رواية ضحية عشق الفصل السادس وعشرون26بقلم مريم احمد جديده وحصريه (جميع الفصول كامله)

 رواية ضحية عشق الفصل السادس وعشرون26بقلم مريم احمد جديده وحصريه (جميع الفصول كامله)

رواية ضحية عشق الفصل السادس وعشرون26بقلم مريم احمد جديده وحصريه (جميع الفصول كامله)

26

بصتلها نغم بصدمه كبيره و هي مش مستوعبه ازاي امها عايشه طب كانت سايباها لخالتها ليه كل دا و قالتلها 

نغم...مـ..ماما!!!

دمعت عيون احلام لما سمعت اسم ماما من نغم ..الاسم الي كانت طول السنين دي بتتمنى ترجع تسمعه تاني  كانت لسه هتقرب تاخد نغم في حضنها بس اتفاجئت هي و الكل لما نغم بعدت عنهم كلهم و هي بتبص لأمها بصدمه و حزن 

خالد...نغم مالك !!!

ضحكت نغم بسخريه و قالت

نغم...مالي؟؟؟!!!.....لا ابدا مصدومه بس حتى اني ابقى مصدومه كتير عليا!!

خالد...متقوليش كدا يا حبيبتي 

بص لأخته و قال لنغم

خالد..ايه يا نغم مش عايزه تسلمي على ماما

ابتسمت نغم بوجع و دموع و قالتله

نغم...و هي كانت فين طول السنين دي ؟؟؟....كانت سايباني لخالتي هي الي تربيني و تفضل تذل فيا على كل قرش بتصرفه ليه ؟؟؟.....كانت سايبه واحده تانيه تربيني ليه؟؟...للدرجادي بتكرهني لدرجة اني مكنتش فارقه معاها واحده تانبه تربيني؟؟؟؟

ضحكت و قالت

نغم....و الاجمل من كل دا بقى انكوا كلكوا كنتوا عارفين انها عايشه و سايبني ولا قولتولي ولا هي اصلا فكرت على مدار السنين دي كلها انها تيجي تشوف بنتها

ردت عليها احلام و هي بتعيط بحزن و بتقولها

احلام...لأ يا نغم انا مجيتش عشان خفت عليكي

سكتت نغم بس دموعها هي الي كانت بتتكلم فضلت تعيط بقهر و حزن كبير

راحتلها احلام و قالتلها

احلام...لو كنت جيت من زمان كانت هتقتلك و تقتلني يا نغم زي م حاولت تعملها قبل كدا

بصتلها نغم باستغراب و قالتلها

نغم...هي مين دي

احلام...خالتك صباح

نغم...انا مش فاهمه حاجه

احلام...خالتك حاولت تقتلنا يا نغم زمان لما كان عمرك 4 سنين ...قطعت فرامل العربيه عشان نعمل حادثه و تخلص مننا لأن جدتك الله يرحمها كانت بتحبني انا اكتر واحده فيهم و كانت كاتبالي القصر خالتك وقتها كرهتني اكتر و اكتر و دبرتلنا موضوع الحادثه دا عشان تخلص مننا و القصر يبقى ليها هي و خالك خالد

نزلت دموع نغم و هي مش مستوعبه الي بيتقال 

نقلت نظرها على كل الموجودين تشوف تعبيرات وشهم مره واحده حست ان الرؤيه عندها ابتدت تزغلل لحد م مبقتش شايفه اي حاجه مجرد انها سمعت صوتهم من بعيد بيصرخ بإسمها و بس

..........لا اله الا الله

كانت سجده واقفه قدام المرايه بتبص على أثار الخياطه الي ف وشها بسبب المـ ـطوه الي شوهت وشها

اتنهدت و حمدت ربنا على حالها 

قعدت على الكنبه و دموعها نزلت بحزن كبير و هي ندمانه على كل حاجه عملتها لنغم و انها عايزه تكسر فرحتها و كل دا بسبب امها الي خلتها كرهت نغم و حقدت عليها من بعد م كانت اختها مش صاحبتها و بنت خالتها

مسحت دموعها لما لاقت تليفونها بيرن 

خدت تليفونها و لاقيتها ضحى صحبتها

سجده...الو

لاحظت ضحى نبرة صوت سجده و قالتلها بخوف

ضحى...مال صوتك انتي معيطه!!

سجده مردتش عليها بسبب انها رجعت تعيط جامد 

ضحى...مالك  طيب يا سجده

سجده...انا زعلانه اوي يا ضحى 

زعلت ضحى جدا على صحبتها و قالتلها

ضحى...ليه بس احكيلي

سجده...انا كنت هكسر فرحتها يا ضحى كنت هوقف جوازتها و هكسر فرحتها عشان اقهرها و ازعلها

اتصدمت ضحى و قالتلها

ضحى...هي مين دي 

سجده...نغم

ضحى...نغم مين؟؟نغم بنت خالتك؟؟

هزت سجده راسها و هي بتقولها

سجده...ايوا

ضحى...طب انا جايالك يا سجده مش هينفع نتكلم في التليفون

سجده...ماشي

...........استغفر الله العظيم و اتوب اليه

فتحت عينيها بتعب لاقت نفسها في اوضة المستشفى و كان موجود هيام و شيري و احلام امها الي كانت بتعيط جامد بحزن و ندم

مسكت دماغها و هي حسه بصداع رهيب و قالتلهم 

نغم...ايه الي حصل

راحولها بسرعه عشان يطمنوا عليها معادا احلام الي كانت خايفه تروحلها نغم تتعب تاني او تكرهها زياده

