رواية نجمة الادهم الفصل الاول والثاني 1-2بقلم زهرة الربيع (جميع الفصول كامله)

 رواية نجمة الادهم الفصل الاول والثاني 1-2بقلم زهرة الربيع (جميع الفصول كامله)

رواية نجمة الادهم الفصل الاول والثاني 1-2بقلم زهرة الربيع (جميع الفصول كامله)

انا مش فاهم يا بابا ازاي عايز تطلقها من اخويا وتجوزهالي..ليه تعمل كده وانت عارف انهم بيحبو بعض ..انا مستحيل اوافق مستحيل

ابوه قال بغضب..انا مش باخد رأيك يا ادهم..هتتجوزها يعني هتتجوزها...اذا كان اخوك الي زعلان عليه موافقني في الرأى انت هتعارض

ادهم قال باستغراب شديد..موافق ازاي..وبعدين..انت..انت  هتفرق معاك ايه...انا مش فاهم...تطلقها منو وترجع تجوزهالي طب ايه السبب

ابوه قال بضيق..مش كل حاجه لازم تعرفها...المهم..هتتجوز نجمة بنت عمك..وده كلام اخير وقرار نهائي

ادهم قال بضيق..ويا تري يا فتحي بيه نجمه عارفه بالحوار ده..عارفه انها هتطلق من جوزها وهتجوز اخوه

فتحي سكت وادهم ابتسم بسخريه وقال...كنت متأكد 

فتحي بصلو وقال...نجمه انا هعرف اقنعها انت الموضوع ده ملكش فيه...انهارده هيطلقها وبالليل نفس المأذون الي هيطلقهم هيجوزكم

بقلم...زهرة الربيع

ادهم بصلو بزهول وضحك وقال...كده من غير عده..طب دي هتقنع مين بيها بقى

بقلم ..زهرة الربيع

فتحي مشي ناحية اوضتو وهو بيقول..انهارده بالليل تكون جاهز

ادهم كان هيتجنن ومش فاهم ابوه بيعمل كده ليه وازاي هيجوزها من غير ما تخلص عدتها 

بالليل كان المأذون وصل وفتحي قعد معاه واتكلم معاه شويه

ادهم شاف اخوه طالع من الأوضه ندالو وقال...خالد..استنى هنا..انت بتعمل ايه يا خالد...ازاي توافق على كده ازي

خالد بصلو بدموع وقال..زي ما انت وافقت يا ادهم

بقلم...زهرة الربيع

ادهم قال..انا اول ما اتكلمت معاه قلي اخوك بنفسو موافق..انا مش فاهم انتو  بتعملو ايه ومخبين ايه عننا

خالد حط ايده على كتفو وقال..مبروك يا ادهم..ومشي 

ادهم فضل باصص لطيفه بزهول بس فاق على صوت ابوه بيناديلو وقال ادهم تعالى يلا

ادهم راح قعد جمب ابوه وجات بنت جميله متكملش العشرين بملامح هاديه وعيون واسعه جميله جدا قالت بصوت واطي..نعم يا عمي خالد قلي انك عايزني

فتحي ابتسم وقال..خير يا حببتي...كلو خير ليكي..ده حضرة الشيخ حسنين المأذون

نجمه ابتسمت وقالت..اهلا بيك يا شيخنا ...

بس وقفت مكانها بزهول وصدمه لما عمها قال...الشيخ جاي علشان يطلقك من خالد...ويكتب كتابك على ادهم  ووووو

2

تطلقني من جوزي علشان تجوزني لاخوه...ازاي يعني  ..حضرتك بتهزر معايا صح

عمها وقف وقرب منها وقال بابتسامه..انا مش بعمل غير الاحسن ليكي يا نجمه..صدقيني يا بنتي..انا عمك الي مربيكي وفي مقام ابوكي..اسمعي كلامي

نجمه كانت بتبصلو بزهول وقال..حضرتك بتقول ايه..انت..انت واخد بالك بتطلب ايه...يعني ايه اتطلق من جوزي...واتجوز اخوه  كمان..ههه..ده مستحيل يكون غير هزار مستحيل

هنا اتنهد وقال...خالد هو الي عايز يطلقك يا نجمه

نجمه بصت لخالد بصدمه وقالت..لا..لا طبعا ...خالد..خالد انت صحيح عايزنا نطلق..مستحيل طبعا انا بسأل ليه اصلا

خالد كان قاعد وعيونه في الارض ومش بينطق ونجمه قربت منو وقالت..خالد رد عليا..اتكلم متسكتش قولو انو غلطان انت عايز تجنني اتكلم

