روايه عشق اولاد النمر "غرام النمر الجزء2" الفصل العاشر10بقلم جنة ياسر ✍️جديده وحصريه

روايه عشق اولاد النمر "غرام النمر الجزء2" الفصل العاشر10بقلم جنة ياسر ✍️جديده وحصريه 

روايه عشق اولاد النمر "غرام النمر الجزء2" الفصل العاشر10بقلم جنة ياسر ✍️جديده وحصريه 

✨البارت العاشر ✨ 

✨روايه عشق اولاد النمر ✨ 

✨ غرام النمر 2 ✨️ 

                         ♡♡♡♡♡♡♡♡♡♡♡♡♡♡         

"في مدرسه النمر الانترناشونال" 

"نذهب الي اوس و شغف كانوا يسيروا في فناء المدرسه وكانوا صامتين تماما .. 

شغف قررت بالاخير تتحدث وتقول : اوس 

اوس وقف ليستمع لها ثم قال : نعم 

شغف : هو انت ناوي علي ايه انا عارفه ان ياسين هو اللي عمل كدا فيك ....انا عاوزه اعرف انت هتعمل ايه .. 

اوس : شغف ياريت متدخليش في الموضوع ده بالذات الموضوع ده يخصني وانا عارف انا هعمل ايه وياريت متبلغيش ماما بأي حاجه .. 

شغف : يا اوس انا خايفه عليك ليعمل حاجه فيك تاني 

اوس قاطعها : لا متخافيش يا شغف انا مش هعمل حاجه ياريت تقفلي علي الموضوع ..هو انتي مش عندك حصه يلا روحي احضريها وفكك مني .. وياريت تبطلي تطفل شويه .. 

شغف بحزن : تطفل ماشي يا اوس انا بعد كدا مش هتطفل عليك وبراحتك اعمل اللي انت عاوزه ... 

ثم ذهبت وهي ذاهبه خبطت في مغيث صديق اوس .. 

مغيث : انا اسف مش قصدي يا شغف .. 

شغف بدموع : لا وله يهمك بعد اذنك .. 

ثم ذهبت وتوجهت الي الفصل لتحضر الحصه التي عليها ... 

مغيث : هي مال شغف معيطه لي .. 

اوس : فكك منها ...تعالي ورايا 

مغيث مسك ذراع اوس وقال : هنروح فين .. 

اوس نظر الي يد مغيث التي كانت موضوعه علي ذراعه ثم نظر لمغيث وبعد ذراعه وقال بحزم : قولت تعالِ ورايا وخلاص .. 

ثم ذهب اوس ومغيث ذهب خلفه وكان ينادي عليه لانه يريد ان يعرف الي اين ذاهبون 

مغيث: علي فين 

اوس كان ساكت تماما وكان بيسير بخطوات سريعه وكان ضاغط علي يده بقوه ..ثم فجاءه دخل wc الرجال وفتح الباب بقوه ..كان ياسين في نفس الوقت في الداخل وكان معه صديقه .. 

اوس كان يقرب وياسين كان يرجع للخلف ... 

ياسين بخوف : اسمع اوعي تفكر انك تقدر تعمل حاجه 

اوس بشر : لا هعمل . 

ياسين برعب : انت بتقرب كدا ليه ابعد عني ...والله لو قربت وله ضربتني هخلي بابا يوديك ورا الشمس.. 

اوس بدون سابق انذار لكمه بالروسيه بقوه في رأسه 

وقع ياسين في الارض ومسك جبينه.. 

وقال بتألم : اااه يا حيوان 

اوس : انا هوريك الحيوان ده هيعمل فيك ايه .. 

اوس بدأ يضرب بقوه وغل في ياسين ولم يترك فرصه لياسين ان يدافع عن نفسه وصديق ياسين ذهب ليدافع عنه 

مغيث مسكه و قال : رايح فين يا نجم مش هيبقي انت وصاحبك خليك مكانك احسن .. 

وبعد فتره اوس يبعد عن ياسين ....وكان ياسين ملامحه لم تبان من الضرب وكان هيفقد الوعي .. 

اوس : لما تقرر تعلم علي اوس الحديدي ابقي فكر الف مره قبليها ..انا كدا جبت حقي اوعدك يا ياسين اني افصلك من المدرسه ومش هخلي اي مدرسه تقبلك ده جزاء اي حد يقرب مني ...ثم ضرب قدم ياسين وقال بصراخ : سامع يا ياسين التهامي ... 

ثم عدل اوس ملابسه وخرج من الحمام وذهب بخطوات واثقه وفخر ان اخذ حقه . 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎 

عند همس نظرت الي السياره التي كانت في اتجاههها وقربت منها بشده همس فكرت انها تنتحر ووقفت امام السياره لتدهسها بس فجاءه يامان أتي من خلفها وسحبها ووقعوا في الارض كانت همس تحته وهو فوقها وكانو ينظروا لبعض لاول مره يامان يأخذ باله من ملامح ووجهها وعيونها الجميله وبعد ثواني فاق يامان علي حاله وهمس هي الاخري وقفت امامه.. 

يامان نظر لها وقال بغضب : انتي مجنونه العربيه كانت هتخبطتك معقول مسمعتيش صوت الكلاكس 

همس كانت تنظر في الارض ولم ترد عليه 

يامان اتعصب عندما رأي انها تجاهلته ولم ترد عليه مسك ذراعها بقوه وضغط عليه بشده لدرجه ترك أثر أصابعه علي ذراعها وقال : ما تردي انتي كان فين عقلك لما كنتي واقفه قدام العربيه انتي قاصده تقفي كنتي عاوزه تموتي نفسك .. 

همس فقدت اعصابها وزقته وقالت بانهيار : ااه كنت عاوز اموت نفسي انت مالك انقذتني ليه محدش طلب منك انك تساعدني .ياريت كنت موت عشان ارتاح ياريت كنت سبتني اموت .. 

يامان بصدمه : انتي اكيد اتجننتي 

همس قال بصراخ وبكاء : اه اتجننت وتعبت ايوه انا بقيت مجنونه بسببك انا في لحظه كنت هموت نفسي بسببك انت السبب 

يامان بعدم فهم : انا السبب ازاي .. 

يامان قرب من همس ثم كمل : مالك يا همس انا اول مره اشوفك كده انتي كويسه.. 

همس زقته بقوه وقالت : لا مش كويسه ..ابعد عني انا مش كويسه طول ما انت جمبي وقريب مني انا تعبت خلاص مبقتش قادره اتحمل اشوفك مع حد غيري...انا انا بحبك يا يامان وكملت بانهيار : بحبك اوي ومبقتش قادره اخبي اكتر انا بموت كل يوم اكتر من اللي قبله لما افتكر انك بتحب غيري انا يوم لما اتقدمت لعشق انا موت بتكلم بجد تخيل كده تشوف حد بتحبه يتقدم لحد غيرك ويتجوز غيرك صعبه اوي كنت بفضل قدي امل لنفسي واتفائل ان في يوم ممكن تبص ليا وتحبني زي منا بحبك بس انا اكتشفت ان اليوم ده عمره ما هيجي وان انت عمرك ما هتحبني عارفه انك اتصدمت بس دي الحقيقة يا يامان انا بحبك من واحنا عيال صغيره حبي ليك كان بيكبر كل يوم عن اليوم اللي قبله .... 

يامان بصدمه : انا انا مش عارف اقول ايه انتي 

همس رفعت يدها بمعني ان يسكت  ... 

وقالت بوجع : متقولش حاجه لان عارفه هتقول ايه وانا مش عاوزه اتوجع اكتر منا موجوعه اعتبرني ان مقولتيش حاجه وانسي كل اللي قولته .. 

ثم التفتت لتذهب بس يامان وقف امامها وقال : الحب ملوش ميعاد و للأسف وجعه صعب وانا مجربه زي زيك انا اسف يا همس والله حاسس بوجعك واللي انتي حاسه بي .... 

همس : انسي يا يامان كل اللي قولته وانا اسفه ان تعديت حدودي معاك وو ..انا همشي مش قادره اقف اكمل كلام معاك اكتر من كدا .. 

ثم ركضت وكانت بتبكي بشده وقلبها موجوع ثم ذهبت الي السياره التي أتت لتأخذها من امام الكليه وركبت وبدأت تتحرك السياره وهمس وضعت رأسها علي الشباك وكانت بتبكي وقالت : انا ايه اللي عملته ده ازاي اعترفتله بحبي غبيه يا همس غبيه ...ثم نظرت الي السماء 

وقالت : يارب خليني أنساه يارب طلعوه من قلبي يارب مفكرش فيه ....وانسي حبي لي هتعامل ازاي معاه بعد كدا ...ثم تنهدت ووضعت رأسها علي الشباك مره اخري وغمضت عيونها .. 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎 

في مطار القاهرة الدولي كان ديما واسر واقفين ليستقبلوا نديم وسيلا..وجاسر وغرام كانو قد جاءوا ايضا  ليستقبلولهم لكن  لم يصلوا بعد... 

اسر بمزح : عامله اي 

ديما : كويسه 

اسر فجاءه قرب من ديما وقال : طب ايه 

ديما : نعم انت قربت كدا ليه 

اسر : عادي اصل الجو ساقعه .. 

ديما : ساقعه ايه ده الجو نار. 

اسر : انا شخص مختلف بسقع في الصيف . 

ديما : لو سمحت ابعد شويه ميصحش كدا 

اسر بهيام : يخربيت براءتك و رقتك انا اول مره اشوف بنت بالرقه دي 

ديما بخجل : يا اسر بطل بقي بتكسف ... 

اسر بضحك : حاضر هبطل خلاص اهدي وشك قلب طماطم.. 

ديما لمحت جاسر وغرام جاءوا في اتجاهم. 

قالت : انكل جاسر وانطي غرام وصلوا .. 

اسر : فين ... 

جاسر وغرام وصلوا لهم ...وقال جاسر : اي اخباركم ياولاد 

اسر : كويسين يا بوص ... 

غرام : جاين بقالكوا كتير 

ديما : لا يا طنط .. 

وبعد فتره وصلوا نديم وسيلا و روح .... 

ديما بفرحه : وصلوا اهم .. 

و ديما ركضت الي نديم وكان يجر الحقائب وسيلا وروح كانوا يسيروا خلفه .. 

ديما نطت علي نديم ...ونديم حاملها ولف بيها ..ثم نزلها 

نديم بحب : وحشتيني يا ديمو . 

ديما : وانت كمان يا دادي اوي... 

وغرام ركضت نحو سيلا وعنقتها بشده والاثنين بكوا بشده وجاسر ذهب الي نديم وعنقه بحب .. 

جاسر : وحشتني يا صاحبي .. 

نديم بابتسامه : انت اكتر وحشتني اوي 

غرام : كده يا سيلا اهون عليكي تسبيني كل المده دي ومتنزليش مصر وحشتيني اوي. 

سيلا ببكاء : حقك عليا يا روحي كان غصب عني. .. 

غرام : خلاص سماح المره دي بس انسي اني اسيبك تسافري تاني .. 

سيلا : هههه لا ان شاءالله هنستقر ...مقولتيش بقي اي رأيك في روح شوفتي كبرت ازاي .. 

غرام نظرت الي روح وقالت بابتسامه: يا روحي ما شاء الله تبارك الرحمن اي الجمال ده ...احنا كبرنا خالص عامله اي يا حبيبتي.. 

روح بخجل : كويسه الحمدلله انتي عامله اي 

غرام : كويسه الحمد الله.. 

اسر : مش يلا بينا يا جماعه وله اي 

نديم : اي ده مين ده 

جاسر : ده اسر ابني 

نديم : الشبه فظيع ما بينكم تحسه نسخه مصغره منك بس هما العيال دول كبروا امتي. . 

غرام : كبروا في غمضه عين ومحسناش سبحان الله .. 

نديم : اه والله.. 

جاسر : يلا بينا نمشي بقي .. 

نديم : هو انت جهزت الفيلا وله لسه .. 

جاسر : لا لسه هتقعد عندي الفتره دي لحد ماتجهز لان لسه مجهزتش .. 

نديم : مش عاوزين نبقي تقال عليكم .. 

جاسر بحزم : امشي يا نديم وانت ساكت . 

نديم بضحك : حاضر 

وذهبوا وتوجهو الي السياره وسيلا وضعت ذراعها في ذراع غرام وقالت : وحشتيني يا بت يا غرومه 

غرام لوت شفتيها بطريقه مضحكه وقالت : يا ختي مش بناخد غير منك كلام وبس قدرتي تبعدي عني الفتره دي كلها .. 

سيلا بغيظ : ما نديم السبب ده انا اللي اقنعته والله وكمان عارفه لولا المهمه اللي طالعها مكنش فكر ينزل .. 

غرام : ياختي الرجاله دي رخمين اوي وكل ما يكبروا عقلهم بيصغر.. 

سيلا ضحكت وقالت : اه والله .. 

وصلوا الي السيارت وركبوا وتوجهوا الي القصر .. 

(نعرفكم علي روح بقي عشان هتكون بطله من الابطال الروايه 😉 

روح رسلان : اخت سيلا عمرها 31 عام لحد الان لم تتزوج شخصيه هادئه وجميله وبتخاف جدا سريعه البكاء تمتلك وجهه ابيض وشعر بني غامق وعيون أخضر غامق هي جميله وفاتنه للغايه بتحب نديم وسيلا وتحترمهم ومتعلقه فيهم وبتعشق ديما بنت اختها وهي قريبين من بعض كالاخوات والاصدقاء .. ) 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎 

نذهب الي اسد كان يسير بخطوات سريعه وكانت ملامحه صعبه كان غاضب بشده فجاءه وقف امام مخزن ثم فتح الباب ودخل ... 

اسد ووجهه كلامه للحراس : اطلعوه لبره. 

خرجوا الحراس واسد توجه الي كرسي ووضعه قريب من صلاح التي كان فاقد الوعي وحالته صعبه ملامح وجه لم تبان من كثرة الضرب وكان متعلق من يده ... 

اسد كان ينظر له بغضب وبشر ثم بدون سابق انذار ذهب الي جردل الماء المثلج ثم سكبه علي صلاح ... 

صلاح اتفزع وفاق عندما رأي اسد اترعب بشده 

اسد كان ينظر الي وجهه الملئ بالكدمات 

ثم قال ببرود : اتمني تكون الضيافه عجبتك عندنا 

صلاح كان يرتجف بشده وقال : انا هنا ليه وانت عاوز من مني ااي 

اسد بغضب : مستعجل اوي انت يا صلاح ...تعرف انا بكون مين .. 

صلاح هز رأسه بمعني لا .. 

اسد قال بنبره جهوريه دابت الرعب فى قلب صلاح 

اسد:  عارف انا هعمل اي فيك انا اكتر حاجه بكرها وبتفور دمي هي ان راجل يمد ايده ويستقوي علي واحده ست ..وانت تخطيت كل حدودك قربت علي حور بكل وقاحه وقربت منها وتعديت عليها بالضرب ....وكمان عرفت انك السبب في طردها من بيت أهلها..... 

صلاح بخوف  : لا محصلش انا معملتيش حاجه .. 

اسد توجه له ووقف امامه  : معملتيش حاجه واو كمان كداب ...طيب يا صلاح انا مصدقك انك معملتيش حاجه وكمان هفكك تعبت اكيد مش كده .. 

صلاح قال : اه تعبت اوي ابوس ايدك خليني امشي وانا اوعدك أن مش هقرب علي حور مره تانيه ... 

اسد فك صلاح وقال : ما هو ده اللي انت هتعمله انت استحاله تقرب عليها مره تانيه ...يلا مستني اي امشي مش كنت عاوز تمشي .. 

صلاح بفرحه : يعني انا امشي عادي .. 

اسد ببرود : امشي . 

صلاح التفت ليذهب وفجاءه اسد مسك الكرسي ونزله  علي ظهر صلاح بقوه .. 

صلاح لم يقدر يتحمل وقع فورا علي الارض يتألم .. 

اسد قال بشر : نسيت اقولك اني اسمي اسد ....والأسد معروف عنه ان بيحب يهاجم الفريسه من الخلف ...انت عبيط فاكر ان انا ممكن اسيبك بالسهوله دي انا هدوقك العذاب الوان ... 

ثم اسد نزل لمستواه ومسك ذراعه الاثنين وضغط عليه بقوه كان علي وشك يكسرهم ..صرخ صلاح بوجع ... 

اسد بغضب : اصرخ كمان وكمان ....ما تدافع عن نفسك ...وله انت مش بتعرف تستقوي غيرعلي الستات 

صلاح قال بترجي : ارجوك سيبني ارحمني لا آآآآآآه 

اسد ضغط اكتر علي ذراع صلاح وقال : هي كمان كانت بتترجاك انك تسيبها   .... ترك ذراع صلاح ثم لكمه بقوه علي وجه وقال بصراخ : انا كنت سامع صراخها كانت بتقول ليك لا ابعد عني ....انا مش هرحمك هندمك علي كل حاجه عملتها ....انا ميبقاش اسمي اسد لو مدوقتكش العذاب الوان هخليك هنا لحد ما تعفن ....اعتبر نفسك في السجن ....لا سجن اي اعتبر نفسك في مقبره لا في مايه وله في اكل وله حته هتشوف نور ربنا ....هموتك بالبطئ .... 

ثم قام اسد وتوجه الي خارج المخزن وصلاح كان بيصرخ بخوف عليه ويترجي ان يذهب ... 

اسد قال للحراس : مش عاوز حد يدخل لي مايه وله اكل ....لمده تلات ايام بظبط وبعد كده تفكوه وترموه في اي زريبه فاهمين ... 

الحراس : تحت امرك يا اسد بيه .. 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎 

عند تولين كانت ذاهبه الي المول لتعمل شوبينج وخرجت من السياره وتوجهت الي داخل المول فجأءه وقفت عندما رن هاتفها برقم إلياس ثم فتحت الخط.. 

تولين : الووو يا بابا .. 

إلياس : انتي فين يا تولين 

تولين : انا في المول يا بابا هعمل شوبينج واجي علي الفيلا علطول .... 

إلياس : سيرين معاكي .. 

تولين : لا يا بابا انا لوحدي .. 

إلياس : خلي بالك من نفسك و متتأخريش خلصي وتعالي علي الفيلا علطول عشان هنروح لعمك جاسر لان في عريس جاي لماسه وجاسر عاوزني اكون معاه .. 

تولين : حاضر يا بابا مع السلامه .. 

ثم قفلت الهاتف ووضعته في الحقيبه التي معها وتوجهت الي داخل المول واول ما دخلت اندهشت من وجود احد ... 

وفي نفس الوقت كان مصطفي موجود في نفس المول كان يشتري ملابس لاخواته البنات و والدته .. 

والدته مصطفي بهمس : المكان غالي اوي يا بني اي اللي خلاك تجيبنا هنا .. 

اخت مصطفي قالت : ايوه يا ماما فعلا الأسعار غاليه والمكان ده مش مكانا .... 

مصطفي بحزم : ليه يا سجده مش مكانا هو الناس اللي بتيجي و بتعمل شوبينج اقل مننا في اي وانا قولتلكم جيبوا اللي انتو عاوزينوا وملكوش دعوه يلا بقي متفضلوش واقفين .. 

سجده : بس 

مصطفى قاطعها : قولت يلا اشترو اللي انتو عاوزينه .. 

اخت مصطفي الصغيره : انت اللي قولت مترجعش تندم بقي .. 

مصطفي بابتسامه : مش هندم يا لمضه انطلقوا يلا . 

نذهب لتولين عندما دخلت المول واتصدمت من وجود مصطفي وثم كشرت لان تذكرت المقابله الاخيره لهم  ... 

تولين بخنقه : هو اي اللي جابو هنا يوووه انا هجيب الحاجه اللي انا عاوزها وامشي علطول ... وكملت بغيره : ومين البنات اللي معاه دول ...اهو بيضحك معاهم عادي امال معايا بيكون عامل زي ابو لهب ليه اوووف.. 

قطع كلامها احد العاملات في المول قالت : اهلا وسهلا يا تولين هانم نورتي المكان .. 

تولين بغرور : اهلا بيكي ممكن تقوليلي اي الاستايلات اللي نازله جديده ... 

العامله قالت : حضرتك انتي جيتي في وقتك لسه حالا جايبين استايلات هتعجبك جدا اتفضلي معايا اوريهم لحضرتك ... 

تولين : اوكي يلا بينا .. 

تولين ذهبت مع العامله ..وهي ذاهبه لم تنتبه وخبطت في بنت .. 

تولين بغضب : ااه مش تحاسبي يا حيوانه انتي .. 

البنت : انا اسفه مخدتيش بالي... 

ثم التفتت لتذهب ... 

تولين ركزت في ملامح البنت....كانت هي نفس البنت التي كانت واقفه بجاور مصطفي ...اتغاظت وفجاءه مسكت ذراع البنت وقالت : انتي رايحه فين انزلي هاتي الشنطه اللي انتي وقعتهالي... 

البنت بتحدي : اظن ان عندك ايدين ممكن تجيبها بيهم ... 

تولين بغضب : اي الوقاحه دي انتي اللي وقعتيها ..وبعدين انتي خبطتيني وعوزه تجري علطول لي لتكوني حراميه ايوه انا عارفه الاشكال اللي زيك كويس .. 

البنت بغضب : انتي ازاي تقولي كدا انتي واحده مش محترمه .... 

ثم التفتت مره اخري لتذهب لكن تولين امسكت ذراعها قالت : رايحه فين يا بنت انتي انا مش هسيبك الا لما اتأكد انك مسرقتيش ... 

البنت ببكاء : والله ماسرقت حاجه انتي بتتبلي عليا انا خبطتك وانا مكنتش واخده بالي واعتذرت ليكي عاوزني اعمل اي تاني ... 

تولين : يا سلام علي الدموع التمثيل علي فكره انتي شاطره اوي ممكن تقدمي في معهد تمثيل هتتقابلي علطول ... 

قطع كلامها احد من خلفها يقول بغضب : سيبي دراعها.. 

تولين التفتت لتري من يتحدث رأته مصطفي ...البنت ركضت الي مصطفي وارتمت في احضانه وبتبكي... 

تولين شعرت بالغيرة وكانت تنظر للبنت بغضب ... 

مصطفي بعد عن البنت ثم نزل الي مستوي الحقيبه وأخذها ثم توجه الي تولين ومد لها الحقيبه .. 

مصطفي ببرود : اتفضلي أدي الشنطه اللي عملتي مشكله بسببها .. 

تولين اخذت الشنطه بعصبيه وذهبت الي الخارج ... 

مصطفي قال للبنت : روحي يا سمر لأمك واختك وشوفي جابوا حاجه وله وانا هاجي ليكم ... 

سمر : هو انت هتروح فين .. 

مصطفي : بعدين هقولك ... 

مصطفي ذهب الي الخارج ليلحق تولين .. 

كانت تولين منزعجه و كانت غيرانه بشده ... 

كانت تتحدث مع حالها : هو انا زعلانه ليه دلوقتي وبعدين انتي مالك حضنته ليه ...معقول تكون حبيبته او خطيبته لا بس هو مش لابس دبله اوووف اوووف ... 

فجأه سمعت صوت من خلفها ينادي عليها بصوت عالي ..وقفت والتفتت و رأته مصطفي وكان يركض نحوها ..تولين باستفزاز قالت : مش واقفه انا مش طايقه اسمع صوته هاااا 

ثم ذهبت الي خارج المول وتوجهت الي سيارتها ثم فتحت الباب لتركب لكن في احد امسك ذراعها بقوه وجذبها ... 

تولين كانت فكراه مصطفي ثم قالت : انت عاوز مني اي ...اي ده فراس ... 

فراس : مفاجاءه حلوه مش كدا يا حبيبتي.. 

تولين شعرت بالخوف بشده ثم قالت : ااا انت طلعت امتي من السجن ... 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎 

عند ماسه كانت في المستشفى انتهت من اجراء عمليه وكانت تتوجه بتعب الي غرفه المكتب وصلت اليها ودخلت واتصدمت عندما رأت حمزه بداخل الغرفه. . 

