رواية بنات للحراسه الفصل 6-7-8-9-10بقلم نوران احمد (جميع الفصول كامله)

رواية بنات للحراسه الفصل 6-7-8-9-10بقلم نوران احمد (جميع الفصول كامله)

رواية بنات للحراسه الفصل 6-7-8-9-10بقلم نوران احمد (جميع الفصول كامله)

بنات للحراسه 6

بقلم نوران احمد 

الدكتور : حرارتها عاليه  جدا وخدت دوا وان شاء الله هتكون كويسه 

بص عليها بحزن 

فارس 

متلمش نفسك البنت دي عنيده جدا  والي حصل ليها ده بسبب دماغها النشفه مش بسببك 

كانت سلمي وتامر واقفين قلقانين عليها بره 

طلع فارس وسيف وفضل سيف يراقبها من بعيد لحد ما اطمن عليها اول ما فاقت حضنتها سلمي 

سلمي : خوفتيني عليكي جدا يا جزمه انتي اوعي تعملي كدا تاني 

ميرا : متخافيش انا اجمد من كدا بكتير يا حبيبتي 

خرجو وسابوها ترتاح وتاني يوم لبست وجت تخرج شافت فارس مع راجل عجوز  وقفت تسمعهم 

فارس : مش قادره تسامحني ابدا مهما اعمل ومهما اقول 

العجوز : طبيعي يا ابني هي عنيده انت محتاج تصبر اكتر وتفضل وراها متباسش ابدا من انك تحاول مع شخص بتحبه 

ابتسم فارس ومشي حست ميرا بحاجه غريبه  وفضلت وراه 

العجوز : تعالي يا ميرا  طلبت ليكي قهوه قهوتك اي صحيح  ومشي 

بصت ميرا واستغربت الراجل ده وطلعت علي  السكن بتاعها اول ما دخلت جري عليها البنات وبدؤو يحضنوها بفرحه 

جنا : يا بختك ابو عضلات كان جنبك طول الوقت اول واحد بدأت اكراش عليه حبك انتي يا خساره 

ندي : ده علي اساس انك عتقتي حد عايزه تفهميني انك مش معجبه بحد غيره 

اتكسفت جنا : بصراحه انا معجبه شويه بمعتز مع أنه رخم بس اهو ماشي حاله  

سلمي : باين اوي علي وشك معجبه جدا وبتقولي ماشي حاله الكلام ده لما يبصلك اصلا 

جنا : اه يا حبيبتي بيبصلي طبعا ملكيش دعوه وبعدين ما انتي ورامز مع بعض وتخرجو وتتمشو وتضحكو فاكراني مش شايفه 

سلمي : الله اكبر 5 في وشك هو احنا صحاب بس مش اكتر مفيش حاجه تانيه غير كدا 

ضحكت ميرا وندي. 

ندي  : يعني اي الشخصيه اللي هتحبيها يعني فضول انا مشوفتش حد انتي محبتيهوش 

جنا بسرحان : مدرب جميل طويل وعضلات وعنده غمزه يا خرابي عليها بس كفايه بقا عشان بتكسف وبخاف عليه من الحسد عارفين ليه  

سلمي : يا جماعه باختصار معتز بتخافي عليه من الحسد  ليه يا نغه  

جنا : اتلمي يا سلمي بخاف عليه من الحسد عشان ملك الغابه وفضلت تضحك اي مش بتضحكو ليه حسد جايه من اسد ها 

قربت كل البنات منها وفضلو يضربوها وهي تصوت  

سلمي : بنات انا عن نفسي مش شايفه اي حد احلي من رامز 

جنا : ااااه اااه الحب الحب يعني بتحبيه متقولي من بدري 

ضربتها سلمي وسكتت بكسوف 

جنا  : ها يا ندي مفيش حد كدا ولا حد كدا ها اعترفي احنا زي اخواتك بردو 

كشرت ندي : لا مش هيحصل ده ابدا ومحدش يكلمني في الهبل ده تاني 

لاحظت ميرا تغيرها وحست أن في حاجه وحبت تغير الموضوع

ميرا: مش متعوده علي الراحه دي هننزل تدريب أمتي 

جنا : محدش يجيبلي سيره التمرين والزفت ده تاني  مش مصبرني عليه إلا معتز حبيبي الغالي 

ندي : يلا يلا ننام أما نشوف بكرا هيعملو فينا اي تاني 

تاني يوم 

مايا : انتم كدا وصلتم للنهايه وهنبدا في نظام جديد تدريب علي الحراسه 

بدأ البنات تتكلم بفرحه

مايا : التدريب الاول انا هكون الشخص اللي محتاج حراسه وهيكون معايا 3 بنات اتنين ورايا واحده علي اليمين والتانيه علي الشمال والتالته قدامي وهنروح مول وهنشوف هتقدرو تعملو اي في الوضع ده 

رامز : طيب والباقي هيبقو في مهمات تانيه بردو في أماكن تانيه 

سيف : لا هيكونو في مركز المراقبه تراقبو كل حاجه و تفهمو تفاصيل المهمه نظري ودلوقتي هنبدا 

فريق التدريب التاني كانو بيحمو الراجل العجوز كانت ميرا وندي وراه و جنا قدام وسلمي في المراقبه وهما ماشيين قربت عامله وحدفت ازازه ضربتها ميرا برجليها بعيد 

خلصو التدريب 

سيف : مش وحش بس في امتحان قريب وهنشوف هتوصلو لايه  ومشي 

جريت جنا علي بتاع أمن المول 

جنا : ارجوك قول لينا المدرب مخطط لايه ها ها ها 

أمن المول : متحاوليش انا متجوز مش هتقدري تغريني بحركاتك دي 

ضحكو البنات والشباب وكانت جنا متضايقه 

مايا : كلكم فشلتم بلا استثناء وده شئ متوقع اصلا 

سلمي : فعلا الموضوع صعب زياده عن اللزوم 

مايا : وانتي فاكره أن اي واحد متاجر عشان يأذي حد هيكون واضح وباين أنه جاي لده انتم بتضحكو عليا ولا بتضحكو علي نفسكم 

فارس : تعالو معايا هشرح ليكم الموضوع ببساطه 

بدأ فارس يفهموهم ودخلوا علي التدريب اللي بعده وهي سواقه العربيات وتدريباتهم علي السواقه وطريقه المشي باي سرعه ومع اي انحناء في اي اتجاه خلصو التدريب وبدأو يرتاحو 

علي شط البحر كانت ميرا قاعده مع سيف 

وفي المطعم كان رامز و سلمي 

أما جنا كانت بتبص بسرحان علي شخص معين 

معتز : عجبك اوي حلو اوي للدرجه دي يعني 

جنا : ها لا ابدا كنت ببص علي الايس كريم بس اصل نفسي في واحد 

معتز : فعلا وصلي كل حاجه عملتيها في تدريب المول علي فكرة 

جنا : كل حاجه كل حاجه علي فكرة كل ده مش حقيقي دول خونه 

معتز : لو عرفت أو شوفتك بتكلمي حد تاني هنفخك ومش هكتفي بتعليقك في اي مسمار ومشي

جنا بصدمه : اي اللي حصل دلوقتي ده هو بيغير هو بيحبني بجد بس دقيقه واحده هو اي ده اللي يعلقني في اي مسمار ليه بيعاملني معامله كيس البصل أو التوم  هو عشان قصيره شويه يعمل فيا كدا بس مش مهم وبدأت تمشي وهي بترقص وبتقول قالهالي حبيبي قالهالي وبقا بالنسبه لي بكل الناس هاااا يا جدعان مش الجواز احسن من الكلام ده تدريب اي وزفت اي هروح انام جائز احلم بيه هييييح 

علي شط البحر 

سيف : انا معرفش عنك حاجه ابدا لحد دلوقتي احكيلي شويه  عن اهلك 

ميرا : بابا وماما اتوفو في حادث معتقدش انها حادثه ابدا مش واثقه في عمي لانه طماع وعشت عند خالي شويه وبعدين عمي جه خدني اعيش معاه واتجوز ابنه كان عايزني اعيش زي الخدامه وهو ياخد اي قرار عني وياخد كل حقوقي وبيخلي ابنه يحاول يقرب مني كل شويه ولما كنت بعامله وحش كنت بتضرب وكان بيعايرني اني خدامه في بيتهم واني حته شطرنج يقدر يحركني باي شكل وفي يوم حاول يتهجم عليا حاولت أبعده بكل الطرق وقدرت اهرب منهم ومن حياتهم وأرجل لخالي 

سيف بتاثر : عمري ما شوفت أهل كدا ابدا كملي وبعدين 

ميرا بدموع : هو كمان اتخلي عني وقالي أنه مش حمل لا شيل هم ولا بلاوي من عمي ف من الاحسن تمشي من هنا 

سيف : مفيش حد في أهلك جدع ابدا كدا روحتي تاني لعمك

ميرا : لا وقفت عند صاله ملاكمه وانا ببص علي العيال بيتدربو وبدأت اعيط كنت بخاف من الرجاله وقتها وخصوصا ابن عمي شافني صاحب الصاله وسألني مالك يا بنتي ف قولت الكل اتخلي عني مبقاش ليا اي شخص دلوقتي ومش عارفه ابدا ادافع عن نفسي حتي عشان احس بالامان وقتها طلب مني ادخل وبدأ يدربني كنت بتعلم بسرعه.                     لحد ما وصلت لافضل نقطه وبدأت اشتغل عنده في الصاله بدرب بنات وبدأت اسمع مشاكلهم مع الوقت عرضت المساعده ببلاش وبعدين خدتها شغلانه بنقذهم بفلوس قدرت ااجر بيت واصرف علي نفسي ومش محتاجه اي حد في حياتي واللي هيدوس علي طرف مني هكسر رقبته بقلب بارد ولا هيهمني اي حد

سيف : رجعتي لعمك عشان حقك او حتي عشان تردي اللي عمله فيكي 

ميرا : لا بس ناويه كنت حاسه بشويه خوف بس هكسر الحاجز ده قريب وهوريهم كلهم 

سيف : ميرا انا انا بحبك بقالي فتره معجب جدا بيكي وعايز اصارحك 

بصتله بصدمه وجريت من قدامه روحت السكن وكان وشها باين عليه 

جنا : اي اي حصل اي معاكي ها عمل اي الواد الشقي ابو عضلات ها الخدود دي مش بتحمر بسهوله بردو 

ندي : انتي كويسه يا ميرا وريني حرارتك ليكون رد ليكي التعب تاني 

سلمي : مالك يا بنتي اي الجديد اللي حصل معاكم النهار ده وشك ماله 

جنا : هيييح  هحكيلك قابلت حبيبي معتز واعترف ليا بكل حاجه والولد واقع يا عيني من بدري 

سلمي : بصدمه احلفي ازاي ده تحت تهديد ولا يعني كان في كامل قوه العقليه وهو بيقول كدا احكي احكي 

بدأت جنا تحكي اللي حصل 

ندي فضلت تضحك : ده معترفش باي حاجه خالص كل اللي قاله الولد بشكل غير مباشر أنه معجب بشكل بسيط جدا قلبتيه واقع واعترف وحركات صحيح انتم البنات دراما كوين اوي 

جنا : ده علي أساس انك راجل ومتنكر معانا يعني بالنسبه ليا معني كلامه كدا وخلاص بقا 

سلمي : انا انا رامز قالي أن بالليل هنطلع انا وهو بالعربيه نتفسح شويه 

ميرا : بس ده ممنوع من المعسكر مش هينفع ممكن يبقا في ضرر عليكم 

سلمي : ما هو من غير ما حد يعرف ربنا يسترها بقا انا متحمسه بصراحه 

ندي : لو اتعرف هتتاذي انتي وهو بس هنحاول نغطي عليكم 

سلمي : انا خايفه لوحدي متخوفونيش اكتر وبعدين نفسي اجرب حاجه مجنونه مع اللي بحبه اي المشكله 

ميرا : لا مفيش مشكله هغطي وراكي المهم انبسطي بس مع اللي بحبه ها  

ندي : لا حوارهم باين اصلا متتوهيش حصل معاكي اي ها 

اتكسفت ميرا : ل لالا مفيش حاجه وكفايه كدا بقا يلا ننام 

جنا : أنه الحب مش كدا باين علي وشك جدا علي فكره 

ميرا : لا مفيش حاجه باينه ولا اي حاجه  اسكتي انتي واتخمدي بقا 

ندي : اعترفي في حاجه حصلت اكيد قولي اللي بيحب بيداري ليه معرفش 

ميرا : انا ا انا مش بداري بس اصل بصراحه بقا س سيف قال إنه بيحبني 

سلمي وندي وجنا في صوت واحد : نعمممممم ازاي 

جنا : طب عملتي اي بسرعه قولي انتي ساكته ليه قولتي اي رديتي عليه ولالا واصلا بتحبيه صح صح صح صح اعترفي حضنتيه اول ما سمعتي كدا صح  

ميرا بصريخ : اخرسي شويه عشان اعرف اتكلم وبطلي قله ادب هو انا زيك عشان اعمل كدا 

حطت ندي أيدها علي بق جنا وقالت : كملي 

ميرا : اتلغبط واتوترت وجريت من قدامه ومش عارفه لو شوفته هعمل اي متهيقلي كدا المفروض اتجنبه الفتره دي 

عضت جنا ندي ف صرخت ندي ندي : غبيه اي معانا كلب في السكن 

جنا : لا طبعا لو عملتي كدا ده معناه أو هو هيفهم انك مش بتحبيه ومكسوفه تقولي وانتي بتحبيه صح 

ميرا : مش عارفه مشاعري متلغبطه جدا بس انا مش بكرهه يعني 

حضنتها سلمي وقالت : فرحانه اوي بيكي بجد ربنا يسعدك ويقربكم لو خير  رامز بعتلي انا هخرج بقا سلام 

قابلت رامز وركبو العربيه : وفي مكان تاني علي كاميرات المراقبه كان معتز و فارس شايفين اللي بيحصل 

وقف العربيه وطلع جاب ايس كريم واداه لسلمي اللي كانت فرحانه زي العيال الصغيره 

وفجاه

بقلم نوران احمد 

وكدا تكون خلصت حلقتنا استنونا في بارت جديد وهستنا رايكم في الروايه مع السلامه

بنات للحراسه 7

بقلم نوران احمد 

وفجاه قرب منها رامز  وقال  : سلمي انا بحبك تتجوزيني 

سلمي بفرحه وكسوف : وانا كمان بحبك موافقه 

ركبوا عجل مع بعض وكانت سلمي فرحانه جدا 

وكان يوم حلو اوي ليهم وفي العربيه وهما راجعين 

رامز : هقولك علي سر بس متعرفيش حد اتفقنا بيني وبينك بس 

هزت راسها 

رامز : انا القائد فارس يبقا عمي ووالدي هو أكبر رجل اعمل في الشرق الأوسط يعني  أنا وهو مش متفقين شويه علشان حوار الحارس الشخصي ده بس حياتنا كويسه وهيفرح جدا لما احكيله عنك 

سلمي : بجد طب و مامتك ليه مش اتكلمت عنها في خلاف معاها بردو 

رامز : اتوفت من زمان اوي يمكن عشان كدا ابويا قاسي عليا شويه ما علينا احكيلي عنك 

سلمي : انا بابا متوفي وماما معايا ماليا عليا حياتي والحمدلله تمام  

رامز : ربنا يخليهالك اول ما يخلص التدريب ونستقر في الشغل عايز اجي اتقدم ليكي تفتكري مامتك هتوافق 

ابتسمت سلمي بخجل وهزت راسها بالموافقه اول ما وصلو المعسكر وصلها قدام المبني بتاع البنات 

كانت سلمي مكسوفه : وحضنته وجريت علي فوق وهو كان في قمه سعادته

دخلت السكن بشويش وجت تنام فتحو البنات النور 

جنا : تحكيلي بسرعه بسرعه قبل ما اصوت والم عليكي أمه لا اله الا الله حالا

فضلو يتكلمو ويضحكو كتير ونامو تاني يوم كان اجازه  جت لميرا رساله 

عايزك ضروري في عربيه تحت مستنياكي ياريت متعرفيش سيف اي حاجه 

نزلت ميرا وهي مستغربه كل حاجه ركبت العربيه ووصلت لبيت كبير  اول ما دخلت وقعدت لقت راجل باين عليه الهيبه وجميل قاعد مستنيها

ميرا : حضرتك عايزني في حاجه واي علاقه سيف باي حاجه 

ابو سيف : ده علي أساس انك مش عارفه انا ابو سيف وهو حكالي عنك كتير بس انا مش متقبلك ولا حابب ابني يرتبط بيكي عشان كدا بعرفك من الاول ابعدي عن حياه ابني وانا هديكي الفلوس اللي انتي عايزاها مش حابب اناسب واحده ملهاش عيله ولا اصل قولي عايزه كام وابعدي وياريت ميعرفش حاجه عن المقابله دي 

ميرا : عمري ما كنت عايزه حاجه من سيف بس حبيته لكن عمري ما هكمل معاه وحضرتك مش موافق بيا وانا ليا اصل وكان ليا عيله مش ذنبي انهم راحو وسابوني ولا ذنبي اني شلت المسؤوليه من بدري بس انا متربيه احسن تربيه رسالتك وصلت ومن النهار ده انا هبعد عن اذن حضرتك 

روحت ميرا البيت لقت خالها هناك بصتله بحزن وفي عيونها دموع

ميرا : كان نفسي يكون عندي عيله وسند بجد انا ليه بيحصل فيا كل ده 

الخال : ومين اللي دمر عيلتك  من بعد الأهل مفيش سند ولازم تعتمدي علي نفسك 

ميرا  : انت عارفه كويس أن سبب كل ده  هو عمي 

الخال : ميرا بتكرهيه بتكرهي عمك اوي كدا 

ميرا : اه جدا ومش هسامحك بردو لانك مش قد الامانه بس هنفضل أهل 

الخال : لازم تبقي اقوي من اي حد عشان تقدري تكملي وتعيشي في العالم ده اوعديني تكوني الاقوي واكيد هتقدري تحققي العيله اللي دايما بتحلمي بيها وشيلي من قلبك الكره وانسي 

ميرا : اوعدك اني اكون الاقوي اكتر من كدة مش هقدر حاليا

في المعسكر كانت ميرا ماشيه بكل برود بعد ما بطلت ترد أو تسال عن سيف وبعدت 

شافها سيف وقرب منها  

سيف : ميرا مالك بتصل بيكي وبرن عليكي دورت عليكي قالو خرجت ازاي تخرجي وتختفي فجاه كدا من غير ما تعرفيني 

ميرا : نعم عايز حاجه تقدر تقولي باي صفه بتتكلم معايا بالشكل ده انت ملكش دعوه بيا وياريت تخليك في حالك وابعد عني 

سيف :  اي الكلام الجديد اللي بتقوليه ده يا ميرا من أمتي الكلام ده متغيره ليه

ميرا : عادي مهتمه اني اجمع اكبر نقاط ممكنه مش اكتر عايزه اعوض اللي فات عن اذنك بقا 

سيف : طب واحنا اي مش في اهتماماتك خالص لما ابعتلك أو اسال الاقي علي الاقل اهتمام 

ميرا : احنا مين هو في اي اصلا  اللي بينا حضرتك بتدربني غير كدا مفيش اي علاقه تربطنا سابته ميرا ومشيت للتدريب 

مايا : التدريب ده فيه ذكاء عشان كدا احنا هنوريكم شكل تصويري لمتاهه وهتدخلو فيها اللي هيقدر يوصل لآخر نقطه هيكمل معانا بدأت التصفيه من دلوقتي وعلي فكرة اخر معاد ليكم 3 ايام اه متبصوش كدا في ناس فضلت 3 ايام ومعرفتش تخرج خرجناهم ومن المعسكر كمان الاسرع في أنه يطلع هو اللي هيكون عنده درجات اعلي  بدا كل واحد يدخل المتاهه لوحده 

سلمي اسرع واحده قدرت تخرج ومن بعدها  رامز وبعدين ميرا وبعدين ندي وجنا وتامر وفي اتنين طولو جدا في التدريب واتطردو    كانت ميرا بتساعدهم علي قد ما تقدر ولكن للاسف مشيو من المعسكر  كان سيف  بيراقبها من بعيد وهو حزين جدا ومش فاهم ليه فجاه كل ده 

خلصو تدريب ودخلوا علي اللي بعده 

وفي التدريب اللي بعده كان عباره عن نط من فوق طائره عاليه جدا وكانت ميرا مرعوبه جدا 

أما سلمي متحمسه واول واحده نطت وكانت سعيده جدا 

سلمي نزلت وكانت مستمتعه ومن بعد سلمي كانت ندي كملت وكان عادي الموضوع بالنسبه ليها جنا كانت خايفه شويه بس  اول ما نزلت فضلت تصوت بصوت عالي ومن بعدهم تامر ورامز وكانت الأمور عاديه بالنسبه ليهم الا  ميرا كانت في الاخر خالص لقلقانه تنزل وبتكلم نفسها

ميرا : عندي رهاب من المرتفعات مش قادره مش هعرف اعمل ده 

فارس :  لازم تواجهي خوفك عشان تقدري تكملي في حياتك مش بس هنا 

ميرا : سهل عليك الكلام اللي في النار مش زي اللي بعيد عنها 

فارس : لو مش قدها امشي ومتكمليش بما أن الكلام سهل 

بصتله بتحدي وجريت نطت كانت مرعوبه في الاول وبعدين فرحت وبقت تضحك نزلو في مخيمات في الغابه 

كان سيف بيدور عليها بعيونه في كل مكان وبيسال عليها مفيش حد عارف مكانها 

رامز : تيجي نتمشي شويه في الغابه اكيد المكان هيكون لطيف مع بعض 

سلمي بابتسامه : موافقه بس ولو توهنا هتعمل اي بقا 

رامز : متخافيش انتي معايا يعني المفروض متخافيش من اي حاجه في الدنيا 

ابتسمت ومسكت أيده ومشيت معاه وكانو مبسوطين جدا  

أما ميرا كانت قاعده فوق جبل بعد ما كسرت خوفها من المرتفعات وبدأت تفتكر كل ذكرياتها مع سيف وهي حزينه أنها قررت تبعد 

ظهر سيف : ممكن اعرف ليه بتتهربي مني بقالك فتره عايز رد مقنع وبطلي الطريقه البارده اللي بتتعاملي بيها معايا دي 

ميرا : مبهربش لان مفيش حاجه فارقه معايا اصلا 

مسك أيدها سيف وهو بيقول : مش عارف اي اللي غيرك بس هفضل مستنيكي

ميرا : مش عايزاك تستناني ابعد عني احسن حبيت معاك احساس معين وانتهي مش فارق معايا اي حاجه اعتبرها لعبه وامشي 

مشيت ميرا ورجعت لمكان الخيم 

فارس : كل واحد يمشي في الغابه لحد ما يوصل الجهه التانيه هنكون مستنيينكم بالخيم

مشيت ميرا لوحدها 

أما سلمي ورامز ف كان حاطط أيده علي كتفها وماشيين يهزرو ولا كأنهم في مهمه 

ندي كملت لوحدها بقوه 

أما جنا استغلت أن معتز بيراقبها : ممكن تساعدني اقطف الفاكهه دي 

شالها وكانت مبسوطه جدا وفجاه وقعت لحقها بسرعه وقرب منها اوي بس بعدها معتز بسرعه عنه وبعد عنها  وهي اتكسفت وضحكت 

أما عند ميرا وهي بتملي الازازه بتاعتها ميه حلوه قرب منها تعبان وقرصها قتلته وكملت طريقها مع الوقت بدأت تحس بتعب وقبل ما يغمي عليها شالها سيف

ميرا : انت اي اللي جابك هنا و وصلت ليا ازاي 

أغمي عليها فضل قاعد جمبها بيمص السم اللي في ايديها وبيتفه 

سيف : حالتك بتزداد سوء لازم  نرجع حاالا

ميرا : لا مش هقدر

شالها سيف بسرعه ومشي بيها 

ميرا : لال مفيش داعي 

سيف : بطلي عناد واسمعي الكلام هنتحرك 

وصلو الكل الا ميرا وسيف كانت سلمي قلقانه عليها جداوصلو اخيرا والكل جري عليهم رفض سيف اي حد يشيلها غيره لحد ما وصلو المستشفي كان سيف قاعد بره بقلق لحد ما طلع من عندها فارس

سيف : هي كويسه صح الدكتور قالك اي 

فارس : جبتها في الوقت المناسب لولا أنك شلتها وجريت بيها كانت هتكون في خطر كبير 

سيف : ما انت اللي علمتني دايما أن مهما كانت الظروف مينفعش نتخلي عن صحابنا أو فريقنا وانا عملت كدا

فارس بتنهيده : يا خوفي يا سيف تكون وقعت في نفس الخيه بتاعتي تمام 

أما ميرا فضلت تفتكر سيف في كل لحظه نظراته ليها كل ما تحتاجه في وقت دايما بيكون موجود ولما شالها وجري بيها المستشفي اتنهدت وقامت 

دخلت التدريب وكان الكل بيطمن عليها 

ميرا : مبقاش غير اسبوع بس في المعسكر ف علشان كدا لازم اوصل لاعلي نقطه

شجعوها صحابها 

كان سيف بيبص عليها من بعيد 

مايا : رامز اطلع للقائد عايزك والموضوع مش مبشر بالخير ابدا و 

بقلم نوران احمد 

تفتكروا القائد عايز رامز في اي وكدا تكون خلصت حلقتنا استنونا في بارت جديد وهستنا رايكم في الروايه مع السلامه بقلم نوران احمد

بنات للحراسه 8

بقلم نوران احمد 

مايا : رامز اطلع للقائد عايزك طلع رامز 

فارس : خدت العربيه امبارح مش كدا 

هز راسه بالموافقه 

فارس : مين من زمايلك كان معاك مع انك عارف أنه ممنوع مش كدا 

رامز : كنت لوحدي واي مشكله هتعمل العواقب لوحدي 

فارس : جميل انك تحمي صحابك بس في قانون ممنوع فيه الخروج وانت خرجت ف انت معاقب

رامز : عمي انت ليه بتعمل فيا كدا اي تلكيكه عشان تطردني طبعا ده بأوامر من ابويا صح تمام خرج رامز في مكان التدريب

مايا : هنروح الغابه مره تانيه والمهم انكم توصلوا لصندوق معين هتالقو دالئل كتير عليه وكل شنطه موجود فيها الاكل اللي هيكفيكم للوقت المطلوب دلوقتي كل واحد يقدر ياخد شنطته ويمشي وفعلا مشيو واتفرقو وبدؤو يشوفو رسائل علي 

الاشجار  كانت سلمي مبسوطه جدا أما عند ميرا ف لقت شويه حاجات في الغابه تساعدها انها تكمل المهمه وعملت خيمه من القش وفجاه قرب منها ولدين من بعيد

الولد 1 : شكلنا كدا لقينا اكل ومكان نقعد فيه زياده 

الولد 2 : فعلا معاك حق اعتقد الكتره بتغلب الشجاعه بردو ولا اي وفضلو يضحكو وهما بيقربو 

كانت ميرا بتبصلهم بابتسامه وهي مستعده لضربهم لحد ما في حاجات اتحدفت في دماغ الشباب ف سابوها ومشيو 

ميرا بقلق : سيف هو ده انت

طلعت سلمي من الأشجار : لا ده  انا اي حد بس يفكر يقرب منك هيشوف وشي التاني  بصي بقا لقيت رسائل وخريطه هنقدر مع بعض نوصل للصندوق ونخرج كويسين ابتسمت ميرا 

ميرا وهزت راسها وبدأت تفكر في االوراق اللي معاها 

أما جنا ف كانت جهزت مكان تنام فيه الليل قرب وولعت نار وفجاه قرب منها شابين

الولد 1 : شكلنا هننبسط النهار ده من زمان مشوفتش الجمال ده قبل كدا 

من بعيد كانت ندي معديه وشافت الموقف ف قربت بسرعه من جنا ورمت الشنطه علي الارض

ندي : مش رجوله اتنين علي واحد يا شباب 

ونزلت في ثواني كانت موقعه. واحد علي الارض وكسره أيده والتاني جنا عملت فيه نفس الحاجه اول ما جريو بصت 

جنا لندي وضحكو 

بدأت ميرا تدور عليهم لحد ما وصلت لرامز وتامر وجنا وندي وعملو خيم في مكان واحد وقعدو مع بعض يضحكو 

كان المدربين شايفينهم من كاميرات مراقبه

سيف : اعتقد دلوقتي لازم  نتدخل يلا يا مايا 

هزت مايا راسها وطلعت معاه من بدري خدو كل شنط الاكل منهم صحيو تاني يوم ملقوش الحاجات بتاعتهم 

جنا : اي ده ازاي اتسرقنا يعني ولا اي اي الهبل ده 

ندي : او ممكن العيال اللي حاولوا يضربونا وياخدو الحاجه رجعو خدوها 

ميرا : لا معتقدش متهيقلي كدا ده جزء من خطه التدريب ازاي هنقدر نتكيف مع الجو ده من غير اكل وهل هنقدر نخلص المهمه بسرعه ولا هنياس وهنضعف وهنفضل نعيط علي حالنا 

رامز : ميرا صح انا بردو شايف كدا المهم دلوقتي ننجز المهمه دي بأسرع وقت ممكن 

جنا : طب احنا جعانين هنعمل اي بقا اه صح معايا شوكولاته

رامز : حلو اوي كل واحد هياخد قطمه بالدور لحد ما نشوف خطه نقدر نوصل بيها للصندوق ونطلع من المكان ده

سلمي : انا معايا جهاز خاص بالمعادن  يعني هيقدر يوصلنا اسرع 

ميرا : حلو اوي يبقا ناكل ونبدا نتحرك مفيش وقت لو طاقتنا خلصت الموضوع هيكون صعب 

خلصو اكل وبدأت ميرا تقول الاتجاهات  حسب الورق وسلمي شغلت زي ساعه في ايديها نورت ضوء علي الارض وفضلو ماشيين كتير 

تامر : ملوش لازمه كلنا نروح ممكن نرتاح وانتم دورة علي الحاجه لحد ما تلاقوها

رامز : هو مش واضح أننا متراقبين اصلا لو قعدت دقيقه هتكون مطرود من المعسكر 

صرخت سلمي بفرح : في حاجه هنا بسرعه احفرو كتير بس الغريب أنهم لقو جثه معاها صندوق غريب مش الصندوق اللي كانو بيدورو عليه 

اكتشف المدربين الجثه وخدوها وكملو الفريق تدوير علي الصندوق لقته سلمي اخيرا بس اتصدمت لما لقت حد وراها بيهددها ومعاه سلاح 

رامز : متتهورش احنا كلنا زمايل ومهمتنا واحده 

الشاب : بس انا هكون صاحب اكبر نقط لو طلعت بيه لوحدي 

ميرا قربت منه وكان رامز بيتكلم معاه ومسكت السلاح  بايديها وضربته بالرجل بس كان جرح سلمي 

قرب رامز منها بخوف : انتي كويسه يا حبيبتي 

هزت راسها قرب تامر من ميرا ومسك أيدها : ايدك بتنزف 

ميرا بابتسامه : دي حاجه بسيطه المهم دلوقتي نقدر نقول مبروك نجحنا صرخو البنات بفرحه 

فارس : ممتاز يا شباب كدا اطرد 4 ومبقاش غير 6 واللي هيكملو معانا 5 بس وعلشان كدا في مهمه اخيره خاصه بالتدريب ودي اللي هتحدد وهي 

حمايه شخص من كبار رجال الاعمال بس اللي هيكون عدوكم المره دي من المدربين وهما سيف و مايا ابتسم سيف ومايا هتاخدو فتره راحه بس النهار ده ومن بكرا هنبدا التدريب وفي نهايه المهمه في شخص هيستناكم بره المبني وهياخدكم تتعرفو علي القائد الاعلي اللي عمل معسكر التدريب

مشيو كلهم وقف قصادها سيف : ميرا احنا لازم نتكلم انا مش فاهم اي سبب معاملتك دي حتي لو فعلا مش عايزه تكملي معديش مانع بس عايز اعرف السبب واعتقد ده من حقي 

ميرا : عادي بطلت احبك الرد ده بيرضيك 

سيف : كدابه المشكله ان عيونك فضحاكي مش ده السبب في حاجه انا مش عارفها 

ميرا : هو ده اللي عندي عايز تصدق صدق مش عايز براحتك سلام 

بص عليها وهي بتبعد وقرر يعرف اي مشكلتها روحت مع البنات ونامو علي طول من التعب وتاني يوم كانت سلمي بتراقب ليهم الكاميرات وميرا ورامز وتامر مع الراجل بيحموه في مول كبير واي مكان بيدخله بيفتشوه كويس قبل ما يدخل وندي كانت بتسوق عربيه الراجل ندي وجنا كانو بيحمو طريق الخروج في العربيه 

الراجل : عايز ادخل الحمام 

هزت ميرا راسها ومشيو بتجاه الحمام دخل رامز فتشه كويس ودخل الراجل وبعدها بشويه سمعو صوت دخل تامر 

يشوف لقي مايا دخلو في خناق مع بعض كانت مايا اقوي من تامر بكتير دخل رامز واتفاجا سابهم بيتخانقو ودخل يدور علي الراجل وخده وخرج أما تامر قرر يطلع صاعق كهربا وصعقها عمل كدا واغمي عليها مكتفاش بده ونزل فيها ضرب وهي مش قادره تتحرك واغمي عليها نزلت ميرا ورامز واتفاجو أن جنا وندي اغمي عليهم ولقو سيف بيبص ليهم 

وبيبتسم دخلو الراجل العربيه وبدأت الخناقه بينهم وكان سيف قوي جدا وقعهم كذا مره علي االرض وكان ماسك رامز 

من رقبته اتحركت ميرا بسرعه وصعقته اغمي عليه ورامز شاله علي جنب وتامر جه ومعاه مايا وكتفوهم

بدأ سيف يفوق وحاول يفوق مايا مكنتش بتفوق ابدا بدأ يقلق وكان فارس بيراقب كل ده من بعيد وخاف جدا وجري عليها بسرعه وشالها وطلع بيها المستشفي وراح للقائد الاعلي  وهو قاعد مع الفريق بعد ما نجحوا دخل بعصبيه ومسك تامر وهو متعصب 

فارس : لو مايا حصل ليها اي حاجه انا مش هسيبك ابدا انت فاهم 

القائد الاعلي : اي اللي بيحصل هنا بالضبط 

فارس بعصبيه : مايا دخلت المستشفى بسببه وفي خطر

قلق الكل عليها وطلعو علي المستشفى 

فارس كان واقف قلقان جدا رايح جاي لحد ما طلع الدكتور جري عليه فارس 

الدكتور : جبتوها في الوقت المناسب لو كانت اتاخرت شويه كان هيبقا في مضاعفات صعبه جدا الحمدلله انها جت علي قد  كدا هتبقا كويسه ممنوع الدخول ليها حاليا وهي قالت أبلغكم رساله أن الطالب اللي عمل كدا مش غلطان وان هي اللي كانت قاسيه عليه 

