رواية شيطان الانتقام الفصل الثالث والرابع 3-4بقلم ولاء حامد جديده وحصريه (جميع الفصول كامله)

 رواية شيطان الانتقام الفصل الثالث والرابع 3-4بقلم ولاء حامد جديده وحصريه (جميع الفصول كامله)

رواية شيطان الانتقام الفصل الثالث والرابع 3-4بقلم ولاء حامد جديده وحصريه (جميع الفصول كامله)

رواية شيطان الإنتقام الحلقة الثالثة

حادثة

الساعه 12 بعد منتصف الليل كان ماهر زوغ من الحفله هو شلته وراحو شقه نادر علشان يقضو السهره

ماهر: فين المصلحه يا برنس

طلع نادر من جيبه كيس ابيض

بصله نادر بذهول: ايه داه يخربيت هيروين

نادر بسرعه ونفي: لالا هيروين ايه داه بتاع الناس الفافي داه الغالي الأصلي (( الكريستال ميث، الشبو))

اخده ماهر وقضوا الليليه في معاصى يهتزر لها عرش الرحمن ولا يهتز لها الإنسان وهو غافل في دنيا المعاصي

************************

الساعه 1 كانت قمر ومحمد في الطريق الصحراوي وقف شويه علشان يريح من السواقه وكمان ياكلو لقمه خلصوا وقمر حبت تعمل جو مرح شغلت كاميرت الموبايل وابتدت تسجل فيديو ليها وأولادها وجوزها وكل واحد منهم بيقراء جزء من القرأن الكريم وفضل الوضع لحد الساعه 1:30 بعد منتصف الليل وفجاءه عربيه BMW فخمه عدت كانت هاتخبطهم بس ربنا ستر

محمد: شكله شاب استغفر الله شارب يلا ربنا يهديه

قمر قبضت قلبها ذادت اوي ونسيت تقفل التليفون وفضل مستمر على وضع التسجيل وفجاءه عربيتهم عدت من جمب عربيه الشاب

بص عليهم بسُكر وشاف اللي جوه العربيه اللي هما زوج وزوجه وأولاد بس مفرقش معاه غير الست وقال لنفسه : يا تري الخيمه دي جواها ايه بس شكلها مزه وفجاءه داس بنزين بجنون وقطع عليهم الطريق ومكانش فيه حد في الطريق غير ورشه ومقفوله محمد داس فرامل لما شاف المنظر وقمر والأولاد اتفزعوا وشبه صرخو

محمد نزل للشاب : في ايه يا ابني حد يعمل كده على طريق سريع فوق الله يرضى عليك أرواح الناس مش لعبه لو مش قادر تسوق اتصل بحد ييجي ياخدك او ريح في عربيتك لحد ما تفوق

الشاب بعجرفه وريحه الخمره فايحه بطريقه مقززه: قاله لا يا شبح انا فايق المزه اللي معاك تلزمني

محمد بذهول من وقاحته: يا حقير دي مراتي ولو عينك بصت عليها تاني هاشيلهالك من مكانها شكلك عيل متقوي بفلوس ابوه بس انا متقوي بربنا وبربايه ابوايا فوق يلا بدل ما افوقك من اللي طافحه

فجاءة ضرب الشاب محمد لكمه شديده في وشه ردها محمد ليه مره و اتنين وتلاته

وقتها الشاب حس انه في حرب خسرانه قدام محمد لان محمد بالرغم من كده الا انه طويل وعريض وقوي جسمانيا زقه محمد ولف علشان يرجع عربيته بس صوت طلق ناري شق سكون الليل خلى قمر قلبها اتنفض من مكانه وصوت الطلقه التانيه خلى قمر نزلت بسرعه جنونيه من العربيه وهي شايله ابنها في الشياله وبتصرخ باسم محمد بجنون

في الوقت داه لمحها الشاب وشدها من حجابها وشعرها من تحت الحجاب في ايده قمر بجنون وهي عينها على محمد: سيبني يا حيوان اقسم بالله لتدفع التمن من عمرك قبل دمك خبطها في العربيه بس قمر بتقوم بكل قوتها وابنها بيصرخ بجنون مش فاهم حاجه والأولاد في العربيه قمر قفلت عليهم وعاملين يخبطوا على الزجاج مش فاهمين حاجه

محمد حاول يقوم بس النزيف مش مساعده بس حس أنه لازم يقوم في الوقت داه محمد قال: يارب بصوت عالي وقام

