رواية الاميرة و المغترب الفصل 6-7-8-9-10بقلم آلاء إسماعيل البشري جديده وحصريه
رواية الاميرة و المغترب الفصل 6-7-8-9-10بقلم آلاء إسماعيل البشري جديده وحصريه
بارت 6 🔥
حنان :سأعيد اسوارتك فأنا لا يهمني سوى التخلص من أميرة و بعدها تعلم ماذا ستفعل دانيال
ضحك دانيال بشر: انتي فعلا مستعدة لفعل كل هذا مقابل الفيديوهات القذ"رة خاصتك؟
حنان يكره : أخبرتك ...لا تهمني أميرة و يمكنك أن تدفع كفالتها و تأخذها من قسم الشرطة و تفعل بها ما يحلو لك .
دانيال : حسنا اذن اتفقنا لديك مهلة الى آخر االيوم .
في غرفة أميرة و سحر
يرن الهاتف مرارا و لكن أميرة نائمة لم تسمعه و تغط في نوم عميق
في المطبخ فاتن تنظف الاطباق حين رن هاتفها
نظرت الى المتصل فإذا به رقم زوج أختها
افففف عايزين ايه عالصبح دول !!
ألو ؟
فاطمة : فاتن ....أنا فاطمة يا اختي بكلمك من تلفون رجب
ردت و هي تتصنع الحب :ألو فاطمة !! ازيك يا حبيبتي واحشاني موت!!
فاطمة : الحمد لله يا قلبي احنا بخير طمنيني عليكم انتو اخباركم ايه ؟؟
فاتن كلنا بخير ☺️
فاطمة : بقولك ايه يا فاتن ...بأتصل على تلفون أميرة مش بترد هي فين ؟؟
فاتن بتصنع اللطف : هي لسة نايمة يا روح قلب خالتها اصلها كانت تعبانة شوية
فاطمة بقلق : تعبانة !!!! خير !!
- لا خير مالك اتخضيتي كدة !! يا ستي انتي عارفة البنات ...بأفضل اتحايل عليها تاكل تقولي عاملة دايت و عايزة اخس و الكلام ده مع انها قمر ... يعني هو مش تعب تعب هي بس محتاجة تاكل كويس
فاطمة بقلق : طب أمانة يا اختي اول ما تصحى خليها تكلمني .
فاتن : من عينيا حاضر ..بس خليها تنام و تصحى براحتها
فاطمة بقلة حيلة : طب يا اختي خلي بالك منها امانة
- في عينيا من غير ما توصيني .
اقفلت الخط وهي تنفخ بملل : اففف بلا قرف انتي و بنتك ...امتى هاخلص منكم بقى !!
هذه الأثناء دخلت حنان تتلصص و قد كانت تنتظر خروج سحر
حنان : صباح الخير يا ماما
فاتن : صباح النور يا حبيبتي
حنان : هي سحر فين
فاتن :الساعة عدت 9 هتكون فين يعني ؟ أكيد في المدرسة
بس انتي صحيتي بدري يعني ؟
حنان : أصل افتكرت إن ورايا مشوار مهم
- مشوار ايه ؟؟
حنان و هي تتذكر اي كذبة و أخيرا اهتدت لواحدة
- محتاجة اعمل بلاغ لإني مش لاقية بطاقتي الظاهر وقعت مني في المول
فاتن : كويس اوي اهو توصليني في طريقك
حنان: ليه هو انتي رايحة فين ؟؟
- رايحة الهايبر اللي جنب المركز أصل اللحمة و الخضار خلصت من الثلاجة
حنان : طب يالا انا هأفطر و ألبس على ما تجهزي ...ألا هي أميرة فين؟؟ و ايه اللي حصل امبارح بالضبط ؟؟
فاتن بتذمر : نايمة.. قال ايه كانت تعبانة و سحر لحقتها عالمستشفى
حنان بتفكير :اه قلتيلي !! طب بابا فين مش عوايده يتأخر كدة ؟؟
- هو أتصل و قال هيتأخر شوية هيعدي الأول على الحلاق وبعدين يروح يقبض مرتبه و يجي بعدها ياخذ دش و ينام
دخلت فاتن لترتدي ملابسها و بقيت حنان تفكر بخبث
- اهي كدة احلوت اوي ...كل حاجة ماشية بشكل مثالي من غير ما تخططيلها بت يا حنان !!المفروض تبخري نفسك عشان الحظ القمر ده !!
دخلت لترتدي ملابسها و بعد مدة خرجت فاتن و نادت بصوت عال : يالا يا حنان انا جاهزة !
كانت حنان قد ارتدت ملابسها و خرجت في نفس اللحظة
- طيب انا كمان جاهزة ..
وصلتا الى باب المنزل و في اللحظة التي فتحت فاتن و همت بالخروج ضربت حنان جبهتها بتذكر
اوبس انا نسيت الرخصة و اوراق العربية
فاتن و هي تنظر الى ساعة هاتفها : طب بالا بسرعة ادخلي و انا هستناكي هنا .
اخرجت حنان مفاتيحها و اعطتها لها : و تستني ليه؟ لا خذي شغلي العربية تسخن على ما اجيبهم و أجي وراكي.
فاتن: ماشي .
بعد فترة وصلت حنان و ركنت سيارتها في مرأب الهايبر
حنان : طيب يا ماما انتي ادخلي اشتري الحاجات و انا هأحط البلاغ بسرعة و احصلك عشان اساعدك
فاتن: تمام .
خرجت فاتن من السيارة رفقة حنان و دخلت الهايبر
انتظرت حنان الى أن توارت امها و عادت مسرعة الى السيارة و انطلقت في وجهتها و على وجهها ابتسامة خبيثة
في المنزل :
استيقظت أميرة و نظرت الى الساعة فوجدتها تشير الى الحادية عشر صباحا
فقالت في نفسها : يااااه انا نمت كل ده ؟؟ 🤨 هو انا تعبانة للدرجة دي !!
اخذت تتفحص هاتفها فوجدت اتصالا من أبيها : يا الله انا نسيت اطمنهم عليا و ما فتحتش واتس طول اليومين اللي فاتوا أكيد أمي مرعوبة
فتحت باقتها و إتصلت
كان رجب ممددا على اريكته يتابع الاخبار حين رن هاتفه
- ايوة يا بابا ازيك يا حبيبي
رجب : الحمد لله يا بنتي ...كدة ما تفتحيش يومين بحالهم دي امك وجعتلي دماغي من كثر قلقها عليكي !!
- حقكم عليا يا بابا ما اخذتش بالي و الله مش هتتكرر
في هذه اللحظة جات فاطمة : دي أميرة صح ؟؟ اديني اكلمها
اومأ لها بالإشارة بمعنى استني
رجب : طيب يا بنتي خلي بالك من نفسك و خذي امك كلميها
فاطمة: أميرة حبيبتي اخبارك ايه ؟!
- انا كويسة يا ماما مفيش داعي تقلقي عليا كل شوية و تقلقي بابا معاكي ! عشان ضغطه !
فاطمة بحزن : اعمل ايه يا بنتي غصب عني ...بس انا زعلانة منك بقى😓😔
أميرة : لبه بس يا ست الحبايب
- معقولة تكذبي عليا و تقولي انك بتاكلي كويس و انتي مموتة نفسك في الدايت و الكلام الفاضي ده لحد ما وقعتي من طولك ؟؟
أميرة بدهشة: مين اللي قالك كدة ؟؟
فاطمة بتذمر: ما تحاوليش تنكري. ..خالتك قالتلي 😔
تنهدت بتعب في سرها ثم حاولت تصنع الثبات و قالت و هي تفكر في كذبة لتتوافق مع كلام خالتها : على فكرة خالتي بتأفور يا ماما إكمنها زيك بتخاف عليا زيادة .. أولا انا مش مهملة في اكلي يعني بآكل كويس هي كل الحكاية اني مش باكل عيش بس عشان وزني ما يزيدش و تانيا هو كان شوية اجهاد بسيط لا وقعت و لا حاجة و اديني مرتاحة و نايمة لحد الساعة 11 و حاسة إني زي الفل
فاطمة : متأكدة ؟؟ يعني مش مخبية عني حاجة ؟؟؟
أميرة : هأخبي عنك ايه بس يا ماما و الله العظيم ثلاثة كويسة و ما فياش حاجة اقسم لك بإيه عشان تصدقي ؟؟
فاطمة بقلة حيلة : طيب يا بنتي خلي بالك من نفسك ...لا إله إلا الله
أميرة : سيدنا محمد رسول الله
اقفلت الخط و هي تتنهد بتعب و قامت من سريرها و هي تفكر : هقول لخالتي ايه دلوقت ؟ زمانها قالبة بوزها شبرين انا لازم اروح اساعدها في شغل البيت قبل ما تبتدي تلقح في الكلام زي عادتها
خرجت من الغرفة و توجهت الى المطبخ فلم تجد أحدا !
- الله هي راحت فين؟؟
بحثت في ارجاء البيت و كان باب غرفة فاتن مفتوحا و كذا باب غرفة حنان و هو ما أثار إستغرابها
أميرة: دي مش في اوضتها ؟؟ الظاهر محدش في البيت !!
في تلك اللحظة دخل صالح زوج فاتن
انكمشت على نفسها و نكست راسها : صباح الخير يا عمي
صالح بجمود : أهلا ... و همس في نفسه : هو اللي يشوفكم يجيله الخير منين؟؟
أميرة بإحراج : احضر لحضرتك الفطار؟
صالح : لا مش عايز حاجة ....و نادى بأعلى صوته: فااااتن
أميرة بتردد: الظاهر خالتي مش في البيت
تعجب صالح و نظر الى باب غرفته : اومال باب اوضتي مفتوح كدة ليه ؟!
أميرة بتوتر: و الله ما اعرف ..انا صحيت قبل شوية لقيته كدة و الظاهر كلهم طلعوا محدش في البيت غيري .
صالح بملل: خلاص خلاص
دخل الى الحمام و انصرفت الى المطبخ بإحراج
- يووووه بقى هو انا هأفضل كدة لحد امتى حاسة اني كاتمة على نفس الكل هنا ...الحمد لله فيه سحر و لا كنت هجيت من اول يوم من البيت ده.
في تلك اللحظة دخلت سحر
وضعت حقيبتها في الغرفة و توجهت الى المطبخ
- سلام عليكووو
أميرة : و عليكم السلام أهلا يا سحورة
- انا لما ما لقيتكيش في الاوضة قلت أكيد مع ماما في المطبخ
همست أميرة : لا ماهي ..خالتي فاتن مش في البيت
- ازاي ؟! اومال راحت فين؟؟
- معرفش ...انا صحيت لقيت نفسي لوحدي في البيت
- طب خلينا نحضر الغدا على ما يرجعو
همست أميرة بتوتر : حاضر انا اصلا كنت ابتديت أحضر ساعديني بس لاني مش عارفة مكان الحاجة فين
سحر بمزاح: و مالك بتهمسي كدة ليه خايفة من حاجة ؟؟
نظرت اميرة الى باب المطبخ : وطي صوتك ابوكي هنا انتي عارفة أني بأخاف منه
سحر بضحك: ليه هو كان بعبع يا ست أميرة ؟؟
أميرة ؛ لا بس مش بحب اي نوع مناقشة معاه ...و يالا بسرعة خلينا نخلص.
خرجت فاتن من الهايبر فوجدت حنان بإنتظارها في السيارة
فاتن: اتاخرتي يعني ؟؟على اساس هتساعديني في البقالة
حنان بكذب : معلش يا ماما أصل كان فيه ناس كثير في مركز الأمن و اضطريت استنى دوري ..المهم خلصتي كل اللي وراكي ؟
فاتن و هي تتفقد الحاجيات: ايوة يالا بينا عالبيت.
انطلقت حنان و هي تبتسم بمكر : يالا ..هتلاقي مفاجأة حلوة اوي مستنيانا هناك ...هتدعيلي اوي 🙄😁.
يتبع بقلمي آلاء إسماعيل البشري
الأميرة و المغترب
بارت 7 🔥🔥
سحر: اهو كدة كل حاجة فل و السفرة جاهزة نتغدى انا و انتي ؟!
أميرة : لا يا سحر خلينا نستناهم أحسن مش لطيفة ناكل من غيرهم
- بس انتي تعبانة و محتاجة تتغذي...اوعي تفتكري اني مش ملاحظة تصرفاتك
أميرة بتوتر : تصرفات ايه ؟؟
سحر : طول ما انتي بتاكلي معانا بتبقي محرجة تحطي ايدك على أي حاجة .. و عمرك ما اخذتي راحتك لحد ما جالك هبوط!
أميرة بتذكر: اه فكرتيني يا سحر !! هوما ما ادونيش أي ادوية امبارح ؟؟
سحر بتوتر : هاا...لا الدكتور قال مفيش داعي!
أميرة بتعجب: مفيش داعي ازاي و انتي بتقولي فقر دم؟؟
سحر بكذب: ماهو ... ماهو مش النوع الحاد اوي يعني الدكتور بيقول بالأكل الكويس ممكن تبقي كويسة
أميرة بعدم اقتناع : طيب تمام 🤨
سحر بحماس و هي تحاول أن تغير الموضوع : يبقى انا هأحط الاكل ليا و ليكي شكل المسقعة يفتح النفس بجد بقالي كثير اوي ما كلتهاش 🥰
سكبت سحر طبقين و بدأتا في الأكل
في هذه الأثناء وصلت كل من فاتن و حنان
حنان اول ما شافتهم قاعدين عالسفرة دخلت اوضتها من غير كلام
توجهت فاتن نحوهم
فاتن بجمود: مساء الخير
سحر : مساء النور يا ماما يالا بسرعة حطي اللي ف ايدك و تعالي تذوقي أحلى مسقعة في الدنيا كلها..
فاتن بتهكم : و انتي تعرفي تعملي مسقعة من امتى ؟
سحر بتلذذ : أميرة اللي عملتها لدرجة اني ما قدرتش استنى دقيقة كمان 🥰
فاتن بجمود: اه ما انا ملاحظة ...واخذين راحتكم اوي و لا كإن البيت ده ليه اصحاب تستنوهم !!
احست أميرة بالإحراج الشديد و وضعت الشوكة من يدها و هي تقول بإرتباك: انا و الله قلتلها كدة يا خالتي هي اللي اصرت ما تست...
قاطعتها فاتن بجمود دون ان تنظر إليها و هي متوجهة الى المطبخ : خلاص خلاص خلصوا اكل يالا على ما اصحي صالح عشان احط لينا انا و حنان و هو
دخلت فاتن و نظرت أميرة الى سحر بلوم : قلتلك نستناهم شفتي نتيجة اصرارك ؟؟
سحر: ولا تاخذي ف بالك يالا كلي انتي عشان تروحي ترتاحي
أميرة : لا انا لازم أطلع ادور على شغل هشوف المطعم اللي حاطط اعلان ده يمكن لسة ما وظفوش حد
- شغل ايه بس انتي لسة تعبانة ؟؟
أميرة: معلش يا سحر سيبيني براحتي
نهضت متوجهة نحو الغرفة
سحر بدهشة: مش هتكملي أكل طيب ؟!
أميرة بحزن تحاول أن تخفيه: الحمد لله شبعت كلي انتي بالهناء
دخلت أميرة و بقيت سحر تنظر الى الصحن الذي أمامها بحزن: شبعتي ايه بس ده الطبق زي ما هو. ...
تنهدت بحزن و همست بغيظ : لولا انك أمي كنت قلت منك لله يا فاتن ! بس للأسف ما اقدرش أقول حاجة 😓
خرج صالح و حنان و توجها نحو السفرة بينما وضعت فاتن الأطباق
سحر : انا شبعت عن اذنكم .
دخلت سحر و بقيت حنان تفكر كيف تبدأ كلامها
في غرفة سحر
سحر بحزن: أميرة حبيبتي ما تزعليش من ماما عشان خاطري تمسحيها فيا المرة دي
مسحت أميرة دمعة بدون ان تنتبه سحر و قالت بتصنع الإبتسامة: قلتلك مش بازعل من خالتي و يالا ما تعطلنيش عايزة اطلع قبل ما الدنيا تظلم
خرجت أميرة و بقيت سحر تنظر في اثرها بحزن
سحر : ماشي يا قلبي ...ربنا معاكي
حنان : بابا انا كنت عاوزاك في موضوع
صالح بآلية و هو يشرب الماء : خير يا حنان ؟
حنان بجدية : حضرتك انا كنت عاوزة 1000 دولار
شرق صالح من الصدمة: ألف دولار حتة وحدة ؟؟ ليه بقى؟؟
حنان : عاوزة اعمل مشروع كدة انا و وحدة صحبتي
صالح بتعجب: مشروع ايه ده كمان ؟؟
حنان : هنشتري مستحضرات تجميل اتفقنا مع صاحب المختبر اللي بيصنعها اننا ناخذها بنص ثمنها و نبيعها تاني اونلاين بس محتاجة راس مال عشان اشاركها
صالح : بس انا مش معاي المبلغ ده !
فاتن : مش انت لسة قابض؟
صالح : ايوة بس دي يا دوب تكفي مصروف الشهر لما اديهملها هنكمل باقي الشهر منين؟؟
حنان : يا بابا مش مشكلة ...خذ من الفلوس اللي انت محوشهم
صالح : انني عارفة ان دول شقى عمري مش مستعد احط ايدي عليهم و تنسي انهم موجودين اصلا !!
- بس انا مستعدة ارجعهملك اعتبرها سلف و هأردها بعد ثلاث اشهر
صالح بتردد: مش عارف ..
فاتن : مش عارف ايه ؟ يعني عاجبك قاعدة البت كدة من غير شغلة ولا مشغلة؟! مش يمكن مشروعهم ينجح و تساعدك في مصروف البيت بدل ما انت ملخوم في شغلانتين و ممو"ت نفسك ليل نهار !!
صالح : انتي شايفة كدة؟!
فاتن : انا رأيي نديها فرصة مش خسرانين حاجة .
صالح : امري لله ...
حنان بفرحة : ميرسي اوي يا بابا ربنا يخليك ليا 🥰
توجهت الى غرفتها و هي تبتسم بخبث و تتذكر ما حدث
فلاش
حنان : انا نسيت اوراق العربية و الرخصة هأدخل اجيبهم و انتي اطلعي شغلي العربية على ما اطلع
اخذت فاتن المفاتيح و خرجت
في هذه اللحظة اسرعت حنان الى الداخل و هي تلتفت يمينا و يسارا
دخلت الى غرفة والديها و اخرجت صندوقا صغيرا من أعلى رف في دولاب والدها و أخذت كل المال الموجود فيه و وضعته في حقيبة يدها ثم اعادته الى مكانه و غادرت مسرعة بعد أن تعمدت ترك باب غرفة والديها مفتوحا على مصراعيه و كذا باب غرفتها.
فور ان اوصلت والدتها إلى الهايبر توجهت الى دانيال و أعطته المال و عادت مسرعة الى والدتها
باااك
حنان : آسفة يا بابا .. يا رب بس تقدر تستحمل الصدمة لحد ما يتم اللي احنا عاوزبنه.
فُتح باب غرفتها و كانت سحر التي رمقتها بنظرات حارقة
حنان بتهكم: خير ؟ مالك داخلة عليا كدة زي ملك المو"ت؟؟
سحر بغضب: انتي فاكرة اني مش عارفة اللعبة الحق'يرة اللي بتلعبيها يا حنان ؟؟
في مكان بعيد في كندا لاول مرة نذهب اليه
يجلس احدهم على مكتبه الفخم بوقار و هو يتحدث عبر الهاتف
- انت بتقول ايه يا خالد ؟و انت كنت فين لما حصل كل ده ؟؟
خالد : قلتلك يا ياسين الظاهر ان اللعبة محبوكة بشكل دقيق عشان كدة ما اكتشفتش اي ثغرة في الحسابات ، بس زي ما قلتلك قبل كدة .... انا من الاول مش بأثق في اللي اسمه ميشال ده ولا مستريحله عشان كدة فتشت وراه و وصلت للي وصلتله
ياسين و هو يمسح وجهه بمحاولة منه للهدوء: طب ما تعرفش تدبرها انت من غير وجودي؟؟
خالد : للأسف يا ياسين انت لازم تجي بنفسك عشان تعاين البضاعة قبل ما نسلم الشحنة للشركة الامريكية ..و ما تنساش انا معاي نسخ بس من صفقة الخشب اللي اتفقت فيها مع الامريكان بس الورق الاصلي معاك انت بإعتبارك المدير العام للشركة...و كمان انا معنديش أي صلاحيات اني اتدخل في شغل ميشال و الجماعة اللي تحت مسؤوليته و ده اللي خلاه يستجرأ و يعمل شغل من وراك ...فاكر انك مش هتقدر تجي هنا و تكشفه و عارف إن صلاحياتي محدودة
ياسين بإستسلام : تمام ...أنا هأضبط أمور الشركة هنا و اجيلك ..بس خلي الخبر ده سر مش عايز حد يعرف ان انا جاي فاهم يا خالد ؟؟
- عيب عليك ...ده انت صاحبي قبل ما تكون المدير بتاعي
ياسين بإمتنان : ده عشمي فيك يا اخويا
اقفل ياسين الخط و باله مشغول بما سمع
أتصل بالسكرتيرة لتحضر على الفور
احضري لي ملف صفقة الخشب و صفقة الورق التي اجريناها مع شركة B NS الامريكية و إحجزي لي غدا على أول طائرة ذاهبة إلى أوتاوا
السكرتيرة بإحترام : لك ذلك سيد ياسين .
ياسين بتفكير :لا ... انتظري !! جهزي الملفات و ألغي كل مواعيدي للأيام القادمة ..سأذهب بالسيارة اليوم
السكرتيرة : أمرك سيدي
في هذه اللحظة دخلت فتاة شقراء طويلة ترتدي بلوزة جلدية و تنورة جلدية قصيرة جدا و تضع كما هائلا من التبرج
اقتربت منه و عانقته و هي تق'بله بشغف : وحشتني
احست السكرتيرة بالإحراج : عن اذنك سيدي
ابعدها ياسين بضيق : قلتلك مية مرة يا ليليان مش بحب الحركات دي !! ده مكان شغلي و بعدين مش كان مفروض تخبطي عالباب قبل ما تدخلي؟؟!
ليليان بدلع : يوه بقى يا حبيبي !! ما الكل عارف اني خطيبتك ! و بعدين انا مش بأشتغل عندك عشان عايزني اعاملك بتحفظ يعني ايه لزمتها اخبط و انا كلها شهرين و ابقى مراتك ؟؟
ياسين بضيق: نفس الاسطوانة ...عموما انا مش فاضي ورايا مشوار روحي البيت انتي دلوقت
ليليان بتصنع الزعل : مشوار ايه ده ؟ يعني انا واخذة اذن من المجلة و جاية اشوفك و انت ماشي و سايبني !؟
ياسين بحدة: ليليان مش وقت دلعك انا عندي مشكلة في اوتاوا لازم اسافر فورا عشان أعرف احلها بأقل خساير
ليليان بحماس و فرحة مصطنعة : يبقى أسافر معاك انا كمان نفسي اغير جو اوي !!
ياسين بملل: هو انا بقولك رايح اتفسح في الملديف عشان تقوليلي جاية معاك ؟؟! دي اوتاوا !! مفيش غير ثلج و مطر و برد !
ليليان : طيب هتقعد هناك كام يوم ؟؟
ياسين: 3 او 4 ايام على أقصى تقدير
ليليان بتصنع الحزن: و هأعمل ايه من غيرك اربع ايام بحالهم؟
زفر ياسين بحنق: تروحي مجلة الازياء بتاعتك تشوفي شغلك انتي كمان ...يالا انا متأخر أصلا !
خرج مسرعا و تركها داخل المكتب تنفخ بغضب و هي تهمس بفحيح كالأفاعي
- ماشي يا ياسين .. مضطرة اتحمل عصبيتك المهم اني بعد شهرين هابقى حرم ياسين المنشاوي و ساعتها هيبقى لينا معاملة تانية ..مضطر تحترمني و تعاملني كويس و الا فأنت عارف القانون الكندي ... مش بيتسامح أبدا في حالات العنف ضد المرأة .. و انا بقى أكثر وحدة تعرف ازاي تطلعك من طوعك وتخليك تطلع الوحش اللي جواك و ساعتها كل املاكك هتبقى ملكي 😁..هااااانت يا ياسين
في غرفة حنان
حنان بتصنع البرود: لعبة اي دي مش واخذة بالي ؟؟!
سحر: لا واخذة بالك اوي و عارفة انا قصدي ايه ؟؟بقى عايزة تبيعي لحم بنت خالتك اللي من دمك ؟! وصلت بيكي الحقا'رة لكدة ؟؟ مش كفاية انتي بايعة نفسك برخيص؟؟
حنان بتوتر: ابيع ايه و اشتري ايه انتي بتتكلمي عن ايه ؟؟
سحر بحنق : أميرة اللي كنتي واخذاها لدانيال لولا ستر ربنا و لحقتها في الوقت المناسب كانت ضاعت بسببك ..انتي ايه ؟! شي'طان ؟؟ ده انتي حتى بنت زيها ؟؟؟
حنان كانت ستتكلم لكن سحر اوقفتها بحركة من يدها
- على فكرة انا اخترعت الحكاية إياها و ما قلتش لحد على الحقيقة لا أميرة ولا ماما عشان صورتك بس قدامهم و كمان عشان مهما كان انتي برضو اختي و ما يهونش عليا تتفضحي...بس اقسم بالله يا حنان لو الموضوع ده اتكرر و اعرف انك حاولتي توصلي القذ'ر اللي اسمه دانيال ده لأميرة مرة تانية لأكون ناسية الاخوة و فا'ضحة علاقتكم انتي و هو و لعبتك الوا'طية دي هأطربقها فوق دماغك فاهمة !!! و أظن بابا مستحيل يسكت لما يعرف علاقتك بالقذ"ر دانيال واصلة لحد فين
كانت حنان ستتكلم لكن اوقفها صوت والدها العالي و صراخه الذي هز ارجاء البيت
صعقت سحر حين سمعت صراخه الهستيري و خرجت من غرفة حنان مسرعة بينما ابتسمت هي بمكر : حلو اوي ..اهي الحكاية كلها هتتقلب دلوقت يا سحر ..و كلها ساعتين و حبيبة قلبك الحرامية هتكون بين ايدين دانيال 😁
يتبع بقلمي آلاء إسماعيل البشري
الاميرة و المغترب
ألناس اللي مستنية المغترب ...أخيرا ظهر و هتبتدي حكاية كفاح أميرة الجديد بداية من البارت الجاي ...تفاعل حلو بس عشان اطلع بارتين في اليوم
بارت 8 🔥🔥
إهدى يا راجل و تعالى ندور تاني !!
صالح بغضب جحيمي: أهدى ازااااااي ؟؟؟ الصندوووووق فااااضي !!! الفلوس راحت فين يا فااااااتن !!!! شقا عمرررري كلوووووو كان هناااااااا !!! أهدى ازااااي و أدور فيييين ؟؟؟؟😡😤
دخلت سحر مرعوبة : بابا بيزعق ليه يا ماما ؟؟؟
دخلت من ورائها حنان التي تصنعت الخوف ايضا و قالت
حنان : خير يا بابا في ايه خضتنا ؟!!!
وقع صالح ارضا و امسك برأسه بكلتا يديه بضيق
فاتن بخوف : تحويشة ابوكي و شقا عمره...
حنان بتصنع الدهشة: مالها ؟؟
فاتن : راح يطلعلك الف دولار زي ما طلبتي منه لقى الصندوق فاضي !!
فاتن بلوم: ياما قلتلك يا صاااالح بلاش حكاية البيت دي و خلينا نحطهم في البنك ما سمعتش كلامي !! آدي نتيجة عنادك !!؛
صالح بقهر: انا مش بحب تتعامل مع البنوك بياخذوهم بكل سهولة بس بيطلعوا عينك على ما يوافقوا لك على سحب سيولة ...انتي عارفة اني معاين أرض في مصر عشان نبتدي مشروع العمارة اللي اتفقنا عليه مع السمسار و لو كنت حطيتهم في البنك عمري ما كنت هأقدر اطلعهم كلهم 😓😓
حنان بتصنع الخوف : مش وقت لوم يا ماما احنا نفكر ازاي الفلوس اختفت ! و من وسطنا كلنا !!
سحر بدهشة: طب و هو آخر مرة فتحت الصندوق كانت امتى يا بابا ؟؟
صالح بقهر : اول إمبارح ...كنت واخذ 500 دولار مسلفهم لواحد صاحبي و اول ما رجعهملي ردتهم مكانهم
فاتن : يعني الفلوس كانت موجودة اول امبارح ؟؟
صالح بقهر: أيوة
حنان بمكر : و امبارح احنا كنا برة طول اليوم و انتي يا ماما الوحيدة اللي فضلتي في البيت يبقى مستحيل يكون دخل حرامي البيت و سرقهم
سحر : قصدك ايه يا حنان !؟؟
حنان بمكر: يعني الفلوس اتشالت النهاردة بس
صالح بتفكير: تقصدي ايه يا حنان ؟؟!
حنان : فكرو بالعقل كدة مين الوحيد اللي كان بالبيت النهاردة ؟؟
سحر بمقاطعة: ايه التفكير الو'اطي اللي بتفكري بيه ؟؟
تقصدي ان أميرة اللي اخذتهم ؟؟
حنان بتصنع البراءة : انا ما قلتش حاجة انتي اللي استنتجتي... انا بس بقول خلونا نفكر بالمنطق انا طلعت انا و ماما الصبح بعد ما انتي طلعتي المدرسة و رجعنا قبل شوية...و كنتي انتي و هي موجودين
صالح بتذكر :اااه و انا لما رجعت كانت أميرة لوحدها هنا و واقفة قدام اوضتنا و الباب مفتوح على اخره!
فاتن بتعجب: مفتوح ازاي و انا قافلاه ب ايدي ؟؟ و طلعنا بعدها انا و حنان على طول ؟
قالتها بدهشة و قد نسيت تماما من توترها ان حنان عادت بعدها الى المنزل
حنان : كنتي قافلاه بمفتاح!؟؟
- لا طبعا ؟؟
سحر بغضب: مش معقول اللي انتو بتفكرو فيه ده !! أميرة مش ممكن تمد ايدها على حاجة مش بتاعتها !!
حنان : اومال كانت قاعدة لوحدها في البيت بتعمل ايه ؟؟ و طلعت دلوقت متسربعة ليه ؟؟؟
سحر بغضب : انتي عارفة انها تعبانة و انا اللي طلبت منها ما تخرجش و اول ما صحيت دخلت المطبخ على طول تحضر اكل و تنظف رغم تعبها و دلوقت طلعت تدور على شغل بعد ما والدتك وقفت اللقمة في زورها !!
صالح : خلونا دلوقت في المصيبة اللي احنا فيها دي ؟؟! هأعمل ايه انا تحويشة عمري كلها راحت و انتو قاعدين بتحللوووو 😓
سحر : هو المبلغ كام يا بابا ؟؟
صالح بضياع : 30 ألف دولار
فاتن بغضب: انا أول ما تجي المخفية هاواجهها يا إما تطلع الفلوس اللي سرقتها يا أما تدخل السجن و تعفن هناك !! ده جزاتي اصلا اني اويتها في بيتي و امنتلها على حاجتي الزبا'لة الحرامية !! 😤😡
سحر بحنق : بذمتك انتي مصدقة الكلام اللي انتي بتقوليه ده ؟؟ ولا هو بس عشان بتكرهوها يبقى عايزين تصدقو اي حاجة عليها و خلاص؟؟ انتو ايه !!! دي امها اتنازلت لك عن نصيبها في البيت اللي معدي ميتين الف جنيه عشان تسددو دين البيت اللي في مصر و تدفعوا مصاريف البيت اللي هنا !! تجي هنا تسرق فلوسكم ليه ؟؟؟
لم تنتظر إجابة و تركتهم و خرجت غاضبة و هي تفكر ما الذي سيحدث مع تلك المسكينة !!
فاتن : طب انا بقول نفتش حاجتها ايه رأيك يا حنان
حنان : ماشي ...نفتش و لو اني ما اعتقدش هنلاقي حاجة
اسرعوا الى غرفة سحر يفتشون اغراض أميرة تحت نظرات سحر الغاضبة
- يعني يصح اللي انتو بتعملوه ده؟؟ دلوقت لما تجي هقولها ايه ؟؟
حنان : ملكيش دعوة انتي يا أم قلب حنين ..ابعدي من هنا
بعد مدة
حنان : كنت عارفة اننا مش هنلاقي حاجة ...شكلها حويطة و عاملة حساب كل خطوة .
فاتن : أكيد أخذتهم لما طلعت قبل شوية و مستحيل هترجع بيهم...
حنان : ده أكيد ...يا اما هتسلمهم لشريكها او هتحطهم في حساب بنك
فاتن بتعحب : شريكها مين ؟؟
حنان : ماهو أكيد مش عاملة العملة دي لوحدها يعني فيه اللي مساعدها و الا ما كانتش تستجري تعملها!!
صالح : أنا هأعمل بلاغ فورا
حنان: بالراحة يا بابا مش كدة...احنا لازم نفكر بالعقل
صالح بضيق: عقل ايه انا شقاء عمري كله راح ! هو انا بقى فيا عقل يا نااااس؟؟؟
حنان : ماهو انتو لو بلغتو عنها هي بقى هتخلع بالفلوس و مش هنعرف نجيبها لا هي ولا شريكها
فاتن بتفكير : اومال هنعمل ايه ؟؟
حنان بخبث: انتي مش هتتكلمي عن الموضوع ده خالص و لا هنخليها تشك اصلا اننا عرفنا ان الفلوس اختفت لإنك لو واجهتيها أكيد هتنكر و قبل ما تبلغي تكون هي اختفت مع تحويشة عمرنا و مش هتغلب بقى مع كل المبلغ ده ؟؟ مش بعيد هتعمل هوية جديدة عشان محدش يعرف يلاقيها
فاتن بدهشة : يا خبر !!!
صالح : و بعدين !؟؟ مطلوب منا نسكت يعني !!!
حنان : لا طبعا بابا. ...ماما هتاخذها المركز عشان اي حجة و طبعا هي هتروح معاها عادي و هتصدق اي حجة تقولها لها لإنها مش ممكن تشك إننا كشفناها و لما تبقى في مركز الأمن ساعتها مش هيبقى قدامها مهرب...يا إما تعترف و تطلع الفلوس يا إما اللي معاها هيسلم الفلوس عشان يطلعها و في الحالتين هتترحل على مصر و بكدة هنخلص من قرفها ...قلتو ايه ؟؟؟
فاتن بتفكير : انتي شايفة كدة ؟؟!
حنان : انا مش شايفة حل تاني ... خليها تفضل فاكرة اننا لسة على عمانا و مش واخذين بالنا من حاجة عشان ما تتصرفش بحذر و ساعتها نخسر الفلوس للأبد
نظرت فاتن إليها بتفكير و قالت : طب و هآخذها لمركز الأمن بحجة ايه ؟؟؟
حنان بخبث و هي تتصنع التفكير : ااااه افتكرت !! هو انا ما قلتلكيش اني لقيت بطاقتي !؟؟ كانت واقعة في العربية لما رحت اطلع أكياس البقالة لقيتها ! و كنت ناوية اروح اسحب البلاغ اللي عملته
فاتن : ايوة يعني ايه ؟؟
حنان : يعني تقوليلها هنروح مركز الشرطة نلغي البلاغ بتاع حنان واكيد مش هيرضيها خالتها تروح لوحدها في البرد و المطر ده !! انتي بقى هتروحي تبلغي عنها و تسلميها و هي قاعدة معاكي ماهي كدة كدة مش بتفهم فرنساوي ؟! و انا بعدين هأبقى ألغي بلاغي بنفسي
فاتن : فكرة جهن'مية ...ماشي .. هنوقعها و نجيب منها الفلوس يا صالح ما تقلقش...ده هيكون آخر يوم ليها في البيت ده !
خرجت حنان من غرفتها بإنتصار
ارتدت ملابسها و اخذت مفاتيح سيارتها و انطلقت و هي تتصل بدانيال
حنان بإبتسامة خبيثة: دانيال لقد حدث كل شيء مثل ما اردنا ...
دانيال : أين أنتِ الآن ؟؟
حنان : في الطريق سأمر بك في مكاننا لتسليمك اسوارتك الغالية و فور تلقي الاتصال من والدتي ستذهب للمركز لتدفع كفالتها و تعيد المبلغ الذي سلمته لك في الصباح و تأخذها بعدها الى حيث شئت هي لك 😁🙂
وصلت أميرة بعد مدة الى البيت و ما كادت أن تنزع حذائها حتى وجدت خالتها ترتدي ملابس الخروج و تتوجه نحوها مسرعة
فاتن: أميرة ! كويس انك جيتي عشان تروحي معاي!
أميرة بدهشة : اروح معاكي فين؟؟؟
فاتن : أصلي كنت رايحة مركز الأمن اسحب بلاغ قدمته حنان بخصوص ضياع بطاقتها لإنها لقتها...و كنت مكسلة اروح لوحدي و سحر راحت الدرس و لسة ما رجعتش و حنان مش هتقدر تروح عشان مقدمة اشتراك في الجيم
أميرة بتعب: و الله يا خالتي انا تعبانة اوي بصراحة 😣
فاتن بتصنع الطيبة : و اهون عليكي برضو؟؟ بصي انا عارفة اني بأقسى عليكي مرات بس ربنا يعلم انك بغلاوة سحر و حنان ...و على فكرة المسقعة بجد كانت تحفة تسلم ايدك
أميرة بفرحة : بجد عجبتك ؟؟
فاتن بتصنع الحب: اوي ...نفسك في الأكل حلو زي والدتك .. ها ..هتروحي معاي و لا هتسبيني ادخل لوحدي المركز وسط الحرامية و الشمامين ؟؟
أميرة بقلة حيلة : ماشي يا خالتي ..استني بس البس الجاكت الثقيل أصل ده مبلول و الدنيا برة بتمطر و برد اوي
دخلت لتغير ملابسها و اخذت حقيبتها .. أرتدت معطفها الثقيل و خرجت
أميرة بحب : يالا بينا ☺️
خرجت مع فاتن التي ارتسمت على وجهها ابتسامة خبيثة
وصلتا بعد فترة بسيطة الى مركز الأمن و توجهت فاتن الى الاستقبال بعد ان طلبت من أميرة ان تنتظرها على إحدى الكراسي بجانب الاستقبال
جلست أميرة و بقيت تنظر بدهشة الى الناس من حولها و لا تفهم اي كلمة مما يقال و فجأة اقتربت منها سيدة عجوز كانت تجلس بجوارها على ذلك المقعد المعدني و همست في اذنها
- إسمك أميرة يا بنيتي ؟!!
تعجبت أميرة و فرحت في نفس الوقت
قالت بفرحة : ايوة انا يا أمي أخيرا لقيت حد بيتكلم عربي!
همست العجوز في اذن أميرة : شوفي يا بنيتي الظاهر انتي متفهمش الفرنسي ..راه معندكش وقت برشة..المراة اللي جيتي معاها بلغت عنك باش يرحلوك لبلادك تقول بلي سرقت منها فلوس توا تعملي بنصيحتي ! اهرب من هنا !!
صدمت أميرة من كلامها فأكملت العجوز بهمس و هي تنظر بإتجاه فاتن : يالا يا بنيتي اش تستنى!؟؟ قوم اهرب ؟!!
وقفت أميرة مذهولة من كلام العجوز التونسية و لا تدري ماذا تفعل !!
غافلت عيون اعوان الأمن و خرجت متسللة وهي تمشي بثبات حتى لا تثير الشكوك بينما كانت خالتها تتمم أجراءات المحضر و لم تنظر خلفها أبدا .
أخيرا وجدت نفسها خارج المركز ...ابتعدت عن اعين عناصر الشرطة و الأمطار تنهمر كالسيول حينها فقط افاقت من صدمتها تحت السيل الجارف و راحت تركض و تركض و تركض بكل ما اوتيت من قوة و هي تنعطف من شارع لآخر تكاد لا ترى شيئا
أخيرا شعرت انها ابتعدت مسافة كافية عن اعين الجميع و وصلت شارع فارغ نسيبيا و تقابله حديقة فارغة
دخلت إليها و سرعان ما وقعت على الأرض و قد خارت قواها تماما
اختبأت خلف احد الشجيرات و هي تلهث و بقيت تفكر
- معقولة خالتي تبلغ عني ؟؟ طب ليه ؟؟ و فلوس ايه دي ؟! انتي عب'يطة يا أميرة ؟؟ مش يمكن الست العجوز دي كذ'ابة
؟! اوام صدقتيها و جريتي !! هتروحي فين دلوقت طيب ؟؟
في مركز الأمن
اشارت فاتن إلى حيث كانت تجلس لتشاور عليها للمحقق الذي كان يتابع مكان اشارتها فوجده فارغا !
الضابط : أين هي المشتبه فيها ؟؟
فاتن بضياع : كانت هنا قبل قليل! متأكدة انها كانت معي !
الضابط بحنق : أتسخرين منا و تضيعين وقتنا يا سيدة ؟؟
فاتن بتوتر: أقسم لك سيدي ...كانت هنا !!!
- تعالي معي فورا
توجه الضابط الغاضب الى مكتبه و خلفه فاتن المتوترة و بقيت السيدة العجوز تنظر إليهما بإبتسامة شامتة تحاول أن تخفيها
يتبع بقلمي آلاء إسماعيل البشري
الأميرة و المغترب
فاتن بتوتر: أقسم لك ...كانت هنا !!!😥
- تعالي معي فورا 😤
توجه الضابط الغاضب الى مكتبه و خلفه فاتن المتوترة و بقيت السيدة العجوز تنظر إليهما بإبتسامة شامتة تحاول أن تخفيها
في مكان آخر
تجلس حنان في احدى البارات مع دانيال تحتسي مشروبا ...إتصلت بوالدتها و امامها دانيال الذي كانت يتلهف لمعرفة الاخبار
حنان : ايوة يا ماما قبضوا عليها ؟؟؟
فاتن بتوتر: قبضوا ايه بس .. الحقيني يا حنان مصيبة؟؟؟
حنان بتوتر : خير يا ماما ؟؟؟
فاتن بضيق : مقصوفة الرقبة هربت مش عارفة ازاي !!!!
حنان بعصبية : هربت ؟ هربت ازاي ؟؟؟
همس دانيال : ماذا هناك ؟؟ تحدثي بالفرنسية ؟؟
اومأت حنان له بأن يصمت لحظة و حاولت أن تتصنع الهدوء
- ماما هربت ازاي هي مش دخلت معاكي ؟؟
فاتن: رحت عملت محضر يا دوب بألتفت ورايا لقيتها فص ملح و ذاب
حنان بثبات مصطنع : طب اقفلي يا ماما انا في مول مش هأعرف اكلمك دلوقت هتصل بيكي بعدين
اقفلت و هي تتصنع الهدوء
دانيال : ماذا هناك ؟؟!
- لا شيء ..والدتي متوترة فقط
دانيال : أنا لست احمقا يا حنان ؟ حدث خطب ما !!
حنان تحاول تصنع الثبات : قلت لك أمي تقلق بشأن الوضع فقط ...لا تنس انها ابنة اختها ...لهذا أمي تفكر في عواقب الموقف و ما الذي سيحدث بينها و بين اختها لاحقا
- و لهذا قد ارتعبتِي حين اتصلت بك ؟؟ كأنك لا تعلمين ان هذا سيحدث حين خططتي معي لكل هذا ؟؟
حنان بكذب : لا لقد قلقت حين ترددت والدتي للحظة و فكرت في الغاء الفكرة و قد نبهتها ألا تفعل ...لا تقلق كل شيء يسير كما اتفقنا عليه...
دانيال بشك : حسنا اذن ساذهب الان و أنتظر بجانب مركز الأمن فليس من اللطيف ترك تلك الجميلة في السجن
اكملت كأسها ثم قامت لتذهب و هي تقول : لقد فكرت في الامر يا دانيال .. والدي يعتقد انها من سرقت النقود و انت لديك نفوذك هنا و ستخرجها في كل الاحوال بكفالة لذا لا داعي لكي نعيدها
دانيال بتعجب: ماذا تقصدين ؟؟
اخرجت اسوارته: خذ اسوارتك و اعد الي المبلغ الذي اخذته مني و لن يعلم أحد اني من اخذته.. الكل يعتقد انها هي
و اكملت في نفسها :و دلوقت بعد ما هربت تبقى اثبتت التهمة على نفسها من غير مجهود مني 😁
دانيال بتعجب: ستسرقين والدك ؟؟؟
حنان : انت تستعيد اسوارتك و ابي يستعيد ماله و أمي تتخلص من وجود بنت اختها؟؟ و انا ؟؟ ماذا ساستفيد من كل هذا ؟؟
اعطاها المال و هو يضحك : يا لك من افعى خبيثة.
بادلته الضحكة: تربيتك سيدي ☺️.
عند أميرة
بقيت أميرة متوارية عن الانظار في تلك الحديقة و هي ترتعد بالكامل من شدة البرد و كل ملابسها مبلولة
اتصلت بسحر : آلو ...أيوة يا سحر انتي فين ؟؟
- انا لسة طالعة من الدرس خير مالك بتتكلمي كدة ليه ؟؟
أميرة برعشة: سحر ...مش...مش عارفة ..اقولك... ايه ؟؟
سحر بخوف : أهدي يا حبيبتي و اتكلمي بالراحة ...خذي نفس عميق و احكيلي فيه ايه ؟؟ بتنهجي ليه ؟؟
حاولت أميرة إستجماع انفاسها و اكملت بصعوبة
- انا...انا رحت مع خالتي مركز الأمن ...لقيت وحدة عجوز بتقولي الست اللي جيتي معاها بلغت عنك ..و بتتهمك بالسرقة.... و عايزاهم يرحلوكي ... انا ...انا مش فاهمة حاجة يا سحر ...فلوس ايه دي ؟؟ ارجوكي تقوليلي ان الست دي بتكذب عليا و خالتي مستحيل تعملها 😭😭
صمتت سحر لا تدري ماذا تقول ...أحست بالإحراج الشديد و خيبة امل كبيرة في والدتها و همست في نفسها : يعني عملتيها يا ماما !؟! 😓😔
أميرة بإرتجاف : س. ..س سحر... س ..سااااكتة ...ليه ؟؟
سحر بحزن : مش عارفة اقولك ايه يا قلبي ...ابوي مش لاقي فلوسه اللي كانت في اوضته و البيت مقلوب فوقاني تحتاني
صمتت أميرة لوهلة تحاول إستجماع الكلام ثم قالت بدهشة : و عشان كدة بيشكوا فيا انا ؟؟؟ ده انتو فتحتولي بيتكم معقولة يفكروا اني بالحقا"رة دي ؟؟ طب و خالتي !!! ما دافعتش عني ؟؟
سحر بحزن : مش هأقدر اقولك حاجة...غير اني مصدقاكي و متأكدة مليون في المية إنك مستحيل تعملي كدة ... بس انا رأيي تشوفيلك اي مكان تاني تقعدي فيه لحد ما ربنا يفرجها بس اوعي ترجعي البيت تاني .
أميرة : اروح فين بس ؟؟
سحر: انتي معاكي فلوسك و اوراقك ولا لا ؟؟
أميرة: انتي عارفة اني مش بروح اي مكان من غيرهم ...كل حاجة معاي بس هدومي كلها في البيت عندكم
سحر: أهم حاجة اوراقك و باسبورك مش مهم الهدوم نصيحة مني يا أميرة ... خذي تاكسي و امشي من هنا و إحجزي في أي اوتيل بعيد عن هنا خالص و اوعي تستعملي شريحتك اطفي التلفون و اتخلصي منها
أميرة بصدمة: انتي بتقولي ايه ؟؟
سحر بحزن : ده الحل الوحيد عشان تكوني في أمان يا روحي انا مش هأقدر احميكي و لو رجعتي أكيد هيرجعوكي مصر و مش يعيد يسجنوكي على ذمة التحقيق ....اعملي اللي قلتلك عليه ...خلي بالك من نفسك و ربنا يحميكي يا أختي ..
أميرة بحزن : بس فلوسي مش هتكفيني اسبوع حتى !!
سحر: ربنا مش بيضيع حد يا قلبي ...المهم اوعي تخلي خالتي تقلق عليكي و انا متأكدة إن ماما مش هتتجرأ تجيب لها خبر بحاجة ...
أميرة : انا خايفة اوي 😭
سحر بحنان : أميرة أنا هأدعيلك إن ربنا ينصرك و يظهر الحق
أميرة: يا رب يا سحر ...لا لله إلا الله
سحر : سيدنا محمد رسول الله
اقفلت سحر و دموعها تنساب تلقائيا و هي تتمتم بحنق
صدقتي حنان و كذبتي أميرة!! ده مش بعيد حنان اللي اخذتهم يا ماما ...ربنا يسامحكم بقى 😭 ربنا يسامحكم
اقفلت أميرة الخط و هي تفكر في كلام سحر
- سحر معاها حق لازم اقفل التلفون ...بس ماما ....ماما هتقلق عليا!! هقولها ايه ؟؟
فكرت قليلا ثم اتصلت و هي تحاول الثبات و عدم الارتجاف من شدة البرد
أميرة : الو ..ازيك يا ماما اخبارك ايه
فاطمة : ايوة يا حبيبتي احنا الحمد لله ازيك انتي طمنيني عليكي
أميرة بحماس مصطنع : الحمد لله ...باركيلي يا ماما !!
فاطمة : خير يا بنتي !!
أميرة بكذب : أنا اتقبلت في وظيفة احلامي يا ماما و الحمد لله هأبتدي تدريب من النهاردة
فاطمة : بجد يا بنتي !! لولولولوووووووي ...ألف ألف مبروك يا روحي عقبال ما اشوفك في أعلى المراتب ...
أميرة و هي بتمسح دموعها و بتحاول تبان طبيعية
- يا رب يا حبيبتي يسمع منك ربنا
فاطمة بتعجب : طب خالتك ما قالتليش ليه خبر زي ده مع اني لسة مكلماها الصبح ؟؟
- لا ماهي خالتي ما تعرفش البشرى لسة... كنت عاملاها لها مفاجأة هي كمان ...
فاطمة: بقولك ايه يا أميرة ...أبقي اشتري جاتوه و حاجات حلوة لخالتك و عيلتها حلوان الوظيفة ما تنسيش لولاهم مكنتيش تسافري ولا تتوظفي ولا تعرفي تعملي أي حاجة ..
تنهدت أميرة بحزن تحاول اخفائه و هي تتذكر ما فعلته خالتها و قالت ؛ أكيد يا ماما خالتي دي لولاها مكنتش وصلت للي وصلتله أبدا...عمري ما هأنسى اللي عملته معاي ...عمررري !!
فاطمة : اهي الوظيفة و اتحلت ربنا يرزقك بعد كدة بإبن الحلال اللي يستاهل قلبك الطيب ده يا ضنايا
أميرة بتعب : لسة بدري يا ماما 😖
فاطمة: بدري ايه انتي بس قولي يا رب ❤️
أميرة: يا رب يا ماما ..المهم عندي ليكي خبر هيزعلك حبتين
فاطمة: خير يا أميرة ؟؟
أميرة : بصراحة هوما مانعين عننا التلفون طول مدة التدريب يعني مش هأقدر اكلمكم أو أتواصل معاكم لمدة ستة اشهر ..
فاطمة : يا ساتر ؟؟ ليه كل ده ؟؟؟
أميرة بكذب: نعمل ايه يا ماما نظامهم زي النظام العسكري تدريب مغلق...أهم حاجة اني اتقبلت يالا يا ماما أنا هأسلمهم تلفوني دلوقت ادعيلي كثير اوي يا ماما بحب دعوتك اياها ...ما تحرمنيش منها عايزة اسمعها دلوقت
فاطمة : ربنا يجبر بخاطرك يا بنتي و يرزقك على حسب نيتك الطيبة و يسخرلك ولاد الحلال دايما في كل طريق
أميرة : يا رب يا غالية .. لا إله الا الله
فاطمة : سيدنا محمد رسول الله.
أقفلت الخط و اخرجت الشريحة و كسرتها ثم رمتها في تلك الحديقة و أغلقت هاتفها بعدما حفظت رقم والدتها و سحر و حذفت كل الأرقام .
خرجت بحذر و هي تلتفت يمنة و يسرة ثم اوقفت سيارة أجرة و هي تقول : اوتاوا بليز .
بعد ثلاث ساعات وصلت الى فندق بسيط و قد بلغ منها البرد مبلغه لكنها كانت متأكدة انها بأمان و هي بعيدة عنهم
حجزت غرفة لمدة ثلاثة أيام
دخلت و هي تكاد لا تشعر بقدميها مش شدة خدرهم
أخذت حماما دافئا و أرتدت برنس الحمام بعد أن وضعت ملابسها لتجف و اندست داخل فراشها و هي ترتجف بشدة و لا تصدق أن كل هذا يحدث معها في يوم واحد !!
لكن من شدة تعبها سرعان ما غطت في نوم عميق
في بيت فاتن
و بعدين بقى !! معقولة تنشق الأرض الأرض و تبلعها كدة ؟؟! قالتلها فاتن بعصبية
حنان : مش فاهمة ازاي مش قادرين يتتبعوا تلفونها !
فاتن بغضب: بيقولوا أكيد الخط مش في الخدمة ولا كانوا لقوها
صالح بإنهيار : يعني كل حاجة راحت يا فاتن ؟؟ معقولة بين يوم و ليلة ارجع لنقطة الصفر بسبب بنت اختك ؟؟
نظرت سحر بشك الى حنان التي لم يكن يبد عليها التوتر أبدا و قالت : بتتكلم و كإنك متأكد إنها هي اللي اخذتهم يا بابا !! مش يمكن حد تاني ؟؟؟ و نظرت مباشرة الى حنان
فاتن بغل : شايفاكي بتدافعي عليها اوي و متأكدة من برائتها ..تكونيش انتي اللي ساعدتيها عالهرب يا مقصوفة الرقبة ؟؟؟ ااااه ليه لأ !! واضح انك كلمتيها و عارفة هي فين
سحر بحزن : اساعدها ؟؟ يا ريت كنت أعرف اساعدها و لا اعرف هي فين ؟؟! أنا متأكدة من اخلاق أميرة لإننا اترببنا سوا
غافلتها حنان بينما كانت تتكلم و اخذت الهاتف من امامها و هي تقول : طب هنشوف اذا كنتي كلمتيها ولا لا
سحر بغيظ: هاتي التلفون !! 😤
سحبته حنان بقوة و هي تفتش الارقام و لم تجد رقم أميرة
اخذت سحر هاتفها و هي تقول بغضب : هي حصلت تعامليني بالشكل الحق"ير ده ؟؟
نظرت الى والدتها بغضب: لا بجد برافو يا ماما ... حنان هانم بقت هي الكل في الكل هنا و اللي تشك فيه يبقى حرامي و اللي تقول عليه هو الصح ...لا بجد برافوووو
دخلت غرفتها و هي تحمد الله انها حذفت مكالمة أميرة
في الفندق
استيقظت أميرة و نظرت الى نفسها فوجدت نفسها لا تزال ببرنس الحمام ..لكنها تشعر بالدفء و أخيرا قد انتظمت انفاسها ...اعتدلت في جلستها و نظرت الى ساعة معلقة في الجدار الذي امامها و قالت بتعجب
- يا خبر !! الساعة اثنين الصبح و انا ما صليتش ولا فرض ؟؟
قامت اتوضت و رجعت فتحت حقيبة ظهرها و طلعت اسدالها الكامل اللي دايما شايلاه معاها عشان تصلي ف اي مكان بتكون فيه ....
صلت كل فروضها ثم اضافت ركعتي قيام و سجدت تدعو الله و تتضرع و قد بللت الأرض بدموعها:
اللهم يا رب العالمين ..يا بديع السماوات والأرض يا ذا الجلال والإكرام يا صړيخ المستصرخين يا غياث المستغيثين يا كاشف السوء يا أرحم الراحمين يا مجيب دعوة المضطرين يا إله العالمين بك استجير
فاقضي حاجتي ودعائي ورجائي الذي دعوته لك بداخلي فلا أحد يعلمه إلا أنت ... يا رب اني مظلومة فأنصرني
يا رب ان كنت تعلم أن بقائي هنا فيه ضياع مستقبلي فأعطني اشارة توجهني كي أرحل و ان كنت تعلم أن بقائي فيه صلاح لي فأعطني إشارة توجهني كي أبقى .
انتهت من ركعتي القيام و قررت أن تختتم صلاتها بإستخارة ثم نامت ثانية
في الصباح
رن هاتف حنان
امسكته بنعاس : صباح الخير
دانيال بغضب : خير ؟؟! أين هو الخير ؟؟ أميرة مختفية منذ الامس يا حنان ! هل هذه هي خطتك ؟؟
حنان بنعاس: سنجدها لا تقلق ..الشرطة تتبع اثرها
دانيال بغضب جحيمي : سأعرف كيف أجدها لكن حينها سأفضحك يا حنان ...من الأفضل لك أن تتصرفي و تجدينها لي قبل أن أقرر التدخل و الا ستندمين
حنان بخوف: حسنا حسنا .. سأتصرف
خرجت و قد تجهزت للخروج و هي تفكر في كلام دانيال
حنان : ماما انا بقول أرجع اسأل الضابط عملوا ايه في الحكاية بتاعتنا
فاتن : مش متطمنة يا حنان ... طول ما البنت دي مختفية مش متطمنة
حنان : خايفة من ايه مش فاهمة ؟! مش غارت في ستين داهية؟؟ خايفة من ايه ؟؟ اهو احنا مش عايزين غير فلوسنا و هي تتحر'ق بغاز وسخ بقى
فاتن : انا مش خايفة عليها ...انا مش عارفة لو فاطمة سألتني هقولها ايه ؟! و بعدين افرضي تكون كلمت والدتها و قالتلها ؟؟
حنان: تقولها ايه ؟؟! هو انتي جبتيلها سيرة بحكاية الفلوس اللي اتسرقت؟؟
فاتن : لا
حنان : خلاص ...يبقى اتطمني
فاتن : اتطمن لو مكانتش هربت .. انما مادام هربت يبقى أكيد عارفة حاجة
في هذه اللحظة رن هاتف فاتن
تغير لون وجهها و نظرت الى حنان: دي خالتك !!!
حنان بهمس : كلميها عادي و لا كإن في حاجة ..يمكن هي توصلنا لمكانها و اكملت في نفسها : ماهم عبط زي بعض
فاتن بتصنع الفرحة: فاطمة حبيبتي ازيك !!
فاطمة: الحمد لله يا روحي و أنتم اخباركم ايه ؟؟
- الحمد لله ...آسفة ايدي كانت كلها طحين عشان كدة اتأخرت عليكي
فاطمة: ولا يهمك يا حبيبتي ...انا كنت اتصلت بس عشان اشكرك على كل اللي عملتيه مع أميرة ...
فاتن بدهشة تحاول أن تخفيها و هي تنظر الى حنان بإستفهام : تشكريني على ايه يا عب'يطة ده احنا اخوات !! و أميرة زيها زي حنان و سحر
فاطمة: و ده عشمي فيكي برضو. ..انا من لما أميرة اتصلت امبارح و قالتلي على المفاجأة الحلوة و انا بدعيلك اوي ربنا يديكي على حسب نيتك و يفرحك زي ما فرحتي بنتي و خليتيها تحقق حلمها
فاتن بدهشة بتحاول ما تبينهاش : هااا ...اااه طبعا يا فاطمة أميرة تستاهل كل خير ..
فاطمة: يالا انا مضطرة اقفل عشان الرصيد
فاتن : طبعا طبعا خلي بالك من نفسك
فاطمة : و انتي كمان ... سلام عليكم
اقفلت فاتن و الشرار يتطاير من عينيها
- قصدها ايه بالمفاجأة الحلوة دي ؟! تكونش مفهماها اننا اديناها فلوسنا شقا عمرنا عشان تحقق احلامها؟؟
حنان بخبث: مش بعيد على حرباية زيها ... بس ليه ما حاولتيش تسحبي لسانها اكثر كانت فهمتنا ايه الموضوع ؟
فاتن : عشان تفهم اننا مش عارفين عنها حاجة !! لا يا ستي احنا كدة كدة نعرف مكانها و ساعتها مش هيهمني امها ولا ابوها بس دلوقت خلينا حويطين احسن
حنان : صح معاكي حق .. يالا انا طالعة القسم ..باي
في مخازن شركة المنشاوي
ياسين مع خالد في مكتبه بيشربوا شاي
خالد : مبسوط اوي لوجودك و الحمد لله انك كشفت الثعلب اللي اسمه ميشال ده
ياسين : بس مين قال ان شريكه في العملية دي كلها يبقى غونزالس ؟! ده من أهم العملاء بتوعي و دايما بأعامله معاملة خاصة و مراعيه هو بالذات في كل الصفقات ! ده انا قدمت له اكثر من صفقة رغم اني خسران فيها بس كنت بأكسب عميل او ده اللي كنت فاكره !! ازاي يقدر يطعنني في ظهري بالشكل الحقي'ر ده !!
طب بلاش هو !! الموظفين بتوعي ! انا عمري ما قصرت معاهم !!
خالد : اهو الوا'طي بيفضل وا'طي و الحمد لله مع الاثباتات اللي معانا ضدهم من فواتير و اوراق مزورة و تسجيلات هيتحاكمو مش أقل من 15 سنة ..
ياسين : في داهية بقى .
خالد : الا ما قلتليش ...هترجع على طول و لا هتفضل مشرفنا هنا كام يوم كمان ؟
ياسين بتفكير: مش عارف ..بأفكر اقعد يومين ثلاثة كمان أغير جو
خالد بمزاح : ايه الحكاية !؟ شكل الجو بتاعك مش مدلعاك كفاية عشان عايز تغير جو عندنا ! يا عم دي اوتاوا مش الملديف! 😂
ياسين بضحك : كانت عايزة تجي معاي قال ايه تتفسح لها يومين هي كمان حتى بالامارة قلتلها نفس الكلام اللي انت قلته دلوقت بالضبط 😂 ده كأنك قرأت ذكرياتي !!
خالد بمزاح : مش صاحبك!! المهم ...رسيني بقى ؟؟ ايه حكايتك معاها؟؟
تنهد ياسين بعمق: ولا حكاية ولا حاجة ...كل الموضوع اني بقيت احس انها خانقاني ...تفكيرها مش زي تفكيري ... متحررة زيادة بالنسبة لبنت شرقية ...و لو حاولت افهمها الصح تقول عني رجعي...بس كل الحكاية اني راجل شرقي و مش ناسي أصلي ..على عكسها ..
خالد :انت صاحبي قبل ما تكون البيج بووس بتاعي لو عايز رأيي بصراحة ...فانتو مش لايقين على بعض خاااالص ...كل واحد منكم من طينة زي ما بيقولوا ..مش فاهم إيه اللي رماك عليها؟؟
ابتسم ياسين بسخرية: النصيب بقى ..يالا خليني اروح ألف في اوتاوا اشوف ايه اللي إتغير في البلد ده
خالد بمزاح : و حياتك ما هتلاقي حاجة اتغيرت 😂 لسة زي ما سبتها ... مملة 🥴
ياسين المنشاوي شاب 34 سنة اسمر طويل بجسم رياضي
رجل اعمال معروف في كندا صاحب سلسلة شركات المنشاوي للخشب و مشتقاته هاجرت عيلته كندا لما كان عنده 5 سنين ..ابوه افتتح الشركة الأصلية ...اتوفت عيلته لما كان عنده 17 سنة في حادث طيارة مأساوي من ساعتها عنده فوبيا من الطيران ... بعد موت اهله استلم كل الشغل و كمل دراسته في مجال ادارة الاعمال و هو بيشتغل في نفس الوقت و طور من الشركات لحد ما بقت إمبراطورية المنشاوي الموجودة في كندا و ليها فروع في مصر.
في الصباح استيقظت أميرة و هي تنظر حولها كي تتأكد أنها لم تكن ترى كابوسا.. بل كل هذا للأسف كان حقيقيا
تنهدت بعمق : هتعملي ايه دلوقت يا أميرة ؟؟
قامت لتتفقد ملايسها فوجدتها قد جفت
ارتدتها مسرعة ثم همست لنفسها و هي تبتسم بتهكم: هي ايه الحكاية انا هموت من الجوع و نفسي مفتوحة لدرجة اني اقدر أكل حلة محشي دلوقت ! 😂
جلست على السرير كأنما تتذكر شيئا
- ده ايه التناقض ده ؟؟ يعني مش غريبة الحالة اللي انتي فيها دي يا أميرة ؟! من لما جيتي هنا على كندا و رغم انك كنتي في حماية عيلة خالتك و في بيت أمان بس عمرك ما حسيتي بالراحة دي !! و عمرك ما كانت شهيتك مفتوحة زي كدة ...دلوقت و انتي ضايعة في بلد غريب ما بتعرفيش لغتهم و مش عارفة راسك من رجليكي و مفلسة و مشردة ...بعد كل ده انتي حاسة بالراحة !!!
تعجبت من نفسها ثم تذكرت انها صلت الإستخارة
- يالا اهو زي ما تقول ماما دايما ...كل اللي يجي بعد الإستخارة خير
قامت و هي عازمة على الخروج للتجول في المدينة عسى أن تجد أي عمل او فكرة تساعدها
خرجت تجر الخطوات و تلف كل شوارع المدينة بدون هدف فجأة مرت على محل ألبسة محجبات و يبدو أن صاحبه عربي لأن اسم المحل : "نور"
لفت نظرها دريس جميل جدا واسع و لونه سماوي
لم تدر لماذا شعرت بتلك الراحة لحظتها و هي تتخيل نفسها تلبسه
تفقدت حقيبتها تتفحص كم بقي لديها من النقود و كم يكفيها
لكن بعدها و بدون تفكير دخلت المحل و اشترته بعد اخذت مقاسها كما اشترت معه طرحة لونها ابيض ..و قد عزمت امرها بشكل قاطع
- ايوة انا هأتحجب من النهاردة. ☺️
و عادت الي الفندق و هي مسرورة جدا لهذا القرار .
البارت 9 🔥
يتبع بقلمي آلاء إسماعيل البشري
الأميرة و المغترب
كانت أميرة تنام بعمق و إذا بيد تتحسس جسدها 🔥
فتحت عيناها ببطء فوجدت نفسها شبه عار'ية تنام على الارض نظرت يمينا و يسارا فوجدت غرييا ينظر إليها بإعجاب ...صرخت أميرة و نظرت حولها تستنجد فلم تجد أحدا
حاولت أن تستر جسدها فلم تجد أي شيء ..لكن الغريب لن يتحرك من مكانه و بقي ينظر إليها فقط و يبدو أنه من ايقظها لكنه لم يحاول فعل شيء آخر سوى النظر إليها
- انت مين !!؟؟؟ قالتها أميرة برعب
الغريب بإبتسامة : أنا قدرك
حاولت أن تستر جسدها ثانية هذه المرة بيدها فأشار الغريب بحدة و رعب
- اوعي ....خليكي كدة ...اووووعييي
مع تغير نبرته الى الحدة لمنعها من ستر نفسها بيدها تراجعت أميرة ثانية عن فعلتها ...و بقيت تجلس امامه كما هي على نفس الهيئة و هي تقول بخوف و تعجب : عايز ايه مني ؟؟
الغريب بثقة: مش انا ... انتي اللي عايزة يا أميرة
و في هذه اللحظة فتحت عيناها ففزعت بشدة و هي تنظر الى نفسها لتتأكد أنها في غرفة الفندق بملابسها و في أمان
- يا سااااتر ياااا رب ؟!! ايه الحلم المرعب ده ؟؟
قالتلها و هي تنهج ...مدت يدها الى قارورة ماء شربت قليلا و هي تستعيذ بالله من الشيطان الرجيم
ثم همست برعب:يا رب استرها معايا ياااا سااااتر يا رب
كانت تتعرق بشدة و قلبها يكاد يتوقف من شدة النبض و هي تتذكر تفاصيل الحلم...نظرت الى الساعة فكانت تشير الى الفجر...فقامت لتتوضأ و تصلي كي تهدأ نفسها ثم جلست تقرأ القرآن إلى أن بزغت شمس اليوم الثاني
عند دانيال
- الى متى تريدين ان أنتظر هااا ؟؟ الفتاة مختفية في شوارع مونتريال بلا مال منذ الأمس!! إن لم تظهر خلال يومين تعلمين ما الذي يمكنني فعله بكِ !!
حنان بخوف: ستجدها الشرطة متأكدة ..ارجوك لا تتهور
دانيال بشك : لماذا هااا!! اخبريني لماذا علي الإنتظار !؟؟!
حنان بتوتر : أخاف ان بحثتٓ انت عنها أن يُعرف بتورطنا في الموضوع .. لذا يستحسن أن تترك الأمر يسير بشكل طبيعي إلى أن تلقي الشرطة القبض عليها ثم تعرف ما الذي عليك فعله حينها
كان يطوي الغرفة ذهابا و إيابا يمسك بكأس من المشروب و يسمع تبريراتها الواهية دون ان يرد
حنان بإرتباك : دانيال ...الووو ...مازلت على الخط ؟؟
دانيال بثبات مخيف: أسمعك ..كنت افكر في كلامك فقط حنان بخوف : و إذن ؟؟؟
دانيال بهدوء مخيف : حسنا ... علي أن اقفل الآن أنتظر إتصالا آخر .
اقفل و هو ينظر الى اللاشيء و يهمس لنفسه و الشرار يتطاير من عينيه
- تعتقدين أنك اذكى مني يا حنان أليس كذلك ؟؟ترفضين ان أجدها بنفسي و تقولين ستفعل الشرطة ذلك ! ألا تعلمين أني احفظك عن ظهر غيب ؟! لا تريدين أن تظهر أميرة أبدا حتى لا يفتضح أمر المال الذي اخذتيه من والدكِ...حسنا سنرى ماذا سيكون موقفه حين يرى هذا
قالها بشر و هو يقلب الهاتف بين يديه بينما ينظر الى احد مقاطع الفيديو به ثم اكمل
- سأريك ماهي نتيجة العبث مع دانيال أيتها الحق'يرة
في تلك اللحظة رن هاتفه
دانيال: ها قل لي أن لديك أخبار جديدة !
المجهول: للأسف يا سيدي لم نجد هذا الإسم في أي فندق أو مستشفى بمونتريال كلها
دانيال بغضب: اذن اتصل برجالنا و ابدأ البحث في البلدات المجاورة..و ركز في بحثك على المستشفيات و الحدائق العامة و الفنادق الرخيصة فهي لا تملك الكثير من المال
المجهول : حسنا سيدي
في الفندق
في الصباح ارتدت أميرة ملابسها و خرجت مسرعة بعد أن أرقها ذلك الحلم لدرجة الجنون ...وصلت الى احدى المكتبات الالكترونية و اخذت تتفحص موقع جوجل لإيجاد تفسير لذلك الحلم
و أخيرا وجدت تفسيرا لإبن سيرين ان رؤية الفتاة العزباء نفسها عار'ية أمام شخص لا تعرفه في الحلم يدل على بشرى بقدوم الفرح والسعادة في حياتها وأنها سوف تتزوج من شخص تقي وحسن الأخلاق والله أعلم...
كما أن وجودها عار'ية في المنام يدل على الطيبة و نقاء النفس و ان كان شغلها الشاغل هو كيفية سترها لنفسها بشيء مثل الملابس أو بغطاء فإنه يدل على الخطر الموجود في ذلك المكان الذي ترى نفسها فيه سواء كان خطر أعداء أم حساد أم سحرة، فإن حاولت أن تجد شيئًا تستر به نفسها ولم تجد فسترت نفسها بيدها فإنه يدل على أنها ستلقي نفسها بيدها إلى حتفها أو موتها.
في تلك اللحظة تذكرت الغريب الذي منعها من فعل ذلك ثم تذكرت صلاة الإستخارة التي صلتها فشعرت نوعا ما بالإرتياح .
أميرة بيقين: اللهم اجعله خير ... يا رب تهديني للخير دايما يا رب تسترني فوق الأرض و تحت الأرض يوم العرض يا أرحم الراحمين...يا رب فوضت امري إليك فلا تكلني الى نفسي طرفة عين.
خرجت من المكتبة و هي تتفقد حقيبتها ...ليس معها سوى ثمن وجبة واحدة عليها أن تتدبر امر الاكل و الا ستموت جوعا ...
لفت على جميع المطاعم الموجودة في المنطقة عسى ان يشغلها احدهم او على الأقل تتدبر وجباتها لكنها لم تجد شيئا و عادت كالعادة خالية اليدين الى الفندق بعد ان اشترت قطعة من الخبز فقط.
مر يومان آخران على بطلتنا هي تلف في كل الشوارع بحثا عن عمل وقد صرفت كل نقودها الى آخر دولار ..