هيام...حبيبتي عامله ايه دلوقتي

 قالتلها نغم و هي بترجع تسند ضهرها للحيطه لما شافت ان المحلول لسه فاضله شويه

نغم...كويسه الحمدلله

و بصت لأمها الي كانت بصالها و هي بتعيط

عيطت نغم جامد و شيرين خدت احلام و راحت بيها لنغم

بصتلها احلام بأسف كبير و حزن و هي بتعيط

قامت نغم وقفتلها و ابتسمت و هي الدموع في عينيها و قالتلها و هي مش مصدقه

نغم...انتي فعلا ماما؟

ابتسمت احلام ليها بحب كبير و حضنتها 

احلام....مش هسيبك تاني ابدا يا نغم

بعدت نغم عنهم بزهول و خوف لما سمعت هيام بتقول

هيام...مش هينفع تظهري تاني يا احلام بالذات دلوقتي خالص

نغم...يعني ايه 

رجعت بصت تاني لأمها و قالت بخوف من فكرة انها ممكن تسيبها تاني

نغم...انتي هترجعي معايا القصر و مش هتسيبيني تاني صح

في الوقت دا الباب خبط و دخل خالد و مراد عشان يطمنوا على نغم

فرح مراد جدا لما شافها كويسه و قالها بحب

مراد...الف سلامه عليكي يا نغم

ابتسمتله نغم و قالتله 

نغم...الله يسلمك يا مراد

احلام..بصي يا حبيبتي انا زي م هيام قالت مش هينفع اظهر تاني دلوقتي خالص 

كملت بسرعه لما شافت دموع نغم الي اتجمعت في عينيها

احلام...بس انا مش هسيبك و هفضل اكلمك كل شويه متقلقيش

هزت نغم راسها برفض و قالتلها

نغم...لأ 

خالد....اسمعي كلام ماما يا نغم الفتره دي بس و بعدين هترجع القصر تاني

..........سبحان الله و بحمده سبحان الله العظيم

في جنينة القصر كانت سجده بتعيط بندم و ضحى زعلانه عليها جدا

ضحى...سجده يا حبيبتي اهدي و فهميني

مسحت سجده دموعها و قالتلها

سجده....انا و نغم كنا اخوات مش مجرد صحاب بس يا ضحى 

ضحى...جميل ايه الي مزعلك بقى

ابتسمت سجده بسخريه و قالت

سجده...ماما فضلت تكرهني فيها و تقولي انها بتغير مننا و انها عايزه تسرقنا و تاخد البيت دا لحد م مبقتش طايقه نغم و بالرغم من اني معايا دليل يثبت ان دا فعلا بيتها الا اني خليت دنيا المحامية تزور ورق عشان نثبت ان دا بيتنا يا ضحى

شاورت سجده على وشها و قالت

سجده...حتى الجرح دا كان بسببها لأني هددت دنيا اني هقتلّها عمتها لو مجابتش ورق يثبت ان دا بيتنا 

في نفس اليوم الي حصل فيه الحادثه قولت لغدير ترمي ف وش نغم ماية نـ ـار عشان اشو.هلها وشها يا ضحى و نغم متستاهلش كدا يا ضحي دي عمرها م أذت حد

كانت ضحى بتسمع كل دا و هي مصدومه من الي سجده قالته ازاي سجده تعمل كل دا ف صاحبة عمرها

عيطت سجده اكتر و هي بتفتكر كل الحقد الي كانت بتحقده لنغم و قالتلها

سجده....في مره كنا بنتغدى و انا وقعت على ايديها صنية الشربه كلها و هي مرضيتش تقول لماما ان انا السبب بالرغم من ان ماما اصلا عارفه بس هي برضو مقلتلهاش يا ضحى

كملت بعياط اكبر

سجده...يا ريتني م سمعت كلام ماما يا ضحى نغم متستاهلش كل الأذيه دي ...و ابيه يونس ياماا حظرني من اني اسمع كلام ماما و اني ابقى ديما مع الحق و مظلمهاش بس انا مكنتش بسمع كلامه

اتنهدت ضحى بحزن على نغم و قالت لسجده

ضحى...طب مش انتي قولتي انك معاكي الورق الي يثبت ان البيت دا بيتها

مسحت سجده دموعها و قالتلها

سجده...ايوا

ضحى...طب و مستنيه ايه اديلها الورق يا سجده و رجعيلها بيتها الي هو حقها

هزت سجده راسها و قالت

سجده...هعمل كدا

سجده....تعرفي ان انهارده عيد ميلادها

ضحى...طيب قومي نجيبلها هديه

ابتسمت سجده بحزن و قالتلها

سجده....قبل م كل المشاكل دي تحصل كنت مجهزلها هديتها عشان اديهالها انهارده كنت مجهزالها هدية عيد ميلادها من شهور يا ضحى عشان افرحها

ابتسمت و قالتلها

سجده....كنت جايبالها اللاب توب الي كانت عايزاه عشان اللاب توب بتاعها باظ و ماما مرضيتش تجيبلها غيره بحجة ان وقتها الفلوس تكفي مصاريف كليتنا و بالرغم من ان نغم عارفه ان الفلوس كانت تكفي و زياده كمان الا انها متكلمتش ولا زعلت من ماما  

ابتسمت ضحى و قالتلها

ضحى...طيب يلا يا سجده كلميها و اديلها الهديه و اعتذريلها و من كلامك واضح ان هي كويسه و هتسامحك

هزت سجده راسها و مسكت تليفونها رنت على نغم ووووو 

تفتكروا ردة فعل نغم لما تشوف اسم سجده ع الفون هتعمل ايه؟ 

يتبععععع

تكملة الرواية من هنااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا