.

إتدحرج وإجري يا رمان

وتعالى على حجري يا رمان.

أنا حجري حنين يا خدك ويميل

أنا حجري كبير ياخدك ويطير.

ياللي ع الترعة حود ع المالح

وسطي بيوجعني من ايه.

وسطي بيوجعني من قص امبارح

ياللي ع الترعة حود ع المالح.

أهو جالك يا بت فرح بالك يابت

بكرة يأستك الأساتك.

والدهب يملا دراعاتك

ويعوض كل إللي فاتك

أهو جالك يابت فرح بالك يا بت.

إطبخيله الصبح بطة

وإطبخيله العصر بطة.

كتري يا بت الشطة

وأهو جالك يا بت فرح بالك يا بت.

وصلي صلي ع النبي صلي

واللي ما يصلي أبوه أرملي.

وصلي صلي ع النبي صلي

واللي ما يصلي أبوه أرملي.

يا إحنا يا شربتات يا إحنا في الكوبيات يا إحنا

يا بلح بريمو يا إحنا يبتباع بالكيلو يا إحنا.

يا بلح أمهات يا إحنا على عربيات

هيصة هيصة ولمة والخالة والعمة.

هيصة عند العروسة ناكل بسبوسة

هيصة عند العريس نفرح ونهيص

هيصة هيصة هيصة

كل داه وكل واحد تتقدم وتقول جزء لحد ما خلصت الاغنيه وحور قامت من مكانها ونزلت لأصحابها

وقربت هدير من الدي جي وشغل اغنيه احلى أصحاب

وبدأت حور تغنيها

اجدع صحاب صحابي من صغري

دول اللي يمشوا معايا دوغري

دول اغلى ناس هما الاساس واقولكوا ايه

قضينا اجمل وقت في حياتنا

دايبين في بعض بحكياتنا

وفرحتنا بلمتنا نروح ليه

انا كل ما عمري يعدي ونقابل بعضنا

احس كأن انا عندي يجي 16 سنة

افتكر امبارح🥰

ادمع حافظة وممكن اسمع

نفسي الايام دي ترجع ونتلم كلنا

اعز صحاب اوقات يدوبوا ويتقلبوا في ثانية احباب

قعدنا اكتر ما قعدنا في بيتنا سافرنا ورحنا وجينا وبتنا

انا كل ما عمري يعدي ونقابل بعضنا

احس كأن انا عندي يجي 16 سنة

افتكر امبارح ادمع حافظة وممكن اسمع

نفسي الايام دي ترجع ونتلم كلنا

اجدع صحاب صحابي من صغري

دول اللي يمشوا معايا دوغري

دول اغلى ناس هما الاساس واقولكوا ايه

قضينا اجمل وقت في حياتنا

دايبين في بعض بحكياتنا

وفرحتنا بلمتنا نروح ليه

انا كل ما عمري يعدي ونقابل بعضنا

احس كأن انا عندي يجي 16 سنة

نفسي الايام دي ترجع ونتلم كلنا

خلصت الاغنيه والكل بيسقف بحرارة واصحابها مفارقوهاش وحاضنينها بحراره

ومن بعيد واقف جبل يبص عليها ويتحسر ودموعه نزلت من عنيه بكسره وۏجع ولف وشه ومشي من سكات محدش حس بيه ولا ليه مكان وسطهم

في الفرح الكل فرحان ومهيبر وجات فقره ان كل واحد فيهم يغني اغنيه للتاني

يونس مسك المايك 

وغني بصوت جميل والكل ركز عليه

أجمل نساء الدنيا جوة عيوني إنت

أجمل نساء الدنيا إنت يا حبيبتي

أجمل نساء الدنيا جوة عيوني إنت

أجمل نساء الدنيا إنت يا حبيبتي

خذني الغرام خذني لحكاية حب حلوة

عشت ليها شفت فيها أجمل حياة

أنا مش مصدق نفسي إنك بين إيدي

من يوم ما حبك خذني مش بتنام عيني

أنا مش مصدق نفسي إنك بين إيدي

من يوم ما حبك خذني مش بتنام عيني

جوايا شوق قد الحنان اللي في عينيك

روحي فيك نظرة ليك هي الحياة

أجمل نساء الدنيا في عيني أنا

قدرت تخذني في ثانية من روحي أنا

وعد مني ما حب غيرك في الوجود

إحساس جميل جوايا أكبر من الغرام

واللي ما بيني وبينك أكبر من الكلام

إحساس جديد خذنا لبعيد مالوش حدود

إحساس جميل جوايا أكبر من الغرام

واللي ما بيني وبينك أكبر من الكلام

إحساس جديد خذنا لبعيد مالوش حدود

يا أجمل من كل النساء

خلصها وقرب من حور وباس جبهتها قدام كل الموجودين ومتكسفش للحظه انه يبين حبه ليها

وجه الدور على حور مسكت المايك وهي بتفكر في انهي اغنيه تليق بيه وغمضت عنيها 

وغنت 

نسيني وانا جمبك كل الدنيا واخطفني من الأحلام

نسيني طمنني خدني في حضنك دوبني حنين وغرام

نسيني وانا جمبك كل الدنيا واخطفني من الأحلام

نسيني طمنني خدني في حضنك دوبني حنين وغرام

نسيني سنيني يا عمري ال انا عشتها قبليك

انا عايز يبدأ عمري اول ما قابلت عنيك

اول ما قابلت عنييك

نسيني وانا جمبك كل الدنيا واخطفني من الأحلام

نسيني طمنني خدني في حضنك دوبني حنين وغرام

نسيني الماضي وجرحه وعڈابه وكل ما فيه

دوقني الحب وفرحه خليني اعيش لياليه

نسيني الماضي وجرحهوعذابه وكل ما فيه

دوقني الحب وفرحه خليني اعيش لياليه

خليني اعيش ليالييه

نسيني وانا جمبك كل الدنيا واخطفني من الأحلام

نسيني طمنني خدني في حضنك دوبني حنين وغرام

نسيني وانا جمبك كل الدنيا واخطفني من الأحلام

نسيني طمنني خدني في حضنك دوبني حنين وغرام

نسيني وانا جمبك كل الدنيا واخطفني من الأحلام

نسيني طمنني خدني في حضنك دوبني حنين وغرام

نسيني وانا جمبك كل الدنيا واخطفني من الأحلام

نسيني طمنني خدني في حضنك دوبني حنين وغرام

خلصت والكل سقف بحراره وحور شها بقى شبه الفراوله من كتر الكسوف

يونس قرب منهاطيب احبك اكتر من كده ايه 

قعدوا في الكوشه ورجعوا تاني يكملوا فقرات الحفله 

البنات قاعدين على التربيزه مع هدي 

قرب ياسر وسلم على مرات عمه بعد ما اطمن وسلم على الحاضرين

لفت نظره نرمين وعينه هاتتخلع عليها وميل على هدي صوت واطي مين القمر دي

هدي بصتله مين فيهم كلهم بسم الله ماشاء الله قمرات

ياسر وهو بيشاور بطرف عينه اللي قاعده قدامك على طول البت اللي عامله زي البطه دي

هدي بخبث اااه دي نرمين صاحبة حور وعينك يا ابن عابد لاخلعهالك دانتا من بصه فصصت البت 

ياسر بمشاكسه والله نيتي خير 

هدي طيب يا عين هدي ربنا يكتبلك الخير بس دول سكتهم دوغري يا عين أمك 

اللا يا ولا صحيح على سيره امك مشوفتهاش في الفرح ليه ولا حتى لمحتها في تجهيزات الفرح خالص

ياسر بتنهيده ابويا وامي أطلقوا يا مرات عم 

هدي بشهقه وخبطت على صدرها يا لهوووي امته حصل داه هما عيال للكلام داه سابوا ايه للعيال

ياسر الظروف متتدخليش صدقيني كل واحد بيحصد زرعة ايده 

هدي بقلق في ايه يا واد انتا مخبي ايه

ياسر بتنهيده مش مخبي بس صدقيني عيشهم اتقطع مع بعض لحد كده

هدي طيب هي فين دلوقتي راحت فين يعني

ياسرعند خالي حسان

هدي بتبرقه عنين يامصيبتي داه مرات خالك تطيق العما ولا تطيق امك 

ياسر منا قولتلك كل واحد بيحصد زرعته

وسابها ومشي وهو مهموم بس لازم يداري علشان ميكسرش فرحه بنت عمه 

روح جبل البيت موجوع مكسور حاسس هو قد ايه خسر كتير بخساره لحور اللي خلاص بقت على اسم واحد غيره دخل من باب البيت كان همام قاعد مستنيه

همام بحسم بردو روحت 

جبل بابا الله يخليك انا تعبان بكره نتكلم

همام شده من دراعه مفيش بكره خلاص

🥰

البنت واتجوزت ربنا يسعدها نصيبكم وخلص لحد كده واللي وصلتله كان بإيدك باختيارك يعني خلاص خلص بص قدامك وفكر في قدام مش هاتفضل طول عمرك تبص وراك وتبكي وتتحسر على اللي فات معاك اسبوع تكون اختارت عروسه ولحد كده وخلص الكلام 

جبل صدقني مش قادر

همام پحده مش قادره لأنك ډافن نفسك في تراب اللي راح الدنيا مبتقفش على حد بتمشي في كل حالاتها سواء عايش او مېت بص لنفسك وخلى اللي فات يعلمك للي جاي فاهمني دور وشوف العروسه المناسبه علشان تقدر تعوض نفسك اللي عملته امك فيك واهي بعدت عنكم بشرها والحمد لله انها جات لحد كده وربنا سترها معانا يا ابني

جبل واول من جه في تفكيره نطق بۏجع ندا 

همام بعدم فهم ندا مين حد نعرفه ولا معاك في الشغل 

جبل اتهبد على الكنبه وشرد ندا بنت خالي عاصم

همام بزعيق لا لا اي حد تاني من طرف امك ولا عيلتها لا سامعني لاء مش هاجيب حيه في بنتي تاني كفايه ثريا واللي جرالنا من تحت راسها

جبل بإبتسامه ۏجعصدقني ندا انسب واحده اهو اقدر اعوضها عن اللي امي عملته فيها 

همام بهزه راس عملت ايه امك فيها ولا مالها ومال امك اصلا واحنا طول عمرنا كنا عايشين في الكويت

جبل بحزن نكس راسه في الارض للأسف امي دمرتها المره اللي نزلنا فيها مصر مع ماما وروحنا بيت جدو ماما اتسببت في إجهاض طنط اميره وأنهم شالوها الرحم ولما اميره شافتها عذبتها واختها اذيه جامده على اي شخص يتحملها مش طفل

همام پصدمه انتا بتقول ايه عملت ايه واذتها ليه وازاي واصلا ازاي محدش بلغني

جبل مش مهم الباقي صدقني مش مهم المهم دلوقتي انها انسب واحده صدقني لو شوفتها هاتحبها جيله وطيبه ومتربيه 

همام مش عارف صدقني مش عارف انا عايز افهم الاول وبعدين نقرر

جبل هزله رأسه بموافقهوحكاله كل اللي قاله خاله عاصم في وجود أمه والكل

همام حط راسه بين ايديه وميل رأسه في الأرض بكسره ياااااااه ايه الجبروت داه امك دي ايه شيطان رجيم شړ ماشي يدمر في الخلق 

اخد نفسه بۏجع صلي يا ابني استخاره وشوف لو كده نحدد ميعاد معاهم

خلص الفرح بعد ما جمع قلوب وولف قلوب وخطڤ قلوب تانيه 

خلص الفرح واخد يونس حور في عريته وانطلق على عش الزوجيه 

وسط دعوات الكل بالسعاده وراحه البال 

واخيرا رجع الكل قرير العين على بيته 

وصلت حور ويونس على شقته فتح الباب وشالها على ايديه ودخل بيها ونزلها 

يونس بحب عارفه يا حور انتي كنت حلم بعيد اوووي كنت بدعي ربنا في كل ركعه تكوني من نصيبي او يشيل حبك من قلبي وميعلقش قلبي باللي مش ليه

حور بإبتسامه مصدقاك عارف ليه لان من سنين اول مره احس اني مطمنه ومرتاحه والخۏف اللي جوايا تلاشي

يونسطيب إيه هانفضل واقفين في الصاله كده كتر

حور بقلق ها 

يونس وهو كاتم ضحكته بصي ادخلي غيري هدومك واتوضي علشان نصلي ركعتين مع بعض وناكل لحسن والدتك باعته عندنا ما لذ وطاب خلى الكل ريقه جري

دانا خدتهم بالعافيه 

حور هزت رأسها بقلق وخوف ويونس كان مراعي الحاله اللي هي فيها لأبعد الحدود

وقفت حور محتاره مش عارفه تروح فين او مكان اوضتهم فين يونس بهدوء اتحرك قدامها ودخلو اوضتهم وساب الباب مفتوح بصي انا هاطلع اغير هدومي في الاوضه التانيه لحد ما تخلصي براحتك 

اخد تريننج وطلع على اوضه الأطفال غير هدومه واخد شاور وطلع يشوف الأكل اللي مرصوص على السفره 

حور في الاوضه اكتر من ربع ساعه بتحارب علشان تفتح سوسة الفستان وأخيرا بعك معاناه قدرت تفتحها رمت الفستان على الأرض ووقفت ببادي كم وبنطلون استريتش 

حور وهي باصه للفستان بغيظ اوووف يخربيتك كنت كابس على نفسي تهمه شيلاها على قلبي والله يقلك طلي بالأبيض طلي 

طلعت غيار واخدت شاور بعد ما غسلت وشها كويس نن المكياج بصت لنفسها في المرايا وابتسمت الطبيعي مفيش احسن منه مش كيلو ونص دوكو على وشب كأنهم عاملين مرمه على وشي 

واخدت شاور وطلعت لبست الاسدال وفضلت قاعده في الاوضه تفرك في ايديها 

يونس بره حرفيا كل 3 ثواني بيبص في الساعه 

مر اكتر من ساعه ونص

يونس بنفخه اوووووف في أي ساعه ونص بتسلخ كلب دي ولا بتعمل إيه 

اتحرك بهدوء وخبط على البابحور خلصتي ولا لسه

حور هزت رأسها مم جوه وكأنه شايفها 

يونس خبط تاني ورفع نبره صوته شويتين حور انتي خلصتي ولا لسه طيب افتح الباب ولا إيه 

حور باصه على الباب وقلبها هايتخلع

اخدت نفس ومردتش 

يونس فتح الباب بشوييييش وبص براسه حور 

اطمن شويه ودخل 

يونس وهو بتلفت عليها قبل ما يشوفها حو وبرق عينيه

كانت لابسه إسدال لونه روز فاتح طاغي بلونه على لون بشرتها

يونس پصدمه احم احم،،🥰

خلصتي

حور هزت راسها وبصوت يكاد يكون مسموع ايوه

يونس اخد نفس طيب يلا نصلي الأول 

اتحركت معاه وطلع الصاله وفتح اوضه جانبيه وقفت حور تبصله بذهول ايه داه 

يونس ايه معجبكيش

حور بنفي لاء خالص بس مش متخيله ان حد يعمل جامع في بيته

يونس بإبتسامه داه مش جامع داه مصلى او زاويه علشان لما نصلي ميكونش حوالينا دوشه او صوت او حاجه تمنع تركيزك وكمان علشان لما ربنا يرزقنا بأطفال نربيهم تربيه سويه ودينيه صح ويتعودو على الصلاه وصلاه الجماعه 

حور بعيون بتلمع وصوت واطيان شاء الله 

وقفت وراه وبداء الصلاه بخشوع وصوت يقشعر الجسم من جماله مر اكتر من تلت ساعه في الركعتين

سلم من الصلاه وحط ايده على دماغها 

اللهم بارك لي في أهلي وبارك لهم في اللهم اجمع بيننا ما جمعت بخير وفرق بيننا إذا فرقت بخير.

اللهم إني أسألك خيرها وخير ما جبلتها عليه وأعوذ بك من شرها وشړ ما جبلتها عليه

قام من مكانه وسندها علشان تقوم وطلع شال المفرش وكان مجهز الأطباق والمعالق والكوبيات 

وبدائوا ياكلوا سوا خلصوا اكل وشالوا باق الاكل بكميات ماهوله في التلاجه بالعافيه 

قعد يونس وحور يتكلموا شويه ويهز معاها اكتر من ساعتين علشان تقدر تعدي التوتر ويكسر حاجز الخۏف والرهبه جواها إلى أن بدئوا حياه زوجيه شرعيه واصبحوا زوجين إمام الله

روحت هدي البيت وهي بتبص على كل ركن وبتفتكر ذكرياتها مع عامر ومع حور خدتها رجليها لأوضه حور وقعدت على السرير ودموعها نزلت وبقيتي لوحدك يا هدي وشك في وش الحيطان حور وراحت بيت جوزها والدنيا صفصفت عليكي وبصت على صوره عامر اللي على الكومودينو جمبها وحشتني يا سندي شوفت بنتك كانت عروسه ټخطف العين يرضيك كده بقيت لوحدي تفتكر هاتنشغل وتنساني ولا هاتعدي تشقر وتطل عليا معرفش اعيش عن حد ولا اعرف اروح ولا اجي طلعت من بيت أبويا على بيتك وانتا كنت بتعمل كل حاجه ومن بعدك بنتك طيب دلني طيب 

فضلت تتكلم معاه ودموعها تنزل لحد ما غلبها النوم ونامت في اوضه بنتها على السرير

مر الليل بكل ما فيه من حلو ومر فرح وحزن على الجميع صحيت هدي بعد ليل طويل تجهز الصباحية لبنتها على حسب عادات اهل البلد قاعده بتعجب الفطير وهو سرحانه 

نوالمالك يا وليه قاعده وعقلك مش فيكي 

هدي بحزن البت وحشتني اوووي 

ام سبارس سنه الحياه يا اختي دانتي حقك تصلي ركعتين شكر ان ربنا كرمها وسترها حكم سترة الولايا خير 

هدي بۏجع حمداه وشكراه بس البيت فضي عليا والدنيا صفصفت من حواليا وبقت بطولي انط

سعاد معلش كلها كام يوم والرجاله يروحو يقابلوها وترجع تنطلك كل شويه وانتي بردوا كل كام يوم ابقى وحي شقري وطلي عليها

هدي بهزه راس ربنا يكتب اللي فيه الصالح

خلصوا تجهيز الأكل والفطير وياسر جالهم بالعربيه ورصوا فطول حور في عربيه ياسر 

ورصوا فطار اهل العريس وعشا اول يوم في السبوع والكحك والبسكوت وحلويات الفرح في عربيه حور وساقها سبارس مع أمه وسعاد 

وصلت سعاد عند اهل يونس لان المسافه أقرب واللي حصل المره اللي فاتت حصل المره دي مع صډمه الكل ومشيت من سكات وكأن شيئ لم يكن

شهيره لاء بجد مش معقول الناس دي بتفكر ازاي ايه الكميات دي كلها داه اكل إمبارح موجود اغلبه تقريبا محدش كل كام لقمه على بعض ودلوقتي مين هياكل كل داه 

