نوفيلا مازال ينبض الفصل الاول والتاني والتالت والرابع والاخير

نوفيلا مازال ينبض الفصل الاول والتاني والتالت والرابع والاخير 

نوفيلا مازال ينبض الفصل الاول والتاني والتالت والرابع والاخير 

"وأدي قاعده طب والله مانا ماشيه من هنا الا لما الاقي حد اتجوزه "

_تشربي ايه ياأنسه

بصتله وهي بتبتسم بهبل :عايزه عريس 

ضحك اوي :معندناش في المنيو يا فندم  

_دور بس وانت تلاقي... الا انت اسمك محمد صح 

ضحك :لا للأسف اسمي حسن 

_اهلا يابو علي المهم بقي عيزاك في خدمة 

_اتفضلي 

_بص انا زهقت من التعليم واصلا دا مش كاري خالث انا نفسي قرة عيني يجيلي علي حصان ابيض ولا اقولك يجي مشي حتي بس الاقيه ونعيش في تبات ونبات ونخلف صبيان وبنات ويبقي هو سي السيد بقي وانا أمينه وال هو كدا بقي 

حسن بضحك :اها ربنا يهني سعيد بسعيده عايزه ايه يعني 

ابتسمت بهبل :عايزه اتجوز 

حسن :طب بصي تعالي يوم الخميس الا انهردا الكافيه فاضي مفيهوش حد وابقي اقعد انا وانتي وننقي عريس 

_طيب ما تعمل فيا معروف وتتجوزني انت 

_لا معلش اخاف علي نفسك 

مدت شفايفها بزعل :كدا يابو علي مش اخلاق مصريين دي ياجدع 

حسن :معلش يابنتي الدنيا بقت وحشه فعلا 

_ايوه والله تعرف انا عايزه اتجوز ليه 

_ليه 

_اصل انا ايه الدكتور سقطني في مادته عند فيا 

_ليه كدا 

ببراءه:والله يابو علي ما عملت حاجة دا هو ال قفوش 

_اها واخد بالي 

_بص هو انا يعني عملت شويه مقالب فيه صغنين قد كدا 

حسن بإبتسامه :قد كدا 

_ايون 

_وعملتي ايه بقي 

_بص هو ال بدأ بقي انا كنت بتريق عليه في أمان الله قام دخل القاعه وهزأني يرضيك 

_لا طبعا ازاي 

_قمت انا ايه بقي اسكت لا ازاي روحت اتجسست عليه وعرفت انه بيخون مراته وبما اننا كبنات بنحب بعض ومنرضاش لبعض الاذيه ف سجلتله وروحت قلت لمراته غلطانه انا كدا 

_لا ازاااي 

_هوبا اتخانق معاها هوبااا الدنيا ولعت وكانت هتوصل للطلاق بس انا اسكت لا ازاي مرضاش علي خراب البيوت قمت ايه روحت لمراته قلتلها ان دا طلع تسجيل متفبرك وان جوزها مش بيخونها بس قبلها هددت الدكتور علشان ميخنهاش تاني اه امال ايه احنا جادعين اوي 

_اووي 

_المهم بقي هو مش طايقني وقام سقطني عند في مادته مع اني بطلع الاولي علي الدفعه كل سنه ولو روحت لامي وانا ساقطه كدا هتشلوحني وتمسح بكرامتي سلم العماره 

_مش انتي هددتيه يبت 

_ايوا م انا لسه متكلمتش معاه وزمان عمر ابن خالتي قال لامي اني سقطت وهي مستنياني بالشبشب علي اول الشارع

_اه تقومي تدوري علي عريسي 

_ايون ودوني علي بيت حبيبي الا امي هتشحورني 

ضحك :انتي بتجيبي الكلام دا منين 

_ايش عارفه هو بيجي كدهون وخلاص 

_ماشي 

_طب بقولك ايه يا بوعلي انا هروح انا وهجيلك بعدين علشان العقاب هيتضاعف بالتأخير دا امي هتفكرني بشتغل رقاصه 

