رواية مجنون فرح الفصل 31-32-33الاخير بقلم رنا أشرف (جميع الفصول كامله)

رواية مجنون فرح الفصل 31-32-33الاخير بقلم رنا أشرف (جميع الفصول كامله)

رواية مجنون فرح الفصل 31-32-33الاخير بقلم رنا أشرف (جميع الفصول كامله)

البارت 31

______________________________

_ الجوازه دي مش هتم... 

كلهم بصو للصوت بصدمه... 

نيللي وقفت بسرعه: ماما!! 

_ ايوا ماما ياحببتي ماما ال مهانش عليكي حتي تقوليلها انك هتتجوزي 

احمد همس ل ماجد وزين الواقفين جمبه: هادمه الملزات وصلت 

زين ضحك بس ماجد اتكلم بجديه: هو في حاجه!!

احمد: متقلقش.. سيبها عليا 

نيللي: خير ياماما في حاجه!!

اتكلمت بعصبيه: اي يابنت ابوكي مش عاجبك كلامي ولا اي 

نيللي بزهق: لا مش عاجبني.. انتي لسه فاكره ان ليكي بنت جايه تسألي عليها 

احمد قرب بعصبيه: خير ياچيهان جايه ليه دلوقتي 

چيهان بعصبيه: الجوازه دي مش هتم يااحمد 

نيللي كانت هتتكلم بس احمد اتكلم بتريقه: بجد مش هتم ازاي بقي 

چيهان بعصبيه: احمد متعصبنيش 

احمد بابتسامه: تقدري تتفضلي من هنا وانا مش هعصبك 

چيهان: وانا مش ماشيه يااحمد 

احمد بعصبيه: چيهان انا مش ناقصك 

چيهان بعصبيه هي كمان: ولا انا كمان نقصاك..

زين ادخل بسرعه: اهدو ياجماعه الموضوع  مش كده.. ممكن نحل الموضوع بهدوء 

چيهان ببرود: وانت بقي عريس الغفله!! 

زين بابتسامه: لا انا صاحب عريس الغفله.. وبعدين اهدي ياطنط مش كده 

چيهان بعصبيه وصوت عالي: طنط!! بتقولي اناا ياطنط!! انت اتجننت اكيد اتجننت 

أحمد قرب من زين وهمس بصوت واطي: أديها هي تستاهل 

زين بابتسامه استفزتها: حضرتك ممكن تهدي ونتكلم  بهدوء.. يعني ممكن نعرف سبب رفضك للجوازه اي!! 

چيهان بغرور: مش مناسب لبنتي 

زين: مش مناسب ازاي ده من اكبر الدكاتره النفسيين هنا...ولو احتاجتيه هيكون موجود 

چيهان بصتله بعصبيه: لييه شايفني مجنونه

زين بهدوء: هما الدكاتره النفسيين بيعالجو مجانين!! علي العموم انا مقولتش حاجه انتي ال شايفه نفسك كده 

چيهان بعصبيه: انت قليل الذوق.. ماشي يااحمد مش هسيبك..عن اذنكم

_ سابتهم ومشيت بعصبيه واول مامشيت قعدو يضحكو عليها...

احمد: والله هي بنت حلال وتستاهل 

نيللي بحزن: انا اسفه ياماجد علي ال حصل

ماجد قرب منها بابتسامه: وانتي ذنبك اي ياحببتي.. متخافيش مفيش حد هيبعدني عنك مهما حصل 

احمد بتريقه: اعملي حساب حتي يا أخي

ماجد بابتسامه: اه سوري ياعمي.. علي العموم متشكر لحضرتك وان شاء الله الاسبوع الجاي الخطوبه وكتب الكتاب زي مااتفقنا.. نسيبكو بقي دلوقتي..عن اذنك 

________________________________

كانت واقفه بتسقي الزرع بابتسامه وحست بحد حضنها من ضهرها...

فرح بصدمه وهي بتبص وراها:زين!!

زين حضنها وباسها من جبينها: حبيبي واقف بيعمل اي 

فرح بابتسامه: لقيت نفسي زهقانه ف قولت اسقي الزرع..

زين بص حواليها يتأكد ان مفيش حد وباسها من شفايفها بوسه سريعه: وحشتيني 

فرح ضحكت وهي بتمشي ايدها علي خده براحه: لحقت اوحشك!!

زين بابتسامه: انتي بتوحشيني وانتي معايا اصلا 

فرح بابتسامه: اه صح عرفت ان خطوبه ماجد الاسبوع الجاي نيللي كلمتني وقالتلي 

زين بابتسامه: ايوه كويس ان والدها كان موافق بس امها دي بقي ال مكنتش موافقه 

فرح ضحكت: چيچي دي مبيعجبهاش حاجه!! انا بجد مش عارفه انكل احمد اتجوزها ازاي يعني هما الاتنين مختلفين خالص هي تحسها مغروره كده وشايفه نفسها علي عكس انكل احمد طيب جدا وفرفوش وعسول كده

زين بعصبيه: ايه!!

فرح: عسول!!

زين شالها بعصبيه: طيب تعالي بقي نشوف موضوع العسول ده 

فرح ضحكت وهي ماسكه رقبته: زين بتعمل اي ممكن حد يشوفنا 

زين بعصبيه: اخرسي انا هرويكي تقولي علي حد عسول ازاي 

فرح بابتسامه: ياحبيبي ده زي بابا.. نزلني بقي 

زين بابتسامه خبيثه: لا بردو هتتعاقبي 

ضحكت وخبت وشها ف صدره وهو ابتسم بحب لحد ماطلعو الاوضه...

______________________________

مريم بلهفه: عملت ايه!!

ماجد بابتسامه: الحمدلله وافق وحددنا الخطوبه وكتب الكتاب الاسبوع الجاي

مريم: علي طول كده!

ماجد: ابوها قال كتب كتاب احسن عشان لو خرجنا او كده

مريم حضنته بابتسامه: الف مبروك ياميدو... بطتي الحلوه كبرت وهتتجوز

ماجد بعد عنها بعصبيه: بت انتي لو مبطلتيش دلعك الرخم هـ...

مريم ضحكت: هتعمل ايه!!

ماجد بخبث: زين قالي ان عمرو كلمه عشان يقنعني بخطوبتكو وانا كنت موافق تتخطبو معايا بس خلاص غيرت رأيي عشان تبقي تحترمي نفسك كويس 

مريم بسرعه: لا لا خلاص والله مش هدلعك تاني.. انتي حبيبي بردو 

ماجد ضحك عليها: ناس مبتجيش غير بالعين الحمره... خلاص عشان صعبتي عليا بس..بس لو سمعتك بدلعيني كده تاني!!

مريم بسرعه: لا لا انا غلطانه اصلا.. مش هدلع حد غير عموري وبس 

ماجد جري وراها بعصبيه: عموري هاا

مريم جريت بسرعه ودخلت اوضتها وقفلت الباب وهي بتضحك: ايوه طبعا عموري...وبعدين انت مالك مش انت مش عايزني ادلعك ادلع جوزي المستقبلي براحتي 

ماجد بعصبيه: ماشي يامريم لما تطلعيلي.. انا هروح اكلم بابا وماما واقولهم وهخليهم ينزلو علي الخطوبه بأي طريقه..

سابها ومشي وهي نطت علي السرير بفرحه وكلمت عمرو وقالتله ان خطوبتهم مع ماجد كمان اسبوع....

_ عدي الاسبوع وجه يوم الخطوبه المنتظر... الكل كان متجمع نيللي وندي وحتي اتعرفو علي مريم وبقو صحاب... والشباب كانو مع بعض...

ندي بمرح: اهو جالك يوم ياست نيللي عشان تبقي تتريقي عليا كويس 

نيللي ضحكت: ولسه هتريق عليكي.. لا لا انا خايفه ومسكوفه اوي 

مريم بتوتر: وانتي مش خايفه يعني 

نيللي: بصراحه!! خايفه اوي 

قعدو يضحكو عليها وقاطع ضحكهم دخول فرح..

فرح ضحكت: واو عروستين مره واحده 

نيللي: انتي لسه فاكره تيجي!!

فرح حضنتها بابتسامه: معلش اطمنت علي بابا وجيت انا وزين 

نيللي: هو فين

فرح ضحكت بخبث: ف الاوضه التانيه مع ماجد وعمرو 

ندي ضحكت: فاكره لما كانت بتكلمنا انها مستحيل تتجوز وان اي حد بيتجوز جسمه بيتغير ويتخن وكده!! رجعتي ف كلامك ولا اي يانيللي 

نيللي بغرور مصطنع: يابنتي خلاص عرفت ان مش كل ال بيتجوزو كده مافرح قدامك اهي متجوزه ولسه جسمها زي ماهو حتي انتي اهو وكمان حامل و....