تملكها اليأس مع غروب شمس آخر يوم لها في الفندق فعند بزوغ فجر اليوم الخامس ستصبح مشردة رسميا و ليس لها أي مكان تبيت فيه ولا مال تأكل منه
تمددت و الدموع في عينيها و هي تهمس بخفوت
- و بعدين بس ؟؟؟ مفيش ولا محل راضي يشغلني يعني صفيت بعد كدة في الشارع ؟؟ يا رب فوضت امري إليك
يا رب تلطف بيا انا بنت مش ولد ما اقدرش اتشرد في شوارع بلد غريب ...لو رزقي مش في البلد ده انا سلمت امري ليك بالإستخارة
و لو محصلش اي جديد في حياتي من بكرة هأسلم نفسي للسلطات الكندية و ارجع مصر
تذكرت والدتها فبكت بحرقة : وحشتيني اوووي يا ماما و وحشني حضنك الدافي..وحشني أكلك القمر و صينية البسبوسة اللي بتعمليها و المحشي الرهيب بخلطتك السرية .وحشني فنجان القهوة اللي بتعمليه ..و اللي محدش بيعرف يعمله أبدا ...وحشتني حكاياتك و نصايحك و دعاكي اللي بينورلي يومي .. بابا كمان وحشني ...ندى وحشتني..😭💔
تنهدت بحسرة و قالت لنفسها : الحمد لله ان ماما فاكراني في تربص و الا كانت هتموت دلوقت بحسرتها ..عمري ما هانسى اللي خالتي عملته فيا و فيها ولو ماما جرالها حاجة بسببي عمري ما هاسامحها ابداااا و هقف لها يوم القيامة
بقيت تتمتم مدة طويلة الى ان نامت و الدموع تغرق وسادتها .
في صباح اليوم الخامس اخذت حقيبتها و اعادت مفتاح غرفة الفندق و خرجت و هي تنظر في كل الإتجاهات
- أروح فين دلوقت ؟؟؟ يا رب توجهني
اخذت احد الطرق و راحت تمشي بلا هدف لا تدري الى أين تأخذها خطاها ..
مشت كثيرا لساعات و كان المطر ينهمر بغزارة و تقريبا تكاد الشوارع تخلو من المارة ...ترتجف من شدة البرد و تتضور جوعا و قد قاربت الساعة على الخامسة مساء و اغرقت الامطار ثيابها بالكامل ...
أخيرا قد تملكها اليأس و قررت تسليم نفسها فالنهار يوشك ان ينقضي و سيحل الليل بعد قليل
كانت تجر الخطى بصعوبة و هي لا تكاد تلمح أمامها شيئا بسبب المطر و كذا الجوع
و أخيرا رأت مركزا للشرطة يلوح من بعيد
- خلاص يا أميرة اعترفي انك فشلتي و ارجعي بلدك اشرف لك ...انتي ملكيش مستقبل هنا ..المركز اهو ...لو سلمتي نفسك كلها ساعات و هتبقي في حضن والدتك و بيتكم الدافي
كانت تهم بقطع الطريق و التوجه الى مركز الأمن و لم تر السيارة القادمة نحوها رغم ضوئها الساطع و لم تسمع زامورها رغم ان السائق قد ضغط عدة مرات لكنها كانت مشتتة التفكير و كأنها في في عالم اخر ..
و ما هي إلا لحظات حتى كانت واقعة على الارض مغمى عليها !!
خرج مسرعا من سيارته و هو يتفقد نبضها
- يا ساتر استر يا رب ! مجنونة دي و لا طرشة ولا ايه ؟؟
نظر حوله عله يجد من يساعده و لكن حين رأى ان كل متوجه في طريقه و لم يعر أي أحد اهتمام للحادث
اعاد النظر إليها و هو يتفحص هيئتها ..تلبس حجابا اي انها مسلمة و ملامح وجهها غير واضحة بسبب القلنسوة التي ترتديها على المطر و التي تغطي وجهها تقريبا
رفعها من الأرض و وضعها في سيارته قبل أن يراه احد عناصر مركز الشرطة المتواجد في الجوار و توجه بها الى المستشفى و هو يقول في نفسه : ربنا يستر بس !!
في منزل فاتن
صالح بحزن : كل حاجة ضاعت يا فاتن ...حاسس ان فلوسي مش هترجع خلاص ...كل السنين دي ضاعت من عمري عشان أأمنلكم مستقبلكم و في الآخر اتسرق ؟؟
فاتن : حسبي الله و نعم الوكيل في اللي كان السبب ...
صالح بحدة: لا بقى ...انا مش هأسكت على الموضوع ده و لا هاقعد اولول و اعدد ميلة بختي زي النسوان و ادعي عاللي كان السبب !!!
فاتن : و احنا ف ايدنا ايه نعمله ؟؟ اهي اللي ما تتسمى مختفية بقالها خمس إيام لا حس و لا خبر..و البوليس مش مقصر و أول ما تستعمل شريحتها او تلفونها هيجيبوها!!
صالح ؛ و مين قالك اني هأستنى لحد ما يلاقوها ؟؟!
فاتن بتعجب: اومال هتعمل ايه ؟؟!
صالح بحقد : انا من بكرة الصبح هأتصل بأبوها و ابيعه البيت و العفش الحيلة و كل اللي قدامه و اللي وراه ...هاوديهم في داهية لحد ما يجمعلي المبلغ اللي بنته الحرامية اخذته مني !! و الا هتبقى فضي'حته بجلاجل في مصر كلها !! ان ما شردته ما ابقاش أنا صالح !!
كانت سحر تذاكر قريبا منهم و تستمع بغضب الى كلام والديها و تحاول ألا تتدخل لكنها لم تستطع السكوت أكثر من هذا فقامت نحوهم بغضب : يا جماعة اتقوا الله في البنت و اهلها انتو عارفين اخلاقها كويس و انها مستحيل تمد ايدها لحاجة غيرها و الله العظيم اللي بتعملوه و اللي بتقولوه ده قمة الظلم !!
فاتن بغضب جحيمي : حرمت عليكي عيشتك يا قليلة الادب !! من امتى و انتي بتعلي صوتك علينا يا بنت انتي !! و عشان مين ؟؟ عشان الزبا'لة الحرامية دي !! و بعدين ظلم ايه اللي زي دي تستاهل الق'تل على عملتها السودة !!
سحر بإندفاع : أميرة عمرها ما كانت حرامية و انا مش هأسكت عن الحق اكثر من كدة و ان كان فيه حد مشكوك فيه فعلا فهو بنتك المحترمة اللي عمرك ما سألتيها رايحة فين و جاية منين و لا بتعملي ايه !!!
صالح بدهشة : انتي اتجننتي ؟؟ بتتهمي اختك اتهام قذ"ر زي ده ؟؟ عايزة تقولي ان بنتي انا ممكن تفكر تسرقني؟
فاتن بغضب :سامع؟؟ ادي اخرى دلعك فيها ...بتتهم اختها اللي من لحمها و دمها عشان الوا'طية اللي وثقنا فيها و دخلناها بيتنا و سبناها لوحدها فيه من ورانا ؟؟ ماهو الحق مش عليكي ...انا الغلطانة اللي خليتك قربتي منها لحد ما لحست دماغك بس انا هأكسرهالك عشان تطلعي كل الغباء ده منها
امسكتها بغضب من شعرها تجرها بشدة
سحر بألم: اااااهسيبيني 😖 .... سيبيني بس و انا اثبتلك !! انا ..انا متأكدة ان حنان اخذتهم و عندي دليل على كلامي
افلتت يدها منها فإبتعدت سحر مسرعة بينما نظرت فاتن و صالح الى بعضهما بصدمة!!
في المستشفى دخل مسرعا و هو يصرخ طالبا الدعم
تقدم الممرضون و اخرجوها برفق و ادخلوها بسرعة عبر النقالة الى غرفة الأشعة و الكشف
بينما جلس على أحد الكراسي و هو مذعور
فتح حقيبتها و اخرج الباسبور
- أميرة رجب إبراهيم ...مصرية ؟؟؟
نظر الى الصورة و تأملها بإعجاب من تلك الملامح العربية الجذابة ثم تفحص باقي الاوراق
وجد بطاقة إقامة مؤقتة و العنوان في مونتريال ! اومال ايه اللي جابها اوتاوا!
فتش لقى وصل إقامة في فندق لمدة اربع ايام انتهت امبارح !
تفقد الحقيبة بحثا عن هاتف فوجده مغلقا،
فتحه عسى أن يجد أي رقم يتصل به لكن ليس به شريحة ولا ارقام !!!
- غريبة ؟؟ يا ترى ايه حكايتك ؟؟
في تلك اللحظة خرج الطبيب: هل أنت قريبها ؟؟
تردد ياسين قليلا ثم قال بثبات مصطنع: لا يا دكتور..لقد تعرضت لحادث و انا كنت مارا فرأيتها و أتيت بها ... ما الأمر ؟
الطبيب : الآنسة تعاني من كسر على مستوى الرجل و آخر على مستوى اليد ...لكن المشكل الاخر هو انها قد دخلت في غيبوبة سكر
ياسين بخوف : عفوا!!!
الطبيب : من الواضح أن الفتاة لم تتناول شيئا منذ ايام و قد وصل السكر الى ادنى مستوياته لذا فقد تزامنت الحادثة التي تعرضت لها و شدة ألم الكسور مع اغمائها و دخولها في غيبوبة سكر
ياسين برعب: متى ستفيق منها ؟؟
الدكتور : لا ندري ...حسب حالتها النفسية ..رغبتها في الاستيقاظ من عدمها يحددها الآن اللاشعور اي عقلها الباطن
ياسين بحزن: شكرا لك يا دكتور
الدكتور بقلق : هناك شيئ آخر ياخر يا سيد
ياسين بخوف : ماهو؟
الطبيب : لقد وجدنا سجلا للفتاة حين ادخلنا بياناتها في قاعدة البيانات
بقي ينظر إليه بإهتمام بينما اكمل الطبيب : الفتاة قد دخلت المستشفى في الاسبوع الماضي بسبب جرعة عالية من حبوب مخدرة عالية السمية ...و كان من المفروض أن تأخذ دواءا مضادا قد وصف لها و أن تشرب الكثير من المياه كي تتخلص من كل أثر لتلك السموم في جسدها لكن من الواضح من خلال تحليل الدم انها لم تفعل !!
ياسين بتعحب : حسنا شكرا لك سأهتم بالأمر
غادر الطبيب و همس ياسين بدهشة
ياسين : لا انتي فعلا وراكي حكاية و حكاية كبيرة اوي !!!
شكلك مش شكل وحدة مدمنة ... أكيد الموضوع ده وراه لغز
امسك هاتفه و اجرى أتصالا هاتفيا و .
يتبع
تكملة الرواية هناااااااااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
تعليقات
إرسال تعليق
فضلا اترك تعليق من هنا