رواية هربت لتسكن قلبي الفصل 11-12-13-14-15بقلم
رحمه محمد (جميع الفصول كامله)
رواية هربت لتسكن قلبي الفصل 11-12-13-14-15بقلم رحمه محمد (جميع الفصول كامله)
#هربت_لتسكن_قلبي. الحادي عشر
سماح كانت واقفه قدام باب اوضة ليله: ليله حبيبتي افتحيلي الباب مش احنا صحاب مش هتحكيلي مالك طب
مفيش رد
سماح: متقلقنيش عليكي وافتحي الباب بقا
مفيش رد
سماح بحز.ن: عشان خاطري افتحي ي لي لي
وفجاه الباب اتفتح وخرجت منه ليله بهيئه وج.عت قلب سماح
كانت حرفيا منهاره ووشها احمر اوي وبتحاول تقف بس رجليها بتترعش وترمت في حضن سماح: اااااااههههههه
سماح حضنتها اكتر ودمو.عها نزلت بو.جع: حبيبتي اهدي ي ليله مالك طب (وطبطبت علي ضعرها بحنان وهي بتحضنها اكتر)
ليله مقدرتش تفضل واقفه وقعدت علي الارض قدام الاوضه وهي لسه حضنه سماح ومنهاره: باااباا حبيبي ي سماح معتز هو الي ق.تله خلاه يسبني كل دا بسببي حسه ان قلبي هيقف ااااااههههههه يارب
سماح دمو.عها نزلت اكتر عليها
جت داده فاطمه مخضو.ضه ومعاها باقي الخدم الي جريو اول ما سمعو حد بيصر.خ : بسم الله الرحمن الرحيم مالك ي ليله ي حبيبتي بتصرخي كدا ليه
ليله بصوت عالي رجع البيت: انا عايزه بابا هو كان كل حياتي من بعد ما سبني وانا مش عارفه اعيش خلي يرجع
داده فاطمه قربت منها ونزلت لمستواها وهي بطبطب علي ضهرها بحنان : استهدي بالله ي حبيبتي واستغفري رينا متقوليش كدا
ليله خرجت من حضن سماح وبصت لداده فاطمه بعيونها الحمرا من كتر العياط: بس كل دا بسببي انا السبب انا بكر.ه نفسي لي مفضلتش ساكته لي حكتله علي كل حاجه مع انه حذرني متكلمش بس انا غ.بيه مبفهمتش
سماح بدمو.ع: كل دا حصل عشان ربنا عايز كدا مفيش حاجه بسببك ي ليله عشان خاطري اهدي
ليله انهارت اكتر: هو كان بيحبني وبيخا.ف عليا وبيعملي كل الي انا عيزاه وانا كنت السبب في مو.ته
داده فاطمه دمو.عها غلبتها ونزلت وهي قلبها بيتقطع علي ليله: ي حبيبتي باباكي بقا في مكان احسن ادعيله بالرحمه
ليله بصت لسقف القصر وبصوت عالي اكتر: سامحني ي بابا انا اسفه حقك عليا ي حبيبي الله يرحمك ي اغلي حاجه عندي
سماح شدتها لحضنها تاني وليله انهارت اكتر واكتر مكنتش قادره توقف عياط.. والخدم وقفين متابعين الموقف بعيون مليانه دمو.ع
قاسم كان متابع كل الي بيحصل وهو واقف اعلي السلالم حاسس انه عايز ينزل يخدها في حضنه يحاول يهديها ويطمنها بس فجاه قاطع تفكيره صوت سماح بتصر.خ باسمها خلاه يجري علي السلالم في اتجاهم
سماح بدمو.ع : ليله مالك..ليله فتحي عينك عشان خاطري
لقت الي شد ليله من ايديها وشالها وخرج بيها علي برا من غير ولا كلمه وطبعا كان قاسم وسماح قامت جريت وراه
داده فاطمه بدمو.ع: استرها عليها يارب وريح قلبها الطيب دا
في نفس الوقت خرج قاسم وهو بيجري في اتجاه عربيته ونيم ليله علي الكنبه الي ورا بحنان وقفل الباب ولسه هيركب
سماح بدمو.ع وتوسل: بالله عليك خليني اروح معاها انا همو.ت من الخو.ف عليها ومش هقدر اقعد هنا بالله عليك ي قاسم بيه ما تقول لا
قاسم بسرعه : اركبي ي سماح
سماح ركبت بسرعه جنب ليله ورفعت دماغها علي رجليها: هتبقي كويسه ي حبيبتي انا عارفه انك استحملتي كتير وقدرتي تعدي كل دا ومتاكده انك هتقدري علي الو.جع دا كمان ي ليله
قاسم كان ركب وسمع كلام سماح.. بص لليله بحزن في مرايه العربيه وساق بسرعه
سماح بصتله بعيون مش شا.يفه من الدمو.ع: هتبقي كويسه صح
قاسم بصلها في المرايه بحز.ن: ان شاء الله
سماح رجعت تاني تبص لليله وهي بتمشي ايديها علي شعرها بحنان ومثبته عيونها عليها
عدت فتره وكان قاسم سايق بسرعه عاليه لغايت ما وصل قدام المستشفي (الي فيها هيثم)
ونزل بسرعه شال ليله ودخل المستشفى وسماح وراه وهي بتز.عق : دكتور بسرعه
________
: انا كويس ي ليله
ليله كانت قعده علي الارض وحطه ايديها علي وشها وبتبكي بصوت مش مسموع واول ما سمعت الصوت رفعت وشها ليه: بابا
والد ليله نزلت لمستواها: عيون بابا
ليله اتكلمت بلهفع وصوت مخنو.ق من الدمو.ع : انت وحشتني اوي ي بابا انا السبب في كل الي حصلك
والد ليله بحنان وهي بيطبطب عليها: هوووش ليلو حبيبتي عمرها ما تكون السبب في و.جعي دي علطول السبب في فرحتي
ليله بدمو.ع: لا ي بابا انت الي كنت بتفرحني ديما وانا كنت السبب في مو.تك وبعدك عني عشان قولتلك علي معتز.. حقك عليا سامحني ارجوك انا عمري ما تخيلت ان معتز يعمل معاك كدا انا اسفه ي بابا
والد ليله ببتسامه: وهو في حد يزعل من القمر دا.. انتي مش السبب في حاجه ي ليله بس لو فضلتي تقولي انك السبب هزعل منك اوي
ليله بلهفه: لا لا خلاص متزعلش ي بابا
والد ليله ببتسامه: خلاص انا طول الوقت حوليكي وشايفك لو سمعتك قولتي كدا تاني هزعل منك اتفقنا
ليله ابتسمت ابتسامه بسيطه: اتفقنا ي حبيبي
والد ليله: ايوه كدا خلي الابتسامه دي علطول مرسومه علي وشك انتي ميلقش عليكي غيرها اصلا ي حبيبت بابا.. واشكري قاسم عشان قدر يحميكي من بعدي
وقرب من ليله بحب طبع ق.بله علي جبينها: خدي بالك من نفسك ي حبيبت بابا ومن هيثم كمان
__________
فجاه ليله فتحت عيونها وتكلمت بصوت ضغ.يف: بابا
: انتي كويسه
ليله بصت لاتجاه الصوت لقت قاسم باصص ليها وباين علي وشه الق.لق حركة راسها بالايجاب: انا فين
قاسم: في المستشفى
ليله بصت حوليها بستغراب لقت في محاليل متركبه في ايديها: مستشفي؟ لي اي الي حصل
قاسم اتنهد: مش مهم دلوقتي في اي حاجه بتو.جعك انادي الدكتور طيب ثواني هناديه
ليله: لا مفيش داعي انا كويسه متقلقش
قاسم رجع قعد علي الكرسي الي جنب سريرها وهو ساكت
مرت دقايق في صمت لغايت ما قاطعته ليله: بابا بيشكرك اوي
قاسم بصلها بستغراب وشك وهي فهمت نظراته
ليله ابتسمت: متقلقش لسه عقله متجننتش انا حلمت بيه وهو اتكلم معايا قالي انه هيفضل حوليا ومش هيسبني عارف كان وحشني اوي وقالي اشكرك عشان حمتني من معتز
قاسم بصلها ببتسامه بسيطه: وهفضل احميكي من اي حد يفكر يقربلك ي ليله
ليله ابتسمت بكسوف: شكرا ليك ي قاسم انا تعبتك اوي
قاسم همس لنفسه : وانا عمري ما كنت اتخيل اني اساعد بنت اكتر واحد اذا.ني هو واخوه وابنه
ليله: هو احنا في نفس المستشفى الي فيها هيثم؟
قاسم حرك راسه بالايجاب: ايوه وفاق من شويه
ليله: ممكن ارو..
قاطعها قاسم بجديه: لا
ليله: لا اي انا مكملتش كلامي اصلا
قاسم اتنهد: عايزه تروحي تشوفي وانتي لازم ترتاحي ودا غير المحاليل الي متعلقه دي فمش هتتحركي من مكانك لغايت ما تبقي كويسه
ليله: عشان خاطري ي قاسم عايزه اروح اشوفو واطمن عليه
قاسم: لا ي ليله
ليله بتر.جي: عشان خاطري
قاسم بصلها بض.يق وخرج من الاوضه وهي بصت لاثره بحز.ن بس فجاه دخل الاوضه تاني وهو معاه كرسي متحرك: دقايق بس وهترجعي ترتاح ي ليله مفهوم
ليله ابتسمت: مفهوم حاضر
قاسم شالها وهي بصتله بكسو.ف وبصت في الارض وهو قعدها علي الكرسي ومسك المحلول في ايده والايد التانيه ماسك بيها الكرسي بيز.ق ليله
ليله: الدكتور قال ايه عليه
قاسم وهو باصص قدامه: بقا كويس نسبياً بس مش هيخرج من المستشفى غير بعد ما يتعافي تماماً
ليله: الحمدلله (وافتكرت كلمت باباها وهو بيقولها تاخد بالها من نفسها ومن هيثم ابتسمت وهي قدام الاوضه بتاعته)
قاسم: دقايق بس ي ليله
ليله: حاضر
ودخلو الاوضه كان هيثم باصص لسقف بسبب طوق الرقبه الي متعلق في رقبته ورجليه متعلقه ومتجبسه وايده كمان ليله اول ما شافت شكله صعب عليها بس ابتسمت: حمدلله علي سلامتك ي هيثم
هيثم ابتسم: ليله
ليله: اي يبني دا دا انت مفكش حته سليمه
هيثم ضحك: الدكتور قالي انهم لمو عضمي بالعافيه هو دا صح
ليله ضحكت: ايوه دا انت مشوفتش شكلك وانت واقع علي الارض وسايح في د.مك بس عادي الصوره معايا لما تفوق كدا وتبقا كويس هوريهالك او نبروزها ونعلقها في الصاله
هيثم ضحك اكتر وبقا بيتأ.لم: اااه ياني الحمدلله
قاسم كان بيتابعهم في صمت: هطلع استناكي برا
وفعلا طلع
هيثم بحز.ن: هو فعلا معتز السبب في مو.ت عمي
ليله: عرفت ازاي
هيثم اتنهد: كنت حاسس بكل حاجه حصلت ي ليله بس مكنتش قادر اقوم ولا اتكلم كنت حاسس اني في كابوس بس لما فوقت وملقتش معتز حوليا اتاكدت ان دي الحقيقه
ليله حركة راسها بالايجاب بحز.ن
هيثم د.معه منه نزلت: يعني فعلا معتز مكنش همه حياتي وكان عايز يخرجني من المستشفى بكل بساطه وكمان ق.تل عمي
ليله مسحت دمتتها الي نزلت وحبت تغير الكلام : متفكرش في حاجه دلوقتي وفكر تبقا كويس بدل ما انت متكفن بالجبس كدا
هيثم ابتسم بحز.ن: انا اسف ي ليله سامحيني لو قسيت عليكي في يوم وسمعت كلام معتز
ليله: مسمحاك ي هيثم عايزه قلم بقا
هيثم بستغراب: ليه؟؟
ليله: عشان ارسم علي الجبس فاكر وانا صغيره ووقعت وايدي اتجبست وانت فضلت ترسم علي الجبس بتاعتي وانا مكنتش بقولك حاجه يبقا تردي الجميله دي بقا
هيثم ضحك: حاضر بس هو انا هفضل بالوضع دا كتير
ليله بحنان: ان شاء الله تخ.ف بسرعه وتخرج
وقاطع كلامهم صوت حد دخل الاوضه بدون حتي استأذان: بقا انا عماله ادور عليكي وانتي قعدالي هنا
ليله بسعاده: سماح انتي هنا
سماح: طبعا انتي فكراني هسيبك لوحدك ولا ايه
ليله ابتسمت: شكرا ي سماح ربنا يخليكي ليا
سماح بحنان: ويخليكي ليا ي حبيبتي بقيتي كويسه دلوقتي
هيثم بستغراب وهو مكنش شايف ليله اوي عشان مبيقدرش يحرك دماغه: مين الي دخلت زي القاضي المستعجل دي
سماح بصت لاتجاه هيثم بستغراب: مين الجبس الي بيتكلم دا
ليله ببتسامه: دا هيثم ابن عمي
سماح: اخو المجر.م يعني اكيد مجر.م زيه اي الي جابك هنا مش خا.يفه يخطفك زي اخوه مع اني اشك في وضعه دا بس ولو برضو
هيثم بسخر.يه: اه هقولها تعالي زقي السرير وتعالي معايا عشان اخطفك
سماح بسخريه: خليك في جبسك ي اخ... يلا ي ليله
هيثم: مين دي ي ليله المحاميه بتاعتك ولا ايه
ليله: دي سماح صحبتي ي هيثم
هيثم بسخريه: طب معلش اتروضيها برا عشان مزعجه اوي
سماح بغ.يظ: مين دي الي مزعجه ياض متخلنيش اجي اكسر الحته الي فضله في جسمك دا
هيثم: ميغركيش الوضع الي انا فيه دلوقتي هقوملك
سماح ضحكت: يشيخ اتنيل روح لململ اعضاءك الاول
هيثم اتغا.ظ ولسه هيرد دخل قاسم: يلا ي ليله
ليله كان باين عليها التعب البسيط حركة راسها بالايجاب
سماح بصتله بجديه: قاسم بيه حضرتك الي جبتها للكائن دا
هيثم بستغراب: بيه؟؟؟ دلوقتي احترمتي نفسك
سماح بصتله: انا محترمه غصب عنك ي استاذ بلسم انت
ليله صححت الاسم: اسمو هيثم
سماح كانت نسيت اسمه وردت بلا مبالاه : هو دا
قاسم زق الكرسي المتحرك بتاع ليله وخرج برا الاوضه وسماح بصت لهيثم بغ.يظ خرجت وراهم
هيثم افتكر اخو معتز اتكلم بحز.ن: لي كدا ي معتز عمري ما تخيلت انك بالقسو.ه والانا.نيه دي وخلتني اقسي معاك علي ليله.. خلتني احبسها في شقه حتي النور مكنتش بتشوفه واعاملها و.حش وحتي كنت مستعد اغص.ب عليها معاك عشان تتجوزك.. وهي نسيت كل دا وجت تطمن عليا وكمان سامحتني طول عمرك قلبك طيب ي ليله
قاسم وصل ليله للاوضه بتاعتها وهي حاولت تقوم مقدرتش حست بدوخه خلتها تقعد تاني
قاسم شالها ونايمها بحنان علي السرير: قولتلك هتتع.بي ي ليله
ليله بصتله بكسوف وهو قريب منها اوي: كنت عايزه اطمن عليه
قاسم فضل مقرب منها وباصص في عيونها: انتي كويسه
ليله حرك راسه بالايجاب وهي لسه بصاله عدت ثواني وهما بصين لبعض لغايت ما دخلت سماح الاوضه بدون استأذان
ليله بعدت بسرعه وقاسم بعد ببرو.د وهو باصص لسماح: في بابا يتخبط عليه
سماح بإحراج: احممم اسفه
قاسم سمع رنت تليفونه وكان رقم الظابط الي مسك معتز والاتنين الي معاه رد عليه واول ما قفل بص لسماح وتكلم بجدبه: خليكي مع ليله واوعي تسبيها ولو حصل حاجه رني عليا
ليله بق.لق: قاسم بيه كله تمام صح
قاسم بصلها ووووووووووو....
يتبع. #بقلمي_رحـمـه_مـحـمـد
#هربت_لتسكن_قلبي. الثاني عشر
بعد ما قاسم قفل مع الظابط بص لسماح واتكلم بجديه: خليكي مع ليله واوعي تسبيها ولو حصل حاجه رني عليا
ليله بق.لق: قاسم بيه كله تمام صح
قاسم بصلها: ايوه ي ليله متقلقيش انا بس هروح اتابع القضيه وراجع مش هتاخر المهم انتي متتحركيش من مكانك اي حاجه تحتجيها قولي لسماح مفهوم
ليله ابتسمت وحركة رأسها بالايجاب وهو ابتسم وخد الچاكت بتاعه وطلع من الاوضه بكل هيبه
سماح فضلت متبعاه بصد.مه واول ما خرج فرقة عنيها بعدم تصديق: هو الي انا شيفاه دا بجد وحقيقي ولا عيني بتكدب
ليله بصت ليها بستغراب: اي الي شوفتي
سماح بصت ليها بصدمه: دا طلع بيبتسم زينا ي ليله
ليله سكتت وكانت بتحاول تظبط قعدتها عشان ترتاح
سماح قربت منها: قولي بقا اي الي بيحصل ومخبياه علينا (انتهت كلامها وهي بتغمز لليله)
ليله بعدم فهم: انا مخبيه حاجه؟ لا والله
سماح: ي لي لي قوليلي بس اي الي بيحصل بينك وبين قاسم بيه ليله بصدمه: انا وقاسم؟
سماح ابتسمت: اصلك مشوفتيهوش وهو متجنن عليكي وشايلك لغايت هنا وكمان ابتسملك دلوقتي لا وبيحميكي من كل حاجه
ليله اتنهدت: بيحميني عشان كان بنا شرط ي سماح اشتغل في القصر و....
