رواية النصيب الفصل الاول 1بقلم رحاب القاضي جديده وحصريه وكامله مدونة قصر الروايات

رواية النصيب الفصل الاول 1بقلم رحاب القاضي جديده وحصريه وكامله مدونة قصر الروايات 

رواية النصيب الفصل الاول 1بقلم رحاب القاضي جديده وحصريه وكامله مدونة قصر الروايات 

_البارت الاول

ــــــــــــــــــــ ــــــــــــــــــــ ــــــــــــــــــــ 

_وقبل ما نبدأ روايتنا اعرفكم علي بطلتنا اللي اسمها شهد وعندها ١٨ سنه ومن عيله فقيره شويه... 

_وفي يوم كانت شهد قاعده مع باباها ومامتها وبيتكلمو... 

ام شهد _

طيب كويس انا اسمع ان الواد سعيد ده غلبان وفي حاله مش زي ولاد اليومين دول... 

ابو شهد _

اومال ي وليه هو انا هجيب عريس اي كلام لبنتي... 

ام شهد _

طيب وهما هيجو امتي بقي ي اخويا عشان نروق البيت واطلع اجيب فرحه من علي السطوح عشان محدش يقول علينا حاجه... 

ضحك ابو شهد وقال _

ههههه طيب كويس وابقي اعمليلنا وحده هنا احنا والعيال،وعلي العموم هما هيجو بكره بالليل الواد وامه وخاله... 

اتكلمت شهد بحزن وقالت _

طيب انتو وافقتو وانا لسه مشوفتوش... 

ابو شهد _

هو احنا لسه هنشوف يختي بقولك الواد كويس وابن حلال اتجوزي بقي خلي الحمل يخف من عليا ده لسه في اربع بنات اخواتك وهم ما يتلم... 

ام شهد بحده _

مخلاص بقي يا بت انتي احنا معندناش بنات تنقي عرسان، واسكتي وسيبي الفرح يدخل بيتنا عايزين نفرح بقي... 

_ سكتت شهد ومتكلمتش تاني بس من جواها كانت فرحانه انها هتتجوز زي باقي البنات وبرضو خايفه انها هتدخل علي حياه جديده وناس جديده متعرفش عنهم حاجه... 

ــــــــــــــــــــــــــــــــــــــــ 

_ وتاني يوم بالليل جه العريس ومعاه امه وخاله، شافته شهد من ورا باب اوضتها وفرحت ان شكله حلو، وبعد شويه جات مامتها وقالتلها تطلع تسلم عليهم، وطلعت وسلمت عليهم وقعدت جنب حماتها... 

الحما _

اي ده بس يا ام شهد انتو مش بتأكلو البنت ولا اي؟.. 

رد عليها ابو شهد وقال _

مالها بس ي ام محمد دي بنتي من احلي البنات اللي في الحته.. 

لوت ام محمد بوقها وقالت _

اايوه مهو باين اهو بس ابقو وكلوها كويس بدل ما هي عضمايه علي الجلده كده.. 

ادايقت شهد وبان عليها الحزن وبعدين اتكلمو باباها ومامتها مع ام محمد حماتها واخوها اللي كان جاي معاهم وكان العريس قاعد زعلان واستغربت شهد انه متكلمش خالص... 

ام شهد بضيق _

كلام اي ده يا ام محمد هي في عروسه تتجوز من غير دهب... 

ردت عليها ام محمد وقالت _

يختي وهو مين بيجيب دهب دلوقتي في الاسعار اللي غاليه دي، طيب الكلام ليكي البنت غاده بنت خليل السمكري جابولها دهب صيني وقالو للناس انه دهب بس امانه عليكي يا حبيبتي ما تحكيش لحد لحسن يقولو عليا بنقل كلام.. 

ابو شهد _

خلاص ي ام شهد بقي وبعدين الدهب ده منظر واحنا جماعه مش بتوع مناظر انا بشتري راجل... 

ام محمد _

شالله تسلم ي اخويا وانا شعيد ابني سيد الرحابه وهيحط اسم النبي حارسها في عينيه، وانا هبقي اجيبلها شوية دهب صيني تلبسهم وتوريهم لصحابها وتفرح.. 

ام شهد بضيق _

كتر خيركم والله، وعلي كده انتو عايزين الفرح يكون امتي.. 

ام محمد بحماس _

علي اخر الشهر هنكون جاهزين... 

ابو شهد _

يبقي اتفقنا ع اخر الشهر احنا كمان هنكون جاهزين... 

ام محمد _

طيب ع بركة الله، اي بقي مش هتعشونا يا ناس ي بخيله.. 

لوت ام شهد بوقها وردت عليها وقالت _

لا ازاي بس يا حبيبتي خمس دقايق والاكل يبقي جاهز، تعالي معايا يا شهد ساعديني.. 

ــــــــــــــــــــــــــــــــــــــــ 

_ وبعد كام يوم ابو شهد عزم سعيد عندهم عشان يتعرف عليه كويس، وشهد لبست فستان حلو وحطيت شوية مكياج خفيف وطلعت سلمت بس اتصدمت لما لقيت ان سعيد جه وامه معاه... 

ام شهد _

تعالي يا شهد سلمي علي خطيبك وعلي حماتك... 

_ سلمت شهد عليهم وراحت قعدت جنب مامتها وهي مدايقه ان امه جات معاه وهي كان نفسها يجي لوحده عشان يتكلم وتسمعه او تعرف شخصيته.. 

ام محمد بخبث _

بقولك اي ي ام شهد انا جايبه دكر بط ابقي وكليه للعروسه عشان تتملي شويه قبل الفرح احنا مش عايزين حد يقول علينا حاجه او جايبين وحده نحيفه... 

لوت ام شهد بوقها وقالت بغيظ _

والله مكنش ليه لزوم اطلعي ي اختي السطوح هتلاقيه مليان بط وفراخ وحمام، بس انا بنتي عودها فرنساوي والشباب اليومين دول بيحبو البنات الخفيقه.... 

قلق ابو شهد لا تخصل مشكله وقال _

تسلمي يا ام محمد من يد ما نعدمها ي اختي... 

وبعدين بص لسعيد اللي كان قاعد ساكت وسأله _

اي اخبارك يا سعيد يا ابني، متتكسفش كده واتكلم معايا انا في مقام ابوك... 

بص سعيد لمامته وقال بضيق _

لا عادي بس مفيش حاجه اقولها يا عمي... 

ابو شهد _

ي زين ما ربيتي ي ام محمد ربنا يفرحك بيه... 

ام محمد _

احنا علي معادنا ي ابو شهد اخر الشهر الفرح احنا عايزين نفرح بالعيال ومش عايزين تاجيل... 

رد عليها ابو شهد _

ربنا ما يجيب تاجيل ي اختي، احنا اهو بنلم في الجهاز بتاع البنت وعلي اخر الشهر هنكون جاهزين... 

ام محمد _

سايقه عليكي النبي يا اخويا متكلفو نفسكم علي حاجه زياده او فوق طاقتكم احنا اهل واهم حاجه عندنا ان العروسه تبقي متربيه زي بنتك كده... 

ردت عليها ام شهد وقالت _

ربنا يكرم اصلك ي ام محمد بس ده حق بنتي ولازم تطلع من بيت ابوها باللي نفسها فيه... 

لوت ام محمد بوقها وقالت _

اومال ي حبيتي مش اول فرحتكم حقكم تقولو كده، عقبال متفرحو بأخواتها هما كمان... 

ام شهد _

ربنا يخليكي ي حبيبتي... 

_ كان سعيد قاعد متدايق وكل ما يبص لشهد يولي وشه الناحيه التانيه، وهي خدت بالها بس اتكسفت تقول لاهلها حاجه وسكتت... 

ــــــــــــــــــــــــــــــــــــــــ 

_ وعدت الايام وجه معاد فرح شهد وسعيد وكانت شهد متعرفش حاجه عنه غير اسمه هو متكلمش معاها خالص ومكنش بيكلمها في الموبيل لانه متدين ومبيحبش الحاجات دي قبل الجواز، واول ما اتقفل عليهم باب شقتهم لقيته دخل وقعد ع الكنبه وقال.. 

سعيد _

بصي يا بنت الناس انا بصراحه كده مكنتش موافق بالجوازه دي وامي هي اللي جابتك ليا فانتي هنا عايشه برضا امي هتراضيها هتقعدي هتزعليها اللي هتعمله فيكي مش هقدر اقولها حاجه... 

شهد بدموع _

انت مكنتش عايز تتحوزني، طيب لي كملت معايا لحد الفرح... 

سعيد _

عشان مقدرش اقول لامي مش عايزك، واهي جوازه وخلاص مكلفتناش حاجه... 

بكت شهد ومكنتش عارفه تقولو اي ودخلت اوضتها وغيرت الفستان وبعدين جه سعيد وكانو لسه هينامو الباب بتاع شقتهم خبط... 

سالته شهد بقلق _

هو مين اللي بيخبط علينا دلوقتي... 

سعيد _

مش عارف هطلع اشوف مين وجاي.. 

_ طلع سعيد فتح الباب ورجع ليها تاني وقالها بصوت واطي.. 

سعيد _

اطلعي شوفي امي عايزاكي ومتقوليلهاش علي حاجه لا... 

_ استغربت شهد من كلامه وخوفه من مامته وبعدين طلعت وراحت تشوف حماتها عايزه اي، ولما طلعت لقيتها واقفه وحاطه ايدها في نصها وقالتلي.. 

ام محمد _

لقيتك متعرفيش في الاصول قولت اطلعلك بنفسي.. 

قلقت شهد من كلامها وسألتها_

لي بس كده يا حماتي انا عملت اي بس؟... 

ام محمد بحده _

هو مش الاصول مدام انتي داخله في بيت عيله تنزلي لاعل جوزك من الاكل اللي جيباه ليكي امك.. 

ردت شهد عليها _

انا كنت هنزالكم الصبح والله.. 

ام محمد _

لا احنا عايزين دلوقتي احنا مطبخنااش حاجه ومعتمدين علي اللي هتجيبه امك، واسم النبي حارسه محمد ابني اخو جوزك الكبير جعان، يلا بقي ادخلي هاتي الاكل وخلي منابك انتي وجوزك.. 

ادايقت شهد بس هي كانت عارفه انها لو اتكلمت جوزها مش هيجي معاها ومحدش هيجي معاها، فقالت لنفسها مش مهم موقف ويعدي، وراحت جابت الاكل لحماتها واخدته حماتها ونزلت وبعدين دخلت عند جوزها وناموا.... 

_ وتاني يوم الصبح راحولهم اعل شهد مامتها وابوها واخواتها، وامها خدت بالها ان سعيد قالب وشه، فدخلت المطبخ ورا شهد اللي كانت بتعملهم حاجه يشربوها وسألتها.. 

ام شهد _

مالو جوزك يا بنت يا شهد، انتي زعلتيه في حاجه ؟... 

ردت عليها شهد بحزن وقالت _

لا ابدا والله يا ماما بس.... 

ام شهد بقلق _

بس اي ي بنتي قولي... 

خافت شهد تقولها علي اللي قالو ليها سعيد او اللي عنلته حماتها فتحصل مشاكل من اول يوم جواز واختارت كالعاده انها تسكت وردت علي مامتها وقالت... 

شهد _

مفيش حاجه يا ماما هو بس طبعه كده... 

ام شهد _

مش مهم يقلب وشه يقلبه المهم انه يبقي كويس معاكي وميزعلكيش... 

لوت شهد بوقها وقالت بسخريه _

ع رئيك ي ماما... 

ــــــــــــــــــــــــــــــــــــــــ 

_ بعد شويه مشيو اهل شهد وقعدت هي في اوضة النوم لوحدها وكانت حزينه جدا ومش مبسوطه خالص بالجوازه دي بس مؤتره تكمل عشان كلام الناس وعشان اهلها اللي مكنش معاهم فلوس اصلا يخلوها تكمل تعليمها ومداينين بفلوس جهازها كله وكمان لسه عندهم ارلع بنات اخواتها.... 

_ سمعت شهد صوت زعيق حماتها تحت فطلعت من شقتها لقيت سعيد قاعد قدام التلفزيون بكل برود فسألته بخوف.. 

شهد _

في اي بره يا سعيد؟... 

رد عليها ببرود وقال _

دي امي وخالي بيتخانقو... 

شهد _

طيب وانت قاعد هنا لي انزل شوف مامتك وهديها شويه وشوف اي الحكايه؟... 

رد عليها سعيد _

لا امي مندهتش عليا ولو طلعت من نفسي هتزعقلي ومحمد اخويا معاها... 

استغربت من خوفه الزايد من امه، بس قالتله _

طيب ع الاقل نشوف في اي مننزلش.. 

زعق فيها وقال _

يوووه بقي عايزه تشوفي في اي شوفي لوحدك... 

_ سابته شهد وخرجت من اوضتخا وقفت ع اول السلم وسمعت حماتها بتتخانق مع تخوها بصوت عالي والناس كلها ملمومه عليهم وكانو بيقولو لبعض.. 

ام محمد _

اثبت يا اخويا اني واخده منك الفلوس اللي بتقول عليها، وحتي لو واخداهم اشمعنا بقي دلوقتي بالذات عايزهم... 

اخوها _

عشان عنلالي فيها دور اللي مش لاقيه وانتي مدكناهم عندك واهو جوزتي ابنك حيلة امه... 

ام محمد _

وانت مالك مانت مجوز عيالك كلهم وانا مقولتش حاجه، وبعدين اقولك اي ملكش فلوس عندي واعلي ما في خيلك اركبه.. 

زعق اخوها فيها وقال _

بقي كده ي ام محمد طيب اقسم بالله لانا رافع عليكي قضيه ومطالب بكقي في البيت ده بيت ابويا اللي انا سيبتهولك تعيشي فيه زمان بعد ما جززك راح.اهله رموكي انتي وعيالك في الشارع... 

_ قالها اخوها الكلام ده ومشي وهي كانت واقفه متعصبه ومدايقه جدا وبعدين دخلت شقتها ورزعت الباب وراها، ودخلت سهد شقتها هي كمان ولما شافت جوزها لسه قاعد عند التلفزيون بمل برود، اتخنقت ويابته ودخلت اوضتها وقالت لنفسها بضيق.. 

شهد _

بقي ده راجل ياربي اتسند عليه بعد ربنا، ده تقريبا لو حصلتلي حاجه هنزل يستأذن امه يساعدني ولا لا... 

_ بعد شويه كانت الساعه اتنين بعد الضهر وشهد مكنتش لاقيه حاجه تعملها وجوزها ي اما بيقلب في موبيله ي اما قاعد قدام التلفزيون فمن الملل نامت.. 

وصحيت بعدها ع صوت سعيد وهو بيصحيها، ردت عليه بقلق.. 

شهد _

خير يا سعيد في حاجه.. 

سعيد _

تعالي ننزل امي عايزانا تحت.. 

شهد _

طيب دقيقه هغير هدومي واجي... 

سعيد _

طيب مستنيكي بره عشان هي قالتلي ننزل مع بعض.. 

شهد _

حاضر... 

_ بعد شويه نزلت شهد هي وسعيد شقة حماتها وكان اخو سعيد اللي اسمه محمد ومراته قاعدين هما كمان.. 

ام محمد بحده _

ساعه عشان تنزلو انت وهي... 

رد سعيد بسرعه _

والله هي يا ماما اللي اتاخىت وانتي قولتيلي ننزل مع بعض.. 

ام محمد _

معلش هعديها ليها اكمنها لسه عروسه جديده، نع ان قدمها نحس علينا.. 

اتملت عيون شعد دموع وراحت قعدت جنب سعيد، وحماتها قالت... 

ام محمد _

خالكم عايز تصيبه في البيت واحنا لازم نجمعله الفلوس وكل واحد فيكم هيساعد في الفلوس دي فاهمين.... 

قالت مرات محمد بكل ثقه _

انا هدبكي مبلغ محترم مانتي عارفه ي حماتي انا ابويا مرتاح وربنا موسعها عليه بس بشرط.. 

ام محمد بغيظ _

عجباك مراتك يا محمد بتتشرط عليا.. 

رد عليها محمد بهدوء _

براحتك ي امي مش عاجبك متاخديش منها... 

ام محمد _

اخص علي ربايتك انا مرلتش غير سعيد... 

مرات محمد _

خلاصة الكلام هتاخدي مني المبلغ تمضي علي وصل امااانه اااه انا لازم اضمن حقي... 

اتكلم سعيد وقال _

وانا هاخد سلفه من الشغل واجيبهالك يا امي.. 

ام محمد _

تسلم ي حبيب امك.. 

_ بصت ام محمد لشهد اللي قاعده ساكته وقالتلها.. 

ام محمد _

بقولك اي انتي لازم تساهمي معانا في المشكله دي.. 

شهد _

طيب انا اعمل اي بس يا حماتي انا ظروف اهلي علي قدهم مقدرش اطلب منهم فلوس... 

ام محمد بعصبيه _

جرا اي يا حبيبتي مش انتي عايشه معانا هنا يبقي تقفي معانا في الازمه المنيله بنيله دي.. 

شهد بدموع _

طيب انتي عايزاني اعمل ايه ي حماتي وانا هعمله.. 

ام محمد بحده _

طبعا هتملي اللي انا عايزاه ومدام مش هتقدري تدفعي حاجه دلوقاي يبقي تشتغلي وتساعدي في مصروف البيت... 

شهد _

طيب انا اشتغل ايه ما انتي عارفه ي حماتي اني واخده دبلوم بس مين هيرضي يشغلني عنده.. 

ام محمد بخبث _

انتي متشغليش بالك انا هجيبلك شغل وفلوسه حلوه كمان... 

شهد _

فين طيب وهشتغل ايه؟.. 

ام محمد بهدوء _

هتشتغلي في بيت ناس اكابر تروقي وتنضفي.. 

نزلت دموع شهد وقالتلها _

لا مستحيل انا اشتغل في بيت حد....

_يتبع.... 

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا