رواية مجنون فرح الفصل 26-27-28-29-30بقلم رنا أشرف (جميع الفصول كامله)
رواية مجنون فرح الفصل 26-27-28-29-30بقلم رنا أشرف (جميع الفصول كامله)
البارت 26
____________________________
زين دخل الاوضه بصدمه:فرح!!
فرح قربت منه بمرح: اي رأيك!!
زين ضحك عليها: اي ال انتي لبساه ده!! انتي لابسه بدله رقص!!
فرح وهي بتلف ف الاوضه: حلوه!! بصراحه كنت قاعده زهقانه ف طلبت البدله دي ولبستها
قربت منه وحضنته من رقبته بدلع: اي رأيك
زين قرب من وشها بخبث وهمس ف ودنها: ماتيجى اقولك كلمه سر
فرح بعدت عنه بسرعه: لاا انت سافل اصلا ومش بتقول حاجه
زين قرب منها بصدمه: فررح!! اي ده؟!
فرح: في ايه!!
زين وهو بيقرب منها: متتحركيش..اوعي تتحركي
فرح بخوف: لااا زين انا بخاف من الحشرات
زين قرب منها وشدها من وسطها خبطت ف صدره: لا دي مش حشره
فرح: اومال اي ده
زين باسها من شفايفها بوسه سريعه: ده عسل وخلاص شيلته
فرح ضربته علي كتفه بعصبيه: انت قليل الادب...سيبني
زين ضحك عليها وكان لسه هيقرب منها لقي الباب بيخبط....
زين سابها: حظك الباب انقذك مني
فرح بعدت عنه: قليل الادب...انا داخله اغير الزفته دي
زين بصلها بابتسامه وراح يفتح الباب وكانت وداد *
وداد بابتسامه: حمد الله علي سلامتك يازين باشا..
زين: خير ياوداد
وداد بدلع: انا جيت اشوفك هتاكل ولا لأ
فرح طلعت وقربت منهم بعصبيه: يلا ياحلوه من هنا...زين بيه مش هياكل
زين ضحك وحب يضايقها: لا ياوداد انا جعان جدا بصراحه...حضريلي الاكل
وداد: احلي أكل عشان خاطر عيونك.. عن اذنك
فرح بصتله بعصبيه وراحت قعدت علي السرير *
زين قرب منها: اي ياحببتي قلعتي البدله ليه...كانت حلوه عليكي اوي
فرح وقفت قدامه بعصبيه: انت مالك انت..انا كنت لبساها ليا مش ليك
زين ضحك: خلاص هروح اشوفلي واحده تانيه تلبسهالي
فرح بعصبيه: زيين بقي بطل كلامك ده
زين قرب منها وباسها من جبينها بحب: خلاص ياحببتي..انتي حلوه ف اي حاجه تلبسيها حتي لو ملبستيش خالص
ضحكت وحضنته اكتر *
فرح بابتسامه صغيره: زين ممكن اطلب منك طلب
زين باسها من راسها: اعتبريه حصل ياحببتي
فرح اتعدلت وبصتله بزهق: زين انا مش عايزه وداد والبنت ال معاها يباتو هنا..يعني هما ممكن ييجو ينضفو كل اسبوع زي ماكنت بتعمل ف الاول...بصراحه مش مستريحالها.. ااه انا خايفه اصحي ف يوم الاقيك متجوزها من ورايا وتطلع حامل وتيجي تقولك وانت تهددها لو انا عرفت هتموتها و...
زين بسرعه: اييه كل ده!! انتي الافلام لحست دماغك ياحببتي..خلاص من بكره مش هتكون موجوده هخليها تيجي تنضف بس وهخلي اعظم شيف ييجي يعملنا اكل..اكلها ميتاكلش اصلا..مفيش حاجه تتاكل هنا غيرك انتي
فرح ضحكت بمرح: انت بقيت قليل الادب علي فكره
زين حضنها من وسطها: ماتيجي تعلميني الادب...
فرح ضحكت وهي بتحضنه بابتسامه....
______________________________
مريم كانت نازله ولسه هتركب عربيتها لقت حد واقف وراها *
عمرو بابتسامه حزينه: وحشتيني
مريم بعصبيه: انت اي ال جابك هنا!! اتفضل من هنا لو سمحت
عمرو بندم: صدقيني يامريم انا بحبك..والله هي ال جاتلي المكتب
مريم بدموع: امشي ياعمرو من هنا...مش عايزه اشوفك تاني
عمرو بعتاب: للدرجادي يامريم مش طيقاني!! مريم ليه مش مصدقاني انا بحبك
مريم بصتله بعصبيه وكانت لسه هتفتح العربيه بس هو قفل الباب: مش هتمشي غير لما تسمعيني يامريم
مريم بعصبيه: ابعد ياعمرو هصوت وهخلي الامن يطردك برا
عمرو بعد عنها بزهق: لييه يامريم لييه..انا عملت اي ل كل ده.!! ليه مش عايزه تسامحيني ل مره واحده
مريم بدموع: لا ياعمرو انا كنت..كنت متقبله انك كنت تعرف قبلي ستات بعدد شعر راسك وقولت خلاص هو دلوقتي بيحبني انا وخلاص مش هيبص ل حد غيري بس لأ ياعمرو انت مش هتتغير..مش هتتغير
سابته وطلعت البيت تاني بدموع وهو واقف يبصلها مش عارف يتحرك عايز يروح يحضنها ويقولها قد اي بيحبها بصلها بدموع ومشي...
_________________________________
* في الفندق*
ندي بفرحه: انا مش مصدقه ياحازم..مش مصدقه ان انهارده فرحنا خلاص
حازم بابتسامه: اااه واكيد واخده بالك هاا
ندي: قصدك اي
حازم ضحك: لا هبقي اقولك بليل لما اشوفك
ندي بابتسامه: طيب هقفل دلوقتى بقي عشان ألحق اجهز..بااي
* قفلت معاه وهي مبسوطه ولقت نيللي وفرح دخلو *
فرح بابتسامه: ألف مبروك ياندي
ندي قربت منها وحضنتها بدموع: فرح!! وحشتيني اوي..انا اسفه يافرح انا...
فرح بابتسامه: خلاص ياندي مش لازم نتكلم ف ال فات...المهم دلوقتي انهارده فرحك ياحببتي يعني لازم تكوني مبسوطه
نيللي بمرح: لا انا جايه هنا عشان أرقص..بطلو نكد بقي وشغلو اغاني
ندي ضحكت: اه صح يانيللي هو فين ده ال كنتي واقفه معاه ف الخطوبه!!
نيللي بتوتر: هاا..مش سامعاكي من الدي جي!!
فرح ضحكت بخبث: هو مين ده!! ااه انا عرفت مفيش غير ماجد
ندي: انتي تعرفيه!!
فرح بصت ل نيللي بابتسامه: اها صاحب زين...ولا اي يانيللي
نيللي: علي فكره بقي ماجد صاحبي وبس...بطلو كلامكو ده
فرح بصت ل ندي بابتسامه خبيثه: صحاب ااه...طيب ههه
* بدأو يلبسو ويساعدو ندي ف اللبس والميكيب *
نيللي بابتسامه: واو.. حلو اوي ياندي
فرح وهي بتعدلها شعرها: ااه بجد حلو اوي الفستان عليكي
ندي بكسوف: انا مكسوفه اطلع كده
فرح حست نفسها دايخه ف قعدت علي الكرسي واتكلمت بتعب: متخافيش كلنا معاكي
ندي بسرعه: فرح انتي كويسه!!
فرح بابتسامه: اه اه بس حسيت بدوخه كده.. ممكن عشان منمتش كويس
نيللي قربت منها وضحكت بخبث: او ممكن تكوني حامل!!
ندي بابتسامه: واو دي هتبقي احلي مفاجأة.. تخيلي كده فرح وهي حامل
نيللي بمرح: لو بنت هتسميها نيللي
فرح حطت ايدها علي بطنها تلقائيا بابتسامه وهي بتفكر لو كانت حامل..زين هيكون رد فعله اي
ندي بمرح: اييه روحتي يا..يا مامي ههه
فرح قامت: انتو رغايين علي فكره..يلا زمانهم كلهم تحت
عماد خبط ودخل: ازيكو ياحبايبي... ماشاء الله يابنتي ربنا يسعدك
ندي حضنته بابتسامه: ربنا يخليك يابابا
عماد باسها من جبينها بحب ومسك ايدها: يلا ياحببتي حازم والكل وصل
ندي بابتسامه: يلا
_ راحت معاه ونيللي نزلت وراها وفرح كانت بتقفل الاوضه ونازله بس لقت حد شدها...
فرح بخوف وهي مغمضه عينها: لاا...ابعد عنيي
زين ضحك عليها: وحشتيني
فرح فتحت عينها: زين!! انت جيت امتي
زين بصلها من فوق لتحت بابتسامه..كانت لابسه فستان طويل مفتوح لحد الركبه بأكمام طويله شفافخ من اللون الابيض والافندر: معقوله هسيب القمر ده ييجي لوحده...وبعدين اي الحلاوه دي
فرح بكسوف: ميرسي
بصتله هو كمان كان لابس بدله رصاصي أبرزت عضلات صدره مع القميص ال كان مفتوح ل نصه*
فرح قربت منه بعصبيه وهي بتقفل زراير القميص: انت فاتح القميص كده ليه!! انت شكلك كده عايزني اتخانق مع كل واحده تبصلك
زين قرب منها وباسها من شفايفها: محدش هيقدر يبصلي طول مانتي معايا
فرح حواليها بعصبيه: زيين ممكن حد يشوفنا
زين وهو بيبوسها من رقبتها: مش مهم
فرح حطت ايدها علي صدره عشان تبعده: زين احنا ف الفندق يازين ممكن حد يعدي...يقول علينا اي
زين بعد عنها بابتسامه خبيثه: لما نروح البيت هنبقي نكمل كلامنا...يلا
* مسكها من ايدها ونزلو الفرح... وراحو يسلمو علي ندي وحازم *
فرح حضنت ندي بابتسامه: ألف مبروك ياحببتي
ندي ابتسمت: الله يبارك فيكي
فرح بابتسامة صغيره: مبروك ياحازم
حازم بابتسامه: الله يبارك فيكي
زين وهو بيسلم علي حازم وهو ماسك ايده جامد: مبروك
حازم بصله شويه واتكلم بإبتسامة مصطنعه: الله يبارك فيك
زين بابتسامه وهو بيبص ل ندي: مبروك
ندي بصتله بتوتر: شكرا..
فرح بابتسامه: طيب نسيبكو بقي..يلا يازين
_________________
فرح بصت ل زين ال كان ماسك تلفونه ومركز فيه: زيين تعالي نرقص
زين بصلها بابتسامه: اكيد يلا...
* كانو بيرقصو سوا وجمبهم حازم وندي...
فرح حست بوجع ف بطنها ف مسكت كتف زين بتعب *
زين بقلق: فرح انتي كويسه
فرح بتعب: اها..كويسه متقلقش
زين بخوف عليها: مقلقش اي انتي مش شايفه نفسك...تعالي ارتاحي طيب
فرح بتعب: ااه انا محتاجه ارتاح
زين قعدها وقعد جمبها بخوف: فرح انتي لازم تروحي ل دكتور دلوقتي
فرح بابتسامة: لا ياحبيبي انا بقيت كويسه متخافش
زين: متأكده!!
فرح كانت لسه هتتكلم بس حست بوجع ف بطنها اكبر ف صرخت بتعب *
فرح بتعب: اااه زين
زين وقف بسرعه: في اي!! انتي كويسه
فرح: لا يازين بطنييي
شالها بسرعه وجري بيها يوديها المستشفى تحت نظران الاستغراب من الكل والخوف ال ف عين ندي وحازم....
_______________________________
زين بتوتر: خير يادكتور هي كويسه!!
الدكتور: بقت كويسه ادتها مسكن وحاليا كويسه الحمدلله
زين: طيب واي سبب التعب ده
الدكتور بصله بحزن: انا كنت شاكك انها حامل بس للأسف...
زين بخوف: مالها!!
البارت 27
____________________________
زين بتوتر: خير يادكتور هي كويسه!!
الدكتور: بقت كويسه ادتها مسكن وحاليا كويسه الحمدلله
زين: طيب واي سبب التعب ده
الدكتور بصله بحزن: انا كنت شاكك انها حامل بس للأسف...
زين بخوف: مالها!!
فرح قربت منهم: انا مش حامل!!
الدكتور بصلها: للأسف يامدام فرح انتي مش هينفع تحملي.. حضرتك كنتي بتاخدي مهدأت كتيره جدا وده أثر بالسلب عليكي وهيمنعك من الخلفه...
فرح بصتله بصدمه وكانت هتقع بس زين سندها بسرعه وقعدها جمبه وهو حاضنها *
فرح بدموع: يعني انا مش هينفع احمل ابدا..مستحيل ابقي ام!!
زين: حببتي الحاجات دي قضاء من ربنا ولازم نتقبله..ومفيش حاجه بعيده عن ربنا ومفيش حاجه مستحيله
فرح قربت من الدكتور بدموع: دكتور انا كنت اسمع عن العمليات ال بتتعمل دي...انا ممكن اعمل عمليه واحمل صح!!
الدكتور: لأسف يامدام العمليات دي هتبقي خطيره علي حياتك وبعدين نجاحها مش اكيد
زين قرب منها ومسك: تمام متشكرين يادكتور..يلا يافرح
فرح بدموع: ازاي يازين يعني اي مش هبقي ام..وانت مش هتبقي أب!!
زين مسحلها دموعها بابتسامه: حببتي خلاص الحمدلله انك كويسه اي حاجه تانيه مش مشكله..
فرح بعصبيه ودموع: يعني اييه انت مش عايز اطفال ليه!! يعني اي مش مشكله لا يازين لا
زين مسك ايدها بزهق: يلا يافرح
فرح بدموع: لا يازين استني هنتفق مع الدكتور يعمل العمليه
زين بعصبيه: يلاا يافرح انتي مسمعتيش!! العمليات خطر عليكي ومستحيل تعمليها.. سامعه مستحييل
فرح قربت منه بدموع: عشان خاطري يازين متقولش كده.. متخافش مش خطيره ولا حاجه وانا هبقي كويسه
زين بصلها بعصبيه: يلاا يافرح
فرح بدموع: لا يازين
زين بصلها بزهق وشالها: انا هعرفك ازاي تعاندي ف حاجه زي كده
فرح بدموع وهي بتحاول تنزل: نزلني يازين.. استني هنتفق مع الدكتور علي العمليه... زين عشان خاطري وافق
زين كان شايلها بعصبيه من غير مايبصلها ولا يتكلم *
فرح بدموع: زين نزلنيي.. زين اسمعني
*زين نزلها قدام العربيه وفتح بعصبيه ودخلها وقعد جمبها وساق بعصبيه *
فرح بدموع:ليه يازين ليه!! انت معقول مش نفسك ف طفل
زين بعصبيه: لا مش عايز يافرح...مش عايزه حاجه غيرك...انتي معايا مش عايز حاجه تانيه
فرح بابتسامه: ياحبيبي انا عايزه طفل يكون شبهك...عايزه حاجه تربطنا طول العمر...حاجه تحسسنا بالحياه حاجه تونسنا ونحبها وتكون دليل علي حبنا... زين صدقني انت بتقول كده دلوقتي بس اول ماييجي هتحس بالدنيا هتحس انك...
زين بعصبيه: مش عايز يافرح مش عايز..انا هحس بالدنيا معاكي انا هفضل معاكي طول العمر مش محتاج حاجه تربطني بيكي..
فرح بدموع: بس يازين...
زين قاطعها بزهق: خلاص يافرح الموضوع منتهي
فرح بصت قدامها بدموع وهي بتكلم نفسها: لا يازين مش منتهي انا لازم اكون ام...
__________________________________
ندي صحيت بابتسامه وهي ف حضن حازم...قعدت تبصله كتير وقربت منه وحضنته تاني...
ندي بابتسامه: انا مش مصدقه ياحازم انك ف حضني...
حازم وهو نايم: فرح...
ندي بعدت عنه بسرعه والابتسامه اختفت ونزل مكانها دموع وهي بتبصله بصدمه...بعدت عنه وراحت توقف ف البلكونه بتاعت الاوضه وهي بتكلم نفسها بدموع: ليه ياحازم!! بتفكر فيها وانا ف حضنك!! لييه
حازم صحي بكسل حط ايده علي وشه عشان يعتاد علي نور الاوضه وقام بابتسامه لما شاف ندي واقفه ف البلكونه ف قرب منها وحضنها من ضهرها...
حازم وهو بيهمس ف ودنها: صباح الخير
ندي مسحت دموعها بسرعه وبصتله بابتسامه: صباح النور
بصتله كتير وحست دموعها علي وشك انها تنزل ف مشيت بسرعه من قدامه... حازم لاحظ ان فيها حاجه ف قرب منها...
حازم: ندي انتي كويسه!!
ندي وهي بتجيب هدوم من غير ماتبصله: ااه كويسه...انا داخله اغير هدومي عشان ننزل نفطر
سابته وكانت لسه هتدخل الحمام بس وقفت وبصتله بابتسامه: اه صح نيللي كلمتني امبارح وقالتلي ان فرح كويسه بس نسيت اقولك
سابته ودخلت تغير هدومها بس اول مادخلت رمت هدومها ف الارض وقعدت تعيط ان حازم لسه بيفكر فيها....
حازم واقف باصص للباب كتير هي ليه قالتله علي فرح!!...
_____________________________
زين صحي من النوم ملقهاش جمبه قام بسرعه يدور عليها ف الاوضه..وابتسم لما شافها قاعده ف البلكونه ال ف الاوضه..قرب منها بهدوء ووقف وراها كانت ماسكه تلفونها وبتقرأ عن عمليات الحقن المجهري واطفال الانابيب...
زين بعصبيه: انتي لسه بتفكري ف موضوع العمليه ده!!
فرح قامت بفزع وبصتله كتير من غير ماتتكلم...
زين مسك ايدها بعصبيه: ليه يافرح!! دي مش نهايه الدنيا..
فرح زعقت بدموع: لا يازين بالنسبالي نهايه الدنيا...انا عايزه طفل.!! بص في عمليات كتيره نجحت والام والطفل كانو كويسين بص!!
زين بصلها بعصبيه وخد منا الفون ورماه علي الارض: مش عايز اسمع حاجه عن الموضوع ده تاني..فااهمه
سابها وراح يغير هدومه ونزل من غير مايبصلها وراح الشركه.....
عمرو دخل عليه بزهق: اتفضل الصفقه اهي
زين كان سرحان ف فرح عايزها تبعد الموضوع عن دماغها لسه عارفه امبارح ومنامتش من ساعتها لازم يلغي فكره الخلفه دي من دماغها...
عمرو بصوت عالي: اييه!! سرحان ف اي
زين انتبهله: هاا..كنت بتقول حاجه
عمرو بابتسامه: ااه انت مش معايا خالص
زين اتنهد ورجع راسه علي الكرسي بزهق: معاك اهو.. اه صح عملت اي مع مريم
عمرو بحزن: مش مدياني فرصه اقرب منها
زين بابتسامه: معلش ياعمرو استحمل..انا متأكد ان مريم بتحبك بس زعلانه منك شويه...اه صح ماجد رايح انهارده هيقابل والد نيللي وهيفاتحه ف الموضوع ولازم تروحله وتباركله..مش عايز المشكله دي تبعدك عن ماجد
عمرو بابتسامه: اكيد ماجد اكتر من اخويا..ومهما حصل مش هزعل منه
زين وقف بتعب: طيب انا همشي بقي...والصفقه بتاعت بكره هتابعها من البيت
عمرو قرب منه: زين انت كويس من الصبح وانت سرحان كده...
زين بابتسامه: لا مفيش شويه مشاكل وهتتحل قريب ان شاءالله... يلا سلام
______________________________
فرح بابتسامه: عامل اي يابابا
عاصم ابتسملها بحب: الحمدلله ياحببتي..
فرح قعدت جمبه وهي سرحانه ف لاحظ عاصم شرودها...
عاصم: مالك يافرح
فرح دموعها نزلت ومسحتها بسرعه: مفيش يابابا انا كويسه
عاصم بقلق: متأكده!!
فرح قربت منه ومسكت ايده بابتسامه: كويسه طول مانت كويس ياحبيبي
زين قرب منها بابتسامه: وحشتيني
فرح بصتله بعصبيه علي معاملته ليها وبصت ل عاصم: عن اذنك يابابا..هروح اشوف الاكل عشان معاد الدوا بتاعك
بصت ل زين بعصبيه ومشيت وسابته وهو كان رايح وراها بس عاصم وقفه...
عاصم: زين...كنت عايز اتكلم معاك
زين قعد قدامه: اتفضل..سامعك
عاصم بصله بإحراج: انا مش عارف بصراحه ابدأ منين انا عارف ان كان في بينا مشاكل زمان بس وان انا كنت يعني كل ال يهمني فلوسي واني اكبر شركاتي.. بس ربنا كان ليه حكمه وعرفت ان الفلوس مش كل حاجه...انا كنت بحاول ابعد بنتي عنك بس الحمدلله يابني انك طلعت بتحبها بجد ومسبتهاش... كل ال عايزو منك يازين انك تسامحني يابني وتخلي بالك منها..فرح من بعدي مش هتلاقي حد
زين بابتسامه: ربنا يطول ف عمرك انت زي والدي وانا مش زعلان منك... ومتخافش فرح ف عيني وف قلبي انا مش بس بحبها انا بعشقها...احم قصدي يعني
عاصم ضحك بحب: ربنا يسعدكو يابني
زين بابتسامه: طيب عن اذنك هروح اصالحها
عاصم: هي مالها!! من الصبح وهي سرحانه
زين بزهق: بصراحه كنا عند الدكتور امبارح وقال يعني ان في مشكله ف الخلفه وانها ممكن تتأخر شويه وهي من ساعتها وبتفكر ف الموضوع..
عاصم بابتسامه: ان شاءالله خير.. روحلها..
سابه وراحلها كانت واقفه ف المطبخ ف قرب منها وحضنها من ضهرها وقربها ليه...
فرح بعصبيه: زيين
زين وهو بيهمس ف ودنها: قلب زين وروحه
فرح حاولت تبعد عنه بس هو شدها ليه ف اتكلمت بعصبيه: ابعد عنيي
زين وهو بيقربها ليه اكتر: مقدرش..اليوم كان وحش عشان كنتي زعلانه مني..مقدرش علي زعلك ده
فرح لفته وبصتله ف عينه بدموع: انت ال مش عايز تسمعني يازين...
قربت منه وحطت ايدها علي وشه بحب: زين انا بحبك بس غصب عني بفكر ف الموضوع ده ومفهاش حاجه يازين انا متأكده ان العمليه مش خطيره ولا حاجه
زين بعد عنها وحط ايده علي وشه وهو بيتنفس بسرعه ك محاوله عشان يهدي نفسه..
زين بهدوء مصطنع: حببتي انا مش عايز اتكلم ف الموضوع.. ممكن!!
فرح بزهق: بس يازين..
زين مشي من قدمها بعصبيه: تصبحي علي خير يافرح..
فرح وقفت تبصله بدموع...
الشيف: حضرتك كويسه.!!... تحبي احضر العشا دلوقتي
فرح مسحت دموعها: لا دخل الاكل ل بابا عشان معاد الدوا
* سابته وطلعت ورا زين ال كان خارج من الحمام بعد ماغير هدومه بصلها كتير وبعدها سابها وراح ينام..
فرح قعدت جمبه بابتسامه مزيفه: حبيبي مش هتاكل!!
زين وهو مغمض عينه: لأ
فرح قربت منه وباسته من خده بدموع: انا اسفه
زين فتح عينه بسرعه واتعدل لما شاف دموعها: بتعيطي ليه
فرح ودموعها بتزداد: عشان انت زعلان مني
زين ابتسملها بحب وحضنها: مقدرش ازعل منك.. مش عايز اشوف دموعك دي تاني.. ماشي!!