فرح بصت ل ندي بصدمه ممزوجه بابتسامه: ايه ده انتي حامل!! 

ندي بتوتر..هي عارفه ان الموضوع ممكن يضايق فرح ف مكنتش حابه تعرفها دلوقتي: اه..لسه عارفه من فتره 

فرح حضنتها بحب وزعل علي نفسها: الف مبروك ياحببتي...

حاولت تتكلم بمرح عشان تغير جو التوتر ده: ان شاء الله هتكون بنوته وهتسميها فرح 

ندي بابتسامه: اكيد طبعا 

نيللي بزعل مصطنع: وليه متسمهاش نيللي بقي 

ندي ضحكت: بصراحه مش عايزاها تطلع معقده 

_ قاطع ضحكهم صوت خناق قدام الاوضه...طلعو بسرعه...

فرح: زين!!

البارت 32

__________________________________

سمعو صوت خناق قدام الاوضه.. ف طلعو بسرعه 

فرح: زين!! 

ندي: حازم!! 

مريم بصوت عالي: عمررو!!

وقفو هما التلاته يبصو عليهم وكانو بيرقصو مع الرقاصه...

عمرو بصدمه: اي ده انا ايه ال جابني هنا..انهاردة فرحي يعم انا ماشي 

نيللي بثقه: كنت عارفه ان ماجد حبيبي ملهوش ف الحاجات دي 

زين بتريقه حب يضايقها: لا هو واخد الرقاصه التانيه ترقصلو لوحده جوا 

نيللي بعصبيه: نعممم!! هو فييين 

سابتهم ودخلت الاوضه بسرعه واتصدمت لما شافته واقف قدامها وصدره عريان لابس البنطلون ولسه كان هيلبس القميص..

نيللي بعصبيه وهي بدور ف الاوضه: هيي فيين!! 

ماجد بصدمه: هي مين!! وبعدين بتعملي اي هنا مش المفروض كنتي بتلبسي 

نيللي قربت منه بعصبيه: ليك عين تتكلم واخد الرقاصه هنا عشان ترقصلك لوحدك!! هيي فييين بقولك... كنت قالع ليها هااا وياتري بقي فين آثار الروج 

ماجد بزهق: يابنتي قصدك ايه!! رقاصه اي ال اجيبها هنا!! 

نيللي بصتله بشك: يعني مكنش في هنا رقاصه!!

ماجد: انتي شايفه ايه!! انا كنت بلبس زي مانتي شايفه ودخلتي عليا زي بوليس الاداب

نيللي بإحراج: انا اسفه ياماجد زين قالي ان هنا لوحدك ومعاك رقاصه 

بصتله بابتسامه واتكلمت بمرح: بس انا لاا ماجد حبيبي محترم ومستحيل يعمل كده 

ماجد قرب منها بعصبيه: اه ماهو باين انك مكنتيش مصدقاه 

نيللي بتوتر لما شافته بيقرب منها ولسه القميص ف ايده: انا... انا هروح عشان الحق البس 

كانت ماشيه بس مسكها من ايدها بسرعه وشبه حضنها: رايحه فين!! بقي انا هجيب رقاصه هنا هاا 

نيللي بتوتر وهي موطيه راسها بخجل: لا.. لا انت متعملش كده 

ماجد رفع وشها بإيده بابتسامه خبيثه: انا مش محتاج رقاصه... انتي موجوده اهو وهترقصيلي

نيللي جريت من قدامه بسرعه: انت قليل الادب 

جريت وسابته وهو قعد يضحك عليها...

_____________________________________

فرح بعصبيه وهي بتضربه علي صدره: رقاصه يازين!! رقااصه 

زين ضحك: ياحببتي صدقيني حازم وعمرو كانو بيتخانقو عليها وانا بحوشهم بس

فرح بعصبيه: دي كانت ف حضنك!! 

زين بمرح: اه مانا كنت ببعدها عنهم!! البنت طيبه ومينفعش اسيبها معاهم 

فرح ضربته علي كتفه بعصبيه: لا حنين اوي 

زين قرب منها بخبث: طبعا حنين... تحبي اوريكي!!

فرح وهي بتحاول تبعد عنه: ابعد عني متلمسنيش... 

كلمته بعصبيه وهي خارجه من الاوضه: انا رايحه اشوف نيللي ومريم ومش عايزه اكلمك تاني..فااهم

__________________________________

حازم قرب من ندي: حببتي انا...

ندي بصتله بعصبيه وهي داخله الاوضه: ماشي ياحازم 

عمرو قرب من مريم وهو بيضحك: ايه ده مريم انتي هنا!!

مريم بصتله بعصبيه: والله!! بتخوني مع رقاصه ياعمرو رقاصه!!

عمرو ضحك: اخونك اي بس ياحببتي احنا كنا بنرقص

مريم بدموع: نسيت وعدك ليا ياعمرو

عمرو قرب منها بخوف: مريم!! صدقيني انا..

بصتله بعصبيه ف اتكلم بتوتر: خلاص يامريم انا اسف.. متزعليش مني ياحببتي 

مريم بعصبيه: مش هتضحك عليا بكلمتين ياعمرو

عمرو قرب منها ومسح دموعها بابتسامه: والله ياحببتي كنا بنرقص بس ملمستهاش..انا بحبك ومش عايز ازعلك وانتي عارفه 

مريم بزعل طفولي: ماهو باين 

عمرو بابتسامه وهو بيقرب منها يحضنها: خلاص بقي..صدقيني مكنتش اعرف ان الموضوع هيضايقك كده 

مريم بعدت عنه بسرعه: خلاص بس مينفعش تحضني احنا لسه متجوزناش 

عمرو بزعل مصطنع: ماحنا هنكتب الكتاب دلوقتي.. وبعدين انتي زعلانه وانا هصالحك يلا هاتي راسك ابوسها

مريم بابتسامه وهي بتبعد عنه: لا خلاص مش زعلانه.. انا هروح اكمل لبسي 

عمرو ضحك وهو بيكلمها بصوت عالي بعد مامشيت: ماشي هنكتب الكتاب بس وهبوس براحتي 

ماجد بعصبيه: هتبوس مين ياض 

عمرو بفزع: الله يخربيتك خضتني... ده انتو عيله تشل خلاص مش عايز اتنيل ابوس 

ماجد كان رايح ل زين بس لقاه جاي وهو مبتسم..

زين بمرح: اهلاا مبروك ياعريس

ماجد بعصبيه: وليك عين تضحك!! بقي بتقول ل نيللي اني معايا رقاصه!! كنت هتوديني ف داهيه منك لله

زين وهو بيضحك: انا قولت يقفشو كلهم مره واحده 

قعدو يضحكو وكل واحد دخل اوضته وخلصو لبسهم ونزلو القاعه كلهم واحمد قعد قصاد ماجد وكتبو الكتاب وبقت مراته رسمي.. ووالد مريم قعد مع عمرو وكتبو الكتاب هما كمان والقاعه اتملت بالمباركات بين الكل وماجد ونيللي كانو بيرقصو سلو سوا

ماجد بابتسامه: اخيرا بقيتي مراتي وحببتي وكل حاجه ليا 

نيللي بكسوف: مبروك ياحبيبي 

ماجد باسها من جبينها بحب: مبروك عليا انتي 

حضنها بحب وكملو رقصهم...

وجمهم عمرو ومريم..

عمرو بخبث: انا بقول نقعد ف الفندق ده يومين انا وانتي 

مريم ضحكت: لأ ياحبيبي لسه بعد الفرح

عمرو بعصبيه مصطنعه: خلاص امري لله... هاتي بوسه بقي اصبر نفسي بيها  

مريم بصتله بكسوف: عمررو!!

عمرو ضحك عليها وحضنها بحب....

_________________________________

حازم بابتسامه: ندوشه!!

ندي كانت بتاكل جاتوه بصتله بعصبيه من غير ماتكلمه...

حازم بمرح: مش هتأكليني معاكي طيب!!

ندي بعصبيه وهي بتاكل: لا خساره فيك...

حازم ضحك: طيب براحه شويه وبعدين انتي خلصتي كل الجاتوه ال هنا!! اي الكميه دي!!

ندي بعصبيه: انت مالك...وبعدين انا مش باكل ليا..ابنك هو ال عايز انت عارف مبحبش الحاجات دي 

حازم: اه اه طبعا مبتحبيش الحاجات خالص وابني ال مكملش اسبوعين هو ال طالب 

ندي بصتله بعصبيه: انت مش مصدقني!!

حازم ضحك: لا ياحببتي كلي ال انتي عايزاه...اممم اي رأيك نرقص 

ندي: لا انا عايزه أكل 

حازم مسك قطعه شوكولاته وهو بيأكلها بابتسامه: اول مره اشوف شكولاته بتاكل شكولاته 

ندي ضحكت بحب: اه هتاكل دماغي بكلمتين زي كل مره 

حازم وهو بيمسحلها شفايفها برقه: انا اقدر بردو..انتي عارفه اني مستحيل ابص لحد غيرك انتي 

ندي ضحكت: لو الموضوع كده بقي خلاص مش زعلانه منك بس روح هاتلي شويه شوكولا من ال هناك دي 

حازم وقف وهو بيضحك عليها: ناقص تاكليني...

___________________________________

زين كان واقف مع عميله بيشتغل معاها وعرف بالصدفه انها صاحبه مريم كانت معاها ف امريكا...

ميرا بدلع: مبسوطه اني شوفتك مستر زين... اتمني الشغل يجمعنا تاني  

زين بابتسامه صغيره: اكيد هكون مبسوط لو رجعنا اشتغلنا مع بعض تاني 

ميرا حطت ايدها علي صدره بحركه عفويه: اكيد الشغل معاك حاجه تانيه

فرح قربت من بعصبيه: والله!! الشغل معاه حاجه تانيه ازاي يعني 

زين: فرح!! في ايه!!

فرح بعصبيه: في ايه!! سايبني واقفه لوحدي وواقف هنا مع السلعوه دي وبتقولي في ايه!!

ميرا بعصبيه: انا سلعوه!! انتي قليله الذوق وانا مش هرد عليكي وهعمل احترام ل زين 

فرح بعصبيه وهي بتمسكها من شعرها: تعالي بقي اوريكي قله الذوق بجد

زين حاول يبعد فرح ف مسكها من ايدها: فررح!! انتي اتجننتي بتعملي اي 

فرح وهي لسه ماسكاها بعصبيه: هي لسه شافت حاجه 

ميرا بدموع: زين الحقني 

زين مسك فرح من وسطها بعصبيه وشالها وطلع بيها من القاعه...

فرح بعصبيه وهي بتحاول تنزل: سيني يازين... سيبني اوريها قليله الذوق دي بتعمل ايه 

زين نزلها قدامه بعصبيه: في ايه يافرح!! دي مش طريقه.!! عملت ايه لكل ده 

فرح بصتله بصدمه وكلمته بعصبيه: طبعا مانت اكيد فرحان والست هانم بتحسس عليك 

زين رفع ايده بعصبيه: فرررح 

فرح بصت لايده بدموع: اضرب يازين.. اضربني يلا عشانها 

زين ضرب الحيطه ال وراها بعصبيه وغمض عينه بيحاول يهدي نفسه....

فتح عينه ولقاها حاطه عينها ف الارض وبتعيط.. كل مايسمع صوت شهقتها يلوم نفسه انه اتعصب عليها وكان هيضربها... رفع وشها بإيده برقه ولما شاف دموعها خدها ف حضنه وهو بيهمس ف ودنها: انا اسف.. اسف ياحببتي 

فرح كانت بتعيط ف حضنه وهي ماسكاه من وسطه وضهره...

فرح بعدت عنه بسرعه ومسحت دموعها وبصتله بعتاب: لا يازين انت وقفت معاها ضدي!! كنت هتضربني عشانها!!

قبل مايتكلم بصتله بدموع وجريت من قدامه بس مكنتش داخله القاعه كانت ماشيه الناحيه التانيه..

زين بصلها بصدمه لما شاف عربيه جايه بإتجاهها....

زين: فررررح...

 يتبع

البارت 33

___________________________________

زين بصلها بصدمه لما شاف عربيه جايه بإتجاهها....

زين: فررررح.!! 

فرح كانت ماشيه بعيد عنه وهي بتعيط وشافت العربيه وهي بتقرب منها ف وقفت بصدمه وحضنت نفسها وهي مغمضه عينها والسواق قدر ينحرف بالعربيه ويبعد عنها... 

زين جري عليها بسرعه: فرح!! انتي كويسه 

بصتله بخوف وحضنته وهي بتعيط...

زين قربها ليه اكتر وحس ان جسمها بيرتعش ف شالها وهي خبت وشها ف صدره ولسه بتعيط...قرب من عربيته وحطها براحه وقعد جمبها...

زين وهو بيرجع شعرها ورا ودنها: حببتي انتي كويسه!! 

هزت راسها من غير ماتتكلم...

زين مسك ايدها: انا اسف يافرح..صدقيني انا متعصبتش بسببها انا ممكن اكون اتعصبت شويه بس..

فرح بصتله بزعل طفولي: متشتغلش معاها تاني 

زين ضحك: حاضر ياستي مش عايز اشتغل معاها.. وبصراحه تستاهل ال انتي عملتيه معاها 

فرح ابتسمت: لو كنت سبتني عليها كنت قطعتلها شعرها ده 

زين وهو بيدور العربيه: ياساتر بقيتي مجرمه 

ضحكت عليها وبصتله بابتسامه...

فرح: زين..

زين وهو سايق: نعم 

فرح بابتسامه: بحبك 

زين بصلها بابتسامه ومسك ايدها وباسها برقه: وانا بموت فيكِ 

نامت علي كتفه بابتسامه....

______________________________________

بعد شهور....

ندي وهي بتصوت: لاااااا حاااااازم 

حازم بسرعه: في اييه!!

ندي: انت شااايف ايه بولدددد 

حازم شالها بسرعه وركبها العربيه واتصل ب زين وراح المستشفى..

وصلو كلهم المستشفى...

فرح بسرعه: حازم!! فين ندي 

حازم بتوتر: لسه واصلين ودخلوها اوضه العمليات

سمعو صوت ندي وهي بتصوت: منك لله ياحاااازم منك لله 

حازم قرب من الاوضه باستغراب: وانا مالي انتي كمان 

فرح بابتسامه: اهدي ان شاءالله خير 

ندي وهي بتصوت: انت السبب ياحاازم انت السببب...طلقنااااي 

زين مقدرش يمنع نفسه من الضحك: اهو بقيت دلوقتي انت السبب 

حازم بتوتر: هما اتأخرو كده ليه 

فرح بابتسامه: متأخروش ولا حاجه متقلقش 

حازم قعد شويه بس قرب من الاوضه تاني بخوف: لا اتأخرو وكمان ندي سكتت...

قبل مايكمل كلامه سمع صوت بكاء طفل...

فرح بابتسامه: اهي ولدت.. الف مبروك ياحازم 

حازم بفرحه: الله يبارك فيكِ يافرح 

حازم سابهم ودخل بسرعه يطمن علي ندي...

فرح كانت واقفه وهي بتفكر لو كانت هي كمان حامل وبتولد دلوقتي وهتشوف الفرحه دي علي وش زين...

زين قرب منها وحضنها من ضهرها: مش هتيجي نطمن علي البيبي 

فرح مسحت دموعها بسرعه واتكلمت بابتسامه: ااه يلا 

قرب منها بصلها بحزن هو حاول طول الفتره دي يشغلها عن الفكره دي بس هو عارف انها نفسها ف طفل بس مش بإيده..

دخلو الاوضه وكانت ندي نايمه علي السرير وحازم جمبها ماسك البيبي....

فرح دخلت وحضنتها: حمدلله علي سلامتك 

ندي بابتسامه: الله يسلمك 

حازم بابتسامه وهو بيمد ايده: اهي ال قعدتني تسع شهور ف عذاب 

ندي ضحكت: ياسلام دلوقتي بقيت عذاب يااستاذ حازم

فرح مكنتش مركزه معاهم عينها علي الطفل ال ف إيدها قربت منه وباسته من جبينه بحب...

فرح بصتلها باستغراب: هي بنت!!

ندي بابتسامه: ايوه.. انا مكنتش عايزه اعمل سونار وانا حامل فيها كنت عايزاها مفاجأة وكانت احلي مفاجأة لما عرفت انها بنت..

زين قرب من فرح بابتسامه وحط ايده علي كتفها والايد التانيه ماسك ايد البيبي بابتسامه...

فرح بدموع وهي بتبصلها بابتسامه: بص يازين..حلوه اوي 

زين بابتسامه: فعلاً... هتسموها ايه!!

ندي بابتسامه: فرح 

فرح بصت ل ندي بصدمه بس اتحولت الصدمه ل دموع فرحه...

حازم بابتسامه وهو ماسك ايد ندي: عشان تبقي الفرح ال ف حياتنا 

زين ابتسم: كده بقي في اتنين فرح ف حياتي!!

فرح حضنته وهي لسه شايله فرح الصغيره ف ايدها وسانده راسها علي صدره وبتبص لل بيبي بحب....

____________________________________

بعد شهرين....

فرح بصوت عالي: زيين!! اصحي يلااا 

زين قام بفزع: فييه ايه!!

