رواية غرام النمر الفصل 6-7-8-9-10بقلم جنه ياسر (جميع الفصول كامله)جديده وحصريه لمدونة قصر الروايات

 رواية غرام النمر الفصل 6-7-8-9-10بقلم جنه ياسر (جميع الفصول كامله)جديده وحصريه لمدونة قصر الروايات 

رواية غرام النمر الفصل 6-7-8-9-10بقلم جنه ياسر (جميع الفصول كامله)جديده وحصريه لمدونة قصر الروايات 

❤️ البارت السادس❤️

( وقفنا فى البارت اللى فات ان غرام وصلت القسم ودخلا مكتب جاسر واتصدمت )

جاسر بابتسامه: اهلا يا انسه غرام نورتى .

غرام بغضب : انت بتعمل اى هنا 😡.

جاسر بخبث :  مفاجأة مش كدا هو اللواء عبدالله مبلغكيش انى انا اللي هساعدك  في موضوع القضية .

غرام مع نفسها : بقى كدا يابابا ملقتش غير البنى آدم ده اللى تخليه يساعدني..اوف مفيش حل غير انى استحمله .

تحاول غرام ترسم الابتسامه على وجهها وتقدمت اليه وجلست وقالت بغيظ : لا عارفه طبعا انك انت اللى هتساعدنى ....بص انا عاوزه اعرف قضيه معتز وصلت لفين وعاوزه كل تفاصيل

جاسر : ههههه طيب اهدى على نفسك ياقطه انتى مش قد كل الكلام ده كله .

غرام قامت مره واحده وقالت بغضب : اسمع انا هنا جايه لشغل وبس... لو هتبدء تستظرف وتقل منى همشى اشوف حد غيرك يا ساعدني  فاهم ؟؟

جاسر بغضب هو الاخر : صوتك ميعلاش عليا واتنيلى اقعدى عشان اقولك اللى انتى عايزه ونخلص .

غرام بقرف وبصوت واطى : ايه اتنيلي دي  دا بنى أدم بارد وبعد كدا قالت بصوت مسموع : هتفضل ساكت عايزه اعمل مقابله مع معتز شخصيا واكيد بابا عرفك مش كدا ؟؟

جاسر سمع هى قالت اى بالاول وابتسم بخبث وقال : اه عارف انك هتقابلى لو حابه تروحي دلوقتى يلا بينا لان بعد كدا مش هبقى فاضى .

غرام : قولى الاول على معلومات القضيه .

جاسر : بصى كل الموضوع اننا عرفنا ان فى شحنه اسلحه ومخدرات بتدخل كل سنه تحت اسم شركه كبيره جدا اسمها اس اى دى وكان بيدريها معتز .... ومعتز كان الراس الكبيره طبعا وقبضنا عليه .

غرام : ازاى اتقبض عليه .

جاسر: قبضنا علي واحد كان الدراع اليمين لى معتز واعترف عليه وقال لينا معاد تسليم شحنة الاسلحه والمخدرات  وقدرنا نقبض على معتز المفاجأة بقى ان معتز طلع مش الراس الكبيره و كان بينفذ أوامر فقط .

غرام : طيب وانتو عرفتو ازاي ان معتز مش الراس الكبيره .

جاسر : معتز بنفسه اعترف انه ميعرفش الراس الكبيره كل اللى كان بيحصل عباره عن تليفونات ورسايل بميعاد مكان تسليم .

غرام : والأرقام دى متقدروش تعرفوا تجيبو صحابها .

جاسر : لا طبعا هما أذكى من كدا دى أرقام مش متسجله باسم حد .

ده غير ان بعد كل عميله بيكسرو الخط وبيرموه بعد الرسايل .

غرام : طيب وايه الخطه اللى انتو ماشين عليها عشان توصلوا للراس الكبيره .

جاسر : مينفعش اقول لان دى مهمه سريه ومعنديش تصريح بالكلام عنها .....تحبى تشوفي معتز انهارده ولا بكره .

غرام : لا انهارده .

 جاسر : طيب يلا .. اه احب اعرفك ان الزنزانة اللى معتز فيها سريه محدش يعرف بيها غير انا واللواء عبدالله .

💥💥💥💥💥💥💥💥💥💥💥💥💥💥

سيبنا من جاسر وغرام ونروح لشركه يونس الحديدى . 

كانت ديلان تحاول بكل جد ان تثبت نفسها فى العمل  .

ديلان  تتعرف على فريق  العمل الواقفين معاها وهم مجموعه من البنات والشباب .

كان شاب واقف بجوار ديلان .

الشاب بضحك : بجد يا ديلان طلعتي دمك زى العسل .

ديلان: شكرا يا رائف انا بجد مبسوطه انى اتعرفت عليكوا .

واحده من البنات قالت : ايه يااستاذ رائف هى ديلان بس اللى دمها زى العسل ؟؟

رائف ( احد اعضاء الفريق ): بس يا اوزعه انتى بذات متتكلميش .

اسماء ( بنت من الفريق ) : انا بردو اللى اوزعه ... انت اللى عمود نور... واحد مستفز قولتلك كذا مره متقوليش يا اوزعه .

والجميع ضحكوا وكمان ديلان 

قطع حديثهم صوت إلياس الغاضب 

إلياس بغيره وغضب : والله مكنتش اعرف ان سيادتكم متعينين هنا عشان تتعرفوعلى بعض وتضحكوا... كل واحد على مكتبه واعمله حسابكم ان فى اجتماع بعد ساعه ......

ثم نظر لديلان ووجه كلامه اليها وقال :حصلينى يانسه ديلان فوق علي مكتبي وياريت كل واحد فيكم يشوف شغله .

واتجه إلياس الي مكتبه .

اسماء : روحى بسرعه يا ديلان وراه انتى مسمعتيش انو عايزك .

ديلان : انا اول مره اشوفه متعصب كدا هو اى اللى حصل لكل ده .... انا هروح اشوفه سلام ابقى اشوفكو بالاجتماع .

طلعت ديلان مكتب إلياس 

ديلان بتوجه كلامها لسكرتيره رانيا  قالت : بلغى استاذ الياس انى بره لان هو عايزنى .

رانيا بقرف : اه ثانيه واحده ودخلت بلغت إلياس انه ديلان بره .

رانيا بخبث : بصراحة انا لو منك يا ديلان مدخلش ليه دلوقتي اصل استاذ الياس متعصب جدا اول مره اشوفه بالحاله دى ربنا معاكى  .

ديلان خافت جدا ودخلت بخطوات متوترة 

ديلان بخوف : حضرتك كنت عايزنى فى حاجه يا استاذ الياس .

إلياس فجاءه قام من مقعده واقترب منها  وهى توترت منه اكثر.

ثم اقترب الياس منها اكثر وهى ترجع للخلف إلي أن التصقت  بالحائط .

وقام  بمحاصرتها   بذراعيه الاثنان على الحائط بجانب كتفها فحاصرها تماما وبقى قريب منها .

ديلان توترت جدا من قربه لها صارت دقات قلبها تتسارع جدا وحاولت أن تهدء ولكن .

ديلان بخوف وبتقطع بكلام :  ف .. فى اى يا اس استاذ الياس حضرتك م ..مقرب كدا ليه .

إلياس : اى اللى انتى عملتيه تحت ده .

ديلان بخوف : اى اللى عملته وبعد اذنك ابعد عنى شويه مش قادره اتنفس .

الياس بعصبيه : حضرتك كنتى واقفه بتضحكى بصوت عالى ليه ممكن اعرف ايه س...قطع كلامه وقوع ديلان فى حضنه اغمى عليها من الخوف والتوتر .

ديلان لم تتحمل هذا القرب ورائحته الشديدة.

الياس بخوف وخضة شديده ولام نفسه انه خوفها منه .

ثم حمل ديلان وتوجه الى الاريكة الموجوده بمكتبه وليضعها عليها بدأ يتأمل وجهها الملائكى الرقيق فمد يديه ليلمس بشرتها الناعمه كالاطفال ليتنهد من هذا الملمس المثير لغرزيته كرجل بعد عنها والتفت الى مكتبه اخد كوب من الماء وتوجه الى ديلان ليفوقها  

الياس بخوف : ديلان فوقى اى اللى حصل 

وبعد عده محاولات من الياس ...ديلان فاقت والياس ساندها لتقوم تقعد على الاريكه .

ثم انتبه لحاله و وقف ببرود ووضع يديه فى جيبه وقال : انتى كويسه يا انسه ديلان .

ديلان بتعب : اه كويسه بعد اذنك هروح على مكتبى 

وقامت لتخرج داخت مرة اخري وكانت ستقع فالياس لحقها بسرعه وامسك بخصرها باحكام مانعها من السقوط ونظرو نظره طويله فى عيون بعض انتبهت ديلان على حالها وبعدت عنه .

ديلان بتوتر : بعد اذنك .

فى اثناء خروجها الياس قال : قادره تحضرى الاجتماع اللى بعد نص ساعه ده ولا . 

ديلان ردت عليه من غير ماتلتفت اليه وقالت : اه يا استاذ الياس هحضره .

وخرجت ديلان وتوجهت الى مكتبها وحاولت تهدى نفسها فدقات قلبها تتسارع .

ديلان مع نفسها : هو فى اى هو ليه اول مايقرب منى بحس باحساس غريب اول مره احسه هو اصلا ازاى يقرب منى بالطريقه دى كدا..... اوف انا بقيت  اكلم نفسى ولا اى .....بس انا لازم اخد موقف انه ميقربش منى كدا تاني .

فاقت على نفسها وتابعت عملها .

💥💥💥💥💥💥💥💥💥💥 

 فى النادى كان ادهم واقف مع شاب 

الشاب : بجد انا مبسوط انى اتعرفت عليك .

ادهم : وانا كمان يا هشام والله .

( هشام بيكون اتعرف على ادهم فى النادى وبقى اصدقاء )

هشام : هتيجى السهره بليل ولا .

ادهم : لسه مش عارف هشوف كدا وارد عليك هشوف بابا .

هشام : ياختى بطه انت لسه بستأذن وبتخاف من بابا وماما .

ادهم : اى بخاف ده .. اسمها بحترمهم يا جاهل خلاص هاجى .

هشام : ايوه كدا يا دومى انا هروح اجيب لينا اتنين قهوه من الكافتيريا وجاى .

ادهم : لا انا عايز عصير .

وكانت تاج موجوده هناك بردو مع مرام صديقتها 

تاج : اوف الحقى يا مرام البنت صافيه هنا انا بجد مش بطيقها .

مرام : ومين بيطيقها يا بنتى بصى لبسه اى واى القرف اللى عامله فى وشها ده .

(صافيه بتكون بنت رخمه ومغرورة وبتكره تاج ) .

عند صافيه كانت واقفه مع بنات.

صافيه بتشاور : هي دى شايفها عايزاكى تزقيها فى البسين  .

البنت : ماشى شوفى هعملك فيها اى .

عند تاج ......

تاج : ماما بترن هروح اكلمها .

مشيت تاج وكانت قريبه من البسين وردت على مامتها .

تاج : الوووو ايوه يا ماما عامله اى 

ورد ________

تاج : اه وصلت بس نسيت ارن عليكي . 

وفجاءه تاج صوتت وقعت فى البسين .

تاج مكنتش بتعرف تعوم ومرام كانت بتصوت وتستنجد بى اى حد ...ادهم ساعتها واقف قريب من البسين لاحظ حد بيغرق فى البسين جرى بسرعه ونط فى البسين ادهم لاحظ انها تاج وصل اليها ورافعها بس كانت تاج اغمى عليها 

وطلعها من البسين ووحطها على الارض مرام جريت عليها .

مرام ببكاء وهى بتحاول تفوقها .

ادهم حط يده على رقبتها ليشوف النبض كان نبضها خفيف جدا ومش بتتنفس ضغط على قلبها ويعملها اسعافات الاوليه وتاج مش بتستجيب نهائى .

ادهم قرب من شفايتها ليعملها تنفس صناعى بعد محاولات تاج فتحت عينها وبتكح جامد .

ادهم : انتى كويسه يا انسه تاج فيكى حاجه .

تاج : اه انا كويسه هو اى اللى حصل وبتحاول تقوم فمرام ساعدتها لتقوم .

مرام : معرفش ياتاج انتى كنتى بتتكلمى مع مامتك وفجاءه صوتى وقعتى فى البسين .

تاج : اه هو فى حد زقنى تقريبا .... يلا نمشي يامرام لازم اغير هدومي .

ادهم : يلا تعالو انا هوصلكم .

تاج : لاء مفيش داعي تتعب نفسك انا معيا العربيه بالحرس بره . وشكرا جدا لتعبك معي وخرجت .ثم خرج ادهم من النادي .

عند هشام ....

هشام : اده هو راح فين هو كان هنا من شويه ... اوف ده انا جبتله العصير .

هشام اتصل علي ادهم ليشوف ادهم قال له انه مشى .

💥💥💥💥💥💥💥💥💥💥💥💥💥💥💥💥

نرجع تانى لجاسر وغرام 

كان جاسر يتقدم وغرام تسير وراه ليدخلها من ممرات عديده حتى  يصبحو فى مكان لا يقف فيه اى من العساكر  .

فتخاف غرام من المكان ومن وجودها معاه فى هذا المكان .

 هو لينظر لها فهو من حكم خبرته  كظابط يعرف معنى هذه النظرات فهى خائفه من فكره وجودها معه فى مكان واحد .

جاسر ليضغط على احدى ازرار النور مخبأ سرى لكن سمع احد العساكر يمرو ليجذبها سريعا من يديها داخل المخبأ وقفل نور المخبأ

كانت غرام فى حضنه لان خافت من الظلام وكان حضنه دافى وجذاب لاول مره تكون قريبه منه وتكون مش عايزه تبعد عنه حست باحساس اول مره تحسه .

وجاسر اتاكد من إغلاق الباب السرى ولاقه غرام فى حضنه وعشق هذه لاحظه لاول مره حابب وجودها ومش عايزها تبعد عنه فهى كانت تحتمي فيه ليجد يديه تلتف علىها وضمها اكتر ليزيد احساسها بالامان او يزيد هو من شعوره بقربها .

غرام اخيرا اتكلمت قالت بتوتر : هو فى اى ابعد عنى يا جدع انت .

حط يديه على فمها وشاور اليها انها تسكت لان سمع عساكر بره .

جاسر بهمس : اسكتى فى حد بره .

غرام بعدت عنه : هو احنا هنفضل فى الوضع ده كتير... انا خلاص مش عايزه اقابل حد .

كانت هتخرج و هتفح الباب فامسك يديها بقوه وقال : هو مش لعب عيال هيا ..انجزى انا مش فاضى للعب العيال ده .. تعالى ورايا .

غرام بغيظ : متقولش لعب عيال ... وبعدين انت قليل الادب اوي وازى تقرب منى كدا .

جاسر ابتسم بخبث وقال : بقيت قليل الادب دلوقتى .. ما كان حضنى من شويه كان عجبك لدرجه انك مبعدتيش علي طول  .

غرام خجلت منه لان فعلا هى مبعدتش عنه علي طول وكان عجبها حضنه لانها حست معه بالامان 

غرام : طيب هنفضل واقفين كدا كتير .

جاسر يفتح الزنزانه التى بداخلها المخبأ السرى 

لتدخل غرام وترى معتز وكان وجهه ليس يبان له ملامح وجهه كله فيه علامات الضرب .

جاسر : ايه يا معتز يارب يكون ضيافتنا عجبتك ؟؟

معتز كان ينظر لغرام نظرات شهوانيه واعجاب 

معتز وهو ينظر لغرام : اه عجبانى اوى ... مش تعرفنا يا جاسر بيه مين المزه !!

جاسر قرب منه ومسكه من هدومه وقال بغيره : بص لي انا .. انا اللى بكلمك الهانم جايه تتكلم معاك وتسألك شويه اسئلة  .

معتز وهو بيغازلها : بس كدا ده الجميل يأمر

جاسر ما اتحمل اكتر من كدا لكمه فى وجهه وقال : لو محترمتش نفسك هفضل اضربك كدا 

غرام خافت من نظرات معتز لها فمسكت ملابس جاسر لتحتمى به من هذا الكائن كان جاسر رجع وقف بجوار غرام  استغرب ان غرام امسكت ذراعه فاسعد بهذا الشعور فهو بالفعل يريد ان يضمها ويحميها .

لينظر معتز لهما وقال بخبث : اجبلوكم اتنين لمون يا جاسر بيه .

غرام خجلت وخفضت عينها للارض .

جاسر : ما تحترم نفسك يا زفت انت ومال عليها وقال لها اهدى مينفعش تكونى خايفه قدام الاشكال دى هيكلوكي وانت بسكوته كدا ... وفين راحت الشجاعه اللى كانت من شويه .

نظرت له نظره شرسه وشجاعه لتنظر لمعتز وقالت : اتفضل احكيلى كل حاجه وازاى كانو بيراسلوك  والعمليات كانت بتم ازاى .

غرام قعدت تتحدث معه ما يقرب من النصف ساعه .

كان جاسر يستشيط غضبا من هذا الكائن التى تتحدث معه .

خرج كل من جاسر وغرام وذهبت غرام الى عملها 

💥💥💥💥💥💥💥💥💥💥💥💥💥💥💥

فى المساء كان عبدالله والفريق طالعين مهمه 

عبدالله بيوجه كلامه للفريق : محدش يقتحم ويضرب نار الا لما اقول .

..... بعد عده ثوانى قال : يلا اقتحام .

وبدأو يضربو نار ويقتحمو .

💥💥💥💥💥💥💥💥💥💥💥💥💥💥💥💥

سيبينا منهم ونروح لقصر الحديدى 

كانو جالسين فى الريسبشن ويشاهده التليفزيون

شهد بتوجه كلامها للجد : يا عمو خلي يونس يسيب المسلسل التركى اللى متابعاه .

يونس : يا ستى دول يفقعو المراره مش كفايه على النت بتتفرجى وكمان على التليفزيون .

شهد : ملكش دعوه انت متغاظ منهم عشان هما حلوين .

قطع حديثم دخول ادهم اليهم .

ادهم : عايزين حاجه يا جماعه انا خارج اسهر مع صحابى .

شهد : يابنى هو انت لاحقت تقعد عشان تنزل وبعدين اى السهر اللى بقى كل يوم ده .

ادهم : عادى يا ماما يعنى .. يلا باى .

وخرج ادهم ......

شهد : انا مبقتش فاهمه الواد حاسه انو هيعمل مصيبه قريب .

ضحكو عليها 😂😂😂

ورن هاتف يونس برقم عبدالله رد عليه

يونس :اى يا عم عاش من سمع صوتك 

عبدالله ___________

قاام يونس فجاءه بفزع وقال : انت بتقول اى اكيد بتهزر مش كدا .

عبدالله___________

 والتليفون وقع من يد يونس وشهد قامت هى الاخرى وقالت له : فى اى يا يونس اى اللى حصل .

يونس من الصدمه مش قادر يرد .

شهد بقت تهز كتف يونس وقالت : ماتنطق يا يونس فى اى .

يونس بضياع قال لها : جاسر اتصاب فى المهمه

..... يتبع 

❤️ البارت السابع❤️

(وقفنا فى البارت اللى فات ان يونس بلغ شهد ان جاسر اتصاب فى المهمه )

فى المستشفى 

جميع عائله الحديدى وعبدالله واقفين امام غرفه العمليات ينتظرون خروج الطبيب بلهفه لكى يطمئنوا على جاسر الذي اتصاب برصاصه في مهمته .

وكانت ورد وديلان وصلو الي المستشفى ليطمنوا على عبدالله فكان مصاب هو الاخر حيث كانت رأسه ملفوفه بشاش طبى وذراعه فى كسر ايضا واتجهوا الي عبدالله . 

ورد بخوف : عبدالله ايه الي حصل انت كويس راسك مالها وايديك كمان.

عبدالله : انا كويس اتطمنوا مكنش فى داعى انكو تيجوا .

ورد : ازاى بس منجيش انا هروح اشوف شهد اكيد يا حبيبتي منهاره . 

ورد توجهت الى شهد وقعدت جمبها و حضنتها وقالت : متقلقيش ياحبيبتي ان شاء الله هيطلع بالسلامه وهيكون كويس .

شهد بدموع : يارب انا قلبى وجعنى متحرقش قلبى عليه يارب طمني عليه . 

وتوجهت ديلان الى الياس ...الذي كان واقف بضياع وخوف على اخيه الأكبر فهو بالنسبه له ليس اخ فقط بل اب أيضا وصديق .

ديلان وضعت يدها على كتفه فهو حس بها والتفت اليها .

ديلان: متقلقش ان شاء الله هيخرج بالسلامه و هيكون كويس .

إلياس: يارب ... احم ديلان انا عارف انه مش وقته بس انا عايز اعتذر ليكى على اللى حصل منى مكنش قصدى اخوفك واتعصب عليكى ... 

ديلان : خلاص يا الياس مش وقته الموضوع ده المهم دلوقتى نطمن على اخوك .

الياس اول ما سمع اسمه منها تنح وبصلها اوى وسرح فى عيونها واسمه ليه رنه خاصه منها حاجه من جواه اتحركت تجاهها فاق على خروج الطبيب فتوجه اليه . 

وبعد حوالى ربع ساعه تقريبا خرج الطبيب اخيرا والجميع اتجه اليه .

قال يونس بلهفه : ها يا دكتور طمنى ...

الطبيب ابتسم اليهم : الحمدالله ابنك كويس وبخير وكمان يا استاذ يونس ... بالرغم ان الرصاصه فى كتفه بس كان مكانها خطير والحمدلله قدرنا نخرجها من مكانها .

شهد وهى بتمسح دموعها بظهر يديها بسرعه وقالت بابتسامه : طيب انا عايزه ادخله يادكتور اطمن عليه

الطبيب : هو حاليا هيتنقل غرفه عاديه وكمان ساعتين تقدرى تشوفيه يكون فاق بعد اذنكو. 

ورد طبطبت على كتف شهد وقالت : حمدلله على سلامته ياحبيبتى .

شهد: الله يسلمك ياورد ربنا يخليكى .

يونس بيوجه كلامه لعبدالله : يلا يا عبدالله روح انت كفايه عليك كدا انت واقف من بدرى معانا بجد مش عارف اشكرك ازاى .

عبدالله : متقولش كدا يا يونس انت عارف ان جاسر بالنسبه ليا اى بيكون ابنى ... انا هروح الاول اطمن على باقى الفريق ...بعد اذنكو .

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

نروح لمكان آخر وهو ملهى ليلى كان ادهم مع اصدقائه .

هشام صديق ادهم قال : يعم فك انت قاعد مكشر كدا ليه مقولتلك ان احنا هنسهر سهره حلوه .

ادهم بضيق : اسكت خالص انت مقلتش ان هنيجى فى المكان المقرف ده فكرت هنسهر على كافيه ... بس انا غلطان انى طاوعتك ودخلت معاك اصلا .

هشام : وماله المكان شايف المزز اوعا تكون خايف من بابا وماما .

ادهم بعصبيه : قلتلك انى بحترمهم بعدين خف شويه من القرف اللى بتشربه ده .

هشام وهو سكران مد له كوب فيها خمره : طب خد جرب بس .

ادهم طاوح الكوبايه وقال بعصبيه : انا همشى .. مينفعش اتكلم مع واحد زيك 

هشام قام بسرعه له وشده : خلاص يعم اهدى ومد له كوبايه عصيروقال: طب روق وخد اشرب العصير

ادهم : عصير بردو 

هشام : اه والله عصير 

ادهم خد العصير واتاكد انه فعلا عصير كان لسه هيشرب وفجاءه رن هاتفه برقم يونس .

يونس : انت فين .. اخوك جاسر اتصاب واحنا معاه فى المستشفى ...

ادهم : انت بتقول اى يابابا جاسر مين اللى اتصاب ومحدش بلغنى ليه اسم المستشفى اى وخرج 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

فى فيلا عبدالله الشاذلى 

كانت غرام وتاج جالسين فى الريسبشن . 

غرام : المفروض كنا روحنا معاهم يا تاج ... برن على ماما مش بترد عايزه اطمن .

تاج وهى ماسكه الهاتف كانت بتلعب عليه ببجى وقالت : يختااى هموت يعيال حد يحمينى منهم .

غرام بغيظ : انتى يا زفته هو انا بكلم مين سيبى التليفون و كلمينى .

تاج قفلت التليفون وقالت : اهو يا ختى سبته اصلا خسرت بسببك ..كنتى بتقولى اى بقى .

غرام : بقلك ماما مش بترد عايزه اطمن على بابا .

سيلا قالت : عايزه تطمنى على عمو بردو عينك فى عينى كدا .

غرام بتوتر : اه عايزه اطمن على بابا هكون عايزه اطمن على مين يعنى .

سيلا بغمزه😉 : عليا بردو انتي هتموتى وتطمنى على النمر مش كدا ...يابت قولى انك وقعتى فى حبه انا زى اختك متخافيش مش هقول لحد .

غرام بتوتر : لا طبعا حب اى انتى عبيطه يابت ...انا دخله اوضتى بدل القعده معاكو بقت تخنق .

دخلت غرام اوضيتها 

تاج : بت يا سيلا مين النمر ده اوعى تكون اختى ارتبطت من ورايا .

سيلا بضحك : ايده انتى متعرفيش اللى حصل .

تاج : لا معرفش اى اللى حصل احكى بسرعه .

سيلا: لا ده انا لازم احكى ليكى بقى ... بصى ياستى .............

غرام قاعده بتفكر هى فعلا عايزه تطمن على جاسر ومتعرفش ليه اول ما سمعت انه اتصاب قلبها اتقبض وحست احساس غريب .

غرام مع نفسها :مالك يا غرام اى الي حصل مش ده الشخص اللى مش بطقيه ليه دلوقتى عايزه تطمنى عليه ... اوف بجد ردى بقى يا ماما .

رنت مره تانيه على ورد ومردتش وفجاءه سمعت صوت والدها بره قامت وخرجت .

غرام اول ماشافت عبدالله جريت عليه وحضنته .

غرام : بابا انت كويس برن عليكو مش بتردو .

عبدالله بتعب : اه يا حبيبتى انا بخير اصابه خفيفه الحمدلله . 

غرام : واخبار باقي الفريق ايه يابابا .

عبدالله : الكل بخيراصابات خفيفه معادا جاسر وان شاء الله هيكون بخيريلا هروح ارتاح تصبحو علي خير.

سيلا نغزت غرام وقالت : ايه مالك ياغرام لونك اتخطف كدا ليه لما سمعتي الكلام .

غرام : بطلي بق رخامه انا داخله انام . 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

فى اليوم التالى فى المستشفى كانو عائله الحديدى وعائلته عبدالله الشاذلى فى غرفه جاسر

كان جاسر متسطح على السرير وفى ايده كالونا وبدء يفتح عيونه... شهد لاحظته وتوجهت اليه 

جاسر بتعب : امممم انا فين اى الي حصل .

شهد وبتوجه كلامها لجاسر: انت فى المستشفى يا حبيبى ..حمدلله على سلامتك يا حبيبي .

ادهم بمرح : اخير صحيت يانمر حمدلله على سلمتك يا راجل ليك وحشه .

وعبدالله بيوجه كلامه لجاسر : حمدلله على السلامه يا نمر خضتنا عليك .

جاسر بتعب : الله يسلمكو ايه اللي حصل .

عبدالله : الحمد لله الاصابه خفيفه يانمر شد حيلك بقي علشان ورانا شغل كتير .

غرام بلهفه: حمدلله علي سلامتك يا سيادة المقدم .

جاسر انتبه للصوت انها غرام وابتسم وقال : الله يسلمك يا انسه غرام .

قطع حديثهم رن هاتف يونس برقم اخيه زين رد عليه .

يونس : ايوه يازين وصلت 

زين : ________

يونس : احنا فى غرفه ٥١٠ يا زين .

بعد عده دقائق دخل زين وعائلته .

ودخل زين اليهم : حمدلله على سلامتك يا جاسر ...كدا يا يونس مكنتش عايز تبلغنى لولا بابا كلمنى وعرفت انت مكنتش هتقولى 

يونس : والله يازين مش فى دماغى اني أبلغ حد انا كل همى ان اطمن على جاسر 

ساندى مالت علي جاسر وقالت له بدلع: الف سلامه عليك يا جاسر انا اتخضيت عليك اوى .

نظرت غرام والبنات لها بنظرت قرف وغرام في نفسها ايه البت ده وبتكلم كدا ليه معا .

شهد لوت شفتيها وقالت : هو كويس يا حبيبتي ابعدى انتى بس وهو هيبقى كويس ...هههه منوره يا ساندى 

ساندى : بنورك يا طنط 

فيروز بخبث قعدت جمب شهد وقالت : والله يا شهد مش عايزه اقولك ساندى اول ما عرفت ان جاسر اتصاب عملت اى .... شايفه لايقين على بعض ازي مش كدا .

شهد بغيظ : مين دول اللى لايقين على بعض .. لا خالص انا شايفه انهم مش لايقين وبعدين جاسر حبيبي مش بيفكر فى جواز دلوقتى ...

غرام سمعت كل الكلام واتضايقت ووجهت كلامها لعبدالله وقالت يلا نمشي بقى يابابا 

عبدالله : بعد اذنكم وان شاء الله نشوفك في البيت يابطل .

يونس : اتفضل وتنور يا عبدالله بس اكيد انت والعائله .

جاسر ابتسم بخبث وفهم ان غرام اضايقت.

وخرج عبدالله الشاذلى

ادهم مال على إلياس وقال له : بص امك مش طايقه فيروز ولا ساندى ازاى ... دول جاين مش يطمنوا على جاسر دول جاين يشقطوا😂😂😂

💥💥💥💥💥💥💥💥💥💥💥💥💥💥💥

نسرع فى الاحداث مراسبوعين على ابطالنا بسلام وجاسر خرج من المستشفى وبدء يتاعفى وكله رجع يمارس عمله من تانى 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

وجاءت عائله عبدالله الى قصر الحديدى ليزورو جاسر 

شهد ويونس خرجو يستقابلوهم 

يونس : اهلا وسهلا يا جماعه اتفضلو نورتو 

عبدالله : ده بنورك يا يونس 

ودخلو الى القصر كان نديم موجود ليزور جاسر 

كانو واقفين مع بعض 

رأي نديم سيلا فقال بهيام : اخيرا شوفتك مره تاني يا سيلا .

جاسرضربه بالقفا وقال : مين سيلا دى يلا .

نديم : فصلتنى يخربيتك ايدك مرزبه يعم ارحمنى حته وانت مضروب بالرصاصه بتضرب 

جاسر بمكر : تحب تشوف الضرب اللى بجد .

نديم : لا يا سيدى انا بهزر هو فى حد قدك يانمر .

قطع حديثم نداء شهد لجاسر ... فجاسر توجه اليها 

نديم بصيغه مضحكه : الحمدلله شهوده انقذتنى منه 

اما اروح انا كمان ليهم فرصه انى اتكلم مع ام شعر احمر اااه يخربيت شعرك 

عبدالله بيوجه كلامه لجاسر : حمدلله على سلمتك يانمر عامل اى دلوقتى .

جاسر : الله يسلمك ياسياده اللواء حمدلله علي سلامتنا كلنا 

شهد : يلا يا جماعه السفره جاهزه اتفضلوا .

والجميع توجهوا الى غرفه الطعام وجلسوا على السفره 

شهد : اتمنى اكلى يعجبكوا انا اللى عملت الاكل مخصوص عشانكو دوقو وقولوا رايكو .

ورد : والله الاكل رائحته تفتح النفس تسلم ايديك ياقلبى .

شهد : يلا يا بنات مش عايزاكو تتكسفو وكلوا 

ردو عليها بكسوف 

كانو الشباب جالسون امام البنات كانو بيتابدلو النظرات .

جاسر كان ينظر لغرام نظره اشتياق ومكر وحشته نكشها وخناقتهم ...غرام لاحظت نظرات جاسر فتوترت جدا من نظراته وبدء دقات قلبها تعلو وتحاول تهدى .

والياس ونديم كانو ينظرلديلان وسيلا نظرات إعجاب وهم لاحظو وكانو بيحاولوا يتلاشوا نظرتهم لهم .

وادهم وتاج بقى كان كل همهم الاكل هم كانوا. بيكلو بس😂

يوونس لاحظ نظرات ولاده لبنات عبدالله فابتسم بمكر ومال على عبدالله ليكلمو وقال له بهمس : عبدالله 

عبدالله: نعم عايز اى

يونس بمكر : انت مش ملاحظ حاجه .

عبدالله: لا فى اى اخلص واقول .

يونس : بص على جاسر والياس ونديم وانت هتفهم قصدى اى .

عبدالله نظر اليهم لاحظ نظراتهم لبناته قال ليونس بغيره : اه لاحظت عايز توصل لأى يا يونس 

يونس : لايقين على بعض مش كدا يا بودى .

عبدالله بغيره عل بناته : خالص مين قال كدا .. وبعدين انسى اللى فى دماغك مش هيحصل ... انا بناتى مش هجوزهم اصلا هخليهم قاعدين جمبى .

ضحك يونس على غيرته وقال له : يعنى اى بقى كلامك ده هتعنسهم جمبك ولا ايه .

عبدالله: اه ملكش دعوه بناتى وانا حر فيهم .

💥💥💥💥💥💥💥💥💥💥💥💥💥💥💥

عند سالم كان قاعد مع راجل من رجالته

ايمن بيكون ايد اليمنى لسالم قال : ايوه يا باشا انا مش فاهم انت ايه اللى مخليك ساكت على عبدالله كل ده 

سالم : ومين قالك انى ساكت انا مهدى اللعب شويه بس قريب

هديله ضربه توقعه وهتشوف .

أيمن : ازاى يا باشا قولى على الخطه عشان ابقى عارفها .

سالم : هتعرف فى الوقت المناسب بس انت جهز نفسك .

ايمن : تمام انا جاهز في اي وقت .

💥💥💥💥💥💥💥💥💥💥💥💥💥💥💥💥

نرجع تانى لقصر الحديدى 

كانو جالسين فى الريسبشن 

يونس وجهه كلامه للشباب وقال لهم : خدو ياشباب البنات واتمشو فى الجنينه مع بعض شويه 

عبدالله فاهم يونس عاوز يوصل لى ايه قال : لا بناتى مش هيتحركو من جمبى 

شهد : ليه يا استاذ عبدالله دول هيتمشو فى الجنينه مش هيروح فى حته بعيده ...وجهت كلامها لورد : ولا ايه رايك يا ورد قولى حاجه

ورد : خلاص يا عبدالله سبهم 

يونس : يلا يا ولااااد انطلقوا 

عبدالله بص ليونس بغيظ كان عايز يقوم يضربه😂

خرجو الشباب الى الحديقه 

تاج فجأه صوتت قالت : الله مرجيحة انا هاروح اركب 

وذهبت اليها وادهم ضحك وقال : اصبري يا هبله انا جى معاكى 

جاسر كان واقف بجوار غرام مال عليها وقال لها : اكيد يا انسه غرام فرحتى لما اتصابت مش كدا .

غرام توترت من قربه لها قالت : لا وانا هفرح ليه يعنى وبعدين ابعد شويه .

جاسر : تعالى معايا هوديكى مكان هيعجبك اوى .

غرام خافت : اجى معاك فين يا عم انت .

جاسر مسك يديها وقال : قولت تعالى مبحبش اقرر كلامى ....ووجهه كلامه لالياس ونديم وقال : بعد اذنكو يا شباب شويه وجاين ومشى وهو بيشد غرام

ديلان وجهت كلامها لالياس : هو هيوديها فين .

إلياس معرفش بس اكيد مش هيبعد متقلقيش .

نديم وجه كلامه لسيلا : عامله اى يا انسه سيلا ...اكيد فكراني مش كدا .

سيلا : اه طبعا فاكرك الحمدلله بخير انت عامل ايه .

نديم : الحمدالله.... هو انا ممكن أسألك سؤال .

سيلا : اتفضل .

نديم : هو انتى ليه قاعده مع سياده اللواء فين اهلك مش قاعده معاهم ليه .

سيلا لمعت عينها وقالت له : انا أهلى متوفين .. ومعنديش اهل لان ماما أصلها من لبنان وانا معرفش عنهم حاجه وأهل بابا مش بحبهم ....وانا بعتبر اهل غرام أهلى وعمو عبدالله جبني انا وروح نقعد معاهم لانه خايف علينا .

نديم : انا اسف مكنتش اعرف الله يرحمهم ...بصراحه سياده اللواء عنده حق مينفعش تقعدى لوحدك ...انتى بصراحه قمر .

سيلا : انت بتعاكسنى يعنى بس بزوق😂

نديم .: اه دى حقيقه ..طب معلش هسألك سؤال تانى هو ده لون شعرك الحقيقى ولا صبغاه

سيلا ضحكت : لا شعرى حقيقى كانت ماما الله يرحمها شعرها احمر فأنا طلعت ليها.

💥💥💥💥💥💥💥💥💥💥💥💥💥💥

نروح لغرام وجاسر 

كان جاسر ماسك ايديها وبيشدها مره واحده نفضت يدها

غرام : انت يعم جررنى وراك على فين انا مش هتحرك من هنا الا لما تقول ليا راحين فين

جاسر بخبث : مكان بتحبيه اخلصى يلا .

غرام : مكان بحبه ... هو انا جيت هنا قبل كدا عشان تقولى هنروح مكان بتحبيه .

جاسر : خلاص خليكى هنا هروح اجبهم واجى مش هنخلص .

وذهب جاسر 

غرام مع نفسه : هيروح يجيب مين ..يلهوى ليكون هيجيب كلاب انا بخاف منهم اوى هو راح فين ....

جاسر توجه لها مره اخرى ومعاه حصانين 

غرام : الله بتوع مين الحصانين دول .. شكلهم حلو اوى

جاسر : اكيد بتوعى يلا اركبى على واحد فيهم ونتمشى بره بيهم

غرام : ثانيه بس هو فى اسطبل هنا وبتربى احصنه 

جاسر بابتسامه: اه عندى 

غرام : اما انت عندك اسطبل هنا فى القصر.. كنت بتعمل اى هناك فى الاسطبل اللى اتقابلنا فيه واخذت حصانى انا بذات يبقى كنت عارف ساعتها ان هو بتاعى صح .

جاسر : اه كنت عارف وقاصد كمان اخد حصانك عشان اعصبك هتفضلى واقفه هنا كتير اروح ارجعهم مكانهم .

غرام توجهت الى حصان وكان لسه هتركب عليه جاسر مسكها وقال لها : بلاش ده انا جيبه ليا اركبى على تانى ...ده متهور شويه .

غرام ركبت علي الحصان وقالت له : ملكش دعوه انت . ..انا خلاص اخترته .

جاسر : براحتك انا حذرتك وتوجه الى الحصان الاخر وركب عليه .

غرام : وبعدين انت ليه هتركب المفروض انك غلط عليك عشان كتفك .

جاسر غمز لها وقال : وانتى مالك لتكوني خايفه عليا .

غرام: وانا اخاف عليك ليه ان شاءالله .. وقلدته : براحتك انا حذرتك .

وخرجوا بره القصر وكانو ويتمشوا بالاحصنه وجاسر عمال يستفزها وهو بيكون فرحان انو بينكشها 

غرام بفرحه : لو تقدر حصلنى

جاسر : غرام بلاش تهور الحصان ده غبى هدى السرعه 

غرام لم تسمع كلامه وكان بتزيد من سرعتها وبتضرب الحصان بقوه ومبسوطه ...فجاءه الحصان بدء يتهور ويسرع غرام خافت وجاسر قلق لان هو عارف ان الحصان ده متهور وشتمها فى سره لانها مسمعتش كلامه 

الحصان بيسرع اكتر جاسر بيحاول يلحقها مش عارف بسبب كتفه المصاب .

جاسر بصراخ : غرام امسكى كويس بيحاول يلحقها 

ومره واحده جاسر صرخ وقال : حاااااسبي يا غرااام

.......يتبع 

❤️البارت الثامن ❤️

❤️رواية غرام النمر ❤️

(وقفنا في البارت ال فات ان جاسر بصرخ وقال حاااسبى يا غرااام . )

الحصان كان بيجرى بطريقه متهوره ومره واحده وقعت غرام من عليه . 

غرام ارتطمت جسدها على الارض بالقوه .... جاسر نزل بسرعه من علي الحصان وتوجه اليها وقرب منها . 

جاسر بلهفه : غرام انتى كويسه ....ولاحظ انها بتغيب عن الوعى وراسها بتنزف حملها  وبدء يتوجه الى القصر لأنهم كانو بعدو عنه بمسافه ما . 

جاسر كان ينظر اليها قال  لنفسه : غبيه وعنيده قولتلك متركبيش عليه  أن شاءالله هتكونى كويسه ...تعرفى انا لاول مره  اخاف انتى عملتى فيا ايه يا غرام ااااه منك . 

فى الحديقه كان واقف عبدالله ليطمئن علي بناته وتوجه الى البنات لاحظ ان غرام وجاسر مش موجودين فوجه كلامه لديلان : ديلان فين اختك غرام مش معاكو ليه. 

ديلان حست بالخوف ومردتش فالياس لحظ ان ديلان خافت فقال : مع جاسر يا سياده اللواء متقلقش . 

عبدالله بعصبيه : هو ايه اللى مع جاسر هى راحت معاه فين 

قطع حديثه دخول جاسر وهو حامل غرام . 

وتوجه الجميع الى جاسر ... وعبدالله بخوف على بنته وقال لجاسر : فى ايه يا جاسر غرام مالها وحمل غرام من جاسر 

يونس :ايه ال حصل يلا نروح المستشفى بسرعه . 

ورد بخوف : غرام غرام مالها بنتي ياجاسر. 

جاسر : هي وقعت من علي الحصان . 

الجميع توجهه الى المستشفى والتمريض حملو غرام ال غرفه الكشف . 

والكل في انتظار خروج الطبيب ليطمئنو على غرام . 

وعبدالله اخذ جاسر لوحده  وبعصبيه وقال : ايه اللى حصل فهمني وانت ازاي تخرج بيها بره . 

جاسر : كنا راكبين على الخيل بس الانسه غرام عنيده حذرتها ان الحصان اللى هتركبه متهور وقولتلها متركبهوش بس هى مسمعتش الكلام ... الحصان تهور وسرع ووقعت من عليه . 

عبدالله : متزعلش يا جاسر من تعصبي انت عارف خوفي علي البنات قد ايه بسبب التهديدات ال بتجيني . 

جاسر : اكيد فاهم ومقدر ياسيادة اللواء . 

وبعد دقائق خرج الطبيب .

عبدالله ووجه كلامه لطبيب : ها يا دكتور طمنى هى كويسه .

الطبيب :عندها كسر فى ذراعها اليمنى وفى كدمات فى جسماها والجرح اللى في رأسها محتاج خياطه ومتقلقش حضرتك هي هتكون بخير  ... بعد اذنكو. 

ورد : كل ده فيها و منقلقش كذا مره اقولها بلاش تركب زفت احصنه بس مبتسمعش الكلام .

شهد : معلش يا حبيبتى الحمد لله انها جت على قد كدا . 

وبعد ساعتين كانو الجميع موجدين فى اوضه غرام .

غرام بدأت تفوق وقالت : اااه انا فين . 

الكل اول ماسمعوها توجهوا اليها بسرعه . 

عبدالله : حبيبتى اخيرا فوقتى انتى فى المستشفى . 

ورد : خضتينى عليكى يا روحى الف سلامه عليكى . 

غرام بتألم : الله يسلمك ياماما انا كويسه ... هو ايه اللى حصل انا اخر حاجه فكراها انى وقعت من علي الحصان . 

شهد : جاسر شالك يا حبيبتى وجابك القصر وبعد كدا جبناكى المستشفى . 

غرام : شكرا يا سياده المقدم ... واسفه علي تعبك . 

جاسر :  الف سلامه عليكى ان شاء الله هتكونى كويسه .....وياريت بعد كدا متبقيش عنيده وتسمعى الكلام . 

غرام ابتسمت له وقالت : انا مش عنيده مكنتش اعرف انه متهور كدا .... انا ركبت على احصنه كتيره وكانو متهورين وكنت بعرف اسيطر عليهم ده مقدرتش اسيطر عليه . 

عبدالله يوجه كلامه لجاسر وقال :  حقيقي هي عنيده المهم الف سلامه عليكي حبيبتي . 

يونس : كدا ياغرام تخضينا عليكي الف سلامه ياقمر . 

عبدالله : انا هخرج اشوف الدكتور واسأله غرام هتخرج امتى . 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

خرجت غرام من المستشفى وعدة فتره وبدأت تتعافى شويه والكدمات راحت وفكت راسها من الشاش الطبى ووضعت بدالها لازقه طبيه وبدء الكل يرجع يمارس حياته وجاسر رجع شغله  

❤️❤️❤️❤️❤️❤️❤️❤️❤️❤️❤️❤️❤️❤️❤️

فى صباح قصر الحديدى 

كانت شهد جهزت نفسها  وخلاص هتخرج بس جاسر نده عليها

جاسر: انتى رايحه فين يا ماما 

شهد : خضتني يا جاسر هكون رايحه فين يعنى ... رايحه لورد اقعد معاها وبالمرة اطمن علي غرام 

جاسر : خلاص انا هوصلك 

شهد باستغراب : توصلني فين يا جاسر انت تمام ..من امتى بتوصلنى فى حته ....لا انا هروح مع السواق . 

جاسر : لا ياماما انا اللى هوصلك وعادى يعنى يا ماما هستناكى فى العربيه 

وخرج جاسر 

شهد قالت مع نفسه : الواد شكله تعبان اه ماهو ده مش جاسر ايه اللى حصل جاسر ويوصلني فى مكان لا ده اكيد بحلم والله فاقت على نداء يونس .

شهد : ايه فى ايه بتنده ليه .

يونس : مالك واقفه سرحانه كدا ليه .

شهد : جاسر شكله تعبان يا يونس .

يونس بخضه : تعبان ماله مانا الصبح شايفه كويس .

شهد : لا مش قصدى انه تعبان فيه حاجه ... تتخيل ان جاسر عايز يوصلني بنفسه شخصيا 

يونس ابتسم بمكر : ااه يوصلك قولتى انك رايحه تقعدى مع ورد مش كدا .

شهد : اه 

ضحك يونس : زغرتى ابنك وقع وماحدش سمى عليه🥳😂😂 

شهد : مش فاهمه وقع فى ايه ما تتكلم من غير الغاز .

يونس بغمزه لها : يعنى وقع فى الحب يا قطه مش قولتلك هيجى يوم والنمر يقع 😂😂😂 

شهد : بجد روح يا يونس شكلك بدأت تخرف فى كلامك النمر بجلالته يقع فى الحب ده مستحيل يا بابا😏 

يونس : بكره تشوفى وتقولى عندك حق يا يونس. 

شهد : طيب انا رايحه بقى سلام 

وخرجت وركبت السياره وتوجهو الى فيلا عبدالله 

❤️❤️❤️❤️❤️❤️❤️❤️❤️❤️❤️❤️❤️❤️❤️❤️ 

ذهبت ديلان والجميع الى مكان المشروع المحدد لبدء عملهم وتخطيطهم العمراني لكمبوند.

و كانت ديلان واقفه مع زملائها وقطع حديثهم صوت إلياس وقال بصيغة امر : انتباااااه كلكم .

ليتجه الجميع ومن بينهم ديلان الى الياس 

إلياس بأمر لجميع المهندسين وهو يحاول يتحاشى النظر اليها : هنبدا باول كمبوند فى المشروع حضراتكم هتبدأو الشغل من دلوقتى حسب المخطط ده اتفضلوا يلا وانا هشرف بنفسى على الشغل .

قال جملته الاخيره وذهب دون ان ينظر اليها ليتوجه الجميع متفرقين الى العمل 

كان الياس واقف متراقب الجميع وكان بيحاول ينظر لديلان وكل ما ينظر اليها قلبه يدق هو حاسس بحاجه من ناحيتها .

كانت ديلان واقفه على كرسى وتحاول الوصول لأعلى الوصل للبنايه لكى تسجل طوله بسبب انها قصيره لم تستطع الوصول لاخره و بتحاول تشب .

إلياس وصل اليها وقال لها : انزلى يا انسه ديلان مش هتعرفى تطولى انا هعملها عنك .

ديلان اتخضت وكانت هتقع فالياس لحقها وامسكها بيده ووضع يديه الاخرى على ظهرها باحكام ونظرو فى عيون بعض هو سرح فى عينها الجميله الخضره خضار الزرع وهى الاخرى سرحت في عيونه الجذابه ودقات قلبهم بتتسارع فديلان انتبهت وخجلت ونزلت رأسها للارض وصارت ترجع خصلات شعرها لورا اذنها .

ديلان بخجل : احمم حاولت اوصل لاخر البنايه بس مش عارفه بسبب طولى . 

إلياس ابتسم على خجلها وارتباكها : طيب انا اعمله بدالك 

ديلان : طيب بعد اذنك 

وذهبت ديلان وهى مرتبكه وحاولت تهدى حالها وكانت ذهبه بس واقفت فجاءه بسبب وجود رائف الذي وقف امامها 

رائف واحد من الفريق قال لها : ديلان عامله ايه.

ديلان بخوف : اى يا رائف خضتنى حد يقف قدام حد كدا .

رائف بضحك : اااه انا بصراحه كنت قاصد اخضك .

ديلان ضحكت : ياعم ده انت فزعتنى مش خضتنى ... 

رائف : معلش مكنش قصدى انا عيد ميلادى بعد يومين فأنا هعمل حفله صغيرة فى فيلتى وعازم كل الفريق وهايجو ... اتمنى انتى كمان تيجى .

كانت ديلان هترد بس قطع حديثهم دخول الياس بصوته غاضب وغيرته وقال : هو انتو سايبين شغلكو وواقفين تتكلمو وتضحكوا؟؟ 

رائف : احم انا بعتذر يا استاذ الياس هو انا بصراحه كنت بعزم الانسه ديلان على حفله عيد ميلادى مش اكتر  ووجهه كلامه لديلان : هستناكى يا انسه ديلان .

ديلان: ان شاء الله يا استاذ رائف هشوف كدا وارد عليك .

ذهب رائف .

ديلان: احم بعد اذنك يا استاذ الياس هروح اكمل شغلى .

الياس: تمام اتفضلى .

❤️❤️❤️❤️❤️❤️❤️❤️❤️❤️❤️❤️❤️❤️❤️❤️ 

نروح لشهد وجاسر  كانو وصلو الى الفيلا .

شهد كانت هتنزل من السياره بس جاسر امسك دراعها .

شهد باستغراب : فى ايه يا جاسر عايز ايه .

جاسر : رايحه فين استني هندخل مع بعض .

شهد : نعم تتدخل فين معلش وانت تدخل ليه اصلا انا مقولتش لورد انك جاى معايا 

جاسر : عادى يا ماما هى اكيد مش هتقول حاجه وهى عارفه انى هوصلك .

شهد مع نفسها : الواد ده ماله ..ليكون كلام يونس فعلا صح والنمر وقع . 🧐😂😂😂 

شهد قالت له : طيب يلا ادى كلاكس للحراس عشان يفتحوا 

بعد عده ثوانى دخلوا الى الفيلا 

ورد : نورتى يا شهد بجد فرحانه انك جيتى ووجهت كلامها لجاسر : منور يا سياده المقدم .

شهد : ده بنورك يا حبيبتى والله جاسر هو اللى وصلنى فقال يدخل ويطمن على غرام 

ورد : شكرا يا جاسر والله تعبينك معانا وندهت الى الخادمه .

 جاءت جميله اليها : نعم يا مدام ورد .

ورد  : حبيبتى بلغى غرام وسيلا ان طنط شهد جت .

جميلة ذهبت وتوجهت الى غرفه البنات ودخلت .

جميلة: غرام  طنط ورد بتقولك ان طنط شهد وصلت .

غرام : ماشى يا حبيبتي هننزل .

وبعد دقائق دخلو الى الريسبشن وغرام انصدمت ان جاسر موجود .

سيلا نغزتها وقالت: اوباا سياده المقدم بيعمل اى هنا يا غرام 😉 

غرام بخجل : وانا هعرف منين تعالى نخش يلا دخلت وقالت لهم : مساء الخير 

جاسر انتبه عليها وسرح في جمالها وفى لابسها الرقيق كانت ترتدى فستان رقيق لونه اسود وفيه رسومات فرشات كان يصل لتحت الركبه وترتدى كوتشي ابيض وتضع القليل من المساحيق التجميل 

شهد وجهت كلامها لغرام : عامله ايه يا حبيبتي دلوقتى بقيتى احسن .

غرام : اه يا طنط الحمدلله بقيت احسن .

جاسر : ازيك يا انسه غرام حمدالله على السلامه .

غرام : الله يسلمك يا سياده المقدم ...احمم وانت عامل اى دلوقتى والجرح اى اخباره 

جاسر: لا بقيت احسن ووجه كلامه لشهد : طيب همشى انا يا ماما ولما تخلصي ابقى ادينى رنه هاجى اخدك .

سيلا مالت عليها وقالت بمكر : يا حنينه خايفه على جرحه اوى .

غرام نغزتها جامد وقالت لها : اسكتى احسن بدل ما اقوم اضربك .

ورد وجهت كلامها لجاسر : يا بنى اقعد شويه انت لاحقت تقعد .

جاسر : معلش يا طنط هاجى مره تانيه بعد اذنكوا .

ورد : نورت يا حبيبي ووجهت كلامها لغرام : اقومى يا غرام وصلى جاسر لحد بره .

جاسر وغرام خرجو

جاسر : هتنزلى شغلك امتى 

غرام : هنزل بعد ما افك دراعى ...وانت نزلت شغلك ولالسه .

جاسر: لا لسه مطلعتش مهمات بس بروح لما يكون محتاجنى .

وهم ماشين غرام كانت هتتكعبل فامسكت بذراعه هو انتبه وساندها ومسكها ونظرو لبعض وهوكان مركز بعيونها الجميلة وشفتيها وشعرها الجذاب الأشقر وهى كانت بتنظر اليها وكانت قلبها بيدق وفى احساس اول مرة تحسه فانتبهي على حالها وبعدت 

جاسر قال بمكر : هو انتى مش ملاحظه ان كل مره بتقعى  فى حضنى وبنقذك .

غرام بخجل : على فكره مكانش قصدى 

جاسر : طب دلوقتى ومكانش قصدك وغمز لها وقال😉 : قولى الحقيقه اول مره لما اتقابلنا كان قصدك مش كدا 

غرام بغيظ : ايده لا طبعا مكنش قصدى وممكن انت اللى كنت قاصد وقالت بغرور : واصلا كل الشباب بتجرى ورايا هتلاقيك بقى انت اللى كنت قاصد 

جاسر باستفزاز اكتر : لا والله كل الشباب بتجرى وراكى ليه ده انتى طفله وبعدين اى الضفيرة اللى عملها دى وشد الضفيرة بتاعتها وقال : يا طفله 🤪😂

غرام بغيظ : على فكره انت بنى أدم بارد ...والله انا غلطانه انى جيت اوصلك اصلا 

جاسر ضحك هو بيحب يستفزها وينكشها وقال : يلا روحى انا مش بحب اقف مع أطفال باى 

غرام اتغاظت منه وقالت مع نفسها : انا طفله ...اوف ماهو عنده حق حد عاقل وكبير يعمل ضفيرتين هو اى اللى جابه اصلا انا مكنتش اعرف انه هيجى 

❤️❤️❤️❤️❤️❤️❤️❤️

سيبنا منهم ونروح لكافيه قاعد فيه ادهم وموسي صديقه 

ادهم : يابنى انا مش فاهم انت زعلت ليه لماعرفت ان هشام هيجى يقعد معانا .

موسى : لانى بصراحه يا ادهم انا مش مستريح لى ...وبعدين ومن امتى وانتو صحاب دى انت عرفته عن طريق النادى خلاص بقى صحبك بص يا ادهم انا بحذرك منه بحسه مش مظبوط وانت بصراحه اتغيرت خالص من ساعت ما صحابته بقيت تروح ملهى ليلى من امتى واحنا كدا .

ادهم : عادى يعنى يا موسى هو انت يا بنى خطيبتي وانا معرفش اى الغيره اللى ظهرت عليك ..وبعدين مش علي طول بنروح وعادى يعنى ما كل الشباب بيروحوا . .

موسى : برحتك يا ادهم بس انت مش ملاحظ اهمالك لدراستك انت اتغيرت خالص ...ده أنت يا ادهم كنت مابتسبش ولا  محاضره الا لما تحضرها دلوقتى بقيت متحضرش محضرات اصلا عموما ياصاحبى اانا عشان خايف عليك وبحبك بنصحك نصيحه لوجه الله ...فوق يا ادهم انت هتضيع نفسك ..انا همشى مش عايز اقعد مع اللى اسمه هشام ده باى .

ذهب موسى وهشام وصل لادهم وقعد .

هشام : ازيك يا دومى عامل ايه و ايه اخبارك .

ادهم كان بيفكر فى كلام موسى انه فعلا اتغير واهمل فى دراسته وفاق على صوت هشام  : الحمدالله انت عامل اى  .

هشام : امال فين صاحبك اللى كنت بتقول عليه .

ادهم : مشى جاله ظرف واستأذن .

هشام : اممم طب بقولك اى فى سهره انهارده جامده هتيجى طبعا مش كدا في مزز اى مش عايز اقولك .

ادهم بزهق : لا مش جاى هو انت اى يااخى كل حياتك كدا مفيش غير انك تسهر وبس 

هشام : فى ايه  يا ادهم مالك اى اللى حصل مانت ديما بتيجى معايا اى سهره 

ادهم : لا انا انهارده مش هروح وبعد اذنك لان دلوقتى ورايا محاضره بعد شويه باى 

ومشى ادهم وهشام اتغاظ منه اوى ومشى ادهم وهشام اتغاظ منه اوى ورن هاتفه برقم مجهول .

هشام : ازيك يا باشا عامل اى .

مجهول : هاااا ايه الاخبار  ادهم بياخد المخدرات بانتظام ولا .

هشام اه يا باشا متقلقش كل حاجه ماشيه زى مانت عايز بدأت الجرعه توصل لجسمه انا بعمل اللى عليا وزياده

مجهول : برافو عليك يا هشام كمل انت...انا عايز ادهم يكون اخر الشهر ده  يبقى مدمن فاهم !!! 

هشام : ايوه يا باشا فاهم ....بس انا عايز أسألك سؤال هو انت ليه اخترت ادهم ومخترتش حد تانى من ولاد يونس الحديدى 

مجهول : لا نه يا غبى اخواته غيره وكانو ممكن يكشفوك بسهوله.... وبعدين يونس اكتر واحد بيخاف عليه هو ادهم فهمت بقى يا ذكى ليه اخترت ادهم بذات عشان هو الوحيد اللى فى ولاد الحديدى تعرف تضحك عليه وانا بقى اكون ضربت ضربه ليونس الحديدى....... ان ابن الشهير الرجل الأعمال يونس الحديدى بيتعاطى مخدرات وبقى مدمن وطبعا هيكون يونس مدمر ساعتها عشان سمعته وعشان ابنه .

هشام : اه فهمت يا باشا ده انت عليك دماغ مش على ابليس نفسه .

المجهول : انت هتنسى نفسك ولا اى احترم نفسك واعرف انت بتتكلم مع مين

هشام : انا اسف يا باشا مش هتتكرر تانى 

قفل المجهول فى وجه وابتسم بشر وقال : قريب يا يونس حياتك الحلوه اللى انت عايشها هتتقلب وهتشوف ....نشوف بقى لما تعرف ان ابنك بيتعاطى مخدرات هتعمل اى😈😈

❤️❤️❤️❤️❤️❤️❤️❤️❤️❤️❤️❤️❤️❤️❤️❤️ 

وفي المساء فيلا عبدالله الشاذلى 

كانو جالسين في الريسبشن و رن جرس الباب الخادمه التفت الى الباب وفتحت فدخلت سيده كبيره فى العمر بتكون ام عبدالله ومعاها كاميليا اخت عبدالله .

عبدالله بيوجه كلامه ل جميله الخادمه : مين يا جميله .

التفت ام عبدالله الى الريسبشن وقالت : ده انا يا سياده اللواء .

عبدالله: ماما وقام حضنها وقال وحشتني يا امى عامله اى .

كاميليا  : قولنا نسأل عليك احنا بما ان انت نسيتنا .

عبدالله التفت اليها وحضنها وقال : معلش كان غصب عنى عندي قضيه مشغول بيها .

(نعرفكم بقى 

سمر ام عبدالله: ست طيبه وحنونه وبتحب عبدالله اوى وورد وبناتها .

كاميليا: هى بتكون اخت عبدالله هى مطلقه وعندها ولد وهي مثل امها طيبه وحنونه وبتحب ورد جدا .

هما عيشين في الاسكندريه )

نرجع تانى

كاميليا بتوجه كلامها لورد : طب هو مشغول بالقضيه انتى مشغوله فى ايه  .

ورد التفتت اليهم وحضنت كامليا وقالت : معلش حقك عليك مش هتتكرر تانى ووجهت كلامها لسمر ام عبدالله: نورتى يا ماما والله اتفضلوا .

البنات ذهبوا ليسلموا علي سمر وكامليا .

والدة عبدالله: ايده مالك يا غرام يا حبيبتي الف سلامه عليكى ايه اللى حصل .

عبدالله: حادثه بسيطه يا ماما متقلقيش وقعت من الحصان

كاميليا: الف سلامه عليكى يا غرام ابقى خلى بالك المره اللى جايه يا حبيبتي .

غرام : الله يسلمكو انا كويسه بخير .

كاميليا مالت على والدتها : يلا قوليله على الموضوع .

والدة عبدالله: اصبري هقولوا انا اصلا مش عارفه اقوله ازاى اكيد هيتعصب .

كاميليا: جربى بس انتى وربنا يستر .

عبدالله: هو فى حاجه ولا ايه مالكو بتتوشوشو علي ايه .

كاميليا : هااا اصلا ماما عايزه تقولك على حاجه .

والدة عبدالله : بص يا عبدالله من الاخر كدا احنا زيارتنا ليك عشان نبلغك على حاجه . ... هو انا عارفه ان اللى احنا عاملنا غلط بس الظروف اجبرتنا على كدا .

عبدالله: فى ايه  يا ماما قلقتينى

والدة عبدالله: احمم جاين نقلك ان كامليا اتجوزت يا عبدالله .

عبدالله قام من مقعده : ايه ايه اللى انتى بتقولى ده ياماما اختى تتجوز  ومتقولوش .....وكمان جايه تتجوز بعد العمر ده كله 

كامليا : ايه فى ايه يا عبدالله وماله لما اتجوز دلوقتى ربنا عوضنى براجل كويس غير المقرف اللى كنت متجوازه 

عبدالله: انا مقلتش حاجه يا حبيبتي..انا من حقى اعرف ان اختى تتجوز وغير كدا كنت اقعد معاه الاول .

كاميليا: ما هو احنا جاين علشان نعرفك كل حاجه عنه ... وبعدين انا مكنتش هتجوز دلوقتى بس حصلت ظروف ابنى كان هيسافر وشرط انى اتجوزه قبل مايسافر ...وهو قعد مع ماما وابنى وارتاحه له متقولى حاجه يا ماما .

والدة عبدالله: ان جيت للحق ياعبد الله  هو راجل كويس ده جاب لاختك فيلا كتبها باسمها وكمان جاب لابنها شغل وسافره بره هو راجل كويس ومحترم والله وواخد باله مننا جدا.....

عبدالله: بس بردو المفروض انكو تبلغونى ....

كامليا : معلش ياعبدالله الموضوع جه بسرعه وهو كان مستعجل .

عبدالله: انا عاوز اعرف كل حاجه عنه 

كامليا : هو ________________

عبدالله بصدمه قام وانتفض من مكانه : قولتي مين 😳😳 😳........يتبع 

بقلم جنة ياسر ✍️✍️

❤️❤️❤️❤️❤️❤️❤️❤️❤️❤️❤️❤️❤️

❤️البارت التاسع ❤️

❤️رواية غرام النمر ❤️

(وقفنا فى البارت اللى فات ان كامليا قالت لعبدالله الاسم وعبدالله اتصدم اول ما عرف اسمه)

كامليا وقالت : اسمه سالم رياض يا عبدالله 

عبدالله قام وقال بصدمه : قولتى مين 

كامليا باستغراب: فى اى يا عبدالله بقولك اسمه سالم 

كان عبدالله فى حاله صدمه وذهول سبهم ودخل اوضه المكتب وكان متعصب ومش عارف يعمل ايه هو مكنش يتصور انه ممكن سالم يعمل حاجه زى كدا مش عارف يفكر دماغه وقفت وعبدالله مسك تليفونه وقام بالاتصال بسالم ورد عليه 

سالم قال : اهلا يا غول المفاجاءه وصلت ليك مش كدا اكيد متصل عشان تباركلى .... كدا يا عبدالله تخبى عنى ان ليك اخت جامده انا تعبت جدا عقبال ما وصلتلها ههههه 

عبدالله بشر😈 : صدقنى يا سالم مش هسيبك  انت جبت اخرك معايا قريب جدا نهايتك هتبقى على ايدى وهتشوف اوعى تفكر باللى انت عملته ده هيكسرنى لا فوق انت متعرفش انا مين انت اللى بدأت اللعب يا سالم مترجعش تعيط باللى هيحصل انا لحد دلوقتى ساكت ومعملتش حاجه مش انت كل ده عشان عايز ابنك اوعدك قريب ابعتهولك فى كفنه .

سالم المره دى خاف هو عارف كويس مين هو الغول وممكن فعلا يعمل كدا 

عبدالله : ايه سكت ليه خوفت مش كدا 

سالم بسخريه : ههههه اخاف لا مش سالم رياض اللى يخاف يا غول هو انت ناسى  ان اختك بقت مراتى وله اقولك بلاش اختك خلينا فى بنتك القمر الواد معتز قال ليا انها جامده وشبهك يا غول خلاص قريب جدا مش هتشوفها فاشبع منها يا عبدالله كويس .

عبدالله بخبث : جرب تعملها وانا ساعتها هندمك على عمرك كله وبلاش تقف قصاد الغول وانت عارف كويس مين هو  .....بكره ورقه طلاق اختى تيجى سامع ولا 

سالم : موافق اطلق اختك بس بشرط واحد 

عبدالله جاب اخره خلاص وبيجز على اسنانه : اتزفت اقول شرطك

سالم : ههه حاضر شرطى الوحيد اننا نتواجه يا غول اصلك وحشتنى اوى 

عبدالله بشر: بس كدا قول مكانك وانا هجيلك ده انت اللى وحشتنى يا راجل 

سالم : هههه حاضر هبعتلك الميعاد والمكان فى رساله بس طبعا انت هتكون لوحدك لو حسيت فى لحظه ان فى غدر منك متلومش غير نفسك 

عبدالله جز على اسنانه بغيظ وقال : لا متقلقش هو انت تعرف عنى كدا ........بكره ورقه طلاق اختى تبقى عندي سامع !!! 

سالم بخبث : من عيونى هو انا هعوزها فى ايه ماخلاص خدت منها اللى انا عايزه هى كانت نزوه مش اكتر ههههه سلام ياغول .

وقفل سالم فى وجهه وعبدالله اتعصب جامد وحدف التليفون على الارض وشتم سالم وتوعد له .

وخرج لبره وتوجه اليهم مره اخرى  بغضب ووجه كلامه لكامليا : تعالى يا هانم عايزك فى اوضه المكتب  .

دخل وكامليا خايفه ومستنيه عبدالله يتكلم 

عبدالله بعصبيه : هتفضلى ساكته كدا كتير احكيلى ازاى استاذ سالم وصل ليكى واتعرفتو ازاى .

كامليا بخضه وخوف : حااضر هحكيلك 

(فلاش بااك 

كانت كامليا قاعده فى النادى لوحدها ومستنيه صحابها ... دايما كامليا بتروح النادى وبتقعد فيه .

سالم وصل اليها وقال لها : مساء الخير

كامليا باستغراب: مساء النور فى حاجه

سالم بخبث : معقول مش فكراني يا كامليا مش انتى كامليا الشاذلى .

كامليا: اه انا كامليا الشاذلى انت تعرفنى منين .

سألم قعد وقال لها : انا بكون سالم رياض  صديق عبدالله ويمكن اكتر من الأخوات ازاى متعرفنيش .

كاميليا بخجل : سورى معلش اصل انا بعيده عن عبدالله شويه بقالنا كتير متكلمناش ولا روحت عنده ....اهلا يا استاذ.....سورى قولت اسمك ايه

سالم : سالم  بصى يا كامليا انا مش هخبى عليكى انا كنت بحبك من زمان اوى حتي قبل ماتتجوزى جوزك والمفروض انى فتحت عبدالله بالموضوع بس هو رفض ومعرفش ليه المهم انتى اتجوزتى وانا طبعا زعلت وسافرت عشان اقدر انساكى متعرفيش كنت بحبك قد اى وبعد سنتين عرفت انك اتطلقتى وطبعا فرحت بس ساعتها كان صعب جدا انزل مصر.... ولسه نازل قريب واول حاجه عملتها جبت معلومات عنك ساكنه فين واى الإمكان اللى بتروحيها عشان اقدر اقبلك .... ودلوقتى هرجع اطلبك من تانى انا عايز اتجوزك يا كامليا .

كامليا بخضه: بصراحة انت فجأتنى جدا وانا معرفش انك طلبتني قبل كدا من عبدالله ....انا دلوقتى مش هعرف اديك رد انا عندى ابن وهيبقى شكلى اى قدامه لما اقوله انا عايزه اتجوز هفكر الاول وبعدين هرد عليك .

سالم : انا مش عايزك تستعجلي.....براحتك وبلاش تبلغى عبدالله دلوقتى بالموضوع بلغى لما نتجوز .

كامليا: ازاى يعنى مقولوش  اما انت هتقد مع مين لا لازم يقابلك وتقعد معاه

سالم : مانتى قولتى انك عندك ابن انا هطلب ايديك من ابنك ومامتك وبلاش تبلغى عبدالله خليها مفاجأة ليه ده هيفرح اوى اكيد .

كامليا : ماشى هشوف ماما وهرد عليك

المهم عده فتره وجه يوم جواز سالم وكامليا .

المأذون قال جملته الشهيره ''بارك الله لكما وبارك عليكم وجمع بينكما في خير ''

سالم قام حضن كامليا قال : مبروك يا حبيبتي واخيرا .

كامليا بخجل : الله يبارك فيك.

والدة عبدالله: مبروك يا كامليا بس كنا المفروض خدنا رأى عبدالله بالموضوع ده

سالم بخبث : ما هو يا حماتى كدا كدا هيعرف وبعدين احنا اتجوزنا بنأئن علي طلب ابن كامليا لان خلاص هيسافر .... انتي ابقي روحي وبلغيه وهو اكيد هيفرح 

ووجهه كلامه لابن كامليا: مش يلا يا بطل عشان تلحق طيارتك .

( ملحوظه سالم كل اللى قاله لكامليا كدب هو مش بيحبها ولا راح يطلب ايدها من عبدالله هو رسم على كامليا  وانه يتجوزها عشان يضرب ضربه لعبدالله ....اتمنى انكو متهوش وتتلغبطو كامليا بتكون اخت عبدالله يا جماعه عشان الناس اللى ممكن تتوه )

بااااااك

كامليا : بس كدا هو ده كل اللى حصل 

عبدالله ضحك باستهزاء : وانتى طبعا صدقتي الفيلم اللى اترسم عليكى

كامليا: فيلم اى انا مش فاهمه حاجه 

عبدالله  : انا هفهمك 

عبدالله حكى لكامليا كل حاجه عن سالم طبعا احنا عارفين قصته وحكى لها انو بيهدده ببناته وكمان كان عبدالله مسجل المكالمات اللى مابينهم فسمعها ليها .

كامليا بصدمه : انا بجد مش مصدقه كل ده يطلع منه هو انا لى حظى وحش كدا ...طب انا ذنبي اى ....ليه عمل كدا فيا ....اسأل ماما كان بيعمل اى ده كتب ليا فيلا وسفر ابنى وكل ده كان كدب .....

عبدالله : اه  كل ده كدب وانا طالب منك لحد ما تطلقي انتي وماما هتفضلو هنا معيا سامعه !! 

❤️❤️❤️❤️❤️❤️❤️❤️❤️❤️❤️❤️❤️❤️❤️❤

وفي اليوم التالي في شركة الحديدي كانت ديلان تقف مع رائف لتعتذر له عن عدم ذهابها عيد ميلاده وفى تلك اللحظه وصل الياس وسمع حديثهم .

رائف : انا استنيتك امبارح فى حفله عيد ميلادي مجيتيش ليه .

ديلان : اه نسيت معلش ابلغك انى مش جايه انا اسفه حصلتلى ظروف .

قطع حديثهم دخول الياس ونظر لهما نظره غير مفهومه ثم طلب منهم الاجتماع بفريق العمل ككل بعد نصف ساعه ونظرلديلان بطرف عينه ثم ذهب 

وبعد نصف ساعه فى الاجتماع قال الياس : انا مجمعكم انهاردة عشان اقولكم علي اجمل خبر حصل للشركة وهو حصول مشروعنا اللي قمنا بيه علي جايزة التميز الهندسي المقامة من الدولة وبالمناسبة دي كلنا مدعوين لحفلة استلام الجوايز المقامة في فندق ــــــــــــ 

والجميع فرحوا بهذه الجائزه وتبادلوا المباركات بينهم ثم خرجوا من غرفة الاجتماعات ومن بينهم ديلان فوقفت علي أثر صوت الياس وهو يطلب منها الانتظار

ديلان : خير يا استاذ الياس فى حاجه 

الياس قرب منها و وقف امامها وقال : لولا وجودك ياديلان وفكرتك للمشروع مكنش ده حصل وده اضافه كبيره لشركتنا وبجد مش عارف اشكرك ازاى  .

ديلان بخجل : احم ... شكرا لحضرتك انا معملتش حاجه والحمدالله احنا تعبنا فى المشروع فربنا كرمنا كلنا .

الياس بتوتر : ااه طبعا ... اشوفك فى الحفله .

ديلان : ان شاء الله هشوف رأى بابا الاول 

الياس بخبث : انتى لازم تيجى ياديلان دى حفله عمل مش حفله عيد ميلاد .

ديلان بفهم وثم نظرت له نظره طويله ثم كانت ستتكلم قطع حديثهم دخول رانيا السكرتيره بصدمه انتي هنا يا ديلان ثم وجهة كلامها لليأس: بشمهندس الياس .. يونس بيه عايز حضرتك فى مكتبه .

الياس : تمام يا رانيا ووجه كلامه لديلان : ديلان لو حابه بابا يكلم عمو عبدالله ويقوله على موضوع الحفله وقال بابتسامه : وانا بنفسى ممكن اوصلك .

ديلان : انا مش عارفه بابا هيوافق .... وانا مش عايزه اتعب حضرتك انا لو بابا وافق ممكن اجى بالحرس ... بعد اذن حضرتك وخرجت ديلان الى مكتبها .

والياس خرج ورانيا قالت مع نفسها : هو فى ايه اول مره الياس يطلب من حد يوصله ولاء وكمان مصر انها تيجى معقول انو معجب بيها ... وقالت بخبث😠 : لا استحاله الياس يكون لغيرى لازم اعمل حاجه انتى طلعتيلى منين يا ديلان صدقينى لو اللى فى دماغى حصل هيبقى موتك على ايدى ... الياس هيكون ليا ومش هيبقى لغيرى .

ديلان كانت بمكتبها بتابع عملها لاحظت حد بيخبط فسمحت له بالدخول .

كان يونس دخل وقال بضحك : ممكن اقعد مع البشمهندسه بتاعتنا شويه .

ديلان قامت من مقعدها وتوجهت اليه وسلمت عليه وقالت : ازيك يا انكل كنت تقولى ان حضرتك عايزنى كنت جيت لحضرتك فى المكتب .

يونس : وفيها اى لما اجى اقعد مع القمر بتاعنا .... بصراحه انا جى انهارده ياديلان اشكرك على مجهودك الياس قال ليا ان انتى السبب فى نجاح المشروع  .

ديلان بخجل : شكرا لحضرتك ياعمو انا معملتش حاجه والله دى شهاده اعتز بيها انى انا لسه فى اول الطريق 

يونس بمكر : انتي مجتهده وشاطره بالتوفيق ليكي و شدي حيلك ياديلان انا شايفك في حتة اكتر من موظفة..... اه بالنسبه للحفله  انا ظبطت مع عبدالله ان الياس هيوصلك ويروحك .

ديلان : تمام يا انكل انا مش عايزه اتعب البشمهندس الياس معايا .

يونس : لا عادى يا حبيبتى عشان كمان يبقى عبدالله مطمن عليكي....يلا هسيبك بقى تعملى شغلك وخرج يونس وكانت رانيا السكرتريه ماشيه ولمحت خروج يونس .

رانيا مع نفسها  : ايده هو البشمهندس يونس بيعمل ايه هنا وخارج من مكتب ديلان ليه ومن امتى اصلا بيخش مكاتب المهندسين ...لا بقى كدا فى حاجه .... ممكن تكون ديلان تقرب ليهم ولا ايه ...انا لازم اعرف وتوجهت الى مكتب ديلان ودخلت

ديلان كانت فرحانه من كلام يونس وفجأه لقت رانيا السكرتيره أمامها وقالت:  ازيك يا ديلان تعرفي الياس بيه طلب مني وأصر اني اول واحده اكون موجوده في الحفله .

ديلان بعدم اهتمام : احم انتي بتقولي حاجه يارانيا .

رانيا بغيظ  فهمت ان ديلان مش مهتمه بكلامها .

رانيا بغيظ : بقول انك هتروحى الحفله ولا 

ديلان : اه ان شاء  

💫💫💫💫💫💫💫💫💫💫💫💫💫💫💫💫💫

وفى كليه تجاره انجلش كانت تاج متعبه بشده وغير قادرة علي المشي كانت هى وصديقتها و طلعين على الدرج الى مكان المدرج لان عندهم امتحان .

مرام صديقتها : تاج انتى كويسه شكلك تعبانه اوى ماتيجى نروح العياده اللى هنا دكتوره تشوفكٍ .

تاج بتعب : لا انا كويسه يلا عشان الامتحان

كان ادهم و صديقه موسى هناك ايضا وكانو خرجين من المدرج وكان قريب من المدرج  الموجود فيه تاج وصديقتها 

ادهم بيحاول يكلم موسى صديقه : يابنى اصبر بقى هفضل اجرى وراك ماتقف تكلمنى موسى وقف : نعم عايز اى يا استاذ ادهم .

ادهم باستغراب : استاذ... فى ايه يا موسى أيه المعامله دى من امتى وانت بتتكلم معايا كدا ايه اللى حصل لكل ده .

موسى : والله يعنى انت مش عارف ووقف امامه .. كام مره اقول ليك ابعد عن هشام انا مش مرتحله وبردو بتكلمه وكمان بتسهر معه صدقنى ياادهم انا مش مطمن ليه .

ادهم لا حظ  وصول تاج  الي المدرج ففرح بوجودها لانه لم يقابلها منذ فترة كان مفتقد مناغشاتها معه  .

ادهم قال لموسى : نبقى نكمل كلامنا بعدين ياموسى .وذهب 

موسى قال مع نفسه : ماشى يا ادهم براحتك اتهرب بس بردو لازم ابعدك عن هشام .. انا مش مرتحاله .

ادهم ذهب لتاج كانو داخلين المدرج بس تاج وقفت لان ادهم نده عليها .

ادهم وصل اليها وقال : ازيك يا انسه تاج عامله ايه ؟؟؟

تاج كانت على وشك اغماء وقالت له : انا الحمدالله بخير .

لم تكمل كلامها ومره واحده امسكت راسها واغمى عليها ادهم لحقها بسرعه بخوف عليها قبل ما تقع على الارض .

ادهم بخوف : تاج ايه اللى حصل فوقى 

مرام بخوف على صديقتها : تعالى يا ادهم نوديها المستشفى بسرعه .

موسى كان لسه واقف فشفهم وتوجه اليهم قال في ايه يا ادهم مالها الانسه .

ادهم شالها وقال : يلا بسرعه الي المستشفى وتوجه الى سيارته و ركبها فى المقعد بجواره وركب هو الاخر وتوجه الى المستشفى وبعد نص ساعه وصلو ادهم شالها ودخلو و الممرضين خدوها الى اوضه الكشف .

ادهم بيوجه كلامه لمرام : هو ايه اللى حصل يا انسه مرام ايه سبب انها يغمى عليها .

مرام : معرفش هى كانت تعبانه وقولتلها نروح للعياده اللى فى الكليه بس مرديتش 

وبعد وقت خرجت الطبيبه اليهم .

وتوجهو اليها ثم قال ادهم : طمنينا يا دكتوره فيها ايه .

الطبيبه : متقلقش هى حاله اغماء عاديه هى كويسه عندها دور برد شديد وحرارتها عاليه وشكلها بقالها فتره مكلتش كمان انا علقت محاليل وشويه وتفوق

وبعد ساعه كانوا فى الغرفة  التي توجد  بها تاج 

تاج بدأءت تفوق 

تاج : امم انا فين ايه اللى حصلى 

مرام توجهت اليها : حبيبتى اخيرا فوقتي خضتينى عليكى .

تاج : هو اى اللى حصل انا اخر حاجه فكرها كنا داخلين الامتحان .

ادهم وموسى تحت فى الحاسبات كانو بيدفوعوا المصاريف وتوجهو الى اوضه اللى تاج فيها ودخلو مرام كانت بتشربها عصير. 

تاج : خلاص يا مرام مش قادره ....وبعدين هنعمل اى فى الامتحان اللى ضاع علينا.

ادهم قال بصيغه مضحكه😛 : اخيرا صحيتى ده انا قولت ودعتى الحياه .... 

تاج بخضه : والله انت هتموتنى ناقصه عمر كل  مره بتخضنى متقول احم ولا اى حاجه يا اخ انت فى حد يخش كدا

ادهم : يا شيخه هو انتى لسه فيكى نفس ده انتى كنتى بتفرفرى بين ايديا ... وبعدين معندكيش زوق يا شيخه انا كل مره انقذك من حاجه ومش بتشكرينى .

ضحكت تاج وادهم سرح في ضحكتها اه كانت تعبانه بس هى بردو زى القمر 

تاج بضحك : انا مش قصدى و شكرا يا سيدى .... وبعدين ايه بتفرفرى ده 

ادهم كان لسه سرحان فموسى لاحظ نغزه بذراعه وقال : ايه ياعم رد على البنت وبعدين هتاكلها بعينك 

فاق ادهم وقال لها : دى الحقيقه اسألى صاحبتك .

قطع حديثهم رن هاتف تاج برقم ورد 

مرام : يلهوى يا تاج مامتك بترن هنقولها ايه .

تاج : ياربى هتحس علي طول انى فيا حاجه ردى عليها انتى وقولي اي حاجه انا دخلت الحمام وخلاص متقوليش ليها حاجه .

وخرجت مرام لترد عليها وموسى بردو استأذن وخرج .

تاج : يارب ماتحس بحاجه مش هخلص من اسألتها وزمان كمان السواق والحراس جم قدام الجامعه مستنينى ولو اتأخرت اكيد هيتصلو على بابا اوف بقى اعمل ايه .

ادهم :  انا نسيت موضوع الحراس دى .... خلاص انتى خلصتى المحاليل يلا تعال نرجع الجامعه ولسه فاضل ربع ساعه على معاد خروجك فاكيد لسه ماجوش .

تاج اه يلا انا بقيت كويسه 

مرام كانت دخلت وقالت لها : حاولت اخبى بس حاسه انها حست بحاجه 

تاج : خلاص ماشى يلا بسرعه نروح الجامعه قبل ماالحراس والسواق يجه

مرام ساندت تاج ونزلو .

💫💫💫💫💫💫💫💫💫💫💫💫💫💫💫💫💫

وفى المساء فى فيلا عبدالله الشاذلى 

ديلان وغرام وسيلا كانو بيجهزو عشان ينزلو مول عشان ديلان تجيب فستان للحفله 

ديلان بتوجه كلامها لعبدالله : بابا هننزل عايز حاجه .

عبدالله : لا خدو بالكو من نفسكو والحراس هتروح معاكو 

غرام : يا بابا مش لازم بقى مش هنتأخر الناس بتخاف مننا بسبب الحراس دول

عبدالله : غرام انا مش بعيد كلامى هتاخدو الحراس .

سيلا : بعد اذنك ياعمو بعد المول هروح البيت اجيب حاجات .

عبدالله : ماشى لما توصلو طمنوني.

غرام : ماشى باااى 

عبدالله بيوجه كلامه لتاج : تاج

تاج بخوف من نظراته و قالت : نعم يا بابا 

عبدالله🤨 : كنتى مع ادهم فى عربيته بتعملى ايه .

تاج🧐 : هااا انا كنت مع مين .... مين ادهم ده انا معرفش حد بالاسم ده .

عبدالله : والله متعرفيش مين ادهم ... ادهم ابن يونس تعرفي اكيد .

تاج 🤦‍♀️: ااه افتكراته اصلا انا ..... بصراحه بقى هقولك الحقيقه انا كان عندى امتحان بس تعبت فجأه واغمى عليا وادهم هو اللى ودانى المستشفى .

ورد : يلهوى اغمى عليكى ازاى وانا كلمتك ومرام ردت عليه مقلتش ليه

عبدالله قام : ومن امتى يا بنت انتى بتخبى علينا لما تكونى تعبانه ... هااا ردى 

قامت جريت وقالت : يا حج استهدى بالله هما طالعوا فجأه وله ايه اصل انا خفت ماما تقلق عليا.

عبدالله وصل اليها ومسكها من هدومها : عارفه يا شبر ونص انتى لو حصل الموضوع ده تانى ومقولتيش هعمل فيكى ايه .

تاج بتمثل التعب وقالت : اااه الحقينى ياورد جوزك هياكلنى حاسه انى هيغمى عليا تانى .

ورد وصلت اليها بتحاول تزق عبدالله عنها وقالت بضحك : خلاص يا عبدالله سبها هى مش هتعمل كدا تانى .

💫💫💫💫💫💫💫💫💫💫💫💫💫💫💫💫💫

كانت غرام وديلان وسيلا ذهبو الي المول وعملو شوبينج وذهبو الى عمارة سيلا 

فى سياره البنات 

غرام : يلا سيلا انزلى يلا جيبى الحاجه اللى انتى عايزها مش قادرين نطلع معاكى رجلى وجعانى من كتر اللف

سيلا توجهت الى العماره 

غرام بتوجه كلامها : بقولك يا ديلان انا عاوزه اتصور فى الحته اللى هناك دى جميله اوى

ديلان :  مش يابنتى انتى قولتى مش قادره تطلعى مع سيلا عشان رجلك وجعاكى من كتر اللف .

غرام : معرفش بقى حسيت انى عاوزه اتصور فجأه انزلى بقى .

وكان فى نفس الوقت جاسر والياس وصلو العماره عشان هيروحو لنديم شقته الياس قال لجاسر: جاسر الحق مين هناك مش دول ولاد عمو عبدالله 

جاسر : اه هما بيعملوا ايه فى الوقت ده هنا .

الياس: معرفش تعالى نرحلهم 

عند غرام وديلان

غرام : الحقى يا ديلان مين اللى جاى علينا 

ديلان نظرت الى ما كان بتنظر اليها غرام وقالت ايده ايه اللى جبهم هنا .

جاسر والياس وصلو اليهم 

الياس بيوجه كلامه لديلان : انتي بتعملى ايه هنا يا انسه ديلان .

ديلان : احنا مستنين صحابتنا نازله عشان هى ساكنه هنا انت اللى بتعمل اى هنا .

جاسر وقف بجوار غرام وقال : ازيك يا طفله عامله ايه مش شايف يعنى عامله ضفاير انهارده .

غرام بغيظ : ما خلاص بقى مكنتش ضفرتين عملتهم وبعدين انا مش طفله بطل تقولى كدا .

جاسر باستفزاز اكتر : لا طفله انا شايفك كدا ده هتلاقيكى عندك ٩ سنين ولا حاجه .

غرام كانت عايزه تضربه وقالت : ايه ده ٩ سنين ايه على فكره عندى ٢٣ سنه ...واوعى كدا ده انت بنادم رخم مفيش مره  نتقابل متستفزنىش .

جاسر: هجى فى مره ان شاءالله هقص ليكى لسانك اللى عايز قطعه ده .

غرام بصتله بغيظ وقالت لديلان : اتصلى يا بنتى على سيلا شوفيها خلصت ولالسه خلينا نمشى الدنيا بقت خنقه مره واحده .

ديلان بالفعل اتصلت بس سيلا مردتش 

جاسر : طيب اطلعوا ليها بدل وقفتكم دى واحنا بليل مينفعش تقفوا كدا .

غرام : لا مش هنطلع روح انت شوف وراك ايه احنا معانا الحراس .

عند سيلا فى الشقه كانت خلصت وخارجه 

سيلا : يلا ياروح احنا خلصنا وخرجوا 

كان نديم ساكن فى الشقه اللى امامها وكان نازل هو الاخر 

نديم كان بتحدث مع الياس : يابنى والله نازل خلاص ولمح سيلا وقال لها : ايه ده سيلا انتى بتعملى ايه هنا .

سيلا باستغراب : انا ساكنه هنا انت اللى بتعمل ايه هنا 

نديم : بجد يعنى انتى ساكنه هنا وتوجه اليها ونسى الياس اللى كان على التليفون .

سيلا : ااه بس انا دلوقتى حاليا قعده عند اونكل عبدالله زى ماقولتك قبل كدا .

نديم : اتصدقى انا لسه ساكن قريب وكنت همشى من العماره لانى معجبتنيش شويه حاجات فيها بس انا خلاص قررت مش همشي وهقعد فيها ....

ضحكت سيلا عليه وسرحوا فى عيون بعض .

قطع لحظتهم على صوت غاضب ويقول : اهلا الهانم اللى ماشيه على حل شعرها .........يتبع  

❤️البارت العاشر❤️

❤️ رواية غرام النمر ❤️

( وقفنا فى البارت اللى فات ان فى صوت غاضب قال لسيلا اهلا الهانم  اللى ماشيه على حل شعرها )

سيلا بخضه : انتو مين ؟؟؟؟

نديم قال لسيلا : سيلا مين . الصعايده دول يا سيلا مش  قولتى ان انتى من لبنان .

سيلا بخوف : انا معرفش .

الرجل قال بغضب : انتو بتوشوشو في ايه .

نديم وقفت سيلا ورا ضهره وقال : انتو مين عاوزين  منها ايه هي نفسها مش عرفاكو .

الرجل : احنا عمامك هو أحمد اخوي الله يرحمه مجبشي سيرتنا عنديكم ولا ايه .

سيلا : اعمامي لا انا بابا مجبش سيره خالص ان ليه اهل انتو اكيد بتضحكو عليا .

عم سيلا : هو احنا هنفضل واقفين أهنه  كدا كتير يلا ندخل الشقه 

سيلا بخوف : ايه اللى يثبتلي ان انتم اعمامي اصلا .

العم التاني : اتفضلي البطاقه اتأكدى بنفسك  وبالفعل سيلا اتأكدت أن هما اعمامها .

رن هاتف سيلا برقم غرام ردت سيلا بعيد عنهم .

غرام : يلا ياسيلا اتاخرتي ليه .

سيلا : غرام اتصلي با اونكل عبدالله بسرعه في ناس هنا بتقول انهم اهلي وانا خايفه وفي نفس الوقت اتصل نديم علي الياس وبلغه بالحصل .

سيلا : دخلت الشقه وهما معاها وكانت حور خايفه قوي وحضنها .

العم الاول : يابتي انا جيت انهاردة علشان في مشكله كبيره عندنا علينا ديون ولازم تتسد . 

سيلا : وانا بأيدي ايه احنا بابا مسبش لينا فلوس .

العم التاني : لاء يابتي احنا مش عاوزين فلوس احنا عاوزين امضي صغيره منك علي الورق ده .

سيلا : ورق ايه ده 

العم الاول : ده يابتي ورق حتة أرض صغيره جدا بتاعت جدك عاوزين نبعها ومش هتكفي طبعا بس اي حاجه تسد الديون يرضيكي يابتي نتحبس  

سيلا صعب عليها عمامها وقالت : حاضر عمي انا همض واخدت سيلا الورق تمضي جرس الباب رن .

سيلا : فتحت الباب وقالت عمو عبدالله اتفضل .

عبدالله بغيظ نظر لعمامها : انتم ايه ال فكركم باخوكم وبناته مش كفايه ال حصل السنين ال فاتت ده كلها .

وعبدالله افتكر كلام احمد

فلاش بااااااك 

احمد : عبدالله انا لازم اروح اشوف بابا وماما دول وحشوني قوي .

عبدالله : يا احمد انت نسيت انهم قالو لك متجيش هنا تاني انت ولا ابننا ولا نعرفك مادام طلعت عن طوعنا واتجوزت وحده من بره .

احمد بقلق : اكيد ياعبدالله  انا وحشتهم زي ما هما وحشوني وهيسمحوني وبالفعل احمد راح البلد لابوه وأمه ووصل البيت واكتشف انهم ماتو واتصدم وبكي بكاء شديد 

الأخ بعصبيه : انت ايه ال جابك هنا مش كفايه أن امك وابوك ماتو بسببك انت .

احمد بحزن : بسببي انا وله انت واخوك السبب انتو ال كرهتهم فيه انتم ال خلتهم يغضبو عليه كل ده علشان الارض منكم لله .

الأخ التاني : اطلع بره واحنا مش عاوزين نشوف وشك تاني خالص وابوك كتب كل حاجه لينا احنا انت ملكش حاجه هنا 

باااااااااك 

العم الاول بخوف : اتلجلج في الكلام احنا جين نطمن علي بنات اخونا الله يرحمه .

سيلا وجهت كلامها لعبدالله : اونكل عبدالله في مشكله معاهم وعاوزين اساعدهم اني امضي علي الورق ده .

عبدالله اخذ الورق وقرأ وعرف ان ده تنازل عن ألارض الكبيره اللي في البلد وكانو مفهمين احمد ان ابوهم كتبها باسمهم .

بص ليهم وقال : سيلا مش هتمضى على حاجه يعنى مش كفايه اللى انتو عملتوه فى احمد الله يرحمه وكمان عايزين تضحكو على بناته ويتنازلو عن حقهم ....لو فاكرين انكو هتعرفوا تعملو كدة تبقوا غلطانين اتفضلو من غير مطرود .

العم الاول بغضب : دول بنات مالهمش حق في حاجه احنا الوصيين عليهم .

عبدالله بعصبيه : اطلعوا بره وانا هعرف ازي اجيب حقهم .

خافو اعمامها من عبدالله وخارجو بالفعل خافو ليسجنوهم او يعمل حاجه معاهم .

سيلا بعد ما ذهبوا سيلا بخوف ليه يا عمو عبدالله مقولتش ان ليا اعمام .

عبدالله وهو بيشيل روح وقال لها : يلا يا سيلا مش وقته هبقى احكيلك بعدين ونزلوا لتحت

وكانت لسه غرام وجاسر وديلان والياس ونديم واقفين تحت امام العماره .

غرام : هو كل ده بيعملوا ايه تعالو نطلع ونشوف حصل ايه 

وفعلا كانو ذاهبون الى داخل العماره وطالعين بس وقفوا فجاء لما لأقو عبدالله وسيلا وروح نازلين .

غرام جريت على سيلا وقالت : انتى كويسه يا حبيبتي فيكى حاجه

عبدالله: هى كويسه يلا عشان نروح .

وذهبو الى الفيلا 

( ملحوظه اعمام سيلا بيكونوا من الصعيد يعرفه عبدالله لأن كان واحد منهم محبوس في قضيه تعاطي مخدرات والتاني عليه قضيه طار ومن هنا عبدالله عرف كل حاجه عنهم وبالفعل كان ماشي في قضيه ورث سيلا واختها   ) 

نرجع نكمل 

💥💥💥💥💥💥💥💥💥💥💥💥💥 

تسريع احداث ولسه لحد دلوقتى عبدالله محكاش لفريقه على مكالمه سالم ولسه متحركش فى القضية 

وبالنسبه لديلان والياس كانو بيجهزو للحفله وادهم بردو بيسهر مع هشام و وبقى يروح لى البيت  له وادهم بقى مدمن  وضايع خالص وموسى مش ساكت بيحاول مع ادهم وحس ان فى حاجه وبدء ياخد خطوه ويدور ورا هشام 

💥💥💥💥💥💥💥💥💥💥💥💥💥💥💥💥💥

فى الاداره  للعمليات الخاصة 

فى مكتب عبدالله كان جاسر قاعد مع عبدالله .

جاسر : هاااا يا سياده اللواء كنت عايزنى فى حاجه .

عبدالله: اه يا جاسر عاوز ____

عبدالله حكى لجاسر على مكالمه سالم وجوازه من اخته وتهديده لي غرام وحكى له كل حاجه .

عبدالله: انا كدا حكيت ليك كل حاجه انا محتاج تساعدني يا جاسر انت الوحيد اللى بثق فيه من الفريق .

جاسر : يا سياده اللواء احنا كدا لازم نعمل حاجه وطبعا انت مينفعش تقابله لوحدك هيبقى فى خطر على حياتك .

عبدالله: سيبك منى متقلقش عليا......انا المهم عندي  دلوقتى غرام هو فعلا ممكن يخطفها فى اى وقت لازم تبقى قصاد عنينا فده اللى شاغل بالى دلوقتى مش عارف اعمل ايه

جاسر حس بالخوف على غرام وجت فكره بدماغه وقال لعبدالله بمكر : طيب انا عندى فكره يا سياده اللواء معرفش هتعجبك ولا 

عبدالله: الحقنى بيها بسرعه .

جاسر بمكر: انا ممكن اتكلف بحماية الانسه غرام يا سياده اللواء وكمان عندى اقتراح ليك أن انا ممكن ادرب الانسه غرام تدريب فنون قتاليه هيكون حاجه كويسه  وتقوي شخصية الانسه غرام وهي بتحب الحاجات دى واكيد مش هتعترض .

عبدالله : طب ازاى هتتكلف بحماية غرام ياجاسر لا مش هينفع ...بس بالنسبه انك تتدربها انا موافق بس هنفرض انك هدربها طب بالنسبه للمهمات اللى انت بتتكلف بيها .

جاسر : متقلقش انا هقدر ارتب كل حاجه شوف حضرتك بس رأى الانسه غرام ....وكمان تبقى تعرفنى لما تروح تقابل سالم مينفعش تروح لوحدك .

قطع حديثه رساله على تليفون عبدالله برقم سالم

فتح عبدالله الرساله مكتوب فيها الميعاد اللى هيقبله فيه وكاتب له هستناك يا غول 

بص لى للرساله بشر وقال مع نفسه نهايتك هتبقى على ايدى وقال لجاسر : طيب يا جاسر هشوف موضوع التدريب وانك تكون حارس شخصي لغرام انا بقول مش هينفع انا هزود الحراس  .

جاسر : ماشى يا سياده اللواء بعد اذن حضرتك .

وخرج جاسر وقال مع نفسه : لما نشوف المره دى هتعملى ايه يا طفله معرفش انا ليه شايف انه لائق عليكي اللقب  وافتكر كلامها لما بيستفزها وضحك فاق على صوت نديم : يلهوى النمر بجلالته بيضحك وغمز له بتضحك على ايه .

جاسر : وانت مالك 

نديم : طب قولى هو سياده اللواء كان عايزك فى ايه .

جاسر ببرود : ملكش دعوه ومشى و سابه .

نديم : يخربيت برودك يا اخى  .

💥💥💥💥💥💥💥💥💥💥💥💥💥

فى المساء فى  فيلا عبدالله كانو جالسين على السفره بيتنالوا العشاء وبيكلم غرام قال ان هيكون لها مدرب هيدربها فنون قتاليه بس معرفهاش مين هيكون 

عبدالله: هااا قولتى ايه موافقه على تدريب .

غرام بفرحه : اه طبعا يابابا موافقه انت كنت عارف انى كنت عاوزه اعمل كدا من زمان .

ورد : تدريب ايه يا عبدالله وليه اصلا هى هتستفاد ايه من التدريب ده لا بلاش ومين هيدربها بقى .

عبدالله  : هو هيكون تدريب عادى عباره عن دفاع عن النفس عايزك تطمنى وكمان اللى هيدربها تعرفيه بيكون جاسر ابن يونس وشهد .

غرام كانت بتاكل مره واحده شرقت اول ما سمعت ان جاسر هو المدرب .

غرام وهى بتسعل : كح كح انت قولت مين اللى هيدربنى .

سيلا بمكر : خدى ياغرام يا حبيبتي مايه ومدت لها كوبايه مايه وقالت قالك جاسر اللى هيدربك ابن عمو يونس اكيد عرفاه وغمزت لها 😉

غرام اتغاظت من سيلا وقالت لعبدالله: بابا انا خلاص مش عاوزه ادرب مع حد .

عبدالله استغرب : ليه ياغرام مانتى كنتى موافقه ايه اللى حصل 

غرام بتوتر : اصل بصراحه انا مش عاوزه اللى يدربنى يكون جاسر وقالت مع نفسها : انا وهو مش بنطيق بعض ٥ دقايق ازاى بقى استحمله يدربنى اوف بقى 

عبدالله: ليه يا غرام ده جاسر هو اللى هيقدر يدربك كويس هو من اكفئ الظباط وكمان ممتاز جدا فى التدريب افهم ليه معترضه ؟؟

غرام مكنتش عارفه تقول ايه انها خايفه من فكرة انها تبقى معاه فى مكان واحد ولا انها بتتوتر لما بتبقى معاه فاقت على نفسها وهى بتقول : ماشى يا بابا هبدء التدريب من امتى .

عبدالله: ماشى ياغرام بكره بعد الشغل هتروحى مكان__ 

هتلاقى جاسر مستنيكى هناك  ...

ديلان وهى بتوجه كلامها لعبدالله: بابا احم بكره هيكون وسكتت 

عبدالله: عارف يا ديلان يونس كلمنى وعارفنى ان عندكم حفله فى الفندق هتستلموا جوايز وكمان ان الياس هيوصلك و هيجيبك وبعد ما تخلصو الحفله وتستلموا الجوايز هتروحو مكان تسهره فيه عشان تحتفلوا   معنديش مانع ياحبيبتي انا هكون مطمن عليكى وانتى مع الياس فكده مش لازم تخدى الحراس .

ديلان بتوتر : ماشى يابابا بعد اذنكم تصبحو على خير وقامت

غرام : ماشى وانا كمان بعد اذنكم تصبحو على خير .

ودخلت اوضتها وكانت بتفكر فى موضوع التدريب انها تروح ولا لا  سيلا دخلت عليها.

غرام : خير عاوزه ايه

سيلا غمزت لها : ايوه ياعم محدش قدك النمر بنفسه هيدربك هاااا امتى بقى تتجوزو خلصونى عاوزه افرح بيكم 😛😉

غرام اتغاظت حدفت المخده عليه وقالت : قومى يا بت من هنا انا مش ناقصاكى اخرجى بره

سيلا ضحكت عليها وقالت : ليه بس ياقلبى هو انا عملت حاجه

غرام: قولت اخرجى بره بدل ما اقوم اضربك وخافى منى

❤️❤️❤️❤️❤️❤️❤️❤️❤️❤️❤️❤️❤️

وفى الصباح اليوم التالى فى شركه يونس الحديدى كانت ديلان وصلت الشركه وهى ماشيه رانيا قابلتها فوقفت .

رانيا بخبث: صباح الخير يا ديلان .

ديلان: صباح الخير .

رانيا : جاهزه للحفله بتاعت بكره

ديلان: اه جاهزه بعد اذنك ومشيت وتوجهت الى الاسانسير .

رانيا بخبث:  هههه روحى شوفى اللى هيحصلك دلوقتى وغمزت لحد كان واقف قريب من الاسانسير ومشيت .

دخلت الاسانسير وكان الباب هيتقفل بس لاقت الياس دخل 

إلياس نظر اليها وقال : صباح الخير .

ديلان : صباح النور .

إلياس: جهزتى نفسك للحفله بكره.

ديلان : اه  ان شاءالله .

وفجأه الاسانسير وقف والنور بقى يروح ويجى ديلان اتخضت ورجعت لورا اخر الاسانسير وبتحاول تاخد نفسها قالت وهى بتقطع فى كلام : هو ف فى ايه ل ليه الاسانسير  و.وقف فجاءه انا مش ق قادره اتنفس وتقدمت قدام الباب وبقت تخبط على باب الاسانسير وقالت : حد هنا لو سمحته افتحو انا مش قادره اتنفس عندى فوبيا من الأماكن المغلقه 

إلياس تقدم لها : اهدى يا ديلان اكيد فى عطل وهيصلحه اهدى 

ديلان وهى بتحاول تاخد نفسها وقالت : مش قادره خالص مش عارفه اتنفس ارجوك اعمل حاجه خرجنى من هنا .

إلياس قرب منها وحاوطها بذراعه وقربها منه وحضنها قوى وقال : اهدى حاولى تخدى نفسك براحه .

فعلا ديلان اطمنت فى حضن إلياس وبدأت تهدى بس فجاءه إلياس حس انها بتقع بيغمى عليها نزل بيها علي الارض وقال بخوف : ديلان فوقى 

الاسانسير اشتغل والباب اتفتح إلياس بسرعه شالها وتوجه الى مكتبه 

رانيا لما شافت منظر إلياس وهو شايل ديلان غضبت بشده وفهمت ان هو كان معاها 

إلياس دخل بيها المكتب وتوجه الى الاريكه ووضعها عليه وخرج تانى وقال لرانيا : اطلبى دكتور بسرعه .

رانيا: هي انسه ديلان فيها حاجه 

إلياس سابها ودخل ورانيا شاطت وقالت : اوف هو انا مش عارفه اضيقك وبعدين هو معقول إلياس كان فى الاسانسير يووو ماشى يا ديلان هتشوفى هعمل فيكى ايه

بعد ربع ساعه رانيا خبطت على مكتب إلياس فسمح لها بدخول 

دخلت رانيا واتصدمت من اللى شافته كان الياس قاعد على كرسى امام الاريكه وماسك ايد ديلان وبيملس على احد وجنتيها 

رانيا بغيظ : الدكتور ياالياس بيه

إلياس قام والدكتور وكشف عليها الطبيب وقال الياس: ايه يا دكتور طمنى .

الطبيب :  ايه اللى حصل بالظبط 

إلياس حكى له موقف الاسانسير 

الطبيب : متقلقش مفيش اى لزوم للخوف ده مجرد هبوط في الضغط بسبب الموقف اللى  اتعرضتله انا هديها حقنه مهدئه وشويه وتفوق .

إلياس: شكرا يا دكتور ووجه كلامه لرانيا اللى كانت وقفه متغاظه قال لها : وصلى الدكتور يا رانيا .

رانيا خرجت مع الدكتور والياس قعد على مقعده تانى كان سرحان فيها كانت جميله اوى وبريئه إلياس مع نفسه : هو انتى بتعملى فيا ايه يا ديلان انا اول مره ابقى خايف على حد اول مره احس بالاحساس ده معقول اكون ....وقام مره واحده لا استحالة ده مجرد احساس وقعد على مكتبه ويمارس عمله .

بعد نصف ساعه فاقت ديلان 

ديلان : ااه انا فين .

إلياس اول ما سمع صوتها قام وتوجه اليها .

إلياس: انتى فى مكتبى .

ديلان بتقوم وقالت : هو ايه اللى حصل .

إلياس: انتى اغمى عليكى فى الاسانسير 

ديلان افتكرت اللى حصل وافتكرت لماكانت فى حضنه قالت بخجل : انا اسفه انا بخاف من الأماكن المغلقه مش بقدر اخد نفسى وبيغمى عليا على طول مش بقدراسيطر على نفسى  

الياس : احم ولا يهمك المهم دلوقتى حاسه نفسك احسن .

ديلان بخجل قالت : اه انا بخير شكرا ليك .

إلياس: احم هو ممكن اعرف اى السبب ان انتى بتخافى من الأماكن المغلقه اكيد فى سبب

ديلان نظرت له وتوترت وبتفرك بيدها هو نظر اليها حس انها متوتره  .

ديلان قالت بخجل :  انا من وانا صغيره  بخاف من الأماكن المغلقه من وانا فى المدرسه كنت ساعتها عندى ١٠ سنين و كان فى مدرس بيكره بابا اوى ومش بيحبه معرفش اى السبب فطبعا اول حاجه فكر فيها ان ازاى يأذى بابا انو يأذينا احنا انا وغرام طبعا كنا مع بعض لان احنا تؤام فى مره كنا فى حصه العاب انا وغرام كنا بنحب نطلع المكتبه نقرء قصص طلعنا المكتبه مكنش موجود حد فيها غير احنا وكانت فى ميس موجوده اللى المفروض مسئوله عن المكتبه المهم المستر نده على الميس وقالها هاتى مفتاح المكتبه انا هقعد فيها وهقفلها ممكن انتى تروحى لو عايزه وبالفعل الميس مشيت والمستر خد المفاتيح واقفل علينا انا وغرام طبعا احنا لاحظنا ان الباب بيتقفل خوفنا اوى وجرينا وبقينا نخبط بخوف وغرام حاولت تهدينى هى كمان كانت خايفه بس كانت مش بتحب تبين قدام حد انها خايفه المهم بابا عرف مكانا من الكاميرات اللى فى المدرسه ووصل لينا وعرف كمان مين اللى عمل كدا بابا مسبش المستر قعد يضرب فيه قدام كل المدرسين لحد ماالمستر مقدرش  يقوم من مكانه وخدنا وكان الكل خايف منه وكان بيبص ليهم بصه مرعبه كأنه بيقول للكل ان بناتى خط أحمر وبعد كدا عرفنا ان المستر انفصل من المدرسه وهو ده السبب بابا حاول يعالجني من موضوع الفوبيا دى بس بردو معرفتيش والموضوع فضل مأثر فيا .

إلياس بغضب : بجد انا لو كنت مكان عمو عبدالله كنت خلصت عليه .

ديلان  : احم طيب بعد اذنك يا بشمهندس انا اسفه مره تانيه على الموقف اللى حصل .

وخرجت ديلان والياس قعد افتكر لاحظتهم لما كانو فى الاسانسير ولما كانت فى حضنه وكان استنشاق رائحتها وفاق على حاله وتابع عمله .

اما ديلان دخلت مكتبها وكانت بتحاول تهدى وتسيطر على حالها كان دقات قلبها تعلو وافتكرت لما كانت بحضنه حست بالامان اول مره تحس بالامان مع حد غير والدها كانت حاسه باحساس حلو فاقت على نفسها وتابعت عملها 

❤️❤️❤️❤️❤️❤️❤️❤️❤️❤️❤️❤️❤️

نروح لغرام كانت وصلت لمكان التدريب وكانت خايفه اوى ومتوتره من فكره انو يبقى معاها دخلت المكان بخطوات توتر مكنش فى حد موجود بالمكان .

غرام مع نفسها: ههه شكله مجاش اصلا يلا احسن ....يعني يابابا ملقتش حد يدربنى غير عمو هولاكو ده ...يلا انا همشى احسن ولافت وتوجهت الى الباب لتخرج بس وقفت لما سمعت صوته 

جاسر: متأخره ربع ساعه عن معادك المفروض تكونى هنا الساعه ٢ اتأخرتى ليه يا انسه غرام .

غرام اتغاظت كان نفسها انه ميكونش موجود التفت لتشوفه بص هى انصدمت من منظره كان لابس لبس تدريب و عضلاته بارزه جدا وماسك دمبل بيده الاثنين وبيدرب هو كان وسيم جدا لاحظها انها بتبص عليه .

جاسر وهو مازال ماسك دمبل وقال بخبث : ايه يا انسه غرام هتفضلى تبصيلي كده كتير ....  عجبتك ولا ايه اول مرة تشوفي شاب وسيم وغمز لها .

غرام انتبهت على حالها ونظرت بالارض وخجلت من كلامه 

نظرت اليه بتحدى وقالت : وسيم ههه ضحكتنى شكلك مش بتبص فى مرايات خالص .

جاسر اتغاظ منها ساب دمبل وتوجه اليها هو يتقدم اليها وهى ترجع الى الخلف 

كانت غرام خايفه من شكله وتوترت وقالت : هو فى ايه انت بتقرب كدا ليه ابعد انا بحذرك 

جاسر مازال بيقرب امسك بيديه الاثنين ذراعها بقوه والصقها على الباب وهى دقات قلبها تدق جامد ومش عارفه تسيطر على حالها 

جاسر سرح فى عيونها الخضر  كانو جمال اوى وشعرها الاشقر الجذاب كان عنده شعور انه يقرب منها اكتر ويتذوق شفيتها  ولكن فاق على صوتها الغاضب غرام: انت ياعم انت اوعى كدا صدقنى انا بحذرك لو مبعتدش عنى هضربك قالت كلامها وهى بتزقه وبتحاول ترجعه لورا بس مش قادره عليه نهائى لانه زى الجبل ثابت فى الارض مهما تزقه مابيتحركش 

جاسر ضحك وقال بخبث : هههه نفسى تقولى كلام قده هتضربينى ازاى وانتى مش قادره تحركينى من مكانى .

غرام اتغاظت اوى : اوعى بقى ياخى سيب دراعى وجعنى 

جاسر بتحدى : مش انتى كنتى بتحذرينى انك هتضربينى ورينى بقى اضربينى وحاولى تبعدينى 

غرام وهى بتحاول تبعده قالت : مش قادره ايدك عامله زى الكلابش عليا مش عارفه احرك ايدى .

جاسر : افرضى حد مسكك المسكه دى هتتصرفى معاه ازاى ...هتقوليله ابعد عنى ايدك زى الكلابش .

غرام : سيبنى بقى صدقنى هروح اقول لبابا انك اتحرشت بيا .

جاسر ضحك ومقدرش يمسك نفسه وقال لها : اتحرش بيكى مره واحد انتى عارفه معنى الكلمه دى اساسا يا طفله .... طيب وانا اسيبك ليه انتى ممكن تحررى نفسك منى ومن اى حد يمسكك غصب عنك وشاور بعينه على رجلها .

غرام فهمت قصده ايه هى ذكايه جدا رفعت رجلها مره واحده وبكل قوتها ضربت جاسر مابين رجله وقتها فك ايده من على دراعها غصب عنه سابها .

جاسر عجبه ذكاء غرام جدا انها فهمته بسهوله وعجبته شجعاتها 

غرام قالت بتحدى : انا كذا مره اقولك انى مش طفله....عجبتك مش كدا انا مش زى البنات هاااا 

جاسر : منكرش ان عجبنى ذكائك جدا بس هنشوف دلوقتى 

غرام بعدم فهم : مش فاهمه

قطع كلام غرام ان جاسر مسكها ولف يده حوالين رقبتها غرام مبقيتش قادره تتنفس 

غرام : ااااه انت هتموتنى وله ايه ابعد مش قادره .

جاسر وهو بيقرب من وجهها قال: ايدى قريبه جدا من شفايفك وربنا خلق ليكى اسنان ليه .

غرام فهمت بكل قوتها وغرزت سنانها فى دراع جاسر وابتدا يسيب ايدها .

جاسر : لا طلعتى ذكيه فعلا انهارده بدأنا حاجات بسيطه بكره تيجى فى معادك وياريت متتأخريش بكره هيكون فى ماتش ما بينا ونشوف بقى قدراتك وغمز لها .

غرام بلعت ريقها وقالت : م ماتش مع مين هو انا هتدرب ولا هتعلم المصارعه .

جاسر ضحك : الاتنين عندك مانع 

غرام بغيظ : لا معنديش بس احنا انهادره معملناش حاجه بابا واخد مقلب فيك قال اكفئ ظابط وبتعرف تدرب كويس كام حركه اللى انت عاملتها دى ولا حاجه ساهلين جدا على فكره 

جاسر : والله ساهلين اممم على اساس عرفتى تعملى حاجه غير لما قولتلك تعملى ايه.....طيب بما ان انتى عاوزه تبدئى من انهارده تعالى ورايا 

غرام : وراك فين ان شاءالله 

جاسر ماشى وسابها ومردش عليها اتغاظت ومشيت وراه دخلو مكان كان فى ساحه كبيره جدا ودى متخصصه للجري 

جاسر اتفضلى ابدئى عاوزك تجرى فى الساحه دى 10 مرات وبعد كدا تنزلى 100 ضعط وبعد كدا ابقى اشوف  تعملى ايه تاني

غرام كانت مصدومه وبتحاول تستوعب اللى هو بيقوله وقالت خير : هو مين اللى هيعمل كل ده ... انت فاهم غلط انا جايه اتعلم دفاع عن نفس مش اكتر ايه لازمت الجرى وليه جاى على نفسك اوى كده 100 ضغطه بس لا انا بقول 500 احسن .

جاسر : كلمه زياده هخليكي تجرى 15مره وتنزلى 200 ضغط يلا ابدئى ومره واحده صفر للكلب غرام اول ماشافت الكلب طلعت تجرى والكلب بقى يجرى وراها وتصوت .

وجاسر بقى واقف بيضحك عليها اوى اول مره يضحك كدا 

وبعد حوالى ساعه غرام كانت بتتصب عرق وقالت له بغيظ : ياعم حرام عليك هو انا قولتلك عايزه اخس انا جايه هنا عشان ادرب زفت دفاع عن النفس عاوزه اضرب .

جاسر بيضحك عليها ومن طريقتها بطل ضحك وقال : هو ده التدريب اللى عندى .... كدا كفايه عليكى انهارده ....بكره اجهزى للماتش ياحلوه مش انتى عاوزه تضربى ....هتضربى متقلقيش 

غرام دخلت تبدل ملابسها فى غرفه الملابس وهى كانت جسمها كله وجعها قالت مع نفسها : الله يسامحك يابابا ....اشبعى ياختى مش انتى اللى كنتى نفسك تتدربى اهو البسى اااه جسمى كله وجعنى منك لله ياجاسر اشوف فيك يوم يابعيد انسان بارد معندهوش رحمه . وخرجت غرام لان تروح 

اما عند جاسر بيبدل ملابسه وافتكر كل لاحظه مرت مابينهم وبقى يضحك بصوت عالى قال مع نفسه : انتى عملتى فيا ايه انا عمرى ماضحكت بالطريقه دى مين يصدق ان النمر يضحك ده لو نديم كان موجود هنا مكانش سابنى فى حالى وكان واقف ينتظر غرام ولاحظ انها جايه ووقفها 

جاسر : اصبرى انا اللى هوصلك انا مشيت السواق والحراس 

غرام بغيظ : وانت ليه تمشى السواق والحراس وليه بقى انت اللى هاتوصلني 

جاسر : غرام انا اللى هوصلك ومش بحب اعيد كلامى  وكمان ده تعليمات اللواء عبدالله ولو حابه تتأكدى من سياده اللواء بنفسك اتفضلى اتصلى عليه واتأكدى 

غرام : بس بابا مقاليش حاجه زى كدا ليه يقولك انك توصلنى وبعدين ملاقاش غيرك ويقولك توصلنى انت لو اخر حد موجود هنا يوصلنى هرفض ومركبش 

جاسر : يابنت الناس متنرفزنيش اتزفتى تعالى يلا اكيد مش هسيبك هنا لوحدك يلا 

غرام مع نفسها : اوف بجد يعنى ليه بابا يطلب منه ان يوصلنى ده انا كنت عاوزه اخلص التدريب بسرعه عشان امشى وابعد 

قالت له : ماشى هركب بس اتأكد الاول من بابا 

وبالفعل اتصلت على عبدالله وقال لها ان فعلا هو قال لجاسر ان يوصلها خلصت المكالمه وبصت لجاسر 

جاسر : هاااا الهانم اتأكدت من الكلام 

غٍرام بصت له بقرف : ااه وتوجهت الى السياره و فتحت الباب الخلفى لتركب ....جاسر قفله وقال لها : انا مش سواق الهانم اركبى قدام 

غرام : لا انا عاوزه اركب ورا ابعد 

جاسر مره واحده شالها على كتفه وفتح الباب الامامى وركبها 🤣🤣

غرام مكنتش مستوعبه اللى حصل بقت مصدومه انه يعمل كدا 

جاسر ببرود : اربطى حزامك

غرامه بصدمه : انت ايه اللى عملته ده ازاى تعمل كدا يا حيوان انت .

جاسر مره واحد قرب منها وربط ليها الحزام الامان وهى اتخضت ورجعت رأسها لورا وهو سرح بعيونها وانتبه جاسر ورجع لوضعيته .

غرام بغضب : انت انا بكلمك انت ازاى تشلنى بالطريقه دى  .

جاسر ببرود : انا كدا انتظرى منى اى رد فعل غير متوقع .

غرام اتغاظت وقالت : انسان بارد .

جاسر ابتسم وبدأء يتحرك جاسر بص على مرايه السياره لاقه فى عربيه بتلحقهم انتبه عليهم  فسرع السرعه ليتأكد انهم بيلحقوه فعلا وله لاء

غرام انتبهت لسرعته هى خافت قالت له : ايه ده هدى السرعه شويه وبعدين ده مش الطريق بتاعنا انت رايح فين 

قطع كلامها صوت اطلاق النار صوتت وبقت تحط يدها على رأسها 

جاسر بخوف وبيسرع اكتر وبيقول لها : افتحى الطابلوه هتلاقى مسدس 

غرام بالفعل فتحت وطلعت المسدس 

جاسر : امسكى الدركسيون بسرعه 

غرام وهى بتصوت مسكت الدركسيون وقالت : هئ هئ انت فين يابابا الحقنى بنتك هتموت انهارده منك لله يا جاسر ااااه 

جاسر كان بيطلق عليهم  نار بس للاسف مسدسه رصاصه خلص جاسر مسك دركسيون وحضن غرام وحاوطها بدراعه بالكامل كان خايف عليها 

جاسر مكنش عارف يتصرف ازاى كان بيسرع جامد جدا قال بصراخ : يا ولاد ********* اهدى ياغرام بطلى صويت 

غرام : مين دول وعاوزين منك ايه 

كانت السياره اللى بتلحقهم بعدت عنهم لان جاسر كان مسرع جدا 

ومره واحده السياره وقفت خلصت بنزين فجاسر اتعصب جدا وخبط بكف يديه على دركسيون 

قال جاسر بصراخ : انزلى بسرعه العربيه خلصت بنزين 

نزلو بسرعه وجاسر مسك يد غرام ويجروا بكل سرعه 

ودخلو غابه بها زرع واشجار 

غرام مكنتش قادره خلاص هى مرعوبه سابت يد جاسر ووقفت وثم قعدت على الارض وقالت وهى مش قادره تاخد نفسها : انا مش قادرة خلاص كدا كدا هنتمسك فخلاص نستسلم احسن 

جاسر وهو بيتلفت حوليه  بيشوف هما وصلو ليهم ولا 

جاسر : غرام متهزريش يلا قومى 

غرام : لا مش قادره ومش هقوم

جاسر بعصبيه : مش وقت عناد اخلصى قومى 

ومره وحده سامعه اطلاق نار وصوت بيقول : اظهر يا نمر احنا عارفين انك هنا  .

جاسر اول ما سمع الصوت شد غرام وجريو من تانى وفجاءه جاسر لمح كوخ صغير فتوجه اليه

غرام وهى خلاص على وشك يغمى عليها 

غرام : يا استاذ نمر باشا ممكن تسلم نفسك ونخلص من ام الليله دى 

جاسر : اسكتى خالص هيسمعونا 

جاسر وغرام وصلوا الى الكوخ كانو هيدخلو

بس سمعوا صوت من وراهم يقول : انتو رايحين فين .......يتبع 

تكملة الرواية من هناااااااا