فرح باسته من رقبته ونامت علي صدره بابتسامه: ماشي
حضنها اكتر ونام جمبها....
_____________________________
مريم صحيت علي صوت تلفونها ال مبطلش رن..بس اتعصب اول ماشافت مين ال متصل
مريم بعصبيه: افندم!!
عمرو بابتسامه: وحشتيني يامريم وحشتيني اوي
مريم بتوتر: عايز اي ياعمرو ع الصبح
عمرو: مش عارف عايز اكلمك.. حاسس انها اخر مره
مريم بقلق: انت فين واي الدوشه دي
عمرو: انا مسافر..سايق العربيه رايح المطار
مريم بسرعه: ليه
عمرو بابتسامه: مفيش هحضر صفقه ف دُبي وجاي بكره... مريم انا..ااااه
مريم صوتت لما سمعت صوت عربيته بتتخبط: عمررررو لاااا...
البارت 28
_____________________________________
فرح قامت من النوم بسرعه: زين.. زين اصحي
زين وهو مغمض عينه: ايي يافرح
فرح: بوسني
زين فتح عينه وبصلها: ايه!!
فرح: بوسني يازين
زين لف وشه ونام: نامي يافرح ربنا يهديكي
فرح بزهق: مش هنام غير لما تبوسني
زين اتعدل بزهق: يابنتي اتخمدي بقي..انتي مصحياني ف نص الليل عايزاني ابوسك!!
فرح كشرت: ايوه انا عايزاك تبوس....
زين قاطعها بإنه خدها ف حضنه وباسها من شفايفها بوسه سريعه...
زين وهو بيبوسها بوسه كمان: ده انا هقطعك بوس..
فرح ضحكت وهي بتحاول تبعد عنه: زين سيبني خلاص انا كنت عايزه بوسه واحده
زين وهو بيشدها لحضنه تاني: لاا انتي ال قولتي استحملي بقي...مش انتي ال صحتيني من النوم!!
فرح ضحكت: حبيبي الاوضه هي ال ضلمه بس احنا مش ف نص الليل ولا حاجه احنا بقينا الصبح الساعه بقت 9
زين قام بسرعه: اييه!! الله يخربيتك وسيبباني ابوسك ده كله
فرح قامت بمرح وحضنته: خليك معايا انهارده
زين باسها من جبينها: مينفعش ياحببتي عمرو سافر انهارده ولازم اكون ف الشركه
فرح بابتسامه: ماشي ياحبيبي ادخل الحمام لما احضرلك هدومك
_ دخل اخد شاور وخرج لقي فرح محضراله البدله وكان بيلبس وتلفونه رن..
فرح راحت تجيبه وبصت بعصبيه للتلفون: مين مريم ال بتكلمك دي!!
زين بابتسامه: دي اخت ماجد وكانت بتشتغل معايا ف الشركه...افتحي شوفيها عايزه اي لما اخلص
فرح فتحت عليها وفتحت الاسبيكر وزين كان جمبها..
مريم بدموع اول مافتح: زين الحقنييي..عمرو..عمرو
زين قرب من فرح بسرعه وخد منها التلفون: مريم في اي!! عمرو ماله
مريم: مش عارفه انا كنت بكلمه دلوقتي وفجأة سمعت صوت عربيته زي مايكون عمل حادثه وبعدهت تلفونه قفل
زين بخوف علي عمرو: طيب اهدي...انا هروله دلوقتي واطمنك عليه
*قفل معاها وخلص لبسه بسرعه وخد حاجاته ونزل بخوف...
زين بسرعه وهو سايق: اسمع عايزك تعرفلي عربيه عمرو فين دلوقتي حالا...بسرعه
قفل معاه ولقي ماجد بكلمه..
ماجد بسرعه: زين فين عمرو!! مريم قالتلي انه عمل حادثه
زين: مش عارف ياماجد انا رايح بطريق المطار هو كان ماسافر اول مالقيه هكلمك
ماجد بقلق: طمني عليه يازين
زين: ان شاءالله خير... سلام
________________________________
حازم بابتسامه: بقول نسافر تركيا احسن
ندي كانت سرحانه ومش معاه:.......
حازم: لو انتي عايزه تروحي فرنسا مفيش مشكله
ندي:........
حازم مسك ايدها: ندي!! انتي كويسه
ندي فاقت من شرودها: اه معاك
حازم بصلها بقلق: انتي في اي انتي متغيره اوي وعلي طول سرحانه من امبارح وانتي كده
ندي بصتله بابتسامه وسكتت:.....
حازم: حبيبتي طمنيني عليكي... انتي كويسه!!
ندي بحزن: انا حبيبتك!!
حازم مسك ايدها وباسها برقه: طبعا مش مراتي
ندي سحبت ايدها ووقفت: مش شرط عشان مراتك اكون حبيبتك!! حازم عايزه اسألك سؤال!
حازم وقف وقرب منها ومش فاهم مالها: اسألي
ندي: انت اتجوزتني ليه!!
حازم بصلها كتير وبعدها اتنهد واتكلم اخيرا: اتجوزتك عشان عايز اتجوزك..عايز اكمل حياتي معاكي انتي وعشان بحب...
ندي قاطعته بدموع: متقولهاش انت مش بتحبني...مش بتحبني ياحازم انت لسه بتحب فرح
حازم بصلها بصدمه وهي كملت وهي بتعيط: ايوه ياحازم لما اكون ف حضنك وتحلم بيها هي وتهلوس بإسمها وانت نايم يبقي لسه بتحبها..بس اي ذنبي ياحازم!! ليه يوم مااحب بجد يوم ماقولت اعيش حياتي طبيعي مع جوزي حتي لو مبيحبنيش بس علي الاقل قلبه فاضي وانا مع الوقت هشغله.. بس للاسف انت بتحبها وقلبك مستحيل يكون ليا...
*سابته ومشيت جريت علي الاوضه... وحازم قعد علي الكرسي بعصبيه من نفسه...
حازم بعصبيه: غبيه ازاي تفكر كده...وانا اغبي منها ازاي لسه بفكر ف فرح!! فرح خلاص طلعت من حياتي...دلوقتي مفيش ف حياتي غير ندي..اسف ياندي واوعدك انك هتكتشفي بنفسك ان مفيش حد ف حياتي غيرك..
____________________________________
نيللي وهو بتفتح الباب بفرحه: بابااا وحشتني اوي
احمد بابتسامه وهو بيحضنها: انتي اكتر ياحبيبه قلب بابا
نيللي بعدت عنه بدموع: ليه يابابا تسيبني كل ده مش كفايه هي!!
احمد باسها من جبينها بحب: انا اسف ياحببتي انا عارف اني غلطان...سامحيني واوعدك من دلوقتى مش هبعد عنك ابدا
نيللي بسرعه: ادخل بقي عشان تحكيلي كل حاجه... وبعدين انت مش بتكبر ياعم انت ال يشوفك يقول خطيبي مش بابا
احمد قعد جمبها بابتسامه: انتي عارفه بقي كنا متجوزين صغيرين...وللاسف ده سبب طلاقنا
نيللي بمرح: اوعي تكون كنت بتلعب بديلك وانت مسافر!!
احمد ضحك: لا لا انا اقدر بردو... ده انتي كنتي تخنقيني وانا نايم
نيللي ضحكت: انت هتقول فيها!! القمر ده ليا لوحدي
احمد : وبعدين هما لو عرفو انك بنتي هيبعدو عني.. انا مش عارف انتي بنتي ازاي
نيللي حطت ايدها ف وسطها بزعل مصطنع: ومالها بنتك بقي!!
احمد حضنها بابتسامه: بنتي قمر..طالعه لابوها طبعا
نيللي بابتسامه: طيب ادخل ارتاح انت من السفر ونتكلم لما تصحي...انا عايزه اقولك كلام كتير اوي
احمد قام وكان داخل اوضته بس وقف وافتكر حاجه: اه صح هو زميلك ده ال كلمني جاي انهارده!!
نيللي ابتسمت بكسوف: مش عارفه هكلمه وهشوف
احمد ضحك: اوك..ابقي سلميلي عليه اوي
نيللي بصتله بابتسامه وهزت راسها وسكتت وهو دخل يرتاح شويه من السفر....
__________________________________
ماجد بسرعه: زيين فين عمرو..هو كويس!!
زين قعد بتعب: مش عارف بقاله اكتر من ساعتين ف العمليات ومعرفش عنه حاجه
ماجد قعد جمبه: اي ال حصل...انت اول ماقولتلي انه ف المستشفى هنا جيت علي طول
زين بحزن: جبت مكان عربيته ورحت لقيته عامل حادثه ف عربيه نقل كبيره..الراجل ال ف العربيه التانيه كويس بس عمرو كان بين الحياه والموت روحت لقيت الراجل ده كان بيحاول يساعده ويخرجه من العربيه واول ماروحت جبته هنا وكلمتك...
ماجد اتأثر واتكلم بحزن: خير ان شاءالله وهيكون بألف سلامه
زين: سامحه ياماجد...سامحه هو بيحبها بجد صدقني
ماجد بابتسامه صغيره: يقوم بس بالسلامه.. انت مشوفتش مريم عامله ازاي هناك..معرفتش اجبها كنت عارف انها مش هتقدر تشوفه كده...
قاطعهم الدكتور ال قرب منهم
زين جري عليه بسرعه: طمني علي عمرو
الدكتور :الحمدلله عدي مرحله الخطر..احنا نقلناه الاوضه
ماجد بابتسامه: نقدر نشوفه
الدكتور: اتفضلو شويه وهيفوق
زين بابتسامه: اتصل علي مريم طمنها
ماجد: لما اروح هطمنها وخلاص
زين بزهق: يبني فيها اي لو جت شافته!! الراجل ف مستشفى وهتلاقيه متكسر جوا..خليه تيجي تشوفه وانت معاها اهو
ماجد بزهق: لما نشوف اخرتها...
_ دخلو وقعدو مع عمرو
زين: كده مخصوملك شهر علي الصفقه ال ضاعت دي
عمرو بتعب: يبني حرام عليك..ارحمني
زين ضحك: انت عارف انا عندي قوانيني الشغل شغل
ماجد بمرح: منك لله يشيخ كنت رايح اكلم ابوها انهارده!!
عمرو: لا انتو مش جايين تتطمنو عليا انتو جاين تقطمو ف اهلي..هحلف اقوم ارمي نفسي من فوق السرير ده وهنتحر
قاطع ضحكهم دخلو مريم...
مريم دخلت بسرعه: عمرو!!
عمرو بصلها بصدمه: ايه ال انا شايفه ده حلم ولا خيال!! مريم هنا؟!
ماجد ضربه علي كتفه براحه: لا يخفيف حقيقه
مريم قربت منه بكسوف من وجود زين وماجد: حمدلله ع سلامتك يا...يا استاذ عمرو
عمرو بابتسامه: الله يسلمك..والله الاستاذ عمرو بقي كويس جدا اول ماشافك
ماجد بعصبيه: ولاا ماتظبط كده انا واقف
عمرو بص ل زين يلحقه منه وزين ضحك وفهمه...
زين: اه تعالي معايا ياماجد هنزل اشوف الدكتور
ماجد بزهق: ماتنزل انت يازين...انا قاعد هنا
زين شده: لا مانا كنت عايزك ف موضوع تاني...تعالي..تعالي
_ اول مازين خد ماجد وخرجو
عمرو بسرعه: وحشتيني
مريم بصتله بعتاب واتكلمت بهدوء: حمدلله علي سلامتك مره تانيه
عمرو: خلاص يامريم عشان خاطري سامحيني..انا مكنتش هسامح نفسي لو كنت مت وانتي زعلانه مني
مريم بسرعه: بعد الشر عليك
عمرو بابتسامه: لأ مانا هموت فعلاً لو فضلتي زعلانه كده
مريم قربت منه بابتسامه: متقولش كده ياعمرو...خلاص انا مش زعلانه منك ال فات مات زي مابيقولو...وانا مستعده اديك فرصه تاني.
عمرو بفرحه: يعني خلاص!!
مريم: بس دي اخر فرصه..صدقيني الخيانه اكتر حاجه بتوجعني ياعمرو
عمرو بابتسامه: خلاص ياقلب عمرو انا مش عايزه حد غيرك انتي..مش عايز غيرك يامريم
مريم بصتله بكسوف وهو بص ناحيه الباب..
عمرو بصوت واطي: بقولك اي ماتجيبي حضن كده
مريم بعصبيه: احترم نفسك!! وبعدين انت فيك حيل ده انت متكسر خالص
عمرو: لاا متكسر اي!! تعالي بس انا مش عارف اقوملك
مريم ضحكت: لا لما تقوملي بقي
عمرو ابتسم: اصبري عليا بس لما اقوملك
__________________________________
ماجد بعصبيه: ماشي يازين بقي تعمل فيا انا كده
زين ضحك: مايبقاش قلبك اسود..وبعدين مفهاش حاجه لو سبتهم لوحدهم شويه
ماجد كان ماشي بعصبيه بس استغرب لما لقي فرح..
ماجد: مش دي فرح ال هناك دي!!
زين بص بسرعه مكان ماشاور بخوف: بتعمل اي ف المستشفى!!
زين سابه وجري عليها بسرعه..
الممرضه كانت بتكلم فرح: اتفضلي...وان شاء الله هنعرف بكره
فرح بابتسامه: ماشي شكرا
زين قرب منها بسرعه: فرررح!!
فرح بصتله بصدمه:......
البارت 29
__________________________________
زين: فرررح!!
فرح بصتله بصدمه: زين؟!
زين: بتعملي اي هنا
فرح بابتسامه: بشم هوا
زين بعصبيه: بتشمي هوا ف المستشفى!! بتعملي اي هنا يافررح... واي ال ف ايدك ده
فرح خبت الورق ورا ضهرها بسرعه: مفيش انا كنت جايه...عشان حاسه نفسي تعبانه بس
زين شد الورق ال ف ايدها بسرعه...
زين بعصبيه وهو بيرمي الورق ف الارض: انتي لسه بتفكري ف العمليه بردو!! انتي اي يشيخه مبتزهقيش!! كاتبه اقرار انك لو موتي المستشفى ملهاش ذنب!! فكرتي ف نفسك وف ابنك ال مش هييجي وانااا!! انا اييه مبتفكريش فياا
فرح بزهق: قولتلك يازين انا مش هسكت عن العمليه دي حتي لو فيها موتي
زين اتعصب عليها ومن عِنادها وضربها بالقلم بعصبيه ووقعت علي الارض...
ماجد قرب منهم بسرعه: زين!! في اي
زين بعصبيه وهو بيبصلها: والله يافرح لو ماعقلتي وشيلتي العمليه دي من دماغك لاكون حابسك ومش هتخليكي تشوفي النور تاني عشان تبقي تفكري ف ام العمليه دي تاني
فرح وقفت قدامه بدموع: لو انت مش عايز تخلف مني يبقي طلقني...طلقني يازين
زين قرب منها وضربها بالقلم مره تانيه بعصبيه وهو مش شايف قدامه *
زين بعصبيه: علي جثتي.. طلاقك مني ده علي جثتي
ماجد شده بعيد بيحاول يهديه: زين ميصحش كده انتو مش ف البيت
زين بعصبيه: غبيه بتفكر ف حاجه مستحيله!! عايزه تموت نفسها؟!!
ماجد بهدوء نسبي: بردو يازين مينفعش تمد ايدك عليها!! كنت فهمها براحه بس كده لأ
زين حط ايده علي وشه بعصبيه بيحاول يهدي نفسه: انت عارف انا كنت مستغرب من عاصم انه ازاي قدر يعمل كده ف بنته!! بس لأ انا هعمل اكتر من كده لو فرح سابتني...مش هقدر اعيش من غيرها ياماجد..مش هقدر
ماجد حط ايده علي كتفه بابتسامه: قوم متسبهاش لوحدها!! لازم تصالحها يلاا
زين اتنهد بزهق وراح مكان ماسابها بس ملقهاش ف فكر انها روحت..