وتستاهل ده وبتتمني محدش يكلم الطالب ولا ياذيه 

راح فارس لتامر : انا بعتذر عن الطريقه اللي كلمتك بيها من شويه 

ومن بعيد كان القائد الاعلي  مركز في كل حاجه بتحصل 

تاني يوم  

وقفو صفوف وبدأ القائد الاعلي يقول 

الترتيب بالنسبه لكل واحد فيكم احنا اختارنا 5 بس هما اللي هيكملو معانا والباقي لا 

المركز الاول ميرا 

ابتسمت بفرح 

المركز التاني رامز 

ووو 

بنات للحراسه 9

بقلم نوران احمد 

القائد الاعلي : المركز الاول ميرا ابتسمت بفرح المركز التاني رامز 

رامز : ايوه بقا  اخيرا بقا خلصت من الكابوس ده وهتعين 

كمل القائد الاعلي : المركز التالت. ندي المركز الرابع جنا 

تامر : معلش بقا يا سلمي المره الجايه  ممكن تنجحي بالتوفيق هتوحشيني اوي 

بصت سلمي بحزن 

القائد الاعلي : المركز الخامس سلمي 

فرحت سلمي جدا وفضلت تتنطط زي الاطفال

بص ليها تامر بغضب : اي نعم اي الكلام ده ليه ليه اطرد عملت اي عشان اطرد انا احسن منها المفروض اكمل 

ميرا : ايوه صح تامر من بدايه المعسكر كويس جدا ليه درجاته كلها كويسه واخر مهمه نجح فيها من غير مشاكل 

القائد الاعلي : ميرا معاها حق انت ممتاز في حاجات كتير اوي بس ممكن مش مناسب جدا للمجال ده كان لازم تسيطر علي عواطفك الخاصه وده الاهم للحارس الشخصي كان ممكن تنقذ الحالتين وتعمل اللي عليك 

تامر بغضب : اي المنطق المقرف بتاعك ده هو كل حاجه بمزاجك انت اللي تحط القوانين وانت اللي تشيلها مش من حقك تعمل اللي انت عايزه

رامز : اهدي يا تامر عيب اوي كدا تقصد اي بكلامك  ده 

تامر بغضب : اقصدك انت ليه انت تفضل وانا لا علشان عمك وسطه مش كدا 

مسكه رامز وكان هيضربه

القائد الاعلي : وقفو الهبل اللي بتعملوه ده حالا 

راح تامر لميرا ومسك أيدها اتعصب سيف جدا 

تامر : شوفتي يا ميرا مفيش في المكان هنا اي عدل عشان كدا مش لازم  نقعد فيا ثانيه واحده يلا

ومن بعيد كان شايفه سيف ومتضايق جدا 

بعدت ميرا أيدها عنه 

تامر : ميرا مبقاش لينا اي حاجه في المكان ده يلا نمشي 

ميرا : انا اسفه بس انا  مش همشي مش بعد كل التعب ده دي اول خطوه عشان اعرف ابني نفسي 

بص ليها بصدمه ومشي راحت ميرا وراه وهو بيحضر شنطته عشان يمشي

ميرا : تامر متبقاش كدا قدر تعبي انا عارفه ان مجتش ليك فرصه بس المفروض تفرح لينا انت حياتك ومستقبلك متامن أما أنا لا 

تامر : انا هقدر اوفرلك اللي انتي عايزاه هسالك للمره الاخيره  انتي هتفضلي هنا علشان سيف انتي عارفه اني مليش اي مصلحه من دخولي المكان ده 

ميرا : اولا مش عشان سيف ابدا ثانيا بقا لو مكنش ليك مصلحه اي اللي دخلك هنا اصلا 

تامر : دخلت بسببك انتي علشان في الاخر تختاري سيف وتسيبيني 

ميرا : انت مجنون قولت ليك انا مش مختاره حد الموضوع مختلف بالنسبه ليا عن اي حاجه 

تامر : واي اللي يجبرك تفضلي في المكان ده غيره

ميرا : عايزه احكيلك واقولك كل حاجه بس صدقني ده مش الوقت المناسب اول ما تسمح ليا الفرصه هقولك اكيد 

تامر : انا دخلت المكان ده بسببك انتي حاولت ابقا احسن واحد والاول دايما والاقوي عشان اكون كويس ليكي ودلوقتي بتبيعيني شكلي وثقت في الشخص الغلط سابها ومشي 

ميرا بحزن : تامر صدقني انا انا اسفه 

طلع تامر ووقف قدام المكان وبدأ يفتكر كل ذكرياته فيها وقال 

تامر : والله لندمكم علي كل المعامله الظالمه اللي عملتوني بيها

بدأت المهمات 

جنا كان عليها حمايه ولد صغير اول ما دخلت بيته بص علي فستانها والكعب بتاعها وهو بيلعب بالسيف بتاعه وقال 

الولد : هو انتي يا انسه عارفه تحمي نفسك عشان تحميني روحي العبي بعيد يا شاطره 

راحت جنا جابت السيف الخشب وبدأت تلعب هي وهو لحد ما وقعته وحطته علي وشه 

الولد : الله حلو اوي علميني يا اختي ارجوكي انتي طلعتي قويه وشاطره علميني بسرعه 

جنا : اتفقنا هعلمك في الوقت المناسب 

أما عند ندي ف كانت في المعسكر وجت واحده

بصت لندي وبصت علي الكرسي ابتسمت ندي وشدت ليها الكرسي قعدت البنت وقالت 

عايزه قهوه 

ندي : لا للاسف مفيش الكلام ده هنا 

الست : المكان مش احسن حاجه بس تمام هاتي ازازه ميه اه. اي حاجه تنفع ولا ده كمان مش موجود 

راحت ندي وجابت ليها كبايه ميه 

الست : مش بشرب الميه الا في ازازه معدنيه جيبي واحده بسرعه 

ندي : اي مشكلتك اي اللي ممكن اعمله في الميه هسممك مثلا 

الست : مش انتي بس اي حد ممكن ياذيني جابت ليها ندي االزازه وقعدت

ندي : تقدري تقولي مشكلتك اقدر اساعدك ازاي 

الست : اول ما يطلع حكم بالطلاق عايزاكي تحميني اي في كلامي مش مفهوم 

ندي : انا فاهمه ده بس انتي جوزك مش موافق علي الطلاق أو مثلا بيهددك بيضربك اي حاجه من دول يخليكي تطلبي حارس شخصي

الست :  لا انا الزبونه والزبون دايما علي حق ف براحتي اقولك تعملي اي أو ومتعمليش اي هو انا اللي هشرحلك كمان

ندي : لو مقولتيش اي السبب الحقيقي مش هقدر احميكي ولا هقدر اساعدك بشكل كويس

الست : ده لانك اكيد واحده  فاشله ملقوش غيرك يقعدوني معاها اوف 

بصت ليها بضيق وسكتت

في مكان تاني  

وقدام بيت كبير كانت سلمي واقفه وجت ليها بنت في اولي ثانوي 

سلمي بابتسامه : اهلا يا قمر انتي بقا  حور عامله اي 

بصت ليها حور باستخفاف : انتي بجد حارس شخصي ازاي

سلمي : طبعا حارس شخصي باباكي كلمني عشان احميكي 

حور : ازاي  لابسه فستان مش المفروض تلبسي بدله دايما في الافلام  اي حارس شخصي بيكون لابس بدله

سلمي : كل ده كلام افلام مش دايما الافلام بتكون زي الواقع 

حور : انتي بتقولي اي كلام لانك مش حارس شخصي انتي فاشله  

قربو صحاب حور ف ابتسمت ووقفت جنب سلمي ومسكت أيدها 

حور : هاي يا بنات دي الحارس الشخصي بتاعي بابا جابها ليا

البنات : واو ممكن نتصور معاها وافقت حور وفضلت سلمي في النص مصدومه 

أما عند رامز كان بيسوق العربيه وهو متعصب 

حضرتك كل شويه تغير المكان كل ما اروح مكان تقولي مكان تاني هفضل االفلف طول اليوم خلاص تمام بس ده اخر مكان هروح فيه لو مكنتش موجود يبقا احسن ياريت منتقابلش اصلا  سلام 

وصل اخيرا لفندق وبعت رساله أنه وصل بعتله ادخل الكافيه دخل قاله هتلاقي تحت ازازه ميه رساله افتحها 

رامز : انت بجد عايز اي مش قادر افهمك ليه كل الالغاز دي 

الراجل : روح للمكان اللي في الرساله بسرعه وبطل تسال كتير 

رامز : حاجزلي اوضه في فندق اااه بكره الناس الغنيه دي

دخل الاوضه وفضل يدور فيها ملقاش حاجه والباب خبط طلع يفتح كان الحارس الفندق بيقول 

انت الحارس الشخصي رامز 

رامز : ايوه متقولش أنه غير المكان اللي هقابله فيه تاني بقولك اي انا مش فاضي للعب ده لو هيفضل كدا انا بستقيل

الراجل بابتسامه : انا اللي المفروض تحميه 

رامز بصدمه : نعم انت ازاي يعني مش فاهم ده لبس تنكري 

أما عند ندي اتصلت بميرا

ندي : انا اتخنقت من الست اللي فوق دي مغروره جدا ومش هقدر اتحملها ما تيجي نبدل المهام

ميرا : اكيد لا  ومفيش حد هيسيب العميل بتاعه ويبدل معاكي حاولي بقا تروحي لسعد هو المسؤول عن العملاء وتوزيعهم 

قفلت وراحت لبست فستان احمر سك ضيق وحطت ميكب وراحت علي مكان سعد اللي اول ما شافها شرق بسرعه

سعد : هو انتي بتحاولي تمثلي مشهد من فيلم في اي مالك غريبه ليه النهار ده 

ندي بابتسامه : خمن اي هو الفيلم يا تري ها 

سعد : لا وبتضحكي كمان اكيد في حاجه غلط بقولك اي مش فاضي اخلصي قولي عايزه اي واخرجي بسرعه 

ندي بابتسامه : كنت عايزه اي مهمه تانيه مع اي عميل تاني الا دي بس كدا 

سعد : اااه فهمت لا مينفعش ومتحاوليش 

ندي بصوت قوي : ليه بقا أن شاء الله انت عايز تضرب يعني ولا اي 

سعد بخضه : الله يخربيتك اتخضيت انتي اتحولتي كدا ليه ما كنتي رقيقه بصي دي قواعد وقوانين الشركه مينفعش نغيرها حاولي تتعاملي معاها وخالص 

ندي  : يعني أنا لبست كدا واتزوقت عشان ولا حاجه انت حتي مش بصيت غير علي وشي

بص ليها سعد وفضل يضحك

سابته ومشيت 

سعد بصوت عالي : ندي طلع عندك قلب بجد يعني مش متحطن زي ما كنت فاكر 

عند ميرا علي البحر كانت بتتمشي ومعاها شاب 

الشاب : هو انا مش جميل هو انا طولي كويس طيب ليه حتي مش بتبص ليا ومش حاسه بحبي ابدا مهما عملت 

ميرا : بقالك قد اي بتحبها واي اللي خلاك تقول كدا 

الشاب : بقالي 11 يوم انتي متعرفيش الحب من اول نظره انتي حبيتي قبل كدا 

ميرا بتنهيده : للاسف اه طيب اي رايك تنسي البنت دي والحب ده ملوش لازمه انك تحميه اصلا 

الشاب : لا ليه لازمه احمي حبي بكل الطرق بصي هي هناك اهي انا اصلا كلمتك عشان تحمي حبي ده بصي عامليها براحه وبرقه ولطف اوعي تاذيها

بصتله ميرا بضيق و راحت ميرا للبنت وو 

بنات للحراسه 10

بقلم نوران احمد

بصتله ميرا بضيق و راحت ميرا للبنت 

ميرا : انتي سميحه كنتي ماشيه مع الواد اللي هناك ده مش كدا 

سميحه : ايوه نعم عايزه اي بصي مهما تحاولي بردو لا 

ميرا : يعني عايزه السبب اللي خلاكي تبعدي عن حبيبك لازم اعرفه السبب عشان يبطل يحبك هو جايبني عشان احمي الحب المقرف ده 

سميحه : اي السبب اللي يخلينا نحب اصلا الا لو كان في الحب ده حاجه حلوه واستفاده لو ده مش موجود يبقا ملوش لازمه الحب

ميرا : كلامك تافه جدا زيك بالضبط اعتبريني خدت الكلام ده رميته في الزباله كملي 

سميحه : طبيعي عشان كبيره في السن هتقولي كدا بصي اطلعي بره علاقتنا ملكيش دعوه 

ميرا بابتسامه : طبعا طبعا أنا كبيره ومش عايزه أتدخل في علاقتكم  القذره دي 

سميحه : انا مش عايزه اتكلم معاكي اصلا 

قرب الولد منها وقال : حبيبتي انا بحبك ومش عايز ابعد عنك

سميحه : وانا مش عايزه اشوفك تاني 

الولد : ميرا روحي وراها بسرعه اقنعيها 

ميرا : لا دي مش وظيفتي وانا كبيره في السن ومش قادره 

الواد : هشتكيكي وطلع يجري وري حبيبته ينادي عليها 

ميرا : احسن مكنتش عايزه اشتغل مع اهطل زيك علي اي حال 

في المعسكر كانت ميرا بتقرا كتاب ببرود 

مايا بعصبيه : شكوه عمرنا ما جالنا شكوه ابدا وانتي في يوم واحد تجيبيلنا شكوه انتي مش مكسوفه من نفسك 

ميرا : مايا احنا دلوقتي زملاء متتعامليش معايا انك مدربتي وتبدئي محضرتك ليا عاقبيني لو تقدري 

اتعصبت مايا اكتر ابتسمت ميرا بحب اشوف وشك لما بتكرهيني ومش قادره تعملي معايا اي حاجه 

مايا : اقدر اخلص منك لو شجاعه تعالي نتقاتل واحده قصاد واحده ونشوف مين هيكمل ويكسب 

ميرا : تمام حلو اوي  يلا  نبدا شافهم فارس من بعيد واتدخل 

فارس : بتعملوا اي ... ميرا تعالي ورايا راحت وراه 

ميرا : انا اتدربت هنا وطلع عيني حرفيا عشان اروح احمي الناس الاقي واحد تافه عايزني احمي حبه اي القرف ده مش جايه العب انا جايه اشتغل بجد ومايا دايما متعصبه وبتتعامل بأسلوب وحش واني دايما انانيه مش بفكر غير في نفسي ومش شاطره كفايه للتعامل مع أي حاجه انا عارفه اي الصح واي  غلط اه بخاف منك بس بردو انا عارفه اي اللي المفروض اعمله واي لا مش كله شويه تفضل تحذر 

فارس : دلوقتي بعد ما خلصتي اقدر اتكلم الاول ايا كان الحب بين العميل والبنت صح او غلط مينفعش تحطي مشاعرك في اي مهمه تاني حاجه بتقولي انك معملتيش حاجه غلط بس قولتي كلام اذيتي بيه الشخص اللي المفروض تحميه وده معناه انك مش قادره تتحكمي في عواطفك تالت حاجه الشكوه الضعاف بس هما اللي بيشتكو من الناس انك تنفذي مهمه ده حاجه طبيعيه للحارس الشخصي مينفعش تطلعي اي عذر لفشلك اي عذر معناه فشل موقفك مع مايا انتي اتعملتي من غير اي احترام للي كانت في يوم من الايام مدربتك وده معناه انك مش منضبطه لو عايزه اللي قدامك يحترمك لازم تحترميه الاول عشان تلاقي الاحترام 

ميرا : كلامك  صح بس انت محترمتنيش وسابته ومشيت 

في الفندق عند رامز 

رامز : ليه حارس لفندق يطلب اني احميه عايز افهم

مصطفي : بص انا ورثت بتاع 5 مليون بس والناس من ساعه ما عرفت اني ورثت وهما عايزين مني فلوس اصل انا كنت مستلف فلوس 

رامز  : استلفت كام يعني يخليك تعمل كل ده ما تسد اللي عليك وتريح دماغك 

مصطفي  : عليا 17 الف وهنا مش سايبيني في حالي عايزين يسرقوني 

رامز : يخربيت البخل معاك 5 مليون اي المشكله لما تسد اللي عليك 

مصطفي : انا خايف حاسس ان ممكن اي حد يدخل عليا ويخلص عليا وانا نايم عشان كدا عايز تحميني انا وفلوسي حاسس اني مرتاح وانت معايا اكتر

رامز : حد قالك انك مجنون قبل كدا 

مصطفي : فعلا حاسس اني هتجنن من التفكير 

بص ليه بقرف وسكت

أما عند البنات في كافيه

ميرا : كانو بيحبو بعد لمده 11 يوم بس انتي متخيله وقال اي مش عارف يعيش من غيرها وقال اي بقا المفروض انا احمي الحب علاقه حب قذره  تعصبني كدا  والبنت قالت بكل استهتار الارتباط مش ممتع عشان كدا مش عايزه مش فاهمه ده الحب بجد بالنسبه للشباب بجد مال الشباب دلوقتي وجهه نظرهم عن الحب غبيه جدا مش قادره افهم الموضوع ده 

سلمي : ده طبيعي متفهميش تفكيرهم في اختلاف في الجيل

ميرا : ايوه بردو ازاي اقدر احمي حبهم مينفعش اخطف البنت دي واجبرها

ندي : طبعا تقدري اعملي كدا 

ميرا : طيب روحي نفذي انتي ضحكت ندي وسكتت 

سلمي : مهما كان مهمتك احسن مني انا بحمي بنت عندها 15 سنه بتعاملني كاني خدامه وأنها اشترتني بفلوسها 

ندي : احمدو ربنا علي الاقل بتعرفو تتكلمو معاهم أما انا العميله بتاعتي مبتسمحش حتي اني اتكلم

ميرا : ليه الناس بقت غريبه ... جتلي فكره مايا جميله جدا لو مثلت انها بتحب العميل بتاعي البنت هتغير وهترجع ليه بس هي ممكن توافق راحت لفارس يساعده

ا 

فارس : هحاول بس موعدكيش  معتقدش انها هتوافق بس تمام 

أما في بيت عميله ندي كانت ندي عندها

ندي : بيتك جميل اوي ونضيف انا جيت اعتذرلك عن معاملتي المره اللي فاتت وكان دائما في سؤال في دماغي عايزه اساله ليكي هو انتي ليه عايزه تطلقي 

ناديه  : عادي مش قادرين نكمل مع بعض مفيش تفاهم طبيعي 

ندي : عمل اي لما عرف انك عايزه تطلقي منه 

ناديه  : مش موافق واتعصب 

ندي : ليه بصي لو عندك اي مشاكل ممكن تقوليلي عليها اكيد كل حاجه هتتحل لو بقينا مع بعض ومش بنخبي عن بعض حاجه وهقدر احميكي

ناديه : بصي يا ندي في حاجات انا مش عايزه اتكلم عنها ولا عايزاكي تسالي عليها انا عايزاكي تحميني بعد الطلاق وبعد كدا شكرا جدا ليكي خلاص

فجاه دخل جوزها : لو فاكره اني ممكن اطلقك أو تبقي حره تبقي غلطانه وجيبالي كمان حارس شخصي مش هتفلتي من ايدي

ندي : فكر بس تقرب منها رن الفون بتاعها كنسلت رن تاني ردت لقتها ميرا 

قالت :  انتي بتكنسلي عليا لما اشوفك انتي بتعملي اي 

ندي : ايوه يا ميرا انا شكلي كدا هضرب حد دلوقتي وقفلت 

الراجل : انا راجل محترم ومش همد ايدي عمري علي واحده ست وخرج 

ندي : يعني كان بيضربك علي طول صح 

هزت العميله رأسها بحزن 

حضنتها ندي : يعني كلمتيني عشان خايفه يضربك أو يعمل فيكي حاجه صح 

هزت راسها وبدموع قالت : كان في البدايه راجل كويس جدا ومحترم بس بدأ يشرب ومن وقتها وبقا راجل تاني غير اللي اعرفه ابدا بقي بيشتم 

وبيكسر كل حاجه في البيت ولما بحاول أوقفه أو اقول اي كلمه يبدأ يضربني انا 

ندي : ده راجل زباله متقلقيش انا هعلمه الادب 

أما عند ميرا ودت العميل بتاعها يغير استايل لبسه وظهرت جنا بفستان جميل جدا وميكب رقيق اعجب العميل جدا بيها وكان معاها الولد اللي بتحميه جنبها 

العميل : جميله جدا بس هينفع الموضوع مع حبيبتي 

جنا ؛ متقلقش احنا نعرف البنات وطريقه تفكيرهم اكتر منك هتظبط 

دخلو مول حبيبته فيه وبدأ يتمشو 

سميحه  سميحه بصي مش ده حبيبك بصت سميحه  واتصدمت انا انا هنفخه 

صاحبتها : اصبري بس مش انتي سبتيه هتروحي تكلميه ازاي بقا 

سميحه : مين قال إننا سبنا بعض اصلا وبعدين اصلا مهما حصل هو مستحيل يسيبني وجريت اتجاههم وهي بتنادي عليه 

وفجاه و

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا