روايه بعت نفسي الفصل 66-67-68-69-70-71بقلم نسرين بلعجيلي (جميع الفصول كامله وحصريه)

روايه بعت نفسي الفصل 66-67-68-69-70-71بقلم نسرين بلعجيلي (جميع الفصول كامله وحصريه) 

روايه بعت نفسي الفصل 66-67-68-69-70-71بقلم نسرين بلعجيلي (جميع الفصول كامله وحصريه) 

رواية بعت نفسي ............... بقلم نسرين

================ـ

الحلقة السادسة و السابعة و الثامنة و الستون

____________________________ـ

رواية بعت نفسي الحلقة السادسة والستون

----------------------------ـ

أدهم راح المكتب في القصر،

واتصل بي المحامي

قالو علي حاجات يعملها

وفضل يفكر حايعمل إيه؟

ازاي يلاقي مليكه

نده على حودة يجي عندو

بعد شوية

**حودة تؤمر بي حاجة يا ادهم بيه ؟

**أدهم بص يا حودة أنا مش حا حسبك أنك هربت مراتي بس عايزك تلاقيها أنا تعبت يا حودة أدور عليها لازم نشوف حل

**حودة بص يا باشا أنا كنت مديها ورقة فيها رقم تليفوني وكمان أكرم بيه كان مديني ورقة زمان قالي لو حصل حاجة اخد مليكه في العنوان دا أو اتصل بي الرقم دا بس اللي حصل إن الست مليكه ماتصلتش

**أدهم مش فاهم يعني هو كان عايز يهربها ؟؟؟

**حودة لا يا باشا هو قالي لو حصل حاجة ما حضرتك ماكنتش بتعرف إيه اللي بيحصل في يوم كان عندك علاج طبيعي، وماعرفش مين آدا حاجة لي الست مليكه، وكانت حاتموت فضلت ترجع الحمدالله شوفتها اتصلت علي أكرم بيه، وقالي أخدها المستشفى بسرعة

الدكتورة قالت اخدت حاجة علشان تنزل الجنين من يومها أكرم بيه قالنا نحط عنينا في رأسنا

وأن الست عصمت بتخطط لي حاجة أصلها جابت حرس جديد الفترة دي من غير الست كامليا كانت زقتها وقعت على ظهرها ولما أدخلت قالت ليا حاتتهمني بي السرقة

من الآخر الست مليكه بعد اللي شافته في القصر ماتفكرش ترجع ليه تاني من غير زعل

**ادهم واللي عملته أنا كمان فيها ندمان يا حودة

**حودة أنت حبيتها يا باشا والسعادة كانت في عنيك و الله هي كانت عاملة زي البلسم على الجرح مهما كان تيجي في إيه من الست كامليا بحسها جسد من غير روح

**ادهم ازاي؟؟

**جودة معلش يعني الست كامليا في الجمال والأناقة ماحدش يجي جنبها تعجب الباشا زي ما بنقول بس مافيش فيها روح شايفة نفسها أوي

الست مليكه كانت بنت على قدها بس كانت روحها حلوه وطيبه، وكانت جميلة وبشوشة الراجل منا محتاج ست توقف معاه على الحلوة والمرة اعمل بي جمالها إيه وأنا في ظروف صعبة وهي مش معايا

**أدهم عندك حق أرجوك يا حودة شوف رجاله، واسأل في أي حتة

**حودة بقولك يا باشا لازم نراقب أكرم بيه يمكن يوصلها قبل منا

**أدهم ازاي ؟

**حودة ما أصل أهل مراتو واصلين ممكن يوصل إليها

**أدهم اعمل اللي أنت عايزو وخد الفلوس أيديها لي رجاله معاك

لازم ألاقي مليكه

**حودة إن شاء الله

الأيام بتعدي بسرعه

عبد الرحمن اشتغل مع أكرم ومبسوط جدا حلم عمرو بيتحقق

وكمان سها بقت سكرتيره خاصة لي سارة بتبلغها بكل حاجه في الشغل

مليكه لسه محتارة تعمل إيه

علاقتها بي أكرم وساره تطورت

وادهم لسه محتار وحايتجنن، ويلاقيها

علاقتو بي كامليا بقت وحشة أوي على طول متعصب معاها وبقا يمنعها تطلع ولا تسهر

عصمت حاسة إن في حاجة غريبة بتحصل من وراها وخاصة من طرف جوزها اللي بقت سفرياتو كثيرة

رحيم عرف حاجة ومش عارف يواجهه أدهم

وخايف لا الحرب تقوم عنده في القصر

عند مليكه

كانت قاعدة فوق السطوح قعدة ترد الروح

عاملين زرع وورد وقعده حلوه بي فوانيس

**ياسين خير يا ملوكه مطلعاني في الجو الرومانسي دا ليه أرغي

**مليكه يا آبيه عايزاك في موضوع يخص مريم

**ياسين بحد كنت مفكر حاتكلميني على نفسك

**مليكه خلينا في مريم

**ياسين مالها الست مريم ؟

**مليكه أنا حاحكي ليك بس لازم توعدني ماتعملش أي تصرف وحش

وابتدأت تحكيلو كل مشاكل اللي حصلت لمريم من ساعة ما اتجوزت

**ياسين والحزن في عنيه

بصي يا مليكة جوزها دا مش راجل ودا أنا قولتلو لي أبويا في أيام الخطوبة أو ضغطه عليه، وقولتها بلاش جواز في بيت عيله بس هي ماسمعتش الكلام

وهي ماجتش تشتكي ليا ليه ؟ أنت أصلا بتتكلمي من وراها يعني هي راضية بي العيشة اللي هي فيها ؟؟

**مليكه مش راضية على عيشتها وأنا صعبانه عليا حماتها مفتريه كده آخر مرة روحت أزورها اقولك إيه مخلتناش نطلع شقتها، وفضلت قاعدة كاتمه على نفسنا أنا استنيتك تيجي هنا أرجوك يا آبيه لازم نساعدها

**ياسين مساعدتي مش حاتعجبها

**مليكه ازاي ؟

**ياسين الحل عندها تطلع من بيت العيلة

لأن حتى لو طلع يعيش في شقتو أمو مش حاتسيبو في حالو

بس هو مابقدرش يطلع من طوع أمو

**مليكه والله قولتلها كده بس الأول تطلع تعيش في شقتها، وتفرض شخصيتها دي حماتها بتعاملها على أنها خدامه عندها

**ياسين طيب أنا قاعد كم يوم هنا، وأروح أزورها من غير ما قولها، وإن شاء الله خير

**مليكه شكرا يا آبيه

**ياسين، وأنت يا مليكة حاتعملي أية؟

**مليكه يا آبيه خايفه ياخد مني ولادي

**ياسين مانسبقش الأحداث طالما بدور عليكي وعرف الحقيقة يبقى لازم تسجلي أولاد في أسمو مليكه حرام شرعا أبوهم عايش وهما على اسم راجل تاني أنت كده بتعملي مشاكل حتى لي أهل الراجل اللي مات أكيد ليه مراتو وعيالو، ويعرف إن في عيال بي أسمو

ذنب أية ولادك أبوهم عايش وهما محرومين منو ؟؟

أنت مؤمنة وبتصلي حاتقولي لربنا إيه؟

وبعدين أنت مش لوحدك أنا اخوكي ومش حاستحمل حد يمسك بي سوء مهما كان واصل في قانون في الدولة أنت أم حاضنة

مليكه الوقت اتغير كنت صغيرة ولوحدك

دلوقتي في أبويا وأنا ويوسف واخوكي عبد الرحمن وكمان أكرم راجل في منتهى الاحترام

**مليكه حاضر يا خويا حاشوف أعمل إيه

**ياسين لسه حاتشوفي دا انت دماغك بقت ناشفة أوى

ربنا يهديكي يا مليكة

**مليكه يا رب

بعد أسبوعين

أدهم كان في الشركة

واتصل بيه حودة

**أدهم أيوه يا حودة ؟

**حودة لاقيتها با باشا

**أدهم وقف من مكتبه قصدك مليكه؟

*حودة أيوه يا باشا أنا واقف في الحارة اللي هي فيها ولسه معديه من قدامي مالحقتش اكلمها قولت اتصل بيك الأول

**أدهم أنت متأكد أنها عايشه في الحاره أوعى تكون هربت منك

**حودة لا يا باشا هي عايشه هنا خد العنوان ……

أدهم اخد كل متعلقاتو وطلع يجري

**فارس رايح فين؟

**أدهم رايح القاهرة يلا معايا من غير كلام

فارس فهم أنو عرف مكان مليكه لأن أكرم بلغو بي دا، وقالوا مايقولش لي أدهم حاجة

وكان محتار يبلغ اكرم او لا وقرر مايقولش حاجه ويسكت

في الوقت نفسه مليكه راحت الشركة عند أكرم

**أكرم أهلا وسهلا نورتيني

**مليكه الشركة منورة بي أصحابها

**أكرم استني بس اخلص شوية حاجات، ونطلع عند المحامي

بعد وقت كانو في مكتب محامي مشهور جدا في القضايا المتعلقة بي الأسرة

**المحامي مدام مليكه موقفك القانوني وحش جدا لأنك قدام قضيتين كبار انتحال شخصية ميت وكمان نسب أطفال لي راجل تاني وأبوهم لسه عايش

**أكرم أنا حاكيت ليك كل حاجة

**المحامي فاهم يا أكرم بيه،

وفضل يقول ليهم علي شوية حلول

أكرم وصل مليكه الحارة

في نفس توقيت وصول أدهم نزل من العربيه

كانت مليكه بتضحك مع أكرم وهما نازلين من العربيه

ادهم لما شافهم غلى الدم في عروقه

**أدهم ملييييييييييكه

****************************

يتبع….

الفصل التالي :

_______________________ـ

رواية بعت نفسي الحلقة السابعة والستون

--------------------------------ـ

مليكه اول ما شفتو اتصدمت دا اخر واحد كانت تتمني تشوفو دلوقتي

مسكت في اكرم من الخوف

ادهم بي بص عليها مستغرب من قربها من اكرم

ابتدا يقرب منهم

مليكه بعفوية راحت ورا اكرم

**مليكه الحقني يا اكرم

** اكرم لف عندها مليكه ماتخافيش انا معاكي مش حايعمل ليكي حاجه

مليكه دخلت في حاله الخوف وكل اللي بتفكر فيه انو حايقتلها

اول ما قرب عليهم اغمي عليها

**اكرم مليكه!!!

حاول اكرم يمسكها كويس

وهو شايف نظرات ادهم

قرب منهم اوسطا حسن

**اوسطا حسن هو في ايه؟ مالها ابله مليكه

الوقت دا كان عبد الرحمن راجع مع اولاد

الولاد راحو يجرو علي مليكه

**خالد ماما

اكرم حاول يسندها ومايخليهاش تنزل علي الارض

**خلود مالها يا عمو

**اكرم عبد الرحمن بسرعه شيلها نطلعها فوق

ادهم مش قادر يستوعب اكرم مع مليكه اتخضت وراحت ورا اكرم و اغمي عليها اكرم حضنها وشاف بنت و ولد بقولو ماما لمليكه

حوده قرب منو

**حوده في ايه يا باشا الست خافت منك

عبدالرحمن شالها وطالع بيها يجري

**اكرم لف عند ادهم ممكن تمشي دلوقتي

**ادهم امشي بعد ما لاقيتها!!!

**اكرم مش وقتو الكلام دا

بس هي حالتها ماتسمحش انها تشوفك شوفت حصل ليها ايه اول ماشفتك ؟

اخد تليفونو ورن علي الدكتوره

**اكرم الو معلش بتصل بس لازم تيجي ضروري مليكه اغمي عليها تاني احنا في شقتها ارجوكي ما تتاخريش

**ادهم الولاد دول ولاد مين ؟!؟!

**اكرم مش وقتك دلوقتي وطلع يجري علي السلم

ادهم راح وراه بسرعه مع فارس و حوده

لحد ما طلعو الشقه

عبد الرحمان كان شايل مليكه

و اكرم فتح الباب بي المفاتيح

ودخلوا جوه في اوضه النوم

ادهم راح وراهم

مسكو فارس

**فارس رايح فين؟؟

**ادهم انت مش شايف دخلو جوه

رابح اشوف مالها

**فارس يعني مش عارف مالها شافتك خافت ما انت صوتك زلزل الحاره بذمتك مش مكسوف من نفسك ؟؟

**ادهم انت بتقول ايه؟

**فارس بقول اللي انت مش واخد بالك منو انت ندهت عليها بطريقه وحشه مش واحد ملهوف علي وحده لا واحد عايز ينتقم

**ادهم انا انتقم ما انت عارف كل حاجه

**فارس للاسف عارف بس اللي شوفتو حاجه تانيه انت اول ما شوفتها مع اكرم ركبك مئه عفريت وندهت عليها ما انك بتقولها انا اهو حاخد حقي منك وهي عينيها كانت حاتطلع من مكانها واتخضت وكانت بتترعش بس انت ماكنتش شايف كل دا الغضب عمي عنيك واهي النتيجه تعبت واغمي عليها من الخوف

انت بوزت كل حاجه

**ادهم كل اللي بتقولو دا كذب

**حوده ماعلش يا باشا ما انت ماشفتش نفسك كنت ازاي

هنا طلع عم محمد مع صباح و اولاد

**عم محمد لا حول ولا قوه الا بالله

خشي يا صباح شوفي بنتك مالها

هنا طلع اكرم من الاوضه

**خالد راح بجري عليه

عمو ماما مالها ؟؟

اكرم نزل لمستواه وحضنو

**اكرم ماتخافش يا حبيبي ماما حاتبقي كويسه إن شاءالله

**خلود هي ماما حاتبقا كويسه بجد يا عمو ؟

**اكرم اه يا حبيتي شويه و الدكتوره تيجي وحاتفوق وحتبقا كويسه

**عم محمد هو في ايه يا يابني مش هي كانت معاك حصل حاجه ؟؟ وبعدين مين دول ؟؟

**اكرم وقف اه كانت معايا وكان كلو تمام

اما دول بقا اللي وصلو مليكه الحاله دي

دا وشاور علي ادهم

يبقا ادهم الشرقاوي ابن عمي

**عم محمد من صدمتو قعد علي الكرسي لا اله الا الله جيب العواقب سليمة يا رب

الولاد جريو عليه

جدو

**اكرم عم محمد انت كويس؟؟

**عم محمد مش كويس يابني مش كويس ليكي ربنا يا مليكه حسبي الله ونعم الوكيل

وقام راح دخل الاوضه

ادهم كان كل تركيزو مع اولاد

**ادهم اسمك ايه ؟

**خالد اسمي خالد

**ادهم خالد ايه؟

**خالد خالد سيد الجيزاني

ادهم اتصدم وبص لي فارس

**ادهم ابوك فين؟؟

**خالد ابويا الله يرحمو ودي اختي خلود احنا توأم

ادهم وقف وكانت شياطين الانس والجن بدور حواليه

وبص لي اكرم

**ادهم انت لما لاقيتها ماقولتيش ليه؟؟

مين اولاد دول ؟

**اكرم ادهم مش وقت الكلام دا

انت تسرعت انا كنت حاقولك بس …

هنا رن جرس الباب دخل ياسين مع الدكتوره

**ياسين اللي سمعتو صح؟؟

**اكرم ايوه

ادخلي يا دكتوره طمنينا عليها

**ياسين نده علي مراتو سناء

يا سناء

**سناء ايوه يا ياسين

**ياسين خودي اولاد نزليهم تحت واقفلي الشقه

**ادهم لا لو سمحت ماحدش حاينزل لحد ما افهم

**ياسين مين حضرتك ؟؟

**ادهم انا ادهم الشرقاوي

**ياسين بي استفزاز ايوه مين يعني ؟ وبتعمل ايه هنا؟؟

سناء اعملي اللي قولتلك عليه بسرعه

**سناء تعالو يا ولاد

**خلود عمو اكرم انت وعدتنا تاخدنا الملاهي ؟

**اكرم ايوه حبيبتي انزلي مع طنط نطمن علي ماما واوديكم تكون مليكه جات هنا

سناء شافت الجو متوثر جدا اخدت الولاد ونزلت بسرعه

ياسين كان بي بص بي نظرات قاسيه علي ادهم كا انو بيلومو علي عذاب مليكه طول السنين

هنا طلع عم محمد و عبد الرحمان من الاوضه

**ادهم ممكن افهم بقا يا اكرم ؟

**ياسين و طي صوتك لو سمحت احنا اللي عايزين نفهم حضرتك هنا ليه؟ ومين انت ؟؟

عم محمد عارف شخصيه ابنو صعبه قد ايه وبحب مليكه قد ايه خاف يتخانقو

**عم محمد مش وقتو الكلام دا دلوقتي نطمن عليها الاول

**اكرم انا شايف ناخدها مستشفى احسن

**ياسين مليكه مش حاترتاح الا في بيتها وسط ولادها واهلها

**ادهم اكرم اعصابي مش مستحمله أولاد مين دول ؟؟

**ياسين ولاد مليكه انت بقا هنا ليه؟؟

**ادهم انت مين اصلا علشان تكلمني كده؟؟؟

**ياسين والله دا بيتي وانت اللي جاي هنا وداخل وانا مش عارف بي اي صفه موجود ؟؟

**اكرم ياسين لو سمحت مش وقتو خلينا نطمن علي مليكه الاول

**ياسين هو حصل ايه؟؟

**اكرم مافيش بعد ما وصلتها عندي روحنا مشوارنا ورجعنا علي البيت شافت ادهم واغمي عليها

**ياسين اه طيب بما انها شافتو واغمي عليها يبقا وجودو مش مرغوب فيه خالص وانا مش حاعرض مليكه للخطر لو سمحت حضرتك امشي انت شايف احنا اهل في بعض وانت غريب مع الناس اللي معاك

**ادهم انا مش حامشي من هنا الا ما اكلم مليكه

**ياسين ماشي بس مليكه تعبانه دلوقتي ومش حاتتكلم حد ولسه مش فاهم صفتك ايه هنا علشان تكلمها ؟

**ادهم حاجه ماتخصكش دا موضوع بيني وبينها

*ياسين اللي يخص مليكه يخصني

*اكرم ادهم أمشي، وأنا أفهمك كل حاجه بعدين

*ياسين معلش يا أكرم مش من حق أي حد يفهم الأخ دا إلا مليكه لانو لحد دلوقتي مش عايز يقول هو بصفته إيه هنا؟

*أدهم بصفتي جوزها ارتحت

*ياسين جوزها مممممم والله اللي أعرفه إن جوز مليكه مات في حادثة عربية الله يرحمو

أنت جوزها ازاي عندك حاجه تثبت كلامك؟؟

*أدهم بعصبية أنت بتقول إيه؟؟

هي مين اللي جوزها مات؟

*ياسين مليكه وكمان عندها توأم منو خالد وخلود

*أدهم أكرم إيه اللي بيحصل دا ازاي مليكه اتجوزت؟؟

*حودة اهدأ يا باشا مش كده

*ياسين لو سمحت وطي صوتك زي ما انت شايف مليكه تعبانة

*ادهم أكرم ماتفضلش ساكت أبوس إيدك قولي اللي بقولو صح؟

ياسين غمز أكرم

*أكرم ايوه صح

*ادهم ازاي وهي لسه على ذمتي انا ما طلقتهاش

*ياسين وما اتجوزتهاش أصلا مافيش عقد جواز رسمي يقول إنها متجوزه منك يبقى ليها الحق تتجوز وتخلف وطالما هي مراتك كنت فين السنين دي

دي مليكه بقالها معانا 10 سنين في راجل عندو نخوة ورجولة يسيب مراتو السنين دي كلها وجاي دلوقتي تقول مراتي؟؟

*عم محمد كفاية يا ياسين أنا مش مستحمل اللي بيحصل ده

ادهم حاسس بي صدمه كبيره ومش قادر يستوعب إن مليكه اتجوزت وخلفت

الكل منتبه عليه وعلي حالتو اللي ماتصرش لا عدو ولا حبيب و هو حاط ايدو علي دماغو

***********

يتبع….

الفصل التالي :

______-______________ـ

رواية بعت نفسي الحلقة الثامنة والستون

-------------------------------------ـ

**أدهم أنا مش عايز أعمل مشاكل عايز بس افهم لو سمحتو حد يفهمني اللي بيحصل دا

راح عند أكرم ارجوك يا أكرم ماتسبينيش كده

**أكرم اول ما نطمن على مليكه نتكلم

*ياسين أكرم مليكة هي اللي من حقها تتكلم لو هي فعلا عايزة تتكلم معاه

هنا رن جرس الباب

كانت سها وساره وصلوا

**سها في إيه يا آبيه ؟

**ياسين مليكه تعبت شوية والدكتورة عندها جوه

*سها هو في حاجة حصلت وإيه العربيات اللي تحت

*ياسين وهو شايف سها خايفه وبتترعش

مافيش يا حبيبتي اهدي كده

**سها ابتدت تعيط أنا خايفه عليها أوي يا آبيه

ياسين حضنها

وطبطب عليها

هنا الدكتورة طلعت مع صباح

*عبد الرحمن خير يا دكتورة ؟؟

**الدكتورة آنا فوقتها وأديتها مهدئ بلاش تضغطوا عليها لو سمحتو

**أكرم حاتبقا كويسه، ولا ننقلها مستشفى ؟

**الدكتورة لو بعدت عن كل الضغوط النفسية حاتبقا كويسه هي نامت دلوقتي بس لازم راحة وانا بكره حارجع عندها

*ياسين الحمدالله شوفتي أهي كويسه لازم بس راحة

**سها أنا السبب يا آبيه أنا اللي خليتها تحكي ليا إما مش أسامح نفسي

**صباح وهي بتبص لي أدهم بغل حسبي الله ونعم الوكيل في اللي عمل فيها كده

**أدهم أكرم ممكن تتكلم؟

**سها بعدت من ياسين

مين دا؟

*ياسين أدهم الشرقاوي

اول مقال أسمو سها راحت عندو مسكتو من بليزر اللي كان لابسه

**سها أنت السبب في موت أمي أنا بكرهك أنت مش إنسان دمرت مليكه جاي دلوقتي ليه عايز مننا أية قتلت أمي ماتت بسببك فضحتي أختي

منك الله ربنا ياخدك

ياسين راح عندها حضنها

*ياسين مش كده يا سها أهدي

**سها سيبني اموتو زي ما موت أختي وأمي

أدهم كان مصدوم جدا جدا جدا من انهيار سها والصراحة الكل كان مصدوم من ردة فعلها لأن سها على طول فرفوشه وبتضحك

*ياسين عبد الرحمان نزل أختك تحت

*صباح يلا يا بنتي متتعبيش قلبي عليكي انت كمان

*سها وهي في قمة انهيارها

دا موت أمي وأختي هي هربت منه وهو جا وراها علشان يقتلها

*أدهم أنا مش جاي اقتلها والله مش جاي في شر خالص يا جماعة افهموني اللي حصل غصب عني والله

*سها أنت عذبت أختي أمي ماتت عارف يعني إيه موت؟؟!

عارف يعني إيه نهرب في عز الليل مش معانا حاجة علشان خايفين منك

*ياسين كفاية يا سهي أختك جوه حاتصحي وتسمع كلامك ممكن مانعرفش نلحقها

*سها هو السبب في حالتها

*عبد الرحمان يلا سها جرها، ونزلت معاه

*سارة راحت عند اكرم حاخد سها وأولاد معايا

*أكرم خودي معاكم عبد الرحمن

نزلوا فضلت صباح

وياسين وأكرم وعم محمد وفارس و حوده

*ياسين تعالو نقعد في الصالون جوه

روحي يا أمي اقعدي معاها

*صباح مش حاقوم إلا لما اعرف الراجل دا عايز إيه من بنتي؟

*ياسين احنا مش حانتكلم في أي حاجة إلا لما مليكه تقوم بي السلامة روحي ربنا يديكي الصحة

قامت صباح

ادهم حاسس نفسو مزنوق جدا

*فارس احنا اسفين على اللي حصل مكانش قصدنا كده

**ياسين، وكان قصدكم أية؟

**ادهم بعصبية ممكن أفهم أنت مين وبتتكلم ليه معايا كده؟

الكل شايف غيره وشك ادهم

*عم محمد دا ياسين ابني و أخو مليكه

**ادهم مليكه عندها أخ واحد هو عبد الرحمن

*عم محمد لا ليها ياسين ويوسف وأكرم وطبعا عبد الرحمن

الأخوة مش لازم يكونوا من نفس الأب والأم في أخوه تانية بتيجي بتربية والعشرة ومليكه عاشت معانا 10 سنين حزنا، وفرحنا مع بعض

*فارس بحاول يلطف الجو

مشاء الله ربنا يخليكم لبعض

*أدهم ممكن حضرتك تقولي ازاي مليكه اتجوزت دا حرام شرعا لأنها لسه على ذمتي

*ياسين علي ذمتك ازاي؟؟

*ادهم أنا ما طلقتهاش

**ياسين بي العقل كده مش حرام إنك تتجوزها من غير توثيق عقد الجواز افرض مثلا طلقتها مالهاش حقوق ولا حد كان عرف أنها اتجوزت أساسا افرض مثلا كانت خلفت منك حاتسجل أولاد بي إيه من غير عقد جواز قانوني؟؟

*أدهم كانت في ظروف وكنت ناوي أسجل العقد بس …

*ياسين بس إيه؟؟

أنت عملت جريمة في حق مليكه، وفي حق نفسك

*ادهم ارجوك قولي الأولاد ولاد مين؟؟

*ياسين ولاد سيد محمد الجيزاني

*أدهم متعصب ازاي بس

*ياسين زي الناس هي اتجوزت وخلفت

*ادهم ثاني حاتقولي اتجوزت

*ياسين ما أنت مش فاهم أنا بقول إيه ؟؟ إيه اللي حايمنعها تتجوز؟ مافيش عقد جواز رسمي

أنت كا أنك اتجوزتها عرفي

هي قدام القانون غير متجوزه

أكرم كان صعبان عليه أدهم وشايف أسلوب ياسين عنيف ازاي

أما عم محمد كان مطمن أن ابنو هادي بس بربي أدهم ويفهموا غلطوا

**أدهم أنا اتجوزتها على أيد مأذون شرعي وأكرم كان وكيلها ما تتكلم يا أكرم ساكت ليه؟

*ياسين حايقول إيه حتى لو على أيد مأذون شرعي مافيش إثبات

**أدهم ارجوك أنا عرفت أنها كانت حامل مني، وحصل اللي حصل وهربت

فا ممكن يكونوا أولادي

**ياسين اللي بيهرب بكون عامل عمله وأختي مش كده هي بعدت منك، وفي فرق كبير بين أنها تهرب وأنها تبعد

شاكك إن أولاد ولادك ليك كل الحرية تعمل فحص DNA

علشان تتأكد

بس بعد موافقة مليكه، ودلوقتي أنا شايف مالوش لازمه الكلام زي ما انت شايف الوضع مش كويس حاديك رقمي اول ما تبقى مليكه كويسه وهي عايزة تكلمك نتقابل هنا

*أدهم أنا مش حاقدر اطلع من هنا، وأنا مش فاهم حاجة حس بيا

*ياسين، وأنت حسيت بيها؟ أنت بتقول عرفت أنها كانت حامل ليه جاي دلوقتي بعد كل السنين دي تسأل على الأقل أكرم كان مسافر بره مصر اول ما دخل مصر دور عليها، ولاقاها هي مش هربانه هي عايشه حياتها وبتنزل تشتغل وساكنه في حارة شعبية

دا حتى لقاء أكرم ومليكه كان قدام الكل في الشارع لقاء الكل بيتحاكي عنه لدرجة الناس عيطت الأخ اللي اختو تاهت ولاقاها

ادهم هنا بص لي أكرم بحزن وعتاب

**أدهم أنا دورت كثير

*ياسين معلش هي مش إبرة في كوم قش دي إنسانة وليها عنوان

والي اسمعوا إنك راجل واصل يعني بي مكالمة حاتعرف مكانها

*ادهم مش بسهولة دي طول السنين دي وأنا عامل ناس خاصة بدور عليها وما وصلتش لي حاجة دا حتى عنوان البطاقة روحت ليه، ومافيش حاجه

*ياسين يبقي معلش في حد مش عايزك توصلها

لأن أكرم وصل ليها، واستقبلناه وبقا واحد من العيلة

**أكرم شكرا ياسين

**ياسين ممكن حضرتك تمشي؟

*ادهم أنت بتطردني؟

*ياسين لا من غير ما تفهم غلط بس أنا ورايا شغل ومش حافضل قاعد هنا

ومليكة مش حاتصحي دلوقتي وحتى لو صحيت مش حاتقابلك من غير أذني

*فارس يلا يا أدهم

**حودة بينا يا باشا، ونرجع مرة تانية

**أدهم وقف وانت مش حاتقوم وجه كلامو لي أكرم ؟

**أكرم لا ورايا شغل مع ياسين

أدهم بي بص غضب، وراح طلع مع حودة وفارس

اول ما أقفل الباب

*عم محمد أنت جبت برودة الدم ازاي؟؟

*ياسين واحد مستفز زيو لازم أتعامل معاه كده وخاصة احنا مش عاوزين معاه مشاكل

هو سجل الجواز بتاريخ قديم

*عم محمد ازاي؟؟؟

*ياسين ازاي دي هو اللي عارف عمل إيه

بس تاريخ العقد اتسجل

يعني لو رفع علينا قضية حا يكسب

انا لسه عارف المعلومه دي من واحد في المصلحه

*أكرم يبقي بي محامي العيلة دا بيعمل العجب بس من ورا جدو وعصمت

*ياسين المهم حانعمل إيه ؟

أولا هو مش سهل، ودا باين اوي تانيا هو لسه بشك فيك أنت ومليكة

*عم محمد أيوه باين في عنيه

*أكرم للأسف آه دا هو لما شافنا كا إنو شاف عفريت بس أنا مقدر حالتو

*ياسين أنا قسيت عليه في الكلام علشان يحس بغلطو بس احنا كمان غلطانين

صعب يشوف ولادو قدامو وهو مش عارفهم

الموقف صعب

*أكرم آه والله دا فضل مصدوم، ويسأل في خالد

*ياسين يارب هونها من عندك

يتبع….

الفصل التالي :

_____________________ـ

رواية بعت نفسي الحلقة التاسعة والستون

------------------------------------ـ

رواية بعت نفسي ............... بقلم نسرين

================ـ

الحلقة ال69 و ال 70 و ال 71

____________________________ـ

رواية بعت نفسي الحلقة التاسعة والستون

------------------------------------ـ

في أوتيل

أدهم رايح جاي

**فارس اهدأ يا أدهم

**أدهم أهدأ بعد كل دا بتقولي اهدأ أنا مراتي اتجوزت وخلفت كمان

*فارس بس بجد أنت ما طلقتهاش ؟؟

**أدهم لا ولا كانت عندي النية أني أطلقها وسألت شيخ قالي انها مراتي شرعا، وانا خليت المحامي يسجل الجواز يعني هي دلوقتي قانونيا مراتي شرعا وقانونا

*فارس بس لحضه لما المحامي سجل الجواز ماقلاكش حاجه؟

*ادهم حاجة زي إيه ؟؟

**فارس أنها كانت متجوزه قبل كده؟

*أدهم لازم اتصل بيه

فعلا اتصل بي المحامي يجيب ليه المعلومات كلها

*فارس أدهم أهدأ لو سمحت ولازم تفكر حاتعمل إيه في اللي جاي

اللي شوفتو النهارده صعب أوي والي فهمت أن مليكه عندها حالة نفسية بتجيلها؛ بسبب اللي حصل عليها وانهيار أختها قطع ليا قلبي أنت ظلمتها أوى

وللأسف أنت لسه بتشك فيها

*أدهم بشك فيها؟

*فارس يا أدهم كون صريح مع نفسك أنت لما شفتها مع أكرم اتجننت

*ادهم أيوه اتجننت وهي بتضحك معاه، ونازله من عربيتو،

ولما ندهت عليها فكرت أنها حاتكون مبسوطة وتترمي في حضني لاقتها في حضن أكرم عارف نار كانت جوايا

أنا وصلتها الحالة دي كانت خايفه مني، وأغمي عليها في حضن أكرم

**فارس أكرم لاقاها قبل منك وباين إنو مندمج مع العيلة دي ومراتو كانت معاهم يعني مش لازم تشك

أدهم أبوس إيدك بلاش تعمل مشاكل بشكك دا أكرم بحب مراتو آوى وانا شوفت الكلام دا لو الست شكت إن جوزها ميال لمليكه إيه اللي خليها تروح

عندها وباين في علاقة كويسه بينهم دليل أختها كانت معاها وأكرم قالها خودي أولاد وعبد الرحمن يعني في رابط قوي

دي حطها في دماغك

خوفها منك لأنها لسه مرعوبة تقتلها أنت شيلت السلاح قدامها

*أدهم ندمان والله ندمان كلام راجل المستفز عصبني آوى

**فارس علشان على حق وباين ليه هيبه لانو قالك ماتقدرش مليكه تقابلك من غير إذنو

**أدهم فارس أنا لما شوفت أولاد قلبي طلع من مكانه خايف يكونوا ولادي حاموت يا فارس ازاي كبرو بعيد عني أنت شوفت الشقة عامله ازاي؟!؟

*فارس أنت من الأول عارف إنها فقيرة وعايشه في حارة

**أدهم بصوت عالي ااااااااااأ ه

يا وجع قلبي لو طلعوا ولادي مش حسامح نفسي الولد بيشبهني أوي وحتى البنت فيهم حاجة مني

بس أنا عارف مليكه مستحيل تتجوز راجل تاني بعدي لا لا هما بيضحكو عليا آاااااه أنا حاتجنن

فارس شايف حاله أدهم صعب عليه

*فارس أهدأ كده، ونفكر بي العقل

*أدهم عقل آية !!!

لاقيتها بعد ما فقدت الأمل

ماكنتش حابب يكون كده بطريقة دي

أعرف ازاي انهم ولادي، ولا لا ساعدني يا فارس كلم أكرم ولا خلينا نروح عندو

**فارس مش عارف شقته في القاهرة

اتصل بيه

بعد ثواني

تليفونو مقفول

*أدهم اعمل إيه ؟

أنا مش حاقدر اصبر

*فارس ربنا معاك بجد بس فكر في كل احتمالات

طيب أنت كنت بدور على مليكه علشان تعرف الحقيقة ولا لسه عايزها مراتك؟؟

*ادهم اتصدم من السؤال

بص مش عارف كنت عايز أقابلها هي مراتي وطالما سجلت الجواز رسمياً يبقى عايزها

*فارس بس الوضع اتغير

*ادهم قصدك إيه ؟

**فارس هي مش وحدها معها بنت وولد

*أدهم يا رب الصبر من عندك

نار جوايا مش عارف أعمل إيه أنا ازاي عملت كل دا

عقلي كان فين والله يا فارس دورت عليها، وحياة بنتي ملك

لحضه أنت ما شوفتش البنت فيها شبه من ملك بنتي نفس العينين

الولاد دول ولادي يا فارس مهما قالوا ولادي قلبي بقولي إنهم ولادي أنت فاهم هما بيكذبو عليا

أنا حسيت حاجة جوايا اتحركت لما شوفتهم

كان بيتكلم بصوت عالي

**فارس حانعرف كل حاجه هما ماعندهمش مشكلة تعمل DNA من حقك تعرف

لو طلعوا ولادك حاتتصرف ازاي؟؟

**ادهم أكيد حايعيشو معايا

**فارس وأمهم ؟؟

**ادهم أكيد هي كمان

**فارس ماضنش ما هي اول ما شافتك حصل ليها أية ازاي تعيش معاك

حاتقول لي جدك ايه ولا كامليا انت نسيتها هل حاتقبل بضره عليها و وبنتك

**ادهم ضره أية ؟؟؟؟

مليكه مراتي أولى و كامليا هي اللي ضرتها عجبها الوضع أهلا وسهلا معجبهاش تغور في ستين داهية أنا مستحملها بي العافية

**فارس وبنتك؟

**ادهم حاتربيها مليكه مع أخواتها أنت مش شايف الولاد كانو بيتكلمو على أمهم ازاي انت عارف لو كامليا حصل ليها كده ملك ولا تحس بيها لأنها اتعودت على عدم وجودها

**فارس أنت سرحت بي خيالك هي عصمت حاتسبلك حفيدتها ؟؟

**ادهم غصب عنها

**فارس ومليكه حاتتقبل إنك متجوز وعندك بنت وهي فضلت زي ما هي لو فرضنا أنها ما اتجوزتش

**أدهم مش عايز أفكر كثير

هنا اتصل المحامي بي أدهم طلع البلكونة

يتكلم

فارس اتصل بي أكرم

**فارس ألو

**أكرم طمني علي أدهم

**فارس تعبان أوي

**أكرم من شوية مليكه فاقت

**فارس الولاد اولادو ؟

**أكرم ماقدرش أتكلم خليك معاه هو متهور ماتخليهوش يشرب بكره الصبح نتقابل أنا بحاول أقنع مليكه أنها تقابلو

فارس قفل مع اكرم

رجع أدهم

**فارس في أية ؟؟

**أدهم المحامي بقول في شواهد ميلاد طالعه بي اسم سيد محمد الجيزاني

وفي نسخه قعد جواز لمليكه وفي شهادة وفاة بتاعتو

**فارس يعني مش ولادك وهي اتجوزت

هنا أدهم ماقدرش يتحمل وابتدأ يبكي

أدهم الشرقاوي انهارت حصونو وانهار غرورو وكبريائو وهيبتو

كان بيتمني إنهم يكونوا ولادو

حاجه تربطو بي مليكه

في بيت سارة

كان عبد الرحمن هو كمان منهار مع أخو سارة

**عبد الرحمن أنا السبب في كل حاجة حصلت لي أختي ماقدرتش أحميها زمان

ولا حتى دلوقتي ياسين بص ليا أني ماتكلمش لانو مش شايفني راجل قدامو

*أخو سارة لا يا عبد الرحمن الوضع مكانش مستحمل وياسين أكبر منك وعنده خبره عليك

*عبد الرحمن خايف عليها دا راجل مفتري

*أخو سارة مش حايقدر يعمل حاجة لانو في ولادو

في النص

لازم نتصرف بي العقل معاه لانو هو في مركز قوة

في بيت مليكه

كان ياسين وأكرم وصباح وعم محمد في الأوضة معاها

*ياسين ألف سلامة عليكي يا غالية

**مليكه ابتدت تعيط

اعمل إيه أنا خايفه

*أكرم أولا بلاش عياط أنت تعبانة عارف إن الموقف صعب بس كلو بعدي

*مليكه هو شك فينا أنت سمعت صوتوا أنا عارفاه كويس

*ياسين شك إيه بس يا مليكة دا راجل بقطع في القلب دا هو ما صدق عرف مكانك

*مليكه حصل إيه معاه؟؟

*ياسين كل خير هو مش جاي في شر

*مليكة أبيه قولي أعمل إيه ؟؟

**ياسين تتكلميي معاه مليكه من حقو يعرف ولادو الراجل عقلوا كان حا يطير من مكانه لما شافهم

*مليكه بسهولة دي يجي يلاقيهم على الجاهز أنا تعبت فيهم وأنت شاهد علي كده

**ياسين مكانش يعرف مكانك وهو بقول تعب يدور عليكي

**أكرم مليكه أنت ماتعرفيش نفوذ عصمت ولا رحيم أكيد عملت المستحيل علشان مايوصلش ليكي

*ياسين شوفي يا مليكة الكلام اللي حاقول صعب بس كلنا معاكي

أولا هو جوزك شرعا وقانونا لانو سجل الجواز بتاريخ عقد جوازكم القديم قبل ما يعرف مكانك أنا لما عرفته موجود في البيت اتصلت وعرفت

تانيا الولاد ولادو،

ولو عندتي معاه أنت اللي خسرانه لانو ممكن يطلبك في بيت الطاعة وممكن يتهمك بي الهروب وأنت حامل والمصيبة الكبيرة انو يتهمك أنك نسبتي اولادو لي راجل تاني

وأبويا من حسن نيتو علشان يساعدك زور عقد جوازك غير فيه الأسماء علشان يطلع شهادة ميلاد يعني مش حا ترضي أن الراجل اللي عمل، فيكي خير أنت وأخواتك وأولادك يتأذى

فاهمه كلامي؟؟؟

حاسيبك لحد بكره تفكري ولازم تعرفي إنك في كل الاحوال لازم تواجيه

ماحدش حايغصبك تعيشي معاه أنت ممكن تطلقي منو بس لازم يعترف بي أولادو

ويغير النسب لي نسبو

وكل دا لازم هو اللي يعملو

****************************

يتبع….

الفصل التالي :

_____________________ـ

رواية بعت نفسي الحلقة السبعون

------------------------------ـ

الليلة دي عدت على الكل صعبة أوي

مليكه نامت وسط ولادها وبتفكر تعمل إيه

أكرم كمان ماعرفش ينام صعبان عليه أدهم جدا

**سارة ياه الفجر قرب يأذن وأنت لسه صاحي؟

*أكرم ماعرفتش أنام تصدقيي لو قولتلك إن أدهم صعب عليا أوي

كان حايتجنن

*سارة طبعا حبيبي أصعب حاجة إنو يعرف إنو عندو أولاد مشاء الله عندهم 9 سنين وهو مش عارف عنهم حاجة

**أكرم أنت شايفه إيه مليكه حاتعمل إيه ؟

**سارة هي مش عايزة تقول ليه الحقيقة كا أنها عايزة تعاقبوا بس خايفه أدهم يقلب عليها هي عايزة ترجع حقها بس مش بي الطريقة دي

**أكرم بصي أنا مش حاسكت و حاقولو علي الحقيقة

**سارة وأنا معاك حبيبي

في شقة صباح

**صباح ما تنام يا راجل وافرد جتتك على السرير

*عم محمد أنام في المصيبة اللي احنا فيها

*صباح ربك كبير قادر على كل شيء

**عم محمد، ونعم بالله

البت مليكه اتغيرت كده ليه؟؟

*صباح من غلبها يا حبة عيني

*عم محمد بصي علشان أرضي ضميري قدام ربنا أنا حاقولو على الحقيقة

**صباح أيوه يا خويا دول ولادو ومن صلبو لازم يعرف

*عم محمد إن شاء الله أقوم أصلي ركعتين كملي نومك

أما أدهم كان بيتقلب على السرير طول الليل

وهو يفكر في مليكه زي ما هي ما اتغيرتش

الولاد شغلوا حيز كبير من تفكيرو

لازم يعرف لو، ولادو

ولازم يحميهم من عصمت و كامليا أكيد مش حايسكتو

وجدو رحيم حاتكون رده فعلو آية لما يعرف أن عندو حفيد وحفيده

بعد ليله طويله علي الكل الاشراقت الشمس علي كل ابطالنا

مليكه عملت الفطار لي ولادها وسها وعبد الرحمن

الكل يفطر في هدوء مريب

*عبد الرحمن حاتروحي الشغل؟

*مليكه آه طبعا أوصل أولاد المدرسة وأروح شغلي

*خالد مامي هو مين الراجل اللي جا امبارح؟؟

*مليكه واحد من عيلة أبوك

**خالد هو احنا مش عندنا تيتا وجدو؟

**مليكة لا الله يرحمهم

ياسين صحي الصبح

اتصل بي أدهم

**ياسين صباح الخير

*أدهم صباح الخير

*ياسين الحمد لله مليكه فاقت امبارح، واتكلمت معاها

*أدهم الحمد لله طيب أنا عايز أكلمها بس لوحدنا لو سمحت

*ياسين من حقك طبعا هي دلوقتي نزلت تودي أولاد المدرسة ويمكن تطلع على شغلها في المحل حاتخلص على الساعة 4

*أدهم هما ولادي؟؟

*ياسين أي سؤال هي اللي من حقها تجاوبك عليه وزي ما قولتلك لو عايز تعمل التحاليل أنا أساعدك

**ادهم كفاية تقولي إنهم ولادي ومصدقها

*ياسين طيب أنا بس محتاج أعرف أنت ممكن تأذي مليكه؟؟

*ادهم لا والله لو كنت عايز أعمل كده كنت وصلت إليها دا لما جدي وعمتي يعرفوا نيتي بي الشر ليها بس هما عارفين إني مش عايز أنا والله ندمان جدا علي كل اللي حصل

*ياسين لولا أني حسيت بي دا والله ما كنتش كلمتك بس هي أختي وعايز اطمن عليها

*أدهم وأنا عمري ما أنسى الخير دا طيب أشوفها ازاي؟

*ياسين أنا أفضل تكون وحدكم من غير ضغوطات

اول ما توصل البيت حاتصل بيك، وتطلعوا السطح واتكلمو

*ادهم هي شغالة فين؟؟

*ياسين في محل وسط البلد حابعث ليك عنوانو بس بلاش تروح هناك وتكلمها

*أدهم حاضر

قفل معاه

وأدهم مش قادر يصبر

اما في مكان ما بعيد عند أجواء المدينة

حانروح قرية في الأرياف في محافظة الفيوم

قرية جميلة بي مناظرها الخلابة واللون الأخضر مغطى الأرض وريحت الزرع

في بيت الجيزاني

بيت كبير كلو غرف علشان بيستقبلو ضيوف كثير

الطابق اللي تحت فيه المندرة كبيرة لي استقبال الضيوف

ومطبخ كبير

والطابق الثاني كلو غرف نوم لانو كمان بيت السلايف

الجد الكبير كان مانع أن اي حد يطلع من طوعوا ويروح يسكن بعيدا أو بره البيت

الجد كان قاعد وسط الزرع

*الابن الكبير يا بوي

*جد في آية مالك متسربع كدا

*الابن لاقيتهم يا بوي

*الجد هما مين؟؟

*الابن ولاد سيد

*الجد أنت بتقول إيه؟؟

**الابن والله يا بوي عندو ولد وبت

*الجد الحمد لله يعني كلام مرتو كدب آنو ما بخلفش

*الجد يا بوي دي وليه خرفانه

أنت ناسي إن سيد كان على طول ينزل مصر وبعدين كان قال إنو متجوز وبعديها أنت طردتو علشان خاطر بنت أخوك وهي طلعت عليه الإشاعة أنو ما بخلفش لولا المحامي ما كنا نعرف أن عندو عيلين

*الجد وهما فين؟؟

*الابن المحامي قالي إن مراتو ولدت بعد ما مات بي 3 أيام يا ولداه مالحقش يفرح بي عيالو هي خلفت توأم ولد وبت خالد وخلود والمحامي لولا بيانات التركة ماكناش حانعرفو

*الجد يعني عمرهم 9 سنين

*الابن أيوا والاهم عندو ولد وخير سيد كثير كان حايروح الولية مراتو معلش هي بنت أخوك بس الله وكيلك سيد كان مستحمل قرفها وعلي يدك أنت شايف عامله في البيت الكبير إيه

دي مش سايبه حرمه في حالها وعامله عليهم الكبيرة وانت مش عايز تزعلها علشان يتيمة وأمانة أخوك

**الجد شايف يابني دا حتى أحفادي البنات بخافو منها بقيت الجد الكل ببحترمني إلا هي بي توقف قصادي، ولو عرفت أن سيد مخلف الله أعلم حاتعمل إيه

**الابن الكبير بقولك يا جدي الرجالة هناك نديهم الإشارة ونخطف العيال

*الجد نخطف العيال من أمهم ؟؟

**الابن عندك حل تاني؟؟

هي ماينفعش تعيش هنا وسط نساوين وهي بنت البندر وغير بت أخوك تطلع عينها وكمان ماينفعش نسيب ولادنا يتربوا مع حرمه وإلى عرفت أن حالتها ضنك بتشتغل عليهم في مصنع هدوم ومحل هدوم والصراحة الله الكل بيشكر في أخلاقها

**الجد مش قالوا إنو كان متجوز رقاصة ؟؟

**الابن لا يا بوي مراتو دي ست محترمة

**الجد خلاص نفد

*الابن الليله يباتو في حضنك

في محل ملابس

*مروي مالك يا مليكة مش على بعضك كده؟

* مليكه مشاكل يا مروي

*مروي بس أنت مشاكلك كترث اليومين دول ومابقيتيش مركزه في الشغل

*مليكه معلش استحمليني شوية

الوقت دا أدهم كان واقفاً من بعيد. بي بص عليها وشايفها،

وكان قبل راح شاف المصنع اللي بتشتغل فيه ورديات

وعرف قد إيه تعبانة في حياتها علشان تعيش

ومبسوط أنها ماتغيرتش، وفضلت محافظة على نفسها

كل خوفو كان أن الحياة تطحنها وما تلاقيش غير سكة الحرام تمشي فيها

بس حمد ربنا أنها فضلت زي ما هي

رجع العربية

**فارس ها اطمنت عليها؟

*أدهم الحمد لله

**فارس الحمد لله وعرفت أن سيرتها زي الفل؟

*أدهم آه وكنت متأكد من دا

*فارس بتحبها؟

*أدهم أنا واحد معقد ومريض ومش عارف الحب دا إيه؟

كنت ابتديت احسو معاها،

واتجوزت كامليا طول الوقت حبيبي، وتصرفتها حاجة تانية

ماشوفتش الحب، ولا عيشتو الا معاها مليكه حاجه تانيه

شايف القصر بكل فخامتو كل واحد بيكرهه الثاني

*فارس لو وافقت مليكه ترجع ليك حا تخدها القصر؟

*ادهم ترجعلي الأول واعرف ولادي

*فارس أنت قلت لي إن بنتك متعلقة بيك جدا جدا حاتقولها ازاي أن عندها أخوات ؟

**أدهم فارس الله يبارك لك بلاش الأسأله دي

فارس أكرم بيتصل

*فارس ألو

**أكرم إزيك يا فارس؟

*فارس الحمد لله

**أكرم أخبار أدهم أية؟

**فارس بص لي أدهم هو كويس هو معايا

*أكرم طيب ممكن أكلمو

**فارس أكرم عايز يكلمك

*أدهم ألو

**أكرم إزيك ؟

**ادهم الحمدالله

*أكرم أنا عارف إنك زعلان مني بس أنا كنت طول المدة دي بحاول اقنعها تتكلم معاك بس مليكه اتغيرت أوي فا مش عايزك تتصدم من كلامها اللي عاشتو حاجه وحشة أوي يعني مش حتسامحك بسهولة اللي حا قوله ليك تخليك هادي، وبلاش قسوة عليها كفاية اللي شافته على العموم أنا حاكون هناك، وأوعدك بعد ما تخلص كلام معاها قالت ليك الحقيقة ولا لا أنا أوعدك اقولك كل حاجة عرفتها أدهم جدك، وعصمت ليهم أيد إنك ماتعرفش مكانها وكفاية جدك كان عارف هي فين

*أدهم ازاي؟؟

دا جدي اتصل بي واحد واصل أوي علشان يسألوا

**أكرم مشكلتك أنك لسه مش عارف انت عايش مع مين على العموم نكمل كلامنا بليل، وأنا عازمك على العشا في بيتي لو عايز تشرفني ومليكة أختي بس، وبقت صاحبت مراتي وأنا بجد بحب مراتي جدا ومبسوط بي حياتي،

وقفل معاه

راح فارس، وأدهم يتغدو وهو سرحان في كلام أكرم ياه جدو لي الجبروت دا

لو عارف إن عند أحفاد ليه سكت أو يمكن مش احفادو

راح بيت مليكه

والحارة مابقتش سيره غير مليكه، وأهل جوزها اللي ضهرو في حياتها

أدهم كان قاعد في السطح،

وطلعت مليكه مع ياسين

*مليكه سلام عليكم

***********

يتبع….

الفصل التالي :     

__________________________ـ

رواية بعت نفسي الحلقة الحادية والسبعون

--------------------------------ـ

**أدهم وعليكم السلام

ياسين كان قريب من مليكه، وحط إيدو على خدها

*ياسين مش حواصيكي يا مليكة قولي الحقيقة

**مليكه حاضر يا آبيه

ياسين باس جبينها

كل دا وادهم مصدوم قلبوا قايد نار من الغيرة

وأول حاجة جات في بالو هو ليه مش بغير علي كامليا

طلع من شرودو لما شافها قربت منو

مد إيدو يسلم

فضلت ثواني،

ومدت أيديها

بس هو فاجئها بحركة مكانتش متوقعاها حضنها بكل لهفة وشوق وحنين وحب

حضنها جامد جدا لدرجة نسيت نفسها

*أدهم وحشتيني أوي

اتعذبت كثير في بعدك عني

مش قادر أصدق أنك في حضني دلوقتي

مليكه ساكتة بس جسمها كان بيترعش من كمية الأحاسيس اللي مش فاهماها

ادهم حس بيها بتترعش

*أدهم أنت خايفه مني والله مش حأذيكي

*مليكه ابعد لو سمحت

وحاولت تزقو بعيداً عنها

هو تفاجئ بطريقة كلامها معاه

بعد أدهم

وهي راحت قعدت علي كنبة بتحاول تسيطر على نفسها

*أدهم أنا آسف لو دايقتك

*مليكه عايز تكلمني أنا بسمعك

*ادهم ارتبك مش عارف يبتدي الكلام بي ايه

بصي يا مليكة أنا والله مش جاي في شر

*مليكه أنا من ساعة ما شوفتك ودخلت حياتي وأنا شايفه كل شر منك

*أدهم وأنا آسف على كل حاجة حصلت

*مليكه ياه أسف من أمتي الكلام ده من أمتي أدهم الشرقاوي بيعتذر ويتأسف

كانت منفعله وهي بتتكلم

*ادهم لو سمحت أهدي علشان نعرف نتفاهم ونتكلم

*مليكه ماشي بحاول أهدأ

**أدهم أرجوك سامحيني على كل اللي حصل

والله المنظر كان صعب أشوفك كده

مش عايز أفتح الموضوع دا

أنت أكيد عرفت من أكرم أن عصمت هي اللي خططت لكل دا علشان تبعدك عني،

وأنت ساعدتيها في دا، وهربت

*مليكه معلش أنا آسفة كان لازم أفضل علشان تقتلني

*أدهم ماكنتش حاعمل كده

**مليكه أنت ماكنتش شايف قدامك

*أدهم قدري موقفي أنت لو شوفتيني في موقف دا مع ست تانية أكيد حاتتجنني أكيد أنا كمان وخاصة أن عندي مشكلة من الخيانة

ماقدرش أشوفك أنت وأكرم اقرب ناس ليا

مليكه أنا تعبت جدا بعد ما مشيتي كنت حاعمل العملية بس نفسيتي كانت تحت الصفر

أنت كنت بتعملي ليا كل حاجه اتعريت قدام الممرضين بعد ما كنتي ستري، وغطايا

كنت في حياتي، وبعد كده بقيت وحدي

كنت محتاجلك آوى والله كنت بدور عليكي كنت متأكداً أنك بريئة قلبي ماصدقش اللي شافتو عينيا

اتجننت لما ما اختفيتي

مليكه ارجوكي إديني فرصه أصلح اللي عملتو فيكي وفي نفسي

قوليلي من فضلك الولاد ولادي

*مليكه لا

**أدهم أنت كنت حامل مني ازاي مش، ولادي ؟؟

*مليكه آه كنت حامل وأول حاجة جات في دماغي إنك حاتشك فيا

جاي دلوقتي بكل سهولة تقولي أنا آسف اديني فرصه

هو أنت كنت اديتني فرصة لما ضغطت عليا لما اتهمتني بسرقه لما اتكلمت معايا وحش ولا كلامك عن شرفي ولا لما شبهتني بي بنات الشمال

ولا رحمت ضعفي وقلة حيلتي لا أنت دوست عليا من غير رحمة ولا شفقة حرمتني افرح بجوازي زي كل بنت، وحرمت أمي تفرح بيا أمي اللي ماتت بسببك بعد ما بعث رجالتك يدوروا عليا أمي ماتت وهي عارفة إني خاطيه ماتت من غير ما أحضنها ولا اعتذر منها

كانت مليكه بتتكلم وهي بتعيط

أنت حرقت قلبي على أمي هربت، وما اخدتش عزاها ركبت في القطار وأنا مش عارفة أروح فين مع عيلين

اسامحك على أية على ليلة دخلتي اللي عمري ما أنساها ولا اغتصابك ليا ولا شكك فيا أهانتني وضربتني

اتهمتوني بي الخيانة

قولي فاضل إيه ما عملتوش ليا

حرام عليك جاي ليه بعد السنين دي كلهما

اوعي تفكر أني أرجع ليك لا أنت تنساني

*ادهم والولاد؟

*مليكه دول ولادي مش لادك

*أدهم يعني أنت اتجوزتي؟

*مليكة آه زي ما أنت اتجوزت وخلفت

*ادهم اتجوزت بعد سنين، ولما فقدت الأمل إني أوصلك

**مليكه يا سلام قول الكلام دا لحد تاني أنت لو عايز توصل لي حاجة حاتوصل ليها

**أدهم يمكن ربنا ليه حكمه في كده

**مليكة شوف مين بيتكلم علي ربنا

*أدهم أنا اتغيرت والله

*مليكه والله دي حاجة تخصك

مليكه وقفت

في حاجة تانية عايز تقولها؟

ادهم مسك أيديها وقعدها

*ادهم لسه ماخلصناش كلام

مليكه لو أنت فعلا اتجوزتي

دي مشكلة

**مليكه ليه مش من حقي اتجوز؟؟

*أدهم من حقك بس بعد ما أطلقك وأنت لسه مراتي

*مليكه مراتك ازاي دي، وانت صدمتني صدمة عمري لما عرفت إنك مش مسجل عقد الجواز ضحكت عليا وجاي تقولي لسه مراتك

لا أنا مش مراتك

*ادهم مراتي وروحي عند أي حد اسأليه

حارجع أسألك تاني خالد وخلود ولادي؟؟

*مليكه لا

**أدهم ارجوكي يا مليكه بلاش تعندين معايا

أنت تربية أيدي المدة القصيرة التي عشت فيها معايا عارف إنك ما اتجوزتيش ، ولما حضنتك دلوقتي أتأكدت مليون مرة

أن مافيش حد لمسك بعدي

*مليكه جايب الثقة دي منين على فكرة أنا اتجوزت وخلفت وكمان دلوقتي مخطوبة

**أدهم بصدمة نعم مخطوبة ؟!!!!!

**مليكه أيوه

**أدهم بلاش يا مليكة تستفزينني لو سمحت قبل ما أفقد أعصابي أنا مش عايز مشاكل معاكي عايزك أنت تقولي الحقيقة

لأني لو عايز أتأكد حتاكد ممكن اعمل تحاليل DNA،

ولو طلعوا ولادي أنت اللي خسرانه لأني حا حسبك أنك بعدت ولادي عني، وسجلتيهم بي اسم راجل تاني، وزورت عقد جواز

مليكه لو سمحت ماتخليناش نوصل مرحلة وحشة بينا

كفاية اللي حصل لينا لو أنت مظلومه أنا كمان مظلوم لو أنت تعذبت أنا كمان اتعذبت كثير

أوعى تفتكري أني عايش كويس حاجه وحده حلوة في حياتي بنتي ملك كنت عايز أسميها مليكه بس أمها مارضيتش، وأوعى تفتكري إن اتحوزت عن حب آنا سترت عليها بعد ما غلطت معاها

ارجوكي يا مليكه ريحيني

ماتخليش ادهم الوحش يطلع عليكي

لو طلعوا ولادي وانت ما قولتيش ليا الحقيقة أنا مش عارف أعمل إيه معاكي

**مليكه مش حاتعمل حاجه

*ادهم حاعمل يا مليكة

كان في السلم أكرم وياسين قاعدين يتسنطو عليهم

*أكرم لازم ندخل

*ياسين أقسم بالله مليكه ليها حساب معايا

*أكرم هي ليه بتعمل كده

*ياسين مش عارف حاتبوز كل حاجه

*مليكة شوفت أهو أنت رجعت زي ما أنت

**أدهم أنا جاي لغاية عندك بعتذر منك عايزة تنتقمي مني من حقك بس مش في ولادي أنا عديت ليلة ما يعلم بيها إلا ربنا حرام عليكي تعدبيني

**مليكه دوق شوية من اللي عملته فيا

*أدهم آه يا مليكه حرام عليكي

**مليكه أنت اللي حرام عليك دخلت حياتي بوزتها حرمتني من الفرحة وحرمتني من دراستي، ومن أمي ومن حياتي كلها

عايز مني إيه؟؟

**أدهم حاعوضك عن كل حاجه

*مليكه حاتعوضني أمي ؟

ولا تعوضني سنين الشقا اللي شوفتها

*أدهم أمك الله يرحمها والله زعلت أوي وحاسس بي ذنب كبير

ارجوكي رد عليا ولادي؟

*مليكه مش ولادك دول ولاد سيد

*أدهم يا ربي حاتجنيني يا مليكه مطلعيش شياطيني عليكي أقسم بالله العظيم اللي حاعملو ما ماحتعرفيه، ولو طلعت بتكذبي عليا وطلعوا ولادي حاخدهم منك

هنا أدهم وقف ووصل مرحلة وحشة فقد السيطرة على نفسه

**أدهم الولاد ولادي؟؟؟

*مليكه مش ولادك

ياسين ماقدرش يستحمل

ودخل عليهم

*ياسين مليكه اتخضت جدا لأن عارفة ياسين لما بيتعصب

لفت بسرعة عند أدهم وهي خايفه

حتى أدهم اتصدم من ردة فعلها

*مليكه ولادك يا أدهم

هنا قعد على الكنبة وحط أيديه على راسو

*أدهم الحمدالله يا رب

*ياسين حسابي معاكي بعدين

*مليكه أنا آسفة يا آبيه

********

يتبع….

الفصل التالي :

__________________ـ

رواية بعت نفسي الحلقة الثانية والسبعون

-------------------------------،ـ

تكملة الرواية من هنااااااااااااا