رواية لكنكي قدرى الفصل 6-7-8-9-10بقلم رحمه محمد (جميع الفصول كامله)
رواية لكنكي قدرى الفصل 6-7-8-9-10بقلم رحمه محمد (جميع الفصول كامله)
"بارك الله لكما وبارك عليكما وجمع بينكما في خيررر"
قالها المؤذون وبدات الزغاريط تملي المكان وصوت الاغاني بعد ما كتبو الكتاب ملك ورحيم
فارس: لولولولووووييي اخيرا هفرح بيك ي ضنايا
شريف: اهئ هئ دمو.ع الفرحه مش سيعاني عقبالي
رحيم بصلهم بقر.ف ومشي من وسطهم
فارس بستغرا.ب : ماله دا
شريف وهو بيسقف : سيبك انت يلا نرقص
سناء بفرحه: الف مبروك ي ملك مبسوطه انك هتفضلي معانا هنا وهتبقي مرات اخويا
بسمه حضنت ملك: مبروك ي مرات اخويا
ملك مكنتش مركزه معاهم كل الي بتفكر فيه كلام خديجه لما جت ليها امبارح
Flash Back
خديجه اول ما الباب اتفتح وشافت ملك اتو.ترت: احمم ازيك ي ملك انا.. انا كنت جايه اسلم عليكي عشان.. عشان مشوفتكيش الصبح بس
ملك ببتسامه: اتفضلي
خديجه دخلت الاوضه وهي مكشره واول ما بصت لملك ابتسمت: كنتي بتنامي
ملك قعدت علي السرير: لا
خديجه: بصي ي ملك انا مبعرفش الف ولا ادور انا جايه عشان اقولك خلي بالك من رحيم
ملك بصتلها بستغراب: رحيم لي ماله؟
خديجه سكتت شويه وقعدت علي السرير جنب ملك ونهارت في العيا.ط المصطنع: رحيم ضحك عليا ي ملك وفهمني انه بيحبني وهيتجوزني وخلاني اثق فيه واحبه لحد ما انتي جيتي الصبح وهو طريقته بقت غريبه معايا كل ما اجي اكلمه يمشي ويسبني لغايت (ومسكت دمو.عها) ما عرفت انه هيتجوزك ولما روحت ووجهته قالي انه كان بيتسلي بيه ومش بيحبني انا عارفه ان كتب كتابكو بكرا بس انا محبتش تكوني ضحيته التانيه ويتسلي بيكي شويه وبعدين يطلقك عشان واحده جديده انتي بنت خالي وزي اختي
ملك كانت مصدو.مه من كلامها ومش عارفه تقول اي
خديجه ابتسمت بخ.بث لما شافت تعبيرات وش ملك ورجعت تعي.ط تاني بتصنع وطلعت تليفونها من جيبها حتي بصي (وفتحت فيديوا.. الي ابتسام صورته ليهم لما كانت خديجه مع رحيم ف البيت الصغير )
ملك بغ.ضب: ازاي يعمل فيكي كدا لازم عمي يعرف
خديجه بتو.تر: لا.. لا اوعي ي ملك عمي لو عرف او ماما هتبقا مصيبه بالله عليكي اوعي تجيبي سيره لحد ولا حتي لرحيم اني قولتلك انا بس قولت اعرفك عشان خايفه عليكي وانتي لسه في اولها يلا انا همشي سلام
ملك: بس....
خديجه كانت طلعت من الاوضه وسابت ملك( وطبعا رجعت ابتسامتها الخ.بيثه تترسم علي وشها تاني اول ما طلعت من الاوضه)
ملك بصت للاتجاه الي مشيت في خديجه بستغرا.ب ممزوج بصد.مه وفضلت طول الليل تفكر في كلامها صح او غلط
Backkkkkk
مياده: ي مااااالللللللكككك
ملك فاقت بخ.ضه: ايه في ايه
مياده ببتسامه: اي ي بنتي روحتي فين تعالي نرقص شويه
وشدتها ترقص بس ملك رفضت ورقت مع سناء
كان فرح بس مش كبير في قليل جدا من اهل البلد ورحيم مع الرجاله برا قدام البيت والبنات جوا البيت
وملك كانت لابسه دريس ابيض هادي ورقيق وفرده شعرها
صفاء كانت فرحتها مش سيعاها وهي شايفه ابنها عريس : لولولولولوووووييي
وابتسام وخديجه مش موجودين
في اوضة خديجه
ابتسام بغ.يظ : انتي قولتلها ايه امبارح ي بنت بطني
خديجه بغ.ضب: كل الي اتفقنا عليه قولتو ومعرفش ازاي وافقت تتجوزه برضو
ابتسام ج.زت علي سنانها بغ.ضب: برضو هتكوني ليه مهما كان وهنخلي يطلقها في اقرب وقت
خديجه: ازاي
ابتسام: تعالي نطلع دلوقتي برا وبعد الز.فت الليله دي ما تخلص هقولك
محسن قرب من ملك: الف مبروك ي بت اخويا
ملك بصتله بحز.ن: الله يبارك فيك يعمي
وفتكرت لما اول ما صحيت راحت ليه وقالتو انها مش عايز تتجوز رحيم وبرضو هو رفض
كان كل الي موجودين مبسوطين الا ملك ورحيم مش فارق معاه ولا حتي حاسس انه عريس ودي ليلته
عدا الوقت والناس الي حضرت من اهل البلد بدات تمشي ومفضلش غير اهل البيت
محسن: يلا ي رحيم خد عروستك واطلع اوضتك
رحيم: حاضر يابا
ملك اتو.ترت ومكنتش عارفه تعمل اي: يلا
فاقت علي صوت رحيم بصتله وهي قعده لقتو باصص ليها ومادد ايده ليها... ملك قامت من غير ما تمسك ايده وطلعت