فرح بابتسامه وهي بتسرح شعرها: قوم ياحبيبي يلا نيللي ومريم مبطلوش زن

زين بزهق: انا عايز انام 

فرح قربت منه وهي بتمشي ايدها علي صدره العريان بابتسامه: يلا ياحبيبي انهارده فرح ماجد وعمرو ولازم تكون معاهم... احنا كان لازم نكون هناك من بدري بس عارفه انك منمتش من امبارح ف عشان كده استنيت معاك وقولت نروح علي الفرح علي طول 

زين شدها عليه وحضنها: وحشتيني 

فرح ضحكت وهي بتحاول تبعد عنه: زين يلااا 

وقفت بسرعه ودخلت الفستان ودخلت تلبسه وهو دخل الحمام خد شاور وطلع وكان بيلبس هدومه...

فرح قربت منه بعصبيه: زيين.. تعالي اقفلي السوسته دي 

زين قرب منها وهو بيضحك: طيب ومتعصبه كده ليه 

فرح بزهق: إيدي وجعتني ومش عارفه اقفلها

زين وقف وراها وهو بيضحك وكان هيقفلها بس وقف بابتسامه وهو بينزل كتفه وقرب منها وباسها من كتفها ورقبتها برقه...

فرح بابتسامه: زين.!!

زين لفها بابتسامه وهو بيبص ل شفايفها بلهفه: وحشتيني 

فرح وهو بتمشي ايدها علي دقنه ال كبرت ف الفتره الاخيره بابتسامه: انا علي طول معاك.. بوحشك ازاي بقي 

زين وهو بيمشي ايده علي رقبتها: قولتهالك قبل كده انتي بتوحشيني وانتي معايا... عايزك تعرفي اني بحبك ومبحبش غيرك ومش عايز حاجه من الدنيا دي غيرك انتي وبس 

فرح بصتله بابتسامه وقبل ماترد قرب منها وباسها من شفايفها بعمق وهو بيقربها منها وهي تاهت معاه وكانت حضناه من رقبته وهي مغمضه عينها...

قاطع لحظتهم تلفون زين وهو بيرن...

بعد عنها ورد عليه وكان عمرو ال بيستعجله ف دخل وخلص لبس بسرعه وساعدها ف لبسها ونزلو سوا....

فرح اول ماوصلت جريت علي ندي وخدت منها فرح الصغيره بابتسامه: فروحه وحشتيني اوي 

زين قرب منها بزعل مصطنع: علي فكره انتي بقيتي بتهتمي بفرح اكتر مني وده مش كويس عشانك 

فرح بابتسامه وهي لسه حاضنه فرح الصغيره: مش كويس عشاني ازاي بقي 

زين بثقه: الواحد مننا بيحب الاهتمام جدا.. وحضرتك بقيتي مشغوله عني ف انا طبيعي هدور علي واحده تانيه تهتم بيا 

فرح بعصبيه: طيب ابقي اعملها كده علشان اقتلك 

حازم ضحك: بس يابني انت مش قدهم

راحو كلهم باركو ل ماجد وعمرو....

_______________________________

فرح بابتسامه: مالك ياحبيبي 

زين بصلها بعصبيه: يعني ندي وحازم بيرقصو وحضرتك مش عايزه ترقصي معايا عشان ماسكه فرح!! 

فرح ضحكت: ياحبيبي فرح وحشتني مشوفتهاش من زمان 

زين بعصبيه: مشوفتهاش من زمان!! انتي بقيتي تشوفيها اكتر مني!! دي كانت معاكي امبارح!!

فرح بابتسامه وهي بتبص علي البيبي: مش بذمتك حلوه خالص!! واحلي حاجه فيها انها مش بتعيط كتير وبتسكت اول مابشيلها 

بصتلها وكانت بتتاوب ف اتكلمت بتأثر: يلهووي كيوت خالص 

فرحتها وهي بتبصلها نسته عصبيته وقرب منها بابتسامه وباسها من جبينها: ربنا يخليكي ليا ياحببتي 

فرح بابتسامه: ويخليك ليا ياحبيبي 

ندي قربت منهم بابتسامه وشالت فرح: علي فكره انا مليش فرح هي ال أصرت تشيلها..

زين بابتسامه وهو ماسك ايد فرح: طيب عن اذنك بقي هاخد فرح شويه قبل مافرح الصغيره تعيط وفرح الكبيره تضطر تشيلها...

سحب فرح وراه ودخل مطعم ف الفندق ال فيه القاعه....

فرح وهي بتبص حواليها باستغراب: ايه احنا بنعمل هنا ايه!! 

زين: انا قولت بما ان حضرتك مش فاضيه وبقالنا كتير مخرجناش لوحدنا 

قرب منها بابتسامه وباسها من شفايفها بوسه سريعه..

فرح وهي بتبص حواليها: زين ممكن حد يشوفنا 

زين بابتسامه: متخافيش مفيش حد غيرنا... تسمحيلي بقي بالرقصه دي!!

فرح بابتسامه وهي بتحط ايدها علي كتفه: اكيد 

مسكها من وسطها وقربها من بابتسامه وهو بيرقص معاها....

فرح رفعت عينها لقته بيبصلها..

فرح بابتسامه: بتبصلي كده ليه 

زين وهو بيبصلها بحب كإنها اول مره: عايزك تتأكدي يافرح اني بحبك...بحبك انتي بس ومستعد اعيش عشانك العمر كله... مش محتاج حاجه تربطني بيكي لاني مستحيل ابعد عنك يافرح 

فرح بصتله بابتسامه لما عرفت ان قصده علي موضوع الخلفه....

زين كمل وهو بيضحك: ايوه يافرح مش عايز غيرك.. اكيد لو كان ربنا رزقنا بطفل هكون مبسوط بس هكون مبسوط لإنه منك انتي...ولما ربنا مرزقناش بيه انا مبسوط اكتر اولا لان ده قدرنا ولازم نحمد ربنا دايما وثانيا لانك كده هتبقي ليا بس مش عايز حاجه تشغلك عني..

بصلها بزعل مصطنع: كفايه بنت حازم ال اخدتك مني 

فرح بصتله بصدمه: انت بتغير منها!! 

زين بابتسامه: طبعا بغير من اي حاجه ممكن تاخد جزء صغير من اهتمامك... انتي ليا لوحدي فااهمه فرح بصتله وهي بتضحك: مجنون

زين باسها من جبينها بحب: مجنون بيكِ

___________________________________

بعد سنه....

فرح نطت علي زين بفرحه: زييييين 

زين صحي بنعاس: ايه يابنت المجنونه 

فرح قعدت جمبه بدموع: بص!!

زين اتعدل: ايه ده؟!

فرح بفرحه: ده..ده اختبار حمل 

زين بصلها بسرعه: وبتعملي ايه بإختبار الحمل!!

فرح بابتسامه: انا عارف انا كنت تعبانه امبارح وزي ماقولتلك مش لازم اروح للدكتور ده مجرد برد.... بس قلبي كان بيقولي ان ده مش برد عادي ف طلبت من الصيدليه اختبار حمل و..و عرفت اني حامل..بص!!

زين بصلها بصدمه: انتي متأكده!!

فرح بابتسامه: انا مكنتش مصدقه زيك كده حتي طلبت اكتر من اختبار وكلهم بيأكدو اني حامل...

زين ابتسم بس بصلها تاني بصدمه: ده ممكن يتعبك!!

فرح بابتسامه: كلمت الدكتور دلوقتي وقالي ان الموضوع مش هيكون فيه اي ضرر انا معملتش عمليات وهو قالي ان الموضوع كان موضوع وقت بس مكنش جابب يدينا أمل يعني انا هبقي كويسه جدا...

زين فاق من صدمته وهو بيصلها بفرحه: يعني انتي دلوقتي حامل!! 

حط ايده علي بطنها بابتسامه: يعني في هنا طفل!!

فرح ضحكت: يعني هيكون في بطيخه يازين!! اكيد بيبي وهيكون قمر زيك ياحبيبي..

زين بسرعه وهو مش مصدق نفسه: لا لا انا عايز بنوته تبقي شبهك

فرح حضنته بابتسامه...

زين بعد عنه بسرعه: لاا استني انتي حامل!! يعني هتجبيلي بيبي!! وهتهتمي بيه زي فرح بنت حازم!! لااا خلاص انا مش عايز 

زين بتكشيره: زي ماسمعتي انا مش عايز حد يشغلك عني 

فرح بصتله بصدمه: زيين!!

زين بصلها بزهق: يووه خلاص هستحمله بس انتي عارفه لو اهتميتي بيه هو بس هعمل فيكي ايه!!

فرح حضنته وهي بتضحك بحب: محدش يقدر يشغلني عنك...بحبك اوي يازين 

زين باسها من جبينها بحب: وانا بموت فيكي ياقلب زين.....

#النهايه

مجنون فرح

Rana Ashraf 

شكرا لكل الناس القمر ال كانت متابعه الروايه وبجد اتمني تكون عجبتكم