رواية مجنون فرح الفصل 21-22-23-24-25بقلم رنا أشرف (جميع الفصول كامله)

رواية مجنون فرح الفصل 21-22-23-24-25بقلم رنا أشرف (جميع الفصول كامله)

رواية مجنون فرح الفصل 21-22-23-24-25بقلم رنا أشرف (جميع الفصول كامله)

البارت 21

____________________________________

فرح دخلت اوضه زين: زين انا......

*وقفت بصدمه لما شافته قاعد قالع التيشيرت بتاعه وهَنا جمبه بتغيرله علي الجرح وشبه حضناه....

فرح بصدمه: زين!!

هَنا بابتسامه: خير يافروحه في حاجه!!

فرح قربت منهم بعصبيه: انتي ال بتعملي اي هنا..اطلعي برا 

هنا بعصبيه: مش طالعه عايزه تقولي حاجه ل زين قوليلو وانا موجوده....صح ياحبيبي!!

زين وقف قدام فرح وحط ايده علي كتف هَنا بابتسامه: ايوه طبعا 

فرح بصتله بصدمه وعصبيه ف نفس الوقت: زيين انا عايزه اتكلم معاك لوحدنا لو سمحتتت

زين: معلش ياهنا ممكن تسيبينا لوحدنا انا هخلص معاها واجيلك

هَنا وهي خارجه بابتسامه: اوك بيبي متتأخرش

* هنا خرجت وجواها مبسوطه انها عرفت ان زين مبقاش يحب فرح......

زين اول ماهنا خرجت قرب منها: فرح انا..

فرح ضربته علي صدره بعصبيه: انت ايييه!! ليه بحس انك بتحبني بس تصرفاتك بتقول غير كده...لييه يازين ليه 

*كانت بتكلمه وهي بتضربه علي صدره بعصبيه وزين واقف وسايبها...

زين مسك ايدها الاتنين: فرح!!

فرح سحبت ايدها بعصبيه: انا كنت جايه اقولك اني مش هسافر معاك...عن اذنك 

* سابته ومشيت وهو خرج وراها بسرعه *

زين مسكها من ايدها قبل ماتدخل الاوضه: فرح استني

فرح بعصبيه: نعم!!

زين كان لسه هيكلمها ويقولها بس لقي هَنا واقفه علي باب اوضتها تسمعهم وتتأكد لو كان زين فعلاً مبيحبش فرح ولا لأ.....

زين بزهق لما شافها واقفه: فرح انتي مش هينفع تقعدي لوحدك...انتي هتسافري معايا انا وهَنا...

فرح بعصبيه اكتر لما قال هَنا: وانا مش رايحه معاااك ف مكان...

زين بعصبيه: وانا قولت هتيجي...مش هسيبك لوحدي 

فرح: انا مش صغيره وهعرف اقعد لوحدي...مش عايزه ازعجك وانت ف شهر العسل مع الاموره التانيه

زين كان هيضحك لما شاف انها غيرانه بس مسك نفسه: لا هتيجي غصب عنك يافرح...عن اذنك

*سابها ومشي وهي دخلت اوضتها بعصبيه *

هَنا ال كانت متابعه كل ده من بعيد: تعالي يافرح عشان اوريكي بنفسك زين وهو ف حضني...خلاص يافرح هانت اخرجك من حيات زين للأبد...

______________________________________

ندي بزهق: مساء الخير...انا نازل......حاازم!!

حازم بابتسامه: مساء النور 

عماد بابتسامه: تعالي ياندي...

ندي قعدت جمب والدها باستغراب: حازم!! خير في حاجه

حازم: احم...ممكن ياعمي تسيبنا لوحدنا شويه بعد اذنك 

عماد وقف وهو بيضحك: ماشي يابني ربنا يسعدكو..

ندي بصدمه: انت...انت بتعمل اي هنا!!

حازم بابتسامه: جاي ازور عمي انتي مالك 

ندي بابتسامه: عمك!! انا ليه حاسه اني ف ورطه!!

حازم قرب منها ومسك ايدها بابتسامه: ندي!!

ندي بصتله بصدمه: نعم!!

حازم: تتجوزيني!!

ندي حطت ايدها علي بوقها بصدمه: انت...انت عايز..

حازم ضحك: ايوه عايز اتجوزك...موافقه!!

ندي بابتسامه: انا انا مش مصدقه ياحازم...انت بتتكلم بجد

حازم بحزن مصطنع: كنت عارف انك مش هتوافقي..انا اسف عن اذنك 

ندي مسكت ايده بسرعه: استني انا موافقه 

حازم ضحك عليها: مانا عارف...هتلاقي زيي فين حلو وقمور وچينتل 

ندي بمرح: بقولك اي انا غيرت رأيي يلا مع السلامه 

*حازم ضحك وكان لسه هيحضنها بس والدها دخلت*

عماد بابتسامه: هاا ياولاد نقول مبروك 

*ندي راحت تحضن ابوها بكسوف *

حازم بابتسامه: ان شاء الله هجيب والدتي بكره ونتفق علي كل حاجه...ولا اي ياندي!!

ندي بابتسامه: اوك

حازم بابتسامه: طيب عن اذنكم...

_______________________________

مريم ببرود: اتفضل ده ورق الصفقه...مستر زين هييجي بكره وهنبدأ علي طول 

عمرو بزهق: تمام اتفضلي انتي

كانت ماشيه بس هو ناداها*

عمرو وقف بسرعه: استني يامريم 

مريم: افندم في حاجه!!

عمرو مش عارف يبدأ منين ف اتكلم بابتسامه: انا بس كنت عايز اعتذرلك علي طريقتي الصبح...كنت بحسبه بيضايقك ف اتعصبت

مريم: تمام وياريت بعد كده تخليك ف حالك لو حد بيضايقني انا هعرف اتصرف 

عمرو كان هيتعصب عليها بس مسك نفسه واتكلم ببرود: تمام تقدري تروحي 

مريم خرجت وهي مبسوطه انها ضايقته...خلصت شغلها ونزلت من الشركه مستنيه تاكسي*

عمرو كان ماشي هو كمان وشافها واقفه ف قرب منها: اركبي 

مريم بصتله ببرود: ميرسي لحضرتك... انا مستنيه تاكسي 

عمرو نزل بعصبيه وفتحلها الباب: اركبي يامرريم 

مريم بصت حواليها ملقتش اي حد او تاكسي ماشي ف ركبت ببرود *

عمرو عض شفايفه بعصبيه منها وراح يركب جمبها واتحرك...... 

*عمرو كان بيشرب سجاير ومريم اضايقت من ريحتها *

مريم بعصبيه وهي بتسحبها من ايده: ممكن ثواني! 

عمرو باستغراب: ايه بتشربي ولا اي

مريم خدتها منه ورمتها من شباك العربيه: اولا السجاير وحشه جدا علي صحتك وثانيا انا مبحبش ريحتها 

*عمرو بصلها بعصبيه وشغل الاغاني بصوت عالي *

مريم وطت الصوت خالص واتكلمت ببرود: الصوت عالي جدا ده ممكن يأثر عليك وانت بتسوق وبصراحه انا دماغي بتوجعني...

عمرو خبط الشباك ال جمبه بعصبيه: انا ال جبته لنفسي 

مريم مقدرتش تمنع نفسها من الضحك عليه: ممكن تنزلني لو مضايق من وجودي 

عمرو بعصبيه: لا مش متنيل مضايق 

مريم حطت ايدها علي بوقها تمنع الضحك عليه *

مريم بسرعه: وقف...وقف

عمرو وقف بسرعه: فيه اييه!!

مريم بابتسامه: ممكن تنزل تجيبلي ايس كريم من ال هناك ده 

عمرو نزل بعصبيه: لو جايب بنت اختي مش هتقرفني كده....

عمرو بزهق: اتفضلي 

مريم بابتسامه: ميرسي انت مش متخيل بحبه قد اي

*عمرو لف وقعد جمبها وهو بيبصلها بابتسامه *

مريم بصتله: كنت علي طول بتخانق مع ماجد عشان مش بيجبلي و....

بصتله لقته بيبصلها بابتسامه *

مريم بكسوف: عمرو!! انت معايا 

عمرو فاق من شروده: ااه معاكي...تحبي اجبلك حاجه تانيه لا نمشي

مريم بابتسامه: لا خلاص...ميرسي علي الايس كريم

عمرو بصلها بابتسامه واتحرك بالعربيه تاني *

_______________________________________

زين: مش عايز غلطه فاهم

محمود: فاهم ياباشا

زين: مش عايزاها تلاحظ انك بتراقبها....عايزها تتصرف عادي خالص لحد ماتغلط واي حاجه تعملها اعرفها 

محمود: تمام....

زين: روح انت

* طلع اوضه فرح يغير هدومه.... فتح الباب لقي هدوم بتترمي عليه *

فرح بعصبيه وهي بترميله هدومه: اتفضل هدومك اهي متتدخلش الاوضه دي تاني 

زين بص يشوف هنا وملقهاش ودخل الاوضه وقفلها بالمفتاح...

زين بابتسامه ضايقتها: اي يافروحه ياحببتي مالك 

فرح بعصبيه: يابجاحتك وليك عين تهزر معايا 

زين قرب منها بخبث: اي ده انتي مضايقه من هَنا!!

فرح بعصبيه: لأ مش مضايقه من حد..اقولك علي حاجه اشبع بيها هو ده مستواك...وانت هطلقني 

زين بعصبيه: قولتي ايه!!

فرح وقفت قدامه بعصبيه: زي ماسمعت انت كل مره تقولي انك مستحيل تبصلها وبعدها الاقيك بتحب فيها!! وانا مش هستحمل كده كتير ف طلقني ونخلص انا وانت 

زين قرب منها وتقريبا كانت ف حضنه: اوك بس متنسيش انا قولتلك مش هطلقك غير لما اخد حقوقي كلها' غمزلها بابتسامه' ولا اي 

فرح بكسوف وعصبيه منه: انت...انت قليل الادب 

زين بخبث: انا مش هستني عليكي كتير لما نرجع من السفر هيكون ليا كلام تاني معاكي 

فرح بعصبيه: اطلع برا يازين خد هدومك واطلع برا...اقولك ماتروح تنام مع هَنا وبالمره تلبسك هدومك بنفسها!!

زين ابتسم بخبث: صدقي فكره!! وبصراحه هنا حلوه اوي ف الحاجات دي ومفيش احسن منها يساعدني انتي عارفه ان كتفي لسه بيوجعني.

فرح مسكت ايده بعصبيه: انت اتجننت انت رايحلها فعلاً!!

زين: مش انتي ال قولتي!!

فرح بعصبيه: اه فعلاً انا ال قولتلك يلا مع السلامه 

هَنا خبطت علي الباب: زييين انت هنا!!

زين بزهق لما سمع صوتها راح يفتحلها *

زين بابتسامه: هَنا!!

هنا وهو بتبص علي فرح ال واقفه بعصبيه: انت بتعمل اي هنا 

زين: مفيش كنت بجيب شنطتي...جهزتي شنطتك 

هنا بابتسامه: ايوه 

زين: اوك يلا هنتحرك دلوقتي عشان نلحق نوصل

فرح بعصبيه: اطلعو براا عايزه اغير هدومي...ممكن!!

*قفلت الباب ف وشهم بعصبيه *

هنا بعصبيه: هي ازاي تعمل كده!! انا مش عارفه انت ساكتلها ليه 

زين وهو بيبصلها بخبث: متخافيش بكره بالكتير وهطلعها من حياتي خالص 

هنا بابتسامه: الحمدلله تريحنا منها...انا مش عارفه اي ال خلاك تتجوزها اصلا 

زين بابتسامه: عندك حق....

* خلصو كل حاجه ونزلو عشان يروحو شرم*

زين ركب وهَنا كانت رايحه تركب جمبه بس فركت زقتها وركبت هي*

فرح بابتسامه: سوري ياحببتي بس ده مكاني 

هَنا ركبت ورا بعصبيه: متخافيش مش هيفضل مكانك كتير 

*فرح بصتله بتريقه وبصت قدامها تاني *

هَنا: كنت تخلي السواق ييجي يازين انت لسه تعبان

زين:لا انا كويس 

هَنا بدلع: تحب اسوق مكانك!!

فرح بتريقه: تحب اسوق مكانك!! لأ ميرسي مش مستغنيه عن عمري 

*هنا بصتلها بعصبيه وسكتت وزين بص ل فرح وضحك...وطول الطريق ساكتين..لحد ماوصلو *

_ حمدلله علي السلامة يافندم 

زين بابتسامه: الله يسلمك....يلا!!

_ مشي مع فرح وهَنا 

هَنا كانت ماشيه معاهم رايحه اوضتها ف الفندق بس وقفت بصدمه *

هَنا بصدمه: ش...شاكر!!

البارت 22

_________________________________

هَنا بصدمه: ش... شاكر!! 

زين قرب منها بخبث: شاكر مين!! 

هَنا بسرعه: لا لأ مفيش... روح انت وانا رايحه التوليت وجايه وراك

زين بابتسامه: اوك

*سابته ومشيت راحت ل شاكر ال ساعدها تصور فرح *

شاكر بابتسامه: اهلاً مدام هَنا

هنا بعصبيه: انت بتعمل اي هنا 

شاكر ضحك بتريقه: بتفسح 

هَنا بعصبيه: وحيات امك!! امشي من هنا حالا زين لو شافك هنروح ف داهيه 

شاكر: متخافيش مش هيشوفني...انا جاي اخد باقي فلوسي 

هنا بعصبيه: لما اروح القاهره انا مش معايا فلوس هنا ولحد مااتنيل اروح مش عايزه اشوف وشك...ف داهيه 

* سابته ومشيت بعصبيه وراحت اوضتها *

زين وهو بيفتح الباب ل فرح: يلا 

فرح بعصبيه: اتفضل انت انا بعرف ادخل لوحدي

زين بابتسامه: انا ف الاوضه ال جمبك لو احتاجتي حاجه تعالي...

* سابها ومشي وهي دخلت اوضتها بعصبيه *

هَنا كانت بتغير هدومها لقت حد بيخبط *

هَنا بابتسامه: زين...تعالي 

زين دخل الاوضه: اي ياحببتي انتي كويسه!!

هنا بابتسامه: انا كويسه...كويسه طول مانت معايا 

* قربت منه وحضنته *

زين بابتسامه: انا هخلص منها انهارده 

هنا باستغراب: مين!!

زين: من فرح انا هبعدها عن حياتي خالص انهارده وهكون معاكي انتي بس 

هَنا بصدمه: بجد انا مش مصدقه اني اخيرا هخلص منها 

زين بابتسامه: لا صدقي...انا كمان سبتها تنام ف اوضه لوحدها وجيت اقعد معاكي

هنا قربت منه بدلع: تنور طبعا...تحب اساعدك تغير هدومك

زين بابتسامه: ياريت 

هنا وهي بتفك زراير قميصه: بس كده..من عنيا 

زين بصلها بخبث: تعالي ننام شويه انتي اكيد تعبانه من السفر 

هنا مسكت ايده بابتسامه: يلا 

* زين غير هدومه وعمل نفسه نايم *

هَنا بابتسامه وهي نايمه جمبه: انا مش مصدقه انك بقيت معايا بالسرعه دي... انا مش عارفه حبيتك امتي بس خلاص مش عايزه ابعد عنك ياحبيبي...انا خلاص اول ماتطلق فرح هنتجوز واكون ملكك انت...

* بصتله بابتسامه وهو نايم ونامت علي ايده وهي مبسوطه*

زين اول ماتأكد انها نامت حاول يقوم براحه وجاب تلفونها وفاتحه بإيدها وهي نايمه وبعت رساله ل حد وهو بيبتسم بخبث *

زين وهو بيبصلها وهي نايمه: انا مش عارف انتي ليه تعملي كده...بس خلاص ياهنا انا زهقت من وجودك ف حياتي وف حيات فرح وقريب اوي اوي هخلص منك...

_______________________________

هَنا صحيت بتعب علي خبط علي الباب باستمرار *

هنا بعصبيه وهي رايحه تفتح: اوف..مين!!

شاكر بابتسامه اول مافتحت: اهلا 

هنا بصدمه وهي بتبص حواليها: انت..انت اتجننت انت ازاي تجيلي لحد هنا 

شاكر: نعم!! مش انتي ال قولتي تعالي انا ف الاوضه لوحدي وتعالي خد فلوسك

هَنا دورت علي زين بعينها ف الاوضه وملقتهوش: ادخل قبل ماحد يشوفك

هَنا دخلته وقفلت الباب بسرعه قبل مازين يشوفها: انا هخلص عليك لو ممشتش من هنا فااهم...وبعدين انا كلمتك امتي انت هتكدب

شاكر : لا ياحلوه انتي باعته رساله من شويه قولتي  تعالي.. وجيت اهو فين الفلوس 

هَنا بعصبيه: مفيش فلوس ويلا من هنا 

شاكر بعصبيه: لاا ياقطه انا عندي استعداد اروح  لزين دلوقتي واحكيله ان انتي ال طلبتي منه اتصور مع مراته 

زين طلع من البلكون: وانا موجود اهو

هنا بصدمه لما شافته: زين... زين كويس انك جيت..ده وبيهددني ده كداب ده... 

شاكر بعصبيه: مين الكداب!! انتي ناسيه ولا اي ده انتي ال جيبهالي بنفسك 

هنا بصتله بعصبيه: انت كداااب.. صدقني يازين ده كداب وانا معرفش هو بيتكلم  عن اي 

شاكر بعصبيه: والله يازين بيه انا بقولك الحقيقه دي حَيه وهي ال اتفقت معايا علي كل

هنا: لا.. لا يازين متصدقهوش انا حبيبتك صح!! 

زين قرب منها بهدوء: اه اه طبعا انتي حبيبتي وانا اكيد مش هصدق عليكي حاجه زي كده 

زين كان حاطط ايدها علي كتفها بس مسك شعرها بعصبيه : بس الكلام ده ياروح امك تضحكي بيه علي حد غيري...انتي طلعتي وسخه ومتستهاليش ال بعمله معاكي

هَنا بدموع: لا يازين ابوس ايدك متقولش كده...انا بحبك يازين ومستعده اعمل اي حاجه عشانك 

زين ضربها بالقلم وقعها ف الارض وراح بسرعه ل شاكر ال كان هيهرب ومسكه من هدومه *

زين بعصبيه: علي فين يابن ال **** ورحمه امي ماهرحمك علي ال عملته مع فرح 

* زين بدأ يضربه ف وشه جامد وبعصبيه لحد ماوقع علي الارض *

زين وهو بيضربه برجله ف بطنه: دي عشان ضربت مراتي علي راسها 

شاكر بتعب: ااااه ابعد عني 

زين ضربه واحده اقوي ف بطنه: ودي عشان صورتها وهي كده 

شاكر وهو علي وشك انه يغمي عليه من التعب: اااااه الحقونييي 

زين مسكها بعصبيه وبدأ يضربه ف كل مكان ف جسمه لحد ماالامن جه علي صوتهم *

زين بعصبيه: الكلب ده يتربط تحت ويقعد اسبوعين من غير اكل ولا مايه لحد مايعرف ان الله حق

_ تحت امرك ياباشا 

قفل الباب وقرب من هنا ال كانت متابعه ال بيحصل برعب وهي بتعيط*

هنا وهي بترجع بضهرها بخوف: زين...زين اسمعني اااه 

مسكها من شعرها بعصبيه: انتي عارفه ياهنا انا كنت قايل اني مش همد ايدي علي واحده ابدا بس الظاهر كده ان في ناس مينفعش معاها الاحترام 

هنا مسكت ايده بدموع: انا اسفه يازين اسفه والله مش هعمل كده تاني..بس سيبني 

زين ضربها بالقلم: ده عشان فكرتي تأذي مراتي وبسببك كنت هطلقها وساعتها كنت هقتلك...دلوقتي حالا تخرجي من هنا لا مش من هنا بس تخرجي من مصر كلها انا حجزتلك اول طياره رايحه امريكا انا مش عايز اأذيكي عشان امك موصياني عليكي غير كده كنت دفنتك هنا...الطياره هتتحرك بعد ساعه ورحمه امي لو شفتك ف مصر حتي لو بالصدفه لاكون قتلك فاااهمه 

هَنا بخوف: فاهمه...فاهمه

*زين رماها علي الارض بعصبيه وسابها ومشي*

فرح بعصبيه وهي بتفتح: نعم!!

زين حضنها بسرعه ودخل وقفل الباب وهو لسه حاضنها *

فرح بعدته عنها بصدمه: زين انت كويس!! اي ال مبهدلك كده واي الدم ال ف ايدك ده 

زين شالها وهو حاضنها: سامحيني يافرح سامحيني علي اي حاجه عملتها...سامحيني اني شكيت فيكي يس خلاص ده مش هيحصل تاني 

فرح بعدت وهو شايلها ومسكت وشه بخوف: زين انت كويس!!

زين: هحكيلك كل حاجه بعدين....فرح عايزك تعرفي اني بحبك...بحبك انتي ومحبتش غيرك 

فرح نزلت وقفت علي رجله وهي حاضنه رقبته بحب: لاسف انا كمان بحبك يازين

بصلها بصدمه وهي كملت بابتسامه: ايوه بحبك...بحبك اوي يوم مادخلت المستشفى كنت فاكره اني هخسرك وساعتها مقدرتش او اتخيلت حياتي من غيرك...

زين بصدمه: انتي قولتي اي!!

فرح ابتسمت: بحب.....

 قبل ماتكمل كلامها شالها بحب حطها علي السرير بهدوء وقرب منها من غير اي مقدمات قرب من شفايفها وباسها...باسها بكل المشاعر ال جواه بكل الحب ال جواه وكل ال مرو بيه سوا وهي كانت تايهه معاه هي بتحبه بعد كل ال حصل حبها اتغلب عليها وتاهت معاه ف عالمهم الخاص..عالَم زين وبس....

________________________________

زين صحي علي صوت تلفونه ال مبطلش رن: الووو

عمرو ضحك: اييه انت جاي تصيف وانا مش واخد بالي... كلنا موجودين ف الشركه مفيش غيرك

زين بص ل فرح ال كانت نايمه جمبه بابتسامه: طيب انا جاي اهو 

فرح صحيت علي صوته وبصتله بابتسامه*

زين بابتسامه: صباح الخير 

فرح دارت وشها ف حضنه بكسوف: صباح النور 

زين باسها من جبينها بابتسامه: معلش ياحببتي هضطر اغيب عنك ساعتين كده هحضر الاجتماع ده واجيلك علي طول 

فرح: اوك...متتأخرش

زين وهو بيقوم من جمبها: مقدرش اتأخر عليكي

_قام غير هدومه بسرعه ببدله سودا ابرزت عضلاته...

زين وهو خارج بابتسامه خبيثه: مش هتأخر عشان نكمل كلامنا 

فرح رمته بالمخده ال جمبها بعصبيه: قليل الادب

* سابها وخرج من الاوضه وهو بيضحك عليها ومبسوط انها اخيرا اعترفت بحبها وبقت مراته....

__________________________________

نيللي بفرحه: مبروووك ياحببتي...معلش بقي مش بعرف ازغرط ههه

ندي بابتسامه: ميرسي اوي يانيللي انك جيتي

نيللي حضنتها بابتسامه: ازاي مجيش وانهارده خطوبتك 

ندي بحزن: سامحيني يانيللي وخلي فرح تسامحني 

نيللي: بطلي كلامك ده انا هزعل منك ليه..وانتي عارفه فرح مش بتزعل من حد...هي بس مسافره واكيد هتيجي الفرح...بطلي بقي انهاردة خطوبتك لازم تكوني مبسوطه 

ندي بابتسامه: مبسوطه اي انا مكسوفه اوي حاسه اني اول مره هشوف حازم 

نيللي ضحكت: اااه لو حازم هنا كان مات من الضحك عليكي وانتي مكسوفه كده 

ندي بدموع: تفتكري انه بيحبني ولا لسه بيحب فرح!!

