رواية زوجة على ما تفرج الفصل 9-10بقلم حنان حسن كامله (جميع الفصول كاملة)

رواية زوجة على ما تفرج الفصل  9-10بقلم حنان حسن كامله (جميع الفصول كاملة)

رواية زوجة على ما تفرج الفصل  9-10بقلم حنان حسن كامله (جميع الفصول كاملة)

امي كانت هتتجنن ع الجواز...

وبسبب لهفتها دي...

وشي اتشوة.. وعيشت بين العفاريت... وراقبت البومة وعاشرت الكلب الي بيتكلم

اكيد طبعا كا العادة ..

انتوا زمانكم بتقولوا 

احنا مش فاهمين انتي بتقولي ايه؟

حاضر هوضحلكم كل حاجة...

وهفكلكم الالغاز دي كلها

بس الاول لازم ارجع بالاحداث للحظة ما توقفت 

الجزء التاسع..والعاشر

زوجة علي ما تفرج

للكاتبة..حنان حسن

.........  ........    ......... 

بعدما اقتنعت با اقتراح  رشاد

وبعد ما لبست السماعة 

 روحت لوحدي

 علي البيت المهجور 

 الي متواجد فيه الكلب ...

عشان اتكلم معاه

واثبت للجميع 

ان الكلب فزاع

 بيتكلم فعلا

وطبعا كنت عارفة

 ان الناس الي في البلد بيراقبوني ...

للكاتبة..حنان حسن

المهم..

بعدما ما وصلت عند البيت

ودخلت للصالة

شوفت فعلا قفص كبير

 وبداخلة شيئ

فا قربت من القفص

 بحذر

وكنت كل ما بقرب 

بيوضح الشيئ الي جوه القفص اكتر

وفضلت ...

اقرب ....واقرب

لغاية ...

ما بقيت علي مسافة قريبة

 من القفص

 تمكني من التحقق  

من الشيئ الي بداخل القفص

وفعلا ..  

شوفت ايه الي بداخل القفص

لكن للاسف

 ملقتش فزاع الكلب 

بداخل القفص

والغريبة...

اني اتفاجئت

 بوجود ...

 امراة منقبة 

في القفص بتتالم

وكانها مصابة 

وتقريبا هي دي المراة المنقبة

 الي الكلب كان ماشي جنبها امبارح

فا اترعبت ...

و اندهشت في نفس الوقت ...

وسالت

نفسي..

هو فزاع راح فين؟

وبعدين

هو مش مفروض 

ان الرجالة اطلقوا النار

 علي فزاع ....

واصابوة

...وبعدها حبسوة في القفص؟

امال ازاي؟

 المراة المنقبة هي الي في القفص دلوقتي ؟

وفضلت واقفة ابص للمراة المتقبة 

وهي  بتتالم

وانا مستغربة..

 ومش فاهمة حاجة

 ...وخايفة في نفس الوقت

وقبل ما افهم ايه الي بيحصل؟

سمعت المراة بتستغيث بيا

وبتقولي..

ساعديني...ارجوكي

قلت ...انتي ايه الي دخلك القفص؟

ردت المراة وهي بتتالم

وقالتلي...

فزاع ...فزاع...فزاع

قلت..مالة الكلب فزاع؟

قالت..

ساعديني الاول

اني اخرج من القفص

 وانا هقولك كل حاجة

بعد كده

فا سالتها

قلت..

اساعدك ازاي؟

قالت... 

القفص الي انا فيه

 مربوط بالحبال 

زي منتي شايفة 

ولازم الحبال تتقطع

 قلت..

ايوه بس انا هقطع الحبال بايه؟

ردت المراة 

وقالت..

شايفة الصندوق الي هناك ده؟

قلت..ايوه شايفاه

قالت..روحي افتحية

 هتلاقي فيه سكينة

هاتيها 

واقطعي الحبال الي حوالين القفص 

للكاتبة...حنان حسن

في اللحظة دي

بالرغم ...من اني كنت مرعوبة

لكن ...

المراة صعبت عليا 

وقلت اخلصها من الاسر

فا هزيت راسي

وقلت..حاضر

 وبالفعل...

روحت بسرعة علي الصندوق

 وجيبت السكينة 

وقطعت الحبال....

وخرجت المراة فعلا

فا شكرتني المراة

وهي في منتهي السعادة

وقالتلي..

الف شكر ليكي حبيبتي.. 

هاتي السكينة بقي

فا مديت ايدي بالسكينة للمراة المنقبة

لكن ....

قبل ما المراة تمد ايديها

 وتاخد السكينة ...

سمعت طلقة مكتومة

معرفش مصدرها

وبعدها ...

لقيت المراة المنقبة

 وقعت علي الارض

 وغابت عن الدنيا

وفي نفس اللحظة 

تقريبا 

حسيت بشيئ ارتطم بجسمي

فا اترعبت

و بصيت علي الشيئ

الي وقع عليا

فا اتفاجئت...

 بانها البومة وعليها دم

فا بصيت بسرعة

 علي الشخص الي اصاب المراة

بطلقتة المكتومة

ورمي عليا البومة

لكن 

علي ما التفت...

لمحت خيال شخص

 بيختفي خلف الجدران...

وفجاءة 

مبقاش له اثر

وكانه شبح...

وبالرغم من ان

 فضولي اخدني 

عشان ...

اعرف مين الشخص ده؟

لكن....

 انا كنت في حالة فزع

 ...جعلتني اشعر

 بشلل في الحركة ...

وفي التفكير كمان

للكاتبة..حنان حسن

المهم.. 

خرجت من البيت المهجور

 وانا بجر في رجليا 

بالعافية

وبعدما بقيت بره البيت

لقيت رشاد 

جاي يجري عليا

وقالي...

ايه يا ايمان ؟

ليه مفتحتيش الصوت

بتاعة السماعة؟

 وانتي بتتكلمي مع الكلب؟

احنا مقدرناش نسمع حاجة

للكاتبة..حنام حسن

وفي اللحظة دي

بصيت لرشاد

 وانا برتعش

وقلت..

انا ملقتش الكلب جوة

ولقيت مكانة واحدة 

ست منقبة

هي الي كانت في القفص

وللاسف..

الست دي اتقتلت

  يا رشاد

استمع رشاد لكلامي

و لما لاحظ  

باني برتجف ...

و رجليا مش قادرة 

فا سندني بين يدية

واتصل باحدهم 

وشوية...

ولقيت كام راجل جايين ناحيتنا

للكاتبة..حنان حسن

وفي اللحظة دي

امر رشاد

اتنين من الرجالة كانوا

 معاه

انهم يدخلوا بسرعة

 يشوفوا ايه موضوع الست القتيلة 

الي في البيت دي؟

ولقيت رشاد بيضمني

 لصدرة

وهو بيقولي

اهدي يا ايمان

 ...ومتخافيش

 انا معاكي و جنبك

وبعدها ...

اخدني رشاد  من ايدي

 وهو بيقولي...

تعالي اقعدي في العربية

واخدني رشاد

 ركبني العربية

وجابلي عصير

وبالرغم من كده

انا كنت في حالة ذعر

 و فضلت الرعشة مسكاني برضوا

وشوية...

 و لقيت  الرجالة  الاتنين

 الي ارسلهم رشاد للبيت...

 جايين علينا

وبعدين....

 اخدوا رشاد

ووقفوا يتكلموا مع رشاد

 كلام جانبي

وبعدما مشيوا

لقيت موبيل رشاد بيرن

وبعدها ...

فضل رشاد يسمع فترة للمتصل

 وهو بيبص ناحيتي 

 باسف

وبعد ما انتهي رشاد من مكالمتة

لقيتة شرد بذهنة...

 وسرح 

وهو يبصلي 

فسالتة

قلت...

في ايه يا رشاد؟

بصلي رشاد

وفي عنية نظرات غريبة

ومردش عليا

فا سالتة...

قلت..

بتبصلي كده ليه

 يا رشاد؟

 هما قالولك ايه؟

رد رشاد

وقالي..

الرجالة دخلوا البيت...

 ومكنش في اي اثر للمراة المنقبة ...

ولا حتي حتي لقوا الكلب

 يا ايمان

قلت..ازاي الكلام ده؟

مستحيل طبعا

الست وقعت ادامي

بعدما اخدت الطلقة المكتومة

يبقي ازاي تختفي

 كده مره واحدة؟

يبقي اكيد ده شغل عفاريت

 لاني شوفت خيال بيجري و........

وقبل ما اكمل كلامي

لقيت رشاد استوقفني

 في الكلام

وقالي... 

كفاية بقي ...

خلاص يا ايمان ارجوكي

بلاش كدب تاني

هما خلاص....

 فهموني الي حصل

فسالتة

 وانا مستغربة من طريقة

 كلامة

وقلت...

كدب ايه؟

و هما مين الي فهموك  الي حصل ؟

رد رشاد بغضب

وقال..

امي اتصلت بيا...

 وفهمتني كل حاجة

فسالتة

وقلت..

وعمتي فهمتك ايه؟

رد رشاد باسف 

وقال...

قالتلي...

انك انتي

 الي مخترعة موضوع الكلب الي بيتكلم ده 

عشان...

 تلفتي النظر ليكي

 وتحصدي اهتمام الجميع

ولما لقيتيني جيبت الرجالة

 وطلبت منك تسجلي كلام الكلب

افتعلتي حوار تاني

 وهو موضوع القتيلة

عشان تبرري كدبتك

واديكي دلوقتي

 بتخترعي حوار ثالث

 وهو....

 حوار العفاريت

قلت...يا رشاد صدقني

 انا مش بكدب

رد رشاد 

وقالي...

لا.... بتكدبي يا ايمان

 بتكدبي

 والدليل....

 اني لما اتفقت معاكي

 علي انك تدخلي للكلب...

 وتاخدي سماعات معاكي

 عشان... تثبتي صدق كلامك

اتعمدتي لما دخلتي للبيت المهجور 

انك متشغليش السماعات 

وطبعا انتي عملتي كده

عشان... كدبتك متتكشفش

وده السبب اننا  مسمعناش اي حاجة

للكاتبة..حنان حسن

في اللحظة دي

حاولت تاني

 اشرح لرشاد الي حصل

لكن...

 رشاد قالي...

 انه مش عايز يسمع اي حاجة

و ركب العربية 

وطلع بينا علي البيت 

وهو مش

بيتكلم معايا خالص

للكاتبة..حنان حسن

وفي اللحظة دي

شكيت في نفسي

وشكيت ان اعصابي تكون تعبانة فعلا

ولما وصلنا للبيت...

دخل رشاد لغرفتة

 ورزع الباب 

فا دخلت انا كمان

 علي غرفتي

 قبل ما عمتي تسمعني كلمتين شماتة

 من بتوعها

وطبعا اول ما دخلت

 لغرفتي

بصيت علي السرير

الي جنب سريري

 عشان...

 اشوف هيثم ابن اختي 

نايم ولا ايه؟

لكن الغريبة

 اني ملقتش هيثم علي سريرة

ولا حتي لقيت غياراتة....

 ولبسة 

وكان حد نقلة من غرفتي لغرفة تانية

فا خرجت اتسلل

 من غرفتي

 عشان اشوف هيثم فين؟

و لما وصلت عند غرفة عمتي

 لقيتها  بتلاعب هيثم

فا عرفت انها

 ناوية تتولي  هي رعاية هيثم

وقلت...

 يمكن تكون عايزة تراعية بدالي شوية

وبصراحة...

 دي كانت احسن حاجة

 عملتها عمتي

 لاني بجد

 مكنتش قادرة 

اركز في حاجة

...

ولا اراعي  اي شخص

 ولا اعمل اي حاجة 

فا قلت... 

 اشكرها علي احساسها بيا

فا اقتربت من عمتي

وقلت...

مساء الخير ي عمتو

ابتسمت عمتي

وقالت..مساء الخير يا قلب عمتك

استغربت ان غزالتها رايقة علي غير العادة

لكن مركزتش كتير

وقلت...

انا عايزة اشكرك يا عمتي

 علي  انك...

 بتساعديني في رعاية هيثم

وبصراحة...

 انا كنت راجعة من بره تعبانة 

ومكنتش قادرة اعمل اي حاجة خالص

وفعلا...

 مكنتش هقدر اراعي هيثم الليلة خالص

ردت عمتي

وقالت...

سلامتك يا حبيبتي

 الف سلامة عليكي

وسالتني

 مالك فيكي ايه ؟

قلت...

مش عارفة يا عمتي

 حاسة اني مجهدة جدا

 وكاني..  فضلت اجري لمدة ثلاث ايام 

بدون راحة

ده غير الصداع

 الي مش عايز يسيب دماغي

للكاتبة..حنان حسن

وفي اللخظة دي

طبطبت عليا عمتي

ولقيتها

 بتقولي.  ..

طيب استني

 عندي ليكي علاج بقي

رووعة

 هتجربية 

وتدعيلي عليه

قلت...

علاج ايه؟

للكاتبة..حنان حسن

وفي اللحظة دي

فتحت عمتي الدولاب 

بتاعها

وخرجت منه علبة  شبيهة بعلبة الدواء

وكانت ماسكة

 العبوة بحرص

وسالتها

قلت..ايه ده؟

قالت..

 ده علاج 

لكل الي انتي بتعاني منه دلوقتي

فا مديت ايدي واخدت منها العلبة

وكنت هفتح العبوه..

لكن ...

عمتي وقفتني 

واضافت عمتي 

قائلة

استني لما تدخلي غرفتك

 وبعدين ابقي افتحيها

اصلك لازم 

تستنشقي الدواء وانتي مستلقية علي السرير

فسالتها

قلت..

لية ؟...

هو الدواء ده علي هيئة

 بخاخة؟

ردت عمتي 

وقالت...

ايوه....

خدية...

وادخلي غرفتك

 وبمجرد  ما تمددي علي سريرك

 حطي البخاخة دي في بوقك 

واضغطي علي الزجاجة

 ضغطة واحدة

وبمجرد ما هتستنشقي الدواء 

هتشوفي الفرق عامل ازاي؟

هترتاحي... وتنامي

 ...وتقومي الصبح 

 زي الفل

ابتسمت لها ....

وشكرتها

 وبعدما بوست هيثم

اخدت البخاخة وروحت لغرفتي

وانا مستغربة.. 

من التغيير المفاجئ لعمتي

كده الجزء التاسع انتهي

وعشان خاطر حبايب حنون الي طلبوا جزئين

فا انا قررت انزل الحزء   التاسع والعاشر مع بعض

(الجزء العاشر)

زوجة علي ما تفرج

للكاتبة..حنان حسن

........   .........    ..........

بعدما رجعت علي غرفتي 

جلست علي السرير

 وانا ببص علي الدواء

 وفضلت اتفحص العبوة

 الي في ايدي

 واستغربت جدا

اصل لحظتها انا اخدت بالي من حاجة غريبة

وهي...ان مكنش فيه اي كتابة علي علبة الدواء 

بمعني .. 

ان مكنش في اي كلام مكتوب  علي العبوه

 غير ثلاث حروف 

بلانجليزي 

وهما...

(dND)

وبالرغم ...

من ان العلبة كان شكلها ملفت للنظر 

الا اني كنت في حالة نفسية

صعبة

 متسمحليش اني افكر في اي حاجة ...

وفي كل الاحوال

 انا مكنتش هاخد من الدواء 

لان عمتي...

كانت  بتحب تخزن الادوية

 عندها 

وممكن يكون منتهي الصلاحية

 وفعلا...