ابتسم بضحك :اه فعلا 

_بس بيني وبينك شغلانه ملهاش حل ياخي وبتكسب 

_اه بتكسب 

_بس لاااا انا دكتوره محترمه اه امال ايه هفتح عياده الصبح وبليل كباريه 

وقفت بخضه وهي بتجري :يا لهوي امي بترن انا همشي بسرعه 

حسن بضحك :ماشي مقلتليش اسمك ايه :رهف يابوعلي 

مشت بسرعه من قدامه وهو بيبص في اثرها بإبتسامه مش قادر يخفيها :مجنونه اوي... همس بإسمها وكأنه بيستلذه :رهف 

2

فتحت الباب بهدوء وهي بتتسحب علشان مامتها متشفهاش بس للاسف....

_تعالي يا ختي شفتك خلاص

رهف :ماما انا

_اششش اسكتي يا ساقطه مش عايزه اسمع صوتك

رهف بضحك :حاضر

رمت الشبشب عليها :وكمان بتضحكي بقي انا الدكتوره نجوي بنتي تسقط ليه لييييه

_استني بس اقعدي مكانك هفهمك

_تفهميني ايه بس دا انت ليلتك سودا يارهف

همست :منك لله يا عمر الكلب

_بتبرطمي تقولي ايه يابت

_يوووه مقولتش اهدي كدا يانوجا وانا هفهك

بصتلها بشر :تفهميني ايه ياختي ما عمر قالي علي كل حاجة بقي بتبتزي الدكتور وعملالي فيها رئيسه عصابه يابت الكلب

احمد :الااااه طب وانا مالي طيب بتشتميني ليه

رهف :هفهمك والله يا نوجا بس اهدي دا راجل وحش والله وبيخون مراته اسيبه كدا يعني

نجوي :وانتي مالك بيهم ياختي حاشره مناخيرك في حياتهم ليه 

رهف :علشان احنا ك نسوين لازم نساعد بعض اه اومال ايه

نجوي: اااه هتعليلي الضغط امشي يابت من قدامي بدل ما اطلعهم عليكي

جرت بسرعه علي اوضتها وهي بتتكلم بغيظ :كلوا منك ياعمر الكلب دا انا هعمل منك بطاطس محمره

بعتتله مسدج علي الواتس "تعالالي"

_عايزه ايه

_تعالي بس وانا اقلك

_انتي في البيت

_اه وانجز بقي

_حاضر

خبط علي باب اوضتها وهو بيبلع ريقه بتوتر

فتحتله وهي بتبصله بشر :تعالي

_احم مالك يبت

_تقعد قدامي كدهو علشان اعرف اتكلم

_قعدت اهو ايه فكراني هخاف يعني

مسكت شعره جامد وهي بتهزه :بقي انت بتقول لامي اني سقط

_مهو مسيرها هتعرف

_لا والله طب دي وعدناها بتقولها علي الدكتور ليه

_احم علشان تعرف انك ملكيش ذنب هو ال سقطك

_والله لردهالك يا معفن يا غدار يبن الشوذ

_الااااه بتشتمي امي ليه طيب

_تؤ توحا حبيبتي انا بشتمك انت

_يسطا انتي عارفه امك بتخليني اقول كل حاجة اول ما تبصلي انا اعصابي سابت اول ما شفتها

_ايوا ما انت بتقر من اول قلم بس عذراك يااخ والله دي عليها بصه تخليك تعترف علي نفسك لو ملكش ذنب اصلا امي كان ليها تشتغل في الداخليه مش ف الطب لا

_انتي كنتي فين كدا واتأخرتي ليه 

_كنت قاعده ف كافيه بدور علي عريس 

ضربها علي قفاها وهو بيضحك :نعم ياختي 

_اه والله زي مابقولك كدا اصلا انا زهقت من التعليم وايه لازمته مش فاهمه منا كدا كدا هموت بعد فتره 

