رواية الملعونه الفصل الثالث و الرابع بقلم رشا منصور (جميع الفصول كامله)
رواية الملعونه الفصل الثالث و الرابع بقلم رشا منصور (جميع الفصول كامله)
#الجزءالثالث
#الملعونه
قالت ليا أنا وكلت جنيه تلبس صاحبه الشعرة علشان تحقق المراد وتحبك من غير ما صاحبه الشأن نفسها ما تحس بأفعلها واعترافك لها أنك بتحب غيرها دى اهانه وخيانه لها وغييرة الجن اشد من الإنس بكتير ومحدش يعرف ممكن تعمل ايه حاول تهاودها واشتري حياتك يابني أنا مقدرش افيدك ومفعول السحر هيروح بعد تلات شهور
قولت لها اتصرفي زى ما استدعيتي الجنيه دى اصرفيها أنا خلاص مش عاوز حاجه وكفايه الضر'ب اللى خدته انهاردة أنا رشا منصور مش عارف هروح بيتي إزاى
السااااحرة.....
أنا مقدرش أعمل حاجه أنا ممكن اتأذي. لأن أنا اللى حضرتها أنا ماليش دعوه أنت المسؤول أنا منبها عليك أنا عملت شغلي وبس اخرج من هنا ومجيش ليا إلا بعد تلات شهور قبل كدا لأ ونصيحتي اكسب رضاها
آسر.....
روحت البيت لقيتها قدامي وامي بتقولي زميلتك يابني بتسأل عليك ومصممه تنتظرك وابوك مضايق بيقول ع آخر الزمن جايبلي بنات البيت دخلت الصالون لقيت شذي وابويا قاعد معاها وقالي اتفضل يا استاذ وايه اللى فى وشك ده كمان راحت شذي قالت له اصله اتخانق علشاني يا عمو لانه بيحبني أوى وبيغير عليا وأول ما لقي واحد صاحبنا عاوز ياخدنى منه فضل يتخا'نق معاه ويضر'ب فيه قولت لها الله يخربيتك يا بعيدة
أبويا.....
الله الله أنت رايح الكليه تتعلم ولا تحب وتجيب ليا بنات كمان البيت
شذي..... أنت بتقول بنات 😲 أنت تعرف واحدة غيري
آسر.....
هو أنا كنت اعرفك لما اعرف غيرك يا بابا أنت مش فاهم الموضوع دى صديقه ميرنا وأنا معرفش دى وأول مرة اكلمها انهاردة أنا مصاحب ميرنا وبناخد مذكرات من بعض ومن الآخر بقي بحب ميرنا بقلم رشا منصور
أمي.....
لووووولوووولى كبرت يا آسر وبقيت تحب ده أنا طول عمري بقول انك بتكسف وعمرك ما هتعرف تكلم حد طب كدا يا واد متقولش ليا ع ميرنا شكلها ايه بقي بص من أولها كدا مافيش خطوبه إلا لما تخلص السنه دى
وابويا رد وقال لو أنت ناوى فعلا تتجوز يبقي نروح لها البيت نقرأ الفاتحه ونخلي الخطوبه أول ما تخلص اهو فاضلك شهرين وتخلص كل ده بيتقال قدام شذي
شذي.....
قامت وقفت وقالت بصوت عالي آسر ده ملكي أنا ومش هيتجوز غيري انتوا فاهمين وميرنا دى مش هتشوفها تاني ومشيت
قعدت على الكرسي وأمي ضحكت وقالت عشت وشوفت اليوم اللي البنات بتتخانق عليك فيه أنت طالع لمين يا واد
ابويا رد قالها طالعلي طبعاً أنتي مشوفتنيش في شبابي كنت مجنن بنات الجيران لحد ما شوفتك أنتى ووقعتيني
سبتهم وقومت أنا مش عارف اتصرف ازاي
وكل اللي شاغل تفكيري هصالح ميرنا إزاى أنا ما صدقت بقي بينا كلام أعمل إيه دلوقتي نمت من كتر التفكير
وصحيت وروحت الجامعه بس ع الظهر مكنتش عاوز اروح بس خوفت شذي تجيلي البيت تاني وأول ما وصلت لقيت شلة ميرنا واقفين مكشرين والبنات بتعيط روحت لهم اقولهم يا جماعه ممكن تسمعونى أنا عاوز اوضح الموضوع أنا والله مش بحب شذي واستغربت من تصروفاتها وعاوز اصالح ميرنا ممكن تساعدوني
لقيت بنت منهم بتعيط وبتقولي بعد ايه أنت جيت متأخر ميرنا ماتت.
آسر.....
كانت صدمه بالنسبة ليا لما عرفت أن ميرنا ماتت ولما سألت ده حصل امتى وازاى
صاحبتها قالت إنها كانت في البيت وقاعدة معاهم وبيكلموا في موضوع شذي واللى حصل وفجأة قامت وقفت ودخلت اوضتها وفضلت اكتر من نص ساعه زهقنا من القاعدة وقومنا دخلنا اوضتها لقيناها واقعه ع الأرض وكاتبه أنها أنتحرت' لأنها لأ تستطيع الحياة بدون آسر ومش مستوعبه خيانته لها بقلم رشا منصور
بصيت لها بدهشه وكنت مصدوم من كلامها بالذات أن الجواب اتسلم للشر'طه وأهلها بيدوروا عليا
أنا في لحظه بقيت مطارد من الكل أنا عملت ايه في نفسي ده مش جلب الحبيب ده جلب المصايب
أنا روحت في داهيه ومش بعيد اترفد من الكليه لو وصل لهم الموضوع ده وأهلي أعمل إيه اقولهم ايه
كنت ماشي في الشارع زى التائه و مش قادر أفكر قولت لازم أعرف أهلي يمكن يساعدونى وجريت وروحتلهم وحكيت لهم كل حاجه وأمي صوتت قالت ليا جنيه بقي ع آخر الزمن تمشي في السحر بقي هى دى تربيتي لك وأبويا فضل قاعد على الكرسي مش بينطق بعدها قام وقال الكلام مافيش منه فايده البنت موتت زميلته ودبسته في المصيبه' دى علشان يفضل معاها والحل الوحيد أننا نبعدها عنه أنا هنزل اسأل شيخ الجامع يمكن يعرف حد يفهم في الحاجات دي
يتبع بقلم #رشامنصور
#الجزءالرابع_الأخير
#الملعونه
أبويا نزل من هنا والبوليس جه من هنا وخدنى معاه وطبعاً في التحقيق مقدرتش اجيب سيرة عن موضوع الجلب ده أنا قولت لهم أن ميرنا زميلتي وأول مرة كلمتني كان علشان محاضرات وتانى مرة سلمت لها المحاضرات وملخصات لها وبس
قالولى أنهم عارفين الكلام ده لأنها كانت قالت ل أصحابها واهلها نفسهم مستغربين لأنها كانت مرتبطه أصلا وكانت هتتخطب بعد أسبوع وأول مرة يسمعوا حاجه عنك
آسر....
طب يا فندم يعني أنا كدا ماليش دعوه بحاجة يبقي ليه بتحقق معايا
الضابط.....
بحقق معاك لأن الطب الشرعي أثبت أن دى جر'يمه قtل والجواب ده اكتب بعد ما اتقtلت وده واضح من اختلاف خط الايد بجانب أن تم تحريك الجثة' ووضعها على السرير مع أن الجر'يمه تمت وهى عند الدولاب وفي نقط دم اثبتت الكلام ده ايه رأيك
آسر.....
كنت باخد نفسي بالعافيه و نظرات الضابط كلها إتهام ليا وحاولت أكون هادى وقولت له مش فاهم بردو أنا إيه علاقتي بكل ده
الضابط..... ع العموم لسه التحقيق شغال وقريب جدا هيتم القبض على الفاعل اتفضل أمضي ع اقوالك وروح
آسر....
مشيت من القسم وأنا مش مستوعب اللى بيحصل وكنت بكلم نفسي وقولت لها حرام عليكي ناويه تعملي فيا إيه تاني ظهرت قدامى فجأة وقالت ليا مالك يا حبيبي فيك ايه قولت لها يعني أنتي مش عارفه فيا ايه أنا في مصيبة' بسببك
شذي.... أنا عاوزاك ليا لوحدى ومستعدة اخرج من كل ده بس تكون ليا أنا وبس
آسر....
انتى ليه مش قادره تفهمي انتى كلها تلات شهور وتختفي وشذي مش هتفتكر أى حاجة وأنا هكون أد'مرت خسرت دراستي ومتهم' في جر'يمة معملتهاش
انا أهلي كان عندهم حق أنتي لازم تخرجي من حياتي أرجوكى أخرجي بدل ما أهلي هيجيبوا شيوخ ويخرجوكى بالعافيه ومش بعيد يمو'توكى ولا يحر'قوكى
ابعدى عني بالذوق أحسن لكي أنتي فاهمه مشيت وسيبتها
وفضلت ماشي وأنا مقتنع أن مافيش حل غير أني اصرفها أو يمو'توها زى ما ماتت ميرنا
واول ما وصلت البيت ولسه بفتح الباب اتصدمت من اللى شوفته لأ لأ
فضلت أجريد طول الليل وبصرخ وبقول أنا من يستحق الموت وليس هما أنا من احضرتها أنا السبب ووقعت على الأرض منهار لتأتي سيارة سريعه تصطدم بي وتجمعت الناس حولي كنت حاسس لما نقلوني إلى المستشفى في حاله سيئة ودخلونى الطوارئ واخدوا متعلقاتي كنت حاسس أن دى نهايتي وكنت شايفها واقفه قدامي
ولما المستشفى حاولت تتصل بأهلي محدش رد عليهم ولأنها حادث وتم القبض على سائق السيارة قامت الشر'طه بأرسال عسكري بأبلاغ أهلي بالحادث وإسم المستشفي وعند وصله للبيت وجد الباب مفتوح وانصدم من المنظر اتصل بالظابط ووقف ع الباب بالخارج وعندما وصلت قوة من الشرطة ودخلت الشقه وجدتها محتر'قة بالكامل وفي أشلاء بشرية في كل مكان
كنت شايف اللى بيحصل واللى بيتقال مش عارف إزاى بس لقيتها بعدها قالت ليا أنت دلوقتي بقيت مطارد من البو'ليس لأنهم هيلاقوا مذكرات كانت مكتوبة بخط إيدك أنك بتكر'ه أهلك وعاوز تخلص منهم لأنهم كانوا السبب أنك متخطبش ميرنا ولما عرفت أن ميرنا هتتخطب لغيرك قررت تقtلها وبعد كدا ندمت وقررت أنك تنتقم' من أهلك لأنهم السبب وجبت لهم مخد'ر وبعد كدا قطعتهم وبعدين رشيت أركان البيت ميعادا اوضتك بالبنز'ين وولعت فيهم ونزلت تجري علشان تهرب وكل الكاميرات هتثبت أنك خرجت تجري من البيت وأنت منهار
ودلوقتي مافيش قدامك غير حاجه من الاتنين
إلا اسيبك هنا ويتحكم عليك بالاعدام،
إلا تعيش معايا للأبد أنا هخرج من جسم شذي واسيبها واتشكلك بالشكل اللي يعجبك
محستش بنفسي إلا وأنا بقولها موافق بس خرجيني من الورطه دى
ولما وصل البوليس المستشفى مكنتش موجود اختفيت حتى الكاميرات مظهرتش خروجى
والدكاترة استغربوا لأن حالتي متسمحش بالحركه وفى غيبوبه وأتفقت الآراء ع أن لي شركاء ....
أنا صحيح هربت من البوليس لكن التهم مازالت موجودة وخسرت دراستي وأهلي ومستقبلي بسبب أنى استعنت بالسحر بدل ما كنت أستعين بربنا
نصيحتي لكم اوعوا تلجأوا للسحر هتخسر دينك وحياتك والله اعلم هتخسر ايه تاني.....
تمت... بقلم #رشامنصور ✍️
 رواية الملعونه الفصل الثالث و الرابع بقلم رشا منصور (جميع الفصول ك…){kind=link}
تعليقات
إرسال تعليق
فضلا اترك تعليق من هنا