روايه بعت نفسي الفصل 96-97-98-99-100-101بقلم نسرين بلعجيلي (جميع الفصول كامله وحصريه)

 روايه بعت نفسي الفصل 96-97-98-99-100-101بقلم نسرين بلعجيلي (جميع الفصول كامله وحصريه) 

روايه بعت نفسي الفصل 96-97-98-99-100-101بقلم نسرين بلعجيلي (جميع الفصول كامله وحصريه) 

رواية بعت نفسي ............... بقلم نسرين

================ـ

الحلقة ال 96 و ال97 و ال 98

____________________________ـ

رواية بعت نفسي الحلقة السادسة والتسعون

------------------------------------ـ

**أدهم بجد يا مليكة ؟؟

**مليكة آه بس قبل عايزة أتكلم معاك في حضور أبيه ياسين

*أدهم حاضر تعالى

**ياسين تعالوا هنا على رواق نشرب الشاي

*مليكه طيب حاروح انزل اعمل الشاي

نزلت تحت

*أدهم أنا مش مصدق أنها حا تيجي معايا هو بجد ولا أنا فهمت غلط؟؟

*ياسين لا بجد أنا كنت حاسس بي دا مليكه ماتقدرش تسيب ولادها

بس وافق على أي حاجة تقولها

*أدهم ربنا يستر

طلعت مليكه بي الشاي

*ياسين إيه يا مليكة قولي عايزاني أشهد في أية ؟

**مليكه أنت طبعا عارف إني بعتبرك أخويا الكبير عايزاك تبقى شاهد علي كلامي مع أدهم

أنا حارجع القصر مع أولادي لأني بنت اتربيت على الأصول فا مجيت رحيم باشا لحد هنا وانو اعترف بيا، ودافع عني ماقدرش أقول لا وكمان ولادي امبارح بليل فضلو يعيطوا لأنهم كانو حيرانين يفضلوا معايا أو يروحوا مع أبوهم

وأنا ماقدرش أعذب أولادي أكثر من كده كل دا مش معناه إني رجعت ليه اللي بيني وبينه انتهى من ساعة ما طلعت من القصر مكسورة

اللي بطلب منك يا آبيه تشهد إنو مالوش دعوه بيا، وأنا عايزة مكان أنام فيه مع أولادي أو ولوحدي يعني ما يعتبرنيش مراتو وما يطلبش مني حاجة

**أدهم أظن دي حاجة خاصة بينا نتكلم فيها لوحدنا وانت مراتي يعني ليا عليكي حقوق، وليكي عليا حقوق

*مليكه أنا متنازلة عن حقوقي

*أدهم بس أنا لا أنت ليه مش عايزة تصدقي أني بجد اتغيرت وبحبك عارفة يعني إيه طول السنين بدور عليكي وماعرفتش انساكي ليه عايزة تعذبينني وتعذبي نفسك إن الله غفور رحيم

دا في كتاب ربنا بقول

وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ)

وأنت عارفة ربنا وأنت اللي حطيتيني على طريق المستقيم، وبقيت أصلي

**مليكة وأنا مش مسامحك على كل حاجة عملتها فيا دا شرطي قولت أية ؟؟

**ادهم حاقول إيه يعني أنت ناوية تعذبينني

**مليكه أنا مش عايزة كده وبعدين عايز مني إيه أنت متجوز كامليا، ولو سمحت مراتك مالهاش دعوه بيا خالص

**ادهم أكيد في حاجة تانية ؟؟

**مليكه يعني موافق؟؟

*أدهم مش موافق بس اعمل إيه مش حا فرض نفسي عليكي بس أتمنى متطلعيش من طوعي خليكي زي ما عرفتك

*مليكه مش فاهمه تقصد أية؟

**أدهم يعني لو طلعت آبقا عارف روحت فين يبقى في حوار بينا يعني ما نبقاش غرباء عن بعض

*مليكة إن شاء الله

*ياسين وأنا متأكد أنك حا تلتزم في كلمتك معاها

*ادهم واللي بتطلبو دا يا ياسين يرضي ربنا؟

*ياسين أكيد ما يرضيش ربنا بس كل حاجه بتفاهم

وغمزو

*ادهم ماشي جناحك حايبقا جنب أولاد لو عايزة تغيري فيه حاجة حقك بس أنا كمان عندي شرط

*مليكه بعصبية هو أنت كمان حاتتشرط عليا؟؟

*ياسين روقي يا مليكه وهدي اعصابك

**ادهم الاتفاق اللي بينا يفضل بينا يعني ماحدش في القصر يعرف وأنا لازم أنام في الجناح معاكي يعني يوم عندك ويوم عند كامليا

*مليكه لا أنا مش موافقة عايزة أبقا براحتي

*أدهم بس فكري في شكلي قدام الخدم واللي في القصر وأنا أوعدك مش حاقرب منك والجناح كبير أنا ممكن أنام على الكنبة بعيد عنك حاتصرف بس بالله عليكي وافقي

الجناح دا من زمان عملتو ليكي كان عندي إحساس أننا حانتقابل

**مليكه أنا عايزة اشتغل أخواتي لسه محتاجين ليا أساعدهم

**ياسين لا هنا ستوب يا مليكة

أخواتك كبروا وبيشتغلو وأنت تعبت كفاية عليكي ارتاحي دا انت كنت شغالة ليل نهار

*مليكه بس في التزامات عندي

*أدهم قوليلي، وانا ادفعهم ليكي وبعدين أنا اشتريت ليكي المحل اشتغلي فيه من بعيد أو لما ننزل القاهرة الفترة دي حانزل كثير

*مليكه ومدارس أولاد حانعمل فيها أية؟

**ادهم حاطلب ليهم انتقال، وحادخلهم مدرسة انترناشيونال لغات مع أختهم ملك، وفي الباص يجي ياخدونهم من باب القصر

لو علي الديون اللي عليكي حودة دفعها كلها والجمعية اللي كنت داخلاها، وقبضتيها علشان تديها ليها تجيب هدوم دفعتها كلها أنا عايزك ترتاحي آه وفي حاجة عملها جدي اشترا العمارة كلها وكتب الشقة في اسمك وشقه عم محمد في أسمو والباقي الشقق في أسمو وإيجار كلو حايروح شهريا لعم محمد علشان رعاكي أنت وأولادي

*ياسين إيه بس يا أدهم مش كده

*أدهم أنا والله ما كنتش أعرف بس هو قالي عايز يشكر الراجل اللي ربا احفادو مع أولادو مافيش حل غير كده

وبعدين بعد إذنك عايز أغير عفش الشقة عندك لما ننزل مصر أكيد حاتبقي عايزة تيجي تفضلي وسط أهلك وهما حايشرفونا على القصر الحمد لله بقا عندنا عيله

*ياسين احنا اتشرفنا بيكم

*أدهم أنا أكثر والله، وفكر في كلامي كويس

*ياسين إن شاء الله حافكر و ارد عليك

*أدهم أخواتك هما أخواتي حتى لو أني زعلان من سها بس مقدر مشاعرها هي شايفاني السبب في كل حاجه اخوكي عبد الرحمن محرج مني ولا مش عارف بيتجاهلني أكيد ينورو القصر في أي وقت

وبشكرك إنك مش حا تحرمينني إني أعيش مع أولادي

مليكه نزلت الشقة

ودخلت غرفتها تغير لبسها

سها سمعت صباح وهي بتعيط، وعرفت أن مليكه حاتروح مع أدهم

دخلت عند مليكه

*سها هو الكلام اللي سمعتو صح؟؟

*مليكه كلام إيه ؟؟

**سها إنك رايحة معاه القصر

**مليكه آه

**سها بسهولة دي؟ بعد كل اللي عملوا معاكي حاترجعي ليه؟

*مليكه علشان ولادي

*سها كذابة أنت بتحبيه

*مليكه اتكلمي بي أدب معايا ودي حاجة تخصني

*سها خلاص بيعتينا وحاتروحي معاه؟

*مليكه أنا رايحة مع أولادي

**سها أنا مش قادره اصدق بعد كل اللي عملوا فيكي راجعه ليه اتهمك بي الخيانة مع ابن عمه ضحك عليكي وما سجلش الجواز، فضحك زمان وماتت أمك وفضحك دلوقتي انزلي الحارة اسمعي بقولو عليكي أية

**مليكه بصراخ كفاية يا سها حرام عليكي أنا مش ناقصاكي

*سها عارفة أنت معندكيش كرامة وتستاهلي كل حاجة حصلت ليكي دمرت نفسك ودمرتينا معاكي كفاية أمك ماتت بحسرتها عليكي وفضيحتك موت أمك أنت السبب فيه

مليكه ماقدرتش تصبر ضربتها بي القلم علي وجها

*مليكه اخرسي، واياكي صوتك يعلي عليا شكلي دلعتك وماعرفتش اربيكي كويس أنت اخر وحده تتكلم معايا كده

الصوت كان عالي نزل عبد الرحمن وأدهم وياسين

*عبد الرحمن في أية ؟؟

**سها أنت مش راجل يا عبد الرحمن ازاي تخلي أختك ترجع مع المجرم دا بعد كل اللي عملوا فيها، ولا طمعك بي الفلوس، ولا عايز تبيعها زي ما بيعتها زمان ما هو مش جديد عليك

عبد الرحمن مسكها من شعرها

*عبد الرحمن دا جوزها أبو أولادها تروح معاه ماتروحش هي حرة مش حاتدفن نفسها علشانا هي كثر خيرها كبرتنا نوقف جنبها مش نغلط فيها أنا مش فاهم مشكلتك إيه؟؟

**ياسين انت ماسكة أسطوانة أمك الله يرحمها دا قدر ربنا مليكه مش ملك نفسها

عندها أولاد محتاجين يعيشوا في جو أسري مع أبوهم وبلاش الشويتين بتوعك أنت مش عايزة مليكه تبعد عنك علشان تخدمك ما أنت الدلوعة اللي ما بتحطش أيديها في المياه الباردة عايشه برنسيسة على ضهر أختك الغلبانة قولي إنك كنتي طمعانه أن أدهم ياخد شقه بره الحارة لي مليكه، وتروحي تعيشي معاها ما الحارة مابقتش قد المقام طول عمرك شايفه فوق

*سها وانت طول عمرك تكرهني

**ياسين أنا لا بحبك ولا بكرهك

يلا يا مليكة لسه وراكم سفر

*مليكه تعالا يا عبد الرحمن عايزاك في موضوع

*عبد الرحمن حاضر، وأنت حسك عينك اسمع صوتك، وخشي على غرفتك ما تطلعيش منها

يلا اتحركي

سها راحت الأوضة وقفلت على نفسها

عبد الرحمان راح عند مليكه

**مليكه خلي بالك من أختك راقبها بتروح فين، وتيجي منين تروح معاها الشغل، وترجعوا مع بعض

معلش ماعرفتش أحضر ليكم أكل في فريزر وحتى مالحقتش أجيب أكل في البيت بصراحة مش معايا فلوس

اللي عايزة أقوله جد أولاد اشترا العمارة وكتب الشقة دي بي اسمي يعني مش حاتدفع إيجار

**عبد الرحمن ممكن تفكري في نفسك شوية أنا وسها كبرنا ماتشيليش همنا

أنت اللي لازم تطمنينني عليكي

*مليكه ادعيلي يا أخويا وخلي بالك من نفسك

*عبد الرحمن أنت أختي وأمي وكل حاجة وحضنها

مليكه ابتدت تعيط

*مليكه مش قادره أسيبكم وامشي

أولاد كانو مبسوطين أوي لما عرفوا أنهم حايرجعو كلهم القصر

**خالد شوفت ماما بتحبنا أوي

**أدهم طبعا حبيبي

*ياسين أدهم اتحركو دلوقتي قبل ما مليكه تتعب تاني

*أدهم أنا مبسوط إنو بقالي أخ زيك، ومتخافش مليكه في عنيا

مليكه ابتدت تسلم عليهم

*صباح ماتخافيش أنا كل يوم حاعمل الأكل يا اطلعوا يا هما ينزلوا يتغدو معانا ماتشيليش هم حاجة

الكل نزل يودع مليكه إلا سها

ستات الحارة سلمو علي مليكه

**الست خلاص يا مليكة حاتسيبي الحارة ؟؟

** مليكه والله مش بي أيدي

**الست الثانيه والله فرحت ليكي أنت تستاهلي كل خير عمرنا ما شوفنا عليكي حاجه وحشة يا ريت ما تنسيش تزورينا

*مليكه طبعا ما أخواتي لسه

هنا جات عندها مروى

*مروي كده يا مليكة تمشي من غير ما تسلمي عليا

*مليكه والله كنت حارجع أسلم عليكي

*أدهم أنا سألت في المحل، وقال إنكم إنتو اشطر بنات، وإن شاء الله تبقي المسؤولة على المحل مكان مليكه

**مروي بجد يا مليكة ؟؟

**مليكه والله لسه مش عارفة حاجة بس أكيد أنت أكثر وحدة بتق فيها

اما اوسطا حسن كان وقف والدموع في عنيه

راح سلم عليهم

**اوسطا حسن مع السلامه يا ابله مليكه خلي بالك من نفسك واوعي تنسينا

ادهم مش عاجبو وهو شايف اوسطا حسن متأثر في الكلام. عينيه بتلمع وعرف انو بحبها

ركبوا العربيات

ادهم فرحان جدا أما مليكه بتفكر حاتعيش ازاي في القصر دا الحمد لله سارة وأكرم معاها

*ادهم مليكه شكرا

*مليكه خايفه اندم انت ماتعرفش إحساسي إيه وأنا راجعة المكان اللي اتهانت فيه

*أدهم من غير ما تكملي كلام انسي الماضي علشان نعرف نعيش الحاضر لازم تتابعي مع دكتورة نفسية علشان الحالة اللي عندك أنا لحد دلوقتي بروح أتعالج

وصلوا القصر

عصمت اتخضت من كمية العربيات

*عصمت في أية ؟؟

**كامليا مش عارفة يا مامي

وراحوا عند باب القصر فتحوه واتصدمو لما شافو مليكه وأولادها وأكرم ومراتو و اولادو وفارس ورحيم وادهم

ادهم مسك أيد مليكه

**ادهم اتفضلي حبيبتي في مملكتك

طلعوا السلم

بس عصمت وقفت على الباب

*عصمت في إيه يا بابا؟؟

*رحيم في أن كل حاجة رجعت لي أصلها ابعدي من باب خلينا ندخل

*عصمت ماحدش حايدخل على جثتي دي خاينه…

*أدهم اسكتي ولا كلمة بصوت عالي

**مليكه أنا حادخل بس أنت لا ولا إيه رأيك يا رحيم بيه؟؟

*رحيم جهزي نفسك يا عصمت روحي عيشي مع جوزك القصر مابقاش ليكي حق فيه

يتبع….

الفصل التالي :

__________________ـ

رواية بعت نفسي الحلقة السابعة والتسعون

-------------------------------ـ

**عصمت أنت بتقول إيه؟؟؟ شكلك ك كبرت وخرفت أنا اتولدت في القصر دا ازاي اطلع منو والشحاتة دي تدخل ليه

دا قصر جدودي وأبوك سرقوا منهم، ودلوقتي عايز تطلعني منو؟!!؟

*رحيم القصر لا ملكي ولا ملكك دا ملك ادهم ومراتو مش عايزاكي هنا يبقى اطلعي بي الذوق لمي حاجتك واطلعي ولا عايزة تطلعي من هنا زي ما طلعتي مليكه بفضيحه ؟؟؟ أنا ضيف في القصر دا لحد ما أموت ومش عايز مشاكل كفاية إني ساكت طول السنين دي علي مصايبك أنت وبنتك

أنا تعبان وعايز ارتاح

سيف أنت عارف معزتك عندي

*سيف من غير ما تكمل هو دا الوضع الطبيعي، وكان لازم يحصل من زمان يلا عصمت وبكره نيجي ناخد حاجتنا

مسك أيديها وهي بتصرخ

*عصمت لا مش حاسيب القصر

كامليا كانت مصدومة

**كامليا أرجوك يا جدي ماتعملش كده

*عصمت أقسم بالله انتقم منكم كلكم والقصر دا حايرجع ملكي

وأنت يا شحاته حسابي معاكي لسه مخلصش

وأنت يا أكرم إيه معندكش كرامة راجع القصر بعد ما اتفضحت فيه كلكم حاتشوفو عصمت حاتعمل إيه

سيف شالها وهي بتصرخ

أصلا رحيم كان اتصل عليه وبلغو وهو حضر الفيلا كانت جنب القصر

كامليا عايزة تروح مع أمها

بس ادهم مسكها بقوة

**ادهم لو روحت ورآها تبقي طالق فاهمه

*كامليا وهي منهارة حضنت أدهم اللي لسه ماسك إيدين مليكه

**كامليا أرجوك يا أدهم ماتعملش في مامي كده أنا ماقدرش أعيش من غيرها

*رحيم تعالو ندخل جوه

*أدهم خلاص أهدى أنت عارفة شر أمك وأنا متأكد إنك حاترتاحي وهي بعيد عنك حاتعرفي تعيشي من غير ما هي تمشي كلامها عليكي

مليكه كانت متغاضه جدا من حنيتو مع كامليا

*كامليا حرام عليك يا أدهم

**رحيم كامليا خودي بنتك واطلعي غرفتك

**كامليا بعدت من أدهم أنا عايزة أروح عند ماما

*رحيم يبقا أنت اللي اختارتي طريقك ملك حاتفضل هنا

كامليا فضلت تبص على مليكه بكل غل وطلعت تجري دي حتى ماسلمتش على بنتها ولا شافتها

الكل دخل القصر

مليكه حرفيا كانت بتترتعش كل حاجه افتكرتها

**رحيم اطلعوا ريحو علي ما يحضر العشاء

أكرم خد مراتك الجناح بتاعك شوية ويوصل سرير ياسين صغير

أولاد طلعوا يجروا

**ادهم تعالي يا مليكة

**مليكه هو أنا مش حاقعد في أوضة اللي في الجنينة ؟؟

**أدهم لا الجناح بتاعك فوق

**مليكه أنا مش عايزة اطلع فوق

**أكرم ومين سمعك يا مليكة أنا أصلا مش عايز ادخل الأوضة دي تاني

**رحيم خلاص يا أكرم اختار أي جناح اقعد فيه أنا طالع ارتاح

**ادهم فارس تعالى أوريك جناح أبوك ممكن تقعد فيه لحد ما تختار مشاء الله القصر كبير

**فارس بصراحة يخوف مش عارف ليه قلبي اتقبض اول ما دخلت

**سارة وانا كمان

**أدهم لا مش لدرجة دي خلاص اللي بتعمل مشاكل طلعت منو

كل واحد طلع فوق أكرم راح اختار جناح أبوه وأمو

أما أدهم دخل مليكه الجناح وقفل الباب

**مليكه أنت بتعمل إيه؟

**أدهم داخل غرفتي فيها حاجة دي؟؟

**مليكه روح لي مراتك هي محتاجة ليك

**ادهم أنت كمان مراتي و محتجاني أنا حاسس بيكي والله بس لازم نواجه الماضي مش حانهرب منو وبرافو عليكي رجعتي حقك وأنا والله كنت حاعمل كده لأن دا الوضع الطبيعي

**مليكه أنت مش حاسس بي حاجة أنا طلعت من هنا بي فضيحة

**أدهم ماحدش يعرف الخدم كلهم اتغيرو

**ادهم مش ملاحظة حاجة في الجناح

مليكه فضلت تبص على حيطان كانت صورهم متعلقة لما كانو في شرم الشيخ

وحتى لما كانو في الشقة كان أدهم بصورها

**أدهم الجناح دا عملتو لما رجعت من ألمانيا بعد العملية كنت حاسس حا يجي يوم وتدخليه كنت بصلي هنا قيام الليل، وادعي وربنا استجاب ليا دا معناه إنو فيه خير بينا

الولاد خبطوا علي الباب ودخلوا مبسوطين

*خالد تعالي يا ماما شوفي اوضتي عامله ازاي

*ادهم ممكن تخلوني مع ماما شوية وبعدين نيجي عندكم؟

*مليكه أنا جايه معاكم

مسكها أدهم

**أدهم أنا لسه ماخلصتش كلامي

خالد كان طلع

في جناح أكرم وساره

*سارة حاسس بي إيه ؟

**أكرم مخنوق جدا

*سارة عادي حبيبي بس احمد ربنا رد اعتبارك أنت دخلت القصر، وهي طلعت بس بكل صراحة أنا خايفه منها دي عنيها كانت كلها شر

*أكرم هي الشر يتمشى على الأرض بس والله العظيم حاخد حقي وحق أهلي حافضل ورا الحقيقة لحد ما تبان مش حاسكت

حبيبتي حانفضل بس أسبوع هنا عندي شوية شغل ادعيلي

*سارة ربنا يوفقك، وإن شاء الله ناخد الصفقة بس عايزاك تحط إيدك في إيدين أدهم

**أكرم كل حاجة مع الوقت أنا لسه موجوع منو

بصي حاولي تخليكي مع مليكه وابعدي من كامليا دي نسخة مصغرة من أمها

**سارة ما هو باين دي حتى بنتها ما سألتش فيها، وطلعت تجري فوق زعلانه *أكرم فاقد الشيء لا يعطيه هي ماحستش بي الأمومة علشان تديها لبنتها

عند أدهم

**ادهم عيطي يا مليكة طلعي اللي جواكي

مليكه قعدت على طرف السرير، وابتدت تعيط

*مليكه أنا اتضلمت أوي و ظلمت أمي معايا وأخواتي أنا مش قادره أنسا الكابوس دا

الكل شافني شبه عريانه وأنا مش، فاهمه حاجة أنا مابعرفش أنام لما بفتكر اللي حصل مصدومة فيك بعتني بي الرخيص، وأنا اشتريتك وضحيت بي أمي علشانك، وفضلت جنبك بس أنت عذبتني واتهمتني ليه صدقت إني ممكن أعمل كده؟؟ ومع مين مع أكرم أنت اول راجل عرفت في حياتي لو ما هربتش كنت حاتقتلني أنت شلت السلاح في وشي، وماصدقتش اني حامل منك

وجاي بعد السنين دي كلها عايزني اسامحك أنت اتهمتني في شرفي عارف معني دا إيه ؟؟

**أدهم قرب منها من غير ما يلمسها عارف

عصمت لعبتها صح أي حد يشوفك زي ما أنا شوفتك حايصدق كانت فترة بتوصلني صور ليكم بس ما اتكلمتش وسكت بس لما شوفتك في حضنه عقلي راح مني وكنت عاجز و مشلول نفسيتي كانت في الحضيض

*مليكه بصت ليه بدموع ازاي في حضنه ؟؟

**أدهم هو كان لابس بس شورط وانت بلي كنت لابساه كنتي في حضنه الحمد لله مكانش واعي لا أنت ولا هو وعملوا فيكم اللي هما عاوزينو

مليكه دا ماضي لازم ننساه أنا عارف إنك بريئة

**مليكه مش بسهولة على فكرة أنا محرجة جدا من أكرم ما بقدرش أبص في عينيه خايفه صورتي لسه قدام عينيه وأنا ….

**أدهم أتنهد ما ظنش أنت غطيتي نفسك وهو سترك بي الملاية

بصي من بكره لازم نبتدي علاج في دكتورة شاطرة أوي

**مليكه بس أنا مش مجنونة علشان أتعالج

**أدهم العلاج النفسي مالوش علاقه بمجانين بس في حاجات جوانا بتوجعنا لازم نعالجها أنت لسه مصدومة لما بتجيلك الحالة بتتعبي مش حل تاخدي مهدئ الخوف سيطر عليكي لازم تطلعي كل اللي جواكي وتتصالحي مع نفسك وتلاقي الراحه علشان تعرفي تعيشي

*مليكه أنت السبب في خوفي طول السنين دي كنت خايفه تقتلني وتاخد ولادي مني

حرام عليك بوزت حياتي

كنت الشبح اللي بيطلع ليا في كل كابوس

ادهم حضنها جامد

*أدهم وأنا كنت عايش بذنبك طول السنين دي كنت بشوفك في أحلامي بترميني في النار احنا اتعذبنا عارف إنك أكثر مني شيلت مسؤولية كبيرة عليكي والله مش سهل عليا اللي عيشتو ربنا عالم بكل واحد

فضل يتكلم هي كانت أغمي عليها

*أدهم مليكه فوقي

حاول يفوقها واداها الدوا

وخلاها تهدا شويه

**ادهم ولادك عايزينك وانا مش حأذيكي متخافيش مني ارجوكي

أهدى كده

*مليكة شوفت وصلتني لي أية ؟؟

**ادهم ارتاحي دلوقتي ولا قولك قومي نروح عند أولادك شاركيهم فرحتهم

علشان نفسيتك تتحسن الدوا دا مش حل

راحت معاه أوضة خالد

*خالد شوفتي يا ماما نفس الأوضة اللي كنت بحلم بيها

مليكه بتبص على ابنها وهو فرحان، وسألت نفسها أمتي شافت خالد كده مبسوط، واتنهدت وعرفت أن اللي عملتو صح زمان باعت نفسها علشان تنقد أمها ودلوقتي بتبيع نفسها علشان أولادها

لا هي مش بتبيع نفسها وإنما بترجع حق نفسها اللي راح

على العشاء

رحيم فرحتو كبيرة رغم أنها كانت ناقصة من بنتو عصمت بس ما حابش يعكر صفو فرحتو بي أحفاده الصغار والكبار

* رحيم كامليا فين،؟؟

*ملك مامي زعلانه آوى وقافلة على نفسها

*رحيم ربنا يهديها

وابتدو يتعشوا

في جناح كامليا

أمها اتصلت بيها

*عصمت بتعملي إيه؟؟

**كامليا هما تحت بيتعشو أنا قاعدة في جناحي

*عصمت حاتفضلي طول عمرك غبية البسي أشيك حاجه عندك وانزلي اقعدي جنب جوزك، فاهمه قبل ما يطلقك مليكه رجعت بقوة وحطت جدك وجوزك في صفها لو ماصحتيش لنفسك حتلاقيكي بره القصر

**كامليا ماما أنت حاتعملين أية؟؟

**عصمت بكره تشوفي حاعمل إيه يلا اعملي اللي قولتلك عليه بسرعة

لبست كامليا فستان قصير لحد الركبة احمر، وحطت روج أحمر وعطرها فخم من أغلى الماركات العالمية اللي ريحتو، فواحة على بعد كيلومترات هههه

وكعب عالي ونزلت السلم بكل هيبتها

*كامليا مساء الخير

الكل رد معادا مليكه،

وقعدت جنب أدهم

مليكه قلبها قايد نار من الغيرة شافت شياكة وحلاوة كامليا وسألت نفسها هو ليه مش بحبها ولا بس بيكدب عليها

*كامليا نورت يا أكرم

**أكرم شكرا

*كامليا دي مراتك؟؟

*أكرم آه سارة

**كامليا أهلا يا سارة نورت القصر

وأنت مين بقا ؟

**فارس أنا فارس ابن خالك عمار

*كامليا آه تشرفنا

رحيم كان مراقب في صمت اللي بيحصل وعرف أن اللي بتعملو كامليا من أوامر عصمت

**ادهم قرب من مليكه ما بتكليش ليه؟؟

*مليكه شبعت الحمد لله

كامليا بصت عليها بطريقة وحشة

**كامليا آبقا كلم بوتيك اللي بتعامل معاه يا دومي علشان تيجيب حاجة شيك تلبسها مليكه أصل ذوقها بلدي أوي في اللبس

**ادهم كامليا بلاش الأسلوب دا مع مليكه

*مليكه لا عادي خليها تقول اللي هي عايزاه أنا بلدي وفخورة بنفسي أني بلدي عندك مشكلة في حاجة؟؟

**كامليا آه طبعا أنت في قصر مش في حارة المعفنة اللي كنت فيها أنا مش عارفة إيه اللي مقعدك أنت وأولادك مع أسيادك

**ادهم أتعصب وضرب الطبق

اطلعي فوق يا كامليا

*كامليا وقفت لا مش طالعه

دا حقي هي ليه تقعد معانا خد لها أي حتة تقعد فيها مع أولادها بعيداً عني أنا وبنتي أنت فاهم

ادهم بكل قوة ضربها بي قلم علي وشها لحد ما اختل توازنها وكانت حاتقع

*أدهم لا مش فاهم

*كامليا أنت بتضربني علشان الزبالة دي

ادهم مسكها من شعرها اعتذري حالا لمليكه

ملك كانت خايفه آوى ونزلت تحت السفرة

راحت تجري عليها مليكه حضنتها

**************

يتبع….

الفصل التالي :

ــــــــــــــــــــــــــــــــــــــــــــــــــ

رواية بعت نفسي الحلقة الثامنة والتسعون

--------------------------ـ

**مليكة مش عايزاها تعتذر

*ادهم اعتذري حالا

*كامليا أنا آسفة يا مليكة

** مليكه ادهم سيبها البنت مرعوبة

اول ما سابها طلعت تجري

*مليكه إيه إلى أنت عملتو مش قدام أولاد ولا قدام بنتها

اخدت ملك ، وطلعت بيها بره الجنينة

**مليكه اهدي حبيبتي

*ملك بابا ضرب مامي أنا خايفه منو

**مليكه لا حبيبتي ماتخافيش

في السفرة

**رحيم كامليا غلطت بس ما توصلش إنك تمد إيدك عليها قدامنا

*أدهم كامليا ضربتها علشان تصحي وتفكر بي دماغها هي ماكنتش عايزة تنزل بس أكيد عصمت اتصلت بيها، وقالت لها تعمل اللي عملتو

*فارس اهدأ يا أدهم

**ادهم أهدأ ازاي دي أهانت مليكه قدامنا أنت مش عارف إن هي جايه بي العافية وخايف تمشي

*خالد هو أنت ممكن تضرب ماما؟؟؟

أدهم ذهل بي سؤال ابنو

**أدهم لا يا حبيبي مش حاعمل كده

*خلود أنت لازم تعتذر من ملك علشان ضربت مامتها

*سارة بنتك خافت نزلت تحت السفرة بس مليكه راحت عندها

**أدهم أنا آسف يا جماعة

**رحيم ادهم لازم تعرف أني اللي حصل النهارده حا يتكرر لا كامليا حا طيق مليكه ولا مليكه حاتستحمل وجود كامليا في حياتك

*أكرم ربنا يعينك بقيت جوز الاثنين

دخلت مليكه بعد ما ملك هديت من العياط،

وراحت قعدت مكان ملك جنب خالد وخلود،

وابتدت تأكلها هي وأولاد

من غير ما تتكلم

**ملك وهي في حضن مليكه ممكن أنام معاكي؟؟

*مليكه أيوه حبيبتي

رحيم بي بص على

ملك ومليكه وحمد ربنا أنها حنينه عليها عكس أمها

**مليكة عن اذنكم اطلع أنيم أولاد اتاخرو

ملك حتنام معايا لو مافيش مشكلة

**الناني نو مدام ملك تنام في غرفتها

**ملك وهي بتزعق أنا عايزة أنام مع طنط مليكه

**مليكه إيه رأيك أخدك غرفتك تفرجيني عليها؟؟

*ملك أوك

**الناني ممنوع مدام كامليا قالت ماحدش يدخل غرفة ملك هانم

حتى أولاد دول

*أدهم بعصبية روحي غرفتك وبكره ما شوفكيش في القصر

**الناني أدهم بيه دي أوامر كامليا هانم

*ادهم، وأنا امبارح قولتلك تاخدي الأوامر مني أنا اللي بدفعلك مرتبك وخلاص مابقتش محتاج ليكي مليكه في مقام أم ملك استغنيت عن خدماتك ومافيش نقاش

الناني راحت زعلانه

*رحيم يا بني بنتك من ساعة ما اتولدت وهي إلى معاها

*أدهم جدي أنت ما سمعتش قالت إيه دي بتاخد أوامر من عصمت وبنتها وانا مش مطمن علي بنتي معاها

ملك أنت زعلانة علشان الناني حاتمشي؟

*ملك بفرحه لا أنا مش بحبها

*أدهم من بكره

كل طقم الخدم يتغير مش عايز أي حاجة من طرف عصمت ما هي مش حا تسيبنا في حالنا

*أكرم لسه كنت حاقولك كده

*مليكه يلا يا ولاد

وطلعوا

**مليكه الصغيرة مامي

ممكن اطلع معاهم

*سارة أنا كمان طالعه معاكم

أدهم طلب قهوة ليهم وراحوا قعدوا في الجنينة

**رحيم نورتو القصر والله

*فارس شكرا يا جدي

أكرم كان سرحان قرب منو ادهم

*ادهم حاول تنسي يا أكرم

**أكرم أنسا؟؟ في جرح عندي هنا، وحط إيدو علي مكان اللي ضرب عليه نار بفكرني على طول

*أدهم مش عارف أعمل إيه أخليكم تنسوا مليكه مش مسامحاني هي رجعت علشان ولادها

*أكرم معلش كل حاجة عايزة وقت بس استعد الحرب بين كامليا ومليكه

فوق عند مليكة دخلت البنات يستحموا في غرفتها لأن حوض استحمام الحمام كبير بجاكوزي

ملك كانت مبسوطة جدا وضحكتها مسمعه الجناح كلو

إما كامليا سمعت كلام زي السم من عصمت بعد ما قالت ليها كامليا على اللي حصل

حست بي إهانة من اللي حصل تحت وشافت ادهم ازاي بدافع عن مليكه

أدهم طلع دخل عندها الجناح

* كامليا أنا تطلب مني اعتذر من وحدة زيها؟!؟!

*أدهم مش قولتي انك مش نازلة إيه اللي اتغير اقولك أنا أمك اللي اتصلت وقالت لك تعملي كده بصي يا كامليا مليكه خط أحمر فاهمه؟؟

*كامليا يا سلام

*أدهم أنا بحظرك أهو

واخد هدومو ودخل يعمل دوش

هي طلعت راحت غرفة ملك ما لاقتهاش موجودة

بس سمعت ضحكتها في جناح مليكة

فتحتو كانت مليكه بتلبس ملك وخلود

*مليكه أنت ازاي تدخلي كده من غير إذن

**كامليا أنا ست القصر دا ادخل وقت ما أنا عايزة بنتي بتعمل عندك إيه هنا؟؟

*مليكه والله زي ما انت شايفة

ملك كانت خايفه

مليكه كملت اللي بتعملو

*كامليا الناني فين؟؟

**مليكه روحي دوري عليها بره هنا واطلعي واقفلي الباب البنات حياخدو برد

*كامليا يلا ملك على غرفتك ؟

**ملك أنا حنام مع طنط مليكه

*كامليا بصوت عالي يلا قدامي

*مليكه سيبي البنت وهي مالهاش دعوه بين اللي بينا

*كامليا اوعي تفكري إنك حتاخدي جوزي مني أنت هنا خدامه لي أولادك زي ما زمان كنتي خدامه لي أدهم ولا نسيتي؟؟

*مليكه لا مانسيتش ويشرفني أكون خدامه لي أولادي على الأقل أراعيهم مش أخلف وأسيب وحده تانية تربي

بصي يا كامليا جوزك أهو عندك ومتخافيش مش حاخدو منك أنا هنا علشان ولادي، وبس وجوزك اشبعي بيه

هنا أدهم سمع كل حاجه

*كامليا طبعا ادهم مش حايبص وحده زيك هو بس منبهر بي اولادو

*مليكه كويس يبقى اطمني وابعدي من طريقي لأني مش حاسكت ليكي من اليوم و رايح

*كامليا وانت مالكيش دعوه بي بنتي تبعدي ولادك البيئة عن بنتي

*مليكه بصي أنا مش حانزل مستواكي

هنا تدخل أدهم

**كامليا روحي غرفتك

كامليا ابتدت تدلع علي أدهم وحطت أيديها على كثافو

*كامليا يلا يا بيبي

*مليكه روح معاها يا بيبي أنا مش فاضية ليكم

**أدهم روحي يا كامليا أنا حبات هنا

*كامليا مش فاهمه ازاي؟ مش هي جايبها خدامه لي أولادها

أدهم كان مسك أيديها بقوة قبل ما تكمل كلامه

ا *أدهم روحي غرفتك احسنلك

*كامليا ملك قدامي

*مليكه أنت مش شايفة إني بلبسها لما أخلص حابعثها ليكي نيميها في حضنك

*كامليا أنا مش بيئة زيك بنتي عندها روتين خاص بي النوم أنت ما تعرفيهوش

*ادهم الناني رفدتها لو ملك حتنام معاكي أوك لو لا سيبيها واطلعي

*كامليا أنت اتجننت ازاي ترفدها

*مليكه هو انتو إيه ما بتحسوش بتتخانقو قدام البنات كده عادي

أدهم خد مراتك، واطلعو لو سمحتو

ادهم اخد كامليا وطلعوا

**ملك هي ليه مامي مش بتحبني؟

*مليكه لا يا ملوكه إيه الكلام دا لو ماكنتش بتحبك مكانتش جات هنا تدور عليكي

*ملك أنت عارفة إني عمري ما نمت في حضنها

**مليكه حبيبتي مافيش أم ما بتحبش ولادها أنسى الكلام دا

يا علشان اسرح ليكم شعركم

*ملك أنا نفسي شعري يبقى طويل كده

*مليكه من عيوني حبيبتي حابقا أعملك زيوت لشعرك أنت وخلود

مليكه كانت مشغولة مع البنات بس الوقت نفسه شافت ادهم أتأخر

وبعدين اتصدمت من نفسها أنها بتفكر كده

أما في أوضة كامليا

كانت منهارة عياط

**أدهم ممكن أفهم أنت بتعملي كده ليه؟؟

*كامليا أنا محتاجه ليك ليه عايز تسيبني

*ادهم كامليا افهمي أنا بقالي سنين بدور علي مليكه وأول مرة نتجمع فا بعد إذنك بلاش التمثلية دي

*كامليا وبتقولها في وشي كده

*ادهم كفاية بقا أنا تعبت منك، ومن جنانك

بعدها عنوا وطلع

دخل جناح مليكه شاف البنات نايمين،

وعرف أن مليكه بتاخد دوش

شال بنتو أخدها غرفتها وكمان خلود

مليكه خلصت دوش لبست بيجامة كانت جايباها معاها اول ما طلعت شافت ادهم، واقف مستنيها

قلبها ابتدأ يضر

ب

بصت على السرير

*أدهم أنا أخدتهم اوضهم

*مليكه بس أنا وعدتهم أنهم ينامو هنا

*أدهم مش مشكلة

**مليكه هو إيه اللي مش مشكلة؟

** أدهم هو أنا ماوحشتكيش؟؟

*مليكه ادهم مش احنا اتفقنا؟

*أدهم نفسي أخدك في حضني

*مليكه روح عند مراتك هي محتاجة ليك أكثر مني

*أدهم أنت كمان مراتي وأنا محتاج ليكي

مليكه خافت من طريقة كلامه

**أدهم عايز بس أحضنك مش عايز حاجة تانية

وقرب منها جرها عندو في حضنه

**أدهم ياه قد إيه مستني اللحضه دي

مليكه كانت مغمضة عينيها وقلبها بيضرب بقالها كثير ماحستش الإحساس دا

حست نفسها حاتضعف

حاولت تبعد عنو

**أدهم خليكي في حضني أنا بقالي كثير ماحستش بي الراحة دي

*مليكه لو سمحت يا أدهم أنا تعبانة و عايزه أنام

**ادهم أتنهد

يا رب صبرني على اللي أنا فيه،

وبعد منها باس جبينها

روحي نامي

*مليكه وانت؟

*ادهم حنام هنا على الكنبة دي

تاني يوم صحيت مليكه كان أدهم بياخد شاور

راحت تفضي شنطتها دخلت مكان دريسينك، واتصدمت لما شافت هدومها كلها موجودة

**ادهم ماقدرتش ارميهم أو اديهم لحد بفكروني بيكي

فاكرا الفستان دا اشتريناه مع بعض

مليكه بتبص على كل حاجة لحد ما حست بيه حضنها من ضهرها

*أدهم صباح الخير حبيبتي

*مليكه صباح الخير لو سمحت مش كده

*أدهم بعد عنها أنا آسف

حاروح أغير وانت كمان غيري عندنا مشاوير كثيرة

**مليكه حانروح فين؟

*أدهم لازم نقدم أولاد في المدرسة ونعمل مشوار مهم لينا

*مليكه مشوار أية؟؟

**ادهم حاتعرفي بعدين

طلع وسابها

قعدت على أقرب كنبة

ومسكت قلبها اللي كان حايطلع من مكانه

على السفرة الكل موجود إلا كامليا اللي لسه نايمه

*رحيم حاتقدم الأولاد في مدرسة ملك؟

*أدهم إن شاء الله

*رحيم خلاص اتصل بي المديرة وأنت يا أكرم مش ناوي تستقر معانا في القصر وبنتك تدخل المدرسة

مع أولاد

**أكرم معلش يا جدي شغلي في القاهره

كملوا الفطار

*مليكه حناخد أولاد معانا؟

*أدهم لا هما مع سارة لحد ما اشوف الناني جديدة

**مليكه مش ضروري ولادي مش حا سيب حد ياخد بالو منهم

*ادهم بس ملك محتاجه

*مليكه أنا موجودة وهي زي أولادي وأنا بجد حبيتها

*أدهم ربنا يخليكي ليا

يلا بينا

راحت ركبت معاه العربية وهو اللي كان سايق

دخلوا المدرسة سجلوا فيها،

و اخدها عند دكتور بتاعو

*الدكتور أهلا يا أدهم نورت

*ادهم شكرا يا دكتور

*الدكتور لاقتها؟؟

*أدهم بص لي مليكه الحمد لله

**الدكتور نورت العيادة يا مدام مليكة

هي كانت مستغربة ازاي عارفها

*الدكتور أنا دكتور امجد تخصص نفسي اللي ادهم متابع معايا سنين وعايز اقولك أنت محظوظة جدا بي أدهم طول السنين دي وانت معذباه بس بحبك حب كبير جدا

وعمرو ما فقد الامل يلاقي

*********

يا ترا ادهم حايخد مليكه فين بعدين ؟؟

يتبع….

الفصل التالي :

________________________________ـ

رواية بعت نفسي الحلقة التاسعة والتسعون

--------------------------------------ـ

رواية بعت نفسي ............... بقلم نسرين

================ـ

الحلقة ال 99 و ال 100و ال 101

____________________________ـ

رواية بعت نفسي الحلقة التاسعة والتسعون

--------------------------------------ـ

**مليكة بحبني؟؟؟

*الدكتور أيوه يا مليكة أدهم بحبك

*مليكه هو اللي بحب حد بيأذيه بشك فيه؟ بيتهمو بتهمة معملهاش

هو حبني أمتي قبل ولا بعد الحقيقة ؟؟

**الدكتور أهدى يا مدام مليكه أنا بقالي 9 سنين بعالج أدهم وحكا ليا كل حاجة من ساعة اول لقاء لي اخر لقاء

*مليكه سبحان الله اول لقاء ظلمني وآخر لقاء برضو ظلمني مني

**الدكتور، وأتعذب علشان ظلمو ليكي

*مليكه وانا ينفعني إيه عذابو حايرجع ليا أمي ولا يرجع ليا سنين عمري اللي راحت ولا يرجع ليا حياتي

أنا مش فاهمة احنا هنا ليه؟

**الدكتور الواضح أنك متوثره بصي يا مدام مليكه أنتي هنا علشان اشرح ليكي إن مش انتي بس اللي اتعذبتي حتى أدهم عاش وقت صعب بس اللي أنا عارف ومتأكد منو سالتو كثير عليه هو مكانش شاكك، فيكي في حاجة جواه كانت بتقول ليه إنك بريئة وكمان بحبك من قبل الحادثة هو مكانش عايز يضعف قدامك بس الحب مالوش قوانين ولا أحكام القدر فرق بينكم والحمد لله جمعكم من تاني بس المرة دي بي رابط قوي جدا اللي هما ولادكم أنت ليكي الحق تزعلي وما تسامحيش بسهولة بس متاخديش قرار إلا لما تفهمي كويس حالة ادهم كانت إيه بس اللي بأكدو ليكي دلوقتي إنو أتعالج وبقا إنسان عادي أصلا مكانش مشكل كبير عندو لأنك أنت عالجتيه 80% من مشاكل نفسية

زيملتي حاتباشر حالتك النفسية أي إنسان محتاج معالج نفسي علشان يعرف يعيش مش لانو مجنون لا سمح الله دا علم نفس، وأصعب تشخيص مرضي هو التشخيص العلاج النفسي لانو معقد جدا والإنسان القوي هو اللي يواجه نفسه ويقول أنا مريض نفسي او عندي حاله نفسيه

ومحتاج علاج

مش حا طول عليكي بس أتمنى

تشرفينني في عيادتي، وتسألي إيه العلاج اللي عملوا جوزك،

ونده على ممرضة طلعت بي ادهم ومليكة ودتهم عيادة تانية

**الدكتورة وفاء أهلا وسهلا أدهم بيه

*أدهم إزيك يا دكتورة ؟

** الدكتورة وفاء الحمد لله إزيك يا مدام مليكه؟

*مليكه الحمد لله

**الدكتورة وفاء نتعرف على بعض أنا الدكتورة وفاء أخصائية نفسية لو عندك رغبة نتابع مع بعض عرفت الحكاية كلها من الدكتور امجد اللي متابع مع أدهم بيه،

وتوصلت مع أدهم بيه، وعرفت إنو بتجيلك حالة نفسية و بتاخدي دواء ممكن اشوفو؟

*مليكه مش معايا هو عبارة عن مهدئات

*أدهم أنا معايا صورته

أداها الهاتف

فضلت الدكتورة تشوف الصورة

**الدكتورة وفاء مين اداكي الدوا دا ومن امتي وانتي بتاخديه؟

*مليكه دكتوره وبصت لي أدهم كا أنها محرجة تقول

*أدهم بصي حضرتك هي كانت متابعة مع دكتورة طب عام بس كانت عارفة حالة مليكه وهي اللي أداتها الدوا

*الدكتورة وفاء يعني عمرك ما تابعتي مع دكتورة نفسية ؟؟

**مليكه لا

*الدكتورة وفاء طيل أمتي بتاخدي الدوا؟

*مليكه لما بتجيلي الحالة

** الدكتورة وفاء اللي هي آية الحالة دي؟

*مليكه بعيط كثير و بترعش و بتسيطر عليا حالة خوف كبيرة وقلبي بيضرب أوي وبخاف ولادي يشوفونني كده فا باخد الدوا، وبهدا

*الدكتورة وفاء ليه بتخافي ولادك يشوفوكي كده؟؟

*مليكه أي أم ماتحبش تبان ضعيفه قدام ولادها وخاصة ولادي متعلقين بيا

**الدكتورة وفاء لما بتاخدي الدوا بتحسي بي إيه تاني يوم؟؟

*مليكه تعبانة وراسي بحسو حاينفجر وكا إني مانمتش بخليني هاديه

أوى

**الدكتورة ولما بتكوني تعبانة كده بتعملي إيه؟؟

**مليكه باخد مسكنات

*الدكتورة وفاء بترتاحي ولا بتروحي تشتغلي؟؟

**مليكه لا بشتغل الصبح في محل، وبليل في المصنع وسط النهار لازم ارجع البيت أنضف واطبخ، ولما ولادي ينامو بنزل المصنع وارجع متأخر على حسب طلبيات الشغل

*الدكتورة وفاء بتنامي كم ساعة ؟؟

** مليكة أحيانا 4 ساعات أو 6 ساعات وأحيانا ما بعرفش أنام خالص

*الدكتورة وفاء إيه اللي مش يخليكي تنامي؟

*مليكه الخوف

*الدكتورة وفاء من أية ؟!

**مليكه من الماضي من الحاضر عندي التزامات ومستقبل أولاد

**الدكتورة وفاء لما بتفكري كده بتحسي بي إيه ؟

**مليكه إني مخنوقة ومربوطة ومش عارفة أتصرف بقوم أصلي قيام ليل، وارتاح

هو الدوا دا وحش؟

*الدكتورة وفاء آه جدا هو ينفع في حالات معينة أكيد الدكتورة أدتهولك في حالة كنتي مش كويسه بس أنت حسيتي إنك مرتاحة عليه لانو بهديكي علشان ولادك ودا غلط

أنا حاغير ليكي نوع الدوا واحد خفيف بس عندي سؤال أنت عايزة تتعالجي؟؟

**مليكه هو أنا تعبانة أوي كده؟!؟!

*الدكتورة وفاء بصراحة عندك حالة نفسية و دا شيء طبيعي بعد اللي عرفته عنك مش حاجه خطيرة أنت مجروحة من جواكي محتاجة تتصالحي مع نفسك لأنك شايله ذنب أنت مالكيش أيد فيه على العموم لو عايزة أنا ليا الشرف نكون مع بعد وجلسات حاتبقا بيني وبينك النهارده بس تعارف بينا

مستعدة ؟

مليكه بصت لي أدهم اللي أداها إشارة براسو بي آه

**مليكه إن شاء الله

*الدكتورة وفاء طيب حا تيجي الممرضة تاخدك تعملي التحاليل كلها نعرف لو في عندك مشاكل صحية العيادة عندنا مجهزة من كلو أتمنى ترتاحي عندنا

والدكتورة ندهت علي الممرضة وطلعت معاها مليكه

*ادهم إيه رأيك يا دكتورة؟؟

**الدكتورة وفاء مدمرة نفسيا يا أدهم بيه

من حركة أيديها الخوف اللي في عينيها الصراحة محتاجه علاج والدوا اللي كانت بتاخد وحش أوي دا كا إنو مخدر لي أعصاب اللي بس باين إن كانت حالتها، وحشه

على العموم كويس إنك جبتها

*أدهم أنا فكرت في حاجة بس خايف من ردة فعلها

*الدكتورة وفاء بص يا أدهم بيه بلاش تقرب منها نهائي الفترة دي

*ادهم أولا بلاش أدهم بيه خليها أدهم

وأنا بجد مش عايز اضغط عليها ولا

أقرب منها من غير رضاها وأصلا هي رافضة أنا عايزها تتعالج فكرتي إنها مازرتش قبر أمها وعايز أخدها هناك عارف إنو صعب عليها

*الدكتورة وفاء فكره كويسه بس لازم تاخد بالك منها هي أكيد تنهار على ما عرفت أنها شايله ذنب موت أمها وهي خطوة مهمة في العلاج حاديك الحبايه دي تستخدمها وقت اللزوم

*أدهم إن شاء الله

خلصوا نزلوا العربية

**ادهم نروح نتغدا

*مليكه مش حانروح القصر؟

*ادهم لسه في مشاوير حا خدك مكان أتمنى يعجبك

* مليكه اتصل بي سارة أشوف أولاد

يةبيعملو ايه

أدهم انتبه على الجوال اللي عندها و وجعو قلبو أوي عارف إنها اتبهدلت

*مليكه الحمدالله أولاد كوسين بس أنا خايفه من مراتك عليهم وبعدين مش عارفة هي ليه بتعامل بنتها كده دي معندهاش قلب خالص البنت عسل وانت كمان حاتشيل ذنبها البنت محرومة من الحنان هي الناني دي أمها ولا حاتعرف تراعينها دي راحت، ولا جات شغالة بفلوس مافيش حب حتديه البنت دا أنا حاميتها مع خلود بتقولي أن أمها عمرها ما عملت كده إيه دا؟ لا وبتعاقبها تقصر ليها شعرها

كانت متعصبة جدا وهي بتتكلم

*ادهم حبيبتي ممكن تهدي وأنت بتتكلمي

*مليكه ماتقوليش حبيبتي

*أدهم حاضر بس يا مليكه اعمل ايه؟ عارف إني شايل ذنبها اتكلمت كثير معاها مافيش إحساس الحنية ما بتتشحتش هي عمرها ما حست بي حنان أمها

حاتدينه لي بتنها ازاي؟ بحاول أخلص شغلي بدري واجي عندها أنا اللي بفسحها، وأطلعها وهي دلوقتي خايفه أني أنساها

عارفة كنت خايف أن أولاد يكرهوا بعض

**مليكة ولادي عمرهم مايكرهو حد أنت لسه ما تعرفهمش أنا ربيتهم على حب الناس ملك طيبة مش عارفة طالعه لمين؟؟

*أدهم أكيد ليا

*مليكه لا ليك ولا أمها ولا جدها ولا جدتها سبحان الله ربنا رحمها، وما طلعتش تشبه ليكم

*أدهم ماشي يا مليكة

أنت متعصبة ليه؟؟

*مليكه مش عارفة بس حسيت نفسي ولا حاجة قدام المديرة المدرسة وخايفه أولادي يتحرجوا المدرسة أكيد فيها ناس من كبارات البلد وولادي متربين في حارة الحمد لله متربين بس أكيد المستوى الدراسي مختلف هما أذكياء خاصة خالد بس مدارس الحكومة المستوى الدراسي ضعيف

*أدهم هو أنت على طول شايله هم وبتكبري المواضيع متخافيش حا جيب ليهم المدرسة خصوصية في المواد كلهم في القصر بس أنت ليه مش عايزاهم في كلاس واحد؟

*مليكه علشان كل واحد يركز لوحده ويعتمدوا على نفسهم خاصة خلود

وصلوا المطعم أدهم بي بص عليها يشوف ردة فعلها نزلت مسك أيديها ودخلوا بس هي قلبها اتقبض

دخلوا جوه بحركة قربها منو

*مليكه ليه يا أدهم تيجيبني هنا حرام عليك

**ادهم مليكه أنا مش قصدي حاجة وحشة

هنا يا عم جورج

*عم جورج نورت يا أدهم باشا اتفضل

*أدهم مش حا تسلم علي مليكه؟

*عم جورج معلش مش واخد بالي

**أدهم مليكه مراتي البنت اللي كانت شغالة هنا

*عم جورج ياه يا أدهم بيه دا انت من ساعة ما اشتريت المطعم ماجيتش تتغدا هنا بتابع من بعيد

*أدهم كنت واخد عهد على نفسي أدخل هنا ألا وهي معايا

**عم جورج الحمد لله أنك لاقيتها كنت بدعيلك

*أدهم الحمد لله لاقيتها هي وأولادي

راحو قعدوا

**ادهم لو مش عايزة ممكن نقوم

مليكه دموعها كانت بتنزل

*أدهم مليكه هنا قصتنا ابتدت وحبيت أجيبك هنا، واعتذر ليكي على كل حاجة والله حاخد حقك من كل اللي عذبك حتى مني أنا أكبر عذاب إني ماقدرش أقرب منك

شوية جات شروق

*أدهم امسحي دموعك

*شروق تشربوا أية ؟؟

مليكه مسحت دموعها، وبصت شافت شروق ادهم حط أيديه على إديها

**أدهم تشربي إيه حبيبتي؟؟

*مليكه عصير برتقال

*ادهم سمعت الهانم عايزة إيه ؟

**شروق هانم!!؟

*ادهم هانم وهي صاحبة المكان اللي انت شغالة فيه آه ومراتي من زمان وأم أولادي شوفتي حاولتي تفضحيها بس للأسف أنت اللي اتفضحت في الحارة يا خسارة طلعت من شقتك بي ملايه عارفة أنا سبب سجنك وانا اللي بعت ليكي الراجل اللي كان معاكي علشان تعرفي أن الله حق وكما تدين تدان و اتسجنتي بس صعبت عليا وجبتك تشتغلي هنا بس لو مليكه مش عايزاكي

قبل ما يكمل كلامو

مليكه وقفت وضربت شروق بي قلم علي وشها،

وطلعت تجري

راح ورآها ادهم

قبل ما توصل العربية أخدها في حضنه

**أدهم ماحدش يستاهل دموعك

اهدي لو سمحتي

ركبوا العربية

ووصلوا المدافن قلب مليكه كان حايطلع من مكانه

ركن العربية وشافت اسم أمها على باب

*أدهم عارف إنك عمرك ما زورتيها بس أنا كنت بزورها، ووعدتها أني حاجيبك عندها

لو مستعدة انزلي مش قادره نيجي يوم تاني

مليكة فتحت الباب، ونزلت

*مليكه بصوت عالي أنا جيت يا ما

=====================================

يتبع….

الفصل التالي :

_________________________________ـ

رواية بعت نفسي الحلقة المائة

--------------------------ـ

أدهم راح ورآها

دخلت لاقت مكان القبر شكلوا حلواً وعليه زرع وورد باين إن حد واخد بالو من المكان بس مليكه كل بتفكر فيه حا تقول لي أمها أية !!!

ادهم متابعها في صمت.

خايف عليها لأن شكلها مش مطمنو خالص

قعدت جنب القبر

*مليكه سامحيني يا ما جيت لك متأخر غصب عني والله مكانش بي أيدي ياما سامحيني زعلتك مني والله غصب عني كنت عايزة أعالجك ياما الدنيا جات عليا أوي بصي أنا ولدت ولد وبنت الولد سميتو خالد علي اسم أبويا الله يرحمه والبنت كنت عايزة أساميها على اسمك بس عبد الرحمان مارديش، ولادك كبروا يا ما عبد الرحمان أتخرج وبقا مهندس ميكانيكا، وبيشتغل في شركة والبت سها احلوت وكبرت وبتشتغل وبتكمل تعليمها أنا حافظت على الأمانة

ماتزعليش مني أنا بريئة عمر بنتك ما تعمل حاجة غلط حقي رجع والكل عرف أني شريفة بس كان نفسي تكوني معايا

ليه سيبتيني من غير ما تحضنينني أنتي اتصدمت في بنتك إنها مش متربيه والله كنت متجوزاه على سنة الله و رسوله أنا معملتش حاجة غلط ياما حاموت، واحضنك واستسمحك

آه يا قلبي محروق عليكي مش عارفة اطفي النار اللي جوايا ضلموني ياما علشان يتيمة سيبتينني لمين يا ما الزمن غدر بيا ربيتيني على التضحية ودفعت ثمنها غالي سامحيني يا ما

هنا قرب منها أدهم

**ادهم كفاية اللي بتعملينه في نفسك

*مليكه قولها إنك اتجوزتني وإني ماعملتش حاجة حرام

*ادهم هي عارفة أنا قولتلها

*مليكه سامحيني يا ما أنا من غيرك ولا حاجة شايله ذنبك أني أنا السبب في موتك يا ما أرضى عني

آه من وجع السنين اللي شايلاه

انهارت تماما في العياط

أدهم راح العربية يجيب الدوا والمياه،

ورجع عندها

*أدهم اشربي دا

علشان تهدي

اخدت منو الدوا شربتو

قعد جنبها واخدها في حضنه وهي بتعيط

*ادهم أنا عارف انو صعب عليكي بس أنت قوية استحملي وهي مش زعلانه منك لأنها عارفة ربتك ازاي

موتها قدر ربنا مالكيش دخل فيه

هنا مليكه بعدت منو

*مليكة هي ماتت بسببي ماقدرتش تستحمل كلام الناس عليا أني خاينه وعايشه معاك في الحرام أنت ليه مش حاسس إنك أنت السبب في حاجه وحشة في حياتي أنا بكرهك

حتى ولادي عايز تاخدهم مني لعبت بي رأسهم لحد ما ضغطوا عليا ارجع ليك

منك الله يا أدهم دمرت حياتي ربنا ينتقم منك

*أدهم بالله عليكي من غير ما تدعي عليا كفاية عليا كرهك ليا أنا آسف والله مش عارف أعمل إيه مليكه حضنت قبر أمها وفضلت تعيط أما هو ماقدرش يعمل حاجة من وجعو عليها جاب مقرئ قرآن ابتدأ يقرأ آيات الله الكريمة لعلها تهدي نوبة بكاء مليكه وتحسسها بي الطمأنينة شوية وفعلا هدية فضلت كده ساعة لحد ما المقرئ خلص وراح

ادهم حاول يقوم مليكة قامت معاه بي

العافية عند الباب

*مليكه رجعالك يا ما وحاجيب ليكي أولادك وأحفادك سامحيني يا غالية

ركبها العربية

واخدها مكان علي البحر، وجاب ليها عصير

*ادهم خودي اشربي علشان تهدي وتبقي كويسه مش عايز، ولادنا يشوفوكي كده

*مليكه بتعمل معايا كده ليه؟

**أدهم بكفر عن ذنوبي معاكي وربنا غفور رحيم

*مليكه وجعي كبير منك ماقدرش اسامحك

*ادهم عارف وانا مقدر بس سامحي مليكه بلاش تعذبيها أنت بتجلدي روحك اعرفي أنك معملتيش حاجة غلط

أنا الغلط اللي وقع في طريقك وأنت انقدتيني من نفسي والشيطان اللي كان راكبني

*مليكه أنا مش وحشة بس مش قادره اسامحك على كل حاجة عملتها فيا أنت مش عارف أنا اتعرضت لي إيه طول السنين دي انت عارف إني كم كلب حاول ينهش لحمي، وكنت أخاف أقول لي ياسين أو عبد الرحمن علشان ما كونش سبب في مشاكل ليهم بقيت أخاف من أي راجل يقرب مني شوفت وصلتني لي أية بقيت طمع اللي يسوا و اللي مايسواش عارف ولادك تعبانين مش معايه فلوس أعالجهم أنا تعبت أوي في حياتي

أدهم حضنها ودموعو بتنزل

*أدهم آسف على كل حاجة

مش حاعذبك تاني أنت في حمايتي أول ما الفيلا تخلص تروحي تعيشي فيها مع أولادك معززة مكرمة حاجة وحده أطلبها منك خليكي على ذمتي وأنا والله مش حاضايقك خالص أكبر عقاب ليا هو دا إني أتحرم منك وانت جنبي

*مليكه أنا مش عايزة أعاقبك عايزة بس أعيش في سلام مع أولادي

*أدهم وأنا أوعدك بدا

*مليكه شكرا

*أدهم يا ريت بس اعمل حاجة تغفر لي ذنوبي معاكي

*مليكه ممكن نمشي؟

أدهم بعدها من حضنه وباس جبينها

*أدهم حاضر حبيبتي

يا ريت أولاد ما يحسوش بي أي مشاكل في علاقتنا

*مليكه لا عايزاهم يعيشو حياة طبيعية كفاية سنين الحرمان اللي عاشوها

*أدهم إن شاء نعوضهم كل حاجة

يلا نمشي

وصلوا القصر

كامليا كانت مراقبهم من الشرفة وهي قايده نار

أولاد كانو في الجنينة بيلعبو مع رحيم وساره معاهم

الكل جري عند مليكه

*خالد كنت فين مع باب ؟؟

**مليكه كنا في مشوار

*خالد ماما هو خلاص بابا ينام جنبك واحنا لا؟؟

*أدهم حبيبي انتو كبرتو لازم تتعودو تناموا وحدكم

*ملك بابي ومامي بينامو مع بعض

*خالد بس دلوقتي بابا لازم يبقى مع ماما لأن مامتك وحشه

*مليكه عيب يا خالد مايصحش تتكلم على مرات بابا كده

*خالد أنا قلت الحقيقة أنت ماتعرفيش هي عملت إيه مع خلود

*مليكة بخوف عملت إيه؟؟

*خالد ضربتها علشان كانت في غرفة ملك بتلعب بس ما ضربتش مليكه،

ومسكتها من شعرها طلعتها من غرفة، وقالت ليها أنت بنت الشحاتة ماينفعش تلعبي مع أسيادك

*ملك طنط أنت كمان حا تضربيني؟؟

*مليكه لا حبيبتي

أدهم أضايق، وكان رايح

مسكتو مليكه من ايديه بلاش مشاكل معاها أرجوك أنا راجعة تعبانة اليوم كان مرهق ليا

*أدهم حاضر حبيبتي بس مش بأيدي اللي حصل

*ملك أنت عمرك ما قولت ماما حبيبتي اشمعني طنط مليكه؟؟

*أدهم علشان هي حبيبتي

*مليكه وماما كمان حبيبتو يلا روحو العبوا

خلود فين؟

*خالد مع جدو

راحت مليكه ناحيتهم

*مليكه سلام عليكم

*رحيم وعليكم السلام

خلود نامت في حضني شكرا يا بنتي القصر بقا فيه روح بقالي كثير ماضحكتش ولا لعبت

*مليكه الحمدالله

*رحيم آسف على اللي حصل لي خلود اخدت ليكي حقك منها

وحق بنت

*مليكه شكرا عنك حا خدها غرفتها وشالتها، وطلعت راحت ورآها سارة

أدهم راح عند رحيم

*ادهم إزيك يا جدي؟

*رحيم زي ما انت شايف مبسوط جدا ربنا يديمها علينا نعمه

*أدهم يرضيك اللي حصل لبنتي؟

*رحيم لا أول مرة أمد إيدي على كامليا بس زودتها البنات كانو بيلعبو بس هي مش عايزة بنتها تختلط بي أخواتها عصمت مش حاتسكت أنا كلمت طقم خدم جديد بكره يوصل عملت إيه مع مليكه ؟؟

*أدهم سجلنا أولاد في المدرسة الأسبوع اللي جاي يبدو دراسة ومليكه حتابع مع دكتورة نفسية

*رحيم ليه؟

*أدهم كل اللي عملتو فيها، ولسه بتسأل ليه؟؟

عاشت سنين خايفه اقتلها مليكه عندها حالة نفسية وحشة لسه خايفه مني مش متقبلاني في حياتها أنا أصلا مش عارف ازاي جات معايا كانت رافضة تعيش معايا

**رحيم وافقت علشان ولادها ربنا يكون معاها

**أدهم، وأخذتها قبر أمها

آااااااااه يا جدي كمية الحزن والألم اللي هي حساه كبير أوي

ادعيلي يا جدي أنها تسامحني وأعرف أعوضها، ولو شوية أنا كنت وحش أوي معاها دمرتها يا جدي قالتلتي كلام ذبحني كانت تتعرض لطمع الرجالة حافظت على شرفي وعرضي طول السنين دي

*رحيم مليكة بنت أصول وأنت بتحبها بس في كامليا مش حاتسكت أنا سايبها في غرفتها زي المجنونة طلعت زي أمها عليه العوض يا بني فيها خايف اقولك طلقها أظلمها حاولت اكلمها رافضة تسمع

*أدهم وأنا خايف من بنتك تؤذي مليكه وأولادي بنتك مجرمة ممكن تعمل أي حاجة

*رحيم كلم عمامك عمار وأحمد عايز أشوفهم، واشوف أحفادي

*ادهم حاضر يا جدي وكمان يشيلو الشغل، وتكبر عيله الشرقاوي والله يا جدي أحسن حاجة عملت أنك سامحتهم

*رحيم ممكن معملوش حاجة الله أعلم

فوق عند مليكه بعد ما اخدت خلود غرفتها طلعت راحت جناح كامليا،

وخبطت البا

فتحت كامليا

*كامليا عايزة إيه؟

*مليكة ممكن نتكلم؟

*كامليا أنا أتكلم معاكي أنت ؟؟ وعملت إشارة بي صباعها مهينة لي مليكه تقلل من شأنها

تدخلت سارة

* ساره معلش أسلوبك وحش في الكلام لازم تحترمي اللي قدامك وبلاش النفخة زايدا كلنا أولاد تسعة أنت غلطانة ضربت البنت وهي معملتش حاجة ابعدي الأطفال في مشاكلك معانا احنا لينا حق زيك وممكن أكثر منك فا لو سمحت احنا مش عايزين مشاكل معاكي

*كامليا القصر دا بتاع مامي انتو تبعدو عني وتبعدو عن بنتي

**مليكه بنتك!!! مصدقة نفسك أنك أم بتحب بنتها بصي أنا جيت هنا علشان خاطر رحيم بيه لا يهمني القصر ولا الفلوس كل اللي بطلبو منك تبعدي عني وعن ولادي لا الأحسن أوريكي الشحاتة بتعمل إيه بجد أنا جيت اتكلمت معاكي بي الأدب المرة الجايه مش حاعرف حاعمل معاكي إيه

يلا يا سارة

راحو،

وهي قفلت الباب بعنف وقوة

،

واتصلت بي عصمت

*كامليا أيوه يا ماما

*عصمت مالك بتعيطي؟؟

*كامليا جدو ضربني وهددني أنو يخلي أدهم يطلقني والجربوعه هي ومرات زفت جم عندي يهددونني

*عصمت عملت إيه؟؟

*كامليا ضربت بنت الشحاتة علشان كانت بتلعب مع ملك

*عصمت طول عمرك غبية مش كدا أنت كشفت نفسك بصي أنت ترجعي جوزك وأولاد سبيهم عليا أنا ليا ترتيب تاني ليهم،

وفضلت تديها الوصايا العشر في الشر وأذية الناس

مليكة دخلت غرفتها، واتصلت بي أخوها اطمنت عليه، وقالت ليه على قبر أمهم،

واتصلت بي صباح اللي كانت مبسوطة بي اللي عملوا رحيم، وفضلوا يتكلمو كثير

لحد ما جت الشغالة تنده عليها يتعشوا غيرت فستانها بي فستان تاني، واستغربت أن السنين دي كلها فضل مقاسها زي ما هو

نزلت تحت بعد ما صحت خلود اتعشو في هدوء

لحد ما اتكلمت كامليا

*كامليا حبيبي انهارده يومي

*أدهم يومك ازاي؟؟؟

*كامليا مش لازم تنام عندي؟

*أدهم أنا اللي أقول إيه اللي لازم يحصل وامتي يومك

*كامليا بس دا مش عدل ربنا

هنا أكرم ضحك

*أكرم هو أنت عرفت ربنا بس هنا؟؟

*كامليا قصدك إيه إني ما بعرفش ربنا؟؟

يتبع….

الفصل التالي :

___________________________ـ

رواية بعت نفسي الحلقة المائة وواحد

-------------------------------------ـ

**أكرم أنت أدرى بنفسك يا ريت تعرفي ربنا في كل حاجة

**رحيم لو سمحتو خلونا نتعشى في هدوء

خلص العشاء

وكل واحد طلع جناح بتاعو أما أدهم دخل المكتب بتاعو

راح عندو أكرم

*اكرم ممكن أدخل؟

*أدهم آه اتفضل

*أكرم حصل حاجة معاك شكلك مضايق

ادهم حكالو كل اللي حصل

**أكرم اليوم صعب علي مليكه وخاصة زيارتها قبر أمها أصبر عليها تستوعب كل حاجة عارف إنك بتحبها، وأنها واحشتك بس هي رافضة تقرب منك أكسب ثقتها حاسسها بي الأمان اللي هي محتاجة ليه انت عارف الظلم والقهر والفقر اللي شافته في حياتها

**أدهم خايف تطلب الطلاق

**أكرم حقها بعد اللي شافته معاك

*أدهم ربنا يستر عايز مراتك تساعد مليكه تاخدها تعمل شوبينج تهتم بي نفسها

**أكرم إن شاء الله وكمان صحتها اللي عرفته أنها ماكنتش بتروح الدكتور

تكشف

**أدهم الدكتورة عملت ليها تحاليل

هنا دخلت كامليا وهي لابسة قميص نوم قصير

**كامليا اتأخرت ليه؟؟

**أدهم وقف انت ازاي تنزلي كده؟؟

أكرم نزل راسو علشان ما يبصش ليها وغض بصره

**كامليا عادي انا في القصر بتاعي انزل زي ما انا عايزة

*أكرم القصر فيه رجاله، وفيه أطفال احترمي نفسك لو سمحت

وطلع من المكتب

أدهم راح عندها، ومسكها من ذراعها

**أدهم انت ليه بتتصرفي كده مش شايفة إنك عريانة في فارس وأكرم في القصر عيب اللي انت بتعمليه اتعلمي الاحترام من مليكه، وساره اللي اتربت في أمريكا ومحترمة نفسها وجوزها

*كامليا أنا طول عمري بلبس كده إيه الجديد؟؟

**أدهم مابقيناش عايشين لوحدنا لبسك دا في الجناح بتاعك بس فاهمه؟؟

**كامليا قربت منو وحضنتو جامد

حاضر حبيبي وحشتني أوي

مليكه كانت نازلة تجيب مياه

وشافت باب المكتب مفتوح قربت منو، وشافت كامليا في حضن أدهم

كامليا أول ما لمحت مليكه بعدت من أدهم وباستو من غير مقدمات

مليكه ماقدرتش تستحمل المشهد وطلعت تجري علي السلم

فارس شافها ونزل تحت راح المطبخ

كامليا طلعت فوق بعد ما ادهم اقنعها

طلع من المكتب وشاف فارس طالع من المطبخ

**فارس ابقي اقفل عليك المكتب المره الجايه مراتك شافتك وطلعت تجري زعلانه

**ادهم مليكه؟؟؟

**فارس اه انا كنت فوق و شوفت مليكه بتبص عليكم من علي الباب وطلعت تجري

**ادهم يبقا شافتنا اوف انا مش ناقص مشاكل معاها

تصبح علي خير يا فارس

وطلع جناح مليكه اللي كانت بتحاول تنام

ادهم فتح الباب ودخل

هي قامت من علي السرير

**مليكه ممكن تبقا تخبط قبل ما تدخل ؟

**أدهم حاضر

واتجه الحمام اخد شاور وطلع

**أدهم ممكن نتكلم شوية ؟؟

**مليكه بجد تعبانة هو أنت تنام هنا؟؟

**أدهم آه

*مليكه بس دا غلط زي ما قالت مراتك لازم تعدل، رغم أني متنازلة على حقي

**أدهم مليكه أسف اللي شوفتيه كامليا أكيد شافتك، وعملت الحركة الوسخة دي

**مليكه على فكرة دا عادي واحد و مراتو أنا ماليش دعوة

وراحت اتجاه السرير تصبح على الخير

وهو راح علي الكنبه

علي بليل مليكه كانت تحلم بي كوابيس

أدهم صحي

راح عندها على السرير

شافها بتحلم

من غير تردد نام جنبها وحضنها، وفضل يطبطب عليها

وحس إن قلبه حا يطلع من مكانه وهي في أحضانه عرف إنو هو ضعيف جدا جنبها

**أدهم مع نفسه يارب هونها عليا، وصبرني مش قادر أتحمل بعدها عني ولا كرها ليا أعمل إيه علشان أكسبها يا رب حنن قلبها عليا

يا رب اغفر لي وصبرني وصبرها على اللي حصل لينا

فضل يدعي كثير لحد ما نام

هي كانت حاسة بي راحة وبتحلم كثير

علي الفجر خلود صحيت وراحت غرفه مليكه وشافت ابوها نايم ومامتها في حضنو وراحت تجري علي خالد صحتو

** خالد في ايه ؟؟

**خلود انا روحت عند ماما لاقيت بابا عندها ونايمين

**خالد هو بابا نايم جنب ماما؟

**خلود اه تعالا معايا شوفهم

طلعو من الغرفه وراحو عندهم

فتحو الباب

**خلود شوفت

بس خالد كان زعلان اوي مش عايز حد ينام جنب أمو

راح صحي ادهم

ابتدأ يفتح عينيه ولسه مليكه في حضنو

**ادهم في حاجه حبيبي ؟

**خالد انت ازاي تنام جنب ماما كده؟؟

خالد كان متنرفز ادهم فضل مصدوم من رده فعل ابنو اللي بغير علي امو

هنا مليكه صحيت لاقت نفسها في حضنه

**مليكه بعدت شويه في ايه؟؟

**خالد انت ازاي تنامي في حضنو مش قولتي ان مافيش حد ينام في حضنك غيري انا و خلود

**ادهم حبيبي ماما هي مراتي عادي اني احضنها وهي كانت بتحلم

**خالد ابعد كده انا حنام جنب ماما

مليكه في كل دا كانت مصدومه انها كانت في حضنو وان رده فعل خالد كانت عنيفه مع ادهم

خلود انا كمان حنام جنب ماما

**ادهم وانا؟؟

**خالد ماما بتاعتي انا وخلود انت لا

**ادهم حبيبي انت ليه متعصب كده

**خالد انا ما بحبش حد يقرب من ماما انت عندك ماما ملك روح عن

تكملة الرواية من هناااااااااااا