رواية ضحية عشق الفصل العشرون 20بقلم مريم احمد جديده وحصريه (جميع الفصول كامله)

 رواية ضحية عشق الفصل العشرون 20بقلم مريم احمد جديده وحصريه (جميع الفصول كامله)

رواية ضحية عشق الفصل العشرون 20بقلم مريم احمد جديده وحصريه (جميع الفصول كامله)

20

اتنفضت من مكانها بخوف من صوته العالي و هو بينده عليها 

كانت لسه هتنزل تشوف في ايه بس لاقت ايد شيرين بتمسك دراعها 

بصتلها نغم و شيرين قالتلها بحده

شيرين...اياكي اشوف دمعه واحده تنزل من عينيكي و اياكي يا نغم تسكتي عن حقك

مسحت نغم دموعها و قالتلها بثقه كبيره

نغم...من غير م تقولي يا شيري

ابتسمت شيرين و قالت

شيرين...و انا هشهد معاكي ان سجده كانت بتضايقك لأني فعلا سمعتها و انا جايه بس لو كنت قولت كانت هتعمل مشكله و تنزل تقولهم دي بتتصنت عليا

هزت نغم راسها و نزلت هي و شيرين

..................

رجع حسن ينده عليها بغضب اكبر لما لاقاها مردتش عليه

حسن...يـــا نـــغـــممممم !!!!!

سمع صوتها الغاضب و هي بتقول

نغم....فييي اييييه بتزعق لييييه!!

حسن....انتي بتمدي ايدك على اختي ليه يا نغمممم

بصت نغم لسجده و رجعت بصت لحسن تاني و هي بتقول

نغم...كانت عايزه قلم يفوقها بس و يفكرها بمقامها

كان لسه حسن هيرد و هو متعصب جدا بس يونس قال

يونس...مش عايز اي صوت 

بص لسجده و قال

يونس...احنا سمعناكي و عرفنا كنتي بتعيطي ليه

بص للكل و قال

يونس...اظن بقى لازم نسمع نغم كمان 

هزوا راسهم بهدوء و نغم قالت

نغم...ايا كان الي قالتهولكوا عني الي طبعا كله كذب انا مضربتهاش و السلام كدا هي الي طولت لسانها عليا و قعدت تقول كلام ملوش لازمه اصلا 

بصتلها سجده بضيق و قالت بخبث لأنها عارفه ان نغم مبتعرفش تحدي اي موقف حصل و بتنسى الطلام لدرجة انها مبتعرفش حتى تدافع عن موقفها

سجده...الكلام دا محصلش و لو حصل قولي انا قولتلك ايه

بصتلها نغم بضيق و قالت

نغم...انتي عارفه كويس اني مبعرفش احكي المواقف ف بلاش كلامك دا

بصتلهم سجده و قالت

سجده...عشان تتأكدوا انها كذابه

شيرين...لأ يا سجده نغم مش كذابه 

مسكت تليفونها و فتحت ملف التسجيلات و قالت 

شيرين...و عشان انا عارفه الفيلم الي هتنزلي تعملي دا عملت حسابي و سجلت كل كلمه انتي قولتيها قبل م ادخل الاوضه

بصتلها سجده بتوتر و قالتهم

سجده...مفيش اي حاجه من الكلام دا صح 

كملت و هي بتبص لنغم

سجده...و انا يا ستي مش زعلانه منك خلاص حصل خير

نغم...لأ يا سجده محصلش خير و انا بقى عايزه اسمعكوا كلكوا التسجيل

فتحت شيرين التسجيل و كل حرف سجده قالته كلهم سمعوه و هما مزهولين من كلامها

خالد بزهول...ايه دا يا سجده!!

سجده...الكلام دا مش حقيقي 

بصت ليونس و قالت

سجده...ايه يا يونس مش يمكن يكونوا هما الي عملين التسجيل دا عشان صوتي باين فيه انه عالي ولا انا بس الي بعمل كدا

رد عليعا يونس بزهق و قال

يونس...ســـجـــده متنسيش الكاميرات الي موجوده في القصر و متنسيش برضو اني اقدر اجيب الكاميرا و التسجيلات صوت و صوره و كلنا هنسمع صوتك العالي و انتي بتقولي لنغم الكلام دا ف بلاش دا جو المشاكل و الحوارات دي عشان انا اتخنقت بصراحه

نغم...ياريت تكونوا صدقتوا انها ظلمتني 

بصت لحسن و قالت بغضب

نغم...ياريت الصوت العالي الي كان كله غضب و بينده بإسمي ينده بكلمة الطلاق بقى عشان انا زهقت

بصت صباح لحسن و قالت

صباح...ياريت فعلا على الاقل نخلص من المشاكل و الهم دا

اتكلمت نغم بسخريه و هي بتقول

نغم...اه يلا اسمع كلام مامي او اقولك 

بصت لسجده و قالت

نغم...أؤمري اخوكي انه يطلقني يا جوجو يلا 

اتعصب حسن منها جدا و اتكلم بغضب و هو بيقول

حسن...نــغــم احــتــرمــي نــفــســك!!

ضحكت نغم بسخريه و قالت

نغم...ايه يا حسن م انت على طول بتسمع كلامهم و بتصدقهم في اي كلمه هما بيقولوها من غير حتى م تسمعني زي م سمعتهم 

بصت نغم لخالها و قالت

نغم...صح ولا ايه يا خالو

خالد...خلاااص بكره الصبح بإذن الله المأذون هيجي و هتطلقوا و مش عايز اي كلمه تاني و كل واحد يروح على اوضته

................

فرحت دنيا جدا ان سجده مكنتش شافت الرساله و انها لحقت تمسحها قبل م سجده تشوفها

خرجت لعمتها و هي بتقولها

دنيا...معلش يا ماما انا هنزل اروح المكتب 

هزت ساميه راسها بزعل

راحتلها دنيا و قالتلها

دنيا...لا لا مش عايزاكي تزعلي مني انا بس كلها ساعتين تلاته كدا و جايه تاني

ساميه...كل مره بتقولي كدا يا دنيا 

دنيا...حقك عليا يا حبيبتي متزعليش مني

هزت ساميه راسها و هي بتقول

ساميه...مش زعلانه يا حبيبتي ربنا معاكي

ابتسمتلها دنيا و قامت راحت للمكتب

.................

كانت سجده واقفه في بلكونة اوضتها و هي بتتكلم في التليفون

سجده...تروحوا تدوروا في المكتب كله عن الورق الي بيثبت ان القصر بتاع نغم اوعوا متلقوهوش و اياكوا تبهدلوا المكتب و تكركبوا الدنيا مش عايزاها تحس بأي حاجه لازم تبقى مفاجأه ليها كدا ان الورق اختفى

.................

بعد وقت كتير كانت قاعده و هي هتتجنن مش عارفه الورق راح فين كدا حق نغم هيضيع 

اتأكدت ان كدا الورق سجده خدته

قامت بسرعه لما افتكرت كاميرات المراقبه الي بتبقى في المكتب 

قعدت على كرسي مكتبها و فتحت اللاب توب بتاعها و هي بتدور على التسجيلات بتاعة الكاميرا

بس للأسف لاقت الكاميرا مفصوله و مفيش اي تسجسلات اتسجلت  نهاائي

زقت كل حاجه كانت على المكتب بغضب كبير و هي مش عارفه تعمل ايه

بصت على الحاجه الي وقعت على الارض و اتكسرت كلها 

شالت اللاب توب في الشنطه و خدت شنطتها و خرجت من المكتب و هي ناويه تروح بكره تعرف خالد بكل حاجه

..............

تاني يوم الصبح كانت نغم واقفه في الجنينه و هي بتبص على منظر الشجر و الرزع 

سمعت صوت شيرين الي كانت جت وقفت جمبها و هي بتقول

شيرين...اتمنى متكونيش زعلانه يا نغم

ضحكت نغم بسخريه و قالت

نغم...زعلانه؟!!!

بصتلها شيرين بحزن و نغم كملت

نغم...حبيبتي ايه الي هيزعلني بس دا قراري و انا الي قولته

شيرين...يعني خفت تكوني زعلانه عشان يعني انتوا كنتوا بتحبوا بعض و هتطلقوا 

ابتسمتلها نغم و قالتلها

نغم...شيري لو خيروكي بين شخص بتحبيه و هو بيحبك و كرامتك هتختاري ايه

قالت شيرين بكل طلقائيه

شيرين...كرامتي طبعا

نغم...خلاص ازعل بقى لو انا كنت سيبته هو و اخته و امه يهينوا في كرامتي يا شيري و خالته هي و سجده يروحوا يقولوله كلام كذب عني و البيه يزعقلي ولا يضربني

هزت شيرين راسها و ابتسمت و هي بتقولها

شيرين....فعلا عندك حق

نغم...يلا تعالي نفطر زمان الفطار جهز على السفره

هزت شيرين راسها و راحوا يفطروا

................

كانوا قاعدين كلهم متجمعين على السفره و بيفطروا بهدوء

قطع السكوت دا يونس و هو بيقول لصباح

يونس...انا مسافر انهارده بليل يا ماما

سابت صباح الاكل بخضه و قالتله

صباح...ليه كدا يا بني!!!

ضحك يونس و قالها

يونس...ليه كدا ايييه كان المفروض اسافر من اول امبارح اصلا

صباح...يعني برضو هتمشي يا يونس

حسن...خلاص يا ماما برضو عشان شغله

صباح...على الاقل يسافر الصبح مش بليل

حسن...يا ستي هو اول مره يسافر !! اهدي يا ماما ان شاء الله يروح و يرجع بالسلامه 

هزت صباح راسها بزعل و حزن

خالد...انا كلمت الشيخ ممدوح عشان يجي عشان موضوع طلاقكوا دا و هو كلها ساعه ساعه و نص بالكتير اوي و يكون هنا

هزت نغم راسها و قالت

نغم...اوكيه يا خالو

و حسن الي متكلمش

....................

عدى وقت كانوا قاعدين و المأذون هو كمان كان موجود

المأذون...دا اخر قرار خلاص

هزت نغم راسها و حسن بص لخالد بمعنى انه يكلمها

قال خالد لنغم

خالد...حبيبتي انتي ممكن تاخدي وقت تفكري تاني عادي

قالها الشيخ...فكري تاني يا بنتي يمكن تكون لحظة زعل منك انك عايزه تطلقي و الموضوع مش مستاهل

قالتلها هيام هي كمان و هي بتحاول تقنعها

هيام...ادي لنفسك فرصه تقدري تفكري يا نغم  

قالت نغم للمأذون 

نغم...لو سمحت يا شيخنا انا مش صغيره و دي حياتي و انا عارفه انا بعمل ايه من فضلك 

اضايقت صباح منها جدا و قالت للمأذون

صباح...اه يا شيخ ابدأ في طلاقهم بقى عشان انا زهقت 

بصلها خالد بغضب و هو بيقول

خالد...اخــرســي يــا صــبــاح !!

سكتت صباح و هي مش طايقاهم كلهم

بص خالد للشيخ و قاله

خالد...يلا يا شيخنا ابدأ ف طلاقهم

و بالفعل تم طلاقهم و نغم الي كانت حسه ان قلبها هيقف من كتر حزنها بس في نفس الوقت جيه في بالها كل ضربه و كل عصبيه و زعيقه ليها و كل كلمه اتقالتله عنها من امه و اخته انها بتكرههم و صدقتهم 

مشي المأذون و نغم راحت لخالها و قالتله

نغم...خالو انا مقصدش ازعلك بالكلام الي هقوله دا بس انا مش هينفع اقعد هنا طول م هو موجود خليني اروح اي شقه على م نثبت ان القصر دا بتاعي انا

هز خالد راسه و كان لسه هيتكلم بس قطعوا صوت صباح الي قالت بخضه لما لاقت حسن رايح ناحية باب القصر و هو معاه شنط سفر

صباح...ايه دا انت رايح فين انت كمان مش كفايه اخوك سافر

بصلها حسن و قالها

حسن....اهدي يا امي انا مش هسافر 

صباح...اومال رايح فين

حسن...رايح اقعد في شقتي الي جمب الشركه يا ماما 

صباح...و ليه تسيب بيتك اصلا

حسن...دا مش بيتي يا امي عشان افضل فيه

صباح...دا بيتك و بيت امك يا حسن

اتنهد حسن بزهق و قالها

حسن...دا ولا بيتي ولا بيتك يا امي

صباح...طيب يا سيدي ممكن لو سمحت المكان الي امك قاعده فيه انت كمان تفضل موجود و متسبنيش زي اخوك

حسن...تعالي انتي و سجده معايا يا ماما و سيبي البيت لأصحابه

صرخت صباح في وشه بزهول و هي بتقول

صباح...احنا اصحاب البيت يا حسن

" لأ مش انتوا اصحاب البيت صاحبة البيت هي نغم هانم و امها احلام هانم الله يرحمها "

الكلام دا كان كلام دنيا 

سجده...ايه الهبل الي انتي بتقوليه دا ؟؟؟ اومال ايه الورق الي بعتيهولي على الواتس دا!!؟

اتكلم خالد بقوه و هو بيقول لسجده

خالد...قصدك على الورق الي انتي قولتيلها تزوره يا سجده مش كدا ؟؟؟ ووووو

يتبععععع

تكملة الرواية من هنااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا