رواية شيطان الانتقام الفصل التاسع والعاشر 9-10بقلم ولاء حامد جديده وحصريه (جميع الفصول كامله)

رواية شيطان الانتقام الفصل التاسع والعاشر 9-10بقلم ولاء حامد جديده وحصريه (جميع الفصول كامله)

رواية شيطان الانتقام الفصل التاسع والعاشر 9-10بقلم ولاء حامد جديده وحصريه (جميع الفصول كامله)

رواية شيطان الإنتقام الحلقة التاسعة

برق فارس بعصبيه لما شاف فيديو قمر مصوراه لاولادها في تلاوة القرآن الكريم وتكريمهم في المراكز الأولى على مستوى الجمهورية وغمض عنيه بأسى : يا ماهر الكلب دمرت ناس عايشه تحت رضا ربنا بوساختك كمل تقليب في الموبايل ووصل للصور ولقي فيديو ليوم الحادثه بلهفه فتحه وكانت دي تاني صدمه ليه بقى بيتفرج لحد ما الصوره اختفت والباقي كله اصوات وواضح الكلام اللي اتقال طلع جري من اوضة المكتب ونادى على ابوه: يا شاكر بيه يا فهد الحقوني مصبيه

نزل الكل بفزع من صوت فارس

شاكر بقلق: مصيبة ايه تاني وجه التليفون نحيه ابوه واتفرج لحد ما انتهى الفيديو وهو في حالة صدمه

ولا يقل عنه فهد وماهر بلا مبالاه بعد ما اتطمن من المحامي وطبعا بعد وقوف ميريهان هانم في صفه

فهد بخوف : الفيديو داه مصيبه

ميريهان بعجرفه : ولا مصيبه ولا حاجه خلاص المتر اشرف طمنا انتوا ليه مكبرين الموضوع وحطينه في اكبر من حجمه

شاكر بغضب أعمى : لا يا هانم لو حصل غلطه واحده هتبقى مصيبه لو خطوه واحده من خطوات اشرف فشلت معناه دمارنا كلنا لو حد شم خبر يبقى قولي علينا يا رحمن يا رحيم لان محدش هايرحمنا اللي محدش يعرفه يا مدام ان البنت اهلها من الصعيد ومن عائله من اكبر عائلات الصعيد الف من يتمنى يخدمهم وعددهم زي النمل متقدريش تعديه والناس دي مبتفكرشي بالقانون الناس دي التار عندها دم دم وبس فهمتي يا هانم ولا اقول تاني

ماهر بخوف وحاول يكون جمله بس اتلعثم : يع يع يعني ايه يا بابا ح ح حضرتك ها هاتسبني ليهم

شاكر بزعيق: نفسي اسلمك بأيدي ليهم يمكن يرحمونا بس للأسف حتى دي مضمنهاش مش قدامي غير انفذ كلام اشرف واقعد احط ايدي على خدي مستني اشوف نتايج عملتك الوسخه هاترسى بينا على فين

ميريهان ببوادر قلق بس اتحكمت في نفسها: أهدى يا شاكر والموضوع هايعدي على خير انا مطمنه من كلام أشرف المحامي

شاكر بغضب: يارب يعدي على خير والا بعدها محدش فينا هايشوف خير واللي جاي هايكون خراب على دماغ الكل

****************

عند الحاج هاشم منتظر الحاج محمد الديب بقلق وفروغ صبر افتكر المقدم أدهم وطلع تليفونه واتصل بيه لما عطاهم رقمه علشان المحضر

الحاج هاشم: الو السلام عليكم ورحمة الله وبركاته

يا حضرة الظابط

المقدم ادهم: وعليكم السلام مين

الحاج هاشم: انا الحاج هاشم الحسيني ابو محمد بتاع قضيه ضرب النار

المقدم أدهم: اه اه معلش اعذرني يا حاج خير ي حاجه محمد فاق

الحاج هاشم بتعب: لا لسه تحت عفو الرحمن بس اهل مرات ابني عرفو بموت حمزه وابوها عايز يعرف ايه اللي حصل ودول صعايده مش بيتفاهمو وانا مش عارف اقوله ايه للأسف حضرتك لازم تكون موجود لاني مش عارف اجيبلهم الموضوع ازاي

