رواية سلاسل ام غراب الفصل 7-8-9بقلم حنان حسن (جميع الفصول كامله)

رواية سلاسل ام غراب الفصل 7-8-9بقلم حنان حسن (جميع الفصول كامله)

رواية سلاسل ام غراب الفصل 7-8-9بقلم حنان حسن (جميع الفصول كامله)

يخربيت جمال امك يا حضن

دا انت طلعت حضن بجد ...

وملمسك ناعم كمان

حضن اية وملمس مين يا حنون ؟ 

انتي مش قولتي ان حضن عفريت ومينفعش يظهر ادام الناس اصلا ؟

فا ايه اللخبطة دي بقي؟

منتوا لو كنتوا صبرتو عليا هبابة  ...

كنتوا هتفهموا كل حاجة

ودلوقتي هنرجع بالاحداث من لحظة ما وقفنا

عشان نفهم ايه الي بيحصل بالظبط

الجزء السابع

سلاسل ام غراب

للكاتبة...حنان حسن

.......  .........  .........

بعدما روحت مع دندوشة 

عشان..

 استلم شغلانة الجليسة

 في الفيلا

 اتفاجئت

 بمقابلة زي الزفت 

من (عمة) كريم بية

الي تقريبا كانت بتطردنا

لكن..

قبل ما عمتة تطردنا

وجهت سؤال لدندوشة..

وقالتلها..

مين الي طلب منك تجيبي جليسة ؟

للكاتبة حنان حسن

وفي اللحظة دي

سمعنا صوت 

رجالي..

 بيجاوب عليها

وبيقولها..

انا الي طلبت الجليسة يا عمتي

فا بصيت باتجاه الصوت

واتفاجئت ساعتها ادامي

 بمفاجئة

يلهوي....معقول؟

 مين الي انا شايفاه ده؟

ده (حضن)؟

ومبقتش مصدقة عنيا 

لان دي كانت اول مرة...

 اشوف حضن وسط الناس عادي كده

فا جريت عليه 

وبدون ما اخد بالي..

 من العيون 

الي...

 كانت مركزة معايا...

ومرقباني

قربت منه بسرعة

وانا بنطق اسمة...

وقلت..حضن؟

فا بصلي الشخص الي شبة حضن.. 

وهو مستغرب من تصرفي الغريب ده

 لكن...بدون ما يرد عليا

وكنت لسة هسالة

واقولة.. 

ايه الي جابك هنا يا حضن؟

 وازاي ظاهر كده ادام الناس؟

لكن...

قبل ما اتكلم اي كلمة

سمعت سيل من الشتايم

 من( عمتة )

الي اتعصبت من  كلمة (حضن)

الي انا نطقتها

اصلها.. افتكرتني...

بت شمال

 و بطلب منه حضن من اياه 

ولقيتها بتسب وتلعن فيا.. وفي اهلي..

وهي متعصبة

وبتقولي..

ايه السفالة دي؟

حضن ايه 

الي انتي عايزاه  ؟ 

يا سف..لة... يا زب..الة... 

يا تربية الشوارع يا...........

انتي فاكرة نفسك فين؟

 في ملهي ليلي؟

وبرغم صوتها العالي وشتيمتها ليا...

الا اني مركزتش معاها..

ورجعت اتحقق من حضن تاني

ومديت ايدي ولمست ايده

عشان اتأكد انه انسان  حقيقي

مش حضن اياه

ولما لقيتني بلمس جسمة فعلا

بصيتلة اوي

وقلتلة...

انت موجود بجد يا حضن؟

 وانا حاساك فعلا؟

فا لقيتة بيبصلي  باستغراب

وسالني 

وقالي..

مالك يا شاطرة؟

انتي تعبانة في عقلك ولا ايه؟

فا سالتة للمرة التانية

وقلت..

يعني انت بجد مش حضن؟

تكونش انت واحد شبهة؟

بس...معقولة يكون في شبة متطابق للدرجة دي؟

فا ظغرتلي عمتة

وقالتلي..

بت انتي؟

انتي هتسوقي في الاستعباط ده كتير؟

للكاتبة..حنان حسن

وفي اللحظة دي

ردت دندوشة بسرعة بدالي

عشان تصلح الهباب

 الي انا نيلتة

وقالت..

معلش يا جماعة

اعذروها

اصلنا لسة جايين من دفنة اخت جوزها..

والمرحومة كانت... 

 اكتر من اختها

وعشان كده

 تلاقوا عفاف متاثرة وبتهرتل

 ب.. اي كلام

بعدما عمة كريم بية 

سمعت التبرير الي قالتة دندوشة

بصتلنا بقرف تاني

وقالتلنا..

طب يلا علي بره

 احنا هنا  بيت محترم 

ومش بنشغل عندنا بنات من الشوارع

للكاتبة..حنان حسن

في اللحظة دي

فا صعبت عليا نفسي

وقلت..

في سري

ايه الي انا وصلتلة ده؟

و ليه الست دي بتزلني وتهين كرامتي كده؟

هو انا عملتلها ايه؟

ايه الذنب الي اارتكبتة لما اتقدمت للشغل عندها؟

دنا كنت عايزة اكل لقمة عيش بالحلال؟

للكاتبة..حنان حسن

 وفي اللحظة دي 

لقيت كرامتي نئحت عليا

وقلت  لنفسي

طالما في كل الاحوال مش هشتغل عندهم

فا  لازم اردلها الاهانة

قبل ما امشي 

وفعلا..

بصيت  للعمة المتعجرفة 

من فوق لتحت

وكأني ببادلها الشعور بالاحتقار

 ورديت عليها بجراءة

وقلتلها..

علي فكرة

اهلي الي انتي شتمتيهم دول

احسن منك ومن اهلك

وبمجرد ما سمعتني

(عمتة)

 اصيبت بحالة من الهياج والصراخ

وقالتلي..

انتي ازاي تتجرائ وتكلميني كده يا حثالة انتي

اقسم بالله منتي خارجة من هنا غير مع رجال البوليس

فا اتعصبت اكتر

وقلتلها..

انا مش مجرمة عشان تطلبيلي البوليس

و انتي ملكيش انك تطرديني...

لاني مش جاية اشتغل عندك

  انا جاية اشتغل عند الست ثريا... (صاحبة البيت ده)

وانا اسمع

ان الست ثريا 

ست كريمة...و بنت اصول

ومش بتطرد حد من بيتها

لكن...

  انتي هنا ضيفة ...

وعلي ما اسمع برضوا...

انك رامية جتنك انتي ...وبناتك العوانس

 علي  اصحاب البيت ده

يعني انا احسن منك يا........

وكنت هكمل باقي وصلة الردح

لولا اني لقيت عمتة..

خرجت موبيلها من شنطتها بحركة عصبية

وعملت مكالمة تليفون للبواب

وقالت له

اطلب البوليس حالا..

وبلغهم ان في اتنين ستات حرامية

 ظبطناهم وهما بيسرقوا الفيلا

 فا زغدتني دندوشة في جنبي

وقالتلي..

عجبك كده يلي تتشكي؟

وبصراحة دندوشة كان عندها حق تخاف

لان عمتة واصلة...

 والف مين هيخدمها

 ويرمينا في السجون ..

لجل عيون  فلوسها.. ومعارفها

واحنا غلابة ...

وملناش ظهر.. ولا لينا اي حد

فا فكرت اني اخد دندوشة

 ونهرب

 قبل ما يطلبوا البوليس

لكن..

الي وقفني مكاني

هو ..صوت كريم بيه

الي اتدخل اخيرا 

بعدما كان واقف يتابع الي بيحصل في صمت

وبعدها 

قال..

خلاص يا عمتي

 حصل خير

البنت كان عندها حالة وفاة ومتوترة

يعني مكنتش تقصد 

فا بصتلة عمتة بذهول

وقالت...

بقي الاسلوب الوقح الي اتكلمت معايا بيه ؟...

وجرائتها .. والردح  ده كلة

وتقولي ..مكنتش تقصد؟

فا بصلها كريم بية (بزهق)

وقالها..

انتي الي طردتيها في الاول

وكمان وجهتي لها اهانة

واحنا مينفعش نهين الناس في بيتنا  يا عمتي

فا اتعصبت عمتة

وبصتلي بقرف

وهي بتشاور عليا 

وقالت..

لا يمكن..لازم  احبسها

فا تجاهل اصرارها

 واتصل كريم بيه  بالبواب

وكلمة بصيغة الامر

وقالة...

لا متبلغش طبعا يا بني ادم

ومتنفذش تعليمات حد 

وحذار تاخد اي اوامر...

 من  حد غيري بعد كده

انت فاهم ؟

وبعدما كريم بية قصف جبهة عمتة ...

واصدر اوامرة للبواب..

بانة يتجاهل كلامها واوامرها...

قفل السكة في وش البواب

للكاتبة..حنان حسن

وفي اللحظة دي

اخدت دندوشة علي جنب وقلتلها.. تمام كده

الراجل ده ربنا يكرمة

اخدلنا حقنا

وانا كده مرضية بصراحة

وقلتلها..

يلا بينا بقي نمشي

وكنا فعلا هنتحرك عشان نخرج من الفيلا

لكن..سمعت كريم بيه

وهو بيوقفني

وبيقولي..

استني يا شاطرة

قلت..نعم؟

قال..

انتي مش كنتي جاية هنا 

عشان تشتغلي؟

قلت ايوه 

قال..خلاص ادخلي لزكية

 (مديرة المنزل )

واستلمي منها الشغل

وهي هتعرفك ايه الي هتعملية هنا بالظبط

فا بصينا لبعض انا ودندوشة

واحنا مش مصدقين..

 اني هشتغل في الفيلا..برضوا

 بعد كل الي حصل 

وكنت هتحرك فعلا وادخل الفيلا

لكن..

وقفتني عمتة ومنعتني بايديها

وهي بتتحداه..

 و بتقولة..

علي جثتي يا كريم

 استحالة البنت دي تشتغل هنا

بعد الي حصل منها

فا بصلها كريم ..

وقالها بهدوء

لا يا عمتي.. هتشتغل

وعموما...

فات وقت الاعتراض

لان البنت استلمت الشغل فعلا

وبقت جليسة لامي

بدل زكية بتاعتك الي بتهمل فيها

فا اتعصبت عليه عمتة اكتر

وقالت..

طيب ايه رايك بقي

يا انا... يا البنت دي في الفيلا؟

فا هز كتفة

وقالها..

براحتك يا عمتي

لو عايزة ترجعي بيتك

فا  انا اكيد مش همانع

فا  سابت ايدي

وردت بخبث

وقالت..لا طبعا

انا لايمكن...

 اسيب مراة اخويا المريضة لوحدها  وامشي

 للكاتبة..حنان حسن

في اللحظة دي

حذرها كريم بيه

وقالها..

خلاص..

طالما نويتي تقعدي يا عمتي

يبقي حذار من افتعال المشاكل

ومش عايزكم تطفشوا البنت الي جاية تريح امي..

زي ما طفشتوا الي قبلها

 وخلي بالك 

انا عديتها كتير قبل كده

لكن...

من هنا.. ورايح 

مش هعديها تاني

وانتي عارفة..

زعلي بيبقي صعب ازاي

فا اتعصبت عمتة من كلامة 

وسابتنا كلنا في الجنينة... 

ودخلت الفيلا

وهي  هتنفجر من الغيظ

للكاتبة..حنان حسن

وفي اللحظة دي

فضلنا متنحين..

 انا ...ودندوشة  

و مش مصدقين الي بيحصل

واثناء ما كنت واقفة...

 بتابع نظرات بنات عمتة...

 الي كانت كلها شر 

اتفاجئت..

 بان كريم بية ...

بيشخط فيا

وبيقولي...

..مستنية ايه؟

ما تروحي علي شغلك 

فا قلت لة ...حاضر

وفعلا

جريت من ادامة...

 ودخلت علي الفيلا

بعدما ودعت دندوشة

 الي ...

سلمتني لاصحاب الشغل...

 وراحت لحال سبيلها

للكاتبة..حنان حسن

المهم...

بعدما دخلت  الفيلا

فضلت ادعي بيني وبين نفسي 

واقول..

يارب استرها معايا ...

في الي جاي

وبالرغم من اني..

 كنت عارفة...

 ان عمتة هتقرفني في عيشتي

لكن..

كنت مبسوطة اني هشتغل في الفيلا دي

وعند الراجل ده بالذات

اصلي بصراحة...

كنت مبهورة بشخصيتة قوي 

 المهم..

بعدما دخلت جوه..

شوفت دنيا تانية خالص

اصل الفيلا كانت فخمة اوي

حاجة كده..

 زي الي بنشوفها في السينما

واثناء ما كنت بتفحص المكان الي هشتغل فبة

شوفت عمة كريم بية

 ...

واقفة تتكلم مع واحدة ست مسترجلة كده

وبتديها تعليمات

وفي الاخر شاورت عليا

وكأنها كانت بتوصيها ..وصية ما

وبعدها..

لقيت الست المسترجلة جاية ناحيتي

وبتقولي..خدي هنا

فا روحت اشوفها عايزة ايه

فا عرفتني بنفسها

وقالتلي..

انا مديرة الفيلا دي

يعني انا رئيستك في العمل

ومش هتعملي هنا غير الي انا هامرك بيه بس

قلت... 

انتي زكية مديرة المنزل صح ؟

ولاحظت انها غضبت

 اول ما ذكرت اسمها

فا سالتها

وقلت..

طب ممكن اعرف 

انا لو حبيت انادي عليكي 

اناديلك باية؟

يعني اقولك يا مدام زكية؟

ولا ...يا انسة زكية؟

فا اتعصبت عليا

وقالتلي..

متنطقيش اسم زكية ده خالص

انا الكل هنا بيقولي يا ( ادارة)

لاني بدير كل كبيرة وصغيره هنا

وسالتني تاني

وقالتلي..

ها ؟ عرفتي اسمي ايه؟

قلت.. ايوه 

حضرتك اسمك ادارة

قالت.. تمام

ها؟

 عايزة تسالي عن حاجة تاني؟

قلت..ايوه

كنت عايزة اعرف

 انا هعمل ايه هنا بالظبط؟

فا بصتلي تاني ب اشمئزاز

وقالتلي..

تعالي معايا

واخدتني علي اوضة ملاصقة لاوضة الست ثريا

وقالتلي..

دي الاوضة الي هتنامي فيها

وراحت علي الدولاب

وخرجت منة لبس الجليسة الي كانت قبلي

فا قلتلها...

ممكن افضل بلبسي ده؟

اصلي مش بعرف البس هدوم حد كان لابسها قبلي

فا بصتلي بغضب

وقالت...

مبدئيا كدة..

وقبل ما نتكلم في الشغل

هدومك دي مش مناسبة للشغل هنا خالص

 ممنوع  هنا 

الضيق ..والمحزق ..

والالوان المبهرجة  نهائي

ومن هنا وجاي مش عايزة اشوفك غير...

 با العباية دي

وناولتني عباية رمادي شكلها كئيب كده

فا اخدتها منها...

ولبستها ...

ولقيتها واسعة و مبهدلة عليا

وعاملاني زي الهبلة

فا قلعتها...

وقلتلها...لا

 مش هلبس البتاعة دي

فا اتعصبت عليا

وقالتلي... انا طلباتي اوامر  

ولازم اوامري تتنفذ..

 يا اما تتفضلي تمشي حالا

واعتبري نفسك مفصولة قبل ما تشتغلي

وقبل ما ارد عليها

لقيت الموبيل بتاعها بيرن

ولما ردت  ادارة علي موبيلها

فضلت تقول..

حاضر ..حاضر ...امرك يا فندم

مش لازم خلاص

وف الاخر

قفلت مع الي بتكلمة

و قالتلي..

خلاص ...

مش لازم العباية دي

البسي الي انتي عايزاه

وشكيت ساعتها ان يكون كريم بيه هو الي كلمها..

في الموبيل

وهو الي طلب منها انها متغصبش عليا

 اني البس العباية المقرفة دي

للكاتبة..حنان حسن

في اللحظة دي

استغربت..

وقلت لنفسي

هو كريم بيه ...

عرف ازاي اني لبست العباية.. واعترضت عليها؟

ينهار اسوح..

لا يكونوا حاطين كاميرات؟

واثناء ما كنت بفكر في الموقف الغريب الي حصل ده

لقيتها بتنبهني

وبتقولي..

 بقولك تعالي 

اعرفك علي شغلك 

وفعلا

روحت معاها

ودخلنا غرفة الست ثريا

ولاحظت ان الاوضة كانت 

باردة ..

وفيها ريحة غير مستحبة

للكاتبة..حنان حسن

وفي اللحظة دي

اشارت ادارة بايدها

   علي كرسي متحرك....

بجوار الشباك

وكانت قاعدة علي الكرسي  امراة عجوز

مقدرتش اتحقق من ملامحها 

لان وجهها كان متجه للشباك

المهم

شاورتلي ادارة عليها

 وقالتلي..ده  شغلك 

انتي هتبقي مسؤالة عن الست ثريا

 مسؤالية كاملة

وخلي بالك 

هي مش بتسمع... ولا بتتكلم

عشان كده..

 احنا مش بننتظر لما الست ثريا  تقول... جعانة...ولاعطشانة..

وللسبب ده...

عملنا لها جدول بمواعيد كل حاجة 

وانتي هتلتزمي بالجدول بتاعها

قلت...حاضر

فا حذرتني تاني

وقالت..

خلي بالك

لو حصل لخبطة منك في المواعيد دي

او حد اشتكي منك

 هتطردي من شغلك فورا

مفهوم؟

قلت ..مفهوم

فا ناولتني جدول المواعيد

وبعدها...

قالتلي..

ودلوقتي جه ميعاد العشاء بتاع الست ثريا

اضربي الجرس ده 

عشان

 الطباخ يجيبلك العشاء بتاعها 

وكل ما يجي ميعاد وجباتها هتضربيلة الجرس

وهو هيجيبلك الوجبة بتاعتها

قلت..حاضر

وفعلا..

ضربت الجرس علي الطباخ

وبعدما خلصت ادارة تعليماتها...

 سابتني وخرجت من الاوضة

وبعدما سابتني ومشيت

لقيت نفسي  لوحدي مع الست ثريا

فا بصيت في الجدول الي في ايدي

عشان اراجعة بسرعة

وبعدها

 اتجهت بنظري لكرسي الست ثريا

الي مكنتش شايفة غير ظهرة

لان الكرسي كلة كان متجه ناحية الشباك

دنا كمان مكنتش قادرة اشوف وجه

الست ثريا...

لان وجهها كمان كان متجه للشباك

فا قررت في اللحظة دي...

اني اروحلها لغاية عندها ..

و اعرفها بنفسي

واطلب منها تستعد للعشاء

ولو حتي عن طريق الاشارة 

وفعلا اقتربت من الكرسي

واول ما شوفت وجه الست ثريا

 اتفاجئت بحاجة مش هتصدقوها.....؟

ايه البت المفكوكة دي؟

 بتفركي لية يا بت؟

ولية كل ما تشوفيني تطلبي مني حضن؟

ما تتلمي يا بت وتنتبهي لاكل عيشك

للاسف دي الصورة الي اخدها عني كريم بيه

وهتعرفوا ايه الي خلاه ياخد الفكرة الزب&الة دي عني 

بس الاول لازم نرجع بالاحداث لحظة ما وقفنا

.......   .......   ........   ........

الجزء الثامن

سلاسل ام غراب

للكاتبة..حنان حسن 

........   ........    ..........

بعدما وصلت عند الكرسي المتحرك

الخاص بالست ثريا

لفيت الكرسي با اتجاهي

وفي اللحظة دي

 شوفت وجه الست ثريا

اقصد....

الي كنت فاكراها الست ثريا

لاني اتفاجئت 

ان الي قاعد علي الكرسي

هو (كريم بية)

فا استغربت ...واتلخبطت

وقالتلة....ايه ده؟ 

هو  في ايه ؟

فا ابتسم 

وسالني

وقالي..مالك يا قلبي

اتخضيتي كده لية؟

فا استغربت من كلمة قلبي

وقلت لنفسي

ايه قلبي دي؟

وقبل ما افوق من دهشتي

لقيتة بيسالني

وبيقولي..

ايه؟ مفيش وحشتني ؟

فا اتوترت

وحاولت اغير الكلام

وقلت...

هو انا مش كنت سايبة حضرتك بره من دقايق؟

في اللحظة دي

ابتسملي بحنية 

وقالي...

متركزيش في التفاصيل دي

المهم  دلوقتي اني  معاكي

 فا بصتلة بتعجب

ولقيتني مش فاهمة حاجة

فا فضلت افكر بيني وبين  نفسي

وقلت..

مش هو ده كريم بية

 الي كان ...

جاد...و نكد..وعامل رعب للجميع

 من خمس دقايق بس؟

امال اية الي جرالة

ومالة بقي نحنوح ورومانسي فجاءة  كده؟

واستغربت اكتر ...

لما شوفت كريم بية...

 قاعد في الكرسي المتحرك

 بتاع امة ؟

فسالتة..

وقلت..هي فين الست ثريا؟

قال... انا خفيتها عشان نبقي لوحدنا

قلت يعني ايه خفيتها؟

قال..

يعني ...

استعملت قدراتي  وخلتها تختفي

 عشان نبقي لوحدنا

في اللحظة دي

فضلت ابحلق في الشخص الي  ادامي شوية

و في الاخر

سالتة..

وقلتلة...انت حضن؟

 صح؟

فا ضحك اوي وهز دماغة 

وقالي..معقول ؟

 قلبك حس بيا بسرعة كده؟

ايوه فعلا...انا حضن

بعدما سمعت اعترافة

حاولت اهدي واركز

عشان اجمع الاحداث

 الي حصلت ببعض

وبعدما فكرت شوية

قلت...اااااه

انا دلوقتي فهمت

 يبقي كريم هو  نفسة..

 العفريت حضن

وعمل التمثيلية الي فاتت دي كلها

عشان يستدرجني للفيلا هنا ويحكم سيطرتة عليا

واكيد طبعا مجهزلي مصيبة

 جديدة 

ولا قتيل جديد

 عشان...يجبرني اني انزل معاه تحت الارض

وفي اللخظة دي

جن جنوني واتعصبت عليه

وقلتلة..

علي فكرة...

 انا كنت حاسة 

من اول ما شوفتك هنا في الفيلا

 انك انت حضن

لان الكدب... والخداع... والحوارات

 مش جديدة عليك

لكن نفسي افهم

 انت هتستفيد ايه لما تصعب عليا عيشتي كده؟

قولي هتستفيد ايه؟

فا قرب مني حضن

واقسملي

وقالي..

وحياتك  عندي انا مظلوم

وعمري ما حاولت ادايقك... ولا اصعب حياتك عليكي

بالعكس

دا وجودي جنبك كان حماية ليكي

وانتي بنفسك شوفتي اني  كنت بحميكي وبنقذك  ازاي

قلت...امال مين الي كان السبب في وجودي  هنا؟

قال..كريم

قلت..كريم مين؟

قال..كريم صاحب الفيلا

قلت..انت هتجنني؟

مهو انت وصاحب الفيلا شخص واحد؟

فا رد حضن

وقالي..لا

احنا اتنين

قلت ..رجعنا للحوارت تاني؟

فا حاول حضن يوضحلي

وقالي ...

اقعدي بس وانا هفهمك

قلت..اتفضل اسرح بيا تاني

قال..

وحياة عفاف ما هكدب في اي كلمة

 هقولها دلوقتي

فا قلتلة..

طيب اتفضل وضحلي

فشرح لي فعلا

وقال..

انا..لما اتجسدت في صورة انسان

اخترت اتجسد في صورة الشاب كريم

لانة

 وسيم..وغني ..وشيك 

وكل الستات بيحبوا الاستيل بتاع كريم

وانا طبعا كنت عايز اعجبك

 عشان  تحبيني

ولغاية وقت قريب

 انا كنت بستعير صورة كريم فقط

للكاتبة..حنان حسن

لكن..

 لما لقيت ان في خطر عليكي..

 وانتي في بيت ام غراب

فكرت اني ابعدك من هناك

وااخدك لائمن مكان

وساعتها

قررت اني اجيبك هنا..

وخصوصا..

لما عرفت ان كريم محتاج جليسة لامة...

واديكي جيتي 

وبقيتي في امان

بس...هي دي كل الحكاية

فا قلت..يا سسسسلام

والمفروض بقي اني اصدق

 انكم اتنين؟..... مش واحد؟

انت فا كرني هبلة ولا......

وقبل ما اكمل في تكذيبي لحضن

توقفت عن الكلام ..

لما بصيت من الشباك

ولمحت كريم فعلا

 في الجنينة

للكاتبة..حنان حسن

وفي اللخظة دي

اتاكدت فعلا

 انهم اتنين نسخة من بعض

واحد بني ادم...

 والتاني عفريت

فا سندت علي الكرسي

وانا بقول..يلهووووي

ده بجد؟

فا رد عليا حضن

وقالي..صدقتيني بقي؟

قلت..طيب سؤال بقي معلش

قال ..اسالي

قلت..ممكن اعرف  انت عايز مني ايه دلوقتي؟

رد حضن

وقالي..

انا بحبك... وهفضل وراكي

 لغاية ...

ما تقتلي القتيل الثالث بالمية الي انا اديتهالك

وساعتها..

هقدر اتجوزك.... واخدك معايا تحت الارض

قلت..

وانا قولتلك..

الي انت بتقولة ده مستحيل يحصل

لا هينفع اقتل حد تاني

ولا هينفع اتجوزك اصلا

ولا هروح  معاك في اي حتة مهما حصل

وارجوك بقي فارقني وحل عني

انا حياتي متعقدة لوحدها

فا بصلي حضن بحزن

وقالي..

برضوا مش هياس

وهفضل منتظر ...

اليوم الي هتقتلي فية القتيل الثالث

واثناء ما كان حضن بيكلمتي

فجاءة

سمعت خبط علي باب الغرفة

فا اختفي حضن من ادامي

وبسرعة روحت فتحت الباب

وكان الطباخ هو الي بيخبط

فا اخدت منه صينية الاكل

وسالتة

وقلتلة...

هي  الست ثريا فين؟

فا بصلي الطباخ بتعجب

وقالي..سلامة نظرك

ما الست قاعدة علي الكرسي المتحرك ادامك اهية

فا بصيت علي الكرسي

ولقبتها فعلا

قاعدة ع الكرسي

فا اتكسفت من الطباخ

وقلت..

اه تمام .. 

يظهر اني منيمتش كويس 

عشان كده تلاقيني مش مركزة .....شكرا

فا قالي العفو ومشي

للكاتبة..حنان حسن

المهم..

بعدما اخدت منه الصنية

دخلتها 

وتركت الباب مفتوح

لغاية ما احط صينية الاكل علي التربيزة

وبعدها ابقي اقفل الباب

لكن...

في اثناء ما كنت بخط الصينية

لفت نظري.. 

برواز فية صورة لكريم  بية

كان محطوط علي قطعة الديكور الي في الاوضة

فا مديت ايدي

 وقلت...لنفسي

هو ده كريم بية( الاصلي)

مش حضن التقليد

ومسكت البرواز وفضلت متنحة لصورة كريم بية

وقلت..بصوت عالي

يخربيت كده

 يلهوي علي وسامتة...

وطعامتة يا ناس

 (اصلي... اصلي)  يعني

وفي اثناء ما كنت بتأمل في الصورة

وبقول عليه.. اصلي مش تقليد

سمعت صوت رجالي

جاي من الخلف

وبيسالني

وبيقولي..

هو ايه ده الي اصلي يا مخبولة انتي؟

فا التفت للخلف بسرعة

عشان اتفاجئ بان

واحد من الاتنين

يا  كريم ....يا .. حضن

حد فيهم هو الي بيكلمني

فا حبيت اعرف هو مين فيهم

فسالتة..

وقلت..حضن؟

فا رد وهو بيبصلي بتعجب

وقالي...

ايوه انا قولت انك مخبولة

في ايه يا بت ؟

انتي كل ما تشوفي وشي

 تطلبي مني حضن؟

ومن شوية...

 كنتي ماسكة صورتي...

وعمالة  تتغزلي فيا...

انتي ايه حكايتك بالظبط؟

مالك يا مخبولة

بتفركي لية؟

ما تتظبطي كده وتنتبهي لاكل عيشك؟

في اللخظة دي

فهمت انا الي واقف ادامي  يبقي (كريم بية)

ويظهر انه دخل عليا فجاءة

  لما نسيت الباب مفتوح

وبسرعة حاولت اصلح الي انا نيلتة

فا قلت ....لا 

انت فهمت اية؟

واايه تفركي دي ؟

ووقفتة في الكلام

 وقلتلة..

لحظة من فضلك

انت فهمتني غلط

انا لما كنت بقول حضن

فا انا...مكنتش بكلم حضرتك

انا كنت بردد كلمة في اغنية 

جت علي بالي

وبالنسبة بقي للصورة..

 الي حضرتك فاكر اني كنت بتغزل فيها

فا انا كنت بقصد الايطار بتاع الصورة.... (البرواز) 

اصل انا بيعحبني البروايز الاصلية اوي

فا بصلي  كريم بيه  

وبعدما فكر شوية

لقيتة غير الموضوع

وقالي...ما علينا

المهم...

 الطباخ جاب وجبة العشاء لامي ؟

قلت...ايوه..لسة جايبها حالا

فا نبة عليا وكأنة بيحذرني

وقالي..

خلي بالك...

الصوت العالي والاسلوب الغريب

 الي شوفتة من شوية لما كنتي بتتكلمي  مع عمتي ده

ممنوع هنا

ولو اتكرر تاني ..

هيبقي حسابك عسير

قلت..حاضر..وبعتذر عن الي حصل مني

فا سكت شوية

ورجع ياكد عليا تاني

وقالي..

طبعا انتي مش محتاجة اني  الفت نظرك

ان رعاية امي هي مهمتك الاساسية هنا

يعني مش عايز اي تقصير

قلت..حاضر 

فا بص علي امة شوية

 وبعدها....

انحني وباس ايديها.. 

و سابها وخرج من الاوضة

وبعدما بقيت انا والست ثريا لوحدنا

قربت منها

وحاولت اكلمها بللغة الاشارة

واعرفها بنفسي

وقلت..انا الجليسة الجديدة

و مبسوطة اني هبقي في خدمة حضرتك

ممكن بقي حضرتك تستعدي عشان الاكل؟

وبعدما خلصت كلامي معاها

فضلت الست ثريا بصالي وبعدها 

بصت علي صينية الاكل ورحعت بصتلي تاني

فا عرفت انها فهمت كلامي

وفعلا..اكلتها ..ونيمتها

وبعدها..

روحت علي اوضتي

عشان اغير هدومي و انام

لكن...ملقتش حاجة البسها

فا قلعت الغيار الي عليا..

وغسلتة

عشان ينشف علي ما ...

انام... واصحي

وكنت معتمدة اني هلبس العباية الكئيبة الي في الدولاب

لكن...

بعدما غسلت الغيار الوحيد الي معايا

دورت علي العباية ملقتهاش

وعرفت ان ادارة اخدتها

فا فضلت زي منا

وبقيت محتاسة بفستاني المبلول

ومبقتش عارفة هنشرة فين وازاي؟

فا اتسللت و خرجت للبلكونة 

وحاولت ارمي الفستان علي جزع الشجرة

لكن...وانا بنشرة وقع مني

 واستقر علي غصن في وسط الشجرة 

فا مسكت في الاغصان وحاولت اتسلق الشجرة واجيبة

لكن...

فشلت... والغصن الي كنت ماسكة فيه

 اخدني ووقع في ارض الجنينة

وللاسف لقيت نفسي واقعة في الارض 

 والفستان متعلق في نصف الشجرة

يعني مش هقدر اجيبة

والي زاد من المبلة طين

هو ان الجنايني سمع صوت الارتطام

وقام من مكانة وكان جاي يشوف في ايه؟

 فا حاولت استخبي

 لان كده البواب هيشوفني وانا عريانة 

فا جريت بسرعة ...

ودخلت في اول اوضة

 لقيتها مفتوحة ادامي في الدور الارضي

لكن..لحظي السيئ

اني اصطدمت بشخص

ولما اتحققت من الشخص ده

اتفاجئت انه...( كريم بية)

ولقيتة بيبصلي

 وهو مندهش من دخولي عليه بملابسي العريانة

ولما بصيت حواليا

لقيت نفسي في غرفة الجيم

 الخاصة بية

ولما شوفتة بيبحلق فيا كده

قلت.. ينهار مش فايت

دا كده احلوت اوي

 الراجل دا من شوية كان شاكك اني  بت مش مظبوطة

وكان بيسألني 

 وبيقولي... بتفركي لية؟

اهو دلوقتي هيتأكد من الي كان شاكك فيه

ودلوقتي باللبس العريان دا 

مش بعيد يفتكر اني جاية اتحرش بيه او اغتصبة

ياريتة كان فضل فاهم اني بفرك وبس

المهم طبعا 

فضلت اعتذر

واقسملة..اني جيت هنا مضطرة.. و مكنتش

 اعرف ان ده الجيم بتاعة

بس الغريبة...

ان كريم بية 

رد عليا بهدوء

 وكلمني بدون ما يتعصب

وقالي.. اية الجمال ده؟

فا شكيت من السهوكة دي

 لا يكون الي ادامي حضن

بس خوفت اسالة...

و انطق اسم حضن

لان لو طلع  انه كريم بية 

فا هيقول اني بتلكك وبطلب  حضن 

فا وقفت مبلمة ومتكلمتش

ولما لقيتة بيسالني

وبيقولي..

ايه الي مخرجك من اوضتك كده

 اخدتة من ايدة

وشاورتلة علي الشجرة

وسردتلة قصة الفستان

وقلتلة..هو ده الي حصل 

يعني لا كنت بفرك...

 ولا جاية اتحرش بيك والله

فا ضحك كريم بية لاول مرة 

وقالي..

طيب تعالي قربي يا فقرية

وقربني مني وهو بيحط علي كتفي

 حاجة زب البشكير الكبير الي كان في غرفة الجيم

وبمجرد ما قربت منه 

استنشقت ريحةالعطر بتاعة

 روحت في دنيا تانية

وفضلت واقفة متسمرة وانا ببص لعنية العسلية

لغاية ما سمعتة

بيقولي..

انتي مسبهلة كده لية؟

يلا روحي علي اوضتك

وانا هخلي البواب يجيبلك الفستان

وكنت همشي

لكن...

سمعتة بينادي عليا تاني

وبيقولي..عفاف 

قلت..نعم

قال..

لما الفستان ينشف

ابقي روحي اشتريلك كام فستان

 عشان الموقف ده ميتكررش تاني

ومتخافيش... انا الي هحاسب

فا رديت

 وقلت ...شكرا

فا ابتسم 

وقالي..

روحي بسرعة علي اوضتك قبل ما تاخدي برد

وفعلا رجعت علي اوضتي..

 وانا تقريبا برقص من الفرحة

للكاتبة..حنان حسن

لكن...

فرحتي مطولتش كتير

لاني شوفت ادامي  حضن

الي كان باين انه زعلان اوي

فسالتة..

وقلت..خير؟

فا رد بغضب

وقالي..

ايه الي انا شوفتة ده؟

قلت..شوفت ايه؟

قال.. شوفت اعجاب متبادل بينك انتي وكريم

قلت..وحتي لو ده حقيقي

فا انت مالك؟

انت ملكش حقوق عليا

فا بصلي حضن بحزن

وقالي...

طيب اسمعي بقي

بنتك معايا..

 وتحت سيطرتي

وعشان ارجعهالك

لازم تقتلي القتيل الثالث

قلت...لا مش هقتل

قال...لا هتقتلي..

وهتقتلي الشخص 

الي ...هحدده انا

وخرج حضن زجاجة

فيها المية اياها

وقالي...

المية دي لازم تحطيها لللقتيل الثالث

والا مش هتشوفي بنتك تاني

فا اترعبت علي بنتي

وقلتلة...لا ارجوك الا بنتي

قولي عايزني احط المية لمين وانا هحطها

فا رد حضن وصدمني 

وقالي..

المية دي هتسقيها ل..........؟

عارفين حضن كان عايزني اقتل مين بالمياه....؟

ليلة الدخلة الساخنة هتبقي  تحت الارض ...

دا الي كان ناوي عليه  العفريت (حضن)

لكن عشان دا يحصل

كان لازم اقتل القتيل الثالث

وعشان حضن يجبرني اني انفذ جريمة القت&ل الجديدة

خطف بنتي  وخفاها

وياريت الموضوع كان علي اد كده بس

دنا اكتشفت بلاوي تانية

هقولكم عليها

بس الاول لازم نرجع بالاحداث من لحظة ما توقفت

.......   ........   .......

سلاسل ام غراب

الجزء التاسع 

للكاتبة ...حنان حسن

بعدما حضن احتجز بنتي ...

طلب مني اقتل القتيل الثالث

عارفين مين القتيل الثالث

الي كان يقصدة حضن

القتيل الثالث هو ..

(الست ثريا)

وساعتها حضن قالي..

يا اما تقتلي القتيل الثالث..

يا اما ..

هيخفي بنتي للابد

فضلت اعيط واترجاه انه يعدل عن طلبة ده

بس هو مرضيش يسمعني

..

وساعتها سألت نفسي

لية حضن طلب مني

اني.. اقتل( الست ثريا)؟

وهيستفاد اية من كده

وطبعا ملقتش اجابة لسؤالي

المهم...

فضلت مصممة علي رفضي

و قلتلة..مقدرش اقتلها

ولا  اقدر اقتل اي شخص

مش بس عشان القتل من الكبائر

لا...

انا  كمان صعب اني اخون الامانة

فا رد حضن ليا بحسم

وقالي..

انا معرفش الكلام ده

ادامك مهلة اسبوع

ويا اما تقتليها..

يا اما تنسي ان كان عندك بنت

واختفي حضن

 بعدما حطني..

بين خيارين.. اصعب من بعض

يا اما اقتل..الست ثريا

او بنتي تختفي

وتضيع مني للابد

للكاتبة..حنان حسن

وفي اللحظة دي

مبقتش عارفة اعمل ايه

وكل الي كان شاغلني هي بنتي

وكان لازم اتصل علي امي 

عشان اطمن علي البنت باي طريقة

بس هجيب موبيل منين؟؟؟

انا مليش كلام مع حد هنا وممكن يكسفوني لو طلبت منهم موبيل

ده غير انهم ممكن يسمعوا المكالمة 

وانا عايزة اوصي امي علي البت

فا استبعدت فكرة اني اعمل

 مكالمة في الفيلا اصلا

طيب اجيب موبيل منين؟

وبعدما فكرت..

جه في بالي البواب

فا نزلت اجري علي غرفة البواب

وخبطت علي بابة

فا فتحتلي ست كبيرة

كان واضح انها زوجتة

فسالتها عن البواب

قالتلي..في مشوار

فا عرفتها بنفسي 

وقلت..

انا عفاف

الجليسة بتاعة الست ثريا

قالتلي..ايوه منا عارفة

منا شوفتك امبارح

 وانتي بتزعقي مع (عمة كريم بية)

فا ابتسمت بخجل

وقلتلها..

معلش كنت عايزة اعمل مكالمة موبيل لامي 

ومش معايا موبيل

فا قلت استلف من عندكم موبيل لمدة دقيقة

فا فتحتلي الباب ع الاخر 

ورحبت بيا

وقالتلي..

تعالي يا حبببتي اهلا وسهلا

ودخلتني  وقعدتني جنبها

وقالتلي

بصي.. انا مش معايا رصيد

فا مش هتعرفي تتكلمي من موبيلي

استني عشر دقايق..

 يكون جوزي رجع من بره ..

 وتاخدي موبيلة وتكلمي امك براحتك

فا ابتسمت 

وقلت..ماشي

فا قالتلي

تشربي قهوة معايا ؟

فا قلت ...ماشي اشرب

وبسرعة ولعت السبرتاية علي كنكة القهوة  

وبدانا نتعرف علي بعض

وكلمة..في حدوتة

ارتحاتلي..

لدرجة..

انها قالتلي..

انا عايزاكي تاخدي بالك من الست ثريا

عشان كريم بيه يتبسط منك

و تستمري معانا هنا علي طول

قلت..والله مش بايدي

انا بشتغل تحت ايد ادارة

وادارة مش بلعاني

 مش عارفة ليه

وشكلها كده بتتلككلي عشان امشي من هنا

فا ردت زوجة البواب

وقالتلي..

المشكلة مش في ادارة

المشكلة في العقربة الكبيرة

فسالتها

وقلت..تقصدي عمة كريم بية؟

قالت..ايوه

دي ولية متعرفش ربنا

وابتسمت زوجة البواب

وقالتلي..

اه صحيح..

انا شوفتك وانتي بتمسحي بكرامتها الارض امبارح

 واستجدعتك بصراحة

بس في نفس الوقت

 خايفة عليكي من غدرها

اصل انتي اول واحدة تهزقها وتقل منها  ادام الكل

قلت..

وحتي لو مكنتش هزقتها

هي في كل الاحوال

 مش عايزة

اي واحده تدخل البيت

وبعدين هي هتقدر تعملي ايه يعني؟

فا ردت زوحة البواب

وقالتلي..لا تقدر تعمل كتير

متستهونيش بشرها

دي ولية في بينها وبين الشيطان عهد

فا استغربت من جملتها الغريبة دي

وسالتها

وقلت..

انا سمعت انها عاملة علي كريم بية كماشة 

عشان يتجوز واحدة من بناتها

لدرحة..انها بتطفش اي واحدة تيجي تشتغل هنا

الكلام ده صحيح؟

فا ردت زوجة البواب

وهي بتتحسر

وقالت...طبعا صح

الي خلاها طفشت  المرحومة..مراة كريم بية

 من الدنيا كلها

مش هتطفش شوية بنات غلابة جايين باكلوا عيش؟

قلت..ايه ده؟ 

هي عمة كريم بية

 كانت سبب في موت زوجتة؟

قالت..ومش زوجتة بس

دي كانت السبب في موت جميع النسوان..

الي ليهم صلة قرابة بامة

وهنا وقفتها عن الكلام

لاني..بعد الجملة الاخيرة دي

حسيت اني مش فاهمة حاجة

فاقلتلها..لا استني

انا كده مش فاهمة حاجة

ما تفهميني بالراحة

فا قربت مني زوجة البواب

وقالتلي..

اقولك حكايتهم كلها.. وتصوني السر؟

قلت..

انا اصلا مش بطيقها ..

ومليش كلام مع حد فيهم

 يعني سرك في بير

قولي..

وفعلا

بدات مراة البواب تحكيلي 

من الاول

وقالت..

الحكاية ابتدت من اول ما والد كريم بية مات

وترك لابنة ثروتة كلها

وثروتة دي كانت كبيرة اوي

 وفي نفس التوقيت ده

كانت اختة ( عمة كريم بية)

اتجوزت من واحد نصاب

والراجل ده سرقها ..

وخلاها علي الحديدة واختفي

حتي الفيلا الي كانت عايشة فيها 

هي وبناتها... باعها

وبقت في الشارع

م الاخر

مسبهاش غير لما فلست وبقت شحاتة

وطبعا..

صعبت علي ابن اخوها

( كريم بيه )

فا اشتري لها شقة فخمة..

 واتكفل بمصاريفها...

 هي وبناتها

وبدل ما تشكرة

طمعت فيه اكتر

وبدات ترسم علي كريم

 عشان تجوزة واحدة من بناتها 

فا ترجع هي وبناتها للعز تاني

لكن..

كريم ايامها كان بيحب بنت خالتة..

وحطم حلم عمتة..

