رواية إنتقام أنثي الفصل الخامس والثلاثون 35بقلم رشا منصور كامله (جميع الفصول كامله)

رواية إنتقام أنثي الفصل الخامس والثلاثون 35بقلم رشا منصور كامله (جميع الفصول كامله)

رواية إنتقام أنثي الفصل الخامس والثلاثون 35بقلم رشا منصور كامله (جميع الفصول كامله)

#إنتقام_أنثي 

جيلان….

قولت له اطمن دول فى عنيا محدش هيقدر يحافظ عليهم غيري اطمن  وأحنا قاعدين لقينا الدكتور جه 

وقال لنا أنا أسف لكن عندى خبر سئ للأسف حالة المريضه فى تد'هور ودخلت فى شلل. وعندها أعراض فير'وس كورونا وحاليا هى معزوله. لحد ما يتم التأكد إذا كانت مصابه بالفيرو'س ولا لآ  

أول ما الدكتور خلص كلامه لقيت عمو عثمان قعد ع الأرض وبيبكي. ع أخته وقولت للدكتور الحقنا يا دكتور عمو متحملش' الخبر يا عيني عليكي يا عمتو يا تري هتتحملي. خبر زى ده ازاى يا أنجي 

ولقيت الدكتور جاب مساعدين واخدوا عمو للطوارئ. وطبعا روحت معاهم علشان اطمن عليه واتصلت ع سناء 

سناء…

كنت فى أوضتي وفجأة لقيت موبايلي بيرن ببص لقيت جيلان أكيد بتتصل علشان بتطمن عليا وأول ما رديت قالتلي ان بابا تعبان. وفى الطوارئ. قولت لها ايه هو اتعدى من الكورونا. 

قالتلي لا ده متحملش خبر ان عمتو جلها شلل وكمان عندها كورونا قولتلها ايه بتقولى ايه 

وغصب عني فضلت اصو'ت وجريت ع مروان أخويا وامى وقولت لهم الخبر والكل فضل يصو'ت 

عبدالرحمن. …

وانا قاعد مع أنجي سمعت صوت صويت. جامد جريت بسرعه ع البيت ولقيت سناء ومرات عمي بيصوتوا قلبي اتقبض. قولت لهم ايه اللى حصل 

سناء قالتلي ع الكلام اللى قالته جيلان لها قولتلها أنا رايح المستشفي حالا وانت يا مروان لازم تجيب حد يعقم. البيت حالا قبل ما الاولاد يجري لهم حاجه 

وطلعت ركبت العربيه وروحت ع المستشفي أعرف ايه الحكايه بالظبط قبل ما أبلغ أنجي 

أول ما وصلت المستشفي سألت عن الدكتور المختص بحالة عمتى وطلبت منه يشرحلي حالتها بالظبط قالي 

حالة عمتك من الحالات النادرة اللى أول مرة أشوفها الحاله أول ما وصلت كانت تعاني من تسمم. فى الد'م واخد الادويه عمل تفاعل  وادى إلي دخولها فى جلطة. ولحقناها الحمد لله لكن الجلطه سابت أثر فى جسمها وده اللي ادي الي الوضع اللى هي عليه دلوقتي شلل. وصعوبه فى النطق 

لكن حاليا بنحاول أننا نعرف ايه سبب التسمم' وعند معرفه السبب ممكن أننا نقلل من مضاعافات الحالة 

كنت مصد'وم من الكلام اللى سمعته وروحت الطوارئ ولقيت عمى عثمان نايم وجيلان قاعدة جنبه بتبكي 

جيلان….

نقلنا عمو عثمان للطوارئ. واخد حقنه مهدئه. ونام وأنا قعدت أبكي ع ابني كان نفسي أقول ل عثمان لولا طمعك. لفلوس أختك كان زمان إبني عايش 

أنا كان فى أيدي إنى امو'ت احسان من غير آى دليل عليا لكن أنا عوزاها تتعذ'ب طول عمرها زى ما أنا ما هفضل متعذ'به ع ابني وبالنسبه ل انجي هى كانت متفرجه طول الوقت عارفه اللى بيحصل وساكته ودلوقتي أنا هخليها بردو متفرجه ع اللى بيحصل مع أمها وهى عارفه أنه ذ'نب ابني 

وزى ما كانت بتواسيني فى ابني أنا كمان هواسيها فى امها  

وببص لقيت عبدالرحمن واقف قدامى وبيبصلي وبيقولى 

أنا عرفت حالة عمتي وأعتقد أنك ممكن تساعدى فى علاجها أنا واثق فى مهارتك … الدكتور اكتشف ان فى تسمم. فى الد'م وده أساس كل اللى هى فيه لكن محدش قادر يعرف السبب ايه ممكن تاخدى عينه وتحليلها يمكن نقدر نوصل لعلاج وتقوم لنا بالسلامة 

قولت له فكرة كويسه بس ده معناه إنى اسافر القاهرة كام يوم وانت شايف حالة الكل عامله ازاى ده غير إنى انهاردة هروح اعقم. الشقه اللى هيقعدوا فيها الأولاد ولازم كلكم تبعدوا عنهم وتعملوا فحص تحليل كورونا 

مع احترامي لكم كلكم بس الأولاد دلوقتي هما الأهم ومناعتهم أضعف منكم بكتير 

قالي أنتي صح حاولى تشوفى ايه الصالح لهم وبعد كدا شوفي موضوع عمتي قولت له من غير ما تطلب منى أنا أعمل كل اللى أقدر عليه اطمن 

روح دلوقتي كلم الغفير كان عمو عثمان طلب منه  ينضف الشقه اللى فوق المخزن لو لقيته خلصها بلغني أشتري المواد المناسبة للتطهير' وتعقيم' البيت قبل ما ننقل الأولاد فيها وبلغ اهلك يشربوا مشروبات سخنه وياكلوا خضار كتير واهم حاجه يكون مغسول كويس وبلاش حلويات نهائي لأنها بتضعف المناعه لحد لما تبقوا تعملوا فحوصات. وخلي بالك من أنجي حاول أنها متخرجش من اوضتها 

وطبعا بعد كلامى معاه خد بعضه ومشي 🏃🏃

وهدان…. 

فضلت قاعد مكاني مش قادر اتحرك إيه اللي بيحصل لنا ده أختى ولمياء وعثمان يارب ألطف بنا 

ولقيت عبدالله ابن إحسان بيعيط وبيقولى بابا مات ودلوقتي ماما هتمو'ت وانجى معاها عبدالرحمن وأنا بقيت لوحدى

 خدته فى حضني قولت له أنا معاك وكلنا جنبك وعمري ما اسيبك وبكره تكبر وانت اللى تخلي بالك منا وخدته فى حضني وفضلت أبكي 

أصعب حاجه الإحساس بالعجز' وأنا شايف حالة أختى الوحيدة ومش قادر اساعدها مافيش فى أيدي غير إنى اخلي بالي من عيالها وادعيلها تقوم بالسلامة 

لمياء…

فضلت أبكي واصو'ت وحاسه كأن الدور عليا أنا كمان معقوله يكون ده ذ'نب أحمد بس أصلا هو ارتاح ده محدش كان مهتم به لا لا أكيد هى كورونا 

طب لو الحقيقية انكشفت وأنا مت. هيعملوا ايه فى ابني 

فينك ياعمتي محتاجاكي اوى ولا المليون جنيه مبقاش فاضل غير يومين أنا حاسة ان روحى بتتسحب بالبطئ 

عثمان….

ابتديت افوق ولقيت جيلان جنبي بتبكي قولت لها ايه اللى حصل وأنا فين حكت ليا ع كل حاجه وان عبدالرحمن جه يتطمن علينا ومشي وان الأفضل أتصل بالبيت ع الأقل علشان يطمنوا عليا لأنهم اتخضوا. أول ما عرفوا إنى فى الطوارئ نفذت كلامها واتصلت بهم وعرفتهم ان من بكره الأولاد هتتنقل بعيد عن البيت ويجهزوا لهم هدومهم والعابهم وقولت لهم أنا هبات هنا وبكره هكون عندكم علشان اخد العيال ع الشقه اللى هيقعدوا فيها 

عبدالرحمن …

روحت البيت لقيت مروان اتفق مع شركه طبية هتعقم. البيت وميعادها بكره وشوفت سناء وطمنتها ع عمي

 وشوفت لمياء ولقيتها بتقولى فاضل يومين أعمل ايه  قولتلها خلينا فى المصيبه' اللى احنا فيها دلوقتي وادعي ان ربنا يعدى الفترة دى ع خير وسيبتها وطلعت ع أنجي

 لقيتها مش مبطله عياط طمنتها وقولتلها متخافيش أول ما نعقم البيت ونطمن ع العيال جيلان هتسافر تعمل تحاليل شامله ل عمتي وان شاء الله هتلاقي لها علاج انتي عارفه جيلان شاطرة ومتعلمه بره يعني خبرتها أعلي من الدكاترة اللى هنا …  المهم دلوقتي خلي بالك من نفسك ومن الحمل 

ونزلت روحت الشقه اللى فوق المخزن ولقيت الناس لسه بتنضف وتروق فيها أكدت عليهم لازم يخلصوا انهاردة 

جيلان ….

فضلت قاعدة مع عمي عثمان لحد ما الدكتور قال لنا وجودكم مالوش لازمه هى ممنوع عنها الزيارة اتفضلوا روحوا ولو فى اى جديد هنتصل بكم خدت عمي وروحنا وأول ما دخلنا لسه سناء هتجري تحضن عمي زعقت. لها قولتلها إحنا جايين من مستشفي يعني ميكروبات وجراثيم لازم كلنا ناخد شاور الأول وتحافظوا ع وجود المسافات 

خافوا ع نفسكم يا جماعه فير'وس كورونا منتشر أوى 

امي حمديه….

كنت زعلانه ع إحسان أوى وع عيالها اليتامي ربنا يقومها بالسلامه علشانهم وفضلت ابكي وأنا شايله آدم ابن بنتي وفضلت أقول يارب كل ده بيحصل لنا ليه لقيت جيلان قالتلي ده ابتلاء من ربنا بيخفف به ذنوبنا ع الأرض 

سناء….

كنت قلقانه أوى وفى نفس الوقت مركزة مع جيلان هى كانت جايه يومين اجازة من الشغل ايه اللى خلاها تقعد كل ده وقلبها علينا كدا معقوله تكون اتغيرت من بعد مو'ت ابنها 

استنيت بعد ما طلعت اوضتها ونزلت جهزت الأكل وطلعت البت بهيه بالصنيه وروحت ل جيلان وقولت لها 

سبحان الله زى ما يكون ربنا عالم أننا هنحتاجك فأجل تعب عمتى لحد لما جيتي انتى زيارة هو المعمل بتاعك شغال ازاى دلوقتي وانتى مش موجودة ولا قفلاه 

قالتلي لا طبعا أنا عندى موظفين ومساعدين وهما اللى شايلين الشغل فى غيابي وكلها يومين واسافر لهم علشان احلل عينه الد'م بتاعة عمتو وأعمل فحص شامل لها وان شاء الله هلاقي علاج مناسب لها وتقوم بالسلامة 

ولقينا الباب بيخبط لما فتحته لقيت عبدالله ابن عمتي 

جيلان…..

ببص لقيت عبدالله ابن إحسان وبيقولى خالي عثمان بيقولك الشقه جاهزة هتقدري تروحي انهاردة ولا تعبانه 

قولت له بلغ خالك إنى هكون جاهزة كمان نص ساعه ممكن يخلي السواق يوصلني اشتري مواد التعقيم. قبل ما اروح الشقه وهو يبقي يرجعني علشان أنا معرفشي ارجع لوحدى 

لقيته بعدها بيقولى ابلة جيلان هى ماما هتمو'ت  

قولت له يا حبيبي أنا بعمل اللى بقدر عليه علشان احافظ عليكم وبكرة ماما تفوق وترجع تقعد معاك من تانى 

اطمن أنا هعمل كل اللى أقدر عليه علشانكم 

واستأذنت من سناء علشان عاوزة أغير هدومى وأول ما خرجت ظبط حاجتى علشان أقوم بالواجب 

يتبع….

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

الرواية كامله من هناااااااااا

مجمع الروايات الكامله من هناااااااا