لما بصيت علي تاريخ الصلاحية

ملقتش اي تاريخ للصلاحية علي الزجاجة 

ولا اي كتابة اصلا

للكاتبة..حنان حسن

المهم...

رميت العلبة في درج التسريحة

بدون ما افتحها

وجلست علي السرير

وفضلت افكر

 في كل الي حصل 

مره ...واتنين... وثلاثة

 وبرضوا مفهمتش حاجة

ولما لقيت نفسي 

اختلطت عليا الامور...

 ومبقتش عارفة

 انا عاقلة؟

 ولا مصابة بمرض نفسي؟

 هو الي مسببلي التهيؤات الي بتحصلي دي؟

كان لازم

 الاقي حد يفكر معايا..

واتكلم معاه

لاني حسيت  نفسي قربت اتجنن فعلا

فا فكرت في (خالي)

وبسرعة طلعت الموبيل 

من مخباءة

 واتصلت بخالي

وبعدما رد عليا

قلت...

الوو....

 الحقني يا خالي

رد خالي بلهفة

وسالني

قال..

يا ايمان انتي فين؟ 

وقافلة الموبيل ليه؟

 حرام عليكي

 تعب الاعصاب الي انتي عملهولي ده

قلت...

معلش يا خالي

  اصل في حاجات غريبة بتحصلي

 ومبقتش عارفة... ولا فاهمة اي حاجة

عشان كده

 انا بتصل بيك دلوقتي

رد خالي

وقالي..

قولتلك مية مرة

 ان حياتك في خطر ..

وانتي مش عايزة تصدقي

وكنت هبدء في الشكوي لخالي

 من الي حاصل معايا

 هنا

لكن... 

خالي صرخ فيا

وقالي..

مش وقت حكاوي دلوقتي...

 بقولك حياتك في خطر

وصمت قليلا

ثم اضاف خالي

قائلا

ارجوكي يا ايمان

 سيبك من اي حاجة عندك واهربي فورا

قلت...

ههرب اروح علي فين يا خالي؟

انا مليش حد 

ومعنديش بيت تاني

 غير هنا

وبعدين ههرب ليه اصلا؟

 وانا مش شايفة الخطر الي انت بتقول عليه ده 

رد خالي

وقالي...

اخر مرة كلمتك فيها 

قولتلك....

 ان في حكاية

 لو سمعتيها ...

هتفهمي انا ليه بقولك ان حياتك في خطر؟

لكن...

 انتي مكنش عندك وقت تسمعيني

وقفلتي السكة..

لكن دلوقتي

 لازم تسمعي

 لان فعلا حياتك في خطر

قلت...

معلش  مكنش عندي وقت ساعتها

 اني اسمعك

لكن دلوقتي ...

انا معاك للصبح

بس احكي من الاول

 وبالتفصيل

 يا خالي

 لاني فعلا نفسي افهم سبب اصرارك الغريب

 علي تحذيري 

وبالفعل...

 بدء خالي في سرد روايتة

وقالي...

انا هبدء من الاول خالص

من ايام  ما ابوكي كان لسة عايش

وتحديدا.....

ايام... ما  ابوكي

 كان شغال في مصنع الكيماويات..

في الوقت ده 

ابوكي يا ايمان

اكتشف بالصدفة

 ان المصنع 

الي... كان بيشتغل فية

كان بينتج غاز 

ومش اي غاز  دا كان بينتج (غاز سام)

والغاز دا  كان محرم استخدامة دوليا

لانة بيعتبر س&لاح كيماوي

وطبعا...

 انتاجهم للغاز  ده

  كان في الخفاء 

و كانوا بيهربوه...

زي المخدرات بالظبط

لانة...

 كان  بيدر عليهم ثروة هائلة

لكن الكارثة...

ان الغاز كان خطر

 جدا...

واتسبب في وفاة الكثير من العمال...

الي بيشتغلوا في المصنع وغيرهم

 وساعتها

محدش اكتشف

وجود الغاز 

وان الغاز كان السبب...