بصلها بصدمه وعيونه بتدمع اتكلم بعصبيه :هو مش انا قلتلك متفتحيش الموضوع دا تاني 

حضنته وهي بتمسح دموعه:اهدا يا موري وبعدين انت لازم تتقبل الفكره دي 

بعدها بعصبيه :اتقبل ايه وبعدين انتي اللي انانيه ومش راضيه تعملي العمليه 

بصتله ببرود :لا والله يعني علشان انا اعيش اموت حد مكاني 

_اششش اسكتي 

خرج من الاوضه بسرعه وهو كاتم دموعه بالعافيه نجوي شافته وفهمت ال حصل بس محبتش تدخل لرهف دلوقتي لانها عارفه حالتها.... رنت علي مها صاحبتها

_الو ازيك يا نوجا

_الحمدلله ياحبيبتي انتي عامله ايه

_الحمدلله 

_بقولك تعالي اقعدي انتي وساره مع رهف شويه 

ردت بقلق :ليه جرالها حاجة

_لا بس اتخانقت هي وعمر 

_اها ماشي هلبس واجي 

_تمام ياحبيبتي 

_سلام 

.... 

اول ما عمر خرج حطت ايديها علي قلبها وهي بتتنفس بصعوبه دقات قلبها قلت وحست انه هيغمي عليها 

_لا يارهف استحملي انتي اقوي من كدا بلاش تقلقيهم عليكي انا انانيه صح مكنش ينفع اقول لعمر كدا بس انا عرفه انه اكتر حد هيتأثر بموتي يارب قويني 

.... 

طبلت علي باب اوضتها وهي بتغني :رهف.. يا رهف افتحي الباب يا رهف رهووووف يا رهفهف 

_اييييه صوتك بشع 

_ميرسي ميرسي 

_عايزه ايه مش لسه سيباكي من كام ساعه 

قعدت علي السرير وهي بتحضن دبدوب علي شكل قطبي :عادتشي بقي بس انا ليه حساكي بتكرشيني كدا 

_حاسه!!!... لا اتأكدي برا بقي علشان عايزه انام 

صرخت :اييييه يا زفته دا سيبي الشكلاته بتاعتي 

طلعت لسانها :لا 

_اوووف يا طفسه هي فين ساره صحيح 

غمزت بشقاوه :عند موري 

رهف بضحك :اه صح 

_زمانها جايه دلوقتي قالت مش هتتأخر 

_ماشي 

نجوي وهي بتفتح الباب :يلا يابنات علشان الغدي 

مها بحماس:جيتي في وقتك يا نوجا دا انا هموت من الجوع 

رهف رفعت حاجبها :بت انتي لسه واكله من ساعه 

مها :يوووه دا من زمن المهم بقي انتي عامله محشي 

نجوي:اه 

مها :حبيبي يا نوجا والله 

.... 

مسكت ايده بحب وهي بتبوسها :عمر حبيبي خلاص بقي 

اتنهد بتعب وهي بيرجع راسه لورا :ماشي 

ساره :تؤ عيزاك تضحك

عمر بإبتسامه خفيفه :اهو يا حبيبتي 

ساره شدت خدوده :ايوا كدا ياتي عسل 

باس ايدها وهو بيبصلها بحب :ربنا يخليكي ليا يا حبيبتي 

ساره :ويخليك ليا ياقلبي قوم بقي نروح لرهف 

_تؤ

زقته بخفه :قوم بقي متبقاش رخم 

عمر :بس يابت 

شدت شعره :ولااا قوم علشان مزعلكش 

شد ايدها ووقعها ف حضنه.. قرب من وشها وهمس :طب وانا عايزك تزعليني 

_تؤ تؤ هو حد يزعل زوجة قرة عينه بردوا 

_اه فيه انتي 

_تؤ اخص عليا بجد طب اصالحك ازاي 

همس ف ودنها.. قامت من حضنه بسرعه وهي بتضحك :دا عند ام ترتر عارفها 

..... 

دخلت الاوضه وهي سحباه وراها مكنش عايز يدخل اصلا ومتردد 

رهف بصتله وجريت حضنته وهي بتضحك 

عمر بعدها عنه فحضنته تاني وباست خده :موري حبيب اختك والله متزعلش مني 

_مش زعلان 

_كداب اصلا طب حتي حلل تمن لبن امي ال شاركتني فيه كنت واخده كله حتي شوف انا ضعيفه ازاي بسببك

رفع حاجبه وهو بيبصلها :انتي ضعيفه 

_ايون

ضحك وهو بيحضنها :ماشي تعالي نخرج بقي 

مها :ايوه كإحتفال اننا نجحنا وكدا 

ساره :طيب ما نروح اسبوع الساحل 

رهف بغيظ :نجحنا ايه ياوليه انتي وهي انا سقطت ف ماده وامي مستحلفالي ومش هترضي تطلعني اصلا 

عمر :انا هكلمها 

ضربته في دراعه :بالله تسكت انت كله بسببك اصلا 

عمر :اه فعلا انا ال روحت هددت الدكتور 

رهف :احم مهو يعني 

مها :استني بس كدا هو انتي هتسبيه يسقطك 

رهف :لا طبعا لا ينكن يحصل ابتا ابتا 

مها :امال 

رهف :انا عندي خطه 

....... 

وطي وطي بسرعه اهو جاي 

عمر بضحك :مش عارف جيبتي مفتاح عربيته ازاي لا وكمان عرفتي هو فين 

هزت كتفها بغرور :قدرات خاصه يابني اشش اسكت بقي جاي ناحيتنا 

كانوا راكبين في العربيه بتاعة الدكتور ولابسين  هدوم سودا اشبه للبس الحرميه وجو اكشن وكدا 

الدكتور ركب ومخدش باله منهم اول ما اتحرك شويه رهف طلعت بسرعه وحطت سكينه علي رقبته وهي بتضحك بشر :نيهاهاهاها جالك الموت ياتارك الصلاه 

عمر ضحك اوي من طريقتها الهبله في الكلام

الدكتور اتخض ومبقاش متحكم في العربيه 

اتكلم بخوف :ايه دا انتوا مين 

رهف بغيظ وهي بتبعد عنه :بقي بتسقطني يادوك مكنش العشم 

اتكلم بتوتر :انا ااا 

رهف :انت ايه بس دلوقتي تروح تلاقي مراتك مستويه علي الاخر بعد ما وريتها ڨيديو ليك مع حبيبة القلب 

الدكتور بخوف :بتتكلمي بجد 

رهف :اها بس هو لسه موصلش فاضل عشر دقايق كدا الا اذا 

بلهفه :هنجحك حاضر بس انتي متعمليش حاجة 

رهف :اممم موافقه بس بشرط 

_اؤمري 

_تنجح اي حد سقطه عند 

_حاضر 

_وكمان تمشي عدل بقي وتبطل رمرمه علشان انا عيني عليك 

_حاضر والله هنجح الطلبه كلهم وهمشي عدل وهعمل كل حاجة بس متخربيش بيتي 

رهف ببرود :انا مخربتش حاجة انت غلطان وتستاهل اتقي ربنا بقي علشان مراتك وعيالك وقف العربيه يلا 

بصتله بشر وهي بتعمل زي روز : انا براقبك وهراقبك 

نزلت هي وعمر وكانت ماشيه بثقه كدا ف عمر ضربها علي قفاها وهو ميت من الضحك:ايه دا يخربيت دماغك 

رهف :عيب عليك دا احنا جامدين اوي وبعدين بتضربني ليه يابارد بريستيجي دا انا لسه معلمه ع الدوك من شويه 

عمر بضحك :اه واخد بالي يلا علشان نروح 

رهف :تؤ تؤ خرجنا شويه يلا نروح نجيب مها وساره

عمر :حاضر يلا 

3

النهردا الخميس بقي اما اروح اشوف ابوعلي يمكن لقالي عريس... 

...... 