زين: انا هروح البيت اشوفها خليك مع عمرو
ماجد: متقلقش عليه...
* زين سابه ونزل خد عربيته وروح اول مادخل البيت طلع الاوضه يدور عليها عشان يصالحها..
زين وهو بيدور ف الاوضه كلها: فرح!! فرررح!! راحت فين دي
نزل ودور عليها ف البيت كله ملقهاش ودخل عند عاصم يسأله عنها...
زين وهو بيدور ف الاوضه: فرح فين!!
عاصم كان نايم علي السرير: هي قالت انها رايحه مشوار وراجعه ولسه مجتش
زين بعصبيه: يعني اي لسه مجتش!! اومال راحت فين
طلع تلفونه ورن عليه بس لقي تلفونها مقفول...
زين بتوتر وهو بيحاول يتصل بيها تاني وتالت: ردي يافرح..!!
عاصم بخوف: هي فرح فين يازين!!
زين قعد علي الكرسي قدامه بعصبيه: بنتك ناويه علي موتها وموتي وراها
عاصم: في اي مالها فرح!!
زين بصله: الظاهر ان فرح متعلمتش من ال حصلها وهي صغيره!!
عاصم: انا مش فاهم حاجه
زين اتنهد بحزن: عايزه تخلف علي حساب حياتها!! انت معاك حق هتعمل زي والدتها...بس لأ مش هسمحلها تعمل فيا كده!! عايزه تحبهولي وتموت!! انا مش هقدر اعيش من غيرها انت معاك حق.
عاصم بخوف عليها: طيب هي فين!!
زين وقف بسرعه: هروح اجيبها متقلقش... عن اذنك
زين طلع ل محمود: محموود!!
محمود قرب منه بسرعه: خير ياباشا
زين بعصبيه: انت ازاي تسيب فرح تخرج لوحدها
محمود: والله ياباشا هي قالت انها عايزه تعملك مفجأه وانها هتقولك وطلبت محدش يروح معاها
زين بعصبيه: عايزها قدامي هنا دلوقتي حالا
محمود: تحت امرك.. عن اذنك
زين وقف بعصبيه فضل يرن عليها بس تلفونها لسه مقفول ورن علي نيللي وحتي ندي واهلها مفيش اي حد يعرف مكانها...
زين بعصبيه وخوف ف نفس الوقت عليها: ماشي يافرح استني عليا لما اشوفك
جاه ف باله فكره وركب عربيته وراح المستشفى بسرعه *
وصل المستشفى ودخل للمدير وطلب يشوف كاميرات المراقبه ف الوقت ده
زين وهو بيضرب الحيطه بعصبيه: هتكون راحت فين
المدير: زي ماحضرتك شوفت هي كانت بتجري ف الاتجاه ده وبعدها اختفت...
زين خرج بسرعه من عنده وراح ل عمرو...
عمرو بابتسامه: انت كنت فين يابني
زين قعد علي الكرسي بتعب من التفكير ف اللي ممكن يكون حصلها....
ماجد قرب منه: في اي يازين!!
زين بصله والخوف ف عينه: فرح اختفت..مش عارف راحت فين...هي متعرفش حد غير صحابها وهما كمان ميعرفوش مكانها..لو حصلها حاجه مش هسامح نفسي
عمرو: طيب اهدي ان شاء الله خير...خلي حد يتبع رقمها
زين: تلفونها مقفول
ماجد: اهدي هتلاقيها زعلانه منك شويه بس وهترجع تاني
زين وقف بسرعه: مش هفضل قاعد كده انا لو هفتش مصر كلها عشان الاقيها...
كان قايم بس لقي محمود بيرن ف رد بسرعه: هاا لقيتها!! هي معاك؟!
محمود: انا اسف ياباشا بس مش لاقيها خالص دورت ف كل المستشفيات والاقسام والفنادق ال هنا كلها ملحهاش اثر...
زين بعصبيه: يعني اييه ملهاش اثر!! تدور عليها تاني وتالت لحد ماترجع
محمود: حاضر..
قفل معاه بعصبيه: هتكون راحت فيين
ماجد قرب منه: اهدي يازين
زين بصله والدموع ف عينه: اهدي ازاي ياماجد وانا مش عارف مكانها..اهدي ازااي
ماجد: فرح مش صغيره واكيد هترجع دلوقتي
زين حس انه مش قادر يتكلم مع حد: عن اذنكم
_ سابهم ومشي وطول الطريق بيرن عليه علي امل انها تفتح تلفونها....وصل البيت وطلع علي اوضته.. حس نفسه تايه اول مره يدخل الاوضه وميلقهاش قاعده مستنياه واول مايدخل تجري علي حضنه او تكون زعلانه منه وهو ال يقرب منها ويصالحها...
قعد علي السرير بتعب من التفكير فيها مقدرش يتحكم ف دموعه اكتر من كده واتمردت عليه ونزلت وهو بيتخل ان ممكن يكون حصلها حاجه..
نام مكانها وهو حاضن المخده ال بتنام عليها: ارجعي يافرح...ارجعي وصدقيني مش هزعلك تاني..
نام مكانه وهو بيفكر فيها وصحي علي صوت خبط علي الباب وقام بسرعه
زين بلهفه وهو بيفتح: فرح!
محمود بأسف: عاصم باشا عايز حضرتك
زين: عملت اي لقيتها صح!!
محمود: للاسف دورنا عليها كتير ولسه بندور عليها..
زين سابه ونزل ل عاصم ممكن يكون عرف حاجه عنها..
عاصم اول ماشافه اتحرك بالكرسي وقرب منه بخوف: لقيتها!!
زين بصله بحزن: لأ... انا السبب لو حصلها حاجه انا السبب
عاصم: لا عِنادها السبب...انا عارف فرح كويس..ربنا يرجعها بالسلامه
زين رمي نفسه علي الكنبه بتعب: هتجنن هتكون راحت فين!! احنا بقينا ف نص الليل ولسه مظهرتش
عاصم: خير ان شاءالله
_________________________________
ندي بخوف: لسه ملقهاش!!
نيللي بدموع: لأ انا مش عارفه هتكون راحت فين...من امبارح وزين بيدور عليها
ندي: ربنا يرجعها بالسلامه...اكيد الموضوع مأثر عليها
نيللي: يارب...خلي بالك من نفسك انتي يلا سلام
ندي: سلام...
ندي قعدت علي السرير بخوف وهي بتعدي انها ترجع بالسلامة...
حازم قرب منها ومسك ايدها: اهدي ياندي..هترجع ان شاءالله
ندي بصتله بابتسامه: يارب ياحازم
حضنها بحب: متقلقيش..
_______________________________
ماجد: يازين مش كده اهدي
زين بعصبيه: اهدي ازاي انت بتقول اييه!! مراتي من امبارح مختفيه!!
ماجد سكت لإنه مش عارف يقوله اي...
قاطع سكوتهم دخول محمود المكتب عليهم: زين باشا
زين بصله ببرود: خير
محمود: احنا عرفنا مكان مدام فرح
زين قام بسرعه: اييه!! هي فين!! انطق
محمود بابتسامه: اتفضل...
زين راح معاه بسرعه وركب جمبه وطول الطريق بيدعي تكون بخير.. وبيفكر فيها وقد اي هي وحشاه..
زين وهو بيكلم نفسه: هونت عليكي يافرح تسيبني كده
محمود: احم..اتفضل
زين نزل قدام عماره صغيره شويه *
محمود: هي ف الدور التاني الشقه ال علي اليمين
زين سابه وجري بسرعه لحد ماوصل للشقه وقعد يخبط بصوت عالي..
_ ايوه!!
زين اتجاهلها ودخل الشقه بلهفه: فين فرح..فرررح!!
_ حضرتك عايز اي
زين بعصبيه: فين فررررح
فرح طلعت من اوضه بسرعه اول ماسمعت صوته وقفت تبصله بدموع وبس..
زين سمع صوتها وهي بتعيط لأ اكيد حس بيها بصلها بسرعه وقرب منها وهو غايب عن كل حاجه حواليه مش شايف غيرها...
زين قرب منها ببطء وهي كانت بترجع بضهرها لحد ماخبطت ف الحيطه قرب منها حضنها...حضنها جامد حس انه كان هيخسرها بعدت عنه يوم بس حس كإنه سنه...
زين بعد عنه وهو مبسوط: الحمدلله ياحببتي انك كويسه انا كنت هتجنن.. كنت هموت من غيرك
بس افتكر انه سابته وهربت بعد عنها بسرعه وبص حواليه وبعدها بصلها بعصبيه: انتي ازاي تمشي من غير ماتقوليلي هاا؟! قاعده هنا وسيباني بتعذب وانا مش عارف حصلك اي..للدرجادي هونت عليكي
فرح اخيرا صوتها طلع وبصتله ف عينه بعتاب: وانا هونت عليك لما ضربتني ف المستشفى كده!! بتضربني يازين!!
زين مسح دموعها: اسف يافرح صدقيني مكنتش اقعد اضربك بس كنت متعصب! احنا اتكلمنا ف الموضوع كتير وبردو انتي لسه عايزه تعملي العمليه دي!! وعايزاني اطلقك يافرح بتختاري ابنك ال لسه مجاش عليا!! للدرجه دي انا ولا حاجه عندك
فرح بسرعه: لا يازين انت عارف كويس انت بالنسبالي ايه!! بس خلاص يازين انا مش عايزه حاجه غيرك
زين: يعني ايه!
فرح بابتسامه: يعني خلاص مش عايزه اعمل العمليه.. انا كنت محتاجه اقعد لوحدي عشان افكر صح وخلاص عرفت ان الموضوع مش ف إيدنا ومش عايزه اعملها خلاص....
زين حضنها بسرعه: انا مش مصدق نفسي!! سامحيني يافرح...سامحيني ياحببتي...اهم حاجه عندي انك كويسه
فرح بابتسامه وهي بتبص وراه: انا كويسه جدا والفضل ليها...
_ ايه يازين مش فاكرني!!
زين بصلها بصدمه:..
يتبع
البارت 30
________________________________
زين بصلها بصدمه: انتي!!
_ ازيك ياحبيبي عامل ايه!!
فرح قربت منه بابتسامه: انا مكنتش اعرف اي حاجه عن عيلتك بس دلوقتي خلاص عرفت كل حاجه.. وصدقني هي ملهاش ذنب
زين بعصبيه: ملهاش ذنب ل ايه!! هي ال قتلتهم
_ لا يازين صدقني علاقتي بوالدك كانت صداقه وبس وللاسف والدتك فهمت غلط
زين قرب منها بعصبيه:فهمت غلط!! انتي بتقولي اييه... انتي ظهرتي ف حياتي ليه تاني..عايزه ايييه
فرح قربت منه ومسكت ايده: زين اهدي..اقعد واسمعها متنساش ياحبيبي انت بتفكر كويس ف المواضيع دي
زين بصلها وافتكر لما كان ف نفس الموقف مع فرح وكان هيظلمها ف هدي خالص وبصلها وعلامات الاستغراب علي وشه...
فرح: اقعد يازين وهتعرف كل حاجه
زين قعد بعصبيه وفرح قعدت جمبه والست قعدت قدامهم....
_ بص يابني انا عارفه ان خالتك الله يرحمها حكتلك علي ال حصل من وجهه نظرها هي بس دلوقتي بعد خمسه وعشرين سنه آن الاوان تعرف الحقيقه... انا وابوك يازين كنا جيران من واحنا صغيرين وكبرنا سوا وكان زي اخويا بالظبط كبرنا واتجوز وخلفك بس انا مكنتش لسه اتجوزت يعني ملقتش نصيبي ويوم الحادثه يابني كان جايلي عريس وابويا كان مصمم عليه وانا مكنتش موافقه ومكنتش عارفه اعمل اي وملقتش غير ماهر ابوك احكيله وجه فعلاً اول ماقولتله وحكيتله علي ال حصل وخدني ف حضنه وكان بيحاول يهديني وانه هيقف جمبي ومش هيسمح ل والدي يجوزني طول ماهو موجود امك كانت جايه معاه بس كانت مستنيه ف العربيه وطلعت وهو بيقولي الكلام ده وحاضني هي فهمت انه بيحبني ومش عايز يجوزني حد عشان هنتجوز انا وهو يعني سمعت الكلام ده وانهارت ونزلت بسرعه وماهر نزل وراها يلحقها ركبت العربيه وهو ركب جمبها بسرعه وكانت سايقه وهي بتعيط وابوك بيحاول يشرحلها ال حصل بس مكنتش مركزه معاه وبتعيط وبس ومشافتش العربيه ال طلعت ف وشهم فجأة وللاسف معرفتش تتحكم ف العربيه وماتو هما الاتنين...
زين مسح دمعته ال نزلت غصب عنه: وانا اي ال يخليني اصدقك!!
فرح: مدام مروه كلامها صح يازين انا متأكده.. سامحها يازين هي ملهاش ذنب ده عمرهم
مروه بابتسامه: مش مهم يابنتي المهم انه خلصت ذمتي وقولتله علي ال حصل
زين: وياتري بقي مراتي كانت بتعمل اي عندك!!
فرح بصتله: هي مكنتش تعرفني يازين لما جينا هنا اتكلمنا ولما عرفت اني مراتك قالتلي
زين بصلها: احكيلي مشيتي من المستشفى ازاي
فرح بدأت تحكيله*
فلاش باك...
فرح كانت بتعيط بعد مازين ضربها وبعد عنها..ولقت حد بيطبطب عليها..
مروه: خير يابنتي انتي كويسه!!
فرح بدموع: هو ليه مش عايزني اخلف!! مش من حقي اخلف زي اي ست؟! ليه بيعمل فيا كده لييه
مروه بابتسامه: اهدي ياحببتي انا مش عارفه اي الموضوع بس ال بتعمليه ف نفسك ده مش هيحل المشكله... تحبي اساعدك ف حاجه!!
فرح بصتلها بدموع: عايزه امشي من هنا
مروه: تحبي اجبلك عربيه توصلك بيتك!! قوليلي عايشه فين
فرح: لا مش عايزه اروح البيت... مخنوقه مش عايزه اتكلم مع حد
مروه بابتسامه: طيب يابنتي بيتي قريب من هنا تقدري تستنيني اول الشارع وانا هجيب التحاليل ال كنت بعملها وهجيلك
فرح بابتسامه: تمام متشكره اوي.. هستناكي تحت
*******************
فرح: بس ده ال حصل انا مكنتش قادره اتكلم مع حد ف قفلت الفون وفتحته انهارده لما حسيت نفسي كويسه.. اول مااتكلمت مع مدام مروه وانا حسيت نفسي كويسه
زين بص ل مروه بابتسامه: متشكر انك ساعدتي مراتي... وبالنسبه لموضوع اهلي ف الموضوع منتهي من زمان ربنا يرحمهم... عن اذنك بقي ولو احتجتي اي حاجه كلميني علي طول.. اتفضلي الكارت بتاعي
مروه بابتسامه: ربنا يسعدكم يارب
شكرها مره تانيه وخد فرح ونزلو....
________________________________
وصلو البيت وطول الطريق ساكتين...
زين ببرود:حمدلله علي السلامة
سابها وطلع اوضته وهي دخلت تطمن علي عاصم...
عاصم اول ماشافها: فرح!! حببتي انتي كويسه
فرح قعدت جمبه بابتسامه:الحمدلله يابابا انا كويسه..انا اسفه يابابا انا عارفه اني غلطت لما مشيت من غير مااقول لحد بس مكنتش عايزه اتكلم مع زين خالص
عاصم بابتسامه: انتي مشوفتيش زين كان عامل ازاي..ده منامش طول الليل وهو بيدور عليكي وهيتجنن...
فرح باسته من راسه بابتسامه: طيب ارتاح انت وانا هروح اشوفه... عن اذنك
عاصم بابتسامه: ربنا يهديكو يابنتي...
*طلعت الاوضه لقته واقف ف البلكونه سرحان..
قربت منه وحضنته من ضهره: انا اسفه
زين بعد عنها وبصلها بعصبيه: اسفه علي اي بالظبط!! اسفه انك روحتي المستشفى من غير ماتخدي حرس معاكي!! ولا اسفه انك كنتي رايحه المستشفى تعملي العمليه ال قولتلك عليها لأ ميت مره ولا اسفه انك طلبتي الطلاق عشان الموضوع ده ولا اسفه انك مشيتي من ورايا وقعدتي يومين معرفش عنك حاجه وقافله تلفونك!! اسفه علي اي يافرح؟!
فرح: لا اسفه اني خوفتك عليا بالطريقه دي! بس كل ال قولته ده مش اسفه عليه علشان انت السبب فيه!!
زين بعصبيه: انا السبب ف اييه!! انا السبب ف اني مش عايزك تموتي نفسك بإيدك!!
فرح بعصبيه هي كمان: زين زي مانا غلطانه انت كمان غلطان لما ضربتني!!
زين: وانا ضربتك لييه!! مش عشان الجنان ال ف دماغك ده!!
فرح: وانا قولتلك خلاص فكرت ف الموضوع ومش عايزه اعمل العمليه
زين بتريقه: لأ كتر خيرك بصراحه!!
فرح بصتله بعصبيه: هو انت اتغيرت ليه ماحنا كنا كويسين وانت كنت مبسوط هناك فييه ايه بقي!!
زين غمض عينه بعصبيه حاول يهدي نفسه ف فتح عينه بهدوء مصطنع: وانا اهو مبسوط!! حد قالك اني مش مبسوط!!
فرح: ده شكل واحد مبسوط!! انت ناقص تضربني
زين: ماهو ده فعلاً ال هيحصل عشان تبقي تفكري تهربي كويس..
فرح لقته بيقرب منها ف جريت بسرعه *
فرح دخلت الحمام وقفلت عليها: زيين بطل جنان بتعمل اييه
زين مقدرش يمسك نفسه علي شكلها وهي بتجري منه ف ضحك بس كلمها بعصبيه مصطنعه: فرح افتحي ولا هكسر الباب..
فرح: زيين بطل جنان بقي!!
مسمعتش صوته وسمعت صوت باب الاوضه بيفتح وبيقفل..
فرح: زين!! انت فين؟! زيين
فرح بصوت واطي: يبقي خرج
فتحت الباب براحه ملقتهوش ف الاوضه ف طلعت...
فرح بابتسامه نصر: ماشي يازين انا بقي هوريك
زين بابتسامه: هتوريني ايه
فرح بصتله بخوف كان واقف ورا الباب وهو بيبصلها بخبث: انت..انت مش كنت طلعت من الاوضه!!
زين قرب منها بسرعه ومسكها من وسطها قربها ليه بابتسامه: انا اقدر اطلع بردو واسيبك
فرح: يابني انت هتجنني مش كنت من شويه متعصب وعايز يضربني
زين وهو بيقرب منها وبيهمس ف ودنها: انتي ال جننتيني
فرح حضنته من رقبته بدلع: يعني مش زعلان
زين بابتسامه: زعلان اي بس!! ماتيجي اقولك كلمه سر
فرح بعدت عنه وهي بتضحك: اتلم.. انا هدخل اغير هدومي دي
زين بابتسامه: اوك بسرعه هنزل اطمن علي عمرو وهروح الشركه
فرح قربت منه بزعل: يعني بقالي يومين مشوفتكش وعايز تنزل وتسيبني
زين باسها من شفايفها بوسه سريعه: معلش ياحببتي بس انا منزلتش الشركه من امبارح واكيد هلاقي الشغل كتير..
فرح بزعل مصطنع: خلاص يازين براحتك
كانت ماشيه بس زين مسكها بسرعه: انتي زعلتي
فرح بصتله بخبث وحزن مصطنع: لا يازين ده شغلك بردو واكيد مهم..
زين شالها بسرعه: مش اهم منك طبعا
فرح ضحكت وهي ماسكاه من رقبته: زين انا كنت بهزر..نزلني
زين بخبث: تؤ تؤ..خلاص بقيتي ف حضني...وحشتيني
فرح: زيين
زين غمزلها بابتسامه: قلب زين
فرح ضحكت: زين نزلني بقي
زين: بقولك وحشتيني
حضنته بابتسامه وهي مخبيه وشها ف رقبته: وانت كمان...
ضحك وحضنها بحب..
________________________________.
ماجد بقلق: انا قلقان من المقابله دي
زين ضحك: اجمد كده احنا لسه ف أولها
ماجد: ربنا يستر
خبط علي الباب ونيللي فتحتله بمرح..
نيللي ضحكت: انا قولت نسيت ولا حاجه
ماجد بابتسامه: انا اقدر بردو
زين ضحك جامد: احم..استاذ عبدالحليم مش هندخل ولا اي
نيللي بكسوف لما شافت زين: اه سوري..اتفضلو
دخلو وقعدو واحمد دخل بابتسامه..
احمد: اهلا استاذ مازن
نيللي قربت منه بصوت واطي: ماجد
احمد بابتسامه: اه اه استاذ ماجد
ماجد بابتسامه: بلاش استاذ دي..اهلاً بحضرتك
احمد قعد ونيللي جمبه وزين وماجد قدامهم...
ماجد بتوتر: احم.. اولا احب اعرفك بنفسي انا ماجد دكتور نفسي اتعرفت علي نيللي عن طريق فرح مرات زين و..احم يعني بصراحه اعجبت بيها وانا جاي دلوقتي عشان اطلب ايدها.. بعد اذن حضرتك طبعا
زين بابتسامه: حضرتك لو وافقت تقدر تسأل عنه وتعرف كل وده حقك طبعا.. انا جاي معاه بصفتي صاحبه واخوه مش اكتر
احمد بص ل نيللي ولقاها ساكته وبتبص ل ماجد بكسوف...
احمد: وانا علي آخر الزمن هجوز بنتي حرامي!!
كلهم اتكلمو بصدمه: اييه!!
نيللي: بابا بتقول اي!!
احمد ضحك: طبعا حرامي عشان سرقت قلب بنتي
كلهم ضحكو...
زين قرب من ماجد واتكلم بصوت واطي: لو مكانش ابو نيللي كنت قتلته
ماجد ضحك بصوت عالي: احم.. اعرف من كده ان حضرتك موافق
احمد بص ل نيللي بابتسامه: عن نفسي موافق بس نيللي..!!
نيللي بسرعه: انا موافقه
احمد بصدمه مصطنعه: للدرجادي بيعاني!!
زين ابتسم بمرح: طيب كده نخلي الخطوبه الاسبوع الجاي مع خطوبه مريم اخت ماجد
ماجد بصدمه: هي مريم اتخطبت!!
زين: اسكت انت هفهمك كل حاجه...ها قولت اي
احمد: موافق بس نخليها خطوبه وكتب كتاب مش عايزهم يخرجو لوحدهم كده
ماجد بابتسامه: اكيد
احمد: علي خيره الله... مبروك يانونو لا خلاص انتي مبتحبيش نونو دي انا مش عارف اي ال خلاني اسميكي نيللي...انتو عارفين سميتها نيللي ليه
نيللي بسرعه: خلاص يابابا
ماجد ضحك: سميتها نيللي ليه
احمد: اااه سميتها كده علي اسم نيللي بتاعت الفوازير دي دي كانت بطايه كده
نيللي بصدمه: بابا!!
احمد: تحسها كده كلها دلع وشقاوه
زين ضحك: اه عرفتك انت بتحب الشقاوه هاا
احمد بسرعه: اوي
نيللي بصتله بصدمه ف هو اتكلم بسرعه: قصدي يعني شقاوه اي وكلام فارغ اي انا بتاع الكلام ده بردو
قرب من زين بصوت واطي: ابقي كلمني انت شكلك ليه ف الشقاوه
زين بصله بصدمه وضحك...
قعدو يضحكو وقاطع ضحكهم...
_ الجوازه دي مش هتم....
كلهم بصو للصوت بصدمه....
 رواية مجنون فرح الفصل 26-27-28-29-30بقلم رنا أشرف (جميع الفصول كامله…){kind=link}
تعليقات
إرسال تعليق
فضلا اترك تعليق من هنا