المقدم أدهم بتفهم: تمام هما قدامهم قد ايه ويوصلو

الحاج هاشم: يعني حوالي نص ساعه او اكتر لانهم مكلميني من حوالي ساعه ونص

المقدم أدهم: تمام انا هيجيلك دلوقتي وانا هاتولى الكلام معاهم

الحاج هاشم : مستنيك يا ابني مع السلامه

المقدم أدهم : مسافه السكه واكون عندك مع السلامه

قفل معاه واخد متعلقاته الشخصيه واتحرك من مكتبه وهو مش عارف الموضوع هايتطور لأيه

************************

الصبح في فيلا السالمي الكل متجمع على السفره بس الصمت مخيم المكان كل واحد بيفكر مع نفسه في وادي قطع الصمت تليفون شاكر بص على تليفونه وقام من مكانه بفزع بس قدر يتحكم في نفسه: دي مكالمه شغل هارد في المكتب كملو فطاركم قالها وهو بتوجه لمكتبه

شاكر بهدوء حذر: ايوه يا حلمي

حلمي بعمليه: للأسف يا شاكر باشا مش خير البنت دخلت في غيبوبه ومقدرشي احدد لحضرتك هاتفوق منها امته

شاكر غمض عنيه بتعب: ماشي يا حلمي لو في جديد بلغني وزي ما أكدت عليك محدش يشم خبر عن الموضوع انتا المسؤل الأول قدامي

حلمي باحترام: متقلقشي يا باشا انا اللي متابع حالتها بنفسي والدور كله فاضي وحتى الدكاتره محدش يعرف أي تفاصيل عن الحاله

شاكر : ماشي يا حلمي لو في جديد بلغني اول بأول

مع السلامه

حلمي: مع السلامه

قعد شاكر على الكرسي بتعب وبعدين بقى في المصيبه دي

فارس وفهد دخلو على ابوهم المكتب سأل فارس بلهفه :خير يا بابا مين

اتنهد بتعب وقالهم: داه دكتور حلمي بيبلغني ان البنت دخلت في غيبوبه صمت تام عم المكان

****************

في المستشفى عند محمد وصل الحاج محمد الديب يلحقه ابناءة ضياء وشرف وابنتيه روضه وفيروز اخوات قمر عند بوابه المستشفى توقفت عربيتين تدل على ثراء اصحابها ترجل الحاج محمد الديب واتصل بالحاج هاشم

ايوه يا حاج هاشم انتو في انهي دور

الحاج هاشم : احنا في الدور الرابع العنايه المركزه انتو وصلتو فين

الحاج محمد احنا تحت قدام باب المستشفى

أغلق الحاج محمد المكالمه واتحرك الجميع للدور الرابع

وصل الجميع وجدو الحاج هاشم بانتظارهم

الحاج محمد الديب بهدوء حذر: بنتي فين رد المقدم ادهم تفضل حضرتك نقعد في كافتيريا المستشفى الكلام هايطول

ضياء متعرفناش

ادهم بتعقل انا المقدم ادهم اتفضلو علشان تفهمو الموضوع

نظرات شك اتوجهت للحاج هاشم : ايه العباره يا حاج

المقدم ادهم بتعقل: اتفضلوا علشان اقدر اشرح الموضوع

توجه الجميع للكافيتريا

الحاج محمد الديب: اتفضل يا ولدي سامعك

اتنهد ادهم وقال: البدايه بلاغ على طريق القاهره اسكندريه الصحراوي بوجود شخص مضروب بطلق ناري على الطريق وجهة طفل على بعد 2 متر منه وطفلين محبوسين في عربيه اتوجهت لمكان الحادثه لقيت شخص مضروب بالنار وسايح في دمه والاسعاف بتشيله هو وطفل رضيع والناس فتحت العربيه واخدو طفلين صغيرين شبه بعض جدا الطفلين اتوجهو للقسم وانا اتوجهت للمستشفى لمعرفه الحاله والممرضه ادتني متعلقات المصاب الشخصيه لقيت فيها تليفونه اللي لحسن الحظ كان مفتوح دورت في الأرقام لقيت اسم الحاج اتصلت بيه وبلغته لما وصل عرفنا ان محمد واخد 3 رصاصات وحاليا في غيبوبه في العنايه والولد الصغير وصل ميت نتيجه تهشم في الجمجمة

والحاج سأل عن الطفلين وعرف انهم في القسم راح واخدهم بس الطفلين قالو حاجه غريبه حولت مسار التحقيقات

الحاج محمد بهدوء حذر وعيون بتطلع نار: قالو ايه

أدهم: قالوا ضرب بابا وماما واخد ماما قالها ادهم بعد ما قراء علامات الشر في عيون الحاج محمد

صمت هو كان رد فعلهم وعلامات ذهول على وجه الاخوه قطعه الحاج محمد الديب: كأنك تمزج معايا قول ان الحديت ده محُصلشي يا حاج هاشم بتي فين مكانتشي مع راجل إياك ايه مجدرش ولدك يحمي حرمه إياك

نكس الحاج هاشم رأسه وعرف ان الموضوع هايوصل لدم مادام اتكلم صعيدي يبقى صبره خلص

المقدم ادهم بتعقل: اهدا يا حاج احنا في انتظار تحريات المباحث مكان الحادثه فيه محل وفيه كاميرا بس صاحب المكان مفتحش من اكتر من يومين يعني من قبل الحادثه احنا هانجيبه علشان نشوف الكاميرا لو كانت صورت الحادثه

قام مفزوع الحاج محمد: ماليش فيه الحديت الماسخ ده بتي فين لو مجادرش تجيب بتي انا اجيبها ولو جلبت البلد كلها فوقاني تحتاني ولينا حديت تاني يا حاج هاشم

هم يا ولد منك ليه نشوف بتي فين

كان هناك أعين خبيثه تصور كل ما يدور في المكان انهم عيون اشرف المحامي

بعد رحيل الحاج محمد الديب اتصل عصفوره بأشرف المحامي

ايوه يا باشا اهل البت كانو هنا وحصل لبش

أشرف: ببرود وحصل ايه

عصفوره: صورتلك كل حاجه يا باشا

اشرف: هايل ابعته وعدي بالليل على الحسابات هتلاقي مكفاءه ليك

ثواني ووصل الفيديو على موبايل أشرف وشافه اتنطر من مكانه واتصل بسرعه

ايوه يا شاكر باشا جهزي مهندس كمبيوتر ثقه دلوقتي ضروري ومعاه هارد جديد وانا اقل من ربع ساعه وهاعدي عليه دلوقتي

شاكر بزعر: ليه يا اشرف حصل ايه

اشرف بذكاء : اهدا يا باشا كل الحكايه اني حاطط عيون ليا في المستشفى اللي فيها جوز البنت وانهارده وصلني معلومه مهمه جدا

شاكر بقلق : معلومه ايه خير

اشرف: للأسف مش خير المنطقه اللي حصل فيها الحادثه فيها محل فيه كاميرا بس لحُسن حظنا ان المحل مقفول بعت ناس تبعي دلوقتي يعرفو صاحبه ويجيبوه لازم نوصل للهارد داه قبل البوليس