قاطعتها سماح: لا ي ليله دا خدك الشركه عشان يعلمك الشغل وفضل ورا معتز لغايت ما بعده عنك للابد وترجعي تعيشي حياتك زي ما انتي عايزه معتقدش ان كل دا عادي قاسم بيه طول عمره مبيفرقش معاه حد ولا بيهتم لحاجه بس حسه انه اتغير من ساعة ما ظهرتي في حياته
ليله: لا ي سماح معتقدش كل الحكايه هو الشرط دا وبس
سماح: طب سيبك منه قوليلي انتي احساسك نحيته ايه
ليله اتوترت: لا مفيش احساس ولا حاجه انا بس بحس شويه يعني اني مرتاحه وانا جنبه.. مطمنه ومبقتش اخاف زي الاول عشان عارفه انه هيحميني.. حسه اني بشوف بابا فيه.. بالرغم من انه يبان انه قاسي بس بحس انه غير كدا خالص.. بشوفه حنين وجميل وعيونه البني في بعض الاوقات بتكون بتخوف بس جميله.. حسه انه مش قاسم البارد الي ميهموش حد لا في جواه قاسم تاني الحنين والطيب والجدع ووو
كانت بتتكلم وهي سرحانه وعلي وشها ابتسامه بسيطه تلاشت اول ما شافت نظرات سماح
سماح بشك: كل الكلام دا ومفيش حاجه جواكي ي مفتريه
ليله اتوترت اكتر: لا مفيش حاجه جوايا
سماح ضحكت: اومال لو كان فيه كنتي هتقولي ايه تاني
ليله اتكسفت: يوووه بقا ي سماح انا عايزه انام شويه حسه اني تعبانه ياما اقول لقاسم بيه يرجعك البيت
سماح سكتت بسرعه: لا خلاص سكت اهو دا انا مصدقت اطلع برا القصر دا
ليله: طب اسكتي بقا وسبيني انام
سماح حركة راسها بالايجاب وهي شايفه ليله بتغمض عيونها بتعب ظاهر علي ملامحها قربت منها وهي بتمشي ايديها علي شعرها بحنان: مبسوطه انك ارتحتي من معتز وهترجعي لحياتك بس هنفضل صحاب صح؟
ليله فتحت عيونها لسماح وتكلمت بكل تاكيد: طبعا هو انا هلاقي صحبه زيك فين تاني ي سماح
سماح اتنهدت براحه: طب يلا غمضي عينك ونامي وانا هفضل جنبك عشان لو احتاجتي حاجه
ليله ابتسمت ليها وحركة راسها بالايجاب ورجعت غمضت عيونها وهي يتتنفس براحه
قاسم وصل قدام القسم ونزل وهو بيقفل چاكت البدله بتاعته واتجه لمكتب الظابط واول ما دخل المكتب
الظابط قام وهو بيمد ايده لقاسم: قاسم بيه اتفضل
قاسم سلم عليه وقعد علي الكرسي الي قدام المكتب: اي الجديد
الظابط قعد وتكلم بجديه: المحكمه هتحدد معاد الجلسه الاولي بتاعته مش عايزك تقلق خالص مش هيقدر يهرب ولا يعمل حاجه
قاسم بجديه: والي معاه
الظابط: واحد اعترف وقال ان معتز اجره عشان يطلع اخوه من المستشفى من غير ما حد ياخد باله هو ودكتور في المستشفى وطبعا هنجيب الدكتور دا
والتاني لسه بيقول انه قت.ل والد انسه ليله عشان معتز هدده
قاسم قام وقف: عايز اشوف معتز
الظابط: اكيد (واتكلم في التليفون الي جنبه.. عدت ثواني وكان دخل واحد من العساكر إدا التحيه للظابط)
وتكلم بكل احترام: اوامرك سعاتك
الظابط: خد قاسم بيه لمعتز ي علي
علي: حاضر سعاتك.. اتفضل ي قاسم بيه
قاسم مشي معاه لغايت ما وصل قدام المكام الي فيه معتز الي لقاه قاعد علي كنبه خشب صغيره وباين علي ملامحه الغضب واول ما شاف قاسم جري نحيته وكان يفصل بنهم الحديد بتاع السجن: اي الي جابك جاي تشمت فيه بعينك ي قاسم ي راوي.. معتز الهلالي هيطلع من هنا وهيرجعلك متقلقش
قاسم ابتسم بسخريه: لي فاكر نفسك حرامي غسيل ومسكوك وانت بتسرق الهدوم
معتز جز علس سنانه: هخرج يقاسم وساعتها مش هرحمك لا انت ولا ليله
قاسم رفع حاجبه بسخريه: اممم طب مستنيك
ولف عشان يمشي معتز وقفه وهو بيتكلم: افتكر ان حذرتك ي قاسم
قاسم تجاهله ومشي وهو سامع معتز لسه بيهدد فيه وخرج من القسم كله وركب عربيته ومشي بعدها رن علي سماح واطمن ان ليله كويسه ونايمه
ومشي في اتجاه القصر واول ما وصل جريت عليه داده فاطمه: قولي يبني ليله عامله اي طمني عليها
قاسم: بقت كويسه الحمدلله ي داده
داده فاطمه: طب هترجع امتي
قاسم اتنهد: بكرا ان شاء الله
وسبها ومشي وهو سامع داده فاطمه بتتكلم: ربنا يرجعك بالسلامه ي ليله ي حبيبتي ويبعد عنك اي شر
طلع قاسم الجناح بتاعه مقرر ياخد شاور ويغير هدومه ويرجع لليله في المستشفى
وبعد فتره
دخل قاسم الاوضه بتاعت ليله الي في المستشفى لقي سماح نايمه وهي قعده علي الكرسي وليله نايمه علي سريرها... قرب منها بخطوات بطيئه وبقا يتأمل ملامحها
: قاسم بيه انت جيت
قاسم بص لسماح الي فتحت نص عيونها بنعاس: ايوه
سماح حاولت تفوق نفسها: طب انا هروح اجيب قهوه معرفش نمت ازاي تحب اجبلك معايا
قاسم حرك راسه بالرفض وسماح خرجت برا الاوضه وهي بتتاوب بنعاس وقفلت الباب وراها
قاسم قعد علي الكرسي وفضل باصص لليله بصمت... ببفتكر اول مره شافها في القصر واول ما بص في عيونها حس بشعور غريب عمره ما حس بيه قبل كدا.. حاسس انه معاها بيبقا شخص تاني حتي هو بيستغرب نفسه
ليله اتحركت في الوقت دا وفي خصله من شعرها جت علي وشها.. قاسم محس بنفسه غير وهو بيبتسم وبيقرب ايده من وش ليله بيبعد خصلة الشعر لورا ودانها
ليله فتحت نص عيونها لقت قاسم قريب منها اتخضت وفتحت عيونها اوي في نفس الوقت قاسم مبعدش عنها وتكلم ببرود: مالك شوفتي عفريت
ليله بتوتر وقامت قعدت: لا بس... يعني... انا
قاسم ابتسم وهو شايفها متوتره ومش عارفه تتكلم : بس انتي ايه
ليله توترها زاد: احممم هو انا هخرج امتي
قاسم رجع قعد علي الكرسي: بكرا
ليله كشرت: لي بكرا ما انا بقيت كويسه عايزه ارجع البيت بقا اوضتي وحشتني اوي
قاسم: اوضتك؟
ليله ببتسامه: ايوه ما خلاص معتز اتسجن فهرجع البيت بقا
قاسم اضا.يق اوي من فكر انها هتسيب القصر وقام خرج من الاوضه
ليله فضلت تبص ليه بستغراب وهي مش فاهمه لي اضايق
سماح كانت ماشيه وعدت من قدام اوضة هيثم سمعت صوته بيزعق: حد برا؟؟؟ سمعني؟؟؟
سماح بصت للاوضه ولما سمعت صوته تاني دخلت الاوضه: مالك بتزعق كدا ليه
هيثم بتعب وصوت باين عليه الا.لم: نادي حد من الممرضين
سماح رفعت حاجبها: طب ما في زرار جنبك لو دوست عليه هتلاقي حد جالك
هيثم بلع ريقه بتعب: انجزي انتي هتفضلي ترغي
سماح دخلت الاوضه بغضب: بقولك ايه كلمني بحترام انا بقولك اهو متخلنيش اقلب علي الوش التاني
هيثم: ي ستي لا وش تاني ولا تالت بقالي ساعه بنادي علي حد يجبلي ميه انجزي روحي هاتي حد من الممرضين
سماح: طب ما الميه جنبك اهي ولا عايز تتعب الناس وخلاص
هيثم جز علي سنانه: انتي غ.بيه هو انا لو عارف اجبها هنادي حد ليه
سماح نفخت بضيق: طيب مش انا غ.بيه مش هنادي علي حد شوفي مين هيسمعك بقا
ولف عشان تمشي وقفها صوت هيثم
هيثم كان فعلا مش قادره ومن كتر ما حاول يجب الميه او يدوس علي الزرار الي جنب السرير رقبته وجعته: خلاص لو سمحتي نادي علي حد
سماح لفت تشوفه وكان باين عليه الت.عب جبتله الميه وحاولت تعدله شويه وبحذر شديد وشربته
هيثم اول ما نام تاني: يلا امشي بقا
سماح جزت علي سنانها: تصدق اني غلطانه يارتني كنت سبتك تموت من العطش ي اخو المجر.م انت
هيثم ابتسم بسخريه: اصلا انا مطلبتش منك تشربيني قولتلك نادي حد من الممرضين
سماح خبطت الارض برجليها بغضب وخرجت من الاوضه من غير ما تتكلم تاني
ومشيت بغضب وهي بتمتم بضيق: انا غلطانه هو قلبي الطيب دا الي موديني في دا.هيه كنت سبته ومشيت يمو.ت المستفز دا
ووقفت مصدومه وهي بصه لشخص واقف وهي واقفه وراه بس هو مش واخد باله
: قول لمعتز بيه ان ساعه وهيسمع خبر قاسم زي ما طلب
وسكت يسمع الكلام الي جاي من الطرف التاني
: متقلقش مش هيفلت مني المره دي
سماح رجعت تجري علي الاوضه وفجاه..... وووووو
يتبع. #بقلمي_رحـمـه_مـحـمـد.
#هربت_لتسكن_قلبي. الثالث عشر
: قول لمعتز بيه ان ساعه وهيسمع خبر قاسم زي ما طلب
وسكت يسمع الكلام الي جاي من الطرف التاني
: متقلقش مش هيفلت مني المره دي
سماح وقفت مصدومه من الي سمعته ولفت عشان تجري بس فجاه حست انها ثابته في مكانها وحد ماسكها من هدومها (من عند كتفها كدا) وقفت مكانها وبلعت ريقها بصعوبه وبصت وراها لقت الراجل الي كان لسه بيتكلم في التليفون وملامحه مر.عبه
باين عليه فعلا مجر.م من اثر الجر.ح الكبير الي في وشه وعلي ايده و/شم كبير.. وضخم جدا
سماح ببتسامه غ.بيه: ازيك
الراجل الضخم بصوت مر.عب:انتي الي كنتي مع قاسم الراوي
سماح: انا يبني ومين قاسم الراوي دا بياع طماطم دا ولا ايه
الراجل الضخم: انتي هتستعبطي ي بت انتي عيزاني اسيبك عشان تروحي تقوليله علي الي سمعتي
سماح: طب نزل ايدك عشان نتفاهم ي استاذ انت وبعدين عيب تمسك بنت كدا خليك چنتل
الراجل الضخم رفع حاجبه وفضل باصص ليها بستغراب
سماح كانت مرعو.به بس حاولت تبين عكس دا : بقولك ايه نزل ايدك دي لتوحشك
الراجل الضخم تلقائي نزل ايده وسبها سماح ابتسم وهي بتعدل هدومها: ايوه كدا بص وراكي قاسم الراوي هناك اهو
الراجل الضخم بص وراه بسرعه
سماح جريت في ثواني: عليك واحد
وفضلت تجري وتبص وراها شيفاه وهو جاي وراها وتر.عبت اكتر: يالهوي بيدور عليا بيدور عليا
وفجاه شافت سرير متحرك فاضي مسكته وزقته عليه عشان تعطل حركته شويه وفعلا دا الي حصل والراجل الضخم مسك السرير ورماه بعيد وبص قدامه ملقاش سماح
اتنفس بغضب: لازم الاقيها قبل ما تعرف قاسم الراوي
وبدا يدور في الاوض واحده واحده
سماح لما لقت الراجل الضخم باصص للسرير وبيرمي بعيد دخلت الاوضه الي جنبها بسرعه قبل ما يشوفها وهي بتتنفس بعنف بسبب الجري
: اي الي رجعك تاني ي بت انتي
سماح بصت قدامها وكانت اوضة هيثم باصص ليها بضيق
سماح وهي بتحاول تتكلم: مش انا لسه عملالك جميله دلوقتي وشربتك ردها بقا دلوقتي وخبيني من التو/ر الي جاي ورايا دا
هيثم بصد.مه : هو في تو/ر في المستشفى!!!!
سماح بضيق: ياربي علي الغبا.ء استخبي فين
وسمعت صوت الباب الي جنبها بيتقفل وفي خطوات جايه علي الباب بتاع هيثم.. حرفيا قلبها كان هيقف من الر.عب ومبقتش عارفه تعمل ايه دمو.عها نزلت من الخو.ف
هيثم مكنش فاهم اي الي بيحصل بس اتكلم بسرعه: تعالي استخبي تحت السرير بسرعه
سماح بدون تفكير جريت وستخبت تحت السرير.. بس كانت باينه اوي هيثم نزل الغطي بتاعه علي الجهه الي ناحيه الباب عشان متبنش وفجاه الباب اتفتح ودخل الراجل الضخم وهو عيونه حمرا من الغضب: في بنت دخلت هنا
هيثم فضل متنح ليه وفهم لي سماح قالت عليه تو.ر بس دا كدا ظلمة التو/ر وتكلمت بسرعه لما لقي عيونه بتلف في الاوضه: لا مفيش حد جه هنا
الراجل الضخم نفخ بغضب وطلع من الاوضه ورزع الباب وراه
هيثم: اطلعي خلاص خرج
سماح طلعت من تحت السرير وعيونها كلها دمو.ع: كنت خا.يفه يشوفني
هيثم: انتي وقعتي عليه منين دا
سماح: اخوك المجر/م باعته عشان يمو/ت قاسم بيه
هيثم اتنهد بحز.ن من الي بيعمله اخوه وبقا من السهل عليه يقت.ل عادي: طب اهدي هو مشي دلوقتي
سماح مسحت دمو.عها بإهمال: ليله... قاسم مع ليله هات تليفونك بسرعه لازم اقول لقاسم بيه
هيثم: جنبي هنا تعالي خدي
سماح لفت النحيه التاني للسرير وخدت التليفون بتاع هيثم بس وقفت مصدو.مه: بس انا مش عارفه رقم قاسم بيه هعمل ايه دلوقتي ياربي
هيثم: اهدي انا معايا رقمه مكتوب قاسم الراوي
قاسم كان واقف قدام الاوضه بتاعت ليله وهو بيفكر في كلامها وانها هتسيبه وتمشي اتنهد بحز.ن وهمس لنفسه وهو بيخبط علي الحيطه بغضب مكتوم: وانت زعلان ليه دلوقتي ما تمشي انت طول عمرك عايش لوحدك ولا فرق معاك حد اشمعنا دي يعني.. انت عارف انها كانت فتره وهتعدي وخلاص معتز مبقاش موجود دا طبيعي انها ترجع لحياتها.. وانا مش فارق معايا
: كداب
قاسم بص جنبه لقي هو بس بلبس تاني وواقف قدامه جنب باب الاوضه بتاعت ليله.. ساند بكتفه علي الحيطه ومربع ايده: ليله فارقه معاك وزعلان انها هتمشي ي قاسم
قاسم بعناد: لا قاسم الراوي مبيفرقش معاه حد
: بس ليله بنسبه ليك مش حد.. ليله غيرتك.. خلتك تبقا انسان جديد انت نفسك بتستغرب افعالك وكلامك معاها
قاسم: لا انا بس كنت بساعدها مش اكتر
ضحك: ومن امتي وقاسم الراوي بيساعد حد.. ودا اكبر دليل انك اتغيرت.. فكرت فيها وفي حزنها وحاولت تفرحها.. وخدها معاك الشركه وقعدتها في مكتب.. وخلتك تبتسم.. وتحس بالي حوليك وتقدر مشاعرهم.. تفتكر انت كنت كدا قبل ما تدخل حياتك ؟؟؟
قاسم سكت شويه وهو بيفكر في الكلام
: انت بتحبها ي قاسم
قاسم بسرعه: لا
: بتحبها
وفجاه اختفي شبيهه.. وقاسم فضل واقف يفكر في كل الكلام الي اتقال واتجه ناحية اوضة ليله واول ما دخل لقاها مغمضه عيونها ونايمه
في نفس الوقت الراجل الضخم شاف قاسم وهو داخل الاوضه وتجه ناحيتها وعلي وشه ابتسامه بخ.بيثه
وفي نفس الوقت قاسم جاله اتصال من رقم هيثم ورد ببرو.د: نعم
سماح بدمو.ع: هيثم بيه لازم تطلع من الاوضه بسرعه في راجل ضخم بيدور عليك معتز بعته عشان يق.تلك
قاسم وقف بسرعه وهو باصص لليله
في نفس الوقت الراجل الضخم بيقرب من الاوضه اكتر واكتر وبيطلع من جيبه اله حاده وعينه مبتتشلشل من علي باب الاوضه الي قاسم دخل فيها
قاسم: ليله فوقي بسرعه... ليله
ليله بنعاس: قاسم بيه سبني انام لو سمحت وشويه وهقوم
قاسم: بسرعه ي ليله مفيش وقت لازم اطلعك من المستشفي في اسرع وقت
ليله فتحت عيونها بستغراب: لي فيه ايه
قاسم ساعدها تقوم: مفيش وقت يلا بسرعه
وفجاه شاف الاوكره بتتحرك سحب ليله لورا السرير في لحظه: خليكي هنا اوعي تط...
مكملش جملته وكان دخل الراجل الضخم وبص لقاسم بش.ر.. وهو بيشدد علي الاله الحاده الي في ايده: قاسم بيه اخيرا لقيتك
قاسم ببرو.د وواقف جنب السرير: كنت قولي كنت جيتلك بنفسي
الراجل الضخم رفع حاجبه: سمعت عنك كتير عشان كدا مش مستغرب نظرت البرو.د الي فعينك دي وانك مش خا.يفه
قاسم ابتسم بسخر.يه: طب كويس
الراجل الضخم: عذرائيل باعتني اخد روحك بسرعه وامشي
قاسم فضل باصص ليه ببرو.د وهو شايف نظرات الخ.بث في عيون الراجل الضخم
وفجاه جري عليه الراجل الضخم ولسه هيضر.به بالاله الحاده قاسم بسرعه رهيبه مسك الفازه الي جنب السرير وضر.بها علي كتفه
وبسرعه شد ليله وجري برا الاوضه وقفل الباب: اجري ي ليله اطلعي من المستشفى بسرعه
ليله بخو.ف: لا مش هسيبك
الراجل الضخم اتأ.لم شويه بس بص ناحية الباب بغ.ضب وتجه ناحيته وفتح الباب لقي قاسم مسكه من برا
وسمعه بيز. عق
قاسم: قولتلك اجري من هنا بسرعه
الراجل الضخم حاول يشد الباب واستغرب بالرغم من انه اضخم من قاسم.. بس قاسم اقوي منه
ليله دمو.عها نزلت: مش هينفع اسيبك هنا لوحدك انا خا.يفه
قاسم نفخ بض.يق ومسك ايديها بسرعه: تعالي
وساب الباب وبدا يجري بسرعه لبرا المستشفى
في نفس الوقت الراجل الضخم خرج من الاوضه وبص يمين وشمال لقي قاسم بيجري ومعاه ليله اتنفس بغضب وجري وراهم
ليله بد.موع: هو مين دا وبيجري ورانا ليه
قاسم: ابن عمك بعته عشاني
ليله بصد.مه: معتز؟؟؟ ازاي بعته وهو في السجن
قاسم بغضب: اكيد عرف يتواصل مع حد هنخلص منه وبعدين اشوف الموضوع دا
ليله بصت وراها وشافت الراجل الضخم بيجري وراهم : طب وهنعمل ايه دلوقتي
قاسم شدد علي ايديها وجريو اكتر: خليكي واثقه فيه ي ليله ماشي
ليله بدون تفكير: انا مبثقش غير فيك ي قاسم
قاسم بصلها ببتسامه ظهرت بجانب شفايفه وكانو قدام بابا المستشفى خرج بسرعه وبص حوليه عشان يشوف العربيه بتاعته ودور في جيبه علي المفتاح بس ملقهوش اتكلم بعصبيه : المفتاح وقع مني
ليله كانت بصه وراها: ق.. قاسم الراجل بيقرب مننا
وكان فعلا الراجل الضخم بيقرب منهم اكتر واكتر
ليله فجاه لقت قاسم بيمسك ايدها وجريو وسط الشجر الي قدام المستشفى
وبعد دقايق
ليله بلعت ريقها بصعوبه: احنا هنفضل نجري كدا
قاسم: لو كنتي سمعتي كلامي كنت زماني خلصت منه ي ليله
ليله: ازاي وهو اضخم منك دا يطبقك ي قاسم
قاسم بصلها بصد.مه: يطبقني؟؟
ليله: انت مشوفتش شكله ولا اي دا يقسمك تلت..اربع.. خمس عشر مرات كدا
قاسم وقف فجاه وبصلها: لي انتي شيفاني ضعيف ي ليله
ليله بصتله: لا مش قصدي كدا بس هو ضخم اوي
قاسم بجدبه: انا مش ضعيف ولا حجمه يفرق معايا انا بجري عشانك.. عشانك انتي وبس مش عشان خا.يف منه ي ليله
ليله بلعت ريقها: انا اسفه مكنش قصدي تزعل ممكن نجري بقا بسرعه عشان بيقرب علينا
قاسم: اجري انتي ي ليله
ليله بتو.تر وهي شايفه الراجل الضخم بيقرب : لا مش هسيبك ي قاسم يلا بسرعه
ومسكت ايده عشان يجروا
قاسم بجديه: مش همشي ي ليله اجري انتي بسرعه قبل ما يقرب اكتر
ليله بصت لقاسم بعيون مليانه دمو.ع: انا اسفه صدقني مكنش قصدي الي قولته ولا قصدي ازعلك.. ارجوك ي قاسم اجري معايا مش هقدر اسيبك لوحدك هنا ولو مصمم تفضل انا مش همشي وسيبك وهفضل معاك
قاسم: انتي مجنونه لا طبعا مش هتفضلي هنا.. مستحيل تفضلي ممكن تتأذ.ي
ليله ابتسمت: وانا متاكده انك مش هتسمحله يأذ.يني
وبصت للراجل الضخم الي بقا خلاص واقف قدامهم وباصص ليهم بخ.بث
سماح فضلت راحه جايه في الاوضه بتاعت هيثم: انا قلقا.نه عليهم يارب يكونو عرفو يهر.بو منه
هيثم: ممكن تثبتي شويه بقا خيلتيني
سماح بدمو.ع : انا خا.يفه عليهم اوي
هيثم اتنهد: قاسم معاها مستحيل يخليها تتأذ.ي اقعدي بقا متتعبنيش معاكي
سماح بغضب وهي شيفاه بيتكلم ببرو.د : وانت همك ايه ما انت طول عمرك واقف مع اخوك وبتأ.ذيها ومكنتش فارقه معاك طبيعي مش هتفرق معاك دلوقتي المفروض تكون مع اخوك في السج.ن مش قاعد عنها
هيثم بحز.ن: انا مكنش قصدي اا.ذي ليله
سماح بصتله بغضب اكبر ولسه هتطلع من الاوضه
هيثم: معتز الي مر.بيني من بعد وفا.ت ماما وبابا... عشان كدا مكنتش بقدر اقف ضده كنت علطول اسمع كلامه ومفكرش الي قاله دا صح ولا غلط.. ولما قالي انه عايز يتجوز ليله كنت عايز اساعده وحاولت اتكلم مع ليله كتير بس هي كانت رافضه بطربقه غريبه مكنتش اعرف انه كان بيهدد.ها ولا كنت اعرف انه عايز يمو.ت عمي ولو كنت اعرف كنت منعته وعمري ما كنت وقفت معاه في حبس ليله
سماح كانت واقفه تسمع كلامه ولحظه حست انه صعب عليها بجد... بس فجاه بصتله بصد.مه اول ما سمعت كلامه
هيثم بضيق: فمتجيش واحده زيك تقول مكاني لازم يبقا فين... عشان مكانك انتي لازم يبقا في العباسيه شوفتيني اتكلمت ولا قولتلك حاجه وكمان سيبك مستخبيه في اوضتي زي الفار ومستحملك
سماح جزت علي سنانه: انا زي الفار
هيثم رفع حاجبه بسخريه : دا الي لفت نظرك
سماح بغضب: تصدق انك مش محترم وانا لازم اطلع برا الاوضه القذ.ره دي
ولفت عشان تخرج
هيثم: احسن اطلعي يكش تلاقي التو.ر دا مستنيكي برا ويبلعك ونخلص بقا
سماح رجعت بضهرها تاني وقعدت علي الكنبه الي في الاوضه وهي مكشره بس خا.فت من كلام هيثم
هيثم بصلها ببتسامه وفجاه بصتله وختفت ابتسامته: متتكلمش معايا لغايت ما اطلع من هنا
ورجعت بصت قدامها تاني وهيثم ابتسم تاني
في نفس الوقت جت بنت قدام القصر بتاع قاسم وهي متو.تره وواقفه مش عارفه تقول ايه لقت حد من الحرس بيقرب منها
وتكلم بجديه : انتي مين؟!
: ا..انا... ه..هو قاسم بببيه موجود
الحارس: لا
ولسه هيمشي وقفته تاني: طب هو هيجي امتي
الحارس لفلها تاني: مش عارف
البنت حركة راسها بالايجاب ولفت عشان تمشي وفجاه جريت نحيت الحارس تاني: ممكن ادخل استناه جوه انا لازم اتكلم معاه ارجوك خليني ادخل (وبدات تبكي بصوت عالي)
قاسم مسك ليله ووقفها وراه وبقا واقف قصاد الراجل الضخم وهو باصص ليهم ببتسامه خ.بيثه: انت كدا حمتها مني يعني علي العموم انا مش جاي عشانها انا جاي عشانك انت
قاسم ابتسم بخ.بث: وانا قدامك اهو
الراجل الضخم قرب منه بخطوات سريعه ولسه هيضر.به بالاله الحاده قاسم بعد وبعد ليله بعيد ولف ورا الراجل الضخم بسرعه وطلع المسد.س بتاعه ووجه نحيته ولسه هيضر.به
ملحقش والراجل الضخم خبط ايده وطير المسد.س بعيد
الراجل الضخم: مش هتعرف تهر.ب مني ي قاسم
قاسم بسخريه: ومين قال اني ههر.ب
الراجل الضخم رفع ايده الي فيها الاله الحاده ولسه هيضر.ب قاسم.... قاسم مسك ايده وفضل يحاول يبعده عنه والتاني بكل قوته عايز يدب الاله الحاده في قلب قاسم
ليله كانت واقفه متو.تره وهي شايفه قاسم ودمو.عها نازله: قاسم
فضلت تبص حوليها تشوف حاجه تضر.بو بيها لقت حجر كبير شويه مسكته وبكل قو.تها رمته في دماغ الراجل الضخم خلتو يمسك دماغه ويسيب الاله الحاده
واول ما بعد عن قاسم اتنهدت براحه.. لقت قاسم باصص ليها: انتي كويسه
ليله حركة راسها بالايجاب.. وقاسم رجع بص للراجل الضخم تاني الي كان بيحاول يقوم جري نحيته ونط فوقي ومسك رقبته بيحاول يخنقها
الراجل الضخم كان بيحاول يوقع قاسم من عليه... لغايت ما اخيرا وقعه
ليله اول ما شافت قاسم وقع صر.خت: قاااااسممممم
قاسم بصلها: انا كويس ي ليله المهم ابعدي انتي
قاسم قام وقف تاني وقرب من الراجل الضخم الي كانت دماغه بتنز.ف ولسه هيضر.به
الراجل الضخم زقه بعيد وقعه جنب الاله الحاده.. قاسم بسرعه مسك الاله وقام ضر.بها في بطن الراجل الضخم
ليله صر.خت وغمضت عيونها بسرعه
قاسم قل.ق عليها وجري بسرعه نحيتها: ليله حبيبتي اهدي
ليله بصر.يخ: م.. ما..ت ه..هو
قاسم حضنها بقوه وحنان: اهدي خلاص هوووش بطلي عياط عشان خاطري ي ليله
ليله اول ما بقت في حضنه اطمنت بس شافت حاجه خلتها تبر.ق: قاااااااسممممم وووووووو.
يتبع. #بقلمي_رحـمـه_مـحـمـد.
#هربت_لتسكن_قلبي. الرابع عشر
قاسم جري علي ليله بسرعه اول ما شفتها بتصر.خ ومغمضه عيونها: ليله حبيبتي اهدي
ليله بصر.يخ: م.. ما..ت ه..هو
قاسم حضنها بقوه وحنان: اهدي خلاص هوووش بطلي عياط عشان خاطري ي ليله
ليله اول ما بقت في حضنه اطمنت وبطلت بصر.خ واول ما فتحت عيونها برقت بصد.مه وهي شايف الراجل الضخم واقف ورا قاسم: قااااااسمممممم
قاسم بسرعه لف وراه وفجاه لقي الاله الحاده دخلت في صدره: اااههه
في نفس الوقت الراجل الضخم شاله ورماه بعيد وبقي باصص بنظرات مليانه غضب لليله الي كانت واقفه مصدو.مه من الي حصل لقاسم وبصوت ضعيف: قاسم
الراجل الضخم زق ليله خبطها في شجره بشده خلاها تنز.ف من جبينها: اااااههههه
ورفع الاله الحاده عشان يمو.تها بس فجاه وقف والاله وقت من ايده وهو باصص قدامه ومبر.ق وكانت رصا.صه مخترقه جسمه طالعه من مسد.س قاسم
ليله الد.م جه علي وشها وهدو.مها وبصت في الاتجاه الي جاي منه الرصا.صه وكان قاسم واقع علي الارض ورافع المسد.س لفوق
واول ما الراجل الضخم وقع جنبها قامت بسرعه وجريت علي قاسم وهي بتعي.ط بهستريا: قاسم انت كويس
قاسم مكنش قادر يتكلم بس حرك راسه بالايجاب
ليله قامت بسرعه وحاولت تسنده: قوم معايا بسرعه نروح المستشفى انت بتنز.ف د.م كتير ساعدني اقومك
وبعد محاولات انها تقومه اخيرا قام معاها وهو بيحاول ميسندش علي ليله قوي.. وبرغم من كدا كانت ليله سنداه بالعافيه بس كل الي كان فارق معاها انها توصل للمستشفي في اسرع وقت..اتكلمت بصوت مخنو.ق من العياط : المستشفى مش بعيده يلا بسرعه
وفضلت سنداه لغايت ما وصلو قدام المستشفى.. وهنا ليله مكنتش قادره تكمل كانت حسه انها دايخه ومش شايفه قدامها قعدته علي اقرب مقعد قابلها وبلعت ريقها بصعوبه وهي بتحضن وش قاسم بايدها: قاسم خليك هنا هدخل انادي حد من المستشفى
قاسم كان بيحاول يقاوم بس هو كمان مكنش شايف قدامه وحاطط ايده علي الجر.ح الي بقت كلها د.م
ليله بدمو.ع: مش هتاخر
وسابته وبسرعه جريت علي المستشفى: حد يساعدني عايزه سرير بسرعه في واحد متصا.ب برا وبينز.ف كتير
وبسرعه الممرضين استجابو ليها وجابو سرير متحرك وجريو علي برا وليله قدامهم
وشاورت ليها علي قاسم وهما راحو ليه ونايمو علي السرير ودخلو بيه علي المستشفى بسرعه
ليله ابتسم ابتسامه خفيفه اكنها بتقول اخيرا وصلت وقاسم بقا في المستشفى ومحستش بحاجه تاني غير وهي بتفقد الوعي ووقعت علب الارض وعيونها بتتقفل ببطئ وهب شايفه ناس بتجري عليها بس مكنوش وضحين... بعدها عيونها اتقفلت خالص
سماح قامت من علي الكنبه بسرعه: لا كدا كفايه انا هخرج اشوف اي الي بيحصل برا
هيثم اتنهد: طب طلعيني معاكي
سماح بستغراب: ازاي وانتي متلزق بامير كدا
هيثم جز علي سنانه بغي.ظ: هاتي كرسي متحرك وهتنيل اقعد عليه ما انا كمان مش هقدر اقعد هنا ومعرفش بنت عمي حصل معاها ايه
سماح بسخر.يه وهمست: دا علي اساس انك عندك د.م وبتحس
هيثم سمع تمتمتها بس مفهمش الي بتقوله: بتقولي حاجه؟
سماح: لا استني اما اشوف كرسي اخدك عليه
هيثم وهو بيشاور علي مكان بايده السليمه: هناك اهو
سماح شافته وجبته وبعد ما ظبطته: قوم معايا يبني
هيثم رفع ايده السليمه وسندها علي كتفها وبدا ينزل براحه
سماح سبته بسرعه: استني اظبط الكرسي
هيثم بسبب حركتها السريعه وانها سبته بسرعه رقبته وجعته وتا.لم: اااهههه ي غ.بيه
سماح اتخضت : انا اسفه والله مكنش قصدي انت كويس
هيثم اتنهد: خلاص مفيش حاجه انا كويس
سماح: طب اسند عليا بس مش قوي يعني
هيثم ابتسم ورجع رفع ايده السليمه سندها علي كتفها ونزل من علي السرير وقعد علي الكرسي المتحرك براحه جدا
سماح اتنهدت بتع.ب: انت تقيل كدا ليه
هيثم بسخريه: معلش بقا بعد ما اخف فكريني اخس شويه
سماح نزلت عند رجله المتجبسه ورفعتها سندتها عند الكرسي.. وبصت علي ايده المتجبسه ظبطتها.. في الوقت دا كانت قريبه منه شويه وهيثم باصص ليها
سماح رفعت عيونها وبصت لهيثم وتلاقت عيونهم لثواني فضلو بصين لبعض وبس
وفجاه سماح بعدت وتكلمت بتو.تر: يلا نخرج
هيثم ابتسم ليها وحرك راسها بالايجاب... وخرجو الاتنين من الاوضه
سماح بتو.تر: لو لقينا التو.ر دا لسه هنا انا هجري وسيبك
هيثم بصد.مه: لا اصيله يخربيت جدعنتك
سماح بلعت ريقها بخو.ف وهي بتبص يمين وشمال خا.يفه تشوف الراجل الضخم: تفتكر لسه هنا
هيثم بجديه: مظنش اكيد قاسم عرف يخلص منه
سماح بصتله بستغراب: واي مخليك متاكد كدا
هيثم: انا كنت اسمع ان ذكاء قاسم الراوي من معتز ولما عرفته اتاكد انه اذكي من الي معتز كان بيقولو عليه فاكيد قدر يخلص منه
سماح بصت قدامها: عندك ح...(وكملت بصدمه) ليله
وسابت هيثم وجريت نحيت الشخص الي بيجري وهو شايل ليله واول ما قربت منه اتكلمت بصدمه وهي شايفه الد.م مالي وشها : ليله.. هي مالها... واي الد.م دا
الشخص: مش عارف ي انسه هي كانت واقعه قدام المستشفى
جت ممرضه: دخلها الاوضه دي بسرعه
الشخص حرك راسها بالايجاب واتجه ناحية الاوضه ولسه الممرضه هتدخل وراها وقفتها سماح بدمو.ع: هي فيها اي واي الي حصل طمنيني عليها
الممرضه: الدكتور هيكشف عليها وهطمنك بعد اذنك
وجريت دخلت الاوضه والدكتور جه ودخل وراها
هيثم بصعوبه كبيره حاول يحرك الكرسي لغايت ما وصل لسماح وتكلم بق.لق: في ايه ي سماح وليله مالها
سماح بدمو.ع وخو.ف: معرفش دماغها بتنز.ف ومغمي عليها
هيثم: طب اهدي ان شاء الله هتبقا كويسه
سماح بغ.ضب ودموعها نازله: طول ما اخوك لسه عايش عمرها ما هتبقا كويسه
هيثم بصلها بحز.ن وهو عارف ان دي الحقيقه ومعتز مش هيسكت.. بس قاطع تفكيره وهو باصص لسماح الي قعدت علي السرير وبدات تبكي بحز.ن كبير
مسك ايديها بايده السليمه وضغط عليها: هتبقا كويسه
سماح بصتله بحز.ن: صعبانه عليا من اول ما عرفتها وهي بتتاذ.ي.. انا اه مش عرفاها من مده قصيره بس لما عرفتها حسيت اني عرفاها من سنين.. ليله طيبه اوي ومتستهلش كل الي بيحصل معاها دا ي هيثم
هيثم سكت مكنش عارف يرد عليها بس فجاه بصلها بستغراب: امال فين قاسم
سماح بصتله وهي لسه واخده بالها ان قاسم مش موجود: مش عارفه ممكن يكون ساب ليله وخد الراجل دا برا المستشفى
هيثم حرك كتفه بمعني مش عارف
وقاطع تفكرهم الممرضه خرجت من الاوضه الي فيها ليله
سماح جريت عليها: طمنيني عليها هي كويسه
خرجت داده فاطمه علي صوت حد بيعيط بصوت عالي قدام البيت والحرس ملموم حوليها
واحد من الحرس: لو سمحتي ي انسه امشي قولتلك مينفعش تدخلي القصر طلاما قاسم بيه مسمحش ليكي
البنت بعيا.ط : بس انا لازم اتكلم معاه
واحد تاني: تقدري تيجي في اي وقت تاني او تروحي الشركه
البنت بعيا.ط اكتر : مبيجيش الشركه
قربت داده فاطمه منهم: في ايه هنا
اتكلم واحد من الحرس: شوفي ي فاطمه البنت دي عايزه تدخل القصر وقاسم بيه مش موجود وهي مصممه تدخل
البنت جريت علي فاطمه: ارجوكي خليهم يدخلوني انا هستناه لغايت ما يجي انا لازم اتكلم معاه
داده فاطمه صعبت عليها البنت بس مش بايدها حاجه : ي حبيبتي انتي كدا هتعمليلنا مشاكل وممكن تكوني سبب في انه يمشي الحرس دول كلهم انتي متعرفيش قاسم بيه
البنت مسحت دمو.عها بيأس: طب اعمل ايه
داده فاطمه اتنهدت: طب بصي انتي تقوليلي اسمك ايه وانا اول ما يجي هقوله
البنت حركة راسها بالايجاب وعلي وشها حز.ن كبير
سماح دخلت الاوضه بسرعه وجريت علي ليله الي كانت بتبدا تفوق: ليله حبيبتي انتي كويسه
ليله بصت ليها بت.عب ودماغها وجعاها: اههه دماغي
وحاولت تعدل نفسها وتقعد وسماح ساعدتها: خدي بالك من اول ما عرفتك وانا بقيت اعيط كتير
هيثم دخل الاوضه وهو باصص لسماح بغيظ عشان سابته ودخلت وقفلت في وشه الباب: حمدلله علي سلامتك ي ليله
ليله بتوهان: هو اي الي حصل
سماح رفعت كتفها بمعني مش عارفه: مش عرفين احنا لقينا واحد شايلك وقال انه شافك واقعه قدام المستشفى
هيثم: هو قاسم فين ي ليله
ليله افتكرت كل الي حصل وقامت من علي السرير بسرعه وتكلمت كلام مش مفهوم: قاسم.. قاسم متصا.ب ه.. هو فين
وبدات تشيل المحاليل الي في ايديها ولسه هتمشي داخت وسندت علي السرير ودمو.عها نزلت: قاسم ودوني ليه
سماح جريت عليها وسندها: اهدي ي ليله وفهمينا اي الي حصل والراجل الضخم دا راح فين
ليله افتكرت شكل الراجل والرصا.صه مخترقه جسمه: م.. مات
هيثم: طب وقاسم اتصا.ب ازاي واي الي حصل
ليله انهارت اكتر وهي بتفتكر قاسم: الراجل دا ضر.به بالاله الحاده في صدره وهو كان بينز.ف كتير انا لازم اروح اطمن عليه
وجريت برا الاوضه وسماح وراها وهيثم بيحاول يحرك الكرسي وبص لسماح بغيظ: تعالي ساعديني
سماح بصت وراها بسرعه وجريت عليه: هو دا وقتك ما كنت تقعد في اوضتك يعم بدل العطله دي
ومشت الكرسي بسرعه عشان تلحق ليله وشفوها واقفه مع ممرضه ولما قربو سمعو الممرضه بترد علي ليله
: قاسم بيه في العمليات بقاله ساعه وحالته خطر.ه ادعيلو
ليله رجعت خطوه لورا وخو.فها زاد.. سماح جريت عليها سندتها: ليله عشان خاطري اهدي
ليله بلعت ريقها بصعوبه وجريت علي اوضة العمليات وهي بتنادي بصوت ضعيف: قاسم.. قاسم
سماح رجعت لهيثم وسحبت الكرسي بتاعه لحد اوضه العمليات وكانت ليله وقفه وسنده بكتفها علي الحيطه وبصه للاوضه بعيون مدمعه
سماح راحت ليها: تعالي اقعدي ي ليله
ليله حركة راسها بالرفض وهي لسه مثبته عيونها علي اوضة العمليات الي فيها قاسم