احمدبصراحه مش عارف فعلا حاجه تحير ولو حد اتكلم هايقول لك عادات البلد 

عاصم بصراحه يا احمد الموضوع بوخ اووووي وبقى لا يحتمل ايه كميه الاكل دي كلها 

عادل بصراحه سيبكم من داه كله اكلهم تحفه الواحد كان بيجيله مغص من أكل علا اللي لا يتاكل ولا يتسطع خلونا ناكل والفطير سخن وبعدين نفكر يا جماعه حد يقول للحلويات دي لاء

شهيره پحده يا جماعه كده الاكل داه هايبوظ جرام عليهم وعلينا دي نعمه ربنا

احمد اهدي يا شهيره منا قولتلك دي عادات البلد

شهيره بنفخه ماشي يا سيدي مقولناش حاجه تقدر تحولي دلوقتي هانعمل ايه في كل الاكل داه واللي موجود من إمبارح واللي موجود في الأسبوع دي كمان

احمد بهدوء محلوله نشوف الناس اللي ظروفها على القد والجيران والحبايب ونوزع الاكل عليهم ويبقى كده عملنا خير ومزعلناش حد خلاص بقى

شهيره طيب داه الأكل الكراتين اللي موجوده والأوضه اللي ابتعتت دي هانعمل فيهم ايه 

احمد بنفس الهدوء يا ستي نشوف عروسه يتيمه بتتجهز ونبعتهوملها خلاص بقى مش حكايه

شهيره يا احمد نتا بتهون الموضوع 

احمد يا شهيره افهمي دي عادات البلد بتتغير من جيل لجيل صحيح التكلفه بتكون لا تحتمل بس مش هانقدر نتكلم لانها عاداتهم خلاص بقى 

وصل ياسر وطلع مع مرات عمه ومرات اخوها ورنوا الجرس وانتظرها شويه ورنوا تاني فتح الباب يونس بإبتسامه يا مراحب🥰

ياسر بخبث مراحب بيك يا عريس ايه الاخبار طمني

يونس بصله بضحكه وهز رأسه بمعني مفيش فايده فيك

ياسر بخبث امممم خلاص يا عم على وشك يبان 

دخلت هدؤ وزارات بعلو صوتها ومعاها نوال

هدي بلهفه اومال فين حور عايزه اطمن عليها 

يونس اقعدي يا ست الكل وخدي نفسك الأول بس 

قعدت هدي بعد ما حطت الاكل اللي معاهم على السفرهها فين حور بقى

يونس بإبتسامه نايمه هاصحيها حالا

هدي بلهفهطيب خليك وانا هصحيها اللا دي وحشتني اوي

زغدتها نوال في جمبها بكوعها وهمست بصوت واطييا وليه اتهدي واتلمي بنتك عروسه ودخلتها كانت امبارح هاتدخلي تهببي 

هدي اتكسفت وسكتت

يونس استأذن ثواني ودخل صحها وهي نطت بسرعه وهو سابها وطلع علشان تاخد راحتها

وريع ساعه وكانت طلعت اول ما لمحتها هدي طلعت تجري عليها بلهفه وضمتها في حضنها وزغردت بصوت عالي

اتجمع الكل وسط فرحه وحور ويونس أصروا على هدي انها تفطر معاهم وسط رفضها واصرارهم واتجمع الكل على السفره مع بعض 

واستأذن الكل ومشيو مع بعض

مرت الأيام 

واتقدم جبل لندا وتمت الخطوبه وسط غياب ثريا المنبوذه من الجميع في اوضتها فوق پتبكي بحرقه سامعه تحت صوت الفرحه والزغاريد وهي ممنوعه من انها حتى تلمحهم

