رواية عالجتها ثم أحببتها الفصل 6-7-8-9-10بقلم ندا الشرقاوي (جميع الفصول كامله)

رواية عالجتها ثم أحببتها الفصل 6-7-8-9-10بقلم ندا الشرقاوي (جميع الفصول كامله)

رواية عالجتها ثم أحببتها الفصل 6-7-8-9-10بقلم ندا الشرقاوي (جميع الفصول كامله)

عالجتها_ثم_أحببتها (٦)

#ندا_الشرقاوي

في نص الليل الساعه 4فجرًا 

رن هاتف قاسم ليستيقظ بقلق من سوف يهاتفه في هذا الوقت 

قاسم بنعاس..... الووو 

مريم بتعب..... قاسم..... الحقني..... بموووت 

قاسم برعب وخوف وقف عن الفراش سريعًا ليقول..... مرررريم 

مريم......بطني... يا... قاسم 

أغلق الخط سريعًا، هرول إلى غرفة الثياب ليرتدي سريعًا ملابسه، كانت رزان استيقظت عندما شعرت بحركة سريعة في الغرفة 

رزان بخوف..... في اي 

قاسم وهو يرتدي كنزته بسرعة.... مريم.... مريم تعبانه 

رزان.... مريم مين 

قاسم..... مش وقته لازم أنزل 

رزان بخوف..... متسبنيش لوحدي 

قاسم بعصبيه وغضب..... رزان مش وقت خوفك اقعدي هنا لحد ما أرجع 

واتجه إلى الباب وخرج سريعًا، هبط على الدرج سريعًا حتى كاد أن يقع من عليه. 

خرج، و صعد إلى سيارته العاليه وفتح البوابات الحرس سريعًا لأنهم نظروا إلى السياره كانت السرعه عاليه كان من الممكن أن يصتطم بأحد منهم 

وصل إلى العماره التي تقيم فيها مريم وصعد سريعًا لم ينتظر المصعد.

دق الباب أكثر من مره بقوه حتى تزكر أن يوجد معه نسخه احتياطيه للمفتاح فتح الباب ودلف إلى غرفه النوم وجدها ملقيه على الأرض

قاسم..... مريم مريم 

كانت حرارتها مرتفعه، حملها عى يده وهبط سريعًا إلى المشفى 

بعد ساعه في المشفى 

كان يجلس قاسم أمامها وينظر إليها بغضب شديد 

مريم.... مكنش واحد فلفل 

قاسم بعصبيه..... هو كل مره هتقولي كده ما قولنا عندك التهابات من الحراق المستشفي حفظتك حرام عليكِ بتعملي كده ليه مستفاده اي وكل يومين بعملك غسيل معده ولا الحراره اللي بتعلى دي 

مريم..... اي ياقاسم 

قاسم..... هتفضلي لحد أمته مستهتره، بسببك أنا زعقت في رزان وأنا عارف ومتأكد انها بتخاف تفضل في القصر لوحدها او مع حد تخيلي لما ارجع هتكون عامله ازاي لو ملقتهاش وشها شاحب ولا مغمي عليها يبقا بحق 

مريم.... خلاص آسفه 

قاسم.... مش بقولك كده علشان تعتذري لا حاولي تسمعي الكلام مفهاش حاجه لو ماكلتيش شطه كلي بس خفيف بلاش كتير 

مريم..... طيب 

قاسم.... أنا لازم اروح لرزان 

مريم.... وأنا 

قاسم.... انتِ تفضلي هنا لحد ما اجيلك 

مريم.... حاضر 

خرج قاسم من المشفى وكان النهار قد ظهر وطلعت الشمس، توجه إلى سيارته ثم إلى القصر وقلبه يؤلمه على الصغيره. ماذا حدث لها!؟ 

بعد مرور الوقت 

سمعت صوت السياره وهي تدخل من بوابه القصر، هرولت إلى الأسفل تركض بسرعه كانت ستسقط عده مرات لكن لم تهتم 

وصلت إلى باب القصر وفتحت ليظهر أمامها بطلته الجميله ولحيته الرائعه التي تزيده وسامه عانقته بقوه وهي تبكي 

أدار الحراس رأسهم للجه الثانيه لعدم رؤيه زوجه سيدهم 

عانقته بقوه حتى كاد أن يسقط لولا أنه امسك في الباب جيدًا 

قاسم..... رزان 

رزان بخوف......أنت سبتني ومشيت، وأنا كنت خايفه 

قاسم.... حقك عليا كان لازم امشي 

رزان..... أنت هتمشي تاني 

قاسم قبل راسها قائلًا..... اه 

انكمشت وهي تمسك به بقوه

ثم استطرد قائلًا..... هاخدك معايا ممكن ندخل بقا علشان وقفتنا دي والحرس وجنابك واقفه بالبجامه مش ملاحظه 

اخفضت راسها بخجل مفرط، حملها بين يده وصعد بها إلى الأعلى ليضعها على الفراش 

قاسم..... غيري بقا هدومك علشان ننزل 

رزان بتوتر.... ممكن أسألك سوال عارفه انه مش من حقي

قاسم..... أنتِ ليكِ الحق في كله قوليلي عاوزه اي 

رزان..... أنت كنت فين 

قاسم..... عند مريم. 

رزان بحزن.... حبيبتك صح 

قاسم..... لا لا 

رزان......عادي أنا عارفه ان جوازنا جه فجاه 

قاسم.....بصي هحكيلك في العربية ممكن تلبسي علشان مش نتاخر 

اؤمات له ودلفت إلى غرفه الملابس وارتدت سلوبت من القماش لونها اسود وكنزه لونها ابيض وحذاء مناسب 

ووقفت أمام المراه مشططت خصلاتها مثل كل مره وكانت سوف تفعله كعكه لكن امسك خصلاتها لتقع على ظهرها ليقول..... سيبي حريه شعرك، بلاش مقايضه، كده حلو اوي وهو مفرود يالا 

رزان..... يالا

وهبطا متوجهين إلى المشفى 

قاسم..... ايوه نظره الفضول اللي في عينك دي، بصي ياستي مريم دي زي اختي بالظبط وكمان كانت الطباخه في القصر لا بلاش عقده الحواجب دي ايوه الطباخه وصديقه ليا الحكايه بدات لما كنا بندرب سوا واتعرفنا وعرفت انها محتاجه شغل ولما عرضت عليها فلوس رفضت وقالت انها عاوزه تشتغل بس، وهي بتطبخ كويس علشان كده بقت طباقه القصر لكن حصلت مشكله بنها وبين امي طبعا وطلعت من القصر لكن اشتغلت عند صحبي وامبارح اكلت فلفل حراق وهي ممنوعه منه ودلوقتي في المستشفى فهمتي 

رزان..... اااه فهمت

قاسم.....الحمد لله

#ندا_الشرقاوي 

وصلى إلى المستشفى وتوجها إلى غرفه مريم 

قاسم..... اتاخرت 

مريم..... لا خالص 

رزان بخجل.... حمد الله على سلامتك 

مريم.... والنبي كان بودي نتعرف في ظروف احسن من كده بس نعمل اي بقا 

قاسم بحده.... مهو لو نلم نفسينا ونبطل اكل من بره 

مريم.... هو الكلام ليا يارزان 

رزان.... تقريبا 

قاسم..... بت أنتِ وهي مش نقصاكوا أنا عاوز أنام 

مريم بتلاعب.... حد قالك متنامش 

قاسم.... وحده براس اي ياربي صحتني 4الفجر 

مريم..... فدايا 

قاسم..... فعلآ فعلا كان يوم اسود يوم ما اتعرفت عليكي 

مريم.... بس بس رجع خصلتك لورا الأول 

قاسم.... ملكيش دعوه بشعري 

انتبهوا لتلك الجميله التي تضحك على مشاجرتهم التي مثل الاطفال

رزان..... حلوين اوي وانتوا بتتخانوا زي القط والفار 

قاسم.... لا انتوا الاتنين لسعتوا على الآخر 

رزان..... ليه شايفني طفله 

قاسم.......أنتِ اصغر واحده في القاعده دي 

مريم..... باااااس أنا أصغر وحده 

قاسم بخبث.... والابله كانت بتاكل شاورما مع مين 

مريم.... اي اللي عرفك 

قاسم... انا حافظك أنتِ متروحيش للشاورما غير علشان تكلي مع حد لسه متعرفه عليه 

مريم.... مع مالك 

قاسم..  صاحبي.. 

مريم..... ايوه هو المز  اللبناني 

قاسم..... ياخوفي اللي في دماغي يحصل 

مريم..... اي اللي في دماغك 

قاسم.... ملكيش دعوه دا هيكون انتاج اي تحفه 

رزان..... مش فهمه 

قاسم..... المهم أنا فاهم 

مريم.... عاوزه اروح 

قاسم.... لما المحلول يخلص وهكمل مالك اقوله ان جنابك مش هتروحي انهارده 

مريم.... احسن

خرج قاسم ليهاتف مالك 

مريم..... ليه مش موافقه على أن تروحي لدكتوره 

رزان بتوتر.... هو أنتي تعرفي 

مريم...... ايوه عارفه الموضوع كله 

رزان.... خايفه 

مريم..... الدكتوره مش هتعمل حاجه غير أنها تسمعك بس،وتقدم ليكي نصايح. 

رزان......ايوه بس 

مريم.... مش عاوزه تتعالجي وتجيبي بيبي 

رزان..... مش هقدر ان حد يقرب مني انا بخاف 

مريم.... اهو الدكتوره بقا هتعالج كل ده 

رزان.... مش عارفه 

مريم......خلينا صحاب اشطا 

رزان..... ماشي

#ندا_الشرقاوي 

في الخارج 

مالك..... شو مشفى 

قاسم..... اعدل لسانك ايوه بسبب الحر بتاع امبارح 

مالك..... ايوه صاحب المحل جاب ليها لبن 

قاسم..... دا ناقص تقيم في المستشفى 

مالك بحرج.... قاسم... بقدر اجي اشوفها اذا سمحت 

قاسم.... تعال 

مالك.... بجد 

قاسم.... بجد 

مالك..... مسافه الطريق باي 

قاسم في نفسه..... والنبي انا خايف عليك مش عليها

بعد ساعه 

كانوا يجلسوا سويا 

مالك..... الف سلامه عليكي 

مريم..... الله يسلمك عادي مش اول مره 

ضحك على مزحها 

مالك......عامله اي مدام رزان 

رزان بتوتر وخوف...... أنا.... بخير 

مالك.... ديما يارب 

مريم..... أنتِ في كليه اي 

رزان..... فنون جميله 

قاسم.... بجد 

رزان.... ايوه. 

مالك....بترسميني بقا 

رزان ببرائه.... معييش قلام 

مالك.... بسيطه نجبلك 

قاسم..... طيب اخد انا مراتي وأنت مع الانسه 

مريم...... بتبعني 

قاسم.......ايوه 

مريم..... تشكر ياذوق 

قاسم.... يالا بينا 

اؤمات له رزان وغادروا 

في القصر 

مي...... لازم اخلص من البت دي 

عز..... قاسم مش هيسيبك 

مي..... قاسم قاسم وجعت راسي بسيره قاسم 

عز..... متقربيش لرزان يامي علشات عقاب قاسم عسير 

مي.... حد بياذي امه

.... مش لو كانت امه أصلا

#عالجتها_ثم_أحببتها (7)

#ندا_الشرقاوي

مي.... حد بياذي امه

.... مش لو كانت امه أصلا

مي.... أنت بتقول اي

عز.... اي بقول الحقيقه، هو أنتِ فاكره أن الحقيقه بتستخبى ولا اي، مسيرهُ يعرف الحقيقه، وساعتها بقا منعرفش رده فعل قاسم هتكون اي

مي.... أنت اللي شكلك ناسي أن أنت كمان مش ابوه، نسيت ولا اي، احنا عاملنا كل دا علشان ثروه قاسم.

عز..... ايوه بس أنتِ

مي...... أنتِ اي احنا كنا سوا في كل حاجه، زي ما أنا خنقت امه بعد الولاده، أنت قتلت أخوك اللي كان تعبان واستامنك على حياه ابنه يعني وحده بوحده واحنا بنعمل كل دا علشان ننهي حياه قاسم

عز..... قاسم عمل بدل الثروه اتنين

مي بطمع..... علشان كده لازم يمو*ت قاسم دماغه شغاله اوي يعرف يجيب الفلوس لو فين بيكسب اي حاجه اي مجال بيدخله بيعرف يجيب منه فلوس وشهره  ومركز كمان

عز..... ومراته

مي بخبث..... مراته دي عيله لو حصل معاها زي قبل كده يبقا انتهت حياتها مش بعيد هي تموت نفسها بنفسها من القهر والحزن اللي فيها

عز بصدمه..... أنتِ بتقولي اي

مي..... اي صعبت عليك أوي كده أنت قاتل اخوك فا بلاش جو الصعبنيات دا

عز..... أنتِ بتكلمي جوزك اتكلمي كويس

مي ساخره.... لا جوزي اي، احنا مركب وحده لو أنا غرقت أنت كمان تغرق محدش هينجى من غير التاني، جوزي بس المصله أحسن وبعدين دي ثروه قااااسم

عز.... احنا خدنا كل حاجه

مي... صح بس سبنا دماغ قاسم ودماغ قاسم تعمل فلوس زي اللي معانا الف مره، يبقا قاسم لازم ينتهي للأبد والفلوس لينا

في الناحيه التانيه في اشهر مكتبه للادوات المدرسيه وادوات الرسم 

قاسم..... يالا 

رزان.... يالا اي 

قاسم..... هاتي كل الاقلام اللي بترسمي بيها 

رزان.... مش حابه. 

قاسم..... أنا حابب هاتي كل حاجه عاوزك ترسميني انهارده 

رزان... بحب ارسم رصاص مش اللوان 

قاسم..... أنا بحب الرصاص هاتي القلام 

رزان.... حاضر 

بدأت رزان تتجول في المكان وتتحرك مثل الفراسه الخفيفه التي تتنقل على الازهار لتاخذ الرحيق 

كانت تمسك كل قلم وتنظر إليه بعشق نعم يوجد ناس تعشق ماركات الملابس لكن هى تعشق ماركات الأقلام 

رزان.... بص دا في ماركه FABER_CASTELL

وSTAEDTLER

وضع يداه أسفل لحيته ليقول..... هاتي كل حاجه 

رزان..... كل حاجه كل حاجه 

قاسم وضع يداه في جيب بنطاله ثم هتف بثقه......كل حاجه لو حكمت اشتري المكتبه هشتريها 

بدات تأخذ كل قلم كانت ترد شرائه ووالدها يرفض، كانت تشتري الأقلام دون ان أحد يعرف وترسم بعد اذان الفجر حتى يكون الجميع قد نام، مع انها في كليه فنون جميله لكن والدها كان يسخر منها ولا يعطي لها المال. 

حتى أنه اخبرها أن قريبًا سوف تترك الجامعه نهائي 

بعد مرور 15 دقيقه كانت تقف أمامه والسعاده تغمرها وفي يداها الأدوات 

قاسم..... خلصتي 

رزان..... ايوه 

قاسم.... طب في أدوات من غير كراسه 

رزان.... نسيت 

قاسم..... اجبها أنا 

رزان..... 150 جرام 

قاسم بغرابه....اشمعنا 

رزان..... علشان مسام الورقه تكون كويسه مش واسعه 

قاسم.... حاضر 

خلص قاسم ورزان ورجعوا على القصر 

في المستشفي 

مريم..... أنا كويسه. 

مالك..... اسندي عليا 

مريم..... ياجدع انا بقولك اقدر امشي اتهد بقا، اي المحن دا 

مالك..... متأكده أنك بنت 

مريم بشهقه.... أنت بتشك 

مالك.... لا لسمح الله يالا بينا 

مريم.... بقول كده برده 

بعد فتره وصلا إلى المنزل وصعدا إلى الطابق الذي يوجد فيه شقتها 

مريم.....ايوه وبعدين 

مالك.... مش فاهم 

مريم.... ناوي تدخل ولا اي، كان نفسي اقولك اتفضل بس لوحدي 

مالك..... لا لا فاهم والله انا بس قولت اطمن عليكي ادخلي واقفلي الباب 

مريم..... حاضر 

في القصر 

كانت تجلس على المقعد وهي ترتدي منامه جميله وترفع خصلاتها إلى الاعلى وتصع في شعرها قلم كي يمسك شعرها جيدا، كانت هيئتها رائعه 

وفي يدها القلم وترسم الاوت لاين وهو الشكل الخارجي 

قاسم..... وبعدين 

رزان بتركيز.... دا الاوت لاين للرسمه بيكون بقلم خفيف علشان لو غلط وحبيت امسح وبيتعمل بقلم HB

قاسم ..... اممم فهمت 

رزان..... قوم نام وأنا هكمل 

قاسم.... أسهر معاكي شويه 

رزان.... ملوش لزوم صاحي من بدري نام وأنا هرسم شويه وأنام 

قاسم.... ماشي، اعملي حسابك بكره هنروح للدكتور 

رزان بخوف.... بسرعه كده 

قاسم بغمزه.... لازم استغل ال3شهور كويس 

رزان..... ماشي

اؤما لها واتجه ناحيه الفراش ليتسطح عليه بتعب وإرهاق،ورزان مستمره في الرسم ببراعه عاليه، وابتسامه على ثغرها لا تختفي منذ أن اناملها أمسكت القلم.

شعرت بالجوع بعد مرور الوقت، ووقعت القلم من يداها لأنها شعرت بالتعب لأنها لم ترسم منذ فتره وهذا اثر على حركه يداها وخفتها

نظرت إلى قاسم وجدته نائم، شعرت بالحرج أن توقظه وتقول له أنها تشعر بالجوع

رزان في نفسها.... مفهاش حاجه لو نزلت أنا

عقلها..... افرض قابلتي امه

رزان بخوف..... لا إن شاء الله

عقلها..... وافرض، صحي قاسم

رزان..... حرام دا تعبان

عقلها..... صعبان عليكي

رزان.... قاسم حنين اوي، يابخت اللي هتتجوزه بجد

عقلها.... وليه متقوليش هتكملي معاه

رزان..... لا قاسم هيطلقني لازم ياخد وحده من مستواه وكمان على الأقل تكون.....

رزان.... بس بقا كفايه كلام أنا هنزل أكل

بالفعل فتحت الباب دون أن تصدر صوتًا، هبطت على الدرج وهى تكتشف القصر لأول مره، وجدت المطبخ بعد صعوبه 

وجدت في الثلاجه عُلبة من النوتيلا، والتوست 

رزان بفرحه.... الله على الجمال لا لا وكمان في نسكويك دا الليله عيد 

بدات تصنع بعض السندوتشات بهدوء وفرحه وكوبًا من المشروب الساخن 

وصعدت إلى الجناح، فتحت الباب ودلفت وجدتت من يمسكها من تلابيب ثيابها 

قاسم...... كنتي فين 

رزان..... جعانه يرضيك أنام من غير اكل 

قاسم..... جعانه 2 بليل 

رزان ببعض من الغيظ..... هو الجوع ليه وقت اقول لباطني متجوعيش 

قاسم..... بطلي لماضه 

رزان..... اي اللي صحاك لحقت 

قاسم.... عادي ساعات بقلق بليل فا بصحى وبعدين قولت بلاش انزل واسيبك تطلعي براحتك 

رزان..... تمام  تاكل 

قاسم بضحك...... نوتيلا ونسكويك بليل ابداااااا 

رزان..... أنت اللي خسران على فكره 

وشرعت في الطعام، وأكمل قاسم نومه 

في صباح يوم جديد، تظهر الشمس وتنور جناح ابطالنا فتزعجهُم بنورِها العالٍ، فيضع قاسم يداه على وجهه كي يخفف النور، وقف عن الفراش وأغلق الستائر وهو يقول.... معتمدش عليها ابدا في اي حاجه قولتلها متنسيش الستاير قالت حاضر. 

نظر إليها على الفراش وجد فاها بجانبه شوكولاته يبدوا انها لم تقدر على غسل فمها وتسطحت على الفور 

قاسم..... كمان مغسلتيش سنانك أنتِ عاوزه برنامج بقا 

ابجا في ايقاظها بصعوبه حتى افاقت 

رزان.....في اي، الساعه كام 

قاسم..... يادوب النهار لسه طالع 

رزان..... حرام في دكتوره بتفتح دلوقتي 

قاسم.... قومي اغسلي سنانك وبعدين تعالي نامي. 

رزان......حرام والله مصحيني علشان كده 

قاسم.....ما أنا صحين بسببك علشان جنابك سبتي الستاير 

رزان..... ايوه وحده بوحده يعني 

وبعد مشاجره بينهم كبيره 

رزان.... غسلت عاوزه انام 

قاسم.... نامي 

في شركه قاسم. 

السكرتير.....قاسم بيه اعتذر عن اجتماع اليوم لظروف طارئه 

العميل..... يعني اي اعتذر هو لعب عيال 

السكرتير.....بقول لحضرتك عنده ظرف طارئ 

العميل..... كلامي مع اللي مشغلك 

السكرتير.....ياريت توطي صوت حضرتك ولو في اي حاجه مهمه قولها غير كده احنا عندنا شغل 

العميل..... أنت بتكلمني كده ليه انت  عارف انا مين 

السكرتير...... اكيد عارف مين حضرتك االي نسيت ان انا السكرتير الخاص لقاسم بيه عن اذنك 

في المساء الساعه الخامسه مساء 

كان قاسم يقف أمام المراه يرتدي تيشرت أبيض على بنطال اسود 

وهي ترتدي جيب سوداء وكنزه مناسبة، لكن يظهر على وجهها علامات التوتر والخوف 

قاسم..... بلاش خوف وتوتر ذيادة لو مش عاوزه بلاش نروح 

رزان بتردد..... لا.... نروح 

قاسم.... طب يالا بينا 

رزان..... يالا 

تسارعت الأحداث والآن هم في العياده 

الطبيبه.... اهلا قاسم بيه اهلا يا مدام 

اكتفت رزان بابتسامه هادئه وهي تمسك بزراع قاسم 

قاسم..... اهلا بيكي. 

الطبيبه... اتفصلوا 

جلسا ثم قالت الطبيبه.... اهلا بيكي أنا اسمي نور طبيبه نفسيه وممكن الكلمه تدايقك يبقا نمشيها صديقه أحسن وأنا اتشرف أن يكون عندي صديقه زيك 

رزان بهدوء.... شكرا 

نور.... ممكن تحكيلي اللي حصل، وللعلم لو حكيتي خمس كلمات بس وحسيتي أن خلاص مش قادره يبقا تبطلي عادي تمام 

قاسم..... طب هستاذن أنا بره علشان تاخدوا راحتكوا 

أسرعت رزان وامسكت بكفيه وتترجاه..... متسبنيش 

قاسم.......... 

عالجتها ثم أحببتها (8)

#ندا_الشرقاوي

قاسم..... طب هستاذن أنا بره علشان تاخدوا راحتكوا 

أسرعت رزان وامسكت بكفيه وتترجاه..... متسبنيش 

قاسم رتب على يداها قائلًا بهدوء..... متخافيش هستناكي بره

اغروقت عينها بالدموع وتمسكت به أكثر

نور.....ممكن حضرتك تفضل قاعد

قاسم رافض إنه يفصل لانه خايف من كلامها، هيوجعه مش هيقدر يمسك نفسه، هتتكلم عن اخوه بابشع الكلام، ليها حق.

بس اخوه مش هيقدر يسمع، ولا هيقدر يسمع وهيا بتستنجد، ولا خوفها

رزان..... لو مشيت همشي

قاسم بهدوء قبل جبنها بعمق.... اتكلمي انا هفصل جمبك

نور.... نبدا يا سنيوريتا

رزان اخذت نفس عميق ثم بدأت تتحدث.... أول مره شوفته فيها كنت خارجه من الجامعه، حاول يتعرض ليا لكن أنا صديته، ومن ساعتها هو استقصدني، كل مكان اروح فيه يكون ورايا، لحد مره كانت وحده صحبتي عامله عيد ميلادها في ملهى ليلي  وكده، رفضت إني أروح لكن صحابي لحوا عليا اني اروح، روحت لقيت عالم تاني غريب عليا بنات لا يقال عليها أنها خارجه من بيت محترم لابسه لبس اتكسف البسه في بيتنا، بس مش فرقه كل واحد على حسب  البيئه اللي اتربى فيها، شوفته هناك، حاول يتقرب ليا وتريقه أن أنا عامله فيها محترمه وراحه night club، وكده القاعده هناك معجبتنيش الصراحه حاولت امشي لكن مش هعرف لأن جايه مع صحابي، استاذنت ادخل التويلت لكن......

وسكتت عن الحديث

نور بتسأل..... كفايه كده ولا اي

قاسم بقلق لأنه خايف من التكمله ومش هيقدر..... أنا كمان يقول كفايه يارزان

أخذت نفس عميق وأكملت الحديث..... لكن لقيته ورايا وصحابه بره مانعين أن حد يدخل، أول ما دخل كنت هصوت لكن حط ايده على بؤي وحتى......لو صوت محدش هيسمع، قرب مني.... بطريفه مقذذه اوي كان الفرق بني وبينه حاجه بسيطه وريحته كانت مقرفه من الكُحول، وكان عاوز.....

واغرورقت عيناها بالدموع

قاسم بهدوء ما قبل العاصفه..... كفايه كده

نور.... بجد عملتي مجهود رائع أنك حكيتي كتير كده متستغربيش دا بالنسبه ليا كتير، هشوفك بإذن الله كمان 3 أيام

رزان.... حاضر

قاسم..... شكرًا مدام نور

نور.... على اي أستاذ قاسم، تحت امرك في اي وقت

وخرجا من عند الطبيبه مد لها كفيه، لتضع يداها في يداه، أغلق على يداها بقوه ونظر إليها نظره اطمئنان

قاسم..... مش طالبه بيت خالص

رزان.... براحتك

قاسم.... نفس تروحي فين

رزان.... اي حتى

قاسم.... يالا نروح الشركه نخلص شغل وبعدين نروح لمالك ومريم اي رايك

رزان..... تمام

تسارعت الأحداث ووصلى إلى الشركه، نظرت إلى البنايه كانت عاليه القمه تصميم رائع

قاسم..... اي رايك

رزان.... شكلها حلو أوي

قاسم.... عيونك اللي حلوه

اكتفت بنظره خجل، دخلى إلى الشركه، وجد الموظفين يعملون بجهد، دخل إلى المصعد ليصعد إلى الطابق الاخير الذي يوجد فيه المكتب الخاص به 

قاسم..... أنا هخلص شويه ورق على السريع كده ونمشي على طول، حابه تخرجي تتفرجي على الشركه 

رزان بخوف.... لا 

قاسم بحنو..... روز

رزان بانتباه..... أول مره تقولي روز 

قاسم..... علشان معناه الورد المعطر، والرقه، والجمال، والنعومه، وكل دا فيكي ياروز 

رزان احتلت ابتسامه واسعه ثغرها من حديثه.... شكرا 

قاسم..... العفو ياستي قومي اتفرجي براحتك ومتخافيش لو حصل حاجه قولي عاوزه اروح مكتب قاسم وتعالي على طول 

رزان بتوتر..... حاضر 

في المطعم 

مريم.... مش هخرج 

صديقتها..... مفيش جارسون هنا غيري وأنتِ، وأنا عندي مشوار ضروري معلش اطلعي خدي الاوردر اللي بره 

مريم.... بلاش 

رحمه..... لا اطلعي 

مريم.... جبتيه لنفسك 

اخذت دفتر الطلبات وخرجت 

مريم.... اتفصل يافندم طلبات حضرتك اي 

الشاب بغزل..... عاوز واحد سكر.. على عسل على جمالك 

مريم.....أنا قولت بلاش من الاول.... الاورد اي يافندم 

الشاب.... ما أنا طلبت 

مريم.... والطلب مش على هوايا تغيره ولا اغيره أنا 

الشاب.....اي حاجه من ايدك حلوه 

....... أنت بتعمل اي من دي

الشاب.... عيله بجحه جايه تعرض نفسها عليا بكل وقاحه 

مريم بصدمه..  أنا 

البنت.... أنتِ بنت مش محترمه 

مريم.... يافتاح ياعليم يارزاق ياكريم، هو أنا معمرش في شغلانه أبدا 

مالك.... في اي يامريم 

البنت.... في اي ازاي مكان محترم كده تشغلوا الزباله دي 

مريم..... لا بقا انا سكتلك كتير 

ولسه بتمسك البنت من شعرها امسكها مالك باحكام 

مريم.... سبني يامالك 

مالك..... اهدي بس 

مريم..... سبني علشان هستعمل معاك العنف 

مالك بعصبيه..... بس بقا خلاص

الشاب.... هيا اللي عرضت نفسها علياو

لم يكمل جملته ولكمه مالك في فكيه جعله ينذف بجانب شفتيه

مالك... خد اللي معاك وامشي بدل ما اساوي كرامتك بالرصيف 

رجع الشاب إلى الخلف، واخذ خطيبته وغادر

مالك بصرامه..... ورايا على المكتب

مريم في نفسها... اهو هنطرد من اول اسبوع مكنش يومك يامريم

و دلفت خلفه، جلس على المقعد بعد أن خلع سترته والقاها بأهمال، وضع يداه على جبينه يبدوا انه يشعر بألم في رأسه

مالك...... حصل اي، واي اللي خرجك من المطبخ اصلا

مريم.... اللي حصل ان رحمه، كان عندها معاد ضروري ومحدش فاضي ياخد الاوردر، طلعت اخده بدالها لقيته بيعاكس ويقل ادبه ويقولي عسل وسكر ومش عارفه اي

لسه بتكلم لقيت البت دخله، وهو بيقولها بتعرض نفسها عليا، جيت أنت ادخلت

مالك.... كان لازم ادخل لما جنابك عاوزه تضربي البت

مريم.... ما انت ضربته

مالك..... أنا غير أنا اقدر أنتِ لا

مريم.... لا اسال عني كويس بقا يامالك واعرف أنا مين، وأقل حاجه اعمل عني سيرش، باي علشان اكمل الأكل وغادرت

استغرب مالك كلامها، وبالفعل امسك هاتفه وبحث عن اسم مريم التهامي ظهر أمامه

مريم التهامي، كوتش الدفاع عن النفس، وهي أصغر مدربه  دفاع عن النفس سواء كان للذكور او الاناث، تعلمت الدفاع عن النفس منذ الصغر وتعلقت به وأكملت الطريق، لكن منذ فتره اختفت مره وصرحت على حسابها الشخصي انها سوف ترجع مره اخري للفنون القتاليه لكن متى لا أحد يعلم ذالك؟ 

مالك..... ياااه دا أنتِ حكايه يامريم، بس اي اللي جابرك أنك تشتغلي في قصر قاسم، أو أنك تيجي تشتغلي هنا

لازم اعرف.

في الشركه بعد ساعه 

قاسم لاحظ غياب رزان، خرج من مكتبه ليبحث عنها 

لكن لم يجدها 

قاسم لاحد الموظفين.... مشوفتش المدام اللي دخلت معايا 

الموظف.... لا يافندم 

قاسم.....تمام 

سأل اكثر من موظف ولم يجدوها، سمع صوت ضحكات رزان تاتي من البوفيه 

دلف سريعا وجدها تضحك بشده 

قاسم بصدمه.... رزان 

رزان.... قاسم في اي 

قاسم.... حرام عليكي تعبتيني بتعملي اي في البوفيه هنا 

رزان..... أنا جوعت وقولت اتصرف وبعدين عمو طيب اوي جابلي اكل 

قاسم.... مجتيش المكتب ليه 

رزان بتمذق..... مش عارفه بقا وبعدين القاعده هنا حلوه 

قاسم.... ماشي يارزان يالا بينا 

رزان.... شكرا ياعمو سعد 

سعد.... على اي يابنتي حاجه بسيطه 

رزان... لما اجي تاني هاجي هنا 

سعد.... تنوري 

قاسم.... عم سعد واحد قهوه على مكتبي 

سعد... حاضر يابيه 

وخرج قاسم ورزان 

قاسم..... ينفع كده 

رزان..... مش انت قولت براحتك 

قاسم..... ايوه بس متخلنيش أنا والموظفين بندور عليكي كاننا بندور على قطه 

رزان.... بس بس 

قاسم.... ماشي ياروز تعالي على المكتب 

تسارعت الأحداث وخرجا من الشركه متوجهين إلى القصر ولم تقدر الذهاب إلى مريم ومالك ، وصلى إلى القصر وصعدا إلى الجناح بتعب وإرهاق 

رزان بصدمه..... اي دا 

قاسم....... 

#عالجتها_ثم_أحببتها (9)

#ندا_الشرقاوي

رزان بصدمه... اي دا

قاسم بدهشه... اي اللي حصل

كانت جميع ثياب رزان في ارضيه الغرفه وجميع الاكسسوارات هكذا. 

قاسم... مين اللي عمل كده

رزان.... معرفش

قاسم بعصبيه...... فتحييه... فتحييه

فتحيه.... أيوه يا قاسم بيه 

قاسم بعصبيه..... مين اللي عمل كده 

فتحيه.... معرفش والله يا قاسم بيه... محدش بيدخل جناح حضرتك زي ما أمرت 

قاسم..... أمال مين اللي عمل كده 

.... أنا 

مي..... أنا 

قاسم بدهشه... اي انتي ليه 

مي.... الخاتم بتاعي كان ضايع وبدور عليه 

قاسم.. بدوري على الخاتم في الجناح بتاعي 

مي..... معتش بتاعك بقا في غريبه 

قاسم بعصبيه... والغريبه دي تكون مراااتي.... فتحيييه 

فتحيه.... نعم يابيه 

قاسم..... ساعه والجناح يرجع زي ما كان وأحسن 

وهبط هو ورزان ليجلسى في الحديقه 

قاسم.... متزعليش 

رزان.... عادي مش زعلانه 

قاسم.... شايف في عيونك حزن 

رزان.... أنت ازاي كده 

نظر إليها ثم هتف بغرابه..... كده ازاي يعني 

رزان.... طيب وبتراضيني على طول 

قاسم..... علشان أنتِ قمر يا عيون قاسم 

رزان.... أنت بتعاكس 

قاسم.... مراتي وأنا حر وبعدين مش يمكن بعد ال3شهور تمشي اهو بسبلك زكرى حلوه 

رزان.... شكرا 

رن هاتف قاسم ليجيب 

قاسم..... الوووو 

مالك..... قاسم اي االي يخلي مريم تشتغل طباخه وهيا أصغر مدربه دفاع عن النفس 

قاسم.... أنت عرفت 

مالك.... ليه ياقاسم 

قاسم.... مقدرش اقولك لأن مينفعش هيا تقولك أحسن 

مالك..... ماشي سلام 

وأغلق المكالمه 

وعدا اليوم دون أحداث تذكر على أبطالنا 

في صباح يوم جديد تهبط فتاه جميله من السياره تسمى جانا تعشق الأسود وتربيهم ومدربه لهم تقول بصوت عالٍ 

_ضرغااااام تعال هنا 

جاء أسد صخم يركض إليها ويقفظ عليها تعالت ضحكتها وهي تشعر بمدا سعادته أنهُ راها 

_كبيرت ياضرغام بس مبتكولش ولا اي ماماا ضرغام مبياكلش 

والدتها... مبياكلش اي دا ناقص يكُلنا أحنا

جانا..... ياكل براحته وكمان هجيبه عروسه حلوه

والدها.... أنتِ ناويه على اي  تاني

جانا..... أيوه يابابا هجبله عروسه حلوه كده علشان يجبلي قطط صغننه كده

والدها.... مش ناويه تسيبي الشغلانه دي 

جانا.... اي اسيب الشغل دا بموتي الأسود دي حياتي 

والدتها.... في عريس جايلك 

جانا.... اه ابن طنط صحبتك اللي كل ما يجو بتحبسي ضرغااااام 

والدتها.... محسساني أن بحبس قطه ولا سنجاب دا أسد 

جانا وهي تلعب في شعر ضرغام الكثيف..... ماله الأسد قمر ياضرغام ، وبعدين ابنها بيخاف من خياله اعمل بيه اي 

سوري يامامتي عندي تدريب مش هحضر 

جانا..... ضرغام ورايا على الجنينه 

مشي ضرغام خلفها وهو يسير بتكبر وثقه كأنه من البشر 

والدتها..... شايف ماشي ازاي اول ما بتيجي بيعمل فيها ولا شكسبير 

والدها..... اسكتي يسمعك 

والدتها.... اديني ست ربنا هيرزق بنتك بحيطه هو مش هيعجبها غير واحد من الغابه 

في الناحيه الثانيه، في القصر تحديدا في جناح قاسم 

استيقظ على رنه هاتفه المزعج 

قاسم بنعاس.... الووو 

تيام....اصحى من النوم كده وفوق 

قاسم يبدوا ان الصوت مألوف عليه.... مين 

تيام.... لا ركز وتعال على المطار 

قاسم بدهشه..... تيام يخربيتك 

تيام... تخرب بيتي قبل ما يتفتح ياجدع 

قاسم ابتسم بسعاده نعم صديقه تيام الذي يعشق الغابات والصحراء لم يراه منذ عامين بسبب سفره خارج البلاد، فهو لم يستقر ابدا يعشق التنقل والترحال والعيش في الغابات 

قاسم.... مسافه الطريق 

وأغلق الخط وقف عن الفراش، ودلف إلى المرحاض. 

خرج من المرحاض بعد عده دقائق ودلف ليبدل ثيابه وخرج بهدوء قبل أن تستيقظ رزان وأخذ مفاتيح سيارته وهبط 

في شقه مالك 

كان يخرج من المرحاض ليسمع رنه هاتفه 

قاسم.... الووو جبل الصحراء وصل 

مالك بغرابه..... جبل الصحراء مين

ثم استطرد.... احلف تيام جه 

قاسم.... ايوه أنا في طريقي للمطار البس وتعال 

مالك.... مسافه الطريق 

قاسم.... هستناك ندهل سوا 

مالك.... تمام 

بعد مرور 20 دقيقه 

استيفظت مريم من نومها وجدت ان يوجد الكثير من الوقت على ميعاد العمل 

دلفت إلى المرحاض وخرجت ترتدي ترينج للرياضه واخذت زجاجه المياه والهاتف وارتدت السماعه وهي تسمع الاغاني ونزلت لتركض 

كانت تركض بسرعه شديده وتتذكر كل شئ حدث معها، تركض وهي لم تعطي اي اهتمام للأشخاص الذين يشاهدوها باهتمام 

ظلت تركض حتى وصلت إلى المطعم 

شاهدتها صديقتها لتقول لها.... جايه منين 

مريم.... من البيت 

رحمة بصدمه..... جايه من البيت جري 

مريم بلا مبالاه.... اه

رحمه..... مبتتعبيش 

مريم.... واخده على كده عادي 

رحمه بغرابه.... تمام 

في المطار 

كان يقف كل من مالك وقاسم بحماس لرؤيه صديقهم الذي اشتاقوا إليه كثيرا 

خرج تيام من المطار وهو شاب في الثلاثين من عمره، مفتول العضلات، ضخم لديه لحيه بنيه كثيفه وشعر كثيف لونه أسود ويوجد بعض الخصلات البنيه التي مع الشمس تكون ذهبيه، انفه حاد، طويل القمه

تيام ....... لا بجد وحشتوني 

قاسم بأشتياق..... ياجدع كل دي  غيبه 

مالك..... لا بعدت اوي 

عانقوا بعضهم بأشتياق دام لدقائق 

قاسم.... اجازه قد اي 

تيام.... يومين 

مالك.....لا ارجع تاني جاي على نفسك اوي كده ليه 

تيام بضحك..... شهر والله 

قاسم.... أيوه كده 

تيام بتسأل .... كريم فين 

تحول وجه قاسم اللون الأحمر، والحزن رسم على وجهه 

مالك.... كريم توفى من شهرين 

تيام بصدمه..... اي 

مالك..... حكايه كبيره نحكيها بعدين 

قاسم..... يالا على القصر 

وتحركوا على القصر 

في القصر، استيفظت رزان ولم تجد قاسم بجانبها، وقفت عن الفراش بفزع لكن وجدت ورقه مدون عليها.... متخافيش أنا ساعه وراجع البسي فستان حلو كده وأنا جاي متخافيش أنا معاكي 

ابتسمت تلقائيه على كلاماته التي تدخل قلبها دون إذن 

وقفت عن الفراش بسعاده ونشاط 

وبعد ربع ساعه كانت تجلس على المقعد وتدون.... انهارده يوم حلو صحيت على رساله قاسم.... بس ممكن تكون معاملته ليا دي شفقه صح.... وهما ال3شهور وكل واحد هيروح لحاله... بس هو طيب اوي.... مبخفش من لمسته بخس أن لمسته حنينه... لو حضني بحس أن أنا في أمان محدش يقدر يخدني منه 

سمعت صوت السياره وهذا يدل على قدوم قاسم 

دلفت سريعًا لترتدي ثيابها 

ارتدت فستان لونه أحمر رائع باكمام تصل إلى نصف زراعيها، وطوله لبعد الركبه،وارتدت حذاء مناسب والسعاده تغمرها لأول مره تشعر هكذا 

وهبطت إلى الاسفل سريعًا، وجدته يجلس مع مالك وتيام 

لم تعرف تيام لذالك تراجعت إلى الخلف وخفت خطوتها، نظر اليها تيام بغرابه من هذه الفتاه؟ 

وقف قاسم وابتسم لرقتها في اختيار الملابس

قاسم بابتسامه جذابه تقدم منها ورفع وجهها بسبابته ثم همس بصوت هادئ .... اوعي توطي راسك تاني على طول مرفوعه 

ووضع يداه على خصرها كا نوع من التملك.... تيام اقدملك مراتي رزان الشرقاوي 

تيام بدهشه.... هو أنا غبت كتير أوي كده 

مالك..... الظاهر كده 

وقف تيام ليمد يده لكي يصافح رزان.... تشرفت بمعرفتك 

مد قاسم يده سريعا لانه يعلم أن لو السماء انطبقت على الأرض لن تصافحه 

رزان.... تشرفت بمعرفتك 

مالك..... أيوه فين رسمتي 

قاسم.... مبترسمش حد غيري اقعد بقا 

فتحيه......قاسم بيه الغجا جاهز 

قاسم..... اتفضلوا 

في ڤيلا الحفناوي 

كانت تجلس وضرغام بجانبها..... عارف السفريه المره دي كانت حلوه اوي شوفت حيوانات كتير اوي بس محدش قدر ياخد غلاوه زيك ياضرغام.... عارف لو ينفع تسافر معايا كانت السفريات جميله اوي.... بس العالم دا غريب بيخاف من الأسود... وهما البشر يخوفوا أصلا 

جانا..... أنا جبتلك عروسه لونها ابيض فصياه نادره هتكون جميله اوي اسبوع واحد وتوصل متخافش مش نسياك 

دخل الحارس..... جانا هانم اكل ضرغام  جاهز

جانا...... تمام هخرج وخليك جمبه لحد ما ياكل وبلاش تطلعه علشان تقريبا الضيوف جايه وعلشان ضرغام ميزعلش من خوفهم لو عليا كنت حطتهم معاه في القفص 

الحارس.... حاضر يافندم 

في القصر 

رن هاتف قاسم 

قاسم..... أنا تلفوني رن بكميه غير طبيعيه أكيد اس المصايب 

قاسم.... مش قولت 

مريم.... قاااااااااسم 

قاسم...... اي يامريم ودني ياماما 

مريم..... أنت فين ومالك فين ورزان فين 

تيام..... أنتِ يابت ياولد 

مريم بغرابه.... بت ياولد، هو تيام فضحني ولا اي 

تيام بمزاح..... لا هو تيام بنفسه 

مريم..... لا لا في حاجه غلط قااااااسم 

قاسم.... اي يامريم حد قالك قبل كده اني واقع على ودني 

مريم.... تعالوا نتقابل 

قاسم..... تعالي أنتِ 

مريم..... ما أنت عارف اللي فيها 

قاسم..... يبقا بكره بقا وعليكي خير 

مريم... ندل وبعدين قول لمالك مش جايه بكره 

مالك..... ليه ان شاء الله 

مريم..... عندي شغل 

مالك......أمال احنا بنشتغل اي 

مريم..... شغل خاص 

مالك..... تمام 

واغلقت الخط 

مالك بفضول...... شغل اي 

قاسم..... معرفش 

تيام..... يعرف ومخبي 

مالك..... عاوز اعرف 

قاسم..... ما أنت عارف مبقولش

مالك.... احضرينا يارزان 

رزان..... لا أنا مليش أن ادخل بين قاسم ومريم 

مالك.... هيا كده. 

قاسم بغيط.... أيوه كده 

تيام..... ايوه شغل العيال بدا اهو 

مالك.... مش ناوي تتجوز وانت شبه الحيطه دخلت ال30 ولا لسه 

تيام.... بقالي شهر 

مالك..... طب اي مش هتتجوز 

قاسم.... هو حد يستحمله 

تيام..... بكره تيجي اللي تستحملني ملكش دعوه 

جائت الخادمه.... قاسم بيه 

قاسم.... أيوه 

الفتاه.... في حد مستني حضرتك بره 

قاسم.... حاضر واستأذن 

في الخارج..... أيوه 

وجد الخادمه تقول.... أنا االي عاوزه جنابك يابيه 

قاسم.... ليه 

الفتاه.... وحياه ست رزان بعد اللي هقوله ما تقطع عيشي 

قاسم بحده .... في اي 

شغلت التسجيل الذي دار بين مي وعز 

سمع قاسم التسجيل ووقع مغشي عليه 

الفتاه.... قااااااااسم بيييه

قاسم هيعمل ايه؟ 

مريم بتشتغل اي؟ 

#عالجتها_ثم_أحببتها (10)

#ندا_الشرقاوي

شغلت التسجيل الذي دار بين مي وعز، سمع قاسم التسجيل ووقع مغشي عليه 

الفتاه.... قااااااااسم بيييه..... قاااااسم بيه

خرجوا من الداخل على صراخ الخادمه وهي تصرخ باسم قاسم 

رزان بخوف..... قاسم 

حملهُ كل من تيام ومالك وقاموا بإدخاله إلى الداخل، وحاولوا إفاقه. 

فتح قاسم عيونه وهو يشعر بألم شديد في راسه وجد أمامه تيام ورزان ومالك ينظرون إليه بقلق 

رزان.... اي اللي حصل 

نظر إلى الخادمه التي تقف ترتجف من الخوف والقلق ووجهها صبغ باللون الأحمر خوفًا منهُ 

قاسم بهدوء.... مفيش 

تيام بغرابه..... يعني اي 

قاسم..... يعني مفيش اخرجوا بره عاوز افضل لوحدي 

مالك.... حصل اي مين كان عاوزك بره 

قاسم بصوت عالٍ نسبيًا..... أناااا قولت عاااااوز افضل لوحدي لو سمحت أخرجوا 

اتنفضت رزان من علو صوته وارتجفت وتراجعت إلى الخلف وهى ترا عروقه قد برزت وتشنج جسده 

تيام..... يالا نخرج 

وبالفعل خرجوا لكن اوقفهم صوت قاسم للفتاه..... أنتِ هاتيلي فنجان قهوة 

علامات الخوف والقلق ظهرت على وجه الفتاه لكن قالت..... حاضر.... ياقاسم  بيه 

وخرج الجميع، قفل الباب وسمعوا صوت ضجه وتكسير علموا أن قاسم يخرج غضبه في أي شئ أمامه لكن ما الذي اغضبه؟ لا يعلموا انه عرف انه يتيم الابوين ويقيم مع أشخاص هم تسببوا في قتل عائلة ياكل ويشرب مع خائن 27 عامًا. 

يتوعد لهم بأشد الانتقام لا يكفيه موتهم، يريد تعزيبهم حتى يتمنوا الموت 

في الخارج 

كانوا ينظروا إلى بعضهم بغرابه تغير حالة من وقت قليل ماذا حدث 

رزان..... أنا خايفه 

مالك.... مش هياذيكي

رزان برعشه.... شوفت كان عامل ازاي 

تيام.... في حاجه قلبت كيانه  فجاه دا اغمى عليه دي حاجه كبيره جدا كمان 

نظرت رزان إلى الخادمه وهى تأتي بفنجان القهوه ويداتها تهتز 

رزان.... اي اللي حصل بره 

الفتاه.... معرفش ياهانم 

رزان بعصبيه..... بقولك اي اللي حصل بره 

خرج قاسم وهو يقول..... أنتِ بتعلي صوووتك ليه من امته وصوتك بيعلى  مش عاوز اسمع صوتك اطلعي على فوووووق ياااالا وأنتِ هاتي الزفته 

واغلق الباب 

تيام.... أنا لازم استأذن يامدام رزان أنا عارف ان قاسم هيهدا  لوحده، اهم حاجه بلاش الفضول يخدك انك تدخلي ليه او تعرفي في اي 

مالك..... وأنا هكذا 

وغادرا الشباب 

ودلفت الخادمه إلى المكتب، وضعت القهوه على المكتب وجائت لتخرج امسكها قاسم و دفعها على الحائط ووضع يداه على عنُقها ليقول بشر..... لو حد خد علم بالي سمعته دا هطلع روحك في أيدي سامعه 

تهاني بخنقه.... حاض...حاضر يابيه 

فلت يداه لتسعل بقوه نظر إليها قائلًا.... غوري من وشي... غووووري 

خرجت الخادمه وهى تحمد ربها أنها خرجت سليمة من تحت يده. 

في الأعلى كانت تسير ذهابًا وإيابًا ، تشعر بالقلق مما حدث، جزء منها يقول لا تتركيه فهو معك في محنتك وجزء يقول لا تتدخلي فهي حياته الخاصه. 

رزان.... هنزل وأمري لله بقا 

بالفعل هبطت إلى الأسفل، وفي كل خطوه تشعر بالقلق أكثر وأكثر، حتى وصلت إلى غرفه المكتب. 

أمسكت مقبض الباب وفتحت، وعيناها تنظر إلى كل ركن، حتى وجدته يجلس على الأرض ويده على ركبته تسيل منه الدماء. 

دق القلق والخوف في قلبها لمنظر يداه تقريب مته سريعًا وامسكت بيده 

قاسم...اي اللي نزلك 

رزان.... قاسم ايدك 

قاسم بهدوء..... اطلعي فوق 

رزان.... تعال معايا 

قاسم.... اطلعي 

امسكت كفيه السليم بحنو ورتبت عليه بهدوء 

رزان بترجي ... قوم معايا لو ليا خاطر عندك 

وقف عن الأرض، أمسكت يداه كا الطفل الرضيع وكانت تسير وهو خلفها لم تترك يداه لو لي لحظه، حتى وصلت إلى الجناح، فتحت الباب ودلفت إلى المرحاض سريعًا وهو معها وضعت يداه تحت صنبور الماء كي يزول الدماء وجدت أن الجرح لم يكن عميقًا، خرجا من المرحاض ليجلس على الفراش ولم ينطق بحرف صامت فقط، خرجت وفي يداها بعض من القطن والشاش والمُطهر، لتبدا في تعقيم الجرح بهدوء، داخلها فضول تعرف ما حدث لكن سوف تعمل بنصيحه تيام ولم تسأل حتى يقول هو، كانت تعقم وهو في عالم آخر شارد تمامًا، 27عام يقيم في حياه مختلفه الأن علم لما والديه كانوا يفرقوا بينه وبين كريم الذي من المفترض يكون اخاه، علم لما كان هو من يتعب ويعمل والآخر يدلل على أجمل وجه، يجب أن يستيقظ من هذه الغمه ويعلم كيف يتصرف معهم كي يأخذ حق والديه. 

رزان.... خلصت 

نظر إلى كفيه وجدها لفت يداه بالشاش وتم تعقيم الجرح 

رزان مسكت كفيه مره اخري... نظر إليها بغرابة 

رزان..... أنت محتاج تنام 

اتجه ناحيه الفراش بصمت 

تمتمت قائلة بحرج.... قاسم 

تمتم بعصبيه.... امممم

رزان.... هتنام بهدومك 

قاسم بعصبيه.... سبيني في حاااالي وشوفي حالك إن شاء الله أنام من غيرهم 

كتمت رزان شهقتها ودلفت إلى المرحاض سريعًا، إزاح غطاء الفراش بعيدًا بعصبيه وتسطح بإرهاق على الفراش وهو يصرخ من التعب..... اااااه 

سمعت صراخه وهى في المرحاض لكن لم تقدر على الخروج

في صباح يوم جديد، يوم مليئ باللالغاز، والمغامرات 

استيقظت رزان ولم تجد قاسم بجانبها وجدته يقف في الشرفه ببنطال فقط وعاري الصدر وكان الجو شديد البروده تعجبت أيعقل لم يشعر بالبروده!؟ 

بدات تسعل بشده وتختنق، لم تعلم انه يدخن لأول مره تراه يدخن 

رزان بخنقه.... من امته.... بدخن 

قاسم ببرود.... من انهارده 

رزان.... مش بردان 

قاسم.... أنا اللي هبرد ولا أنتِ 

اكتفت بالصمت. 

في شقه مريم، كانت ترتدي ملابسها واردت بنطال أسود مع كنزه بيضاء وستره سوداء، ورفعت شعرها لأعلى 

وهبطت إلى الأسفل لتذهب إلى مكان لم يعرفه أحد 

بعد مرور الوقت، في المخابرات 

كان يوجد اجتماع، دق الباب ليدلف العسكري ويقول.... الرائد مريم التهامي بره يافندم 

اللواء.... خليها تتفضل 

دلفت مريم وهي تلقي التحيه العسكريه على الجميع 

مريم باعتذار.... بعتذر يافندم على الزي بتاعي لكن... 

اللواء.... عارفين يامريم، ها اي الاخبار

مريم.... والله يافندم بحاول ادخل القصر تاني 

اللواء.... بذكائك خرجتي منه 

مريم بإحترام ..... كان لازم يا فندم حضرتك عارف إني مقبلش باهانه ليا 

العقيد.... لازم في أقرب فرصه تدهلي القصر تاني، أخبارك اي مع قاسم 

مريم بحزن على صديق عمرها.... تمام يافندم 

العقيد.... مش عاوزين علاقتك بقاسم تأثر على شغلك يامريم أنتِ اكفئ وحده تقوم بالدور دا بلاش تخسري علشان صداقه شغلنا مفهوش مشاعر 

مريم .... تمام يافندم 

اللواء.... في أقرب وقت ياسيادة الرائد تدخلي قصر الشرقاوي تاني 

مريم.... تمام يافندم 

اللواء.... انصراف 

ادقت التحيه العسكريه وانصرفت. 

في ڤيلا الحفناوي 

كانت تمشط شعر الاسد 

جانا.... أنا عندي أسد حلو ياناس، مش شقي خالص ياخلاثي على جمالك 

والدتها (مها).... في ضيوف جايين بليل تكوني جاهزه 

جانا....حاضر 

مها..... والله يخليكي بلاش مقالب وتطلعي ضرغام 

جانا.... حاضر 

مها.... حطي أكل كتير علشان صوته ميرعبش الناس 

جانا.....حاضر.... وبعدين دا بعيد عن الفيلا 

مها.... مهو برده صوته بيوصل 

جانا.... حاضر 

كامل والدها..... جانا الراجل اللي كان شاري الفيلا المشتركه بنا ابنه رجع من السفر هنعمل اي 

جانا.... طب نتكلم برا وقفلت على ضرغام وطلعت 

جانا..... نعرض عليه بيع الفيلا 

كامل... أفرض موافقش 

جانا.... مفهاش حاجه لما نعرض 

كامل..... تمام 

في المطعم 

مالك يحدث نفسه..... هتكون راحت فين... شغل اي اللي بتخبيه عني.... فيها حاجه غريبه.... لازم اعرفها.... 

في قصر الشرقاوي 

كان يهبط قاسم وعل وجهه علامات البرود والغضب 

مي..... على فين 

قاسم.... الشركه في حاجه 

مي..... اي يا قاسم الاسلوب دا يا قاسم 

قاسم.... تربية ايدك بقا سلام 

وغادر 

في المساء،في ڤيلا الحفناوي 

جانا بابتسامه مجامله..... أهلا وسهلا نورتونا 

چيچي.... اهلا ياجانا 

جانا..... أهلا بحضرتك 

مصطفى..... نورتي مصر 

جانا..... نورك

چيچي.... لسه عندك أسد 

جانا..... اه الحمد لله وجبت واحد كمان 

مصطفى.... أنتِ بجد غريبه 

جانا.... هسالك سوال 

مصطفى.... اتفضلي 

جانا..... الاسد دا عندي ولا عندك 

مصطفي.... عندك

جانا.... أنا اللي باكله ولا انت 

مصطفى.... أنتِ 

جانا..... أنا اللي بشتري ولا أنت 

مصطفى.... أنتِ 

جانا.... بس ياجماعه اتحلت دي حياتي مش حياة حد لما حد يمد ايده في جيبه يديني جنيه للاسد يبقا ليه حق يتكلم 

دلف الحارس سريعًا..... جانا هانم ضرغاام طلع من القفص وجري على ڤيلا البيه الجديد 

جانا بصدمه.... ضرغاااام 

وخرجت تركض إلى الڤيلا الثانيه والجميع يشعر بالخوف من ضرغام 

وصلت إلى الڤيلا وجدت ضرغام يقف أمام تيام ويلعب له في شعره 

جانا.... إزاي 

تيام.... متستغربيش أنا بحب الأسود، وعايش معظم حياتي في الغابة 

جانا بحده.... ضرغام تعال هنا 

صار بتجاه جانا ووقف بجانبها 

تيام باعجاب.... شكله معاكي من زمان 

جانا.... من 9سنين 

تيام.... أنا تيام الحديدي 

جانا.... تشرفت أنا جانا الحفناوي 

تيام باعجاب.... أصغر مروده أسود 

جانا.... طب ما أنت عارف اهو 

تيام.... مفيش مانع اتاكد 

جانا.... عن اذنك 

وغادرت هي وضرغام 

عند البنايه التي تتواجد فيها شقه مريم 

مريم..... مش ناقصه كلام يامالك 

وأغلقت الهاتف نهائي، ودلفت إلى البنايه صاعده إلى شقتها 

فتحت الباب بالمفتاح 

قاسم..... مي وعز هنا تجار المخدرات اللي بتراقبيهم 

مريم بصدمه.... قاااسم

تكملة الرواية من هناااااااا