ماسه : انت بتعمل اي هنا 

حمزه بخبث : جاي اشوف مراتي المستقبليه 

ماسه بصدمه : مراتك مش لما اوافق الاول اتفضل اطلع بره انا تعبانه وعاوزه ارتاح .. 

حمزه ببرود : هتوافقي وغصب عنك 

ماسه : نعم اي اللي هتوافقي غصب عنك دي وله عاش وله كان اللي يغصبني علي حاجه.  

حمزه : صدقيني هتوافقي 

ماسه بتحدي : مش هوافق اي رأيك بقي عندا فيك 

حمزه بخبث : انتي تعرفي ان اسد حابس واحد وبيعذبه مش قادر اقولك و مانع عنه الاكل والشرب ومخلي الحراس بيضربوا ويستقوي عليه .. 

ماسه : انت كداب استحاله اسد اخويا يعمل حاجه زي كدا 

حمزه :  لا عمل حته بصي انا مصور اخوكي وهو بيضربه  .. 

ثم خرج هاتفه من جيبه وفتح فديو لاسد فعلا وهو كان يضرب صلاح بكل وحشيه وكان مانع الصوت .. 

ماسه اتصدمت ولم تصدق ان اخيها يعمل هكذا .. 

حمزه بلؤم : يا تري لو الفديو ده انتشر علي السوشيال الميديا اي اللي هيحصل في اسد والنمر يعيني ممكن يتشوه سمعتهم وغير ان الشرطه ممكن تاخد إجراء وتحبس اخوكي..  

ماسه نظرت له ولم ترد ...وقال حمزه : وساعتها نفسيه اخوكي هتكون في الارض و هيكون في النظر الكل بلطجي ومش متربي وهتبقي سيرتكم علي كل لسان  ... 

ماسه صرخت وقال : بس كفايه حرام عليك 

حمزه غمز لها وقال : قولتلك هتوافقي غصب عنك .. 

  ماسه فجاءه مسكت قميصه وقالت : انت واحد حيوان ليه عاوز تتجوزني وانت لا بتحبني وله حته طايقني وباين انك بتكرهني وبتكره اسد بس اللي مستغرباه ان اسد بيقول صاحبك ومعرفش ازاي بس اكيد مشفش وشك الحقيقي.... 

حمزه بغضب مسك يد ماسه وزقها علي الباب ورفع يدها الاثنين لفوق ومسكهم بيد واحده والثانيه مسك فك فمها بقوه ثم قال : اه بكره اخوكي و ابوكي وبكرهك انا عمري ما كرهت حد قد ما كرهت عيله الحديدي كلهم واحد واحد .. وانتي هتوافقي عليا يا ماسه وصدقيني لو موافقتيش مترجعيش تندمي انا ممكن بسهوله اجر حد يقتل واحد من اخواتك او يقتل النمر 

ماسه اتصدمت ودموعها نزلت علي وجنتها .. 

حمزه قال : مصدومه مش كدا ...صدقيني هعملها عادي اتقي شري ولو بتحبي النمر واخواتك وافقي علي جوازنا ... 

ثم بعد عن ماسه وكمل : احب اسمع ردك دلوقتي .. 

ماسه كانت بتبكي فقط ولم ترد ... 

حمزه بغضب : يبقي انتي اللي اخترتي مسك هاتفه ورن علي رقم وفتح الخط ... 

وقال حمزه وهو ينظر لي ماسه بخبث : نفذ يابني واضرب نار علي اسد بيه 

ماسه صرخت : لا لا ارجوك 

حمزه بابتسامه خبث : لا ليه صعبه مش كدا بردو اسد تؤامك 

ماسه ببكاء وكانت مكسوره قالت : انا هوافق خلاص ارجوك خلي مينفذش 

حمزه : شاطره يا دكتوره احبك لما تسمعي الكلام 

ماسه ببكاء : قوله مينفذش ارجوك متأذيش حد من عيلتي انا هوافق هوافق والله .....يتبع 

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الثاني 2من هناااااااااا

الرواية كامله الجزءالاول1 من هناااااااااا

مجمع الروايات الكامله اضغط هناااااااا