نيللي: حازم عاقل وعارف ان فرح خلاص متجوزه واكيد مش هيفكر فيها والدليل علي كده ان انهارده خطوبتكو...وبعدين انتي عارفه حازم مش بيعمل حاجه غصب عنه ف اكيد مش هيخطب غصب عنه انا متأكده انه بيحبك حتي لو باين دلوقتي بس اكيد بعد الجواز هيبان..ودي بقي مهتمك انتي 

ندي حضنتها: ربنا يخليكي ليا يانيللي انتي اكتر من اختي 

نيللي بابتسامة: خلاص بطلي دموع لو حازم شافك كده هيلغي الخطوبه خالص 

ندي ضحكت: لاا خلاص

مجيده: هاا يابنات خلصتو...حازم بره

ندي بكسوف: ايوه ياماما 

مجيده قربت منها وباستها من جبينها وحضنتها: ماشاء الله ربنا يحميكي يابنتي ويسعدك 

ندي حضنتها بحب وخرجو سوا....

نيللي كانت خارجه وراها ولقت ماجد بيشاورلها ف راحتله بسرعه *

نيللي بابتسامة: انت بتعمل اي هنا 

ماجد بصلها بابتسامه: اي القمر ده!! 

نيللي بكسوف: ميرسي....مقولتش بردو جاي ليه 

ماجد بخبث: بصراحه جاي اقابل واحده كده بس مش عارف راحت فين

نيللي بعصبيه: والله!! طيب عن اذنك بقي عشان معطلكش 

ماجد مسك ايدها وضحك: علي اساس انك مش عارفه هي مين!!

نيللي ابتسمت بمرح: لا معرفش 

ماجد ابتسم: ترقصي؟

نيللي بكسوف: اوك

_حازم كان واقف مستنيها هو اه مبقاش يحب فرح وندي شغلت حياته بس غصب عنه اتخيلها وهي بتقرب منه بس بسرعه لغي الافكار دي من دماغه وقرب من ندي بابتسامه 

حازم وهو بيمسك ايدها بمرح: بقول نكتب الكتاب علي طول...احنا لسه هنستني 

ندي ضربته علي كتفه بكسوف: بطل بقي 

حازم قرب منها بابتسامه ورقصو سوا *

_______________________________________

*فرح كانت قاعده ف الاوضه بس زهقت والوقت وزين لسه مجاش وكمان تلفونه مقفول...ف نزلت تتمشي علي البحر شويه *

فرح كانت قاعده ف كافيه علي البحر وماسكه تلفونها بملل *

فرح باستغراب: بس غريبه يعني مشوفتش هَنا!! اممم اكيد طفشت ههه 

_ فرج الغرباوي مستحييل!!

فرح بصت للصوت بصدمه: مروان!!!

البارت 23

______________________________

_فرح الغرباوي مستحييل!!

فرح بصت للصوت بصدمه: مروان!! 

مروان قعد جمبها: اي الصدفه دي...انتي بتعملي اي هنا 

فرح بابتسامه: انا هنا مع....مع جوزي 

مروان بصدمه: ايييه!! انتي اتجوزتي!

فرح بصت حواليها واتكلمت بابتسامه: يخربيتك وطي صوتك في اي 

مروان: انتي بتهزري صح!! فرح تتجوز؟! ده انتي كرهتيني ف الجواز والارتباط والجو ده تروحى انتي متجوزه...ومين بقي تعيس الحظ ده 

فرح ضحكت: زين صفوان من اكبر رجال الاعمال في مصر 

مروان بصلها: الله يرحم لما كنتي بتقوليلي مستحيل اتجوز ومستحيل ابوظ جسمي اما موديل و كلام كده ههه

فرح رفعت صباعها ف وشه: انا لسه زي مانا متغيرتش...هفضل طول عمري فرح الغرباوي 

مروان بابتسامه: اكيد...لسه قمر زي مانتي 

فرح: وانت ف شرم ليه!!

مروان: انا...

زين حط ايده علي كتفه: لا انت هتموت حالا

مروان بعصبيه: افندم!! انت مين 

فرح قامت بسرعه: زين!!

مروان وهو بيبصله من فوق ل تحت: هو انت بقي زين...تشرفنا 

زين قرب من فرح وحط ايده علي وسطها بابتسامه مصطنعه: عن اذنك...واحد ومراته بقي طالعين يرتاحو شويه

* مسكها من ايدها بعصبيه ودخلو الفندق *

فرح وهي بتحاول تفك ايدها: زيين!! سيبني 

زين كان ماسكها من غير مايتكلم وفتح الاسانسير وشدها بعصبيه:.......

فرح بعصبيه: زين سيبني انت بتوجعني 

زين ساب ايدها وقرب منها بغضب وهي كانت بترجع بضهرها لحد ماخبطت ف ضهر الاسانسير وهو حاوطها بإيدها *

فرح حاولت تقلب الترابيزه عليه لما شافته متعصب: اه انت كنت فين!! قولتلي ساعتين وهرجع وقعدت خمس ساعات!! وكمان مش بترد علي تلفونك

زين بعصبيه: وعشان اتأخرت شويه ارجع الاقيكي قاعده مع راجل غريب!!

فرح حاولت تبعده: زين ابعد عني ممكن الباب يفتح 

زين قرب منها اكتر: انا متعصبتش قدامه بس ورحمه امي لو قرب منك تاني لاكون قاتله 

فرح بعصبيه: في اي يازين ده مروان كان بيشتغل معايا وشافني بالصدفه وكان بيسلم عليا محصلش حاجه ل كل ده 

*الباب اتفتح وزين بصلها ببرود وسابها ومشي *

-فرح بصتله بعصبيه ودخلت وراه الاوضه... دخلت وملقتش حد وعرفت انه بياخد شاور ف قعدت علي السرير بعصبيه....

زين طلع وغير هدومه وهو متجاهلها تماما وخلص وقعد علي السرير وهو ماسك الابتوب من غير مايبصلها *

فرح وقفت قدامه بعصبيه: انت جايبني هنا عشان تروح الشركه الصبح وبليل تشتغل هنا!!

زين ببرود: مش عايز اسمع صوت.. هعمل مكالمه فيديو مهمه

فرح بصتله بعصبيه ودخلت تاخد شاور هي كمان وتغير هدومها...*

فرح بخبث: وريني بقي هتفضل متجاهلني كده لحد امتي!!

*كانت ماسكه قميص قصير جدا وشفاف مبين تفاصيلها بطريقه مغريه *

فرح طلعت من الحمام ووقفت تبصله بعصبيه وهو بيضحك مع ال بيكلمه...ف قربت منه تشوف بيضحك ليه

زين بابتسامه: اوك هستناكي 

_ اوك متنساش انك هتعزمني علي كل حاجه

زين: اكيد ده شيء يسعدني 

فرح بعصبيه: نعععم!! انت بتخوني عينك عينك كده!! 

زين من غير مايبصلها: اوك يا ديما هستناكي سلميلي علي احمد..بااي 

فرح بعصبيه: بصلي هنا!! 

زين بصلها وابتسم بإنبهار بس بسرعه شال الابتسامه وبصلها ببرود: نعم!!

فرح بعصبيه: بابرودك!! انت بتكلم واحده قدامي!!

زين وقف وراح حط الابتوب ف مكانه وقف قدامها بابتسامه: اوك ياحببتي هبقي اكلمها من وراكي بعد كده 

فرح ضربته علي صدره بعصبيه وكانت هتمشي بس مسك ايدها وهي كانت بتبص ف الارض ف رفع وشها يشوف عينها *

زين باستغراب: حببتي انتي بتعيطي!!

فرح بدموع: انت بتخوني..

زين مقدرش يمنع نفسه وضحك عليها *

فرح بعصبيه: انت بتضحك؟!

زين شدها ليه وحضنها جامد: مقدرش اخونك ياحببتي دي مجرد عميله مهمه شويه وعلي فكره متجوزه قولتلها قدامك سلميلي علي احمد!!

فرح بصتله والدموع لسه ف عينها: كان ممكن يكون اخوها انا هعرف منين..وبعدين حتي لو متجوزه متكلمش حد غيري 

زين شالها بابتسامه: انا نفسي مكلمش حد غيرك..نروح مكان انا وانتي وبس مش عايز حد يكلمك او يشوفك غيري..محدش يشوف العيون دي غيري انا 

فرح حضنته من رقبته بكسوف: انا بحبك اوي يازين 

زين بعدها عنه شويه وهو بيبص علي ال لبساه بخبث: بس حلو ال انتي لبساه ده 

فرح ضحكت بمرح: كنت عارفه انه هيعحبك 

زين ضحك: انتي  عارفه اي ال هيعجبني اكتر!!

فرح: ايه!!

زين بخبث وهو بيقربها منه: لا تعالي اقولك ف ودنك 

فرح ضربته علي صدره بكسوف وهو شالها بابتسامه وتاهت معاه ف عالمهم الخاص...

____________________________________

عمرو بسرعه: مريم..مريم!!

مريم: في حاجه يا استاذ عمرو!!

عمرو بابتسامه: استاذ اي بقي...انا كنت عايز اعزمك علي العشا 

مريم: بمناسبه اي 

عمرو: اي حاجه..انتهاء الصفقه مثلا

مريم بابتسامه: اممم هفكر 

عمرو بزهق: يابنتي ارحميني بقي...يلا هوصلك الاوتيل تغيري هدومك دي 

مريم بعصبيه: ومالها هدومي دي!!

عمرو بصلها بتريقه كانت لابسه بنطلون وعليه شيميز وفوقه بليزر..'ملابس رسميه'

عمرو ابتسم: يعني بقولك نتعشي سوا بدل ماتلبسيلي فستان وتسيبي شعرك ال علي طول بشوفك عملاه كعكه ده 

مريم بصتله بعصبيه: لو مش هعجبك لبسي وشعري ممكن تشوفلك واحده لابسه فستان فوق ومفتوح من الضهر والصدر وشفاف!! 

عمرو ضحك: اوووه.. هو في احلي من كده

مريم بعصبيه: طيب روح شوفلك واحده تلبس كده....انا لأ عن اذنك 

عمرو مسك ايدها بسرعه وهو بيضحك: استني بس انا بهزر

قرب منها بابتسامه: بالعكس انا مش عايزك تلبسي كده ابدا...عايزك تعرفي ان اللبس الضيق والقصير عمره مالفتت نظري..ااه انا ممكن ابصلها كده او كده بس يوم ماهحب واحده مش هحب واحده بتعرضلي جسمها 

مريم بابتسامه: اوك...يلا عشان اتأخرنا 

عمرو بابتسامه اكبر: يلا

* وصلو الفندق وكل واحد دخل اوضته يغير هدومه *

مريم بعصبيه: اووف مش عارفه ألبس اي!! 

كانت بدور علي حاجه تلبسها بس كل هدومها للشغل وبس ورسميه...بس لقت الباب بيخبط

مريم فتحت: ايوا 

_ اتفضلي 

مريم خدت الشنطه باستغراب: اي ده!!

_ مستر عمرو طلب مني اجبهولك...عن اذنك 

* مريم قفلت الباب ودخلت تشوف اي ف الشنطه وفتحتها ولقته فستان زهري سيمبل وعليه ورود بيضاء رقيقه...وفرحت انه مش قصير او مفتوح بالعكس كان طويل ومش شفاف....

مريم وهي حطاه عليها وهي بتشوفه قدام المرايا: واو حلو اوي 

*ابتسمت بكسوف لما تلبسه ويشوفها بيه*

_ عمرو كان مستنيها بعد مالبس هدومه قدام الفندق...

كان لسه هيروحلها بس وقف بصدمه لما شافها جايه وهي لابسه الفستان ال بعته وسايبه شعرها بحريه وحاطه ميكيب خفيف يكاد يكون مش موجود بس مخليها جميله ورقيقه....قرب منها بابتسامه 

عمرو وهو ماسك ايدها بيبوسها بحركه مسرحيه: يخربيتك كنتي مخبيه الحلاوه دي فين 

مريم بعصبيه: قصدك اني كنت وحشه قبل كده!!

عمرو بسرعه: لا طبعا طول عمرك قمر...احم يلا!!

مريم بكسوف: يلا....

* وصلو مكان تاني علي البحر منعزل شويه...كان الشط كله متزين بالورد والانوار حواليها بطريقه جميله وفي ممر من الورد بيوصل ل ترابيزه وحيده عليها أكل ومتزينه بالورد....

مريم بصدمه: واو ايه ده كله!!

عمرو مسك ايدها بابتسامه: ده عشانك 

مريم بابتسامه: عشاني انا!!

عمرو وقف قدامها وهو ماسك ايدها الاتنين بابتسامه: أقل حاجه اقدمهالك...

مسك ايدها ومشي معاها لحد ماوصلو الترابيزه وقف جمبها وهما بيبصو علي البحر وعمل حركه بإيدها وكانت الاضواء الناريه مزينه السما...

عمرو بصلها بابتسامه: مريم انا عارف اننا اتقابلنا من فتره قصيره ولسه منعرفش بعض كويس بس غصب عني...حبيتك من اول ماشوفتك وانا مش قادر انساكي مش عارف ازاي انا مكنتش متخيل اني هحب واتجوز كنت عايش حياتي بالطول وبالعرض زي مابيقولو بس انتي جيتي ومن غير ماتحسي خليتيني مجنون بيكي...انا عارف انك تسمعي عني اني بتاع علاقات وبس...بس صدقيني انا مبقش عايز حاجه غيرك..غير انك تكوني حبيبتي ومراتي مش عايز غيرك انتي

_مريم كانت بصاله بصدمه وفرحه ودموع

عمرو طلع خاتم من جيبه وبصلها بابتسامه: تتجوزيني يامريم!!

مريم بصتله بصدمه وشويه تبصله وشويه تبص للخاتم بدموع واخيرا هزت راسها بموافقه *

عمرو لبسها الخاتم بابتسامه وبعدها باس ايدها: بحبك 

مريم بابتسامه: وانا كمان

_ مسك ايدها بابتسامه وبدأو يرقصو علي الموسيقي ال اشتغلت.....

_________________________________

فرح قامت بابتسامه وهي بدور علي زين ف الاوضه: زييين!!

قامت باستغراب تدور عليه: زين!! راح فين ده 

زين جه من وراها: انا اهو 

فرح بفزع: اعااا في ايه!! 

زين ضحك وهو بيحضنها: كنت بعمل مكالمه ف البلكونه..وخوفت تصحي 

فرح وقفت علي رجله بابتسامه وهي ماسكه رقبته:لا متخافش عايزه اصحي الاقيك جمبي 

زين باسها بوسه سريعه من شفايفها: بس كده..عيوني طبعا

فرح قربت من وشه بابتسامه: مش مصدقه انك معايا يازين...

زين بخبث: لو قربتي اكتر من كده...مش عارف بصراحه هعمل ايه انا ماسك نفسي بالعافيه

فرح بعدت عنه وهي بتضحك: لا خلاص...اه صح انت امبارح روحت الشغل وجيت ونمت من غير ماتقولي اي ال حصل!! وانا مشوفتش هنا من اول ماجينا؟!

زين اتنهد بعصبيه: خلاص انسيها راحت لحالها 

فرح باستغراب: يعني اي 

زين قرب منها بابتسامه: قولتلك قبل كده يافرح مفيش حد غيرك ف حياتي عشان كده بعدتها عني وخصوصا انك مضايقه من وجودها 

فرح بشك: بس دي صاحبتك!! وقبل مانيجي هنا كنت قريب منها 

زين حاول يغير الموضوع..هو مش عايز يقولها علي ال عملته هَنا معاها: كنت بشوفك بتغيري ولا ولا

فرح قربت منه بابتسامه: وعرفت!!

زين كان هيحضنها بس لقي تلفونه بيرن *

زين بابتسامه: ايوه يامحمود!!

محمود: زين بيه في موضوع مهم بخصوص والد مدام فرح 

زين بقلق: خير في ايه 

محمود: عاصم باشا خسر فلوسه كلها حتي الڤيلا ال هو فيها وحاليا هو ف المستشفى والدكاتره بتقول انه جاتله جلطه من الصدمه...

زين بصدمه: بتقول اييه!!

فرح قربت منه بخوف: في اي يازين انت كويس!!

البارت 24

___________________________

زين بصدمه: بتقول اييه!!

فرح قربت منه بخوف: في اي يازين انت كويس!!

زين قرب منها وحضنها *

فرح بعدت عنه: زيين في اي!! 

زين بحزن: والدك 

فرح: ماله! 

زين اتنهد: خسر كل فلوسه وهو ف المستشفى دلوقتي

فرح بعدت عنه وقعدت علي السرير ف صمت: ممكن اروحله!!

زين قعد جمبها وحضنها من كتفها: اكيد انا هكلمهم يجهزو كل حاجه وهحجز اول طياره للقاهره 

فرح قامت بهدوء: اوك هقوم اغير هدومي 

زين بصلها بحزن هو عارف ان عاصم ظلمها كتير وهو سبب ال هي فيه بس مهما كان ده والدها.....

*وبعد ساعتين كانو ف القاهره وفرح طول الوقت سرحانه ومش بتتكلم *

زين بعد ماوصلو المستشفى: لو سمحت عاصم الغرباوي غرفه رقم كام

_ اهلا يافندم.. استاذ عاصم غرفه رقم 102 الدور التاني 

زين: اوك...شكرا

*فرح طلعت معاه ف هدوء تام لحد ماوصلو الاوضه *

زين: ادخلي انتي هستناكي هنا 

فرح مسكت ايده: ل..لا تعالي معايا 

زين حضنها ودخل معاها واول مادخلت وقفت بصدمه وهي شيفاه مش قادر يتحرك نايم ودموعه بتنزل ف صمت...

فرح قربت منه وقعدت جمبه بابتسامه ومسحت دموعه بإيدها: اي ياعاصم باشا من امتي وانت بتعيط!! اه اه كنت بشوفك بتعيط زمان علي ماما...بس انا!! انت كنت بتستمتع وانا بعيط صح!! مكنتش عايزه حاجه منك غير حضن!! 

عاصم بصلها ودموعه نزلت اكتر وهو بيحاول يحرك ايده يوصلها: ف..فر..ح..س..سامحين..ي 

فرح وقفت بعصبيه: وانت ليه مسامحتنيش!! لييه دايما تفكرني اني سبب موتها انا كان ذنبي اييه!! كان ذنبي ايه ياعاصم باشاا 

زين قرب منها وحط ايده علي كتفها: اهدي يافرح.

فرح بصتله ودموعها نزلت اخيرا: زين انا عملت ايه عشان يعمل فيا كده...انا عملت ايه يازين 

زين حضنها وهو بيمشي ايده علي شعرها بحب: خلاص ياحببتي...هو عرف غلطه..سامحيه يافرح كلنا بنغلط

فرح بعدت عنه: لا يازين لا مستحيل اسامحه...

بصت ل عاصم بدموع: انت عارف كان ممكن اسامحك زمان...كان ممكن اسامحك لإني كنت محتجالك ومحتاجه لحضنك بس دلوقتي اكتشفت من كتر قسوتك عليا اني مبقتش محتجالك...وجودك زي عدمه 

* سابته وطلعت من الاوضه بعصبيه وهي بتعيط وزين طلع وراها بسرعه *

زين مسك ايدها بسرعه: فرح!!

فرح حضنته وهي بتعيط: مش قادره يازين مش قادره...هو السبب...مش هقدر اسامحه مش هقدر 

زين بعدها عنه ومسح دموعها: خلاص ياحببتي اهدي 

فرح: عايزه امشي من هنا يازين مبحبش المستشفيات 

* زين استنتج انها مبتحبش المستشفيات لما كانت ف المستشفى النفسي...ف ابتسملها وحضنها ومشيو *

_ وصلو البيت وفرح حست انها تعبانه وطلعت الاوضه علي طول...وزين طلب محمود ف المكتب..

محمود: تحت امرك يازين بيه 

زين: محمود عايزك تروح تروح تدفع حساب المستشفى ل عاصم وتقعد معاه وتجيبه بكره 

محمود: اجيبه هنا!!

زين: ايوه..روح يلا 

محمود بابتسامه: حاضر ياباشا..عن اذنك

* زين قعد شويه ف المكتب خلص شغله وطلع الاوضه....دخل الاوضه لقي فرح نايمه ف دخل اخد شاور وغير لبسه لشورت اسود وسرح شعره وقرب من فرح ونام جمبها وقعد وهو باصصلها وهو بيرجع شعرها من علي عينها...

فرح فتحت عينها براحه وابتسمت لما شافت زين جمبها: اتأخرت ليه 

زين باسها من جبينها: معلش ياحببتي كنت بخلص شويه حاجات مهمه

_فرح قربت منه ونامت علي صدره وهي حضناه وهي ابتسم وقربها ل حضنه ونام جمبها.....

________________________

مريم دخلت بابتسامه وهي بدور علي ماجد بعد مارجعت من السفر: مااجد...مااجد انت فيين

_ سمعت حركه ف المطبخ دخلت لقته بيعمل قهوه..

مريم اتسحبت بهدوء وخضته مره واحده: بتعمللل ايييه

ماجد بفزع: الله يخربييتك ياشيخه 

مريم ضحكت: انتي اتخضيتي يابطه!!

ماجد مسكها من هدومها بمرح: بت انتي احترمي نفسك!! بقي دكتور ماجد علي اخر الزمن هيبقي بطه 

مريم بابتسامه: بقولك اي اعملي معاك فنجان قهوه لما اغير هدومي عشان عايزه اتكلم معاك ف موضوع كده 

ماجد: موضوع ايه

مريم جريت من قدامه بسرعه: هغير هدومي اجيلك 

ضحك عليها وعمل القهوه واستناها ف الصاله وبعدها بدقايق طلعت وقعدت جمبه...

ماجد: هاا بقي موضوع ايه

مريم بكسوف: هو يعني بصراحه...

ماجد ضحك: اااه قدام الكسوف ال انتي فيه ده يبقي فيها عريس 

مريم هزت راسها بموافقه *

ماجد بابتسامه: اممم اعرفه!!

مريم بصتله بتوتر: ايوه 

ماجد بشك: مين!! 

بصتله بكسوف وتوتر: هو يبقي.. عمرو 

ماجد بسرعه: نعععم!! مش لاقيه غير عمرو ده...

مريم قاطعته بسرعه: لا يا ماجد عمرو بيحبني بجد وبالنسبه لعلاقاته دي كانت قبل مااعرفه دلوقتي خلاص 

ماجد: هو ال قالك كده صح!! وطبعا صدقتيه زي الهبله 

مريم: ياماجد اسمعني..

ماجد بهدوء نسبي: اسمعيني انتي..عمرو صاحبي مقولتش حاجه بس انتي اختي!! انا لو مش عارف عمرو وعارف دماغه كنت قولت ماشي بس عمرو لأ مهما تعملي عمرو مش هيتغير..

مريم بحزن: بس هو بيحبني صدقني 

ماجد: وانتي بتحبيه!!

مريم بكسوف: ايوه 

ماجد بصلها بعصبيه: وانتو كنتو رايحين تشتغلو ولا تعترفو لبعض بحبكو!! اكيد عزمك علي نايت كلاب من ال بيسهرو فيه!!

مريم بصتله بصدمه: انت تعرف عني كده ياماجد!! انا مش بدخل الاماكن دي وانت عارف..وبعدين مفهاش حاجه لو عزمني علي عشا واتكلمنا انا مش صغيره وهعرف اصده لو حسيت منه حاجه

ماجد قرب منها وحضنها بابتسامه: معلش ياحببتي اتعصبت شويه...انا واثق فيكي بس مش واثق من تصرفات عمرو...علي العموم انا هتكلم مع عمرو ولو حسيت انه فعلاً بيحبك هكلم بابا وماما واقولهم 

مريم بفرحه: بجد ياماجد!! انا مش عارفه اقولك ايه... انا بحبك اوي 

ماجد ضحك بخبث: بتحبيني انا بردو!!

مريم ضحكت بكسوف: طبعا انت حبيبي...عن اذنك بقي هدخل انام شويه جايه من السفر تعبانه 

__________________________________

* تاني يوم مريم صحيت وهي مبسوطه انها قالت ل ماجد وكمان رايحه الشركه وهتقابل عمرو...

- في الشركه عمرو كان ببشتغل علي صفقات متراكمه ولقي حد بيخبط علي مكتبه وبيدخل

ميرنا بابتسامه: عموري وحشتني اوي 

عمرو بصلها ببرود: ميرسي ياميرنا 

مرينا قربت منه وقعدت علي المكتب قدامه: اخس عليك ياعموري يعني بعد كل ده وتقولي ميرسي 

عمرو وقف بزهق: عايزه اي ياميرنا انا مش فاضيلك وبعدين وسبق وقولتلك ركزي ف شغلك وبس!!

ميرنا قربت وهي بتمشي ايدها علي دقنه: مش قادره ياعمرو غصب عني بفكر فيك...

عمرو بصلها كتير هو عارف انها حلوه وانها كانت عجباه اول ماجت الشركه بس دلوقتي مش قادر يبصلها مش متخيل حد معاه غير مريم ومريم وبس

فاق من شروده علي بوسه من خده*

ميرنا باسته بوسه كمان من رقبته وهي قاصده تسيب علامات الروچ عليه: وحشتني اوي ياعمرو 

عمرو كان باصصلها وبس عايز يعرف اي أخرها كانت ماسكه رقبته وبتبوسه...مكنش معاها مش شايفها عرف اني دي خيانه ل مريم مسك ايدها وكان لسه هيبعدها بس لقي الباب بيفتح..

مريم دخلت بابتسامه: عمرو عندي ليك..... مفأجأه...

مريم وقفت بصدمه وهي شايفها حاضن ميرنا وأثار الروچ بتاعها علي خده.....

عمرو زق ميرنا بسرعه وقرب منها: مريم انا كنت....

مريم بدموع وعصبيه منه: انت حقيير انا غلطانه اني صدقتك...ماجد كان عنده حق انت مش هتتغير هتفضل طول عمرك زبااله 

كانت ماشيه بس هو مسك ايدها بسرعه: مريم اسمعيني..صدقيني انا بحبك انتي....

مريم شدت ايدها بعصبيه: كفايه كدب بقيي انت اييه!! مش عايزه اشوف وشك تاني 

* سابته ومشيت بعصبيه وهو كان زي المجنون كسر اي حاجه قدامه وقرب من ميرنا بعصبيه

عمرو مسكها من ايدها بعصبيه وبدأ يضربها: انتي حقيره...انتي حيوانه 

ميرنا بدموع وهي حاطه ايدها علي خدها: عمرو حراام عليك 

عمرو بعصبيه: اطلعي برا انتي مطروده مشوفش وشك هنا تاني....اطلعييي 

ميرنا وقفت بسرعه: حاضر...حاضر

* سابته وطلعت بسرعه من قدامه وهو قعد بعصبيه يفكر ف مريم...هو عارف انها معاها حق تعمل اكتر من كده..بس كان عايزها تسمعه الاول....

______________________________

فرح صحيت بتعب لقت الوقت اتأخر ف قامت بسرعه غيرت هدومها ونزلت تدور علي زين...قالها انه مش هيروح الشركه انهارده....

نزلت عرفت انه ف اوضه المكتب...

فرح دخلت بابتسامة: صباح الخير...

زين بصلها بابتسامه صغيره بس سمعت صوت تاني: ازيك يافرح

فرح بصت للي قاعد وراها بصدمه: حازم!!

البارت 25 

___________________________

فرح دخلت بابتسامة: صباح الخير...

زين بصلها بابتسامه صغيره بس سمعت صوت تاني: ازيك يافرح

فرح بصت للي قاعد وراها بصدمه: حازم!!

حازم وقف وبصلها بابتسامه حزينه: انا أسف طبعا اني جيت من غير ميعاد

زين قرب من فرح بابتسامه مصطنعه: لا ولا يهمك مهما كان انت كنت زميل فرح 

فرح بصت ل زين باستغراب من هدوءه وبعدها بصت ل حازم بابتسامه: الف مبروك ياحازم عرفت انك خطبت ندي 

بصت لزين وهي بتتكلم عشان تعرفه ان حازم خلاص خاطب...

حازم بابتسامه: انا جايلك عشان كده...فرحنا انا وندي الاسبوع الجاي واتمني انك تحضري...انتي والاستاذ زين طبعاً

زين حضن فرح من وسطها بابتسامه: اكيد طبعا 

حازم اتنهد بابتسامه: طيب عن اذنكم....

*حازم خرج من الڤيلا...زين بص ل فرح بابتسامه وراح قعد علي مكتبه تاني يكمل شغله...

فرح قربت منه: زين!!

زين من غير مايبصلها: نعم!!

فرح بزهق: بصلي وانت بتكلمني

زين بصلها: نعم!

فرح بعصبيه من طريقته: خلاص يازين عن اذنك

زين بسرعه: استني

فرح وقفت وبصتله: نعم

زين ضحك انها بتعمل زي مابيعمل: في حد جاي دلوقتي

فرح باستغراب: حد مين!!

زين وقف وقرب منها ومسك ايدها وشدها خارج المكتب ووقفو قدام الباب...وقبل ماتتكلم لقت والدها داخل ومحمود وحارس كمان ساندينه...

فرح بصت ل زين: انت!!

زين بحزن: حببتي ده والدك و...

فرح بصتله بدموع وطلعت اوضتها من غير ماتبص ل عاصم...

زين قرب من عاصم ال دموعه نزلت غصب عنه: ساعدوه ودخلوه ف الاوضه ال هنا 

محمود: تحت امرك

*زين بصله بأسف مهما عمل معاه هيفضل ابو فرح ولازم يساعده... طلع ورا فرح ال كانت قاعده ف الاوضه بتعيط..

زين دخل وقرب منها: فرح..

فرح بصوت واطي وهي بتعيط: ليه يازين..ليه 

زين قعد جمبها ومسك إيدها بابتسامه: فرح من امتي وانتي بتزعلي من حد كده...ده والدك يافرح انا عارف ان ال عمله معاكي صعب ومفيش اب يعمل كده مع بنته بس يافرح انتي قويه وهتقدري..

فرح بصتله كتير وحضنته: انت ال بتقول كده يازين!! انت كمان حاول يأذيك ولسه بدافع عنه...انا بحبك اوي انت عارف لما قولتله خلاص مبقتش محتجاله كنت انت السبب..حسيت بالامان معاك محستهوش معاه 

زين بعدها وباسها من جبينها: وانا هفضل معاكي ياحببتي

فرح بابتسامه: ربنا يخليك ليا 

زين باسها بوسه سريعه من شفايفها وقام راح يغير هدومه...

فرح راحت وراه بزعل طفولي: انت قولت انك مش هتخرج انهارده وهتفضل معايا 

زين ابتسم وهو بيلبس القميص: معلش ياحببتي بس عمرو عايزني ف حاجه مهمه..هروح اشوفه عايز اي بس

فرح قربت منه وكانت بتقفله القميص وبصتله ببراءه: هتتأخر!!

زين حط ايده علي وسطها وضمها ليه: مقدرش اتأخر  عنك 

فرح ابتسم بحب وحضنته من رقبته واتكلمت بدلع: هتوحشني..

زين وهو بيقرب من وشها: بجد!

فرح همست ف ودنه: اوي 

زين مشي بإيده علي خدها لحد ماوصل لشفايفها: انا كده مش هقدر امشي واسيبك.. اممم تعالي اقولك حاجه 

فرح باستغراب: حاجه  ايه!! 

زين بهمس: حاجه سر.. 

* قبل ماتتكلم قرب منها بشفايفه وباسها بشغف كإنها اول مره... وهي كانت تايهه معاه وبتقربه منها وهي مغمضه عينها.... 