محسن بص لرحيم: معلش ي رحيم استحملها الوضع جديد عليها برضو
شريف ضحك: ايوه ي عريس عروسه بقا وبتتدلع
فارس غمز لرحيم: يلا اطلع وراها بقا
رحيم ضحك علي اسلوبهم: والله ما انتو نافعين غو.ر ياض منك ليه اتخمد.و
وفعلا رحيم طلع ورا ملك
فارس بنوم: انا هروح انام بقا مش هتنام ولا ايه
شريف: لا انا هروح الصاله (قصده علي البيت الصغير)
فارس: طيب تصبح علي خير
فارس مشي علي اوضته وشريف طلع من البيت
مياده كانت هتروح تنام وسمعت شريف خارج ابتسمت وراحت وراه
مياده: اي مش هتنام ولا ايه
شريف بص وراه وهو بيتمرن: انتي لسه صاحيه
مياده: لا نايمه وخيالي الي واقف دا
شريف بضحكه صفره: ي خفه طالعه لخوكي ما شاء الله اخواتي اوي يعني
مياده بسخريه:ماانت نفس الخفيه برضو مقولكش علي د.مك الي يلطش دا لما بتهزر بيبقا عامل ازاي
شريف رجع يتمرن: ام لسانين روحي نامي
مياده فضلت تتامل في شريف وهو بيتمرن وعلي وشها ابتسامه شريف استغرب من صمتها وبص ليها تاني لقاها بصاله ومبتسمه: اي اعجب اوي كدا
مياده: اوووي (وفاقت من شرودها لقت شريف بيقرب نحيتها) ق..قصدي ايه ا..انت قولت ايه
شريف غمز ليها وهو لسه بيقرب: قولت وانتي رديتي
مياده بتو.تر وهو بترجع لورا: هاا قولت ايه
شريف ببتسامه وبقا وشه في وشها:انا عارفه اني اعجب برضو
مياده بتو.تر: علي ف..فككره بقا انت ولا تعجب ولا حاجه
شريف ضحك: اومال قولتي اوووي ليه
مياده بتو.تر ممزوج بكسوف من قرب شريف منها: انا هروح انام
وجريت من قدامه وراحت اوضتها وهي لسه بتجري
: وحشتيني ي سنسوناية قلبي
سناء بكسوف: ماشي
:هو اي الي ماشي دي مش هتقوليلي وانت كمان وحشتني
سناء: انت عارف اني بتكسف ي اشرف
اشرف ضحك: اه وخدودك هتحمر دلوقتي وتبقي شبه الفرولايه بس اي يعم الحلاوه بتاعت النهارده دي كنتي قمر
سناء ببتسامه: شكرا
اشرف بض.يق وتر.يق عليها: شكرا
سناء ضحكت: قولتلك مبعرفش ارد علي الكلام الحلو
اشرف: طب اي ي جميل مش ناوي الحج يحن علينا احنا كمان ويرمينا في شقه وحده
سناء بكسو.ف: اسكت ي اشرف
اشرف: اشمعنا رحيم بس دا الراجل في يوم وليله اتجوز ولا انا الي فقر ولازم الاجتهاد لاجل الوصول والفرهضه دي
سناء ببتسامه: هانت ي حبيبي
اشرف بصد.مه: اييه قولتي ايه لولولولولوووووييييي
سناء بكسو.ف: تصبح علي خير ي اشرف
اشرف: اشرف اي بقا مضيعيش اللحظه الحلوه دي.. ما تقوليها مره كمان
سناء عضت علي شفا.يفها بكسو.ف: تصبح علي خير ي حبيبي
وقفلت بسرعه في وشه
بسمه بصت ليها: ما تحني علي الواد بكلمه بقا يشيخه اتقي الله
سناء شه.قت بخ.ضه: يالهوي انتي صاحيه من امتي
بسمه: من اول (وقلدتها) اسكت ي اشرف..(وغمزت ليها) كان بيقولك اي اشروف
سناء: بت عيب يلا نامي
بسمه: طيب يستي متزوقيش حاضر بس مش هتقوليلي يعني
سناء بكسو.ف: اتخمدي ي بسمه
بسمه ضحكت: حاضر
سناء نامت جنبها وعلي وشها ابتسامه عريضه
ملك دخلت الاوضه وبعدها دخل رحيم
ملك بصتله بتو.تر : بص كدا من اولها مفيش كلام ما بنا ولا اكلمك ولا تكلمني اتفقنا
رحيم بصلها بعدم مبالاه ورمي نفسه علي السرير من التعب كان واخد السرير كله
ملك بصتله بغ.يظ: السرير مش ليك لوحدك علي فكره (رحيم فضل زي ما هو) يوووووه
وخدت مخده من علي السرير راحت حطتها علي الكنبه الي في الاوضه وبصت لرحيم بغ.ضب لقتو علي نفس الوضع همست بغ.يظ: بار.د
واتجهت ناحية الدولاب (كانت سناء وصفاء نقلو كل هدومها لاوضة رحيم) طلعت بيجامه ودخلت الحمام خدت شور وبعد فتره طلعت وهي بتنشف شعرها ولسه بتبص قدامها لقت رحيم قاعد علي طرف السرير وباصص ليها
ملك اتو.ترت وكملت تنشيف شعرها فجاه لقتو قام وجاي في اتجاها: لا.. بقولك اي اياك ثم اياك ثم اياك تقرب مني
رحيم مكنش بيرد كان ماشي في اتجاها وبس
ملك بترجع لورا: مستحيل اخليك تقرب مني ارجع انا كنت بلعب كاراتيه وانا صغيره ومعايا الحزام الاصفر ووو
رحيم ابتسم وقرب اكتر وووووو.....
يتبع.
#لكنكي_قدري. 7
ملك بترجع لورا: مستحيل اخليك تقرب مني ارجع انا كنت بلعب كاراتيه وانا صغيره ومعايا الحزام الاصفر يعني مش هتقدر تعملي حاجه ار.. ارجع بببقولك
لغايت ما خبطت في باب الحمام ورحيم بقا قدامها بالظبط
ملك بتو.تر: م..مش هترجع يعنيى
رحيم ابتسم بسخر.يه وقرب اكتر ولف ايد ورا وسطها عشان يفتح باب الحمام والايد التانيه زقها بعيد عن الباب: وسعي بقا وبطلي رغي كتير
ملك وقفت مكانها تستوعب اي الي حصل وخبطت علي جبينها بخفه: ينهار ابيض والله غ.بيه
بعد فتره طلع رحيم من الحمام وكان مغير هدومه وبينشف شعره المبلول لقي ملك نامت علي الكنبه نفخ بض.يق وراح قعد علي السرير وفضل باصص عليها
وفجاه قام وقرر انه يصحيها وتنام علي السرير وهو هينام علي الكنبه قرب منها: ملك
بس كانت فعلا ملك نامت ومش حسه بحاجة رحيم قعد علي ركبته وكان متردد يحط ايده عليها او لا وفعلا نزل ايده علي كتفها: ملك
ملك بنوم: يوووه سبيني بقا ي ماما
رحيم: ماما؟؟ قومي ي ملك نام علي الس...
ملك بز.هق وهي فعلا نايمه: مش قايمه سبيني بقا ي ماما
رحيم زه.ق وقام وقف ومشي خطوات بعيد عنها بس مقدرش يسيبها تنام علي الكنبه اكيد مش هترتاح ورجع ليها تاني شالها ونايمها علي للسرير
ملك فتحت نص عيونها وابتسامه علي وشها: شكرا
رحيم ابتسم وغطاها ولسه هيمشي لقاها زقت الغطا بعيد عنها رحيم خد نفس عميق وطلعه تاني وغطاها تاني كويس وراح نام علي الكنبه
صباح يوم جديد
فارس كان واقف قدام المدرسه مستني البنت الي معجب بيها تطلع واول ما شافها جري عليها: بقولك ايه...
البنت نف.خت بض.يق: لا بقا بقولك ايه انت ابعد عني مش كل يوم تنطلي قدام المدرسه مينفعش كدا
فارس ببتسامه: بسم الله الرحمن الرحيم مالك بس
البنت: يبني اي البرو.د دا مولود في تلاجه
فارس: لا مولود طبيعي عادي
البنت بغ.ضب شبه الاطفال: يوووه بقا امشي من قدامي
فارس ربع ايده وبصلها ببتسامه جميله: ولو ممشتش
البنت: بارد
فارس: نعم يقلب البارد
البنت بصد.مه وشهقت: قلبك!!! و.جع في قلبك يارب
فارس ولسه الابتسامه متشلتش من علي وشه حط ايده علي قلبه: اهون عليكي برضو
البنت بز.هق: لا كدا كتير بجد ربنا يعينك علي جنانك دا
ومشيت من قدامه بسرعه
فارس بصوت عالي عشان تسمعه: مسيرك ي حب تحن
البنت بصلتله وهي لسه بتمشي: بعينك
وجريت بسرعه
فارس ضحك بفرحه ومشي وهو مبسوطه وعيونه بطلع قلوب
الجده ببتسامه: ي مرحب ازيك ي احلام نورتي انتي وجوزك
احلام: وانتي كمان ي ماما
صفاء: مجتيش لي امبارح ملك فضلت مستنياكي طول اليوم
احلام ببتسامه وبصت لعادل: عادل كان مشغول اوي والله كان نفسي اشوف بنتي وهي عروسه بس نصيب
صفاء: حصل خير ي حبيبتي اطلعي ي سناء نادي العرسان
عادل اضا.يق اوي اول ما سمع الكلمه كانت رجله بتتحرك بسرعه (بتتهز كتير يعني)
سناء: حاضر ي ماما
سناء وهي طالعه علي السلالم مياده كانت نازله: صباح الخير
سناء ببتسامه: صباح العسل (وتكلمت بهمس) علي مرات اخويا التانيه
مياده بسعاده: قولي يارب
سناء ضحكت: يارب ي واقعه.. يلا انزل عشان هطلع انادي ملك ورحيم وهنزل نجهز الفطار
مياده: ماشي
وسناء طلعت ومياده نزلت سلمت علي كل الي موجودين
احلام: كبرتي ي مياده وبقيتي عروسه زي القمر
مياده ببتسامه: شكرا (وهمست لبسمه بستغراب) فين شريف
بسمه غمزت ليها: لي
مياده بغ.يظ: اخلصي ي ديكي علي وشك
بسمه: لسه نايم مش عارفه انتي وسناء مالكوا قرشين ملحتي ليه
سناء وهي بتخبط علي الباب: ي ملك ي رحيم اصحو ي عرسان
ملك فتحت عيونها بنوم: مييين
سناء: انا سناء ي ملك يلا قومي مامتك تحت
ملك قامت بسرعه من علي السرير: ماما
رحيم فتح عينه بخضه من صوتها
سناء ضحكت اول ما سمعت صوتها: ايوه يلا قومي كلنا مستنينك انتي ورحيم
رحيم باصص لملك بنوم : في اي مالك
ملك قامت بسرعه من علي السرير: ماما تحت انل نازله
رحيم غمضت عينه تاني: ماشي (وستوعب كلامها) ايييه استني
ملك بصتله بستغراب: في ايه؟
رحيم قام وراح ليها وقفل الباب الي كانت ملك فتحته عشان تنزل: تنزلي فين وانتي بالمنظر دا
ملك بصت لبچامتها: مالو منظري
رحيم ج.ز علي سنانه: البيت فيه رجاله هتنزلي بالبيچامه دي ازاي ادخلي غيري هدومك دي
ملك بستغراب: وفيها ايه
رحيم: ادخلي غيري هدومك ي ملك وانا هغير وهنزل سوا
ملك كانت هتر.فض بس لقت نفسها بتسمع كلامها وفعلا طلعت ليها هدوم ودخلت الحمام تغير ولما طلعت لقت رحيم جاهز وقاعد ماسك تليفونه ومستنيها
ملك: انا جاهزه
رحيم رفع عينه وبصلها اتسحر في جمالها (كانت لابسه دريس ابيض وعليه ورد بسيط لونه احمر..دريس رقيق وحلو اوي عليها وفرده شعرها)
ملك: يلا
رحيم فاق وقام وقف: احمم يلا
وخرجو من الاوضه عشان ينزلو
مياده بتفتح شبابيك الاوضه بتاعت شريف: يلاااا قووومممم
شريف بنوم: اقفلي ي مياده الشباك
مياده بعناد: لا مرات عمي قالتلي ممشيش الاه لما تفوق.. قوم مامت ملك وجوزها هنا
شريف بنوم: شويه بس
مياده قرب وشدت الغطا من عليه: قووو...(وشهقت لما لقتوو نايم من غير تيشرت)
شريف بخ.ضه: في ايه(لقاها مغمضه عيونها بايدها وبص لنفسه فهم هي شهقت ليه) يخر.بيتك خضتيني
مياده وهي لسه مغمضه عيونها: قوم ي شريف
وجريت علي برا وهو ما خرجت اتكسفت وضحكت وراحت ليهم وشريف كمل نوم عادي
ملك اول ما عادل ظهر قدامها اتو.ترت وخا.فت ومسكت ايد رحيم من غير ما تحس.. رحيم بصلها بستغراب لقاها بصه لعادل وهو باصص ليها ببتسامه
احلام راحت لملك: حبيبت قلب امك الف مبروك يقلبي
ملك سابت ايد رحيم وحضنت مامتها : الله يبارك فيكي ي ماما
واول ما بعدت عنها مسكت في ايد رحيم تاني
عادل بخ.بث: الف مبروك يلوكه تعالي هاتي حض.ن لبابا
يتبع.
#لكنكي_قدري. 8
ملك اول ما عادل ظهر قدامها اتو.ترت وخا.فت ومسكت ايد رحيم من غير ما تحس.. رحيم بصلها بستغراب لقاها بصه لعادل وهو باصص ليها ببتسامه
احلام راحت لملك: حبيبت قلب امك الف مبروك يقلبي
ملك سابت ايد رحيم وحضنت مامتها : الله يبارك فيكي ي ماما
واول ما بعدت عنها مسكت في ايد رحيم تاني
عادل بخ.بث: الف مبروك يلوكه تعالي هاتي حض.ن لبابا
ملك رجعت خطوه لورا رحيم استغرب نظرت عادل ليها وخو.ف ملك الزياده دا منه.. وفتكر لما راح يخدها وشافه برضو كانت خا.يفه منه
فاق علي صوت عادل: تعالي ي ملك
رحيم فهم ان ملك مش عايزه ترحله شدد علي ايديها الي مسكه في ايده عشان يطمنها: مبحبش مراتي تسلم علي حد
احلام: بس دا ابوها ي رحيم
رحيم وهو لسه باصص لعادل: ابو ملك الله يرحمه دا جوز امها وبس
عادل بص لرحيم وملك بغ.ضب وسابهم وطلع.. احلام بصت في الارض وطلعت وراه
صفاء: لي كدا ي بني كسفته
دخل محسن في الوقت دا: ملك دلوقتي بقت مراته ومن حقه يعمل الي هو عايزه
الجده: ايوه ي صفاء(وكملت بشك)وبعدين انا مش مرتاحه للجدع دا خالص نظراته وطريقة كلامه مش مريحاني
بسمه: فعلا ي تيته انا خوفت اول ما شوفته
صفاء: بس ي بسمه عيب متتكلميش علي حد اكبر منك كدا
ملك اول ما عادل خرج سابت ايد رحيم وكان لسه باين علي وشها التو.تر
رحيم بهمس: انتي كويس
ملك بتو.تر: ايه.. لا.. اه.. اه انا كويس
فارس دخل البيت: مساء العسل ي ناس ي عسل
رحيم: مساء النور كنت فين كدا
شريف جه من وراه فارس وحط ايده علي كتفه وغمز ليه: اه صحيح ي فارس كنت فين.. عند المدر...
فارس كتم بو.قه بسرعه: ك..كنت برا بتمشي وبس
محسن بستغراب: اومال كاتم بوقه كدا لي شكلكم عاملين مصيبه
شريف حرك راسه بالر.فض ولسه فارس حاطط ايده علي بوقه: اممم
فارس ببتسامه: وانت تعرف عننا كدا برضو ي خال
محسن خرج من الصاله: دا انا معرفش غير كدا ربنا يهديكم
خديجه: هاااا هنعمل اي بقا
ابتسام: اتقلي بس شويه مستعجله علي ايه ي يت
خديجه: يارب صبرني اتقل لغايت ما الاقيها حملت ي ماما دول بقو متجوزين
ابتسام ضحكت: متجوزين اممم عشان كدا امبارح كل واحد كان نايم في حته لوحده حد علي الكنبه وحد علي السرير بس اكيد رحيم الي كان نايم علي الكنبه
خديجه ابتسمت: عرفتي ازاي
ابتسام: عيب تقولي لامك كدا ي خوخه بعد ما نزلو دخلت الاوضه لقيت مخده وغطي علي الكنبه
خديجه ضحكت: طب هنعمل اي بقا
ابتسام بخ.بث: هقولك.........
سناء شافت مياده وهي طالعه تجري من اوضه شريف
سناء: مالك طالعه تجري كدا ليه
مياده بكسوف وتو.تر: اصل اصل انا
سناء: اصلك اي اوعي يكون ضا.يقك او قالك حاجه....
قطعتها مياده بكسوف: لا لا (وكشرت فجاه) ابقي قولي لاخوكي يلبس تيشرت وهو نايم بلاش قل.ة ادب
سناء انفجرت ضحكت: حاضر هقوله
مياده: متضحكيش طب وبعدين هو مش ناوي يعترف بقا حسه من تصرفاته انو بيحبني زي ما بحبه بس هو تو.ر في ارض الله اي البني ادم الي اسمه اخوكي ده
سناء: ما يمكن مش عارف يقولك قوليلو انتي
مياده بسرعه: لا لا هتكسف اقوله اي لا ما تقعدي معاه انتي تجسي النبض
سناء بستغراب: اجس النبض؟!
مياده: تشوفي الي في قبله ي سناء صحصحي معايا كدا
سناء ضحكت: امري لله حاضر
مياده حضنتها: ورحمة خالي زحلف انتي اجدع بنت خال
سناء: خالك زحلف؟؟؟
مياده اتنهدت: لا كدا كتير ياربي دا راجل طيب ادعيله بالرحمه بقا
سناء بعدم فهم اكتر: الله يرحمه بس هو مين زحلف دا
مياده ضحكت: ي اختاااه دي كلمه عاديه
فارس: وبس ي عم وسبتني ومشيت
شريف بضحك: اه وانت مبسوط عشان كلمتك دي بهدلتك يسطا
فارس: واي العمل ي عم الفهيم
شريف: يبني انك تخلي بنت تقع في حبك دي صنعه مش اي حد والسلام يعني متحسسهاش انك واقع عليها كدا
فارس بم.لل: ايوه اعمل ايه
شريف ضحك: روح ارمي نفسك قدامهاوهي تتاكد انك واقع
فارس بصله بقر.ف: غو.ر ي شريف جتك ال.هم
احلام: قولتلك ي عادل متجيش معايا عشان ميحصلش حاجه وتضايق
عادل بض.يق وهو بينفخ في سجارته: سمعتي قالي ايه ملك بنتي وهو يقولي ابوها ما.ت
احلام: دا بقت جوزها ودا حقه ي حبيبي
عادل رمه السجا.ره بغ.ضب: حقه؟؟ انتي جايه تهديني ولا تولعيني غور.ي من وشي
احلام بصت في الارض بحز.ن
رحيم قرب منه بعد ما سمع صوته الغالي وتكلم ببر.ود: مش عيب برضو تتكلم معاها كدا
عادل بصله بغ.ضب: وانت مالك انا بتكلم مع مراتي
رحيم بص لاحلام: وقبل ما تكون مراتك كانت مرات عمي ودلوقتي تبقا ام مراتي يعني حماتي وامي التانيه
عادل بغ.ضب: ملكش دعوه اكلمها زي ما اكلمها
رحيم بغ.ضب: ليه دعوه غصب عنك ولو شوفتك بتعاملها كدا تاني او صوتك علي عليها هكت.مه خالص انت فاهم
احلام ادخلت بسرعه: رحيم اهدي ي بني محصلش حاجه ادخل لملك وانا جايه وراك
رحيم فضل باصص لعادل بغ.ضب وعادل كذالك
احلام: بالله عليك ادخل ي رحيم وانا جايه وراك
رحيم بعد خطوات وهو لسه باصص لعادل وبعدين لف ومشي في اتجاه البيت
احلام بستغراب: فيه اي ي عادل محصلش حاجه لكل الغض.ب الي انت فيه دا انت زعلان عشان ايه بالظبط
عادل: هكون زعلان من ايه تاني يعني هو بس عشان الي حصل جوه
احلام: متاكد
عادل اتو.ترت: اه متاكد يلاادخلي لبينتك
احلام: تمام ي عادل
وفعلا احلام بعدت عنه وهو طلع سيجا.ره تانيه وولعها
احلام بصت علي عادل بعد ما بعدت عنه بستغراب.. كانت مستغربه تصرفاته وتصميمه انه يجي معاها وحتي شافت نظراته لملك بس كانت بتكد.ب نفسها وبتحاول تقتنع ان كل دا بسبب ان رحيم مخلهوش يسلم علي ملك
رحيم بعد ما دخل البيت سمع صوت الكل في المطبخ ولما وصل ليهم لقي الجده وصفاء قاعدين يتكلمو وبيجهزو الاكل مع بعض وسناء وملك ومياده وبسمه قاعدين مع بعض بس ملك الخو.ف والتو.تر كان ظاهر عليها وعماله تفرق في صوابعها وتهز في رجليها جامد
رحيم: ملكك تعالي عايزك
كلهم بصولو وملك قامت وراحت ليه: نعم
رحيم مسك ايديها: تعالي
ملك استغربت ولما لقتو ماشي ورايح للاوضه اتو.ترت: احنا رايحين فين
رحيم: طالعين الاوضه
ملك: احممم لا انا عايزه اقعد هنا شويه
رحيم وقف بصلها: عايزك ي ملك وبعدين انزلي براحتك
ولسه هيطلعو علي السلالم خديجه كانت نازله
خديجه: ملك (وقربت وحضنتها) الف مبروك معرفتش ابارك ليكي امبارح(وهمست) صدقيني هتندمي علي الي موافقت دي بعدين ي ملك بس انا كنت خا.يفه عليكي وبس واوعي تامني لرحيم
وبعدت عنها ومدت ايديها لرحيم: الف مبروك
رحيم من غير ما يسلم عليها: عقبالك يلا ي ملك
وشدها ومشيو وملك فضلت تفكر في كلام خديجه لغايت ما وصلو الاوضه ودخلو ورحيم قفل الباب
ملك بتو.تر وهي شايفه رحيم بيقرب منها: في ايه
رحيم:.......
ملك بترجع ورا: انت مطلعني ليه
رحيم قرب منها وحط ايده علي كتفها: اهدي ي ملك (وخدها قعدها علي السرير) انا مش هقرب منك ولا هأذ.يكي صدقيني قبل ما تكوني مراتي في انت بنت عمي ومستحيل اا.ذيكي ولا حتي افكر
ملك بعدم فهم: طيب في ايه
رحيم بص في عيونها بتركيز: عايزك تحكيلي ي ملك لي خا.يفه من جوز امك كل الخو.ف دا
ملك اول ما افتكرت عادل اتو.تر: م..ما مفيش
رحيم: يعني انتي شايفه ان خو.فك الزياده منه دا مش غريب احكيلي ي ملك ومتخا.فيش
ملك فضلت بصاله شويه ولسه هتتكلم حصل وووووووووو
يتبع.
#لكنكي_قدري 9
خديجه ببتسامه شر.يره: هفضل اخو.فها منه لحد ما تسيبه
ابتسام ضحكت: تربية امك افضلي وراها بقا
خديجه بتفكير: طب ي ماما حتي لو ملك كانت عايزه تسيبه خالي محسن مش هيوافق
ابتسام: خالك دا خلي عليا دلوقتي المهم نكره ملك في رحيم وتبعد عنه ويتجوزك انتي
: وانا هساعدكم
خديجه وابتسام بصو لاتجاه الصوت بصد.مه وكان....
رحيم: قولي ي ملك انا هسمعك
ملك كانت لسه هتتكلم وتحكيلو افتكرت كلام خديجه قامت وقفت وبعدت عنه بخطوطين: قالتلك مفيش حاجه
رحيم: بس نظ....
ملك بغ.ضب: انا بس مبحبوش وبعدين انت مالك خليك في نفسك
رحيم اضا.يق من طريقتها وحاول يتمالك غ.ضبه: انا كنت بسال عشان شفتك خا.يفه
ملك: لا بعد كدا متسال في حاجه متخصكش
رحيم جز علي سنانه: فعلا عندك حق
وخرج من الاوضه لقي شريف مقابله وخبط في كتفه
شريف با.لم : اي ي عم قطر ماشي (رحيم كان باين عليه الض.يق) مالك
رحيم بغ.ضب مكتوم: مليش
شريف: هتفضل طول عمرك كدا كتوم ومش بتحكي الي جواك اتكلم ي رحيم وعرفني مالك انا اه اخوكي الصغير(وغمزله) بس عندي قلب كبير وصدر حنين ممكن اخدك حضن مثلا
رحيم بصله بقر.ف: حضن يعععع
شريف: يععع!!! ماشي ي عم انا غلطان مالك بقا
رحيم: مليش(شريف لسه هيتكلم تاني) مش فاضيلك عندي شغل
مشي رحيم وهو بيقول كلام
شريف بصله وهو عارف انه زعلان وباين عليه اتنهد بحز.ن: هتفضل طول عمرك كدا
ولسه هيمشي مياده قبلته: احممم راحه فين ي شابه
مياده ببتسامه: راحه اجيب شويه حاجات لامك
شريف: امك اسمها امك..طب امشي قدامي اوصلك يختي
مياده بسرعه: بجد.. احمم قصدي يعني انا هروح
شريف: خلاص ماشي سلام
مياده: طب حتي امسك فيه ي عم دا انت ند.ل اخر حاجه
شريف ضحك: هي كلمه واحده هتيجي ولا لا
مياده وهي بتعمل نفسها تقيله شويه: احمم ما انا مش قادره امشي في خدني بقا في طريقك وخلاص يلا قدامي
شريف ضحك: طب يلا
اول ما شريف لف عشان يمشي مياده نطت من الفرحه ومشيت وراه وهي مبسوطه
سناء بملل: عايزه اي مني ي بسمه ومجرجراني وراكي كدا لي
بسمه وهي بتشدها: تعالي بس هقولك
سناء: متقوليلي جوا في البيت لازم نطلع برا البيت والشحططه دي
وكانو طلعو قدام البيت بسمه نف.خت بضيق: خدي ي عم الرغايه بتاعتك اهي
سناء بستغراب: هو مين دا
: انا
سناء بصت قدامها لاتجاه الصوت لقتو اشرف ابتسمت بفرحه (اشرف كان مسافر): اشرف انت رجعت امتي
اشرف قرب منها واداها بوكي الورد الي كان معاه: وحشتيني
سناء خدت الورد وبصت لبسمه بكسو.ف
بسمه ضحكت: طب هخلع انا بقا واسبكم تخدو راحتكم
وفعلا جريت ورجعت البيت وسايتهم
اشرف: امم اهي مشيت مفيش كلمه كدا ولا كدا
سناء بصت في الارض بكسو.ف: وانت كمان وحشتني اوي
اشرف قرب خطوه منها: واي كمان
سناء بكسوف: ومبسوطه انك رجعت وشوفتك
اشرف ابتسم اكتر وقرب خطوه كمان: واي كمان
سناء اتكسفت اكتر اشرف رفع وشها ليه بايده: اااه علي عيونك الي كانو وحشني دول
سناء ابتسمت وتكسفت
اشرف: وبعدين بقا في الكسوف لا فكي كدا دا انا حتي هبقي جوزك في المستقبل
سناء لقتو قريب اوي منها: اشرف ارجع شويه لحد يشوفنا
اشرف: تؤتؤ
سناء يتو.تر: والله ممكن حد يشوفنا تعالي ندخل جوا ولا اقولك امشي من هنا
اشرف ضحك: امشي بقا!! اول مقابله لينا بعد السفر وتطرديني
سناء ضحكت ولسه هترد
في خروج شريف ومياده من البيت وشاف اشرف وهو قريب من سناء اوي (هما كانو واقفين بعيد عن البيت شويه)
شريف بغ.ضب: سناااااااء
سناء بصت وراها بخو.ف: ينهار ابيض
خديجه وابتسامه بصو لعادل بستغراب: تساعدنا في ايه
عادل بصلهم وش.ر بيطلع من عيونه: تخلو ملك تسيب رحيم
خديجه وابتسام بصو لبعض ووووو....
يتبع.
#لكنكي_قدري 10
خديجه بصت لعادل بش.ك: واحنا اي الي يضمنا انك تساعدنا ومتكونش بتضحك علينا
عادل بصلها بخ.بث: انا مش حابب جوازت ملك ورحيم وحابب تعيش معايا هناك اصلي بخا.ف عليها اوي اوي يعني وعارف انها مش هترتاح هنا وانا كل الي يهمني راحتها
ابتسام بصتله وابتسمت: نفس الهدف وانا كل الي يهمني خديجه يبقا نتفق نفرقهم وانت تاخد ملك وتبعد ونجوز رحيم وخديجه
خديجه ابتسمت فرحه: يبقا اتفقنا
وبتبص من شباك الاوضه بتاعتها بالصدفه لقت رحيم ركب عربيته وماشي: رحيم خرج
ابتسام: يبقا يلا ي خديجه علي اوضة ملك واتكلمي معاها
عادل بعدم فهم: تتكلم في ايه
ابتسام بخ.بث: هقولك بس بعدين المهم انت دورك......
شريف بغ.ضب وقرب من اشرف: انت قريب منها كدا ليه
اشرف: ايه ي عم كنت بنفخ ليها عنيها صح ي سناء
سناء بصتله بصد.مه: ايه
شريف بغ.ضب: تنفح في عنيها انت فاكرني عبيط ي اشرف عارف لو شوفتك قريب منها كدا تاني انا هعمل ايه
اشرف بحز.ن مصطنع: خلاص ي شيفو متبقاش قفوش كدا
شريف: والله لكون لاغي الخطوبه دي
اشرف: لا لا خلاص وعلي اي بيني وبنها من هنا لحدود ليبيا (وهمس لنفسه) ربنا يوقعك في ضيقتي دي قريب عشان تحس
شريف: بتقول حاجه
اشرف: حاشه لله ي اخ ولا نطقة بكلمه
شريف بص لسناء: علي جوه ي هانم
سناء بلعت ريقها بتو.تر: حاضر
اشرف بص لسناء وحرك راسها بالر.فض لقاها جريت علي جوا: س.. س سناء
شريف: يلا ي غالي امشي خلص وقت الزياره
اشرف: هو انا جاي السج.ن ماشي ي شريف بكرا تشوف الي هيعملو فيك اخو خطابتك وهكون انا واقف علي هناك كدا هو وشوفك وضحك عليك
شريف: هناك كدا فين
اشرف: ملكش دعوه بسلامه يخو خطيبتي
وفعلا اشرف مشي وشريف بص علي مياده لقاها بتضحك
شريف: بتضحكي علي ايه
مياده سكتت: لا ولا حاجه يلا
وفعلا ركبو عربية شريف ومشيو
رحيم كان سايق العربيه ولسه بيفكر في كلام ملك ونظرات عادل وخو.فها منه كان حاسس ان خو.فها مش طبيعي وحتي نظرات ليها مش زي ما عادل بيقول اب لبنتو: اكيد في حاجه وملك خا.يفه تقولها وعادل بيعمل ايه تخليها تخاف منه كدا لازم اعرف في ايه
(كانت اساله كتير بدور في دماغ رحيم لغايت ما قرر يرجع تاني ويتكلم مع ملك تاني)
في نفس الوقت خديجه كانت راحه لملك: لي وافقتي ي ملك
ملك: لما رحت قولت لعمي رفض ومكنش قدامي حل غير اني اسمع كلامه واتجوزه بس عارفه حسه ان رحيم كويس مش عارفه لي بس في احساس قوي بيقولي انك ممكن تكوني....
خديجه بسرعه: قصدك اني بكد.ب عليكي ي ملك
ملك: لا لا مش قصدي والله بس ممكن تكوني ظلماه او...
خديجه بدمو.ع تمثيليه: ظلماه.. لا ي ملك هو الي ظلمني لما ضحك عليا وحببني فيه وفي الاخر سبني هو الي ظلمني لما غد.ر بيه واتجوز بنت خالي عشان يضحك عليها هي كمان.. صدقيني انتي لسه مشوفتيش الوش التاني لرحيم ولما تشوفي هتفتكري كلامي دا... هيعمل كل حاجه تخليكي تحبي وتثقي فيه وهيهتم بيكي لغايت ما يلاقي البديل وبس.. وبعد ما يلاقيها هيرميكي زي ما رماني ي ملك
وطلعت تجري من اوضة ملك واول ما طلعت بصت وراها لقت ملك سرحانه ابتسمت بخ.بث وتجهت لاوضتها
ملك فضلت تفكر في كلام خديجه كتير: يعني رحيم كان بس بيسالني عشان يخليني اثق فيه بس انا مستحيل اثق فيه ولا احبه ولا هخلي يعمل معايا زي ما عمل ما خديجه
(ملك كان جوا فعلا احساس كبير ان في حاجه غلط ومش حسه ان رحيم زي ما خديجه بتقول عليه بس كدبت احساسها وصدقت كلام خديجه)
: حبيبت بابا
ملك بصت لاتجاه صوت لقتو ووقفت مصدومه وخا.يفه: انت
عادل بصلها ببتسامه: اومال مفكراه رحيم ولا ايه
ملك بغ.ضب : اطلع برا يلاااا
عادل كان بيقرب من ملك: لي بس ي لوكه دا حتي القرب حلو
ملك: والله لو ما خرجت لصوت والم عليك كل الي في البيت
عادل ضحك: صوتي ي حبيبتي لو عايزه
ملك: عادل اطلع برا بقولك واياك تفكر تقرب مني
عادل: اي دا بتقولي عادل كدا حاف من غير بابا او عمو كدا
في نفس الوقت وصل رحيم ونزل من العربيه
ملك بقر.ف: متستهلش الاحترام الح..(كانت لسه هتصوت عادل جري عليها وكتم بو.قها)
عادل بخ.بث: هوووشششش اهدي(وطبع قب.له علي خدها) انتي فكره عشان اتجوزتي هبعد عنك ولاهخاف من جوزك الي اسمه رحيم دا
في نفس الوقت رحيم كان طلع السلالم وماشي في اتجاه الاوضه
عادل بص في عيون ملك بتركيز: مستحيل ابعد انتي فهمه وراكي وراكي زي ضلك ي ملك
ملك: امممممم (وبتحاول تبعده عنها بس مش قادره)
عادل حس بصوت بيقرب من الاوضه بص لباب ورجع بص لملك: هووووشششش (وضحك وبعد عنها استخبي ورا الباب)
وفجاه الباب اتفتح ودخل رحيم
رحيم اول ما شاف ملك دمو.عها نازله وواقفه جنب السرير باين علي وشها الصد.مه الر.عب حرفيا جري عليها
رحيم بخو.ف: ملك مالك في ايه انت كويسه
ملك كانت شايفه عادل هو بيتسحب من الاوضه وبيطلع براحه ومش قادره تتكلم
رحيم: ملك ردي عليا انطقي مالك
ملك اترمت في حضن.ه ونفجرت في العياط: انا.. انا....
رحيم رفع ايده وقربها اكتر ليه عشان يطمنها: اهدي ي ملك
ملك كانت مخبيه وشها في رحيم وفضلت تعيط كتير ورحيم مش فاهم حاجه بقا كل الي همو انها تهدا
رحيم بحنان: هوششش اهدي وبطلي عياط اهدي
ملك بعد فتره بدات تهدا رحيم بكل حنيه شالها ونايمها علي السرير وهي مسكه في هدومه حسه انها خا.يفه: انا معاكي اطمني
ملك حضنت رحيم تاني وخبت وشها فيه لغايت ما راحت في النوم رحيم كان مستغرب تصرفتها ومش فاهم مالها بس مكنش عايز يسالها لغايت ما تهدا ومن غير ي يحس نام جنبها
مياده: شريف انت مش ناوي تستقر وتتجوز بقا ولا هتفضل باير كدا كتير ومش لاقي واحده تتجوزك
شريف ضحك: باير؟؟؟ دا انا الف واحده تتمناني
مياده بغير.ه: لي ان شاء الله دا انت حتي مش حلوه وملزق
شريف بصلها: يعني بزمتك معجبش
مياده بهمس: لا تعجب اوي اوي (وكملت بصوت مسموع) صراحه ولا شايفه فيك اي حاجه تعجب
شريف بص قدامه: ومن امتي وانتي بتشوفي اصلا
مياده ابتسمت وهمست : لو مكنتش بشوف مكنتش اخترتك
شريف بصلها بستغراب: هو مين؟؟
مياده: احممم ولا حد
شريف وقف العربيه وبصلها بتركيز : هو مين دا الي اخترتي ي مياده
مياده بتو.تر من نظرته: ولا حد يلا نمشي بقا هنتاخر
شريف بصلها بشك وشغل العربيه تاني ومشي
ومياده جابت الطلبات ورجعو كل دا وشريف ساكت
مياده وهي نازله من العربيه: شكرا
شريف: طيب
وسبها وطلع اوضته وهي ابتسمت لما حست انه غيران عليها وودت الحاجه المطبخ وراحت اوضتها تنام
في صباح يوم جديد
كالعاده فارس صحي بدري وخد شور ولبس وتشيك عشان يروح يشوف البنت الي بيحبها دخلت عليه صفاء
صفاء ببتسامه: اي الشياكه دي رايح فين كدا
فارس بص لنفسه في المرايا وهو بيعدل شعره: حلو اعجب يعني
صفاء: تعجب ونص وتلت تربع كمان
فارس: اومال مش شغال معاها ليه
صفاء بستغراب: هي مين دي يواد
فارس: لا ولا حد انا خارج بقا باي
وجري من قدامها صفاء: يواد استني افطر الاول
بس كان فارس مشي واول ما وصل المدرسه كانت البنت لسه واصله جري نحيتها وعمل نفسه مش واخد باله منها
فارس: اي الصباح العسل دا
البنت بصتله بم.لل: انت تاني يبني سبني في حالي بقا اي دا
فارس بصلها بسخر.يه: في حاجه واحد وجاي يقف عندك مشكله
البنت اتنهدت بز.هق: لا ولا في اي حاجه
ولسه هتمشي فارس وقفها: استني
البنت وقفت وبصتله: ي نعم
فارس: اتسمحين لي ان اقطفكِ من أرضكِ المُزهرة وازرعكِ بمكان أخر
البنت: لا ي شيخ وفين المكان الاخر دا بقا
فارس ببتسامه جميله وشاور علي قلبه: صدري المكان الذي يليق بكِ جميلتي
البنت ابتسمت غ.صب عنها
فارس بسعاده: الاه دي ضحكت يعني قلبها مال وخلاص الفرق ما بنا اتشال اسمك ايه بقا
البنت انتبهت: احممم مش حلوه علي فكره
فارس: ازاي بقا دا انا لسه حافظها امبارح عشان اقولهالك شوفتي بضحي قد ايه
البنت ابتسمت بكسو.ف وبصت في الارض
فارس: صباح الضحكه العسل ي عسل
البنت جريت علي المدرسه من كسوفها وهو فضل باصص ليها ببتسامه عريضه وعيونه بطلع قلوب من الفرحه
رحيم فاق لما حس ملك بتتحرك وفتح بص عينه لقاها قعده وبصاله بحز.ن قام مخضوض: انت كويسه
ووووووو......
يتبع.
تكملة الرواية من هناااااااااااا
 رواية لكنكي قدرى الفصل 6-7-8-9-10بقلم رحمه محمد (جميع الفصول كامله) &qu…){kind=link}
تعليقات
إرسال تعليق
فضلا اترك تعليق من هنا