الشاب لاحظ وقفت محمد وانه جاي نحيته حط السلاح على رأس قمر محمد قرب بجنون من الشاب بس ضرب طلقه تالته على محمد اللي اترمى في الارض بينازع

واتحول الشاب لمجنون مش واعي لتصرفاته شد الولد من الشياله ورماه على طول دراعه من غير حتى ما يراعي انه طفل رضيع الولد طار واستقر على الأسفلت مع صرخة قمر بجنون على إبنها اللي لاحظت رغم الليل دم محيط بيه افتكرت قمر كل دروس الدفاع عن النفس اللي كانت بتحب تتعلمها وهي لسه في الثانوي العام خبطته بكوعها في الحجاب الحاجز

ورفعت قبضه ايدها وجهتها كلكمه مقلوبه في منخيره اتهز الشاب لورا من الألم بس حس انه قدام انثى شرسه خبطها بالمسدس على رأسها فقدت الوعي شالها ورماها في العربيه واتحرك وهو سايب دم أبرياء على الطريق بدون ذنب ومن غير حول ولا قوه

يا ترى محمد هايعيش ولا هايموت وابوهم حصله ايه وايه اللي هايحصل في قمر

يتبع…

رواية شيطان الإنتقام الحلقة الرابعة

ساعه واكتر عدت ومحمد راقد جثه على الأرض ويحيى وياسين عمالين يصرخوا في العربيه وعلى بعد منه حمزه راقد غرقان في دمه عدت عربيه ملاكي وكان وراها ميكروباص الناس اتفزعت من المنظر ونزلوا جري

السواق: لا حول ولا قوه الا بالله في ايه ركن على جنب ووراه الميكروباص نزل كل اللي فيه

واحد من الركاب: محدش يلمس حاجه اتصلوا بالبوليس

إسلام رئيس تمريض في مستشفى الجامعه بالإسكندرية وكان رايح لأهله في القاهره اجازه حط ايده على رقبت محمد : لسه فيه النفس

واحد من اللي راكبين الميكروباص زعق وشاور على الولد اللي مرمي الناس راحو جابوه ومحدش نطق سواق العربيه الملاكي اخد المفتاح واخد الأولاد اللي في حالة انهيار من كل اللي شافوه قدامهمالطريق اتقفل والكل محدش فاهم حاجه خالص ولا ايه اللي حصل اتحركت عربيه الإسعاف شايله جثة الولد وابوه ومحدش عارف مصيرهم ايه واتنقلوا لاقرب مستشفى كانت على مشارف القاهره دخل محمد وحمزه العمليات والمستشفى اتلقبت رأس على عقب من دكاتره وشرطه والكل محدش فاهم في ايه طلعت ممرضه وسلمت متعلقات محمد الشخصيه وتليفونه للشرطه واتعرفوا عليه محمد كان من طبعه انه مش بيقفل تليفونه باسوورد

اتصل الظابط برقم مسجل بإسم الحاج وأول مرن

رد ابوه بلهفه الحاج هاشم الحسيني: ايه يا محمد خلعت قلبي يا ابني اتأخرت كل داه ليه

الظابط ساكت على الخط ورد بثبات وقاله: ان ابنه أتعرض لحادثه على الطريق وهو حاليا في مستشفى …… في القاهره

فقل الحاج هاشم بقلب مفطور وهو مش عارف ابنه حصله ايه رفع ايده للسما وعيون مليانه دموع: يارب اللهم إني لا أسألك رد القضاء لكن يارب اسألك اللطف فيه

الحاجه منيره: مالك يا حاج

بصلها وهو مش عارف يقولها ايه خصوصا انهم لسه مافقوش من حادثة ابنهم اللي لسه متوفي من 3 سنين وكان شاب بس لازم يقولها خصوصا وهو شايف الدموع في عنيها وقرئت الكلام في عنيه قبل ما ينطقها لسانه

ابني ماله يا حاج سايقه عليك حبيبك النبي طمني محمد وبيته بخير

قالها ان شاء الله هايكون بخير

اتصل بعصام جوز بنته ميرفت الكبيره وقاله يوصلهم بعربيته وفعلا جه على ملا وشه هو ميرفت واتحرك الحاج هاشم وزوجته وبنته في طريق القاهره عصام كان سايق بجنون محمد بالنسبه ليه مش اخو مراته لا داه صاحب عمره واكتر من اخوات والحاجه منيره عنيها مانشفتش من الدموع هي وبنتها اللي قلبها اتخلع على اخوها اللي لسه من كام ساعه كان بيكلمهم بفرحه وضحه باينه من صوته وابوه اللي مش مبطل دعاء وفاكر ان ابنه عمل حادثه بالعربيه ولسه محدش عارف حاجه

*********************

في المستشفى الدكتور خرج بعد ساعتين واكتر كان في وقت وصول عائله محمد دخلو الاستقبال يسألوا عن ابنهم ومراته وعياله بلغوهم انه في العمليات في الدور الثالث جري الكل على الاسانسير ووصول الدور وقلبهم بيطلع من مكانه وداه كان وقت خروج الدكتور اللي الكل عينه راحت عليه

قالهم انه واخد 3 رصاصات واحده في صدره وصابت الرئه وقدرو يخرجهوهم بس الرصاصتين التانيين واحده في مفصل الكتف والتانيه صابت أوتار الايد وشبه عملت تلف او ما يشبه دمور الكل بيبص لبعضه مش فاهم حاجه رصاص ايه وابنه حصله ايه

الظابط ادهم: طيب والطفل اللي كان معاه وضعه ايهالدكتور قلع نظارته وضغط بصوابعه على عضمة مناخيره واخد نفس :للاسف الولد واضح انه وقع من مسافه عاليه ونزل على راسه لما جه كان ميت الجمجمة كانت مهشمه لان عضم الجمجمة بيحتاج سنه لحد ما يلتئم بوضعه الطبيعي عند الرضيع الدكتور بأسف البقاء لله

الخبر نزل على الكل زي الصاعقه ومحدش فاهم حاجه خالص

الكل بص للظابط علشان يفهمو

انا المقدم ادهم: للأسف معنديش لسه اي خيوط اقدر أفيدكم بيها اكتر من بلاغ بوجود شخص مصاب بطلق ناري على طريق القاهره اسكندريه الصحراوي وفي أولاد محبوسين في عربيه وطفل رضيع مصاب على بعد أمتار بسيطه منه ولما وصلنا نقلناهم المستشفى لسه هاننتظر تحريات المباحث حوالين الواقعه و كلام المصاب

الحاج هاشم بلهفه : العيال فين ومين اللي العيل اللي مات مادام العيال كانت جوه العربيه ومراته فين

المقدم ادهم بصله بذهول مراته اللي كان في العربيه طفلين شبه بعض بس

أمه صرخت بحرقه: يا ابني يا قلبي يا ابني يارب يارب خد من عمري مش هاعيش قد اللي فات يارب احفظلي ابني وعياله يارب

عصام بلهفه: طيب العيال فين ومراته فين

المقدم ادهم بشك وذهول: في القسم في حالة انهيار

الحاج هاشم وعصام في صوت واحد :احنا جايين معاك يمكن العيال تفهمنا حاجه ميرفت خليكي مع امك يا بنتي لما نفهم مينفعشي كلنا نسيب اخوكي لوحده ولا ينفع نسيب العيال في القسم

*****************************

في فيلا السالمي رجعت العائله كلها على الفيلا بعد انتهاء الحفل الصاخب شاكر بانتباه :اومال فين ماهر يا فهد مش شايفه

رد فهد بهدوء ووقار: خرج من بدري مع أصحابه قال هايسهر معاهم

شاكر بهدوء: رن عليه وبلغه ان يكون موجود من بدري علشان الوفد الألماني اللي جاي بكره علشان مشروع الغردقه الجديد ولازم يكون موجود من بدري

حاضر هارن عليه اهو قالها فهد وهو بيطلب رقم ماهر من التليفون مش بيرد يا بابا

شاكر بشك: امممم الصبح ليا كلام تاني مع البيه اللي مقضيها سرمحه لو يهتم بشغله قد ما بيهتم بالقرف اللي عايش فيه كان زمان شركتنا عالميه

ميريهان بتعب : خلاص يا شاكر شاب وكل الشباب كده سيبه يعيش سنه مادام مش مقصر في شغله

بيري بتعب: انا خلاص فصلت هاموت وانام

ماهي بملل: انا كمان هاطلع انام Good night قالتها ماهي وهي طالعه على السلم

**************************

في عربيه الشاب وصل فيلا تبع عيلته بس محدش ساكن فيها شال قمر وشنطتها وقعت في دواسة العربيه لان قمر كانت بتحب تلبس شنط كروس