وبعدها بأيام أتقدم رامي لجميله وتمت خطوبتهم وسط أجواء من الفرحه 

وتمت خطوبه ياسر ونرمين وسط غياب نعيمه وحضور حور ويونس 

وتمت خطوبه مازن والمجنونه شذا في جو مليان بالجنان والهيبره 

واخيرا حور قاعده قدام الشلال بتكتب 

يونس من وراها شد الدفتر بتعملي ايه ايه اللي واخدك مني

مسك النوت وقراء بصوت عالي

اعشقه حين يدللني وكأني ترياق وجوده 

اعشقه حين يخطفني من موجه احزاني ويرسو على شاطئ أحلامي 

اعشقه حين بيديه يدمر قلاع آلامي وبيديه يبني حصون آمالي

اعشقه حين يخطفني من دنيا الاوجاع ويسجنني في قلبه فكان حضه سجني ونبضاته قضباني 

اعشقه حتى بلغ عشقه المحال 

عشقته حتى بلغ العشق عنان السماء

اوباااا ايه الكلام الجامد داه لاء دانا كل يوم بكتشف فيكي موهبه مختلفه هاتعملي فيا ايه تاني يا بنت عامر

حور وهي بتلف ايديها حوالين رقبته سوف اعشقه حتى يبلغ مني المشيب واتذكر ايام الصبا التي وهبتها للحبيب فهل هذا يكفي قلبك ليطيب ام هنا اعتراض في قانون العاشقين 

يونس بإبتسامه يااااااه ياحور من اول مره شوفتك لما صلحتي عربيتي وانتي سړقتي قلبي ولما القدر جمعنا مره تانيه دعيت تكوني من نصيبي

حور بعيون بتلمع بعد الصبر جبر بس قولي اشمعني المكان داه اللي جبتنا نسرق وقتنا من الدنيا فيه

يونس بتنهيده يوم ما جيت المكان داه حلمت انك تكوني معايا ولما مسكت الشغل في القريه دي طلبت اني اعمل شاليه منفصل بيطل على شلال وادي الريان المباشر وصاحب القريه وافق وشريت منه الحزء داه هو صحيح مش كبير بس قدرت استغل كل سم فيه وقررت انه يكون وكر حبنا

حور بضحكه عاليه وكر لا دانتا اتودكت في ألفاظ الحواري اوووي

يونس بضحك لاء عيب عليكي انا ابن بلد اوووي

حور بهمس اوووي اوووي

يونس بمكر اوووي اوووي اوووي يا قلب يونس 

يونس بتذكر صحيح انتي يادوب نزلتي الورشه مرتين ومروحتيش تاني 

حور بإبتسامة سبارس مسؤل عن الورشه 

يةنس بإستغراب اشمعني مع انك دايما تقولي المال السايب يعلم السرقه 

حور برفض خالص سبارس عمره ما يخون ثم انس كتبت 10 لسبارس كشريك يعني هو بيشتغل وبيكبر في ماله قبل مالي ولو فيه حاجه هتابع معاه بالتليفون متخافش

يونس عمري ما اقلق عليكي عارف ان حوريتي دماغها توزن بلد 

حور بتردد 

يونس قولي اللي على لسانك ومش عارفه تقوليه

او متردده اظن اللي بينا أكبر واعقل من كده 

حور بتنهيده ماما بقت لوحدها في البيت وانا مش هاقدر اروحلها كل يوم ومش عارفه اعمل ايه 

يونس بحسم خليها تيجي تعيش معانا صدقني وجودكم مع بعض هايفرق كتير وخصوصا اني احيانا كتير بتأخر في الشغل سواء التصميم الهندسي او حتى موقف العمل وانتي كده هاتكوني مرتاحه وانا اكون مطمن عليكي 

حور بحب ويسألون كيف يكون العاشقين فهما روح انقسمت في جسدين والله انك عشقي ومرادي وكل امنية حياتي أصبحت كالدم في الشرياني 

وتملك عشقك وجداني وصار القلب والعقل والروح يهواك

تمت،،،النهايه♥️🥰