فاقو من عالَمهم علي صوت تلفون زين.. 

فرح بعدت عنه بكسوف: طيب انا هروح اجيب أكل عشان نشرب 

* جريت بسرعه من قدامه 

زين وهو بيضحك عليها: ياعيني يابنتي دي هربت منك خالص

*غير هدومه بسرعه وراح الشركه ل عمرو ال كل شويه يتصل عليه *

__________________________________

_ ماجد كان نازل بس وقف عند اوضه مريم لما لاقها مفتوحه..

ماجد دخل باستغراب: مريم انتي هنا!! مش المفروض تكوني ف الشركه

مريم مسحت دموعها بسرعه: ااه بس انا تعبت شويه ورجعت 

ماجد قعد جمبها : ألف سلامه عليكي ياحببتي..تحبي اجبلك دكتور 

مريم: لا لا انا بقيت كويسه خلاص

ماجد بابتسامه: طيب انا نازل..وكمان رايح ل عمرو هكلمه و..

مريم قاطعته: لا لا ياماجد خلاص 

بصلها باستغراب وهي كملت بسرعه: هو انا يعني فكرت ف الموضوع كويس ولقيت ان معاك حق وانا وعمرو مش شبه بعض وانه مش هيتغير 

ماجد: واي ال غير رأيك كده من امبارح!! 

مريم: مفيش ياماجد انا خلاص مش عايزه اتجوزه 

ماجد بشك: هو عمرو عملك حاجه!!

مريم بصتله بسرعه: لا طبعا ميقدرش يقربلي...بس بصراحه هو كان...

ماجد مسك ايدها بابتسامه: قولي يامريم علي طول...انا معاكي متخافيش

مريم ودموعها نزلت: شوفته انهارده مع السكرتيره وهو حاضنها و...

ماجد بعصبيه: هو ده ال اتغير وبقي يحبني!!

مريم بدموع: كنت غلطانه ياماجد عمرو عمره ماهيتغير 

ماجد وقف: خلاص متعيطيش...بتعيطي ليه!! قومي انا عارف ان اختي قويه ومش هتعيط علي حاجه زي كده 

مريم بابتسامه: حاضر ياماجد 

ماجد اتنهد بحزن: طيب انا نازل شويه..عن اذنك.

_________________________________

زين بعصبيه: انت غبي ياعمرو!!

عمرو بزهق: يازين بقولك هي ال جاتلي وقعدت تقرب مني 

زين: انت عبيط يلاا وليه اول مادخلت ماقولتلهاش اطلعي برا ولا انت لما صدقت تقرب منك!!

عمرو: انا عارف اني متنيل غلطان بس هي كمان كان لازم تسمعني 

زين بتريقه: صح عندك حق هي ازاي تعمل كده...يعني اي تدخل تلاقي واحده ماسكه رقبتك وبتبوسك وتزعل وتمشي!! ياض ده الروچ بتاعها لسه علي رقبتك؟! تؤ تؤ ازاي مريم تعمل كده.

عمرو بزهق: انت بتتريق!!

زين بجديه: عمرو انت غلطان وهي حقها تعمل كده 

ماجد قاطع كلامهم ودخل بعصبيه وهو بيمسك عمرو من هدومه: لفيت علي مريم وقولتلها انك بتحبها وبعدها بيوم تخونها!! انت زباااله انت فاكر مريم زي الاشكال ال تعرفها لاا فوق ياعمرو ده انا اقتلك قبل ماتلمسها فاااهم 

زين وقف وبعد ماجد عن عمرو ال كان قاعد ودموعه بتهدده بالنزول لإنه اتأكد انه خسرها خلاص...

زين وهو ماسك ماجد: اهدي ياماجد مش كده 

ماجد بعصبيه: ده وسخ يازين..كان بيضحك عليها 

عمرو وقف بعصبيه: بحبها والله بحبها...اسمعني ياماجد الاول 

ماجد بعصبيه: هسمع اي هاا...انا كنت عارف انك مش هتتغير بس كدبت نفسي وقولت هديك فرصه لما لقيتها بتحبك كده 

زين بهدوء: اهدي ياماجد عمرو بيحب مريم بجد وال حصل ده مش هيتكرر 

ماجد: هو فعلاً مش هيتكرر هي خلاص مش عايزاه وبالنسبه للشركه مش هتيجي..مش عايزها تشوفك تاني....سلام يازين 

* بص ل عمرو بعصبيه ومشي..

عمرو قعد علي الكرسي بدموع: بحبها يازين والله بحبها..يعني خلاص كده مش هشوفها تاني وهتبعد عني 

زين حط ايده علي كتفه بابتسامه: انا عارف انك بتحبها ياعمرو بس انت لازم تثبت ده ليها ول ماجد 

عمرو بزهق: ازاي انت مسمتعوش!! ده حتي الشركه مش هتجيها تاني 

زين بعصبيه: انت غبي يلاا هو عشان ماجد قالك كده يبقي خلاص هتبيعها بالسهوله دي!! لو بتحبها افضل وراها لحد ماتسامحك ولو هي بتحبك فعلاً هتسامحك هي عارفه ماضيك واكيد انت مش هتتغير من يوم وليله لازم هي تسامحك الاول وسيب ماجد عليا 

عمرو بابتسامه أمل: تفتكر هتسامحني!!

زين ضحك: ده يعتمد عليك انت.. شوف بقي هتعمل اي تخليها توافق ترجعلك 

عمرو وقف بابتسامه وحضنه: مش عارف اقولك اي يازين 

زين ضحك: لا انا مبحبش احضان الرجاله دي

عمرو بعد عنه بسرعه: الله يخربيتك وانا ال متأثر وبتاع...روح تاني انا غلطان اني خليتك تيجي اصلا 

زين ضحك عليه وهو بياخد حاجته وماشي: انا فعلاً همشي...يلا سلام

_______________________________

فرح كانت قاعده ف الصاله بملل مستنيه زين..وقررت انها تطلع الاوضه وهي ماشيه لمحت الاوضه ال قاعد فيها عاصم مفتوحه..ف قربت منها بهدوء ولقته قاعد علي الكرسي المتحرك وماسك صورتها وهو بيعيط

فرح دخلت بهدوء وهي بتبصله بدموع واتكلمت بتوتر: ب..بابا!!

عاصم بصلها ودموعه ماليه وشه بحزن كان بيحرك إيد واحده ف حط الصوره ال كانت علي رجله ورا ضهره بسرعه: تعالي يافرح 

فرح قربت منه بصتله كتير بس مقدرتش وقعدت علي ركبتها قدامه ومسحت دموعه بإيدها: بابا انت كويس!!

عاصم حط ايده علي شعرها بحب: انا كويس طول مانتي كويسه...سامحيني يافرح سامحيني عشان خاطري يابنتي انا مش عايز اموت وانتي زعلانه مني 

فرح بدموع: بعد الشر عليك...انا مش زعلانه منك... انا اسفه انا مقصدش كلامي ف المستشفى 

عاصم حط علي وشها بحب ابوي: انا مش عارف ازاي كنت قاسي عليكي كده..ازاي حد يقدر يقسي عليكي... بتفكريني ب زهره الله يرحمها كلك هي نفس البراءه والحب ال مش بيخلص انا كنت اعمي ومش شايف كده 

فرح باست ايده بحب: خلاص يابابا مش عايزه اتكلم ف ال فات...المهم دلوقتي انك كويس واي حاجه تانيه هتتصلح 

عاصم بابتسامه: ربنا يخليكي ليا ياحببتي 

فرح وقفت قدامه بابتسامه: ويخليك ليا يارب...تعالي بقي ارتاح شويه 

* ساعدته وحركت الكرسي لحد السرير وساعدته ونيمته علي السرير *

فرح بابتسامه: ان شاءالله مع العلاج هتخف وهترجع زي الاول واحسن...تصبح علي خير

* سابته وطلعت اوضتها *

_ زين بعدها بشويه وصل اخيرا وعرف ان عاصم نايم ف طلع ل فرح بسرعه...

زين دخل الاوضه وهو بيبصلها بصدمه: فرح!!!

تكملة الرواية من هناااااااااا