رهف :بس بس حسن يا حساااان 

كان واقف في امان الله بياخد اوردر لقاها بتنادي عليه 

بصلها بتفاجئ :ايه دا رهف 

_هي بعينها تعالي علشان عيزاك 

_استني بس اخلص الاوردر دا وجاي 

_متتأخرش 

_ها بقي عايزه ايه

_ايه يسطا ده دي مقابله تقبلهالي وبعدين مش انت ال قلتلي تعالي الخميس وانا اجوزك 

_انا قلت كدا 

_ايون 

_اه 

رهف بحماس:يلا بقي دور لي علي عريس 

_دا بجد بقي 

_ايوا

ضحك وهو مش مصدق ال بيحصل :طيب عايزه مواصفاته ايه 

_ايوا صح هقولك علي فارس احلامي ما انا مش اقل من ياسمين صبري في حاجة عارف انت الليسته ال كتبتها دي كلها بس اختلاف انه غني بقي اه منا عايزه اتدلع بقي وكدهون 

حسن بضحك :كدهون هاه 

_ايون 

_حسبي الله 

_بص انت تدورلي بقي علي واحد واول ما تلاقي تقولي علي طول 

_اها طب تشربي ايه 

_عايزه لمون بالنعناع 

_حاضر 

.... 

رهف :ولا يا حسن 

_نعم 

_عيونك دي ولا لينسيز 

ضحك :وانا هحط لينسيز ليه 

_يمكن بتثير الجدل بحلاوتها 

_تؤ عيوني 

_بالله انها جامده انا وقعت في حب اللون الاخضر من اول ما شفتها 

_ايه دا انا بتعاكس 

_ايون

_بس تيجي ايه جامب عيونك القمر دي 

بصتله بإحباط وهي بتمد شفيفها بزعل :دي مش ملونه زيك 

_تؤ عيونك قناصه بترشق في القلب علي طول 

_احم احم 

_ايه دا خدودك احمرت انتي بتتكسفي بقي وكدا 

رفعت حاجبها وهي بتبصله بشر :قصدك ايه يعني 

ابتسم بضحك :ولا اي حاجة 

_هو انت درست ايه صحيح 

_تجاره 

_اها طب احكيلي عنك شويه 

_امم حاضر بصي انا اتخرجت من تلت سنين وطبعا ملقتش شغل بشهادتي اشتغلت في اماكن كتير بس مرتحتش ومؤخرا بقيت بشتغل هنا وكمان بشتغل بليل في مطعم علشان اصرف علي نفسي وعلي اختي الصغيره لان اهلي اتوفوا من خمس سنين وبس كدا 

_حلو شاب مكافح 

ضحك :قصدك شاب متمرمط 

_ايهما اقرب 

_طب وانتي بقي 

_انا في خامسه طب مكنتش عايزه ادرس طب اصلا بس ازاي بنت الدكتور احمد الهاشمي والدكتوره نجوي متبقاش دكتوره بس هو اوريدي انا حياتي اتفه ما يكون عباره عن نكته كدا، اصلا مش برتاح ال وانا بعمل مصايب 

حسن بضحك :اها اخدت بالي 

بصتله ببراءه :اني مصيبه 

بص لعيونها :تؤ انك قمر 

........ 

من وقتها وهما بقوا صحاب جدا وبيقعدوا مع بعض كتير بقي بيفضي نفسه علشانها والوقت اللي بيقضيه معاها بالنسبه ليه كان زي الهدنه كدا بيكافئ روحه بيها 

.. 

قعدت علي نفس الطربيزه وهي بتبص للناس بملل وبتلعب في شعرها 

_مالك يا بت قالبه وشك كدا 

بصتله بزهق :بدي اغير روتين حياتي 

_نعم! 

سحبت ايده وهي بتقعده جمبها :اقعد اقعد وانا هفهمك 

_انا عندي شغل مش فاضي 

_بالله تروح تاخد باقي اليوم اجازه 

اتنهد وهو بيضحك:جيالي علي خراب انتي 

_ياعم يلا بس 

_حاضر 

.... 

حسن مسك ايدها وشدها :يلا قومي 

_ايه هنروح فين 

_نقعد علي البحر 

_ايوا ياريت 

... 

_ايه بقي مالك 

_مليش 

_يابت

_يسطا مليش 

مد ايده ورفع وشها وهو بيبص لعنيها :ملها عيونك الحلوه دي  مطفيه كدا وحزينه 

حضنته وهي بتبكي بصوت زي الاطفال وبتتشهتف كدا :الدنيا دايه عليا دامد دوي ياسي دوني 

قلبه وجعه عليها لما عيطت بس كالعاده لازم تقلب كل حاجة بهزار

حسن بضحك :جامد اوي 

رهف ببكاء :اووووي 

حسن : قوليلي بس مين زعلك وانا اساوي وشه بالاسفلت

ضحكت وهي بتبعد عنه :زعلانه علشان عمر 

بصلها بهدوء وهو حاسس بشعور مش لطيف ابدا اول ما قالت اسم عمر :مين دا 

رهف بحب :اخويا 

_ماله بقي 

:انا خايفه عليه 

_ازاي 

بصتله وهي بتبتسم :حسن انا هموت قريب 

حس ان قلبه اتقبض مسك ايدها وضغط عليها  :ايه اللي انتي بتقوليه دا 

رهف:اششش اهدى كدا بص انا عندي القلب 

بصلها بصدمه :ايه 

_قلبي تعبان اوي ومن غير الادويه مكنتش هقدر اتحرك هو فيه ضرر كبير واحتمال في اي لحظه يوقف الدكتور مانعني من الخروج اصلا بس ازاي يعني اقضي الايام اللي فضلالي في المستشفى تؤ مش جوي لا انا بحب الحريه انا اصلا مليش في الدنيا دي غير ماما وبابا وعمر وصحباتي ساره ومها 

دموعه نزلت مكنش قادر يستوعب اللي بتقوله اتكلم بصعوبه :طيب مفيش عمليه 

ضحكت بحزن :عملية ايه دي مفيش ليها غير حلين يإما متبرع ودا حرام اصلا وانا استحاله اقبل ان حد يضحي بحياته علشاني 

_والتاني 

ضحكت :اننا نتواصل مع مافيا اعضاء بس استحاله اخد عضو مسروق وإتسبب في موت حد قبل كدا

شدها وحضنها وهي بيمسك فيها جامد خايف تروح منه فكرة انها ممكن تموت في اي وقت بتستنزف روحه 

حسن :بقولك ايه 

_قول 

_مش كنتي عايزه تتجوزي 

_اها 

_طب انا هتجوزك واكسب فيكي ثواب بقي 

كان بيتكلم ودموعه بتنزل عيونه كانت حمره وصوته مبحوح 

_تؤ

_ليه بقي 

_مقدرش اخليك تتجوزني وتتعلق بيا وبعدين اسيبك 

_وانتي كدا مخلتنيش اتعلق بيكي دا انا يومي مش بيكمل غير لما اشوفك انتي بقيتي جزء اساسي منه 

_يا حسن 

_شششش 

قرب منها بهدوء وباس خدها :وبعدين اصلا كفايه عليا الوقت ال هتبقي معايا فيه هعيش علي لحظاتنا اللي هنبنيها سوي 

_بس 

_ششش اسكتي هتتجوزيني بقي

بصتله بحب :وماله نجرب 

رفع حاجبه :نجرب هاه 

ضحكت وهي بتقوم :اها 

_طب عايز اقعد مع بابا 

رهف بإستغراب:تقعد معاه ليه 

بصلها بزهق : هو مش لسه قايلك تتجوزيني 

ضحكت :اها معلش بس انت تيجي انهردا علي 8 كدا وهات معاك شوكلاته وجاتوه علشان اكلهم لما تترفض 

مسك ايديها وهو بيبصلها اوي :ات ايه 

هزت كتفها بغرور:تترفض 

شدها لحضنه :يابت 

_احم الشهر الجاي مناسب 

_مناسب اوي 

_عايزه البس فستان ازرق زي سندريلا 

_نجيب فستان ازرق 

_طب بحبك بقي 

بصلها بصدمه :ايه 

غمزتله :بحبك يسطا 

حط ايده علي قلبه ال بيدق بسرعه :قلب الاسطي والله 

رهف بهزار:ما تجيب بوسه 

ضربها علي قفاها وهو بيضحك :يلا يابت من هنا 

_كان عرض مغري انت ال رفضته 

حسن بضحك : هبدأ اربيكي من جديد بقي استعنا على الشقى بالله 

.......

#ما_زال_ينبض_4

والاخير

....

مسك شعرها بعصبيه وهو بيهزها :عايزه ت ايه ياختي

ضحكت وهي بتبعد عنه :اتجوز يسطا

عمر :ودا من ايه دا ان شاء الله

هزت كتفها بدلع :كدهو

رمي المخده في وشها وهي بيتكلم بغيظ :ومين بقي عريس الغفله

رهف :تؤ تؤ دا حبيبي مسمحلكش

رفع حاجبه :حبيبك

بصتله ببرود :اه

عمر :اممم ماشي

كان هيخرج من الاوضه بس هي مسكت ايده وحضنته وهي بتضحك :خلاص يا موري متبقاش قفوش كدا

عمر بحزن :انتي بجد عايزه تتجوزي 

رهف :اممم هو انت مش نفسك تشوفني عروسه ولا ايه 

عمر باس راسها بحب :لا ياروحي نفسي طبعا 

رهف :قرب كدا هقولك حاجة في ودانك 

عمر :قولي 

_تووووووووووت 

_يابت ال***** 

جرت بسرعه وهي بتضحك :خلاص خلاص والله اخر مره 

_ابدا لا يمكن 

_احيات عيالك ياشيخ هو انت معندكش عيال 

_لا معنديش 

... 

بعد شويه كان قاعد علي الكنبه بياكل فشار وبيتفرج علي فيلم 

رهف :اااااااااع نزلنااااااي يسطا هو انت قاسي كدا ليه بقالي ربع ساعه متعلقه 

ولا عبرها اصلا وفضل مركز مع الفيلم 

_طب بص نزلني وهعملك مكارونه بشاميل 

_تؤ

_وحيات عيالك اشيخ 

_اششش اسكتي 

_رقبتي وجعتني بقالي ربع ساعه متعلقه ولا اجدعها شمبانزي

_كمليهم نص ساعه وهنزلك 

_لا والله 

_اه 

بصتله بغيظ وهي بتبرطم 

_متبرطميش 

_اووووف 

فضلت تتحرك جامد لحد ما وقعت فصرخت جامد:ااااااااه يا كلي 

ضحك اوي علي منظرها كانت واقعه علي بطنها 

شالها وهي بيبوس راسها :خلاص بطلي صياح 

_منك لله يابعيد اشوف فيك يوم وانت متشعلق زيي كدا 

_تؤ يا قلبي هو حد بيتعلق كدا غيرك 

_صح عندك حق 

_الا مين بقي العريس 

عيونها لمعت وهي بتتكلم :هييييح ابوعلي 

ضحك وهو بيبص لعيونها :هو كمان عنده ولد 

_تؤ يسطا اسمه حسن 

_اها 

_هيجي امتي 

_انهردا الساعه8 

_ومين اداه المعاد 

_انا طبعن 

_انتي طبعن اها ومقلتيش لاحمد الاول ليه دا زي ابوكي بردوا 

_تؤ منا قلتله بعد ما جيت 

_منك لله غوري يبت 

رماها علي السرير وخرج من الاوضه 

جرت وراه وهي بتضحك :لوتفييييي استني يا لوتفيييي 

...... 

طلعت مع ساره كانت لابسه دريس احمر للركبه وكانت اول مره تعمل شعرها ليس علي طول بتعمله كيرلي 

حسن بصلها بتوهان وعيونه بتلمع اوي عايز يقوم ياخدها في حضنه حالا بقاله اسبوع مشفهاش دا طبعا بعد ما عمر اصدر فرمان ان العريس يجي بعد اسبوع ودا حكم القوي بقي.. 

عمر بصله بغيره وهو بيشوف نظرته لاخته فكرة انها هتبعد عنه وتبقي لحسن بتخليه عايز يقوم يكسرله كام ضلع علي الماشي كدا 

كانت هتقعد جامب حسن بس عمر شدها وقعده في حضنه وهو بيبص لحسن بإبتسامه رخمه كدا

احمد :طب نسيب العرسان يقعدوا مع بعض شويه 

كلهم قاموا ما عدا عمر فضل قاعد 

احمد :يلا يا عمر قوم 

عمر :لا طبعا مش هسيبها معاه لوحدها

احمد بصله بتحذير :عمر 

_اوووف حاضر 

همس في ودنها قبل ما يقوم :اوعي تقعدي جمبه 

ضحكت :حاضر 

اول ما مشيوا جرت علي حسن بسرعه وحضنته :وحشتني يا حسن 

حضنها اوي :يا قلب حسن انتي ال وحشتيني وهتجنن عليكي شوفتي اخوكي المفتري دا 

ضحكت وهي بتقعد جامبه :معلش 

بص لعيونها بحب :هستحمله علشانك بس 

رهف بكسوف :انا مبسوطه اوي يابوعلي 

_وانا طاير من الفرحه اساسا 

_طاير هاه 

_ايون 

...... 

جه يوم الفرح مقدرش اوصف كم السعاده اللي تملكتهم الوقت بيجري عليهم وقلبهم بيتضخم من الفرحه 

حسن خبط علي اوضتها

ساره فتحتله وهي مبتسمه اوي :جاهز يا عريس 

حسن:جاهز اوووي 

ساره :يلا ادخل 

قلبه بيدق اوي ومتوتر والحماس اتملكه حرفيا.. 

بصلها بزهول وبوقه مفتوح 

حسن :يالله علي الجمال 

بصتله بكسوف :حسن 

حسن :يا قلبه 

شدها ليه وحضنها اوي :انتي حلوه كدا ازاي يابختي اووي بجد دا انا امي كانت دعيالي والله 

رهف كانت لابسه دريس ازرق حرفيا كان تحفه عليها 

وشعرها رفعاه لفوق وفوقه تاج ازرق  والميكب بتاعها سيمبل اوي 

كانت تجنن 

رهف :يا حسن حسن حساااااان

_امممم 

_يلا يا بابا علشان ننزل 

_تؤ سبيني كدا شويه 

_يا حسن بقي عايزه انزل الفرح 

_حاضر 

_تحبي اشيلك 

_تؤ هننزل القاعه زي ما اتدربنا 

_حاضر ياروحي 

..... 

كانت اشبه للأميرات وهي بتنزل علي السلم وحسن بيقابلها باس ايدها بحب وهو بيمسك ايدها ونزلوا 

كان فرحهم لطيف اوي ومختلف 

بدأ يرقص معاها سلو... 

ميل عليها وهمس :تعرفي احلي حاجة عملتيها انك مجبتيش فستان فيه حديده من تحت بيبقوا شبه الجرس الواحده تمشي تلق كدا 

ضحكت اوي وهي بتبوس خده :تلق هاه 

_اه 

_بص اصل دا يوم فرحي ف مش هقيد نفسي بقي بفستان كبير وتقيل وبعدين نحن نختلف عن الاخرين ولا ايه 

_ايوه طبعا تختلفي اصلا هو فيه في جمالك 

_والله انت ال قمر مش هتجيب بوسه بقي 

ضحك :انا عارف انك مش هتسكتي 

ميل عليها وباسها وهي قلبت كتكوت مبلول اصلا 

المعازيم فيهم ال سقف والشباب صفرت وبقت ظيطه 

والسناجل بتضحك... 

تمت