في المرض ....و الوفاة

لان اعراضة

 كانت تشبة اعراض الالتهاب الرئوي

لكن الفرق 

ان الغاز...

 كان سريع في القتل

ولا تؤثر فيه المضادات الحيوية

م الاخر

مكنش له علاج

فا  بمجرد استنشاقة

يصاب الشخص الي استنشقة

 باعراض تشبة الالتهاب الرئوي

ويعيش بعدها كام يوم بيتالم...الم شديد

وبعدين يموت

ولما ابوكي عرف سر الغاز ده

استشار اكتر من طبيب

 وسالهم عن الغاز

و عن تاثيرة 

 علي الصحة العامة...

وساعتها اكتشف 

 ان الغاز ده...

مميت...وخطر

لانه مش بس بيدمر الرئة وبيسبب الوفاة فقط

لا

ده كمان بيسبب تشوهات  

في الوجه 

والجسد مدي الحياة

دا ..لو تم النجاة منه

وبعدما ابوكي...

 عرف حقيقة الغاز الكارثية

راح بسرعة علي امك...

 وسردلها قصة الغاز السام وخطورتة...

 الي اكتشفها ..

وقالها 

انه ناوي

 يروح يبلغ البوليس

 عن المصنع

لكن... امك منعتة

عن انه يبلغ 

وقالتلة...

 انه مش هيستفاد حاجة لما يبلغ

ومش هياخد من البلاغ غير وجع الدماغ

 والفصل من شغلة

وساعتها اقترحت عليه

وقالتلة

انه ممكن يستثمر المعلومة الي عرفها لصالحة

وده بانه يمسك عليهم دليل ويبدء يساومهم بيه

زي مثلا

انه ...يصور فيديوا 

يؤكد...

 انهم بيقوموا بانتاج  الغاز 

في المصنع فعلا

وبعدها يقوم تهديد ادارة المصنع

بانه ...

لوما اخدش الترقية المتاخرة ...

هيبلغ عن المصنع...

وبالفعل ...

سمع ابوكي لنصيحة امك

وصور فيديوا

 يثبت بانهم فعلا

 بيقوموا بانتاج ذلك الغاز السام

وهددهم في المصنع

 بالفيديوا الي معاه...

وطبعا ادارة المصنع  

بعدما اتاكدوا انه بيملك الدليل علي جريمتهم

وافقوا علي كل طلباتة..

 وخصوصا...

انه  كان في عمال كتير في تلك الفترة

 مريضي بسبب الغاز

وما كان امام ادارة المصنع

الا انهم

يشتروا سكوتة 

واخدوا من والدك الفيديوا 

مقابل الترقية

وبعض المميزات

وبالفعل  ...والدك 

 اترقي 

واخد امتيازات كتيرة

 زي البيت...

 والسيارة .. 

والمرتب الكبير

لكن للاسف

 ايوكي مكنش يعرف

 انهم بيخططوا للقضاء عليه...

وبعدما مدير المصنع

 اخد احتياطاتة 

 واوقف انتاج الغاز في المصنع

وبعد  وفاة جميع المرضي من العمال

بدء هو ومن معه

يخططوا للقضاء علي والدك

الي كان في الوقت ده

 هو الشاهد الوحيد عليهم

وطبعا

  نجحوا في قتل والدك

 بنفس الغاز

 لان والدك اصابة المرض بعدها مباشرة

 وكانت نفس الاعراض

  الي بيسببها الغاز

وطبعا الادراة ساعتها

 رفضت انها  تساعد في علاجة 

 وفصلوة من المصنع 

وفضل والدك

 يصارع المرض

لغاية ما  مات

وبعد ما ابوكي مات

 امك اتجننت...

 ومكنتتش عارفة تاخد

 حقها ازاي؟

وخصوصا...

 ان مكنش في مريض واحد

 من عمال المصنع

 يشهد عليهم

فا استنجدت امك بيا

عشان ...

افكر معاها في حل

والسؤال هو...

 تعمل ايه عشان تجيب حقها منهم؟

وللاسف

 انا ساعتها اقترحت عليها فكرة 

كنت متخيل انها ممكن تجيب حقكم

 من ادارة المصنع

وهي...

 اننا نهددهم باننا هنرفع قضية

 علي المصنع 

 نتهم فيها المصنع

 بانه بيتتج غاز سام

 واتسبب في موت الكثير من عمال المصنع..

واقترحت عليها

 اننا نوهمهم بان احدي بناتها استنشقت الغاز

 لما كانت مع ابوها 

في المصنع

 وده اتسبب لها  في التشوهات...

وساعتها 

كنت متاكد انهم هيخافوا...

 وهيحاولوا...يتفاوضوا معانا

و هيدفعولنا في الاخر

 مبلغ كبير من التعويض

 عشان نسكت عنهم

وطبعا...

 انا مكنش صعب عليا 

اني اوجد عقار 

يسبب التشوهات

لاني ...

 بحكم شغلي كا طبيب صيدلي

 كنت اعرف

 نوع عقار

 بيؤدي حتما للتشوهات 

وميزة العقار ده 

انه له مصل مضاد له

والمصل بتاعة قوي وفعال..

وبالصدفة انتي كنتي في البيت

فاقلت احقنك بالعقار اياه

 وبعدما ناخد التعويض

 هتاخدي المصل المضاد الي  هيعالج

 التشوهات فورا

للكاتبة..حنان حسن

المهم...

بعدما اتفقت مع امك

علي اني احقنك بالعقار

 الي هيسببلك التشوهات...

امك رحبت جدا بالفكرة

وقالت انها هتروح لهم لوحدها للمصنع

 وتهددهم

لكن انا اقترحت عليها

 اننا نروح انا وهي

 لمدير المصنع في بيتة

عشان ميشعرش انها لوحدها ويستضعفها

وبالفعل...

رحنا انا ...وامك لمدير المصنع في بيتة

 وهددناه

 باننا هترفع قضية ع المصنع..

واننا عندنا اكتر من دليل علي كلامنا

ووهمناه...

 باننا معانا نسخة تانية

 من الفيديوهات 

الي والدك كان ماسكها علي المصنع

وثاني دليل عليهم..

هي ابنتنا ايمان 

 اتاثرت من الغاز

 وسببلها تشوهات

وادعينا اننا معانا تقارير طبية

 بتثبت ان التشوهات بسبب الغاز الذي انتجة المصنع

لكن الغريبة..

ان...بعدما المدير استمع لنا

 ادعي بانه لا يهتم بتهديدنا له

وقام بطردنا 

فا قامت امك بتهديدة

 باننا سوف نلجا للقضاء.. 

وهي بتحاول محاولة اخيرة

 معاه 

علي غرار

(ان  العيار الي ميصبش يدوش)

لكن صاحب المصنع 

لم يبدي اي  الاهتمام لتهديدنا له

وبعدما خرجنا من عنده 

بدات توصلني رسايل 

علي موبيلي

 بان امك

 علي علاقة مشينة

 بالمحامي بتاعها

ولما كلمت امك 

في الموبيل

وسالتها

عن حقيقة علاقتها بالمحامي؟

قالتلي...انهم متفقين علي الجواز

يعني اكدت الكلام الي في  الرسالة

وبعدها

وصلتني رسالة تاني

مضمونها بيقول...

 ان المحامي موجود عندها في البيت 

وكان لازم

 اتاكد من الرسالة 

الي وصلتني.. 

فا طلعتلها علي السطح 

وانا دمي بيغلي..

لكن لما طلعتلها فوق

 اتفاجئت...

 ان معاها اكثر من راجل

 واول ما شافوني

 رموها من فوق

وللاسف انا مقدرتش انقذها منم

 لان احدهم خبطني  علي راسي ساعتها وافقدني الوعي

ولما فوقت

لقيتني متهم بقتل اختي

وطبعا المج&رمين كانوا  فروا  واختفوا من المكان

 وطبعا البوليس اتهمني بقتلها 

لان اصابع الاتهام كلها كانت بتشير عليا

وخصوصا انك انتي... واختك شهدتوا عليا

 باني كنت طالعلها وانا متعصب

 وبهدد باني مش هسكت علي عمايلها

وطبعا لبستني التهمة

 ومقدرتش اثبت برائتي

 وماتت الحقيقة 

علي كده

لكن ...

عشان ربنا عالم 

اني انا بريئ 

قدرت اهرب

 واول ما اخدت حريتي

 روحت علي بيت مديرالمصنع

 واخدت معايا سك&ينة

 وكنت عايز ارهبة

عشان.. 

 اخد منه اعتراف

 انه هو الي ورا قت&ل اختي

عشان اقدر اثبت برائتي

لكن للاسف..

المدير واعوانة 

كانوا شايفني في الكاميرات

 الي علي باب فيلتة

 وانتظروني

 لغاية ما دخلت

 وعملولي كمين 

وبعدما مسكوني

 خدروني

ولما فوقت

 لقيت نفسي في الشقة الي ادامك

ومعايا مجموعة من النساء

ولقيتهم بيسالوني

 عن مكان نسخ الفيديوهات

الخاصة بالغاز الي كان بينتجة المصنع

للكاتبة..حنان حسن

في اللحظة دي

استوقفت خالي

وقلتلة...

استني يا خالي

 كلامك دا معناه...

 ان سونيا.... 

والبنات الي معاها 

( تبع ادارة المصنع)

فا رد خالي

وقالي...

دا حقيقي فعلا

هما موجودين هنا اصلا عشانك انتي

وادعوا بانهم بيشتغلوا مع رشاد

 في الشركة 

عشان يسكنوا معاكي

 هنا في البيت

ويقتلوكي عشان يطمسوا الحقيقة ويمحوا اخر  دليل   عليهم

في اللخظة دي

افتكرت الي كان بيحصل منهم

فا رديت علي خالي

وقلتلة.....

.ايوه... ايوه

عشان كده سونيا كانت مركزة معايا انا بالذات

فارد خالي 

وقالي...

ايوه ....

سونيا دي بلوة سودة لوحدها

وفعلا سونيا كانت جاية عندك 

مخصوص

 عشان تقت&لك

 بناء عن تكليف من ادارة المصنع

 ودا ...لان المحامي الي امك كانت موكلاه...

رفع عليهم قضية

 بناء علي طلب امك

ودلوقتي...

في قضية ضدهم في المحكمة

وانتي يا ايمان طرف فيها

فا لازم يخلصوا منك 

وكمان....

لانهم فاكرين

 اني انا وانتي

 معانا نسخ من الفيديوهات

 الي والدك  كان مصورها في المصنع بتاعهم

ولازم يقتلوني انا  انتي

  زي ما قتلوا امك ...

وابوكي

عشان كده 

بقولك 

وجودك عندك غاية في الخطورة

في اللحظة دي

فضلت افكر

واقول..سونيا علي علاقة وطيدة بعمتي؟

 وعمتي بتكرهني ؟

و........

وفجاءة 

افتكرت حاجة مهمة

فسالت خالي

قلت...

سؤال يا خالي؟

قال...اسالي؟

قلت...

هو الغاز السام  

الي كان  في المصنع 

 كان اسمة ايه؟

رد خالي

وقال..

هو كان اسمة طويل شوية

لكن...

كانوا بيختصروا الاسم 

في ثلاث حروف

وهما 

Dnd

بعدما عرفت المعلومة دي

لقيتني بفكر بسرعة

وبقول...

هااااار اسوووووود

سونيا اكتر واحدة في البنات 

مقربة من عمتي 

والغاز السام...

طلع اختصار اسمة( dnd)

عارفين ده معناه ايه.........؟

تكملة الرواية من هناااااااا