طلعها على اوضه نومه وطلع حبل من الدرج ربط ايديها كويس جدا جدا جدا ورجليها في حرف السرير ونزل المطبخ ملا كوبايه ميه وطلع كبها على قمر اللي فاقت وحاولت تتحرك بس لقيت ايديها ورجليها مربوطه بتبص على هدومها حمدت ربنا انها بهدومها وحجابها اتلفتت حواليها شافت عيون شيطان

قمر افتكرت كل اللي حصل وبعيون احمرت من الغضب وهي مش عارفه ابنها وجوزها وعيالها حالهم ايه قالتله بغضب: جحيمي فكني والا وديني لخليك تحفر قبرك في الاسفلت ومن عذاب جهنم اللي هاتشوفه على أيدي تتمنى ادفنك فيه

ضحك بسخريه وعقل غايب من السموم والخمره: بعشق القطط الشرسه وخصوصا لو كانت مفترسه وبتخربش زيك صنف جديد بس شكله لذيذ وعد هجرب واقولك رائيي فيكي قمر فهمت نواياه : بتتشطر على ست منتا مرا لولا انك خايف مكنتش كتفتني لو راجل فكني وانا اعرفك الرجوله يا كلب يا ابن الكلب اصل اللي زيك مش راجل

الشاب بغضب جحيمي تحت تأثير السموم :انا مش راجل يا بنت الكلب فك حزام البنطلون ونزل ضرب بجنون وهو مش واعي لقمر ولا لحالته ولا لحالتها قمر بقت تصرخ بجنون مش من وجع الضرب لا علشان تفك نفسها بقت بتتحرك بجنون علشان تقدر حتى تفك ولو ايد بس للاسف معرفتش ومع ازدياد الضرب قواها بدئت تقل

الشاب اتحول لمجنون وعدل الحزام ولف الجلده على ايده وبقى يضرب قمر بجنون بتوكه الحزام وهو بيصرخ بهستيريه: انا مش راجل يا بنت الكلب انتو اصلا شويه زباله لابسه خيمه فاكره نفسك ست انتي ولا تسوي انتي اللي زيك اقل من اني اشغلها تمسحلي الجزم كل داه وهو مستمر في الضرب بجنون لحد ما تعب وقمر كمان كانت شبه فقدت الوعي بين الوعي واللاوعي

قعد الشاب على الأرض بعد وصلة عذاب استمرت اكتر من ساعه وهو بيضرب قمر بدون رحمه ولا شفقه ولا حتى رفله جفن

ولع سيجاره بس بص ليها بشر وقام وطفاها في جرح من جروح قمر اللي ملت وشها وجسمها صرخت قمر بألم من الوجع والعجز والاسواء من المصير اللي هي عارفه انه منتظرها

قمر لنفسها : يارب احميني واحفظ محمد وأولادي بس غفلة الشيطان كانت اقوى

الشاب فضل يكررها لحد ما خلص علبة السجاير كلها كل شويه يولع سيجاره ويطفيها في قمر وهو بيضحك بجنون: شوفتي انا راجل ولا لاء شوفتي مين فينا اللي ابن كلب

قمر تفت على وشه: الراجل اللي يرفع ايده على ست يبقى مرا وسخه خساره حتى يتشبه بالرجاله او حتى بالستات قالها انا هاعرف انا راجل ولا لاء قطع هدوم قمر تحت صراخها الجنوبي وهي بتحاول تقاومه وتدافع عن شرفها بكل ما أوتيت من قوه

الشاب وهو بيضرب قمر بالاقلام: ايه مبتتهديش اهمدي بقى ومع كل كلمه قلم أشد من اللي قبله اغتصب قمر اغتصاب وحشي تحت صريخ يفتت الحجر ومكتفاش بالاغتصاب بل فعل كل ماحرمه الله

الشاب :عرفتي اني راجل ولا لاء ونام وهو لا على باله انه دمر عائله كانت عايشه سعيده

للاسف رجاله كتير فاكره ان هي دي الرجوله ميعرفش ان دي ذكوره وليس رجوله

الرجوله اخلاق

ليس كل ذكر رجل

يا ترى محمد هايعيش ولا هايموت وايه مصير قمر بعد اللي حصلها

يتبع…

تكملة الرواية من هناااااااا