خالد نزلت دمعه من عيونه مسحها بسرعه وقال..احم...ده صحيح يا نجمه..انتي...انتي طالق

خالد قال كده وبص للمأذون وقال..هتعوز حاجه مني تاني

المأذون خلاه يمضي على الاوراق ونجمه كانت بتبصلو بصدمه وزهول مش فاهمه ايه الي بيحصل معاها

ادهم كان بيبص لحالتها بحزن رهيب وكان نفسو يضرب اخوه بسبب حالتها..قعدت على الكرسي بصدمه وزهول والمأذون بدأ في اجرائات جوازها من أدهم 

بقلم...زهرة الربيع

ادخم كان بيبصلها بدموع وهيه كانت ساكته ودموعها متعلقه في عنيها وعمها بقى وكيلها وتمم اجرائات الجواز وكتب كتابها على ادهم

نجمه اول ما المؤذون خلص طلعت على اوضتها بزهول ومكانتش بتنطق ابدا وده الي خلى ادهم قلق جدا طلع وراها بسرعه بس ابوه وقفو وقال بسرعه..ادهم عايزك

ادهم وقف بغضب وقال..مبسوط بالي عملتو ده

فتحي قال...مبسوط جدا ده الي كان لازم يحصل من زمان..انا كنت عاوز اجوزك نجمه  ووعدت ابوها قبل ما يموت اني هجوزهالك انت ابني الكبير انت الي هتحافظ عليها

ادهم كان مضايق جدا وكان هيمشي بس ابوه قال..عايز تشد حيلك وتجبلي ولي العهد بسرعه

ادهم بصلو بزهول وضحك وقال..نعم..انت فاكر ان ده جواز..ده اصلا حرام..البنت مكملتش عدتها و الجواز ده باطل و

بس ابوه قال بسرعه..ادهم انت عمري ما عملت حاجه حرام بنت عمك ملهاش عده على اخوك..اخوك ملمسهاش علشان يبقالو عده عليها

ادهم اتسعت عنيه بزهول  وقال..نعم..ازاي الكلام ده..دول متجوزين من تلت شهور

ابوه ابتسم بسخريه وقال..اتجوزها غصب عني وطالما غصب تبقى مش من حقو...انت متشلش هم القديم..خليك في الي جاي نجمه مراتك من زمان وانت عايزها من قبل خالد ..ومتقلقش عليه هو مش زعلان المهم تعرف تراضيها هيه

ادهم قال بغضب..انا صحيح حبتها بس بقت مرات اخويا وخلصنا..الي انت عملتو ده كسرت بيه قلبها وانا عمري ما اتمنيت كده

ادهم قال كده ومشي راح يشوف نجمه اول ما فتح الباب مسكت سكينه كانت عل طبق الفاكهه جمبها وقالت بدموت وانهيار..اياك تقربلي  سامع..اياك تفكر اني مراتك انا بكرهك خليك بعيد

ادهم اتسعت عنيه بزهول ولقاها مقربه السكينه منهاجامد خاف جدا وقال..احم..نجمه..نجمه اهدي انتي بتعملي ايه..ارجوكي بلاش تهور ..

ادهم قال كده وحاول يقرب منها  بس وقف مكانو لما قالت بصراخ ..بقولك خليك بعيد..هقتل نفسي والله..انا بكرهك وبكره اخوك وابوك الي بيبيع فيا على مزاجو ..انتو... انتو استغلتوني علشان يتيمه ومليش غيركم..سبوني في حالي..وكملت بغضب ونظرات حقد وقالت..اطلع..اطلع بره..بره مش عايزه اشوفك اطلع حالا

ادهم كان خايف جدا احسن تأذي نفسها وقال بسرعه..طيب..طيب حاضر طالع طالع..ولسه هيتحرك مسك بطنو جامد وقال بألم..اااااه...ااااه 

نجمه استغربت ونزلت ايدها وبقت تتقدم عليه ببطأ واستغراب بس فاجأها لما قرب منها بسرعه رهيبه ودفعها عند الحيط وهو لسه ماسكها ومسك ايدها الي فيها السكين وبقى يضرب ايدها في الحيط 

نجمه اتألمت جامد من ايدها ووقعت السكين منها واول ما اطمن انها وقعتها شدها لحضنه بسرعه ومسكها جامد وحس اخيرا انو ابتدى يتنفس براحه

نجمه كانت بتبكي وبتزقو جامد وبتقول...اوعي سبني سبني بقولك ابعد عني...اوعي

بس مكانش بيرد عليها كان حاضنها جامد ومثبت دماغها على كتفو ومحاصر وسطها بايده بقوه

نجمه حاولت كتير تبعد بس مقدرتس ولقت نفسها بتبكي بقوه بين اديه وبتطلع كل الي جواها

بعد دقايق  لقاها سكتت فجأه وجسمها تقل بيبص اتفاجأ بانها مغمى عليها اتوتر جدا وشالها حطها على السرير وقعد جمبها وهو بيبص لدموعها الي بتنزل حتى وهيه نايمه اتملت عيونه بالدموع وطلع يشم هوا في البلكون

بعد شويه نجمه فاقت بتعب وبتبص لقت ادهم في البلكون نزلت دموعها بحزن بس مسحتهم بغصب وقامت وبقت تجهز هدوم ودخلت الحمام

ادهم سمع صوت باب الحمام دخل بسرعه لقاها دخلت ورزعت الباب اتنهد بضيق وقعد على السرير

بعد شويه خرجت وكان ادهم بيتكلم في التليفون وبيقول...خلاص يا غاده متصدعنيش..كان معايا كام حاجه كده واتشغلت و...بس اول ما شاف نجمه خرجت قال  .احم..هكلمك بعدين وقفل معاها

نجمه بصتلو بسخريه وقالت..دي غاده الي كنت هتخطبها طبعا..ياترى قولتلها انك اتجوزت قولتلها على الي عملتو انت وابوك ولا بتضحك عليها هيه كمان

ادهم اتنهد وقال...نجمه انا مليش دخل بالي عملو بابا..انا مكنتش مواقق

نجمه صحكت بسخريه وقالت...فعلا..اممم ما انا خدت بالي بدليل انك كنت قاعد ومستني المسرحيه تحصل قدام عنيك وانت بتتفرج

ادهم قال بخنقه..انتي كمان قعدتي وسبتي كل حاجه تحصل وانتي ساكته

نجمه بصتلو بزهول وقالت...نعم...يعني انت كنت مستني مني انا ارفض واتخانق واكسر كلمتو وانت واخوك اتنين رجاله ساكتين..انا مشوفتش اوسخ منكم بجد

ادهم مسح على وشو بضيق وقال...نجمه من غير غلط..قولتلك انى مش قاتل نفسي على الي احنا فيه ده

نجمه قالت بغضب...انا مش عايزه اسمع تبريراتك..انا مش عايزه افضل معاك اصلا ..يلا اطلع بات في اوضتك 

ادهم اتنهد وقال..احم..مش هينفع..بابا قلي افضل هنا

نجمه بصتلو  بحده وقالت..يا حبيب بابا..بقولك ايه انا مجنونه ومتعرفش ممكن اعمل ايه اخرج احسنلك 

ادهم اتنهد وبقى بقلع قميصه بلا مبالاه وفتح الدلاب وابتسم بسخريه وقال..عمك كمان مجهز لنا هدوم واحنا اخر من يعلم 

بقلم...زهرة الربيع

نجمه بصتلو بزهول وقالت..انا بكلمك على فكره انت هتعمل جوزي بجد

ادهم قال بضيق من غير ما يبصلها ...ده لاني فعلا جوزك 

نجمه كتفت اديها وقالت بغضب..جوزي كده من غير حتى ما اخلص عدتي

ادهم بصلها ورفع حاجبو وقال..انتي عارفه ان ملكيش عده 

نجمه اتصدمت واتسعت عنيها بزهول وقالت..احم..انت..انت بتقول ايه...انا..انا...

بس ادهم قاطعها وقرب منها خطوات واثقه وهو بيبصللها جامد وحاصرها عند الحيط وطول النظر في عيونها الجميله وقال...دي اجمل حاجه حصلت في كل الموضوع ده..مبسوط جدا ان خالد مقربش منك..الموضوع ده كان معذبني بجد كل ما افكر فيه بتخنق

نجمه اتوترت جدا وبلعت ريقها بس اصتنعت القوه ودفعتو وبعدت وقالت..انت بتقول ايه..احنا متجوزين من تلت شهور و اكيد كنا سوا كتير انت بتخرف ولا ايه

ادهم ابتسم ابتسامه جانبيه وقال...قوليلي المهم لاني  مش هصدق كدبك ده لانك متعرفيش تتقنيه ..هو خالد .احم..معملهاش ليه.. ومشى عيونه عليها بوقاحه وقال..حد يقدر يقعد تلت شهور مع فرسه زيك من غير ما يقرب لها ولا مره..ايه السبب مش هسيبك غير لما اعرف وووووو

تكملة الرواية من هناااااااااااا