سماح: مينفعش تفضلي واقفه كدا انتي تعبانه
ليله بضيق وصوت ضعيف: لا ي سماح
سماح اتنهدت وسابتها براحتها ولسه هتقعد لقت ممرضه خارجه من الاوضه بسرعه وليله جريت عليها
ليله: هو كويس
الممرضه بسرعه: المريض محتاج نقل د.م بسرعه حد فيكم فصيلة دمه (o-)
ليله اتكلمت بسرعه: ايوه انا نفس الفصيله
سماح بسرعه: لا ي ليله انتي مكلتيش حاجه من الصبح ونز.فتي د.م كتير وكمان تعبانه
ليله بصت لسماح بغ.ضب: اسكتي ي سماح (وبصت للممرضه) قولتلك انا نفس الفصيله وخدي الد.م الي عيزاه المهم قاسم يبقا كويس
الممرضه: لا حضرتك مش هينفع
ولسه هتمشي ليله شدتها تاني وتكلمت بغضب خلت الكل باصص ليها بصد.مه: قولتلك هتنقلي د.م من عندي والا هتشوفي مني حاجه مش هتعجبك ابدا انتي فاهمه
الممرضه خا.فت منها واتو.ترت: حاضر اتفضلي معايا
ومشيت ليله مع الممرضه وهي مش شايفه غير كل الي قاسم عملو معاها من اول ما دخلت القصر لغايت دلوقتي
سماح وهيثم فضلو متابعينها بصد.مه مش مصدقين ان دي ليله
سماح فضلت بصه لاثرها بصدمه: انت شوفت الي انا شوفته
هيثم بصد.مه اكبر لانه طول عمره عارف ليله واول مره يشوفها كدا وبتهد.د كمان: هي دي ليله؟
سماح حركة كتفها بمعني مش عارفه
"بعد فتره"
رجعت ليله وفي ممرضه سنداها وقعدتها علي مقعد قدام اوضه العمليات ومشيت كان وشها شاحب وشفايفها بيضه
سماح اتخضت من شكلها وجريت عليها: قولتلك مينفعش ي ليله شوفتي شكلك بقا عامل ازاي حرا.م عليكي
هيثم بسرعه: روحي هتيلها عصير بسرعه ي سماح
سماح قامت بسرعه ومسحت دمو.عها بحز.ن: لو حصل معاكي حاجه انا هزعل منك اوي ي ليله
ومشيت بسرعه وسابت ليله مغمضه عيونها ومش قادره تتكلم
هيثم بحز.ن: انتي كويسه
ليله حركة رأسها بالايجاب من غير ما تفتح عيونها ودمو.عها نزله بهدوء وصمت
هيثم اتنهد وابتسم ابتسامه خفيفه : انتي بتحبيه ي ليله
ليله اول ما سمعته فتحت عيونها وبصتله شويه ودمو.عها نزلت اكتر وفجاه حركة راسها كذا مره بالايجاب
هيثم راح عندها وسحبها بايده السليمه في حضنه وبقت ليله قعده علي المقعد وراسها في حضن هيثم.. وهو بيطبطب عليها بحنان: هيبقا كويس متقلقيش قاسم طول عمره قوي
ورجعت سماح تاني اول ما شافتهم ابتسمت وقربت منهم وهي بتمد العصير لليله: خدي اشربي كله خلي الصحه ترجعلك تاني افردي قاسم بيه صحي في اي وقت وشافك بالمنظر دا هيطردني من الشغل ويكسر الكرسي دا علي دماغ ابن عمك دا وهو مش ناقص
ليله ابتسمت وخدت العصير وبدات تشربه
سماح مدت ايديها بواحد تاني لهيثم: خد انت كمان باين عليك هفتان ي قلب امك
هيثم خده منها وهو بيضحك.. وطلعت واحد ليها
: ودا ليا بقا عشان من ساعة ما عرفتكو وانا متمرمطه معاكوا
وضحكت ليله وتكلمت بضعف: عندك حق
وبعد فتره خرج الدكتور وليله قامت بمساعدت سماح وراحو للدكتور ووووووو.....
يتبع. #بقلمي_رحـمـه_مـحـمـد.
#هربت_لتسكن_قلبي. الخامس عشر
عدت فتره طويله وليله وسماح وهيثم قعدين قدام اوضة العمليات.. واول ما خرج الدكتور
ليله حاولت تقوم بس مكنتش قادره سماح ساعدتها واتجهو ناحية الدكتور
ليله بتعب: طمني ي دكتور قاسم كويس
الدكتور ببتسامه بسيطه: ايوه الحمدلله وهيتنقل لاوضة عاديه
سماح اتنهدت براحه: الحمدلله يارب
هيثم: شكرا ي دكتور
الدكتور: العفو علي ايه دا واجبي بعد اذنكو
ليله بسرعه: طب اقدر اشوفه
الدكتور: هو دلوقتي نايم بسبب البنج بس تقدري تشوفي و متخليهوش يتكلم كتير بعد اذنكم
ومشي الدكتور
ليله اتنهدت وبعدها خرج قاسم وهو نايم علي السرير وفي ممرضين ببسحبو السرير في اتجاه الاوضه
ومشيت ليله الي مشلتش عيونها من علي قاسم وسماح وهيثم وراهم: الدكتور قال انه الحمدلله بقا كويس ي ليله بتعيطي ليه تاني ولا انتي غاويه نكد
ليله بصت لسماح: كل ما افتكر شكله از.عل عليه ي سماح انتي مشوفتيش الراجل دا كان عامل ازاي.. شكله كان يخو.ف
سماح بسخريه: لا شوفته يختي وفضل يجري ورايا
ليله بستغراب: يجري وراكي؟؟ لي
سماح: شافني وانا مع قاسم بيه وانا سمعته وهو بيتكلم في التليفون وبيقول هيخلص عليه ولما شافني فضل يجري ورايا ويجري وانا اجري وهو يجري وانا اجري لغايت ما استخبيت في اوضة جبسو دا
هيثم بصد.مه: جبسو؟ انتي بتعيريني ي سماح
سماح: استغفر الله العظيم ابدا يبني والله.. انا بذلك بس
هيثم: اه اذ كان كدا ماشي
ليله اول ما وصلت قدام اوضة قاسم والممرضين خرجو منها: انا هدخل لقاسم اطمن عليه
وجريت بسرعه علي الاوضه وهي بتبص علي قاسم بحز.ن وعيون مد.معه: خو.فتني عليك اوي ي قاسم
وقعدت علي الكرسي الي جنب السرير ومسكت ايده: الحمدلله انك كويس لو كان حصلك حاجه مكنتش هقدر استحمل (وحطت ايديها علي شعره بحنان وهي بتتأمل ملامحه و دمو.عها نازله بصمت) فتح عينك بقا وكلمني وتبار.د عليا زي ما كنت بتعمل مش متعوده اشوفك بالمنظر دا.. حتي لو الدكتور قال انك كويس بس انا قلبي مش هيرتاح غير لما تصحي وتكلمني حتي لو كلمه واحده انا راضيه المهم اسمع صوتك (وحضنت ايده ونامت عليها بخفه وظهرت ابتسامه خفيفه علي شفايفها وهي بتفتكر كل الي قاسم عمله عشانها..سكتت شويه وكملت )
تعرف اني محستش بالامان غير وانا معاك..قوم بقا وطمني عليك
: انا كويس ي ليله
ليله رفعت دماغها بسرعه وبصت لقاسم الي اتكلم بس بصوت ضع.يف.. دمو.عها نزلت وحضنته بسرعه وهي نسيه جر/حه : قاسم
قاسم اتا.لم بس مبينش ليها وابتسم ورفع ايد يحضن ليله وهو بيتكلم بصوت هادي: هوووش انا كويس بطلي عياط
ليله بدمو.ع ولهفه : انا كنت خا.يفه عليك اوي ي قاسم.. لا كنت هموت من الخو.ف عليك حسيت ان قلبي هيطلع من مكانه...الحمدلله انك بقيت كويس
قاسم جز علي سنانه با.لم ومقدرش يتكلم: ااه
ليله بعدت عنه بسرعه وبصت للجر/ح واخيرا افتكرته: انا اسفه والله نسيت انا اسفه انت كويس انادي الدكتور
قاسم مسك ايديها: مفيش داعي تنادي الدكتور انا كويس من اول ما شوفتك ي ليله وانا كويس متقلقيش (ومسح دمو.عها بحنان وهو بيشوف الشاش الي ملفوف علي دماغها) انتي كويسه
ليله حركة راسها بالايجاب وهي مكسوفه: ايوه
قاسم كان شايف وشها الي باين عليه التع.ب ولاحظ انها مش قادره تقف سحبها وقعدها جنبه علي السرير: لا مش كويسه ي ليله
دخلت سماح وهي بتسحب كرسي هيثم: طبعا مش هتكون كويسه من اول ما عرفت انك في العمليات وهي هتتج.نن ومكلتش حاجه وكمان سحبو دم منها لما قالو انك محتاج نقل د.م وطلعتو نفس الفصيله
هيثم : مبيتبلش في بو.قها فوله
قاسم بص وهو مك.شر لليله.. وليله بصت لسماح بغ.يظ: ارتاح انت ي قاسم وانا هبقا ارتاح بعيد
قاسم ببرو.د وهو باصص لسماح وهيثم: برا
سماح بستغراب: نعم؟؟!
قاسم: قولت برا انتوا الاتنين
سماح: احممم يلا يبني الله يكسفك انت الي كنت مصمم تدخل
هيثم بغ.يظ: انا برضو ولا انتي الي كنت واقف تتصنطي ع..
سماح كتمت بو.قه بسرعه وهمست: يشيخ الله يفض.حك
هيثم بهمس: مش انتي الي عايز تجيبي اللوم عليا وانتي الي...
قاسم بض.يق: اطلعو اتخا.نقو برا
سماح سحبت كرسي هيثم وطلعو برا الاتنين وهما بيتخانقو
ليله ضحكت عليهم: الاتنين مجانين والله
قاسم اول ما خرجو بص لليله : بصيلي ي ليله
ليله بصت لقاسم وهي متو.تره من نظراته ليها
قاسم اتنهد ومبحبش يتكلم معاها وهي تعبا.نه كدا ومن غير اي كلام سحبها في حضنه وبقا يحرك ايده علي شعرها بحنان: نامي ي ليله انا جنبك
ليله خدت نفس عميق وطلعته تاني براحه ومحاولتش تبعد عن
حضنه وهمست وهي بتغمض عيونها: خليك جنبي ي قاسم
قاسم ابتسم: مقدرش اسيبك ي ليله انا ديما جنبك
ليله ابتسمت وفي لحظه كانت نايمه.. احساسها بالامان وهي في حضنه والراحه الي دخلت قلبها بقربه خلتها تنام براحه كبيره
قاسم كان اول مره يحس بالراحه دي.. الي مبقاش يحسها غير وليله جنبه اتنهد وغمض عينه هو كمان ونام
سماح خدت هيثم وراحت علي اوضته: يلا عشان ترتاح شويه بقا بقالك كتير قاعد علي الكرسي
هيثم كانت رقبته و.جعته فعلا: ماشي
سماح مسكت ايده السليمه ورفعتها علي كتفها عشان تسنده: ايدك معايا يبني مفيش صحه تشيل الحجم دا كله
هيثم ابتسم وحاول يساعدها وقربو من السرير ونام براحه
سماح: في دوا بتاخده دلوقتي؟
هيثم وهو بيعدل نفسه: ايوه هتلاقيه في الدرج دا (وشاور علي الكومود الي جنب السرير)
سماح طلعت ادويه كتير: انهي واحد من كل دول
هيثم بصلها: مش عارف
سماح اتنهدت: ثواني
وخدت الادويه وطلعت برا الاوضه.. وبعد فتره رجعت
سماح بجديه: بص دا هتاخده دلوقتي.. ودا بعد الاكل.. ودا قبل الفطار و....
وكملت شرح للمواعيد الادويه وهيثم مكنش مركز غير معاها وعلي تعبيرات وشها وعلي وشه ابتسامه بسيطه
سماح خدت بالها وبصتله بستغراب: مالك؟؟
هيثم بعد نظره عنها: لا ولا حاجه هاتي الدوا بتاع دلوقتي
سماح قربت الدوا منه ومعاه كوبايه ميه وهيثم خده
: طب يلا نام شويه بقا
هيثم حرك راسه بالايجاب وغمض عينه بس شافها هتطلع من الاوضه: راحه فين؟
سماح: هطلع واسيبك ترتاح شويه
هيثم: هتروحي فين انتي كمان باين عليكي التع.ب خليكي هنا وليله مع قاسم
سماح كانت متر.دده تفضل ولا تمشي
هيثم اتنهد: انا بس بقول رأي لو حابه خليكي هنا
وغمض عينه بت.عب وسماح فضلت تفكر شويه وبعدين اتجهت للكنبه الي في الاوضه وقعدت عليها وبعد دقايق نامت
"في القسم"
: قاسم الراوي لسه طالع من العمليات وعرفت انه بقا كويس دلوقتي
معتز اتعصب ومسك الشخص دا من لياقة قميصه: انا معتمد علي بها.يم انا مش قولت تخلصو منه علي الاخر
الشخص بلع ريقها بخو.ف وهي بيحاول يبعد عن الحديد الفاصل بينه وبين معتز: معتز بيه احنا عملنا الي قولتلنا عليه
معتز بعد عنه وهو متعصب: شوفولي الز.فت دا فين و...
ولسه هيكمل سمع صوت ماسچ طالع من تليفون الشخص الي معاه ولما شافها بص لمعتز تاني: قاسم ق.تله
معتز جز علي سنانه: غو.ر من وشي
الشخص جري بسرعه من قدامه وساب معتز هيو.لع من الغي.ظ وبيفكر يخلص من قاسم ازاي وباي طريقه
عدا اليوم من غير احداث جديده وفي صباح يوم جديد
ليله صحيت وهي لسه في حضن قاسم ابتسمت وبصت لملامحه بحب.. محستش بنفسها غير وهي بتحط ايديها علي وشه بحنان
واول ما لقت عيونه بتتحرك اتو.ترت ولسه هتقوم قاسم شدها تاني عليه: راحه فين
ليله بتو.تر: هقوم لحد يجي ويشوفنا كدا
قاسم قربها منها اكتر وهو مركز في عيونها: وفيها ايه
ليله اتو.ترت اكتر: م..ممكن تسبني
قاسم قربها اكتر: ليه
ليله بلعت ريقها بصعو.به وتو.تر وهي بصه في عيونه وسرحت: هاا
قاسم ابتسم: كنتي خا.يفه عليه
ليله ابتسمت وهي لسه سرحانه في عيونه: اوي ي قاسم اوي
قاسم وليله كانو قريبين من بعض اوي والاتنين سرحانين وفي عالم تاني
بس فجاه دخل ممرض وبص في الارض بسرعه اول ما شافهم: احممم
ليله فاقت من شرودها وبعدت عن قاسم بسرعه وقاسم بص للممرض ببرو.د: هو كله بقا قليل الذو.ق كدا ليه ولا هي وكاله من غير بواب مينفعش نخبط
الممرض بإحراج:انا اسف بس جيت عشان اغيرلك علي الجر.ح
ليله بإحراج: اه اتفضل
الممرض قرب من قاسم: ممكن تقلع التيشرت
ليله: احمم طب انا هطلع برا
الممرض: ياريت تفضلي عشان تساعديني لغايت ما الممرضه تيجي معلش
ليله حركة راسها بالايجاب وراحت وقفت جنبهم.. واول ما قاسم قلع التيشرت بصت في الارض بإحرا.ج.. وقاسم ابتسم علي شكلها
وبدا الممرض يغير علي الجرح وبص لليله بتبسامه: انتو متجوزين
ليله حركة راسه بالر.فض: لا
الممرض : مخطوبين ولا بتحبو بعض اصل شوفتك امبارح وانتي خايفه عليه اوي قولت اكيد بتحبو بعض
ليله كانت هترد قاطعها قاسم بغضب مكتوم: بص لشغلك وملكش دعوه
الممرض حرك راسه بالايجاب وبعد دقايق بص ليله ببتسامه: وحضرتك اخبارك ايه دلوقتي والجر.ح الي في جبينك اخباره ايه
ليله ببتسامه: اه كويسه الحمدلله
وفضلو يتبدلو الكلام مع بعض وليله بصاله ببتسامه
الممرض لسه هيتكلم لقي الي بيسحبه من هدومه بص لقي نفسه في وش قاسم وعيونه كلها غ.ضب: انا مش قولتلك ركز في الي جاي تعمله
الممرض بخو.ف: انا اسف حاضر
ليله قربت بسرعه من قاسم: سيبه ي قاسم
قاسم بص ليها بغ.ضب خلاها تبلع ريقها بصعوبه وبعدت عنه وبص للممرض تاني: كلمه تانيه وانا هعرف اخر.سك ازاي
الممرض حرك راسه بالايجاب وجت الممرضه وبعد فتره قصيره الممرض لف الشاش علي الجر/ح واول ما خلص خرج بسرعه من الاوضه عشان يبعد عن نظرات قاسم
ليله بستغراب وهي شايفه الممرضه بتطلع ورا الدكتور من الاوضه: لي عملت معاه كدا ي قاسم
قاسم ببرو.د وتجاهل سؤالها وهو بيقوم من علي السرير
ليله جريت عليه: انت بتعمل ايه
قاسم: هروح
ليله بصد.مه: تروح؟ تروح فين وانت لسه تعبان كدا
قاسم ببرو.د:مبحبش قعدت المستشفي وانا كويس مفياش حاجه
ليله: بس ي قاسم مينفعش تط...
قاطعها قاسم بغ.ضب: ملكيش دعوه انتي انا اعمل الي انا عيزه
ليله بحز.ن: انا خا.يفه عليك
قاسم ببرو.د: لا متخا.فيش
ليله بصتله بحز.ن: تمام الي يريحك.. بعد اذنك
قاسم شافها وهي هتطلع من الاوضه: نادي سماح
ليله من غير ما تبصله: تمام
وخرجت من الاوضه وهي زعلا.نه من اسلوبه الي فجاه اتغير معاها
قاسم اتنهد وبيحاول يهدي نفسه من ساعة ما شاف الممرض بيتكلم مع ليله ونظرات الاعجاب الي شافها في عيونه.. لبس التيشرت بتاعه بسرعه خلاه يتا.لم
بس فجاه الباب خبط كان فكراها سماح بس فضل باصص للي دخل الاوضه ومكنش سماح
هيثم كان باصص لسماح ببتسامه وهي نايمه.. كان شكلها هادي جدا عكس جنانها وهي صاحيه
بس فجاه الباب خبط خلاه يغمض عينه بسرعه وهو شايفها بدات تفوق وكملت بنوم : اي ي داداه ادخلي
هيثم كتم ضحكته وخبط الباب مره تانيه
سماح فتحت عيونها بنعاس واخيرا افتكرت انها في المستشفى بصت لهيثم لقتو نايم... قامت بسرعه وفتحت الباب وكانت ليله بوشها الحز.ن
ليله: كلمي قاسم بيه
سماح بستغراب: مالك ي ليله زعلانه كدا ليه
ليله حركة راسها بالرفض مع ابتسامه بسيطه: ولا حاجه
سماح ابتسمت: طب انتي كويسه النهارده
ليله حضنتها بحب: ايوه شكرا انك وقفه جنبي
سماح بصت ليها بحنان: انا ديما جنبك ي بت
ليله: طب يلا روحي لقاسم بيه عشان ميضا.يقش
سماح حركة راسها بالايجاب ومشيت وليله دخلت الاوضه لهيثم لقتو مفتح نص عين ابتسمت: باين انك صاحي علي فكره
هيثم فتح عينه: هو انا مقفوش اوي كدا
ليله: تخيل .. عامل ايه النهارده
هيثم اتنهد: زهق.ت من الربطه دي عايز اتحرك بقا
ليله طبطبت عليه بحنان: هانت
هيثم: وانتي كويسه
ليله حركة راسها بالايجاب وقعدت علي الكرسي الي جنب سريره وفضلو يتكلمو
سماح اول ما وصلت قدام الاوضه بتاعت قاسم لقت... ووووو
يتبع.
تكملة الرواية من هناااااااااا
 رواية هربت لتسكن قلبي الفصل 11-12-13-14-15بقلم رحمه محمد (جمي…){kind=link}
تعليقات
إرسال تعليق
فضلا اترك تعليق من هنا