خصوصا اهل البنت باين عليهم ناس صعايده وكمان احم واضح انهم ماديا كويسين جدا

شاكر برعب : دقايق والمهندس هايكون في انتظارك

حم حم اشرف وعلى صوته وجهزلي مبلغ يا باشا الراجل مش هايدينا الهارد ببلاش

شاكر بتفهم: تمام شوف اللي عايزه وانا هاكتبلك شيك دلوقتي وابعته مع المهندس

اشرف: شكرا يا باشا

وصل اشرف في وقت قياسي للشركه كان في انتظاره رفعت مهندس كمبيوتر والمسؤل عن غرفة كاميرات المراقبه في شركه السالمي

اركب يا باشمهندس الوقت مش في صالحنا

ركب رفعت واتحرك أشرف بصحبة رفعت إلى طريق القاهره اسكندريه الصحراوي للوصول لمكان الحادثه

طول الطريق والصمت عم المكان

رفعت بتذكر: يا متر شاكر بيه بعت لحضرتك الظرف داه

تمام اخده أشرف وحطه في جيبه

بعد مرور ما يقارب الساعه الا ربع وصل أشرف ورفعت لمكان الحادث ووجدو رجال أشرف بصحبة رجل بسيط في انتظارهم

نزل أشرف بكل عنجهيه من السياره واتوجه للراجل مباشره

اسم الكريم ايه بابتسامه سمجه سأله أشرف

ع ع عبد الكريم يا بيه انا راجل على باب الله معملتش حاجه والله وماشي جمب الحيط

اشرف بهدوء انا عايزك في مصلحه هتاكل من وراها الشهد

بصله عبد الكريم بإنصات وتركيز

قص عليه اشرف المطلوب كاملا

عبد الكريم بعيون زغللت من الطمع: طبعا يا باشا تؤمرني اتفضلو مكانك ومطرحك

شقت ابتسامه خبيثه شفتي اشرف وخلال اقل من نص ساعه كان انتهى المهندس من كل شيئ

وغابت الضمائر امام سطوة المال

يتبع…

رواية شيطان الإنتقام الحلقة العاشرة

في طريق الفيوم هنعمل ايه حاج هنبدأ منين كلمات بسيطه ألقاها ضياء

بشرود أمامه مخبرشي يا ولدي كن عقلى وجف لحد أكده مجادرش ألوم جوزها مهو اكيد عمل اللي عليه والا مكنش زمانه دلوك بين الموت الحيا

كلملي واد عمك طارق دلوك

زوي ضياء حاجبيه: ليه يا حاج

نفذ اللي عاجوله من سكات منجصش رط اومال

حاضر حاضر أوقف السياره بجانب الطريق وأخرج هاتفه ثم أعطاه لوالده بعد صدور الجرس

ثواني كانت أحر من الجمر رد يا حاج

ايوه يا طارق يا ولدي

ابويا الحاج محمد ازيك يا غالي

مش بخير يا ولدي انا نصيبه ومخبرش اتصرف كيف كن عقلي شت مني يا ولدي

خير يا حاج قلقتني

بتي قمر يا ولدي ملجيينهاش

طارق بذهول نعم داه اللي هو ازاي

يا ولدي الله يرضى عليك لو كنت خابر مكنتش حدتك واصل

يا حاج مش القصد بالراحه كده وفهمني انتا فين دلوقتي

انا راجع من المستشفى والموضوع كأنه واعر جوي

مستشفى ليه

محمد بعصبيه مخبرشي يا ولدي مخبرش عيجولو حديت كتير بس خلاصته ان بتى اتخطفت يا طارق

طارق بذهول: اتخطفت ازاي ومحمد كان فين

يا ولدي الله يرضى عليك أنا مجادرشي على كتر الحديت دلوك

طيب اديني ضياء

خد يا ولدي حدتت واد عمك

ايوه يا طارق

طارق بتروي: واحده واحده كده وفهمني اللي حصل

ضياء بوجع قص عليه كل ما اخبرهم به المقدم ادهم

طارق بصوت عالي : كل داه يحصل واحنا نايمين على ودانا

يا طارق احنا لسه عارفين انهارده لما لقينا ناس جيين البيت يعزونا في حمزه واحنا مش فاهمين حاجه

طارق : طيب مبدئيا كده أنا هاروح القسم واطلع على المحضر واشوف هنبدأ منين وانا هاعرف طريقها بمعرفتي

ماشي يا طارق خليك معايا على تليفون اول بأول

ماشي يا ضياء سيبها على الله وعليا وان شاء الله خير

صمت مطبق طوال الطريق لم يقطعه احد حزن سكن في القلوب على ابنتهم التي لا يعلم اي احد عنها شيئ وعن ابنها الذي ترك الحياه وهو لا يعلم منها الا الضحكه البشوشه التي كانت تنير عالمهم

**********************

انتهى اشرف من مهمته وعاد ادراجه منتصر واخد الهارد لمكتبه

وأجرى اتصال لشاكر

ايوه يا باشا

شاكر: بلهفه طمني عملت ايه

اشرف بفخر: عيب عليك يا باشا كله تمام والهارد معايا مكانش ينفع اسيبه مع المهندس تقدر تعدي عليا تاخده او اجيبه لحضرتك البيت

شاكر بارتياح تمام الخطوه الجايه ايه

اشرف بذكاء: الخطوه التانيه كمان تمت

شاكر بإنصات: ازاي

اشرف: المحضر اتعمل بسرقه العربيه وفيها السلاح يوم الجريمه الصبح

شاكر بمدح :عفارم عليك طيب وهنعمل ايه في الجاي

اشرف : باستفسار البنت وضعها ايه

شاكر : بتنهيده دخلت في غيبوبه ومحدش عارف هاتوصل لأيه

اشرف بارتياح :كده تمام انا شوفت واحد سوابق وكمان ساعه ميعادي معاه وبالليل حضرتك هاتشرفني هنا في المكتب علشان تحضر الاتفاق وصدقني هاتنبهر

شاكر بقلق: مالي ايدك من الموضوع داه يا اشرف

اشرف بثقه عيب عليك يا باشا صدقني اللي عايزه هايكون وانتا في الأمان

شاكر بوادر ارتياح : تمام الساعه 5 هاعدي عليك

اشرف باحترام مصنع : في انتظار تشريفك يا باشا مع السلامه

وأغلقت المكالمه

نظر اشرف للهارد وسوس له شيطان نفسه بشيئ وعزم على تنفيذه

مرت الساعات بطيئه على الجميع الكل في همومه

منهم من مفطور قلبه على فقيد ومنهم من يدعى الله بصدق لنجاة ذويهم ومنهم من يسعى للتستر على جرائم يهتز لها عرش الرحمن ولا يرف لها جفن الإنسان

******************

عند محمد في المستشفى قام الأطفال بصريخ يصم الأذان الحاج هاشم أعوذ بالله من الشيطان الرجيم

مالك يا ابني اهدا يحيى بصريخ ضرب بابا وماما ضرب بابا ضرب بابا

تجمع عدد كبير حول الأطفال

وتدخل احد الأطباء اهدا يا حاج الولاد محتاجين يتطمنو بس للاسف استمر العياط والصراخ الهيستيري

الدكتور بأسف: انا مضطر اديهم مهدء

وبالفعل اتمكن الممرضات من السيطره على الصغيرين وقام الدكتور بإعطائهم مهدئ في خلال دقائق قليله جدا ذهبوا في ثبات عميق

الحاجه منيره: وبعدين يا حاج هانعمل ايه

هاشم بضعف: لله الأمر من قبل ومن بعد

الحل من عندك يارب

وبداء بعيون دامعه يتلو عليهم ما تيسر من القرآن الكريم

**************************

بعد ساعه في مكتب اشرف المحامي يجلس احد الأشخاص والذي يبدو من هيئته مشردا

اشرف بترحاب مزيف : اخبارك يا سيد

سيد بغموض: نحمدو يا بيه

اشرف بترقب: في مصلحه هاتطلع منها بقرشين يأمنو حياه اهلك

سيد على نفس غموضه : مصلحة إيه وليه قولت اهلي مقولتش انتا وأهلك

اشرف بخبث: يعجبني ذكائك قص عليه دوره

وهو ينظر له بترقب حذر

سيد ضيق عنيه وهو بيسمع كلامه

سيد باستفسار : عدم اللمؤاخذه دي رقبه هاتطير

أشرف على نفس هدوئه: يا راجل العمر واحد مهو ممكن عمرك يضيع بعيار طايش من الحكومه وانتا بتلقب رزقك

بس ساعته مهيكونش ليك ديه انما هنا رقبه هاتطير بس قصادها مبلغ هايعيش اهلك ملوك فكر الفرصه بتيجي مره واحده

سيد ببرود: اشمعنى انا يا باشا ما في كتير غيري والف من يتمنى اصل اللي زينا عايش وعمره على كف عفريت

أشرف على نفس بروده: اصلك جدع مستبيع الدنيا وقلبك ميت وكمان سوابق عربيات وكمان عندك اللي تخاف عليه واللي متبهدل عشانه

سيد بخبث لا يقل عن أشرف: والتمن يا باشا

أشرف بابتسامه لم تصل لعينيه :يكفيك كام

سيد :كلك نظر

اشرف بلؤم : افهم انك موافق

سيد بطمع : نتفق بس افهم

أشرف بخبث موازي: نتفق اه تفهم لا

سيد بإماءه بسيطه: سامعك يا باشا

اشرف بخبث: كل دورك هاتطع العربيه وتدخل وسط الصحرا ومعاك جثة البنت وشنطتها وهاتولع فيها بس وبعدها الباقي دوري

سيد بمكر شيلة مين يا باشا

اشرف ببرود ميخصكش

سيد بعيون بتلمع ودماغ بتحسب: ارنبين

اشرف ببرود مش شايفه كتير

سيد بضحكة سخريه: يا باشا كتير على رقبتي داه حتى عيب دانا بسلم نفسي بنفسي

اشرف بمكر التعالب : لاء مش هاتسلم نفسك ولا حاجه

سيد بضحكه : يا باشا انا سوابق يعني لما اسوق العربيه بصماتي في كل حته فيها يعني مع أول معاينه هايجيبوني من قفايا

اشرف بضحكه شريره: مش بقولك يعجبني دماغك سم يخربيتك

سيد بنظره غموض: لسه تلميذ على قدي

أشرف بهدوء حذر: تمام التنفيذ بالليل وهاحددلك المكان اللي هتاخد العربيه منه والمكان اللي هاتودي العربيه فيه

سيد: تمام يا باشا بس لامؤاخذه حقي يا باشا هايوصلني ازاي

أشرف: النص قبل العمليه والنص بعد التنفيذ بس لو فكرت تلعب بديلك عندك اللي تخاف عليه

سيد خبط على رقبه : عيب يا باشا رقبتي

**************************

عند قمر في المستشفى دكتور حلمي بيتابع مؤشراتها الحيويه وفي نفسه ياترى ايه حكايتك وايه اللي وصلك تحت ايد السالمي وقعتي مع اللي مبيرحمش في ظل شروده سمع إنذار القلب بيعلن عن وقوفه في ثواني كان استدعى الممرضه المسؤله

بسرعه قربي جهاز الصدمات بسرعه 200

لمسها الجهاز اتنفض جسمها بس لسه مفيش نبض

220 كررها تاني ولسه مفيش امل

كررها تالت ورابع لحد ما رجع النبض واستقر

اترمى على الكرسي واتنهد الحمد لله اووف اتكتبلك عمر جديد

ويبقى الحال عند محمد مختلفشي من الدعاء والقرآن وقلوب مفطور على أبنائهم

**********************

عند الحاج محمد الديب ضياء بلهفه بابا طارق على التليفون خطفه من ايده بلهفه

ايوه يا طارق طمني يا ولدي

طارق: اهدا يا حاج انا جبت صورة المحضر وعرفت المكان الي حصل فيه الحادثه ورايح هناك اشوف المكان بنفسي وبعت ناس حبايبي يعرفو طريق الواد صاحب الورشه اللي على الطريق واشوف الكاميرا بنفسي مسأله وقت بس اطمن ان شاء الله خير مش هستني لما يفتح علشان اجيبه زي محضر البوليس

الحاج محمد الديب: طيب يا طارق لو محتاج اي حاجه لو عايز رجاله ابعتلك رجاله تسد عين الشمس تخليه كحل عايز بنتي يا طارق ولو عديت بحور دم دي قمر الديب مش اي حد يا طارق

اطمن يا عمي انا هجيبلك قرار الموضوع انهارده وبإذن الله هانجيبها ولو كانت في بوق السبع

محمد بوجع: قلبي مفطور ياولدي الضنا غالي وبشر مستعر في صوته لو بتي مارجعتش هاخليها خراب على الكل

اهدا يا عمي الموضوع محتاج عقل نعرف طريقها الأول ونعرف ايه اللي حصل

ماشي يا ولدي ربنا معاك خليك معايا اول بأول

***********************

عند اشرف المحامي الساعه 5 وصل شاكر المكتب واستقبله بنفسه اشرف بتراحاب حار: اهلا اهلا يا باشا نورتنا زياره عزيزه

شاكر: بهدوء ازيك يا اشرف

تمام يا باشا اتفضل

جلس كلاهما وبداء اشرف بالحديث

كده اقدر اقولك انهارده بالليل ماهر باشا هايكون في الأمان

شاكر بإنصات: طمني عملت ايه بالظبط

اشرف عدل شاشه اللاب توب ناحيته

شاكر بذهول مش معقول داه بجد ولا هزار انا مش مصدق نفسي

اشرف بفخر: عيب يا باشا احنا مش بنلعب

داه سيد طفاشه مسجل سوابق سرقه سيارات ولسه خارج من 4 شهور واتفقت معاه هياخد 5 مليون مقابل يشيل الليله كلها والنهارده واحد من رجالتي هايسلمه نص المبلغ وهيتابع معاه هياخد العربيه من شارع …

والراجل بتاعي على بدايه الصحراوي هايسلمه جثة البنت بس محتاجين شنطتها علشان الساعه 12 الراجل بتاعي هاينفذ

بس اشمعنى الشارع داه يا اشرف

اشرف بذكاء طلع ورقه من ملف واداها لشاكر

شاكر قرئها بذهول معقول خلصت المحضر

عيب يا باشا احنا مش بنلعب

بس بردوا مقولتليش اشمعنا الشارع داه

اشرف بخبث يا باشا الشارع داه مفيهوش كاميرات علشان محدش يشك ولا سين ولا جيم ولا حتى نون وكمان عربيه ماهر باشا مبقاش فيها أي أثر ليه اتنضفت وبقت فله وكمان حد من حبايبي راح المستشفى جاب بصمات البنت وملا بيها العربيه يعني قفلت من كل ناحيه

شاكر بنبهار: برافو يا اشرف بجد برافو أحييك فعلا صدق اللي قال عليك تعلب المحاكم

اشرف بفخر :هههههههه عيب عليك تلاميذك يا باشا المهم شنطة البنت علشان نقفل الصفحه دي للأبد

اقل من ساعه والشنطه هاتكون عندك قالها وهو يهم بالانصراف

تمام يا باشا

وصل طارق لطريق القاهره اسكندريه الصحراوي في مكان الحادث ولقى رجالته ماسكين عبد الكريم

عبد الكريم بهدوء :خير يا باشا جبتوني على ملا وشي من قلب بيتي في ايه يا بيه

طارق بهدوء: اهدا يا اسطى انتا قافل المحل من أمته

عبد الكريم من 3 أيام يا بيه في حاجه

لا يا اسطى طيب عايز اشوف تسجيل الكاميرا دي

ضحك عبد الكريم بهدوء: يا بيه الكاميرا دي مش شغاله اصلا انا حاططها علشان محدش يفكر يسرقني انا راجل غلبان على باب الله والمحل في حته مقطوعه زي ما حضرتك شايف خفت حد ابن حرام يسرق المحل وانا معيش اجيب غيرها يا بيه فجبتها وحطيتها بس هي اصلا بايظه

تمالك طارق اعصابه : طيب احب اشوف بنفسي

عبد الكريم بهدوء ماكر : وماله يا بيه مكانك ومطرحك

دخل طارق وشاف الكاميرا بنفسه واتأكد من صدق عبدالكريم

طارق بنفاذ صبر: تمام يا حاج تشكر

وركب عربيته واتحرك هو رجالته

عبد الكريم ابتسم ابتسامه خبيثه وقفل المحل واتحرك من مكانه

في عربية طارق وقف على جنب الطريق وغمض عنيه وفي نفسه انتي فين يا قمر خدتي قلبي زمان وملحقتكيش ودلوقتي خلعتي قلبي وبردو وملحقتكيش اااه يا وجع هايفضل ملازمني لو ضعتي يا قمر داه انا حرمت على نفسي الحريم من بعدك واللي كان مصبرني لمعة عينك اللي بشوفها كل ما تيجي سيره محمد أو تشوفيه قدامك كنت بكتفي ابصلك وانتي بتضحكي اااه يا قلب طارق ووجع طارق دانتي نقطه ضعفي الوحيده في الدنيا يا عشقي اللي دفنته وقبره كان قلبي

مسح دموعه اللي غلبته وعيونه اسودت فاحمه وكأنها عين الشيطان اقسم بديني لو هادفع عمري هجيبك ولو كنتي تحت سابع أرض ولو كانت دي اخر حاجه هعملها في حياتي

ايوه يا ضياء اديني الحاج

الحاج محمد: أيوه يا ابني طمني وصلت لايه

للاسف يا حاج جبت الراجل صاحب المحل الكاميرا محطوطه للتهويش ومش شغاله وانا أتأكدت من كده بنفسي

محمد بعصبيه: يعني ايه بتي ضاعت يعني بتقولي احط ايدي على خدي كي الحريم

يا عمي انا مش قصدي انا عايزك تجهزلي رجاله في دماغي حاجه والوقت مش في صالح

ي

لو عايز الف راجل يكونو تحت رجليك فهمني راسك فيها ايه يا ولدي

كله بوقته يا عمي

**********************

عند اشرف المحامي وصل فارس

الشنطه اللي طلبتها

اشرف باحترام تمام يا فارس بيه تقدر تطمن

فارس بهدوء: اتمنى

متقلقشي يا فارس بيه كله تحت السيطره

هزه رأس بإيمائه بسيطه كانت هي ردة فعله على كلام اشرف وغادر المكتب

امسك أشرف الشنطه بعد ما ارتدى قفازات وبداء في إخراجها واحدا تلو الأخرى ثم بداء في محو جميع البصمات من عليها تماما ثم فتح التليفون وبداء في تصفح كل شيئ لم يجد اي شيئ مثير للريبه ولكن بعقليه أشرف السم كان لابد من التأكد بنفسه عمل على توصيل الهاتف بجهاز الكمبيوتر الخاص

لما نشوف انتا اللي عليك زي ما هو ولا عائله السالمي مخبيه حاجه اممممم تك تك تك تك تك

دقائق كانت الوقت المطلوب لتحميل برنامج استرجاع المحذوفات وتم تحميل كل شيئ

اشرف بهدوء: اووووه يا أولاد السالمي ثم بداء بفتح الملفات التي تم تحميلها بالتدريج ولكن كانت الصدمه

يا ترى أشرف لقي إيه

يتبع…

تكملة الرواية من هناااااااا