واتجوزها بالفعل

وبالرغم من انة كان عايش في سعادة مع مراتة

الا ان عمتة مسبتهمش في حالهم

وراحت تشتغلهم في السحر والاعمال

عشان تخلية يطلق مراتة الي هي بنت خالتة

ويتجوز من بنت عمتة

وبفلوسها راحت لساحرة كاف..رة

معروف عنها انها مخاوية جن   

كاف...&ر

 بي..$كرة    المس$..لمين

واول ما عرضت الامر علي الساحرة 

 طلبت منها..

 (اطر.. نجس)

 من زوجة كريم..

 الي هيتعملها العمل

والاطر كان عبارة عن...

 دم فاسد منها (دم الحيض)

وعشان الطلب كان صعب

فا فكرت عمتة

انها..

تيجي تعيش في وسطنا لفترة مؤقتة..

عشان تقدر تجيب الاطر الصعب ده

وفعلا جت عمتة وعاشت معانا في الفيلا

بحجة ان حالتها النفسية تعبانة

وبتغير جو

للكاتبة..حنان حسن

المهم..

بعدما  لبدت في المكان

 بقت تاخد مني اكياس الزبالة

كل يوم

 وتمنعني اني اتخلص منها 

قبل ما هي تفتش فيها

عشان تعثر علي المطلوب

لغاية ما اخيرا عثرت علي ضالتها فعلا

وراحت بيها للساحرة

لكن...

قبل ما الساحرة تبدء في عملها

اشترطت علي عمتة

وقالت لها ...

ان الجن الي هتسخرة

 جن ك..افر

وطالما الجن ده

 وصل للدم الزفر

يبقي هياذي كل الي من دمها

يعني السحر هياخد في طريقة..

 جميع النساء

 الي من دم الزوجة..

و مش هياخد زوجة كريم بيه لوحدها..

لا..ده هياخد

 خالته..وبناتها..وامة..

( الست ثريا) كمان

فوافقت عمتة طبعا..

لانها..

  مش من دمهم

وكمان لقيتها فرصة 

انها..ترتاح من ام كريم.. 

وخالته..

وبنات خالتة..

والجو يروقلها

وتبرطع في الفيلا ووتستفرد بكريم  براحتها

وفعلا..

كل الي كانت بتتمناه حصل

ومفتش اسبوع علي السحر

الا وجة لنا خبر 

 ان بيت خالتة ولع 

وخالتة اتفحمت هي وبناتها..

يعني البيت ولع

بجميع النساء الي فيه

في اليوم ده ...

كان كريم بية

مسافر الحج ..هو وامة..

(الست ثريا)

والمرحومة زوجتة هي بس

 الي كانت هنا في الفيلا

وطبعا لما المرحومة 

 سمعت

 بالي حصل لامها... واخوتها البنات

خرجت تجري وركبت عربيتها

وانطلقت بسرعة..

 وهي متلهوجة ومتسبرعة

 فا اتقلبت بيها العربية علي الطريق ...

وماتت زوجة كريم بية هي كمان

وبكدة ...

مبقاش فاضل في العيلة دي من النساء

 غير ..

ام كريم بيه( الست ثريا)

وللاسف الست ثريا بمجرد ما وصلت من السفر... 

وعرفت الي حصل لاختها... وبنات اختها..

 وقعت ...وجالها شلل كلي

زي منتي شايفة

وطبعا كريم بية اتلهي في مصيبة موت مراتة ....

ومرض امة

ومش بيفكر في الجواز خالص دلوقتي

لكن عمتة قاعدالة زي الحداية

عاملة فيها حبيبة وخايفة علي مصلحتة وهي عايزة تاخدة لبنت من بناتها

وهو يا عيني ميعرفش

 اي حاجة 

من البلاوي  الي. 

 عمتة عملتها دي كلها

قلت..

امال انتي عرفتي ازاي كل الي حصل ده؟

قالت.. مهي دندوشة الي كانت معاكي امبارح..

 تبقي صحبتي

وودندوشة..هي الي جابت لعمتة الست الي بتعمل الاعمال.. ودي تبقي

( الساحرة)

الي اتسببت في دمار عيلة الست ثريا

ولما عمتة طردتك انتي...

و دندوشة  امبارح..

وكانت عايزة تطلب لكم البوليس

دندوشة اتغاظت

ولما اخدتها عندي هنا امبارح

 قالتلي علي الحقيقة كلها

اصل...

دندوشة كانت هي..

 الوسيط

 الي بيوصل الاطر والتعليمات ...

 وامبارح رستني علي كل حاجة

وبعدما انتهت زوجة البواب من كشف المستور

ابتسمتلي وقالتلي

بس سيبك انتي...انا اخدت بالي امبارح ان كريم بيه استجدعك...بدليل انه جه في صفك ونصرك علي العقربة

يظهر انك 

ولو انتي بت ناصحة بجد

استغلي اعجابة بيكي عشان تتمكني  وتسيطري علي الخدامين الي في الفيلا كلهم 

فا رديت وانا شاردة بذهني

وقلتلها...

بقي كريم بيه ممكن يبصلي انا ولا يفكر فيا حتي ؟

لا طبعا دا حلم بعيد

 فا ردت زوجة البواب 

وقالتلي...هو انتي مش شايفة نفسك حلوه وزي القمر  ازاي 

يا بت دا انتي احلي من بنات العقربة مية مرة

فا ابتسمت لزوجة البواب 

ومردتش عليها لاني كنت سرحانة في الاسرار الخطيرة الي عرفتها

 للكاتبة..حنان حسن

المهم

في اللحظة دي

اانتهبت لكلام زوجة البواب

وفهمت حاجة مهمة جدا

وهي...

ان عمته وصلت للست الي بتعمل الاعمال (الساحرة )

عن طريق دندوشة

وده معناه ان الساحرة الي اتسببت في اذية ام كريم واخواتها  تبقي (ام غراب)

ولقيتني بقول بيني وبين نفسي

يالهوي لو كريم بيه يعرف اني انا وعيلتي الي كنا السبب في الي حصل لامة..  واخواتها .. وزوجتة؟

لا وكمان حضن بيطلب مني اني اقتل ..

( الست ثريا)

لحظة كده؟؟؟

هنعيد الكلام الي فات دا تاني

ام غراب كانت بتسخر الجن عشان يخلصها من الست ثريا

وحضن طلب مني اني اقتل الست ثريا

خدتوا بالكم من حاجة...؟؟؟

تكملة الرواية من هنااااااااا